कृष्ण यजुर्वेदीय तैत्तिरीय संहिता क्रम पाठः
पञ्चमकाण्डे प्रथमः प्रश्नः

कांड ५ प्रश्न १
उख्याग्निकथनं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
सा॒वि॒त्राणि॑ जुहोति⁠। जु॒हो॒ति॒ प्रसू᳚त्यै⁠। प्रसू᳚त्यै चतुर्गृही॒तेन॑⁠। प्रसू᳚त्या॒ इति॒ प्र—सू॒त्यै॒⁠। च॒तु॒र्गृ॒ही॒तेन॑ जुहोति⁠। च॒तु॒गृ॒ही॒तेनेति॑ चतुः—गृ॒ही॒तेन॑⁠। जु॒हो॒ति॒ चतु॑ष्पादः⁠। चतु॑ष्पादः प॒शवः॑⁠। चतु॑ष्पाद॒ इति॒ चतुः॑—पा॒दः॒⁠। प॒शवः॑ प॒शून्⁠। प॒शूने॒व⁠। ए॒वाव॑⁠। अव॑ रुन्धे⁠। रु॒न्धे॒ चत॑स्रः⁠। चत॑स्रो॒ दिशः॑⁠। दिशो॑ दि॒ख्‍षु⁠। दि॒ख्‍ष्वे॑व⁠। ए॒व प्रति॑⁠। प्रति॑ तिष्ठति⁠। ति॒ष्ठ॒ति॒ छन्दा॑ꣳसि⁠। छन्दा॑ꣳसि दे॒वेभ्यः॑⁠। दे॒वेभ्योऽप॑⁠। अपा᳚क्रामन्न्⁠। अ॒क्रा॒म॒न् न⁠। न वः॑⁠। वो॒ऽभा॒गानि॑⁠। अ॒भा॒गानि॑ ह॒व्यम्⁠। ह॒व्यव्ँव॑ख्‍ष्यामः⁠। व॒ख्‍ष्या॒म॒ इति॑⁠। इति॒ तेभ्यः॑⁠। तेभ्य॑ ए॒तत्⁠। ए॒तच् च॑तुर्गृही॒तम्⁠। च॒तु॒र्गृ॒ही॒तम॑धारयन्न्⁠। च॒तु॒र्गृ॒ही॒तमिति॑ चतुः—गृ॒ही॒तम्⁠। अ॒धा॒र॒य॒न् पु॒रो॒नु॒वा॒क्या॑यै⁠। पु॒रो॒नु॒वा॒क्या॑यै या॒ज्या॑यै⁠। पु॒रो॒नु॒वा॒क्या॑या॒ इति॑ पुरः—अ॒नु॒वा॒क्या॑यै⁠। या॒ज्या॑यै दे॒वता॑यै⁠। दे॒वता॑यै वषट्का॒राय॑⁠। व॒ष॒ट्का॒राय॒ यत्⁠। व॒ष॒ट्का॒रायेति॑ वषट्—का॒राय॑⁠। यच् च॑तुर्गृही॒तम्⁠। च॒तु॒र्गृ॒ही॒तम् जु॒होति॑⁠। च॒तु॒र्गृ॒ही॒तमिति॑ चतुः—गृ॒ही॒तम्⁠। जु॒होति॒ छन्दा॑ꣳसि⁠। छन्दा॑ꣴस्ये॒व⁠। ए॒व तत्⁠। तत् प्री॑णाति⁠। प्री॒णा॒ति॒ तानि॑⁠। तान्य॑स्य⁠। अ॒स्य॒ प्री॒तानि॑⁠। प्री॒तानि॑ दे॒वेभ्यः॑⁠। दे॒वेभ्यो॑ ह॒व्यम्⁠। ह॒व्यव्ँव॑हन्ति⁠। व॒ह॒न्ति॒ यम्⁠। यम् का॒मये॑त⁠। का॒मये॑त॒ पापी॑यान्⁠। [१] पापी॑यान्थ् स्यात्⁠। स्या॒दिति॑⁠। इत्येकै॑कम्⁠। एकै॑क॒म् तस्य॑⁠। एकै॑क॒मित्येक᳚म्—ए॒क॒म्⁠। तस्य॑ जुहुयात्⁠। जु॒हु॒या॒दाहु॑तीभिः⁠। आहु॑तीभिरे॒व⁠। आहु॑तीभि॒रित्याहु॑ति—भिः॒⁠। ए॒वैन᳚म्⁠। ए॒न॒मप॑⁠। अप॑ गृह्णाति⁠। गृ॒ह्णा॒ति॒ पापी॑यान्⁠। पापी॑यान् भवति⁠। भ॒व॒ति॒ यम्⁠। यम् का॒मये॑त⁠। का॒मये॑त॒ वसी॑यान्⁠। वसी॑यान्थ् स्यात्⁠। स्या॒दिति॑⁠। इति॒ सर्वा॑णि⁠। सर्वा॑णि॒ तस्य॑⁠। तस्या॑नु॒द्रुत्य॑⁠। अ॒नु॒द्रुत्य॑ जुहुयात्⁠। अ॒नु॒द्रुत्येत्य॑नु—द्रुत्य॑⁠। जु॒हु॒या॒दाहु॑त्या⁠। आहु॑त्यै॒व⁠। आहु॒त्येत्या—हु॒त्या॒⁠। ए॒वैन᳚म्⁠। ए॒न॒म॒भि⁠। अ॒भि क्र॑मयति⁠। क्र॒म॒य॒ति॒ वसी॑यान्⁠। वसी॑यान् भवति⁠। भ॒व॒त्यथो᳚⁠। अथो॑ य॒ज्ञस्य॑⁠। अथो॒ इत्यथो᳚⁠। य॒ज्ञस्यै॒व⁠। ए॒वैषा⁠। ए॒षाऽभिक्रा᳚न्तिः⁠। अ॒भिक्रा᳚न्ति॒रेति॑⁠। अ॒भिक्रा᳚न्ति॒रित्य॒भि—क्रा॒न्तिः॒⁠। एति॒ वै⁠। वा ए॒षः⁠। ए॒ष य॑ज्ञमु॒खात्⁠। य॒ज्ञ॒मु॒खादृद्ध्याः᳚⁠। य॒ज्ञ॒मु॒खादिति॑ यज्ञ—मु॒खात्⁠। ऋद्ध्या॒ यः⁠। यो᳚ऽग्नेः⁠। अ॒ग्नेर् दे॒वता॑याः⁠। दे॒वता॑या॒ एति॑⁠। एत्य॒ष्टौ⁠। अ॒ष्टावे॒तानि॑⁠। ए॒तानि॑ सावि॒त्राणि॑⁠। सा॒वि॒त्राणि॑ भवन्ति⁠। भ॒व॒न्त्य॒ष्टाख्‍ष॑रा⁠। अ॒ष्टाख्‍ष॑रा गाय॒त्री⁠। अ॒ष्टाख्‍ष॒रेत्य॒ष्टा—अ॒ख्‍ष॒रा॒⁠। गा॒य॒त्री गा॑य॒त्रः⁠। गा॒य॒त्रो᳚ऽग्निः⁠। [२] अ॒ग्निस्तेन॑⁠। तेनै॒व⁠। ए॒व य॑ज्ञमु॒खात्⁠। य॒ज्ञ॒मु॒खादृद्ध्याः᳚⁠। य॒ज्ञ॒मु॒खादिति॑ यज्ञ—मु॒खात्⁠। ऋद्ध्या॑ अ॒ग्नेः⁠। अ॒ग्नेर् दे॒वता॑यै⁠। दे॒वता॑यै॒ न⁠। नैति॑⁠। एत्य॒ष्टौ⁠। अ॒ष्टौ सा॑वि॒त्राणि॑⁠। सा॒वि॒त्राणि॑ भवन्ति⁠। भ॒व॒न्त्याहु॑तिः⁠। आहु॑तिर् नव॒मी⁠। आहु॑ति॒रित्या—हु॒तिः॒⁠। न॒व॒मी त्रि॒वृत᳚म्⁠। त्रि॒वृत॑मे॒व⁠। त्रि॒वृत॒मिति॑ त्रि—वृत᳚म्⁠। ए॒व य॑ज्ञमु॒खे⁠। य॒ज्ञ॒मु॒खे वि⁠। य॒ज्ञ॒मु॒ख इति॑ यज्ञ—मु॒खे⁠। वि या॑तयति⁠। या॒त॒य॒ति॒ यदि॑⁠। यदि॑ का॒मये॑त⁠। का॒मये॑त॒ छन्दा॑ꣳसि⁠। छन्दा॑ꣳसि यज्ञयश॒सेन॑⁠। य॒ज्ञ॒य॒श॒सेना᳚र्पयेयम्⁠। य॒ज्ञ॒य॒श॒सेनेति॑ यज्ञ—य॒श॒सेन॑⁠। अ॒र्प॒ये॒य॒मिति॑⁠। इत्यृच᳚म्⁠। ऋच॑मन्त॒माम्⁠। अ॒न्त॒माम् कु॑र्यात्⁠। कु॒र्या॒च्छन्दा॑ꣳसि⁠। छन्दा॑ꣴस्ये॒व⁠। ए॒व य॑ज्ञयश॒सेन॑⁠। य॒ज्ञ॒य॒श॒सेना᳚र्पयति⁠। य॒ज्ञ॒य॒श॒सेनेति॑ यज्ञ—य॒श॒सेन॑⁠। अ॒र्प॒य॒ति॒ यदि॑⁠। यदि॑ का॒मये॑त⁠। का॒मये॑त॒ यज॑मानम्⁠। यज॑मानय्ँयज्ञयश॒सेन॑⁠। य॒ज्ञ॒य॒श॒सेना᳚र्पयेयम्⁠। य॒ज्ञ॒य॒श॒सेनेति॑ यज्ञ—य॒श॒सेन॑⁠। अ॒र्प॒ये॒य॒मिति॑⁠। इति॒ यजुः॑⁠। यजु॑रन्त॒मम्⁠। अ॒न्त॒मम् कु॑र्यात्⁠। कु॒र्या॒द् यज॑मानम्⁠। यज॑मानमे॒व⁠। ए॒व य॑ज्ञयश॒सेन॑⁠। य॒ज्ञ॒य॒श॒सेना᳚र्पयति⁠। य॒ज्ञ॒य॒श॒सेनेति॑ यज्ञ—य॒श॒सेन॑⁠। अ॒र्प॒य॒त्यृ॒चा⁠। ऋ॒चा स्तोम᳚म्⁠। स्तोम॒ꣳ॒ सम्⁠। सम॑र्द्धय⁠। अ॒र्द्ध॒येति॑⁠। इत्या॑ह⁠। [३] आ॒ह॒ समृ॑द्ध्यै⁠। समृ॑द्ध्यै च॒तुर्भिः॑⁠। समृ॑द्ध्या॒ इति॒ सम्—ऋ॒द्ध्यै॒⁠। च॒तुर्भि॒रभ्रि᳚म्⁠। च॒तुर्भि॒रिति॑ च॒तुः—भिः॒⁠। अभ्रि॒मा⁠। आ द॑त्ते⁠। द॒त्ते॒ च॒त्वारि॑⁠। च॒त्वारि॒ छन्दा॑ꣳसि⁠। छन्दा॑ꣳसि॒ छन्दो॑भिः⁠। छन्दो॑भिरे॒व⁠। छन्दो॑भि॒रिति॒ छन्दः॑—भिः॒⁠। ए॒व दे॒वस्य॑⁠। दे॒वस्य॑ त्वा⁠। त्वा॒ स॒वि॒तुः⁠। स॒वि॒तुः प्र॑स॒वे⁠। प्र॒स॒व इति॑⁠। प्र॒स॒व इति॑ प्र—स॒वे⁠। इत्या॑ह⁠। आ॒ह॒ प्रसू᳚त्यै⁠। प्रसू᳚त्या अ॒ग्निः⁠। प्रसू᳚त्या॒ इति॒ प्र—सू॒त्यै॒⁠। अ॒ग्निर् दे॒वेभ्यः॑⁠। दे॒वेभ्यो॒ निला॑यत⁠। निला॑यत॒ सः⁠। स वेणु᳚म्⁠। वेणु॒म् प्र⁠। प्रावि॑शत्⁠। अ॒वि॒श॒थ् सः⁠। स ए॒ताम्⁠। ए॒तामू॒तिम्⁠। ऊ॒तिमनु॑⁠। अनु॒ सम्⁠। सम॑चरत्⁠। अ॒च॒र॒द् यत्⁠। यद् वेणोः᳚⁠। वेणोः᳚ सुषि॒रम्⁠। सु॒षि॒रꣳ सु॑षि॒रा⁠। सु॒षि॒राऽभ्रिः॑⁠। अभ्रि॑र् भवति⁠। भ॒व॒ति॒ स॒यो॒नि॒त्वाय॑⁠। स॒यो॒नि॒त्वाय॒ सः⁠। स॒यो॒नि॒त्वायेति॑ सयोनि—त्वाय॑⁠। स यत्र॑यत्र⁠। यत्र॑य॒त्राव॑सत्⁠। यत्र॑य॒त्रेति॒ यत्र॑—य॒त्र॒⁠। अव॑स॒त् तत्⁠। तत् कृ॒ष्णम्⁠। कृ॒ष्णम॑भवत्⁠। अ॒भ॒व॒त् क॒ल्मा॒षी⁠। क॒ल्मा॒षी भ॑वति⁠। भ॒व॒ति॒ रू॒पस॑मृद्ध्यै⁠। रू॒पस॑मृद्ध्या उभयतः॒ख्‍ष्णूः⁠। रू॒पस॑मृद्ध्या॒ इति॑ रू॒प—स॒मृ॒द्ध्यै॒⁠। उ॒भ॒य॒तः॒ख्‍ष्णूर् भ॑वति⁠। उ॒भ॒य॒तः॒ख्‍ष्णूरित्यु॑भयतः—ख्‍ष्णूः⁠। भ॒व॒ती॒तः⁠। इ॒तश्च॑⁠। चा॒मुतः॑⁠। अ॒मुत॑श्च⁠। चा॒र्कस्य॑⁠। अ॒र्कस्याव॑रुद्ध्यै⁠। अव॑रुद्ध्यै व्याममा॒त्री⁠। अव॑रुद्ध्या॒ इत्यव॑—रु॒द्ध्यै॒⁠। व्या॒म॒मा॒त्री भ॑वति⁠। व्या॒म॒मा॒त्रीति॑ व्याम—मा॒त्री⁠। भ॒व॒त्ये॒ताव॑त्⁠। ए॒ताव॒द् वै⁠। वै पुरु॑षे⁠। पुरु॑षे वी॒र्य᳚म्⁠। वी॒र्य॑व्ँवी॒र्य॑सम्मिता⁠। वी॒र्य॑सम्मि॒ताऽप॑रिमिता⁠। वी॒र्य॑सम्मि॒तेति॑ वी॒र्य॑—स॒म्मि॒ता॒⁠। अप॑रिमिता भवति⁠। अप॑रिमि॒तेत्यप॑रि—मि॒ता॒⁠। भ॒व॒त्यप॑रिमितस्य⁠। अप॑रिमित॒स्याव॑रुद्ध्यै⁠। अप॑रिमित॒स्येत्यप॑रि—मि॒त॒स्य॒⁠। अव॑रुद्ध्यै॒ यः⁠। अव॑रुद्ध्या॒ इत्यव॑—रु॒द्ध्यै॒⁠। यो वन॒स्पती॑नाम्⁠। वन॒स्पती॑नाम् फल॒ग्रहिः॑⁠। फ॒ल॒ग्रहिः॒ सः⁠। फ॒ल॒ग्रहि॒रिति॑ फल—ग्रहिः॑⁠। स ए॑षाम्⁠। ए॒षा॒व्ँवी॒र्या॑वान्⁠। वी॒र्या॑वान् फल॒ग्रहिः॑⁠। वी॒र्या॑वा॒निति॑ वी॒र्य॑—वा॒न्॒⁠। फ॒ल॒ग्रहि॒र् वेणुः॑⁠। फ॒ल॒ग्रहि॒रिति॑ फल—ग्रहिः॑⁠। वेणु॑र् वैण॒वी⁠। वै॒ण॒वी भ॑वति⁠। भ॒व॒ति॒ वी॒र्य॑स्य⁠। वी॒र्य॑स्याव॑रुद्ध्यै⁠। अव॑रुद्ध्या॒ इत्यव॑—रु॒द्ध्यै॒⁠॥ [४] (का॒मये॑त गाय॒त्रो᳚ ऽर्द्ध॒येति॑ च स॒प्तवि॑ꣳशतिश्च) ॥१॥
व्यृ॑द्ध॒व्ँवै⁠। व्यृ॑द्ध॒मिति॒ वि—ऋ॒द्ध॒म्⁠। वा ए॒तत्⁠। ए॒तद् य॒ज्ञस्य॑⁠। य॒ज्ञस्य॒ यत्⁠। यद॑य॒जुष्के॑ण⁠। अ॒य॒जुष्के॑ण क्रि॒यते᳚⁠। अ॒य॒जुष्के॒णेत्य॑य॒जुः—के॒न॒⁠। क्रि॒यत॑ इ॒माम्⁠। इ॒माम॑गृभ्णन्न्⁠। अ॒गृ॒भ्ण॒न् रश॑नाम्⁠। र॒श॒नामृ॒तस्य॑⁠। ऋ॒तस्येति॑⁠। इत्य॑श्वाभि॒धानी᳚म्⁠। अ॒श्वा॒भि॒धानी॒मा⁠। अ॒श्वा॒भि॒धानी॒मित्य॑श्व—अ॒भि॒धानी᳚म्⁠। आ द॑त्ते⁠। द॒त्ते॒ यजु॑ष्कृत्यै⁠। यजु॑ष्कृत्यै य॒ज्ञस्य॑⁠। यजु॑ष्कृत्या॒ इति॒ यजुः॑—कृ॒त्यै॒⁠। य॒ज्ञस्य॒ समृ॑द्ध्यै⁠। समृ॑द्ध्यै॒ प्रतू᳚र्तम्⁠। समृ॑द्ध्या॒ इति॒ सम्—ऋ॒द्ध्यै॒⁠। प्रतू᳚र्तव्ँवाजिन्न्⁠। प्रतू᳚र्त॒मिति॒ प्र—तू॒र्त॒म्⁠। वा॒जि॒न्ना⁠। आ द्र॑व⁠। द्र॒वेति॑⁠। इत्यश्व᳚म्⁠। अश्व॑म॒भि⁠। अ॒भि द॑धाति⁠। द॒धा॒ति॒ रू॒पम्⁠। रू॒पमे॒व⁠। ए॒वास्य॑⁠। अ॒स्यै॒तत्⁠। ए॒तन् म॑हि॒मान᳚म्⁠। म॒हि॒मान॒व्ँव्याच॑ष्टे⁠। व्याच॑ष्टे यु॒ञ्जाथा᳚म्⁠। व्याच॑ष्ट॒ इति॑ वि—आच॑ष्टे⁠। यु॒ञ्जाथा॒ꣳ॒ रास॑भम्⁠। रास॑भय्ँयु॒वम्⁠। यु॒वमिति॑⁠। इति॑ गर्द॒भम्⁠। ग॒र्द॒भमस॑ति⁠। अस॑त्ये॒व⁠। ए॒व ग॑र्द॒भम्⁠। ग॒र्द॒भम् प्रति॑⁠। प्रति॑ ष्ठापयति⁠। स्था॒प॒य॒ति॒ तस्मा᳚त्⁠। तस्मा॒दश्वा᳚त्⁠। अश्वा᳚द् गर्द॒भः⁠। ग॒र्द॒भोऽस॑त्तरः⁠। अस॑त्तरो॒ योगे॑योगे⁠। अस॑त्तर॒ इत्यस॑त्—त॒रः॒⁠। योगे॑योगे त॒वस्त॑रम्⁠। योगे॑योग॒ इति॒ योगे᳚—यो॒गे॒⁠। त॒वस्त॑र॒मिति॑⁠। त॒वस्त॑र॒मिति॑ त॒वः—त॒र॒म्⁠। इत्या॑ह⁠। आ॒ह॒ योगे॑योगे⁠। [५] योगे॑योग ए॒व⁠। योगे॑योग॒ इति॒ योगे᳚—यो॒गे॒⁠। ए॒वैन᳚म्⁠। ए॒न॒य्ँयु॒ङ्‍क्ते॒⁠। यु॒ङ्‍क्ते॒ वाजे॑वाजे⁠। वाजे॑वाजे हवामहे⁠। वाजे॑वाज॒ इति॒ वाजे᳚—वा॒जे॒⁠। ह॒वा॒म॒ह॒ इति॑⁠। इत्या॑ह⁠। आ॒हान्न᳚म्⁠। अन्न॒व्ँवै⁠। वै वाजः॑⁠। वाजोऽन्न᳚म्⁠। अन्न॑मे॒व⁠। ए॒वाव॑⁠। अव॑ रुन्धे⁠। रु॒न्धे॒ सखा॑यः⁠। सखा॑य॒ इन्द्र᳚म्⁠। इन्द्र॑मू॒तये᳚⁠। ऊ॒तय॒ इति॑⁠। इत्या॑ह⁠। आ॒हे॒न्द्रि॒यम्⁠। इ॒न्द्रि॒यमे॒व⁠। ए॒वाव॑⁠। अव॑ रुन्धे⁠। रु॒न्धे॒ऽग्निः⁠। अ॒ग्निर् दे॒वेभ्यः॑⁠। दे॒वेभ्यो॒ निला॑यत⁠। निला॑यत॒ तम्⁠। तम् प्र॒जाप॑तिः⁠। प्र॒जाप॑ति॒रनु॑⁠। प्र॒जाप॑ति॒रिति॑ प्र॒जा—प॒तिः॒⁠। अन्व॑विन्दत्⁠। अ॒वि॒न्द॒त् प्रा॒जा॒प॒त्यः⁠। प्रा॒जा॒प॒त्योऽश्वः॑⁠। प्रा॒जा॒प॒त्य इति॑ प्राजा—प॒त्यः⁠। अश्वोऽश्वे॑न⁠। अश्वे॑न॒ सम्⁠। सम् भ॑रति⁠। भ॒र॒त्यनु॑वित्यै⁠। अनु॑वित्यै पापवस्य॒सम्⁠। अनु॑वित्या॒ इत्यनु॑—वि॒त्यै॒⁠। पा॒प॒व॒स्य॒सव्ँवै⁠। पा॒प॒व॒स्य॒समिति॑ पाप—व॒स्य॒सम्⁠। वा ए॒तत्⁠। ए॒तत् क्रि॑यते⁠। क्रि॒य॒ते॒ यत्⁠। यच्छ्रेय॑सा⁠। श्रेय॑सा च⁠। च॒ पापी॑यसा⁠। पापी॑यसा च⁠। च॒ स॒मा॒नम्⁠। स॒मा॒नम् कर्म॑⁠। कर्म॑ कु॒र्वन्ति॑⁠। कु॒र्वन्ति॒ पापी॑यान्⁠। पापी॑या॒न्‌हि⁠। [६] ह्यश्वा᳚त्⁠। अश्वा᳚द् गर्द॒भः⁠। ग॒र्द॒भोऽश्व᳚म्⁠। अश्व॒म् पूर्व᳚म्⁠। पूर्व॑म् नयन्ति⁠। न॒य॒न्ति॒ पा॒प॒व॒स्य॒सस्य॑⁠। पा॒प॒व॒स्य॒सस्य॒ व्यावृ॑त्त्यै⁠। पा॒प॒व॒स्य॒सस्येति॑ पाप—व॒स्य॒सस्य॑⁠। व्यावृ॑त्त्यै॒ तस्मा᳚त्⁠। व्यावृ॑त्त्या॒ इति॑ वि—आवृ॑त्त्यै⁠। तस्मा॒च्छ्रेया॑ꣳसम्⁠। श्रेया॑ꣳस॒म् पापी॑यान्⁠। पापी॑यान् प॒श्चात्⁠। प॒श्चादनु॑⁠। अन्वे॑ति⁠। ए॒ति॒ ब॒हुः⁠। ब॒हुर् वै⁠। वै भव॑तः⁠। भव॑तो॒ भ्रातृ॑व्यः⁠। भ्रातृ॑व्यो॒ भव॑ति⁠। भव॑तीव⁠। इ॒व॒ खलु॑⁠। खलु॒ वै⁠। वा ए॒षः⁠। ए॒ष यः⁠। यो᳚ऽग्निम्⁠। अ॒ग्निम् चि॑नु॒ते⁠। चि॒नु॒ते व॒ज्री⁠। व॒ज्र्यश्वः॑⁠। अश्वः॑ प्र॒तूर्व॑न्न्⁠। प्र॒तूर्व॒न्ना⁠। प्र॒तूर्व॒न्निति॑ प्र—तूर्व॑न्न्⁠। एहि॑⁠। इ॒ह्य॒व॒क्राम॑न्न्⁠। अ॒व॒क्राम॒न्नश॑स्तीः⁠। अ॒व॒क्राम॒न्नित्य॑व—क्राम॑न्न्⁠। अश॑स्ती॒रिति॑⁠। इत्या॑ह⁠। आ॒ह॒ वज्रे॑ण⁠। वज्रे॑णै॒व⁠। ए॒व पा॒प्मान᳚म्⁠। पा॒प्मान॒म् भ्रातृ॑व्यम्⁠। भ्रातृ॑व्य॒मव॑⁠। अव॑ क्रामति⁠। क्रा॒म॒ति॒ रु॒द्रस्य॑⁠। रु॒द्रस्य॒ गाण॑पत्यात्⁠। गाण॑पत्या॒दिति॑⁠। गाण॑पत्या॒दिति॒ गाण॑—प॒त्या॒त्॒⁠। इत्या॑ह⁠। आ॒ह॒ रौ॒द्राः⁠। रौ॒द्रा वै⁠। वै प॒शवः॑⁠। प॒शवो॑ रु॒द्रात्⁠। रु॒द्रादे॒व⁠। [७] ए॒व प॒शून्⁠। प॒शून् नि॒र्याच्य॑⁠। नि॒र्याच्या॒त्मने᳚⁠। नि॒र्याच्येति॑ निः—याच्य॑⁠। आ॒त्मने॒ कर्म॑⁠। कर्म॑ कुरुते⁠। कु॒रु॒ते॒ पू॒ष्णा⁠। पू॒ष्णा स॒युजा᳚⁠। स॒युजा॑ स॒ह⁠। स॒युजेति॑ स—युजा᳚⁠। स॒हेति॑⁠। इत्या॑ह⁠। आ॒ह॒ पू॒षा⁠। पू॒षा वै⁠। वा अद्ध्व॑नाम्⁠। अद्ध्व॑नाꣳ सन्ने॒ता⁠। स॒न्ने॒ता सम॑ष्ट्‍यै⁠। स॒न्ने॒तेति॑ सम्—ने॒ता⁠। सम॑ष्ट्‍यै॒ पुरी॑षायतनः⁠। सम॑ष्ट्‍या॒ इति॒ सम्—अ॒ष्ट्‍यै॒⁠। पुरी॑षायतनो॒ वै⁠। पुरी॑षायतन॒ इति॒ पुरी॑ष—आ॒य॒त॒नः॒⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निरङ्‍गि॑रसः⁠। अङ्‍गि॑रसो॒ वै⁠। वा ए॒तम्⁠। ए॒तमग्रे᳚⁠। अग्रे॑ दे॒वता॑नाम्⁠। दे॒वता॑ना॒ꣳ॒ सम्⁠। सम॑भरन्न्⁠। अ॒भ॒र॒न् पृ॒थि॒व्याः⁠। पृ॒थि॒व्याः स॒धस्था᳚त्⁠। स॒धस्था॑द॒ग्निम्⁠। स॒धस्था॒दिति॑ स॒ध—स्था॒त्॒⁠। अ॒ग्निम् पु॑री॒ष्य᳚म्⁠। पु॒री॒ष्य॑मङ्‍गिर॒स्वत्⁠। अ॒ङ्‍गि॒र॒स्वदच्छ॑⁠। अच्छे॑हि⁠। एहीति॑⁠। इत्या॑ह⁠। आ॒ह॒ साय॑तनम्⁠। साय॑तनमे॒व⁠। साय॑तन॒मिति॒ स—आ॒य॒त॒न॒म्⁠। ए॒वैन᳚म्⁠। ए॒न॒म् दे॒वता॑भिः⁠। दे॒वता॑भिः॒ सम्⁠। सम् भ॑रति⁠। भ॒र॒त्य॒ग्निम्⁠। अ॒ग्निम् पु॑री॒ष्य᳚म्⁠। पु॒री॒ष्य॑मङ्‍गिर॒स्वत्⁠। अ॒ङ्‍गि॒र॒स्वदच्छ॑⁠। अच्छे॑मः⁠। इ॒म॒ इति॑⁠। इत्या॑ह⁠। आ॒ह॒ येन॑⁠। येन॑ स॒ङ्‍गच्छ॑ते⁠। [८] स॒ङ्‍गच्छ॑ते॒ वाज᳚म्⁠। स॒ङ्‍गच्छ॑त॒ इति॑ सम्—गच्छ॑ते⁠। वाज॑मे॒व⁠। ए॒वास्य॑⁠। अ॒स्य॒ वृ॒ङ्‍क्ते॒⁠। वृ॒ङ्‍क्ते॒ प्र॒जाप॑तये⁠। प्र॒जाप॑तये प्रति॒प्रोच्य॑⁠। प्र॒जाप॑तय॒ इति॑ प्र॒जा—प॒त॒ये॒⁠। प्र॒ति॒प्रोच्या॒ग्निः⁠। प्र॒ति॒प्रोच्येति॑ प्रति—प्रोच्य॑⁠। अ॒ग्निः स॒म्भृत्यः॑⁠। स॒म्भृत्य॒ इति॑⁠। स॒म्भृत्य॒ इति॑ सम्—भृत्यः॑⁠। इत्या॑हुः⁠। आ॒हुरि॒यम्⁠। इ॒यव्ँवै⁠। वै प्र॒जाप॑तिः⁠। प्र॒जाप॑ति॒स्तस्याः᳚⁠। प्र॒जाप॑ति॒रिति॑ प्र॒जा—प॒तिः॒⁠। तस्या॑ ए॒तत्⁠। ए॒तच्छ्रोत्र᳚म्⁠। श्रोत्र॒य्ँयत्⁠। यद् व॒ल्मीकः॑⁠। व॒ल्मीको॒ऽग्निम्⁠। अ॒ग्निम् पु॑री॒ष्य᳚म्⁠। पु॒री॒ष्य॑मङ्‌गिर॒स्वत्⁠। अ॒ङ्‌गि॒र॒स्वद् भ॑रिष्यामः⁠। भ॒रि॒ष्या॒म॒ इति॑⁠। इति॑ वल्मीकव॒पाम्⁠। व॒ल्मी॒क॒व॒पामुप॑⁠। व॒ल्मी॒क॒व॒पामिति॑ वल्मीक—व॒पाम्⁠। उप॑ तिष्ठते⁠। ति॒ष्ठ॒ते॒ सा॒ख्‍षात्⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। ए॒व प्र॒जाप॑तये⁠। प्र॒जाप॑तये प्रति॒प्रोच्य॑⁠। प्र॒जाप॑तय॒ इति॑ प्र॒जा—प॒त॒ये॒⁠। प्र॒ति॒प्रोच्या॒ग्निम्⁠। प्र॒ति॒प्रोच्येति॑ प्रति—प्रोच्य॑⁠। अ॒ग्निꣳ सम्⁠। सम् भ॑रति⁠। भ॒र॒त्य॒ग्निम्⁠। अ॒ग्निम् पु॑री॒ष्य᳚म्⁠। पु॒री॒ष्य॑मङ्‌गिर॒स्वत्⁠। अ॒ङ्‌गि॒र॒स्वद् भ॑रामः⁠। भ॒रा॒म॒ इति॑⁠। इत्या॑ह⁠। आ॒ह॒ येन॑⁠। येन॑ स॒ङ्‌गच्छ॑ते⁠। स॒ङ्‌गच्छ॑ते॒ वाज᳚म्⁠। स॒ङ्‌गच्छ॑त॒ इति॑ सम्—गच्छ॑ते⁠। वाज॑मे॒व⁠। ए॒वास्य॑⁠। अ॒स्य॒ वृ॒ङ्‍क्ते॒⁠। वृ॒ङ्‍क्तेऽनु॑⁠। अन्व॒ग्निः⁠। अ॒ग्निरु॒षसा᳚म्⁠। उ॒षसा॒मग्र᳚म्⁠। अग्र॑मख्यत्⁠। [९] अ॒ख्य॒दिति॑⁠। इत्या॑ह⁠। आ॒हानु॑ख्यात्यै⁠। अनु॑ख्यात्या आ॒गत्य॑⁠। अनु॑ख्यात्या॒ इत्यनु॑—ख्या॒त्यै॒⁠। आ॒गत्य॑ वा॒जी⁠। आ॒गत्येत्या᳚—गत्य॑⁠। वा॒ज्यद्ध्व॑नः⁠। अद्ध्व॑न आ॒क्रम्य॑⁠। आ॒क्रम्य॑ वाजिन्न्⁠। आ॒क्रम्येत्या᳚—क्रम्य॑⁠। वा॒जि॒न् पृ॒थि॒वीम्⁠। पृ॒थि॒वीमिति॑⁠। इत्या॑ह⁠। आ॒हे॒च्छति॑⁠। इ॒च्छत्ये॒व⁠। ए॒वैन᳚म्⁠। ए॒न॒म् पूर्व॑या⁠। पूर्व॑या वि॒न्दति॑⁠। वि॒न्दत्युत्त॑रया⁠। उत्त॑रया॒ द्वाभ्या᳚म्⁠। उत्त॑र॒येत्युत्—त॒र॒या॒⁠। द्वाभ्या॒मा⁠। आ क्र॑मयति⁠। क्र॒म॒य॒ति॒ प्रति॑ष्ठित्यै⁠। प्रति॑ष्ठित्या॒ अनु॑रूपाभ्याम्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अनु॑रूपाभ्या॒म् तस्मा᳚त्⁠। अनु॑रूपाभ्या॒मित्यनु॑—रू॒पा॒भ्या॒म्⁠। तस्मा॒दनु॑रूपाः⁠। अनु॑रूपाः प॒शवः॑⁠। अनु॑रूपा॒ इत्यनु॑—रू॒पाः॒⁠। प॒शवः॒ प्र⁠। प्र जा॑यन्ते⁠। जा॒य॒न्ते॒ द्यौः⁠। द्यौस्ते᳚⁠। ते॒ पृ॒ष्ठम्⁠। पृ॒ष्ठम् पृ॑थि॒वी⁠। पृ॒थि॒वी स॒धस्थ᳚म्⁠। स॒धस्थ॒मिति॑⁠। स॒धस्थ॒मिति॑ स॒ध—स्थ॒म्⁠। इत्या॑ह⁠। आ॒है॒भ्यः⁠। ए॒भ्यो वै⁠। वा ए॒तम्⁠। ए॒तल्ँलो॒केभ्यः॑⁠। लो॒केभ्यः॑ प्र॒जाप॑तिः⁠। प्र॒जाप॑तिः॒ सम्⁠। प्र॒जाप॑ति॒रिति॑ प्र॒जा—प॒तिः॒⁠। समै॑रयत्⁠। ऐ॒र॒य॒द् रू॒पम्⁠। रू॒पमे॒व⁠। ए॒वास्य॑⁠। अ॒स्यै॒तत्⁠। ए॒तन् म॑हि॒मान᳚म्⁠। म॒हि॒मान॒व्ँव्याच॑ष्टे⁠। व्याच॑ष्टे व॒ज्री⁠। व्याच॑ष्ट॒ इति॑ वि—आच॑ष्टे⁠। व॒ज्री वै⁠। वा ए॒षः⁠। ए॒ष यत्⁠। यदश्वः॑⁠। अश्वो॑ द॒द्भिः⁠। द॒द्भिर॒न्यतो॑दद्भ्यः⁠। द॒द्भिरिति॑ दत्—भिः⁠। अ॒न्यतो॑दद्भ्यो॒ भूया॑न्⁠। अ॒न्यतो॑दद्भ्य॒ इत्य॒न्यतो॑दत्—भ्यः॒⁠। भूया॒न् लोम॑भिः⁠। लोम॑भिरुभ॒याद॑द्भ्यः⁠। लोम॑भि॒रिति॒ लोम॑—भिः॒⁠। उ॒भ॒याद॑द्भ्यो॒ यम्⁠। उ॒भ॒याद॑द्भ्य॒ इत्यु॑भ॒याद॑त्—भ्यः॒⁠। यम् द्वि॒ष्यात्⁠। द्वि॒ष्यात् तम्⁠। तम॑धस्प॒दम्⁠। अ॒ध॒स्प॒दम् ध्या॑येत्⁠। अ॒ध॒स्प॒दमित्य॑धः—प॒दम्⁠। ध्या॒ये॒द् वज्रे॑ण⁠। वज्रे॑णै॒व⁠। ए॒वैन᳚म्⁠। ए॒न॒ꣴ॒ स्तृ॒णु॒ते॒⁠। स्तृ॒णु॒त॒ इति॑ स्तणुते⁠॥ [१०] (आ॒ह पापी॑यान् रु॒द्रादे॒व येना अग्र॑म् व॒ज्री वै स॒प्त द॑श च) ॥२॥
उत् क्रा॑म⁠। क्रा॒मोत्⁠। उद॑क्रमीत्⁠। अ॒क्र॒मी॒दिति॑⁠। इति॒ द्वाभ्या᳚म्⁠। द्वाभ्या॒मुत्⁠। उत् क्र॑मयति⁠। क्र॒म॒य॒ति॒ प्रति॑ष्ठित्यै⁠। प्रति॑ष्ठित्या॒ अनु॑रूपाभ्याम्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अनु॑रूपाभ्या॒म् तस्मा᳚त्⁠। अनु॑रूपाभ्या॒मित्यनु॑—रू॒पा॒भ्या॒म्⁠। तस्मा॒दनु॑रूपाः⁠। अनु॑रूपाः प॒शवः॑⁠। अनु॑रूपा॒ इत्यनु॑—रू॒पाः॒⁠। प॒शवः॒ प्र⁠। प्र जा॑यन्ते⁠। जा॒य॒न्ते॒ऽपः⁠। अ॒प उप॑⁠। उप॑ सृजति⁠। सृ॒ज॒ति॒ यत्र॑⁠। यत्र॒ वै⁠। वा आपः॑⁠। आप॑ उप॒गच्छ॑न्ति⁠। उ॒प॒गच्छ॑न्ति॒ तत्⁠। उ॒प॒गच्छ॒न्तीत्यु॑प—गच्छ॑न्ति⁠। तदोष॑धयः⁠। ओष॑धयः॒ प्रति॑⁠। प्रति॑ तिष्ठन्ति⁠। ति॒ष्ठ॒न्त्योष॑धीः⁠। ओष॑धीः प्रति॒तिष्ठ॑न्तीः⁠। प्र॒ति॒तिष्ठ॑न्तीः प॒शवः॑⁠। प्र॒ति॒तिष्ठ॑न्ती॒रिति॑ प्रति—तिष्ठ॑न्तीः⁠। प॒शवोऽनु॑⁠। अनु॒ प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ प॒शून्⁠। प॒शून्‌य॒ज्ञः⁠। य॒ज्ञो य॒ज्ञम्⁠। य॒ज्ञय्ँयज॑मानः⁠। यज॑मानो॒ यज॑मानम्⁠। यज॑मानम् प्र॒जाः⁠। प्र॒जास्तस्मा᳚त्⁠। प्र॒जा इति॑ प्र—जाः⁠। तस्मा॑द॒पः⁠। अ॒प उप॑⁠। उप॑ सृजति⁠। सृ॒ज॒ति॒ प्रति॑ष्ठित्यै⁠। प्रति॑ष्ठित्यै॒ यत्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। यद॑द्ध्व॒र्युः⁠। अ॒द्ध्व॒र्युर॑न॒ग्नौ⁠। अ॒न॒ग्नावाहु॑तिम्⁠। आहु॑तिम् जुहु॒यात्⁠। आहु॑ति॒मित्या—हु॒ति॒म्⁠। जु॒हु॒याद॒न्धः⁠। अ॒न्धो᳚ऽद्ध्व॒र्युः⁠। अ॒द्ध्व॒र्युः स्या᳚त्⁠। [११] स्या॒द् रख्‍षा॑ꣳसि⁠। रख्‍षा॑ꣳसि य॒ज्ञम्⁠। य॒ज्ञꣳ ह॑न्युः⁠। ह॒न्यु॒र्॒‌हिर॑ण्यम्⁠। हिर॑ण्यमु॒पास्य॑⁠। उ॒पास्य॑ जुहोति⁠। उ॒पास्येत्यु॑प—अस्य॑⁠। जु॒हो॒त्य॒ग्नि॒वति॑⁠। अ॒ग्नि॒वत्ये॒व⁠। अ॒ग्नि॒वतीत्य॑ग्नि—वति॑⁠। ए॒व जु॑होति⁠। जु॒हो॒ति॒ न⁠। नान्धः॑⁠। अ॒न्धो᳚ऽद्ध्व॒र्युः⁠। अ॒द्ध्व॒र्युर् भव॑ति⁠। भव॑ति॒ न⁠। न य॒ज्ञम्⁠। य॒ज्ञꣳ रख्‍षा॑ꣳसि⁠। रख्‍षा॑ꣳसि घ्नन्ति⁠। घ्न॒न्ति॒ जिघ॑र्मि⁠। जिघ॑र्म्य॒ग्निम्⁠। अ॒ग्निम् मन॑सा⁠। मन॑सा घृ॒तेन॑⁠। घृ॒तेनेति॑⁠। इत्या॑ह⁠। आ॒ह॒ मन॑सा⁠। मन॑सा॒ हि⁠। हि पुरु॑षः⁠। पुरु॑षो य॒ज्ञम्⁠। य॒ज्ञम॑भि॒गच्छ॑ति⁠। अ॒भि॒गच्छ॑ति प्रति॒ख्‍ष्यन्त᳚म्⁠। अ॒भि॒गच्छ॒तीत्य॑भि—गच्छ॑ति⁠। प्र॒ति॒ख्‍ष्यन्त॒म् भुव॑नानि⁠। प्र॒ति॒ख्‍ष्यन्त॒मिति॑ प्रति—ख्‍ष्यन्त᳚म्⁠। भुव॑नानि॒ विश्वा᳚⁠। विश्वेति॑⁠। इत्या॑ह⁠। आ॒ह॒ सर्व᳚म्⁠। सर्व॒ꣳ॒ हि⁠। ह्ये॑षः⁠। ए॒ष प्र॒त्यङ्‍ङ्⁠। प्र॒त्यङ्‍ ख्‍षेति॑⁠। ख्‍षेति॑ पृ॒थुम्⁠। पृ॒थुम् ति॑र॒श्चा⁠। ति॒र॒श्चा वय॑सा⁠। वय॑सा बृ॒हन्त᳚म्⁠। बृ॒हन्त॒मिति॑⁠। इत्या॑ह⁠। आ॒हाल्पः॑⁠। अल्पो॒ हि⁠। ह्ये॑षः⁠। ए॒ष जा॒तः⁠। जा॒तो म॒हान्⁠। म॒हान् भव॑ति⁠। [१२] भव॑ति॒ व्यचि॑ष्ठम्⁠। व्यचि॑ष्ठ॒मन्न᳚म्⁠। अन्न॑ꣳ रभ॒सम्⁠। र॒भ॒सव्ँविदा॑नम्⁠। विदा॑न॒मिति॑⁠। इत्या॑ह⁠। आ॒हान्न᳚म्⁠। अन्न॑मे॒व⁠। ए॒वास्मै᳚⁠। अ॒स्मै॒ स्व॒द॒य॒ति॒⁠। स्व॒द॒य॒ति॒ सर्व᳚म्⁠। सर्व॑मस्मै⁠। अ॒स्मै॒ स्व॒द॒ते॒⁠। स्व॒द॒ते॒ यः⁠। य ए॒वम्⁠। ए॒वव्ँवेद॑⁠। वेदा⁠। आ त्वा᳚⁠। त्वा॒ जि॒घ॒र्मि॒⁠। जि॒घ॒र्मि॒ वच॑सा⁠। वच॑सा घृ॒तेन॑⁠। घृ॒तेनेति॑⁠। इत्या॑ह⁠। आ॒ह॒ तस्मा᳚त्⁠। तस्मा॒द् यत्⁠। यत् पुरु॑षः⁠। पुरु॑षो॒ मन॑सा⁠। मन॑साऽभि॒गच्छ॑ति⁠। अ॒भि॒गच्छ॑ति॒ तत्⁠। अ॒भि॒गच्छ॒तीत्य॑भि—गच्छ॑ति⁠। तद् वा॒चा⁠। वा॒चा व॑दति⁠। व॒द॒त्य॒र॒ख्‍षसा᳚⁠। अ॒र॒ख्‍षसेति॑⁠। इत्या॑ह⁠। आ॒ह॒ रख्‍ष॑साम्⁠। रख्‍ष॑सा॒मप॑हत्यै⁠। अप॑हत्यै॒ मर्य॑श्रीः⁠। अप॑हत्या॒ इत्यप॑—ह॒त्यै॒⁠। मर्य॑श्रीः स्पृह॒यद्व॑र्णः⁠। मर्य॑श्री॒रिति॒ मर्य॑—श्रीः॒⁠। स्पृ॒ह॒यद्व॑र्णो अ॒ग्निः⁠। स्पृ॒ह॒यद्व॑र्ण॒ इति॑ स्पृह॒यत्—व॒र्णः॒⁠। अ॒ग्निरिति॑⁠। इत्या॑ह⁠। आ॒हाप॑चितिम्⁠। अप॑चितिमे॒व⁠। अप॑चिति॒मित्यप॑—चि॒ति॒म्⁠। ए॒वास्मि॑न्न्⁠। अ॒स्मि॒न् द॒धा॒ति॒⁠। द॒धा॒त्यप॑चितिमान्⁠। अप॑चितिमान् भवति⁠। अप॑चितिमा॒नित्यप॑चिति—मा॒न्॒⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। [१३] वेद॒ मन॑सा⁠। मन॑सा॒ तु⁠। त्वै⁠। वै ताम्⁠। तामाप्तु᳚म्⁠। आप्तु॑मर्‌हति⁠। अ॒र्॒‌ह॒ति॒ याम्⁠। याम॑द्ध्व॒र्युः⁠। अ॒द्ध्व॒र्युर॑न॒ग्नौ⁠। अ॒न॒ग्नावाहु॑तिम्⁠। आहु॑तिम् जु॒होति॑⁠। आहु॑ति॒मित्या—हु॒ति॒म्⁠। जु॒होति॒ मन॑स्वतीभ्याम्⁠। मन॑स्वतीभ्याम् जुहोति⁠। जु॒हो॒त्याहु॑त्योः⁠। आहु॑त्यो॒राप्त्यै᳚⁠। आहु॑त्यो॒रित्या—हु॒त्योः॒⁠। आप्त्यै॒ द्वाभ्या᳚म्⁠। द्वाभ्या॒म् प्रति॑ष्ठित्यै⁠। प्रति॑ष्ठित्यै यज्ञमु॒खेय॑ज्ञमुखे⁠। प्रति॑ष्ठित्या॒ इति॒ प्रति॑—स्थि॒त्यै॒⁠। य॒ज्ञ॒मु॒खे य॑ज्ञमुखे॒ वै⁠। य॒ज्ञ॒मु॒खे य॑ज्ञमुख॒ इति॑ यज्ञमु॒खे—य॒ज्ञ॒मु॒खे॒⁠। वै क्रि॒यमा॑णे⁠। क्रि॒यमा॑णे य॒ज्ञम्⁠। य॒ज्ञꣳ रख्‍षा॑ꣳसि⁠। रख्‍षा॑ꣳसि जिघाꣳसन्ति⁠। जि॒घा॒ꣳ॒स॒न्त्ये॒तर्‌हि॑⁠। ए॒तर्‌हि॒ खलु॑⁠। खलु॒ वै⁠। वा ए॒तत्⁠। ए॒तद् य॑ज्ञमु॒खम्⁠। य॒ज्ञ॒मु॒खय्ँयर्‌हि॑⁠। य॒ज्ञ॒मु॒खमिति॑ यज्ञ—मु॒खम्⁠। यर्‌ह्ये॑नत्⁠। ए॒न॒दाहु॑तिः⁠। आहु॑तिरश्ञु॒ते⁠। आहु॑ति॒रित्या—हु॒तिः॒⁠। अ॒श्ञु॒ते परि॑⁠। परि॑ लिखति⁠। लि॒ख॒ति॒ रख्‍ष॑साम्⁠। रख्‍ष॑सा॒मप॑हत्यै⁠। अप॑हत्यै ति॒सृभिः॑⁠। अप॑हत्या॒ इत्यप॑—ह॒त्यै॒⁠। ति॒सृभिः॒ परि॑⁠। ति॒सृभि॒रिति॑ ति॒सृ—भिः॒⁠। परि॑ लिखति⁠। लि॒ख॒ति॒ त्रि॒वृत्⁠। त्रि॒वृद् वै⁠। त्रि॒वृदिति॑ त्रि—वृत्⁠। वा अ॒ग्निः⁠। अ॒ग्निर् यावा॑न्⁠। यावा॑ने॒व⁠। ए॒वाग्निः⁠। अ॒ग्निस्तस्मा᳚त्⁠। तस्मा॒द् रख्‍षा॑ꣳसि⁠। रख्‍षा॒ꣴ॒स्यप॑⁠। अप॑ हन्ति⁠। ह॒न्ति॒ गा॒य॒त्रि॒या⁠। [१४] गा॒य॒त्रि॒या परि॑⁠। परि॑ लिखति⁠। लि॒ख॒ति॒ तेजः॑⁠। तेजो॒ वै⁠। वै गा॑य॒त्री⁠। गा॒य॒त्री तेज॑सा⁠। तेज॑सै॒व⁠। ए॒वैन᳚म्⁠। ए॒न॒म् परि॑⁠। परि॑ गृह्णाति⁠। गृ॒ह्णा॒ति॒ त्रि॒ष्टुभा᳚⁠। त्रि॒ष्टुभा॒ परि॑⁠। परि॑ लिखति⁠। लि॒ख॒ती॒न्द्रि॒यम्⁠। इ॒न्द्रि॒यव्ँवै⁠। वै त्रि॒ष्टुक्⁠। त्रि॒ष्टुगि॑न्द्रि॒येण॑⁠। इ॒न्द्रि॒येणै॒व⁠। ए॒वैन᳚म्⁠। ए॒न॒म् परि॑⁠। परि॑ गृह्णाति⁠। गृ॒ह्णा॒त्य॒नु॒ष्टुभा᳚⁠। अ॒नु॒ष्टुभा॒ परि॑⁠। अ॒नु॒ष्टुभेत्य॑नु—स्तुभा᳚⁠। परि॑ लिखति⁠। लि॒ख॒त्य॒नु॒ष्टुप्⁠। अ॒नु॒ष्टुफ् सर्वा॑णि⁠। अ॒नु॒ष्टुबित्य॑नु—स्तुप्⁠। सर्वा॑णि॒ छन्दा॑ꣳसि⁠। छन्दा॑ꣳसि परि॒भूः⁠। प॒रि॒भूः पर्या᳚प्त्यै⁠। प॒रि॒भूरिति॑ परि—भूः⁠। पर्या᳚प्त्यै मद्ध्य॒तः⁠। पर्या᳚प्त्या॒ इति॒ परि॑—आ॒प्त्यै॒⁠। म॒द्ध्य॒तो॑ऽनु॒ष्टुभा᳚⁠। अ॒नु॒ष्टुभा॒ वाक्⁠। अ॒नु॒ष्टुभेत्य॑नु—स्तुभा᳚⁠। वाग् वै⁠। वा अ॑नु॒ष्टुप्⁠। अ॒नु॒ष्टुप् तस्मा᳚त्⁠। अ॒नु॒ष्टुबित्य॑नु—स्तुप्⁠। तस्मा᳚न् मद्ध्य॒तः⁠। म॒द्ध्य॒तो वा॒चा⁠। वा॒चा व॑दामः⁠। व॒दा॒मो॒ गा॒य॒त्रि॒या⁠। गा॒य॒त्रि॒या प्र॑थ॒मया᳚⁠। प्र॒थ॒मया॒ परि॑⁠। परि॑ लिखति⁠। लि॒ख॒त्यथ॑⁠। अथा॑नु॒ष्टुभा᳚⁠। अ॒नु॒ष्टुभाऽथ॑⁠। अ॒नु॒ष्टुभेत्य॑नु—स्तुभा᳚⁠। अथ॑ त्रि॒ष्टुभा᳚⁠। त्रि॒ष्टुभा॒ तेजः॑⁠। तेजो॒ वै⁠। वै गा॑य॒त्री⁠। गा॒य॒त्री य॒ज्ञः⁠। य॒ज्ञो॑ऽनु॒ष्टुक्⁠। अ॒नु॒ष्टुगि॑न्द्रि॒यम्⁠। अ॒नु॒ष्टुगित्य॑नु—स्तुक्⁠। इ॒न्द्रि॒यम् त्रि॒ष्टुप्⁠। त्रि॒ष्टुप् तेज॑सा⁠। तेज॑सा च⁠। चै॒व⁠। ए॒वेन्द्रि॒येण॑⁠। इ॒न्द्रि॒येण॑ च⁠। चो॒भ॒यतः॑⁠। उ॒भ॒यतो॑ य॒ज्ञम्⁠। य॒ज्ञम् परि॑⁠। परि॑ गृह्णाति⁠। गृ॒ह्णा॒तीति॑ गृह्णाति⁠॥ [१५] (अ॒न्धो᳚ ऽद्ध्व॒र्यु र्म॒हान् भ॑वति॒ य ए॒वꣳ ह॑न्ति त्रि॒ष्टुभा॒ तेजो॒ वै गा॑य॒त्री त्रयो॑दश च) ॥३॥
दे॒वस्य॑ त्वा⁠। त्वा॒ स॒वि॒तुः⁠। स॒वि॒तुः प्र॑स॒वे⁠। प्र॒स॒व इति॑⁠। प्र॒स॒व इति॑ प्र—स॒वे⁠। इति॑ खनति⁠। ख॒न॒ति॒ प्रसू᳚त्यै⁠। प्रसू᳚त्या॒ अथो᳚⁠। प्रसू᳚त्या॒ इति॒ प्र—सू॒त्यै॒⁠। अथो॑ धू॒मम्⁠। अथो॒ इत्यथो᳚⁠। धू॒ममे॒व⁠। ए॒वैतेन॑⁠। ए॒तेन॑ जनयति⁠। ज॒न॒य॒ति॒ ज्योति॑ष्मन्तम्⁠। ज्योति॑ष्मन्तम् त्वा⁠। त्वा॒ऽग्ने॒⁠। अ॒ग्ने॒ सु॒प्रती॑कम्⁠। सु॒प्रती॑क॒मिति॑⁠। सु॒प्रती॑क॒मिति॑ सु—प्रती॑कम्⁠। इत्या॑ह⁠। आ॒ह॒ ज्योतिः॑⁠। ज्योति॑रे॒व⁠। ए॒वैतेन॑⁠। ए॒तेन॑ जनयति⁠। ज॒न॒य॒ति॒ सः⁠। सो᳚ऽग्निः⁠। अ॒ग्निर् जा॒तः⁠। जा॒तः प्र॒जाः⁠। प्र॒जाः शु॒चा⁠। प्र॒जा इति॑ प्र—जाः⁠। शु॒चाऽऽर्प॑यत्⁠। आ॒र्प॒य॒त् तम्⁠। तम् दे॒वाः⁠। दे॒वा अ॑र्द्ध॒र्चेन॑⁠। अ॒र्द्ध॒र्चेना॑शमयन्न्⁠। अ॒र्द्ध॒र्चेनेत्य॑र्द्ध—ऋ॒चेन॑⁠। अ॒श॒म॒य॒ञ्छि॒वम्⁠। शि॒वम् प्र॒जाभ्यः॑⁠। प्र॒जाभ्योऽहि॑ꣳसन्तम्⁠। प्र॒जाभ्य॒ इति॑ प्र—जाभ्यः॑⁠। अहि॑ꣳसन्त॒मिति॑⁠। इत्या॑ह⁠। आ॒ह॒ प्र॒जाभ्यः॑⁠। प्र॒जाभ्य॑ ए॒व⁠। प्र॒जाभ्य॒ इति॑ प्र—जाभ्यः॑⁠। ए॒वैन᳚म्⁠। ए॒न॒ꣳ॒ श॒म॒य॒ति॒⁠। श॒म॒य॒ति॒ द्वाभ्या᳚म्⁠। द्वाभ्या᳚म् खनति⁠। ख॒न॒ति॒ प्रति॑ष्ठित्यै⁠। प्रति॑ष्ठित्या अ॒पाम्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अ॒पाम् पृ॒ष्ठम्⁠। पृ॒ष्ठम॑सि⁠। अ॒सीति॑⁠। इति॑ पुष्करप॒र्णम्⁠। पु॒ष्क॒र॒प॒र्णमा⁠। पु॒ष्क॒र॒प॒र्णमिति॑ पुष्कर—प॒र्णम्⁠। आ ह॑रति⁠। [१६] ह॒र॒त्य॒पाम्⁠। अ॒पाव्ँवै⁠। वा ए॒तत्⁠। ए॒तत् पृ॒ष्ठम्⁠। पृ॒ष्ठय्ँयत्⁠। यत् पु॑ष्करप॒र्णम्⁠। पु॒ष्क॒र॒प॒र्णꣳ रू॒पेण॑⁠। पु॒ष्क॒र॒प॒र्णमिति॑ पुष्कर—प॒र्णम्⁠। रू॒पेणै॒व⁠। ए॒वैन॑त्⁠। ए॒न॒दा⁠। आ ह॑रति⁠। ह॒र॒ति॒ पु॒ष्क॒र॒प॒र्णेन॑⁠। पु॒ष्क॒र॒प॒र्णेन॒ सम्⁠। पु॒ष्क॒र॒प॒र्णेनेति॑ पुष्कर—प॒र्णेन॑⁠। सम् भ॑रति⁠। भ॒र॒ति॒ योनिः॑⁠। योनि॒र् वै⁠। वा अ॒ग्नेः⁠। अ॒ग्नेः पु॑ष्करप॒र्णम्⁠। पु॒ष्क॒र॒प॒र्णꣳ सयो॑निम्⁠। पु॒ष्क॒र॒प॒र्णमिति॑ पुष्कर—प॒र्णम्⁠। सयो॑निमे॒व⁠। सयो॑नि॒मिति॒ स—यो॒नि॒म्⁠। ए॒वाग्निम्⁠। अ॒ग्निꣳ सम्⁠। सम् भ॑रति⁠। भ॒र॒ति॒ कृ॒ष्णा॒जि॒नेन॑⁠। कृ॒ष्णा॒जि॒नेन॒ सम्⁠। कृ॒ष्णा॒जि॒नेनेति॑ कृष्ण—अ॒जि॒नेन॑⁠। सम् भ॑रति⁠। भ॒र॒ति॒ य॒ज्ञः⁠। य॒ज्ञो वै⁠। वै कृ॑ष्णाजि॒नम्⁠। कृ॒ष्णा॒जि॒नय्ँय॒ज्ञेन॑⁠। कृ॒ष्णा॒जि॒नमिति॑ कृष्ण—अ॒जि॒नम्⁠। य॒ज्ञेनै॒व⁠। ए॒व य॒ज्ञम्⁠। य॒ज्ञꣳ सम्⁠। सम् भ॑रति⁠। भ॒र॒ति॒ यत्⁠। यद् ग्रा॒म्याणा᳚म्⁠। ग्रा॒म्याणा᳚म् पशू॒नाम्⁠। प॒शू॒नाम् चर्म॑णा⁠। चर्म॑णा स॒म्भरे᳚त्⁠। स॒म्भरे᳚द् ग्रा॒म्यान्⁠। स॒म्भरे॒दिति॑ सम्—भरे᳚त्⁠। ग्रा॒म्यान् प॒शून्⁠। प॒शूञ्छु॒चा⁠। शु॒चाऽर्प॑येत्⁠। अ॒र्प॒ये॒त् कृ॒ष्णा॒जि॒नेन॑⁠। कृ॒ष्णा॒जि॒नेन॒ सम्⁠। कृ॒ष्णा॒जि॒नेनेति॑ कृष्ण—अ॒जि॒नेन॑⁠। सम् भ॑रति⁠। भ॒र॒त्या॒र॒ण्यान्⁠। आ॒र॒ण्याने॒व⁠। ए॒व प॒शून्⁠। प॒शूञ्छु॒चा⁠। [१७] शु॒चाऽर्प॑यति⁠। अ॒र्प॒य॒ति॒ तस्मा᳚त्⁠। तस्मा᳚थ् स॒माव॑त्⁠। स॒माव॑त् पशू॒नाम्⁠। प॒शू॒नाम् प्र॒जाय॑मानानाम्⁠। प्र॒जाय॑मानानामार॒ण्याः⁠। प्र॒जाय॑मानाना॒मिति॑ प्र—जाय॑मानानाम्⁠। आ॒र॒ण्याः प॒शवः॑⁠। प॒शवः॒ कनी॑याꣳसः⁠। कनी॑याꣳसः शु॒चा⁠। शु॒चा हि⁠। ह्यृ॑ताः⁠। ऋ॒ता लो॑म॒तः⁠। लो॒म॒तः सम्⁠। सम् भ॑रति⁠। भ॒र॒त्यतः॑⁠। अतो॒ हि⁠। ह्य॑स्य⁠। अ॒स्य॒ मेद्ध्य᳚म्⁠। मेद्ध्य॑म् कृष्णाजि॒नम्⁠। कृ॒ष्णा॒जि॒नम् च॑⁠। कृ॒ष्णा॒जि॒नमिति॑ कृष्ण—अ॒जि॒नम्⁠। च॒ पु॒ष्क॒र॒प॒र्णम्⁠। पु॒ष्क॒र॒प॒र्णम् च॑⁠। पु॒ष्क॒र॒प॒र्णमिति॑ पुष्कर—प॒र्णम्⁠। च॒ सम्⁠। सꣴ स्तृ॑णाति⁠। स्तृ॒णा॒ती॒यम्⁠। इ॒यव्ँवै⁠। वै कृ॑ष्णाजि॒नम्⁠। कृ॒ष्णा॒जि॒नम॒सौ⁠। कृ॒ष्णा॒जि॒नमिति॑ कृष्ण—अ॒जि॒नम्⁠। अ॒सौ पु॑ष्करप॒र्णम्⁠। पु॒ष्क॒र॒प॒र्णमा॒भ्याम्⁠। पु॒ष्क॒र॒प॒र्णमिति॑ पुष्कर—प॒र्णम्⁠। आ॒भ्यामे॒व⁠। ए॒वैन᳚म्⁠। ए॒न॒मु॒भ॒यतः॑⁠। उ॒भ॒यतः॒ परि॑⁠। परि॑ गृह्णाति⁠। गृ॒ह्णा॒त्य॒ग्निः⁠। अ॒ग्निर् दे॒वेभ्यः॑⁠। दे॒वेभ्यो॒ निला॑यत⁠। निला॑यत॒ तम्⁠। तमथ॑र्वा⁠। अथ॒र्वाऽनु॑⁠। अन्व॑पश्यत्⁠। अ॒प॒श्य॒दथ॑र्वा⁠। अथ॑र्वा त्वा⁠। त्वा॒ प्र॒थ॒मः⁠। प्र॒थ॒मो निः⁠। निर॑मन्थत्⁠। अ॒म॒न्थ॒द॒ग्ने॒⁠। अ॒ग्न॒ इति॑⁠। इत्या॑ह⁠। [१८] आ॒ह॒ यः⁠। य ए॒व⁠। ए॒वैन᳚म्⁠। ए॒न॒म॒न्वप॑श्यत्⁠। अ॒न्वप॑श्य॒त् तेन॑⁠। अ॒न्वप॑श्य॒दित्य॑नु—अप॑श्यत्⁠। तेनै॒व⁠। ए॒वैन᳚म्⁠। ए॒न॒ꣳ॒ सम्⁠। सम् भ॑रति⁠। भ॒र॒ति॒ त्वाम्⁠। त्वाम॑ग्ने⁠। अ॒ग्ने॒ पुष्क॑रात्⁠। पुष्क॑रा॒दधि॑⁠। अधीति॑⁠। इत्या॑ह⁠। आ॒ह॒ पु॒ष्क॒र॒प॒र्णे⁠। पु॒ष्क॒र॒प॒र्णे हि⁠। पु॒ष्क॒र॒प॒र्ण इति॑ पुष्कर—प॒र्णे⁠। ह्ये॑नम्⁠। ए॒न॒मुप॑श्रितम्⁠। उप॑श्रित॒मवि॑न्दत्⁠। उप॑श्रित॒मित्युप॑—श्रि॒त॒म्⁠। अवि॑न्द॒त् तम्⁠। तमु॑⁠। उ॒ त्वा॒⁠। त्वा॒ द॒द्ध्यङ्‍ङ्⁠। द॒द्ध्यङ्‍ङृषिः॑⁠। ऋषि॒रिति॑⁠। इत्या॑ह⁠। आ॒ह॒ द॒द्ध्यङ्‍ङ्⁠। द॒द्ध्यङ् वै⁠। वा आ॑थर्व॒णः⁠। आ॒थ॒र्व॒णस्ते॑ज॒स्वी⁠। ते॒ज॒स्व्या॑सीत्⁠। आ॒सी॒त् तेजः॑⁠। तेज॑ ए॒व⁠। ए॒वास्मि॑न्न्⁠। अ॒स्मि॒न् द॒धा॒ति॒⁠। द॒धा॒ति॒ तम्⁠। तमु॑⁠। उ॒ त्वा॒⁠। त्वा॒ पा॒थ्यः⁠। पा॒थ्यो वृषा᳚⁠। वृषेति॑⁠। इत्या॑ह⁠। आ॒ह॒ पूर्व᳚म्⁠। पूर्व॑मे॒व⁠। ए॒वोदि॒तम्⁠। उ॒दि॒तमुत्त॑रेण⁠। उत्त॑रेणा॒भि⁠। उत्त॑रे॒णेत्युत्—त॒रे॒ण॒⁠। अ॒भि गृ॑णाति⁠। गृ॒णा॒ति॒ च॒त॒सृभिः॑⁠। [१९] च॒त॒सृभिः॒ सम्⁠। च॒त॒सृभि॒रिति॑ चत॒सृ—भिः॒⁠। सम् भ॑रति⁠। भ॒र॒ति॒ च॒त्वारि॑⁠। च॒त्वारि॒ छन्दा॑ꣳसि⁠। छन्दा॑ꣳसि॒ छन्दो॑भिः⁠। छन्दो॑भिरे॒व⁠। छन्दो॑भि॒रिति॒ छन्दः॑—भिः॒⁠। ए॒व गा॑य॒त्रीभिः॑⁠। गा॒य॒त्रीभि॑र् ब्राह्म॒णस्य॑⁠। ब्रा॒ह्म॒णस्य॑ गाय॒त्रः⁠। गा॒य॒त्रो हि⁠। हि ब्रा᳚ह्म॒णः⁠। ब्रा॒ह्म॒णस्त्रि॒ष्टुग्भिः॑⁠। त्रि॒ष्टुग्भी॑ राज॒न्य॑स्य⁠। त्रि॒ष्टुग्भि॒रिति॑ त्रि॒ष्टुक्—भिः॒⁠। रा॒ज॒न्य॑स्य॒ त्रैष्टु॑भः⁠। त्रैष्टु॑भो॒ हि⁠। हि रा॑ज॒न्यः॑⁠। रा॒ज॒न्यो॑ यम्⁠। यम् का॒मये॑त⁠। का॒मये॑त॒ वसी॑यान्⁠। वसी॑यान्थ् स्यात्⁠। स्या॒दिति॑⁠। इत्यु॒भयी॑भिः⁠। उ॒भयी॑भि॒स्तस्य॑⁠। तस्य॒ सम्⁠। सम् भ॑रेत्⁠। भ॒रे॒त् तेजः॑⁠। तेज॑श्च⁠। चै॒व⁠। ए॒वास्मै᳚⁠। अ॒स्मा॒ इ॒न्द्रि॒यम्⁠। इ॒न्द्रि॒यम् च॑⁠। च॒ स॒मीची᳚⁠। स॒मीची॑ दधाति⁠। स॒मीची॒ इति॑ स॒मीची᳚⁠। द॒धा॒त्य॒ष्टा॒भिः⁠। अ॒ष्टा॒भिः सम्⁠। सम् भ॑रति⁠। भ॒र॒त्य॒ष्टाख्‍ष॑रा⁠। अ॒ष्टाख्‍ष॑रा गाय॒त्री⁠। अ॒ष्टाख्‍ष॒रेत्य॒ष्टा—अ॒ख्‍ष॒रा॒⁠। गा॒य॒त्री गा॑य॒त्रः⁠। गा॒य॒त्रो᳚ऽग्निः⁠। अ॒ग्निर् यावा॑न्⁠। यावा॑ने॒व⁠। ए॒वाग्निः⁠। अ॒ग्निस्तम्⁠। तꣳ सम्⁠। सम् भ॑रति⁠। भ॒र॒ति॒ सीद॑⁠। सीद॑ होतः⁠। हो॒त॒रिति॑⁠। इत्या॑ह⁠। आ॒ह॒ दे॒वताः᳚⁠। दे॒वता॑ ए॒व⁠। ए॒वास्मै᳚⁠। अ॒स्मै॒ सम्⁠। सꣳ सा॑दयति⁠। सा॒द॒य॒ति॒ नि⁠। नि होता᳚⁠। होतेति॑⁠। इति॑ मनु॒ष्या॑न्⁠। म॒नु॒ष्या᳚न्थ् सम्⁠। सꣳ सी॑दस्व⁠। सी॒द॒स्वेति॑⁠। इति॒ वया॑ꣳसि⁠। वया॑ꣳसि॒ जनि॑ष्व⁠। जनि॑ष्वा॒ हि⁠। हि जेन्यः॑⁠। जेन्यो॒ अग्रे᳚⁠। अग्रे॒ अह्ना᳚म्⁠। अह्ना॒मिति॑⁠। इत्या॑ह⁠। आ॒ह॒ दे॒व॒म॒नु॒ष्यान्⁠। दे॒व॒म॒नु॒ष्याने॒व⁠। दे॒व॒म॒नु॒ष्यानिति॑ देव—म॒नु॒ष्यान्⁠। ए॒वास्मै᳚⁠। अ॒स्मै॒ सꣳस॑न्नान्⁠। सꣳस॑न्ना॒न् प्र⁠। सꣳस॑न्ना॒निति॒ सम्—स॒न्ना॒न्॒⁠। प्र ज॑नयति⁠। ज॒न॒य॒तीति॑ जनयति⁠॥ [२०] (ऐ व प॒शू निति॑ गृणाति होत॒रिति॑ स॒प्तवि॑ꣳशतिश्च) ॥४॥
