कृष्ण यजुर्वेदीय तैत्तिरीय संहिता क्रम पाठः
प्रथमकाण्डे षष्ठः प्रश्नः

कांड १ प्रश्न ६
याजमानकाण्डं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
सम् त्वा᳚⁠। त्वा॒ सि॒ञ्चा॒मि॒⁠। सि॒ञ्चा॒मि॒ यजु॑षा⁠। यजु॑षा प्र॒जाम्⁠। प्र॒जामायुः॑⁠। प्र॒जामिति॑ प्र—जाम्⁠। आयु॒र् धन᳚म्⁠। धन॑म् च⁠। चेति॑ च⁠॥ बृह॒स्पति॑प्रसूतो॒ यज॑मानः⁠। बृह॒स्पति॑प्रसूत॒ इति॒ बृह॒स्पति॑—प्र॒सू॒तः॒⁠। यज॑मान इ॒ह⁠। इ॒ह मा⁠। मा रि॑षत्⁠। रि॒ष॒दिति॑ रिषत्⁠॥ आज्य॑मसि⁠। अ॒सि॒ स॒त्यम्⁠। स॒त्यम॑सि⁠। अ॒सि॒ स॒त्यस्य॑⁠। स॒त्यस्याद्ध्य॑ख्‍षम्⁠। अद्ध्य॑ख्‍षमसि⁠। अद्ध्य॑ख्‍ष॒मित्यधि॑—अ॒ख्‍ष॒म्⁠। अ॒सि॒ ह॒विः⁠। ह॒विर॑सि⁠। अ॒सि॒ वै॒श्वा॒न॒रम्⁠। वै॒श्वा॒न॒रव्ँवै᳚श्वदे॒वम्⁠। वै॒श्व॒दे॒वमुत्पू॑तशुष्मम्⁠। वै॒श्व॒दे॒वमिति॑ वैश्व—दे॒वम्⁠। उत्पू॑तशुष्मꣳ स॒त्यौजाः᳚⁠। उत्पू॑तशुष्म॒मित्युत्पू॑त—शु॒ष्म॒म्⁠। स॒त्यौजाः॒ सहः॑⁠। स॒त्यौजा॒ इति॑ स॒त्य—ओ॒जाः॒⁠। सहो॑ऽसि⁠। अ॒सि॒ सह॑मानम्⁠। सह॑मानमसि⁠। अ॒सि॒ सह॑स्व⁠। सह॒स्वारा॑तीः⁠। अरा॑तीः॒ सह॑स्व⁠। सह॑स्वारातीय॒तः⁠। अ॒रा॒ती॒य॒तः सह॑स्व⁠। सह॑स्व॒ पृत॑नाः⁠। पृत॑नाः॒ सह॑स्व⁠। सह॑स्व पृतन्य॒तः⁠। पृ॒त॒न्य॒त इति॑ पृतन्य॒तः⁠॥ स॒हस्र॑वीर्यमसि⁠। स॒हस्र॑वीर्य॒मिति॑ स॒हस्र॑—वी॒र्य॒म्⁠। अ॒सि॒ तत्⁠। तन्मा᳚⁠। मा॒ जि॒न्व॒⁠। जि॒न्वाज्य॑स्य⁠। आज्य॒स्याज्य᳚म्⁠। आज्य॑मसि⁠। अ॒सि॒ स॒त्यस्य॑⁠। स॒त्यस्य॑ स॒त्यम्⁠। स॒त्यम॑सि⁠। अ॒सि॒ स॒त्यायुः॑⁠। स॒त्यायु॑रसि⁠। स॒त्यायु॒रिति॑ स॒त्य—आ॒युः॒⁠। [१] अ॒सि॒ स॒त्यशु॑ष्मम्⁠। स॒त्यशु॑ष्ममसि⁠। स॒त्यशु॑ष्म॒मिति॑ स॒त्य—शु॒ष्म॒म्⁠। अ॒सि॒ स॒त्येन॑⁠। स॒त्येन॑ त्वा⁠। त्वा॒ऽभि⁠। अ॒भि घा॑रयामि⁠। घा॒र॒या॒मि॒ तस्य॑⁠। तस्य॑ ते⁠। ते॒ भ॒ख्‍षी॒य॒⁠। भ॒ख्‍षी॒य॒ प॒ञ्चा॒नाम्⁠। प॒ञ्चा॒नाम् त्वा᳚⁠। त्वा॒ वाता॑नाम्⁠। वाता॑नाय्ँय॒न्त्राय॑⁠। य॒न्त्राय॑ ध॒र्त्राय॑⁠। ध॒र्त्राय॑ गृह्णामि⁠। गृ॒ह्णा॒मि॒ प॒ञ्चा॒नाम्⁠। प॒ञ्चा॒नाम् त्वा᳚⁠। त्व॒र्तू॒नाम्⁠। ऋ॒तू॒नाय्ँय॒न्त्राय॑⁠। य॒न्त्राय॑ ध॒र्त्राय॑⁠। ध॒र्त्राय॑ गृह्णामि⁠। गृ॒ह्णा॒मि॒ प॒ञ्चा॒नाम्⁠। प॒ञ्चा॒नाम् त्वा᳚⁠। त्वा॒ दि॒शाम्⁠। दि॒शाय्ँय॒न्त्राय॑⁠। य॒न्त्राय॑ ध॒र्त्राय॑⁠। ध॒र्त्राय॑ गृह्णामि⁠। गृ॒ह्णा॒मि॒ प॒ञ्चा॒नाम्⁠। प॒ञ्चा॒नाम् त्वा᳚⁠। त्वा॒ प॒ञ्च॒ज॒नाना᳚म्⁠। प॒ञ्च॒ज॒नाना᳚य्ँय॒न्त्राय॑⁠। प॒ञ्च॒ज॒नाना॒मिति॑ पञ्च—ज॒नाना᳚म्⁠। य॒न्त्राय॑ ध॒र्त्राय॑⁠। ध॒र्त्राय॑ गृह्णामि⁠। गृ॒ह्णा॒मि॒ च॒रोः⁠। च॒रोस्त्वा᳚⁠। त्वा॒ पञ्च॑बिलस्य⁠। पञ्च॑बिलस्य य॒न्त्राय॑⁠। पञ्च॑बिल॒स्येति॒ पञ्च॑—बि॒ल॒स्य॒⁠। य॒न्त्राय॑ ध॒र्त्राय॑⁠। ध॒र्त्राय॑ गृह्णामि⁠। गृ॒ह्णा॒मि॒ ब्रह्म॑णः⁠। ब्रह्म॑णस्त्वा⁠। त्वा॒ तेज॑से⁠। तेज॑से य॒न्त्राय॑⁠। य॒न्त्राय॑ ध॒र्त्राय॑⁠। ध॒र्त्राय॑ गृह्णामि⁠। गृ॒ह्णा॒मि॒ ख्‍ष॒त्रस्य॑⁠। ख्‍ष॒त्रस्य॑ त्वा⁠। त्वौज॑से⁠। ओज॑से य॒न्त्राय॑⁠। य॒न्त्राय॑ ध॒र्त्राय॑⁠। [२] ध॒र्त्राय॑ गृह्णामि⁠। गृ॒ह्णा॒मि॒ वि॒शे⁠। वि॒शे त्वा᳚⁠। त्वा॒ य॒न्त्राय॑⁠। य॒न्त्राय॑ ध॒र्त्राय॑⁠। ध॒र्त्राय॑ गृह्णामि⁠। गृ॒ह्णा॒मि॒ सु॒वीर्या॑य⁠। सु॒वीर्या॑य त्वा⁠। सु॒वीर्या॒येति॑ सु—वीर्या॑य⁠। त्वा॒ गृ॒ह्णा॒मि॒⁠। गृ॒ह्णा॒मि॒ सु॒प्र॒जा॒स्त्वाय॑⁠। सु॒प्र॒जा॒स्त्वाय॑ त्वा⁠। सु॒प्र॒जा॒स्त्वायेति॑ सुप्रजाः—त्वाय॑⁠। त्वा॒ गृ॒ह्णा॒मि॒⁠। गृ॒ह्णा॒मि॒ रा॒यः⁠। रा॒यस्पोषा॑य⁠। पोषा॑य त्वा⁠। त्वा॒ गृ॒ह्णा॒मि॒⁠। गृ॒ह्णा॒मि॒ ब्र॒ह्म॒व॒र्च॒साय॑⁠। ब्र॒ह्म॒व॒र्च॒साय॑ त्वा⁠। ब्र॒ह्म॒व॒र्च॒सायेति॑ ब्रह्म—व॒र्च॒साय॑⁠। त्वा॒ गृ॒ह्णा॒मि॒⁠। गृ॒ह्णा॒मि॒ भूः⁠। भूर॒स्माक᳚म्⁠। अ॒स्माक॑ꣳ ह॒विः⁠। ह॒विर्,दे॒वाना᳚म्⁠। दे॒वाना॑मा॒शिषः॑⁠। आ॒शिषो॒ यज॑मानस्य⁠। आ॒शिष॒ इत्या᳚—शिषः॑⁠। यज॑मानस्य दे॒वाना᳚म्⁠। दे॒वाना᳚म् त्वा⁠। त्वा॒ दे॒वता᳚भ्यः⁠। दे॒वता᳚भ्यो गृह्णामि⁠। गृ॒ह्णा॒मि॒ कामा॑य⁠। कामा॑य त्वा⁠। त्वा॒ गृ॒ह्णा॒मि॒⁠। गृ॒ह्णा॒मीति॑ गृह्णामि⁠॥ [३] (स॒त्यायु॒रोज॑से य॒न्त्राय॒त्रय॑स्त्रिꣳशच्च) ॥१॥
ध्रु॒वो॑ऽसि⁠। अ॒सि॒ ध्रु॒वः⁠। ध्रु॒वो॑ऽहम्⁠। अ॒हꣳ स॑जा॒तेषु॑⁠। स॒जा॒तेषु॑ भूयासम्⁠। स॒जा॒तेष्विति॑ स—जा॒तेषु॑⁠। भू॒या॒स॒म् धीरः॑⁠। धीर॒श्चेत्ता᳚⁠। चेत्ता॑ वसु॒वित्⁠। व॒सु॒विदु॒ग्रः⁠। व॒सु॒विदिति॑ वसु—वित्⁠। उ॒ग्रो॑ऽसि⁠। अ॒स्यु॒ग्रः⁠। उ॒ग्रो॑ऽहम्⁠। अ॒हꣳ स॑जा॒तेषु॑⁠। स॒जा॒तेषु॑ भूयासम्⁠। स॒जा॒तेष्विति॑ स—जा॒तेषु॑⁠। भू॒या॒स॒मु॒ग्रः⁠। उ॒ग्रश्चेत्ता᳚⁠। चेत्ता॑ वसु॒वित्⁠। व॒सु॒विद॑भि॒भूः⁠। व॒सु॒विदिति॑ वसु—वित्⁠। अ॒भि॒भूर॑सि⁠। अ॒भि॒भूरित्य॑भि—भूः⁠। अ॒स्य॒भि॒भूः⁠। अ॒भि॒भूर॒हम्⁠। अ॒भि॒भूरित्य॑भि—भूः⁠। अ॒हꣳ स॑जा॒तेषु॑⁠। स॒जा॒तेषु॑ भूयासम्⁠। स॒जा॒तेष्विति॑ स—जा॒तेषु॑⁠। भू॒या॒स॒म॒भि॒भूः⁠। अ॒भि॒भूश्चेत्ता᳚⁠। अ॒भि॒भूरित्य॑भि—भूः⁠। चेत्ता॑ वसु॒वित्⁠। व॒सु॒विद् यु॒नज्मि॑⁠। व॒सु॒विदिति॑ वसु—वित्⁠। यु॒नज्मि॑ त्वा⁠। त्वा॒ ब्रह्म॑णा⁠। ब्रह्म॑णा॒ दैव्ये॑न⁠। दैव्ये॑न ह॒व्याय॑⁠। ह॒व्याया॒स्मै⁠। अ॒स्मै वोढ॒वे⁠। वोढ॒वे जा॑तवेदः⁠। जा॒त॒वे॒द॒ इति॑ जात—वे॒दः॒⁠॥ इन्धा॑नास्त्वा⁠। त्वा॒ सु॒प्र॒जसः॑⁠। सु॒प्र॒जसः॑ सु॒वीराः᳚⁠। सु॒प्र॒जस॒ इति॑ सु—प्र॒जसः॑⁠। सु॒वीरा॒ ज्योक्⁠। सु॒वीरा॒ इति॑ सु—वीराः᳚⁠। ज्योग् जी॑वेम⁠। जी॒वे॒म॒ ब॒लि॒हृतः॑⁠। ब॒लि॒हृतो॑ व॒यम्⁠। ब॒लि॒हृत॒ इति॑ बलि—हृतः॑⁠। व॒यम् ते᳚⁠। त॒ इति॑ ते⁠॥ यन्मे᳚⁠। मे॒ अ॒ग्ने॒⁠। अ॒ग्ने॒ अ॒स्य⁠। अ॒स्य य॒ज्ञस्य॑⁠। य॒ज्ञस्य॒ रिष्या᳚त्⁠। रिष्या॒द् यत्⁠। [४] यद् वा᳚⁠। वा॒ स्कन्दा᳚त्⁠। स्कन्दा॒दाज्य॑स्य⁠। आज्य॑स्यो॒त⁠। उ॒त वि॑ष्णो⁠। वि॒ष्णो॒ इति॑ विष्णो⁠॥ तेन॑ हन्मि⁠। ह॒न्मि॒ स॒पत्न᳚म्⁠। स॒पत्न॑म् दुर्मरा॒युम्⁠। दु॒र्म॒रा॒युमा⁠। दु॒र्म॒रा॒युमिति॑ दुः—म॒रा॒युम्⁠। ऐन᳚म्⁠। ए॒न॒म् द॒धा॒मि॒⁠। द॒धा॒मि॒ निर्‌ऋ॑त्याः⁠। निर्‌ऋ॑त्या उ॒पस्थे᳚⁠। निर्‌ऋ॑त्या॒ इति॒ निः—ऋ॒त्याः॒⁠। उ॒पस्थ॒ इत्यु॒प—स्थे॒⁠॥ भूर्भुवः॑⁠। भुवः॒ सुवः॑⁠। सुव॒रुच्छु॑ष्मः⁠। उच्छु॑ष्मो अग्ने⁠। उच्छु॑ष्म॒ इत्युत्—शु॒ष्मः॒⁠। अ॒ग्ने॒ यज॑मानाय⁠। यज॑मानायैधि⁠। ए॒धि॒ निशु॑ष्मः⁠। निशु॑ष्मो अभि॒दास॑ते⁠। निशु॑ष्म॒ इति॒ नि—शु॒ष्मः॒⁠। अ॒भि॒दास॑त॒ इत्य॑भि दास॑ते⁠॥ अग्ने॒ देवे᳚द्ध⁠। देवे᳚द्ध॒ मन्वि॑द्ध⁠। देवे॒द्धेति॒ देव॑—इ॒द्ध॒⁠। मन्वि॑द्ध॒ मन्द्र॑जिह्व⁠। मन्वि॒द्धेति॒ मनु॑—इ॒द्ध॒⁠। मन्द्र॑जि॒ह्वाम॑र्त्यस्य⁠। मन्द्र॑जि॒ह्वेति॒ मन्द्र॑—जि॒ह्व॒⁠। अम॑र्त्यस्य ते⁠। ते॒ हो॒तः॒⁠। हो॒त॒र्,मू॒र्द्धन्न्⁠। मू॒र्द्धन्ना⁠। आ जि॑घर्मि⁠। जि॒घ॒र्मि॒ रा॒यः⁠। रा॒यस्पोषा॑य⁠। पोषा॑य सुप्रजा॒स्त्वाय॑⁠। सु॒प्र॒जा॒स्त्वाय॑ सु॒वीर्या॑य⁠। सु॒प्र॒जा॒स्त्वायेति॑ सुप्रजाः—त्वाय॑⁠। सु॒वीर्या॑य॒ मनः॑⁠। सु॒वीर्या॒येति॑ सु—वीर्या॑य⁠। मनो॑ऽसि⁠। अ॒सि॒ प्रा॒जा॒प॒त्यम्⁠। प्रा॒जा॒प॒त्यम् मन॑सा⁠। प्रा॒जा॒प॒त्यमिति॑ प्राजा—प॒त्यम्⁠। मन॑सा मा⁠। मा॒ भू॒तेन॑⁠। भू॒तेना⁠। आ वि॑श⁠। वि॒श॒ वाक्⁠। वाग॑सि⁠। अ॒स्यै॒न्द्री⁠। ऐ॒न्द्री स॑पत्न॒ख्‍षय॑णी⁠। स॒प॒त्न॒ख्‍षय॑णी वा॒चा⁠। स॒प॒त्न॒ख्‍षय॒णीति॑ सपत्न—ख्‍षय॑णी⁠। [५] वा॒चा मा᳚⁠। मे॒न्द्रि॒येण॑⁠। इ॒न्द्रि॒येणा⁠। आ वि॑श⁠। वि॒श॒ व॒स॒न्तम्⁠। व॒स॒न्तमृ॑तू॒नाम्⁠। ऋ॒तू॒नाम् प्री॑णामि⁠। प्री॒णा॒मि॒ सः⁠। स मा᳚⁠। मा॒ प्री॒तः⁠। प्री॒तः प्री॑णातु⁠। प्री॒णा॒तु॒ ग्री॒ष्मम्⁠। ग्री॒ष्ममृ॑तू॒नाम्⁠। ऋ॒तू॒नाम् प्री॑णामि⁠। प्री॒णा॒मि॒ सः⁠। स मा᳚⁠। मा॒ प्री॒तः⁠। प्री॒तः प्री॑णातु⁠। प्री॒णा॒तु॒ व॒र्॒‌षाः⁠। व॒र्॒‌षा ऋ॑तू॒नाम्⁠। ऋ॒तू॒नाम् प्री॑णामि⁠। प्री॒णा॒मि॒ ताः⁠। ता मा᳚⁠। मा॒ प्री॒ताः⁠। प्री॒ताः प्री॑णन्तु⁠। प्री॒ण॒न्तु॒ श॒रद᳚म्⁠। श॒रद॑मृतू॒नाम्⁠। ऋ॒तू॒नाम् प्री॑णामि⁠। प्री॒णा॒मि॒ सा⁠। सा मा᳚⁠। मा॒ प्री॒ता⁠। प्री॒ता प्री॑णातु⁠। प्री॒णा॒तु॒ हे॒म॒न्त॒शि॒शि॒रौ⁠। हे॒म॒न्त॒शि॒शि॒रावृ॑तू॒नाम्⁠। हे॒म॒न्त॒शि॒शि॒राविति॑ हेमन्त—शि॒शि॒रौ⁠। ऋ॒तू॒नाम् प्री॑णामि⁠। प्री॒णा॒मि॒ तौ⁠। तौ मा᳚⁠। मा॒ प्री॒तौ⁠। प्री॒तौ प्री॑णीताम्⁠। प्री॒णी॒ता॒म॒ग्नीषोम॑योः⁠। अ॒ग्नीषोम॑योर॒हम्⁠। अ॒ग्नीषोम॑यो॒रित्य॒ग्नी—सोम॑योः⁠। अ॒हम् दे॑वय॒ज्यया᳚⁠। दे॒व॒य॒ज्यया॒ चख्‍षु॑ष्मान्⁠। दे॒व॒य॒ज्ययेति॑ देव—य॒ज्यया᳚⁠। चख्‍षु॑ष्मान् भूयासम्⁠। भू॒या॒स॒म॒ग्नेः⁠। अ॒ग्नेर॒हम्⁠। अ॒हम् दे॑वय॒ज्यया᳚⁠। दे॒व॒य॒ज्यया᳚ऽन्ना॒दः⁠। दे॒व॒य॒ज्ययेति॑ देव—य॒ज्यया᳚⁠। अ॒न्ना॒दो भू॑यासम्⁠। अ॒न्ना॒द इत्य॑न्न—अ॒दः⁠। भू॒या॒स॒म् दब्धिः॑⁠। [६] दब्धि॑रसि⁠। अ॒स्यद॑ब्धः⁠। अद॑ब्धो भूयासम्⁠। भू॒या॒स॒म॒मुम्⁠। अ॒मुम् द॑भेयम्⁠। द॒भे॒य॒म॒ग्नीषोम॑योः⁠। अ॒ग्नीषोम॑योर॒हम्⁠। अ॒ग्नीषोम॑यो॒रित्य॒ग्नी—सोम॑योः⁠। अ॒हम् दे॑वय॒ज्यया᳚⁠। दे॒व॒य॒ज्यया॑ वृत्र॒हा⁠। दे॒व॒य॒ज्ययेति॑ देव—य॒ज्यया᳚⁠। वृ॒त्र॒हा भू॑यासम्⁠। वृ॒त्र॒हेति॑ वृत्र—हा⁠। भू॒या॒स॒मि॒न्द्रा॒ग्नि॒योः⁠। इ॒न्द्रा॒ग्नि॒योर॒हम्⁠। इ॒न्द्रा॒ग्नि॒योरिती᳚न्द्र—अ॒ग्नि॒योः⁠। अ॒हम् दे॑वय॒ज्यया᳚⁠। दे॒व॒य॒ज्यये᳚न्द्रिया॒वी⁠। दे॒व॒य॒ज्ययेति॑ देव—य॒ज्यया᳚⁠। इ॒न्द्रि॒या॒व्य॑न्ना॒दः⁠। अ॒न्ना॒दो भू॑यासम्⁠। अ॒न्ना॒द इत्य॑न्न—अ॒दः⁠। भू॒या॒स॒मिन्द्र॑स्य⁠। इन्द्र॑स्या॒हम्⁠। अ॒हम् दे॑वय॒ज्यया᳚⁠। दे॒व॒य॒ज्यये᳚न्द्रिया॒वी⁠। दे॒व॒य॒ज्ययेति॑ देव—य॒ज्यया᳚⁠। इ॒न्द्रि॒या॒वी भू॑यासम्⁠। भू॒या॒स॒म् म॒हे॒न्द्रस्य॑⁠। म॒हे॒न्द्रस्या॒हम्⁠। म॒हे॒न्द्रस्येति॑ महा—इ॒न्द्रस्य॑⁠। अ॒हम् दे॑वय॒ज्यया᳚⁠। दे॒व॒य॒ज्यया॑ जे॒मान᳚म्⁠। दे॒व॒य॒ज्ययेति॑ देव—य॒ज्यया᳚⁠। जे॒मान॑म् महि॒मान᳚म्⁠। म॒हि॒मान॑म् गमेयम्⁠। ग॒मे॒य॒म॒ग्नेः⁠। अ॒ग्नेः स्वि॑ष्ट॒कृतः॑⁠। स्वि॒ष्ट॒कृतो॒ऽहम्⁠। स्वि॒ष्ट॒कृत॒ इति॑ स्विष्ट—कृतः॑⁠। अ॒हम् दे॑वय॒ज्यया᳚⁠। दे॒व॒य॒ज्यया ऽऽयु॑ष्मान्⁠। दे॒व॒य॒ज्ययेति॑ देव—य॒ज्यया᳚⁠। आयु॑ष्मान्‌य॒ज्ञेन॑⁠। य॒ज्ञेन॑ प्रति॒ष्ठाम्⁠। प्र॒ति॒ष्ठाम् ग॑मेयम्⁠। प्र॒ति॒ष्ठामिति॑ प्रति—स्थाम्⁠। ग॒मे॒य॒मिति॑ गमेयम्⁠॥ [७] (रिष्या᳚थ्सपत्न॒ख्‍षय॑ण्यन्ना॒दो भू॑यास॒ꣳ॒षट्त्रि॑ꣳशच्च) ॥२॥
