Prokshana Mantras with Svara — प्रोक्षणमन्त्राः (Taittiriya)

दे॒वस्य॑त्वा सवि॒तुः प्र॑स॒वे⁠। अ॒श्विनो᳚र् बा॒हुभ्यां᳚⁠। पू॒ष्णो हस्ता᳚भ्यां⁠। अ॒श्विनो॒र् भैष॑ज्येन⁠। तेज॑सेऽ ब्रह्मवर्च॒साया॒भिषि॑ञ्चामि⁠॥ १ दे॒वस्य॑त्वा सवि॒तुः प्र॑स॒वे⁠। अ॒श्विनो᳚र् बा॒हुभ्यां᳚⁠। पू॒ष्णो हस्ता᳚भ्यां⁠। सर॑स्वत्यै॒ भैष॑ज्येन⁠। वी॒र्या॑या॒न्नाद्या॑या॒भिषि॑ञ्चामि⁠॥ २ दे॒वस्य॑त्वा सवि॒तुः प्र॑स॒वे⁠। अ॒श्विनो᳚र् बा॒हुभ्यां᳚⁠। पू॒ष्णो हस्ता᳚भ्यां⁠। इन्द्र॑स्येन्द्रि॒येण॑⁠। श्रि॒यै यश॑से॒ बला॑या॒भिषि॑ञ्चामि⁠। ३ सोम॒ꣳ॒ राजा॑नं॒ वरु॑णम॒ग्नि म॒न्वार॑भामहे⁠। आ॒दि॒त्यान्‌विष्णु॒ꣳ॒ सूर्यं॑ ब्र॒ह्माण॑ञ्च॒ बृह॒स्पतिं᳚⁠॥ ४ दे॒वस्य॑त्वा सवि॒तुः प्र॑स॒वे᳚ ऽश्विनो᳚र् बा॒हुभ्यां᳚ पू॒ष्णो हस्ता᳚भ्या॒ꣳ॒ सर॑स्वत्यै वा॒चोय॒न्तुर् य॒न्त्रेणा॒ग्नेस्त्वा॒ साम्रा᳚ज्येना॒भिषि॑ञ्चा॒मीन्द्र॑स्यत्वा॒ साम्रा᳚ज्येना॒भिषि॑ञ्चामि॒ बृह॒स्पते᳚स्त्वा॒ साम्रा᳚ज्येना॒भिषि॑ञ्चामि⁠॥ ५ आयु॒राशा᳚स्ते⁠। सु॒प्र॒जा॒स्त्वमाशा᳚स्ते⁠। स॒जा॒त॒व॒न॒स्यामाशा᳚स्ते⁠। उत्त॑रान्देवय॒ज्यामाशा᳚स्ते⁠। भूयो॑ हवि॒ष्कर॑ण॒माशा᳚स्ते⁠। दि॒व्यन्धामाशा᳚स्ते⁠। विश्वं॑ प्रि॒यमाशा᳚स्ते⁠। यद॒नेन॑ ह॒विषाशा᳚स्ते⁠॥ ६ तद॑श्या॒त्तदृ॑द्ध्यात्⁠। तद॑स्मै दे॒वा रा॑सन्तां⁠। तद॒ग्निर् दे॒वो दे॒वेभ्यो॒ वन॑ते⁠। व॒यम॒ग्नेर् मानु॑षाः⁠। इ॒ष्टं च॑ वी॒तं च॑⁠। उ॒भे च॑ नो॒ द्यावा॑पृथि॒वी अꣳह॑सस्पातां⁠। इ॒ह गति॑र् वा॒मस्ये॒दं च॑⁠। नमो॑ दे॒वेभ्यः॑⁠॥ ७ द्रु॒प॒दा॒दि॒वेन् मु॑मुचा॒नः⁠। स्वि॒न्नः स्ना॒त्वी मला॑दिव⁠। पू॒तं प॒वित्रे॑णे॒ वाज्यं᳚⁠। आपः॑ शुन्धन्तु॒ मैन॑सः⁠। भूर्भुव॒स्सुवो॒ भूर्भुव॒स्सुवो॒ भूर्भुव॒स्सुवः॑⁠॥ ८ प्राशन मन्त्रः॒ आप॒ इद्वा उ॑ भेष॒जीः⁠। आपो॑ अमीव॒चात॑नीः⁠। आप॒स्सर्व॑स्य भेष॒जी⁠। तास्ते॑ कृण्वन्तु भेष॒जं⁠॥ ९ [अकाल मृत्यु हरणं सर्व व्याधि निवारणं⁠। सर्व(समस्त) पापख्‍षयहरं (देवता “नाम”) वरुण* पातोदकं शुभं⁠। ] स्त्रीणां प्राशनेः आ॒म॒या॒वी चि॑न्वीत⁠। आपो॒ वै भे॑ष॒जं⁠। भे॒ष॒जमे॒वास्मै॑ करोति⁠। सर्व॒मायु॑रेति⁠॥

Sections	१
Mantras	१
Version	5.0