ब्रह्म सूक्तं

ब्रह्मसूक्तम्

ओं नमः परमात्मने, श्री महागणपतये नमः,

श्री गुरुभ्यो नमः⁠। ह॒रिः॒ ओं⁠॥

ॐ
तै.ब्रा.२.८.८.८
ब्रह्म॑जज्ञा॒नं प्र॑थ॒मं पु॒रस्ता॒द् विसी॑म॒तस्सु॒रुचो॑ वे॒न आ॑वः⁠। स बु॒द्ध्निया॑ उप॒मा अ॑स्य वि॒ष्ठाः स॒तश्च॒ योनि॒मस॑तश्च॒ विवः॑⁠॥ १ पि॒तावि॒राजा॑मृष॒भो र॑यी॒णाम॒न्तरि॑ख्‍षव्ँवि॒श्वरू॑प॒ आवि॑वेश⁠। तम॒र्कैर॒भ्य॑र्चन्ति व॒थ्सं ब्रह्म॒ सन्तं॒ ब्रह्म॑णा व॒र्द्धय॑न्तः⁠॥ २ ब्रह्म॑ दे॒वान॑जनय॒द् ब्रह्म॒ विश्व॑मि॒दं जग॑त्⁠। ब्रह्म॑णः ख्‍ष॒त्रं निर्मि॑तं॒ ब्रह्म॑ ब्राह्म॒ण आ॒त्मना᳚⁠॥ ३ अ॒न्तर॑स्मिन्नि॒मे लो॒का अ॒न्तर् विश्व॑मि॒दं जग॑त्⁠। ब्रह्मै॒व भू॒तानां॒ ज्येष्ठं॒ तेन॒ को॑ऽर्‌हति॒ स्पर्द्धि॑तुं⁠॥ ४ ब्रह्म॑न् दे॒वा स्त्रय॑स्त्रिꣳश॒द् ब्रह्म॑न्निन्द्र प्रजाप॒ती⁠। ब्रह्म॑न्‌ह॒ विश्वा॑ भू॒तानि॑ ना॒वीवा॒न्तस्स॒माहि॑ता⁠॥ ५ चत॑स्र॒ आशाः॒ प्रच॑रन्त्व॒ग्नय॑ इ॒मन्नो॑ य॒ज्ञन्न॑यतु प्रजा॒नन्न्⁠। घृ॒तं पिन्व॑न्न॒जर॑ꣳ सु॒वीरं॒ ब्रह्म॑ स॒मिद्भ॑व॒त्याहु॑तीनां⁠॥

॥ ओं शान्तिः॒ शान्तिः॒ शान्तिः॑ ॥

Sections१
Mantras१
Version5.0