क्रू॒रमि॑व⁠। इ॒व॒ वै⁠। वा अ॑स्याः⁠। अ॒स्या॒ ए॒तत्⁠। ए॒तत् क॑रोति⁠। क॒रो॒ति॒ यत्⁠। यत् खन॑ति⁠। खन॑त्य॒पः⁠। अ॒प उप॑⁠। उप॑ सृजति⁠। सृ॒ज॒त्यापः॑⁠। आपो॒ वै⁠। वै शा॒न्ताः⁠। शा॒न्ताः शा॒न्ताभिः॑⁠। शा॒न्ताभि॑रे॒व⁠। ए॒वास्यै᳚⁠। अ॒स्यै॒ शुच᳚म्⁠। शुच॑ꣳ शमयति⁠। श॒म॒य॒ति॒ सम्⁠। सम् ते᳚⁠। ते॒ वा॒युः⁠। वा॒युर् मा॑त॒रिश्वा᳚⁠। मा॒त॒रिश्वा॑ दधातु⁠। द॒धा॒त्विति॑⁠। इत्या॑ह⁠। आ॒ह॒ प्रा॒णः⁠। प्रा॒णो वै⁠। प्रा॒ण इति॑ प्र—अ॒नः⁠। वै वा॒युः⁠। वा॒युः प्रा॒णेन॑⁠। प्रा॒णेनै॒व⁠। प्रा॒णेनेति॑ प्र—अ॒नेन॑⁠। ए॒वास्यै᳚⁠। अ॒स्यै॒ प्रा॒णम्⁠। प्रा॒णꣳ सम्⁠। प्रा॒णमिति॑ प्र—अ॒नम्⁠। सम् द॑धाति⁠। द॒धा॒ति॒ सम्⁠। सम् ते᳚⁠। ते॒ वा॒युः⁠। वा॒युरिति॑⁠। इत्या॑ह⁠। आ॒ह॒ तस्मा᳚त्⁠। तस्मा᳚द् वा॒युप्र॑च्युता⁠। वा॒युप्र॑च्युता दि॒वः⁠। वा॒युप्र॑च्यु॒तेति॑ वा॒यु—प्र॒च्यु॒ता॒⁠। दि॒वो वृष्टिः॑⁠। वृष्टि॑रीर्ते⁠। ई॒र्ते॒ तस्मै᳚⁠। तस्मै॑ च⁠। च॒ दे॒वि॒⁠। दे॒वि॒ वष॑ट्⁠। वष॑डस्तु⁠। अ॒स्तु॒ तुभ्य᳚म्⁠। [२१] तुभ्य॒मिति॑⁠। इत्या॑ह⁠। आ॒ह॒ षट्⁠। षड् वै⁠। वा ऋ॒तवः॑⁠। ऋ॒तव॑ ऋ॒तुषु॑⁠। ऋ॒तुष्वे॒व⁠। ए॒व वृष्टि᳚म्⁠। वृष्टि॑म् दधाति⁠। द॒धा॒ति॒ तस्मा᳚त्⁠। तस्मा॒थ् सर्वा॑न्⁠। सर्वा॑नृ॒तून्⁠। ऋ॒तून्‌व॑र्‌षति⁠। व॒र्॒‌ष॒ति॒ यत्⁠। यद् व॑षट्कु॒र्यात्⁠। व॒ष॒ट्कु॒र्याद् या॒तया॑मा⁠। व॒ष॒ट्कु॒र्यादिति॑ वषट्—कु॒र्यात्⁠। या॒तया॑माऽस्य⁠। या॒तया॒मेति॑ या॒त—या॒मा॒⁠। अ॒स्य॒ व॒ष॒ट्का॒रः⁠। व॒ष॒ट्का॒रः स्या᳚त्⁠। व॒ष॒ट्का॒र इति॑ वषट्—का॒रः⁠। स्या॒द् यत्⁠। यन् न⁠। न व॑षट्कु॒र्यात्⁠। व॒ष॒ट्कु॒र्याद् रख्‍षा॑ꣳसि⁠। व॒ष॒ट्कु॒र्यादिति॑ वषट्—कु॒र्यात्⁠। रख्‍षा॑ꣳसि य॒ज्ञम्⁠। य॒ज्ञꣳ ह॑न्युः⁠। ह॒न्यु॒र् वट्⁠। वडिति॑⁠। इत्या॑ह⁠। आ॒ह॒ प॒रोख्‍ष᳚म्⁠। प॒रोख्‍ष॑मे॒व⁠। प॒रोख्‍ष॒मिति॑ परः—अख्‍ष᳚म्⁠। ए॒व वष॑ट्⁠। वष॑ट् करोति⁠। क॒रो॒ति॒ न⁠। नास्य॑⁠। अ॒स्य॒ या॒तया॑मा⁠। या॒तया॑मा वषट्का॒रः⁠। या॒तया॒मेति॑ या॒त—या॒मा॒⁠। व॒ष॒ट्का॒रो भव॑ति⁠। व॒ष॒ट्का॒र इति॑ वषट्—का॒रः⁠। भव॑ति॒ न⁠। न य॒ज्ञम्⁠। य॒ज्ञꣳ रख्‍षा॑ꣳसि⁠। रख्‍षा॑ꣳसि घ्नन्ति⁠। घ्न॒न्ति॒ सुजा॑तः⁠। सुजा॑तो॒ ज्योति॑षा⁠। सुजा॑त॒ इति॒ सु—जा॒तः॒⁠। ज्योति॑षा स॒ह⁠। स॒हेति॑⁠। इत्य॑नु॒ष्टुभा᳚⁠। अ॒नु॒ष्टुभोप॑⁠। अ॒नु॒ष्टुभेत्य॑नु—स्तुभा᳚⁠। उप॑ नह्यति⁠। न॒ह्य॒त्य॒नु॒ष्टुप्⁠। अ॒नु॒ष्टुफ् सर्वा॑णि⁠। अ॒नु॒ष्टुबित्य॑नु—स्तुप्⁠। [२२] सर्वा॑णि॒ छन्दा॑ꣳसि⁠। छन्दा॑ꣳसि॒ छन्दा॑ꣳसि⁠। छन्दा॑ꣳसि॒ खलु॑⁠। खलु॒ वै⁠। वा अ॒ग्नेः⁠। अ॒ग्नेः प्रि॒या⁠। प्रि॒या त॒नूः⁠। त॒नूः प्रि॒यया᳚⁠। प्रि॒ययै॒व⁠। ए॒वैन᳚म्⁠। ए॒न॒म् त॒नुवा᳚⁠। त॒नुवा॒ परि॑⁠। परि॑ दधाति⁠। द॒धा॒ति॒ वेदु॑कः⁠। वेदु॑को॒ वासः॑⁠। वासो॑ भवति⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। वेद॑ वारु॒णः⁠। वा॒रु॒णो वै⁠। वा अ॒ग्निः⁠। अ॒ग्निरुप॑नद्धः⁠। उप॑नद्ध॒ उत्⁠। उप॑नद्ध॒ इत्युप॑—न॒द्धः॒⁠। उदु॑⁠। उ॒ ति॒ष्ठ॒⁠। ति॒ष्ठ॒ स्व॒द्ध्व॒र॒⁠। स्व॒द्ध्व॒रो॒र्द्ध्वः⁠। स्व॒द्ध्व॒रेति॑ सु—अ॒द्ध्व॒र॒⁠। ऊ॒र्द्ध्व उ⁠। ऊ॒ षु णः॑⁠। सु नः॑⁠। न॒ ऊ॒तये᳚⁠। ऊ॒तय॒ इति॑⁠। इति॑ सावि॒त्रीभ्या᳚म्⁠। सा॒वि॒त्रीभ्या॒मुत्⁠। उत् ति॑ष्ठति⁠। ति॒ष्ठ॒ति॒ स॒वि॒तृप्र॑सूतः⁠। स॒वि॒तृप्र॑सूत ए॒व⁠। स॒वि॒तृप्र॑सूत॒ इति॑ सवि॒तृ—प्र॒सू॒तः॒⁠। ए॒वास्य॑⁠। अ॒स्यो॒र्द्ध्वाम्⁠। ऊ॒र्द्ध्वाव्ँव॑रुणमे॒निम्⁠। व॒रु॒ण॒मे॒निमुत्⁠। व॒रु॒ण॒मे॒निमिति॑ वरुण—मे॒निम्⁠। उथ् सृ॑जति⁠। सृ॒ज॒ति॒ द्वाभ्या᳚म्⁠। द्वाभ्या॒म् प्रति॑ष्ठित्यै⁠। प्रति॑ष्ठित्यै॒ सः⁠। प्रति॑ष्ठित्या॒ इति॒ प्रति॑—स्थि॒त्यै॒⁠। स जा॒तः⁠। जा॒तो गर्भः॑⁠। गर्भो॑ असि⁠। अ॒सि॒ रोद॑स्योः⁠। [२३] रोद॑स्यो॒रिति॑⁠। इत्या॑ह⁠। आ॒हे॒मे⁠। इ॒मे वै⁠। इ॒मे इती॒मे⁠। वै रोद॑सी⁠। रोद॑सी॒ तयोः᳚⁠। रोद॑सी॒ इति॒ रोद॑सी⁠। तयो॑रे॒षः⁠। ए॒ष गर्भः॑⁠। गर्भो॒ यत्⁠। यद॒ग्निः⁠। अ॒ग्निस्तस्मा᳚त्⁠। तस्मा॑दे॒वम्⁠। ए॒वमा॑ह⁠। आ॒हाग्ने᳚⁠। अग्ने॒ चारुः॑⁠। चारु॒र् विभृ॑तः⁠। विभृ॑त॒ ओष॑धीषु⁠। विभृ॑त॒ इति॒ वि—भृ॒तः॒⁠। ओष॑धी॒ष्विति॑⁠। इत्या॑ह⁠। आ॒ह॒ य॒दा⁠। य॒दा हि⁠। ह्ये॑तम्⁠। ए॒तव्ँवि॒भर॑न्ति⁠। वि॒भर॒न्त्यथ॑⁠। वि॒भर॒न्तीति॑वि—भर॑न्ति⁠। अथ॒ चारु॑तरः⁠। चारु॑तरो॒ भव॑ति⁠। चारु॑तर॒ इति॒ चारु॑—त॒रः॒⁠। भव॑ति॒ प्र⁠। प्र मा॒तृभ्यः॑⁠। मा॒तृभ्यो॒ अधि॑⁠। मा॒तृभ्य॒ इति॑ मा॒तृ—भ्यः॒⁠। अधि॒ कनि॑क्रदत्⁠। कनि॑क्रदद् गाः⁠। गा॒ इति॑⁠। इत्या॑ह⁠। आ॒हौष॑धयः⁠। ओष॑धयो॒ वै⁠। वा अ॑स्य⁠। अ॒स्य॒ मा॒तरः॑⁠। मा॒तर॒स्ताभ्यः॑⁠। ताभ्य॑ ए॒व⁠। ए॒वैन᳚म्⁠। ए॒न॒म् प्र⁠। प्र च्या॑वयति⁠। च्या॒व॒य॒ति॒ स्थि॒रः⁠। स्थि॒रो भ॑व⁠। भ॒व॒ वी॒ड्व॑ङ्‍गः⁠। वी॒ड्व॑ङ्‍ग॒ इति॑⁠। वीइ॒ड्व॑ङ्‍ग॒ इति॑ वी॒डु—अ॒ङ्‍गः॒⁠। इति॑ गर्द॒भे⁠। ग॒र्द॒भ आ⁠। आ सा॑दयति⁠। सा॒द॒य॒ति॒ सम्⁠। [२४] सम् न॑ह्यति⁠। न॒ह्य॒त्ये॒व⁠। ए॒वैन᳚म्⁠। ए॒न॒मे॒तया᳚⁠। ए॒तया᳚ स्थे॒म्ने⁠। स्थे॒म्ने ग॑र्द॒भेन॑⁠। ग॒र्द॒भेन॒ सम्⁠। सम् भ॑रति⁠। भ॒र॒ति॒ तस्मा᳚त्⁠। तस्मा᳚द् गर्द॒भः⁠। ग॒र्द॒भः प॑शू॒नाम्⁠। प॒शू॒नाम् भा॑रभा॒रित॑मः⁠। भा॒र॒भा॒रित॑मो गर्द॒भेन॑⁠। भा॒र॒भा॒रित॑म॒ इति॑ भारभा॒रि—त॒मः॒⁠। ग॒र्द॒भेन॒ सम्⁠। सम् भ॑रति⁠। भ॒र॒ति॒ तस्मा᳚त्⁠। तस्मा᳚द् गर्द॒भः⁠। ग॒र्द॒भोऽपि॑⁠। अप्य॑नाले॒शे⁠। अ॒ना॒ले॒शेऽति॑⁠। अ॒ना॒ले॒श इत्य॑ना—ले॒शे⁠। अत्य॒न्यान्⁠। अ॒न्यान् प॒शून्⁠। प॒शून् मे᳚द्यति⁠। मे॒द्य॒त्यन्न᳚म्⁠। अन्न॒ꣳ॒ हि⁠। ह्ये॑नेन⁠। ए॒ने॒ना॒र्कम्⁠। अ॒र्कꣳ स॒म्भर॑न्ति⁠। स॒म्भर॑न्ति गर्द॒भेन॑⁠। स॒म्भर॒न्तीति॑ सम्—भर॑न्ति⁠। ग॒र्द॒भेन॒ सम्⁠। सम् भ॑रति⁠। भ॒र॒ति॒ तस्मा᳚त्⁠। तस्मा᳚द् गर्द॒भः⁠। ग॒र्द॒भो द्वि॒रेताः᳚⁠। द्वि॒रेताः॒ सन्न्⁠। द्वि॒रेता॒ इति॑ द्वि—रेताः᳚⁠। सन् कनि॑ष्ठम्⁠। कनि॑ष्ठम् पशू॒नाम्⁠। प॒शू॒नाम् प्र⁠। प्र जा॑यते⁠। जा॒य॒ते॒ऽग्निः⁠। अ॒ग्निर् हि⁠। ह्य॑स्य⁠। अ॒स्य॒ योनि᳚म्⁠। योनि॑म् नि॒र्दह॑ति⁠। नि॒र्दह॑ति प्र॒जासु॑⁠। नि॒र्दह॒तीति॑ निः—दह॑ति⁠। प्र॒जासु॒ वै⁠। प्र॒जास्विति॑ प्र—जासु॑⁠। वा ए॒षः⁠। ए॒ष ए॒तर्‌हि॑⁠। ए॒तर्‌ह्यारू॑ढः⁠। आरू॑ढः॒ सः⁠। आरू॑ढ॒ इत्या—रू॒ढः॒⁠। [२५] स ई᳚श्व॒रः⁠। ई॒श्व॒रः प्र॒जाः⁠। प्र॒जाः शु॒चा⁠। प्र॒जा इति॑ प्र—जाः⁠। शु॒चा प्र॒दहः॑⁠। प्र॒दहः॑ शि॒वः⁠। प्र॒दह॒ इति॑ प्र—दहः॑⁠। शि॒वो भ॑व⁠। भ॒व॒ प्र॒जाभ्यः॑⁠। प्र॒जाभ्य॒ इति॑⁠। प्र॒जाभ्य॒ इति॑ प्र—जाभ्यः॑⁠। इत्या॑ह⁠। आ॒ह॒ प्र॒जाभ्यः॑⁠। प्र॒जाभ्य॑ ए॒व⁠। प्र॒जाभ्य॒ इति॑ प्र—जाभ्यः॑⁠। ए॒वैन᳚म्⁠। ए॒न॒ꣳ॒ श॒म॒य॒ति॒⁠। श॒म॒य॒ति॒ मानु॑षीभ्यः⁠। मानु॑षीभ्य॒स्त्वम्⁠। त्वम॑ङ्‍गिरः⁠। अ॒ङ्‍गि॒र॒ इति॑⁠। इत्या॑ह⁠। आ॒ह॒ मा॒न॒व्यः॑⁠। मा॒न॒व्यो॑ हि⁠। हि प्र॒जाः⁠। प्र॒जा मा⁠। प्र॒जा इति॑ प्र—जाः⁠। मा द्यावा॑पृथि॒वी⁠। द्यावा॑पृथि॒वी अ॒भि⁠। द्यावा॑पृथि॒वी इति॒ द्यावा᳚—पृ॒थि॒वी⁠। अ॒भि शू॑शुचः⁠। शू॒शु॒चो॒ मा⁠। माऽन्तरि॑ख्‍षम्⁠। अ॒न्तरि॑ख्‍ष॒म् मा⁠। मा वन॒स्पती॑न्⁠। वन॒स्पती॒निति॑⁠। इत्या॑ह⁠। आ॒है॒भ्यः⁠। ए॒भ्य ए॒व⁠। ए॒वैन᳚म्⁠। ए॒न॒ल्ँलो॒केभ्यः॑⁠। लो॒केभ्यः॑ शमयति⁠। श॒म॒य॒ति॒ प्र⁠। प्रैतु॑⁠। ए॒तु॒ वा॒जी⁠। वा॒जी कनि॑क्रदत्⁠। कनि॑क्रद॒दिति॑⁠। इत्या॑ह⁠। आ॒ह॒ वा॒जी⁠। वा॒जी हि⁠। ह्ये॑षः⁠। ए॒ष नान॑दत्⁠। नान॑द॒द् रास॑भः⁠। रास॑भः॒ पत्वा᳚⁠। पत्वेति॑⁠। इत्या॑ह⁠। [२६] आ॒ह॒ रास॑भः⁠। रास॑भ॒ इति॑⁠। इति॒ हि⁠। ह्ये॑तम्⁠। ए॒तमृष॑यः⁠। ऋष॒योऽव॑दन्न्⁠। अव॑द॒न् भर॑न्न्⁠। भर॑न्न॒ग्निम्⁠। अ॒ग्निम् पु॑री॒ष्य᳚म्⁠। पु॒री॒ष्य॑मिति॑⁠। इत्या॑ह⁠। आ॒हा॒ग्निम्⁠। अ॒ग्निꣳ हि⁠। ह्ये॑षः⁠। ए॒ष भर॑ति⁠। भर॑ति॒ मा⁠। मा पा॑दि⁠। पा॒द्यायु॑षः⁠। आयु॑षः पु॒रा⁠। पु॒रेति॑⁠। इत्या॑ह⁠। आ॒हायुः॑⁠। आयु॑रे॒व⁠। ए॒वास्मि॑न्न्⁠। अ॒स्मि॒न् द॒धा॒ति॒⁠। द॒धा॒ति॒ तस्मा᳚त्⁠। तस्मा᳚द् गर्द॒भः⁠। ग॒र्द॒भः सर्व᳚म्⁠। सर्व॒मायुः॑⁠। आयु॑रेति⁠। ए॒ति॒ तस्मा᳚त्⁠। तस्मा᳚द् गर्द॒भे⁠। ग॒र्द॒भे पु॒रा⁠। पु॒राऽऽयु॑षः⁠। आयु॑षः॒ प्रमी॑ते⁠। प्रमी॑ते बिभ्यति⁠। प्रमी॑त॒ इति॒ प्र—मी॒ते॒⁠। बि॒भ्य॒ति॒ वृषा᳚⁠। वृषा॒ऽग्निम्⁠। अ॒ग्निव्ँवृष॑णम्⁠। वृष॑ण॒म् भर॑न्न्⁠। भर॒न्निति॑⁠। इत्या॑ह⁠। आ॒ह॒ वृषा᳚⁠। वृषा॒ हि⁠। ह्ये॑षः⁠। ए॒ष वृषा᳚⁠। वृषा॒ऽग्निः⁠। अ॒ग्निर॒पाम्⁠। अ॒पाम् गर्भ᳚म्⁠। गर्भ॑ꣳ समु॒द्रिय᳚म्⁠। [२७] स॒मु॒द्रिय॒मिति॑⁠। इत्या॑ह⁠। आ॒हा॒पाम्⁠। अ॒पाꣳ हि⁠। ह्ये॑षः⁠। ए॒ष गर्भः॑⁠। गर्भो॒ यत्⁠। यद॒ग्निः⁠। अ॒ग्निरग्ने᳚⁠। अग्न॒ आ⁠। आ या॑हि⁠। या॒हि॒ वी॒तये᳚⁠। वी॒तय॒ इति॑⁠। इति॒ वै⁠। वा इ॒मौ⁠। इ॒मौ लो॒कौ⁠। लो॒कौ वि⁠। व्यै॑ताम्⁠। ऐ॒ता॒मग्ने᳚⁠। अग्न॒ आ⁠। आ या॑हि⁠। या॒हि॒ वी॒तये᳚⁠। वी॒तय॒ इति॑⁠। इति॒ यत्⁠। यदाह॑⁠। आहा॒नयोः᳚⁠। अ॒नयो᳚र् लो॒कयोः᳚⁠। लो॒कयो॒र् वीत्यै᳚⁠। वीत्यै॒ प्रच्यु॑तः⁠। वीत्या॒ इति॒ वि—इ॒त्यै॒⁠। प्रच्यु॑तो॒ वै⁠। प्रच्यु॑त॒ इति॒ प्र—च्यु॒तः॒⁠। वा ए॒षः⁠। ए॒ष आ॒यत॑नात्⁠। आ॒यत॑ना॒दग॑तः⁠। आ॒यत॑ना॒दित्या᳚—यत॑नात्⁠। अग॑तः प्रति॒ष्ठाम्⁠। प्र॒ति॒ष्ठाꣳ सः⁠। प्र॒ति॒ष्ठामिति॑ प्रति—स्थाम्⁠। स ए॒तर्‌हि॑⁠। ए॒तर्ह्य॑द्ध्व॒र्युम्⁠। अ॒द्ध्व॒र्युम् च॑⁠। च॒ यज॑मानम्⁠। यज॑मानम् च⁠। च॒ ध्या॒य॒ति॒⁠। ध्या॒य॒त्यृ॒तम्⁠। ऋ॒तꣳ स॒त्यम्⁠। स॒त्यमिति॑⁠। इत्या॑ह⁠। आ॒हे॒यम्⁠। इ॒यव्ँवै⁠। वा ऋ॒तम्⁠। ऋ॒तम॒सौ⁠। अ॒सौ स॒त्यम्⁠। [२८] स॒त्यम॒नयोः᳚⁠। अ॒नयो॑रे॒व⁠। ए॒वैन᳚म्⁠। ए॒न॒म् प्रति॑⁠। प्रति॑ ष्ठापयति⁠। स्था॒प॒य॒ति॒ न⁠। नार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒त्य॒द्ध्व॒र्युः⁠। अ॒द्ध्व॒र्युर् न⁠। न यज॑मानः⁠। यज॑मानो॒ वरु॑णः⁠। वरु॑णो॒ वै⁠। वा ए॒षः⁠। ए॒ष यज॑मानम्⁠। यज॑मानम॒भि⁠। अ॒भ्या⁠। ऐति॑⁠। ए॒ति॒ यत्⁠। यद॒ग्निः⁠। अ॒ग्निरुप॑नद्धः⁠। उप॑नद्ध॒ ओष॑धयः⁠। उप॑नद्ध॒ इत्युप॑—न॒द्धः॒⁠। ओष॑धयः॒ प्रति॑⁠। प्रति॑ गृह्णीत⁠। गृ॒ह्णी॒ता॒ग्निम्⁠। अ॒ग्निमे॒तम्⁠। ए॒तमिति॑⁠। इत्या॑ह⁠। आ॒ह॒ शान्त्यै᳚⁠। शान्त्यै॒ व्यस्य॑न्न्⁠। व्यस्य॒न् विश्वाः᳚⁠। व्यस्य॒न्निति॑ वि—अस्य॑न्न्⁠। विश्वा॒ अम॑तीः⁠। अम॑ती॒ररा॑तीः⁠। अरा॑ती॒रिति॑⁠। इत्या॑ह⁠। आ॒ह॒ रख्‍ष॑साम्⁠। रख्‍ष॑सा॒मप॑हत्यै⁠। अप॑हत्यै नि॒षीद॑न्न्⁠। अप॑हत्या॒ इत्य॑प—ह॒त्यै॒⁠। नि॒षीद॑न् नः⁠। नि॒षीद॒न्निति॑ नि—सीद॑न्न्⁠। नो॒ अप॑⁠। अप॑ दुर्म॒तिम्⁠। दु॒र्म॒तिꣳ ह॑नत्⁠। दु॒र्म॒तिमिति॑ दुः—म॒तिम्⁠। ह॒न॒दिति॑⁠। इत्या॑ह⁠। आ॒ह॒ प्रति॑ष्ठित्यै⁠। प्रति॑ष्ठित्या॒ ओष॑धयः⁠। प्रति॑ष्ठित्या॒ इति॒ प्रति॑—स्थि॒त्यै॒⁠। ओष॑धयः॒ प्रति॑⁠। प्रति॑ मोदद्ध्वम्⁠। मो॒द॒द्ध्व॒मे॒न॒म्⁠। [२९] (अ॒स्त्व नु॒ष्टु ब॑सि सादय॒त्या रू॑ढः॒ पत्वेति॒ गर्भ॑ म॒सौ मो॑दद्ध्व॒म् द्विच॑त्वारिम्शच्च) ॥५॥
