कृष्ण यजुर्वेदीय तैत्तिरीय संहिता क्रम पाठः
तृतीयकाण्डे द्वितीयः प्रश्नः

कांड ३ प्रश्न २
पवमानग्रहादीनां व्याख्यानं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
यो वै⁠। वै पव॑मानानाम्⁠। पव॑मानाना,मन्वारो॒हान्⁠। अ॒न्वा॒रो॒हान्‌वि॒द्वान्⁠। अ॒न्वा॒रो॒हानित्य॑नु—आ॒रो॒हान्⁠। वि॒द्वान्‌यज॑ते⁠। यज॒तेऽनु॑⁠। अनु॒ पव॑मानान्⁠। पव॑माना॒ना⁠। आ रो॑हति⁠। रो॒ह॒ति॒ न⁠। न पव॑मानेभ्यः⁠। पव॑माने॒भ्योऽव॑⁠। अव॑च्छिद्यते⁠। छि॒द्य॒ते॒ श्ये॒नः⁠। श्ये॒नो॑ऽसि⁠। अ॒सि॒ गा॒य॒त्रछ॑न्दाः⁠। गा॒य॒त्रछ॑न्दा॒ अनु॑⁠। गा॒य॒त्रछ॑न्दा॒ इति॑ गाय॒त्र—छ॒न्दाः॒⁠। अनु॑ त्वा⁠। त्वा⁠। आ र॑भे⁠। र॒भे॒ स्व॒स्ति⁠। स्व॒स्ति मा᳚⁠। मा॒ सम्⁠। सम् पा॑रय⁠। पा॒र॒य॒ सु॒प॒र्णः⁠। सु॒प॒र्णो॑ ऽसि⁠। सु॒प॒र्ण इति॑ सु—प॒र्णः⁠। अ॒सि॒ त्रि॒ष्टुप्छ॑न्दाः⁠। त्रि॒ष्टुप्छ॑न्दा॒ अनु॑⁠। त्रि॒ष्टुप्छ॑न्दा॒ इति॑ त्रि॒ष्टुप्—छ॒न्दाः॒⁠। अनु॑ त्वा⁠। त्वा⁠। आ र॑भे⁠। र॒भे॒ स्व॒स्ति⁠। स्व॒स्ति मा᳚⁠। मा॒ सम्⁠। सम् पा॑रय⁠। पा॒र॒य॒ सघा᳚⁠। सघा॑ऽसि⁠। अ॒सि॒ जग॑तीछन्दाः⁠। जग॑तीछन्दा॒ अनु॑⁠। जग॑तीछन्दा॒ इति॒ जग॑ती—छ॒न्दाः॒⁠। अनु॑ त्वा⁠। त्वा⁠। आ र॑भे⁠। र॒भे॒ स्व॒स्ति⁠। स्व॒स्ति मा᳚⁠। मा॒ सम्⁠। सम् पा॑रय⁠। पा॒र॒येति॑⁠। इत्या॑ह⁠। आ॒है॒ते⁠। ए॒ते वै⁠। [१] वै पव॑मनानाम्⁠। पव॑मानाना,मन्वारो॒हाः⁠। अ॒न्वा॒रो॒हास्तान्⁠। अ॒न्वा॒रो॒हा इत्य॑नु—आ॒रो॒हाः⁠। तान्‌यः⁠। य ए॒वम्⁠। ए॒वव्ँवि॒द्वान्⁠। वि॒द्वान्‌यज॑ते⁠। यज॒तेऽनु॑⁠। अनु॒ पव॑मानान्⁠। पव॑माना॒ना⁠। आ रो॑हति⁠। रो॒ह॒ति॒ न⁠। न पव॑मानेभ्यः⁠। पव॑माने॒भ्योऽव॑⁠। अव॑च्छिद्यते⁠। छि॒द्य॒ते॒ यः⁠। यो वै⁠। वै पव॑मानस्य⁠। पव॑मानस्य॒ सन्त॑तिम्⁠। सन्त॑ति॒व्ँवेद॑⁠। सन्त॑ति॒मिति॒ सम्—त॒ति॒म्⁠। वेद॒ सर्व᳚म्⁠। सर्व॒मायुः॑⁠। आयु॑रेति⁠। ए॒ति॒ न⁠। न पु॒रा⁠। पु॒रा ऽऽयु॑षः⁠। आयु॑षः॒ प्र⁠। प्र मी॑यते⁠। मी॒य॒ते॒ प॒शु॒मान्⁠। प॒शु॒मान् भ॑वति⁠। प॒शु॒मानिति॑ पशु—मान्⁠। भ॒व॒ति॒ वि॒न्दते᳚⁠। वि॒न्दते᳚ प्र॒जाम्⁠। प्र॒जाम् पव॑मानस्य⁠। प्र॒जामिति॑ प्र—जाम्⁠। पव॑मानस्य॒ ग्रहाः᳚⁠। ग्रहा॑ गृह्यन्ते⁠। गृ॒ह्य॒न्ते ऽथ॑⁠। अथ॒ वै⁠। वा अ॑स्य⁠। अ॒स्यै॒ते⁠। ए॒ते ऽगृ॑हीताः⁠। अगृ॑हीता द्रोणकल॒शः⁠। द्रो॒ण॒क॒ल॒श आ॑धव॒नीयः॑⁠। द्रो॒ण॒क॒ल॒श इति॑ द्रोण—क॒ल॒शः⁠। आ॒ध॒व॒नीयः॑ पूत॒भृत्⁠। आ॒ध॒व॒नीय॒ इत्या᳚—ध॒व॒नीयः॑⁠। पू॒त॒भृत् तान्⁠। पू॒त॒भृदिति॑ पूत—भृत्⁠। तान्‌यत्⁠। यदगृ॑हीत्वा⁠। अगृ॑हीत्वोपाकु॒र्यात्⁠। उ॒पा॒कु॒र्यात्,पव॑मानम्⁠। उ॒पा॒कु॒र्यादित्यु॑प—आ॒कु॒र्यात्⁠। पव॑मान॒व्ँवि⁠। वि च्छि॑न्द्यात्⁠। [२] छि॒न्द्या॒त् तम्⁠। तव्ँवि॒च्छिद्य॑मानम्⁠। वि॒च्छिद्य॑मानमद्ध्व॒र्योः⁠। वि॒च्छिद्य॑मान॒मिति॑ वि—छिद्य॑मानम्⁠। अ॒द्ध्व॒र्योः प्रा॒णः⁠। प्रा॒णोऽनु॑⁠। प्रा॒ण इति॑ प्र—अ॒नः⁠। अनु॒ वि⁠। वि च्छि॑द्येत⁠। छि॒द्ये॒तो॒प॒या॒मगृ॑हीतः⁠। उ॒प॒या॒मगृ॑हीतोऽसि⁠। उ॒प॒या॒मगृ॑हीत॒ इत्यु॑पया॒म—गृ॒ही॒तः॒⁠। अ॒सि॒ प्र॒जाप॑तये⁠। प्र॒जाप॑तये त्वा⁠। प्र॒जाप॑तय॒ इति॑ प्र॒जा—प॒त॒ये॒⁠। त्वेति॑⁠। इति॑ द्रोणकल॒शम्⁠। द्रो॒ण॒क॒ल॒शम॒भि⁠। द्रो॒ण॒क॒ल॒शमिति॑ द्रोण—क॒ल॒शम्⁠। अ॒भि मृ॑शेत्⁠। मृ॒शे॒दिन्द्रा॑य⁠। इन्द्रा॑य त्वा⁠। त्वेति॑⁠। इत्या॑धव॒नीय᳚म्⁠। आ॒ध॒व॒नीय॒व्ँविश्वे᳚भ्यः⁠। आ॒ध॒व॒नीय॒मित्या᳚—ध॒व॒नीय᳚म्⁠। विश्वे᳚भ्यस्त्वा⁠। त्वा॒ दे॒वेभ्यः॑⁠। दे॒वेभ्य॒ इति॑⁠। इति॑ पूत॒भृत᳚म्⁠। पू॒त॒भृत॒म् पव॑मानम्⁠। पू॒त॒भृत॒मिति॑ पूत—भृत᳚म्⁠। पव॑मानमे॒व⁠। ए॒व तत्⁠। तथ् सम्⁠। सम् त॑नोति⁠। त॒नो॒ति॒ सर्व᳚म्⁠। सर्व॒मायुः॑⁠। आयु॑रेति⁠। ए॒ति॒ न⁠। न पु॒रा⁠। पु॒रा ऽऽयु॑षः⁠। आयु॑षः॒ प्र⁠। प्र मी॑यते⁠। मी॒य॒ते॒ प॒शु॒मान्⁠। प॒शु॒मान् भ॑वति⁠। प॒शु॒मानिति॑ पशु—मान्⁠। भ॒व॒ति॒ वि॒न्दते᳚⁠। वि॒न्दते᳚ प्र॒जाम्⁠। प्र॒जामिति॑ प्र—जाम्⁠॥ [३] (ए॒ते वि द्विच॑त्वारिꣳशच्च) ॥१॥
त्रीणि॒ वाव⁠। वाव सव॑नानि⁠। सव॑ना॒न्यथ॑⁠। अथ॑ तृ॒तीय᳚म्⁠। तृ॒तीय॒ꣳ॒ सव॑नम्⁠। सव॑न॒मव॑⁠। अव॑ लुम्पन्ति⁠। लु॒म्प॒न्त्य॒न॒ꣳ॒शु⁠। अ॒न॒ꣳ॒शु कु॒र्वन्तः॑⁠। कु॒र्वन्त॑ उपा॒ꣳ॒शुम्⁠। उ॒पा॒ꣳ॒शुꣳ हु॒त्वा⁠। उ॒पा॒ꣳ॒शुमित्यु॑प—अ॒ꣳ॒शुम्⁠। हु॒त्वोपा॑ꣳशुपा॒त्रे⁠। उ॒पा॒ꣳ॒शु॒पा॒त्रे॑ ऽꣳशुम्⁠। उ॒पा॒ꣳ॒शु॒पा॒त्र इत्यु॑पाꣳशु—पा॒त्रे⁠। अ॒ꣳ॒शुम॒वास्य॑⁠। अ॒वास्य॒ तम्⁠। अ॒वास्येत्य॑व—अस्य॑⁠। तम् तृ॑तीयसव॒ने⁠। तृ॒ती॒य॒स॒व॒ने॑ऽपि॒सृज्य॑⁠। तृ॒ती॒य॒स॒व॒न इति॑ तृतीय—स॒व॒ने⁠। अ॒पि॒सृज्या॒भि⁠। अ॒पि॒सृज्येत्य॑पि—सृज्य॑⁠। अ॒भि षु॑णुयात्⁠। सु॒नु॒या॒द् यत्⁠। यदा᳚प्या॒यय॑ति⁠। आ॒प्या॒यय॑ति॒ तेन॑⁠। आ॒प्या॒यय॒तीत्या᳚—प्या॒यय॑ति⁠। तेना॑ꣳशु॒मत्⁠। अ॒ꣳ॒शु॒मद् यत्⁠। अ॒ꣳ॒शु॒मदित्य॑ꣳशु—मत्⁠। यद॑भिषु॒णोति॑⁠। अ॒भि॒षु॒णोति॒ तेन॑⁠। अ॒भि॒षु॒णोतीत्य॑भि—सु॒नोति॑⁠। तेन॑र्जी॒षि⁠। ऋ॒जी॒षि सर्वा॑णि⁠। सर्वा᳚ण्ये॒व⁠। ए॒व तत्⁠। तथ् सव॑नानि⁠। सव॑नान्यꣳशु॒मन्ति॑⁠। अ॒ꣳ॒शु॒मन्ति॑ शु॒क्रव॑न्ति⁠। अ॒ꣳ॒शु॒मन्तीत्य॑ꣳशु—मन्ति॑⁠। शु॒क्रव॑न्ति स॒माव॑द्वीर्याणि⁠। शु॒कव॒न्तीति॑ शु॒क्र—व॒न्ति॒⁠। स॒माव॑द्वीर्याणि करोति⁠। स॒माव॑द्वीर्या॒णीति॑ स॒माव॑त्—वी॒र्या॒णि॒⁠। क॒रो॒ति॒ द्वौ⁠। द्वौ स॑मु॒द्रौ⁠। स॒मु॒द्रौ वित॑तौ⁠। वित॑तावजू॒र्यौ⁠। वित॑ता॒विति॒ वि—त॒तौ॒⁠। अ॒जू॒र्यौ प॒र्याव॑र्तेते⁠। प॒र्याव॑र्तेते ज॒ठरा᳚⁠। प॒र्याव॑र्तेते॒ इति॑ परि—आव॑र्तेते⁠। ज॒ठरे॑व⁠। इ॒व॒ पादाः᳚⁠। पादा॒ इति॒ पादाः᳚⁠॥ तयोः॒ पश्य॑न्तः⁠। पश्य॑न्तो॒ अति॑⁠। अति॑ यन्ति⁠। य॒न्त्य॒न्यम्⁠। अ॒न्यमप॑श्यन्तः⁠। अप॑श्यन्तः॒ सेतु॑ना⁠। [४] सेतु॒नाऽति॑⁠। अति॑ यन्ति⁠। य॒न्त्य॒न्यम्⁠। अ॒न्यमित्य॒न्यम्⁠॥ द्वे द्रध॑सी⁠। द्वे इति॒ द्वे⁠। द्रध॑सी स॒तती᳚⁠। द्रध॑सी॒ इति॒ द्रध॑सी⁠। स॒तती॑ वस्ते⁠। स॒तती॒ इति॑ स—तती᳚⁠। व॒स्त॒ एकः॑⁠। एकः॑ के॒शी⁠। के॒शी विश्वा᳚⁠। विश्वा॒ भुव॑नानि⁠। भुव॑नानि वि॒द्वान्⁠। वि॒द्वानिति॑ वि॒द्वान्⁠॥ ति॒रो॒धायै॑ति⁠। ति॒रो॒धायेति॑ तिरः—धाय॑⁠। ए॒त्यसि॑तम्⁠। असि॑त॒व्ँवसा॑नः⁠। वसा॑नः शु॒क्रम्⁠। शु॒क्रमा⁠। आ द॑त्ते⁠। द॒त्ते॒ अ॒नु॒हाय॑⁠। अ॒नु॒हाय॑ जा॒र्यै⁠। अ॒नु॒हायेत्य॑नु—हाय॑⁠। जा॒र्या इति॑ जा॒र्यै⁠॥ दे॒वा वै⁠। वै यत्⁠। यद् य॒ज्ञे⁠। य॒ज्ञे ऽकु॑र्वत⁠। अकु॑र्वत॒ तत्⁠। तदसु॑राः⁠। असु॑रा अकुर्वत⁠। अ॒कु॒र्व॒त॒ ते⁠। ते दे॒वाः⁠। दे॒वा ए॒तम्⁠। ए॒तम् म॑हाय॒ज्ञम्⁠। म॒हा॒य॒ज्ञम॑पश्यन्न्⁠। म॒हा॒य॒ज्ञमिति॑ महा—य॒ज्ञम्⁠। अ॒प॒श्य॒न् तम्⁠। तम॑तन्वत⁠। अ॒त॒न्व॒ता॒ग्नि॒हो॒त्रम्⁠। अ॒ग्नि॒हो॒त्रव्ँव्र॒तम्⁠। अ॒ग्नि॒हो॒त्रमित्य॑ग्नि—हो॒त्रम्⁠। व्र॒तम॑कुर्वत⁠। अ॒कु॒र्व॒त॒ तस्मा᳚त्⁠। तस्मा॒द् द्विव्र॑तः⁠। द्विव्र॑तः स्यात्⁠। द्विव्र॑त॒ इति॒ द्वि—व्र॒तः॒⁠। स्या॒द् द्विः⁠। द्विर्‌हि⁠। ह्य॑ग्निहो॒त्रम्⁠। अ॒ग्नि॒हो॒त्रम् जुह्व॑ति⁠। अ॒ग्नि॒हो॒त्रमित्य॑ग्नि—हो॒त्रम्⁠। जुह्व॑ति पौर्णमा॒सम्⁠। पौ॒र्ण॒मा॒सय्ँय॒ज्ञम्⁠। पौ॒र्ण॒मा॒समिति॑ पौर्ण—मा॒सम्⁠। य॒ज्ञम॑ग्नीषो॒मीय᳚म्⁠। अ॒ग्नी॒षो॒मीय॑म् प॒शुम्⁠। अ॒ग्नी॒षो॒मीय॒मित्य॑ग्नी—सो॒मीय᳚म्⁠। [५] प॒शुम॑कुर्वत⁠। अ॒कु॒र्व॒त॒ दा॒र्श्यम्⁠। दा॒र्श्यय्ँय॒ज्ञम्⁠। य॒ज्ञमा᳚ग्ने॒यम्⁠। आ॒ग्ने॒यम् प॒शुम्⁠। प॒शुम॑कुर्वत⁠। अ॒कु॒र्व॒त॒ वै॒श्व॒दे॒वम्⁠। वै॒श्व॒दे॒वम् प्रा॑तस्सव॒नम्⁠। वै॒श्व॒दे॒वमिति॑ वैश्व—दे॒वम्⁠। प्रा॒त॒स्स॒व॒नम॑कुर्वत⁠। प्रा॒त॒स्स॒व॒नमिति॑ प्रातः—स॒व॒नम्⁠। अ॒कु॒र्व॒त॒ व॒रु॒ण॒प्र॒घा॒सान्⁠। व॒रु॒ण॒प्र॒घा॒सान्,माद्ध्य॑न्दिनम्⁠। व॒रु॒ण॒प्र॒घा॒सानिति॑ वरुण—प्र॒घा॒सान्⁠। माद्ध्य॑न्दिन॒ꣳ॒ सव॑नम्⁠। सव॑नꣳ साकमे॒धान्⁠। सा॒क॒मे॒धान् पि॑तृय॒ज्ञम्⁠। सा॒क॒मे॒धानिति॑ साक—मे॒धान्⁠। पि॒तृ॒य॒ज्ञम् त्र्य॑म्बकान्⁠। पि॒तृ॒य॒ज्ञमिति॑ पितृ—य॒ज्ञम्⁠। त्र्य॑म्बकाꣳ तृतीयसव॒नम्⁠। त्र्य॑म्बका॒निति॒ त्रि—अ॒म्ब॒का॒न्॒⁠। तृ॒ती॒य॒स॒व॒नम॑कुर्वत⁠। तृ॒ती॒य॒स॒व॒नमिति॑ तृतीय—स॒व॒नम्⁠। अ॒कु॒र्व॒त॒ तम्⁠। तमे॑षाम्⁠। ए॒षा॒मसु॑राः⁠। असु॑रा य॒ज्ञम्⁠। य॒ज्ञम॒न्ववा॑जिगाꣳसन्न्⁠। अ॒न्ववा॑जिगाꣳस॒न् तम्⁠। अ॒न्ववा॑जिगाꣳस॒न्नित्य॑नु—अवा॑जिगाꣳसन्न्⁠। तम् न⁠। नान्ववा॑यन्न्⁠। अ॒न्ववा॑य॒न् ते⁠। अ॒न्ववा॑य॒न्नित्य॑नु—अवा॑यन्न्⁠। ते᳚ ऽब्रुवन्न्⁠। अ॒ब्रु॒व॒न्न॒द्ध्व॒र्त॒व्याः⁠। अ॒द्ध्व॒र्त॒व्या वै⁠। वा इ॒मे⁠। इ॒मे दे॒वाः⁠। दे॒वा अ॑भूवन्न्⁠। अ॒भू॒व॒न्निति॑⁠। इति॒ तत्⁠। तद॑द्ध्व॒रस्य॑⁠। अ॒द्ध्व॒रस्या᳚द्ध्वर॒त्वम्⁠। अ॒द्ध्व॒र॒त्वम् ततः॑⁠। अ॒द्ध्व॒र॒त्वमित्य॑द्ध्वर—त्वम्⁠। ततो॑ दे॒वाः⁠। दे॒वा अभ॑वन्न्⁠। अभ॑व॒न् परा᳚⁠। परा ऽसु॑राः⁠। असु॑रा॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान्थ् सोमे॑न⁠। सोमे॑न॒ यज॑ते⁠। यज॑ते॒ भव॑ति⁠। भव॑त्या॒त्मना᳚⁠। आ॒त्मना॒ परा᳚⁠। परा᳚ ऽस्य⁠। अ॒स्य॒ भ्रातृ॑व्यः⁠। भ्रातृ॑व्यो भवति⁠। भ॒व॒तीति॑ भवति⁠॥ [६] (अप॑श्यन्तोऽ ग्नीषो॒मीय॑ मा॒त्मना॒ परा॒ त्रीणि॑ च) ॥२॥
