कृष्ण यजुर्वेदीय तैत्तिरीय संहिता क्रम पाठः
चतुर्थकाण्डे तृतीयः प्रश्नः

कांड ४ प्रश्न ३
चितिवर्णनं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
अ॒पाम् त्वा᳚⁠। त्वेम॑न्न्⁠। एम᳚न्थ् सादयामि⁠। सा॒द॒या॒म्य॒पाम्⁠। अ॒पाम् त्वा᳚⁠। त्वोद्म॑न्न्⁠। ओद्म᳚न्थ् सादयामि⁠। सा॒द॒या॒म्य॒पाम्⁠। अ॒पाम् त्वा᳚⁠। त्वा॒ भस्म॑न्न्⁠। भस्म᳚न्थ् सादयामि⁠। सा॒द॒या॒म्य॒पाम्⁠। अ॒पाम् त्वा᳚⁠। त्वा॒ ज्योति॑षि⁠। ज्योति॑षि सादयामि⁠। सा॒द॒या॒म्य॒पाम्⁠। अ॒पाम् त्वा᳚⁠। त्वाऽय॑ने⁠। अय॑ने सादयामि⁠। सा॒द॒या॒म्य॒र्ण॒वे⁠। अ॒र्ण॒वे सद॑ने⁠। सद॑ने सीद⁠। सी॒द॒ स॒मु॒द्रे⁠। स॒मु॒द्रे सद॑ने⁠। सद॑ने सीद⁠। सी॒द॒ स॒लि॒ले⁠। स॒लि॒ले सद॑ने⁠। सद॑ने सीद⁠। सी॒दा॒पाम्⁠। अ॒पाम् ख्‍षये᳚⁠। ख्‍षये॑ सीद⁠। सी॒दा॒पाम्⁠। अ॒पाꣳ सधि॑षि⁠। सधि॑षि सीद⁠। सी॒दा॒पाम्⁠। अ॒पाम् त्वा᳚⁠। त्वा॒ सद॑ने⁠। सद॑ने सादयामि⁠। सा॒द॒या॒म्य॒पाम्⁠। अ॒पाम् त्वा᳚⁠। त्वा॒ स॒धस्थे᳚⁠। स॒धस्थे॑ सादयामि⁠। स॒धस्थ॒ इति॑ स॒ध—स्थे॒⁠। सा॒द॒या॒म्य॒पाम्⁠। अ॒पाम् त्वा᳚⁠। त्वा॒ पुरी॑षे⁠। पुरी॑षे सादयामि⁠। सा॒द॒या॒म्य॒पाम्⁠। अ॒पाम् त्वा᳚⁠। त्वा॒ योनौ᳚⁠। योनौ॑ सादयामि⁠। सा॒द॒या॒म्य॒पाम्⁠। अ॒पाम् त्वा᳚⁠। त्वा॒ पाथ॑सि⁠। पाथ॑सि सादयामि⁠। सा॒द॒या॒मि॒ गा॒य॒त्री⁠। गा॒य॒त्री छन्दः॑⁠। छन्द॑स्त्रि॒ष्टुप्⁠। त्रि॒ष्टुप् छन्दः॑⁠। छन्दो॒ जग॑ती⁠। जग॑ती॒ छन्दः॑⁠। छन्दो॑ऽनु॒ष्टुप्⁠। अ॒नु॒ष्टुप् छन्दः॑⁠। अ॒नु॒ष्टुबित्य॑नु—स्तुप्⁠। छन्दः॑ प॒ङ्‍क्तिः⁠। प॒ङ्‍क्ति श्छन्दः॑⁠। छन्द॒ इति॒ छन्दः॑⁠॥ [१] (योनौ॒ पञ्च॑दश च) ॥१॥
अ॒यम् पु॒रः⁠। पु॒रो भुवः॑⁠। भुव॒स्तस्य॑⁠। तस्य॑ प्रा॒णः⁠। प्रा॒णो भौ॑वाय॒नः⁠। प्रा॒ण इति॑ प्र—अ॒नः⁠। भौ॒वा॒य॒नो व॑स॒न्तः⁠। व॒स॒न्तः प्रा॑णाय॒नः⁠। प्रा॒णा॒य॒नो गा॑य॒त्री⁠। गा॒य॒त्री वा॑स॒न्ती⁠। वा॒स॒न्ती गा॑यत्रि॒यै⁠। गा॒य॒त्रि॒यै गा॑य॒त्रम्⁠। गा॒य॒त्रम् गा॑य॒त्रात्⁠। गा॒य॒त्रादु॑पा॒ꣳ॒शुः⁠। उ॒पा॒ꣳ॒शुरु॑पा॒ꣳ॒शोः⁠। उ॒पा॒ꣳ॒शुरित्यु॑प—अ॒ꣳ॒शुः⁠। उ॒पा॒ꣳ॒शोस्त्रि॒वृत्⁠। उ॒पा॒ꣳ॒शोरित्यु॑प—अ॒ꣳ॒शोः⁠। त्रि॒वृत् त्रि॒वृतः॑⁠। त्रि॒वृदिति॑ त्रि—वृत्⁠। त्रि॒वृतो॑ रथन्त॒रम्⁠। त्रि॒वृत॒ इति॑ त्रि—वृतः॑⁠। र॒थ॒न्त॒रꣳ र॑थन्त॒रात्⁠। र॒थ॒न्त॒रमिति॑ रथम्—त॒रम्⁠। र॒थ॒न्त॒राद् वसि॑ष्ठः⁠। र॒थ॒न्त॒रादिति॑ रथम्—त॒रात्⁠। वसि॑ष्ठ॒ ऋषिः॑⁠। ऋषिः॑ प्र॒जाप॑तिगृहीतया⁠। प्र॒जाप॑तिगृहीतया॒ त्वया᳚⁠। प्र॒जाप॑तिगृहीत॒येति॑ प्र॒जाप॑ति—गृ॒ही॒त॒या॒⁠। त्वया᳚ प्रा॒णम्⁠। प्रा॒णम् गृ॑ह्णामि⁠। प्रा॒णमिति॑ प्र—अ॒नम्⁠। गृ॒ह्णा॒मि॒ प्र॒जाभ्यः॑⁠। प्र॒जाभ्यो॒ऽयम्⁠। प्र॒जाभ्य॒ इति॑ प्र—जाभ्यः॑⁠। अ॒यम् द॑ख्‍षि॒णा⁠। द॒ख्‍षि॒णा वि॒श्वक॑र्मा⁠। वि॒श्वक॑र्मा॒ तस्य॑⁠। वि॒श्वक॒र्मेति॑ वि॒श्व—क॒र्मा॒⁠। तस्य॒ मनः॑⁠। मनो॑ वैश्वकर्म॒णम्⁠। वै॒श्व॒क॒र्म॒णम् ग्री॒ष्मः⁠। वै॒श्व॒क॒र्म॒णमिति॑ वैश्व—क॒र्म॒णम्⁠। ग्री॒ष्मो मा॑न॒सः⁠। मा॒न॒सस्त्रि॒ष्टुक्⁠। त्रि॒ष्टुग् ग्रै॒ष्मी⁠। ग्रै॒ष्मी त्रि॒ष्टुभः॑⁠। त्रि॒ष्टुभ॑ ऐ॒डम्⁠। ऐ॒डमै॒डात्⁠। ऐ॒डाद॑न्तर्या॒मः⁠। अ॒न्त॒र्या॒मो᳚ऽन्तर्या॒मात्⁠। अ॒न्त॒र्या॒म इत्य॑न्तः—या॒मः⁠। अ॒न्त॒र्या॒मात् प॑ञ्चद॒शः⁠। अ॒न्त॒र्या॒मादित्य॑न्तः—या॒मात्⁠। प॒ञ्च॒द॒शः प॑ञ्चद॒शात्⁠। प॒ञ्च॒द॒श इति॑ पञ्च—द॒शः⁠। प॒ञ्च॒द॒शाद् बृ॒हत्⁠। प॒ञ्च॒द॒शादिति॑ पञ्च—द॒शात्⁠। बृ॒हद् बृ॑ह॒तः⁠। बृ॒ह॒तो भ॒रद्वा॑जः⁠। भ॒रद्वा॑ज॒ ऋषिः॑⁠। ऋषिः॑ प्र॒जाप॑तिगृहीतया⁠। प्र॒जाप॑तिगृहीतया॒ त्वया᳚⁠। प्र॒जाप॑तिगृहीत॒येति॑ प्र॒जाप॑ति—गृ॒ही॒त॒या॒⁠। त्वया॒ मनः॑⁠। मनो॑ गृह्णामि⁠। [२] गृ॒ह्णा॒मि॒ प्र॒जाभ्यः॑⁠। प्र॒जाभ्यो॒ऽयम्⁠। प्र॒जाभ्य॒ इति॑ प्र—जाभ्यः॑⁠। अ॒यम् प॒श्चात्⁠। प॒श्चाद् वि॒श्वव्य॑चाः⁠। वि॒श्वव्य॑चा॒स्तस्य॑⁠। वि॒श्वव्य॑चा॒ इति॑ वि॒श्व—व्य॒चाः॒⁠। तस्य॒ चख्‍षुः॑⁠। चख्‍षु॑र् वैश्वव्यच॒सम्⁠। वै॒श्व॒व्य॒च॒सव्ँव॒र्॒‌षाणि॑⁠। वै॒श्व॒व्य॒च॒समिति॑ वैश्व—व्य॒च॒सम्⁠। व॒र्॒‌षाणि॑ चाख्‍षु॒षाणि॑⁠। चा॒ख्‍षु॒षाणि॒ जग॑ती⁠। जग॑ती वा॒र्॒‌षी⁠। वा॒र्॒‌षी जग॑त्याः⁠। जग॑त्या॒ ऋख्‍ष॑मम्⁠। ऋख्‍ष॑म॒मृख्‍ष॑मात्⁠। ऋख्‍ष॑माच्छु॒क्रः⁠। शु॒क्रः शु॒क्रात्⁠। शु॒क्राथ् स॑प्तद॒शः⁠। स॒प्त॒द॒शः स॑प्तद॒शात्⁠। स॒प्त॒द॒श इति॑ सप्त—द॒शः⁠। स॒प्त॒द॒शाद् वै॑रू॒पम्⁠। स॒प्त॒द॒शादिति॑ सप्त—द॒शात्⁠। वै॒रू॒पव्ँवै॑रू॒पात्⁠। वै॒रू॒पाद् वि॒श्वामि॑त्रः⁠। वि॒श्वामि॑त्र॒ ऋषिः॑⁠। वि॒श्वामि॑त्र॒ इति॑ वि॒श्व—मि॒त्रः॒⁠। ऋषिः॑ प्र॒जाप॑तिगृहीतया⁠। प्र॒जाप॑तिगृहीतया॒ त्वया᳚⁠। प्र॒जाप॑तिगृहीत॒येति॑ प्र॒जाप॑ति—गृ॒ही॒त॒या॒⁠। त्वया॒ चख्‍षुः॑⁠। चख्‍षु॑र् गृह्णामि⁠। गृ॒ह्णा॒मि॒ प्र॒जाभ्यः॑⁠। प्र॒जाभ्य॑ इ॒दम्⁠। प्र॒जाभ्य॒ इति॑ प्र—जाभ्यः॑⁠। इ॒दमु॑त्त॒रात्⁠। उ॒त्त॒राथ् सुवः॑⁠। उ॒त्त॒रादित्यु॑त्—त॒रात्⁠। सुव॒स्तस्य॑⁠। तस्य॒ श्रोत्र᳚म्⁠। श्रोत्र॑ꣳ सौ॒वम्⁠। सौ॒वꣳ श॒रत्⁠। श॒रच्छ्रौ॒त्री⁠। श्रौ॒त्र्य॑नु॒ष्टुप्⁠। अ॒नु॒ष्टुप्‌छा॑र॒दी⁠। अ॒नु॒ष्टुबित्य॑नु—स्तुप्⁠। शा॒र॒द्य॑नु॒ष्टुभः॑⁠। अ॒नु॒ष्टुभः॑ स्वा॒रम्⁠। अ॒नु॒ष्टुभ॒ इत्य॑नु—स्तुभः॑⁠। स्वा॒रꣴ स्वा॒रात्⁠। स्वा॒रान् म॒न्थी⁠। म॒न्थी म॒न्थिनः॑⁠। म॒न्थिन॑ एकवि॒ꣳ॒शः⁠। ए॒क॒वि॒ꣳ॒श ए॑क॒वि॒ꣳ॒शात्⁠। ए॒क॒वि॒ꣳ॒श इत्ये॑क—वि॒ꣳ॒शः⁠। ए॒क॒वि॒ꣳ॒शाद् वै॑रा॒जम्⁠। ए॒क॒वि॒ꣳ॒शादित्ये॑क—वि॒ꣳ॒शात्⁠। वै॒रा॒जव्ँवै॑रा॒जात्⁠। वै॒रा॒जाज् ज॒मद॑ग्निः⁠। ज॒मद॑ग्नि॒र्‌ऋषिः॑⁠। ऋषिः॑ प्र॒जाप॑तिगृहीतया⁠। प्र॒जाप॑तिगृहीतया॒ त्वया᳚⁠। प्र॒जाप॑तिगृहीत॒येति॑ प्र॒जाप॑ति—गृ॒ही॒त॒या॒⁠। [३] त्वया॒ श्रोत्र᳚म्⁠। श्रोत्र॑म् गृह्णामि⁠। गृ॒ह्णा॒मि॒ प्र॒जाभ्यः॑⁠। प्र॒जाभ्य॑ इ॒यम्⁠। प्र॒जाभ्य॒ इति॑ प्र—जाभ्यः॑⁠। इ॒यमु॒परि॑⁠। उ॒परि॑ म॒तिः⁠। म॒तिस्तस्यै᳚⁠। तस्यै॒ वाक्⁠। वाङ्‍ मा॒ती⁠। मा॒ती हे॑म॒न्तः⁠। हे॒म॒न्तो वा᳚च्याय॒नः⁠। वा॒च्या॒य॒नः प॒ङ्‍क्तिः⁠। प॒ङ्‍क्तिर्‌है॑म॒न्ती⁠। है॒म॒न्ती प॒ङ्‍क्त्यै⁠। प॒ङ्‍क्त्यै नि॒धन॑वत्⁠। नि॒धन॑वन् नि॒धन॑वतः⁠। नि॒धन॑व॒दिति॑ नि॒धन॑—व॒त्॒⁠। नि॒धन॑वत आग्रय॒णः⁠। नि॒धन॑वत॒ इति॑ नि॒धन॑—व॒तः॒⁠। आ॒ग्र॒य॒ण आ᳚ग्रय॒णात्⁠। आ॒ग्र॒य॒णात् त्रि॑णवत्रयस्त्रि॒ꣳ॒शौ⁠। त्रि॒ण॒व॒त्र॒य॒स्त्रि॒ꣳ॒शौ त्रि॑णवत्रयस्त्रि॒ꣳ॒शाभ्या᳚म्⁠। त्रि॒ण॒व॒त्र॒य॒स्त्रि॒ꣳ॒शाविति॑ त्रिणव—त्र॒य॒स्त्रि॒ꣳ॒शौ⁠। त्रि॒ण॒व॒त्र॒य॒स्त्रि॒ꣳ॒शाभ्या॑ꣳ शाक्वररैव॒ते⁠। त्रि॒ण॒व॒त्र॒य॒स्त्रि॒ꣳ॒शाभ्या॒मिति॑ त्रिणव—त्र॒य॒स्त्रि॒ꣳ॒शाभ्या᳚म्⁠। शा॒क्व॒र॒रै॒व॒ते शा᳚क्वररैव॒ताभ्या᳚म्⁠। शा॒क्व॒र॒रै॒व॒ते इति॑ शाक्वर—रै॒व॒ते⁠। शा॒क्व॒र॒रै॒व॒ताभ्या᳚व्ँवि॒श्वक॑र्मा⁠। शा॒क्व॒र॒रै॒व॒ताभ्या॒मिति॑ शाक्वर—रै॒व॒ताभ्या᳚म्⁠। वि॒श्वक॒र्मर्‌षिः॑⁠। वि॒श्वक॒र्मेति॑ वि॒श्व—क॒र्मा॒⁠। ऋषिः॑ प्र॒जाप॑तिगृहीतया⁠। प्र॒जाप॑तिगृहीतया॒ त्वया᳚⁠। प्र॒जाप॑तिगृहीत॒येति॑ प्र॒जाप॑ति—गृ॒ही॒त॒या॒⁠। त्वया॒ वाच᳚म्⁠। वाच॑म् गृह्णामि⁠। गृ॒ह्णा॒मि॒ प्र॒जाभ्यः॑⁠। प्र॒जाभ्य॒ इति॑ प्र—जाभ्यः॑⁠॥ [४] (त्वया॒ मनो॑ ज॒मद॑ग्नि॒र्॒‌ऋषिः॑ प्र॒जाप॑तिगृहीतया त्रि॒ꣳ॒शच्च॑) ॥२॥
प्राची॑ दि॒शाम्⁠। दि॒शाव्ँव॑स॒न्तः⁠। व॒स॒न्त ऋ॑तू॒नाम्⁠। ऋ॒तू॒नाम॒ग्निः⁠। अ॒ग्निर् दे॒वता᳚⁠। दे॒वता॒ ब्रह्म॑⁠। ब्रह्म॒ द्रवि॑णम्⁠। द्रवि॑णम् त्रि॒वृत्⁠। त्रि॒वृथ् स्तोमः॑⁠। त्रि॒वृदिति॑ त्रि—वृत्⁠। स्तोमः॒ सः⁠। स उ॑⁠। उ॒ प॒ञ्च॒द॒शव॑र्तनिः⁠। प॒ञ्च॒द॒शव॑र्तनि॒ स्त्र्यविः॑⁠। प॒ञ्च॒द॒शव॑र्तनि॒रिति॑ पञ्चद॒श—व॒र्त॒निः॒⁠। त्र्यवि॒र् वयः॑⁠। त्र्यवि॒रिति॑ त्रि—अविः॑⁠। वयः॑ कृ॒तम्⁠। कृ॒तमया॑नाम्⁠। अया॑नाम् पुरोवा॒तः⁠। पु॒रो॒वा॒तो वातः॑⁠। पु॒रो॒वा॒त इति॑ पुरः—वा॒तः⁠। वातः॒ सान॑गः⁠। सान॑ग॒ ऋषिः॑⁠। ऋषि॑र् दख्‍षि॒णा⁠। द॒ख्‍षि॒णा दि॒शाम्⁠। दि॒शाम् ग्री॒ष्मः⁠। ग्री॒ष्म ऋ॑तू॒नाम्⁠। ऋ॒तू॒नामिन्द्रः॑⁠। इन्द्रो॑ दे॒वता᳚⁠। दे॒वता᳚ ख्‍ष॒त्रम्⁠। ख्‍ष॒त्रम् द्रवि॑णम्⁠। द्रवि॑णम् पञ्चद॒शः⁠। प॒ञ्च॒द॒शः स्तोमः॑⁠। प॒ञ्च॒द॒श इति॑ पञ्च—द॒शः⁠। स्तोमः॒ सः⁠। स उ॑⁠। उ॒ स॒प्त॒द॒शव॑र्तनिः⁠। स॒प्त॒द॒शव॑र्तनिर् दित्य॒वाट्⁠। स॒प्त॒द॒शव॑र्तनि॒रिति॑ सप्तद॒श—व॒र्त॒निः॒⁠। दि॒त्य॒वाड् वयः॑⁠। दि॒त्य॒वाडिति॑ दित्य—वाट्⁠। वय॒स्त्रेता᳚⁠। त्रेताऽया॑नाम्⁠। अया॑नाम् दख्‍षिणाद्‍वा॒तः⁠। द॒ख्‍षि॒णा॒द्‍वा॒तो वातः॑⁠। द॒ख्‍षि॒णा॒द्‍वा॒त इति॑ दख्‍षिणात्—वा॒तः⁠। वातः॑ सना॒तनः॑⁠। स॒ना॒तन॒ ऋषिः॑⁠। स॒ना॒तन॒ इति॑ सना—तनः॑⁠। ऋषिः॑ प्र॒तीची᳚⁠। प्र॒तीची॑ दि॒शाम्⁠। दि॒शाव्ँव॒र्॒‌षाः⁠। व॒र्॒‌षा ऋ॑तू॒नाम्⁠। ऋ॒तू॒नाव्ँविश्वे᳚⁠। विश्वे॑ दे॒वाः⁠। दे॒वा दे॒वता᳚⁠। दे॒वता॒ विट्⁠। विड् द्रवि॑णम्⁠। [५] द्रवि॑णꣳ सप्तद॒शः⁠। स॒प्त॒द॒शः स्तोमः॑⁠। स॒प्त॒द॒श इति॑ सप्त—द॒शः⁠। स्तोमः॒ सः⁠। स उ॑⁠। उ॒वे॒क॒वि॒ꣳ॒शव॑र्तनिः⁠। ए॒क॒वि॒ꣳ॒शव॑र्तनि स्त्रिव॒थ्सः⁠। ए॒क॒वि॒ꣳ॒शव॑र्तनि॒रित्ये॑कवि॒ꣳ॒श—व॒र्त॒निः॒⁠। त्रि॒व॒थ्सो वयः॑⁠। त्रि॒व॒थ्स इति॑ त्रि—व॒थ्सः⁠। वयो᳚ द्वाप॒रः⁠। द्वा॒प॒रोऽया॑नाम्⁠। अया॑नाम् पश्चाद्वा॒तः⁠। प॒श्चा॒द्वा॒तो वातः॑⁠। प॒श्चा॒द्वा॒त इति॑ पश्चात्—वा॒तः⁠। वातो॑ऽह॒भूनः॑⁠। अ॒ह॒भून॒ ऋषिः॑⁠। ऋषि॒रुदी॑ची⁠। उदी॑ची दि॒शाम्⁠। दि॒शाꣳ श॒रत्⁠। श॒रदृ॑तू॒नाम्⁠। ऋ॒तू॒नाम् मि॒त्रावरु॑णौ⁠। मि॒त्रावरु॑णौ दे॒वता᳚⁠। मि॒त्रावरु॑णा॒विति॑ मि॒त्रा—वरु॑णौ⁠। दे॒वता॑ पु॒ष्टम्⁠। पु॒ष्टम् द्रवि॑णम्⁠। द्रवि॑णमेकवि॒ꣳ॒शः⁠। ए॒क॒वि॒ꣳ॒शः स्तोमः॑⁠। ए॒क॒वि॒ꣳ॒श इत्ये॑क—वि॒ꣳ॒शः⁠। स्तोमः॒ सः⁠। स उ॑⁠। उ॒ त्रि॒ण॒वव॑र्तनिः⁠। त्रि॒ण॒वव॑र्तनि,स्तुर्य॒वाट्⁠। त्रि॒ण॒वव॑र्तनि॒रिति॑ त्रिण॒व—व॒र्त॒निः॒⁠। तु॒र्य॒वाड् वयः॑⁠। तु॒र्य॒वाडिति॑ तुर्य—वाट्⁠। वय॑ आस्क॒न्दः⁠। आ॒स्क॒न्दोऽया॑नाम्⁠। आ॒स्क॒न्द इत्या᳚—स्क॒न्दः⁠। अया॑नामुत्तराद्वा॒तः⁠। उ॒त्त॒रा॒द्वा॒तो वातः॑⁠। उ॒त्त॒रा॒द्‍वा॒त इत्यु॑त्तरात्—वा॒तः⁠। वातः॑ प्र॒त्नः⁠। प्र॒त्न ऋषिः॑⁠। ऋषि॑रू॒र्द्ध्वा⁠। ऊ॒र्द्ध्वा दि॒शाम्⁠। दि॒शाꣳ हे॑मन्तशिशि॒रौ⁠। हे॒म॒न्त॒शि॒शि॒रावृ॑तू॒नाम्⁠। हे॒म॒न्त॒शि॒शि॒राविति॑ हेमन्त—शि॒शि॒रौ⁠। ऋ॒तू॒नाम् बृह॒स्पतिः॑⁠। बृह॒स्पति॑र् दे॒वता᳚⁠। दे॒वता॒ वर्चः॑⁠। वर्चो॒ द्रवि॑णम्⁠। द्रवि॑णम् त्रिण॒वः⁠। त्रि॒ण॒वः स्तोमः॑⁠। त्रि॒ण॒व इति॑ त्रि—न॒वः⁠। स्तोमः॒ सः⁠। स उ॑⁠। उ॒ त्र॒य॒स्त्रि॒ꣳ॒शव॑र्तनिः⁠। त्र॒य॒स्त्रि॒ꣳ॒शव॑र्तनिः पष्ठ॒वात्⁠। त्र॒य॒स्त्रि॒ꣳ॒शव॑र्तनि॒रिति॑ त्रयस्त्रि॒ꣳ॒श—व॒र्त॒निः॒⁠। प॒ष्ठ॒वाद् वयः॑⁠। प॒ष्ठ॒वादिति॑ पष्ठ—वात्⁠। वयो॑ऽभि॒भूः⁠। अ॒भि॒भूरया॑नाम्⁠। अ॒भि॒भूरित्य॑भि—भूः⁠। अया॑नाव्ँविष्वग्वा॒तः⁠। वि॒ष्व॒ग्वा॒तो वातः॑⁠। वि॒ष्व॒ग्वा॒त इति॑ विष्वक्—वा॒तः⁠। वातः॑ सुप॒र्णः⁠। सु॒प॒र्ण ऋषिः॑⁠। सु॒प॒र्ण इति॑ सु—प॒र्णः⁠। ऋषिः॑ पि॒तरः॑⁠। पि॒तरः॑ पिताम॒हाः⁠। पि॒ता॒म॒हाः परे᳚⁠। परेऽव॑रे⁠। अव॑रे॒ ते⁠। ते नः॑⁠। नः॒ पा॒न्तु॒⁠। पा॒न्तु॒ ते⁠। ते नः॑⁠। नो॒ऽव॒न्तु॒⁠। अ॒व॒न्त्व॒स्मिन्न्⁠। अ॒स्मिन् ब्रह्म॑न्न्⁠। ब्रह्म॑न्न॒स्मिन्न्⁠। अ॒स्मिन् ख्‍ष॒त्रे⁠। ख्‍ष॒त्रे᳚ऽस्याम्⁠। अ॒स्यामा॒शिषि॑⁠। आ॒शिष्य॒स्याम्⁠। आ॒शिषीत्या᳚—शिषि॑⁠। अ॒स्याम् पु॑रो॒धाया᳚म्⁠। पु॒रो॒धाया॑म॒स्मिन्न्⁠। पु॒रो॒धाया॒मिति॑ पुरः—धाया᳚म्⁠। अ॒स्मिन् कर्म॑न्न्⁠। कर्म॑न्न॒स्याम्⁠। अ॒स्याम् दे॒वहू᳚त्याम्⁠। दे॒वहू᳚त्या॒मिति॑ दे॒व—हू॒त्या॒म्⁠॥ [६] (विट् प॑ष्ठ॒वाद् वयो॒ ऽष्टावि॑ꣳशतिश्च) ॥३॥
ध्रु॒वख्‍षि॑तिर् ध्रु॒वयो॑निः⁠। ध्रु॒वख्‍षि॑ति॒रिति॑ ध्रु॒व—ख्‍षि॒तिः॒⁠। ध्रु॒वयो॑निर् ध्रु॒वा⁠। ध्रु॒वयो॑नि॒रिति॑ ध्रु॒व—यो॒निः॒⁠। ध्रु॒वाऽसि॑⁠। अ॒सि॒ ध्रु॒वाम्⁠। ध्रु॒वाय्ँयोनि᳚म्⁠। योनि॒मा⁠। आ सी॑द⁠। सी॒द॒ सा॒द्ध्या⁠। सा॒द्ध्येति॑ सा॒द्ध्या⁠॥ उख्‍ष॑स्य के॒तुम्⁠। के॒तुम् प्र॑थ॒मम्⁠। प्र॒थ॒मम् पु॒रस्ता᳚त्⁠। पु॒रस्ता॑द॒श्विना᳚⁠। अ॒श्विना᳚ऽद्ध्व॒र्यू⁠। अ॒द्ध्व॒र्यू सा॑दयताम्⁠। अ॒द्ध्व॒र्यू इत्य॑द्ध्व॒र्यू⁠। सा॒द॒य॒ता॒मि॒ह⁠। इ॒ह त्वा᳚⁠। त्वेति॑ त्वा⁠॥ स्वे दख्‍षे᳚⁠। दख्‍षे॒ दख्‍ष॑पिता⁠। दख्‍ष॑पिते॒ह⁠। दख्‍ष॑पि॒तेति॒ दख्‍ष॑—पि॒ता॒⁠। इ॒ह सी॑द⁠। सी॒द॒ दे॒व॒त्रा⁠। दे॒व॒त्रा पृ॑थि॒वी⁠। दे॒व॒त्रेति॑ देव—त्रा⁠। पृ॒थि॒वी बृ॑ह॒ती⁠। बृ॒ह॒ती ररा॑णा⁠। ररा॒णेति॒ ररा॑णा⁠॥ स्वा॒स॒स्था त॒नुवा᳚⁠। स्वा॒स॒स्थेति॑ सु—आ॒स॒स्था⁠। त॒नुवा॒ सम्⁠। सव्ँवि॑शस्व⁠। वि॒श॒स्व॒ पि॒ता⁠। पि॒तेव॑⁠। इ॒वै॒धि॒⁠। ए॒धि॒ सू॒नवे᳚⁠। सू॒नव॒ आ⁠। आ सु॒शेवा᳚⁠। सु॒शेवा॒ऽश्विना᳚⁠। सु॒शेवेति॑ सु—शेवा᳚⁠। अ॒श्विना᳚ऽद्ध्व॒र्यू⁠। अ॒द्ध्व॒र्यू सा॑दयताम्⁠। अ॒द्ध्व॒र्यू इत्य॑द्ध्व॒र्यू⁠। सा॒द॒य॒ता॒मि॒ह⁠। इ॒ह त्वा᳚⁠। त्वेति॑ त्वा⁠॥ कु॒ला॒यिनी॒ वसु॑मती⁠। वसु॑मती वयो॒धाः⁠। वसु॑म॒तीति॒ वसु॑—म॒ती॒⁠। व॒यो॒धा र॒यिम्⁠। व॒यो॒धा इति॑ वयः—धाः⁠। र॒यिम् नः॑⁠। नो॒ व॒र्द्ध॒⁠। व॒र्द्ध॒ ब॒हु॒लम्⁠। ब॒हु॒लꣳ सु॒वीर᳚म्⁠। सु॒वीर॒मिति॑ सु—वीर᳚म्⁠॥ [७] अपाम॑तिम्⁠। अम॑तिम् दुर्म॒तिम्⁠। दु॒र्म॒तिम् बाध॑माना⁠। दु॒र्म॒तिमिति॑ दुः—म॒तिम्⁠। बाध॑माना रा॒यः⁠। रा॒यस्पोषे᳚⁠। पोषे॑ य॒ज्ञप॑तिम्⁠। य॒ज्ञप॑तिमा॒भज॑न्ती⁠। य॒ज्ञप॑ति॒मिति॑ य॒ज्ञ—प॒ति॒म्⁠। आ॒भज॑न्ती॒ सुवः॑⁠। आ॒भज॒न्तीत्या᳚—भज॑न्ती⁠। सुव॑र् धेहि⁠। धे॒हि॒ यज॑मानाय⁠। यज॑मनाय॒ पोष᳚म्⁠। पोष॑म॒श्विना᳚⁠। अ॒श्विना᳚ऽद्ध्व॒र्यू⁠। अ॒द्ध्व॒र्यू सा॑दयताम्⁠। अ॒द्ध्व॒र्यू इत्य॑द्ध्व॒र्यू⁠। सा॒द॒य॒ता॒मि॒ह⁠। इ॒ह त्वा᳚⁠। त्वेति॑ त्वा⁠॥ अ॒ग्नेः पुरी॑षम्⁠। पुरी॑षमसि⁠। अ॒सि॒ दे॒व॒यानी᳚⁠। दे॒व॒यानी॒ ताम्⁠। दे॒व॒यानीति॑ देव—यानी᳚⁠। ताम् त्वा᳚⁠। त्वा॒ विश्वे᳚⁠। विश्वे॑ अ॒भि⁠। अ॒भि गृ॑णन्तु⁠। गृ॒ण॒न्तु॒ दे॒वाः⁠। दे॒वा इति॑ दे॒वाः⁠॥ स्तोम॑पृष्ठा घृ॒तव॑ती⁠। स्तोम॑पृ॒ष्ठेति॒ स्तोम॑—पृ॒ष्ठा॒⁠। घृ॒तव॑ती॒ह⁠। घृ॒तव॒तीति॑ घृ॒त—व॒ती॒⁠। इ॒ह सी॑द⁠। सी॒द॒ प्र॒जाव॑त्⁠। प्र॒जाव॑द॒स्मे⁠। प्र॒जाव॒दिति॑ प्र॒जा—व॒त्॒⁠। अ॒स्मे द्रवि॑णा⁠। अ॒स्मे इत्य॒स्मे⁠। द्रवि॒णा⁠। आ य॑जस्व⁠। य॒ज॒स्वा॒श्विना᳚⁠। अ॒श्विना᳚ऽद्ध्व॒र्यू⁠। अ॒द्ध्व॒र्यू सा॑दयताम्⁠। अ॒द्ध्व॒र्यू इत्य॑द्ध्व॒र्यू⁠। सा॒द॒य॒ता॒मि॒ह⁠। इ॒ह त्वा᳚⁠। त्वेति॑ त्वा⁠॥ दि॒वो मू॒र्द्धा⁠। मू॒र्द्धाऽसि॑⁠। अ॒सि॒ पृ॒थि॒व्याः⁠। पृ॒थि॒व्या नाभिः॑⁠। नाभि॑र् वि॒ष्टम्भ॑नी⁠। वि॒ष्टम्भ॑नी दि॒शाम्⁠। वि॒ष्टम्भ॒नीति॑ वि—स्तम्भ॑नी⁠। दि॒शामधि॑पत्नी⁠। अधि॑पत्नी॒ भुव॑नानाम्⁠। अधि॑प॒त्नीत्यधि॑—प॒त्नी॒⁠। भुव॑नाना॒मिति॒ भुव॑नानाम्⁠॥ [८] ऊ॒र्मिर् द्र॒फ्सः⁠। द्र॒फ्सो अ॒पाम्⁠। अ॒पाम॑सि⁠। अ॒सि॒ वि॒श्वक॑र्मा⁠। वि॒श्वक॑र्मा ते⁠। वि॒श्वक॒र्मेति॑ वि॒श्व—क॒र्मा॒⁠। त॒ ऋषिः॑⁠। ऋषि॑र॒श्विना᳚⁠। अ॒श्विना᳚ऽद्ध्व॒र्यू⁠। अ॒द्ध्व॒र्यू सा॑दयताम्⁠। अ॒द्ध्व॒र्यू इत्य॑द्ध्व॒र्यू⁠। सा॒द॒य॒ता॒मि॒ह⁠। इ॒ह त्वा᳚⁠। त्वेति॑ त्वा⁠॥ स॒जूर्‌ऋ॒तुभिः॑⁠। स॒जूरिति॑ स—जूः⁠। ऋ॒तुभिः॑ स॒जूः⁠। ऋ॒तुभि॒रित्यृ॒तु—भिः॒⁠। स॒जूर् वि॒धाभिः॑⁠। स॒जूरिति॑ स—जूः⁠। वि॒धाभिः॑ स॒जूः⁠। वि॒धाभि॒रिति॑ वि—धाभिः॑⁠। स॒जूर् वसु॑भिः⁠। स॒जूरिति॑ स—जूः⁠। वसु॑भिः स॒जूः⁠। वसु॑भि॒रिति॒ वसु॑—भिः॒⁠। स॒जू रु॒द्रैः⁠। स॒जूरिति॑ स—जूः⁠। रु॒द्रैः स॒जूः⁠। स॒जूरा॑दि॒त्यैः⁠। स॒जूरिति॑ स—जूः⁠। आ॒दि॒त्यैः स॒जूः⁠। स॒जूर् विश्वैः᳚⁠। स॒जूरिति॑ स—जूः⁠। विश्वै᳚र् दे॒वैः⁠। दे॒वैः स॒जूः⁠। स॒जूर् दे॒वैः⁠। स॒जूरिति॑ स—जूः⁠। दे॒वैः स॒जूः⁠। स॒जूर् दे॒वैः⁠। स॒जूरिति॑ स—जूः⁠। दे॒वैर् व॑योना॒धैः⁠। व॒यो॒ना॒धैर॒ग्नये᳚⁠। व॒यो॒ना॒धैरिति॑ वयः—ना॒धैः⁠। अ॒ग्नये᳚ त्वा⁠। त्वा॒ वै॒श्वा॒न॒राय॑⁠। वै॒श्वा॒न॒राया॒श्विना᳚⁠। अ॒श्विना᳚ऽद्ध्व॒र्यू⁠। अ॒द्ध्व॒र्यू सा॑दयताम्⁠। अ॒द्ध्व॒र्यू इत्य॑द्ध्व॒र्यू⁠। सा॒द॒य॒ता॒मि॒ह⁠। इ॒ह त्वा᳚⁠। त्वेति॑ त्वा⁠॥ प्रा॒णम् मे᳚⁠। प्रा॒णमिति॑ प्र—अ॒नम्⁠। मे॒ पा॒हि॒⁠। पा॒ह्य॒पा॒नम्⁠। अ॒पा॒नम् मे᳚⁠। अ॒पा॒नमित्य॑प—अ॒नम्⁠। मे॒ पा॒हि॒⁠। पा॒हि॒ व्या॒नम्⁠। व्या॒नम् मे᳚⁠। व्या॒नमिति॑ वि—अ॒नम्⁠। मे॒ पा॒हि॒⁠। पा॒हि॒ चख्‍षुः॑⁠। चख्‍षु॑र् मे⁠। म॒ उ॒र्व्या⁠। उ॒र्व्या वि⁠। वि भा॑हि⁠। भा॒हि॒ श्रोत्र᳚म्⁠। श्रोत्र॑म् मे⁠। मे॒ श्लो॒क॒य॒⁠। श्लो॒क॒या॒पः⁠। अ॒पस्पि॑न्व⁠। पि॒न्वौष॑धीः⁠। ओष॑धीर् जिन्व⁠। जि॒न्व॒ द्वि॒पात्⁠। द्वि॒पात् पा॑हि⁠। द्वि॒पादिति॑ द्वि—पात्⁠। पा॒हि॒ चतु॑ष्पात्⁠। चतु॑ष्पादव⁠। चतु॑ष्पा॒दिति॒ चतुः॑—पा॒त्॒⁠। अ॒व॒ दि॒वः⁠। दि॒वो वृष्टि᳚म्⁠। वृष्टि॒मा⁠। एर॑य⁠। ई॒र॒येती॑रय⁠॥ [९] (सु॒वीरं॒ भुव॑नाना मु॒र्व्या स॒प्तद॑श च) ॥४॥