अ॒ग्निर् मा᳚⁠। मा॒ दुरि॑ष्टात्⁠। दुरि॑ष्टात् पातु⁠। दुरि॑ष्टा॒दिति॒ दुः—इ॒ष्टा॒त्॒⁠। पा॒तु॒ स॒वि॒ता⁠। स॒वि॒ताऽघश॑ꣳसात्⁠। अ॒घश॑ꣳसा॒द् यः⁠। अ॒घश॑ꣳसा॒दित्य॒घ—श॒ꣳ॒सा॒त्॒⁠। यो मे᳚⁠। मेऽन्ति॑⁠। अन्ति॑ दू॒रे⁠। दू॒रे॑ ऽराती॒यति॑⁠। अ॒रा॒ती॒यति॒ तम्⁠। तमे॒तेन॑⁠। ए॒तेन॑ जेषम्⁠। जे॒ष॒ꣳ॒ सुरू॑पवर्‌षवर्णे⁠। सुरू॑पवर्‌षवर्ण॒ आ⁠। सुरू॑पवर्‌षवर्ण॒ इति॒ सुरू॑प—व॒र्‌ष॒व॒र्णे॒⁠। एहि॑⁠। इ॒ही॒मान्⁠। इ॒मान्,भ॒द्रान्⁠। भ॒द्रान्,दुर्या॑न्⁠। दुर्या॑ꣳ अ॒भि⁠। अ॒भ्या⁠। एहि॑⁠। इ॒हि॒ माम्⁠। मामनु॑व्रता⁠। अनु॑व्रता॒ नि⁠। अनु॑व्र॒तेत्यनु॑—व्र॒ता॒⁠। न्यु॑⁠। उ॒ शी॒र्॒‌षाणि॑⁠। शी॒र्॒‌षाणि॑ मृढ्वम्⁠। मृ॒ढ्व॒मिडे᳚⁠। इड॒ आ⁠। एहि॑⁠। इ॒ह्यदि॑ते⁠। अदि॑त॒ आ⁠। एहि॑⁠। इ॒हि॒ सर॑स्वति⁠। सर॑स्व॒त्या⁠। एहि॑⁠। इ॒हि॒ रन्तिः॑⁠। रन्ति॑रसि⁠। अ॒सि॒ रम॑तिः⁠। रम॑तिरसि⁠। अ॒सि॒ सू॒नरी᳚⁠। सू॒नर्य॑सि⁠। अ॒सि॒ जुष्टे᳚⁠। जुष्टे॒ जुष्टि᳚म्⁠। जुष्टि॑म् ते⁠। ते॒ऽशी॒य॒⁠। अ॒शी॒योप॑हूते⁠। उप॑हूत उपह॒वम्⁠। उप॑हूत॒ इत्युप॑—हू॒ते॒⁠। उ॒प॒ह॒वम् ते᳚⁠। उ॒प॒ह॒वमित्यु॑प—ह॒वम्⁠। [८] ते॒ऽशी॒य॒⁠। अ॒शी॒य॒ सा⁠। सा मे᳚⁠। मे॒ स॒त्या⁠। स॒त्याऽऽशीः⁠। आ॒शीर॒स्य⁠। आ॒शीरित्या᳚—शीः⁠। अ॒स्य य॒ज्ञस्य॑⁠। य॒ज्ञस्य॑ भूयात्⁠। भू॒या॒दरे॑डता⁠। अरे॑डता॒ मन॑सा⁠। मन॑सा॒ तत्⁠। तच्छ॑केयम्⁠। श॒के॒य॒य्ँय॒ज्ञः⁠। य॒ज्ञो दिव᳚म्⁠। दिव॑ꣳ रोहतु⁠। रो॒ह॒तु॒ य॒ज्ञः⁠। य॒ज्ञो दिव᳚म्⁠। दिव॑म् गच्छतु⁠। ग॒च्छ॒तु॒ यः⁠। यो दे॑व॒यानः॑⁠। दे॒व॒यानः॒ पन्थाः᳚⁠। दे॒व॒यान॒ इति॑ देव—यानः॑⁠। पन्था॒स्तेन॑⁠। तेन॑ य॒ज्ञः⁠। य॒ज्ञो दे॒वान्⁠। दे॒वाꣳ अपि॑⁠। अप्ये॑तु⁠। ए॒त्व॒स्मासु॑⁠। अ॒स्मास्विन्द्रः॑⁠। इन्द्र॑ इन्द्रि॒यम्⁠। इ॒न्द्रि॒यम् द॑धातु⁠। द॒धा॒त्व॒स्मान्⁠। अ॒स्मान् रायः॑⁠। राय॑ उ॒त⁠। उ॒त य॒ज्ञाः⁠। य॒ज्ञाः स॑चन्ताम्⁠। स॒च॒न्ता॒म॒स्मासु॑⁠। अ॒स्मासु॑ सन्तु⁠। स॒न्त्वा॒शिषः॑⁠। आ॒शिषः॒ सा⁠। आ॒शिष॒ इत्या᳚—शिषः॑⁠। सा नः॑⁠। नः॒ प्रि॒या⁠। प्रि॒या सु॒प्रतू᳚र्तिः⁠। सु॒प्रतू᳚र्तिर्,म॒घोनी᳚⁠। सु॒प्रतू᳚र्ति॒रिति॑ सु—प्रतू᳚र्तिः⁠। म॒घोनी॒ जुष्टिः॑⁠। जुष्टि॑रसि⁠। अ॒सि॒ जु॒षस्व॑⁠। जु॒षस्व॑ नः⁠। नो॒ जुष्टा᳚⁠। जुष्टा॑ नः⁠। नो॒ऽसि॒⁠। [९] अ॒सि॒ जुष्टि᳚म्⁠। जुष्टि॑म् ते⁠। ते॒ ग॒मे॒य॒म्⁠। ग॒मे॒य॒म् मनः॑⁠। मनो॒ ज्योतिः॑⁠। ज्योति॑र्,जुषताम्⁠। जु॒ष॒ता॒माज्य᳚म्⁠। आज्य॒व्ँविच्छि॑न्नम्⁠। विच्छि॑न्नय्ँय॒ज्ञम्⁠। विच्छि॑न्न॒मिति॒ वि—छि॒न्न॒म्⁠। य॒ज्ञꣳ सम्⁠। समि॒मम्⁠। इ॒मम् द॑धातु⁠। द॒धा॒त्विति॑ दधातु⁠॥ बृह॒स्पति॑स्तनुताम्⁠। त॒नु॒ता॒मि॒मम्⁠। इ॒मम् नः॑⁠। नो॒ विश्वे᳚⁠। विश्वे॑ दे॒वाः⁠। दे॒वा इ॒ह⁠। इ॒ह मा॑दयन्ताम्⁠। मा॒द॒य॒न्ता॒मिति मा॑दयन्ताम्⁠॥ ब्रद्ध्न॒ पिन्व॑स्व⁠। पिन्व॑स्व॒ दद॑तः⁠। दद॑तो मे⁠। मे॒ मा⁠। मा ख्‍षा॑यि⁠। ख्‍षा॒यि॒ कु॒र्व॒तः⁠। कु॒र्व॒तो मे᳚⁠। मे॒ मा⁠। मोप॑⁠। उप॑ दसत्⁠। द॒स॒त्,प्र॒जाप॑तेः⁠। प्र॒जाप॑तेर्,भा॒गः⁠। प्र॒जाप॑ते॒रिति॑ प्र॒जा—प॒तेः॒⁠। भा॒गो॑ऽसि⁠। अ॒स्यूर्ज॑स्वान्⁠। ऊर्ज॑स्वा॒न् पय॑स्वान्⁠। पय॑स्वान् प्राणापा॒नौ⁠। प्रा॒णा॒पा॒नौ मे᳚⁠। प्रा॒णा॒पा॒नाविति॑ प्राण—अ॒पा॒नौ⁠। मे॒ पा॒हि॒⁠। पा॒हि॒ स॒मा॒न॒व्या॒नौ⁠। स॒मा॒न॒व्या॒नौ मे᳚⁠। स॒मा॒न॒व्या॒नाविति॑ समान—व्या॒नौ⁠। मे॒ पा॒हि॒⁠। पा॒ह्यु॒दा॒न॒व्या॒नौ⁠। उ॒दा॒न॒व्या॒नौ मे᳚⁠। उ॒दा॒न॒व्या॒नावित्यु॑दान—व्या॒नौ⁠। मे॒ पा॒हि॒⁠। पा॒ह्यख्‍षि॑तः⁠। अख्‍षि॑तोऽसि⁠। अ॒स्यख्‍षि॑त्यै⁠। अख्‍षि॑त्यै त्वा⁠। त्वा॒ मा⁠। मा मे᳚⁠। मे॒ ख्‍षे॒ष्ठाः॒⁠। ख्‍षे॒ष्ठा॒ अ॒मुत्र॑⁠। अ॒मुत्रा॒मुष्मि॑न्न्⁠। अ॒मुष्मि॑ल्ँलो॒के⁠। लो॒क इति॑ लो॒के⁠॥ [१०] (उ॒प॒ह॒वंजुष्टा॑नस्त्वा॒ षट्च॑) ॥३॥
ब॒र्॒‌हिषो॒ऽहम्⁠। अ॒हम् दे॑वय॒ज्यया᳚⁠। दे॒व॒य॒ज्यया᳚ प्र॒जावा॑न्⁠। दे॒व॒य॒ज्ययेति॑ देव—य॒ज्यया᳚⁠। प्र॒जावा᳚न्,भूयासम्⁠। प्र॒जावा॒निति॑ प्र॒जा—वा॒न्॒⁠। भू॒या॒स॒म् नरा॒शꣳस॑स्य⁠। नरा॒शꣳस॑स्या॒हम्⁠। अ॒हम् दे॑वय॒ज्यया᳚⁠। दे॒व॒य॒ज्यया॑ पशु॒मान्⁠। दे॒व॒य॒ज्ययेति॑ देव—य॒ज्यया᳚⁠। प॒शु॒मान् भू॑यासम्⁠। प॒शु॒मानिति॑ पशु—मान्⁠। भू॒या॒स॒म॒ग्नेः⁠। अ॒ग्नेः स्वि॑ष्ट॒कृतः॑⁠। स्वि॒ष्ट॒कृतो॒ऽहम्⁠। स्वि॒ष्ट॒कृत॒ इति॑ स्विष्ट—कृतः॑⁠। अ॒हम् दे॑वय॒ज्यया᳚⁠। दे॒व॒य॒ज्यया ऽऽयु॑ष्मान्⁠। दे॒व॒य॒ज्ययेति॑ देव—य॒ज्यया᳚⁠। आयु॑ष्मान्‌य॒ज्ञेन॑⁠। य॒ज्ञेन॑ प्रति॒ष्ठाम्⁠। प्र॒ति॒ष्ठाम् ग॑मेयम्⁠। प्र॒ति॒ष्ठामिति॑ प्रति—स्थाम्⁠। ग॒मे॒य॒म॒ग्नेः⁠। अ॒ग्नेर॒हम्⁠। अ॒हमुज्जि॑तिम्⁠। उज्जि॑ति॒मनु॑⁠। उज्जि॑ति॒मित्युत्—जि॒ति॒म्⁠। अनूत्⁠। उज्जे॑षम्⁠। जे॒ष॒ꣳ॒ सोम॑स्य⁠। सोम॑स्या॒हम्⁠। अ॒हमुज्जि॑तिम्⁠। उज्जि॑ति॒मनु॑⁠। उज्जि॑ति॒मित्युत्—जि॒ति॒म्⁠। अनूत्⁠। उज्जे॑षम्⁠। जे॒ष॒म॒ग्नेः⁠। अ॒ग्नेर॒हम्⁠। अ॒हमुज्जि॑तिम्⁠। उज्जि॑ति॒मनु॑⁠। उज्जि॑ति॒मित्युत्—जि॒ति॒म्⁠। अनूत्⁠। उज्जे॑षम्⁠। जे॒ष॒म॒ग्नीषोम॑योः⁠। अ॒ग्नीषोम॑योर॒हम्⁠। अ॒ग्नीषोम॑यो॒रित्य॒ग्नी—सोम॑योः⁠। अ॒हमुज्जि॑तिम्⁠। उज्जि॑ति॒मनु॑⁠। उज्जि॑ति॒मित्युत्—जि॒ति॒म्⁠। अनूत्⁠। उज्जे॑षम्⁠। जे॒ष॒मि॒न्द्रा॒ग्नि॒योः⁠। इ॒न्द्रा॒ग्नि॒योर॒हम्⁠। इ॒न्द्रा॒ग्नि॒योरिती᳚न्द्र—अ॒ग्नि॒योः⁠। अ॒हमुज्जि॑तिम्⁠। उज्जि॑ति॒मनु॑⁠। उज्जि॑ति॒मित्युत्—जि॒ति॒म्⁠। अनूत्⁠। उज्जे॑षम्⁠। जे॒ष॒मिन्द्र॑स्य⁠। इन्द्र॑स्या॒हम्⁠। अ॒हमुज्जि॑तिम्⁠। [११] उज्जि॑ति॒मनु॑⁠। उज्जि॑ति॒मित्युत्—जि॒ति॒म्⁠। अनूत्⁠। उज्जे॑षम्⁠। जे॒ष॒म् म॒हे॒न्द्रस्य॑⁠। म॒हे॒न्द्रस्या॒हम्⁠। म॒हे॒न्द्रस्येति॑ महा—इ॒न्द्रस्य॑⁠। अ॒हमुज्जि॑तिम्⁠। उज्जि॑ति॒मनु॑⁠। उज्जि॑ति॒मित्युत्—जि॒ति॒म्⁠। अनूत्⁠। उज्जे॑षम्⁠। जे॒ष॒म॒ग्नेः⁠। अ॒ग्नेः स्वि॑ष्ट॒कृतः॑⁠। स्वि॒ष्ट॒कृतो॒ऽहम्⁠। स्वि॒ष्ट॒कृत॒ इति॑ स्विष्ट—कृतः॑⁠। अ॒हमुज्जि॑तिम्⁠। उज्जि॑ति॒मनु॑⁠। उज्जि॑ति॒मित्युत्—जि॒ति॒म्⁠। अनूत्⁠। उज्जे॑षम्⁠। जे॒ष॒व्ँवाज॑स्य⁠। वाज॑स्य मा⁠। मा॒ प्र॒स॒वेन॑⁠। प्र॒स॒वेनो᳚द्ग्रा॒भेण॑⁠। प्र॒स॒वेनेति॑ प्र—स॒वेन॑⁠। उ॒द्ग्रा॒भेणोत्⁠। उ॒द्ग्रा॒भेणेत्यु॑त्—ग्रा॒भेण॑⁠। उद॑ग्रभीत्⁠। अ॒ग्र॒भी॒दित्य॑ग्रभीत्⁠॥ अथा॑ स॒पत्ना॑न्⁠। स॒पत्ना॒ꣳ॒ इन्द्रः॑⁠। इन्द्रो॑ मे⁠। मे॒ नि॒ग्रा॒भेण॑⁠। नि॒ग्रा॒भेणाध॑रान्⁠। नि॒ग्रा॒भेणेति॑ नि—ग्रा॒भेण॑⁠। अध॑राꣳ अकः⁠। अ॒क॒रित्य॑कः⁠॥ उ॒द्ग्रा॒भम् च॑⁠। उ॒द्ग्रा॒भमित्यु॑त्—ग्रा॒भम्⁠। च॒ नि॒ग्रा॒भम्⁠। नि॒ग्रा॒भम् च॑⁠। नि॒ग्रा॒भमिति॑ नि—ग्रा॒भम्⁠। च॒ ब्रह्म॑⁠। ब्रह्म॑ दे॒वाः⁠। दे॒वा अ॑वीवृधन्न्⁠। अ॒वी॒वृ॒ध॒न्नित्य॑वीवृधन्न्⁠॥ अथा॑ स॒पत्ना॑न्⁠। स॒पत्ना॑निन्द्रा॒ग्नी⁠। इ॒न्द्रा॒ग्नी मे᳚⁠। इ॒न्द्रा॒ग्नी इती᳚न्द्र—अ॒ग्नी⁠। मे॒ वि॒षू॒चीना॑न्⁠। वि॒षू॒चीना॒न्॒‌वि⁠। व्य॑स्यताम्⁠। अ॒स्य॒ता॒मित्य॑स्यताम्⁠॥ एमाः⁠। इ॒मा अ॑ग्मन्न्⁠। अ॒ग्म॒न्ना॒शिषः॑⁠। आ॒शिषो॒ दोह॑कामाः⁠। आ॒शिष॒ इत्या᳚—शिषः॑⁠। दोह॑कामा॒ इन्द्र॑वन्तः⁠। दोह॑कामा॒ इति॒ दोह॑—का॒माः॒⁠। इन्द्र॑वन्तो वनामहे⁠। इन्द्र॑वन्त॒ इतीन्द्र॑—व॒न्तः॒⁠। [१२] व॒ना॒म॒हे॒ धु॒ख्‍षी॒महि॑⁠। धु॒ख्‍षी॒महि॑ प्र॒जाम्⁠। प्र॒जामिष᳚म्⁠। प्र॒जामिति॑ प्र—जाम्⁠। इष॒मितीष᳚म्⁠॥ रोहि॑तेन त्वा⁠। त्वा॒ऽग्निः⁠। अ॒ग्निर् दे॒वता᳚म्⁠। दे॒वता᳚म् गमयतु⁠। ग॒म॒य॒तु॒ हरि॑भ्याम्⁠। हरि॑भ्याम् त्वा⁠। हरि॑भ्या॒मिति॒ हरि॑—भ्या॒म्⁠। त्वेन्द्रः॑⁠। इन्द्रो॑ दे॒वता᳚म्⁠। दे॒वता᳚म् गमयतु⁠। ग॒म॒य॒त्वेत॑शेन⁠। एत॑शेन त्वा⁠। त्वा॒ सूर्यः॑⁠। सूर्यो॑ दे॒वता᳚म्⁠। दे॒वता᳚म् गमयतु⁠। ग॒म॒य॒तु॒ वि⁠। वि ते᳚⁠। ते॒ मु॒ञ्चा॒मि॒⁠। मु॒ञ्चा॒मि॒ र॒श॒नाः⁠। र॒श॒ना वि⁠। वि र॒श्मीन्⁠। र॒श्मीन्‌वि⁠। वि योक्त्रा᳚⁠। योक्त्रा॒ यानि॑⁠। यानि॑ परि॒चर्त॑नानि⁠। प॒रि॒चर्त॑नानि ध॒त्तात्⁠। प॒रि॒चर्त॑ना॒नीति॑ परि—चर्त॑नानि⁠। ध॒त्ताद॒स्मासु॑⁠। अ॒स्मासु॒ द्रवि॑णम्⁠। द्रवि॑ण॒य्ँयत्⁠। यच्च॑⁠। च॒ भ॒द्रम्⁠। भ॒द्रम् प्र⁠। प्र णः॑⁠। नो॒ ब्रू॒ता॒त्॒⁠। ब्रू॒ता॒द् भा॒ग॒धान्⁠। भा॒ग॒धान् दे॒वता॑सु⁠। भा॒ग॒धानिति॑ भाग—धान्⁠। दे॒वता॒स्विति॑ दे॒वता॑सु⁠॥ विष्णोः᳚ श॒य्ँयोः⁠। श॒य्ँयोर॒हम्⁠। श॒य्ँयोरिति॑ शम्—योः⁠। अ॒हम् दे॑वय॒ज्यया᳚⁠। दे॒व॒य॒ज्यया॑ य॒ज्ञेन॑⁠। दे॒व॒य॒ज्ययेति॑ देव—य॒ज्यया᳚⁠। य॒ज्ञेन॑ प्रति॒ष्ठाम्⁠। प्र॒ति॒ष्ठाम् ग॑मेयम्⁠। प्र॒ति॒ष्ठामिति॑ प्रति—स्थाम्⁠। ग॒मे॒य॒ꣳ॒ सोम॑स्य⁠। सोम॑स्या॒हम्⁠। अ॒हम् दे॑वय॒ज्यया᳚⁠। दे॒व॒य॒ज्यया॑ सु॒रेताः᳚⁠। दे॒व॒य॒ज्ययेति॑ देव—य॒ज्यया᳚⁠। [१३] सु॒रेता॒ रेतः॑⁠। सु॒रेता॒ इति॑ सु—रेताः᳚⁠। रेतो॑ धिषीय⁠। धी॒षी॒य॒ त्वष्टुः॑⁠। त्वष्टु॑र॒हम्⁠। अ॒हम् दे॑वय॒ज्यया᳚⁠। दे॒व॒य॒ज्यया॑ पशू॒नाम्⁠। दे॒व॒य॒ज्ययेति॑ देव—य॒ज्यया᳚⁠। प॒शू॒नाꣳ रू॒पम्⁠। रू॒पम् पु॑षेयम्⁠। पु॒षे॒य॒म् दे॒वाना᳚म्⁠। दे॒वाना॒म् पत्नीः᳚⁠। पत्नी॑र॒ग्निः⁠। अ॒ग्निर्,गृ॒हप॑तिः⁠। गृ॒हप॑तिर्,य॒ज्ञस्य॑⁠। गृ॒हप॑ति॒रिति॑ गृ॒ह—प॒तिः॒⁠। य॒ज्ञस्य॑ मिथु॒नम्⁠। मि॒थु॒नम् तयोः᳚⁠। तयो॑र॒हम्⁠। अ॒हम् दे॑वय॒ज्यया᳚⁠। दे॒व॒य॒ज्यया॑ मिथु॒नेन॑⁠। दे॒व॒य॒ज्ययेति॑ देव—य॒ज्यया᳚⁠। मि॒थु॒नेन॒ प्र⁠। प्र भू॑यासम्⁠। भू॒या॒स॒व्ँवे॒दः⁠। वे॒दो॑ऽसि⁠। अ॒सि॒ वित्तिः॑⁠। वित्ति॑रसि⁠। अ॒सि॒ वि॒देय॑⁠। वि॒देय॒ कर्म॑⁠। कर्मा॑सि⁠। अ॒सि॒ क॒रुण᳚म्⁠। क॒रुण॑मसि⁠। अ॒सि॒ क्रि॒यास᳚म्⁠। क्रि॒यास॑ꣳ स॒निः⁠। स॒निर॑सि⁠। अ॒सि॒ स॒नि॒ता⁠। स॒नि॒ताऽसि॑⁠। अ॒सि॒ स॒नेय᳚म्⁠। स॒नेय॑म् घृ॒तव॑न्तम्⁠। घृ॒तव॑न्तम् कुला॒यिन᳚म्⁠। घृ॒तव॑न्त॒मिति॑ घृ॒त—व॒न्त॒म्⁠। कु॒ला॒यिन॑ꣳ रा॒यः⁠। रा॒यस्पोष᳚म्⁠। पोष॑ꣳ सह॒स्रिण᳚म्⁠। स॒ह॒स्रिण॑व्ँवे॒दः⁠। वे॒दो द॑दातु⁠। द॒दा॒तु॒ वा॒जिन᳚म्⁠। वा॒जिन॒मिति॑ वा॒जिन᳚म्⁠॥ [१४] (इन्द्र॑स्या॒हमिन्द्र॑वन्तः॒सोम॑स्या॒हं दे॑वय॒ज्यया॒चतु॑श्चत्वारिꣳशच्च) ॥४॥
आ प्या॑यताम्⁠। प्या॒य॒ता॒म् ध्रु॒वा⁠। ध्रु॒वा घृ॒तेन॑⁠। घृ॒तेन॑ य॒ज्ञय्ँय॑ज्ञम्⁠। य॒ज्ञय्ँय॑ज्ञं॒ प्रति॑⁠। य॒ज्ञय्ँय॑ज्ञ॒मिति॑ य॒ज्ञं—य॒ज्ञ॒म्⁠। प्रति॑ देव॒यद्भ्यः॑⁠। दे॒व॒यद्भ्य॒ इति॑ देव॒यत्—भ्यः॒⁠॥ सू॒र्याया॒ ऊधः॑⁠। ऊधोऽदि॑त्याः⁠। अदि॑त्या उ॒पस्थे᳚⁠। उ॒पस्थ॑ उ॒रुधा॑रा⁠। उ॒पस्थ॒ इत्यु॒प—स्थे॒⁠। उ॒रुधा॑रा पृथि॒वी⁠। उ॒रुधा॒रेत्यु॒रु—धा॒रा॒⁠। पृ॒थि॒वी य॒ज्ञे⁠। य॒ज्ञे अ॒स्मिन्न्⁠। अ॒स्मिन्नित्य॒स्मिन्न्⁠॥ प्र॒जाप॑तेर्,वि॒भान्⁠। प्र॒जाप॑ते॒रिति॑ प्र॒जा—प॒तेः॒⁠। वि॒भान्नाम॑⁠। वि॒भानिति॑ वि—भान्⁠। नाम॑ लो॒कः⁠। लो॒कस्तस्मि॑न्न्⁠। तस्मि॑ꣴ स्त्वा⁠। त्वा॒ द॒धा॒मि॒⁠। द॒धा॒मि॒ स॒ह⁠। स॒ह यज॑मानेन⁠। यज॑मानेन॒ सत्⁠। सद॑सि⁠। अ॒सि॒ सत्⁠। सन्मे᳚⁠। मे॒ भू॒याः॒⁠। भू॒याः॒ सर्व᳚म्⁠। सर्व॑मसि⁠। अ॒सि॒ सर्व᳚म्⁠। सर्व॑म् मे⁠। मे॒ भू॒याः॒⁠। भू॒याः॒ पू॒र्णम्⁠। पू॒र्णम॑सि⁠। अ॒सि॒ पू॒र्णम्⁠। पू॒र्णम् मे᳚⁠। मे॒ भू॒याः॒⁠। भू॒या॒ अख्‍षि॑तम्⁠। अख्‍षि॑तमसि⁠। अ॒सि॒ मा⁠। मा मे᳚⁠। मे॒ ख्‍षे॒ष्ठाः॒⁠। ख्‍षे॒ष्ठाः॒ प्राच्या᳚म्⁠। प्राच्या᳚म् दि॒शि⁠। दि॒शि दे॒वाः⁠। दे॒वा ऋ॒त्विजः॑⁠। ऋ॒त्विजो॑ मार्जयन्ताम्⁠। मा॒र्ज॒य॒न्ता॒म् दख्‍षि॑णायाम्⁠। दख्‍षि॑णायाम् दि॒शि⁠। [१५] दि॒शि मासाः᳚⁠। मासाः᳚ पि॒तरः॑⁠। पि॒तरो॑ मार्जयन्ताम्⁠। मा॒र्ज॒य॒न्ता॒म् प्र॒तीच्या᳚म्⁠। प्र॒तीच्या᳚म् दि॒शि⁠। दि॒शि गृ॒हाः⁠। गृ॒हाः प॒शवः॑⁠। प॒शवो॑ मार्जयन्ताम्⁠। मा॒र्ज॒य॒न्ता॒मुदी᳚च्याम्⁠। उदी᳚च्याम् दि॒शि⁠। दि॒श्यापः॑⁠। आप॒ ओष॑धयः⁠। ओष॑धयो॒ वन॒स्पत॑यः⁠। वन॒स्पत॑यो मार्जयन्ताम्⁠। मा॒र्ज॒य॒न्ता॒मू॒र्द्ध्वाया᳚म्⁠। ऊ॒र्द्ध्वाया᳚म् दि॒शि⁠। दि॒शि य॒ज्ञः⁠। य॒ज्ञः स॑व्ँवथ्स॒रः⁠। स॒व्ँव॒थ्स॒रो य॒ज्ञप॑तिः⁠। स॒व्ँव॒थ्स॒र इति॑ सम्—व॒थ्स॒रः⁠। य॒ज्ञप॑तिर्,मार्जयन्ताम्⁠। य॒ज्ञप॑ति॒रिति॑ य॒ज्ञ—प॒तिः॒⁠। मा॒र्ज॒य॒न्ता॒व्ँविष्णोः᳚⁠। विष्णोः॒ क्रमः॑⁠। क्रमो॑ऽसि⁠। अ॒स्य॒भि॒मा॒ति॒हा⁠। अ॒भि॒मा॒ति॒हा गा॑य॒त्रेण॑⁠। अ॒भि॒मा॒ति॒हेत्य॑भिमाति—हा⁠। गा॒य॒त्रेण॒ छन्द॑सा⁠। छन्द॑सा पृथि॒वीम्⁠। पृ॒थि॒वीमनु॑⁠। अनु॒ वि⁠। वि क्र॑मे⁠। क्र॒मे॒ निर्भ॑क्तः⁠। निर्भ॑क्तः॒ सः⁠। निर्भ॑क्त॒ इति॒ निः—भ॒क्तः॒⁠। स यम्⁠। यम् द्वि॒ष्मः⁠। द्वि॒ष्मो विष्णोः᳚⁠। विष्णोः॒ क्रमः॑⁠। क्रमो॑ऽसि⁠। अ॒स्य॒भि॒श॒स्ति॒हा⁠। अ॒भि॒श॒स्ति॒हा त्रैष्टु॑भेन⁠। अ॒भि॒श॒स्ति॒हेत्य॑भिशस्ति—हा⁠। त्रैष्टु॑भेन॒ छन्द॑सा⁠। छन्द॑सा॒ ऽन्तरि॑ख्‍षम्⁠। अ॒न्तरि॑ख्‍ष॒मनु॑⁠। अनु॒ वि⁠। वि क्र॑मे⁠। क्र॒मे॒ निर्भ॑क्तः⁠। निर्भ॑क्तः॒ सः⁠। निर्भ॑क्त॒ इति॒ निः—भ॒क्तः॒⁠। स यम्⁠। यम् द्वि॒ष्मः⁠। द्वि॒ष्मो विष्णोः᳚⁠। विष्णोः॒ क्रमः॑⁠। क्रमो॑ऽसि⁠। अ॒स्य॒रा॒ती॒य॒तः⁠। अ॒रा॒ती॒य॒तो ह॒न्ता⁠। ह॒न्ता जाग॑तेन⁠। जाग॑तेन॒ छन्द॑सा⁠। छन्द॑सा॒ दिव᳚म्⁠। दिव॒मनु॑⁠। अनु॒ वि⁠। विक्र॑मे⁠। क्र॒मे॒ निर्भ॑क्तः⁠। निर्भ॑क्तः॒ सः⁠। निर्भ॑क्त॒ इति॒ निः—भ॒क्तः॒⁠। स यम्⁠। यम् द्वि॒ष्मः⁠। द्वि॒ष्मो विष्णोः᳚⁠। विष्णोः॒ क्रमः॑⁠। क्रमो॑ऽसि⁠। अ॒सि॒ श॒त्रू॒य॒तः⁠। श॒त्रू॒य॒तो ह॒न्ता⁠। श॒त्रू॒य॒त इति॑ शत्रु—य॒तः⁠। ह॒न्ताऽऽनु॑ष्टुभेन⁠। आनु॑ष्टुभेन॒ छन्द॑सा⁠। आनु॑ष्टुभे॒नेत्यानु॑—स्तु॒भे॒न॒⁠। छन्द॑सा॒ दिशः॑⁠। दिशोऽनु॑⁠। अनु॒ वि⁠। वि क्र॑मे⁠। क्र॒मे॒ निर्भ॑क्तः⁠। निर्भ॑क्तः॒ सः⁠। निर्भ॑क्त॒ इति॒ निः—भ॒क्तः॒⁠। स यम्⁠। यम् द्वि॒ष्मः⁠। द्वि॒ष्म इति॑ द्वि॒ष्मः⁠॥ [१६] (दख्‍षि॑णाया म॒न्तरि॑ख्‍ष॒मनु॒ वि क्र॑मे॒ निर्भ॑क्तः॒ स यं द्वि॒ष्मो विष्णो॒ रेका॒न्न त्रि॒ꣳ॒शच्च॑) ॥५॥
अग॑न्म॒ सुवः॑⁠। सुवः॒ सुवः॑⁠। सुव॑रगन्म⁠। अ॒ग॒न्म॒ स॒न्दृशः॑⁠। स॒न्दृश॑स्ते⁠। स॒न्दृश॒ इति॑ सम्—दृशः॑⁠। ते॒ मा⁠। मा छि॑थ्सि⁠। छि॒थ्सि॒ यत्⁠। यत्ते᳚⁠। ते॒ तपः॑⁠। तप॒स्तस्मै᳚⁠। तस्मै॑ ते⁠। ते॒ मा⁠। मा ऽऽ वृ॑ख्‍षि⁠। आ वृ॑ख्‍षि⁠। वृ॒ख्‍षि॒ सु॒भूः⁠। सु॒भूर॑सि⁠। सु॒भूरिति॑ सु—भूः⁠। अ॒सि॒ श्रेष्ठः॑⁠। श्रेष्ठो॑ रश्मी॒नाम्⁠। र॒श्मी॒नामा॑यु॒र्द्धाः⁠। आ॒यु॒र्द्धा अ॑सि⁠। आ॒यु॒र्द्धा इत्या॑युः—धाः⁠। अ॒स्यायुः॑⁠। आयु॑र्,मे⁠। मे॒ धे॒हि॒⁠। धे॒हि॒ व॒र्चो॒धाः⁠। व॒र्चो॒धा अ॑सि⁠। व॒र्चो॒धा इति॑ वर्चः—धाः⁠। अ॒सि॒ वर्चः॑⁠। वर्चो॒ मयि॑⁠। मयि॑ धेहि⁠। धे॒ही॒दम्⁠। इ॒दम॒हम्⁠। अ॒हम॒मुम्⁠। अ॒मुम् भ्रातृ॑व्यम्⁠। भ्रातृ॑व्यमा॒भ्यः⁠। आ॒भ्यो दि॒ग्भ्यः⁠। दि॒ग्भ्यो᳚ऽस्यै⁠। दि॒ग्भ्य इति॑ दिक्—भ्यः⁠। अ॒स्यै दि॒वः⁠। दि॒वो᳚ऽस्मात्⁠। अ॒स्माद॒न्तरि॑ख्‍षात्⁠। अ॒न्तरि॑ख्‍षाद॒स्यै⁠। अ॒स्यै पृ॑थि॒व्याः⁠। पृ॒थि॒व्या अ॒स्मात्⁠। अ॒स्माद॒न्नाद्या᳚त्⁠। अ॒न्नाद्या॒न्निः⁠। अ॒न्नाद्या॒दित्य॑न्न—अद्या᳚त्⁠। निर् भ॑जामि⁠। भ॒जा॒मि॒ निर्भ॑क्तः⁠। निर्भ॑क्तः॒ सः⁠। निर्भ॑क्त॒ इति॒ निः—भ॒क्तः॒⁠। स यम्⁠। यम् द्वि॒ष्मः⁠। द्वि॒ष्म इति॑ द्वि॒ष्मः⁠॥ [१७] सम् ज्योति॑षा⁠। ज्योति॑षा ऽभूवम्⁠। अ॒भू॒व॒मै॒न्द्रीम्⁠। ऐ॒न्द्रीमा॒वृत᳚म्⁠। आ॒वृत॑म॒न्वाव॑र्ते⁠। आ॒वृत॒मित्या᳚—वृत᳚म्⁠। अ॒न्वाव॑र्ते॒ सम्⁠। अ॒न्वाव॑र्त॒ इत्यु॑नु—आव॑र्ते⁠। सम॒हम्⁠। अ॒हम् प्र॒जया᳚⁠। प्र॒जया॒ सम्⁠। प्र॒जयेति॑ प्र—जया᳚⁠। सम् मया᳚⁠। मया᳚ प्र॒जा⁠। प्र॒जा सम्⁠। प्र॒जेति॑ प्र—जा⁠। सम॒हम्⁠। अ॒हꣳ रा॒यः⁠। रा॒यस्पोषे॑ण⁠। पोषे॑ण॒ सम्⁠। सम् मया᳚⁠। मया॑ रा॒यः⁠। रा॒यस्पोषः॑⁠। पोषः॒ समि॑द्धः⁠। समि॑द्धो अग्ने⁠। समि॑द्ध॒ इति॒ सम्—इ॒द्धः॒⁠। अ॒ग्ने॒ मे॒⁠। मे॒ दी॒दि॒हि॒⁠। दी॒दि॒हि॒ स॒मे॒द्धा⁠। स॒मे॒द्धा ते᳚⁠। स॒मे॒द्धेति॑ सम्—ए॒द्धा⁠। ते॒ अ॒ग्ने॒⁠। अ॒ग्ने॒ दी॒द्या॒स॒म्⁠। दी॒द्या॒स॒व्ँवसु॑मान्⁠। वसु॑मान्‌य॒ज्ञः⁠। वसु॑मा॒निति॒ वसु॑—मा॒न्॒⁠। य॒ज्ञो वसी॑यान्⁠। वसी॑यान् भूयासम्⁠। भू॒या॒स॒मग्ने᳚⁠। अग्न॒ आयू॑ꣳषि⁠। आयू॑ꣳषि पवसे⁠। प॒व॒स॒ आ⁠। आ सु॑व⁠। सु॒वोर्ज᳚म्⁠। ऊर्ज॒मिष᳚म्⁠। इष॑म् च⁠। च॒ नः॒⁠। न॒ इति॑ नः⁠॥ आ॒रे बा॑धस्व⁠। बा॒ध॒स्व॒ दु॒च्छुना᳚म्⁠। दु॒च्छुना॒मिति॑ दु॒च्छुना᳚म्⁠॥ अग्ने॒ पव॑स्व⁠। पव॑स्व॒ स्वपाः᳚⁠। स्वपा॑ अ॒स्मे⁠। स्वपा॒ इति॑ सु—अपाः᳚⁠। अ॒स्मे वर्चः॑⁠। अ॒स्मे इत्य॒स्मे⁠। वर्चः॑ सु॒वीर्य᳚म्⁠। सु॒वीर्य॒मिति॑ सु—वीर्य᳚म्⁠॥ [१८] दध॒त्,पोष᳚म्⁠। पोष॑ꣳ र॒यिम्⁠। र॒यिम् मयि॑⁠। मयीति॒ मयि॑⁠॥ अग्ने॑ गृहपते⁠। गृ॒ह॒प॒ते॒ सु॒गृ॒ह॒प॒तिः⁠। गृ॒ह॒प॒त॒ इति॑ गृह—प॒ते॒⁠। सु॒गृ॒ह॒प॒तिर॒हम्⁠। सु॒गृ॒ह॒प॒तिरिति॑ सु—गृ॒ह॒प॒तिः⁠। अ॒हम् त्वया᳚⁠। त्वया॑ गृ॒हप॑तिना⁠। गृ॒हप॑तिना भूयासम्⁠। गृ॒हप॑ति॒नेति॑ गृ॒ह—प॒ति॒ना॒⁠। भू॒या॒स॒ꣳ॒ सु॒गृ॒ह॒प॒तिः⁠। सु॒गृ॒ह॒प॒तिर्,मया᳚⁠। सु॒गृ॒ह॒प॒तिरिति॑ सु—गृ॒ह॒प॒तिः⁠। मया॒ त्वम्⁠। त्वम् गृ॒हप॑तिना⁠। गृ॒हप॑तिना भूयाः⁠। गृ॒हप॑ति॒नेति॑ गृ॒ह—प॒ति॒ना॒⁠। भू॒याः॒ श॒तम्⁠। श॒तꣳ हिमाः᳚⁠। हिमा॒स्ताम्⁠। तामा॒शिष᳚म्⁠। आ॒शिष॒मा⁠। आ॒शिष॒मित्या᳚—शिष᳚म्⁠। आ शा॑से⁠। शा॒से॒ तन्त॑वे⁠। तन्त॑वे॒ ज्योति॑ष्मतीम्⁠। ज्योति॑ष्मती॒म् ताम्⁠। तामा॒शिष᳚म्⁠। आ॒शिष॒मा⁠। आ॒शिष॒मित्या᳚—शिष᳚म्⁠। आ शा॑से⁠। शा॒से॒ऽमुष्मै᳚⁠। अ॒मुष्मै॒ ज्योति॑ष्मतीम्⁠। ज्योति॑ष्मती॒म् कः⁠। कस्त्वा᳚⁠। त्वा॒ यु॒न॒क्ति॒⁠। यु॒न॒क्ति॒ सः⁠। स त्वा᳚⁠। त्वा॒ वि⁠। वि मु॑ञ्चतु⁠। मु॒ञ्च॒त्वग्ने᳚⁠। अग्ने᳚ व्रतपते⁠। व्र॒त॒प॒ते॒ व्र॒तम्⁠। व्र॒त॒प॒त॒ इति॑ व्रत—प॒ते॒⁠। व्र॒तम॑चारिषम्⁠। अ॒चा॒रि॒ष॒म् तत्⁠। तद॑शकम्⁠। अ॒श॒क॒म् तत्⁠। तन्मे᳚⁠। मे॒ऽरा॒धि॒⁠। अ॒रा॒धि॒ य॒ज्ञः⁠। य॒ज्ञो ब॑भूव⁠। ब॒भू॒व॒ सः⁠। स आ⁠। आ ब॑भूव⁠। [१९] ब॒भू॒व॒ सः⁠। स प्र⁠। प्र ज॑ज्ञे⁠। ज॒ज्ञे॒ सः⁠। स वा॑वृधे⁠। वा॒वृ॒ध॒ इति॑ वावृधे⁠॥ स दे॒वाना᳚म्⁠। दे॒वाना॒मधि॑पतिः⁠। अधि॑पतिर्,बभूव⁠। अधि॑पति॒रित्यधि॑—प॒तिः॒⁠। ब॒भू॒व॒ सः⁠। सो अ॒स्मान्⁠। अ॒स्माꣳ अधि॑पतीन्⁠। अधि॑पतीन् करोतु⁠। अधि॑पती॒नित्यधि॑—प॒ती॒न्॒⁠। क॒रो॒तु॒ व॒यम्⁠। व॒यꣴ स्या॑म⁠। स्या॒म॒ पत॑यः⁠। पत॑यो रयी॒णाम्⁠। र॒यी॒णामिति॑ रयी॒णाम्⁠॥ गोमा॑ꣳ अग्ने⁠। गोमा॒निति॒ गो—मा॒न्॒⁠। अ॒ग्नेऽवि॑मान्⁠। अवि॑माꣳ अ॒श्वी⁠। अवि॑मा॒नित्यवि॑—मा॒न्॒⁠। अ॒श्वी य॒ज्ञः⁠। य॒ज्ञो नृ॒वथ्स॑खा⁠। नृ॒वथ्स॑खा॒ सद᳚म्⁠। नृ॒वथ्स॒खेति॑ नृ॒वत्—स॒खा॒⁠। सद॒मित्⁠। इद॑प्रमृ॒ष्यः⁠। अ॒प्र॒मृ॒ष्य इत्य॑प्र—मृ॒ष्यः⁠॥ इडा॑वाꣳ ए॒षः⁠। इडा॑वा॒नितीडा᳚—वा॒न्॒⁠। ए॒षो अ॑सुर⁠। अ॒सु॒र॒ प्र॒जावा॑न्⁠। प्र॒जावा᳚न् दी॒र्घः⁠। प्र॒जावा॒निति॑ प्र॒जा—वा॒न्॒⁠। दी॒र्घो र॒यिः⁠। र॒यिः पृ॑थुबु॒द्ध्नः⁠। पृ॒थु॒बु॒द्ध्नः स॒भावा॑न्⁠। पृ॒थु॒बु॒द्ध्न इति॑ पृथु—बु॒द्ध्नः⁠। स॒भावा॒निति॑ स॒भा—वा॒न्॒⁠॥ [२०] (द्वि॒ष्मःसु॒वीर्य॒ꣳ॒स आपञ्च॑त्रिꣳशच्च) ॥६॥
यथा॒ वै⁠। वै स॑मृतसो॒माः⁠। स॒मृ॒त॒सो॒मा ए॒वम्⁠। स॒मृ॒त॒सो॒मा इति॑ समृत—सो॒माः⁠। ए॒वव्ँवै⁠। वा ए॒ते⁠। ए॒ते स॑मृतय॒ज्ञाः⁠। स॒मृ॒त॒य॒ज्ञा यत्⁠। स॒मृ॒त॒य॒ज्ञा इति॑ समृत—य॒ज्ञाः⁠। यद् द॑र्‌शपूर्णमा॒सौ⁠। द॒र्॒‌श॒पू॒र्ण॒मा॒सौ कस्य॑⁠। द॒र्॒‌श॒पू॒र्ण॒मा॒साविति॑ दर्‌श—पू॒र्ण॒मा॒सौ⁠। कस्य॑ वा⁠। वाऽह॑⁠। अह॑ दे॒वाः⁠। दे॒वा य॒ज्ञम्⁠। य॒ज्ञमा॒गच्छ॑न्ति⁠। आ॒गच्छ॑न्ति॒ कस्य॑⁠। आ॒गच्छ॒न्तीत्या᳚—गच्छ॑न्ति⁠। कस्य॑ वा⁠। वा॒ न⁠। न ब॑हू॒नाम्⁠। ब॒हू॒नाय्ँयज॑मानानाम्⁠। यज॑मानाना॒य्ँयः⁠। यो वै⁠। वै दे॒वताः᳚⁠। दे॒वताः॒ पूर्वः॑⁠। पूर्वः॑ परिगृ॒ह्णाति॑⁠। प॒रि॒गृ॒ह्णाति॒ सः⁠। प॒रि॒गृ॒ह्णातीति॑ परि—गृ॒ह्णाति॑⁠॥ स ए॑नाः⁠। ए॒नाः॒ श्वः⁠। श्वो भू॒ते⁠। भू॒ते य॑जते⁠। य॒ज॒त॒ ए॒तत्⁠। ए॒तद् वै⁠। वै दे॒वाना᳚म्⁠। दे॒वाना॑मा॒यत॑नम्⁠। आ॒यत॑न॒य्ँयत्⁠। आ॒यत॑न॒मित्या᳚—यत॑नम्⁠। यदा॑हव॒नीयः॑⁠। आ॒ह॒व॒नीयो᳚न्त॒रा⁠। आ॒ह॒व॒नीय॒ इत्या᳚—ह॒व॒नीयः॑⁠। अ॒न्त॒राऽग्नी⁠। अ॒ग्नी प॑शू॒नाम्⁠। अ॒ग्नी इत्य॒ग्नी⁠। प॒शू॒नाम् गार्‌ह॑पत्यः⁠। गार्‌ह॑पत्यो मनु॒ष्या॑णाम्⁠। गार्‌ह॑पत्य॒ इति॒ गार्‌ह॑—प॒त्यः॒⁠। म॒नु॒ष्या॑णामन्वाहार्य॒पच॑नः⁠। अ॒न्वा॒हा॒र्य॒पच॑नः पितृ॒णाम्⁠। अ॒न्वा॒हा॒र्य॒पच॑न॒ इत्य॑न्वाहार्य—पच॑नः⁠। पि॒तृ॒णाम॒ग्निम्⁠। अ॒ग्निम् गृ॑ह्णाति⁠। गृ॒ह्णा॒ति॒ स्वे⁠। स्व ए॒व⁠। ए॒वायत॑ने⁠। आ॒यत॑ने दे॒वताः᳚⁠। आ॒यत॑न॒ इत्या᳚—यत॑ने⁠। दे॒वताः॒ परि॑⁠। परि॑ गृह्णाति⁠। [२१] गृ॒ह्णा॒ति॒ ताः⁠। ताः श्वः⁠। श्वो भू॒ते⁠। भू॒ते य॑जते⁠। य॒ज॒ते॒ व्र॒तेन॑⁠। व्र॒तेन॒ वै⁠। वै मेद्ध्यः॑⁠। मेद्ध्यो॒ऽग्निः⁠। अ॒ग्निर् व्र॒तप॑तिः⁠। व्र॒तप॑तिर्,ब्राह्म॒णः⁠। व्र॒तप॑ति॒रिति॑ व्र॒त—प॒तिः॒⁠। ब्रा॒ह्म॒णो व्र॑त॒भृत्⁠। व्र॒त॒भृद् व्र॒तम्⁠। व्र॒त॒भृदिति॑ व्रत—भृत्⁠। व्र॒तमु॑पै॒ष्यन्न्⁠। उ॒पै॒ष्यन्,ब्रू॑यात्⁠। उ॒पै॒ष्यन्नित्यु॑प—ए॒ष्यन्न्⁠। ब्रू॒या॒दग्ने᳚⁠। अग्ने᳚ व्रतपते⁠। व्र॒त॒प॒ते॒ व्र॒तम्⁠। व्र॒त॒प॒त॒ इति॑ व्रत—प॒ते॒⁠। व्र॒तम् च॑रिष्यामि⁠। च॒रि॒ष्या॒मीति॑⁠। इत्य॒ग्निः⁠। अ॒ग्निर् वै⁠। वै दे॒वाना᳚म्⁠। दे॒वाना᳚व्ँव्र॒तप॑तिः⁠। व्र॒तप॑ति॒स्तस्मै᳚⁠। व्र॒तप॑ति॒रिति॑ व्र॒त—प॒तिः॒⁠। तस्मा॑ ए॒व⁠। ए॒व प्र॑ति॒प्रोच्य॑⁠। प्र॒ति॒प्रोच्य॑ व्र॒तम्⁠। प्र॒ति॒प्रोच्येति॑ प्रति—प्रोच्य॑⁠। व्र॒त मा⁠। आ ल॑भते⁠। ल॒भ॒ते॒ ब॒र्॒‌हिषा᳚⁠। ब॒र्॒‌हिषा॑ पू॒र्णमा॑से⁠। पू॒र्णमा॑से व्र॒तम्⁠। पू॒र्णमा॑स॒ इति॑ पू॒र्ण—मा॒से॒⁠। व्र॒तमुप॑⁠। उपै॑ति⁠। ए॒ति॒ व॒थ्सैः⁠। व॒थ्सैर॑मावा॒स्या॑याम्⁠। अ॒मा॒वा॒स्या॑यामे॒तत्⁠। अ॒मा॒वा॒स्या॑या॒मित्य॑मा—वा॒स्या॑याम्⁠। ए॒तद्धि⁠। ह्ये॑तयोः᳚⁠। ए॒तयो॑रा॒यत॑नम्⁠। आ॒यतन॑मुप॒स्तीर्यः॑⁠। आ॒यत॑न॒मित्या᳚—यत॑नम्⁠। उ॒प॒स्तीर्यः॒ पूर्वः॑⁠। उ॒प॒स्तीर्य॒ इत्यु॑प—स्तीर्यः॑⁠। पूर्व॑श्च⁠। चा॒ग्निः⁠। अ॒ग्निरप॑रः⁠। अप॑रश्च⁠। चेति॑⁠। इत्या॑हुः⁠। आ॒हु॒र्,म॒नु॒ष्याः᳚⁠। म॒नु॒ष्या॑ इत्⁠। [२२] इन्नु⁠। न्वै⁠। वा उप॑स्तीर्णम्⁠। उप॑स्तीर्णमि॒च्छन्ति॑⁠। उप॑स्तीर्ण॒मित्युप॑—स्ती॒र्ण॒म्⁠। इ॒च्छन्ति॒ किम्⁠। किमु॑⁠। उ॒ दे॒वाः⁠। दे॒वा येषा᳚म्⁠। येषा॒म् नवा॑वसानम्⁠। नवा॑वसान॒मुप॑⁠। नवा॑वसान॒मिति॒नव॑—अ॒व॒सा॒न॒म्⁠। उपा᳚स्मिन्न्⁠। अ॒स्मि॒ञ्छ्‌वः⁠। श्वो य॒ख्‍ष्यमा॑णे⁠। य॒ख्‍ष्यमा॑णे दे॒वताः᳚⁠। दे॒वता॑ वसन्ति⁠। व॒स॒न्ति॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान॒ग्निम्⁠। अ॒ग्निमु॑पस्तृ॒णाति॑⁠। उ॒प॒स्तृ॒णाति॒ यज॑मानेन⁠। उ॒प॒स्तृ॒णातीत्यु॑प—स्तृ॒णाति॑⁠। यज॑मानेन ग्रा॒म्याः⁠। ग्रा॒म्याश्च॑⁠। च॒ प॒शवः॑⁠। प॒शवो॑ऽव॒रुद्ध्याः᳚⁠। अ॒व॒रुद्ध्या॑ आर॒ण्याः⁠। अ॒व॒रुद्ध्या॒ इत्य॑व—रुद्ध्याः᳚⁠। आ॒र॒ण्याश्च॑⁠। चेति॑⁠। इत्या॑हुः⁠। आ॒हु॒र् यत्⁠। यद् ग्रा॒म्यान्⁠। ग्रा॒म्यानु॑प॒वस॑ति⁠। उ॒प॒वस॑ति॒ तेन॑⁠। उ॒प॒वस॒तीत्यु॑प—वस॑ति⁠। तेन॑ ग्रा॒म्यान्⁠। ग्रा॒म्यानव॑⁠। अव॑ रुन्धे⁠। रु॒न्धे॒ यत्⁠। यदा॑र॒ण्यस्य॑⁠। आ॒र॒ण्यस्या॒श्ञाति॑⁠। अ॒श्ञाति॒ तेन॑⁠। तेना॑र॒ण्यान्⁠। आ॒र॒ण्यान्‌यत्⁠। यदना᳚श्वान्⁠। अना᳚श्वानुप॒वसे᳚त्⁠। उ॒प॒वसे᳚त् पितृदेव॒त्यः॑⁠। उ॒प॒वसे॒दित्यु॑प—वसे᳚त्⁠। पि॒तृ॒दे॒व॒त्यः॑ स्यात्⁠। पि॒तृ॒दे॒व॒त्य॑ इति॑ पितृ—दे॒व॒त्यः॑⁠। स्या॒दा॒र॒ण्यस्य॑⁠। आ॒र॒ण्यस्या᳚श्ञाति⁠। अ॒श्ञा॒ती॒न्द्रि॒यम्⁠। इ॒न्द्रि॒यव्ँवै⁠। [२३] वा आ॑र॒ण्यम्⁠। आ॒र॒ण्यमि॑न्द्रि॒यम्⁠। इ॒न्द्रि॒यमे॒व⁠। ए॒वात्मन्न्⁠। आ॒त्मन् ध॑त्ते⁠। ध॒त्ते॒ यत्⁠। यदना᳚श्वान्⁠। अना᳚श्वानुप॒वसे᳚त्⁠। उ॒प॒वसे॒त्,ख्‍षोधु॑कः⁠। उ॒प॒वसे॒दित्यु॑प—वसे᳚त्⁠। ख्‍षोधु॑कः स्यात्⁠। स्या॒द् यत्⁠। यद॑श्ञी॒यात्⁠। अ॒श्ञी॒याद् रु॒द्रः⁠। रु॒द्रो᳚ऽस्य⁠। अ॒स्य॒ प॒शून्⁠। प॒शून॒भि⁠। अ॒भि म॑न्येत⁠। म॒न्ये॒ता॒पः⁠। अ॒पो᳚ऽश्ञाति⁠। अ॒श्ञा॒ति॒ तत्⁠। तन्न⁠। नेव॑⁠। इ॒वा॒शि॒तम्⁠। अ॒शि॒तम् न⁠। नेव॑⁠। इ॒वान॑शितम्⁠। अन॑शित॒म् न⁠। न ख्‍षोधु॑कः⁠। ख्‍षोधु॑को॒ भव॑ति⁠। भव॑ति॒ न⁠। नास्य॑⁠। अ॒स्य॒ रु॒द्रः⁠। रु॒द्रः प॒शून्⁠। प॒शून॒भि⁠। अ॒भि म॑न्यते⁠। म॒न्य॒ते॒ वज्रः॑⁠। वज्रो॒ वै⁠। वै य॒ज्ञः⁠। य॒ज्ञः ख्‍षुत्⁠। ख्‍षुत् खलु॑⁠। खलु॒ वै⁠। वै म॑नु॒ष्य॑स्य⁠। म॒नु॒ष्य॑स्य॒ भ्रातृ॑व्यः⁠। भ्रातृ॑व्यो॒ यत्⁠। यदना᳚श्वान्⁠। अना᳚श्वानुप॒वस॑ति⁠। उ॒प॒वस॑ति॒ वज्रे॑ण⁠। उ॒प॒वस॒तीत्यु॑प—वस॑ति⁠। वज्रे॑णै॒व⁠। ए॒व सा॒ख्‍षात्⁠। सा॒ख्‍षात्,ख्‍षुध᳚म्⁠। सा॒ख्‍षादिति॑ स—अ॒ख्‍षात्⁠। ख्‍षुध॒म् भ्रातृ॑व्यम्⁠। भ्रातृ॑व्यꣳ हन्ति⁠। ह॒न्तीति॑ हन्ति⁠॥ [२४] (परि॑मनु॒ष्या॑इन्द्रि॒यसा॒ख्‍षात्त्रीणि॑ च) ॥७॥
यो वै⁠। वै श्र॒द्धाम्⁠। श्र॒द्धामना॑रभ्य⁠। श्र॒द्धामिति॑ श्रत्—धाम्⁠। अना॑रभ्य य॒ज्ञेन॑⁠। अना॑र॒भ्येत्यना᳚—र॒भ्य॒⁠। य॒ज्ञेन॒ यज॑ते⁠। यज॑ते॒ न⁠। नास्य॑⁠। अ॒स्ये॒ष्टाय॑⁠। इ॒ष्टाय॒ श्रत्⁠। श्रद् द॑धते⁠। द॒ध॒ते॒ऽपः⁠। अ॒पः प्र⁠। प्र ण॑यति⁠। न॒य॒ति॒ श्र॒द्धा⁠। श्र॒द्धा वै⁠। श्र॒द्धेति॑ श्रत्—धा⁠। वा आपः॑⁠। आपः॑ श्र॒द्धाम्⁠। श्र॒द्धामे॒व⁠। श्र॒द्धामिति॑ श्रत्—धाम्⁠। ए॒वारभ्य॑⁠। आ॒रभ्य॑ य॒ज्ञेन॑⁠। आ॒रभ्येत्या᳚—रभ्य॑⁠। य॒ज्ञेन॑ यजते⁠। य॒ज॒त॒ उ॒भये᳚⁠। उ॒भये᳚ऽस्य⁠। अ॒स्य॒ दे॒व॒म॒नु॒ष्याः⁠। दे॒व॒म॒नु॒ष्या इ॒ष्टाय॑⁠। दे॒व॒म॒नु॒ष्या इति॑ देव—म॒नु॒ष्याः⁠। इ॒ष्टाय॒ श्रत्⁠। श्रद् द॑धते⁠। द॒ध॒ते॒ तत्⁠। तदा॑हुः⁠। आ॒हु॒रति॑⁠। अति॒ वै⁠। वा ए॒ताः⁠। ए॒ता वर्त्र᳚म्⁠। वर्त्र॑म् नेदन्ति⁠। ने॒द॒न्त्यति॑⁠। अति॒ वाच᳚म्⁠। वाच॒म् मनः॑⁠। मनो॒ वाव⁠। वावैताः⁠। ए॒ता न⁠। नाति॑⁠। अति॑ नेदन्ति⁠। ने॒द॒न्तीति॑⁠। इति॒ मन॑सा⁠। मन॑सा॒ प्र⁠। प्र ण॑यति⁠। न॒य॒ती॒यम्⁠। इ॒यव्ँवै⁠। वै मनः॑⁠। मनो॒ऽनया᳚⁠। [२५] अ॒नयै॒व⁠। ए॒वैनाः᳚⁠। ए॒नाः॒ प्र⁠। प्र ण॑यति⁠। न॒य॒त्यस्क॑न्नहविः⁠। अस्क॑न्नहविर् भवति⁠। अस्क॑न्नहवि॒रित्यस्क॑न्न—ह॒विः॒⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। वेद॑ यज्ञायु॒धानि॑⁠। य॒ज्ञा॒यु॒धानि॒ सम्⁠। य॒ज्ञा॒यु॒धानीति॑ यज्ञ—आ॒यु॒धानि॑⁠। सम् भ॑रति⁠। भ॒र॒ति॒ य॒ज्ञः⁠। य॒ज्ञो वै⁠। वै य॑ज्ञायु॒धानि॑⁠। य॒ज्ञा॒यु॒धानि॑ य॒ज्ञम्⁠। य॒ज्ञा॒यु॒धानीति॑ यज्ञ—आ॒यु॒धानि॑⁠। य॒ज्ञमे॒व⁠। ए॒व तत्⁠। तथ् सम्⁠। सम् भ॑रति⁠। भ॒र॒ति॒ यत्⁠। यदेक॑मेकम्⁠। एक॑मेकꣳ स॒म्भरे᳚त्⁠। एक॑मेक॒मित्येकं᳚—ए॒क॒म्⁠। स॒म्भरे᳚त्,पितृदेव॒त्या॑नि⁠। स॒म्भरे॒दिति॑ सं—भरे᳚त्⁠। पि॒तृ॒दे॒व॒त्या॑नि स्युः⁠। पि॒तृ॒दे॒व॒त्या॑नीति॑ पितृ—दे॒व॒त्या॑नि⁠। स्यु॒र् यत्⁠। यथ् स॒ह⁠। स॒ह सर्वा॑णि⁠। सर्वा॑णि मानु॒षाणि॑⁠। मा॒नु॒षाणि॒ द्वेद्वे᳚⁠। द्वेद्वे॒ सम्⁠। द्वेद्वे॒ इति॒ द्वे—द्वे॒⁠। सम् भ॑रति⁠। भ॒र॒ति॒ या॒ज्या॒नु॒वा॒क्य॑योः⁠। या॒ज्या॒नु॒वा॒क्य॑योरे॒व⁠। या॒ज्या॒नु॒वा॒क्य॑यो॒रिति॑ याज्या—अ॒नु॒वा॒क्य॑योः⁠। ए॒व रू॒पम्⁠। रू॒पम् क॑रोति⁠। क॒रो॒त्यथो᳚⁠। अथो॑ मिथु॒नम्⁠। अथो॒ इत्यथो᳚⁠। मि॒थु॒नमे॒व⁠। ए॒व यः⁠। यो वै⁠। वै दश॑⁠। दश॑ यज्ञायु॒धानि॑⁠। य॒ज्ञा॒यु॒धानि॒ वेद॑⁠। य॒ज्ञा॒यु॒धानीति॑ यज्ञ—आ॒यु॒धानि॑⁠। वेद॑ मुख॒तः⁠। मु॒ख॒तो᳚ऽस्य⁠। अ॒स्य॒ य॒ज्ञः⁠। य॒ज्ञः क॑ल्पते⁠। क॒ल्प॒ते॒ स्फ्यः⁠। स्फ्यश्च॑⁠। [२६] च॒ क॒पाला॑नि⁠। क॒पाला॑नि च⁠। चा॒ग्नि॒हो॒त्र॒हव॑णी⁠। अ॒ग्नि॒हो॒त्र॒हव॑णी च⁠। अ॒ग्नि॒हो॒त्र॒हव॒णीत्य॑ग्निहोत्र—हव॑नी⁠। च॒ शूर्प᳚म्⁠। शूर्प॑म् च⁠। च॒ कृ॒ष्णा॒जि॒नम्⁠। कृ॒ष्णा॒जि॒नम् च॑⁠। कृ॒ष्णा॒जि॒नमिति॑ कृष्ण—अ॒जि॒नम्⁠। च॒ शम्या᳚⁠। शम्या॑ च⁠। चो॒लूख॑लम्⁠। उ॒लूख॑लम् च⁠। च॒ मुस॑लम्⁠। मुस॑लम् च⁠। च॒ दृ॒षत्⁠। दृ॒षच्च॑⁠। चोप॑ला⁠। उप॑ला च⁠। चै॒तानि॑⁠। ए॒तानि॒ वै⁠। वै दश॑⁠। दश॑,यज्ञायु॒धानि॑⁠। य॒ज्ञा॒यु॒धानि॒ यः⁠। य॒ज्ञा॒यु॒धानीति॑ यज्ञ—आ॒यु॒धानि॑⁠। य ए॒वम्⁠। ए॒वव्ँवेद॑⁠। वेद॑ मुख॒तः⁠। मु॒ख॒तो᳚ऽस्य⁠। अ॒स्य॒ य॒ज्ञः⁠। य॒ज्ञः क॑ल्पते⁠। क॒ल्प॒ते॒ यः⁠। यो वै⁠। वै दे॒वेभ्यः॑⁠। दे॒वेभ्यः॑ प्रति॒प्रोच्य॑⁠। प्र॒ति॒प्रोच्य॑ य॒ज्ञेन॑⁠। प्र॒ति॒प्रोच्येति॑ प्रति—प्रोच्य॑⁠। य॒ज्ञेन॒ यज॑ते⁠। यज॑ते जु॒षन्ते᳚⁠। जु॒षन्ते᳚ऽस्य⁠। अ॒स्य॒ दे॒वाः⁠। दे॒वा ह॒व्यम्⁠। ह॒व्यꣳ ह॒विः⁠। ह॒विर्,नि॑रु॒प्यमा॑णम्⁠। नि॒रु॒प्यमा॑णम॒भि⁠। नि॒रु॒प्यमा॑ण॒मिति॑ निः—उ॒प्यमा॑नम्⁠। अ॒भि म॑न्त्रयेत⁠। म॒न्त्र॒ये॒ता॒ग्निम्⁠। अ॒ग्निꣳ होता॑रम्⁠। होता॑रमि॒ह⁠। इ॒ह तम्⁠। तꣳ हु॑वे⁠। हु॒व॒ इति॑⁠। इति॑ दे॒वेभ्यः॑⁠। [२७] दे॒वेभ्य॑ ए॒व⁠। ए॒व प्र॑ति॒प्रोच्य॑⁠। प्र॒ति॒प्रोच्य॑ य॒ज्ञेन॑⁠। प्र॒ति॒प्रोच्येति॑ प्रति—प्रोच्य॑⁠। य॒ज्ञेन॑ यजते⁠। य॒ज॒ते॒ जु॒षन्ते᳚⁠। जु॒षन्ते᳚ऽस्य⁠। अ॒स्य॒ दे॒वाः⁠। दे॒वा ह॒व्यम्⁠। ह॒व्यमे॒षः⁠। ए॒ष वै⁠। वै य॒ज्ञस्य॑⁠। य॒ज्ञस्य॒ ग्रहः॑⁠। ग्रहो॑ गृही॒त्वा⁠। गृ॒ही॒त्वैव⁠। ए॒व य॒ज्ञेन॑⁠। य॒ज्ञेन॑ यजते⁠। य॒ज॒ते॒ तत्⁠। तदु॑दि॒त्वा⁠। उ॒दि॒त्वा वाच᳚म्⁠। वाच॑य्ँयच्छति⁠। य॒च्छ॒ति॒ य॒ज्ञस्य॑⁠। य॒ज्ञस्य॒ धृत्यै᳚⁠। धृत्या॒ अथो᳚⁠। अथो॒ मन॑सा⁠। अथो॒ इत्यथो᳚⁠। मन॑सा॒ वै⁠। वै प्र॒जाप॑तिः⁠। प्र॒जाप॑तिर् य॒ज्ञम्⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञम॑तनुत⁠। अ॒त॒नु॒त॒ मन॑सा⁠। मन॑सै॒व⁠। ए॒व तत्⁠। तद् य॒ज्ञम्⁠। य॒ज्ञम् त॑नुते⁠। त॒नु॒ते॒ रख्‍ष॑साम्⁠। रख्‍ष॑सा॒मन॑न्ववचाराय⁠। अन॑न्ववचाराय॒ यः⁠। अन॑न्ववचारा॒येत्यन॑नु—अ॒व॒चा॒रा॒य॒⁠। यो वै⁠। वै य॒ज्ञम्⁠। य॒ज्ञय्ँयोगे᳚⁠। योग॒ आग॑ते⁠। आग॑ते यु॒नक्ति॑⁠। आग॑त॒ इत्या—ग॒ते॒⁠। यु॒नक्ति॑ यु॒ङ्‍क्ते⁠। यु॒ङ्‍क्ते यु॑ञ्जा॒नेषु॑⁠। यु॒ञ्जा॒नेषु॒ कः⁠। कस्त्वा᳚⁠। त्वा॒ यु॒न॒क्ति॒⁠। यु॒न॒क्ति॒ सः⁠। स त्वा᳚⁠। त्वा॒ यु॒न॒क्तु॒⁠। यु॒न॒क्त्विति॑⁠। इत्या॑ह⁠। आ॒ह॒ प्र॒जाप॑तिः⁠। प्र॒जाप॑ति॒र्,वै⁠। प्र॒जाप॑ति॒रिति॑ प्र॒जा—प॒तिः॒⁠। वै कः⁠। कः प्र॒जाप॑तिना⁠। प्र॒जाप॑तिनै॒व⁠। प्र॒जाप॑ति॒नेति॑ प्र॒जा—प॒ति॒ना॒⁠। ए॒वैन᳚म्⁠। ए॒न॒य्ँयु॒न॒क्ति॒⁠। यु॒न॒क्ति॒ यु॒ङ्‍क्ते⁠। यु॒ङ्‍क्ते यु॑ञ्जा॒नेषु॑⁠। यु॒ञ्जा॒नेष्विति॑ युञ्जा॒नेषु॑⁠॥ [२८] (वैम॒नःस्फ्यैति॑युन॒क्त्वेका॑दश च) ॥८॥
प्र॒जाप॑तिर्,य॒ज्ञान्⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञान॑सृजत⁠। अ॒सृ॒ज॒ता॒ग्नि॒हो॒त्रम्⁠। अ॒ग्नि॒हो॒त्रम् च॑⁠। अ॒ग्नि॒हो॒त्रमित्य॑ग्नि—हो॒त्रम्⁠। चा॒ग्नि॒ष्टो॒मम्⁠। अ॒ग्नि॒ष्टो॒मम् च॑⁠। अ॒ग्नि॒ष्टो॒ममित्य॑ग्नि—स्तो॒मम्⁠। च॒ पौ॒र्ण॒मा॒सीम्⁠। पौ॒र्ण॒मा॒सीम् च॑⁠। पौ॒र्ण॒मा॒सीमिति॑ पौर्ण—मा॒सीम्⁠। चो॒क्थ्य᳚म्⁠। उ॒क्थ्य॑म् च⁠। चा॒मा॒वा॒स्या᳚म्⁠। अ॒मा॒वा॒स्या᳚म् च⁠। अ॒मा॒वा॒स्या॑मित्य॑मा—वा॒स्या᳚म्⁠। चा॒ति॒रा॒त्रम्⁠। अ॒ति॒रा॒त्रम् च॑⁠। अ॒ति॒रा॒त्रमित्य॑ति—रा॒त्रम्⁠। च॒ तान्⁠। तानुत्⁠। उद॑मिमीत⁠। अ॒मि॒मी॒त॒ याव॑त्⁠। याव॑दग्निहो॒त्रम्⁠। अ॒ग्नि॒हो॒त्रमासी᳚त्⁠। अ॒ग्नि॒हो॒त्रमित्य॑ग्नि—हो॒त्रम्⁠। आसी॒त् तावा॑न्⁠। तावा॑नग्निष्टो॒मः⁠। अ॒ग्नि॒ष्टो॒मो याव॑ती⁠। अ॒ग्नि॒ष्टो॒म इत्य॑ग्नि—स्तो॒मः⁠। याव॑ती पौर्णमा॒सी⁠। पौ॒र्ण॒मा॒सी तावा॑न्⁠। पौ॒र्ण॒मा॒सीति॑ पौर्ण—मा॒सी⁠। तावा॑नु॒क्थ्यः॑⁠। उ॒क्थ्यो॑ याव॑ती⁠। याव॑त्यमावा॒स्या᳚⁠। अ॒मा॒वा॒स्या॑ तावा॑न्⁠। अ॒मा॒वा॒स्येत्य॑मा—वा॒स्या᳚⁠। तावा॑नतिरा॒त्रः⁠। अ॒ति॒रा॒त्रो यः⁠। अ॒ति॒रा॒त्र इत्य॑ति—रा॒त्रः⁠। य ए॒वम्⁠। ए॒वव्ँवि॒द्वान्⁠। वि॒द्वान॑ग्निहो॒त्रम्⁠। अ॒ग्नि॒हो॒त्रम् जु॒होति॑⁠। अ॒ग्नि॒हो॒त्रमित्य॑ग्नि—हो॒त्रम्⁠। जु॒होति॒ याव॑त्⁠। याव॑दग्निष्टो॒मेन॑⁠। अ॒ग्नि॒ष्टो॒मेनो॑पा॒प्नोति॑⁠। अ॒ग्नि॒ष्टो॒मेनेत्य॑ग्नि—स्तो॒मेन॑⁠। उ॒पा॒प्नोति॒ ताव॑त्⁠। उ॒पा॒प्नोतीत्यु॑प—आ॒प्नोति॑⁠। ताव॒दुप॑⁠। उपा᳚प्नोति⁠। आ॒प्नो॒ति॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान्,पौ᳚र्णमा॒सीम्⁠। पौ॒र्ण॒मा॒सीय्ँयज॑ते⁠। पौ॒र्ण॒मा॒सीमिति॑ पौर्ण—मा॒सीम्⁠। यज॑ते॒ याव॑त्⁠। याव॑दु॒क्थ्ये॑न⁠। उ॒क्थ्ये॑नोपा॒प्नोति॑⁠। उ॒पा॒प्नोति॒ ताव॑त्⁠। उ॒पा॒प्नोतीत्यु॑प—आ॒प्नोति॑⁠। [२९] ताव॒दुप॑⁠। उपा᳚प्नोति⁠। आ॒प्नो॒ति॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान॑मावा॒स्या᳚म्⁠। अ॒मा॒वा॒स्या᳚य्ँयज॑ते⁠। अ॒मा॒वा॒स्या॑मित्य॑मा—वा॒स्या᳚म्⁠। यज॑ते॒ याव॑त्⁠। याव॑दतिरा॒त्रेण॑⁠। अ॒ति॒रा॒त्रेणो॑पा॒प्नोति॑⁠। अ॒ति॒रा॒त्रेणेत्य॑ति—रा॒त्रेण॑⁠। उ॒पा॒प्नोति॒ ताव॑त्⁠। उ॒पा॒प्नोतीत्यु॑प—आ॒प्नोति॑⁠। ताव॒दुप॑⁠। उपा᳚प्नोति⁠। आ॒प्नो॒ति॒ प॒र॒मे॒ष्ठिनः॑⁠। प॒र॒मे॒ष्ठिनो॒ वै⁠। वा ए॒षः⁠। ए॒ष य॒ज्ञः⁠। य॒ज्ञोऽग्रे᳚⁠। अग्र॑ आसीत्⁠। आ॒सी॒त्,तेन॑⁠। तेन॒ सः⁠। स प॑र॒माम्⁠। प॒र॒माम् काष्ठा᳚म्⁠। काष्ठा॑मगच्छत्⁠। अ॒ग॒च्छ॒त् तेन॑⁠। तेन॑ प्र॒जाप॑तिम्⁠। प्र॒जाप॑तिम् नि॒रवा॑साययत्⁠। प्र॒जाप॑ति॒मिति॑ प्र॒जा—प॒ति॒म्⁠। नि॒रवा॑सायय॒त्,तेन॑⁠। नि॒रवा॑सायय॒दिति॑ निः—अवा॑साययत्⁠। तेन॑ प्र॒जाप॑तिः⁠। प्र॒जाप॑तिः पर॒माम्⁠। प्र॒जाप॑ति॒रिति॑ प्र॒जा—प॒तिः॒⁠। प॒र॒माम् काष्ठा᳚म्⁠। काष्ठा॑मगच्छत्⁠। अ॒ग॒च्छ॒त् तेन॑⁠। तेनेन्द्र᳚म्⁠। इन्द्र॑म् नि॒रवा॑साययत्⁠। नि॒रवा॑सायय॒त्,तेन॑⁠। नि॒रवा॑सायय॒दिति॑ निः—अवा॑साययत्⁠। तेनेन्द्रः॑⁠। इन्द्रः॑ पर॒माम्⁠। प॒र॒माम् काष्ठा᳚म्⁠। काष्ठा॑मगच्छत्⁠। अ॒ग॒च्छ॒त्,तेन॑⁠। तेना॒ग्नीषोमौ᳚⁠। अ॒ग्नीषोमौ॑ नि॒रवा॑साययत्⁠। अ॒ग्नीषोमा॒वित्य॒ग्नी—सोमौ᳚⁠। नि॒रवा॑सायय॒त्,तेन॑⁠। नि॒रवा॑सायय॒दिति॑ निः—अवा॑साययत्⁠। तेना॒ग्नीषोमौ᳚⁠। अ॒ग्नीषोमौ॑ पर॒माम्⁠। अ॒ग्नीषोमा॒वित्य॒ग्नी—सोमौ᳚⁠। प॒र॒माम् काष्ठा᳚म्⁠। काष्ठा॑मगच्छताम्⁠। अ॒ग॒च्छ॒ता॒य्ँयः⁠। य ए॒वम्⁠। [३०] ए॒वव्ँवि॒द्वान्⁠। वि॒द्वान्,द॑र्‌शपूर्णमा॒सौ⁠। द॒र्॒‌श॒पू॒र्ण॒मा॒सौ यज॑ते⁠। द॒र्॒‌श॒पू॒र्ण॒मा॒साविति॑ दर्‌श—पू॒र्ण॒मा॒सौ⁠। यज॑ते पर॒माम्⁠। प॒र॒मामे॒व⁠। ए॒व काष्ठा᳚म्⁠। काष्ठा᳚म् गच्छति⁠। ग॒च्छ॒ति॒ यः⁠। यो वै⁠। वै प्रजा॑तेन⁠। प्रजा॑तेन य॒ज्ञेन॑⁠। प्रजा॑ते॒नेति॒ प्र—जा॒ते॒न॒⁠। य॒ज्ञेन॒ यज॑ते⁠। यज॑ते॒ प्र⁠। प्र प्र॒जया᳚⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभि॑र् मिथु॒नैः⁠। प॒शुभि॒रिति॑ प॒शु—भिः॒⁠। मि॒थु॒नैर् जा॑यते⁠। जा॒य॒ते॒ द्वाद॑श⁠। द्वाद॑श॒ मासाः᳚⁠। मासाः᳚ सव्ँवथ्स॒रः⁠। स॒व्ँव॒थ्स॒रो द्वाद॑श⁠। स॒व्ँव॒थ्स॒र इति॑ सं—व॒थ्स॒रः⁠। द्वाद॑श द्व॒न्द्वानि॑⁠। द्व॒न्द्वानि॑ दर्‌शपूर्णमा॒सयोः᳚⁠। द्व॒न्द्वानीति॑ द्वम्—द्वानि॑⁠। द॒र्॒‌श॒पू॒र्ण॒मा॒सयो॒स्तानि॑⁠। द॒र्॒‌श॒पू॒र्ण॒मा॒सयो॒रिति॑ दर्‌श—पू॒र्ण॒मा॒सयोः᳚⁠। तानि॑ स॒म्पाद्या॑नि⁠। स॒म्पाद्या॒नीति॑⁠। स॒म्पाद्या॒नीति॑ सम्—पाद्या॑नि⁠। इत्या॑हुः⁠। आ॒हु॒र्,व॒थ्सम्⁠। व॒थ्सम् च॑⁠। चो॒पा॒व॒सृ॒जति॑⁠। उ॒पा॒व॒सृ॒जत्यु॒खाम्⁠। उ॒पा॒व॒सृ॒जतीत्यु॑प—अ॒व॒सृ॒जति॑⁠। उ॒खाम् च॑⁠। चाधि॑⁠। अधि॑ श्रयति⁠। श्र॒य॒त्यव॑⁠। अव॑ च⁠। च॒ हन्ति॑⁠। हन्ति॑ दृ॒षदौ᳚⁠। दृ॒षदौ॑ च⁠। च॒ स॒माह॑न्ति⁠। स॒माह॒न्त्यधि॑⁠। स॒माह॒न्तीति॑ सम्—आह॑न्ति⁠। अधि॑ च⁠। च॒ वप॑ते⁠। वप॑ते क॒पाला॑नि⁠। क॒पाला॑नि च⁠। चोप॑⁠। उप॑ दधाति⁠। द॒धा॒ति॒ पु॒रो॒डाश᳚म्⁠। पु॒रो॒डाश॑म् च⁠। चा॒धि॒श्रय॑ति⁠। [३१] अ॒धि॒श्रय॒त्याज्य᳚म्⁠। अ॒धि॒श्रय॒तीत्य॑धि—श्रय॑ति⁠। आज्य॑म् च⁠। च॒ स्त॒म्ब॒य॒जुः⁠। स्त॒म्ब॒य॒जुश्च॑⁠। स्त॒म्ब॒य॒जुरिति॑ स्तम्ब—य॒जुः⁠। च॒ हर॑ति⁠। हर॑त्य॒भि⁠। अ॒भि च॑⁠। च॒ गृ॒ह्णा॒ति॒⁠। गृ॒ह्णा॒ति॒ वेदि᳚म्⁠। वेदि॑म् च⁠। च॒ प॒रि॒गृ॒ह्णाति॑⁠। प॒रि॒गृ॒ह्णाति॒ पत्नी᳚म्⁠। प॒रि॒गृ॒ह्णातीति॑ परि—गृ॒ह्णाति॑⁠। पत्नी᳚म् च⁠। च॒ सम्⁠। सम् न॑ह्यति⁠। न॒ह्य॒ति॒ प्रोख्‍ष॑णीः⁠। प्रोख्‍ष॑णीश्च⁠। प्रोख्‍ष॑णी॒रिति॑ प्र—उख्‍ष॑णीः⁠। चा॒सा॒दय॑ति⁠। आ॒सा॒दय॒त्याज्य᳚म्⁠। आ॒सा॒दय॒तीत्या᳚—सा॒दय॑ति⁠। आज्य॑म् च⁠। चै॒तानि॑⁠। ए॒तानि॒ वै⁠। वै द्वाद॑श⁠। द्वाद॑श द्व॒न्द्वानि॑⁠। द्व॒न्द्वानि॑ दर्‌शपूर्णमा॒सयोः᳚⁠। द्व॒न्द्वानीति॑ द्वम्—द्वानि॑⁠। द॒र्॒‌श॒पू॒र्ण॒मा॒सयो॒स्तानि॑⁠। द॒र्॒‌श॒पू॒र्ण॒मा॒सयो॒रिति॑ दर्‌श—पू॒र्ण॒मा॒सयोः᳚⁠। तानि॒ यः⁠। य ए॒वम्⁠। ए॒वꣳ स॒म्पाद्य॑⁠। स॒म्पाद्य॒ यज॑ते⁠। स॒म्पाद्येति॑ सम्—पाद्य॑⁠। यज॑ते॒ प्रजा॑तेन⁠। प्रजा॑तेनै॒व⁠। प्रजा॑ते॒नेति॒ प्र—जा॒ते॒न॒⁠। ए॒व य॒ज्ञेन॑⁠। य॒ज्ञेन॑ यजते⁠। य॒ज॒ते॒ प्र⁠। प्र प्र॒जया᳚⁠। प्र॒जया॑ प॒शुभिः॑⁠। प्र॒जेयेति॑ प्र—जया᳚⁠। प॒शुभि॑र् मिथु॒नैः⁠। प॒शुभि॒रिति॑ प॒शु—भिः॒⁠। मि॒थु॒नैर्,जा॑यते⁠। जा॒य॒त॒ इति॑ जायते⁠॥ [३२] (उ॒क्थ्ये॑नोपा॒प्नोत्य॑गच्छता॒य्ँयः पु॑रो॒डाशं॑चत्वारि॒ꣳ॒शच्च॑) ॥९॥
