कृष्ण यजुर्वेदीय तैत्तिरीय संहिता क्रम पाठः
षष्ठकाण्डे चतुर्थः प्रश्नः

कांड ६ प्रश्न ४
सोममन्त्रब्राह्मणनिरूपणं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
य॒ज्ञेन॒ वै⁠। वै प्र॒जाप॑तिः⁠। प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा अ॑सृजत⁠। प्र॒जा इति॑ प्र—जाः⁠। अ॒सृ॒ज॒त॒ ताः⁠। ता उ॑प॒यड्भिः॑⁠। उ॒प॒यड्भि॑रे॒व⁠। उ॒प॒यड्भि॒रित्यु॑प॒यट्—भिः॒⁠। ए॒वासृ॑जत⁠। अ॒सृ॒ज॒त॒ यत्⁠। यदु॑प॒यजः॑⁠। उ॒प॒यज॑ उप॒यज॑ति⁠। उ॒प॒यज॒ इत्यु॑प—यजः॑⁠। उ॒प॒यज॑ति प्र॒जाः⁠। उ॒प॒यज॒तीत्यु॑प—यज॑ति⁠। प्र॒जा ए॒व⁠। प्र॒जा इति॑ प्र—जाः⁠। ए॒व तत्⁠। तद् यज॑मानः⁠। यज॑मानः सृजते⁠। सृ॒ज॒ते॒ ज॒घ॒ना॒र्द्धात्⁠। ज॒घ॒ना॒र्द्धादव॑⁠। ज॒घ॒ना॒र्द्धादि॑ति जघन—अ॒र्द्धात्⁠। अव॑ द्यति⁠। द्य॒ति॒ ज॒घ॒ना॒र्द्धात्⁠। ज॒घ॒ना॒र्द्धाद्‌धि⁠। ज॒घ॒ना॒र्द्धादिति॑ जघन—अ॒र्द्धात्⁠। हि प्र॒जाः⁠। प्र॒जाः प्र॒जाय॑न्ते⁠। प्र॒जा इति॑ प्र—जाः⁠। प्र॒जाय॑न्ते स्थविम॒तः⁠। प्र॒जाय॑न्त॒ इति॑ प्र—जाय॑न्ते⁠। स्थ॒वि॒म॒तोऽव॑⁠। अव॑ द्यति⁠। द्य॒ति॒ स्थ॒वि॒म॒तः⁠। स्थ॒वि॒म॒तो हि⁠। हि प्र॒जाः⁠। प्र॒जाः प्र॒जाय॑न्ते⁠। प्र॒जा इति॑ प्र—जाः⁠। प्र॒जाय॒न्तेऽस॑म्भिन्दन्न्⁠। प्र॒जाय॑न्त॒ इति॑ प्र—जाय॑न्ते⁠। अस॑म्भिन्द॒न्नव॑⁠। अस॑म्भिन्द॒न्नित्यस᳚म्—भि॒न्द॒न्न्॒⁠। अव॑ द्यति⁠। द्य॒ति॒ प्रा॒णाना᳚म्⁠। प्रा॒णाना॒मस॑म्भेदाय⁠। प्रा॒णाना॒मिति॑ प्र—अ॒नाना᳚म्⁠। अस॑म्भेदाय॒ न⁠। अस॑म्भेदा॒येत्यस᳚म्—भे॒दा॒य॒⁠। न प॒र्याव॑र्तयति⁠। प॒र्याव॑र्तयति॒ यत्⁠। प॒र्याव॑र्तय॒तीति॑ परि—आव॑र्तयति⁠। यत् प॑र्याव॒र्तये᳚त्⁠। प॒र्या॒व॒र्तये॑दुदाव॒र्तः⁠। प॒र्या॒व॒र्तये॒दिति॑ परि—आ॒व॒र्तये᳚त्⁠। उ॒दा॒व॒र्तः प्र॒जाः⁠। प्र॒जाः ग्राहु॑कः⁠। प्र॒जा इति॑ प्र—जाः⁠। ग्राहु॑कः स्यात्⁠। स्या॒थ् स॒मु॒द्रम्⁠। स॒मु॒द्रम् ग॑च्छ⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒ह॒ रेतः॑⁠। रेत॑ ए॒व⁠। [१] ए॒व तत्⁠। तद् द॑धाति⁠। द॒धा॒त्य॒न्तरि॑ख्‍षम्⁠। अ॒न्तरि॑ख्‍षम् गच्छ⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒हा॒न्तरि॑ख्‍षेण⁠। अ॒न्तरि॑ख्‍षेणै॒व⁠। ए॒वास्मै᳚⁠। अ॒स्मै॒ प्र॒जाः⁠। प्र॒जाः प्र⁠। प्र॒जा इति॑ प्र—जाः⁠। प्र ज॑नयति⁠। ज॒न॒य॒त्य॒न्तरि॑ख्‍षम्⁠। अ॒न्तरि॑ख्‍ष॒ꣳ॒ हि⁠। ह्यनु॑⁠। अनु॑ प्र॒जाः⁠। प्र॒जाः प्र॒जाय॑न्ते⁠। प्र॒जा इति॑ प्र—जाः⁠। प्र॒जाय॑न्ते दे॒वम्⁠। प्र॒जाय॑न्त॒ इति॑ प्र—जाय॑न्ते⁠। दे॒वꣳ स॑वि॒तार᳚म्⁠। स॒वि॒तार॑म् गच्छ⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒ह॒ स॒वि॒तृप्र॑सूतः⁠। स॒वि॒तृप्र॑सूत ए॒व⁠। स॒वि॒तृप्र॑सूत॒ इति॑ सवि॒तृ—प्र॒सू॒तः॒⁠। ए॒वास्मै᳚⁠। अ॒स्मै॒ प्र॒जाः⁠। प्र॒जाः प्र⁠। प्र॒जा इति॑ प्र—जाः⁠। प्र ज॑नयति⁠। ज॒न॒य॒त्य॒हो॒रा॒त्रे⁠। अ॒हो॒रा॒त्रे ग॑च्छ⁠। अ॒हो॒रा॒त्रे इत्य॑हः—रा॒त्रे⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒हा॒हो॒रा॒त्राभ्या᳚म्⁠। अ॒हो॒रा॒त्राभ्या॑मे॒व⁠। अ॒हो॒रा॒त्राभ्या॒मित्य॑हः—रा॒त्राभ्या᳚म्⁠। ए॒वास्मै᳚⁠। अ॒स्मै॒ प्र॒जाः⁠। प्र॒जाः प्र⁠। प्र॒जा इति॑ प्र—जाः⁠। प्र ज॑नयति⁠। ज॒न॒य॒त्य॒हो॒रा॒त्रे⁠। अ॒हो॒रा॒त्रे हि⁠। अ॒हो॒रा॒त्रे इत्य॑हः—रा॒त्रे⁠। ह्यनु॑⁠। अनु॑ प्र॒जाः⁠। प्र॒जाः प्र॒जाय॑न्ते⁠। प्र॒जा इति॑ प्र—जाः⁠। प्र॒जाय॑न्ते मि॒त्रावरु॑णौ⁠। प्र॒जाय॑न्त॒ इति॑ प्र—जाय॑न्ते⁠। मि॒त्रावरु॑णौ गच्छ⁠। मि॒त्रावरु॑णा॒विति॑ मि॒त्रा—वरु॑णौ⁠। ग॒च्छ॒ स्वाहा᳚⁠। स्वाहेति॑⁠। [२] इत्या॑ह⁠। आ॒ह॒ प्र॒जासु॑⁠। प्र॒जास्वे॒व⁠। प्र॒जास्विति॑ प्र—जासु॑⁠। ए॒व प्रजा॑तासु⁠। प्रजा॑तासु प्राणापा॒नौ⁠। प्रजा॑ता॒स्विति॒ प्र—जा॒ता॒सु॒⁠। प्रा॒णा॒पा॒नौ द॑धाति⁠। प्रा॒णा॒पा॒नाविति॑ प्राण—अ॒पा॒नौ⁠। द॒धा॒ति॒ सोम᳚म्⁠। सोम॑म् गच्छ⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒ह॒ सौ॒म्याः⁠। सौ॒म्या हि⁠। हि दे॒वत॑या⁠। दे॒वत॑या प्र॒जाः⁠। प्र॒जा य॒ज्ञम्⁠। प्र॒जा इति॑ प्र—जाः⁠। य॒ज्ञम् ग॑च्छ⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒ह॒ प्र॒जाः⁠। प्र॒जा ए॒व⁠। प्र॒जा इति॑ प्र—जाः⁠। ए॒व य॒ज्ञियाः᳚⁠। य॒ज्ञियाः᳚ करोति⁠। क॒रो॒ति॒ छन्दा॑ꣳसि⁠। छन्दा॑ꣳसि गच्छ⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒ह॒ प॒शवः॑⁠। प॒शवो॒ वै⁠। वै छन्दा॑ꣳसि⁠। छन्दा॑ꣳसि प॒शून्⁠। प॒शूने॒व⁠। ए॒वाव॑⁠। अव॑ रुन्धे⁠। रु॒न्धे॒ द्यावा॑पृथि॒वी⁠। द्यावा॑पृथि॒वी ग॑च्छ⁠। द्यावा॑पृथि॒वी इति॒ द्यावा᳚—पृ॒थि॒वी⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒ह॒ प्र॒जाः⁠। प्र॒जा ए॒व⁠। प्र॒जा इति॑ प्र—जाः⁠। ए॒व प्रजा॑ताः⁠। प्रजा॑ता॒ द्यावा॑पृथि॒वीभ्या᳚म्⁠। प्रजा॑ता॒ इति॒ प्र—जा॒ताः॒⁠। द्यावा॑पृथि॒वीभ्या॑मुभ॒यतः॑⁠। द्यावा॑पृथि॒वीभ्या॒मिति॒ द्यावा᳚—पृ॒थि॒वीभ्या᳚म्⁠। उ॒भ॒यतः॒ परि॑⁠। परि॑ गृह्णाति⁠। गृ॒ह्णा॒ति॒ नभः॑⁠। नभो॑ दि॒व्यम्⁠। [३] दि॒व्यम् ग॑च्छ⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒ह॒ प्र॒जाभ्यः॑⁠। प्र॒जाभ्य॑ ए॒व⁠। प्र॒जाभ्य॒ इति॑ प्र—जाभ्यः॑⁠। ए॒व प्रजा॑ताभ्यः⁠। प्रजा॑ताभ्यो॒ वृष्टि᳚म्⁠। प्रजा॑ताभ्य॒ इति॒ प्र—जा॒ता॒भ्यः॒⁠। वृष्टि॒म् नि⁠। नि य॑च्छति⁠। य॒च्छ॒त्य॒ग्निम्⁠। अ॒ग्निव्ँवै᳚श्वान॒रम्⁠। वै॒श्वा॒न॒रम् ग॑च्छ⁠। ग॒च्छ॒ स्वाहा᳚⁠। स्वाहेति॑⁠। इत्या॑ह⁠। आ॒ह॒ प्र॒जाः⁠। प्र॒जा ए॒व⁠। प्र॒जा इति॑ प्र—जाः⁠। ए॒व प्रजा॑ताः⁠। प्रजा॑ता अ॒स्याम्⁠। प्रजा॑ता॒ इति॒ प्र—जा॒ताः॒⁠। अ॒स्याम् प्रति॑⁠। प्रति॑ष्ठापयति⁠। स्था॒प॒य॒ति॒ प्रा॒णाना᳚म्⁠। प्रा॒णाना॒व्ँवै⁠। प्रा॒णाना॒मिति॑ प्र—अ॒नाना᳚म्⁠। वा ए॒षः⁠। ए॒षोऽव॑⁠। अव॑ द्यति⁠। द्य॒ति॒ यः⁠। यो॑ऽव॒द्यति॑⁠। अ॒व॒द्यति॑ गु॒दस्य॑⁠। अ॒व॒द्यतीत्य॑व—द्यति॑⁠। गु॒दस्य॒ मनः॑⁠। मनो॑ मे⁠। मे॒ हार्दि॑⁠। हार्दि॑ यच्छ⁠। य॒च्छेति॑⁠। इत्या॑ह⁠। आ॒ह॒ प्रा॒णान्⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒व य॑थास्था॒नम्⁠। य॒था॒स्था॒नमुप॑⁠। य॒था॒स्था॒नमिति॑ यथा—स्था॒नम्⁠। उप॑ ह्वयते⁠। ह्व॒य॒ते॒ प॒शोः⁠। प॒शोर् वै⁠। वा आल॑ब्धस्य⁠। आल॑ब्धस्य॒ हृद॑यम्⁠। आल॑ब्ध॒स्येत्या—ल॒ब्ध॒स्य॒⁠। हृद॑य॒ꣳ॒ शुक्⁠। शुगृ॑च्छति⁠। ऋ॒च्छ॒ति॒ सा⁠। सा हृ॑दयशू॒लम्⁠। हृ॒द॒य॒शू॒लम॒भि⁠। हृ॒द॒य॒शू॒लमिति॑ हृदय—शू॒लम्⁠। [४] अ॒भि सम्⁠। समे॑ति⁠। ए॒ति॒ यत्⁠। यत् पृ॑थि॒व्याम्⁠। पृ॒थि॒व्याꣳ हृ॑दयशू॒लम्⁠। हृ॒द॒य॒शू॒लमु॑द्‌वा॒सये᳚त्⁠। हृ॒द॒य॒शू॒लमिति॑ हृदय—शू॒लम्⁠। उ॒द्‌वा॒सये᳚त् पृथि॒वीम्⁠। उ॒द्‌वा॒सये॒दित्यु॑त्—वा॒सये᳚त्⁠। पृ॒थि॒वीꣳ शु॒चा⁠। शु॒चाऽर्प॑येत्⁠। अ॒र्प॒ये॒द् यत्⁠। यद॒फ्सु⁠। अ॒फ्स्व॑पः⁠। अ॒फ्स्वित्य॑प्—सु⁠। अ॒पः शु॒चा⁠। शु॒चाऽर्प॑येत्⁠। अ॒र्प॒ये॒च्छुष्क॑स्य⁠। शुष्क॑स्य च⁠। चा॒र्द्रस्य॑⁠। आ॒र्द्रस्य॑ च⁠। च॒ स॒न्धौ⁠। स॒न्धावुत्⁠। स॒न्धाविति॑ सम्—धौ⁠। उद् वा॑सयति⁠। वा॒स॒य॒त्यु॒भय॑स्य⁠। उ॒भय॑स्य॒ शान्त्यै᳚⁠। शान्त्यै॒ यम्⁠। यम् द्वि॒ष्यात्⁠। द्वि॒ष्यात् तम्⁠। तम् ध्या॑येत्⁠। ध्या॒ये॒च्छु॒चा⁠। शु॒चैव⁠। ए॒वैन᳚म्⁠। ए॒न॒म॒र्प॒य॒ति॒⁠। अ॒र्प॒य॒तीत्य॑र्पयति⁠॥ [५] (रेतो॑ मि॒त्रावरु॑णौ गच्छ॒ स्वाहा॒ नभो॑ हृदयशू॒लम् द्वात्रि॑ꣳशच्च) ॥१॥
दे॒वा वै⁠। वै य॒ज्ञम्⁠। य॒ज्ञमाग्नी᳚द्ध्रे⁠। आग्नी᳚द्ध्रे॒ वि⁠। आग्नी᳚द्ध्र॒ इत्याग्नि॑—इ॒द्ध्रे॒⁠। व्य॑भजन्त⁠। अ॒भ॒ज॒न्त॒ ततः॑⁠। ततो॒ यत्⁠। यद॒त्यशि॑ष्यत⁠। अ॒त्यशि॑ष्यत॒ तत्⁠। अ॒त्यशि॑ष्य॒तेत्य॑ति—अशि॑ष्यत⁠। तद॑ब्रुवन्न्⁠। अ॒ब्रु॒व॒न् वस॑तु⁠। वस॑तु॒ नु⁠। नु नः॑⁠। न॒ इ॒दम्⁠। इ॒दमिति॑⁠। इति॒ तत्⁠। तद् व॑सती॒वरी॑णाम्⁠। व॒स॒ती॒वरी॑णाव्ँवसतीवरि॒त्वम्⁠। व॒स॒ती॒व॒रि॒त्वम् तस्मि॑न्न्⁠। व॒स॒ती॒व॒रि॒त्वमिति॑ वसतीवरि—त्वम्⁠। तस्मि॑न् प्रा॒तः⁠। प्रा॒तर् न⁠। न सम्⁠। सम॑शक्नुवन्न्⁠। अ॒श॒क्नु॒व॒न् तत्⁠। तद॒फ्सु⁠। अ॒फ्सु प्र⁠। अ॒फ्सित्य॑प्—सु⁠। प्रावे॑शयन्न्⁠। अ॒वे॒श॒य॒न् ताः⁠। ता व॑सती॒वरीः᳚⁠। व॒स॒ती॒वरी॑रभवन्न्⁠। अ॒भ॒व॒न् व॒स॒ती॒वरीः᳚⁠। व॒स॒ती॒वरी᳚र् गृह्णाति⁠। गृ॒ह्णा॒ति॒ य॒ज्ञः⁠। य॒ज्ञो वै⁠। वै व॑सती॒वरीः᳚⁠। व॒स॒ती॒वरी᳚र् य॒ज्ञम्⁠। य॒ज्ञमे॒व⁠। ए॒वारभ्य॑⁠। आ॒रभ्य॑ गृही॒त्वा⁠। आ॒रभ्येत्या᳚—रभ्य॑⁠। गृ॒ही॒त्वोप॑⁠। उप॑ वसति⁠। व॒स॒ति॒ यस्य॑⁠। यस्यागृ॑हीताः⁠। अगृ॑हीता अ॒भि⁠। अ॒भि नि॒म्रोचे᳚त्⁠। नि॒म्रोचे॒दना॑रब्धः⁠। नि॒म्रोचे॒दिति॑ नि—म्रोचे᳚त्⁠। अना॑रब्धोऽस्य⁠। अना॑रब्ध॒ इत्यना᳚—र॒ब्धः॒⁠। अ॒स्य॒ य॒ज्ञः⁠। य॒ज्ञः स्या᳚त्⁠। स्या॒द् य॒ज्ञम्⁠। [६] य॒ज्ञव्ँवि⁠। विच्छि॑न्द्यात्⁠। छि॒न्द्या॒ज् ज्यो॒ति॒ष्या᳚⁠। ज्यो॒ति॒ष्या॑ वा⁠। वा॒ गृ॒ह्णी॒यात्⁠। गृ॒ह्णि॒याद्‌धिर॑ण्यम्⁠। हिर॑ण्यव्ँवा⁠। वा॒ऽव॒धाय॑⁠। अ॒व॒धाय॒ सशु॑क्राणाम्⁠। अ॒व॒धायेत्य॑व—धाय॑⁠। सशु॑क्राणमे॒व⁠। सशु॑क्राणा॒मिति॒ स—शु॒क्रा॒णा॒म्⁠। ए॒व गृ॑ह्णाति⁠। गृ॒ह्णा॒ति॒ यः⁠। यो वा᳚⁠। वा॒ ब्रा॒ह्म॒णः⁠। ब्रा॒ह्म॒णो ब॑हुया॒जी⁠। ब॒हु॒या॒जी तस्य॑⁠। ब॒हु॒या॒जीति॑ बहु—या॒जी⁠। तस्य॒ कुम्भ्या॑नाम्⁠। कुम्भ्या॑नाम् गृह्णीयात्⁠। गृ॒ह्णी॒या॒थ् सः⁠। स