त्र्यवि॒र् वयः॑⁠। त्र्यवि॒रिति॑ त्रि—अविः॑⁠। वय॑स्त्रि॒ष्टुप्⁠। त्रि॒ष्टुप् छन्दः॑⁠। छन्दो॑ दित्य॒वाट्⁠। दि॒त्य॒वाड् वयः॑⁠। दि॒त्य॒वाडिति॑ दित्य—वाट्⁠। वयो॑ वि॒राट्⁠। वि॒राट् छन्दः॑⁠। वि॒राडिति॑ वि—राट्⁠। छन्दः॒ पञ्चा॑विः⁠। पञ्चा॑वि॒र् वयः॑⁠। पञ्चा॑वि॒रिति॒ पञ्च॑—अ॒विः॒⁠। वयो॑ गाय॒त्री⁠। गा॒य॒त्री छन्दः॑⁠। छन्द॑स्त्रिव॒थ्सः⁠। त्रि॒व॒थ्सो वयः॑⁠। त्रि॒व॒थ्स इति॑ त्रि—व॒थ्सः⁠। वय॑ उ॒ष्णिहा᳚⁠। उ॒ष्णिहा॒ छन्दः॑⁠। छन्द॑स्तुर्य॒वाट्⁠। तु॒र्य॒वाड् वयः॑⁠। तु॒र्य॒वाडिति॑ तुर्य—वाट्⁠। वयो॑ऽनु॒ष्टुप्⁠। अ॒नु॒ष्टुप् छन्दः॑⁠। अ॒नु॒ष्टुबित्य॑नु—स्तुप्⁠। छन्दः॑ पष्ठ॒वात्⁠। प॒ष्ठ॒वाद् वयः॑⁠। प॒ष्ठ॒वादिति॑ पष्ठ—वात्⁠। वयो॑ बृह॒ती⁠। बृ॒ह॒ती छन्दः॑⁠। छन्द॑ उ॒ख्‍षा⁠। उ॒ख्‍षा वयः॑⁠। वयः॑ स॒तोबृ॑हती⁠। स॒तोबृ॑हती॒ छन्दः॑⁠। स॒तोबृ॑ह॒तीति॑ स॒तः—बृ॒ह॒ती॒⁠। छन्द॑ ऋष॒भः⁠। ऋ॒ष॒भो वयः॑⁠। वयः॑ क॒कुत्⁠। क॒कुच्छन्दः॑⁠। छन्दो॑ धे॒नुः⁠। धे॒नुर् वयः॑⁠। वयो॒ जग॑ती⁠। जग॑ती॒ छन्दः॑⁠। छन्दो॑ऽन॒ड्वान्⁠। अ॒न॒ड्वान्‌वयः॑⁠। वयः॑ प॒ङ्‍क्तिः⁠। प॒ङ्‍क्ति श्छन्दः॑⁠। छन्दो॑ ब॒स्तः⁠। ब॒स्तो वयः॑⁠। वयो॑ विव॒लम्⁠। वि॒व॒लम् छन्दः॑⁠। वि॒व॒लमिति॑ वि—व॒लम्⁠। छन्दो॑ वृ॒ष्णिः⁠। वृ॒ष्णिर् वयः॑⁠। वयो॑ विशा॒लम्⁠। वि॒शा॒लम् छन्दः॑⁠। वि॒शा॒लमिति॑ वि—शा॒लम्⁠। छन्दः॒ पुरु॑षः⁠। पुरु॑षो॒ वयः॑⁠। वय॑स्त॒न्द्रम्⁠। त॒न्द्रम् छन्दः॑⁠। छन्दो᳚ व्या॒घ्रः⁠। व्या॒घ्रो वयः॑⁠। वयोऽना॑धृष्टम्⁠। अना॑धृष्ट॒म् छन्दः॑⁠। अना॑धृष्ट॒मित्यना᳚—धृ॒ष्ट॒म्⁠। छन्दः॑ सि॒ꣳ॒हः⁠। सि॒ꣳ॒हो वयः॑⁠। वय॑ श्छ॒दिः⁠। छ॒दि श्छन्दः॑⁠। छन्दो॑ विष्ट॒म्भः⁠। वि॒ष्ट॒म्भो वयः॑⁠। वि॒ष्ट॒म्भ इति॑ वि—स्त॒म्भः⁠। वयोऽधि॑पतिः⁠। अधि॑पति॒ श्छन्दः॑⁠। अधि॑पति॒रित्यधि॑—प॒तिः॒⁠। छन्दः॑ ख्‍ष॒त्रम्⁠। ख्‍ष॒त्रव्ँवयः॑⁠। वयो॒ मय॑न्दम्⁠। मय॑न्द॒म् छन्दः॑⁠। छन्दो॑ वि॒श्वक॑र्मा⁠। वि॒श्वक॑र्मा॒ वयः॑⁠। वि॒श्वक॒र्मेति॑ वि॒श्व—क॒र्मा॒⁠। वयः॑ परमे॒ष्ठी⁠। प॒र॒मे॒ष्ठी छन्दः॑⁠। छन्दो॑ मू॒र्द्धा⁠। मू॒र्द्धा वयः॑⁠। वयः॑ प्र॒जाप॑तिः⁠। प्र॒जाप॑ति॒ श्छन्दः॑⁠। प्र॒जाप॑ति॒रिति॑ प्र॒जा—प॒तिः॒⁠। छन्द॒ इति॒ छन्दः॑⁠॥ [१०] (पुरु॑षो॒ वयः॒ षड् वि॑ꣳशतिश्च) ॥५॥
इन्द्रा᳚ग्नी॒ अव्य॑थमानाम्⁠। इन्द्रा᳚ग्नी॒ इतीन्द्र॑—अ॒ग्नी॒⁠। अव्य॑थमाना॒मिष्ट॑काम्⁠। इष्ट॑काम् दृꣳहतम्⁠। दृ॒ꣳ॒ह॒त॒य्ँयु॒वम्⁠। यु॒वमिति॑ यु॒वम्⁠॥ पृ॒ष्ठेन॒ द्यावा॑पृथि॒वी⁠। द्यावा॑पृथि॒वी अ॒न्तरि॑ख्‍षम्⁠। द्यावा॑पृथि॒वी इति॒ द्यावा᳚—पृ॒थि॒वी⁠। अ॒न्तरि॑ख्‍षम् च⁠। च॒ वि⁠। वि बा॑धताम्⁠। बा॒ध॒ता॒मिति॑ बाधताम्⁠॥ वि॒श्वक॑र्मा त्वा⁠। वि॒श्वक॒र्मेति॑ वि॒श्व—क॒र्मा॒⁠। त्वा॒ सा॒द॒य॒तु॒⁠। सा॒द॒य॒त्व॒न्तरि॑ख्‍षस्य⁠। अ॒न्तरि॑ख्‍षस्य पृ॒ष्ठे⁠। पृ॒ष्ठे व्यच॑स्वतीम्⁠। व्यच॑स्वती॒म् प्रथ॑स्वतीम्⁠। प्रथ॑स्वती॒म् भास्व॑तीम्⁠। भास्व॑तीꣳ सूरि॒मती᳚म्⁠। सू॒रि॒मती॒मा⁠। सू॒रि॒मती॒मिति॑ सूरि—मती᳚म्⁠। आ या⁠। या द्याम्⁠। द्याम् भासि॑⁠। भास्या⁠। आ पृ॑थि॒वीम्⁠। पृ॒थि॒वीमा⁠। ओरु⁠। उ॒र्व॑न्तरि॑ख्‍षम्⁠। अ॒न्तरि॑ख्‍षम॒न्तरि॑ख्‍षम्⁠। अ॒न्तरि॑ख्‍षय्ँयच्छ⁠। यच्छा॒न्तरि॑ख्‍षम्⁠। अ॒न्तरि॑ख्‍षम् दृꣳह⁠। दृ॒ꣳ॒हा॒न्तरि॑ख्‍षम्⁠। अ॒न्तरि॑ख्‍ष॒म् मा⁠। मा हि॑ꣳसीः⁠। हि॒ꣳ॒सी॒र् विश्व॑स्मै⁠। विश्व॑स्मै प्रा॒णाय॑⁠। प्रा॒णाया॑पा॒नाय॑⁠। प्रा॒णायेति॑ प्र—अ॒नाय॑⁠। अ॒पा॒नाय॑ व्या॒नाय॑⁠। अ॒पा॒नायेत्य॑प—अ॒नाय॑⁠। व्या॒नायो॑दा॒नाय॑⁠। व्या॒नायेति॑ वि—अ॒नाय॑⁠। उ॒दा॒नाय॑ प्रति॒ष्ठायै᳚⁠। उ॒दा॒नायेत्यु॑त्—अ॒नाय॑⁠। प्र॒ति॒ष्ठायै॑ च॒रित्रा॑य⁠। प्र॒ति॒ष्ठाया॒ इति॑ प्रति—स्थायै᳚⁠। च॒रित्रा॑य वा॒युः⁠। वा॒युस्त्वा᳚⁠। त्वा॒ऽभि⁠। अ॒भि पा॑तु⁠। पा॒तु॒ म॒ह्या⁠। म॒ह्या स्व॒स्त्या⁠। स्व॒स्त्या छ॒र्दिषा᳚⁠। छ॒र्दिषा॒ शन्त॑मेन⁠। [११] शन्त॑मेन॒ तया᳚⁠। शन्त॑मे॒नेति॒ शम्—त॒मे॒न॒⁠। तया॑ दे॒वत॑या⁠। दे॒वत॑याऽङ्‍गिर॒स्वत्⁠। अ॒ङ्‍गि॒र॒स्वद् ध्रु॒वा⁠। ध्रु॒वा सी॑द⁠। सी॒देति॑ सीद⁠॥ राज्ञ्य॑सि⁠। अ॒सि॒ प्राची᳚⁠। प्राची॒ दिक्⁠। दिग् वि॒राट्⁠। वि॒राड॑सि⁠। वि॒राडिति॑ वि—राट्⁠। अ॒सि॒ द॒ख्‍षि॒णा⁠। द॒ख्‍षि॒णा दिक्⁠। दिख् स॒म्राट्⁠। स॒म्राड॑सि⁠। स॒म्राडिति॑ सम्—राट्⁠। अ॒सि॒ प्र॒तीची᳚⁠। प्र॒तीची॒ दिक्⁠। दिख् स्व॒राट्⁠। स्व॒राड॑सि⁠। स्व॒राडिति॑ स्व—राट्⁠। अ॒स्युदी॑ची⁠। उदी॑ची॒ दिक्⁠। दिगधि॑पत्नी⁠। अधि॑पत्न्यसि⁠। अधि॑प॒त्नीत्यधि॑—प॒त्नी॒⁠। अ॒सि॒ बृ॒ह॒ती⁠। बृ॒ह॒ती दिक्⁠। दिगायुः॑⁠। आयु॑र् मे⁠। मे॒ पा॒हि॒⁠। पा॒हि॒ प्रा॒णम्⁠। प्रा॒णम् मे᳚⁠। प्रा॒णमिति॑ प्र—अ॒नम्⁠। मे॒ पा॒हि॒⁠। पा॒ह्य॒पा॒नम्⁠। अ॒पा॒नम् मे᳚⁠। अ॒पा॒नमित्य॑प—अ॒नम्⁠। मे॒ पा॒हि॒⁠। पा॒हि॒ व्या॒नम्⁠। व्या॒नम् मे᳚⁠। व्या॒नमिति॑ वि—अ॒नम्⁠। मे॒ पा॒हि॒⁠। पा॒हि॒ चख्‍षुः॑⁠। चर्ख्‍षु॑र् मे⁠। मे॒ पा॒हि॒⁠। पा॒हि॒ श्रोत्र᳚म्⁠। श्रोत्र॑म् मे⁠। मे॒ पा॒हि॒⁠। पा॒हि॒ मनः॑⁠। मनो॑ मे⁠। मे॒ जि॒न्व॒⁠। जि॒न्व॒ वाच᳚म्⁠। वाच॑म् मे⁠। मे॒ पि॒न्व॒⁠। पि॒न्वा॒त्मान᳚म्⁠। आ॒त्मान॑म् मे⁠। मे॒ पा॒हि॒⁠। पा॒हि॒ ज्योतिः॑⁠। ज्योति॑र् मे⁠। मे॒ य॒च्छ॒⁠। य॒च्छेति॑ यच्छ⁠॥ [१२] (छ॒र्दिषा॑ पिन्व॒ षट्च॑) ॥६॥