ध्रु॒वो॑ऽसि⁠। अ॒सि॒ ध्रु॒वः⁠। ध्रु॒वो॑ऽहम्⁠। अ॒हꣳ स॑जा॒तेषु॑⁠। स॒जा॒तेषु॑ भूयासम्⁠। स॒जा॒तेष्विति॑ स—जा॒तेषु॑⁠। भू॒या॒स॒मिति॑⁠। इत्या॑ह⁠। आ॒ह॒ ध्रु॒वान्⁠। ध्रु॒वाने॒व⁠। ए॒वैना॑न्⁠। ए॒ना॒न् कु॒रु॒ते॒⁠। कु॒रु॒त॒ उ॒ग्रः⁠। उ॒ग्रो॑ऽसि⁠। अ॒स्यु॒ग्रः⁠। उ॒ग्रो॑ऽहम्⁠। अ॒हꣳ स॑जा॒तेषु॑⁠। स॒जा॒तेषु॑ भूयासम्⁠। स॒जा॒तेष्विति॑ स—जा॒तेषु॑⁠। भू॒या॒स॒मिति॑⁠। इत्या॑ह⁠। आ॒हाप्र॑तिवादिनः⁠। अप्र॑तिवादिन ए॒व⁠। अप्र॑तिवादिन॒ इत्यप्र॑ति—वा॒दि॒नः॒⁠। ए॒वैना॑न्⁠। ए॒ना॒न् कु॒रु॒ते॒⁠। कु॒रु॒ते॒ऽभि॒भूः⁠। अ॒भि॒भूर॑सि⁠। अ॒भि॒भूरित्य॑भि—भूः⁠। अ॒स्य॒भि॒भूः⁠। अ॒भि॒भूर॒हम्⁠। अ॒भि॒भूरित्य॑भि—भूः⁠। अ॒हꣳ स॑जा॒तेषु॑⁠। स॒जा॒तेषु॑ भूयासम्⁠। स॒जा॒तेष्विति॑ स—जा॒तेषु॑⁠। भू॒या॒स॒मिति॑⁠। इत्या॑ह⁠। आ॒ह॒ यः⁠। य ए॒व⁠। ए॒वैन᳚म्⁠। ए॒न॒म् प्र॒त्यु॒त्पिपी॑ते⁠। प्र॒त्यु॒त्पिपी॑ते॒ तम्⁠। प्र॒त्यु॒त्पिपी॑त॒ इति॑ प्रति—उ॒त्पिपी॑ते⁠। तमुप॑⁠। उपा᳚स्यते⁠। अ॒स्य॒ते॒ यु॒नज्मि॑⁠। यु॒नज्मि॑ त्वा⁠। त्वा॒ ब्रह्म॑णा⁠। ब्रह्म॑णा॒ दैव्ये॑न⁠। दैव्ये॒नेति॑⁠। इत्या॑ह⁠। आ॒है॒षः⁠। ए॒ष वै⁠। वा अ॒ग्नेः⁠। अ॒ग्नेर्,योगः॑⁠। योग॒स्तेन॑⁠। तेनै॒व⁠। [३३] ए॒वैन᳚म्⁠। ए॒न॒य्ँयु॒न॒क्ति॒⁠। यु॒न॒क्ति॒ य॒ज्ञस्य॑⁠। य॒ज्ञस्य॒ वै⁠। वै समृ॑द्धेन⁠। समृ॑द्धेन दे॒वाः⁠। समृ॑द्धे॒नेति॒ सं—ऋ॒द्धे॒न॒⁠। दे॒वाः सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमा॑यन्न्⁠। आ॒य॒न्॒‌य॒ज्ञस्य॑⁠। य॒ज्ञस्य॒ व्यृ॑द्धेन⁠। व्यृ॑द्धे॒नासु॑रान्⁠। व्यृ॑द्धे॒नेति॒ वि—ऋ॒द्धे॒न॒⁠। असु॑रा॒न् परा᳚⁠। परा॑ ऽभावयन्न्⁠। अ॒भा॒व॒य॒न्‌यत्⁠। यन्मे᳚⁠। मे॒ अ॒ग्ने॒⁠। अ॒ग्ने॒ अ॒स्य⁠। अ॒स्य य॒ज्ञस्य॑⁠। य॒ज्ञस्य॒ रिष्या᳚त्⁠। रिष्या॒दिति॑⁠। इत्या॑ह⁠। आ॒ह॒ य॒ज्ञस्य॑⁠। य॒ज्ञस्यै॒व⁠। ए॒व तत्⁠। तथ् समृ॑द्धेन⁠। समृ॑द्धेन॒ यज॑मानः⁠। समृ॑द्धे॒नेति॒ सम्—ऋ॒द्धे॒न॒⁠। यज॑मानः सुव॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमे॑ति⁠। ए॒ति॒ य॒ज्ञस्य॑⁠। य॒ज्ञस्य॒ व्यृ॑द्धेन⁠। व्यृ॑द्धेन॒ भ्रातृ॑व्यान्⁠। व्यृ॑द्धे॒नेति॒ वि—ऋ॒द्धे॒न॒⁠। भ्रातृ॑व्या॒न् परा᳚⁠। परा॑ भावयति⁠। भा॒व॒य॒त्य॒ग्नि॒हो॒त्रम्⁠। अ॒ग्नि॒हो॒त्रमे॒ताभिः॑⁠। अ॒ग्नि॒हो॒त्रमित्य॑ग्नि—हो॒त्रम्⁠। ए॒ताभि॒र्,व्याहृ॑तीभिः⁠। व्याहृ॑तीभि॒रुप॑⁠। व्याहृ॑तीभि॒रिति॒ व्याहृ॑ति—भिः॒⁠। उप॑ सादयेत्⁠। सा॒द॒ये॒द्,य॒ज्ञ॒मु॒खम्⁠। य॒ज्ञ॒मु॒खव्ँवै⁠। य॒ज्ञ॒मु॒खमिति॑ यज्ञ—मु॒खम्⁠। वा अ॑ग्निहो॒त्रम्⁠। अ॒ग्नि॒हो॒त्रम् ब्रह्म॑⁠। अ॒ग्नि॒हो॒त्रमित्य॑ग्नि—हो॒त्रम्⁠। ब्रह्मै॒ताः⁠। ए॒ता व्याहृ॑तयः⁠। व्याहृ॑तयो यज्ञमु॒खे⁠। व्याहृ॑तय॒ इति॑ वि—आहृ॑तयः⁠। य॒ज्ञ॒मु॒ख ए॒व⁠। य॒ज्ञ॒मु॒ख इति॑ यज्ञ—मु॒खे⁠। ए॒व ब्रह्म॑⁠। ब्रह्म॑ कुरुते⁠। [३४] कु॒रु॒ते॒ स॒व्ँव॒थ्स॒रे⁠। स॒व्ँव॒थ्स॒रे प॒र्याग॑ते⁠। स॒व्ँव॒थ्स॒र इति॑ सं—व॒थ्स॒रे⁠। प॒र्याग॑त ए॒ताभिः॑⁠। प॒र्याग॑त॒ इति॑ परि—आग॑ते⁠। ए॒ताभि॑रे॒व⁠। ए॒वोप॑⁠। उप॑ सादयेत्⁠। सा॒द॒ये॒द् बह्म॑णा⁠। ब्रह्म॑णै॒व⁠। ए॒वोभ॒यतः॑⁠। उ॒भ॒यतः॑ सव्ँवथ्स॒रम्⁠। स॒व्ँव॒थ्स॒रम् परि॑⁠। स॒व्ँव॒थ्स॒रमिति॑ सं—व॒थ्स॒रम्⁠। परि॑ गृह्णाति⁠। गृ॒ह्णा॒ति॒ द॒र्॒‌श॒पू॒र्ण॒मा॒सौ⁠। द॒र्॒‌श॒पू॒र्ण॒मा॒सौ चा॑तुर्मा॒स्यानि॑⁠। द॒र्॒‌श॒पू॒र्ण॒मा॒साविति॑ दर्‌श—पू॒र्ण॒मा॒सौ⁠। चा॒तु॒र्मा॒स्यान्या॒लभ॑मानः⁠। चा॒तु॒र्मा॒स्यानीति॑ चातुः—मा॒स्यानि॑⁠। आ॒लभ॑मान ए॒ताभिः॑⁠। आ॒लभ॑मान॒ इत्या᳚—लभ॑मानः⁠। ए॒ताभि॒र् व्याहृ॑तीभिः⁠। व्याहृ॑तीभिर्‌ह॒वीꣳषि॑⁠। व्याहृ॑तीभि॒रिति॒ व्याहृ॑ति—भिः॒⁠। ह॒वीꣴष्या⁠। आ सा॑दयेत्⁠। सा॒द॒ये॒द् य॒ज्ञ॒मु॒खम्⁠। य॒ज्ञ॒मु॒खव्ँवै⁠। य॒ज्ञ॒मु॒खमिति॑ यज्ञ—मु॒खम्⁠। वै द॑र्‌शपूर्णमा॒सौ⁠। द॒र्॒‌श॒पू॒र्ण॒मा॒सौ चा॑तुर्मा॒स्यानि॑⁠। द॒र्॒‌श॒पू॒र्ण॒मा॒साविति॑ दर्‌श—पू॒र्ण॒मा॒सौ⁠। चा॒तु॒र्मा॒स्यानि॒ ब्रह्म॑⁠। चा॒तु॒र्मा॒स्यानीति॑ चातुः—मा॒स्यानि॑⁠। ब्रह्मै॒ताः⁠। ए॒ता व्याहृ॑तयः⁠। व्याहृ॑तयो यज्ञमु॒खे⁠। व्याहृ॑तय॒ इति॑ वि—आहृ॑तयः⁠। य॒ज्ञ॒मु॒ख ए॒व⁠। य॒ज्ञ॒मु॒ख इति॑ यज्ञ—मु॒खे⁠। ए॒व ब्रह्म॑⁠। ब्रह्म॑ कुरुते⁠। कु॒रु॒ते॒ स॒व्ँव॒थ्स॒रे⁠। स॒व्ँव॒थ्स॒रे प॒र्याग॑ते⁠। स॒व्ँव॒थ्स॒र इति॑ सम्—व॒थ्स॒रे⁠। प॒र्याग॑त ए॒ताभिः॑⁠। प॒र्याग॑त॒ इति॑ परि—आग॑ते⁠। ए॒ताभि॑रे॒व⁠। ए॒वा⁠। आ सा॑दयेत्⁠। सा॒द॒ये॒द् ब्रह्म॑णा⁠। ब्रह्म॑णै॒व⁠। ए॒वोभ॒यतः॑⁠। उ॒भ॒यतः॑ सव्ँवथ्स॒रम्⁠। स॒व्ँव॒थ्स॒रम् परि॑⁠। स॒व्ँव॒थ्स॒रमिति॑ सम्—व॒थ्स॒रम्⁠। परि॑ गृह्णाति⁠। गृ॒ह्णा॒ति॒ यत्⁠। यद् वै⁠। वै य॒ज्ञस्य॑⁠। य॒ज्ञस्य॒ साम्ना᳚⁠। साम्ना᳚ क्रि॒यते᳚⁠। क्रि॒यते॑ रा॒ष्ट्रम्⁠। रा॒ष्ट्रय्ँय॒ज्ञस्य॑⁠। [३५] य॒ज्ञस्या॒शीः⁠। आ॒शीर्,ग॑च्छति⁠। आ॒शीरित्या᳚—शीः⁠। ग॒च्छ॒ति॒ यत्⁠। यदृ॒चा⁠। ऋ॒चा विश᳚म्⁠। विश॑य्ँय॒ज्ञस्य॑⁠। य॒ज्ञस्या॒शीः⁠। आ॒शीर्,ग॑च्छति⁠। आ॒शीरित्या᳚—शीः⁠। ग॒च्छ॒त्यथ॑⁠। अथ॑ ब्राह्म॒णः⁠। ब्रा॒ह्म॒णो॑ ऽना॒शीर्के॑ण⁠। अ॒ना॒शीर्के॑ण य॒ज्ञेन॑⁠। य॒ज्ञेन॑ यजते⁠। य॒ज॒ते॒ सा॒मि॒धे॒नीः⁠। सा॒मि॒धे॒नीर॑नुव॒ख्‍ष्यन्न्⁠। सा॒मि॒धे॒नीरिति॑ साम्—इ॒धे॒नीः⁠। अ॒नु॒व॒ख्‍ष्यन्ने॒ताः⁠। अ॒नु॒व॒ख्‍ष्यन्नित्य॑नु—व॒ख्‍ष्यन्न्⁠। ए॒ता व्याहृ॑तीः⁠। व्याहृ॑तीः पु॒रस्ता᳚त्⁠। व्याहृ॑ती॒रिति॑ वि—आहृ॑तीः⁠। पु॒रस्ता᳚द् दद्ध्यात्⁠। द॒द्ध्या॒द्,ब्रह्म॑⁠। ब्रह्मै॒व⁠। ए॒व प्र॑ति॒पद᳚म्⁠। प्र॒ति॒पद॑म् कुरुते⁠। प्र॒ति॒पद॒मिति॑ प्रति—पद᳚म्⁠। कु॒रु॒ते॒ तथा᳚⁠। तथा᳚ ब्राह्म॒णः⁠। ब्रा॒ह्म॒णः साशी᳚र्केण⁠। साशी᳚र्केण य॒ज्ञेन॑⁠। साशी᳚र्के॒णेति॒ स—आ॒शी॒र्के॒ण॒⁠। य॒ज्ञेन॑ यजते⁠। य॒ज॒ते॒ यम्⁠। यम् का॒मये॑त⁠। का॒मये॑त॒ यज॑मानम्⁠। यज॑मान॒म् भातृ॑व्यम्⁠। भ्रातृ॑व्यमस्य⁠। अ॒स्य॒ य॒ज्ञस्य॑⁠। य॒ज्ञस्या॒शीः⁠। आ॒शीर् ग॑च्छेत्⁠। आ॒शीरित्या᳚—शीः⁠। ग॒च्छे॒दिति॑⁠। इति॒ तस्य॑⁠। तस्यै॒ताः⁠। ए॒ता व्याहृ॑तीः⁠। व्याहृ॑तीः पुरोनुवा॒क्या॑याम्⁠। व्याहृ॑ती॒रिति॑ वि—आहृ॑तीः⁠। पु॒रो॒नु॒वा॒क्या॑याम् दध्यात्⁠। पु॒रो॒नु॒वा॒क्या॑या॒मिति॑ पुरः—अ॒नु॒वा॒क्या॑याम्⁠। द॒ध्या॒द् भ्रा॒तृ॒व्य॒दे॒व॒त्या᳚⁠। भ्रा॒तृ॒व्य॒दे॒व॒त्या॑ वै⁠। भ्रा॒तृ॒व्य॒दे॒व॒त्येति॑ भ्रातृव्य—दे॒व॒त्या᳚⁠। वै पु॑रोनुवा॒क्या᳚⁠। पु॒रो॒नु॒वा॒क्या᳚ भ्रातृ॑व्यम्⁠। पु॒रो॒नु॒वा॒क्येति॑ पुरः—अ॒नु॒वा॒क्या᳚⁠। भ्रातृ॑व्यमे॒व⁠। ए॒वास्य॑⁠। अ॒स्य॒ य॒ज्ञस्य॑⁠। य॒ज्ञस्या॒शीः⁠। [३६] आ॒शीर्,ग॑च्छति⁠। आ॒शीरित्या᳚—शीः⁠। ग॒च्छ॒ति॒ यान्⁠। यान् का॒मये॑त⁠। का॒मये॑त॒ यज॑मानान्⁠। यज॑मानान्थ् स॒माव॑ती⁠। स॒माव॑त्येनान्⁠। ए॒ना॒न्॒‌य॒ज्ञस्य॑⁠। य॒ज्ञस्या॒शीः⁠। आ॒शीर्,ग॑च्छेत्⁠। आ॒शीरित्या᳚—शीः⁠। ग॒च्छे॒दिति॑⁠। इति॒ तेषा᳚म्⁠। तेषा॑मे॒ताः⁠। ए॒ता व्याहृ॑तीः⁠। व्याहृ॑तीः पुरोनुवा॒क्या॑याः⁠। व्याहृ॑ती॒रिति॑ वि—आहृ॑तीः⁠। पु॒रो॒नु॒वा॒क्या॑या अर्द्ध॒र्चे⁠। पु॒रो॒नु॒वा॒क्या॑या॒ इति॑ पुरः—अ॒नु॒वा॒क्या॑याः⁠। अ॒र्द्ध॒र्च एका᳚म्⁠। अ॒र्द्ध॒र्च इत्य॑र्द्ध—ऋ॒चे⁠। एका᳚म् दद्ध्यात्⁠। द॒द्ध्या॒द् या॒ज्या॑यै⁠। या॒ज्या॑यै पु॒रस्ता᳚त्⁠। पु॒रस्ता॒देका᳚म्⁠। एका᳚य्ँया॒ज्या॑याः⁠। या॒ज्या॑या अर्द्ध॒र्चे⁠। अ॒र्द्ध॒र्च एका᳚म्⁠। अ॒र्द्ध॒र्च इत्य॑र्द्ध—ऋ॒चे⁠। एका॒म् तथा᳚⁠। तथै॑नान्⁠। ए॒ना॒न्थ् स॒माव॑ती⁠। स॒माव॑ती य॒ज्ञस्य॑⁠। य॒ज्ञस्या॒शीः⁠। आ॒शीर्,ग॑च्छति⁠। आ॒शीरित्या᳚—शीः⁠। ग॒च्छ॒ति॒ यथा᳚⁠। यथा॒ वै⁠। वै प॒र्जन्यः॑⁠। प॒र्जन्यः॒ सुवृ॑ष्टम्⁠। सुवृ॑ष्ट॒व्ँवर्‌ष॑ति⁠। सुवृ॑ष्ट॒मिति॒ सु—वृ॒ष्ट॒म्⁠। वर्‌ष॑त्ये॒वम्⁠। ए॒वय्ँय॒ज्ञः⁠। य॒ज्ञो यज॑मानाय⁠। यज॑मानाय वर्‌षति⁠। व॒र्॒‌ष॒ति॒ स्थल॑या⁠। स्थल॑योद॒कम्⁠। उ॒द॒कम् प॑रिगृ॒ह्णन्ति॑⁠। प॒रि॒गृ॒ह्णन्त्या॒शिषा᳚⁠। प॒रि॒गृ॒ह्णन्तीति॑ परि—गृ॒ह्णन्ति॑⁠। आ॒शिषा॑ य॒ज्ञम्⁠। आ॒शिषेत्या᳚—शिषा᳚⁠। य॒ज्ञय्ँयज॑मानः⁠। यज॑मानः॒ परि॑⁠। परि॑ गृह्णाति⁠। गृ॒ह्णा॒ति॒ मनः॑⁠। मनो॑ऽसि⁠। अ॒सि॒ प्रा॒जा॒प॒त्यम्⁠। प्रा॒जा॒प॒त्यम् मन॑सा⁠। प्रा॒जा॒प॒त्यमिति॑ प्राजा—प॒त्यम्⁠। [३७] मन॑सा मा⁠। मा॒ भू॒तेन॑⁠। भू॒तेना⁠। आ वि॑श⁠। वि॒शेति॑⁠। इत्या॑ह⁠। आ॒ह॒ मनः॑⁠। मनो॒ वै⁠। वै प्रा॑जाप॒त्यम्⁠। प्रा॒जा॒प॒त्यम् प्रा॑जाप॒त्यः⁠। प्रा॒जा॒प॒त्यमिति॑ प्राजा—प॒त्यम्⁠। प्रा॒जा॒प॒त्यो य॒ज्ञः⁠। प्रा॒जा॒प॒त्य इति॑ प्राजा—प॒त्यः⁠। य॒ज्ञो मनः॑⁠। मन॑ ए॒व⁠। ए॒व य॒ज्ञम्⁠। य॒ज्ञमा॒त्मन्न्⁠। आ॒त्मन् ध॑त्ते⁠। ध॒त्ते॒ वाक्⁠। वाग॑सि⁠। अ॒स्यै॒न्द्री⁠। ऐ॒न्द्री स॑पत्न॒ख्‍षय॑णी⁠। स॒प॒त्न॒ख्‍षय॑णी वा॒चा⁠। स॒प॒त्न॒ख्‍षय॒णीति॑ सपत्न—ख्‍षय॑णी⁠। वा॒चा मा᳚⁠। मे॒न्द्रि॒येण॑⁠। इ॒न्द्रि॒येणा⁠। आ वि॑श⁠। वि॒शेति॑⁠। इत्या॑ह⁠। आ॒है॒न्द्री⁠। ऐ॒न्द्री वै⁠। वै वाक्⁠। वाग् वाच᳚म्⁠। वाच॑मे॒व⁠। ए॒वैन्द्रीम्⁠। ऐ॒न्द्रीमा॒त्मन्न्⁠। आ॒त्मन् ध॑त्ते⁠। ध॒त्त॒ इति॑ धत्ते⁠॥ [३८] (तेनै॒व ब्रह्म॑ रा॒ष्ट्रमे॒वास्य॑ य॒ज्ञस्य॑प्राजाप॒त्यꣳषट्त्रि॑ꣳशच्च) ॥१०॥