हि⁠। हि गृ॑ही॒तव॑सतीवरीकः⁠। गृ॒ही॒तव॑सतीवरीको वसती॒वरीः᳚⁠। गृ॒ही॒तव॑सतीवरीक॒ इति॑ गृही॒त—व॒स॒ती॒व॒री॒कः॒⁠। व॒स॒ती॒वरी᳚र् गृह्णाति⁠। गृ॒ह्णा॒ति॒ प॒शवः॑⁠। प॒शवो॒ वै⁠। वै व॑सती॒वरीः᳚⁠। व॒स॒ती॒वरीः᳚ प॒शून्⁠। प॒शूने॒व⁠। ए॒वारभ्य॑⁠। आ॒रभ्य॑ गृही॒त्वा⁠। आ॒रभ्येत्या᳚—रभ्य॑⁠। गृ॒ही॒त्वोप॑⁠। उप॑ वसति⁠। व॒स॒ति॒ यत्⁠। यद॑न्वी॒पम्⁠। अ॒न्वी॒पम् तिष्ठ॑न्न्⁠। तिष्ठ॑न् गृह्णी॒यात्⁠। गृ॒ह्णी॒यान् नि॒र्मार्गु॑काः⁠। नि॒र्मार्गु॑का अस्मात्⁠। नि॒र्मार्गु॑का॒ इति॑ निः—मार्गु॑काः⁠। अ॒स्मा॒त् प॒शवः॑⁠। प॒शवः॑ स्युः⁠। स्युः॒ प्र॒ती॒पम्⁠। प्र॒ती॒पम् तिष्ठ॑न्न्⁠। तिष्ठ॑न् गृह्णाति⁠। गृ॒ह्णा॒ति॒ प्र॒ति॒रुद्ध्य॑⁠। प्र॒ति॒रुद्ध्यै॒व⁠। प्र॒ति॒रुद्ध्येति॑ प्रति—रुद्ध्य॑⁠। ए॒वास्मै᳚⁠। अ॒स्मै॒ प॒शून्⁠। प॒शून् गृ॑ह्णाति⁠। गृ॒ह्णा॒तीन्द्रः॑⁠। इन्द्रो॑ वृ॒त्रम्⁠। [७] वृ॒त्रम॑हन्न्⁠। अ॒ह॒न्थ् सः⁠। सो॑ऽपः⁠। अ॒पो॑ऽभि⁠। अ॒भ्य॑म्रियत⁠। अ॒म्रि॒य॒त॒ तासा᳚म्⁠। तासा॒य्ँयत्⁠। यन् मेद्ध्य᳚म्⁠। मेद्ध्य॑य्ँय॒ज्ञिय᳚म्⁠। य॒ज्ञिय॒ꣳ॒ सदे॑वम्⁠। सदे॑व॒मासी᳚त्⁠। सदे॑व॒मिति॒ स—दे॒व॒म्⁠। आसी॒त् तत्⁠। तदति॑⁠। अत्य॑मुच्यत⁠। अ॒मु॒च्य॒त॒ ताः⁠। ता वह॑न्तीः⁠। वह॑न्तिरभवन्न्⁠। अ॒भ॒व॒न् वह॑न्तीनाम्⁠। वह॑न्तीनाम् गृह्णाति⁠। गृ॒ह्णा॒ति॒ याः⁠। या ए॒व⁠। ए॒व मेद्ध्याः᳚⁠। मेद्ध्या॑ य॒ज्ञियाः᳚⁠। य॒ज्ञियाः॒ सदे॑वाः⁠। सदे॑वा॒ आपः॑⁠। सदे॑वा॒ इति॒ स—दे॒वाः॒⁠। आप॒स्तासा᳚म्⁠। तासा॑मे॒व⁠। ए॒व गृ॑ह्णाति⁠। गृ॒ह्णा॒ति॒ न⁠। नान्त॒माः⁠। अ॒न्त॒मा वह॑न्तीः⁠। वह॑न्ती॒रति॑⁠। अती॑यात्⁠। इ॒या॒द् यत्⁠। यद॑न्त॒माः⁠। अ॒न्त॒मा वह॑न्तीः⁠। वह॑न्तीरती॒यात्⁠। अ॒ती॒याद् य॒ज्ञम्⁠। अ॒ती॒यादित्य॑ति—इ॒यात्⁠। य॒ज्ञमति॑⁠। अति॑ मन्येत⁠। म॒न्ये॒त॒ न⁠। न स्था॑व॒राणा᳚म्⁠। स्था॒व॒राणा᳚म् गृह्णीयात्⁠। गृ॒ह्णी॒या॒द् वरु॑णगृहीताः⁠। वरु॑णगृहीता॒ वै⁠। वरु॑णगृहीता॒ इति॒ वरु॑ण—गृ॒ही॒ताः॒⁠। वै स्था॑व॒राः⁠। स्था॒व॒रा यत्⁠। यथ् स्था॑व॒राणा᳚म्⁠। स्था॒व॒राणा᳚म् गृह्णी॒यात्⁠। गृ॒ह्णी॒याद् वरु॑णेन⁠। [८] वरु॑णेनास्य⁠। अ॒स्य॒ य॒ज्ञम्⁠। य॒ज्ञम् ग्रा॑हयेत्⁠। ग्रा॒ह॒ये॒द् यत्⁠। यद् वै⁠। वै दिवा᳚⁠। दिवा॒ भव॑ति⁠। भव॑त्य॒पः⁠। अ॒पो रात्रिः॑⁠। रात्रिः॒ प्र⁠। प्र वि॑शति⁠। वि॒श॒ति॒ तस्मा᳚त्⁠। तस्मा᳚त् ता॒म्राः⁠। ता॒म्रा आपः॑⁠। आपो॒ दिवा᳚⁠। दिवा॑ ददृश्रे⁠। द॒दृ॒श्रे॒ यत्⁠। यन् नक्त᳚म्⁠। नक्त॒म् भव॑ति⁠। भव॑त्य॒पः⁠। अ॒पोऽहः॑⁠। अहः॒ प्र⁠। प्र वि॑शति⁠। वि॒श॒ति॒ तस्मा᳚त्⁠। तस्मा᳚च् च॒न्द्राः⁠। च॒न्द्रा आपः॑⁠। आपो॒ नक्त᳚म्⁠। नक्त॑म् ददृश्रे⁠। द॒दृ॒श्रे॒ छा॒यायै᳚⁠। छा॒यायै॑ च⁠। चा॒तप॑तः⁠। आ॒तप॑तश्च⁠। आ॒तप॑त॒ इत्या᳚—तप॑तः⁠। च॒ स॒न्धौ⁠। स॒न्धौ गृ॑ह्णाति⁠। स॒न्धाविति॑ सम्—धौ⁠। गृ॒ह्णा॒त्य॒हो॒रा॒त्रयोः᳚⁠। अ॒हो॒रा॒त्रयो॑रे॒व⁠। अ॒हो॒रा॒त्रयो॒रित्य॑हः—रा॒त्रयोः᳚⁠। ए॒वास्मै᳚⁠। अ॒स्मै॒ वर्ण᳚म्⁠। वर्ण॑म् गृह्णाति⁠। गृ॒ह्णा॒ति॒ ह॒वीष्म॑तीः⁠। ह॒विष्म॑तीरि॒माः⁠। इ॒मा आपः॑⁠। आप॒ इति॑⁠। इत्या॑ह⁠। आ॒ह॒ ह॒विष्कृ॑तानाम्⁠। ह॒विष्कृ॑तानामे॒व⁠। ह॒विष्कृ॑ताना॒मिति॑ ह॒विः—कृ॒ता॒ना॒म्⁠। ए॒व गृ॑ह्णाति⁠। गृ॒ह्णा॒ति॒ ह॒विष्मा॑न्⁠। ह॒विष्मा॑ꣳ अस्तु⁠। अ॒स्तु॒ सूर्यः॑⁠। [९] सूर्य॒ इति॑⁠। इत्या॑ह⁠। आ॒ह॒ सशु॑क्राणाम्⁠। सशु॑क्राणामे॒व⁠। सशु॑क्राणा॒मिति॒ स—शु॒क्रा॒णा॒म्⁠। ए॒व गृ॑ह्णाति⁠। गृ॒ह्णा॒त्य॒नु॒ष्टुभा᳚⁠। अ॒नु॒ष्टुभा॑ गृह्णाति⁠। अ॒नु॒ष्टुभेत्य॑नु—स्तुभा᳚⁠। गृ॒ह्णा॒ति॒ वाक्⁠। वाग् वै⁠। वा अ॑नु॒ष्टुक्⁠। अ॒नु॒ष्टुग् वा॒चा⁠। अ॒नु॒ष्टुगित्य॑नु—स्तुक्⁠। वा॒चैव⁠। ए॒वैनाः᳚⁠। ए॒नाः॒ सर्व॑या⁠। सर्व॑या गृह्णाति⁠। गृ॒ह्णा॒ति॒ चतु॑ष्पदया⁠। चतु॑ष्पदय॒र्चा⁠। चतु॑ष्पद॒येति॒ चतुः॑—प॒द॒या॒⁠। ऋ॒चा गृ॑ह्णाति⁠। गृ॒ह्णा॒ति॒ त्रिः⁠। त्रिः सा॑दयति⁠। सा॒द॒य॒ति॒ स॒प्त⁠। स॒प्त सम्⁠। सम् प॑द्यन्ते⁠। प॒द्य॒न्ते॒ स॒प्तप॑दा⁠। स॒प्तप॑दा॒ शक्व॑री⁠। स॒प्तप॒देति॑ स॒प्त—प॒दा॒⁠। शक्व॑री प॒शवः॑⁠। प॒शवः॒ शक्व॑री⁠। शक्व॑री प॒शून्⁠। प॒शूने॒व⁠। ए॒वाव॑⁠। अव॑ रुन्धे⁠। रु॒न्धे॒ऽस्मै⁠। अ॒स्मै वै⁠। वै लो॒काय॑⁠। लो॒काय॒ गार्‌ह॑पत्यः⁠। गार्‌ह॑पत्य॒ आ⁠। गार्‌ह॑पत्य॒ इति॒ गार्‌ह॑—प॒त्यः॒⁠। आ धी॑यते⁠। धी॒य॒ते॒ऽमुष्मै᳚⁠। अ॒मुष्मा॑ आहव॒नीयः॑⁠। आ॒ह॒व॒नीयो॒ यत्⁠। आ॒ह॒व॒नीय॒ इत्या᳚—ह॒व॒नीयः॑⁠। यद् गार्‌ह॑पत्ये⁠। गार्‌ह॑पत्य उपसा॒दये᳚त्⁠। गार्‌ह॑पत्य॒ इति॒ गार्‌ह॑—प॒त्ये॒⁠। उ॒प॒सा॒दये॑द॒स्मिन्न्⁠। उ॒प॒सा॒दये॒दित्यु॑प—सा॒दये᳚त्⁠। अ॒स्मिल्ँलो॒के⁠। लो॒के प॑शु॒मान्⁠। प॒शु॒मान्थ् स्या᳚त्⁠। प॒शु॒मानिति॑ पशु—मान्⁠। स्या॒द् यत्⁠। यदा॑हव॒नीये᳚⁠। आ॒ह॒व॒नीये॒ऽमुष्मि॑न्न्⁠। आ॒ह॒व॒नीय॒ इत्या᳚—ह॒व॒नीये᳚⁠। अ॒मुष्मि॑ल्ँलो॒के⁠। [१०] लो॒के प॑शु॒मान्⁠। प॒शु॒मान्थ् स्या᳚त्⁠। प॒शु॒मानिति॑ पशु—मान्⁠। स्या॒दु॒भयोः᳚⁠। उ॒भयो॒रुप॑⁠। उप॑ सादयति⁠। सा॒द॒य॒त्यु॒भयोः᳚⁠। उ॒भयो॑रे॒व⁠। ए॒वैन᳚म्⁠। ए॒न॒ल्ँलो॒कयोः᳚⁠। लो॒कयोः᳚ पशु॒मन्त᳚म्⁠। प॒शु॒मन्त॑म् करोति⁠। प॒शु॒मन्त॒मिति॑ पशु—मन्त᳚म्⁠। क॒रो॒ति॒ स॒र्वतः॑⁠। स॒र्वतः॒ परि॑⁠। परि॑ हरति⁠। ह॒र॒ति॒ रख्‍ष॑साम्⁠। रख्‍ष॑सा॒मप॑हत्यै⁠। अप॑हत्या इन्द्राग्नि॒योः⁠। अप॑हत्या॒ इत्यप॑—ह॒त्यै॒⁠। इ॒न्द्रा॒ग्नि॒योर् भा॑ग॒धेयीः᳚⁠। इ॒न्द्रा॒ग्नि॒योरिती᳚न्द्र—अ॒ग्नि॒योः⁠। भा॒ग॒धेयीः᳚ स्थ⁠। भा॒ग॒धेयी॒रिति॑ भाग—धेयीः᳚⁠। स्थेति॑⁠। इत्या॑ह⁠। आ॒ह॒ य॒था॒य॒जुः⁠। य॒था॒य॒जुरे॒व⁠। य॒था॒य॒जुरिति॑ यथा—य॒जुः⁠। ए॒वैतत्⁠। ए॒तदाग्नी᳚द्ध्रे⁠। आग्नी᳚द्ध्र॒ उप॑⁠। आग्नी᳚द्ध्र॒ इत्याग्नि॑—इ॒द्ध्रे॒⁠। उप॑ वासयति⁠। वा॒स॒य॒त्ये॒तत्⁠। ए॒तद् वै⁠। वै य॒ज्ञस्य॑⁠। य॒ज्ञस्याप॑राजितम्⁠। अप॑राजित॒य्ँयत्⁠। अप॑राजित॒मित्यप॑रा—जि॒त॒म्⁠। यदाग्नी᳚द्ध्रम्⁠। आग्नी᳚द्ध्र॒य्ँयत्⁠। आग्नी᳚द्ध्र॒मित्याग्नि॑—इ॒द्ध्र॒म्⁠। यदे॒व⁠। ए॒व य॒ज्ञस्य॑⁠। य॒ज्ञस्याप॑राजितम्⁠। अप॑राजित॒म् तत्⁠। अप॑राजित॒मित्यप॑रा—जि॒त॒म्⁠। तदे॒व⁠। ए॒वैनाः᳚⁠। ए॒ना॒ उप॑⁠। उप॑ वासयति⁠। वा॒स॒य॒ति॒ यतः॑⁠। यतः॒ खलु॑⁠। खलु॒ वै⁠। वै य॒ज्ञस्य॑⁠। य॒ज्ञस्य॒ वित॑तस्य⁠। वित॑तस्य॒ न⁠। वित॑त॒स्येति॒ वि—त॒त॒स्य॒⁠। न क्रि॒यते᳚⁠। क्रि॒यते॒ तत्⁠। तदनु॑⁠। अनु॑ य॒ज्ञम्⁠। य॒ज्ञꣳ रख्‍षा॑ꣳसि⁠। रख्‍षा॒ꣴ॒स्यव॑⁠। अव॑ चरन्ति⁠। च॒र॒न्ति॒ यत्⁠। यद् वह॑न्तीनाम्⁠। वह॑न्तीनाम् गृ॒ह्णाति॑⁠। गृ॒ह्णाति॑ क्रि॒यमा॑णम्⁠। क्रि॒यमा॑णमे॒व⁠। ए॒व तत्⁠। तद् य॒ज्ञस्य॑⁠। य॒ज्ञस्य॑ शये⁠। श॒ये॒ रख्‍ष॑साम्⁠। रख्‍ष॑सा॒मन॑न्ववचाराय⁠। अन॑न्ववचाराय॒ न⁠। अन॑न्ववचारा॒येत्यन॑नु—अ॒व॒चा॒रा॒य॒⁠। न हि⁠। ह्ये॑ताः⁠। ए॒ता ई॒लय॑न्ति⁠। ई॒लय॒न्त्या⁠। आ तृ॑तीयसव॒नात्⁠। तृ॒ती॒य॒स॒व॒नात् परि॑⁠। तृ॒ती॒य॒स॒व॒नादिति॑ तृतीय—स॒व॒नात्⁠। परि॑ शेरे⁠। शे॒रे॒ य॒ज्ञस्य॑⁠। य॒ज्ञस्य॒ सन्त॑त्यै⁠। सन्त॑त्या॒ इति॒ सम्—त॒त्यै॒⁠॥ [११] (स्या॒ दिन्द्रो॑ गृह्णी॒या द॑स्त्व॒ मुष्मि॑न् क्रि॒यते॒ षड्वि॑ꣳशतिश्च) ॥२॥
ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ सः⁠। स तु⁠। त्वै⁠। वा अ॑द्ध्व॒र्युः⁠। अ॒द्ध्व॒र्युः स्या᳚त्⁠। स्या॒द् यः⁠। यः सोम᳚म्⁠। सोम॑मुपाव॒हर॑न्न्⁠। उ॒पा॒व॒हर॒न्थ् सर्वा᳚भ्यः⁠। उ॒पा॒व॒हर॒नित्यु॑प—अ॒व॒हर॑न्न्⁠। सर्वा᳚भ्यो दे॒वता᳚भ्यः⁠। दे॒वता᳚भ्य उपाव॒हरे᳚त्⁠। उ॒पा॒व॒हरे॒दिति॑⁠। उ॒पा॒व॒हरे॒दित्यु॑प—अ॒व॒हरे᳚त्⁠। इति॑ हृ॒दे⁠। हृ॒दे त्वा᳚⁠। त्वेति॑⁠। इत्या॑ह⁠। आ॒ह॒ म॒नु॒ष्ये᳚भ्यः⁠। म॒नु॒ष्ये᳚भ्य ए॒व⁠। ए॒वैतेन॑⁠। ए॒तेन॑ करोति⁠। क॒रो॒ति॒ मन॑से⁠। मन॑से त्वा⁠। त्वेति॑⁠। इत्या॑ह⁠। आ॒ह॒ पि॒तृभ्यः॑⁠। पि॒तृभ्य॑ ए॒व⁠। पि॒तृभ्य॒ इति॑ पि॒तृ—भ्यः॒⁠। ए॒वैतेन॑⁠। ए॒तेन॑ करोति⁠। क॒रो॒ति॒ दि॒वे⁠। दि॒वे त्वा᳚⁠। त्वा॒ सूर्या॑य⁠। सूर्या॑य त्वा⁠। त्वेति॑⁠। इत्या॑ह⁠। आ॒ह॒ दे॒वेभ्यः॑⁠। दे॒वेभ्य॑ ए॒व⁠। ए॒वैतेन॑⁠। ए॒तेन॑ करोति⁠। क॒रो॒त्ये॒ताव॑तीः⁠। ए॒ताव॑ती॒र् वै⁠। वै दे॒वताः᳚⁠। दे॒वता॒स्ताभ्यः॑⁠। ताभ्य॑ ए॒व⁠। ए॒वैन᳚म्⁠। ए॒न॒ꣳ॒ सर्वा᳚भ्यः⁠। सर्वा᳚भ्य उ॒पाव॑हरति⁠। उ॒पाव॑हरति पु॒रा⁠। उ॒पाव॑हर॒तीत्यु॑प—अव॑हरति⁠। पु॒रा वा॒चः⁠। वा॒चः प्रव॑दितोः⁠। [१२] प्रव॑दितोः प्रातरनुवा॒कम्⁠। प्रव॑दितो॒रिति॒ प्र—व॒दि॒तोः॒⁠। प्रा॒त॒र॒नु॒वा॒कमु॒पाक॑रोति⁠। प्रा॒त॒र॒नु॒वा॒कमिति॑ प्रातः—अ॒नु॒वा॒कम्⁠। उ॒पाक॑रोति॒ याव॑ती⁠। उ॒पाक॑रो॒तीत्यु॑प—आक॑रोति⁠। याव॑त्ये॒व⁠। ए॒व वाक्⁠। वाक् ताम्⁠। तामव॑⁠। अव॑ रुन्धे⁠। रु॒न्धे॒ऽपः⁠। अ॒पोऽग्रे᳚⁠। अग्रे॑ऽभि॒व्याह॑रति⁠। अ॒भि॒व्याह॑रति य॒ज्ञः⁠। अ॒भि॒व्याह॑र॒तीत्य॑भि—व्याह॑रति⁠। य॒ज्ञो वै⁠। वा आपः॑⁠। आपो॑ य॒ज्ञम्⁠। य॒ज्ञमे॒व⁠। ए॒वाभि⁠। अ॒भि वाच᳚म्⁠। वाच॒व्ँवि⁠। वि सृ॑जति⁠। सृ॒ज॒ति॒ सर्वा॑णि⁠। सर्वा॑णि॒ छन्दा॑ꣳसि⁠। छन्दा॒ꣴ॒स्यनु॑⁠। अन्वा॑ह⁠। आ॒ह॒ प॒शवः॑⁠। प॒शवो॒ वै⁠। वै छन्दा॑ꣳसि⁠। छन्दा॑ꣳसि प॒शून्⁠। प॒शूने॒व⁠। ए॒वाव॑⁠। अव॑ रुन्धे⁠। रु॒न्धे॒ गा॒य॒त्रि॒या⁠। गा॒य॒त्रि॒या तेज॑स्कामस्य⁠। तेज॑स्कामस्य॒ परि॑⁠। तेज॑स्काम॒स्येति॒ तेजः॑—का॒म॒स्य॒⁠। परि॑ दद्ध्यात्⁠। द॒द्ध्या॒त् त्रि॒ष्टुभा᳚⁠। त्रि॒ष्टुभे᳚न्द्रि॒यका॑मस्य⁠। इ॒न्द्रि॒यका॑मस्य॒ जग॑त्या⁠। इ॒न्द्रि॒यका॑म॒स्येती᳚न्द्रि॒य—का॒म॒स्य॒⁠। जग॑त्या प॒शुका॑मस्य⁠। प॒शुका॑मस्यानु॒ष्टुभा᳚⁠। प॒शुका॑म॒स्येति॑ प॒शु—का॒म॒स्य॒⁠। अ॒नु॒ष्टुभा᳚ प्रति॒ष्ठाका॑मस्य⁠। अ॒नु॒ष्टुभेत्य॑नु—स्तुभा᳚⁠। प्र॒ति॒ष्ठाका॑मस्य प॒ङ्‍क्त्या⁠। प्र॒ति॒ष्ठाका॑म॒स्येति॑ प्रति॒ष्ठा—का॒म॒स्य॒⁠। प॒ङ्‍क्त्या य॒ज्ञका॑मस्य⁠। य॒ज्ञका॑मस्य वि॒राजा᳚⁠। य॒ज्ञका॑म॒स्येति॑ य॒ज्ञ—का॒म॒स्य॒⁠। वि॒राजाऽन्न॑कामस्य⁠। वि॒राजेति॑ वि—राजा᳚⁠। अन्न॑कामस्य शृ॒णोतु॑⁠। अन्न॑काम॒स्येत्यन्न॑—का॒म॒स्य॒⁠। शृ॒णोत्व॒ग्निः⁠। अ॒ग्निः स॒मिधा᳚⁠। स॒मिधा॒ हव᳚म्⁠। स॒मिधेति॑ सम्—इधा᳚⁠। हव॑म् मे⁠। [१३] म॒ इति॑⁠। इत्या॑ह⁠। आ॒ह॒ स॒वि॒तृप्र॑सूतः⁠। स॒वि॒तृप्रसू॑त ए॒व⁠। स॒वि॒तृप्र॑सूत॒ इति॑ सवि॒तृ—प्र॒सू॒तः॒⁠। ए॒व दे॒वता᳚भ्यः⁠। दे॒वता᳚भ्यो नि॒वेद्य॑⁠। नि॒वेद्या॒पः⁠। नि॒वेद्येति॑ नि—वेद्य॑⁠। अ॒पोऽच्छ॑⁠। अच्छै॑ति⁠। ए॒त्य॒पः⁠। अ॒प इ॑ष्य⁠। इ॒ष्य॒ हो॒तः॒⁠। हो॒त॒रिति॑⁠। इत्या॑ह⁠। आ॒हे॒षि॒तम्⁠। इ॒षि॒तꣳ हि⁠। हि कर्म॑⁠। कर्म॑ क्रि॒यते᳚⁠। क्रि॒यते॒ मैत्रा॑वरुणस्य⁠। मैत्रा॑वरुणस्य चमसाद्ध्वर्यो⁠। मैत्रा॑वरुण॒स्येति॒ मैत्रा᳚—व॒रु॒ण॒स्य॒⁠। च॒म॒सा॒द्ध्व॒र्य॒वा⁠। च॒म॒सा॒द्ध्व॒र्य॒विति॑ चमस—अ॒द्ध्व॒र्यो॒⁠। आ द्र॑व⁠। द्र॒वेति॑⁠। इत्या॑ह⁠। आ॒ह॒ मि॒त्रावरु॑णौ⁠। मि॒त्रावरु॑णौ॒ वै⁠। मि॒त्रावरु॑णा॒विति॑ मि॒त्रा—वरु॑णौ⁠। वा अ॒पाम्⁠। अ॒पाम् ने॒तारौ᳚⁠। ने॒तारौ॒ ताभ्या᳚म्⁠। ताभ्या॑मे॒व⁠। ए॒वैनाः᳚⁠। ए॒ना॒ अच्छ॑⁠। अच्छै॑ति⁠। ए॒ति॒ देवीः᳚⁠। देवी॑रापः⁠। आ॒पो॒ अ॒पा॒म्⁠। अ॒पा॒म् न॒पा॒त्॒⁠। न॒पा॒दिति॑⁠। इत्या॑ह⁠। आ॒हाहु॑त्या⁠। आहु॑त्यै॒व⁠। आहु॒त्येत्या—हु॒त्या॒⁠। ए॒वैनाः᳚⁠। ए॒ना॒ नि॒ष्क्रीय॑⁠। नि॒ष्क्रीय॑ गृह्णाति⁠। नि॒ष्क्रीयेति॑ निः—क्रीय॑⁠। गृ॒ह्णा॒त्यथो᳚⁠। अथो॑ ह॒विष्कृ॑तानाम्⁠। अथो॒ इत्यथो᳚⁠। ह॒विष्कृ॑तानामे॒व⁠। ह॒विष्कृ॑ताना॒मिति॑ ह॒विः—कृ॒ता॒ना॒म्⁠। ए॒वाभिघृ॑तानाम्⁠। अ॒भिघृ॑तानाम् गृह्णाति⁠। अ॒भिघृ॑ताना॒मित्य॒भि—घृ॒ता॒ना॒म्⁠। गृ॒ह्णा॒ति॒ कार्‌षिः॑⁠। [१४] कार्‌षि॑रसि⁠। अ॒सीति॑⁠। इत्या॑ह⁠। आ॒ह॒ शम॑लम्⁠। शम॑लमे॒व⁠। ए॒वासा᳚म्⁠। आ॒सा॒मप॑⁠। अप॑ प्लावयति⁠। प्ला॒व॒य॒ति॒ स॒मु॒द्रस्य॑⁠। स॒मु॒द्रस्य॑ वः⁠। वोऽख्‍षि॑त्यै⁠। अख्‍षि॑त्या॒ उत्⁠। उन् न॑ये⁠। न॒य॒ इति॑⁠। इत्या॑ह⁠। आ॒ह॒ तस्मा᳚त्⁠। तस्मा॑द॒द्यमा॑नाः⁠। अ॒द्यमा॑नाः पी॒यमा॑नाः⁠। पी॒यमा॑ना॒ आपः॑⁠। आपो॒ न⁠। न ख्‍षी॑यन्ते⁠। ख्‍षी॒य॒न्ते॒ योनिः॑⁠। योनि॒र् वै⁠। वै य॒ज्ञस्य॑⁠। य॒ज्ञस्य॒ चात्वा॑लम्⁠। चात्वा॑लय्ँय॒ज्ञः⁠। य॒ज्ञो व॑सती॒वरीः᳚⁠। व॒स॒ती॒वरी॑र्‌होतृचम॒सम्⁠। हो॒तृ॒च॒म॒सम् च॑⁠। हो॒तृ॒च॒म॒समिति॑ होतृ—च॒म॒सम्⁠। च॒ मै॒त्रा॒व॒रु॒ण॒च॒म॒सम्⁠। मै॒त्रा॒व॒रु॒ण॒च॒म॒सम् च॑⁠। मै॒त्रा॒व॒रु॒ण॒च॒म॒समिति॑ मैत्रावरुण—च॒म॒सम्⁠। च॒ स॒ꣴ॒स्पर्श्य॑⁠। स॒ꣴ॒स्पर्श्य॑ वसती॒वरीः᳚⁠। स॒ꣴ॒स्पर्श्येति॑ सम्—स्पर्श्य॑⁠। व॒स॒ती॒वरी॒र् व्यान॑यति⁠। व्यान॑यति य॒ज्ञस्य॑⁠। व्यान॑य॒तीति॑ वि—आन॑यति⁠। य॒ज्ञस्य॑ सयोनि॒त्वाय॑⁠। स॒यो॒नि॒त्वायाथो᳚⁠। स॒यो॒नि॒त्वायेति॑ सयोनि—त्वाय॑⁠। अथो॒ स्वात्⁠। अथो॒ इत्यथो᳚⁠। स्वादे॒व⁠। ए॒वैनाः᳚⁠। ए॒ना॒ योनेः᳚⁠। योनेः॒ प्र⁠। प्र ज॑नयति⁠। ज॒न॒य॒त्यद्ध्व॑र्यो⁠। अद्ध्व॒र्योऽवेः᳚⁠। अद्ध्व॑र्यो॒ इत्यद्ध्व॑र्यो⁠। अवे॑र॒पा(३)ः⁠। अ॒पा(३) इति॑⁠। इत्या॑ह⁠। आ॒हो॒त⁠। उ॒तेम्⁠। ई॒म॒न॒न्न॒मुः॒⁠। अ॒न॒न्न॒मु॒रु॒त⁠। उ॒तेमाः⁠। इ॒माः प॑श्य⁠। प॒श्येति॑⁠। इति॒ वाव⁠। वावैतत्⁠। ए॒तदा॑ह⁠। आ॒ह॒ यदि॑⁠। यद्य॑ग्निष्टो॒मः⁠। अ॒ग्नि॒ष्टो॒मो जु॒होति॑⁠। अ॒ग्नि॒ष्टो॒म इत्य॑ग्नि—स्तो॒मः⁠। जु॒होति॒ यदि॑⁠। यद्यु॒क्थ्यः॑⁠। उ॒क्थ्यः॑ परि॒धौ⁠। प॒रि॒धौ नि⁠। प॒रि॒धाविति॑ परि—धौ⁠। नि मा᳚र्ष्टि⁠। मा॒र्ष्टि॒ यदि॑⁠। यद्य॑तिरा॒त्रः⁠। अ॒ति॒रा॒त्रो यजुः॑⁠। अ॒ति॒रा॒त्र इत्य॑ति—रा॒त्रः⁠। यजु॒र् वद॑न्न्⁠। वद॒न् प्र⁠। प्र प॑द्यते⁠। प॒द्य॒ते॒ य॒ज्ञ॒क्र॒तू॒नाम्⁠। य॒ज्ञ॒क्र॒तू॒नाव्ँव्यावृ॑त्त्यै⁠। य॒ज्ञ॒क्र॒तू॒नामिति॑ यज्ञ—क्र॒तू॒नाम्⁠। व्यावृ॑त्त्या॒ इति॑ वि—आवृ॑त्त्यै⁠॥ [१५] (वा॒चो हव॑ म॒भिघृ॑तानाम् गृह्णात्यु॒ त पञ्च॑विꣳशतिश्च) ॥३॥
दे॒वस्य॑ त्वा⁠। त्वा॒ स॒वि॒तुः⁠। स॒वि॒तुः प्र॑स॒वे⁠। प्र॒स॒व इति॑⁠। प्र॒स॒व इति॑ प्र—स॒वे⁠। इति॒ ग्रावा॑णम्⁠। ग्रावा॑ण॒मा⁠। आ द॑त्ते⁠। द॒त्ते॒ प्रसू᳚त्यै⁠। प्रसू᳚त्या अ॒श्विनोः᳚⁠। प्रसू᳚त्या॒ इति॒ प्र—सू॒त्यै॒⁠। अ॒श्विनो᳚र् बा॒हुभ्या᳚म्⁠। बा॒हुभ्या॒मिति॑⁠। बा॒हुभ्या॒मिति॑ बा॒हु—भ्या॒म्⁠। इत्या॑ह⁠। आ॒हा॒श्विनौ᳚⁠। अ॒श्विनौ॒ हि⁠। हि दे॒वाना᳚म्⁠। दे॒वाना॑मद्ध्व॒र्यू⁠। अ॒द्ध्व॒र्यू आस्ता᳚म्⁠। अ॒द्ध्व॒र्यू इत्य॑द्ध्व॒र्यू⁠। आस्ता᳚म् पू॒ष्णः⁠। पू॒ष्णो हस्ता᳚भ्याम्⁠। हस्ता᳚भ्या॒मिति॑⁠। इत्या॑ह⁠। आ॒ह॒ यत्यै᳚⁠। यत्यै॑ प॒शवः॑⁠। प॒शवो॒ वै⁠। वै सोमः॑⁠। सोमो᳚ व्या॒नः⁠। व्या॒न उ॑पाꣳशु॒सव॑नः⁠। व्या॒न इति॑ वि—अ॒नः⁠। उ॒पा॒ꣳ॒शु॒सव॑नो॒ यत्⁠। उ॒पा॒ꣳ॒शु॒सव॑न॒ इत्यु॑पाꣳशु—सव॑नः⁠। यदु॑पाꣳशु॒सव॑नम्⁠। उ॒पा॒ꣳ॒शु॒सव॑नम॒भि⁠। उ॒पा॒ꣳ॒शु॒सव॑न॒मित्यु॑पाꣳशु—सव॑नम्⁠। अ॒भि मिमी॑ते⁠। मिमी॑ते व्या॒नम्⁠। व्या॒नमे॒व⁠। व्या॒नमिति॑ वि—अ॒नम्⁠। ए॒व प॒शुषु॑⁠। प॒शुषु॑ दधाति⁠। द॒धा॒तीन्द्रा॑य⁠। इन्द्रा॑य त्वा⁠। त्वेन्द्रा॑य⁠। इन्द्रा॑य त्वा⁠। त्वेति॑⁠। इति॑ मिमीते⁠। मि॒मी॒त॒ इन्द्रा॑य⁠। इन्द्रा॑य॒ हि⁠। हि सोमः॑⁠। सोम॑ आह्रि॒यते᳚⁠। आ॒ह्रि॒यते॒ पञ्च॑⁠। आ॒ह्रि॒यत॒ इत्या᳚—ह्रि॒यते᳚⁠। पञ्च॒ कृत्वः॑⁠। कृत्वो॒ यजु॑षा⁠। यजु॑षा मिमीते⁠। मि॒मी॒ते॒ पञ्चा᳚ख्‍षरा⁠। [१६] पञ्चा᳚ख्‍षरा प॒ङ्‍क्तिः⁠। पञ्चा᳚ख्‍ष॒रेति॒ पञ्च॑—अ॒ख्‍ष॒रा॒⁠। प॒ङ्‍क्तिः पाङ्‍क्तः॑⁠। पाङ्‍क्तो॑ य॒ज्ञः⁠। य॒ज्ञो य॒ज्ञम्⁠। य॒ज्ञमे॒व⁠। ए॒वाव॑⁠। अव॑ रुन्धे⁠। रु॒न्धे॒ पञ्च॑⁠। पञ्च॒ कृत्वः॑⁠। कृत्व॑स्तू॒ष्णीम्⁠। तू॒ष्णीम् दश॑⁠। दश॒ सम्⁠। सम् प॑द्यन्ते⁠। प॒द्य॒न्ते॒ दशा᳚ख्‍षरा⁠। दशा᳚ख्‍षरा वि॒राट्⁠। दशा᳚ख्‍ष॒रेति॒ दश॑—अ॒ख्‍ष॒रा॒⁠। वि॒राडन्न᳚म्⁠। वि॒राडिति॑ वि—राट्⁠। अन्न॑व्ँवि॒राट्⁠। वि॒राड् वि॒राजा᳚⁠। वि॒राडिति॑ वि—राट्⁠। वि॒राजै॒व⁠। वि॒राजेति॑ वि—राजा᳚⁠। ए॒वान्नाद्य᳚म्⁠। अ॒न्नाद्य॒मव॑⁠। अ॒न्नाद्य॒मित्य॑न्न—अद्य᳚म्⁠। अव॑ रुन्धे⁠। रु॒न्धे॒ श्वा॒त्राः⁠। श्वा॒त्राः स्थ॑⁠। स्थ॒ वृ॒त्र॒तुरः॑⁠। वृ॒त्र॒तुर॒ इति॑⁠। वृ॒त्र॒तुर॒ इति॑ वृत्र—तुरः॑⁠। इत्या॑ह⁠। आ॒है॒षः⁠। ए॒ष वै⁠। वा अ॒पाम्⁠। अ॒पाꣳ सो॑मपी॒थः⁠। सो॒म॒पी॒थो यः⁠। सो॒म॒पी॒थ इति॑ सोम—पी॒थः⁠। य ए॒वम्⁠। ए॒वव्ँवेद॑⁠। वेद॒ न⁠। नाफ्सु⁠। अ॒फ्स्वार्ति᳚म्⁠। अ॒फ्स्वित्य॑प्—सु⁠। आर्ति॒मा⁠। आर्च्छ॑ति⁠। ऋ॒च्छ॒ति॒ यत्⁠। यत् ते᳚⁠। ते॒ सो॒म॒⁠। सो॒म॒ दि॒वि⁠। दि॒वि ज्योतिः॑⁠। ज्योति॒रिति॑⁠। इत्या॑ह⁠। आ॒है॒भ्यः⁠। ए॒भ्य ए॒व⁠। ए॒वैन᳚म्⁠। ए॒न॒ल्ँलो॒केभ्यः॑⁠। [१७] लो॒केभ्यः॒ सम्⁠। सम् भ॑रति⁠। भ॒र॒ति॒ सोमः॑⁠। सोमो॒ वै⁠। वै राजा᳚⁠। राजा॒ दिशः॑⁠। दिशो॒ऽभि⁠। अ॒भ्य॑द्ध्यायत्⁠। अ॒द्ध्या॒य॒थ् सः⁠। स दिशः॑⁠। दिशोऽनु॑⁠। अनु॒ प्र⁠। प्रावि॑शत्⁠। अ॒वि॒श॒त् प्राक्⁠। प्रागपा᳚क्⁠। अपा॒गुद॑क्⁠। उद॑गध॒राक्⁠। अ॒ध॒रागिति॑⁠। इत्या॑ह⁠। आ॒ह॒ दि॒ग्भ्यः⁠। दि॒ग्भ्य ए॒व⁠। दि॒ग्भ्य इति॑ दिक्—भ्यः⁠। ए॒वैन᳚म्⁠। ए॒न॒ꣳ॒ सम्⁠। सम् भ॑रति⁠। भ॒र॒त्यथो᳚⁠। अथो॒ दिशः॑⁠। अथो॒ इत्यथो᳚⁠। दिश॑ ए॒व⁠। ए॒वास्मै᳚⁠। अ॒स्मा॒ अव॑⁠। अव॑ रुन्धे⁠। रु॒न्धेऽम्ब॑⁠। अम्ब॒ नि⁠। नि ष्व॑र⁠। स्व॒रेति॑⁠। इत्या॑ह⁠। आ॒ह॒ कामु॑काः⁠। कामु॑का एनम्⁠। ए॒न॒ꣴ॒ स्त्रियः॑⁠। स्त्रियो॑ भवन्ति⁠। भ॒व॒न्ति॒ यः⁠। य ए॒वम्⁠। ए॒वव्ँवेद॑⁠। वेद॒ यत्⁠। यत् ते᳚⁠। ते॒ सो॒म॒⁠। सो॒मादा᳚भ्यम्⁠। अदा᳚भ्य॒म् नाम॑⁠। नाम॒ जागृ॑वि⁠। जागृ॒वीति॑⁠। इत्या॑ह⁠। [१८] आ॒है॒षः⁠। ए॒ष वै⁠। वै सोम॑स्य⁠। सोम॑स्य सोमपी॒थः⁠। सो॒म॒पी॒थो यः⁠। सो॒म॒पी॒थ इति॑ सोम—पी॒थः⁠। य ए॒वम्⁠। ए॒वव्ँवेद॑⁠। वेद॒ न⁠। न सौ॒म्याम्⁠। सौ॒म्यामार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒ति॒ घ्नन्ति॑⁠। घ्नन्ति॒ वै⁠। वा ए॒तत्⁠। ए॒तथ् सोम᳚म्⁠। सोम॒य्ँयत्⁠। यद॑भिषु॒ण्वन्ति॑⁠। अ॒भि॒षु॒ण्वन्त्य॒ꣳ॒शून्⁠। अ॒भि॒षु॒ण्वन्तीत्य॑भि—सु॒न्वन्ति॑⁠। अ॒ꣳ॒शूनप॑⁠। अप॑ गृह्णाति⁠। गृ॒ह्णा॒ति॒ त्राय॑ते⁠। त्राय॑त ए॒व⁠। ए॒वैन᳚म्⁠। ए॒न॒म् प्रा॒णाः⁠। प्रा॒णा वै⁠। प्रा॒णा इति॑ प्र—अ॒नाः⁠। वा अ॒ꣳ॒शवः॑⁠। अ॒ꣳ॒शवः॑ प॒शवः॑⁠। प॒शवः॒ सोमः॑⁠। सोमो॒ऽꣳ॒शून्⁠। अ॒ꣳ॒शून् पुनः॑⁠। पुन॒रपि॑⁠। अपि॑ सृजति⁠। सृ॒ज॒ति॒ प्रा॒णान्⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒व प॒शुषु॑⁠। प॒शुषु॑ दधाति⁠। द॒धा॒ति॒ द्वौद्वौ᳚⁠। द्वौद्वा॒वपि॑⁠। द्वौद्वा॒विति॒ द्वौ—द्वौ॒⁠। अपि॑ सृजति⁠। सृ॒ज॒ति॒ तस्मा᳚त्⁠। तस्मा॒द् द्वौद्वौ᳚⁠। द्वौद्वौ᳚ प्रा॒णाः⁠। द्वौद्वा॒विति॒ द्वौ—द्वौ॒⁠। प्रा॒णा इति॑ प्र—अ॒नाः⁠॥ [१९] (यजु॑षा मिमीत एन॒म् जागृ॒वीति॒ चतु॑श्चत्वारिꣳशच्च) ॥४॥