ए॒न॒मिति॑⁠। इत्या॑ह⁠। आ॒हौष॑धयः⁠। ओष॑धयो॒ वै⁠। वा अ॒ग्नेः⁠। अ॒ग्नेर् भा॑ग॒धेय᳚म्⁠। भा॒ग॒धेय॒म् ताभिः॑⁠। भा॒ग॒धेय॒मिति॑ भाग—धेय᳚म्⁠। ताभि॑रे॒व⁠। ए॒वैन᳚म्⁠। ए॒न॒ꣳ॒ सम्⁠। सम॑र्द्धयति⁠। अ॒र्द्ध॒य॒ति॒ पुष्पा॑वतीः⁠। पुष्पा॑वतीः सुपिप्प॒लाः⁠। पुष्पा॑वती॒रिति॒ पुष्प॑—व॒तीः॒⁠। सु॒पि॒प्प॒ला इति॑⁠। सु॒पि॒प्प॒ला इति॑ सु—पि॒प्प॒लाः⁠। इत्या॑ह⁠। आ॒ह॒ तस्मा᳚त्⁠। तस्मा॒दोष॑धयः⁠। ओष॑धयः॒ फल᳚म्⁠। फल॑म् गृह्णन्ति⁠। गृ॒ह्ण॒न्त्य॒यम्⁠। अ॒यव्ँवः॑⁠। वो॒ गर्भः॑⁠। गर्भ॑ ऋ॒त्वियः॑⁠। ऋ॒त्वियः॑ प्र॒त्नम्⁠। प्र॒त्नꣳ स॒धस्थ᳚म्⁠। स॒धस्थ॒मा⁠। स॒धस्थ॒मिति॑ स॒ध—स्थ॒म्⁠। आऽस॑दत्⁠। अ॒स॒द॒दिति॑⁠। इत्या॑ह⁠। आ॒ह॒ याभ्यः॑⁠। याभ्य॑ ए॒व⁠। ए॒वैन᳚म्⁠। ए॒न॒म् प्र॒च्या॒वय॑ति⁠। प्र॒च्या॒वय॑ति॒ तासु॑⁠। प्र॒च्या॒वय॒तीति॑ प्र—च्या॒वय॑ति⁠। तास्वे॒व⁠। ए॒वैन᳚म्⁠। ए॒न॒म् प्रति॑⁠। प्रति॑ ष्ठापयति⁠। स्था॒प॒य॒ति॒ द्वाभ्या᳚म्⁠। द्वाभ्या॑मु॒पाव॑हरति⁠। उ॒पाव॑हरति॒ प्रति॑ष्ठित्यै⁠। उ॒पाव॑हर॒तीत्यु॑प—अव॑हरति⁠। प्रति॑ष्ठित्या॒ इति॒ प्रति॑—स्थि॒त्यै॒⁠॥ ३० (४२/४८ ) वा॒रु॒णो वै⁠। वा अ॒ग्निः⁠। अ॒ग्निरुप॑नद्धः⁠। उप॑नद्धो॒ वि⁠। उप॑नद्ध॒ इत्युप॑—न॒द्धः॒⁠। वि पाज॑सा⁠। पाज॒सेति॑⁠। इति॒ वि⁠। वि स्र॑ꣳसयति⁠। स्र॒ꣳ॒स॒य॒ति॒ स॒वि॒तृप्र॑सूतः⁠। स॒वि॒तृप्र॑सूत ए॒व⁠। स॒वि॒तृप्र॑सूत॒ इति॑ सवि॒तृ—प्र॒सू॒तः॒⁠। ए॒वास्य॑⁠। अ॒स्य॒ विषू॑चीम्⁠। विषू॑चीव्ँवरुणमे॒निम्⁠। व॒रु॒ण॒मे॒निव्ँवि⁠। व॒रु॒ण॒मे॒निमिति॑ वरुण—मे॒निम्⁠। वि सृ॑जति⁠। सृ॒ज॒त्य॒पः⁠। अ॒प उप॑⁠। उप॑ सृजति⁠। सृ॒ज॒त्यापः॑⁠। आपो॒ वै⁠। वै शा॒न्ताः⁠। शा॒न्ताः शा॒न्ताभिः॑⁠। शा॒न्ताभि॑रे॒व⁠। ए॒वास्य॑⁠। अ॒स्य॒ शुच᳚म्⁠। शुच॑ꣳ शमयति⁠। श॒म॒य॒ति॒ ति॒सृभिः॑⁠। ति॒सृभि॒रुप॑⁠। ति॒सृभि॒रिति॑ ति॒सृ—भिः॒⁠। उप॑ सृजति⁠। सृ॒ज॒ति॒ त्रि॒वृत्⁠। त्रि॒वृद् वै⁠। त्रि॒वृदिति॑ त्रि—वृत्⁠। वा अ॒ग्निः⁠। अ॒ग्निर् यावा॑न्⁠। यावा॑ने॒व⁠। ए॒वाग्निः⁠। अ॒ग्निस्तस्य॑⁠। तस्य॒ शुच᳚म्⁠। शुच॑ꣳ शमयति⁠। श॒म॒य॒ति॒ मि॒त्रः⁠। मि॒त्रः स॒ꣳ॒सृज्य॑⁠। स॒ꣳ॒सृज्य॑ पृथि॒वीम्⁠। स॒ꣳ॒सृज्येति॑ सम्—सृज्य॑⁠। पृ॒थि॒वीमिति॑⁠। इत्या॑ह⁠। आ॒ह॒ मि॒त्रः⁠। मि॒त्रो वै⁠। वै शि॒वः⁠। शि॒वो दे॒वाना᳚म्⁠। दे॒वाना॒म् तेन॑⁠। तेनै॒व⁠। ए॒वैन᳚म्⁠। [३१] ए॒न॒ꣳ॒ सम्⁠। सꣳ सृ॑जति⁠। सृ॒ज॒ति॒ शान्त्यै᳚⁠। शान्त्यै॒ यत्⁠। यद् ग्रा॒म्याणा᳚म्⁠। ग्रा॒म्याणा॒म् पात्रा॑णाम्⁠। पात्रा॑णाम् क॒पालैः᳚⁠। क॒पालैः᳚ सꣳसृ॒जेत्⁠। स॒ꣳ॒सृ॒जेद् ग्रा॒म्याणि॑⁠। स॒ꣳ॒सृ॒जेदिति॑ सम्—सृ॒जेत्⁠। ग्रा॒म्याणि॒ पात्रा॑णि⁠। पात्रा॑णि शु॒चा⁠। शु॒चाऽर्प॑येत्⁠। अ॒र्प॒ये॒द॒र्म॒क॒पा॒लैः⁠। अ॒र्म॒क॒पा॒लैः सम्⁠। अ॒र्म॒क॒पा॒लैरित्य॑र्म—क॒पा॒लैः⁠। सꣳ सृ॑जति⁠। सृ॒ज॒त्ये॒तानि॑⁠। ए॒तानि॒ वै⁠। वा अ॑नुपजीवनी॒यानि॑⁠। अ॒नु॒प॒जी॒व॒नी॒यानि॒ तानि॑⁠। अ॒नु॒प॒जी॒व॒नी॒यानीत्य॑नुप—जी॒व॒नी॒यानि॑⁠। तान्ये॒व⁠। ए॒व शु॒चा⁠। शु॒चाऽर्प॑यति⁠। अ॒र्प॒य॒ति॒ शर्क॑राभिः⁠। शर्क॑राभिः॒ सम्⁠। सꣳ सृ॑जति⁠। सृ॒ज॒ति॒ धृत्यै᳚⁠। धृत्या॒ अथो᳚⁠। अथो॑ श॒न्त्वाय॑⁠। अथो॒ इत्यथो᳚⁠। श॒न्त्वाया॑जलो॒मैः⁠। श॒न्त्वायेति॑ शम्—त्वाय॑⁠। अ॒ज॒लो॒मैः सम्⁠। अ॒ज॒लो॒मैरित्य॑ज—लो॒मैः⁠। सꣳ सृ॑जति⁠। सृ॒ज॒त्ये॒षा⁠। ए॒षा वै⁠। वा अ॒ग्नेः⁠। अ॒ग्नेः प्रि॒या⁠। प्रि॒या त॒नूः⁠। त॒नूर् यत्⁠। यद॒जा⁠। अ॒जा प्रि॒यया᳚⁠। प्रि॒ययै॒व⁠। ए॒वैन᳚म्⁠। ए॒न॒म् त॒नुवा᳚⁠। त॒नुवा॒ सम्⁠। सꣳ सृ॑जति⁠। सृ॒ज॒त्यथो᳚⁠। अथो॒ तेज॑सा⁠। अथो॒ इत्यथो᳚⁠। तेज॑सा कृष्णाजि॒नस्य॑⁠। कृ॒ष्णा॒जि॒नस्य॒ लोम॑भिः⁠। कृ॒ष्णा॒जि॒नस्येति॑ कृष्ण—अ॒जि॒नस्य॑⁠। लोम॑भिः॒ सम्⁠। लोम॑भि॒रिति॒ लोम॑—भिः॒⁠। सꣳ सृ॑जति⁠। [३२] सृ॒ज॒ति॒ य॒ज्ञः⁠। य॒ज्ञो वै⁠। वै कृ॑ष्णाजि॒नम्⁠। कृ॒ष्णा॒जि॒नय्ँय॒ज्ञेन॑⁠। कृ॒ष्णा॒जि॒नमिति॑ कृष्ण—अ॒जि॒नम्⁠। य॒ज्ञेनै॒व⁠। ए॒व य॒ज्ञम्⁠। य॒ज्ञꣳ सम्⁠। सꣳ सृ॑जति⁠। सृ॒ज॒ति॒ रु॒द्राः⁠। रु॒द्राः स॒म्भृत्य॑⁠। स॒म्भृत्य॑ पृथि॒वीम्⁠। स॒म्भृत्येति॑ सम्—भृत्य॑⁠। पृ॒थि॒वीमिति॑⁠। इत्या॑ह⁠। आ॒है॒ताः⁠। ए॒ता वै⁠। वा ए॒तम्⁠। ए॒तम् दे॒वताः᳚⁠। दे॒वता॒ अग्रे᳚⁠। अग्रे॒ सम्⁠। सम॑भरन्न्⁠। अ॒भ॒र॒न् ताभिः॑⁠। ताभि॑रे॒व⁠। ए॒वैन᳚म्⁠। ए॒न॒ꣳ॒ सम्⁠। सम् भ॑रति⁠। भ॒र॒ति॒ म॒खस्य॑⁠। म॒खस्य॒ शिरः॑⁠। शिरो॑ऽसि⁠। अ॒सीति॑⁠। इत्या॑ह⁠। आ॒ह॒ य॒ज्ञः⁠। य॒ज्ञो वै⁠। वै म॒खः⁠। म॒खस्तस्य॑⁠। तस्यै॒तत्⁠। ए॒तच्छिरः॑⁠। शिरो॒ यत्⁠। यदु॒खा⁠। उ॒खा तस्मा᳚त्⁠। तस्मा॑दे॒वम्⁠। ए॒वमा॑ह⁠। आ॒ह॒ य॒ज्ञस्य॑⁠। य॒ज्ञस्य॑ प॒दे⁠। प॒दे स्थः॑⁠। प॒दे इति॑ प॒दे⁠। स्थ॒ इति॑⁠। इत्या॑ह⁠। आ॒ह॒ य॒ज्ञस्य॑⁠। य॒ज्ञस्य॒ हि⁠। ह्ये॑ते⁠। ए॒ते प॒दे⁠। ए॒ते इत्ये॒ते⁠। [३३] प॒दे अथो᳚⁠। प॒दे इति॑ प॒दे⁠। अथो॒ प्रति॑ष्ठित्यै⁠। अथो॒ इत्यथो᳚⁠। प्रति॑ष्ठित्यै॒ प्र⁠। प्रति॑ष्ठित्या॒ इति॒ प्रति॑—स्थि॒त्यै॒⁠। प्रान्याभिः॑⁠। अ॒न्याभि॒र् यच्छ॑ति⁠। यच्छ॒त्यनु॑⁠। अन्व॒न्यैः⁠। अ॒न्व॒न्यैर् म॑न्त्रयते⁠। म॒न्त्र॒य॒ते॒ मि॒थु॒न॒त्वाय॑⁠। मि॒थु॒न॒त्वाय॒ त्र्यु॑द्धिम्⁠। मि॒थु॒न॒त्वायेति॑ मिथुन—त्वाय॑⁠। त्र्यु॑द्धिम् करोति⁠। त्र्यु॑द्धि॒मिति॒ त्रि—उ॒द्धि॒म्⁠। क॒रो॒ति॒ त्रयः॑⁠। त्रय॑ इ॒मे⁠। इ॒मे लो॒काः⁠। लो॒का ए॒षाम्⁠। ए॒षाल्ँलो॒काना᳚म्⁠। लो॒काना॒माप्त्यै᳚⁠। आप्त्यै॒ छन्दो॑भिः⁠। छन्दो॑भिः करोति⁠। छन्दो॑भि॒रिति॒ छन्द॑—भिः॒⁠। क॒रो॒ति॒ वी॒र्य᳚म्⁠। वी॒र्य॑व्ँवै⁠। वै छन्दा॑ꣳसि⁠। छन्दा॑ꣳसि वी॒र्ये॑ण⁠। वी॒र्ये॑णै॒व⁠। ए॒वैना᳚म्⁠। ए॒ना॒म् क॒रो॒ति॒⁠। क॒रो॒ति॒ यजु॑षा⁠। यजु॑षा॒ बिल᳚म्⁠। बिल॑म् करोति⁠। क॒रो॒ति॒ व्यावृ॑त्त्यै⁠। व्यावृ॑त्त्या॒ इय॑तीम्⁠। व्यावृ॑त्त्या॒ इति॑ वि—आवृ॑त्त्यै⁠। इय॑तीम् करोति⁠। क॒रो॒ति॒ प्र॒जाप॑तिना⁠। प्र॒जाप॑तिना यज्ञमु॒खेन॑⁠। प्र॒जाप॑ति॒नेति॑ प्र॒जा—प॒ति॒ना॒⁠। य॒ज्ञ॒मु॒खेन॒ सम्मि॑ताम्⁠। य॒ज्ञ॒मु॒खेनेति॑ यज्ञ—मु॒खेन॑⁠। सम्मि॑ताम् द्विस्त॒नाम्⁠। सम्मि॑ता॒मिति॒ सम्—मि॒ता॒म्⁠। द्वि॒स्त॒नाम् क॑रोति⁠। द्वि॒स्त॒नामिति॑ द्वि—स्त॒नाम्⁠। क॒रो॒ति॒ द्यावा॑पृथि॒व्योः⁠। द्यावा॑पृथि॒व्योर् दोहा॑य⁠। द्यावा॑पृथि॒व्योरिति॒ द्यावा᳚—पृ॒थि॒व्योः⁠। दोहा॑य॒ चतु॑स्स्तनाम्⁠। चतु॑स्स्तनाम् करोति⁠। चतु॑स्स्तना॒मिति॒ चतुः॑—स्त॒ना॒म्⁠। क॒रो॒ति॒ प॒शू॒नाम्⁠। प॒शू॒नाम् दोहा॑य⁠। दोहा॑या॒ष्टास्त॑नाम्⁠। अ॒ष्टास्त॑नाम् करोति⁠। अ॒ष्टास्त॑ना॒मित्य॒ष्टा—स्त॒ना॒म्⁠। क॒रो॒ति॒ छन्द॑साम्⁠। छन्द॑सा॒म् दोहा॑य⁠। दोहा॑य॒ नवा᳚श्रिम्⁠। नवा᳚श्रिमभि॒चर॑तः⁠। नवा᳚श्रि॒मिति॒ नव॑—अ॒श्रि॒म्⁠। अ॒भि॒चर॑तः कुर्यात्⁠। अ॒भि॒चर॑त॒ इत्य॑भि—चर॑तः⁠। कु॒र्या॒त् त्रि॒वृत᳚म्⁠। त्रि॒वृत॑मे॒व⁠। त्रि॒वृत॒मिति॑ त्रि—वृत᳚म्⁠। ए॒व वज्र᳚म्⁠। वज्र॑ꣳ स॒म्भृत्य॑⁠। स॒म्भृत्य॒ भ्रातृ॑व्याय⁠। स॒म्भृत्येति॑ सम्—भृत्य॑⁠। भ्रातृ॑व्याय॒ प्र⁠। प्र ह॑रति⁠। ह॒र॒ति॒ स्तृत्यै᳚⁠। स्तृत्यै॑ कृ॒त्वाय॑⁠। कृ॒त्वाय॒ सा⁠। सा म॒हीम्⁠। म॒हीमु॒खाम्⁠। उ॒खामिति॑⁠। इति॒ नि⁠। नि द॑धाति⁠। द॒धा॒ति॒ दे॒वता॑सु⁠। दे॒वता᳚स्वे॒व⁠। ए॒वैना᳚म्⁠। ए॒ना॒म् प्रति॑⁠। प्रति॑ ष्ठापयति⁠। स्था॒प॒य॒तीति॑ स्थापयति⁠॥ [३४] (तेनै॒व लोम॑भिः॒ स मे॒ते अ॑भि॒चर॑त॒ एक॑विꣳशतिश्च) ॥६॥
स॒प्तभि॑र् धूपयति⁠। स॒प्तभि॒रिति॑ स॒प्त—भिः॒⁠। धू॒प॒य॒ति॒ स॒प्त⁠। स॒प्त वै⁠। वै शी॑र्‌ष॒ण्याः᳚⁠। शी॒र्॒‌ष॒ण्याः᳚ प्रा॒णाः⁠। प्रा॒णाः शिरः॑⁠। प्रा॒णा इति॑ प्र—अ॒नाः⁠। शिर॑ ए॒तत्⁠। ए॒तद् य॒ज्ञस्य॑⁠। य॒ज्ञस्य॒ यत्⁠। यदु॒खा⁠। उ॒खा शी॒र्॒‌षन्न्⁠। शी॒र्॒‌षन्ने॒व⁠। ए॒व य॒ज्ञस्य॑⁠। य॒ज्ञस्य॑ प्रा॒णान्⁠। प्रा॒णान् द॑धाति⁠। प्रा॒णानिति॑ प्र—अ॒नान्⁠। द॒धा॒ति॒ तस्मा᳚त्⁠। तस्मा᳚थ् स॒प्त⁠। स॒प्त शी॒र्॒‌षन्न्⁠। शी॒र्॒‌षन् प्रा॒णाः⁠। प्रा॒णा अ॑श्वश॒केन॑⁠। प्रा॒णा इति॑ प्र—अ॒नाः⁠। अ॒श्व॒श॒केन॑ धूपयति⁠। अ॒श्व॒श॒केनेत्य॑श्व—श॒केन॑⁠। धू॒प॒य॒ति॒ प्रा॒जा॒प॒त्यः⁠। प्रा॒जा॒प॒त्यो वै⁠। प्रा॒जा॒प॒त्य इति॑ प्राजा—प॒त्यः⁠। वा अश्वः॑⁠। अश्वः॑ सयोनि॒त्वाय॑⁠। स॒यो॒नि॒त्वायादि॑तिः⁠। स॒यो॒नि॒त्वायेति॑ सयोनि—त्वाय॑⁠। अदि॑तिस्त्वा⁠। त्वेति॑⁠। इत्या॑ह⁠। आ॒हे॒यम्⁠। इ॒यव्ँवै⁠। वा अदि॑तिः⁠। अदि॑ति॒रदि॑त्या⁠। अदि॑त्यै॒व⁠। ए॒वादि॑त्याम्⁠। अदि॑त्याम् खनति⁠। ख॒न॒त्य॒स्याः⁠। अ॒स्या अक्रू॑रङ्‍काराय⁠। अक्रू॑रङ्‍काराय॒ न⁠। अक्रू॑रङ्‍कारा॒येत्यक्रू॑रम्—का॒रा॒य॒⁠। न हि⁠। हि स्वः⁠। स्वः स्वम्⁠। स्वꣳ हि॒नस्ति॑⁠। हि॒नस्ति॑ दे॒वाना᳚म्⁠। दे॒वाना᳚म् त्वा⁠। त्वा॒ पत्नीः᳚⁠। पत्नी॒रिति॑⁠। इत्या॑ह⁠। आ॒ह॒ दे॒वाना᳚म्⁠। दे॒वाना॒व्ँवै⁠। [३५] वा ए॒ताम्⁠। ए॒ताम् पत्न॑यः⁠। पत्न॒योऽग्रे᳚⁠। अग्रे॑ऽकुर्वन्न्⁠। अ॒कु॒र्व॒न् ताभिः॑⁠। ताभि॑रे॒व⁠। ए॒वैना᳚म्⁠। ए॒ना॒म् द॒धा॒ति॒⁠। द॒धा॒ति॒ धि॒षणाः᳚⁠। धि॒षणा᳚स्त्वा⁠। त्वेति॑⁠। इत्या॑ह⁠। आ॒ह॒ वि॒द्याः⁠। वि॒द्या वै⁠। वै धि॒षणाः᳚⁠। धि॒षणा॑ वि॒द्याभिः॑⁠। वि॒द्याभि॑रे॒व⁠। ए॒वैना᳚म्⁠। ए॒ना॒म॒भि⁠। अ॒भीन्धे᳚⁠। इ॒न्धे॒ ग्नाः⁠। ग्नास्त्वा᳚⁠। त्वेति॑⁠। इत्या॑ह⁠। आ॒ह॒ छन्दा॑ꣳसि⁠। छन्दा॑ꣳसि॒ वै⁠। वै ग्नाः⁠। ग्नाश्छन्दो॑भिः⁠। छन्दो॑भिरे॒व⁠। छन्दो॑भि॒रिति॒ छन्दः॑—भिः॒⁠। ए॒वैना᳚म्⁠। ए॒ना॒ꣴ॒ श्र॒प॒य॒ति॒⁠। श्र॒प॒य॒ति॒ वरू᳚त्रयः⁠। वरू᳚त्रयस्त्वा⁠। त्वेति॑⁠। इत्या॑ह⁠। आ॒ह॒ होत्राः᳚⁠। होत्रा॒ वै⁠। वै वरू᳚त्रयः⁠। वरू᳚त्रयो॒ होत्रा॑भिः⁠। होत्रा॑भिरे॒व⁠। ए॒वैना᳚म्⁠। ए॒ना॒म् प॒च॒ति॒⁠। प॒च॒ति॒ जन॑यः⁠। जन॑यस्त्वा⁠। त्वेति॑⁠। इत्या॑ह⁠। आ॒ह॒ दे॒वाना᳚म्⁠। दे॒वाना॒व्ँवै⁠। वै पत्नीः᳚⁠। पत्नी॒र् जन॑यः⁠। [३६] जन॑य॒स्ताभिः॑⁠। ताभि॑रे॒व⁠। ए॒वैना᳚म्⁠। ए॒ना॒म् प॒च॒ति॒⁠। प॒च॒ति॒ ष॒ड्भिः⁠। ष॒ड्भिः प॑चति⁠। ष॒ड्भिरिति॑ षट्—भिः⁠। प॒च॒ति॒ षट्⁠। षड् वै⁠। वा ऋ॒तवः॑⁠। ऋ॒तव॑ ऋ॒तुभिः॑⁠। ऋ॒तुभि॑रे॒व⁠। ऋ॒तुभि॒रित्यृ॒तु—भिः॒⁠। ए॒वैना᳚म्⁠। ए॒ना॒म् प॒च॒ति॒⁠। प॒च॒ति॒ द्विः⁠। द्विः पच॑न्तु⁠। पच॒न्त्विति॑⁠। इत्या॑ह⁠। आ॒ह॒ तस्मा᳚त्⁠। तस्मा॒द् द्विः⁠। द्विः स॑व्ँवथ्स॒रस्य॑⁠। स॒व्ँव॒थ्स॒रस्य॑ स॒स्यम्⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। स॒स्यम् प॑च्यते⁠। प॒च्य॒ते॒ वा॒रु॒णी⁠। वा॒रु॒ण्यु॑खा⁠। उ॒खाऽभीद्धा᳚⁠। अ॒भीद्धा॑ मै॒त्रिया᳚⁠। अ॒भीद्धेत्य॒भि—इ॒द्धा॒⁠। मै॒त्रियोप॑⁠। उपै॑ति⁠। ए॒ति॒ शान्त्यै᳚⁠। शान्त्यै॑ दे॒वः⁠। दे॒वस्त्वा᳚⁠। त्वा॒ स॒वि॒ता⁠। स॒वि॒तोत्⁠। उद् व॑पतु⁠। व॒प॒त्विति॑⁠। इत्या॑ह⁠। आ॒ह॒ स॒वि॒तृप्र॑सूतः⁠। स॒वि॒तृप्र॑सूत ए॒व⁠। स॒वि॒तृप्र॑सूत॒ इति॑ सवि॒तृ—प्र॒सू॒तः॒⁠। ए॒वैना᳚म्⁠। ए॒ना॒म् ब्रह्म॑णा⁠। ब्रह्म॑णा दे॒वता॑भिः⁠। दे॒वता॑भि॒रुत्⁠। उद् व॑पति⁠। व॒प॒त्यप॑द्यमाना⁠। अप॑द्यमाना पृथि॒वी⁠। पृ॒थि॒व्याशाः᳚⁠। आशा॒ दिशः॑⁠। दिश॒ आ⁠। आ पृ॑ण⁠। पृ॒णेति॑⁠। [३७] इत्या॑ह⁠। आ॒ह॒ तस्मा᳚त्⁠। तस्मा॑द॒ग्निः⁠। अ॒ग्निः सर्वाः᳚⁠। सर्वा॒ दिशः॑⁠। दिशोऽनु॑⁠। अनु॒ वि⁠। वि भा॑ति⁠। भा॒त्युत्⁠। उत्ति॑ष्ठ⁠। ति॒ष्ठ॒ बृ॒ह॒ती⁠। बृ॒ह॒ती भ॑व⁠। भ॒वो॒र्द्ध्वा⁠। ऊ॒र्द्ध्वा ति॑ष्ठ⁠। ति॒ष्ठ॒ ध्रु॒वा⁠। ध्रु॒वा त्वम्⁠। त्वमिति॑⁠। इत्या॑ह⁠। आ॒ह॒ प्रति॑ष्ठित्यै⁠। प्रति॑ष्ठित्या असु॒र्य᳚म्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अ॒सु॒र्य॑म् पात्र᳚म्⁠। पात्र॒मना᳚च्छृण्णम्⁠। अना᳚च्छृण्ण॒मा⁠। अना᳚च्छृण्ण॒मित्यना᳚—छृ॒ण्ण॒म्⁠। आच्छृ॑णत्ति⁠। छृ॒ण॒त्ति॒ दे॒व॒त्रा⁠। दे॒व॒त्राऽकः॑⁠। दे॒व॒त्रेति॑ देव—त्रा⁠। अ॒क॒र॒ज॒ख्‍षी॒रेण॑⁠। अ॒ज॒ख्‍षी॒रेणा⁠। अ॒ज॒ख्‍षी॒रेणेत्य॑ज—ख्‍षी॒रेण॑⁠। आच्छृ॑णत्ति⁠। छृ॒ण॒त्ति॒ प॒र॒मम्⁠। प॒र॒मव्ँवै⁠। वा ए॒तत्⁠। ए॒तत् पयः॑⁠। पयो॒ यत्⁠। यद॑जख्‍षी॒रम्⁠। अ॒ज॒ख्‍षी॒रम् प॑र॒मेण॑⁠। अ॒ज॒ख्‍षी॒रमित्य॑ज—ख्‍षी॒रम्⁠। प॒र॒मेणै॒व⁠। ए॒वैना᳚म्⁠। ए॒ना॒म् पय॑सा⁠। पय॒सा⁠। आच्छृ॑णत्ति⁠। छृ॒ण॒त्ति॒ यजु॑षा⁠। यजु॑षा॒ व्यावृ॑त्त्यै⁠। व्यावृ॑त्त्यै॒ छन्दो॑भिः⁠। व्यावृ॑त्त्या॒ इति॑ वि—आवृ॑त्त्यै⁠। छन्दो॑भि॒रा⁠। छन्दो॑भि॒रिति॒ छन्दः॑—भिः॒⁠। आच्छृ॑णत्ति⁠। छृ॒ण॒त्ति॒ छन्दो॑भिः⁠। छन्दो॑भि॒र् वै⁠। छन्दो॑भि॒रिति॒ छन्दः॑—भिः॒⁠। वा ए॒षा⁠। ए॒षा क्रि॑यते⁠। क्रि॒य॒ते॒ छन्दो॑भिः⁠। छन्दो॑भिरे॒व⁠। छन्दो॑भि॒रिति॒ छन्दः॑—भिः॒⁠। ए॒व छन्दा॑ꣳसि⁠। छन्दा॒ꣴ॒स्या⁠। आच्छृ॑णत्ति⁠। छृ॒ण॒त्तीति॑ छृणत्ति⁠॥ [३८] (आ॒ह दे॒वाना॒म् वै पत्नीः᳚ पृणै॒ षा षट्च॑) ॥७॥