यो वै⁠। वै स॑प्तद॒शम्⁠। स॒प्त॒द॒शम् प्र॒जाप॑तिम्⁠। स॒प्त॒द॒शमिति॑ सप्त—द॒शम्⁠। प्र॒जाप॑तिय्ँय॒ज्ञम्⁠। प्र॒जाप॑ति॒मिति॑ प्र॒जा—प॒ति॒म्⁠। य॒ज्ञम॒न्वाय॑त्तम्⁠। अ॒न्वाय॑त्त॒व्ँवेद॑⁠। अ॒न्वाय॑त्त॒मित्य॑नु—आय॑त्तम्⁠। वेद॒ प्रति॑⁠। प्रति॑ य॒ज्ञेन॑⁠। य॒ज्ञेन॑ तिष्ठति⁠। ति॒ष्ठ॒ति॒ न⁠। न य॒ज्ञात्⁠। य॒ज्ञाद् भ्र॑ꣳशते⁠। भ्र॒ꣳ॒श॒त॒ आ⁠। आ श्रा॑वय⁠। श्रा॒व॒येति॑⁠। इति॒ चतु॑रख्‍षरम्⁠। चतु॑रख्‍षर॒मस्तु॑⁠। चतु॑रख्‍षर॒मिति॒ चतुः॑—अ॒ख्‍ष॒र॒म्⁠। अस्तु॒ श्रौष॑ट्⁠। श्रौष॒डिति॑⁠। इति॒ चतु॑रख्‍षरम्⁠। चतु॑रख्‍षर॒य्ँयज॑⁠। चतु॑रख्‍षर॒मिति॒ चतुः॑—अ॒ख्‍ष॒र॒म्⁠। यजेति॑⁠। इति॒ द्व्य॑ख्‍षरम्⁠। द्व्य॑ख्‍षर॒य्ँये⁠। द्व्य॑ख्‍षर॒मिति॒ द्वि—अ॒ख्‍ष॒र॒म्⁠। ये यजा॑महे⁠। यजा॑मह॒ इति॑⁠। इति॒ पञ्चा᳚ख्‍षरम्⁠। पञ्चा᳚ख्‍षरम् द्व्यख्‍ष॒रः⁠। पञ्चा᳚ख्‍षर॒मिति॒ पञ्च॑—अ॒ख्‍ष॒र॒म्⁠। द्व्य॒ख्‍ष॒रो व॑षट्का॒रः⁠। द्व्य॒ख्‍ष॒र इति॑ द्वि—अ॒ख्‍ष॒रः⁠। व॒ष॒ट्का॒र ए॒षः⁠। व॒ष॒ट्का॒र इति॑ वषट्—का॒रः⁠। ए॒ष वै⁠। वै स॑प्तद॒शः⁠। स॒प्त॒द॒शः प्र॒जाप॑तिः⁠। स॒प्त॒द॒श इति॑ सप्त—द॒शः⁠। प्र॒जाप॑तिर्,य॒ज्ञम्⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञम॒न्वाय॑त्तः⁠। अ॒न्वाय॑त्तो॒ यः⁠। अ॒न्वाय॑त्त॒ इत्य॑नु—आय॑त्तः⁠। य ए॒वम्⁠। ए॒वव्ँवेद॑⁠। वेद॒ प्रति॑⁠। प्रति॑ य॒ज्ञेन॑⁠। य॒ज्ञेन॑ तिष्ठति⁠। ति॒ष्ठ॒ति॒ न⁠। न य॒ज्ञात्⁠। य॒ज्ञाद् भ्र॑ꣳशते⁠। भ्र॒ꣳ॒श॒ते॒ यः⁠। यो वै⁠। वै य॒ज्ञस्य॑⁠। य॒ज्ञस्य॒ प्राय॑णम्⁠। प्राय॑णम् प्रति॒ष्ठाम्⁠। प्राय॑ण॒मिति॑ प्र—अय॑नम्⁠। प्र॒ति॒ष्ठामु॒दय॑नम्⁠। प्र॒ति॒ष्ठामिति॑ प्रति—स्थाम्⁠। [३९] उ॒दय॑न॒व्ँवेद॑⁠। उ॒दय॑न॒मित्यु॑त्—अय॑नम्⁠। वेद॒ प्रति॑ष्ठितेन⁠। प्रति॑ष्ठिते॒नारि॑ष्टेन⁠। प्रति॑ष्ठिते॒नेति॒ प्रति॑—स्थि॒ते॒न॒⁠। अरि॑ष्टेन य॒ज्ञेन॑⁠। य॒ज्ञेन॑ स॒ꣴ॒स्थाम्⁠। स॒ꣴ॒स्थाम् ग॑च्छति⁠। स॒ꣴ॒स्थामिति॑ सम्—स्थाम्⁠। ग॒च्छ॒त्या⁠। आ श्रा॑वय⁠। श्रा॒व॒यास्तु॑⁠। अस्तु॒ श्रौष॑ट्⁠। श्रौष॒ड् यज॑⁠। यज॒ ये⁠। ये यजा॑महे⁠। यजा॑महे वषट्का॒रः⁠। व॒ष॒ट्का॒र ए॒तत्⁠। व॒ष॒ट्का॒र इति॑ वषट्—का॒रः⁠। ए॒तद् वै⁠। वै य॒ज्ञस्य॑⁠। य॒ज्ञस्य॒ प्राय॑णम्⁠। प्राय॑णमे॒षा⁠। प्राय॑ण॒मिति॑ प्र—अय॑नम्⁠। ए॒षा प्र॑ति॒ष्ठा⁠। प्र॒ति॒ष्ठैतत्⁠। प्र॒ति॒ष्ठेति॑ प्रति—स्था⁠। ए॒तदु॒दय॑नम्⁠। उ॒दय॑न॒य्ँयः⁠। उ॒दय॑न॒मित्यु॑त्—अय॑नम्⁠। य ए॒वम्⁠। ए॒वव्ँवेद॑⁠। वेद॒ प्रति॑ष्ठितेन⁠। प्रति॑ष्ठिते॒नारि॑ष्टेन⁠। प्रति॑ष्ठिते॒नेति॒ प्रति॑—स्थि॒ते॒न॒⁠। अरि॑ष्टेन य॒ज्ञेन॑⁠। य॒ज्ञेन॑ स॒ꣴ॒स्थाम्⁠। स॒ꣴ॒स्थाम् ग॑च्छति⁠। स॒ꣴ॒स्थामिति॑ सम्—स्थाम्⁠। ग॒च्छ॒ति॒ यः⁠। यो वै⁠। वै सू॒नृता॑यै⁠। सू॒नृता॑यै॒ दोह᳚म्⁠। दोह॒व्ँवेद॑⁠। वेद॑ दु॒हे⁠। दु॒ह ए॒व⁠। ए॒वैना᳚म्⁠। ए॒ना॒य्ँय॒ज्ञः⁠। य॒ज्ञो वै⁠। वै सू॒नृता᳚⁠। सू॒नृता⁠। आ श्रा॑वय⁠। श्रा॒व॒येति॑⁠। इत्या⁠। ऐव⁠। ए॒वैना᳚म्⁠। ए॒ना॒म॒ह्व॒त्॒⁠। अ॒ह्व॒दस्तु॑⁠। अस्तु॒ श्रौष॑ट्⁠। [४०] श्रौष॒डिति॑⁠। इत्यु॒पावा᳚स्राक्⁠। उ॒पावा᳚स्रा॒ग् यज॑⁠। उ॒पावा᳚स्रा॒गित्यु॑प—अवा᳚स्राक्⁠। यजेति॑⁠। इत्युत्⁠। उद॑नैषीत्⁠। अ॒नै॒षी॒द् ये⁠। ये यजा॑महे⁠। यजा॑मह॒ इति॑⁠। इत्युप॑⁠। उपा॑सदत्⁠। अ॒स॒द॒द् व॒ष॒ट्का॒रेण॑⁠। व॒ष॒ट्का॒रेण॑ दोग्धि⁠। व॒ष॒ट्का॒रे॒णेति॑ वषट्—का॒रेण॑⁠। दो॒ग्ध्ये॒षः⁠। ए॒ष वै⁠। वै सू॒नृता॑यै⁠। सू॒नृता॑यै॒ दोहः॑⁠। दोहो॒ यः⁠। य ए॒वम्⁠। ए॒वव्ँवेद॑⁠। वेद॑ दु॒हे⁠। दु॒ह ए॒व⁠। ए॒वैना᳚म्⁠। ए॒ना॒म् दे॒वाः⁠। दे॒वा वै⁠। वै स॒त्रम्⁠। स॒त्रमा॑सत⁠। आ॒स॒त॒ तेषा᳚म्⁠। तेषा॒म् दिशः॑⁠। दिशो॑ऽदस्यन्न्⁠। अ॒द॒स्य॒न् ते⁠। त ए॒ताम्⁠। ए॒तामा॒र्द्राम्⁠। आ॒र्द्राम् प॒ङ्‍क्तिम्⁠। प॒ङ्‍क्तिम॑पश्यन्न्⁠। अ॒प॒श्य॒न्ना⁠। आ श्रा॑वय⁠। श्रा॒व॒येति॑⁠। इति॑ पुरोवा॒तम्⁠। पु॒रो॒वा॒तम॑जनयन्न्⁠। पु॒रो॒वा॒तमिति॑ पुरः—वा॒तम्⁠। अ॒ज॒न॒य॒न्नस्तु॑⁠। अस्तु॒ श्रौष॑ट्⁠। श्रौष॒डिति॑⁠। इत्य॒भ्रम्⁠। अ॒भ्रꣳ सम्⁠। सम॑प्लावयन्न्⁠। अ॒प्ला॒व॒य॒न्॒‌यज॑⁠। यजेति॑⁠। इति॑ वि॒द्युत᳚म्⁠। वि॒द्युत॑मजनयन्न्⁠। वि॒द्युत॒मिति॑ वि—द्युत᳚म्⁠। [४१] अ॒ज॒न॒य॒न्॒‌ये⁠। ये यजा॑महे⁠। यजा॑मह॒ इति॑⁠। इति॒ प्र⁠। प्राव॑र्‌षयन्न्⁠। अ॒व॒र्‌ष॒य॒न्न॒भि⁠। अ॒भ्य॑स्तनयन्न्⁠। अ॒स्त॒न॒य॒न्॒‌व॒ष॒ट्का॒रेण॑⁠। व॒ष॒ट्का॒रेण॒ ततः॑⁠। व॒ष॒ट्का॒रेणेति॑ वषट्—का॒रेण॑⁠। ततो॒ वै⁠। वै तेभ्यः॑⁠। तेभ्यो॒ दिशः॑⁠। दिशः॒ प्र⁠। प्राप्या॑यन्त⁠। अ॒प्या॒य॒न्त॒ यः⁠। य ए॒वम्⁠। ए॒वव्ँवेद॑⁠। वेद॒ प्र⁠। प्रास्मै᳚⁠। अ॒स्मै॒ दिशः॑⁠। दिशः॑ प्यायन्ते⁠। प्या॒य॒न्ते॒ प्र॒जाप॑तिम्⁠। प्र॒जाप॑तिम् त्वो॒वेद॑⁠। प्र॒जाप॑ति॒मिति॑ प्र॒जा—प॒ति॒म्⁠। त्वो॒वेद॑ प्र॒जाप॑तिः⁠। त्वो॒वेदेति॑ त्वः—वेद॑⁠। प्र॒जाप॑ति,स्त्वव्ँवेद⁠। प्र॒जाप॑ति॒रिति॑ प्र॒जा—प॒तिः॒⁠। त्व॒व्ँवे॒द॒ यम्⁠। त्व॒व्ँवे॒देति॑ त्वम्—वे॒द॒⁠। यम् प्र॒जाप॑तिः⁠। प्र॒जाप॑ति॒र् वेद॑⁠। प्र॒जाप॑ति॒रिति॑ प्र॒जा—प॒तिः॒⁠। वेद॒ सः⁠। स पुण्यः॑⁠। पुण्यो॑ भवति⁠। भ॒व॒त्ये॒षः⁠। ए॒ष वै⁠। वै छ॑न्द॒स्यः॑⁠। छ॒न्द॒स्यः॑ प्र॒जाप॑तिः⁠। प्र॒जाप॑ति॒रा⁠। प्र॒जाप॑ति॒रिति॑ प्र॒जा—प॒तिः॒⁠। आ श्रा॑वय⁠। श्रा॒व॒यास्तु॑⁠। अस्तु॒ श्रौष॑ट्⁠। श्रौष॒ड् यज॑⁠। यज॒ ये⁠। ये यजा॑महे⁠। यजा॑महे वषट्का॒रः⁠। व॒ष॒ट्का॒रो यः⁠। व॒ष॒ट्का॒र इति॑ वषट्—का॒रः⁠। य ए॒वम्⁠। ए॒वव्ँवेद॑⁠। वेद॒ पुण्यः॑⁠। पुण्यो॑ भवति⁠। भ॒व॒ति॒ व॒स॒न्तम्⁠। व॒स॒न्तमृ॑तू॒नाम्⁠। [४२] ऋ॒तू॒नाम् प्री॑णामि⁠। प्री॒णा॒मीति॑⁠। इत्या॑ह⁠। आ॒ह॒र्तवः॑⁠। ऋ॒तवो॒ वै⁠। वै प्र॑या॒जाः⁠। प्र॒या॒जा ऋ॒तून्⁠। प्र॒या॒जा इति॑ प्र—या॒जाः⁠। ऋ॒तूने॒व⁠। ए॒व प्री॑णाति⁠। प्री॒णा॒ति॒ ते⁠। ते᳚ऽस्मै⁠। अ॒स्मै॒ प्री॒ताः⁠। प्री॒ता य॑थापू॒र्वम्⁠। य॒था॒पू॒र्वम् क॑ल्पन्ते⁠। य॒था॒पू॒र्वमिति॑ यथा—पू॒र्वम्⁠। क॒ल्प॒न्ते॒ कल्प॑न्ते⁠। कल्प॑न्तेऽस्मै⁠। अ॒स्मा॒ ऋ॒तवः॑⁠। ऋ॒तवो॒ यः⁠। य ए॒वम्⁠। ए॒वव्ँवेद॑⁠। वेदा॒ग्नीषोम॑योः⁠। अ॒ग्नीषोम॑योर॒हम्⁠। अ॒ग्नीषोम॑यो॒रित्य॒ग्नी—सोम॑योः⁠। अ॒हम् दे॑वय॒ज्यया᳚⁠। दे॒व॒य॒ज्यया॒ चख्‍षु॑ष्मान्⁠। दे॒व॒य॒ज्ययेति॑ देव—य॒ज्यया᳚⁠। चख्‍षु॑ष्मान् भूयासम्⁠। भू॒या॒स॒मिति॑⁠। इत्या॑ह⁠। आ॒हा॒ग्नीषोमा᳚भ्याम्⁠। अ॒ग्नीषोमा᳚भ्या॒व्ँवै⁠। अ॒ग्नीषोमा᳚भ्या॒मित्य॒ग्नी—सोमा᳚भ्याम्⁠। वै य॒ज्ञः⁠। य॒ज्ञ,श्चख्‍षु॑ष्मान्⁠। चख्‍षु॑ष्मा॒न् ताभ्या᳚म्⁠। ताभ्या॑मे॒व⁠। ए॒व चख्‍षुः॑⁠। चख्‍षु॑रा॒त्मन्न्⁠। आ॒त्मन् ध॑त्ते⁠। ध॒त्ते॒ऽग्नेः⁠। अ॒ग्नेर॒हम्⁠। अ॒हम् दे॑वय॒ज्यया᳚⁠। दे॒व॒य॒ज्यया᳚ ऽन्ना॒दः⁠। दे॒व॒य॒ज्ययेति॑ देव—य॒ज्यया᳚⁠। अ॒न्ना॒दो भू॑यासम्⁠। अ॒न्ना॒द इत्य॑न्न—अ॒दः⁠। भू॒या॒स॒मिति॑⁠। इत्या॑ह⁠। आ॒हा॒ग्निः⁠। अ॒ग्निर्,वै⁠। वै दे॒वाना᳚म्⁠। दे॒वाना॑मन्ना॒दः⁠। अ॒न्ना॒दस्तेन॑⁠। अ॒न्ना॒द इत्य॑न्न—अ॒दः⁠। तेनै॒व⁠। ए॒वान्नाद्य᳚म्⁠। [४३] अ॒न्नाद्य॑मा॒त्मन्न्⁠। अ॒न्नाद्य॒मित्य॑न्न—अद्य᳚म्⁠। आ॒त्मन्,ध॑त्ते⁠। ध॒त्ते॒ दब्धिः॑⁠। दब्धि॑रसि⁠। अ॒स्यद॑ब्धः⁠। अद॑ब्धो भूयासम्⁠। भू॒या॒स॒म॒मुम्⁠। अ॒मुम् द॑भेयम्⁠। द॒भे॒य॒मिति॑⁠। इत्या॑ह⁠। आ॒है॒तया᳚⁠। ए॒तया॒ वै⁠। वै दब्ध्या᳚⁠। दब्ध्या॑ दे॒वाः⁠। दे॒वा असु॑रान्⁠। असु॑रानदभ्नुवन्न्⁠। अ॒द॒भ्नु॒व॒न्,तया᳚⁠। तयै॒व⁠। ए॒व भ्रातृ॑व्यम्⁠। भ्रातृ॑व्यम् दभ्नोति⁠। द॒भ्नो॒त्य॒ग्नीषोम॑योः⁠। अ॒ग्नीषोम॑योर॒हम्⁠। अ॒ग्नीषोम॑यो॒रित्य॒ग्नी—सोम॑योः⁠। अ॒हम् दे॑वय॒ज्यया᳚⁠। दे॒व॒य॒ज्यया॑ वृत्र॒हा⁠। दे॒व॒य॒ज्ययेति॑ देव—य॒ज्यया᳚⁠। वृ॒त्र॒हा भू॑यासम्⁠। वृ॒त्र॒हेति॑ वृत्र—हा⁠। भू॒या॒स॒मिति॑⁠। इत्या॑ह⁠। आ॒हा॒ग्नीषोमा᳚भ्याम्⁠। अ॒ग्नीषोमा᳚भ्या॒व्ँवै⁠। अ॒ग्नीषोमा᳚भ्या॒मित्य॒ग्नी—सोमा᳚भ्याम्⁠। वा इन्द्रः॑⁠। इन्द्रो॑ वृ॒त्रम्⁠। वृ॒त्रम॑हन्न्⁠। अ॒ह॒न् ताभ्या᳚म्⁠। ताभ्या॑मे॒व⁠। ए॒व भ्रातृ॑व्यम्⁠। भ्रातृ॑व्यꣴ स्तृणुते⁠। स्तृ॒णु॒त॒ इ॒न्द्रा॒ग्नि॒योः⁠। इ॒न्द्रा॒ग्नि॒योर॒हम्⁠। इ॒न्द्रा॒ग्नि॒योरिती᳚न्द्र—अ॒ग्नि॒योः⁠। अ॒हम् दे॑वय॒ज्यया᳚⁠। दे॒व॒य॒ज्यये᳚न्द्रिया॒वी⁠। दे॒व॒य॒ज्ययेति॑ देव—य॒ज्यया᳚⁠। इ॒न्द्रि॒या॒व्य॑न्ना॒दः⁠। अ॒न्ना॒दो भू॑यासम्⁠। अ॒न्ना॒द इत्य॑न्न—अ॒दः⁠। भू॒या॒स॒मिति॑⁠। इत्या॑ह⁠। आ॒हे॒न्द्रि॒या॒वी⁠। इ॒न्द्रि॒या॒व्ये॑व⁠। ए॒वान्ना॒दः⁠। अ॒न्ना॒दो भ॑वति⁠। अ॒न्ना॒द इत्य॑न्न—अ॒दः⁠। भ॒व॒तीन्द्र॑स्य⁠। इन्द्र॑स्या॒हम्⁠। [४४] अ॒हम् दे॑वय॒ज्यया᳚⁠। दे॒व॒य॒ज्यये᳚न्द्रिया॒वी⁠। दे॒व॒य॒ज्ययेति॑ देव—य॒ज्यया᳚⁠। इ॒न्द्रि॒या॒वी भू॑यासम्⁠। भू॒या॒स॒मिति॑⁠। इत्या॑ह⁠। आ॒हे॒न्द्रि॒या॒वी⁠। इ॒न्द्रि॒या॒व्ये॑व⁠। ए॒व भ॑वति⁠। भ॒व॒ति॒ म॒हे॒न्द्रस्य॑⁠। म॒हे॒न्द्रस्या॒हम्⁠। म॒हे॒न्द्रस्येति॑ महा—इ॒न्द्रस्य॑⁠। अ॒हम् दे॑वय॒ज्यया᳚⁠। दे॒व॒य॒ज्यया॑ जे॒मान᳚म्⁠। दे॒व॒य॒ज्ययेति॑ देव—य॒ज्यया᳚⁠। जे॒मान॑म् महि॒मान॑म्⁠। म॒हि॒मान॑म् गमेयम्⁠। ग॒मे॒य॒मिति॑⁠। इत्या॑ह⁠। आ॒ह॒ जे॒मान᳚म्⁠। जे॒मान॑मे॒व⁠। ए॒व म॑हि॒मान᳚म्⁠। म॒हि॒मान॑म् गच्छति⁠। ग॒च्छ॒त्य॒ग्नेः⁠। अ॒ग्नेः स्वि॑ष्ट॒कृतः॑⁠। स्वि॒ष्ट॒कृतो॒ऽहम्⁠॥ स्वि॒ष्ट॒कृत॒ इति॑ स्विष्ट—कृतः॑⁠। अ॒हम् दे॑वय॒ज्यया᳚⁠। दे॒व॒य॒ज्यया ऽऽयु॑ष्मान्⁠। दे॒व॒य॒ज्ययेति॑ देव—य॒ज्यया᳚⁠। आयु॑ष्मान्‌य॒ज्ञेन॑⁠। य॒ज्ञेन॑ प्रति॒ष्ठाम्⁠। प्र॒ति॒ष्ठाम् ग॑मेयम्⁠। प्र॒ति॒ष्ठामिति॑ प्रति—स्थाम्⁠। ग॒मे॒य॒मिति॑⁠। इत्या॑ह⁠। आ॒हायुः॑⁠। आयु॑रे॒व⁠। ए॒वात्मन्न्⁠। आ॒त्मन् ध॑त्ते⁠। ध॒त्ते॒ प्रति॑⁠। प्रति॑ य॒ज्ञेन॑⁠। य॒ज्ञेन॑ तिष्ठति⁠। ति॒ष्ठ॒तीति॑ तिष्ठति⁠॥ [४५] (प्र॒ति॒ष्ठाम॑ह्व॒दस्तु॑वि॒द्युतं॑वस॒न्तंतेनै॒वेन्द्र॑स्या॒ऽष्टात्रि॑ꣳशच्च) ॥११॥