प॒रि॒भूर॒ग्निम्⁠। प॒रि॒भूरिति॑ परि—भूः⁠। अ॒ग्निम् प॑रि॒भूः⁠। प॒रि॒भूरिन्द्र᳚म्⁠। प॒रि॒भूरिति॑ परि—भूः⁠। इन्द्र॑म् परि॒भूः⁠। प॒रि॒भूर् विश्वा॑न्⁠। प॒रि॒भूरिति॑ परि—भूः⁠। विश्वा᳚न् दे॒वान्⁠। दे॒वान् प॑रि॒भूः⁠। प॒रि॒भूर् माम्⁠। प॒रि॒भूरिति॑ परि—भूः⁠। माꣳ स॒ह⁠। स॒ह ब्र॑ह्मवर्च॒सेन॑⁠। ब्र॒ह्म॒व॒र्च॒सेन॒ सः⁠। ब्र॒ह्म॒व॒र्च॒सेनेति॑ ब्रह्म—व॒र्च॒सेन॑⁠। स नः॑⁠। नः॒ प॒व॒स्व॒⁠। प॒व॒स्व॒ शम्⁠। शम् गवे᳚⁠। गवे॒ शम्⁠। शम् जना॑य⁠। जना॑य॒ शम्⁠। शमर्व॑ते⁠। अर्व॑ते॒ शम्⁠। शꣳ रा॑जन्न्⁠। रा॒ज॒न्नोष॑धीभ्यः⁠। ओष॑धी॒भ्यो ऽच्छि॑न्नस्य⁠। ओष॑धीभ्य॒ इत्योष॑धि—भ्यः॒⁠। अच्छि॑न्नस्य ते⁠। ते॒ र॒यि॒प॒ते॒⁠। र॒यि॒प॒ते॒ सु॒वीर्य॑स्य⁠। र॒यि॒प॒त॒ इति॑ रयि—प॒ते॒⁠। सु॒वीर्य॑स्य रा॒यः⁠। सु॒वीर्य॒स्येति॑ सु—वीर्य॑स्य⁠। रा॒यस्पोष॑स्य⁠। पोष॑स्य ददि॒तारः॑⁠। द॒दि॒तारः॑ स्याम⁠। स्या॒मेति॑ स्याम⁠॥ तस्य॑ मे⁠। मे॒ रा॒स्व॒⁠। रा॒स्व॒ तस्य॑⁠। तस्य॑ ते⁠। ते॒ भ॒ख्‍षी॒य॒⁠। भ॒ख्‍षी॒य॒ तस्य॑⁠। तस्य॑ ते⁠। त॒ इ॒दम्⁠। इ॒दमुत्⁠। उन् मृ॑जे⁠। मृ॒ज॒ इति॑ मृजे⁠॥ प्रा॒णाय॑ मे⁠। प्रा॒णायेति॑ प्र—अ॒नाय॑⁠। मे॒ व॒र्चो॒दाः⁠। व॒र्चो॒दा वर्च॑से⁠। व॒र्चो॒दा इति॑ वर्चः—दाः⁠। वर्च॑से पवस्व⁠। प॒व॒स्वा॒पा॒नाय॑⁠। अ॒पा॒नाय॑ व्या॒नाय॑⁠। अ॒पा॒नायेत्य॑प—अ॒नाय॑⁠। व्या॒नाय॑ वा॒चे⁠। व्या॒नायेति॑ वि—अ॒नाय॑⁠। वा॒चे द॑ख्‍षक्र॒तुभ्या᳚म्⁠। [७] द॒ख्‍ष॒क्र॒तुभ्या॒म् चख्‍षु॑र्भ्याम्⁠। द॒ख्‍ष॒क्र॒तुभ्या॒मिति॑ दख्‍षक्र॒तु—भ्या॒म्⁠। चख्‍षु॑र्भ्याम् मे⁠। चख्‍षु॑र्भ्या॒मिति॒ चख्‍षुः॑—भ्या॒म्⁠। मे॒ व॒र्चो॒दौ⁠। व॒र्चो॒दौ वर्च॑से⁠। व॒र्चो॒दाविति॑ वर्चः—दौ⁠। वर्च॑से पवेथाम्⁠। प॒वे॒था॒ꣴ॒ श्रोत्रा॑य⁠। श्रोत्रा॑या॒त्मने᳚⁠। आ॒त्मने ऽङ्‍गे᳚भ्यः⁠। अङ्‍गे᳚भ्य॒ आयु॑षे⁠। आयु॑षे वी॒र्या॑य⁠। वी॒र्या॑य॒ विष्णोः᳚⁠। विष्णो॒रिन्द्र॑स्य⁠। इन्द्र॑स्य॒ विश्वे॑षाम्⁠। विश्वे॑षाम् दे॒वाना᳚म्⁠। दे॒वाना᳚म् ज॒ठर᳚म्⁠। ज॒ठर॑मसि⁠। अ॒सि॒ व॒र्चो॒दाः⁠। व॒र्चो॒दा मे᳚⁠। व॒र्चो॒दा इति॑ वर्चः—दाः⁠। मे॒ वर्च॑से⁠। वर्च॑से पवस्व⁠। प॒व॒स्व॒ कः⁠। को॑ ऽसि⁠। अ॒सि॒ कः⁠। को नाम॑⁠। नाम॒ कस्मै᳚⁠। कस्मै᳚ त्वा⁠। त्वा॒ काय॑⁠। काय॑ त्वा⁠। त्वा॒ यम्⁠। यम् त्वा᳚⁠। त्वा॒ सोमे॑न⁠। सोमे॒नाती॑तृपम्⁠। अती॑तृप॒य्ँयम्⁠। यम् त्वा᳚⁠। त्वा॒ सोमे॑न⁠। सोमे॒नामी॑मदम्⁠। अमी॑मदꣳ सुप्र॒जाः⁠। सु॒प्र॒जाः प्र॒जया᳚⁠। सु॒प्र॒जा इति॑ सु—प्र॒जाः⁠। प्र॒जया॑ भूयासम्⁠। प्र॒जयेति॑ प्र—जया᳚⁠। भू॒या॒स॒ꣳ॒ सु॒वीरः॑⁠। सु॒वीरो॑ वी॒रैः⁠। सु॒वीर॒ इति॑ सु—वीरः॑⁠। वी॒रैः सु॒वर्चाः᳚⁠। सु॒वर्चा॒ वर्च॑सा⁠। सु॒वर्चा॒ इति॑ सु—वर्चाः᳚⁠। वर्च॑सा सु॒पोषः॑⁠। सु॒पोषः॒ पोषैः᳚⁠। सु॒पोष॒ इति॑ सु—पोषः॑⁠। पोषै॒र् विश्वे᳚भ्यः⁠। विश्वे᳚भ्यो मे⁠। मे॒ रू॒पेभ्यः॑⁠। रू॒पेभ्यो॑ वर्चो॒दाः⁠। व॒र्चो॒दा वर्च॑से⁠। व॒र्चो॒दा इति॑ वर्चः—दाः⁠। [८] वर्च॑से पवस्व⁠। प॒व॒स्व॒ तस्य॑⁠। तस्य॑ मे⁠। मे॒ रा॒स्व॒⁠। रा॒स्व॒ तस्य॑⁠। तस्य॑ ते⁠। ते॒ भ॒ख्‍षी॒य॒⁠। भ॒ख्‍षी॒य॒ तस्य॑⁠। तस्य॑ ते⁠। त॒ इ॒दम्⁠। इ॒दमुत्⁠। उन् मृ॑जे⁠। मृ॒ज॒ इति॑ मृजे⁠॥ बुभू॑ष॒न्नव॑⁠। अवे᳚ख्‍षेत⁠। ई॒ख्‍षे॒तै॒षः⁠। ए॒ष वै⁠। वै पात्रि॑यः⁠। पात्रि॑यः प्र॒जाप॑तिः⁠। प्र॒जाप॑तिर् य॒ज्ञः⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञः प्र॒जाप॑तिः⁠। प्र॒जाप॑ति॒स्तम्⁠। प्र॒जाप॑ति॒रिति॑ प्र॒जा—प॒तिः॒⁠। तमे॒व⁠। ए॒व त॑र्पयति⁠। त॒र्प॒य॒ति॒ सः⁠। स ए॑नम्⁠। ए॒न॒म् तृ॒प्तः⁠। तृ॒प्तो भूत्या᳚⁠। भूत्या॒ ऽभि⁠। अ॒भि प॑वते⁠। प॒व॒ते॒ ब्र॒ह्म॒व॒र्च॒सका॑मः⁠। ब्र॒ह्म॒व॒र्च॒सका॒मो ऽव॑⁠। ब्र॒ह्म॒व॒र्च॒सका॑म॒ इति॑ ब्रह्मवर्च॒स—का॒मः॒⁠। अवे᳚ख्‍षेत⁠। ई॒ख्‍षे॒तै॒षः⁠। ए॒ष वै⁠। वै पात्रि॑यः⁠। पात्रि॑यः प्र॒जाप॑तिः⁠। प्र॒जाप॑तिर् य॒ज्ञः⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञः प्र॒जाप॑तिः⁠। प्र॒जाप॑ति॒स्तम्⁠। प्र॒जाप॑ति॒रिति॑ प्र॒जा—प॒तिः॒⁠। तमे॒व⁠। ए॒व त॑र्पयति⁠। त॒र्प॒य॒ति॒ सः⁠। स ए॑नम्⁠। ए॒न॒म् तृ॒प्तः⁠। तृ॒प्तो ब्र॑ह्मवर्च॒सेन॑⁠। ब्र॒ह्म॒व॒र्च॒सेना॒भि⁠। ब्र॒ह्म॒व॒र्च॒सेनेति॑ ब्रह्म—व॒र्च॒सेन॑⁠। अ॒भि प॑वते⁠। प॒व॒त॒ आ॒म॒या॒वी⁠। आ॒म॒या॒व्यव॑⁠। [९] अवे᳚ख्‍षेत⁠। ई॒ख्‍षे॒तै॒षः⁠। ए॒ष वै⁠। वै पात्रि॑यः⁠। पात्रि॑यः प्र॒जाप॑तिः⁠। प्र॒जाप॑तिर् य॒ज्ञः⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञः प्र॒जाप॑तिः⁠। प्र॒जाप॑ति॒स्तम्⁠। प्र॒जाप॑ति॒रिति॑ प्र॒जा—प॒तिः॒⁠। तमे॒व⁠। एव त॑र्पयति⁠। त॒र्प॒य॒ति॒ सः⁠। स ए॑नम्⁠। ए॒न॒म् तृ॒प्तः⁠। तृ॒प्त आयु॑षा⁠। आयु॑षा॒ ऽभि⁠। अ॒भि प॑वते⁠। प॒व॒ते॒ ऽभि॒चर॑न्न्⁠। अ॒भि॒चर॒न्नव॑⁠। अ॒भि॒चर॒न्नित्य॑भि—चर॑न्न्⁠। अवे᳚ख्‍षेत⁠। ई॒ख्‍षे॒तै॒षः⁠। ए॒ष वै⁠। वै पात्रि॑यः⁠। पात्रि॑यः प्र॒जाप॑तिः⁠। प्र॒जाप॑तिर् य॒ज्ञः⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञः प्र॒जाप॑तिः⁠। प्र॒जाप॑ति॒स्तम्⁠। प्र॒जाप॑ति॒रिति॑ प्र॒जा—प॒तिः॒⁠। तमे॒व⁠। ए॒व त॑र्पयति⁠। त॒र्प॒य॒ति॒ सः⁠। स ए॑नम्⁠। ए॒न॒म् तृ॒प्तः⁠। तृ॒प्तः प्रा॑णापा॒नाभ्या᳚म्⁠। प्रा॒णा॒पा॒नाभ्या᳚व्ँवा॒चः⁠। प्रा॒णा॒पा॒नाभ्या॒मिति॑ प्राण—अ॒पा॒नाभ्या᳚म्⁠। वा॒चो द॑ख्‍षक्र॒तुभ्या᳚म्⁠। द॒ख्‍ष॒क्र॒तुभ्या॒म् चख्‍षु॑र्भ्याम्⁠। द॒ख्‍ष॒क्र॒तुभ्या॒मिति॑ दख्‍षक्र॒तु—भ्या॒म्⁠। चख्‍षु॑र्भ्या॒ꣴ॒ श्रोत्रा᳚भ्याम्⁠। चख्‍षु॑र्भ्या॒मिति॒ चख्‍षुः॑—भ्या॒म्⁠। श्रोत्रा᳚भ्यामा॒त्मनः॑⁠। आ॒त्मनो ऽङ्‍गे᳚भ्यः⁠। अङ्‍गे᳚भ्य॒ आयु॑षः⁠। आयु॑षो॒ ऽन्तः⁠। अ॒न्तरे॑ति⁠। ए॒ति॒ ता॒जक्⁠। ता॒जक् प्र⁠। प्र ध॑न्वति⁠। ध॒न्व॒तीति॑ धन्वति⁠॥ [१०] (वा॒चे रू॒पेभ्यो॑ वर्चो॒दा आ॑मया॒वी पञ्च॑चत्वारिꣳशच्च) ॥३॥
स्फ्यः स्व॒स्तिः⁠। स्व॒स्तिर् वि॑घ॒नः⁠। वि॒घ॒नः स्व॒स्तिः⁠। वि॒घ॒न इति॑ वि—घ॒नः⁠। स्व॒स्तिः पर्‌शुः॑⁠। पर्‌शु॒र् वेदिः॑⁠। वेदिः॑ पर॒शुः⁠। प॒र॒शुर् नः॑⁠। नः॒ स्व॒स्तिः⁠। स्व॒स्तिरिति॑ स्व॒स्तिः⁠॥ य॒ज्ञिया॑ यज्ञ॒कृतः॑⁠। य॒ज्ञ॒कृतः॑ स्थ⁠। य॒ज्ञ॒कृत॒ इति॑ यज्ञ—कृतः॑⁠। स्थ॒ ते⁠। ते मा᳚⁠। मा॒ ऽस्मिन्न्⁠। अ॒स्मिन्‌य॒ज्ञे⁠। य॒ज्ञ उप॑⁠। उप॑ ह्वयद्ध्वम्⁠। ह्व॒य॒द्ध्व॒मुप॑⁠। उप॑ मा⁠। मा॒ द्यावा॑पृथि॒वी⁠। द्यावा॑पृथि॒वी ह्व॑येताम्⁠। द्यावा॑पृथि॒वी इति॒ द्यावा᳚—पृ॒थि॒वी⁠। ह्व॒ये॒ता॒मुप॑⁠। उपा᳚स्ता॒वः⁠। आ॒स्ता॒वः क॒लशः॑⁠। आ॒स्ता॒व इत्या᳚—स्ता॒वः⁠। क॒लशः॒ सोमः॑⁠। सोमो॑ अ॒ग्निः⁠। अ॒ग्निरुप॑⁠। उप॑ दे॒वाः⁠। दे॒वा उप॑⁠। उप॑ य॒ज्ञः⁠। य॒ज्ञ उप॑⁠। उप॑ मा⁠। मा॒ होत्राः᳚⁠। होत्रा॑ उपह॒वे⁠। उ॒प॒ह॒वे ह्व॑यन्ताम्⁠। उ॒प॒ह॒व इत्यु॑प—ह॒वे⁠। ह्व॒य॒न्ता॒म् नमः॑⁠। नमो॒ ऽग्नये᳚⁠। अ॒ग्नये॑ मख॒घ्ने⁠। म॒ख॒घ्ने म॒खस्य॑⁠। म॒ख॒घ्न इति॑ मख—घ्ने⁠। म॒खस्य॑ मा⁠। मा॒ यशः॑⁠। यशो᳚ ऽर्यात्⁠। अ॒र्या॒दिति॑⁠। इत्या॑हव॒नीय᳚म्⁠। आ॒ह॒व॒नीय॒मुप॑⁠। आ॒ह॒व॒नीय॒मित्या᳚—ह॒व॒नीय᳚म्⁠। उप॑ तिष्ठते⁠। ति॒ष्ठ॒ते॒ य॒ज्ञः⁠। य॒ज्ञो वै⁠। वै म॒खः⁠। म॒खो य॒ज्ञम्⁠। [११] य॒ज्ञव्ँवाव⁠। वाव सः⁠। स तत्⁠। तद॑हन्न्⁠। अ॒ह॒न् तस्मै᳚⁠। तस्मा॑ ए॒व⁠। ए॒व न॑म॒स्कृत्य॑⁠। न॒म॒स्कृत्य॒ सदः॑⁠। न॒म॒स्कृत्येति॑ नमः—कृत्य॑⁠। सदः॒ प्र⁠। प्र स॑र्पति⁠। स॒र्प॒त्या॒त्मनः॑⁠। आ॒त्मनो ऽना᳚र्त्यै⁠। अना᳚र्त्यै॒ नमः॑⁠। नमो॑ रु॒द्राय॑⁠। रु॒द्राय॑ मख॒घ्ने⁠। म॒ख॒घ्ने नम॑स्कृत्या⁠। म॒ख॒घ्न इति॑ मख—घ्ने⁠। नम॑स्कृत्या मा⁠। नम॑स्कृ॒त्येति॒ नमः॑—कृ॒त्या॒⁠। मा॒ पा॒हि॒⁠। पा॒हीति॑⁠। इत्याग्नी᳚ध्रम्⁠। आग्नी᳚ध्र॒म् तस्मै᳚⁠। आग्नी᳚ध्र॒मित्याग्नि॑—इ॒ध्र॒म्⁠। तस्मा॑ ए॒व⁠। ए॒व न॑म॒स्कृत्य॑⁠। न॒म॒स्कृत्य॒ सदः॑⁠। न॒म॒स्कृत्येति॑ नमः—कृत्य॑⁠। सदः॒ प्र⁠। प्र स॑र्पति⁠। स॒र्प॒त्या॒त्मनः॑⁠। आ॒त्मनो ऽना᳚र्त्यै⁠। अना᳚र्त्यै॒ नमः॑⁠। नम॒ इन्द्रा॑य⁠। इन्द्रा॑य मख॒घ्ने⁠। म॒ख॒घ्न इ॑न्द्रि॒यम्⁠। म॒ख॒घ्न इति॑ मख—घ्ने⁠। इ॒न्द्रि॒यम् मे᳚⁠। मे॒ वी॒र्य᳚म्⁠। वी॒र्य॑म् मा⁠। मा निः⁠। निर् व॑धीः⁠। व॒धी॒रिति॑⁠। इति॑ हो॒त्रीय᳚म्⁠। हो॒त्रीय॑मा॒शिष᳚म्⁠। आ॒शिष॑मे॒व⁠। आ॒शिष॒मित्या᳚—शिष᳚म्⁠। ए॒वैताम्⁠। ए॒तामा⁠। आ शा᳚स्ते⁠। शा॒स्त॒ इ॒न्द्रि॒यस्य॑⁠। इ॒न्द्रि॒यस्य॑ वी॒र्य॑स्य⁠। वी॒र्य॑स्यानि॑र्घाताय⁠। अनि॑र्घाताय॒ याः⁠। अनि॑र्घाता॒येत्यनिः॑—घा॒ता॒य॒⁠। या