प्रा॒णो वै⁠। प्रा॒ण इति॑ प्र—अ॒नः⁠। वा ए॒षः⁠। ए॒ष यत्⁠। यदु॑पा॒ꣳ॒शुः⁠। उ॒पा॒ꣳ॒शुर् यत्⁠। उ॒पा॒ꣳ॒शुरित्यु॑प—अ॒ꣳ॒शुः⁠। यदु॑पा॒ꣴ॒श्व॑ग्राः⁠। उ॒पा॒ꣴ॒श्व॑ग्रा॒ ग्रहाः᳚⁠। उ॒पा॒ꣴ॒श्व॑ग्रा॒ इत्यु॑पा॒ꣳ॒शु—अ॒ग्राः॒⁠। ग्रहा॑ गृ॒ह्यन्ते᳚⁠। गृ॒ह्यन्ते᳚ प्रा॒णम्⁠। प्रा॒णमे॒व⁠। प्रा॒णमिति॑ प्र—अ॒नम्⁠। ए॒वानु॑⁠। अनु॒ प्र⁠। प्र य॑न्ति⁠। य॒न्त्य॒रु॒णः⁠। अ॒रु॒णो ह॑⁠। ह॒ स्म॒⁠। स्मा॒ह॒⁠। आ॒हौप॑वेशिः⁠। औप॑वेशिः प्रातस्सव॒ने⁠। औप॑वेशि॒रित्यौप॑—वे॒शिः॒⁠। प्रा॒त॒स्स॒व॒न ए॒व⁠। प्रा॒त॒स्स॒व॒न इति॑ प्रातः—स॒व॒ने⁠। ए॒वाहम्⁠। अ॒हय्ँय॒ज्ञम्⁠। य॒ज्ञꣳ सम्⁠। सꣴ स्था॑पयामि⁠। स्था॒प॒या॒मि॒ तेन॑⁠। तेन॒ ततः॑⁠। ततः॒ सꣴस्थि॑तेन⁠। सꣴस्थि॑तेन चरामि⁠। सꣴस्थि॑ते॒नेति॒ सम्—स्थि॒ते॒न॒⁠। च॒रा॒मीति॑⁠। इत्य॒ष्टौ⁠। अ॒ष्टौ कृत्वः॑⁠। कृत्वोऽग्रे᳚⁠। अग्रे॒ऽभि⁠। अ॒भि षु॑णोति⁠। सु॒नो॒त्य॒ष्टाख्‍ष॑रा⁠। अ॒ष्टाख्‍ष॑रा गाय॒त्री⁠। अ॒ष्टाख्‍ष॒रेत्य॒ष्टा—अ॒ख्‍ष॒रा॒⁠। गा॒य॒त्री गा॑य॒त्रम्⁠। गा॒य॒त्रम् प्रा॑तस्सव॒नम्⁠। प्रा॒त॒स्स॒व॒नम् प्रा॑तस्सव॒नम्⁠। प्रा॒त॒स्स॒व॒नमिति॑ प्रातः—स॒व॒नम्⁠। प्रा॒त॒स्स॒व॒नमे॒व⁠। प्रा॒त॒स्स॒व॒नमिति॑ प्रातः—स॒व॒नम्⁠। ए॒व तेन॑⁠। तेना᳚प्नोति⁠। आ॒प्नो॒त्येका॑दश⁠। एका॑दश॒ कृत्वः॑⁠। कृत्वो᳚ द्वि॒तीय᳚म्⁠। द्वि॒तीय॒मेका॑दशाख्‍षरा⁠। एका॑दशाख्‍षरा त्रि॒ष्टुप्⁠। एका॑दशाख्‍ष॒रेत्येका॑दश—अ॒ख्‍ष॒रा॒⁠। त्रि॒ष्टुप् त्रैष्टु॑भम्⁠। त्रैष्टु॑भ॒म् माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। [२०] सव॑न॒म् माद्ध्य॑न्दिनम्⁠। माद्ध्य॑न्दिनमे॒व⁠। ए॒व सव॑नम्⁠। सव॑न॒म् तेन॑⁠। तेना᳚प्नोति⁠। आ॒प्नो॒ति॒ द्वाद॑श⁠। द्वाद॑श॒ कृत्वः॑⁠। कृत्व॑स्तृ॒तीय᳚म्⁠। तृ॒तीय॒म् द्वाद॑शाख्‍षरा⁠। द्वाद॑शाख्‍षरा॒ जग॑ती⁠। द्वाद॑शाख्‍ष॒रेति॒ द्वाद॑श—अ॒ख्‍ष॒रा॒⁠। जग॑ती॒ जाग॑तम्⁠। जाग॑तम् तृतीयसव॒नम्⁠। तृ॒ती॒य॒स॒व॒नम् तृ॑तीयसव॒नम्⁠। तृ॒ती॒य॒स॒व॒नमिति॑ तृतीय—स॒व॒नम्⁠। तृ॒ती॒य॒स॒व॒नमे॒व⁠। तृ॒ती॒य॒स॒व॒नमिति॑ तृतीय—स॒व॒नम्⁠। ए॒व तेन॑⁠। तेना᳚प्नोति⁠। आ॒प्नो॒त्ये॒ताम्⁠। ए॒ताꣳ ह॑⁠। ह॒ वाव⁠। वाव सः⁠। स य॒ज्ञस्य॑⁠। य॒ज्ञस्य॒ सꣴस्थि॑तिम्⁠। सꣴस्थि॑तिमुवाच⁠। सꣴस्थि॑ति॒मिति॒ सम्—स्थि॒ति॒म्⁠। उ॒वा॒चास्क॑न्दाय⁠। अस्क॑न्दा॒यास्क॑न्नम्⁠। अस्क॑न्न॒ꣳ॒ हि⁠। हि तत्⁠। तद् यत्⁠। यद् य॒ज्ञस्य॑⁠। य॒ज्ञस्य॒ सꣴस्थि॑तस्य⁠। सꣴस्थि॑तस्य॒ स्कन्द॑ति⁠। सꣴस्थि॑त॒स्येति॒ सम्—स्थि॒त॒स्य॒⁠। स्कन्द॒त्यथो᳚⁠। अथो॒ खलु॑⁠। अथो॒ इत्यथो᳚⁠। खल्वा॑हुः⁠। आ॒हु॒र् गा॒य॒त्री⁠। गा॒य॒त्री वाव⁠। वाव प्रा॑तस्सव॒ने⁠। प्रा॒त॒स्स॒व॒ने न⁠। प्रा॒त॒स्स॒व॒न इति॑ प्रातः—स॒व॒ने⁠। नाति॒वादे᳚⁠। अ॒ति॒वाद॒ इति॑⁠। अ॒ति॒वाद॒ इत्य॑ति—वादे᳚⁠। इत्यन॑तिवादुकः⁠। अन॑तिवादुक एनम्⁠। अन॑तिवादुक॒ इत्यन॑ति—वा॒दु॒कः॒⁠। ए॒न॒म् भ्रातृ॑व्यः⁠। भ्रातृ॑व्यो भवति⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। वेद॒ तस्मा᳚त्⁠। तस्मा॑द॒ष्टाव॑ष्टौ⁠। अ॒ष्टाव॑ष्टौ॒ कृत्वः॑⁠। अ॒ष्टाव॑ष्टा॒वित्य॒ष्टौ—अ॒ष्टौ॒⁠। [२१] कृत्वो॑ऽभि॒षुत्य᳚म्⁠। अ॒भि॒षुत्य॑म् ब्रह्मवा॒दिनः॑⁠। अ॒भि॒षुत्य॒मित्य॑भि—सुत्य᳚म्⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ प॒वित्र॑वन्तः⁠। प॒वित्र॑वन्तो॒ऽन्ये⁠। प॒वित्र॑वन्त॒ इति॑ प॒वित्र॑—व॒न्तः॒⁠। अ॒न्ये ग्रहाः᳚⁠। ग्रहा॑ गृ॒ह्यन्ते᳚⁠। गृ॒ह्यन्ते॒ किम्प॑वित्रः⁠। किम्प॑वित्र उपा॒ꣳ॒शुः⁠। किम्प॑वित्र॒ इति॒ किम्—प॒वि॒त्रः॒⁠। उ॒पा॒ꣳ॒शुरिति॑⁠। उ॒पा॒ꣳ॒शुरित्यु॑प—अ॒ꣳ॒शुः⁠। इति॒ वाक्प॑वित्रः⁠। वाक्प॑वित्र॒ इति॑⁠। वाक्प॑वित्र॒ इति॒ वाक्—प॒वि॒त्रः॒⁠। इति॑ ब्रूयात्⁠। ब्रू॒या॒द् वा॒चः⁠। वा॒चस्पत॑ये⁠। पत॑ये पवस्व⁠। प॒व॒स्व॒ वा॒जि॒न्न्॒⁠। वा॒जि॒न्निति॑⁠। इत्या॑ह⁠। आ॒ह॒ वा॒चा⁠। वा॒चैव⁠। ए॒वैन᳚म्⁠। ए॒न॒म् प॒व॒य॒ति॒⁠। प॒व॒य॒ति॒ वृष्णः॑⁠। वृष्णो॑ अ॒ꣳ॒शुभ्या᳚म्⁠। अ॒ꣳ॒शुभ्या॒मिति॑⁠। अ॒ꣳ॒शुभ्या॒मित्य॒ꣳ॒शु—भ्या॒म्⁠। इत्या॑ह⁠। आ॒ह॒ वृष्णः॑⁠। वृष्णो॒ हि⁠। ह्ये॑तौ⁠। ए॒ताव॒ꣳ॒शू⁠। अ॒ꣳ॒शू यौ⁠। अ॒ꣳ॒शू इत्य॒ꣳ॒शू⁠। यौ सोम॑स्य⁠। सोम॑स्य॒ गभ॑स्तिपूतः⁠। गभ॑स्तिपूत॒ इति॑⁠। गभ॑स्तिपूत॒ इति॒ गभ॑स्ति—पू॒तः॒⁠। इत्या॑ह⁠। आ॒ह॒ गभ॑स्तिना⁠। गभ॑स्तिना॒ हि⁠। ह्ये॑नम्⁠। ए॒न॒म् प॒वय॑ति⁠। प॒वय॑ति दे॒वः⁠। दे॒वो दे॒वाना᳚म्⁠। दे॒वाना᳚म् प॒वित्र᳚म्⁠। प॒वित्र॑मसि⁠। अ॒सीति॑⁠। इत्या॑ह⁠। आ॒ह॒ दे॒वः⁠। दे॒वो हि⁠। ह्ये॑षः⁠। ए॒ष सन्न्⁠। [२२] सन् दे॒वाना᳚म्⁠। दे॒वाना᳚म् प॒वित्र᳚म्⁠। प॒वित्र॒य्ँयेषा᳚म्⁠। येषा᳚म् भा॒गः⁠। भा॒गोऽसि॑⁠। असि॒ तेभ्यः॑⁠। तेभ्य॑स्त्वा⁠। त्वेति॑⁠। इत्या॑ह⁠। आ॒ह॒ येषा᳚म्⁠। येषा॒ꣳ॒ हि⁠। ह्ये॑षः⁠। ए॒ष भा॒गः⁠। भा॒गस्तेभ्यः॑⁠। तेभ्य॑ एनम्⁠। ए॒न॒म् गृ॒ह्णाति॑⁠। गृ॒ह्णाति॒ स्वाङ्‍कृ॑तः⁠। स्वाङ्‍कृ॑तोऽसि⁠। अ॒सीति॑⁠। इत्या॑ह⁠। आ॒ह॒ प्रा॒णम्⁠। प्रा॒णमे॒व⁠। प्रा॒णमिति॑ प्र—अ॒नम्⁠। ए॒व स्वम्⁠। स्वम॑कृत⁠। अ॒कृ॒त॒ मधु॑मतीः⁠। मधु॑मतीर् नः⁠। मधु॑मती॒रिति॒ मधु॑—म॒तीः॒⁠। न॒ इषः॑⁠। इष॑स्कृधि⁠। कृ॒धीति॑⁠। इत्या॑ह⁠। आ॒ह॒ सर्व᳚म्⁠। सर्व॑मे॒व⁠। ए॒वास्मै᳚⁠। अ॒स्मा॒ इ॒दम्⁠। इ॒दꣴ स्व॑दयति⁠। स्व॒द॒य॒ति॒ विश्वे᳚भ्यः⁠। विश्वे᳚भ्यस्त्वा⁠। त्वे॒न्द्रि॒येभ्यः॑⁠। इ॒न्द्रि॒येभ्यो॑ दि॒व्येभ्यः॑⁠। दि॒व्येभ्यः॒ पार्थि॑वेभ्यः⁠। पार्थि॑वेभ्य॒ इति॑⁠। इत्या॑ह⁠। आ॒हो॒भये॑षु⁠। उ॒भये᳚ष्वे॒व⁠। ए॒व दे॑वमनु॒ष्येषु॑⁠। दे॒व॒म॒नु॒ष्येषु॑ प्रा॒णान्⁠। दे॒व॒म॒नु॒ष्येष्विति॑ देव—म॒नु॒ष्येषु॑⁠। प्रा॒णान् द॑धाति⁠। प्रा॒णानिति॑ प्र—अ॒नान्⁠। द॒धा॒ति॒ मनः॑⁠। मन॑स्त्वा⁠। त्वा॒ऽष्टु॒⁠। [२३] अ॒ष्ट्विति॑⁠। इत्या॑ह⁠। आ॒ह॒ मनः॑⁠। मन॑ ए॒व⁠। ए॒वाश्ञु॑ते⁠। अ॒श्ञु॒त॒ उ॒रु⁠। उ॒र्व॑न्तरि॑ख्‍षम्⁠। अ॒न्तरि॑ख्‍ष॒मनु॑⁠। अन्वि॑हि⁠। इ॒हीति॑⁠। इत्या॑ह⁠। आ॒हा॒न्त॒रि॒ख्‍ष॒दे॒व॒त्यः॑⁠। अ॒न्त॒रि॒ख्‍ष॒दे॒व॒त्यो॑ हि⁠। अ॒न्त॒रि॒ख्‍ष॒दे॒व॒त्य॑ इत्य॑न्तरिख्‍ष—दे॒व॒त्यः॑⁠। हि प्रा॒णः⁠। प्रा॒णः स्वाहा᳚⁠। प्रा॒ण इति॑ प्र—अ॒नः⁠। स्वाहा᳚ त्वा⁠। त्वा॒ सु॒भ॒वः॒⁠। सु॒भ॒वः॒ सूर्या॑य⁠। सु॒भ॒व॒ इति॑ सु—भ॒वः॒⁠। सूर्या॒येति॑⁠। इत्या॑ह⁠। आ॒ह॒ प्रा॒णाः⁠। प्रा॒णा वै⁠। प्रा॒णा इति॑ प्र—अ॒नाः⁠। वै स्वभ॑वसः⁠। स्वभ॑वसो दे॒वाः⁠। स्वभ॑वस॒ इति॒ स्व—भ॒व॒सः॒⁠। दे॒वास्तेषु॑⁠। तेष्वे॒व⁠। ए॒व प॒रोख्‍ष᳚म्⁠। प॒रोख्‍ष॑म् जुहोति⁠। प॒रोख्‍ष॒मिति॑ परः—अख्‍ष᳚म्⁠। जु॒हो॒ति॒ दे॒वेभ्यः॑⁠। दे॒वेभ्य॑स्त्वा⁠। त्वा॒ म॒री॒चि॒पेभ्य॑⁠। म॒री॒चि॒पेभ्य॒ इति॑⁠। म॒री॒चि॒पेभ्य॒ इति॑ मरीचि—पेभ्यः॑⁠। इत्या॑ह⁠। आ॒हा॒दि॒त्यस्य॑⁠। आ॒दि॒त्यस्य॒ वै⁠। वै र॒श्मयः॑⁠। र॒श्मयो॑ दे॒वाः⁠। दे॒वा म॑रीचि॒पाः⁠। म॒री॒चि॒पास्तेषा᳚म्⁠। म॒री॒चि॒पा इति॑ मरीचि—पाः⁠। तेषा॒म् तत्⁠। तद् भा॑ग॒धेय᳚म्⁠। भा॒ग॒धेय॒म् तान्⁠। भा॒ग॒धेय॒मिति॑ भाग—धेय᳚म्⁠। ताने॒व⁠। ए॒व तेन॑⁠। तेन॑ प्रीणाति⁠। प्री॒णा॒ति॒ यदि॑⁠। यदि॑ का॒मये॑त⁠। का॒मये॑त॒ वर्‌षु॑कः⁠। वर्‌षु॑कः प॒र्जन्यः॑⁠। प॒र्जन्यः॑ स्यात्⁠। [२४] स्या॒दिति॑⁠। इति॒ नीचा᳚⁠। नीचा॒ हस्ते॑न⁠। हस्ते॑न॒ नि⁠। नि मृ॑ज्यात्⁠। मृ॒ज्या॒द् वृष्टि᳚म्⁠। वृष्टि॑मे॒व⁠। ए॒व नि⁠। नि य॑च्छति⁠। य॒च्छ॒ति॒ यदि॑⁠। यदि॑ का॒मये॑त⁠। का॒मये॒ताव॑र्‌षुकः⁠। अव॑र्‌षुकः स्यात्⁠। स्या॒दिति॑⁠। इत्यु॑त्ता॒नेन॑⁠। उ॒त्ता॒नेन॒ नि⁠। उ॒त्ता॒नेनेत्यु॑त्—ता॒नेन॑⁠। नि मृ॑ज्यात्⁠। मृ॒ज्या॒द् वृष्टि᳚म्⁠। वृष्टि॑मे॒व⁠। ए॒वोत्⁠। उद् य॑च्छति⁠। य॒च्छ॒ति॒ यदि॑⁠। यद्य॑भि॒चरे᳚त्⁠। अ॒भि॒चरे॑द॒मुम्⁠। अ॒भि॒चरे॒दित्य॑भि—चरे᳚त्⁠। अ॒मुम् ज॑हि⁠। ज॒ह्यथ॑⁠। अथ॑ त्वा⁠। त्वा॒ हो॒ष्या॒मि॒⁠। हो॒ष्या॒मीति॑⁠। इति॑ ब्रूयात्⁠। ब्रू॒या॒दाहु॑तिम्⁠। आहु॑तिमे॒व⁠। आहु॑ति॒मित्या—हु॒ति॒म्⁠। ए॒वैन᳚म्⁠। ए॒न॒म् प्रे॒फ्सन्न्⁠। प्रे॒फ्सन्‌ह॑न्ति⁠। प्रे॒फ्सन्निति॑ प्र—ई॒फ्सन्न्⁠। ह॒न्ति॒ यदि॑⁠। यदि॑ दू॒रे⁠। दू॒रे स्यात्⁠। स्यादा⁠। आ तमि॑तोः⁠। तमि॑तोस्तिष्ठेत्⁠। ति॒ष्ठे॒त् प्रा॒णम्⁠। प्रा॒णमे॒व⁠। प्रा॒णमिति॑ प्र—अ॒नम्⁠। ए॒वास्य॑⁠। अ॒स्या॒नु॒गत्य॑⁠। अ॒नु॒गत्य॑ हन्ति⁠। अ॒नु॒गत्येत्य॑नु—गत्य॑⁠। ह॒न्ति॒ यदि॑⁠। यद्य॑भि॒चरे᳚त्⁠। अ॒भि॒चरे॑द॒मुष्य॑⁠। अ॒भि॒चरे॒दित्य॑भि—चरे᳚त्⁠। अ॒मुष्य॑ त्वा⁠। [२५] त्वा॒ प्रा॒णे⁠। प्रा॒णे सा॑दयामि⁠। प्रा॒ण इति॑ प्र—अ॒ने⁠। सा॒द॒या॒मीति॑⁠। इति॑ सादयेत्⁠। सा॒द॒ये॒दस॑न्नः⁠। अस॑न्नो॒ वै⁠। वै प्रा॒णः⁠। प्रा॒णः प्रा॒णम्⁠। प्रा॒ण इति॑ प्र—अ॒नः⁠। प्रा॒णमे॒व⁠। प्रा॒णमिति॑ प्र—अ॒नम्⁠। ए॒वास्य॑⁠। अ॒स्य॒ सा॒द॒य॒ति॒⁠। सा॒द॒य॒ति॒ ष॒ड्भिः⁠। ष॒ड्भिर॒ꣳ॒शुभिः॑⁠। ष॒ड्भिरिति॑ षट्—भिः⁠। अ॒ꣳ॒शुभिः॑ पवयति⁠। अ॒ꣳ॒शुभि॒रित्य॒ꣳ॒शु—भिः॒⁠। प॒व॒य॒ति॒ षट्⁠। षड् वै⁠। वा ऋ॒तवः॑⁠। ऋ॒तव॑ ऋ॒तुभिः॑⁠। ऋ॒तुभि॑रे॒व⁠। ऋ॒तुभि॒रित्यृ॒तु—भिः॒⁠। ए॒वैन᳚म्⁠। ए॒न॒म् प॒व॒य॒ति॒⁠। प॒व॒य॒ति॒ त्रिः⁠। त्रिः प॑वयति⁠। प॒व॒य॒ति॒ त्रयः॑⁠। त्रय॑ इ॒मे⁠। इ॒मे लो॒काः⁠। लो॒का ए॒भिः⁠। ए॒भिरे॒व⁠। ए॒वैन᳚म्⁠। ए॒न॒ल्ँलो॒कैः⁠। लो॒कैः प॑वयति⁠। प॒व॒य॒ति॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ कस्मा᳚त्⁠। कस्मा᳚थ् स॒त्यात्⁠। स॒त्यात् त्रयः॑⁠। त्रयः॑ पशू॒नाम्⁠। प॒शू॒नाꣳ हस्ता॑दानाः⁠। हस्ता॑दाना॒ इति॑⁠। हस्ता॑दाना॒ इति॒ हस्त॑—आ॒दा॒नाः॒⁠। इति॒ यत्⁠। यत् त्रिः⁠। त्रिरु॑पा॒ꣳ॒शुम्⁠। उ॒पा॒ꣳ॒शुꣳ हस्ते॑न⁠। उ॒पा॒ꣳ॒शुमित्यु॑प—अ॒ꣳ॒शुम्⁠। हस्ते॑न विगृ॒ह्णाति॑⁠। वि॒गृ॒ह्णाति॒ तस्मा᳚त्⁠। वि॒गृ॒ह्णातीति॑ वि—गृ॒ह्णाति॑⁠। तस्मा॒त् त्रयः॑⁠। त्रयः॑ पशू॒नाम्⁠। प॒शू॒नाꣳ हस्ता॑दानाः⁠। हस्ता॑दानाः॒ पुरु॑षः⁠। हस्ता॑दाना॒ इति॒ हस्त॑—आ॒दा॒नाः॒⁠। पुरु॑षो ह॒स्ती⁠। ह॒स्ती म॒र्कटः॑⁠। म॒र्कट॒ इति॑ म॒र्कटः॑⁠॥ [२६] (माध्य॑न्दिन म॒ष्टाव॑ष्टा वे॒ष मन॑स्त्वा प॒र्जन्यो॒ ऽमुष्य॒ पुरु॑षो॒ द्वे च॑) ॥५॥