मा छन्दः॑⁠। छन्दः॑ प्र॒मा⁠। प्र॒मा छन्दः॑⁠। प्र॒मेति॑ प्र—मा⁠। छन्दः॑ प्रति॒मा⁠। प्र॒ति॒मा छन्दः॑⁠। प्र॒ति॒मेति॑ प्रति—मा⁠। छन्दो᳚ऽस्री॒विः⁠। अ॒स्री॒वि श्छन्दः॑⁠। छन्दः॑ प॒ङ्‍क्तिः⁠। प॒ङ्‍क्ति श्छन्दः॑⁠। छन्द॑ उ॒ष्णिहा᳚⁠। उ॒ष्णिहा॒ छन्दः॑⁠। छन्दो॑ बृह॒ती⁠। बृ॒ह॒ती छन्दः॑⁠। छन्दो॑ऽनु॒ष्टुप्⁠। अ॒नु॒ष्टुप् छन्दः॑⁠। अ॒नु॒ष्टुबित्य॑नु—स्तुप्⁠। छन्दो॑ वि॒राट्⁠। वि॒राट् छन्दः॑⁠। वि॒राडिति॑ वि—राट्⁠। छन्दो॑ गाय॒त्री⁠। गा॒य॒त्री छन्दः॑⁠। छन्द॑स्त्रि॒ष्टुप्⁠। त्रि॒ष्टुप् छन्दः॑⁠। छन्दो॒ जग॑ती⁠। जग॑ती॒ छन्दः॑⁠। छन्दः॑ पृथि॒वी⁠। पृ॒थि॒वी छन्दः॑⁠। छन्दो॒ऽन्तरि॑ख्‍षम्⁠। अ॒न्तरि॑ख्‍ष॒म् छन्दः॑⁠। छन्दो॒ द्यौः⁠। द्यौ श्चन्दः॑⁠। छन्दः॒ समाः᳚⁠। समा॒ श्छन्दः॑⁠। छन्दो॒ नख्‍ष॑त्राणि⁠। नख्‍ष॑त्राणि॒ छन्दः॑⁠। छन्दो॒ मनः॑⁠। मन॒ श्छन्दः॑⁠। छन्दो॒ वाक्⁠। वाक् छन्दः॑⁠। छन्दः॑ कृ॒षिः⁠। कृ॒षि श्छन्दः॑⁠। छन्दो॒ हिर॑ण्यम्⁠। हिर॑ण्य॒म् छन्दः॑⁠। छन्दो॒ गौः⁠। गौ श्छन्दः॑⁠। छन्दो॒ऽजा⁠। अ॒जा छन्दः॑⁠। छन्दो ऽश्वः॑⁠। अश्व॒ श्छन्दः॑⁠। छन्द॒ इति॒ छन्दः॑⁠॥ अ॒ग्निर् दे॒वता᳚⁠। दे॒वता॒ वातः॑⁠। [१३] वातो॑ दे॒वता᳚⁠। दे॒वता॒ सूर्यः॑⁠। सूर्यो॑ दे॒वता᳚⁠। दे॒वता॑ च॒न्द्रमाः᳚⁠। च॒न्द्रमा॑ दे॒वता᳚⁠। दे॒वता॒ वस॑वः⁠। वस॑वो दे॒वता᳚⁠। दे॒वता॑ रु॒द्राः⁠। रु॒द्रा दे॒वता᳚⁠। दे॒वता॑ऽऽदि॒त्याः⁠। आ॒दि॒त्या दे॒वता᳚⁠। दे॒वता॒ विश्वे᳚⁠। विश्वे॑ दे॒वाः⁠। दे॒वा दे॒वता᳚⁠। दे॒वता॑ म॒रुतः॑⁠। म॒रुतो॑ दे॒वता᳚⁠। दे॒वता॒ बृह॒स्पतिः॑⁠। बृह॒स्पति॑र् दे॒वता᳚⁠। दे॒वतेन्द्रः॑⁠। इन्द्रो॑ दे॒वता᳚⁠। दे॒वता॒ वरु॑णः⁠। वरु॑णो दे॒वता᳚⁠। दे॒वता॑ मू॒र्द्धा⁠। मू॒र्द्धाऽसि॑⁠। अ॒सि॒ राट्⁠। राड् ध्रु॒वा⁠। ध्रु॒वा ऽसि॑⁠। अ॒सि॒ ध॒रुणा᳚⁠। ध॒रुणा॑ य॒न्त्री⁠। य॒न्‌त्र्य॑सि⁠। अ॒सि॒ यमि॑त्री⁠। यमि॑त्री॒षे⁠। इ॒षे त्वा᳚⁠। त्वो॒र्जे⁠। ऊ॒र्जे त्वा᳚⁠। त्वा॒ कृ॒ष्यै⁠। कृ॒ष्यै त्वा᳚⁠। त्वा॒ ख्‍षेमा॑य⁠। ख्‍षेमा॑य त्वा⁠। त्वा॒ यन्त्री᳚⁠। यन्त्री॒ राट्⁠। राड् ध्रु॒वा⁠। ध्रु॒वाऽसि॑⁠। अ॒सि॒ धर॑णी⁠। धर॑णी ध॒र्त्री⁠। ध॒र्त्र्य॑सि⁠। अ॒सि॒ धरि॑त्री⁠। धरि॒त्य्रायु॑षे⁠। आयु॑षे त्वा⁠। त्वा॒ वर्च॑से⁠। वर्च॑से त्वा⁠। त्वौज॑से⁠। ओज॑से त्वा⁠। त्वा॒ बला॑य⁠। बला॑य त्वा⁠। त्वेति॑ त्वा⁠॥ [१४] (दे॒वता ऽऽयु॑षे त्वा॒ षट्च॑) ॥७॥
आ॒शुस्त्रि॒वृत्⁠। त्रि॒वृद् भा॒न्तः⁠। त्रि॒वृदिति॑ त्रि—वृत्⁠। भा॒न्तः प॑ञ्चद॒शः⁠। प॒ञ्च॒द॒शो व्यो॑म⁠। प॒ञ्च॒द॒श इति॑ पञ्च—द॒शः⁠। व्यो॑म सप्तद॒शः⁠। व्यो॑मेति॒ वि—ओ॒म॒⁠। स॒प्त॒द॒शः प्रतू᳚र्तिः⁠। स॒प्त॒द॒श इति॑ सप्त—द॒शः⁠। प्रतू᳚र्तिरष्टाद॒शः⁠। प्रतू᳚र्ति॒रिति॒ प्र—तू॒र्तिः॒⁠। अ॒ष्टा॒द॒श स्तपः॑⁠। अ॒ष्टा॒द॒श इत्य॑ष्टा—द॒शः⁠। तपो॑ नवद॒शः⁠। न॒व॒द॒शो॑ऽभिव॒र्तः⁠। न॒व॒द॒श इति॑ नव—द॒शः⁠। अ॒भि॒व॒र्तः स॑वि॒ꣳ॒शः⁠। अ॒भि॒व॒र्त इत्य॑भि—व॒र्तः⁠। स॒वि॒ꣳ॒शो ध॒रुणः॑⁠। स॒वि॒ꣳ॒श इति॑ स—वि॒ꣳ॒शः⁠। ध॒रुण॑ एकवि॒ꣳ॒शः⁠। ए॒क॒वि॒ꣳ॒शो वर्चः॑⁠। ए॒क॒वि॒ꣳ॒श इत्ये॑क—वि॒ꣳ॒शः⁠। वर्चो᳚ द्वावि॒ꣳ॒शः⁠। द्वा॒वि॒ꣳ॒शः स॒म्भर॑णः⁠। स॒म्भर॑णस्त्रयोवि॒ꣳ॒शः⁠। स॒म्भर॑ण॒ इति॑ सम्—भर॑णः⁠। त्र॒यो॒वि॒ꣳ॒शो योनिः॑⁠। त्र॒यो॒वि॒ꣳ॒श इति॑ त्रयः—वि॒ꣳ॒शः⁠। योनि॑श्चतुर्वि॒ꣳ॒शः⁠। च॒तु॒र्वि॒ꣳ॒शो गर्भाः᳚⁠। च॒तु॒र्वि॒ꣳ॒श इति॑ चतुः—वि॒ꣳ॒शः⁠। गर्भाः᳚ पञ्चवि॒ꣳ॒शः⁠। प॒ञ्च॒वि॒ꣳ॒श ओजः॑⁠। प॒ञ्च॒वि॒ꣳ॒श इति॑ पञ्च—वि॒ꣳ॒शः⁠। ओज॑स्त्रिण॒वः⁠। त्रि॒ण॒वः क्रतुः॑⁠। त्रि॒ण॒व इति॑ त्रि—न॒वः⁠। क्रतु॑रेकत्रि॒ꣳ॒शः⁠। ए॒क॒त्रि॒ꣳ॒शः प्र॑ति॒ष्ठा⁠। ए॒क॒त्रि॒ꣳ॒श इत्ये॑क—त्रि॒ꣳ॒शः⁠। प्र॒ति॒ष्ठा त्र॑यस्त्रि॒ꣳ॒शः⁠। प्र॒ति॒ष्ठेति॑ प्रति—स्था⁠। त्र॒य॒स्त्रि॒ꣳ॒शो ब्र॒द्ध्नस्य॑⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। ब्र॒द्ध्नस्य॑ वि॒ष्टप᳚म्⁠। वि॒ष्टप॑म् चतुस्त्रि॒ꣳ॒शः⁠। च॒तु॒स्ति॒ꣳ॒शो नाकः॑⁠। च॒तु॒स्त्रि॒ꣳ॒श इति॑ चतुः—त्रि॒ꣳ॒शः⁠। नाकः॑ षट्‌त्रि॒ꣳ॒शः⁠। ष॒ट्‌त्रि॒ꣳ॒शो वि॑व॒र्तः⁠। ष॒ट्॒त्रि॒ꣳ॒श इति॑ षट्—त्रि॒ꣳ॒शः⁠। वि॒व॒र्तो᳚ऽष्टाचत्वारि॒ꣳ॒शः⁠। वि॒व॒र्त इति॑ वि—व॒र्तः⁠। अ॒ष्टा॒च॒त्वा॒रि॒ꣳ॒शो ध॒र्त्रः⁠। अ॒ष्टा॒च॒त्वा॒रि॒ꣳ॒श इत्य॑ष्टा—च॒त्वा॒रि॒ꣳ॒शः⁠। ध॒र्त्रश्च॑तुष्टो॒मः⁠। च॒तु॒ष्टो॒म इति॑ चतुः—स्तो॒मः⁠॥ [१५] (आ॒शुः स॒प्तत्रि॑ꣳशत्) ॥८॥