वै⁠। वै दे॒वताः᳚⁠। [१२] दे॒वताः॒ सद॑सि⁠। सद॒स्यार्ति᳚म्⁠। आर्ति॑मा॒र्पय॑न्ति⁠। आ॒र्पय॑न्ति॒ यः⁠। आ॒र्पय॒न्तीत्या᳚—अ॒र्पय॑न्ति⁠। यस्ताः⁠। ता वि॒द्वान्⁠। वि॒द्वान् प्र॒सर्प॑ति⁠। प्र॒सर्प॑ति॒ न⁠। प्र॒सर्प॒तीति॑ प्र—सर्प॑ति⁠। न सद॑सि⁠। सद॒स्यार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒ति॒ नमः॑⁠। नमो॒ ऽग्नये᳚⁠। अ॒ग्नये॑ मख॒घ्ने⁠। म॒ख॒घ्न इति॑⁠। म॒ख॒घ्न इति॑ मख—घ्ने⁠। इत्या॑ह⁠। आ॒है॒ताः⁠। ए॒ता वै⁠। वै दे॒वताः᳚⁠। दे॒वताः॒ सद॑सि⁠। सद॒स्यार्ति᳚म्⁠। आर्ति॒मा⁠। आ ऽर्प॑यन्ति⁠। अ॒र्प॒य॒न्ति॒ ताः⁠। ता यः⁠। य ए॒वम्⁠। ए॒वव्ँवि॒द्वान्⁠। वि॒द्वान् प्र॒सर्प॑ति⁠। प्र॒सर्प॑ति॒ न⁠। प्र॒सर्प॒तीति॑ प्र—सर्प॑ति⁠। न सद॑सि⁠। सद॒स्यार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒ति॒ दृ॒ढे⁠। दृ॒ढे स्थः॑⁠। दृ॒ढे इति॑ दृ॒ढे⁠। स्थः॒ शि॒थि॒रे⁠। शि॒थि॒रे स॒मीची᳚⁠। शि॒थि॒रे इति॑ शिथि॒रे⁠। स॒मीची॑ मा⁠। स॒मीची॒ इति॑ स॒मीची᳚⁠। मा ऽꣳह॑सः⁠। अꣳह॑सस्पातम्⁠। पा॒त॒ꣳ॒ सूर्यः॑⁠। सूर्यो॑ मा⁠। मा॒ दे॒वः⁠। दे॒वो दि॒व्यात्⁠। दि॒व्यादꣳह॑सः⁠। अꣳह॑सस्पातु⁠। पा॒तु॒ वा॒युः⁠। वा॒युर॒न्तरि॑ख्‍षात्⁠। अ॒न्तरि॑ख्‍षाद॒ग्निः⁠। [१३] अ॒ग्निः पृ॑थि॒व्याः⁠। पृ॒थि॒व्या य॒मः⁠। य॒मः पि॒तृभ्यः॑⁠। पि॒तृभ्यः॒ सर॑स्वती⁠। पि॒तृभ्य॒ इति॑ पि॒तृ—भ्यः॒⁠। सर॑स्वती मनु॒ष्ये᳚भ्यः⁠। म॒नु॒ष्ये᳚भ्यो॒ देवी᳚⁠। देवी᳚ द्वारौ⁠। देवी॒ इति॒ देवी᳚⁠। द्वा॒रौ॒ मा⁠। मा मा᳚⁠। मा॒ सम्⁠। सम् ता᳚प्तम्⁠। ता॒प्त॒म् नमः॑⁠। नमः॒ सद॑से⁠। सद॑से॒ नमः॑⁠। नमः॒ सद॑सः⁠। सद॑स॒स्पत॑ये⁠। पत॑ये॒ नमः॑⁠। नमः॒ सखी॑नाम्⁠। सखी॑नाम् पुरो॒गाणा᳚म्⁠। पु॒रो॒गाणा॒म् चख्‍षु॑षे⁠। पु॒रो॒गाणा॒मिति॑ पुरः—गाना᳚म्⁠। चख्‍षु॑षे॒ नमः॑⁠। नमो॑ दि॒वे⁠। दि॒वे नमः॑⁠। नमः॑ पृथि॒व्यै⁠। पृ॒थि॒व्या अहे᳚⁠। अहे॑ दैधिषव्य⁠। दै॒धि॒ष॒व्योत्⁠। उदतः॑⁠। अत॑स्तिष्ठ⁠। ति॒ष्ठा॒न्यस्य॑⁠। अ॒न्यस्य॒ सद॑ने⁠। सद॑ने सीद⁠। सी॒द॒ यः⁠। यो᳚ ऽस्मत्⁠। अ॒स्मत् पाक॑तरः⁠। पाक॑तर॒ उत्⁠। पाक॑तर॒ इति॒ पाक॑—त॒रः॒⁠। उन् नि॒वतः॑⁠। नि॒वत॒ उत्⁠। नि॒वत॒ इति॑ नि—वतः॑⁠। उदु॒द्वतः॑⁠। उ॒द्वत॑श्च⁠। उ॒द्वत॒ इत्यु॑त्—वतः॑⁠। च॒ गे॒ष॒म्⁠। गे॒ष॒म् पा॒तम्⁠। पा॒तम् मा᳚⁠। मा॒ द्या॒वा॒पृ॒थि॒वी॒⁠। द्या॒वा॒पृ॒थि॒वी॒ अ॒द्य⁠। द्या॒वा॒पृ॒थि॒वी॒ इति॑ द्यावा—पृ॒थि॒वी॒⁠। अ॒द्याह्नः॑⁠। अह्नः॒ सदः॑⁠। सदो॒ वै⁠। वै प्र॒सर्प॑न्तम्⁠। प्र॒सर्प॑न्तम् पि॒तरः॑⁠। प्र॒सर्प॑न्त॒मिति॑ प्र—सर्प॑न्तम्⁠। [१४] पि॒तरो ऽनु॑⁠। अनु॒ प्र⁠। प्र स॑र्पन्ति⁠। स॒र्प॒न्ति॒ ते⁠। त ए॑नम्⁠। ए॒न॒मी॒श्व॒राः⁠। ई॒श्व॒रा हिꣳसि॑तोः⁠। हिꣳसि॑तोः॒ सदः॑⁠। सदः॑ प्र॒सृप्य॑⁠। प्र॒सृप्य॑ दख्‍षिणा॒र्द्‍धम्⁠। प्र॒सृप्येति॑ प्र—सृप्य॑⁠। द॒ख्‍षि॒णा॒र्द्‍धम् परा᳚⁠। द॒ख्‍षि॒णा॒र्द्‍धमिति॑ दख्‍षिण—अ॒र्द्‍धम्⁠। परे᳚ख्‍षेत⁠। ई॒ख्‍षे॒ता⁠। आ ऽग॑न्त⁠। अ॒ग॒न्त॒ पि॒त॒रः॒⁠। पि॒त॒रः॒ पि॒तृ॒मान्⁠। पि॒तृ॒मान॒हम्⁠। पि॒तृ॒मानिति॑ पितृ—मान्⁠। अ॒हय्ँयु॒ष्माभिः॑⁠। यु॒ष्माभि॑र् भूयासम्⁠। भू॒या॒स॒ꣳ॒ सु॒प्र॒जसः॑⁠। सु॒प्र॒जसो॒ मया᳚⁠। सु॒प्र॒जस॒ इति॑ सु—प्र॒जसः॑⁠। मया॑ यू॒यम्⁠। यू॒यम् भू॑यास्त⁠। भू॒या॒स्तेति॑⁠। इति॒ तेभ्यः॑⁠। तेभ्य॑ ए॒व⁠। ए॒व न॑म॒स्कृत्य॑⁠। न॒म॒स्कृत्य॒ सदः॑⁠। न॒म॒स्कृत्येति॑ नमः—कृत्य॑⁠। सदः॒ प्र⁠। प्र स॑र्पति⁠। स॒र्प॒त्या॒त्मनः॑⁠। आ॒त्मनो ऽना᳚र्त्यै⁠। अना᳚र्त्या॒ इत्यना᳚र्त्यै⁠॥ [१५] (म॒खो वा अ॒न्तरि॑ख्‍षात् प्र॒सर्प॑न्तं॒ त्रय॑स्त्रिꣳशच्च) ॥४॥
भख्‍षा⁠। एहि॑⁠। इ॒हि॒ मा॒⁠। मा⁠। आ वि॑श⁠। वि॒श॒ दी॒र्घा॒यु॒त्वाय॑⁠। दी॒र्घा॒यु॒त्वाय॑ शन्तनु॒त्वाय॑⁠। दी॒र्घा॒यु॒त्वायेति॑ दीर्घायु—त्वाय॑⁠। श॒न्त॒नु॒त्वाय॑ रा॒यः⁠। श॒न्त॒नु॒त्वायेति॑ शन्तनु—त्वाय॑⁠। रा॒यस्पोषा॑य⁠। पोषा॑य॒ वर्च॑से⁠। वर्च॑से सुप्रजा॒स्त्वाय॑⁠। सु॒प्र॒जा॒स्त्वाया⁠। सु॒प्र॒जा॒स्त्वायेति॑ सुप्रजाः—त्वाय॑⁠। एहि॑⁠। इ॒हि॒ व॒सो॒⁠। व॒सो॒ पु॒रो॒व॒सो॒⁠। व॒सो॒ इति॑ वसो⁠। पु॒रो॒व॒सो॒ प्रि॒यः⁠। पु॒रो॒व॒सो॒ इति॑ पुरः—व॒सो॒⁠। प्रि॒यो मे᳚⁠। मे॒ हृ॒दः⁠। हृ॒दो॑ ऽसि⁠। अ॒स्य॒श्विनोः᳚⁠। अ॒श्विनो᳚स्त्वा⁠। त्वा॒ बा॒हुभ्या᳚म्⁠। बा॒हुभ्या॑ꣳ सघ्यासम्⁠। बा॒हुभ्या॒मिति॑ बा॒हु—भ्या॒म्⁠। स॒घ्या॒स॒म् नृ॒चख्‍ष॑सम्⁠। नृ॒चख्‍ष॑सम् त्वा⁠। नृ॒चख्‍ष॑स॒मिति॑ नृ—चख्‍ष॑सम्⁠। त्वा॒ दे॒व॒⁠। दे॒व॒ सो॒म॒⁠। सो॒म॒ सु॒चख्‍षाः᳚⁠। सु॒चख्‍षा॒ अव॑⁠। सु॒चख्‍षा॒ इति॑ सु—चख्‍षाः᳚⁠। अव॑ ख्येषम्⁠। ख्ये॒ष॒म् म॒न्द्रा⁠। म॒न्द्रा ऽभिभू॑तिः⁠। अ॒भिभू॑तिः के॒तुः⁠। अ॒भिभू॑ति॒रित्य॒भि—भू॒तिः॒⁠। के॒तुर् य॒ज्ञाना᳚म्⁠। य॒ज्ञाना॒व्ँवाक्⁠। वाग् जु॑षा॒णा⁠। जु॒षा॒णा सोम॑स्य⁠। सोम॑स्य तृप्यतु⁠। तृ॒प्य॒तु॒ म॒न्द्रा⁠। म॒न्द्रा स्व॑र्वाची⁠। स्व॑र्वा॒च्यदि॑तिः⁠। स्व॑र्वा॒चीति॒ सु—अ॒र्वा॒ची॒⁠। अदि॑ति॒रना॑हतशीर्ष्णी⁠। अना॑हतशीर्ष्णी॒ वाक्⁠। अना॑हतशी॒र्ष्णीत्यना॑हत—शी॒र्ष्णी॒⁠। वाग् जु॑षा॒णा⁠। जु॒षा॒णा सोम॑स्य⁠। सोम॑स्य तृप्यतु⁠। तृ॒प्य॒त्वा⁠। एहि॑⁠। इ॒हि॒ वि॒श्व॒च॒र्॒‌ष॒णे॒⁠। वि॒श्व॒च॒र्॒‌ष॒णे॒ श॒म्भूः⁠। वि॒श्व॒च॒र्॒‌ष॒ण इति॑ विश्व—च॒र्॒‌ष॒णे॒⁠। [१६] श॒म्भूर् म॑यो॒भूः⁠। श॒म्भूरिति॑ शम्—भूः⁠। म॒यो॒भूः स्व॒स्ति⁠। म॒यो॒भूरिति॑ मयः—भूः⁠। स्व॒स्ति मा᳚⁠। मा॒ ह॒रि॒व॒र्ण॒⁠। ह॒रि॒व॒र्ण॒ प्र⁠। ह॒रि॒व॒र्णेति॑ हरि—व॒र्ण॒⁠। प्र च॑र⁠। च॒र॒ क्रत्वे᳚⁠। क्रत्वे॒ दख्‍षा॑य⁠। दख्‍षा॑य रा॒यः⁠। रा॒यस्पोषा॑य⁠। पोषा॑य सुवी॒रता॑यै⁠। सु॒वी॒रता॑यै॒ मा⁠। सु॒वी॒रता॑या॒ इति॑ सु—वी॒रता॑यै⁠। मा मा᳚⁠। मा॒ रा॒ज॒न्न्॒⁠। रा॒ज॒न् वि⁠। वि बी॑भिषः⁠। बी॒भि॒षो॒ मा⁠। मा मे᳚⁠। मे॒ हार्दि॑⁠। हार्दि॑ त्वि॒षा⁠। त्वि॒षा व॑धीः⁠। व॒धी॒रिति॑ वधीः⁠॥ वृष॑णे॒ शुष्मा॑य⁠। शुष्मा॒यायु॑षे⁠। आयु॑षे॒ वर्च॑से⁠। वर्च॑स॒ इति॒ वर्च॑से⁠॥ वसु॑मद्‍गणस्य सोम⁠। वसु॑मद्‍गण॒स्येति॒ वसु॑मत्—ग॒ण॒स्य॒⁠। सो॒म॒ दे॒व॒⁠। दे॒व॒ ते॒⁠। ते॒ म॒ति॒विदः॑⁠। म॒ति॒विदः॑ प्रातस्सव॒नस्य॑⁠। म॒ति॒विद॒ इति॑ मति—विदः॑⁠। प्रा॒त॒स्स॒व॒नस्य॑ गाय॒त्रछ॑न्दसः⁠। प्रा॒त॒स्स॒व॒नस्येति॑ प्रातः—स॒व॒नस्य॑⁠। गा॒य॒त्रछ॑न्दस॒ इन्द्र॑पीतस्य⁠। गा॒य॒त्रछ॑न्दस॒ इति॑ गाय॒त्र—छ॒न्द॒सः॒⁠। इन्द्र॑पीतस्य॒ नरा॒शꣳस॑पीतस्य⁠। इन्द्र॑पीत॒स्येतीन्द्र॑—पी॒त॒स्य॒⁠। नरा॒शꣳस॑पीतस्य पि॒तृपी॑तस्य⁠। नरा॒शꣳस॑पीत॒स्येति॒ नरा॒शꣳस॑—पी॒त॒स्य॒⁠। पि॒तृपी॑तस्य॒ मधु॑मतः⁠। पि॒तृपी॑त॒स्येति॑ पि॒तृ—पी॒त॒स्य॒⁠। मधु॑मत॒ उप॑हूतस्य⁠। मधु॑मत॒ इति॒ मधु॑—म॒तः॒⁠। उप॑हूत॒स्योप॑हूतः⁠। उप॑हूत॒स्येत्युप॑—हू॒त॒स्य॒⁠। उप॑हूतो भख्‍षयामि⁠। उप॑हूत॒ इत्युप॑—हू॒तः॒⁠। भ॒ख्‍ष॒या॒मि॒ रु॒द्रव॑द्‍गणस्य⁠। रु॒द्रव॑द्‍गणस्य सोम⁠। रु॒द्रव॑द्‍गण॒स्येति॑ रु॒द्रव॑त्—ग॒ण॒स्य॒⁠। सो॒म॒ दे॒व॒⁠। दे॒व॒ ते॒⁠। ते॒ म॒ति॒विदः॑⁠। म॒ति॒विदो॒ माद्ध्य॑न्दिनस्य⁠। म॒ति॒विद॒ इति॑ मति—विदः॑⁠। माद्ध्य॑न्दिनस्य॒ सव॑नस्य⁠। सव॑नस्य त्रि॒ष्टुप्छ॑न्दसः⁠। त्रि॒ष्टुप्छ॑न्दस॒ इन्द्र॑पीतस्य⁠। त्रि॒ष्टुप्छ॑न्दस॒ इति॑ त्रि॒ष्टुप्—छ॒न्द॒सः॒⁠। इन्द्र॑पीतस्य॒ नरा॒शꣳस॑पीतस्य⁠। इन्द्र॑पीत॒स्येतीन्द्र॑—पी॒त॒स्य॒⁠। नरा॒शꣳस॑पीतस्य पि॒तृपी॑तस्य⁠। नरा॒शꣳस॑पीत॒स्येति॒ नरा॒शꣳस॑—पी॒त॒स्य॒⁠। [१७] पि॒तृपी॑तस्य॒ मधु॑मतः⁠। पि॒तृपी॑त॒स्येति॑ पि॒तृ—पी॒त॒स्य॒⁠। मधु॑मत॒ उप॑हूतस्य⁠। मधु॑मत॒ इति॒ मधु॑—म॒तः॒⁠। उप॑हूत॒स्योप॑हूतः⁠। उप॑हूत॒स्येत्युप॑—हू॒त॒स्य॒⁠। उप॑हूतो भख्‍षयामि⁠। उप॑हूत॒ इत्युप॑—हू॒तः॒⁠। भ॒ख्‍ष॒या॒म्या॒दि॒त्यव॑द्‍गणस्य⁠। आ॒दि॒त्यव॑द्‍गणस्य सोम⁠। आ॒दि॒त्यव॑द्‍गण॒स्येत्या॑दि॒त्यव॑त्—ग॒ण॒स्य॒⁠। सो॒म॒ दे॒व॒⁠। दे॒व॒ ते॒⁠। ते॒ म॒ति॒विदः॑⁠। म॒ति॒विद॑स्तृ॒तीय॑स्य⁠। म॒ति॒विद॒ इति॑ मति—विदः॑⁠। तृ॒तीय॑स्य॒ सव॑नस्य⁠। सव॑नस्य॒ जग॑तीछन्दसः⁠। जग॑तीछन्दस॒ इन्द्र॑पीतस्य⁠। जग॑तीछन्दस॒ इति॒ जग॑ती—छ॒न्द॒सः॒⁠। इन्द्र॑पीतस्य॒ नरा॒शꣳस॑पीतस्य⁠। इन्द्र॑पीत॒स्येतीन्द्र॑—पी॒त॒स्य॒⁠। नरा॒शꣳस॑पीतस्य पि॒तृपी॑तस्य⁠। नरा॒शꣳस॑पीत॒स्येति॒ नरा॒शꣳस॑—पी॒त॒स्य॒⁠। पि॒तृपी॑तस्य॒ मधु॑मतः⁠। पि॒तृपी॑त॒स्येति॑ पि॒तृ—पी॒त॒स्य॒⁠। मधु॑मत॒ उप॑हूतस्य⁠। मधु॑मत॒ इति॒ मधु॑—म॒तः॒⁠। उप॑हूत॒स्योप॑हूतः⁠। उप॑हूत॒स्येत्युप॑—हू॒त॒स्य॒⁠। उप॑हूतो भख्‍षयामि⁠। उप॑हूत॒ इत्युप॑—हू॒तः॒⁠। भ॒ख्‍ष॒या॒मीति॑ भख्‍षयामि⁠॥ आ प्या॑यस्व⁠। प्या॒य॒स्व॒ सम्⁠। समे॑तु⁠। ए॒तु॒ ते॒⁠। ते॒ वि॒श्वतः॑⁠। वि॒श्वतः॑ सोम⁠। सो॒म॒ वृष्णि॑यम्⁠। वृष्णि॑य॒मिति॒ वृष्णि॑यम्⁠॥ भवा॒ वाज॑स्य⁠। वाज॑स्य सङ्‍ग॒थे⁠। स॒ङ्‍ग॒थ इति॑ सङ्‍ग॒थे⁠॥ हिन्व॑ मे⁠। मे॒ गात्रा᳚⁠। गात्रा॑ हरिवः⁠। ह॒रि॒वो॒ ग॒णान्⁠। ह॒रि॒व॒ इति॑ हरि—वः॒⁠। ग॒णान् मे᳚⁠। मे॒ मा⁠। मा वि⁠। वि ती॑तृषः⁠। ती॒तृ॒ष॒ इति॑ तीतृषः⁠॥ शि॒वो मे᳚⁠। मे॒ स॒प्त॒र्॒‌षीन्⁠। स॒प्त॒र्॒‌षीनुप॑⁠। स॒प्त॒र्॒‌षीनिति॑ सप्त—ऋ॒षीन्⁠। उप॑ तिष्ठस्व⁠। ति॒ष्ठ॒स्व॒ मा⁠। मा मे᳚⁠। मे ऽवा॑ङ्⁠। अवा॒ङ् नाभि᳚म्⁠। नाभि॒मति॑⁠। अति॑ गाः⁠। [१८] गा॒ इति॑ गाः⁠॥ अपा॑म॒ सोम᳚म्⁠। सोम॑म॒मृताः᳚⁠। अ॒मृता॑ अभूम⁠। अ॒भू॒माद॑र्‍श्म⁠। अद॑र्‍श्म॒ ज्योतिः॑⁠। ज्योति॒रवि॑दाम⁠। अवि॑दाम दे॒वान्⁠। दे॒वानिति॑ दे॒वान्⁠॥ किम॒स्मान्⁠। अ॒स्मान् कृ॑णवत्⁠। कृ॒ण॒व॒दरा॑तिः⁠। अरा॑तिः॒ किम्⁠। किमु॑⁠। उ॒ धू॒र्तिः⁠। धू॒र्तिर॑मृत⁠। अ॒मृ॒त॒ मर्त्य॑स्य⁠। मर्त्य॒स्येति॒ मर्त्य॑स्य⁠॥ यन् मे᳚⁠। म॒ आ॒त्मनः॑⁠। आ॒त्मनो॑ मि॒न्दा⁠। मि॒न्दा ऽभू᳚त्⁠। अभू॑द॒ग्निः⁠। अ॒ग्निस्तत्⁠। तत् पुनः॑⁠। पुन॒रा⁠। आ ऽहाः᳚⁠। अ॒हा॒र् जा॒तवे॑दाः⁠। जा॒तवे॑दा॒ विच॑र्‌षणिः⁠। जा॒तवे॑दा॒ इति॑ जा॒त—वे॒दाः॒⁠। विच॑र्‌षणि॒रिति॒ वि—च॒र्॒ष॒णिः॒⁠॥ पुन॑र॒ग्निः⁠। अ॒ग्निश्चख्‍षुः॑⁠। चख्‍षु॑रदात्⁠। अ॒दा॒त् पुनः॑⁠। पुन॒रिन्द्रः॑⁠। इन्द्रो॒ बृह॒स्पतिः॑⁠। बृह॒स्पति॒रिति॑ बृह॒स्पतिः॑⁠॥ पुन॑र् मे⁠। मे॒ अ॒श्वि॒ना॒⁠। अ॒श्वि॒ना॒ यु॒वम्⁠। यु॒वम् चख्‍षुः॑⁠। चख्‍षु॒रा⁠। आ ध॑त्तम्⁠। ध॒त्त॒म॒ख्‍ष्योः⁠। अ॒ख्‍ष्योरित्य॒ख्‍ष्योः⁠॥ इ॒ष्टय॑जुषस्ते⁠। इ॒ष्टय॑जुष॒ इती॒ष्ट—य॒जु॒षः॒⁠। ते॒ दे॒व॒⁠। दे॒व॒ सो॒म॒⁠। सो॒म॒ स्तु॒तस्तो॑मस्य⁠। स्तु॒तस्तो॑मस्य श॒स्तोक्थ॑स्य⁠। स्तु॒तस्तो॑म॒स्येति॑ स्तु॒त—स्तो॒म॒स्य॒⁠। [१९] श॒स्तोक्थ॑स्य॒ हरि॑वतः⁠। श॒स्तोक्थ॒स्येति॑ श॒स्त—उ॒क्थ॒स्य॒⁠। हरि॑वत॒ इन्द्र॑पीतस्य⁠। हरि॑वत॒ इति॒ हरि॑—व॒तः॒⁠। इन्द्र॑पीतस्य॒ मधु॑मतः⁠। इन्द्र॑पीत॒स्येतीन्द्र॑—पी॒त॒स्य॒⁠। मधु॑मत॒ उप॑हूतस्य⁠। मधु॑मत॒ इति॒ मधु॑—म॒तः॒⁠। उप॑हूत॒स्योप॑हूतः⁠। उप॑हूत॒स्येत्युप॑—हू॒त॒स्य॒⁠। उप॑हूतो भख्‍षयामि⁠। उप॑हूत॒ इत्युप॑—हू॒तः॒⁠। भ॒ख्‍ष॒या॒मीति॑ भख्‍षयामि⁠॥ आ॒पूर्याः᳚ स्थ⁠। आ॒पूर्या॒ इत्या᳚—पूर्याः᳚⁠। स्था⁠। आ मा᳚⁠। मा॒ पू॒र॒य॒त॒⁠। पू॒र॒य॒त॒ प्र॒जया᳚⁠। प्र॒जया॑ च⁠। प्र॒जयेति॑ प्र—जया᳚⁠। च॒ धने॑न⁠। धने॑न च⁠। चेति॑ च⁠॥ ए॒तत् ते᳚⁠। ते॒ त॒त॒⁠। त॒त॒ ये⁠। ये च॑⁠। च॒ त्वाम्⁠। त्वामनु॑⁠। अन्वे॒तत्⁠। ए॒तत् ते᳚⁠। ते॒ पि॒ता॒म॒ह॒⁠। पि॒ता॒म॒ह॒ प्र॒पि॒ता॒म॒ह॒⁠। प्र॒पि॒ता॒म॒ह॒ ये⁠। प्र॒पि॒ता॒म॒हेति॑ प्र—पि॒ता॒म॒ह॒⁠। ये च॑⁠। च॒ त्वाम्⁠। त्वामनु॑⁠। अन्वत्र॑⁠। अत्र॑ पितरः⁠। पि॒त॒रो॒ य॒था॒भा॒गम्⁠। य॒था॒भा॒गम् म॑न्दद्ध्वम्⁠। य॒था॒भा॒गमिति॑ यथा—भा॒गम्⁠। म॒न्द॒द्ध्व॒म् नमः॑⁠। नमो॑ वः⁠। वः॒ पि॒त॒रः॒⁠। पि॒त॒रो॒ रसा॑य⁠। रसा॑य॒ नमः॑⁠। नमो॑ वः⁠। वः॒ पि॒त॒रः॒⁠। पि॒त॒रः॒ शुष्मा॑य⁠। शुष्मा॑य॒ नमः॑⁠। नमो॑ वः⁠। वः॒ पि॒त॒रः॒⁠। पि॒त॒रो॒ जी॒वाय॑⁠। जी॒वाय॒ नमः॑⁠। नमो॑ वः⁠। वः॒ पि॒त॒रः॒⁠। पि॒त॒रः॒ स्व॒धायै᳚⁠। [२०] स्व॒धायै॒ नमः॑⁠। स्व॒धाया॒ इति॑ स्व—धायै᳚⁠। नमो॑ वः⁠। वः॒ पि॒त॒रः॒⁠। पि॒त॒रो॒ म॒न्यवे᳚⁠। म॒न्यवे॒ नमः॑⁠। नमो॑ वः⁠। वः॒ पि॒त॒रः॒⁠। पि॒त॒रो॒ घो॒राय॑⁠। घो॒राय॒ पित॑रः⁠। पित॑रो॒ नमः॑⁠। नमो॑ वः⁠। वो॒ ये⁠। य ए॒तस्मि॑न्न्⁠। ए॒तस्मि॑ल्ँलो॒के⁠। लो॒के स्थ⁠। स्थ यु॒ष्मान्⁠। यु॒ष्माꣴस्ते⁠। ते ऽनु॑⁠। अनु॒ ये⁠। ये᳚ ऽस्मिन्न्⁠। अ॒स्मिल्ँलो॒के⁠। लो॒के माम्⁠। माम् ते⁠। ते ऽनु॑⁠। अनु॒ ये⁠। य ए॒तस्मि॑न्न्⁠। ए॒तस्मि॑ल्ँलो॒के⁠। लो॒के स्थ⁠। स्थ यू॒यम्⁠। यू॒यम् तेषा᳚म्⁠। तेषा॒व्ँवसि॑ष्ठाः⁠। वसि॑ष्ठा भूयास्त⁠। भू॒या॒स्त॒ ये⁠। ये᳚ ऽस्मिन्न्⁠। अ॒स्मिल्ँलो॒के⁠। लो॒के॑ ऽहम्⁠। अ॒हम् तेषा᳚म्⁠। तेषा॒व्ँवसि॑ष्ठः⁠। वसि॑ष्ठो भूयासम्⁠। भू॒या॒स॒म् प्रजा॑पते⁠। प्रजा॑पते॒ न⁠। प्रजा॑पत॒ इति॒ प्रजा᳚—प॒ते॒⁠। न त्वत्⁠। त्वदे॒तानि॑⁠। ए॒तान्य॒न्यः⁠। अ॒न्यो विश्वा᳚⁠। विश्वा॑ जा॒तानि॑⁠। जा॒तानि॒ परि॑⁠। परि॒ ता⁠। ता ब॑भूव⁠। ब॒भू॒वेति॑ बभूव⁠॥ [२१] यत्का॑मास्ते⁠। यत्का॑मा॒ इति॒ यत्—का॒माः॒⁠। ते॒ जु॒हु॒मः⁠। जु॒हु॒म स्तत्⁠। तन् नः॑⁠। नो॒ अ॒स्तु॒⁠। अ॒स्तु॒ व॒यम्⁠। व॒यꣴ स्या॑म⁠। स्या॒म॒ पत॑यः⁠। पत॑यो रयी॒णाम्⁠। र॒यी॒णामिति॑ रयी॒णाम्⁠॥ दे॒वकृ॑त॒स्यैन॑सः⁠। दे॒वकृ॑त॒स्येति॑ दे॒व—कृ॒त॒स्य॒⁠। एन॑सो ऽव॒यज॑नम्⁠। अ॒व॒यज॑नमसि⁠। अ॒व॒यज॑न॒मित्य॑व—यज॑नम्⁠। अ॒सि॒ म॒नु॒ष्य॑कृतस्य⁠। म॒नु॒ष्य॑कृत॒स्यैन॑सः⁠। म॒नु॒ष्य॑कृत॒स्येति॑ मनु॒ष्य॑—कृ॒त॒स्य॒⁠। एन॑सो ऽव॒यज॑नम्⁠। अ॒व॒यज॑नमसि⁠। अ॒व॒यज॑न॒मित्य॑व—यज॑नम्⁠। अ॒सि॒ पि॒तृकृ॑तस्य⁠। पि॒तृकृ॑त॒स्यैन॑सः⁠। पि॒तृकृ॑त॒स्येति॑ पि॒तृ—कृ॒त॒स्य॒⁠। एन॑सो ऽव॒यज॑नम्⁠। अ॒व॒यज॑नमसि⁠। अ॒व॒यज॑न॒मित्य॑व—यज॑नम्⁠। अ॒स्य॒फ्सु⁠। अ॒फ्सु धौ॒तस्य॑⁠। अ॒फ्‍स्वित्य॑प्—सु⁠। धौ॒तस्य॑ सोम⁠। सो॒म॒ दे॒व॒⁠। दे॒व॒ ते॒⁠। ते॒ नृभिः॑⁠। नृभिः॑ सु॒तस्य॑⁠। नृभि॒रिति॒ नृ—भिः॒⁠। सु॒तस्ये॒ष्टय॑जुषः⁠। इ॒ष्टय॑जुषः स्तु॒तस्तो॑मस्य⁠। इ॒ष्टय॑जुष॒ इती॒ष्ट—य॒जु॒षः॒⁠। स्तु॒तस्तो॑मस्य श॒स्तोक्थ॑स्य⁠। स्तु॒तस्तो॑म॒स्येति॑ स्तु॒त—स्तो॒म॒स्य॒⁠। श॒स्तोक्थ॑स्य॒ यः⁠। श॒स्तोक्थ॒स्येति॑ श॒स्त—उ॒क्थ॒स्य॒⁠। यो भ॒ख्‍षः⁠। भ॒ख्‍षो अ॑श्व॒सनिः॑⁠। अ॒श्व॒सनि॒र् यः⁠। अ॒श्व॒सनि॒रित्य॑श्व—सनिः॑⁠। यो गो॒सनिः॑⁠। गो॒सनि॒स्तस्य॑⁠। गो॒सनि॒रिति॑ गो—सनिः॑⁠। तस्य॑ ते⁠। ते॒ पि॒तृभिः॑⁠। पि॒तृभि॑र् भ॒ख्‍षङ्‍कृ॑तस्य⁠। पि॒तृभि॒रिति॑ पि॒तृ—भिः॒⁠। भ॒ख्‍षङ्‍कृ॑त॒,स्योप॑हूतस्य⁠। भ॒ख्‍षङ्‍कृ॑त॒स्येति॑ भ॒ख्‍षम्—कृ॒त॒स्य॒⁠। उप॑हूत॒स्योप॑हूतः⁠। उप॑हूत॒स्येत्युप॑—हू॒त॒स्य॒⁠। उप॑हूतो भख्‍षयामि⁠। उप॑हूत॒ इत्युप॑—हू॒तः॒⁠। भ॒ख्‍ष॒या॒मीति॑ भख्‍षयामि⁠॥ [२२] (वि॒श्व॒च॒र्‌ष॒णे॒ त्रि॒ष्टुप्छ॑न्दस॒ इन्द्र॑पीतस्य॒ नरा॒शꣳ स॑पीत॒स्या ऽति॑ स्तु॒तस्तो॑मस्य जी॒वाय॒ नमो॑ वः पितरो बभूव॒ चतु॑श्चत्वारिꣳशच्च) ॥५॥
म॒ही॒नाम् पयः॑⁠। पयो॑ ऽसि⁠। अ॒सि॒ विश्वे॑षाम्⁠। विश्वे॑षाम् दे॒वाना᳚म्⁠। दे॒वाना᳚म् त॒नूः⁠। त॒नूर्‌ऋ॒द्ध्यास᳚म्⁠। ऋ॒द्ध्यास॑म॒द्य⁠। अ॒द्य पृष॑तीनाम्⁠। पृष॑तीना॒म् ग्रह᳚म्⁠। ग्रह॒म् पृष॑तीनाम्⁠। पृष॑तीना॒म् ग्रहः॑⁠। ग्रहो॑ ऽसि⁠। अ॒सि॒ विष्णोः᳚⁠। विष्णो॒र्॒‌हृद॑यम्⁠। हृद॑यमसि⁠। अ॒स्येक᳚म्⁠। एक॑मिष⁠। इ॒ष॒ विष्णुः॑⁠। विष्णु॑स्त्वा⁠। त्वा ऽनु॑⁠। अनु॒ वि⁠। वि च॑क्रमे⁠। च॒क्र॒मे॒ भू॒तिः⁠। भू॒तिर् द॒द्ध्ना⁠। द॒द्ध्ना घृ॒तेन॑⁠। घृ॒तेन॑ वर्द्धताम्⁠। व॒र्द्ध॒ता॒म् तस्य॑⁠। तस्य॑ मा⁠। मे॒ष्टस्य॑⁠। इ॒ष्टस्य॑ वी॒तस्य॑⁠। वी॒तस्य॒ द्रवि॑णम्⁠। द्रवि॑ण॒मा⁠। आ ग॑म्यात्⁠। ग॒म्या॒ज् ज्योतिः॑⁠। ज्योति॑रसि⁠। अ॒सि॒ वै॒श्वा॒न॒रम्⁠। वै॒श्वा॒न॒रम् पृश्ञि॑यै⁠। पृश्ञि॑यै दु॒ग्धम्⁠। दु॒ग्धय्ँयाव॑ती⁠। याव॑ती॒ द्यावा॑पृथि॒वी⁠। याव॑ती॒ इति॒ याव॑ती⁠। द्यावा॑पृथि॒वी म॑हि॒त्वा⁠। द्यावा॑पृथि॒वी इति॒ द्यावा᳚—पृ॒थि॒वी⁠। म॒हि॒त्वा याव॑त्⁠। म॒हि॒त्वेति॑ महि—त्वा⁠। याव॑च् च⁠। च॒ स॒प्त⁠। स॒प्त सिन्ध॑वः⁠। सिन्ध॑वो वित॒स्थुः⁠। वि॒त॒स्थुरि॑ति वि—त॒स्थुः⁠॥ ताव॑न्तमिन्द्र⁠। इ॒न्द्र॒ ते॒⁠। ते॒ ग्रह᳚म्⁠। [२३] ग्रह॑ꣳ स॒ह⁠। स॒होर्जा⁠। ऊ॒र्जा गृ॑ह्णामि⁠। गृ॒ह्णा॒म्यस्तृ॑तम्⁠। अस्तृ॑त॒मित्यस्तृ॑तम्⁠॥ यत् कृ॑ष्णशकु॒नः⁠। कृ॒ष्ण॒श॒कु॒नः पृ॑षदा॒ज्यम्⁠। कृ॒ष्ण॒श॒कु॒न इति॑ कृष्ण—श॒कु॒नः⁠। पृ॒ष॒दा॒ज्य,म॑वमृ॒शेत्⁠। पृ॒ष॒दा॒ज्यमिति॑ पृषत्—आ॒ज्यम्⁠। अ॒व॒मृ॒शेच्छू॒द्राः⁠। अ॒व॒मृ॒शेदित्य॑व—मृ॒शेत्⁠। शू॒द्रा अ॑स्य⁠। अ॒स्य॒ प्र॒मायु॑काः⁠। प्र॒मायु॑काः स्युः⁠। प्र॒मायु॑का॒ इति॑ प्र—मायु॑काः⁠। स्यु॒र् यत्⁠। यच्छ्‌वा⁠। श्वा ऽव॑मृ॒शेत्⁠। अ॒व॒मृ॒शेच् चतु॑ष्पादः⁠। अ॒व॒मृ॒शेदित्य॑व—मृ॒शेत्⁠। चतु॑ष्पादो ऽस्य⁠। चतु॑ष्पाद॒ इति॒ चतुः॑—पा॒दः॒⁠। अ॒स्य॒ प॒शवः॑⁠। प॒शवः॑ प्र॒मायु॑काः⁠। प्र॒मायु॑काः स्युः⁠। प्र॒मायु॑का॒ इति॑ प्र—मायु॑काः⁠। स्यु॒र् यत्⁠। यथ् स्कन्दे᳚त्⁠। स्कन्दे॒द् यज॑मानः⁠। यज॑मानः प्र॒मायु॑कः⁠। प्र॒मायु॑कः स्यात्⁠। प्र॒मायु॑क॒ इति॑ प्र—मायु॑कः⁠। स्या॒त् प॒शवः॑⁠। प॒शवो॒ वै⁠। वै पृ॑षदा॒ज्यम्⁠। पृ॒ष॒दा॒ज्यम् प॒शवः॑⁠। पृ॒ष॒दा॒ज्यमिति॑ पृषत्—आ॒ज्यम्⁠। प॒शवो॒ वै⁠। वा ए॒तस्य॑⁠। ए॒तस्य॑ स्कन्दन्ति⁠। स्क॒न्द॒न्ति॒ यस्य॑⁠। यस्य॑ पृषदा॒ज्यम्⁠। पृ॒ष॒दा॒ज्यꣴ स्कन्द॑ति⁠। पृ॒ष॒दा॒ज्यमिति॑ पृषत्—आ॒ज्यम्⁠। स्कन्द॑ति॒ यत्⁠। यत् पृ॑षदा॒ज्यम्⁠। पृ॒ष॒दा॒ज्यम् पुनः॑⁠। पृ॒ष॒दा॒ज्यमिति॑ पृषत्—आ॒ज्यम्⁠। पुन॑र् गृ॒ह्णाति॑⁠। गृ॒ह्णाति॑ प॒शून्⁠। प॒शूने॒व⁠। ए॒वास्मै᳚⁠। अ॒स्मै॒ पुनः॑⁠। पुन॑र् गृह्णाति⁠। गृ॒ह्णा॒ति॒ प्रा॒णः⁠। प्रा॒णो वै⁠। प्रा॒ण इति॑ प्र—अ॒नः⁠। वै