एक॑विꣳशत्या॒ माषैः᳚⁠। एक॑विꣳश॒त्येत्येक॑—वि॒ꣳ॒श॒त्या॒⁠। माषैः᳚ पुरुषशी॒र्॒‌षम्⁠। पु॒रु॒ष॒शी॒र्॒‌षमच्छ॑⁠। पु॒रु॒ष॒शी॒र्॒‌षमिति॑ पुरुष—शी॒र्॒‌षम्⁠। अच्छै॑ति⁠। ए॒त्य॒मे॒द्ध्याः⁠। अ॒मे॒द्ध्या वै⁠। वै माषाः᳚⁠। माषा॑ अमे॒द्ध्यम्⁠। अ॒मे॒द्ध्यम् पु॑रुषशी॒र्॒‌षम्⁠। पु॒रु॒ष॒शी॒र्॒‌षम॑मे॒द्ध्यैः⁠। पु॒रु॒ष॒शी॒र्॒‌षमिति॑ पुरुष—शी॒र्॒‌षम्⁠। अ॒मे॒द्ध्यैरे॒व⁠। ए॒वास्य॑⁠। अ॒स्या॒मे॒द्ध्यम्⁠। अ॒मे॒द्ध्यम् नि॑रव॒दाय॑⁠। नि॒र॒व॒दाय॒ मेद्ध्य᳚म्⁠। नि॒र॒व॒दायेति॑ निः—अ॒व॒दाय॑⁠। मेद्ध्य॑म् कृ॒त्वा⁠। कृ॒त्वा ऽऽ ह॑रति⁠। आ ह॑रति⁠। ह॒र॒त्येक॑विꣳशतिः⁠। एक॑विꣳशतिर् भवन्ति⁠। एक॑विꣳशति॒रित्येक॑—वि॒ꣳ॒श॒तिः॒⁠। भ॒व॒न्त्ये॒क॒वि॒ꣳ॒शः⁠। ए॒क॒वि॒ꣳ॒शो वै⁠। ए॒क॒वि॒ꣳ॒श इत्ये॑क—वि॒ꣳ॒शः⁠। वै पुरु॑षः⁠। पुरु॑षः॒ पुरु॑षस्य⁠। पुरु॑ष॒स्याप्त्यै᳚⁠। आप्त्यै॒ व्यृ॑द्धम्⁠। व्यृ॑द्ध॒व्ँवै⁠। व्यृ॑द्ध॒मिति॒ वि—ऋ॒द्ध॒म्⁠। वा ए॒तत्⁠। ए॒तत् प्रा॒णैः⁠। प्रा॒णैर॑मे॒द्ध्यम्⁠। प्रा॒णैरिति॑ प्र—अ॒नैः⁠। अ॒मे॒द्ध्यय्ँयत्⁠। यत् पु॑रुषशी॒र्॒‌षम्⁠। पु॒रु॒ष॒शी॒र्॒‌षꣳ स॑प्त॒धा⁠। पु॒रु॒ष॒शी॒र्॒‌षमिति॑ पुरुष—शी॒र्॒‌षम्⁠। स॒प्त॒धा वितृ॑ण्णाम्⁠। स॒प्त॒धेति॑ सप्त—धा⁠। वितृ॑ण्णाव्ँवल्मीकव॒पाम्⁠। वितृ॑ण्णा॒मिति॒ वि—तृ॒ण्णा॒म्⁠। व॒ल्मी॒क॒व॒पाम् प्रति॑⁠। व॒ल्मि॒क॒व॒पामिति॑ वल्मीक—व॒पाम्⁠। प्रति॒ नि⁠। नि द॑धाति⁠। द॒धा॒ति॒ स॒प्त⁠। स॒प्त वै⁠। वै शी॑र्‌ष॒ण्याः᳚⁠। शी॒र्॒‌ष॒ण्याः᳚ प्रा॒णाः⁠। प्रा॒णाः प्रा॒णैः⁠। प्रा॒णा इति॑ प्र—अ॒नाः⁠। प्रा॒णैरे॒व⁠। प्रा॒णैरिति॑ प्र—अ॒नैः⁠। ए॒वैन॑त्⁠। ए॒न॒थ् सम्⁠। सम॑र्द्धयति⁠। अ॒र्द्ध॒य॒ति॒ मे॒द्ध्य॒त्वाय॑⁠। मे॒द्ध्य॒त्वाय॒ याव॑न्तः⁠। मे॒द्ध्य॒त्वायेति॑ मेद्ध्य—त्वाय॑⁠। याव॑न्तो॒ वै⁠। [३९] वै मृ॒त्युब॑न्धवः⁠। मृ॒त्युब॑न्धव॒स्तेषा᳚म्⁠। मृ॒त्युब॑न्धव॒ इति॑ मृ॒त्यु—ब॒न्ध॒वः॒⁠। तेषा᳚य्ँय॒मः⁠। य॒म आधि॑पत्यम्⁠। आधि॑पत्य॒म् परि॑⁠। आधि॑पत्य॒मित्याधि॑—प॒त्य॒म्⁠। परी॑याय⁠। इ॒या॒य॒ य॒म॒गा॒थाभिः॑⁠। य॒म॒गा॒थाभिः॒ परि॑⁠। य॒म॒गा॒थाभि॒रिति॑ यम—गा॒थाभिः॑⁠। परि॑ गायति⁠। गा॒य॒ति॒ य॒मात्⁠। य॒मादे॒व⁠। ए॒वैन॑त्⁠। ए॒न॒द् वृ॒ङ्‍क्ते॒⁠। वृ॒ङ्‍क्ते॒ ति॒सृभिः॑⁠। ति॒सृभिः॒ परि॑⁠। ति॒सृभि॒रिति॑ ति॒सृ—भिः॒⁠। परि॑ गायति⁠। गा॒य॒ति॒ त्रयः॑⁠। त्रय॑ इ॒मे⁠। इ॒मे लो॒काः⁠। लो॒का ए॒भ्यः⁠। ए॒भ्य ए॒व⁠। ए॒वैन॑त्⁠। ए॒न॒ल्लो॒केभ्यः॑⁠। लो॒केभ्यो॑ वृङ्‍क्ते⁠। वृ॒ङ्‍क्ते॒ तस्मा᳚त्⁠। तस्मा॒द् गाय॑ते⁠। गाय॑ते॒ न⁠। न देय᳚म्⁠। देय॒म् गाथा᳚⁠। गाथा॒ हि⁠। हि तत्⁠। तद् वृ॒ङ्‍क्ते⁠। वृ॒ङ्‍क्ते᳚ऽग्निभ्यः॑⁠। अ॒ग्निभ्यः॑ प॒शून्⁠। अ॒ग्निभ्य॒ इत्य॒ग्नि—भ्यः॒⁠। प॒शूना⁠। आ ल॑भते⁠। ल॒भ॒ते॒ कामाः᳚⁠। कामा॒ वै⁠। वा अ॒ग्नयः॑⁠। अ॒ग्नयः॒ कामा॑न्⁠। कामा॑ने॒व⁠। ए॒वाव॑⁠। अव॑ रुन्धे⁠। रु॒न्धे॒ यत्⁠। यत् प॒शून्⁠। प॒शून् न⁠। नालभे॑त⁠। आ॒लभे॒तान॑वरुद्धाः⁠। आ॒लभे॒तेत्या᳚—लभे॑त⁠। अन॑वरुद्धा अस्य⁠। अन॑वरुद्धा॒ इत्यन॑व—रु॒द्धाः॒⁠। अ॒स्य॒ प॒शवः॑⁠। [४०] प॒शवः॑ स्युः⁠। स्यु॒र् यत्⁠। यत् पर्य॑ग्निकृतान्⁠। पर्य॑ग्निकृतानुथ्सृ॒जेत्⁠। पर्य॑ग्निकृता॒निति॒ पर्य॑ग्नि—कृ॒ता॒न्॒⁠। उ॒थ्सृ॒जेद् य॑ज्ञवेश॒सम्⁠। उ॒थ्सृ॒जेदित्यु॑त्—सृ॒जेत्⁠। य॒ज्ञ॒वे॒श॒सम् कु॑र्यात्⁠। य॒ज्ञ॒वे॒श॒समिति॑ यज्ञ—वे॒श॒सम्⁠। कु॒र्या॒द् यत्⁠। यथ् स॑ꣴस्था॒पये᳚त्⁠। स॒ꣴ॒स्था॒पये᳚द् या॒तया॑मानि⁠। स॒ꣴ॒स्था॒पये॒दिति॑ सम्—स्था॒पये᳚त्⁠। या॒तया॑मानि शी॒र्॒‌षाणि॑⁠। या॒तया॑मा॒नीति॑ या॒त—या॒मा॒नि॒⁠। शी॒र्॒‌षाणि॑ स्युः⁠। स्यु॒र् यत्⁠। यत् प॒शून्⁠। प॒शूना॒लभ॑ते⁠। आ॒लभ॑ते॒ तेन॑⁠। आ॒लभ॑त॒ इत्या᳚—लभ॑ते⁠। तेनै॒व⁠। ए॒व प॒शून्⁠। प॒शूनव॑⁠। अव॑ रुन्धे⁠। रु॒न्धे॒ यत्⁠। यत् पर्य॑ग्निकृतान्⁠। पर्य॑ग्निकृता,नुथ्सृ॒जति॑⁠। पर्य॑ग्निकृता॒निति॒ पर्य॑ग्नि—कृ॒ता॒न्॒⁠। उ॒थ्सृ॒जति॑ शी॒र्ष्णाम्⁠। उ॒थ्सृ॒जतीत्यु॑त्—सृ॒जति॑⁠। शी॒र्ष्णामया॑तयामत्वाय⁠। अया॑तयामत्वाय प्राजाप॒त्येन॑⁠। अया॑तयामत्वा॒येत्यया॑तयाम—त्वा॒य॒⁠। प्रा॒जा॒प॒त्येन॒ सम्⁠। प्रा॒जा॒प॒त्येनेति॑ प्राजा—प॒त्येन॑⁠। सꣴ स्था॑पयति⁠। स्था॒प॒य॒ति॒ य॒ज्ञः⁠। य॒ज्ञो वै⁠। वै प्र॒जाप॑तिः⁠। प्र॒जाप॑तिर् य॒ज्ञे⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञ ए॒व⁠। ए॒व य॒ज्ञम्⁠। य॒ज्ञम् प्रति॑⁠। प्रति॑ ष्ठापयति⁠। स्था॒प॒य॒ति॒ प्र॒जाप॑तिः⁠। प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा अ॑सृजत⁠। प्र॒जा इति॑ प्र—जाः⁠। अ॒सृ॒ज॒त॒ सः⁠। स रि॑रिचा॒नः⁠। रि॒रि॒चा॒नो॑ऽमन्यत⁠। अ॒म॒न्य॒त॒ स⁠। स ए॒ताः⁠। ए॒ता आ॒प्रीः⁠। आ॒प्रीर॑पश्यत्⁠। आ॒प्रीरित्या᳚—प्रीः⁠। अ॒प॒श्य॒त् ताभिः॑⁠। ताभि॒र् वै⁠। वै सः⁠। स मु॑ख॒तः⁠। मु॒ख॒त आ॒त्मान᳚म्⁠। [४१] आ॒त्मान॒मा⁠। आऽप्री॑णीत⁠। अ॒प्री॒णी॒त॒ यत्⁠। यदे॒ताः⁠। ए॒ता आ॒प्रियः॑⁠। आ॒प्रियो॒ भव॑न्ति⁠। आ॒प्रिय॒ इत्या᳚—प्रियः॑⁠। भव॑न्ति य॒ज्ञः⁠। य॒ज्ञो वै⁠। वै प्र॒जाप॑तिः⁠। प्र॒जाप॑तिर् य॒ज्ञम्⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञमे॒व⁠। ए॒वैताभिः॑⁠। ए॒ताभि॑र् मुख॒तः⁠। मु॒ख॒त आ⁠। आ प्री॑णाति⁠। प्री॒णा॒त्यप॑रिमितछन्दसः⁠। अप॑रिमितछन्दसो भवन्ति⁠। अप॑रिमितछन्दस॒ इत्यप॑रिमित—छ॒न्द॒सः॒⁠। भ॒व॒न्त्यप॑रिमितः⁠। अप॑रिमितः प्र॒जाप॑तिः⁠। अप॑रिमित॒ इत्यप॑रि—मि॒तः॒⁠। प्र॒जाप॑तिः प्र॒जाप॑तेः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जाप॑ते॒राप्त्यै᳚⁠। प्र॒जाप॑ते॒रिति॑ प्र॒जा—प॒तेः॒⁠। आप्त्या॑ ऊनातिरि॒क्ताः⁠। ऊ॒ना॒ति॒रि॒क्ता मि॑थु॒नाः⁠। ऊ॒ना॒ति॒रि॒क्ता इत्यू॑न—अ॒ति॒रि॒क्ताः⁠। मि॒थु॒नाः प्रजा᳚त्यै⁠। प्रजा᳚त्यै लोम॒शम्⁠। प्रजा᳚त्या॒ इति॒ प्र—जा॒त्यै॒⁠। लो॒म॒शव्ँवै⁠। वै नाम॑⁠। नामै॒तत्⁠। ए॒तच् छन्दः॑⁠। छन्दः॑ प्र॒जाप॑तेः⁠। प्र॒जाप॑तेः प॒शवः॑⁠। प्र॒जाप॑ते॒रिति॑ प्र॒जा—प॒तेः॒⁠। प॒शवो॑ लोम॒शाः⁠। लो॒म॒शाः प॒शून्⁠। प॒शूने॒व⁠। ए॒वाव॑⁠। अव॑ रुन्धे⁠। रु॒न्धे॒ सर्वा॑णि⁠। सर्वा॑णि॒ वै⁠। वा ए॒ताः⁠। ए॒ता रू॒पाणि॑⁠। रू॒पाणि॒ सर्वा॑णि⁠। सर्वा॑णि रू॒पाणि॑⁠। रू॒पाण्य॒ग्नौ⁠। अ॒ग्नौ चित्ये᳚⁠। चित्ये᳚ क्रियन्ते⁠। क्रि॒य॒न्ते॒ तस्मा᳚त्⁠। तस्मा॑दे॒ताः⁠। ए॒ता अ॒ग्नेः⁠। अ॒ग्नेश्चित्य॑स्य⁠। चित्य॑स्य भवन्ति⁠। [४२] भ॒व॒न्त्येक॑विꣳशतिम्⁠। एक॑विꣳशतिꣳ सामिधे॒नीः⁠। एक॑विꣳशति॒मित्येक॑—वि॒ꣳ॒श॒ति॒म्⁠। सा॒मि॒धे॒नीरनु॑⁠। सा॒मि॒धे॒नीरिति॑ साम्—इ॒धे॒नीः⁠। अन्वा॑ह⁠। आ॒ह॒ रुक्⁠। रुग् वै⁠। वा ए॑कवि॒ꣳ॒शः⁠। ए॒क॒वि॒ꣳ॒शो रुच᳚म्⁠। ए॒क॒वि॒ꣳ॒श इत्ये॑क—वि॒ꣳ॒शः⁠। रुच॑मे॒व⁠। ए॒व ग॑च्छति⁠। ग॒च्छ॒त्यथो᳚⁠। अथो᳚ प्रति॒ष्ठाम्⁠। अथो॒ इत्यथो᳚⁠। प्र॒ति॒ष्ठामे॒व⁠। प्र॒ति॒ष्ठामिति॑ प्रति—स्थाम्⁠। ए॒व प्र॑ति॒ष्ठा⁠। प्र॒ति॒ष्ठा हि⁠। प्र॒ति॒ष्ठेति॑ प्रति—स्था⁠। ह्ये॑कवि॒ꣳ॒शः⁠। ए॒क॒वि॒ꣳ॒श,श्चतु॑र्विꣳशतिम्⁠। ए॒क॒वि॒ꣳ॒श इत्ये॑क—वि॒ꣳ॒शः⁠। चतु॑र्विꣳशति॒मनु॑⁠। चतु॑र्विꣳशति॒मिति॒ चतुः॑—वि॒ꣳ॒श॒ति॒म्⁠। अन्वा॑ह⁠। आ॒ह॒ चतु॑र्विꣳशतिः⁠। चतु॑र्विꣳशतिरर्द्धमा॒साः⁠। चतु॑र्विꣳशति॒रिति॒ चतुः॑—वि॒ꣳ॒श॒तिः॒⁠। अ॒र्द्ध॒मा॒साः स॑व्ँवथ्स॒रः⁠। अ॒र्द्ध॒मा॒सा इत्य॑र्द्ध—मा॒साः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रो᳚ऽग्निः⁠। स॒व्ँव॒थ्स॒र इति॑ सम्—व॒थ्स॒रः⁠। अ॒ग्निर् वै᳚श्वान॒रः⁠। वै॒श्वा॒न॒रः सा॒ख्‍षात्⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। ए॒व वै᳚श्वान॒रम्⁠। वै॒श्वा॒न॒रमव॑⁠। अव॑ रुन्धे⁠। रु॒न्धे॒ परा॑चीः⁠। परा॑ची॒रनु॑⁠। अन्वा॑ह⁠। आ॒ह॒ परा॑ङ्‍⁠। परा॑ङिव⁠। इ॒व॒ हि⁠। हि सु॑व॒र्गः⁠। सु॒व॒र्गो लो॒कः⁠। सु॒व॒र्ग इति॑ सुवः—गः⁠। लो॒कः समाः᳚⁠। समा᳚स्त्वा⁠। त्वा॒ऽग्ने॒⁠। अ॒ग्न॒ ऋ॒तवः॑⁠। ऋ॒तवो॑ वर्द्धयन्तु⁠। व॒र्द्ध॒य॒न्त्विति॑⁠। इत्या॑ह⁠। आ॒ह॒ समा॑भिः⁠। समा॑भिरे॒व⁠। ए॒वाग्निम्⁠। अ॒ग्निव्ँव॑र्द्धयति⁠। व॒र्द्ध॒य॒त्यृ॒तुभिः॑⁠। [४३] ऋ॒तुभिः॑ सव्ँवथ्स॒रम्⁠। ऋ॒तुभि॒रित्यृ॒तु—भिः॒⁠। स॒व्ँव॒थ्स॒रव्ँविश्वाः᳚⁠। स॒व्ँव॒थ्स॒रमिति॑ सम्—व॒थ्स॒रम्⁠। विश्वा॒ आ⁠। आ भा॑हि⁠। भा॒हि॒ प्र॒दिशः॑⁠। प्र॒दिशः॑ पृथि॒व्याः⁠। प्र॒दिश॒ इति॑ प्र—दिशः॑⁠। पृ॒थि॒व्या इति॑⁠। इत्या॑ह⁠। आ॒ह॒ तस्मा᳚त्⁠। तस्मा॑द॒ग्निः⁠। अ॒ग्निः सर्वाः᳚⁠। सर्वा॒ दिशः॑⁠। दिशोऽनु॑⁠। अनु॒ वि⁠। वि भा॑ति⁠। भा॒ति॒ प्रति॑⁠। प्रत्यौ॑हताम्⁠। औ॒ह॒ता॒,म॒श्विना᳚⁠। अ॒श्विना॑ मृ॒त्युम्⁠। मृ॒त्युम॑स्मात्⁠। अ॒स्मा॒दिति॑⁠। इत्या॑ह⁠। आ॒ह॒ मृ॒त्युम्⁠। मृ॒त्युमे॒व⁠। ए॒वास्मा᳚त्⁠। अ॒स्मा॒दप॑⁠। अप॑ नुदति⁠। नु॒द॒त्युत्⁠। उद् व॒यम्⁠। व॒यम् तम॑सः⁠। तम॑स॒स्परि॑⁠। परीति॑⁠। इत्या॑ह⁠। आ॒ह॒ पा॒प्मा⁠। पा॒प्मा वै⁠। वै तमः॑⁠। तमः॑ पा॒प्मान᳚म्⁠। पा॒प्मान॑मे॒व⁠। ए॒वास्मा᳚त्⁠। अ॒स्मा॒दप॑⁠। अप॑ हन्ति⁠। ह॒न्त्यग॑न्म⁠। अग॑न्म॒ ज्योतिः॑⁠। ज्योति॑रुत्त॒मम्⁠। उ॒त्त॒ममिति॑⁠। उ॒त्त॒ममित्यु॑त्—त॒मम्⁠। इत्या॑ह⁠। आ॒हा॒सौ⁠। अ॒सौ वै⁠। वा आ॑दि॒त्यः⁠। आ॒दि॒त्यो ज्योतिः॑⁠। ज्योति॑रुत्त॒मम्⁠। उ॒त्त॒ममा॑दि॒त्यस्य॑⁠। उ॒त्त॒ममित्यु॑त्—त॒मम्⁠। आ॒दि॒त्यस्यै॒व⁠। ए॒व सायु॑ज्यम्⁠। सायु॑ज्यम् गच्छति⁠। ग॒च्छ॒ति॒ न⁠। न स॑व्ँवथ्स॒रः⁠। स॒व्ँव॒थ्स॒रस्ति॑ष्ठति⁠। स॒व्ँव॒थ्स॒र इति॑ सम्—व॒थ्स॒रः⁠। ति॒ष्ठ॒ति॒ न⁠। नास्य॑⁠। अ॒स्य॒ श्रीः⁠। श्रीस्ति॑ष्ठति⁠। ति॒ष्ठ॒ति॒ यस्य॑⁠। यस्यै॒ताः⁠। ए॒ताः क्रि॒यन्ते᳚⁠। क्रि॒यन्ते॒ ज्योति॑ष्मतीम्⁠। ज्योति॑ष्मतीमुत्त॒माम्⁠। उ॒त्त॒मामनु॑⁠। उ॒त्त॒मामित्यु॑त्—त॒माम्⁠। अन्वा॑ह⁠। आ॒ह॒ ज्योतिः॑⁠। ज्योति॑रे॒व⁠। ए॒वास्मै᳚⁠। अ॒स्मा॒ उ॒परि॑ष्टात्⁠। उ॒परि॑ष्टाद् दधाति⁠। द॒धा॒ति॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्यानु॑ख्यात्यै⁠। अनु॑ख्यात्या॒ इत्यनु॑—ख्या॒त्यै॒⁠॥ [४४] (याव॑न्तः अस्य मुख॒त श्चित्य॑स्य वर्द्धय त्यादि॒त्यो᳚ ऽष्टावि॑ꣳशतिश्च) ॥८॥