दे॒वा वै⁠। वै यत्⁠। यद् य॒ज्ञे⁠। य॒ज्ञेऽकु॑र्वत⁠। अकु॑र्वत॒ तत्⁠। तदसु॑राः⁠। असु॑रा अकुर्वत⁠। अ॒कु॒र्व॒त॒ ते⁠। ते दे॒वाः⁠। दे॒वा उ॑पा॒ꣳ॒शौ⁠। उ॒पा॒ꣳ॒शौ य॒ज्ञम्⁠। उ॒पा॒ꣳ॒शावित्यु॑प—अ॒ꣳ॒शौ⁠। य॒ज्ञꣳ स॒ꣴ॒स्थाप्य᳚म्⁠। स॒ꣴ॒स्थाप्य॑मपश्यन्न्⁠। स॒ꣴ॒स्थाप्य॒मिति॑ सम्—स्थाप्य᳚म्⁠। अ॒प॒श्य॒न् तम्⁠। तमु॑पा॒ꣳ॒शौ⁠। उ॒पा॒ꣳ॒शौ सम्⁠। उ॒पा॒ꣳ॒शावित्यु॑प—अ॒ꣳ॒शौ⁠। सम॑स्थापयन्न्⁠। अ॒स्था॒प॒य॒न् ते⁠। तेऽसु॑राः⁠। असु॑रा॒ वज्र᳚म्⁠। वज्र॑मु॒द्यत्य॑⁠। उ॒द्यत्य॑ दे॒वान्⁠। उ॒द्यत्येत्यु॑त्—यत्य॑⁠। दे॒वान॒भि⁠। अ॒भ्या॑यन्त⁠। आ॒य॒न्त॒ ते⁠। ते दे॒वाः⁠। दे॒वा बिभ्य॑तः⁠। बिभ्य॑त॒ इन्द्र᳚म्⁠। इन्द्र॒मुप॑⁠। उपा॑धावन्न्⁠। अ॒धा॒व॒न् तान्⁠। तानिन्द्रः॑⁠। इन्द्रो᳚ऽन्तर्या॒मेण॑⁠। अ॒न्त॒र्या॒मेणा॒न्तः⁠। अ॒न्त॒र्या॒मेणेत्य॑न्तः—या॒मेन॑⁠। अ॒न्तर॑धत्त⁠। अ॒ध॒त्त॒ तत्⁠। तद॑न्तर्या॒मस्य॑⁠। अ॒न्त॒र्या॒मस्या᳚न्तर्याम॒त्वम्⁠। अ॒न्त॒र्या॒मस्येत्य॑न्तः—या॒मस्य॑⁠। अ॒न्त॒र्या॒म॒त्वय्ँयत्⁠। अ॒न्त॒र्या॒म॒त्वमित्य॑न्तर्याम—त्वम्⁠। यद॑न्तर्या॒मः⁠। अ॒न्त॒र्या॒मो गृ॒ह्यते᳚⁠। अ॒न्त॒र्या॒म इत्य॑न्तः—या॒मः⁠। गृ॒ह्यते॒ भ्रातृ॑व्यान्⁠। भ्रातृ॑व्याने॒व⁠। ए॒व तत्⁠। तद् यज॑मानः⁠। यज॑मानो॒ऽन्तः⁠। अ॒न्तर् ध॑त्ते⁠। ध॒त्ते॒ऽन्तः⁠। अ॒न्तस्ते᳚⁠। ते॒ द॒धा॒मि॒⁠। [२७] द॒धा॒मि॒ द्यावा॑पृथि॒वी⁠। द्यावा॑पृथि॒वी अ॒न्तः⁠। द्यावा॑पृथि॒वी इति॒ द्यावा᳚—पृ॒थि॒वी⁠। अ॒न्तरु॒रु⁠। उ॒र्व॑न्तरि॑ख्‍षम्⁠। अ॒न्तरि॑ख्‍ष॒मिति॑⁠। इत्या॑ह⁠। आ॒है॒भिः⁠। ए॒भिरे॒व⁠। ए॒व लो॒कैः⁠। लो॒कैर् यज॑मानः⁠। यज॑मानो॒ भ्रातृ॑व्यान्⁠। भ्रातृ॑व्यान॒न्तः⁠। अ॒न्तर् ध॑त्ते⁠। ध॒त्ते॒ ते⁠। ते दे॒वाः⁠। दे॒वा अ॑मन्यन्त⁠। अ॒म॒न्य॒न्तेन्द्रः॑⁠। इन्द्रो॒ वै⁠। वा इ॒दम्⁠। इ॒दम॑भूत्⁠। अ॒भू॒द् यत्⁠। यद् व॒यम्⁠। व॒यꣴ स्मः⁠। स्म इति॑⁠। इति॒ ते⁠। ते᳚ऽब्रुवन्न्⁠। अ॒ब्रु॒व॒न् मघ॑वन्न्⁠। मघ॑व॒न्ननु॑⁠। मघ॑व॒न्निति॒ मघ॑—व॒न्न्॒⁠। अनु॑ नः⁠। न॒ आ⁠। आ भ॑ज⁠। भ॒जेति॑⁠। इति॑ स॒जोषाः᳚⁠। स॒जोषा॑ दे॒वैः⁠। स॒जोषा॒ इति॑ स—जोषाः᳚⁠। दे॒वैरव॑रैः⁠। अव॑रैः॒ परैः᳚⁠। परै᳚श्च⁠। चेति॑⁠। इत्य॑ब्रवीत्⁠। अ॒ब्र॒वी॒द् ये⁠। ये च॑⁠। चै॒व⁠। ए॒व दे॒वाः⁠। दे॒वाः परे᳚⁠। परे॒ ये⁠। ये च॑⁠। चाव॑रे⁠। अव॑रे॒ तान्⁠। तानु॒भया॑न्⁠। उ॒भया॑न॒न्वाभ॑जत्⁠। [२८] अ॒न्वाभ॑जथ् स॒जोषाः᳚⁠। अ॒न्वाभ॑ज॒दित्य॑नु—आभ॑जत्⁠। स॒जोषा॑ दे॒वैः⁠। स॒जोषा॒ इति॑ स—जोषाः᳚⁠। दे॒वैरव॑रैः⁠। अव॑रैः॒ परैः᳚⁠। परै᳚श्च⁠। चेति॑⁠। इत्या॑ह⁠। आ॒ह॒ ये⁠। ये च॑⁠। चै॒व⁠। ए॒व दे॒वाः⁠। दे॒वाः परे᳚⁠। परे॒ ये⁠। ये च॑⁠। चाव॑रे⁠। अव॑रे॒ तान्⁠। तानु॒भया॑न्⁠। उ॒भया॑न॒न्वाभ॑जति⁠। अ॒न्वाभ॑जत्यन्तर्या॒मे⁠। अ॒न्वाभ॑ज॒तीत्य॑नु—आभ॑जति⁠। अ॒न्त॒र्या॒मे म॑घवन्न्⁠। अ॒न्त॒र्या॒म इत्य॑न्तः—या॒मे⁠। म॒घ॒व॒न् मा॒द॒य॒स्व॒⁠। म॒घ॒व॒न्निति॑ मघ—व॒न्न्॒⁠। मा॒द॒य॒स्वेति॑⁠। इत्या॑ह⁠। आ॒ह॒ य॒ज्ञात्⁠। य॒ज्ञादे॒व⁠। ए॒व यज॑मानम्⁠। यज॑मान॒म् न⁠। नान्तः⁠। अ॒न्तरे॑ति⁠। ए॒त्यु॒प॒या॒मगृ॑हीतः⁠। उ॒प॒या॒मगृ॑हीतोऽसि⁠। उ॒प॒या॒मगृ॑हीत॒ इत्यु॑पया॒म—गृ॒ही॒तः॒⁠। अ॒सीति॑⁠। इत्या॑ह⁠। आ॒हा॒पा॒नस्य॑⁠। अ॒पा॒नस्य॒ धृत्यै᳚⁠। अ॒पा॒नस्येत्य॑प—अ॒नस्य॑⁠। धृत्यै॒ यत्⁠। यदु॒भौ⁠। उ॒भाव॑पवि॒त्रौ⁠। अ॒प॒वि॒त्रौ गृ॒ह्येया॑ताम्⁠। गृ॒ह्येया॑ताम् प्रा॒णम्⁠। प्रा॒णम॑पा॒नः⁠। प्रा॒णमिति॑ प्र—अ॒नम्⁠। अ॒पा॒नोऽनु॑⁠। अ॒पा॒न इत्य॑प—अ॒नः⁠। अनु॒ नि⁠। न्यृ॑च्छेत्⁠। ऋ॒च्छे॒त् प्र॒मायु॑कः⁠। प्र॒मायु॑कः स्यात्⁠। प्र॒मायु॑क॒ इति॑ प्र—मायु॑कः⁠। स्या॒त् प॒वित्र॑वान्⁠। प॒वित्र॑वानन्तर्या॒मः⁠। प॒वित्र॑वा॒निति॑ प॒वित्र॑—वा॒न्॒⁠। अ॒न्त॒र्या॒मो गृ॑ह्यते⁠। अ॒न्त॒र्या॒म इत्य॑न्तः—या॒मः⁠। गृ॒ह्य॒ते॒ प्रा॒णा॒पा॒नयोः᳚⁠। [२९] प्रा॒णा॒पा॒नयो॒र् विधृ॑त्यै⁠। प्रा॒णा॒पा॒नयो॒रिति॑ प्राण—अ॒पा॒नयोः᳚⁠। विधृ॑त्यै प्राणापा॒नौ⁠। विधृ॑त्या॒ इति॒ वि—धृ॒त्यै॒⁠। प्रा॒णा॒पा॒नौ वै⁠। प्रा॒णा॒पा॒नाविति॑ प्राण—अ॒पा॒नौ⁠। वा ए॒तौ⁠। ए॒तौ यत्⁠। यदु॑पाꣴश्वन्तर्या॒मौ⁠। उ॒पा॒ꣴ॒श्व॒न्त॒र्या॒मौ व्या॒नः⁠। उ॒पा॒ꣴ॒श्व॒न्त॒र्या॒मावित्यु॑पाꣳशु—अ॒न्त॒र्या॒मौ⁠। व्या॒न उ॑पाꣳशु॒सव॑नः⁠। व्या॒न इति॑ वि—अ॒नः⁠। उ॒पा॒ꣳ॒शु॒सव॑नो॒ यम्⁠। उ॒पा॒ꣳ॒शु॒सव॑न॒ इत्यु॑पाꣳशु—सव॑नः⁠। यम् का॒मये॑त⁠। का॒मये॑त प्र॒मायु॑कः⁠। प्र॒मायु॑कः स्यात्⁠। प्र॒मायु॑क॒ इति॑ प्र—मायु॑कः⁠। स्या॒दिति॑⁠। इत्यस॑ꣴस्पृष्टौ⁠। अस॑ꣴस्पृष्टौ॒ तस्य॑⁠। अस॑ꣴस्पृष्टा॒वित्यस᳚म्—स्पृ॒ष्टौ॒⁠। तस्य॑ सादयेत्⁠। सा॒द॒ये॒द् व्या॒नेन॑⁠। व्या॒नेनै॒व⁠। व्या॒नेनेति॑ वि—अ॒नेन॑⁠। ए॒वास्य॑⁠। अ॒स्य॒ प्रा॒णा॒पा॒नौ⁠। प्रा॒णा॒पा॒नौ वि⁠। प्रा॒णा॒पा॒नाविति॑ प्राण—अ॒पा॒नौ⁠। विच्छि॑नत्ति⁠। छि॒न॒त्ति॒ ता॒जक्⁠। ता॒जक् प्र⁠। प्र मी॑यते⁠। मी॒य॒ते॒ यम्⁠। यम् का॒मये॑त⁠। का॒मये॑त॒ सर्व᳚म्⁠। सर्व॒मायुः॑⁠। आयु॑रियात्⁠। इ॒या॒दिति॑⁠। इति॒ सꣴस्पृ॑ष्टौ⁠। सꣴस्प॑ष्टौ॒ तस्य॑⁠। सꣴस्पृ॑ष्टा॒विति॒ सम्—स्पृ॒ष्टौ॒⁠। तस्य॑ सादयेत्⁠। सा॒द॒ये॒द् व्या॒नेन॑⁠। व्या॒नेनै॒व⁠। व्या॒नेनेति॑ वि—अ॒नेन॑⁠। ए॒वास्य॑⁠। अ॒स्य॒ प्रा॒णा॒पा॒नौ⁠। प्रा॒णा॒पा॒नौ सम्⁠। प्रा॒णा॒पा॒नाविति॑ प्राण—अ॒पा॒नौ⁠। सम् त॑नोति⁠। त॒नो॒ति॒ सर्व᳚म्⁠। सर्व॒मायुः॑⁠। आयु॑रेति⁠। ए॒तीत्ये॑ति⁠॥ [३०] (त॒ उ॒भया᳚न् गृह्यते॒ चतु॑श्चत्वारिꣳशच्च) ॥६॥
वाग् वै⁠। वा ए॒षा⁠। ए॒षा यत्⁠। यदै᳚न्द्रवाय॒वः⁠। ऐ॒न्द्र॒वा॒य॒वो यत्⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। यदै᳚न्द्रवाय॒वाग्राः᳚⁠। ऐ॒न्द्र॒वा॒य॒वाग्रा॒ ग्रहाः᳚⁠। ऐ॒न्द्र॒वा॒य॒वाग्रा॒ इत्यै᳚न्द्रवाय॒व—अ॒ग्राः॒⁠। ग्रहा॑ गृ॒ह्यन्ते᳚⁠। गृ॒ह्यन्ते॒ वाच᳚म्⁠। वाच॑मे॒व⁠। ए॒वानु॑⁠। अनु॒ प्र⁠। प्र य॑न्ति⁠। य॒न्ति॒ वा॒युम्⁠। वा॒युम् दे॒वाः⁠। दे॒वा अ॑ब्रुवन्न्⁠। अ॒ब्रु॒व॒न्थ् सोम᳚म्⁠। सोम॒ꣳ॒ राजा॑नम्⁠। राजा॑नꣳ हनाम⁠। ह॒ना॒मेति॑⁠। इति॒ सः⁠। सो᳚ऽब्रवीत्⁠। अ॒ब्र॒वी॒द् वर᳚म्⁠। वर॑व्ँवृणै⁠। वृ॒णै॒ मद॑ग्राः⁠। मद॑ग्रा ए॒व⁠। मद॑ग्रा॒ इति॒ मत्—अ॒ग्राः॒⁠। ए॒व वः॑⁠। वो॒ ग्रहाः᳚⁠। ग्रहा॑ गृह्यान्तै⁠। गृ॒ह्या॒न्ता॒ इति॑⁠। इति॒ तस्मा᳚त्⁠। तस्मा॑दैन्द्रवाय॒वाग्राः᳚⁠। ऐ॒न्द॒वा॒य॒वाग्रा॒ ग्रहाः᳚⁠। ऐ॒न्द॒वा॒य॒वाग्रा॒ इत्यै᳚न्द्रवाय॒व—अ॒ग्राः॒⁠। ग्रहा॑ गृह्यन्ते⁠। गृ॒ह्य॒न्ते॒ तम्⁠। तम॑घ्नन्न्⁠। अ॒घ्न॒न्थ् सः⁠। सो॑ऽपूयत्⁠। अ॒पू॒य॒त् तम्⁠। तम् दे॒वाः⁠। दे॒वा न⁠। नोप॑⁠। उपा॑धृष्णुवन्न्⁠। अ॒धृ॒ष्णु॒व॒न् ते⁠। ते वा॒युम्⁠। वा॒युम॑ब्रुवन्न्⁠। अ॒ब्रु॒व॒न्नि॒मम्⁠। इ॒मम् नः॑⁠। नः॒ स्व॒द॒य॒⁠। स्व॒द॒येति॑⁠। [३१] इति॒ सः⁠। सो᳚ऽब्रवीत्⁠। अ॒ब्र॒वी॒द् वर᳚म्⁠। वर॑व्ँवृणै⁠। वृ॒णै॒ म॒द्दे॒व॒त्या॑नि⁠। म॒द्दे॒व॒त्या᳚न्ये॒व⁠। म॒द्दे॒व॒त्या॑नीति॑ मत्—दे॒व॒त्या॑नि⁠। ए॒व वः॑⁠। वः॒ पात्रा॑णि⁠। पात्रा᳚ण्युच्यान्तै⁠। उ॒च्या॒न्ता॒ इति॑⁠। इति॒ तस्मा᳚त्⁠। तस्मा᳚न् नानादेव॒त्या॑नि⁠। ना॒ना॒दे॒व॒त्या॑नि॒ सन्ति॑⁠। ना॒ना॒दे॒व॒त्या॑नीति॑ नाना—दे॒व॒त्या॑नि⁠। सन्ति॑ वाय॒व्या॑नि⁠। वा॒य॒व्या᳚न्युच्यन्ते⁠। उ॒च्य॒न्ते॒ तम्⁠। तमे᳚भ्यः⁠। ए॒भ्यो॒ वा॒युः⁠। वा॒युरे॒व⁠। ए॒वास्व॑दयत्⁠। अ॒स्व॒द॒य॒त् तस्मा᳚त्⁠। तस्मा॒द् यत्⁠। यत् पूय॑ति⁠। पूय॑ति॒ तत्⁠। तत् प्र॑वा॒ते⁠। प्र॒वा॒ते वि⁠। प्र॒वा॒त इति॑ प्र—वा॒ते⁠। वि ष॑जन्ति⁠। स॒ज॒न्ति॒ वा॒युः⁠। वा॒युर्‌हि⁠। हि तस्य॑⁠। तस्य॑ पवयि॒ता⁠। प॒व॒यि॒ता स्व॑दयि॒ता⁠। स्व॒द॒यि॒ता तस्य॑⁠। तस्य॑ वि॒ग्रह॑णम्⁠। वि॒ग्रह॑ण॒म् न⁠। वि॒ग्रह॑ण॒मिति॑ वि—ग्रह॑णम्⁠। नावि॑न्दन्न्⁠। अ॒वि॒न्द॒न्थ् सा⁠। साऽदि॑तिः⁠। अदि॑तिरब्रवीत्⁠। अ॒ब्र॒वी॒द् वर᳚म्⁠। वर॑व्ँवृणै⁠। वृ॒णा॒ अथ॑⁠। अथ॒ मया᳚⁠। मया॒ वि⁠। वि गृ॑ह्णीद्ध्वम्⁠। गृ॒ह्णी॒द्ध्व॒म् म॒द्दे॒व॒त्याः᳚⁠। म॒द्दे॒व॒त्या॑ ए॒व⁠। म॒द्दे॒व॒त्या॑ इति॑ मत्—दे॒व॒त्याः᳚⁠। ए॒व वः॑⁠। वः॒ सोमाः᳚⁠। सोमाः᳚ स॒न्नाः⁠। [३२] स॒न्ना अ॑सन्न्⁠। अ॒स॒न्निति॑⁠। इत्यु॑पया॒मगृ॑हीतः⁠। उ॒प॒या॒मगृ॑हीतोऽसि⁠। उ॒प॒या॒मगृ॑हीत॒ इत्यु॑पया॒म—गृ॒ही॒तः॒⁠। अ॒सीति॑⁠। इत्या॑ह⁠। आ॒हा॒दि॒ति॒दे॒व॒त्याः᳚⁠। अ॒दि॒ति॒दे॒व॒त्या᳚स्तेन॑⁠। अ॒दि॒ति॒दे॒व॒त्या॑ इत्य॑दिति—दे॒व॒त्याः᳚⁠। तेन॒ यानि॑⁠। यानि॒ हि⁠। हि दा॑रु॒मया॑णि⁠। दा॒रु॒मया॑णि॒ पात्रा॑णि⁠। दा॒रु॒मया॒णीति॑ दारु—मया॑नि⁠। पात्रा᳚ण्य॒स्यै⁠। अ॒स्यै तानि॑⁠। तानि॒ योनेः᳚⁠। योनेः॒ सम्भू॑तानि⁠। सम्भू॑तानि॒ यानि॑⁠। सम्भू॑ता॒नीति॒ सम्—भू॒ता॒नि॒⁠। यानि॑ मृ॒न्मया॑नि⁠। मृ॒न्मया॑नि सा॒ख्‍षात्⁠। मृ॒न्मया॒नीति॑ मृत्—मया॑नि⁠। सा॒ख्‍षात् तानि॑⁠। सा॒ख्‍षादिति॑ स—अ॒ख्‍षात्⁠। तान्य॒स्यै⁠। अ॒स्यै तस्मा᳚त्⁠। तस्मा॑दे॒वम्⁠। ए॒वमा॑ह⁠। आ॒ह॒ वाक्⁠। वाग् वै⁠। वै परा॑ची⁠। परा॒च्यव्या॑कृता⁠। अव्या॑कृताऽवदत्⁠। अव्या॑कृ॒तेत्यवि॑—आ॒कृ॒ता॒⁠। अ॒व॒द॒त् ते⁠। ते दे॒वाः⁠। दे॒वा इन्द्र᳚म्⁠। इन्द्र॑मब्रुवन्न्⁠। अ॒ब्रु॒व॒न्नि॒माम्⁠। इ॒माम् नः॑⁠। नो॒ वाच᳚म्⁠। वाच॒व्ँव्याकु॑रु⁠। व्याकु॒र्विति॑⁠। व्याकु॒र्विति॑ वि—आकु॑रु⁠। इति॒ सः⁠। सो᳚ऽब्रवीत्⁠। अ॒ब्र॒वी॒द् वर᳚म्⁠। वर॑व्ँवृणै⁠। वृ॒णै॒ मह्य᳚म्⁠। मह्य॑म् च⁠। चै॒व⁠। ए॒वैषः⁠। ए॒ष वा॒यवे᳚⁠। वा॒यवे॑ च⁠। च॒ स॒ह⁠। स॒ह गृ॑ह्यातै⁠। गृ॒ह्या॒ता॒ इति॑⁠। इति॒ तस्मा᳚त्⁠। तस्मा॑दैन्द्रवाय॒वः⁠। ऐ॒न्द्र॒वा॒य॒वः स॒ह⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। स॒ह गृ॑ह्यते⁠। गृ॒ह्य॒ते॒ ताम्⁠। तामिन्द्रः॑⁠। इन्द्रो॑ मद्ध्य॒तः⁠। म॒द्ध्य॒तो॑ऽव॒क्रम्य॑⁠। अ॒व॒क्रम्य॒ व्याक॑रोत्⁠। अ॒व॒क्रम्येत्य॑व—क्रम्य॑⁠। व्याक॑रो॒त् तस्मा᳚त्⁠। व्याक॑रो॒दिति॑ वि—आक॑रोत्⁠। तस्मा॑दि॒यम्⁠। इ॒यव्ँव्याकृ॑ता⁠। व्याकृ॑ता॒ वाक्⁠। व्याकृ॒तेति॑ वि—आकृ॑ता⁠। वागु॑द्यते⁠। उ॒द्य॒ते॒ तस्मा᳚त्⁠। तस्मा᳚थ् स॒कृत्⁠। स॒कृदिन्द्रा॑य⁠। इन्द्रा॑य मद्ध्य॒तः⁠। म॒द्ध्य॒तो गृ॑ह्यते⁠। गृ॒ह्य॒ते॒ द्विः⁠। द्विर् वा॒यवे᳚⁠। वा॒यवे॒ द्वौ⁠। द्वौ हि⁠। हि सः⁠। स वरौ᳚⁠। वरा॒ववृ॑णीत⁠। अवृ॑णी॒तेत्यवृ॑णीत⁠॥ [३३] (स्व॒द॒य॒ सोमाः᳚ स॒हा ष्टावि॑ꣳशतिश्च) ॥७॥
मि॒त्रम् दे॒वाः⁠। दे॒वा अ॑ब्रुवन्न्⁠। अ॒ब्रु॒व॒न्थ् सोम᳚म्⁠। सोम॒ꣳ॒ राजा॑नम्⁠। राजा॑नꣳ हनाम⁠। ह॒ना॒मेति॑⁠। इति॒ सः⁠। सो᳚ऽब्रवीत्⁠। अ॒ब्र॒वी॒न् न⁠। नाहम्⁠। अ॒हꣳ सर्व॑स्य⁠। सर्व॑स्य॒ वै⁠। वा अ॒हम्⁠। अ॒हम् मि॒त्रम्⁠। मि॒त्रम॑स्मि⁠। अ॒स्मीति॑⁠। इति॒ तम्⁠। तम॑ब्रुवन्न्⁠। अ॒ब्रु॒व॒न्॒‌हना॑म⁠। हना॑मै॒व⁠। ए॒वेति॑⁠। इति॒ सः⁠। सो᳚ऽब्रवीत्⁠। अ॒ब्र॒वी॒द् वर᳚म्⁠। वर॑व्ँवृणै⁠। वृ॒णै॒ पय॑सा⁠। पय॑सै॒व⁠। ए॒व मे᳚⁠। मे॒ सोम᳚म्⁠। सोम॑ꣴ श्रीणान्⁠। श्री॒णा॒निति॑⁠। इति॒ तस्मा᳚त्⁠। तस्मा᳚न् मैत्रावरु॒णम्⁠। मै॒त्रा॒व॒रु॒णम् पय॑सा⁠। मै॒त्रा॒व॒रु॒णमिति॑ मैत्रा—व॒रु॒णम्⁠। पय॑सा श्रीणन्ति⁠। श्री॒ण॒न्ति॒ तस्मा᳚त्⁠। तस्मा᳚त् प॒शवः॑⁠। प॒शवोऽप॑⁠। अपा᳚क्रामन्न्⁠। अ॒क्रा॒म॒न् मि॒त्रः⁠। मि॒त्रः सन्न्⁠। सन् क्रू॒रम्⁠। क्रू॒रम॑कः⁠। अ॒क॒रिति॑⁠। इति॑ क्रू॒रम्⁠। क्रू॒रमि॑व⁠। इ॒व॒ खलु॑⁠। खलु॒ वै⁠। वा ए॒षः⁠। ए॒ष क॑रोति⁠। [३४] क॒रो॒ति॒ यः⁠। यः सोमे॑न⁠। सोमे॑न॒ यज॑ते⁠। यज॑ते॒ तस्मा᳚त्⁠। तस्मा᳚त् प॒शवः॑⁠। प॒शवोऽप॑⁠। अप॑ क्रामन्ति⁠। क्रा॒म॒न्ति॒ यत्⁠। यन् मै᳚त्रावरु॒णम्⁠। मै॒त्रा॒व॒रु॒णम् पय॑सा⁠। मै॒त्रा॒व॒रु॒णमिति॑ मैत्रा—व॒रु॒णम्⁠। पय॑सा श्री॒णाति॑⁠। श्री॒णाति॑ प॒शुभिः॑⁠। प॒शुभि॑रे॒व⁠। प॒शुभि॒रिति॑ प॒शु—भिः॒⁠। ए॒व तत्⁠। तन् मि॒त्रम्⁠। मि॒त्रꣳ स॑म॒र्द्धय॑ति⁠। स॒म॒र्द्धय॑ति प॒शुभिः॑⁠। स॒म॒र्द्धय॒तीति॑ सम्—अ॒र्द्धय॑ति⁠। प॒शुभि॒र् यज॑मानम्⁠। प॒शुभि॒रिति॑ प॒शु—भिः॒⁠। यज॑मानम् पु॒रा⁠। पु॒रा खलु॑⁠। खलु॒ वाव⁠। वावैवम्⁠। ए॒वम् मि॒त्रः⁠। मि॒त्रो॑ऽवेत्⁠। अ॒वे॒दप॑⁠। अप॒ मत्⁠। मत् क्रू॒रम्⁠। क्रू॒रम् च॒क्रुषः॑⁠। च॒क्रुषः॑ प॒शवः॑⁠। प॒शवः॑ क्रमिष्यन्ति⁠। क्र॒मि॒ष्य॒न्तीति॑⁠। इति॒ तस्मा᳚त्⁠। तस्मा॑दे॒वम्⁠। ए॒वम॑वृणीत⁠। अ॒वृ॒णी॒त॒ वरु॑णम्⁠। वरु॑णम् दे॒वाः⁠। दे॒वा अ॑ब्रुवन्न्⁠। अ॒ब्रु॒व॒न् त्वया᳚⁠। त्वया॑ऽꣳश॒भुवा᳚⁠। अ॒ꣳ॒श॒भुवा॒ सोम᳚म्⁠। अ॒ꣳ॒श॒भुवेत्य॑ꣳश—भुवा᳚⁠। सोम॒ꣳ॒ राजा॑नम्⁠। राजा॑नꣳ हनाम⁠। ह॒ना॒मेति॑⁠। इति॒ सः⁠। सो᳚ऽब्रवीत्⁠। अ॒ब्र॒वी॒द् वर᳚म्⁠। वर॑व्ँवृणै⁠। वृ॒णै॒ मह्य᳚म्⁠। मह्य॑म् च⁠। चै॒व⁠। [३५] ए॒वैषः⁠। ए॒ष मि॒त्राय॑⁠। मि॒त्राय॑ च⁠। च॒ स॒ह⁠। स॒ह गृ॑ह्यातै⁠। गृ॒ह्या॒ता॒ इति॑⁠। इति॒ तस्मा᳚त्⁠। तस्मा᳚न् मैत्रावरु॒णः⁠। मै॒त्रा॒व॒रु॒णः स॒ह⁠। मै॒त्रा॒व॒रु॒ण इति॑ मैत्रा—व॒रु॒णः⁠। स॒ह गृ॑ह्यते⁠। गृ॒ह्य॒ते॒ तस्मा᳚त्⁠। तस्मा॒द् राज्ञा᳚⁠। राज्ञा॒ राजा॑नम्⁠। राजा॑नमꣳश॒भुवा᳚⁠। अ॒ꣳ॒श॒भुवा᳚ घ्नन्ति⁠। अ॒ꣳ॒श॒भुवेत्य॑ꣳश—भुवा᳚⁠। घ्न॒न्ति॒ वैश्ये॑न⁠। वैश्ये॑न॒ वैश्य᳚म्⁠। वैश्य॑ꣳ शू॒द्रेण॑⁠। शू॒द्रेण॑ शू॒द्रम्⁠। शू॒द्रम् न⁠। न वै⁠। वा इ॒दम्⁠। इ॒दम् दिवा᳚⁠। दिवा॒ न⁠। न नक्त᳚म्⁠। नक्त॑मासीत्⁠। आ॒सी॒दव्या॑वृत्तम्⁠। अव्या॑वृत्त॒म् ते⁠। अव्या॑वृत्त॒मित्यवि॑—आ॒वृ॒त्त॒म्⁠। ते दे॒वाः⁠। दे॒वा मि॒त्रावरु॑णौ⁠। मि॒त्रावरु॑णावब्रुवन्न्⁠। मि॒त्रावरु॑णा॒विति॑ मि॒त्रा—वरु॑णौ⁠। अ॒ब्रु॒व॒न्नि॒दम्⁠। इ॒दम् नः॑⁠। नो॒ वि⁠। वि वा॑सयतम्⁠। वा॒स॒य॒त॒मिति॑⁠। इति॒ तौ⁠। ताव॑ब्रूताम्⁠। अ॒ब्रू॒ता॒व्ँवर᳚म्⁠। वर॑व्ँवृणावहै⁠। वृ॒णा॒व॒हा॒ एकः॑⁠। एक॑ ए॒व⁠। ए॒वावत्⁠। आ॒वत् पूर्वः॑⁠। पूर्वो॒ ग्रहः॑⁠। ग्रहो॑ गृह्यातै⁠। गृ॒ह्या॒ता॒ इति॑⁠। इति॒ तस्मा᳚त्⁠। तस्मा॑दैन्द्रवाय॒वः⁠। ऐ॒न्द्र॒वा॒य॒वः पूर्वः॑⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। पूर्वो॑ मैत्रावरु॒णात्⁠। मै॒त्रा॒व॒रु॒णाद् गृ॑ह्यते⁠। मै॒त्रा॒व॒रु॒णादिति॑ मैत्रा—व॒रु॒णात्⁠। गृ॒ह्य॒ते॒ प्रा॒णा॒पा॒नौ⁠। प्रा॒णा॒पा॒नौ हि⁠। प्रा॒णा॒पा॒नाविति॑ प्राण—अ॒पा॒नौ⁠। ह्ये॑तौ⁠। ए॒तौ यत्⁠। यदु॑पाꣴश्वन्तर्या॒मौ⁠। उ॒पा॒ꣴ॒श्व॒न्त॒र्या॒मौ मि॒त्रः⁠। उ॒पा॒ꣴ॒श्व॒न्त॒र्या॒मावित्यु॑पाꣳशु—अ॒न्त॒र्या॒मौ⁠। मि॒त्रोऽहः॑⁠। अह॒रज॑नयत्⁠। अज॑नय॒द् वरु॑णः⁠। वरु॑णो॒ रात्रि᳚म्⁠। रात्रि॒म् ततः॑⁠। ततो॒ वै⁠। वा इ॒दम्⁠। इ॒दव्ँवि⁠। व्यौ᳚च्छत्⁠। औ॒च्छ॒द् यत्⁠। यन् मै᳚त्रावरु॒णः⁠। मै॒त्रा॒व॒रु॒णो गृ॒ह्यते᳚⁠। मै॒त्रा॒व॒रु॒ण इति॑ मैत्रा—व॒रु॒णः⁠। गृ॒ह्यते॒ व्यु॑ष्ट्‍यै⁠। व्यु॑ष्ट्‍या॒ इति॒ वि—उ॒ष्ट्‍यै॒⁠॥ [३६] (ए॒ष चै᳚ न्द्रवाय॒वो द्वावि॑ꣳशतिश्च) ॥८॥
य॒ज्ञस्य॒ शिरः॑⁠। शिरो᳚ऽच्छिद्यत⁠। अ॒च्छि॒द्य॒त॒ ते⁠। ते दे॒वाः⁠। दे॒वा अ॒श्विनौ᳚⁠। अ॒श्विना॑वब्रुवन्न्⁠। अ॒ब्रु॒व॒न् भि॒षजौ᳚⁠। भि॒षजौ॒ वै⁠। वै स्थः॑⁠। स्थ॒ इ॒दम्⁠। इ॒दय्ँय॒ज्ञस्य॑⁠। य॒ज्ञस्य॒ शिरः॑⁠। शिरः॒ प्रति॑⁠। प्रति॑ धत्तम्⁠। ध॒त्त॒मिति॑⁠। इति॒ तौ⁠। ताव॑ब्रूताम्⁠। अ॒ब्रू॒ता॒व्ँवर᳚म्⁠। वर॑व्ँवृणावहै⁠। वृ॒णा॒व॒है॒ ग्रहः॑⁠। ग्रह॑ ए॒व⁠। ए॒व नौ᳚⁠। ना॒वत्र॑⁠। अत्रापि॑⁠। अपि॑ गृह्यताम्⁠। गृ॒ह्य॒ता॒मिति॑⁠। इति॒ ताभ्या᳚म्⁠। ताभ्या॑मे॒तम्⁠। ए॒तमा᳚श्वि॒नम्⁠। आ॒श्वि॒नम॑गृह्णन्न्⁠। अ॒गृ॒ह्ण॒न् ततः॑⁠। ततो॒ वै⁠। वै तौ⁠। तौ य॒ज्ञस्य॑⁠। य॒ज्ञस्य॒ शिरः॑⁠। शिरः॒ प्रति॑⁠। प्रत्य॑धत्ताम्⁠। अ॒ध॒त्ता॒य्ँयत्⁠। यदा᳚श्वि॒नः⁠। आ॒श्वि॒नो गृ॒ह्यते᳚⁠। गृ॒ह्यते॑ य॒ज्ञस्य॑⁠। य॒ज्ञस्य॒ निष्कृ॑त्यै⁠। निष्कृ॑त्यै॒ तौ⁠। निष्कृ॑त्या॒ इति॒ निः—कृ॒त्यै॒⁠। तौ दे॒वाः⁠। दे॒वा अ॑ब्रुवन्न्⁠। अ॒ब्रु॒व॒न्नपू॑तौ⁠। अपू॑तौ॒ वै⁠। वा इ॒मौ⁠। इ॒मौ म॑नुष्यच॒रौ⁠। म॒नु॒ष्य॒च॒रौ भि॒षजौ᳚⁠। म॒नु॒ष्य॒च॒राविति॑ मनुष्य—च॒रौ⁠। [३७] भि॒षजा॒विति॑⁠। इति॒ तस्मा᳚त्⁠। तस्मा᳚द् ब्राह्म॒णेन॑⁠। ब्रा॒ह्म॒णेन॑ भेष॒जम्⁠। भे॒ष॒जम् न⁠। न का॒र्य᳚म्⁠। का॒र्य॑मपू॑तः⁠। अपू॑तो॒ हि⁠। ह्ये॑षः⁠। ए॒षो॑ऽमे॒द्ध्यः⁠। अ॒मे॒द्ध्यो यः⁠। यो भि॒षक्⁠। भि॒षक् तौ⁠। तौ ब॑हिष्पवमा॒नेन॑⁠। ब॒हि॒ष्प॒मा॒नेन॑ पवयि॒त्वा⁠। ब॒हि॒ष्प॒व॒मा॒नेनेति॑ बहिः—प॒व॒मा॒नेन॑⁠। प॒व॒यि॒त्वा ताभ्या᳚म्⁠। ताभ्या॑मे॒तम्⁠। ए॒तमा᳚श्वि॒नम्⁠। आ॒श्वि॒नम॑गृह्णन्न्⁠। अ॒गृ॒ह्ण॒न् तस्मा᳚त्⁠। तस्मा᳚द् बहिष्पवमा॒ने⁠। ब॒हि॒ष्प॒व॒मा॒ने स्तु॒ते⁠। ब॒हि॒ष्प॒व॒मा॒न इति॑ बहिः—प॒व॒मा॒ने⁠। स्तु॒त आ᳚श्वि॒नः⁠। आ॒श्वि॒नो गृ॑ह्यते⁠। गृ॒ह्य॒ते॒ तस्मा᳚त्⁠। तस्मा॑दे॒वम्⁠। ए॒वव्ँवि॒दुषा᳚⁠। वि॒दुषा॑ बहिष्पवमा॒नः⁠। ब॒हि॒ष्प॒व॒मा॒न उ॑प॒सद्यः॑⁠। ब॒हि॒ष्प॒व॒मा॒न इति॑ बहिः—प॒व॒मा॒नः⁠। उ॒प॒सद्यः॑ प॒वित्र᳚म्⁠। उ॒प॒सद्य॒ इत्यु॑प—सद्यः॑⁠। प॒वित्र॒व्ँवै⁠। वै ब॑हिष्पवमा॒नः⁠। ब॒हि॒ष्प॒व॒मा॒न आ॒त्मान᳚म्⁠। ब॒हि॒ष्प॒व॒मा॒न इति॑ बहिः—प॒व॒मा॒नः⁠। आ॒त्मान॑मे॒व⁠। ए॒व प॑वयते⁠। प॒व॒य॒ते॒ तयोः᳚⁠। तयो᳚स्त्रे॒धा⁠। त्रे॒धा भैष॑ज्यम्⁠। भैष॑ज्य॒व्ँवि⁠। वि नि⁠। न्य॑दधुः⁠। अ॒द॒धु॒र॒ग्नौ⁠। अ॒ग्नौ तृती॑यम्⁠। तृती॑यम॒फ्सु⁠। अ॒फ्सु तृती॑यम्⁠। अ॒फ्स्वित्य॑प्—सु⁠। तृती॑यम् ब्राह्म॒णे⁠। ब्रा॒ह्म॒णे तृती॑यम्⁠। तृती॑य॒म् तस्मा᳚त्⁠। तस्मा॑दुदपा॒त्रम्⁠। उ॒द॒पा॒त्रमु॑पनि॒धाय॑⁠। उ॒द॒पा॒त्रमित्यु॑द—पा॒त्रम्⁠। [३८] उ॒प॒नि॒धाय॑ ब्राह्म॒णम्⁠। उ॒प॒नि॒धायेत्यु॑प—नि॒धाय॑⁠। ब्रा॒ह्म॒णम् द॑ख्‍षिण॒तः⁠। द॒ख्‍षि॒ण॒तो नि॒षाद्य॑⁠। नि॒षाद्य॑ भेष॒जम्⁠। नि॒षाद्येति॑ नि—साद्य॑⁠। भे॒ष॒जम् कु॑र्यात्⁠। कु॒र्या॒द् याव॑त्⁠। याव॑दे॒व⁠। ए॒व भे॑ष॒जम्⁠। भे॒ष॒जम् तेन॑⁠। तेन॑ करोति⁠। क॒रो॒ति॒ स॒मर्द्धु॑कम्⁠। स॒मर्द्धु॑कमस्य⁠। स॒मर्द्धु॑क॒मिति॑ सम्—अर्द्धु॑कम्⁠। अ॒स्य॒ कृ॒तम्⁠। कृ॒तम् भ॑वति⁠। भ॒व॒ति॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ कस्मा᳚त्⁠। कस्मा᳚थ् स॒त्यात्⁠। स॒त्यादेक॑पात्राः⁠। एक॑पात्रा द्विदेव॒त्याः᳚⁠। एक॑पात्रा॒ इत्येक॑—पा॒त्राः॒⁠। द्वि॒दे॒व॒त्या॑ गृ॒ह्यन्ते᳚⁠। द्वि॒दे॒व॒त्या॑ इति॑ द्वि—दे॒व॒त्याः᳚⁠। गृ॒ह्यन्ते᳚ द्वि॒पात्राः᳚⁠। द्वि॒पात्रा॑ हूयन्ते⁠। द्वि॒पात्रा॒ इति॑ द्वि—पात्राः᳚⁠। हू॒य॒न्त॒ इति॑⁠। इति॒ यत्⁠। यदेक॑पात्राः⁠। एक॑पात्रा गृ॒ह्यन्ते᳚⁠। एक॑पात्रा॒ इत्येक॑—पा॒त्राः॒⁠। गृ॒ह्यन्ते॒ तस्मा᳚त्⁠। तस्मा॒देकः॑⁠। एको᳚ऽन्तर॒तः⁠। अ॒न्त॒र॒तः प्रा॒णः⁠। प्रा॒णो द्वि॒पात्राः᳚⁠। प्रा॒ण इति॑ प्र—अ॒नः⁠। द्वि॒पात्रा॑ हूयन्ते⁠। द्वि॒पात्रा॒ इति॑ द्वि—पात्राः᳚⁠। हू॒य॒न्ते॒ तस्मा᳚त्⁠। तस्मा॒द् द्वौद्वौ᳚⁠। द्वौद्वौ॑ ब॒हिष्टा᳚त्⁠। द्वौद्वा॒विति॒ द्वौ—द्वौ॒⁠। ब॒हिष्टा᳚त् प्रा॒णाः⁠। प्रा॒णाः प्रा॒णाः⁠। प्रा॒णा इति॑ प्र—अ॒नाः⁠। प्रा॒णा वै⁠। प्रा॒णा इति॑ प्र—अ॒नाः⁠। वा ए॒ते⁠। ए॒ते यत्⁠। यद् द्वि॑देव॒त्याः᳚⁠। द्वि॒दे॒व॒त्याः᳚ प॒शवः॑⁠। द्वि॒दे॒व॒त्या॑ इति॑ द्वि—दे॒व॒त्याः᳚⁠। प॒शव॒ इडा᳚⁠। इडा॒ यत्⁠। यदिडा᳚म्⁠। इडा॒म् पूर्वा᳚म्⁠। पूर्वा᳚म् द्विदेव॒त्ये᳚भ्यः⁠। द्वि॒दे॒व॒त्ये᳚भ्य उप॒ह्वये॑त⁠। द्वि॒दे॒व॒त्ये᳚भ्य॒ इति॑ द्वि—दे॒व॒त्ये᳚भ्यः⁠। उ॒प॒ह्वये॑त प॒शुभिः॑⁠। उ॒प॒ह्वये॒तेत्यु॑प—ह्वये॑त⁠। [३९] प॒शुभिः॑ प्रा॒णान्⁠। प॒शुभि॒रिति॑ प॒शु—भिः॒⁠। प्रा॒णान॒न्तः⁠। प्रा॒णानि॑ति प्र—अ॒नान्⁠। अ॒न्तर् द॑धीत⁠। द॒धी॒त॒ प्र॒मायु॑कः⁠। प्र॒मायु॑कः स्यात्⁠। प्र॒मायु॑क॒ इति॑ प्र—मायु॑कः⁠। स्या॒द् द्वि॒दे॒व॒त्या॑न्⁠। द्वि॒दे॒व॒त्या᳚न् भख्‍षयि॒त्वा⁠। द्वि॒दे॒व॒त्या॑निति॑ द्वि—दे॒व॒त्या॑न्⁠। भ॒ख्‍ष॒यि॒त्वेडा᳚म्⁠। इडा॒मुप॑⁠। उप॑ ह्वयते⁠। ह्व॒य॒ते॒ प्रा॒णान्⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒वात्मन्न्⁠। आ॒त्मन् धि॒त्वा⁠। धि॒त्वा प॒शून्⁠। प॒शूनुप॑⁠। उप॑ ह्वयते⁠। ह्व॒य॒ते॒ वाक्⁠। वाग् वै⁠। वा ऐ᳚न्द्रवाय॒वः⁠। ऐ॒न्द्र॒वा॒य॒वश्चख्‍षुः॑⁠। ऐ॒न्द॒वा॒य॒व इत्यै᳚न्द्र—वा॒य॒वः⁠। चख्‍षु॑र् मैत्रावरु॒णः⁠। मै॒त्र॒व॒रु॒णः श्रोत्र᳚म्⁠। मै॒त्रा॒व॒रु॒ण इति॑ मैत्रा—व॒रु॒णः⁠। श्रोत्र॑माश्वि॒नः⁠। आ॒श्वि॒नः पु॒रस्ता᳚त्⁠। पु॒रस्ता॑दैन्द्रवाय॒वम्⁠। ऐ॒न्द्र॒वा॒य॒वम् भ॑ख्‍षयति⁠। ऐ॒न्द्र॒वा॒य॒वमित्यै᳚न्द्र—वा॒य॒वम्⁠। भ॒ख्‍ष॒य॒ति॒ तस्मा᳚त्⁠। तस्मा᳚त् पु॒रस्ता᳚त्⁠। पु॒रस्ता᳚द् वा॒चा⁠। वा॒चा व॑दति⁠। व॒द॒ति॒ पु॒रस्ता᳚त्⁠। पु॒रस्ता᳚न् मैत्रावरु॒णम्⁠। मै॒त्रा॒व॒रु॒णम् तस्मा᳚त्⁠। मै॒त्रा॒व॒रु॒णमिति॑ मैत्रा—व॒रु॒णम्⁠। तस्मा᳚त् पु॒रस्ता᳚त्⁠। पु॒रस्ता॒च् चख्‍षु॑षा⁠। चख्‍षु॑षा पश्यति⁠। प॒श्य॒ति॒ स॒र्वतः॑⁠। स॒र्वतः॑ परि॒हार᳚म्⁠। प॒रि॒हार॑माश्वि॒नम्⁠। प॒रि॒हार॒मिति॑ परि—हार᳚म्⁠। आ॒श्वि॒नम् तस्मा᳚त्⁠। तस्मा᳚थ् स॒र्वतः॑⁠। स॒र्वतः॒ श्रोत्रे॑ण⁠। श्रोत्रे॑ण शृणोति⁠। शृ॒णो॒ति॒ प्रा॒णाः⁠। प्रा॒णा वै⁠। प्रा॒णा इति॑ प्र—अ॒नाः⁠। वा ए॒ते⁠। ए॒ते यत्⁠। यद् द्वि॑देव॒त्याः᳚⁠। द्वि॒दे॒व॒त्या॑ अरि॑क्तानि⁠। द्वि॒दे॒व॒त्या॑ इति॑ द्वि—दे॒वत्याः᳚⁠। [४०] अरि॑क्तानि॒ पात्रा॑णि⁠। पात्रा॑णि सादयति⁠। सा॒द॒य॒ति॒ तस्मा᳚त्⁠। तस्मा॒दरि॑क्ताः⁠। अरि॑क्ता अन्तर॒तः⁠। अ॒न्त॒र॒तः प्रा॒णाः⁠। प्रा॒ण यतः॑⁠। प्रा॒णा इति॑ प्र—अ॒नाः⁠। यतः॒ खलु॑⁠। खलु॒ वै⁠। वै य॒ज्ञस्य॑⁠। य॒ज्ञस्य॒ वित॑तस्य⁠। वित॑तस्य॒ न⁠। वित॑त॒स्येति॒ वि—त॒त॒स्य॒⁠। न क्रि॒यते᳚⁠। क्रि॒यते॒ तत्⁠। तदनु॑⁠। अनु॑ य॒ज्ञम्⁠। य॒ज्ञꣳ रख्‍षा॑ꣳसि⁠। रख्‍षा॒ꣴ॒स्यव॑⁠। अव॑ चरन्ति⁠। च॒र॒न्ति॒ यत्⁠। यदरि॑क्तानि⁠। अरि॑क्तानि॒ पात्रा॑णि⁠। पात्रा॑णि सा॒दय॑ति⁠। सा॒दय॑ति क्रि॒यमा॑णम्⁠। क्रि॒यमा॑णमे॒व⁠। ए॒व तत्⁠। तद् य॒ज्ञस्य॑⁠। य॒ज्ञस्य॑ शये⁠। श॒ये॒ रख्‍ष॑साम्⁠। रख्‍ष॑सा॒मन॑न्ववचाराय⁠। अन॑न्ववचाराय॒ दख्‍षि॑णस्य⁠। अन॑न्ववचारा॒येत्यन॑नु—अ॒व॒चा॒रा॒य॒⁠। दख्‍षि॑णस्य हवि॒र्द्धान॑स्य⁠। ह॒वि॒र्द्धान॒स्योत्त॑रस्याम्⁠। ह॒वि॒र्द्धान॒स्येति॑ हविः—धान॑स्य⁠। उत्त॑रस्याव्ँवर्त॒न्याम्⁠। उत्त॑रस्या॒मित्युत्—त॒र॒स्या॒म्⁠। व॒र्त॒न्याꣳ सा॑दयति⁠। सा॒द॒य॒ति॒ वा॒चि⁠। वा॒च्ये॑व⁠। ए॒व वाच᳚म्⁠। वाच॑म् दधाति⁠। द॒धा॒त्या⁠। आ तृ॑तीयसव॒नात्⁠। तृ॒ती॒य॒स॒व॒नात् परि॑⁠। तृ॒ती॒य॒स॒व॒नादिति॑ तृतीय—स॒व॒नात्⁠। परि॑ शेरे⁠। शे॒रे॒ य॒ज्ञस्य॑⁠। य॒ज्ञस्य॒ सन्त॑त्यै⁠। सन्त॑त्या॒ इति॒ सम्—त॒त्यै॒⁠॥ [४१] (म॒नु॒ष्य॒च॒रा वु॑दपा॒त्र मु॑प॒ह्वये॑त द्विदेव॒त्याः᳚ षट्च॑त्वारिꣳशच्च) ॥९॥
बृह॒स्पति॑र् दे॒वाना᳚म्⁠। दे॒वाना᳚म् पु॒रोहि॑तः⁠। पु॒रोहि॑त॒ आसी᳚त्⁠। पु॒रोहि॑त॒ इति॑ पु॒रः—हि॒तः॒⁠। आसी॒च्छण्डा॒मर्कौ᳚⁠। शण्डा॒मर्का॒वसु॑राणाम्⁠। शण्डा॒मर्का॒विति॒ शण्डा᳚—मर्कौ᳚⁠। असु॑राणा॒म् ब्रह्म॑ण्वन्तः⁠। ब्रह्म॑ण्वन्तो दे॒वाः⁠। ब्रह्म॑ण्वन्त॒ इति॒ ब्रह्म॑ण्ण्—व॒न्तः॒⁠। दे॒वा आस॑न्न्⁠। आस॒न् ब्रह्म॑ण्वन्तः⁠। ब्रह्म॑ण्व॒न्तोऽसु॑राः⁠। ब्रह्म॑ण्वन्त॒ इति॒ ब्रह्म॑ण्ण्—व॒न्तः॒⁠। असु॑रा॒स्ते⁠। ते᳚ऽन्यः⁠। अ॒न्यो᳚ऽन्यम्⁠। अ॒न्यम् न⁠। नाश॑क्नुवन्न्⁠। अ॒श॒क्नु॒व॒न्न॒भिभ॑वितुम्⁠। अ॒भिभ॑वितु॒म् ते⁠। अ॒भिभ॑वितु॒मित्य॒भि—भ॒वि॒तु॒म्⁠। ते दे॒वाः⁠। दे॒वाः शण्डा॒मर्कौ᳚⁠। शण्डा॒मर्का॒वुप॑⁠। शण्डा॒मर्का॒विति॒ शण्डा᳚—मर्कौ᳚⁠। उपा॑मन्त्रयन्त⁠। अ॒म॒न्त्र॒य॒न्त॒ तौ⁠। ताव॑ब्रूताम्⁠। अ॒ब्रू॒ता॒व्ँवर᳚म्⁠। वर॑व्ँवृणावहै⁠। वृ॒णा॒व॒है॒ ग्रहौ᳚⁠। ग्रहा॑वे॒व⁠। ए॒व नौ⁠। ना॒वत्र॑⁠। अत्रापि॑⁠। अपि॑ गृह्येताम्⁠। गृ॒ह्ये॒ता॒मिति॑⁠। इति॒ ताभ्या᳚म्⁠। ताभ्या॑मे॒तौ⁠। ए॒तौ शु॒क्राम॒न्थिनौ᳚⁠। शु॒क्राम॒न्थिना॑वगृह्णन्न्⁠। शु॒क्राम॒न्थिना॒विति॑ शु॒क्रा—म॒न्थिनौ᳚⁠। अ॒गृ॒ह्णन् ततः॑⁠। ततो॑ दे॒वाः⁠। दे॒वा अभ॑वन्न्⁠। अभ॑व॒न् परा᳚⁠। पराऽसु॑राः⁠। असु॑रा॒ यस्य॑⁠। यस्यै॒वम्⁠। ए॒वव्ँवि॒दुषः॑⁠। वि॒दुषः॑ शु॒क्राम॒न्थिनौ᳚⁠। शु॒क्राम॒न्थिनौ॑ गृ॒ह्येते᳚⁠। शु॒क्राम॒न्थिना॒विति॑ शु॒क्रा—म॒न्थिनौ᳚⁠। गृ॒ह्येते॒ भव॑ति⁠। गृ॒ह्येते॒ इति॑ गृ॒ह्येते᳚⁠। भव॑त्या॒त्मना᳚⁠। आ॒त्मना॒ परा᳚⁠। परा᳚ऽस्य⁠। [४२] अ॒स्य॒ भ्रातृ॑व्यः⁠। भ्रातृ॑व्यो भवति⁠। भ॒व॒ति॒ तौ⁠। तौ दे॒वाः⁠। दे॒वा अ॑प॒नुद्य॑⁠। अ॒प॒नुद्या॒त्मने᳚⁠। अ॒प॒नुद्येत्य॑प—नुद्य॑⁠। आ॒त्मन॒ इन्द्रा॑य⁠। इन्द्रा॑याजुहवुः⁠। अ॒जु॒ह॒वु॒रप॑नुत्तौ⁠। अप॑नुत्तौ॒ शण्डा॒मर्कौ᳚⁠। अप॑नुत्ता॒वित्यप॑—नु॒त्तौ॒⁠। शण्डा॒मर्कौ॑ स॒ह⁠। शण्डा॒मर्का॒विति॒ शण्डा᳚—मर्कौ᳚⁠। स॒हामुना᳚⁠। अ॒मुनेति॑⁠। इति॑ ब्रूयात्⁠। ब्रू॒या॒द् यम्⁠। यम् द्वि॒ष्यात्⁠। द्वि॒ष्याद् यम्⁠। यमे॒व⁠। ए॒व द्वेष्टि॑⁠। द्वेष्टि॒ तेन॑⁠। तेनै॑नौ⁠। ए॒नौ॒ स॒ह⁠। स॒हाप॑⁠। अप॑ नुदते⁠। नु॒द॒ते॒ सः⁠। स प्र॑थ॒मः⁠। प्र॒थ॒मः सङ्‍कृ॑तिः⁠। सङ्‍कृ॑तिर् वि॒श्वक॑र्मा⁠। सङ्‍कृ॑ति॒रिति॒ सम्—कृ॒तिः॒⁠। वि॒श्वक॒र्मेति॑⁠। वि॒श्वक॒र्मेति॑ वि॒श्व—क॒र्मा॒⁠। इत्ये॒व⁠। ए॒वैनौ᳚⁠। ए॒ना॒वा॒त्मने᳚⁠। आ॒त्मन॒ इन्द्रा॑य⁠। इन्द्रा॑याजुहवुः⁠। अ॒जु॒ह॒वु॒रिन्द्रः॑⁠। इन्द्रो॒ हि⁠। ह्ये॑तानि॑⁠। ए॒तानि॑ रू॒पाणि॑⁠। रू॒पाणि॒ करि॑क्रत्⁠। करि॑क्र॒दच॑रत्⁠। अच॑रद॒सौ⁠। अ॒सौ वै⁠। वा आ॑दि॒त्यः⁠। आ॒दि॒त्यः शु॒क्रः⁠। शु॒क्रश्च॒न्द्रमाः᳚⁠। च॒न्द्रमा॑ म॒न्थी⁠। म॒न्थ्य॑पि॒गृह्य॑⁠। अ॒पि॒गृह्य॒ प्राञ्चौ᳚⁠। अ॒पि॒गृह्येत्य॑पि—गृह्य॑⁠। प्राञ्चौ॒ निः⁠। निष्क्रा॑मतः⁠। [४३] क्रा॒म॒त॒स्तस्मा᳚त्⁠। तस्मा॒त् प्राञ्चौ᳚⁠। प्राञ्चौ॒ यन्तौ᳚⁠। यन्तौ॒ न⁠। न प॑श्यन्ति⁠। प॒श्य॒न्ति॒ प्र॒त्यञ्चौ᳚⁠। प्र॒त्यञ्चा॑वा॒वृत्य॑⁠। आ॒वृत्य॑ जुहुतः⁠। आ॒वृत्येत्या᳚—वृत्य॑⁠। जु॒हु॒त॒स्तस्मा᳚त्⁠। तस्मा᳚त् प्र॒त्यञ्चौ᳚⁠। प्र॒त्यञ्चौ॒ यन्तौ᳚⁠। यन्तौ॑ पश्यन्ति⁠। प॒श्य॒न्ति॒ चख्‍षु॑षी⁠। चख्‍षु॑षी॒ वै⁠। चख्‍षु॑षी॒ इति॒ चख्‍षु॑षी⁠। वा ए॒ते⁠। ए॒ते य॒ज्ञस्य॑⁠। ए॒ते इत्ये॒ते⁠। य॒ज्ञस्य॒ यत्⁠। यच्छु॒क्राम॒न्थिनौ᳚⁠। शु॒क्राम॒न्थिनौ॒ नासि॑का⁠। शु॒क्राम॒न्थिना॒विति॑ शु॒क्रा—म॒न्थिनौ᳚⁠। नासि॑कोत्तरवे॒दिः⁠। उ॒त्त॒र॒वे॒दिर॒भितः॑⁠। उ॒त्त॒र॒वे॒दिरित्यु॑त्तर—वे॒दिः⁠। अ॒भितः॑ परि॒क्रम्य॑⁠। प॒रि॒क्रम्य॑ जुहतः⁠। प॒रि॒क्रम्येति॑ परि—क्रम्य॑⁠। जु॒हु॒त॒स्तस्मा᳚त्⁠। तस्मा॑द॒भितः॑⁠। अ॒भितो॒ नासि॑काम्⁠। नासि॑का॒म् चख्‍षु॑षी⁠। चख्‍षु॑षी॒ तस्मा᳚त्⁠। चख्‍षु॑षी॒ इति॒ चख्‍षु॑षी⁠। तस्मा॒न् नासि॑कया⁠। नासि॑कया॒ चख्‍षु॑षी⁠। चख्‍षु॑षी॒ विधृ॑ते⁠। चख्‍षु॑षी॒ इति॒ चख्‍षु॑षी⁠। विधृ॑ते स॒र्वतः॑⁠। विधृ॑ते॒ इति॒ वि—धृ॒ते॒⁠। स॒र्वतः॒ परि॑⁠। परि॑ क्रामतः⁠। क्रा॒म॒तो॒ रख्‍ष॑साम्⁠। रख्‍ष॑सा॒मप॑हत्यै⁠। अप॑हत्यै दे॒वाः⁠। अप॑हत्या॒ इत्यप॑—ह॒त्यै॒⁠। दे॒वा वै⁠। वै याः⁠। याः प्राचीः᳚⁠। प्राची॒राहु॑तीः⁠। आहु॑ती॒रजु॑हवुः⁠। आहु॑ती॒रित्या—हु॒तीः॒⁠। अजु॑हवु॒र् ये⁠। ये पु॒रस्ता᳚त्⁠। पु॒रस्ता॒दसु॑राः⁠। असु॑रा॒ आस॑न्न्⁠। आस॒न् तान्⁠। ताꣴस्ताभिः॑⁠। ताभिः॒ प्र⁠। प्राणु॑दन्त⁠। [४४] अ॒नु॒द॒न्त॒ याः⁠। याः प्र॒तीचीः᳚⁠। प्र॒तीची॒र् ये⁠। ये प॒श्चात्⁠। प॒श्चादसु॑राः⁠। असु॑रा॒ आस॑न्न्⁠। आस॒न् तान्⁠। ताꣴस्ताभिः॑⁠। ताभि॒रप॑⁠। अपा॑नुदन्त⁠। अ॒नु॒द॒न्त॒ प्राचीः᳚⁠। प्राची॑र॒न्याः⁠। अ॒न्या आहु॑तयः⁠। आहु॑तयो हू॒यन्ते᳚⁠। आहु॑तय॒ इत्या—हु॒त॒यः॒⁠। हू॒यन्ते᳚ प्र॒त्यञ्चौ᳚⁠। प्र॒त्यञ्चौ॑ शु॒क्राम॒न्थिनौ᳚⁠। शु॒क्राम॒न्थिनौ॑ प॒श्चात्⁠। शु॒क्राम॒न्थिना॒विति॑ शु॒क्रा—म॒न्थिनौ᳚⁠। प॒श्चाच् च॑⁠। चै॒व⁠। ए॒व पु॒रस्ता᳚त्⁠। पु॒रस्ता᳚च् च⁠। च॒ यज॑मानः⁠। यज॑मानो॒ भ्रातृ॑व्यान्⁠। भ्रातृ॑व्या॒न् प्र⁠। प्र णु॑दते⁠। नु॒द॒ते॒ तस्मा᳚त्⁠। तस्मा॒त् परा॑चीः⁠। परा॑चीः प्र॒जाः⁠। प्र॒जाः प्र⁠। प्र॒जा इति॑ प्र—जाः⁠। प्र वी॑यन्ते⁠। वी॒य॒न्ते॒ प्र॒तीचीः᳚⁠। प्र॒तीची᳚र् जायन्ते⁠। जा॒य॒न्ते॒ शु॒क्राम॒न्थिनौ᳚⁠। शु॒क्राम॒न्थिनौ॒ वै⁠। शु॒क्राम॒न्थिना॒विति॑ शु॒क्रा—म॒न्थिनौ᳚⁠। वा अनु॑⁠। अनु॑ प्र॒जाः⁠। प्र॒जाः प्र⁠। प्र॒जा इति॑ प्र—जाः⁠। प्र जा॑यन्ते⁠। जा॒य॒न्ते॒ऽत्रीः⁠। अ॒त्रीश्च॑⁠। चा॒द्याः᳚⁠। आ॒द्या᳚श्च⁠। च॒ सु॒वीराः᳚⁠। सु॒वीराः᳚ प्र॒जाः⁠। सु॒वीरा॒ इति॑ सु—वीराः᳚⁠। प्र॒जाः प्र॑ज॒नय॑न्न्⁠। प्र॒जा इति॑ प्र—जाः⁠। प्र॒ज॒नय॒न् परि॑⁠। प्र॒ज॒नय॒न्निति॑ प्र—ज॒नय॑न्न्⁠। परी॑हि⁠। इ॒हि॒ शु॒क्रः⁠। शु॒क्रः शु॒क्रशो॑चिषा⁠। शु॒क्रशो॑चिषा सुप्र॒जाः⁠। शु॒क्रशो॑चि॒षेति॑ शु॒क्र—शो॒चि॒षा॒⁠। [४५] सु॒प्र॒जाः प्र॒जाः⁠। सु॒प्र॒जा इति॑ सु—प्र॒जाः⁠। प्र॒जाः प्र॑ज॒नय॑न्न्⁠। प्र॒जा इति॑ प्र—जाः⁠। प्र॒ज॒नय॒न् परि॑⁠। प्र॒ज॒नय॒न्निति॑ प्र—ज॒नय॑न्न्⁠। परी॑हि⁠। इ॒हि॒ म॒न्थी⁠। म॒न्थी म॒न्थिशो॑चिषा⁠। म॒न्थिशो॑चि॒षेति॑⁠। म॒न्थिशो॑चि॒षेति॑ म॒न्थि—शो॒चि॒षा॒⁠। इत्या॑ह⁠। आ॒है॒ताः⁠। ए॒ता वै⁠। वै सु॒वीराः᳚⁠। सु॒वीरा॒ याः⁠। सु॒वीरा॒ इति॑ सु—वीराः᳚⁠। या अ॒त्रीः⁠। अ॒त्रीरे॒ताः⁠। ए॒ताः सु॑प्र॒जाः⁠। सु॒प्र॒जा याः⁠। सु॒प्र॒जा इति॑ सु—प्र॒जाः⁠। या आ॒द्याः᳚⁠। आ॒द्या॑ यः⁠। य ए॒वम्⁠। ए॒वव्ँवेद॑⁠। वेदा॒त्री⁠। अ॒त्र्य॑स्य⁠। अ॒स्य॒ प्र॒जा⁠। प्र॒जा जा॑यते⁠। प्र॒जेति॑ प्र—जा⁠। जा॒य॒ते॒ न⁠। नाद्या᳚⁠। आ॒द्या᳚ प्र॒जाप॑तेः⁠। प्र॒जाप॑ते॒रख्‍षि॑⁠। प्र॒जाप॑ते॒रिति॑ प्र॒जा—प॒तेः॒⁠। अख्‍ष्य॑श्वयत्⁠। अ॒श्व॒य॒त् तत्⁠। तत् परा᳚⁠। परा॑ऽपतत्⁠। अ॒प॒त॒त् तत्⁠। तद् विक॑ङ्‍कतम्⁠। विक॑ङ्‍कत॒म् प्र⁠। विक॑ङ्‍कत॒मिति॒ वि—क॒ङ्‍क॒त॒म्⁠। प्रावि॑शत्⁠। अ॒वि॒श॒त् तत्⁠। तद् विक॑ङ्‍कते⁠। विक॑ङ्‍कते॒ न⁠। विक॑ङ्‍कत॒ इति॒ वि—क॒ङ्‍क॒ते॒⁠। नार॑मत⁠। अ॒र॒म॒त॒ तत्⁠। तद् यव᳚म्⁠। यव॒म् प्र⁠। प्रावि॑शत्⁠। अ॒वि॒श॒त् तत्⁠। तद् यवे᳚⁠। यवे॑ऽरमत⁠। अ॒र॒म॒त॒ तत्⁠। तद् यव॑स्य⁠। यव॑स्य यव॒त्वम्⁠। [४६] य॒व॒त्वय्ँयत्⁠। य॒व॒त्वमिति॑ यव—त्वम्⁠। यद् वैक॑ङ्‍कतम्⁠। वैक॑ङ्‍कतम् मन्थिपा॒त्रम्⁠। म॒न्थि॒पा॒त्रम् भव॑ति⁠। म॒न्थि॒पा॒त्रमिति॑ मन्थि—पा॒त्रम्⁠। भव॑ति॒ सक्तु॑भिः⁠। सक्तु॑भिः श्री॒णाति॑⁠। सक्तु॑भि॒रिति॒ सक्तु॑—भिः॒⁠। श्री॒णाति॑ प्र॒जाप॑तेः⁠। प्र॒जाप॑तेरे॒व⁠। प्र॒जाप॑ते॒रिति॑ प्र॒जा—प॒तेः॒⁠। ए॒व तत्⁠। तच् चख्‍षुः॑⁠। चख्‍षुः॒ सम्⁠। सम् भ॑रति⁠। भ॒र॒ति॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ कस्मा᳚त्⁠। कस्मा᳚थ् स॒त्यात्⁠। स॒त्यान् म॑न्थिपा॒त्रम्⁠। म॒न्थि॒पा॒त्रꣳ सदः॑⁠। म॒न्थि॒पा॒त्रमिति॑ मन्थि—पा॒त्रम्⁠। सदो॒ न⁠। नाश्ञु॑ते⁠। अ॒श्ञु॒त॒ इति॑⁠। इत्या᳚र्तपा॒त्रम्⁠। आ॒र्त॒पा॒त्रꣳ हि⁠। आ॒र्त॒पा॒त्रमित्या᳚र्त—पा॒त्रम्⁠। हीति॑⁠। इति॑ ब्रूयात्⁠। ब्रू॒या॒द् यत्⁠। यद॑श्ञुवी॒त⁠। अ॒श्ञु॒वी॒तान्धः⁠। अ॒न्धो᳚ऽद्ध्व॒र्युः⁠। अ॒द्ध्व॒र्युः स्या᳚त्⁠। स्या॒दार्ति᳚म्⁠। आर्ति॒मा⁠। आर्च्छे᳚त्⁠। ऋ॒च्छे॒त् तस्मा᳚त्⁠। तस्मा॒न् न⁠। नाश्ञु॑ते⁠। अ॒श्ञु॒त॒ इत्य॑श्ञ्नुते⁠॥ [४७] (आ॒त्मना परा॒ नि ष्प्र शु॒क्रशो॑चिषा॒ यव॑स्य स॒प्तत्रि॑ꣳशच्च) ॥१०॥
दे॒वा वै⁠। वै यत्⁠। यद् य॒ज्ञे⁠। य॒ज्ञेऽकु॑र्वत⁠। अकु॑र्वत॒ तत्⁠। तदसु॑राः⁠। असु॑रा अकुर्वत⁠। अ॒कु॒र्व॒त॒ ते⁠। ते दे॒वाः⁠। दे॒वा आ᳚ग्रय॒णाग्रान्⁠। आ॒ग्र॒य॒णाग्रा॒न् ग्रहा॑न्⁠। आ॒ग्र॒य॒णाग्रा॒नित्या᳚ग्रय॒ण—अ॒ग्रा॒न्॒⁠। ग्रहा॑नपश्यन्न्⁠। अ॒प॒श्य॒न् तान्⁠। तान॑गृह्णत⁠। अ॒गृ॒ह्ण॒त॒ ततः॑⁠। ततो॒ वै⁠। वै ते⁠। तेऽग्र᳚म्⁠। अग्र॒म् परि॑⁠। पर्या॑यन्न्⁠। आ॒य॒न्॒‌यस्य॑⁠। यस्यै॒वम्⁠। ए॒वव्ँवि॒दुषः॑⁠। वि॒दुष॑ आग्रय॒णाग्राः᳚⁠। आ॒ग्र॒य॒णाग्रा॒ ग्रहाः᳚⁠। आ॒ग्र॒य॒णाग्रा॒ इत्या᳚ग्रय॒ण—अ॒ग्राः॒⁠। गृहा॑ गृ॒ह्यन्ते᳚⁠। गृ॒ह्यन्तेऽग्र᳚म्⁠। अग्र॑मे॒व⁠। ए॒व स॑मा॒नाना᳚म्⁠। स॒मा॒नाना॒म् परि॑⁠। पर्ये॑ति⁠। ए॒ति॒ रु॒ग्णव॑त्या⁠। रु॒ग्णव॑त्य॒र्चा⁠। रु॒ग्णव॒त्येति॑ रु॒ग्ण—व॒त्या॒⁠। ऋ॒चा भ्रातृ॑व्यवतः⁠। भ्रातृ॑व्यवतो गृह्णीयात्⁠। भ्रातृ॑व्यवत॒ इति॒ भ्रातृ॑व्य—व॒तः॒⁠। गृ॒ह्णी॒या॒द् भ्रातृ॑व्यस्य⁠। भ्रातृ॑व्यस्यै॒व⁠। ए॒व रु॒क्त्वा⁠। रु॒क्त्वाऽग्र᳚म्⁠। अग्र॑ꣳ समा॒नाना᳚म्⁠। स॒मा॒नाना॒म् परि॑⁠। पर्ये॑ति⁠। ए॒ति॒ ये⁠। ये दे॑वाः⁠। दे॒वा॒ दि॒वि⁠। दि॒व्येका॑दश⁠। एका॑दश॒ स्थ⁠। स्थेति॑⁠। इत्या॑ह⁠। आ॒है॒ताव॑तीः⁠। [४८] ए॒ताव॑ती॒र् वै⁠। वै दे॒वताः᳚⁠। दे॒वता॒स्ताभ्यः॑⁠। ताभ्य॑ ए॒व⁠। ए॒वैन᳚म्⁠। ए॒न॒ꣳ॒ सर्वा᳚भ्यः⁠। सर्वा᳚भ्यो गृह्णाति⁠। गृ॒ह्णा॒त्ये॒षः⁠। ए॒ष ते᳚⁠। ते॒ योनिः॑⁠। योनि॒र् विश्वे᳚भ्यः⁠। विश्वे᳚भ्यस्त्वा⁠। त्वा॒ दे॒वेभ्यः॑⁠। दे॒वेभ्य॒ इति॑⁠। इत्या॑ह⁠। आ॒ह॒ वै॒श्व॒दे॒वः⁠। वै॒श्व॒दे॒वो हि⁠। वै॒श्व॒दे॒व इति॑ वैश्व—दे॒वः⁠। ह्ये॑षः⁠। ए॒ष दे॒वत॑या⁠। दे॒वत॑या॒ वाक्⁠। वाग् वै⁠। वै दे॒वेभ्यः॑⁠। दे॒वेभ्योऽप॑⁠। अपा᳚क्रामत्⁠। अ॒क्रा॒म॒द् य॒ज्ञाय॑⁠। य॒ज्ञयाति॑ष्ठमाना⁠। अति॑ष्ठमाना॒ ते⁠। ते दे॒वाः⁠। दे॒वा वा॒चि⁠। वा॒च्यप॑क्रान्तायाम्⁠। अप॑क्रान्तायाम् तू॒ष्णीम्⁠। अप॑क्रान्ताया॒मित्यप॑—क्रा॒न्ता॒या॒म्⁠। तू॒ष्णीम् ग्रहा॑न्⁠। गृहा॑नगृह्णत⁠। अ॒गृ॒ह्ण॒त॒ सा⁠। साऽम॑न्यत⁠। अ॒म॒न्य॒त॒ वाक्⁠। वाग॒न्तः⁠। अ॒न्तर् य॑न्ति⁠। य॒न्ति॒ वै⁠। वै मा᳚⁠। मेति॑⁠। इति॒ सा⁠। साऽऽग्र॑य॒णम्⁠। आ॒ग्र॒य॒णम् प्रति॑⁠। प्रत्या⁠। आऽग॑च्छत्⁠। अ॒ग॒च्छ॒त् तत्⁠। तदा᳚ग्रय॒णस्य॑⁠। आ॒ग्र॒य॒णस्या᳚ग्रयण॒त्वम्⁠। आ॒ग्र॒य॒ण॒त्वम् तस्मा᳚त्⁠। आ॒ग्र॒य॒ण॒त्वमित्या᳚ग्रयण—त्वम्⁠। [४९] तस्मा॑दाग्रय॒णे⁠। आ॒ग्र॒य॒णे वाक्⁠। वाग् वि⁠। वि सृ॑ज्यते⁠। सृ॒ज्य॒ते॒ यत्⁠। यत् तू॒ष्णीम्⁠। तू॒ष्णीम् पूर्वे᳚⁠। पूर्वे॒ ग्रहाः᳚⁠। ग्रहा॑ गृ॒ह्यन्ते᳚⁠। गृ॒ह्यन्ते॒ यथा᳚⁠। यथा᳚ थ्सा॒री⁠। थ्सा॒रीय॑ति⁠। इय॑ति॒ मे⁠। म॒ आखः॑⁠। आख॒ इय॑ति⁠। इय॑ति॒ न⁠। नाप॑⁠। अप॑ राथ्स्यामि⁠। रा॒थ्स्या॒मीति॑⁠। इत्यु॑पावसृ॒जति॑⁠। उ॒पा॒व॒सृ॒जत्ये॒वम्⁠। उ॒पा॒व॒सृ॒जतीत्यु॑प—अ॒व॒सृ॒जति॑⁠। ए॒वमे॒व⁠। ए॒व तत्⁠। तद॑द्ध्व॒र्युः⁠। अ॒द्ध्व॒र्युरा᳚ग्रय॒णम्⁠। आ॒ग्र॒य॒णम् गृ॑ही॒त्वा⁠। गृ॒ही॒त्वा य॒ज्ञम्⁠। य॒ज्ञमा॒रभ्य॑⁠। आ॒रभ्य॒ वाच᳚म्⁠। आ॒रभ्येत्या᳚—रभ्य॑⁠। वाच॒व्ँवि⁠। वि सृ॑जते⁠। सृ॒ज॒ते॒ त्रिः⁠। त्रिर्‌हिम्⁠। हिम् क॑रोति⁠। क॒रो॒त्यु॒द्‌गा॒तॄन्⁠। उ॒द्‌गा॒तॄने॒व⁠। उ॒द्‌गा॒तॄनित्यु॑त्—गा॒तॄन्⁠। ए॒व तत्⁠। तद् वृ॑णीते⁠। वृ॒णी॒ते॒ प्र॒जाप॑तिः⁠। प्र॒जाप॑ति॒र् वै⁠। प्र॒जाप॑ति॒रिति॑ प्र॒जा—प॒तिः॒⁠। वा ए॒षः⁠। ए॒ष यत्⁠। यदा᳚ग्रय॒णः⁠। आ॒ग्र॒य॒णो यत्⁠। यदा᳚ग्रय॒णम्⁠। आ॒ग्र॒य॒णम् गृ॑ही॒त्वा⁠। गृ॒ही॒त्वा हि॑ङ्‍क॒रोति॑⁠। हि॒ङ्‍क॒रोति॑ प्र॒जाप॑तिः⁠। हि॒ङ्‍क॒रोतीति॑ हिम्—क॒रोति॑⁠। प्र॒जाप॑तिरे॒व⁠। प्र॒जाप॑ति॒रिति॑ प्र॒जा—प॒तिः॒⁠। ए॒व तत्⁠। [५०] तत् प्र॒जाः⁠। प्र॒जा अ॒भि⁠। प्र॒जा इति॑ प्र—जाः⁠। अ॒भि जि॑घ्रति⁠। जि॒घ्र॒ति॒ तस्मा᳚त्⁠। तस्मा᳚द् व॒थ्सम्⁠। व॒थ्सम् जा॒तम्⁠। जा॒तम् गौः⁠। गौर॒भि⁠। अ॒भि जि॑घ्रति⁠। जि॒घ्र॒त्या॒त्मा⁠। आ॒त्मा वै⁠। वा ए॒षः⁠। ए॒ष य॒ज्ञस्य॑⁠। य॒ज्ञस्य॒ यत्⁠। यदा᳚ग्रय॒णः⁠। आ॒ग्र॒य॒णः सव॑नेसवने⁠। सव॑नेसवने॒ऽभि⁠। सव॑नेसवन॒ इति॒ सव॑ने—स॒व॒ने॒⁠। अ॒भि गृ॑ह्णाति⁠। गृ॒ह्णा॒त्या॒त्मन्न्⁠। आ॒त्मन्ने॒व⁠। ए॒व य॒ज्ञम्⁠। य॒ज्ञꣳ सम्⁠। सम् त॑नोति⁠। त॒नो॒त्यु॒परि॑ष्टात्⁠। उ॒परि॑ष्टा॒दा⁠। आ न॑यति⁠। न॒य॒ति॒ रेतः॑⁠। रेत॑ ए॒व⁠। ए॒व तत्⁠। तद् द॑धाति⁠। द॒धा॒त्य॒धस्ता᳚त्⁠। अ॒धस्ता॒दुप॑⁠। उप॑ गृह्णाति⁠। गृ॒ह्णा॒ति॒ प्र⁠। प्र ज॑नयति⁠। ज॒न॒य॒त्ये॒व⁠। ए॒व तत्⁠। तद् ब्र॑ह्मवा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ कस्मा᳚त्⁠। कस्मा᳚थ् स॒त्यात्⁠। स॒त्याद् गा॑य॒त्री⁠। गा॒य॒त्री कनि॑ष्ठा⁠। कनि॑ष्ठा॒ छन्द॑साम्⁠। छन्द॑साꣳ स॒ती⁠। स॒ती सर्वा॑णि⁠। सर्वा॑णि॒ सव॑नानि⁠। सव॑नानि वहति⁠। व॒ह॒तीति॑⁠। इत्ये॒षः⁠। ए॒ष वै⁠। वै गा॑यत्रि॒यै⁠। गा॒य॒त्रि॒यै व॒थ्सः⁠। व॒थ्सो यत्⁠। यदा᳚ग्रय॒णः⁠। आ॒ग्र॒य॒णस्तम्⁠। तमे॒व⁠। ए॒व तत्⁠। तद॑भिनि॒वर्त᳚म्⁠। अ॒भि॒नि॒वर्त॒ꣳ॒ सर्वा॑णि⁠। अ॒भि॒नि॒वर्त॒मित्य॑भि—नि॒वर्त᳚म्⁠। सर्वा॑णि॒ सव॑नानि⁠। सव॑नानि वहति⁠। व॒ह॒ति॒ तस्मा᳚त्⁠। तस्मा᳚द् व॒थ्सम्⁠। व॒थ्सम॒पाकृ॑तम्⁠। अ॒पाकृ॑त॒म् गौः⁠। अ॒पाकृ॑त॒मित्य॑प—आकृ॑तम्⁠। गौर॒भि⁠। अ॒भि नि⁠। नि व॑र्तते⁠। व॒र्त॒त॒ इति॑ वर्तते⁠॥ [५१] (आ॒हा॒ ऽऽग्र॒य॒ण॒त्वम् प्र॒जाप॑तिरे॒वे ति॑ विꣳश॒तिश्च॑) ॥११॥
अनुवाकाः पञ्चशती
११ ५१