पृ॑षदा॒ज्यम्⁠। पृ॒ष॒दा॒ज्यम् प्रा॒णः⁠। पृ॒ष॒दा॒ज्यमिति॑ पृषत्—आ॒ज्यम्⁠। प्रा॒णो वै⁠। प्रा॒ण इति॑ प्र—अ॒नः⁠। वा ए॒तस्य॑⁠। [२४] ए॒तस्य॑ स्कन्दति⁠। स्क॒न्द॒ति॒ यस्य॑⁠। यस्य॑ पृषदा॒ज्यम्⁠। पृ॒ष॒दा॒ज्यꣴ स्कन्द॑ति⁠। पृ॒ष॒दा॒ज्यमिति॑ पृषत्—आ॒ज्यम्⁠। स्कन्द॑ति॒ यत्⁠। यत् पृ॑षदा॒ज्यम्⁠। पृ॒ष॒दा॒ज्यम् पुनः॑⁠। पृ॒ष॒दा॒ज्यमिति॑ पृषत्—आ॒ज्यम्⁠। पुन॑र् गृ॒ह्णाति॑⁠। गृ॒ह्णाति॑ प्रा॒णम्⁠। प्रा॒णमे॒व⁠। प्रा॒णमिति॑ प्र—अ॒नम्⁠। ए॒वास्मै᳚⁠। अ॒स्मै॒ पुनः॑⁠। पुन॑र् गृह्णाति⁠। गृ॒ह्णा॒ति॒ हिर॑ण्यम्⁠। हिर॑ण्यमव॒धाय॑⁠। अ॒व॒धाय॑ गृह्णाति⁠। अ॒व॒धायेत्य॑व—धाय॑⁠। गृ॒ह्णा॒त्य॒मृत᳚म्⁠। अ॒मृत॒व्ँवै⁠। वै हिर॑ण्यम्⁠। हिर॑ण्यम् प्रा॒णः⁠। प्रा॒णः पृ॑षदा॒ज्यम्⁠। प्रा॒ण इति॑ प्र—अ॒नः⁠। पृ॒ष॒दा॒ज्यम॒मृत᳚म्⁠। पृ॒ष॒दा॒ज्यमिति॑ पृषत्—आ॒ज्यम्⁠। अ॒मृत॑मे॒व⁠। ए॒वास्य॑⁠। अ॒स्य॒ प्रा॒णे⁠। प्रा॒णे द॑धाति⁠। प्रा॒ण इति॑ प्र—अ॒ने⁠। द॒धा॒ति॒ श॒तमा॑नम्⁠। श॒तमा॑नम् भवति⁠। श॒तमा॑न॒मिति॑ श॒त—मा॒न॒म्⁠। भ॒व॒ति॒ श॒तायुः॑⁠। श॒तायुः॒ पुरु॑षः⁠। श॒तायु॒रिति॑ श॒त—आ॒युः॒⁠। पुरु॑षः श॒तेन्द्रि॑यः⁠। श॒तेन्द्रि॑य॒ आयु॑षि⁠। श॒तेन्द्रि॑य॒ इति॑ श॒त—इ॒न्द्रि॒यः॒⁠। आयु॑ष्ये॒व⁠। ए॒वेन्द्रि॒ये⁠। इ॒न्द्रि॒ये प्रति॑⁠। प्रति॑ तिष्ठति⁠। ति॒ष्ठ॒त्यश्व᳚म्⁠। अश्व॒मव॑⁠। अव॑ घ्रापयति⁠। घ्रा॒प॒य॒ति॒ प्रा॒जा॒प॒त्यः⁠। प्रा॒जा॒प॒त्यो वै⁠। प्रा॒जा॒प॒त्य इति॑ प्राजा—प॒त्यः⁠। वा अश्वः॑⁠। अश्वः॑ प्राजाप॒त्यः⁠। प्रा॒जा॒प॒त्यः प्रा॒णः⁠। प्रा॒जा॒प॒त्य इति॑ प्राजा—प॒त्यः⁠। प्रा॒णः स्वात्⁠। प्रा॒ण इति॑ प्र—अ॒नः⁠। स्वादे॒व⁠। ए॒वास्मै᳚⁠। अ॒स्मै॒ योनेः᳚⁠। योनेः᳚ प्रा॒णम्⁠। प्रा॒णम् निः⁠। प्रा॒णमिति॑ प्र—अ॒नम्⁠। निर् मि॑मीते⁠। मि॒मी॒ते॒ वि⁠। वि वै⁠। वा ए॒तस्य॑⁠। ए॒तस्य॑ य॒ज्ञः⁠। य॒ज्ञ श्छि॑द्यते⁠। छि॒द्य॒ते॒ यस्य॑⁠। यस्य॑ पृषदा॒ज्यम्⁠। पृ॒ष॒दा॒ज्यꣴ स्कन्द॑ति⁠। पृ॒ष॒दा॒ज्यमिति॑ पृषत्—आ॒ज्यम्⁠। स्कन्द॑ति वैष्ण॒व्या⁠। वै॒ष्ण॒व्यर्चा⁠। ऋ॒चा पुनः॑⁠। पुन॑र् गृह्णाति⁠। गृ॒ह्णा॒ति॒ य॒ज्ञः⁠। य॒ज्ञो वै⁠। वै विष्णुः॑⁠। विष्णु॑र् य॒ज्ञेन॑⁠। य॒ज्ञेनै॒व⁠। ए॒व य॒ज्ञम्⁠। य॒ज्ञꣳ सम्⁠। सम् त॑नोति⁠। त॒नो॒तीति॑ तनोति⁠॥ [२५] (ते॒ पृ॒ष॒दा॒ज्यं प्रा॒णो वै योनेः᳚ प्रा॒णं द्वावि॑ꣳशतिश्च) ॥६॥
देव॑ सवितः⁠। स॒वि॒त॒रे॒तत्⁠। ए॒तत् ते᳚⁠। ते॒ प्र⁠। प्राह॑⁠। आ॒ह॒ तत्⁠। तत् प्र⁠। प्र च॑⁠। च॒ सु॒व⁠। सु॒व प्र⁠। प्र च॑⁠। च॒ य॒ज॒⁠। य॒ज॒ बृह॒स्पतिः॑⁠। बृह॒स्पति॑र् ब्र॒ह्मा⁠। ब्र॒ह्मा ऽऽयु॑ष्मत्याः⁠। आयु॑ष्मत्या ऋ॒चः⁠। ऋ॒चो मा⁠। मा गा॑त⁠। गा॒त॒ त॒नू॒पात्⁠। त॒नू॒पाथ् साम्नः॑⁠। त॒नू॒पादिति॑ तनू—पात्⁠। साम्नः॑ स॒त्याः⁠। स॒त्या वः॑⁠। व॒ आ॒शिषः॑⁠। आ॒शिषः॑ सन्तु⁠। आ॒शिष॒ इत्या᳚—शिषः॑⁠। स॒न्तु॒ स॒त्याः⁠। स॒त्या आकू॑तयः⁠। आकू॑तय ऋ॒तम्⁠। आकू॑तय॒ इत्या—कू॒त॒यः॒⁠। ऋ॒तम् च॑⁠। च॒ स॒त्यम्⁠। स॒त्यम् च॑⁠। च॒ व॒द॒त॒⁠। व॒द॒त॒ स्तु॒त⁠। स्तु॒त दे॒वस्य॑⁠। दे॒वस्य॑ सवि॒तुः⁠। स॒वि॒तुः प्र॑स॒वे⁠। प्र॒स॒वे स्तु॒तस्य॑⁠। प्र॒स॒व इति॑ प्र—स॒वे⁠। स्तु॒तस्य॑ स्तु॒तम्⁠। स्तु॒तम॑सि⁠। अ॒स्यूर्ज᳚म्⁠। ऊर्ज॒म् मह्य᳚म्⁠। मह्य॑ꣴ स्तु॒तम्⁠। स्तु॒तम् दु॑हाम्⁠। दु॒हा॒मा⁠। आ मा᳚⁠। मा॒ स्तु॒तस्य॑⁠। स्तु॒तस्य॑ स्तु॒तम्⁠। स्तु॒तम् ग॑म्यात्⁠। ग॒म्या॒च्छ॒स्त्रस्य॑⁠। श॒स्त्रस्य॑ श॒स्त्रम्⁠। श॒स्त्रम॑सि⁠। [२६] अ॒स्यूर्ज᳚म्⁠। ऊर्ज॒म् मह्य᳚म्⁠। मह्य॑ꣳ श॒स्त्रम्⁠। श॒स्त्रम् दु॑हाम्⁠। दु॒हा॒मा⁠। आ मा᳚⁠। मा॒ श॒स्त्रस्य॑⁠। श॒स्त्रस्य॑ श॒स्त्रम्⁠। श॒स्त्रम् ग॑म्यात्⁠। ग॒म्या॒दि॒न्द्रि॒याव॑न्तः⁠। इ॒न्द्रि॒याव॑न्तो वनामहे⁠। इ॒न्द्रि॒याव॑न्त॒ इती᳚न्द्रि॒य—व॒न्तः॒⁠। व॒ना॒म॒हे॒ धु॒ख्‍षी॒महि॑⁠। धु॒ख्‍षी॒महि॑ प्र॒जाम्⁠। प्र॒जामिष᳚म्⁠। प्र॒जामिति॑ प्र—जाम्⁠। इष॒मितीष᳚म्⁠॥ सा मे᳚⁠। मे॒ स॒त्या⁠। स॒त्या ऽऽशीः⁠। आ॒शीर् दे॒वेषु॑⁠। आ॒शीरित्या᳚—शीः⁠। दे॒वेषु॑ भूयात्⁠। भू॒या॒द् ब्र॒ह्म॒व॒र्च॒सम्⁠। ब्र॒ह्म॒व॒र्च॒सम् मा᳚⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। मा⁠। आ ग॑म्यात्⁠। ग॒म्या॒दिति॑ गम्यात्⁠॥ य॒ज्ञो ब॑भूव⁠। ब॒भू॒व॒ सः⁠। स आ⁠। आ ब॑भूव⁠। ब॒भू॒व॒ सः⁠। स प्र⁠। प्र ज॑ज्ञे⁠। ज॒ज्ञे॒ सः⁠। स वा॑वृधे⁠। वा॒वृ॒ध॒ इति॑ वावृधे⁠॥ स दे॒वाना᳚म्⁠। दे॒वाना॒मधि॑पतिः⁠। अधि॑पतिर् बभूव⁠। अधि॑पति॒रित्यधि॑—प॒तिः॒⁠। ब॒भू॒व॒ सः⁠। सो अ॒स्मान्⁠। अ॒स्माꣳ अधि॑पतीन्⁠। अधि॑पतीन् करोतु⁠। अधि॑पती॒नित्यधि॑—प॒ती॒न्॒⁠। क॒रो॒तु॒ व॒यम्⁠। व॒यꣴ स्या॑म⁠। स्या॒म॒ पत॑यः⁠। पत॑यो रयी॒णाम्⁠। र॒यी॒णामिति॑ रयी॒णाम्⁠॥ य॒ज्ञो वा᳚⁠। वा॒ वै⁠। वै य॒ज्ञप॑तिम्⁠। [२७] य॒ज्ञप॑तिम् दु॒हे⁠। य॒ज्ञप॑ति॒मिति॑ य॒ज्ञ—प॒ति॒म्⁠। दु॒हे य॒ज्ञप॑तिः⁠। य॒ज्ञप॑तिर् वा⁠। य॒ज्ञप॑ति॒रिति॑ य॒ज्ञ—प॒तिः॒⁠। वा॒ य॒ज्ञम्⁠। य॒ज्ञम् दु॑हे⁠। दु॒हे॒ सः⁠। स यः⁠। यः स्तु॑तश॒स्त्रयोः᳚⁠। स्तु॒त॒श॒स्त्रयो॒र् दोह᳚म्⁠। स्तु॒त॒श॒स्त्रयो॒रिति॑ स्तुत—श॒स्त्रयोः᳚⁠। दोह॒मवि॑द्वान्⁠। अवि॑द्वा॒न्॒‌यज॑ते⁠। यज॑ते॒ तम्⁠। तय्ँय॒ज्ञः⁠। य॒ज्ञो दु॑हे⁠। दु॒हे॒ सः⁠। स इ॒ष्ट्‍वा⁠। इ॒ष्ट्‍वा पापी॑यान्⁠। पापी॑यान् भवति⁠। भ॒व॒ति॒ यः⁠। य ए॑नयोः⁠। ए॒न॒यो॒र् दोह᳚म्⁠। दोह॑व्ँवि॒द्वान्⁠। वि॒द्वान्‌यज॑ते⁠। यज॑ते॒ सः⁠। स य॒ज्ञम्⁠। य॒ज्ञम् दु॑हे⁠। दु॒हे॒ सः⁠। स इ॒ष्ट्‍वा⁠। इ॒ष्ट्‍वा वसी॑यान्⁠। वसी॑यान् भवति⁠। भ॒व॒ति॒ स्तु॒तस्य॑⁠। स्तु॒तस्य॑ स्तु॒तम्⁠। स्तु॒तम॑सि⁠। अ॒स्यूर्ज᳚म्⁠। ऊर्ज॒म् मह्य᳚म्⁠। मह्य॑ꣴ स्तु॒तम्⁠। स्तु॒तम् दु॑हाम्⁠। दु॒हा॒मा⁠। आ मा᳚⁠। मा॒ स्तु॒तस्य॑⁠। स्तु॒तस्य॑ स्तु॒तम्⁠। स्तु॒तम् ग॑म्यात्⁠। ग॒म्या॒च्छ॒स्त्रस्य॑⁠। श॒स्त्रस्य॑ श॒स्त्रम्⁠। श॒स्त्रम॑सि⁠। अ॒स्यूर्ज᳚म्⁠। ऊर्ज॒म् मह्य᳚म्⁠। मह्य॑ꣳ श॒स्त्रम्⁠। श॒स्त्रम् दु॑हाम्⁠। दु॒हा॒मा⁠। आ मा᳚⁠। मा॒ श॒स्त्रस्य॑⁠। श॒स्त्रस्य॑ श॒स्त्रम्⁠। श॒स्त्रम् ग॑म्यात्⁠। ग॒म्या॒दिति॑⁠। इत्या॑ह⁠। आ॒है॒षः⁠। ए॒ष वै⁠। वै स्तु॑तश॒स्त्रयोः᳚⁠। स्तु॒त॒श॒स्त्रयो॒र् दोहः॑⁠। स्तु॒त॒श॒स्त्रयो॒रिति॑ स्तुत—श॒स्त्रयोः᳚⁠। दोह॒स्तम्⁠। तय्ँयः⁠। य ए॒वम्⁠। ए॒वव्ँवि॒द्वान्⁠। वि॒द्वान्‌यज॑ते⁠। यज॑ते दु॒हे⁠। दु॒ह ए॒व⁠। ए॒व य॒ज्ञम्⁠। य॒ज्ञमि॒ष्ट्‍वा⁠। इ॒ष्ट्‍वा वसी॑यान्⁠। वसी॑यान् भवति⁠। भ॒व॒तीति॑ भवति⁠॥ [२८] (श॒स्त्रं वै श॒स्त्रन्दु॑हां॒ द्वावि॑ꣳशतिश्च) ॥७॥
श्ये॒नाय॒ पत्व॑ने⁠। पत्व॑ने॒ स्वाहा᳚⁠। स्वाहा॒ वट्⁠। वट्थ् स्व॒यम॑भिगूर्ताय⁠। स्व॒यम॑भिगूर्ताय॒ नमः॑⁠। स्व॒यम॑भिगूर्ता॒येति॑ स्व॒यम्—अ॒भि॒गू॒र्ता॒य॒⁠। नमो॑ विष्ट॒म्भाय॑⁠। वि॒ष्ट॒म्भाय॒ धर्म॑णे⁠। वि॒ष्ट॒म्भायेति॑ वि—स्त॒म्भाय॑⁠। धर्म॑णे॒ स्वाहा᳚⁠। स्वाहा॒ वट्⁠। वट्थ् स्व॒यम॑भिगूर्ताय⁠। स्व॒यम॑भिगूर्ताय॒ नमः॑⁠। स्व॒यम॑भिगूर्ता॒येति॑ स्व॒यम्—अ॒भि॒गू॒र्ता॒य॒⁠। नमः॑ परि॒धये᳚⁠। प॒रि॒धये॑ जन॒प्रथ॑नाय⁠। प॒रि॒धय॒ इति॑ परि—धये᳚⁠। ज॒न॒प्रथ॑नाय॒ स्वाहा᳚⁠। ज॒न॒प्रथ॑ना॒येति॑ जन—प्रथ॑नाय⁠। स्वाहा॒ वट्⁠। वट्थ् स्व॒यम॑भिगूर्ताय⁠। स्व॒यम॑भिगूर्ताय॒ नमः॑⁠। स्व॒यम॑भिगूर्ता॒येति॑ स्व॒यम्—अ॒भि॒गू॒र्ता॒य॒⁠। नम॑ ऊ॒र्जे⁠। ऊ॒र्जे होत्रा॑णाम्⁠। होत्रा॑णा॒ꣴ॒ स्वाहा᳚⁠। स्वाहा॒ वट्⁠। वट्थ् स्व॒यम॑भिगूर्ताय⁠। स्व॒यम॑भिगूर्ताय॒ नमः॑⁠। स्व॒यम॑भिगूर्ता॒येति॑ स्व॒यम्—अ॒भि॒गू॒र्ता॒य॒⁠। नमः॒ पय॑से⁠। पय॑से॒ होत्रा॑णाम्⁠। होत्रा॑णा॒ꣴ॒ स्वाहा᳚⁠। स्वाहा॒ वट्⁠। वट्थ् स्व॒यम॑भिगूर्ताय⁠। स्व॒यम॑भिगूर्ताय॒ नमः॑⁠। स्व॒यम॑भिगूर्ता॒येति॑ स्व॒यम्—अ॒भि॒गू॒र्ता॒य॒⁠। नमः॑ प्र॒जाप॑तये⁠। प्र॒जाप॑तये॒ मन॑वे⁠। प्र॒जाप॑तय॒ इति॑ प्र॒जा—प॒त॒ये॒⁠। मन॑वे॒ स्वाहा᳚⁠। स्वाहा॒ वट्⁠। वट्थ् स्व॒यम॑भिगूर्ताय⁠। स्व॒यम॑भिगूर्ताय॒ नमः॑⁠। स्व॒यम॑भिगूर्ता॒येति॑ स्व॒यम्—अ॒भि॒गू॒र्ता॒य॒⁠। नम॑ ऋ॒तम्⁠। ऋ॒तमृ॑तपाः⁠। ऋ॒त॒पाः॒ सु॒व॒र्वा॒ट्॒⁠। ऋ॒त॒पा॒ इत्यृ॑त—पाः॒⁠। सु॒व॒र्वा॒ट्थ् स्वाहा᳚⁠। सु॒व॒र्वा॒डिति॑ सुवः—वा॒ट्॒⁠। स्वाहा॒ वट्⁠। वट्थ् स्व॒यम॑भिगूर्ताय⁠। स्व॒यम॑भिगूर्ताय॒ नमः॑⁠। स्व॒यम॑भिगूर्ता॒येति॑ स्व॒यम्—अ॒भि॒गू॒र्ता॒य॒⁠। नम॑ स्तृ॒म्पन्ता᳚म्⁠। तृ॒म्पता॒ꣳ॒ होत्राः᳚⁠। होत्रा॒ मधोः᳚⁠। मधो᳚र् घृ॒तस्य॑⁠। घृ॒तस्य॑ य॒ज्ञप॑तिम्⁠। य॒ज्ञप॑ति॒मृष॑यः⁠। य॒ज्ञप॑ति॒मिति॑ य॒ज्ञ—प॒ति॒म्⁠। ऋष॑य॒ एन॑सा⁠। एन॑सा ऽऽहुः⁠। [२९] आ॒हु॒रित्या॑हुः⁠॥ प्र॒जा निर्भ॑क्ताः⁠। प्र॒जा इति॑ प्र—जाः⁠। निर्भ॑क्ता अनुत॒प्यमा॑नाः⁠। निर्भ॑क्ता॒ इति॒ निः—भ॒क्ताः॒⁠। अ॒नु॒त॒प्यमा॑ना मध॒व्यौ᳚⁠। अ॒नु॒त॒प्यमा॑ना॒ इत्य॑नु—त॒प्यमा॑नाः⁠। म॒ध॒व्यौ᳚ स्तो॒कौ⁠। स्तो॒कावप॑⁠। अप॒ तौ⁠। तौ र॑राध⁠। र॒रा॒धेति॑ रराध⁠॥ सम् नः॑⁠। न॒स्ताभ्या᳚म्⁠। ताभ्या॑ꣳ सृजतु⁠। सृ॒ज॒तु॒ वि॒श्वक॑र्मा⁠। वि॒श्वक॑र्मा घो॒राः⁠। वि॒श्वक॒र्मेति॑ वि॒श्व—क॒र्मा॒⁠। घो॒रा ऋष॑यः⁠। ऋष॑यो॒ नमः॑⁠। नमो॑ अस्तु⁠। अ॒स्त्वे॒भ्यः॒⁠। ए॒भ्य॒ इत्ये᳚भ्यः⁠॥ चख्‍षु॑ष एषाम्⁠। ए॒षा॒म् मन॑सः⁠। मन॑सश्च⁠। च॒ स॒न्धौ⁠। स॒न्धौ बृह॒स्पत॑ये⁠। स॒न्धाविति॑ सम्—धौ⁠। बृह॒स्पत॑ये॒ महि॑⁠। महि॒ षत्⁠। सद् द्यु॒मत्⁠। द्यु॒मन् नमः॑⁠। द्यु॒मदिति॑ द्यु—मत्⁠। नम॒ इति॒ नमः॑⁠॥ नमो॑ वि॒श्वक॑र्मणे⁠। वि॒श्वक॑र्मणे॒ सः⁠। वि॒श्वक॑र्मण॒ इति॑ वि॒श्व—क॒र्म॒णे॒⁠। स उ॑⁠। उ॒ पा॒तु॒⁠। पा॒त्व॒स्मान्⁠। अ॒स्मान॑न॒न्यान्⁠। अ॒न॒न्यान्थ् सो॑म॒पान्⁠। सो॒म॒पान् मन्य॑मानः⁠। सो॒म॒पानिति॑ सोम—पान्⁠। मन्य॑मान॒ इति॒ मन्य॑मानः⁠॥ प्रा॒णस्य॑ वि॒द्वान्⁠। प्रा॒णस्येति॑ प्र—अ॒नस्य॑⁠। वि॒द्वान्थ् स॑म॒रे⁠। स॒म॒रे न⁠। स॒म॒र इति॑ सम्—अ॒रे⁠। न धीरः॑⁠। धीर॒ एनः॑⁠। एन॑श्चकृ॒वान्⁠। च॒कृ॒वान् महि॑⁠। महि॑ ब॒द्धः⁠। ब॒द्ध ए॑षाम्⁠। ए॒षा॒मित्ये॑षाम्⁠॥ तव्ँवि॑श्वकर्मन्न्⁠। वि॒श्व॒क॒र्म॒न् प्र⁠। वि॒श्व॒क॒र्म॒न्निति॑ विश्व—क॒र्म॒न्न्॒⁠। [३०] प्र मु॑ञ्च⁠। मु॒ञ्चा॒ स्व॒स्तये᳚⁠। स्व॒स्तये॒ ये⁠। ये भ॒ख्‍षय॑न्तः⁠। भ॒ख्‍षय॑न्तो॒ न⁠। न वसू॑नि⁠। वसू᳚न्यानृ॒हुः⁠। आ॒नृ॒हुरित्या॑नृ॒हुः⁠॥ यान॒ग्नयः॑⁠। अ॒ग्नयो॒ ऽन्वत॑प्यन्त⁠। अ॒न्वत॑प्यन्त॒ धिष्णि॑याः⁠। अ॒न्वत॑प्य॒न्तेत्य॑नु—अत॑प्यन्त⁠। धिष्णि॑या इ॒यम्⁠। इ॒यम् तेषा᳚म्⁠। तेषा॑मव॒या⁠। अ॒व॒या दुरि॑ष्ट्‍यै⁠। दुरि॑ष्ट्‍यै॒ स्वि॑ष्टिम्⁠। दुरि॑ष्ट्‍या॒ इति॒ दुः—इ॒ष्ट्‍यै॒⁠। स्वि॑ष्टिम् नः⁠। स्वि॑ष्टि॒मिति॒ सु—इ॒ष्टि॒म्⁠। न॒स्ताम्⁠। ताम् कृ॑णोतु⁠। कृ॒णो॒तु॒ वि॒श्वक॑र्मा⁠। वि॒श्वक॒र्मेति॑ वि॒श्व—क॒र्मा॒⁠॥ नमः॑ पि॒तृभ्यः॑⁠। पि॒तृभ्यो॑ अ॒भि⁠। पि॒तृभ्य॒ इति॑ पि॒तृ—भ्यः॒⁠। अ॒भि ये⁠। ये नः॑⁠। नो॒ अख्य॑न्न्⁠। अख्य॑न्‌यज्ञ॒कृतः॑⁠। य॒ज्ञ॒कृतो॑ य॒ज्ञका॑माः⁠। य॒ज्ञ॒कृत॒ इति॑ यज्ञ—कृतः॑⁠। य॒ज्ञका॑माः सुदे॒वाः⁠। य॒ज्ञका॑म॒ इति॑ य॒ज्ञ—का॒माः॒⁠। सु॒दे॒वा अ॑का॒माः⁠। सु॒दे॒वा इति॑ सु—दे॒वाः⁠। अ॒का॒मा वः॑⁠। वो॒ दख्‍षि॑णाम्⁠। दख्‍षि॑णा॒म् न⁠। न नी॑निम⁠। नी॒नि॒म॒ मा⁠। मा नः॑⁠। न॒ स्तस्मा᳚त्⁠। तस्मा॒देन॑सः⁠। एन॑सः पापयिष्ट⁠। पा॒प॒यि॒ष्टेति॑ पापयिष्ट⁠॥ याव॑न्तो॒ वै⁠। वै स॑द॒स्याः᳚⁠। स॒द॒स्या᳚स्ते⁠। ते॒ सर्वे᳚⁠। सर्वे॑ दख्‍षि॒ण्याः᳚⁠। द॒ख्‍षि॒ण्या᳚ स्तेभ्यः॑⁠। तेभ्यो॒ यः⁠। यो दख्‍षि॑णाम्⁠। दख्‍षि॑णा॒म् न⁠। न नये᳚त्⁠। [३१] नये॒दा⁠। ऐभ्यः॑⁠। ए॒भ्यो॒ वृ॒श्च्ये॒त॒⁠। वृ॒श्च्ये॒त॒ यत्⁠। यद् वै᳚श्वकर्म॒णानि॑⁠। वै॒श्व॒क॒र्म॒णानि॑ जु॒होति॑⁠। वै॒श्व॒क॒र्म॒णानीति॑ वैश्व—क॒र्म॒णानि॑⁠। जु॒होति॑ सद॒स्या॑न्⁠। स॒द॒स्या॑ने॒व⁠। ए॒व तत्⁠। तत् प्री॑णाति⁠। प्री॒णा॒त्य॒स्मे⁠। अ॒स्मे दे॑वासः⁠। अ॒स्मे इत्य॒स्मे⁠। दे॒वा॒सो॒ वपु॑षे⁠। वपु॑षे चिकिथ्सत⁠। चि॒कि॒थ्स॒त॒ यम्⁠। यमा॒शिरा᳚⁠। आ॒शिरा॒ दम्प॑ती⁠। दम्प॑ती वा॒मम्⁠। दम्प॑ती॒ इति॒ दम्प॑ती⁠। वा॒मम॑श्ञु॒तः⁠। अ॒श्ञु॒त इत्य॑श्ञु॒तः⁠॥ पुमा᳚न् पु॒त्रः⁠। पु॒त्रो जा॑यते⁠। जा॒य॒ते॒ वि॒न्दते᳚⁠। वि॒न्दते॒ वसु॑⁠। वस्वथ॑⁠। अथ॒ विश्वे᳚⁠। विश्वे॑ अर॒पाः⁠। अ॒र॒पा ए॑धते⁠। ए॒ध॒ते॒ गृ॒हः⁠। गृ॒ह इति॑ गृ॒हः⁠॥ आ॒शी॒र्दा॒या दम्प॑ती⁠। आ॒शी॒र्दा॒येत्या॑शीः—दा॒या⁠। दम्प॑ती वा॒मम्⁠। दम्प॑ती॒ इति॒ दम्प॑ती⁠। वा॒मम॑श्ञुताम्⁠। अ॒श्ञु॒ता॒मरि॑ष्टः⁠। अरि॑ष्टो॒ रायः॑⁠। रायः॑ सचताम्⁠। स॒च॒ता॒ꣳ॒ समो॑कसा⁠। समो॑क॒सेति॒ सम्—ओ॒क॒सा॒⁠॥ य आ⁠। आ ऽसि॑चत्⁠। असि॑च॒थ् सन्दु॑ग्धम्⁠। सन्दु॑ग्धम् कु॒म्भ्या⁠। सन्दु॑ग्ध॒मिति॒ सम्—दु॒ग्ध॒म्⁠। कु॒म्भ्या स॒ह⁠। स॒हेष्टेन॑⁠। इ॒ष्टेन॒ याम॑न्न्⁠। याम॒न्नम॑तिम्⁠। अम॑तिम् जहातु⁠। ज॒हा॒तु॒ सः⁠। स इति॒ सः⁠॥ स॒र्पि॒र्ग्री॒वी पीव॑री⁠। स॒र्पि॒र्ग्री॒वीति॑ सर्पिः—ग्री॒वी⁠। [३२] पीव॑र्यस्य⁠। अ॒स्य॒ जा॒या⁠। जा॒या पीवा॑नः⁠। पीवा॑नः पु॒त्राः⁠। पु॒त्रा अकृ॑शासः⁠। अकृ॑शासो अस्य⁠। अ॒स्येत्य॑स्य⁠॥ स॒हजा॑नि॒र् यः⁠। स॒हजा॑नि॒रिति॑ स॒ह—जा॒निः॒⁠। यः सु॑मख॒स्यमा॑नः⁠। सु॒म॒ख॒स्यमा॑न॒ इन्द्रा॑य⁠। सु॒म॒ख॒स्यमा॑न॒ इति॑ सु—म॒ख॒स्यमा॑नः⁠। इन्द्रा॑या॒शिर᳚म्⁠। आ॒शिर॑ꣳ स॒ह⁠। स॒ह कु॒म्भ्या⁠। कु॒म्भ्या ऽदा᳚त्⁠। अदा॒दित्यदा᳚त्⁠॥ आ॒शीर् मे᳚⁠। आ॒शीरित्या᳚—शीः⁠। म॒ ऊर्ज᳚म्⁠। ऊर्ज॑मु॒त⁠। उ॒त सु॑प्रजा॒स्त्वम्⁠। सु॒प्र॒जा॒,स्त्वमिष᳚म्⁠। सु॒प्र॒जा॒स्त्वमिति॑ सुप्रजाः—त्वम्⁠। इष॑म् दधातु⁠। द॒धा॒तु॒ द्रवि॑णम्⁠। द्रवि॑ण॒ꣳ॒ सव॑र्चसम्⁠। सव॑र्चस॒मिति॒ स—व॒र्च॒स॒म्⁠॥ स॒ञ्जय॒न् ख्‍षेत्रा॑णि⁠। स॒ञ्जय॒न्निति॑ सम्—जय॑न्न्⁠। ख्‍षेत्रा॑णि॒ सह॑सा⁠। सह॑सा॒ ऽहम्⁠। अ॒हमि॑न्द्र⁠। इ॒न्द्र॒ कृ॒ण्वा॒नः⁠। कृ॒ण्वा॒नो अ॒न्यान्⁠। अ॒न्याꣳ अध॑रान्⁠। अध॑रान्थ् स॒पत्ना॑न्⁠। स॒पत्ना॒निति॑ स॒पत्ना॑न्⁠॥ भू॒तम॑सि⁠। अ॒सि॒ भू॒ते⁠। भू॒ते मा᳚⁠। मा॒ धाः॒⁠। धा॒ मुख᳚म्⁠। मुख॑मसि⁠। अ॒सि॒ मुख᳚म्⁠। मुख॑म् भूयासम्⁠। भू॒या॒स॒म् द्यावा॑पृथि॒वीभ्या᳚म्⁠। द्यावा॑पृथि॒वीभ्या᳚म् त्वा⁠। द्यावा॑पृथि॒वीभ्या॒मिति॒ द्यावा᳚—पृ॒थि॒वीभ्या᳚म्⁠। त्वा॒ परि॑⁠। परि॑ गृह्णामि⁠। गृ॒ह्णा॒मि॒ विश्वे᳚⁠। विश्वे᳚ त्वा⁠। त्वा॒ दे॒वाः⁠। दे॒वा वै᳚श्वान॒राः⁠। वै॒श्वा॒न॒राः प्र⁠। [३३] प्र च्या॑वयन्तु⁠। च्या॒व॒य॒न्तु॒ दि॒वि⁠। दि॒वि दे॒वान्⁠। दे॒वान् दृ॑ꣳह⁠। दृ॒ꣳ॒हा॒न्तरि॑ख्‍षे⁠। अ॒न्तरि॑ख्‍षे॒ वया॑ꣳसि⁠। वया॑ꣳसि पृथि॒व्याम्⁠। पृ॒थि॒व्याम् पार्थि॑वान्⁠। पार्थि॑वान् ध्रु॒वम्⁠। ध्रु॒वम् ध्रु॒वेण॑⁠। ध्रु॒वेण॑ ह॒विषा᳚⁠। ह॒विषा ऽव॑⁠। अव॒ सोम᳚म्⁠। सोम॑म् नयामसि⁠। न॒या॒म॒सीति॑ नयामसि⁠॥ यथा॑ नः⁠। नः॒ सर्व᳚म्⁠। सर्व॒मित्⁠। इज् जग॑त्⁠। जग॑दय॒ख्‍ष्मम्⁠। अ॒य॒ख्‍ष्मꣳ सु॒मनाः᳚⁠। सु॒मना॒ अस॑त्⁠। सु॒मना॒ इति॑ सु—मनाः᳚⁠। अस॒दित्यस॑त्⁠॥ यथा॑ नः⁠। न॒ इन्द्रः॑⁠। इन्द्र॒ इत्⁠। इद् विशः॑⁠। विशः॒ केव॑लीः⁠। केव॑लीः॒ सर्वाः᳚⁠। सर्वाः॒ सम॑नसः⁠। सम॑नसः॒ कर॑त्⁠। सम॑नस॒ इति॒ स—म॒न॒सः॒⁠। कर॒दिति॒ कर॑त्⁠॥ यथा॑ नः⁠। नः॒ सर्वाः᳚⁠। सर्वा॒ इत्⁠। इद् दिशः॑⁠। दिशो॒ ऽस्माक᳚म्⁠। अ॒स्माक॒म् केव॑लीः⁠। केव॑ली॒रस॑न्न्⁠। अस॒न्नित्यस॑न्न्⁠॥ [३४] (एन॑सा विश्वकर्म॒न् यो दख्‍षि॑णां॒ न स॑र्पिर्ग्री॒वी वै᳚श्वन॒रा श्च॑त्वारि॒ꣳ॒शच्च॑) ॥८॥
यद् वै⁠। वै होता᳚⁠। होता᳚ ऽद्ध्व॒र्युम्⁠। अ॒द्ध्व॒र्यु,म॑भ्या॒ह्वय॑ते⁠। अ॒भ्या॒ह्वय॑ते॒ वज्र᳚म्⁠। अ॒भ्या॒ह्वय॑त॒ इत्य॑भि—आ॒ह्वय॑ते⁠। वज्र॑मेनम्⁠। ए॒न॒म॒भि⁠। अ॒भि प्र⁠। प्र व॑र्तयति⁠। व॒र्त॒य॒त्युक्थ॑शाः⁠। उक्थ॑शा॒ इति॑⁠। उक्थ॑शा॒ इत्युक्थ॑—शाः॒⁠। इत्या॑ह⁠। आ॒ह॒ प्रा॒त॒स्स॒व॒नम्⁠। प्रा॒त॒स्स॒व॒नम् प्र॑ति॒गीर्य॑⁠। प्रा॒त॒स्स॒व॒नमिति॑ प्रातः—स॒व॒नम्⁠। प्र॒ति॒गीर्य॒ त्रीणि॑⁠। प्र॒ति॒गीर्येति॑ प्रति—गीर्य॑⁠। त्रीण्ये॒तानि॑⁠। ए॒तान्य॒ख्‍षरा॑णि⁠। अ॒ख्‍षरा॑णि त्रि॒पदा᳚⁠। त्रि॒पदा॑ गाय॒त्री⁠। त्रि॒पदेति॑ त्रि—पदा᳚⁠। गा॒य॒त्री गा॑य॒त्रम्⁠। गा॒य॒त्रम् प्रा॑तस्सव॒नम्⁠। प्रा॒त॒स्स॒व॒नम् गा॑यत्रि॒या⁠। प्रा॒त॒स्स॒व॒नमिति॑ प्रातः—स॒व॒नम्⁠। गा॒य॒त्रि॒यैव⁠। ए॒व प्रा॑तस्सव॒ने⁠। प्रा॒त॒स्स॒व॒ने वज्र᳚म्⁠। प्रा॒त॒स्स॒व॒न इति॑ प्रातः—स॒व॒ने⁠। वज्र॑म॒न्तः⁠। अ॒न्तर् ध॑त्ते⁠। ध॒त्त॒ उ॒क्थम्⁠। उ॒क्थव्ँवा॒चि⁠। वा॒चीति॑⁠। इत्या॑ह⁠। आ॒ह॒ माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। सव॑नम् प्रति॒गीर्य॑⁠। प्र॒ति॒गीर्य॑ च॒त्वारि॑⁠। प्र॒ति॒गीर्येति॑ प्रति—गीर्य॑⁠। च॒त्वार्ये॒तानि॑⁠। ए॒तान्य॒ख्‍षरा॑णि⁠। अ॒ख्‍षरा॑णि॒ चतु॑ष्पदा⁠। चतु॑ष्पदा त्रि॒ष्टुप्⁠। चतु॑ष्प॒देति॒ चतुः॑—प॒दा॒⁠। त्रि॒ष्टुप् त्रैष्टु॑भम्⁠। त्रैष्टु॑भ॒म् माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। सव॑नम् त्रि॒ष्टुभा᳚⁠। त्रि॒ष्टुभै॒व⁠। ए॒व माद्ध्य॑न्दिने⁠। माद्ध्य॑न्दिने॒ सव॑ने⁠। सव॑ने॒ वज्र᳚म्⁠। वज्र॑म॒न्तः⁠। अ॒न्तर् ध॑त्ते⁠। ध॒त्त॒ उ॒क्थम्⁠। [३५] उ॒क्थव्ँवा॒चि⁠। वा॒चीन्द्रा॑य⁠। इन्द्रा॒येति॑⁠। इत्या॑ह⁠। आ॒ह॒ तृ॒ती॒य॒स॒व॒नम्⁠। तृ॒ती॒य॒स॒व॒नम् प्र॑ति॒गीर्य॑⁠। तृ॒ती॒य॒स॒व॒नमिति॑ तृतीय—स॒व॒नम्⁠। प्र॒ति॒गीर्य॑ स॒प्त⁠। प्र॒ति॒गीर्येति॑ प्रति—गीर्य॑⁠। स॒प्तैतानि॑⁠। ए॒तान्य॒ख्‍षरा॑णि⁠। अ॒ख्‍षरा॑णि स॒प्तप॑दा⁠। स॒प्तप॑दा॒ शक्व॑री⁠। स॒प्तप॒देति॑ स॒प्त—प॒दा॒⁠। शक्व॑री शाक्व॒रः⁠। शा॒क्व॒रो वज्रः॑⁠। वज्रो॒ वज्रे॑ण⁠। वज्रे॑णै॒व⁠। ए॒व तृ॑तीयसव॒ने⁠। तृ॒ती॒य॒स॒व॒ने वज्र᳚म्⁠। तृ॒ती॒य॒स॒व॒न इति॑ तृतीय—स॒व॒ने⁠। वज्र॑म॒न्तः⁠। अ॒न्तर् ध॑त्ते⁠। ध॒त्ते॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ सः⁠। स तु⁠। त्वै⁠। वा अ॑द्ध्व॒र्युः⁠। अ॒द्ध्व॒र्युः स्या᳚त्⁠। स्या॒द् यः⁠। यो य॑थासव॒नम्⁠। य॒था॒स॒व॒नम् प्र॑तिग॒रे⁠। य॒था॒स॒व॒नमिति॑ यथा—स॒व॒नम्⁠। प्र॒ति॒ग॒रे छन्दा॑ꣳसि⁠। प्र॒ति॒ग॒र इति॑ प्रति—ग॒रे⁠। छन्दा॑ꣳसि सम्पा॒दये᳚त्⁠। स॒म्पा॒दये॒त् तेजः॑⁠। स॒म्पा॒दये॒दिति॑ सम्—पा॒दये᳚त्⁠। तेजः॑ प्रातस्सव॒ने⁠। प्रा॒त॒स्स॒व॒न आ॒त्मन्न्⁠। प्रा॒त॒स्स॒व॒न इति॑ प्रातः—स॒व॒ने⁠। आ॒त्मन् दधी॑त⁠। दधी॑तेन्द्रि॒यम्⁠। इ॒न्द्रि॒यम् माद्ध्य॑न्दिने⁠। माद्ध्य॑न्दिने॒ सव॑ने⁠। सव॑ने प॒शून्⁠। प॒शूꣴ स्तृ॑तीयसव॒ने⁠। तृ॒ती॒य॒स॒व॒न इति॑⁠। तृ॒ती॒य॒स॒व॒न इति॑ तृतीय—स॒व॒ने⁠। इत्युक्थ॑शाः⁠। उक्थ॑शा॒ इति॑⁠। उक्थ॑शा॒ इत्युक्थ॑—शाः॒⁠। इत्या॑ह⁠। आ॒ह॒ प्रा॒त॒स्स॒व॒नम्⁠। प्रा॒त॒स्स॒व॒नम् प्र॑ति॒गीर्य॑⁠। प्रा॒त॒स॒व॒नमिति॑ प्रातः—स॒व॒नम्⁠। प्र॒ति॒गीर्य॒ त्रीणि॑⁠। प्र॒ति॒गीर्येति॑ प्रति—गीर्य॑⁠। त्रीण्ये॒तानि॑⁠। ए॒तान्य॒ख्‍षरा॑णि⁠। अ॒ख्‍षरा॑णि त्रि॒पदा᳚⁠। [३६] त्रि॒पदा॑ गाय॒त्री⁠। त्रि॒पदेति॑ त्रि—पदा᳚⁠। गा॒य॒त्री गा॑य॒त्रम्⁠। गा॒य॒त्रम् प्रा॑तस्सव॒नम्⁠। प्रा॒त॒स्स॒व॒नम् प्रा॑तस्सव॒ने⁠। प्रा॒त॒स्स॒व॒नमिति॑ प्रातः—स॒व॒नम्⁠। प्रा॒त॒स्स॒व॒न ए॒व⁠। प्रा॒त॒स्स॒व॒न इति॑ प्रातः—स॒व॒ने⁠। ए॒व प्र॑तिग॒रे⁠। प्र॒ति॒ग॒रे छन्दा॑ꣳसि⁠। प्र॒ति॒ग॒र इति॑ प्रति—ग॒रे⁠। छन्दा॑ꣳसि॒ सम्⁠। सम् पा॑दयति⁠। पा॒द॒य॒त्यथो᳚⁠। अथो॒ तेजः॑⁠। अथो॒ इत्यथो᳚⁠। तेजो॒ वै⁠। वै गा॑य॒त्री⁠। गा॒य॒त्री तेजः॑⁠। तेजः॑ प्रातस्सव॒नम्⁠। प्रा॒त॒स्स॒व॒नम् तेजः॑⁠। प्रा॒त॒स्स॒व॒नमिति॑ प्रातः—स॒व॒नम्⁠। तेज॑ ए॒व⁠। ए॒व प्रा॑तस्सव॒ने⁠। प्रा॒त॒स्स॒व॒न आ॒त्मन्न्⁠। प्रा॒त॒स्स॒व॒न इति॑ प्रातः—स॒व॒ने⁠। आ॒त्मन् ध॑त्ते⁠। ध॒त्त॒ उ॒क्थम्⁠। उ॒क्थव्ँवा॒चि⁠। वा॒चीति॑⁠। इत्या॑ह⁠। आ॒ह॒ माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। सव॑नम् प्रति॒गीर्य॑⁠। प्र॒ति॒गीर्य॑ च॒त्वारि॑⁠। प्र॒ति॒गीर्येति॑ प्रति—गीर्य॑⁠। च॒त्वार्ये॒तानि॑⁠। ए॒तान्य॒ख्‍षरा॑णि⁠। अ॒ख्‍षरा॑णि॒ चतु॑ष्पदा⁠। चतु॑ष्पदा त्रि॒ष्टुप्⁠। चतु॑ष्प॒देति॒ चतुः॑—प॒दा॒⁠। त्रि॒ष्टुप् त्रैष्टु॑भम्⁠। त्रैष्टु॑भ॒म् माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। सव॑न॒म् माद्ध्य॑न्दिने⁠। माद्ध्य॑न्दिन ए॒व⁠। ए॒व सव॑ने⁠। सव॑ने प्रतिग॒रे⁠। प्र॒ति॒ग॒रे छन्दा॑ꣳसि⁠। प्र॒ति॒ग॒र इति॑ प्रति—ग॒रे⁠। छन्दा॑ꣳसि॒ सम्⁠। सम् पा॑दयति⁠। पा॒द॒य॒त्यथो᳚⁠। अथो॑ इन्द्रि॒यम्⁠। अथो॒ इत्यथो᳚⁠। इ॒न्द्रि॒यव्ँवै⁠। वै त्रि॒ष्टुक्⁠। त्रि॒ष्टुगि॑न्द्रि॒यम्⁠। इ॒न्द्रि॒यम् माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। सव॑नमिन्द्रि॒यम्⁠। [३७] इ॒न्द्रि॒यमे॒व⁠। ए॒व माद्ध्य॑न्दिने⁠। माद्ध्य॑न्दिने॒ सव॑ने⁠। सव॑न आ॒त्मन्न्⁠। आ॒त्मन् ध॑त्ते⁠। ध॒त्त॒ उ॒क्थम्⁠। उ॒क्थव्ँवा॒चि⁠। वा॒चीन्द्रा॑य⁠। इन्द्रा॒येति॑⁠। इत्या॑ह⁠। आ॒ह॒ तृ॒ती॒य॒स॒व॒नम्⁠। तृ॒ती॒य॒स॒व॒नम् प्र॑ति॒गीर्य॑⁠। तृ॒ती॒य॒स॒व॒नमिति॑ तृतीय—स॒व॒नम्⁠। प्र॒ति॒गीर्य॑ स॒प्त⁠। प्र॒ति॒गीर्येति॑ प्रति—गीर्य॑⁠। स॒प्तैतानि॑⁠। ए॒तान्य॒ख्‍षरा॑णि⁠। अ॒ख्‍षरा॑णि स॒प्तप॑दा⁠। स॒प्तप॑दा॒ शक्व॑री⁠। स॒प्तप॒देति॑ स॒प्त—प॒दा॒⁠। शक्व॑री शाक्व॒राः⁠। शा॒क्व॒राः प॒शवः॑⁠। प॒शवो॒ जाग॑तम्⁠। जाग॑तम् तृतीयसव॒नम्⁠। तृ॒ती॒य॒स॒व॒नम् तृ॑तीयसव॒ने⁠। तृ॒ती॒य॒स॒व॒नमिति॑ तृतीय—स॒व॒नम्⁠। तृ॒ती॒य॒स॒व॒न ए॒व⁠। तृ॒ती॒य॒स॒व॒न इति॑ तृतीय—स॒व॒ने⁠। ए॒व प्र॑तिग॒रे⁠। प्र॒ति॒ग॒रे छन्दा॑ꣳसि⁠। प्र॒ति॒ग॒र इति॑ प्रति—ग॒रे⁠। छन्दा॑ꣳसि॒ सम्⁠। सम् पा॑दयति⁠। पा॒द॒य॒त्यथो᳚⁠। अथो॑ प॒शवः॑⁠। अथो॒ इत्यथो᳚⁠। प॒शवो॒ वै⁠। वै जग॑ती⁠। जग॑ती प॒शवः॑⁠। प॒शव॑ स्तृतीयसव॒नम्⁠। तृ॒ती॒य॒स॒व॒नम् प॒शून्⁠। तृ॒ती॒य॒स॒व॒नमिति॑ तृतीय—स॒व॒नम्⁠। प॒शूने॒व⁠। ए॒व तृ॑तीयसव॒ने⁠। तृ॒ती॒य॒स॒व॒न आ॒त्मन्न्⁠। तृ॒ती॒य॒स॒व॒न इति॑ तृतीय—स॒व॒ने⁠। आ॒त्मन् ध॑त्ते⁠। ध॒त्ते॒ यत्⁠। यद् वै⁠। वै होता᳚⁠। होता᳚ ऽद्ध्व॒र्युम्⁠। अ॒द्ध्व॒र्यु,म॑भ्या॒ह्वय॑ते⁠। अ॒भ्या॒ह्वय॑त आ॒व्य᳚म्⁠। अ॒भ्या॒ह्वय॑त॒ इत्य॑भि—आ॒ह्वय॑ते⁠। आ॒व्य॑मस्मिन्न्⁠। अ॒स्मि॒न् द॒धा॒ति॒⁠। द॒धा॒ति॒ तत्⁠। तद् यत्⁠। यन् न⁠। ना॒प॒हनी॑त⁠। [३८] अ॒प॒हनी॑त पु॒रा⁠। अ॒प॒हनी॒तेत्य॑प—हनी॑त⁠। पु॒रा ऽस्य॑⁠। अ॒स्य॒ स॒व्ँव॒थ्स॒रात्⁠। स॒व्ँव॒थ्स॒राद् गृ॒हे⁠। स॒व्ँव॒थ्स॒रादिति॑ सं—व॒थ्स॒रात्⁠। गृ॒ह आ⁠। आ वे॑वीरन्न्⁠। वे॒वी॒र॒ञ्छोꣳसा᳚⁠। शोꣳसा॒ मोदः॑⁠। मोद॑ इव⁠। इ॒वेति॑⁠। इति॑ प्र॒त्याह्व॑यते⁠। प्र॒त्याह्व॑यते॒ तेन॑⁠। प्र॒त्याह्व॑यत॒ इति॑ प्रति—आह्व॑यते⁠। तेनै॒व⁠। ए॒व तत्⁠। तदप॑⁠। अप॑ हते⁠। ह॒ते॒ यथा᳚⁠। यथा॒ वै⁠। वा आय॑ताम्⁠। आय॑ताम् प्र॒तीख्‍ष॑ते⁠। आय॑ता॒मित्या—य॒ता॒म्⁠। प्र॒तीख्‍ष॑त ए॒वम्⁠। प्र॒तीख्‍ष॑त॒ इति॑ प्रति—ईख्‍ष॑ते⁠। ए॒वम॑द्ध्व॒र्युः⁠। अ॒द्ध्व॒र्युः प्र॑तिग॒रम्⁠। प्र॒ति॒ग॒रम् प्रति॑⁠। प्र॒ति॒ग॒रमिति॑ प्रति—ग॒रम्⁠। प्रती᳚ख्‍षते⁠। ई॒ख्‍ष॒ते॒ यत्⁠। यद॑भिप्रतिगृणी॒यात्⁠। अ॒भि॒प्र॒ति॒गृ॒णी॒याद् यथा᳚⁠। अ॒भि॒प्र॒ति॒गृ॒णी॒यादित्य॑भि—प्र॒ति॒गृ॒णी॒यात्⁠। यथा ऽऽय॑तया⁠। आय॑तया समृ॒च्छते᳚⁠। आय॑त॒येत्या—य॒त॒या॒⁠। स॒मृ॒च्छते॑ ता॒दृक्⁠। स॒मृ॒च्छत॒ इति॑ सम्—ऋ॒च्छते᳚⁠। ता॒दृगे॒व⁠। ए॒व तत्⁠। तद् यत्⁠। यद॑र्द्ध॒र्चात्⁠। अ॒र्द्ध॒र्चा ल्लुप्ये॑त⁠। अ॒र्द्ध॒र्चादित्य॑र्द्ध—ऋ॒चात्⁠। लुप्ये॑त॒ यथा᳚⁠। यथा॒ धाव॑द्भ्यः⁠। धाव॑द्भ्यो॒ हीय॑ते⁠। धाव॑द्भ्य॒ इति॒ धाव॑त्—भ्यः॒⁠। हीय॑ते ता॒दृक्⁠। ता॒दृगे॒व⁠। ए॒व तत्⁠। तत् प्र॒बाहु॑क्⁠। प्र॒बाहु॒ग् वै⁠। प्र॒बाहु॒गिति॑ प्र—बाहु॑क्⁠। वा ऋ॒त्विजा᳚म्⁠। ऋ॒त्विजा॑मुद्‍गी॒थाः⁠। उ॒द्‍गी॒था उ॑द्‍गी॒थः⁠। उ॒द्‍गी॒था इत्यु॑त्—गी॒थाः⁠। उ॒द्‍गी॒थ ए॒व⁠। उ॒द्‍गी॒थ इत्यु॑त्—गी॒थः⁠। ए॒वोद्‍गा॑तृ॒णाम्⁠। उ॒द्‍गा॒तृ॒णामृ॒चः⁠। उ॒द्‍गा॒तृ॒णामित्यु॑त्—गा॒तृ॒णाम्⁠। [३९] ऋ॒चः प्र॑ण॒वः⁠। प्र॒ण॒व उ॑क्थश॒ꣳ॒सिना᳚म्⁠। प्र॒ण॒व इति॑ प्र—न॒वः⁠। उ॒क्थ॒श॒ꣳ॒सिना᳚म् प्रतिग॒रः⁠। उ॒क्थ॒श॒ꣳ॒सिना॒मित्यु॑क्थ—श॒ꣳ॒सिना᳚म्⁠। प्र॒ति॒ग॒रो᳚ ऽद्ध्वर्यू॒णाम्⁠। प्र॒ति॒ग॒र इति॑ प्रति—ग॒रः⁠। अ॒द्ध्व॒र्यू॒णाय्ँयः⁠। य ए॒वम्⁠। ए॒वव्ँवि॒द्वान्⁠। वि॒द्वान् प्र॑तिगृ॒णाति॑⁠। प्र॒ति॒गृ॒णात्य॑न्ना॒दः⁠। प्र॒ति॒गृ॒णातीति॑ प्रति—गृ॒णाति॑⁠। अ॒न्ना॒द ए॒व⁠। अ॒न्ना॒द इत्य॑न्न—अ॒दः⁠। ए॒व भ॑वति⁠। भ॒व॒त्या⁠। आ ऽस्य॑⁠। अ॒स्य॒ प्र॒जाया᳚म्⁠। प्र॒जाया᳚व्ँवा॒जी⁠। प्र॒जाया॒मिति॑ प्र—जाया᳚म्⁠। वा॒जी जा॑यते⁠। जा॒य॒त॒ इ॒यम्⁠। इ॒यव्ँवै⁠। वै होता᳚⁠। होता॒ ऽसौ⁠। अ॒साव॑द्ध्व॒र्युः⁠। अ॒द्ध्व॒र्युर् यत्⁠। यदासी॑नः⁠। आसी॑नः॒ शꣳस॑ति⁠। शꣳस॑त्य॒स्याः⁠। अ॒स्या ए॒व⁠। ए॒व तत्⁠। तद्धोता᳚⁠। होता॒ न⁠। नैति॑⁠। ए॒त्यास्ते᳚⁠। आस्त॑ इव⁠। इ॒व॒ हि⁠। हीयम्⁠। इ॒यमथो᳚⁠। अथो॑ इ॒माम्⁠। अथो॒ इत्यथो᳚⁠। इ॒मामे॒व⁠। ए॒व तेन॑⁠। तेन॒ यज॑मानः⁠। यज॑मानो दुहे⁠। दु॒हे॒ यत्⁠। यत् तिष्ठ॑न्न्⁠। तिष्ठ॑न् प्रतिगृ॒णाति॑⁠। प्र॒ति॒गृ॒णात्य॒मुष्याः᳚⁠। प्र॒ति॒गृ॒णातीति॑ प्रति—गृ॒णाति॑⁠। अ॒मुष्या॑ ए॒व⁠। ए॒व तत्⁠। तद॑द्ध्व॒र्युः⁠। अ॒द्ध्व॒र्युर् न⁠। नैति॑⁠। ए॒ति॒ तिष्ठ॑ति⁠। [४०] तिष्ठ॑तीव⁠। इ॒व॒ हि⁠। ह्य॑सौ⁠। अ॒सावथो᳚⁠। अथो॑ अ॒मूम्⁠। अथो॒ इत्यथो᳚⁠। अ॒मूमे॒व⁠। ए॒व तेन॑⁠। तेन॒ यज॑मानः⁠। यज॑मानो दुहे⁠। दु॒हे॒ यत्⁠। यदासी॑नः⁠। आसी॑नः॒ शꣳस॑ति⁠। शꣳस॑ति॒ तस्मा᳚त्⁠। तस्मा॑दि॒तःप्र॑दानम्⁠। इ॒तःप्र॑दानम् दे॒वाः⁠। इ॒तःप्र॑दान॒मिती॒तः—प्र॒दा॒न॒म्⁠। दे॒वा उप॑⁠। उप॑ जीवन्ति⁠। जी॒व॒न्ति॒ यत्⁠। यत् तिष्ठ॑न्न्⁠। तिष्ठ॑न् प्रतिगृ॒णाति॑⁠। प्र॒ति॒गृ॒णाति॒ तस्मा᳚त्⁠। प्र॒ति॒गृ॒णातीति॑ प्रति—गृ॒णाति॑⁠। तस्मा॑द॒मुतः॑प्रदानम्⁠। अ॒मुतः॑प्रदानम् मनु॒ष्याः᳚⁠। अ॒मुतः॑प्रदान॒मित्य॒मुतः॑—प्र॒दा॒न॒म्⁠। म॒नु॒ष्या॑ उप॑⁠। उप॑ जिवन्ति⁠। जी॒व॒न्ति॒ यत्⁠। यत् प्राङ्⁠। प्राङासी॑नः⁠। आसी॑नः॒ शꣳस॑ति⁠। शꣳस॑ति प्र॒त्यङ्⁠। प्र॒त्यङ्‍ तिष्ठ॑न्न्⁠। तिष्ठ॑न् प्रतिगृ॒णाति॑⁠। प्र॒ति॒गृ॒णाति॒ तस्मा᳚त्⁠। प्र॒ति॒गृ॒णातीति॑ प्रति—गृ॒णाति॑⁠। तस्मा᳚त् प्रा॒चीन᳚म्⁠। प्रा॒चीन॒ꣳ॒ रेतः॑⁠। रेतो॑ धीयते⁠। धी॒य॒ते॒ प्र॒तीचीः᳚⁠। प्र॒तीचीः᳚ प्र॒जाः⁠। प्र॒जा जा॑यन्ते⁠। प्र॒जा इति॑ प्र—जाः⁠। जा॒य॒न्ते॒ यत्⁠। यद् वै⁠। वै होता᳚⁠। होता᳚ ऽद्ध्व॒र्युम्⁠। अ॒द्ध्व॒र्युम॑भ्या॒ह्वय॑ते⁠। अ॒भ्या॒ह्वय॑ते॒ वज्र᳚म्⁠। अ॒भ्या॒ह्वय॑त॒ इत्य॑भि—आ॒ह्वय॑ते⁠। वज्र॑मेनम्⁠। ए॒न॒म॒भि⁠। अ॒भि प्र⁠। प्र व॑र्तयति⁠। व॒र्त॒य॒ति॒ परा॑ङ्⁠। परा॒ङा⁠। आ व॑र्तते⁠। व॒र्त॒ते॒ वज्र᳚म्⁠। वज्र॑मे॒व⁠। ए॒व तत्⁠। तन् नि⁠। नि क॑रोति⁠। क॒रो॒तीति॑ करोति⁠॥ [४१] (सव॑ने॒ वज्र॑म॒न्तर्ध॑त्ते॒ त्रीण्ये॒तान्य॒ख्‍षरा॑णी न्द्रि॒यं माद्ध्य॑न्दिन॒ꣳ॒ सव॑नं॒ नो द्गा॑तृ॒णा म॑ध्व॒र्युर्नैति॑ वर्तयत्य॒ ष्टौ च॑) ॥९॥