इन्द्र॑व्ँवः⁠। वो॒ वि॒श्वतः॑⁠। वि॒श्वत॒स्परि॑⁠। परि॒ हवा॑महे⁠। हवा॑महे॒ जने᳚भ्यः⁠। जने᳚भ्य॒ इति॒ जने᳚भ्यः⁠॥ अ॒स्माक॑मस्तु⁠। अ॒स्तु॒ केव॑लः⁠। केव॑ल॒ इति॒ केव॑लः⁠॥ इन्द्र॒म् नरः॑⁠। नरो॑ ने॒मधि॑ता⁠। ने॒मधि॑ता हवन्ते⁠। ने॒मधि॒तेति॑ ने॒म—धि॒ता॒⁠। ह॒व॒न्ते॒ यत्⁠। यत्,पार्याः᳚⁠। पार्या॑ यु॒नज॑ते⁠। यु॒नज॑ते॒ धियः॑⁠। धिय॒स्ताः⁠। ता इति॒ ताः⁠॥ शूरो॒ नृषा॑ता⁠। नृषा॑ता॒ शव॑सः⁠। नृषा॒तेति॒ नृ—सा॒ता॒⁠। शव॑सश्चका॒नः⁠। च॒का॒न आ⁠। आ गोम॑ति⁠। गोम॑ति व्र॒जे⁠। गोम॒तीति॒ गो—म॒ति॒⁠। व्र॒जे भ॑ज⁠। भ॒जा॒ त्वम्⁠। त्वम् नः॑⁠। न॒ इति॑ नः⁠॥ इ॒न्द्रि॒याणि॑ शतक्रतो⁠। श॒त॒क्र॒तो॒ या⁠। श॒त॒क्र॒तो॒ इति॑ शत—क्र॒तो॒⁠। या ते᳚⁠। ते॒ जने॑षु⁠। जने॑षु प॒ञ्चसु॑⁠। प॒ञ्चस्विति॑ प॒ञ्च—सु॒⁠॥ इन्द्र॒ तानि॑⁠। तानि॑ ते⁠। त॒ आ⁠। आ वृ॑णे⁠। वृ॒ण॒ इति॑ वृणे⁠॥ अनु॑ ते⁠। ते॒ दा॒यि॒⁠। दा॒यि॒ म॒हे⁠। म॒ह इ॑न्द्रि॒याय॑⁠। इ॒न्द्रि॒याय॑ स॒त्रा⁠। स॒त्रा ते᳚⁠। ते॒ विश्व᳚म्⁠। विश्व॒मनु॑⁠। अनु॑ वृत्र॒हत्ये᳚⁠। वृ॒त्र॒हत्य॒ इति॑ वृत्र—हत्ये᳚⁠॥ अनु॑ ख्‍ष॒त्रम्⁠। [४६] ख्‍ष॒त्रमनु॑⁠। अनु॒ सहः॑⁠। सहो॑ यजत्र⁠। य॒ज॒त्रेन्द्र॑⁠। इन्द्र॑ दे॒वेभिः॑⁠। दे॒वेभि॒रनु॑⁠। अनु॑ ते⁠। ते॒ नृ॒षह्ये᳚⁠। नृ॒षह्य॒ इति॑ नृ—सह्ये᳚⁠॥ आ यस्मि॑न्न्⁠। यस्मि᳚न्थ् स॒प्त⁠। स॒प्त वा॑स॒वाः⁠। वा॒स॒वास्तिष्ठ॑न्ति⁠। तिष्ठ॑न्ति स्वा॒रुहः॑⁠। स्वा॒रुहो॑ यथा⁠। स्वा॒रुह॒ इति॑ स्व—रुहः॑⁠। य॒थेति॑ यथा⁠॥ ऋषि॑र्‌ह⁠। ह॒ दी॒र्घ॒श्रुत्त॑मः⁠। दी॒र्घ॒श्रुत्त॑म॒ इन्द्र॑स्य⁠। दी॒र्घ॒श्रुत्त॑म॒ इति॑ दीर्घ॒श्रुत्—त॒मः॒⁠। इन्द्र॑स्य घ॒र्मः⁠। घ॒र्मो अति॑थिः⁠। अति॑थि॒रित्यति॑थिः⁠॥ आ॒मासु॑ प॒क्वम्⁠। प॒क्वमैर॑यः⁠। ऐर॑य॒ आ⁠। आ सूर्य᳚म्⁠। सूर्य॑ꣳ रोहयः⁠। रो॒ह॒यो॒ दि॒वि⁠। दि॒वीति॑ दि॒वि⁠॥ घ॒र्मम् न⁠। न साम॑न्न्⁠। साम॑न् तपत⁠। त॒प॒ता॒ सु॒वृ॒क्तिभिः॑⁠। सु॒वृ॒क्तिभि॒र् जुष्ट᳚म्⁠। सु॒वृ॒क्तिभि॒रिति॑ सुवृ॒क्ति—भिः॒⁠। जुष्ट॒म् गिर्व॑णसे⁠। गिर्व॑णसे॒ गिरः॑⁠। गिर॒ इति॒ गिरः॑⁠॥ इन्द्र॒मित्⁠। इद् गा॒थिनः॑⁠। गा॒थिनो॑ बृ॒हत्⁠। बृ॒हदिन्द्र᳚म्⁠। इन्द्र॑म॒र्केभिः॑⁠। अ॒र्केभि॑र॒र्किणः॑⁠। अ॒र्किण॒ इत्य॒र्किणः॑⁠॥ इन्द्र॒व्ँवाणीः᳚⁠। वाणी॑रनूषत⁠। अ॒नू॒ष॒तेत्य॑नूषत⁠॥ गाय॑न्ति त्वा⁠। त्वा॒ गा॒य॒त्रिणः॑⁠। गा॒य॒त्रिणो ऽर्च॑न्ति⁠। [४७] अर्च॑न्त्य॒र्कम्⁠। अ॒र्कम॒र्किणः॑⁠। अ॒र्किण॒ इत्य॒र्किणः॑⁠॥ ब्र॒ह्माण॑स्त्वा⁠। त्वा॒ श॒त॒क्र॒तो॒⁠। श॒त॒क्र॒त॒ वुत्⁠। श॒त॒क्र॒त॒विति॑ शत—क्र॒तो॒⁠। उद् व॒ꣳ॒शम्⁠। व॒ꣳ॒शमि॑व⁠। इ॒व॒ ये॒मि॒रे॒⁠। ये॒मि॒र॒ इति॑ येमिरे⁠॥ अ॒ꣳ॒हो॒मुचे॒ प्र⁠। अ॒ꣳ॒हो॒मुच॒ इत्य॑ꣳहः—मुचे᳚⁠। प्र भ॑रेम⁠। भ॒रे॒मा॒ म॒नी॒षाम्⁠। म॒नी॒षामो॑षिष्ठ॒दाव्‌न्ने᳚⁠। ओ॒षि॒ष्ठ॒दाव्‌न्ने॑ सुम॒तिम्⁠। ओ॒षि॒ष्ठ॒दाव्‌न्न॒ इत्यो॑षिष्ठ—दाव्‌न्ने᳚⁠। सु॒म॒तिं गृ॑णा॒नाः⁠। सु॒म॒तिमिति॑ सु—म॒तिम्⁠। गृ॒णा॒ना इति॑ गृणा॒नाः⁠। इ॒दमि॑न्द्र⁠। इ॒न्द्र॒ प्रति॑⁠। प्रति॑ ह॒व्यम्⁠। ह॒व्यम् गृ॑भाय⁠। गृ॒भा॒य॒ स॒त्याः⁠। स॒त्याः स॑न्तु⁠। स॒न्तु॒ यज॑मानस्य⁠। यज॑मानस्य॒ कामाः᳚⁠। कामा॒ इति॒ कामाः᳚⁠॥ वि॒वेष॒ यत्⁠। यन्मा᳚⁠। मा॒ धि॒षणा᳚⁠। धि॒षणा॑ ज॒जान॑⁠। ज॒जान॒ स्तवै᳚⁠। स्तवै॑ पु॒रा⁠। पु॒रा पार्या᳚त्⁠। पार्या॒दिन्द्र᳚म्⁠। इन्द्र॒मह्नः॑⁠। अह्न॒ इत्यह्नः॑⁠॥ अꣳह॑सो॒ यत्र॑⁠। यत्र॑ पी॒पर॑त्⁠। पी॒पर॒द् यथा᳚⁠। यथा॑ नः⁠। नो॒ ना॒वा⁠। ना॒वेव॑⁠। इ॒व॒ यान्त᳚म्⁠। यान्त॑मु॒भये᳚⁠। उ॒भये॑ हवन्ते⁠। ह॒व॒न्त॒ इति॑ हवन्ते⁠॥ प्र स॒म्राज᳚म्⁠। स॒म्राज॑म् प्रथ॒मम्⁠। स॒म्राज॒मिति॑ सम्—राज᳚म्⁠। प्र॒थ॒मम॑द्ध्व॒राणा᳚म्⁠। अ॒द्ध्व॒राणा॑मꣳहो॒मुच᳚म्⁠। [४८] अ॒ꣳ॒हो॒मुच॑व्ँवृष॒भम्⁠। अ॒ꣳ॒हो॒मुच॒मित्य॑ꣳहः—मुच᳚म्⁠। वृ॒ष॒भय्ँय॒ज्ञिया॑नाम्⁠। य॒ज्ञिया॑ना॒मिति॑ य॒ज्ञिया॑नाम्⁠॥ अ॒पाम् नपा॑तम्⁠। नपा॑तमश्विना⁠। अ॒श्वि॒ना॒ हय॑न्तम्⁠। हय॑न्तम॒स्मिन्न्⁠। अ॒स्मिन्न॑रः⁠। न॒र॒ इ॒न्द्रि॒यम्⁠। इ॒न्द्रि॒यम् ध॑त्तम्⁠। ध॒त्त॒मोजः॑⁠। ओज॒ इत्योजः॑⁠॥ वि नः॑⁠। न॒ इ॒न्द्र॒⁠। इ॒न्द्र॒ मृधः॑⁠। मृधो॑ जहि⁠। ज॒हि॒ नी॒चा⁠। नी॒चा य॑च्छ⁠। य॒च्छ॒ पृ॒त॒न्य॒तः⁠। पृ॒त॒न्य॒त इति॑ पृतन्य॒तः⁠॥ अ॒ध॒स्प॒दम् तम्⁠। अ॒ध॒स्प॒दमित्य॑धः—प॒दम्⁠। तमी᳚म्⁠। ई॒म् कृ॒धि॒⁠। कृ॒धि॒ यः⁠। यो अ॒स्मान्⁠। अ॒स्माꣳ अ॑भि॒दास॑ति⁠। अ॒भि॒दास॒तीत्य॑भि—दास॑ति⁠॥ इन्द्र॑ ख्‍ष॒त्रम्⁠। ख्‍ष॒त्रम॒भि⁠। अ॒भि वा॒मम्⁠। वा॒ममोजः॑⁠। ओजोऽजा॑यथाः⁠। अजा॑यथा वृषभ⁠। वृ॒ष॒भ॒ च॒र्॒‌ष॒णी॒नाम्⁠। च॒र्॒‌ष॒णी॒नामिति॑ चर्‌षणी॒नाम्⁠॥ अपा॑नुदः⁠। अ॒नु॒दो॒ जन᳚म्⁠। जन॑म,मित्र॒यन्त᳚म्⁠। अ॒मि॒त्र॒यन्त॑मु॒रुम्⁠। अ॒मि॒त्र॒यन्त॒मित्य॑मित्र—यन्त᳚म्⁠। उ॒रुम् दे॒वेभ्यः॑⁠। दे॒वेभ्यो॑ अकृणोः⁠। अ॒कृ॒णो॒रु॒⁠। उ॒ लो॒कम्⁠। लो॒कमिति॑ लो॒कम्⁠॥ मृ॒गो न⁠। न भी॒मः⁠। भी॒मः कु॑च॒रः⁠। कु॒च॒रो गि॑रि॒ष्ठाः⁠। गि॒रि॒ष्ठाः प॑रा॒वतः॑⁠। गि॒रि॒ष्ठा इति॑ गिरि—स्थाः⁠। प॒रा॒वत॒ आ⁠। प॒रा॒वत॒ इति॑ परा—वतः॑⁠। [४९] आ ज॑गाम⁠। ज॒गा॒मा॒ पर॑स्याः⁠। पर॑स्या॒ इति॒ पर॑स्याः⁠॥ सृ॒कꣳ स॒ꣳ॒शाय॑⁠। स॒ꣳ॒शाय॑ प॒विम्⁠। स॒ꣳ॒शायेति॑ सम्—शाय॑⁠। प॒विमि॑न्द्र⁠। इ॒न्द्र॒ ति॒ग्मम्⁠। ति॒ग्मव्ँवि⁠। वि शत्रू॑न्⁠। शत्रू᳚न् ताढि⁠। ता॒ढि॒ वि⁠। वि मृधः॑⁠। मृधो॑ नुदस्व⁠। नु॒द॒स्वेति॑ नुदस्व⁠॥ वि शत्रू॑न्⁠। शत्रू॒न्॒‌वि⁠। वि मृधः॑⁠। मृधो॑ नुद⁠। नु॒द॒ वि⁠। वि वृ॒त्रस्य॑⁠। वृ॒त्रस्य॒ हनू᳚⁠। हनू॑ रुज⁠। हनू॒ इति॒ हनू᳚⁠। रु॒जेति॑ रुज⁠॥ वि म॒न्युम्⁠। म॒न्युमि॑न्द्र⁠। इ॒न्द्र॒ भा॒मि॒तः⁠। भा॒मि॒तो॑ऽमित्र॑स्य⁠। अ॒मित्र॑स्याभि॒दास॑तः⁠। अ॒भि॒दास॑त॒ इत्य॑भि—दास॑तः⁠॥ त्रा॒तार॒मिन्द्र᳚म्⁠। इन्द्र॑मवि॒तार᳚म्⁠। अ॒वि॒तार॒मिन्द्र᳚म्⁠। इन्द्र॒ꣳ॒ हवे॑हवे⁠। हवे॑हवे सु॒हव᳚म्⁠। हवे॑हव॒ इति॒ हवे᳚—ह॒वे॒⁠। सु॒हव॒ꣳ॒ शूर᳚म्⁠। सु॒हव॒मिति॑ सु—हव᳚म्⁠। शूर॒मिन्द्र᳚म्⁠। इन्द्र॒मितीन्द्र᳚म्⁠॥ हु॒वे नु⁠। नु श॒क्रम्⁠। श॒क्रम् पु॑रुहू॒तम्⁠। पु॒रु॒हू॒तमिन्द्र᳚म्⁠। पु॒रु॒हू॒तमिति॑ पुरु—हू॒तम्⁠। इन्द्र॑ꣴ स्व॒स्ति⁠। स्व॒स्ति नः॑⁠। नो॒ म॒घवा᳚⁠। म॒घवा॑ धातु⁠। म॒घवेति॑ म॒घ—वा॒⁠। धा॒त्विन्द्रः॑⁠। इन्द्र॒ इतीन्द्रः॑⁠॥ मा ते᳚⁠। ते॒ अ॒स्याम्⁠। अ॒स्याꣳ स॑हसावन्न्⁠। [५०] स॒ह॒सा॒व॒न्,परि॑ष्टौ⁠। स॒ह॒सा॒व॒न्निति॑ सहसा—व॒न्न्॒⁠। परि॑ष्टाव॒घाय॑⁠। अ॒घाय॑ भूम⁠। भू॒म॒ ह॒रि॒वः॒⁠। ह॒रि॒वः॒ प॒रा॒दै⁠। ह॒रि॒व॒ इति॑ हरि—वः॒⁠। प॒रा॒दा इति॑ परा—दै⁠॥ त्राय॑स्व नः⁠। नो॒ ऽवृ॒केभिः॑⁠। अ॒वृ॒केभि॒र् वरू॑थैः⁠। वरू॑थै॒स्तव॑⁠। तव॑ प्रि॒यासः॑⁠। प्रि॒यासः॑ सू॒रिषु॑⁠। सू॒रिषु॑ स्याम⁠। स्या॒मेति॑ स्याम⁠॥ अन॑वस्ते⁠। ते॒ रथ᳚म्⁠। रथ॒मश्वा॑य⁠। अश्वा॑य तख्‍षन्न्⁠। त॒ख्‍ष॒न् त्वष्टा᳚⁠। त्वष्टा॒ वज्र᳚म्⁠। वज्र॑म् पुरुहूत⁠। पु॒रु॒हू॒त॒ द्यु॒मन्त᳚म्⁠। पु॒रु॒हू॒तेति॑ पुरु—हू॒त॒⁠। द्यु॒मन्त॒मिति॑ द्यु—मन्त᳚म्⁠॥ ब्र॒ह्माण॒ इन्द्र᳚म्⁠। इन्द्र॑म् म॒हय॑न्तः⁠। म॒हय॑न्तो अ॒र्कैः⁠। अ॒र्कैरव॑र्द्धयन्न्⁠। अव॑र्द्धय॒न्नह॑ये⁠। अह॑ये॒ हन्त॒वै⁠। हन्त॒वा उ॑⁠। उ॒वित्यु॑⁠॥ वृष्णे॒ यत्⁠। यत् ते᳚⁠। ते॒ वृष॑णः⁠। वृष॑णो अ॒र्कम्⁠। अ॒र्कमर्चा॑न्⁠। अर्चा॒निन्द्र॑⁠। इन्द्र॒ ग्रावा॑णः⁠। ग्रावा॑णो॒ अदि॑तिः⁠। अदि॑तिः स॒जोषाः᳚⁠। स॒जोषा॒ इति॑ स—जोषाः᳚⁠॥ अ॒न॒श्वासो॒ ये⁠। ये प॒वयः॑⁠। प॒वयो॑ऽर॒थाः⁠। अ॒र॒था इन्द्रे॑षिताः⁠। इन्द्रे॑षिता अ॒भ्यव॑र्तन्त⁠। इन्द्रे॑षिता॒ इतीन्द्र॑—इ॒षि॒ताः॒⁠। अ॒भ्यव॑र्तन्त॒ दस्यू॑न्न्⁠। अ॒भ्यव॑र्त॒न्तेत्य॑भि—अव॑र्तन्त⁠। दस्यू॒निति॒ दस्यू॑न्न्⁠॥ [५१] (वृ॒त्र॒हत्येऽनु॑गाय॒त्रिणो᳚ऽध्व॒राणां᳚परा॒वतो॒ऽस्याम॒ष्टाच॑त्वारिꣳशच्च) ॥१२॥
अनुवाकाः पञ्चशती
१२ ५१