ष॒ड्भिर् दी᳚ख्‍षयति⁠। ष॒ड्भिरिति॑ षट्—भिः⁠। दी॒ख्‍ष॒य॒ति॒ षट्⁠। षड् वै⁠। वा ऋ॒तवः॑⁠। ऋ॒तव॑ ऋ॒तुभिः॑⁠। ऋ॒तुभि॑रे॒व⁠। ऋ॒तुभि॒रित्यृ॒तु—भिः॒⁠। ए॒वैन᳚म्⁠। ए॒न॒म् दी॒ख्‍ष॒य॒ति॒⁠। दी॒ख्‍ष॒य॒ति॒ स॒प्तभिः॑⁠। स॒प्तभि॑र् दीख्‍षयति⁠। स॒प्तभि॒रिति॑ स॒प्त—भिः॒⁠। दी॒ख्‍ष॒य॒ति॒ स॒प्त⁠। स॒प्त छन्दा॑ꣳसि⁠। छन्दा॑ꣳसि॒ छन्दो॑भिः⁠। छन्दो॑भिरे॒व⁠। छन्दो॑भि॒रिति॒ छन्दः॑—भिः॒⁠। ए॒वैन᳚म्⁠। ए॒न॒म् दी॒ख्‍ष॒य॒ति॒⁠। दी॒ख्‍ष॒य॒ति॒ विश्वे᳚⁠। विश्वे॑ दे॒वस्य॑⁠। दे॒वस्य॑ ने॒तुः⁠। ने॒तुरिति॑⁠। इत्य॑नु॒ष्टुभा᳚⁠। अ॒नु॒ष्टुभो᳚त्त॒मया᳚⁠। अ॒नु॒ष्टुभेत्य॑नु—स्तुभा᳚⁠। उ॒त्त॒मया॑ जुहोति⁠। उ॒त्त॒मयेत्यु॑त्—त॒मया᳚⁠। जु॒हो॒ति॒ वाक्⁠। वाग्वै⁠। वा अ॑नु॒ष्टुप्⁠। अ॒नु॒ष्टुप् तस्मा᳚त्⁠। अ॒नु॒ष्टुबित्य॑नु—स्तुप्⁠। तस्मा᳚त् प्रा॒णाना᳚म्⁠। प्रा॒णाना॒व्ँवाक्⁠। प्रा॒णाना॒मिति॑ प्र—अ॒नाना᳚म्⁠। वागु॑त्त॒मा⁠। उ॒त्त॒मैक॑स्मात्⁠। उ॒त्त॒मेत्यु॑त्—त॒मा⁠। एक॑स्माद॒ख्‍षरा᳚त्⁠। अ॒ख्‍षरा॒दना᳚प्तम्⁠। अना᳚प्तम् प्रथ॒मम्⁠। प्र॒थ॒मम् प॒दम्⁠। प॒दम् तस्मा᳚त्⁠। तस्मा॒द् यत्⁠। यद् वा॒चः⁠। वा॒चोऽना᳚प्तम्⁠। अना᳚प्त॒म् तत्⁠। तन् म॑नु॒ष्याः᳚⁠। म॒नु॒ष्या॑ उप॑⁠। उप॑ जीवन्ति⁠। जी॒व॒न्ति॒ पू॒र्णया᳚⁠। पू॒र्णया॑ जुहोति⁠। जु॒हो॒ति॒ पू॒र्णः⁠। पू॒र्ण इ॑व⁠। इ॒व॒ हि⁠। हि प्र॒जाप॑तिः⁠। प्र॒जाप॑तिः प्र॒जाप॑तेः⁠। प्र॒जाप॑ति॒रिति॑ प्र॒जा—प॒तिः॒⁠। [४५] प्र॒जाप॑ते॒राप्त्यै᳚⁠। प्र॒जाप॑ते॒रिति॑ प्र॒जा—प॒तेः॒⁠। आप्त्यै॒ न्यू॑नया⁠। न्यू॑नया जुहोति⁠। न्यू॑न॒येति॒ नि—ऊ॒न॒या॒⁠। जु॒हो॒ति॒ न्यू॑नात्⁠। न्यू॑ना॒द्धि⁠। न्यू॑ना॒दिति॒ नि—ऊ॒ना॒त्॒⁠। हि प्र॒जाप॑तिः⁠। प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा असृ॑जत⁠। प्र॒जा इति॑ प्र—जाः⁠। असृ॑जत प्र॒जाना᳚म्⁠। प्र॒जाना॒ꣳ॒ सृष्ट्‍यै᳚⁠। प्र॒जाना॒मिति॑ प्र—जाना᳚म्⁠। सृष्ट्‍यै॒ यत्⁠। यद॒र्चिषि॑⁠। अ॒र्चिषि॑ प्रवृ॒ञ्ज्यात्⁠। प्र॒वृ॒ञ्ज्याद् भू॒तम्⁠। प्र॒वृ॒ञ्ज्यादिति॑ प्र—वृ॒ञ्ज्यात्⁠। भू॒तमव॑⁠। अव॑ रुन्धीत⁠। रु॒न्धी॒त॒ यत्⁠। यदङ्‍गा॑रेषु⁠। अङ्‍गा॑रेषु भवि॒ष्यत्⁠। भ॒वि॒ष्यदङ्‍गा॑रेषु⁠। अङ्‍गा॑रेषु॒ प्र⁠। प्र वृ॑णक्ति⁠। वृ॒ण॒क्ति॒ भ॒वि॒ष्यत्⁠। भ॒वि॒ष्यदे॒व⁠। ए॒वाव॑⁠। अव॑ रुन्धे⁠। रु॒न्धे॒ भ॒वि॒ष्यत्⁠। भ॒वि॒ष्यद्‌धि⁠। हि भूयः॑⁠। भूयो॑ भू॒तात्⁠। भू॒ताद् द्वाभ्या᳚म्⁠। द्वाभ्या॒म् प्र⁠। प्र वृ॑णक्ति⁠। वृ॒ण॒क्ति॒ द्वि॒पात्⁠। द्वि॒पाद् यज॑मानः⁠। द्वि॒पादिति॑ द्वि—पात्⁠। यज॑मानः॒ प्रति॑ष्ठित्यै⁠। प्रति॑ष्ठत्यै॒ ब्रह्म॑णा⁠। प्रति॑ष्ठित्या॒ इति॒ प्रति॑—स्थि॒त्यै॒⁠। ब्रह्म॑णा॒ वै⁠। वा ए॒षा⁠। ए॒षा यजु॑षा⁠। यजु॑षा॒ सम्भृ॑ता⁠। सम्भृ॑ता॒ यत्⁠। सम्भृ॒तेति॒ सम्—भृ॒ता॒⁠। यदु॒खा⁠। उ॒खा सा⁠। सा यत्⁠। यद् भिद्ये॑त⁠। भिद्ये॒तार्ति᳚म्⁠। आर्ति॒मा⁠। आर्‌च्छे᳚त्⁠। ऋ॒च्छे॒द् यज॑मानः⁠। [४६] यज॑मानो ह॒न्येत॑⁠। ह॒न्येता᳚स्य⁠। अ॒स्य॒ य॒ज्ञः⁠। य॒ज्ञो मित्र॑⁠। मित्रै॒ताम्⁠। ए॒तामु॒खाम्⁠। उ॒खाम् त॑प⁠। त॒पेति॑⁠। इत्या॑ह⁠। आ॒ह॒ ब्रह्म॑⁠। ब्रह्म॒ वै⁠। वै मि॒त्रः⁠। मि॒त्रो ब्रह्म॑न्न्⁠। ब्रह्म॑न्नै॒व⁠। ए॒वैना᳚म्⁠। ए॒ना॒म् प्रति॑⁠। प्रति॑ ष्ठापयति⁠। स्था॒प॒य॒ति॒ न⁠। नार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒ति॒ यज॑मानः⁠। यज॑मानो॒ न⁠। नास्य॑⁠। अ॒स्य॒ य॒ज्ञः⁠। य॒ज्ञो ह॑न्यते⁠। ह॒न्य॒ते॒ यदि॑⁠। यदि॒ भिद्ये॑त⁠। भिद्ये॑त॒ तैः⁠। तैरे॒व⁠। ए॒व क॒पालैः᳚⁠। क॒पालैः॒ सम्⁠। सꣳ सृ॑जेत्⁠। सृ॒जे॒थ् सा⁠। सैव⁠। ए॒व ततः॑⁠। ततः॒ प्राय॑श्चितिः⁠। प्राय॑श्चिति॒र् यः⁠। यो ग॒तश्रीः᳚⁠। ग॒तश्रीः॒ स्यात्⁠। ग॒तश्री॒रिति॑ ग॒त—श्रीः॒⁠। स्यान् म॑थि॒त्वा⁠। म॒थि॒त्वा तस्य॑⁠। तस्याव॑⁠। अव॑ दद्ध्यात्⁠। द॒द्ध्या॒द् भू॒तः⁠। भू॒तो वै⁠। वा ए॒षः⁠। ए॒ष सः⁠। स स्वाम्⁠। स्वाम् दे॒वता᳚म्⁠। [४७] दे॒वता॒मुप॑⁠। उपै॑ति⁠। ए॒ति॒ यः⁠। यो भूति॑कामः⁠। भूति॑कामः॒ स्यात्⁠। भूति॑काम॒ इति॒ भूति॑—का॒मः॒⁠। स्याद् यः⁠। य उ॒खायै᳚⁠। उ॒खायै॑ स॒म्भवे᳚त्⁠। स॒म्भवे॒थ् सः⁠। स॒म्भवे॒दिति॑ सम्—भवे᳚त्⁠। स ए॒व⁠। ए॒व तस्य॑⁠। तस्य॑ स्यात्⁠। स्या॒दतः॑⁠। अतो॒ हि⁠। ह्ये॑षः⁠। ए॒ष स॒म्भव॑ति⁠। स॒म्भव॑त्ये॒षः⁠। स॒म्भव॒तीति॑ सम्—भव॑ति⁠। ए॒ष वै⁠। वै स्व॑य॒म्भूः⁠। स्व॒य॒म्भूर् नाम॑⁠। स्व॒य॒म्भूरिति॑ स्वयम्—भूः⁠। नाम॒ भव॑ति⁠। भव॑त्ये॒व⁠। ए॒व यम्⁠। यम् का॒मये॑त⁠। का॒मये॑त॒ भ्रातृ॑व्यम्⁠। भ्रातृ॑व्यमस्मै⁠। अ॒स्मै॒ ज॒न॒ये॒य॒म्⁠। ज॒न॒ये॒य॒मिति॑⁠। इत्य॒न्यतः॑⁠। अ॒न्यत॒स्तस्य॑⁠। तस्या॒हृत्य॑⁠। आ॒हृत्याव॑⁠। आ॒हृत्येत्या᳚—हृत्य॑⁠। अव॑ दद्ध्यात्⁠। द॒द्ध्या॒थ् सा॒ख्‍षात्⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। ए॒वास्मै᳚⁠। अ॒स्मै॒ भ्रातृ॑व्यम्⁠। भ्रातृ॑व्यम् जनयति⁠। ज॒न॒य॒त्य॒म्ब॒रीषा᳚त्⁠। अ॒म्ब॒रीषा॒दन्न॑कामस्य⁠। अन्न॑काम॒स्याव॑⁠। अन्न॑काम॒स्येत्यन्न॑—का॒म॒स्य॒⁠। अव॑ दद्ध्यात्⁠। द॒द्ध्या॒द॒म्ब॒रीषे᳚⁠। अ॒म्ब॒रीषे॒ वै⁠। वा अन्न᳚म्⁠। अन्न॑म् भ्रियते⁠। भ्रि॒य॒ते॒ सयो॑नि⁠। सयो᳚न्ये॒व⁠। सयो॒नीति॒ स—यो॒नि॒⁠। ए॒वान्न᳚म्⁠। अन्न॒मव॑⁠। [४८] अव॑ रुन्धे⁠। रु॒न्धे॒ मुञ्जा॑न्⁠। मुञ्जा॒नव॑⁠। अव॑ दधाति⁠। द॒धा॒त्यूर्क्⁠। ऊर्ग् वै⁠। वै मुञ्जाः᳚⁠। मुञ्जा॒ ऊर्ज᳚म्⁠। ऊर्ज॑मे॒व⁠। ए॒वास्मै᳚⁠। अ॒स्मा॒ अपि॑⁠। अपि॑ दधाति⁠। द॒धा॒त्य॒ग्निः⁠। अ॒ग्निर् दे॒वेभ्यः॑⁠। दे॒वेभ्यो॒ निला॑यत⁠। निला॑यत॒ सः⁠। स क्रु॑मु॒कम्⁠। क्रु॒मु॒कम् प्र⁠। प्रावि॑शत्⁠। अ॒वि॒श॒त् क्रु॒मु॒कम्⁠। क्रु॒मु॒कमव॑⁠। अव॑ दधाति⁠। द॒धा॒ति॒ यत्⁠। यदे॒व⁠। ए॒वास्य॑⁠। अ॒स्य॒ तत्र॑⁠। तत्र॒ न्य॑क्तम्⁠। न्य॑क्त॒म् तत्⁠। न्य॑क्त॒मिति॒ नि—अ॒क्त॒म्⁠। तदे॒व⁠। ए॒वाव॑⁠। अव॑ रुन्धे⁠। रु॒न्ध॒ आज्ये॑न⁠। आज्ये॑न॒ सम्⁠। सय्ँयौ॑ति⁠। यौ॒त्ये॒तत्⁠। ए॒तद् वै⁠। वा अ॒ग्नेः⁠। अ॒ग्नेः प्रि॒यम्⁠। प्रि॒यम् धाम॑⁠। धाम॒ यत्⁠। यदाज्य᳚म्⁠। आज्य॑म् प्रि॒येण॑⁠। प्रि॒येणै॒व⁠। ए॒वैन᳚म्⁠। ए॒न॒म् धाम्ना᳚⁠। धाम्ना॒ सम्⁠। सम॑र्द्धयति⁠। अ॒र्द्ध॒य॒त्यथो᳚⁠। अथो॒ तेज॑सा⁠। अथो॒ इत्यथो᳚⁠। तेज॑सा॒ वैक॑ङ्‍कतीम्⁠। [४९] वैक॑ङ्‍कती॒मा⁠। आ द॑धाति⁠। द॒धा॒ति॒ भाः⁠। भा ए॒व⁠। ए॒वाव॑⁠। अव॑ रुन्धे⁠। रु॒न्धे॒ श॒मी॒मयी᳚म्⁠। श॒मी॒मयी॒मा⁠। श॒मी॒मयी॒मिति॑ शमी—मयी᳚म्⁠। आ द॑धाति⁠। द॒धा॒ति॒ शान्त्यै᳚⁠। शान्त्यै॒ सीद॑⁠। सीद॒ त्वम्⁠। त्वम् मा॒तुः⁠। मा॒तुर॒स्याः⁠। अ॒स्या उ॒पस्थे᳚⁠। उ॒पस्थ॒ इति॑⁠। उ॒पस्थ॒ इत्यु॒प—स्थे॒⁠। इति॑ ति॒सृभिः॑⁠। ति॒सृभि॑र् जा॒तम्⁠। ति॒सृभि॒रिति॑ ति॒सृ—भिः॒⁠। जा॒तमुप॑⁠। उप॑ तिष्ठते⁠। ति॒ष्ठ॒ते॒ त्रयः॑⁠। त्रय॑ इ॒मे⁠। इ॒मे लो॒काः⁠। लो॒का ए॒षु⁠। ए॒ष्वे॑व⁠। ए॒व लो॒केषु॑⁠। लो॒केष्वा॒विद᳚म्⁠। आ॒विद॑म् गच्छति⁠। आ॒विद॒मित्या᳚—विद᳚म्⁠। ग॒च्छ॒त्यथो᳚⁠। अथो᳚ प्रा॒णान्⁠। अथो॒ इत्यथो᳚⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒वात्मन्न्⁠। आ॒त्मन् ध॑त्ते⁠। ध॒त्त॒ इति॑ धत्ते⁠॥ [५०] (प्र॒जाप॑तिर् ऋच्छे॒थ् स्वा मे॒वान्न॒म् तेज॑सा॒ चतु॑स्त्रिꣳशच्च) ॥९॥
न ह॑⁠। ह॒ स्म॒⁠। स्म॒ वै⁠। वै पु॒रा⁠। पु॒राऽग्निः⁠। अ॒ग्निरप॑रशुवृक्णम्⁠। अप॑रशुवृक्णम् दहति⁠। अप॑रशुवृक्ण॒मित्यप॑रशु—वृ॒क्ण॒म्⁠। द॒ह॒ति॒ तत्⁠। तद॑स्मै⁠। अ॒स्मै॒ प्र॒यो॒गः⁠। प्र॒यो॒ग ए॒व⁠। प्र॒यो॒ग इति॑ प्र—यो॒गः⁠। ए॒वर्षिः॑⁠। ऋषि॑रस्वदयत्⁠। अ॒स्व॒द॒य॒द् यत्⁠। यद॑ग्ने⁠। अ॒ग्ने॒ यानि॑⁠। यानि॒ कानि॑⁠। कानि॑ च⁠। चेति॑⁠। इति॑ स॒मिध᳚म्⁠। स॒मिध॒मा⁠। स॒मिध॒मिति॑ सम्—इध᳚म्⁠। आ द॑धाति⁠। द॒धा॒त्यप॑रशुवृक्णम्⁠। अप॑रशुवृक्णमे॒व⁠। अप॑रशुवृक्ण॒मित्यप॑रशु—वृ॒क्ण॒म्⁠। ए॒वास्मै᳚⁠। अ॒स्मै॒ स्व॒द॒य॒ति॒⁠। स्व॒द॒य॒ति॒ सर्व᳚म्⁠। सर्व॑मस्मै⁠। अ॒स्मै॒ स्व॒द॒ते॒⁠। स्व॒द॒ते॒ यः⁠। य ए॒वम्⁠। ए॒वव्ँवेद॑⁠। वेदौदु॑म्बरीम्⁠। औदु॑म्बरी॒मा⁠। आ द॑धाति⁠। द॒धा॒त्यूर्क्⁠। ऊर्ग् वै⁠। वा उ॑दु॒म्बरः॑⁠। उ॒दु॒म्बर॒ ऊर्ज᳚म्⁠। ऊर्ज॑मे॒व⁠। ए॒वास्मै᳚⁠। अ॒स्मा॒ अपि॑⁠। अपि॑ दधाति⁠। द॒धा॒ति॒ प्र॒जाप॑तिः⁠। प्र॒जाप॑तिर॒ग्निम्⁠। प्र॒जाप॑ति॒रिति॑ प्र॒जा—प॒तिः॒⁠। अ॒ग्निम॑सृजत⁠। अ॒सृ॒ज॒त॒ तम्⁠। तꣳ सृ॒ष्टम्⁠। सृ॒ष्टꣳ रख्‍षा॑ꣳसि⁠। रख्‍षा॑ꣴस्य,जिघाꣳसन्न्⁠। [५१] अ॒जि॒घा॒ꣳ॒स॒न्थ् सः⁠। स ए॒तत्⁠। ए॒तद् रा᳚ख्‍षो॒घ्नम्⁠। रा॒ख्‍षो॒घ्नम॑पश्यत्⁠। रा॒ख्‍षो॒घ्नमिति॑ राख्‍षः—घ्नम्⁠। अ॒प॒श्य॒त् तेन॑⁠। तेन॒ वै⁠। वै सः⁠। स रख्‍षा॑ꣳसि⁠। रख्‍षा॒ꣴ॒स्यप॑⁠। अपा॑हत⁠। अ॒ह॒त॒ यत्⁠। यद् रा᳚ख्‍षो॒घ्नम्⁠। रा॒ख्‍षो॒घ्नम् भव॑ति⁠। रा॒ख्‍षो॒घ्नमिति॑ राख्‍षः—घ्नम्⁠। भव॑त्य॒ग्नेः⁠। अ॒ग्नेरे॒व⁠। ए॒व तेन॑⁠। तेन॑ जा॒तात्⁠। जा॒ताद् रख्‍षा॑ꣳसि⁠। रख्‍षा॒ꣴ॒स्यप॑⁠। अप॑ हन्ति⁠। ह॒न्त्याश्व॑त्थीम्⁠। आश्व॑त्थी॒मा⁠। आ द॑धाति⁠। द॒धा॒त्य॒श्व॒त्थः⁠। अ॒श्व॒त्थो वै⁠। वै वन॒स्पती॑नाम्⁠। वन॒स्पती॑नाꣳ सपत्नसा॒हः⁠। स॒प॒त्न॒सा॒हो विजि॑त्यै⁠। स॒प॒त्न॒सा॒ह इति॑ सपत्न—सा॒हः⁠। विजि॑त्यै॒ वैक॑ङ्‍कतीम्⁠। विजि॑त्या॒ इति॒ वि—जि॒त्यै॒⁠। वैक॑ङ्‍कती॒मा⁠। आ द॑धाति⁠। द॒धा॒ति॒ भाः⁠। भा ए॒व⁠। ए॒वाव॑⁠। अव॑ रुन्धे⁠। रु॒न्धे॒ श॒मी॒मयी᳚म्⁠। श॒मी॒मयी॒मा⁠। श॒मी॒मयी॒मिति॑ शमी—मयी᳚म्⁠। आ द॑धाति⁠। द॒धा॒ति॒ शान्त्यै᳚⁠। शान्त्यै॒ सꣳशि॑तम्⁠। सꣳशि॑तम् मे⁠। सꣳशि॑त॒मिति॒ सम्—शि॒त॒म्⁠। मे॒ ब्रह्म॑⁠। ब्रह्मोत्⁠। उदे॑षाम्⁠। ए॒षा॒म् बा॒हू⁠। बा॒हू अ॑तिरम्⁠। बा॒हू इति॑ बा॒हू⁠। अ॒ति॒र॒मिति॑⁠। इत्यु॑त्त॒मे⁠। उ॒त्त॒मे औदु॑म्बरी⁠। उ॒त्त॒मे इत्यु॑त्—त॒मे⁠। औदु॑म्बरी वाचयति⁠। औदु॑म्बरी॒ इत्यौदु॑म्बरी⁠। [५२] वा॒च॒य॒ति॒ ब्रह्म॑णा⁠। ब्रह्म॑णै॒व⁠। ए॒व ख्‍ष॒त्रम्⁠। ख्‍ष॒त्रꣳ सम्⁠। सꣴश्य॑ति⁠। श्य॒ति॒ ख्‍ष॒त्रेण॑⁠। ख्‍ष॒त्रेण॒ ब्रह्म॑⁠। ब्रह्म॒ तस्मा᳚त्⁠। तस्मा᳚द् ब्राह्म॒णः⁠। ब्रा॒ह्म॒णो रा॑ज॒न्य॑वान्⁠। रा॒ज॒न्य॑वा॒नति॑⁠। रा॒ज॒न्य॑वा॒निति॑ राज॒न्य॑—वा॒न्॒⁠। अत्य॒न्यम्⁠। अ॒न्यम् ब्रा᳚ह्म॒णम्⁠। ब्रा॒ह्म॒णम् तस्मा᳚त्⁠। तस्मा᳚द् राज॒न्यः॑⁠। रा॒ज॒न्यो᳚ ब्राह्म॒णवा॑न्⁠। ब्रा॒ह्म॒णवा॒नति॑⁠। ब्रा॒ह्म॒णवा॒निति॑ ब्राह्म॒ण—वा॒न्॒⁠। अत्य॒न्यम्⁠। अ॒न्यꣳ रा॑ज॒न्य᳚म्⁠। रा॒ज॒न्य॑म् मृ॒त्युः⁠। मृ॒त्युर् वै⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निर॒मृत᳚म्⁠। अ॒मृत॒ꣳ॒ हिर॑ण्यम्⁠। हिर॑ण्यꣳ रु॒क्मम्⁠। रु॒क्ममन्त॑रम्⁠। अन्त॑र॒म् प्रति॑⁠। प्रति॑ मुञ्चते⁠। मु॒ञ्च॒ते॒ऽमृत᳚म्⁠। अ॒मृत॑मे॒व⁠। ए॒व मृ॒त्योः⁠। मृ॒त्योर॒न्तः⁠। अ॒न्तर् ध॑त्ते⁠। ध॒त्त॒ एक॑विꣳशतिनिर्बाधः⁠। एक॑विꣳशतिनिर्बाधो भवति⁠। एक॑विꣳशतिनिर्बाध॒ इत्येक॑विꣳशति—नि॒र्बा॒धः॒⁠। भ॒व॒त्येक॑विꣳशतिः⁠। एक॑विꣳशति॒र् वै⁠। एक॑विꣳशति॒रित्येक॑—वि॒ꣳ॒श॒तिः॒⁠। वै दे॑वलो॒काः⁠। दे॒व॒लो॒का द्वाद॑श⁠। दे॒व॒लो॒का इति॑ देव—लो॒काः⁠। द्वाद॑श॒ मासाः᳚⁠। मासाः॒ पञ्च॑⁠। पञ्च॒र्तवः॑⁠। ऋ॒तव॒स्त्रयः॑⁠। त्रय॑ इ॒मे⁠। इ॒मे लो॒काः⁠। लो॒का अ॒सौ⁠। अ॒सावा॑दि॒त्यः⁠। आ॒दि॒त्य ए॑कवि॒ꣳ॒शः⁠। [५३] ए॒क॒वि॒ꣳ॒श ए॒ताव॑न्तः⁠। ए॒क॒वि॒ꣳ॒श इत्ये॑क—वि॒ꣳ॒शः⁠। ए॒ताव॑न्तो॒ वै⁠। वै दे॑वलो॒काः⁠। दे॒व॒लो॒कास्तेभ्यः॑⁠। दे॒व॒लो॒का इति॑ देव—लो॒काः⁠। तेभ्य॑ ए॒व⁠। ए॒व भ्रातृ॑व्यम्⁠। भ्रातृ॑व्यम॒न्तः⁠। अ॒न्तरे॑ति⁠। ए॒ति॒ नि॒र्बा॒धैः⁠। नि॒र्बा॒धैर् वै⁠। नि॒र्बा॒धैरिति॑ निः—बा॒धैः⁠। वै दे॒वाः⁠। दे॒वा असु॑रान्⁠। असु॑रान् निर्बा॒धे⁠। नि॒र्बा॒धे॑ऽकुर्वत⁠। नि॒र्बा॒ध इति॑ निः—बा॒धे⁠। अ॒कु॒र्व॒त॒ तत्⁠। तन् नि॑र्बा॒धाना᳚म्⁠। नि॒र्बा॒धाना᳚म् निर्बाध॒त्वम्⁠। नि॒र्बा॒धाना॒मिति॑ निः—बा॒धाना᳚म्⁠। नि॒र्बा॒ध॒त्वम् नि॑र्बा॒धी⁠। नि॒र्बा॒ध॒त्वमिति॑ निर्बाध—त्वम्⁠। नि॒र्बा॒धी भ॑वति⁠। नि॒र्बा॒धीति॑ निः—बा॒धी⁠। भ॒व॒ति॒ भ्रातृ॑व्यान्⁠। भ्रातृ॑व्याने॒व⁠। ए॒व नि॑र्बा॒धे⁠। नि॒र्बा॒धे कु॑रुते⁠। नि॒र्बा॒ध इति॑ निः—बा॒धे⁠। कु॒रु॒ते॒ सा॒वि॒त्रि॒या⁠। सा॒वि॒त्रि॒या प्रति॑⁠। प्रति॑ मुञ्चते⁠। मु॒ञ्च॒ते॒ प्रसू᳚त्यै⁠। प्रसू᳚त्यै॒ नक्तो॒षासा᳚⁠। प्रसू᳚त्या॒ इति॒ प्र—सू॒त्यै॒⁠। नक्तो॒षासेति॑⁠। इत्युत्त॑रया⁠। उत्त॑रयाऽहोरा॒त्राभ्या᳚म्⁠। उत्त॑र॒येत्युत्—त॒र॒या॒⁠। अ॒हो॒रा॒त्राभ्या॑मे॒व⁠। अ॒हो॒रा॒त्राभ्या॒मित्य॑हः—रा॒त्राभ्या᳚म्⁠। ए॒वैन᳚म्⁠। ए॒न॒मुत्⁠। उद् य॑च्छते⁠। य॒च्छ॒ते॒ दे॒वाः⁠। दे॒वा अ॒ग्निम्⁠। अ॒ग्निम् धा॑रयन्न्⁠। धा॒र॒य॒न् द्र॒वि॒णो॒दाः⁠। द्र॒वि॒णो॒दा इति॑⁠। द्र॒वि॒णो॒दा इति॑ द्रविणः—दाः⁠। इत्या॑ह⁠। आ॒ह॒ प्रा॒णाः⁠। प्रा॒णा वै⁠। प्रा॒णा इति॑ प्र—अ॒नाः⁠। वै दे॒वाः⁠। दे॒वा द्र॑विणो॒दाः⁠। द्र॒वि॒णो॒दा अ॑होरा॒त्राभ्या᳚म्⁠। द्र॒वि॒णो॒दा इति॑ द्रविणः—दाः⁠। अ॒हो॒रा॒त्राभ्या॑मे॒व⁠। अ॒हो॒रा॒त्राभ्या॒मित्य॑हः—रा॒त्राभ्या᳚म्⁠। ए॒वैन᳚म्⁠। ए॒न॒मु॒द्यत्य॑⁠। उ॒द्यत्य॑ प्रा॒णैः⁠। उ॒द्यत्येत्यु॑त्—यत्य॑⁠। [५४] (रख्‍षा॒ꣴ॒स्यौ दुं॑बरि आदि॒त्य उ॒द्यत्य॒ सम् चतु॑र्विꣳशतिश्च) ॥१०॥
प्रा॒णैर् दा॑धार⁠। प्रा॒णैरिति॑ प्र—अ॒नैः⁠। दा॒धा॒रासी॑नः⁠। आसी॑नः॒ प्रति॑⁠। प्रति॑ मुञ्चते⁠। मु॒ञ्च॒ते॒ तस्मा᳚त्⁠। तस्मा॒दासी॑नाः⁠। आसी॑नाः प्र॒जाः⁠। प्र॒जाः प्र⁠। प्र॒जा इति॑ प्र—जाः⁠। प्र जा॑यन्ते⁠। जा॒य॒न्ते॒ कृ॒ष्णा॒जि॒नम्⁠। कृ॒ष्णा॒जि॒नमुत्त॑रम्⁠। कृ॒ष्णा॒जि॒नमिति॑ कृष्ण—अ॒जि॒नम्⁠। उत्त॑र॒म् तेजः॑⁠। उत्त॑र॒मित्युत्—त॒र॒म्⁠। तेजो॒ वै⁠। वै हिर॑ण्यम्⁠। हिर॑ण्य॒म् ब्रह्म॑⁠। ब्रह्म॑ कृष्णाजि॒नम्⁠। कृ॒ष्णा॒जि॒नम् तेज॑सा⁠। कृ॒ष्णा॒जि॒नमिति॑ कृष्ण—अ॒जि॒नम्⁠। तेज॑सा च⁠। चै॒व⁠। ए॒वैन᳚म्⁠। ए॒न॒म् ब्रह्म॑णा⁠। ब्रह्म॑णा च⁠। चो॒भ॒यतः॑⁠। उ॒भ॒यतः॒ परि॑⁠। परि॑ गृह्णाति⁠। गृ॒ह्णा॒ति॒ षडु॑द्यामम्⁠। षडु॑द्यामꣳ शि॒क्य᳚म्⁠। षडु॑द्याम॒मिति॒ षट्—उ॒द्या॒म॒म्⁠। शि॒क्य॑म् भवति⁠। भ॒व॒ति॒ षट्⁠। षड् वै⁠। वा ऋ॒तवः॑⁠। ऋ॒तव॑ ऋ॒तुभिः॑⁠। ऋ॒तुभि॑रे॒व⁠। ऋ॒तुभि॒रित्यृ॒तु—भिः॒⁠। ए॒वैन᳚म्⁠। ए॒न॒मुत्⁠। उद् य॑च्छते⁠। य॒च्छ॒ते॒ यत्⁠। यद् द्वाद॑शोद्यामम्⁠। द्वाद॑शोद्यामꣳ सव्ँवथ्स॒रेण॑⁠। द्वाद॑शोद्याम॒मिति॒ द्वाद॑श—उ॒द्या॒म॒म्⁠। स॒व्ँव॒थ्स॒रेणै॒व⁠। स॒व्ँव॒थ्स॒रेणेति॑ सम्—व॒थ्स॒रेण॑⁠। ए॒व मौ॒ञ्जम्⁠। मौ॒ञ्जम् भ॑वति⁠। भ॒व॒त्यूर्क्⁠। ऊर्ग् वै⁠। वै मुञ्जाः᳚⁠। मुञ्जा॑ ऊ॒र्जा⁠। ऊ॒र्जैव⁠। ए॒वैन᳚म्⁠। ए॒न॒ꣳ॒ सम्⁠। सम॑र्द्धयति⁠। अ॒र्द्ध॒य॒ति॒ सु॒प॒र्णः⁠। सु॒प॒र्णो॑ऽसि⁠। सु॒प॒र्ण इति॑ सु—प॒र्णः⁠। अ॒सि॒ ग॒रुत्मा॑न्⁠। ग॒रुत्मा॒निति॑⁠। इत्यव॑⁠। अवे᳚ख्‍षते⁠। ई॒ख्‍ष॒ते॒ रू॒पम्⁠। रू॒पमे॒व⁠। ए॒वास्य॑⁠। अ॒स्यै॒तत्⁠। ए॒तन् म॑हि॒मान᳚म्⁠। म॒हि॒मान॒व्ँव्याच॑ष्टे⁠। व्याच॑ष्टे॒ दिव᳚म्⁠। व्याच॑ष्ट॒ इति॑ वि—आच॑ष्टे⁠। दिव॑म् गच्छ⁠। ग॒च्छ॒ सुवः॑⁠। सुवः॑ पत⁠। प॒तेति॑⁠। इत्या॑ह⁠। आ॒ह॒ सु॒व॒र्गम्⁠। सु॒व॒र्गमे॒व⁠। सु॒व॒र्गमिति॑ सुवः—गम्⁠। ए॒वैन᳚म्⁠। ए॒न॒ल्ँलो॒कम्⁠। लो॒कम् ग॑मयति⁠। ग॒म॒य॒तीति॑ गमयति⁠॥ ५५ (७४/८६ ) समि॑द्धो अ॒ञ्जन्न्⁠। समि॑द्ध॒ इति॒ सम्—इ॒द्धः॒⁠। अ॒ञ्जन् कृद॑रम्⁠। कृद॑रम् मती॒नाम्⁠। म॒ती॒नाम् घृ॒तम्⁠। घृ॒तम॑ग्ने⁠। अ॒ग्ने॒ मधु॑मत्⁠। मधु॑म॒त् पिन्व॑मानः⁠। मधु॑म॒दिति॒ मधु॑—म॒त्॒⁠। पिन्व॑मान॒ इति॒ पिन्व॑मानः⁠॥ वा॒जी वह॑न्न्⁠। वह॑न् वा॒जिन᳚म्⁠। वा॒जिन॑म् जातवेदः⁠। जा॒त॒वे॒दो॒ दे॒वाना᳚म्⁠। जा॒त॒वे॒द॒ इति॑ जात—वे॒दः॒⁠। दे॒वाना᳚व्ँवख्‍षि⁠। व॒ख्‍षि॒ प्रि॒यम्⁠। प्रि॒यमा⁠। आ स॒धस्थ᳚म्⁠। स॒धस्थ॒मिति॑ स॒ध—स्थ॒म्⁠॥ घृ॒तेना॒ऽञ्जन्न्⁠। अ॒ञ्जन्थ् सम्⁠। सम् प॒थः⁠। प॒थो दे॑व॒याना॑न्⁠। दे॒व॒याना᳚न् प्रजा॒नन्न्⁠। दे॒व॒याना॒निति॑ देव—याना॑न्⁠। प्र॒जा॒नन् वा॒जी⁠। प्र॒जा॒नन्निति॑ प्र—जा॒नन्न्⁠। वा॒ज्यपि॑⁠। अप्ये॑तु⁠। ए॒तु॒ दे॒वान्⁠। दे॒वानिति॑ दे॒वान्⁠॥ अनु॑ त्वा⁠। त्वा॒ स॒प्ते॒⁠। स॒प्ते॒ प्र॒दिशः॑⁠। प्र॒दिशः॑ सचन्ताम्⁠। प्र॒दिश॒ इति॑ प्र—दिशः॑⁠। स॒च॒न्ता॒ꣴ॒ स्व॒धाम्⁠। स्व॒धाम॒स्मै⁠। स्व॒धामिति॑ स्व—धाम्⁠। अ॒स्मै यज॑मानाय⁠। यज॑मनाय धेहि⁠। धे॒हीति॑ धेहि⁠॥ ईड्‍य॑श्च⁠। चासि॑⁠। असि॒ वन्द्यः॑⁠। वन्द्य॑श्च⁠। च॒ वा॒जि॒न्न्॒⁠। वा॒जि॒न्ना॒शुः⁠। आ॒शुश्च॑⁠। चासि॑⁠। असि॒ मेद्ध्यः॑⁠। मेद्ध्य॑श्च⁠। च॒ स॒प्ते॒⁠। स॒प्त॒ इति॑ सप्ते⁠॥ अ॒ग्निष्ट्वा᳚⁠। त्वा॒ दे॒वैः⁠। [५६] दे॒वैर् वसु॑भिः⁠। वसु॑भिः स॒जोषाः᳚⁠। वसु॑भि॒रिति॒ वसु॑—भिः॒⁠। स॒जोषाः᳚ प्री॒तम्⁠। स॒जोषा॒ इति॑ स—जोषाः᳚⁠। प्री॒तव्ँवह्नि᳚म्⁠। वह्नि॑व्ँवहतु⁠। व॒ह॒तु॒ जा॒तवे॑दाः⁠। जा॒तवे॑दा॒ इति॑ जा॒त—वे॒दाः॒⁠॥ स्ती॒र्णम् ब॒र्॒‌हिः⁠। ब॒र्॒‌हिः सु॒ष्टरी॑म⁠। सु॒ष्टरी॑मा जुषा॒णा⁠। सु॒ष्टरी॒मेति॑ सु—स्तरी॑म⁠। जु॒षा॒णोरु⁠। उ॒रु पृ॒थु⁠। पृ॒थु प्रथ॑मानम्⁠। प्रथ॑मानम् पृथि॒व्याम्⁠। पृ॒थि॒व्यामिति॑ पृथि॒व्याम्⁠॥ दे॒वेभि॑र् यु॒क्तम्⁠। यु॒क्तमदि॑तिः⁠। अदि॑तिः स॒जोषाः᳚⁠। स॒जोषाः᳚ स्यो॒नम्⁠। स॒जोषा॒ इति॑ स—जोषाः᳚⁠। स्यो॒नम् कृ॑ण्वा॒ना⁠। कृ॒ण्वा॒ना सु॑वि॒ते⁠। सु॒वि॒ते द॑धातु⁠। द॒धा॒त्विति॑ दधातु⁠॥ ए॒ता उ॑⁠। उ॒ वः॒⁠। वः॒ सु॒भगाः᳚⁠। सु॒भगा॑ वि॒श्वरू॑पाः⁠। सु॒भगा॒ इति॑ सु—भगाः᳚⁠। वि॒श्वरू॑पा॒ वि⁠। वि॒श्वरू॑पा॒ इति॑ वि॒श्व—रू॒पाः॒⁠। वि पख्‍षो॑भिः⁠। पख्‍षो॑भिः॒ श्रय॑माणाः⁠। पख्‍षो॑भि॒रिति॒ पख्‍षः॑—भिः॒⁠। श्रय॑माणा॒ उत्⁠। उदातैः᳚⁠। आतै॒रित्यातैः᳚⁠॥ ऋ॒ष्वाः स॒तीः⁠। स॒तीः क॒वषः॑⁠। क॒वषः॒ शुम्भ॑मानाः⁠। शुम्भ॑माना॒ द्वारः॑⁠। द्वारो॑ दे॒वीः⁠। दे॒वीः सु॑प्राय॒णाः⁠। सु॒प्रा॒य॒णा भ॑वन्तु⁠। सु॒प्रा॒य॒णा इति॑ सु—प्रा॒य॒णाः⁠। भ॒व॒न्त्विति॑ भवन्तु⁠॥ अ॒न्त॒रा मि॒त्रावरु॑णा⁠। मि॒त्रावरु॑णा॒ चर॑न्ती⁠। मि॒त्रावरु॒णेति॑ मि॒त्रा—वरु॑णा⁠। चर॑न्ती॒ मुख᳚म्⁠। चर॑न्ती॒ इति॒ चर॑न्ती⁠। मुख॑य्ँय॒ज्ञाना᳚म्⁠। य॒ज्ञाना॑म॒भि⁠। अ॒भि स॑व्ँविदा॒ने⁠। स॒व्ँवि॒दा॒ने इति॑ सम्—वि॒दा॒ने⁠॥ उ॒षासा॑ वाम्⁠। वा॒ꣳ॒ सु॒हि॒र॒ण्ये⁠। [५७] सु॒हि॒र॒ण्ये सु॑शि॒ल्पे⁠। सु॒हि॒र॒ण्ये इति॑ सु—हि॒र॒ण्ये⁠। सु॒शि॒ल्पे ऋ॒तस्य॑⁠। सु॒शि॒ल्पे इति॑ सु—शि॒ल्पे⁠। ऋ॒तस्य॒ योनौ᳚⁠। योना॑वि॒ह⁠। इ॒ह सा॑दयामि⁠। सा॒द॒या॒मीति॑ सादयामि⁠॥ प्र॒थ॒मा वा᳚म्⁠। वा॒ꣳ॒ स॒र॒थिना᳚⁠। स॒र॒थिना॑ सु॒वर्णा᳚⁠। स॒र॒थिनेति॑ स—र॒थिना᳚⁠। सु॒वर्णा॑ दे॒वौ⁠। सु॒वर्णेति॑ सु—वर्णा᳚⁠। दे॒वौ पश्य॑न्तौ⁠। पश्य॑न्तौ॒ भुव॑नानि⁠। भुव॑नानि॒ विश्वा᳚⁠। विश्वेति॒ विश्वा᳚⁠॥ अपि॑प्रय॒म् चोद॑ना⁠। चोद॑ना वाम्⁠। वा॒म् मिमा॑ना⁠। मिमा॑ना॒ होता॑रा⁠। होता॑रा॒ ज्योतिः॑⁠। ज्योतिः॑ प्र॒दिशा᳚⁠। प्र॒दिशा॑ दि॒शन्ता᳚⁠। प्र॒दिशेति॑ प्र—दिशा᳚⁠। दि॒शन्तेति॑ दि॒शन्ता᳚⁠॥ आ॒दि॒त्यैर् नः॑⁠। नो॒ भार॑ती⁠। भार॑ती वष्टु⁠। व॒ष्टु॒ य॒ज्ञम्⁠। य॒ज्ञꣳ सर॑स्वती⁠। सर॑स्वती स॒ह⁠। स॒ह रु॒द्रैः⁠। रु॒द्रैर् नः॑⁠। न॒ आ॒वी॒त्॒⁠। आ॒वी॒दित्या॑वीत्⁠॥ इडोप॑हूता⁠। उप॑हूता॒ वसु॑भिः⁠। उप॑हू॒तेत्युप॑—हू॒ता॒⁠। वसु॑भिः स॒जोषाः᳚⁠। वसु॑भि॒रिति॒ वसु॑—भिः॒⁠। स॒जोषा॑ य॒ज्ञम्⁠। स॒जोषा॒ इति॑ स—जोषाः᳚⁠। य॒ज्ञम् नः॑⁠। नो॒ दे॒वीः॒⁠। दे॒वी॒र॒मृते॑षु⁠। अ॒मृते॑षु धत्त⁠। ध॒त्तेति॑ धत्त⁠॥ त्वष्टा॑ वी॒रम्⁠। वी॒रम् दे॒वका॑मम्⁠। दे॒वका॑मम् जजान⁠। दे॒वका॑म॒मिति॑ दे॒व—का॒म॒म्⁠। ज॒जा॒न॒ त्वष्टुः॑⁠। त्वष्टु॒रर्वा᳚⁠। अर्वा॑ जायते⁠। जा॒य॒त॒ आ॒शुः⁠। आ॒शुरश्वः॑⁠। अश्व॒ इत्यश्वः॑⁠॥ [५८] त्वष्टे॒दम्⁠। इ॒दव्ँविश्व᳚म्⁠। विश्व॒म् भुव॑नम्⁠। भुव॑नम् जजान⁠। ज॒जा॒न॒ ब॒होः⁠। ब॒होः क॒र्तार᳚म्⁠। क॒र्तार॑मि॒ह⁠। इ॒ह य॑ख्‍षि⁠। य॒ख्‍षि॒ हो॒तः॒⁠। हो॒त॒रिति॑ होतः⁠॥ अश्वो॑ घृ॒तेन॑⁠। घृ॒तेन॒ त्मन्या᳚⁠। त्मन्या॒ सम॑क्तः⁠। सम॑क्त॒ उप॑⁠। सम॑क्त॒ इति॒ सम्—अ॒क्तः॒⁠। उप॑ दे॒वान्⁠। दे॒वाꣳ ऋ॑तु॒शः⁠। ऋ॒तु॒शः पाथः॑⁠। ऋ॒तु॒श इत्यृ॑तु—शः⁠। पाथ॑ एतु⁠। ए॒त्वित्ये॑तु⁠॥ वन॒स्पति॑र् देवलो॒कम्⁠। दे॒व॒लो॒कम् प्र॑जा॒नन्न्⁠। दे॒व॒लो॒कमिति॑ देव—लो॒कम्⁠। प्र॒जा॒नन्न॒ग्निना᳚⁠। प्र॒जा॒नन्निति॑ प्र—जा॒नन्न्⁠। अ॒ग्निना॑ ह॒व्या⁠। ह॒व्या स्व॑दि॒तानि॑⁠। स्व॒दि॒तानि॑ वख्‍षत्⁠। व॒ख्‍ष॒दिति॑ वख्‍षत्⁠॥ प्र॒जाप॑ते॒स्तप॑सा⁠। प्र॒जाप॑ते॒रिति॑ प्र॒जा—प॒तेः॒⁠। तप॑सा वावृधा॒नः⁠। वा॒वृ॒धा॒नः स॒द्यः⁠। स॒द्यो जा॒तः⁠। जा॒तो द॑धिषे⁠। द॒धि॒षे॒ य॒ज्ञम्⁠। य॒ज्ञम॑ग्ने⁠। अ॒ग्न॒ इत्य॑ग्ने⁠॥ स्वाहा॑कृतेन ह॒विषा᳚⁠। स्वाहा॑कृते॒नेति॒ स्वाहा᳚—कृ॒ते॒न॒⁠। ह॒विषा॑ पुरोगाः⁠। पु॒रो॒गा॒ या॒हि⁠। पु॒रो॒गा॒ इति॑ पुरः—गाः॒⁠। या॒हि सा॒द्ध्या⁠। सा॒द्ध्या ह॒विः⁠। ह॒विर॑दन्तु⁠। अ॒द॒न्तु॒ दे॒वाः⁠। दे॒वा इति॑ दे॒वाः⁠॥ [५९] (अ॒ग्निष्ट्वा᳚ वा॒ मश्वो॒ द्विच॑त्वारिꣳशच्च) ॥११॥
अनुवाकाः पञ्चशती
११ ५७