उ॒प॒या॒मगृ॑हीतो ऽसि⁠। उ॒प॒या॒मगृ॑हीत॒ इत्यु॑पया॒म—गृ॒ही॒तः॒⁠। अ॒सि॒ वा॒ख्‍ष॒सत्⁠। वा॒ख्‍ष॒सद॑सि⁠। वा॒ख्‍ष॒सदिति॑ वाख्‍ष—सत्⁠। अ॒सि॒ वा॒क्पाभ्या᳚म्⁠। वा॒क्पाभ्या᳚म् त्वा⁠। वा॒क्पाभ्या॒मिति॑ वाक्—पाभ्या᳚म्⁠। त्वा॒ क्र॒तु॒पाभ्या᳚म्⁠। क्र॒तु॒पाभ्या॑म॒स्य⁠। क्र॒तु॒पाभ्या॒मिति॑ क्रतु—पाभ्या᳚म्⁠। अ॒स्य य॒ज्ञस्य॑⁠। य॒ज्ञस्य॑ ध्रु॒वस्य॑⁠। ध्रु॒वस्याद्ध्य॑ख्‍षाभ्याम्⁠। अद्ध्य॑ख्‍षाभ्याम् गृह्णामि⁠। अद्ध्य॑ख्‍षाभ्या॒मित्यधि॑—अ॒ख्‍षा॒भ्या॒म्⁠। गृ॒ह्णा॒म्यु॒प॒या॒मगृ॑हीतः⁠। उ॒प॒या॒मगृ॑हीतो ऽसि⁠। उ॒प॒या॒मगृ॑हीत॒ इत्यु॑पया॒म—गृ॒ही॒तः॒⁠। अ॒स्यृ॒त॒सत्⁠। ऋ॒त॒सद॑सि⁠। ऋ॒त॒सदित्यृ॑त—सत्⁠। अ॒सि॒ च॒ख्‍षु॒ष्पाभ्या᳚म्⁠। च॒ख्‍षु॒ष्पाभ्या᳚म् त्वा⁠। च॒ख्‍षु॒ष्पाभ्या॒मिति॑ चख्‍षुः—पाभ्या᳚म्⁠। त्वा॒ क्र॒तु॒पाभ्या᳚म्⁠। क्र॒तु॒पाभ्या॑म॒स्य⁠। क्र॒तु॒पाभ्या॒मिति॑ क्रतु—पाभ्या᳚म्⁠। अ॒स्य॒ य॒ज्ञस्य॑⁠। य॒ज्ञस्य॑ ध्रु॒वस्य॑⁠। ध्रु॒वस्याद्ध्य॑ख्‍षाभ्याम्⁠। अद्ध्य॑ख्‍षाभ्याम् गृह्णामि⁠। अद्ध्य॑ख्‍षाभ्या॒मित्यधि॑—अ॒ख्‍षा॒भ्या॒म्⁠। गृ॒ह्णा॒म्यु॒प॒या॒मगृ॑हीतः⁠। उ॒प॒या॒मगृ॑हीतो ऽसि⁠। उ॒प॒या॒मगृ॑हीत॒ इत्यु॑पया॒म—गृ॒ही॒तः॒⁠। अ॒सि॒ श्रु॒त॒सत्⁠। श्रु॒त॒सद॑सि⁠। श्रु॒त॒सदिति॑ श्रुत—सत्⁠। अ॒सि॒ श्रो॒त्र॒पाभ्या᳚म्⁠। श्रो॒त्र॒पाभ्या᳚म् त्वा⁠। श्रो॒त्र॒पाभ्या॒मिति॑ श्रोत्र—पाभ्या᳚म्⁠। त्वा॒ क्र॒तु॒पाभ्या᳚म्⁠। क्र॒तु॒पाभ्या॑म॒स्य⁠। क्र॒तु॒पाभ्या॒मिति॑ क्रतु—पाभ्या᳚म्⁠॥ ?अ॒स्य य॒ज्ञस्य॑⁠। य॒ज्ञस्य॑ ध्रु॒वस्य॑⁠। ध्रु॒वस्याद्ध्य॑ख्‍षाभ्याम्⁠। अद्ध्य॑ख्‍षाभ्याम् गृह्णामि⁠। अद्ध्य॑ख्‍षाभ्या॒मित्यधि॑—अ॒ख्‍षा॒भ्या॒म्⁠। गृ॒ह्णा॒मि॒ दे॒वेभ्यः॑⁠। दे॒वेभ्य॑स्त्वा⁠। त्वा॒ वि॒श्वदे॑वेभ्यः⁠। वि॒श्वदे॑वेभ्यस्त्वा⁠। वि॒श्वदे॑वेभ्य॒ इति॑ वि॒श्व—दे॒वे॒भ्यः॒⁠। त्वा॒ विश्वे᳚भ्यः⁠। विश्वे᳚भ्यस्त्वा⁠। त्वा॒ दे॒वेभ्यः॑⁠। दे॒वेभ्यो॒ विष्णो᳚⁠। विष्ण॑वुरुक्रम⁠। उ॒रु॒क्र॒मै॒षः⁠। उ॒रु॒क्र॒मेत्यु॑रु—क्र॒म॒⁠। ए॒ष ते᳚⁠। ते॒ सोमः॑⁠। सोम॒स्तम्⁠। तꣳ र॑ख्‍षस्व⁠। र॒ख्‍ष॒स्व॒ तम्⁠। [४२] तम् ते᳚⁠। ते॒ दु॒श्चख्‍षाः᳚⁠। दु॒श्चख्‍षा॒ मा⁠। दु॒श्चख्‍षा॒ इति॑ दुः—चख्‍षाः᳚⁠। मा ऽव॑⁠। अव॑ ख्यत्⁠। ख्य॒न् मयि॑⁠। मयि॒ वसुः॑⁠। वसुः॑ पुरो॒वसुः॑⁠। पु॒रो॒वसु॑र् वा॒क्पाः⁠। पु॒रो॒वसु॒रिति॑ पुरः—वसुः॑⁠। वा॒क्पा वाच᳚म्⁠। वा॒क्पा इति॑ वाक्—पाः⁠। वाच॑म् मे⁠। मे॒ पा॒हि॒⁠। पा॒हि॒ मयि॑⁠। मयि॒ वसुः॑⁠। वसु॑र् वि॒दद्व॑सुः⁠। वि॒दद्व॑सु श्चख्‍षु॒ष्पाः⁠। वि॒दद्व॑सु॒रिति॑ वि॒दत्—व॒सुः॒⁠। च॒ख्‍षु॒ष्पा श्चख्‍षुः॑⁠। च॒ख्‍षु॒ष्पा इति॑ चख्‍षुः—पाः⁠। चख्‍षु॑र् मे⁠। मे॒ पा॒हि॒⁠। पा॒हि॒ मयि॑⁠। मयि॒ वसुः॑⁠। वसुः॑ स॒य्ँयद्व॑सुः⁠। स॒य्ँयद्व॑सुः श्रोत्र॒पाः⁠। स॒य्ँयद्व॑सु॒रिति॑ स॒य्ँयत्—व॒सुः॒⁠। श्रो॒त्र॒पाः श्रोत्र᳚म्⁠। श्रो॒त्र॒पा इति॑ श्रोत्र—पाः⁠। श्रोत्रं॑ मे⁠। मे॒ पा॒हि॒⁠। पा॒हि॒ भूः⁠। भूर॑सि⁠। अ॒सि॒ श्रेष्ठः॑⁠। श्रेष्ठो॑ रश्मी॒नाम्⁠। र॒श्मी॒नाम् प्रा॑ण॒पाः⁠। प्रा॒ण॒पाः प्रा॒णम्⁠। प्रा॒ण॒पा इति॑ प्राण—पाः⁠। प्रा॒णम् मे᳚⁠। प्रा॒णमिति॑ प्र—अ॒नम्⁠। मे॒ पा॒हि॒⁠। पा॒हि॒ धूः⁠। धूर॑सि⁠। अ॒सि॒ श्रेष्ठः॑⁠। श्रेष्ठो॑ रश्मी॒नाम्⁠। र॒श्मि॒नाम॑पान॒पाः⁠। अ॒पा॒न॒पा अ॑पा॒नम्⁠। अ॒पा॒न॒पा इत्य॑पान—पाः⁠। अ॒पा॒नम् मे᳚⁠। अ॒पा॒नमित्य॑प—अ॒नम्⁠। मे॒ पा॒हि॒⁠। पा॒हि॒ यः⁠। यो नः॑⁠। न॒ इ॒न्द्र॒वा॒यू॒⁠। इ॒न्द्र॒वा॒यू॒ मि॒त्रा॒व॒रु॒णौ॒⁠। इ॒न्द्र॒वा॒यू॒ इती᳚न्द्र—वा॒यू॒⁠। मि॒त्रा॒व॒रु॒णा॒व॒श्वि॒नौ॒⁠। मि॒त्रा॒व॒रु॒णा॒विति॑ मित्रा—व॒रु॒णौ॒⁠। अ॒श्वि॒ना॒व॒भि॒दास॑ति⁠। अ॒भि॒दास॑ति॒ भ्रातृ॑व्यः⁠। अ॒भि॒दास॒तीत्य॑भि—दास॑ति⁠। भ्रातृ॑व्य उ॒त्पिपी॑ते⁠। उ॒त्पिपी॑ते शुभः⁠। उ॒त्पिपी॑त॒ इत्यु॑त्—पिपी॑ते⁠। शु॒भ॒स्प॒ती॒⁠। प॒ती॒ इ॒दम्⁠। प॒ती॒ इति॑ पती⁠। इ॒दम॒हम्⁠। अ॒हम् तम्⁠। तमध॑रम्⁠। अध॑रम् पादयामि⁠। पा॒द॒या॒मि॒ यथा᳚⁠। यथे᳚न्द्र⁠। इ॒न्द्रा॒हम्⁠। अ॒हमु॑त्त॒मः⁠। उ॒त्त॒मश्चे॒तया॑नि⁠। उ॒त्त॒म इत्यु॑त्—त॒मः⁠। चे॒तया॒नीति॑ चे॒तया॑नि⁠॥ [४३] (र॒ख्‍ष॒स्व॒ भ्रातृ॑व्य॒ स्त्रयो॑दश च) ॥१०॥
प्र सः⁠। सो अ॑ग्ने⁠। अ॒ग्ने॒ तव॑⁠। तवो॒तिभिः॑⁠। ऊ॒तिभिः॑ सु॒वीरा॑भिः⁠। ऊ॒तिभि॒रित्यू॒ति—भिः॒⁠। सु॒वीरा॑भिस्तरति⁠। सु॒वीरा॑भि॒रिति॑ सु—वीरा॑भिः⁠। त॒र॒ति॒ वाज॑कर्मभिः⁠। वाज॑कर्मभि॒रिति॒ वाज॑कर्म—भिः॒⁠॥ यस्य॒ त्वम्⁠। त्वꣳ स॒ख्यम्⁠। स॒ख्यमावि॑थ⁠। आवि॒थेत्यावि॑थ⁠॥ प्र होत्रे᳚⁠। होत्रे॑ पू॒र्व्यम्⁠। पू॒र्व्यव्ँवचः॑⁠। वचो॒ ऽग्नये᳚⁠। अ॒ग्नये॑ भरत⁠। भ॒र॒ता॒ बृ॒हत्⁠। बृ॒हदिति॑ बृ॒हत्⁠॥ वि॒पाम् ज्योती॑ꣳषि⁠। वि॒पामिति॑ वि—पाम्⁠। ज्योती॑ꣳषि॒ बिभ्र॑ते⁠। बिभ्र॑ते॒ न⁠। न वे॒धसे᳚⁠। वे॒धस॒ इति॑ वे॒धसे᳚⁠॥ अग्ने॒ त्री⁠। त्री ते᳚⁠। ते॒ वाजि॑ना⁠। वाजि॑ना॒ त्री⁠। त्री ष॒धस्था᳚⁠। स॒धस्था॑ ति॒स्रः⁠। स॒धस्थेति॑ स॒ध—स्था॒⁠। ति॒स्रस्ते᳚⁠। ते॒ जि॒ह्वाः⁠। जि॒ह्वा ऋ॑तजात⁠। ऋ॒त॒जा॒त॒ पू॒र्वीः⁠। ऋ॒त॒जा॒तेत्यृ॑त—जा॒त॒⁠। पू॒र्वीरिति॑ पू॒र्वीः⁠॥ ति॒स्र उ॑⁠। उ॒ ते॒⁠। ते॒ त॒नुवः॑⁠। त॒नुवो॑ दे॒ववा॑ताः⁠। दे॒ववा॑ता॒स्ताभिः॑⁠। दे॒ववा॑ता॒ इति॑ दे॒व—वा॒ताः॒⁠। ताभि॑र् नः⁠। नः॒ पा॒हि॒⁠। पा॒हि॒ गिरः॑⁠। गिरो॒ अप्र॑युच्छन्न्⁠। अप्र॑युच्छ॒नित्यप्र॑—यु॒च्छ॒न्न्॒⁠॥ सव्ँवा᳚म्⁠। वां॒ कर्म॑णा⁠। कर्म॑णा॒ सम्⁠। समि॒षा⁠। इ॒षा हि॑नोमि⁠। [४४] हि॒नो॒मीन्द्रा॑विष्णू⁠। इन्द्रा॑विष्णू॒ अप॑सः⁠। इन्द्रा॑विष्णू॒ इतीन्द्रा᳚—वि॒ष्णू॒⁠। अप॑सस्पा॒रे⁠। पा॒रे अ॒स्य⁠। अ॒स्येत्य॒स्य⁠॥ जु॒षेथा᳚य्ँय॒ज्ञम्⁠। य॒ज्ञम् द्रवि॑णम्⁠। द्रवि॑णम् च⁠। च॒ ध॒त्त॒म्⁠। ध॒त्त॒मरि॑ष्टैः⁠। अरि॑ष्टैर् नः⁠। नः॒ प॒थिभिः॑⁠। प॒थिभिः॑ पा॒रय॑न्ता⁠। प॒थिभि॒रिति॑ प॒थि—भिः॒⁠। पा॒रय॒न्तेति॑ पा॒रय॑न्ता⁠॥ उ॒भा जि॑ग्यथुः⁠। जि॒ग्य॒थु॒र् न⁠। न परा᳚⁠। परा॑ जयेथे⁠। ज॒ये॒थे॒ न⁠। ज॒ये॒थे॒ इति॑ जयेथे⁠। न परा᳚⁠। परा॑ जिग्ये⁠। जि॒ग्ये॒ क॒त॒रः⁠। क॒त॒रश्च॒न⁠। च॒नैनोः᳚⁠। ए॒नो॒रित्ये॑नोः⁠॥ इन्द्र॑श्च⁠। च॒ वि॒ष्णो॒⁠। वि॒ष्णो॒ यत्⁠। वि॒ष्णो॒ इति॑ विष्णो⁠। यदप॑स्पृधेथाम्⁠। अप॑स्पृधेथाम् त्रे॒धा⁠। त्रे॒धा स॒हस्र᳚म्⁠। स॒हस्र॒व्ँवि⁠। वि तत्⁠। तदै॑रयेथाम्⁠। ऐ॒र॒ये॒था॒मित्यै॑रयेथाम्⁠॥ त्रीण्यायू॑ꣳषि⁠। आयू॑ꣳषि॒ तव॑⁠। तव॑ जातवेदः⁠। जा॒त॒वे॒द॒स्ति॒स्रः⁠। जा॒त॒वे॒द॒ इति॑ जात—वे॒दः॒⁠। ति॒स्र आ॒जानीः᳚⁠। आ॒जानी॑रु॒षसः॑⁠। आ॒जानी॒रित्या᳚—जानीः᳚⁠। उ॒षस॑स्ते⁠। ते॒ अ॒ग्ने॒⁠। अ॒ग्न॒ इत्य॑ग्ने⁠॥ ताभि॑र् दे॒वाना᳚म्⁠। दे॒वाना॒मवः॑⁠। अवो॑ यख्‍षि⁠। य॒ख्‍षि॒ वि॒द्वान्⁠। वि॒द्वानथ॑⁠। अथा॑ भव⁠। [४५] भ॒व॒ यज॑मानाय⁠। यज॑मानाय॒ शम्⁠। शय्ँयोः⁠। योरिति॒ योः⁠॥ अ॒ग्निस्त्रीणि॑⁠। त्रीणि॑ त्रि॒धातू॑नि⁠। त्रि॒धातू॒न्या⁠। त्रि॒धातू॒नीति॑ त्रि—धातू॑नि⁠। आ ख्‍षे॑ति⁠। ख्‍षे॒ति॒ वि॒दथा᳚⁠। वि॒दथा॑ क॒विः⁠। क॒विरिति॑ क॒विः⁠॥ स त्रीन्⁠। त्रीꣳरे॑काद॒शान्⁠। ए॒का॒द॒शाꣳ इ॒ह⁠। इ॒हेती॒ह⁠॥ यख्‍ष॑च् च⁠। च॒ पि॒प्रय॑त्⁠। पि॒प्रय॑च् च⁠। च॒ नः॒⁠। नो॒ विप्रः॑⁠। विप्रो॑ दू॒तः⁠। दू॒तः परि॑ष्कृतः⁠। परि॑ष्कृत॒ इति॒ परि॑ष्कृतः⁠॥ नभ॑न्तामन्य॒के⁠। अ॒न्य॒के स॑मे⁠। स॒म॒ इति॑ समे⁠॥ इन्द्रा॑विष्णू दृꣳहि॒ताः⁠। इन्द्रा॑विष्णू॒ इतीन्द्रा᳚—वि॒ष्णू॒⁠। दृ॒ꣳ॒हि॒ताः शम्ब॑रस्य⁠। शम्ब॑रस्य॒ नव॑⁠। नव॒ पुरः॑⁠। पुरो॑ नव॒तिम्⁠। न॒व॒तिम् च॑⁠। च॒ श्ञ॒थि॒ष्ट॒म्⁠। श्ञ॒थि॒ष्ट॒मिति॑ श्ञथिष्टम्⁠॥ श॒तव्ँव॒र्चिनः॑⁠। व॒र्चिनः॑ स॒हस्र᳚म्⁠। स॒हस्र॑म् च⁠। च॒ सा॒कम्⁠। सा॒कꣳ ह॒थः⁠। ह॒थो अ॑प्र॒ति⁠। अ॒प्र॒त्यसु॑रस्य⁠। असु॑रस्य वी॒रान्⁠। वी॒रानिति॑ वी॒रान्⁠॥ उ॒त मा॒ता⁠। मा॒ता म॑हि॒षम्⁠। म॒हि॒षमनु॑⁠। अन्व॑वेनत्⁠। अ॒वे॒न॒द॒मी⁠। अ॒मी त्वा᳚⁠। अ॒मी इत्य॒मी⁠। त्वा॒ ज॒ह॒ति॒⁠। ज॒ह॒ति॒ पु॒त्र॒⁠। पु॒त्र॒ दे॒वाः⁠। दे॒वा इति॑ दे॒वाः⁠॥ अथा᳚ब्रवीत्⁠। अ॒ब्र॒वी॒द् वृ॒त्रम्⁠। वृ॒त्रमिन्द्रः॑⁠। इन्द्रो॑ हनि॒ष्यन्न्⁠। ह॒नि॒ष्यन्थ् सखे᳚⁠। सखे॑ विष्णो⁠। वि॒ष्णो॒ वि॒त॒रम्⁠। वि॒ष्णो॒ इति॑ विष्णो⁠। वि॒त॒रव्ँवि⁠। वि॒त॒रमिति॑ वि—त॒रम्⁠। वि क्र॑मस्व⁠। क्र॒म॒स्वेति॑ क्रमस्व⁠॥ [४६] (इ॒षा ऽथ॑ त्वा॒ त्रयो॑दश च) ॥११॥
अनुवाकाः पञ्चशती
११ ४६