अ॒ग्नेर् भा॒गः⁠। भा॒गो॑ऽसि⁠। अ॒सि॒ दी॒ख्‍षायाः᳚⁠। दी॒ख्‍षाया॒ आधि॑पत्यम्⁠। आधि॑पत्य॒म् ब्रह्म॑⁠। आधि॑पत्य॒मित्याधि॑—प॒त्य॒म्⁠। ब्रह्म॑ स्पृ॒तम्⁠। स्पृ॒तम् त्रि॒वृत्⁠। त्रि॒वृथ् स्तोमः॑⁠। त्रि॒वृदिति॑ त्रि—वृत्⁠। स्तोम॒ इन्द्र॑स्य⁠। इन्द्र॑स्य भा॒गः⁠। भा॒गो॑ऽसि⁠। अ॒सि॒ विष्णोः᳚⁠। विष्णो॒राधि॑पत्यम्⁠। आधि॑पत्यम् ख्‍ष॒त्रम्⁠। आधि॑पत्य॒मित्याधि॑—प॒त्य॒म्⁠। ख्‍ष॒त्रꣴ स्पृ॒तम्⁠। स्पृ॒तम् प॑ञ्चद॒शः⁠। प॒ञ्च॒द॒शः स्तोमः॑⁠। प॒ञ्च॒द॒श इति॑ पञ्च—द॒शः⁠। स्तोमो॑ नृ॒चख्‍ष॑साम्⁠। नृ॒चख्‍ष॑साम् भा॒गः⁠। नृ॒चख्‍ष॑सा॒मिति॑ नृ—चख्‍ष॑साम्⁠। भा॒गो॑ऽसि⁠। अ॒सि॒ धा॒तुः⁠। धा॒तुराधि॑पत्यम्⁠। आधि॑पत्यम् ज॒नित्र᳚म्⁠। आधि॑पत्य॒मित्याधि॑—प॒त्य॒म्⁠। ज॒नित्र॑ꣴ स्पृ॒तम्⁠। स्पृ॒तꣳ स॑प्तद॒शः⁠। स॒प्त॒द॒शः स्तोमः॑⁠। स॒प्त॒द॒श इति॑ सप्त—द॒शः⁠। स्तोमो॑ मि॒त्रस्य॑⁠। मि॒त्रस्य॑ भा॒गः⁠। भा॒गो॑ऽसि⁠। अ॒सि॒ वरु॑णस्य⁠। वरु॑ण॒स्याधि॑पत्यम्⁠। आधि॑पत्यम् दि॒वः⁠। आधि॑पत्य॒मित्याधि॑—प॒त्य॒म्⁠। दि॒वो वृ॒ष्टिः⁠। वृ॒ष्टिर् वाताः᳚⁠। वाताः᳚ स्पृ॒ताः⁠। स्पृ॒ता ए॑कवि॒ꣳ॒शः⁠। ए॒क॒वि॒ꣳ॒शः स्तोमः॑⁠। ए॒क॒वि॒ꣳ॒श इत्ये॑क—वि॒ꣳ॒शः⁠। स्तोमोऽदि॑त्यै⁠। अदि॑त्यै भा॒गः⁠। भा॒गो॑ऽसि⁠। अ॒सि॒ पू॒ष्णः⁠। पू॒ष्ण आधि॑पत्यम्⁠। आधि॑पत्य॒मोजः॑⁠। आधि॑पत्य॒मित्याधि॑—प॒त्य॒म्⁠। ओजः॑ स्पृ॒तम्⁠। स्पृ॒तम् त्रि॑ण॒वः⁠। त्रि॒ण॒वः स्तोमः॑⁠। त्रि॒ण॒व इति॑ त्रि—न॒वः⁠। स्तोमो॒ वसू॑नाम्⁠। वसू॑नाम् भा॒गः⁠। भा॒गो॑ऽसि⁠। अ॒सि॒ रु॒द्राणा᳚म्⁠। [१६] रु॒द्राणा॒माधि॑पत्यम्⁠। आधि॑पत्य॒म् चतु॑ष्पात्⁠। आधि॑पत्य॒मित्याधि॑—प॒त्य॒म्⁠। चतु॑ष्पाथ् स्पृ॒तम्⁠। चतु॑ष्पा॒दिति॒ चतुः॑—पा॒त्॒⁠। स्पृ॒तम् च॑तुर्वि॒ꣳ॒शः⁠। च॒तु॒र्वि॒ꣳ॒शः स्तोमः॑⁠। च॒तु॒र्वि॒ꣳ॒श इति॑ चतुः—वि॒ꣳ॒शः⁠। स्तोम॑ आदि॒त्याना᳚म्⁠। आ॒दि॒त्याना᳚म् भा॒गः⁠। भा॒गो॑ऽसि⁠। अ॒सि॒ म॒रुता᳚म्⁠। म॒रुता॒माधि॑पत्यम्⁠। आधि॑पत्य॒म् गर्भाः᳚⁠। आधि॑पत्य॒मित्याधि॑—प॒त्य॒म्⁠। गर्भाः᳚ स्पृ॒ताः⁠। स्पृ॒ताः प॑ञ्चवि॒ꣳ॒शः⁠। प॒ञ्च॒वि॒ꣳ॒शः स्तोमः॑⁠। प॒ञ्च॒वि॒ꣳ॒शः इति॑ पञ्च—वि॒ꣳ॒शः⁠। स्तोमो॑ दे॒वस्य॑⁠। दे॒वस्य॑ सवि॒तुः⁠। स॒वि॒तुर् भा॒गः⁠। भा॒गो॑ऽसि⁠। अ॒सि॒ बृह॒स्पतेः᳚⁠। बृह॒स्पते॒राधि॑पत्यम्⁠। आधि॑पत्यꣳ स॒मीचीः᳚⁠। आधि॑पत्य॒मित्याधि॑—प॒त्य॒म्⁠। स॒मीची॒र् दिशः॑⁠। दिशः॑ स्पृ॒ताः⁠। स्पृ॒ताश्च॑तुष्टो॒मः⁠। च॒तु॒ष्टो॒मः स्तोमः॑⁠। च॒तु॒ष्टो॒म इति॑ चतुः—स्तो॒मः⁠। स्तोमो॒ यावा॑नाम्⁠। यावा॑नाम् भा॒गः⁠। भा॒गो॑ऽसि⁠। अ॒स्यया॑वानाम्⁠। अया॑वाना॒माधि॑पत्यम्⁠। आधि॑पत्यम् प्र॒जाः⁠। आधि॑पत्य॒मित्याधि॑—प॒त्य॒म्⁠। प्र॒जाः स्पृ॒ताः⁠। प्र॒जा इति॑ प्र—जाः⁠। स्पृ॒ताश्च॑तुश्चत्वारि॒ꣳ॒शः⁠। च॒तु॒श्च॒त्वा॒रि॒ꣳ॒शः स्तोमः॑⁠। च॒तु॒श्च॒त्वा॒रि॒ꣳ॒श इति॑ चतुः—च॒त्वा॒रि॒ꣳ॒शः⁠। स्तोम॑ ऋभू॒णाम्⁠। ऋ॒भू॒णाम् भा॒गः⁠। भा॒गो॑ऽसि⁠। अ॒सि॒ विश्वे॑षाम्⁠। विश्वे॑षाम् दे॒वाना᳚म्⁠। दे॒वाना॒माधि॑पत्यम्⁠। आधि॑पत्यम् भू॒तम्⁠। आधि॑पत्य॒मित्याधि॑—प॒त्य॒म्⁠। भू॒तम् निशा᳚न्तम्⁠। निशा᳚न्तꣴ स्पृ॒तम्⁠। निशा᳚न्त॒मिति॒ नि—शा॒न्त॒म्⁠। स्पृ॒तम् त्र॑यस्त्रि॒ꣳ॒शः⁠। त्र॒य॒स्त्रि॒ꣳ॒शः स्तोमः॑⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। स्तोम॒ इति॒ स्तोमः॑⁠॥ [१७] (वसू॑नां भा॒गो॑ऽसि॒ षट्च॑त्वारिꣳशच्च) ॥९॥
एक॑याऽस्तुवत⁠। अ॒स्तु॒व॒त॒ प्र॒जाः⁠। प्र॒जा अ॑धीयन्त⁠। प्र॒जा इति॑ प्र—जाः⁠। अ॒धी॒य॒न्त॒ प्र॒जाप॑तिः⁠। प्र॒जाप॑ति॒रधि॑पतिः⁠। प्र॒जाप॑ति॒रिति॑ प्र॒जा—प॒तिः॒⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒त् ति॒सृभिः॑⁠। ति॒सृभि॑रस्तुवत⁠। ति॒सृभि॒रिति॑ ति॒सृ—भिः॒⁠। अ॒स्तु॒व॒त॒ ब्रह्म॑⁠। ब्रह्मा॑सृज्यत⁠। अ॒सृ॒ज्य॒त॒ ब्रह्म॑णः⁠। ब्रह्म॑ण॒स्पतिः॑⁠। पति॒रधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒त् प॒ञ्चभिः॑⁠। प॒ञ्चभि॑रस्तुवत⁠। प॒ञ्चभि॒रिति॑ प॒ञ्च—भिः॒⁠। अ॒स्तु॒व॒त॒ भू॒तानि॑⁠। भू॒तान्य॑सृज्यन्त⁠। अ॒सृ॒ज्य॒न्त॒ भू॒ताना᳚म्⁠। भू॒ताना॒म् पतिः॑⁠। पति॒रधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒थ् स॒प्तभिः॑⁠। स॒प्तभि॑रस्तुवत⁠। स॒प्तभि॒रिति॑ स॒प्त—भिः॒⁠। अ॒स्तु॒व॒त॒ स॒प्त॒र्॒‌षयः॑⁠। स॒प्त॒र्॒‌षयो॑ऽसृज्यन्त⁠। स॒प्त॒र्॒‌षय॒ इति॑ सप्त—ऋ॒षयः॑⁠। अ॒सृ॒ज्य॒न्त॒ धा॒ता⁠। धा॒ताऽधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒न् न॒वभिः॑⁠। न॒वभि॑रस्तुवत⁠। न॒वभि॒रिति॑ न॒व—भिः॒⁠। अ॒स्तु॒व॒त॒ पि॒तरः॑⁠। पि॒तरो॑ऽसृज्यन्त⁠। अ॒सृ॒ज्य॒न्तादि॑तिः⁠। अदि॑ति॒रधि॑पत्नी⁠। अधि॑पत्न्यासीत्⁠। अधि॑प॒त्नीत्यधि॑—प॒त्नी॒⁠। आ॒सी॒दे॒का॒द॒शभिः॑⁠। ए॒का॒द॒शभि॑रस्तुवत⁠। ए॒का॒द॒शभि॒रित्ये॑काद॒श—भिः॒⁠। अ॒स्तु॒व॒त॒र्तवः॑⁠। ऋ॒तवो॑ऽसृज्यन्त⁠। अ॒सृ॒ज्य॒न्ता॒र्त॒वः⁠। आ॒र्त॒वोऽधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒त् त्र॒यो॒द॒शभिः॑⁠। त्र॒यो॒द॒शभि॑रस्तुवत⁠। त्र॒यो॒द॒शभि॒रिति॑ त्रयोद॒श—भिः॒⁠। अ॒स्तु॒व॒त॒ मासाः᳚⁠। मासा॑ असृज्यन्त⁠। अ॒सृ॒ज्य॒न्त॒ स॒व्ँव॒थ्स॒रः⁠। स॒व्ँव॒थ्स॒रोऽधि॑पतिः⁠। स॒व्ँव॒थ्स॒र इति॑ सं—व॒थ्स॒रः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। [१८] आ॒सी॒त् प॒ञ्च॒द॒शभिः॑⁠। प॒ञ्च॒द॒शभि॑रस्तुवत⁠। प॒ञ्च॒द॒शभि॒रिति॑ पञ्चद॒श—भिः॒⁠। अ॒स्तु॒व॒त॒ ख्‍ष॒त्रम्⁠। ख्‍ष॒त्रम॑सृज्यत⁠। अ॒सृ॒ज्य॒तेन्द्रः॑⁠। इन्द्रोऽधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒थ् स॒प्त॒द॒शभिः॑⁠। स॒प्त॒द॒शभि॑रस्तुवत⁠। स॒प्त॒द॒शभि॒रिति॑ सप्तद॒श—भिः॒⁠। अ॒स्तु॒व॒त॒ प॒शवः॑⁠। प॒शवो॑ऽसृज्यन्त⁠। अ॒सृ॒ज्य॒न्त॒ बृह॒स्पतिः॑⁠। बृह॒स्पति॒रधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒न् न॒व॒द॒शभिः॑⁠। न॒व॒द॒शभि॑रस्तुवत⁠। न॒व॒द॒शभि॒रिति॑ नवद॒श—भिः॒⁠। अ॒स्तु॒व॒त॒ शू॒द्रा॒र्यौ⁠। शू॒द्रा॒र्याव॑सृज्येताम्⁠। शू॒द्रा॒र्याविति॑ शूद्र—अ॒र्यौ⁠। अ॒सृ॒ज्ये॒ता॒म॒हो॒रा॒त्रे⁠। अ॒हो॒रा॒त्रे अधि॑पत्नी⁠। अ॒हो॒रा॒त्रे इत्य॑हः—रा॒त्रे⁠। अधि॑पत्नी आस्ताम्⁠। अधि॑पत्नी॒ इत्यधि॑—प॒त्नी॒⁠। आ॒स्ता॒मेक॑विꣳशत्या⁠। एक॑विꣳशत्याऽस्तुवत⁠। एक॑विꣳश॒त्येत्येक॑—वि॒ꣳ॒श॒त्या॒⁠। अ॒स्तु॒व॒तैक॑शफाः⁠। एक॑शफाः प॒शवः॑⁠। एक॑शफा॒ इत्येक॑—श॒फाः॒⁠। प॒शवो॑ऽसृज्यन्त⁠। अ॒सृ॒ज्य॒न्त॒ वरु॑णः⁠। वरु॒णोऽधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒त् त्रयो॑विꣳशत्या⁠। त्रयो॑विꣳशत्याऽस्तुवत⁠। त्रयो॑विꣳश॒त्येति॒ त्रयः॑—वि॒ꣳ॒श॒त्या॒⁠। अ॒स्तु॒व॒त॒ ख्‍षु॒द्राः⁠। ख्‍षु॒द्राः प॒शवः॑⁠। प॒शवो॑ऽसृज्यन्त⁠। अ॒सृ॒ज्य॒न्त॒ पू॒षा⁠। पू॒षाऽधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒त् पञ्च॑विꣳशत्या⁠। पञ्च॑विꣳशत्याऽस्तुवत⁠। पञ्च॑विꣳश॒त्येति॒ पञ्च॑—वि॒ꣳ॒श॒त्या॒⁠। अ॒स्तु॒व॒ता॒र॒ण्याः⁠। आ॒र॒ण्याः प॒शवः॑⁠। प॒शवो॑ऽसृज्यन्त⁠। अ॒सृ॒ज्य॒न्त॒ वा॒युः⁠। वा॒युरधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒थ् स॒प्तवि॑ꣳशत्या⁠। स॒प्तवि॑ꣳशत्याऽस्तुवत⁠। स॒प्तवि॑ꣳश॒त्येति॑ स॒प्त—वि॒ꣳ॒श॒त्या॒⁠। अ॒स्तु॒व॒त॒ द्यावा॑पृथि॒वी⁠। द्यावा॑पृथि॒वी वि⁠। द्यावा॑पृथि॒वी इति॒ द्यावा᳚—पृ॒थि॒वी⁠। व्यै॑ताम्⁠। [१९] ऐ॒ता॒व्ँवस॑वः⁠। वस॑वो रु॒द्राः⁠। रु॒द्रा आ॑दि॒त्याः⁠। आ॒दि॒त्या अनु॑⁠। अनु॒ वि⁠। व्या॑यन्न्⁠। आ॒य॒न् तेषा᳚म्⁠। तेषा॒माधि॑पत्यम्⁠। आधि॑पत्यमासीत्⁠। आधि॑पत्य॒मित्याधि॑—प॒त्य॒म्⁠। आ॒सी॒न् नव॑विꣳशत्या⁠। नव॑विꣳशत्याऽस्तुवत⁠। नव॑विꣳश॒त्येति॒ नव॑—वि॒ꣳ॒श॒त्या॒⁠। अ॒स्तु॒व॒त॒ वन॒स्पत॑यः⁠। वन॒स्पत॑योऽसृज्यन्त⁠। अ॒सृ॒ज्य॒न्त॒ सोमः॑⁠। सोमोऽधि॑पतिः⁠। अधि॑पतिरासीत्⁠। अधि॑पति॒रत्यधि॑—प॒तिः॒⁠। आ॒सी॒देक॑त्रिꣳशताः⁠। एक॑त्रिꣳशताऽस्तुवत⁠। एक॑त्रिꣳश॒तेत्येक॑—त्रि॒ꣳ॒श॒ता॒⁠। अ॒स्तु॒व॒त॒ प्र॒जाः⁠। प्र॒जा अ॑सृज्यन्त⁠। प्र॒जा इति॑ प्र—जाः⁠। अ॒सृ॒ज्य॒न्त॒ यावा॑नाम्⁠। यावा॑नाम् च⁠। चाया॑वानाम्⁠। अया॑वानाम् च⁠। चाधि॑पत्यम्⁠। आधि॑पत्यमासीत्⁠। आधि॑पत्य॒मित्याधि॑—प॒त्य॒म्⁠। आ॒सी॒त् त्रय॑स्त्रिꣳशता⁠। त्रय॑स्त्रिꣳशताऽस्तुवत⁠। त्रय॑स्त्रिꣳश॒तेति॒ त्रयः॑—त्रि॒ꣳ॒श॒ता॒⁠। अ॒स्तु॒व॒त॒ भू॒तानि॑⁠। भू॒तान्य॑शाम्यन्न्⁠। अ॒शा॒म्य॒न् प्र॒जाप॑तिः⁠। प्र॒जाप॑तिः परमे॒ष्ठी⁠। प्र॒जाप॑ति॒रिति॑ प्र॒जा—प॒तिः॒⁠। प॒र॒मे॒ष्ठ्‍यधि॑पतिः⁠। अधि॑पतिरासीत्⁠। अधि॑पति॒रित्यधि॑—प॒तिः॒⁠। आ॒सी॒दित्या॑सीत्⁠॥ [२०] (स॒व्ँव॒थ्स॒रोऽधि॑पति॒ र्वि पञ्च॑त्रिꣳशच्च) ॥१०॥
इ॒यमे॒व⁠। ए॒व सा⁠। सा या⁠। या प्र॑थ॒मा⁠। प्र॒थ॒मा व्यौच्छ॑त्⁠। व्यौच्छ॑द॒न्तः⁠। व्यौच्छ॒दिति॑ वि—औच्छ॑त्⁠। अ॒न्तर॒स्याम्⁠। अ॒स्याम् च॑रति⁠। च॒र॒ति॒ प्रवि॑ष्टा⁠। प्रवि॒ष्टेति॒ प्र—वि॒ष्टा॒⁠॥ व॒धूर् ज॑जान⁠। ज॒जा॒न॒ न॒व॒गत्⁠। न॒व॒गज् जनि॑त्री⁠। न॒व॒गदिति॑ नव—गत्⁠। जनि॑त्री॒ त्रयः॑⁠। त्रय॑ एनाम्⁠। ए॒ना॒म् म॒हि॒मानः॑⁠। म॒हि॒मानः॑ सचन्ते⁠। स॒च॒न्त॒ इति॑ सचन्ते⁠॥ छन्द॑स्वती उ॒षसा᳚⁠। छन्द॑स्वती॒ इति॒ छन्द॑स्वती⁠। उ॒षसा॒ पेपि॑शाने⁠। पेपि॑शाने समा॒नम्⁠। पेपि॑शाने॒ इति॒ पेपि॑शाने⁠। स॒मा॒नय्ँयोनि᳚म्⁠। योनि॒मनु॑⁠। अनु॑ स॒ञ्चर॑न्ती⁠। स॒ञ्चर॑न्ती॒ इति॑ सम्—चर॑न्ती⁠॥ सूर्य॑पत्नी॒ वि⁠। सूर्य॑पत्नी॒ इति॒ सूर्य॑—प॒त्नी॒⁠। वि च॑रतः⁠। च॒र॒तः॒ प्र॒जा॒न॒ती⁠। प्र॒जा॒न॒ती के॒तुम्⁠। प्र॒जा॒न॒ती इति॑ प्र—जा॒न॒ती⁠। के॒तुम् कृ॑ण्वा॒ने⁠। कृ॒ण्वा॒ने अ॒जरे᳚⁠। कृ॒ण्वा॒ने इति॑ कृण्वा॒ने⁠। अ॒जरे॒ भूरि॑रेतसा⁠। अ॒जरे॒ इत्य॒जरे᳚⁠। भूरि॑रेत॒सेति॒ भूरि॑—रे॒त॒सा॒⁠॥ ऋ॒तस्य॒ पन्था᳚म्⁠। पन्था॒ मनु॑⁠। अनु॑ ति॒स्रः⁠। ति॒स्र आ⁠। आऽगुः॑⁠। अ॒गु॒स्त्रयः॑⁠। त्रयो॑ घ॒र्मासः॑⁠। घ॒र्मासो॒ अनु॑⁠। अनु॒ ज्योति॑षा⁠। ज्योति॒षा⁠। आऽगुः॑⁠। अ॒गु॒रित्य॑गुः⁠॥ प्र॒जामेका᳚⁠। प्र॒जामिति॑ प्र—जाम्⁠। एका॒ रख्‍ष॑ति⁠। रख्‍ष॒त्यूर्ज᳚म्⁠। ऊर्ज॒मेका᳚⁠। एका᳚ व्र॒तम्⁠। [२१] व्र॒तमेका᳚⁠। एका॑ रख्‍षति⁠। र॒ख्‍ष॒ति॒ दे॒व॒यू॒नाम्⁠। दे॒व॒यू॒नामिति॑ देव—यू॒नाम्⁠॥ च॒तु॒ष्टो॒मो अ॑भवत्⁠। च॒तु॒ष्टो॒म इति॑ चतुः—स्तो॒मः⁠। अ॒भ॒व॒द् या⁠। या तु॒रीया᳚⁠। तु॒रीया॑ य॒ज्ञस्य॑⁠। य॒ज्ञस्य॑ प॒ख्‍षौ⁠। प॒ख्‍षावृ॑षयः⁠। ऋ॒ष॒यो॒ भव॑न्ती⁠। भव॒न्तीति॒ भव॑न्ती⁠॥ गा॒य॒त्रीम् त्रि॒ष्टुभ᳚म्⁠। त्रि॒ष्टुभ॒म् जग॑तीम्⁠। जग॑तीमनु॒ष्टुभ᳚म्⁠। अ॒नु॒ष्टुभ॑म् बृ॒हत्⁠। अ॒नु॒ष्टुभ॒मित्य॑नु—स्तुभ᳚म्⁠। बृ॒हद॒र्कम्⁠। अ॒र्कय्ँयु॑ञ्जा॒नाः⁠। यु॒ञ्जा॒नाः सुवः॑⁠। सुव॒रा⁠। आऽभ॑रन्न्⁠। अ॒भ॒र॒न्नि॒दम्⁠। इ॒दमिती॒दम्⁠॥ प॒ञ्चभि॑र् धा॒ता⁠। प॒ञ्चभि॒रिति॑ प॒ञ्च—भिः॒⁠। धा॒ता वि⁠। वि द॑धौ⁠। द॒धा॒वि॒दम्⁠। इ॒दय्ँयत्⁠। यत् तासा᳚म्⁠। तासा॒ꣴ॒ स्वसॄः᳚⁠। स्वसॄ॑रजनयत्⁠। अ॒ज॒न॒य॒त् पञ्च॑पञ्च⁠। पञ्च॑प॒ञ्चेति॒ पञ्च॑—प॒ञ्च॒⁠॥ तासा॑मु⁠। उ॒ य॒न्ति॒⁠। य॒न्ति॒ प्र॒य॒वेण॑⁠। प्र॒य॒वेण॒ पञ्च॑⁠। प्र॒य॒वेणेति॑ प्र—य॒वेन॑⁠। पञ्च॒ नाना᳚⁠। नाना॑ रू॒पाणि॑⁠। रू॒पाणि॒ क्रत॑वः⁠। क्रत॑वो॒ वसा॑नाः⁠। वसा॑ना॒ इति॒ वसा॑नाः⁠॥ त्रि॒ꣳ॒शथ् स्वसा॑रः⁠। स्वसा॑र॒ उप॑⁠। उप॑ यन्ति⁠। य॒न्ति॒ नि॒ष्कृ॒तम्⁠। नि॒ष्कृ॒तꣳ स॑मा॒नम्⁠। नि॒ष्कृ॒तमिति॑ निः—कृ॒तम्⁠। स॒मा॒नम् के॒तुम्⁠। के॒तुम् प्र॑तिमु॒ञ्चमा॑नाः⁠। प्र॒ति॒मु॒ञ्चमा॑ना॒ इति॑ प्रति—मु॒ञ्चमा॑नाः⁠॥ [२२] ऋ॒तूꣴ स्त॑न्वते⁠। त॒न्व॒ते॒ क॒वयः॑⁠। क॒वयः॑ प्रजान॒तीः⁠। प्र॒जा॒न॒तीर् मद्ध्ये॑छन्दसः⁠। प्र॒जा॒न॒तीरिति॑ प्र—जा॒न॒तीः⁠। मद्ध्ये॑छन्दसः॒ परि॑⁠। मद्ध्ये॑छन्दस॒ इति॒ मद्ध्ये᳚—छ॒न्द॒सः॒⁠। परि॑ यन्ति⁠। य॒न्ति॒ भास्व॑तीः⁠। भास्व॑ती॒रिति॒ भास्व॑तीः⁠॥ ज्योति॑ष्मती॒ प्रति॑⁠। प्रति॑ मुञ्चते⁠। मु॒ञ्च॒ते॒ नभः॑⁠। नभो॒ रात्री᳚⁠। रात्री॑ दे॒वी⁠। दे॒वी सूर्य॑स्य⁠। सूर्य॑स्य व्र॒तानि॑⁠। व्र॒तानीति॑ व्र॒तानि॑⁠॥ वि प॑श्यन्ति⁠। प॒श्य॒न्ति॒ प॒शवः॑⁠। प॒शवो॒ जाय॑मानाः⁠। जाय॑माना॒ नाना॑रूपाः⁠। नाना॑रूपा मा॒तुः⁠। नाना॑रूपा॒ इति॒ नाना᳚—रू॒पाः॒⁠। मा॒तुर॒स्याः⁠। अ॒स्या उ॒पस्थे᳚⁠। उ॒पस्थ॒ इत्यु॒प—स्थे॒⁠॥ ए॒का॒ष्ट॒का तप॑सा⁠। ए॒का॒ष्ट॒केत्ये॑क—अ॒ष्ट॒का⁠। तप॑सा॒ तप्य॑माना⁠। तप्य॑माना ज॒जान॑⁠। ज॒जान॒ गर्भ᳚म्⁠। गर्भ॑म् महि॒मान᳚म्⁠। म॒हि॒मान॒मिन्द्र᳚म्⁠। इन्द्र॒मितीन्द्र᳚म्⁠॥ तेन॒ दस्यू॑न्⁠। दस्यू॒न्॒‌वि⁠। व्य॑सहन्त⁠। अ॒स॒ह॒न्त॒ दे॒वाः⁠। दे॒वा ह॒न्ता⁠। ह॒न्ताऽसु॑राणाम्⁠। असु॑राणामभवत्⁠। अ॒भ॒व॒च्छची॑भिः⁠। शची॑भि॒रिति॒ शचि॑—भिः॒⁠॥ अना॑नुजामनु॒जाम्⁠। अना॑नुजा॒मित्यना॑नु—जा॒म्⁠। अ॒नु॒जाम् माम्⁠। अ॒नु॒जामित्य॑नु—जाम्⁠। माम॑कर्त⁠। अ॒क॒र्त॒ स॒त्यम्⁠। स॒त्यव्ँवद॑न्ती⁠। वद॒न्त्यनु॑⁠। अन्वि॑च्छे⁠। इ॒च्छ॒ ए॒तत्⁠। ए॒तदित्ये॒तत्⁠॥ भू॒यास॑मस्य⁠। [२३] अ॒स्य॒ सु॒म॒तौ⁠। सु॒म॒तौ यथा᳚⁠। सु॒म॒ताविति॑ सु—म॒तौ⁠। यथा॑ यू॒यम्⁠। यू॒यम॒न्या⁠। अ॒न्या वः॑⁠। वो॒ अ॒न्याम्⁠। अ॒न्यामति॑⁠। अति॒ मा⁠। मा प्र⁠। प्र यु॑क्त⁠। यु॒क्तेति॑ युक्त⁠॥ अभू॒न् मम॑⁠। मम॑ सुम॒तौ⁠। सु॒म॒तौ वि॒श्ववे॑दाः⁠। सु॒म॒ताविति॑ सु—म॒तौ⁠। वि॒श्ववे॑दा॒ आष्ट॑⁠। वि॒श्ववे॑दा॒ इति॑ वि॒श्व—वे॒दाः॒⁠। आष्ट॑ प्रति॒ष्ठाम्⁠। प्र॒ति॒ष्ठामवि॑दत्⁠। प्र॒ति॒ष्ठामिति॑ प्रति—स्थाम्⁠। अवि॑द॒द्धि⁠। हि गा॒धम्⁠। गा॒धमिति॑ गा॒धम्⁠॥ भू॒यास॑मस्य⁠। अ॒स्य॒ सु॒म॒तौ⁠। सु॒म॒तौ यथा᳚⁠। सु॒म॒ताविति॑ सु—म॒तौ⁠। यथा॑ यू॒यम्⁠। यू॒यम॒न्या⁠। अ॒न्या वः॑⁠। वो॒ अ॒न्याम्⁠। अ॒न्यामति॑⁠। अति॒ मा⁠। मा प्र⁠। प्र यु॑क्त⁠। यु॒क्तेति॑ युक्त⁠॥ पञ्च॒ व्यु॑ष्टीः⁠। व्यु॑ष्टी॒रनु॑⁠। व्यु॑ष्टी॒रिति॒ वि—उ॒ष्टीः॒⁠। अनु॒ पञ्च॑⁠। पञ्च॒ दोहाः᳚⁠। दोहा॒ गाम्⁠। गाम् पञ्च॑नाम्नीम्⁠। पञ्च॑नाम्नीमृ॒तवः॑⁠। पञ्च॑नाम्नी॒मिति॒ पञ्च॑—ना॒म्नी॒म्⁠। ऋ॒तवोऽनु॑⁠। अनु॒ पञ्च॑⁠। पञ्चेति॒ पञ्च॑⁠॥ पञ्च॒ दिशः॑⁠। दिशः॑ पञ्चद॒शेन॑⁠। प॒ञ्च॒द॒शेन॑ क्लृ॒प्ताः⁠। प॒ञ्च॒द॒शेनेति॑ पञ्च—द॒शेन॑⁠। क्लृ॒प्ताः स॑मा॒नमू᳚र्द्ध्नीः⁠। स॒मा॒नमू᳚र्द्ध्नीर॒भि⁠। स॒मा॒नमू᳚र्द्ध्नी॒रिति॑ समा॒न—मू॒र्द्ध्नीः॒⁠। अ॒भि लो॒कम्⁠। लो॒कमेक᳚म्⁠। एक॒मित्येक᳚म्⁠॥ [२४] ऋ॒तस्य॒ गर्भः॑⁠। गर्भः॑ प्रथ॒मा⁠। प्र॒थ॒मा व्यू॒षुषी᳚⁠। व्यू॒षुष्य॒पाम्⁠। व्यू॒षुषीति॑ वि—ऊ॒षुषी᳚⁠। अ॒पामेका᳚⁠। एका॑ महि॒मान᳚म्⁠। म॒हि॒मान॑म् बिभर्ति⁠। बि॒भ॒र्तीति॑ बिभर्ति⁠॥ सूर्य॒स्यैका᳚⁠। एका॒ चर॑ति⁠। चर॑ति निष्कृ॒तेषु॑⁠। नि॒ष्कृ॒तेषु॑ घ॒र्मस्य॑⁠। नि॒ष्कृ॒तेष्विति॑ निः—कृ॒तेषु॑⁠। घ॒र्मस्यैका᳚⁠। एका॑ सवि॒ता⁠। स॒वि॒तैका᳚म्⁠। एका॒म् नि⁠। नि य॑च्छति⁠। य॒च्छ॒तीति॑ यच्छति⁠॥ या प्र॑थ॒मा⁠। प्र॒थ॒मा व्यौच्छ॑त्⁠। व्यौच्छ॒थ् सा⁠। व्यौच्छ॒दिति॑ वि—औच्छ॑त्⁠। सा धे॒नुः⁠। धे॒नुर॑भवत्⁠। अ॒भ॒व॒द् य॒मे⁠। य॒म इति॑ य॒मे⁠॥ सा नः॑⁠। नः॒ पय॑स्वती⁠। पय॑स्वती धु॒ख्‍ष्व⁠। धु॒ख्‍ष्वोत्त॑रामुत्तराम्⁠। उत्त॑रामुत्तरा॒ꣳ॒ समा᳚म्⁠। उत्त॑रामुत्तरा॒मित्युत्त॑राम्—उ॒त्त॒रा॒म्⁠। समा॒मिति॒ समा᳚म्⁠॥ शु॒क्रर्‌ष॑भा॒ नभ॑सा⁠। शु॒क्रर्‌ष॒भेति॑ शु॒क्र—ऋ॒ष॒भा॒⁠। नभ॑सा॒ ज्योति॑षा⁠। ज्योति॒षा⁠। आऽगा᳚त्⁠। अ॒गा॒द् वि॒श्वरू॑पा⁠। वि॒श्वरू॑पा शब॒लीः⁠। वि॒श्वरू॒पेति॑ वि॒श्व—रू॒पा॒⁠। श॒ब॒लीर॒ग्निके॑तुः⁠। अ॒ग्निके॑तु॒रित्य॒ग्नि—के॒तुः॒⁠॥ स॒मा॒नमर्थ᳚म्⁠। अर्थ॑ꣴ स्वप॒स्यमा॑ना⁠। स्व॒प॒स्यमा॑ना॒ बिभ्र॑ती⁠। स्व॒प॒स्यमा॒नेति॑ सु—अ॒प॒स्यमा॑ना⁠। बिभ्र॑ती ज॒राम्⁠। ज॒राम॑जरे⁠। अ॒ज॒र॒ उ॒षः॒⁠। उ॒ष॒ आ⁠। आऽगाः᳚⁠। अ॒गा॒ इत्य॑गाः⁠॥ ऋ॒तू॒नाम् पत्नी᳚⁠। पत्नी᳚ प्रथ॒मा⁠। प्र॒थ॒मेयम्⁠। इ॒यमा⁠। आऽगा᳚त्⁠। अ॒गा॒दह्ना᳚म्⁠। अह्ना᳚म् ने॒त्री⁠। ने॒त्री ज॑नि॒त्री⁠। ज॒नि॒त्री प्र॒जाना᳚म्⁠। प्र॒जाना॒मिति॑ प्र—जाना᳚म्⁠॥ एका॑ स॒ती⁠। स॒ती ब॑हु॒धा⁠। ब॒हु॒धोषः॑⁠। ब॒हु॒धेति॑ बहु—धा⁠। उ॒षो॒ वि⁠। व्यु॑च्छसि⁠। उ॒च्छ॒स्यजी᳚र्णा⁠। अजी᳚र्णा॒ त्वम्⁠। त्वम् ज॑रयसि⁠। ज॒र॒य॒सि॒ सर्व᳚म्⁠। सर्व॑म॒न्यत्⁠। अ॒न्यदित्य॒न्यत्⁠॥ [२५] (ऊर्ज॒मेका᳚ प्रतिमु॒ञ्चमा॑ना भू॒यास॒ मेकं॒ पत्न्ये का॒न्न वि॑ꣳश॒तिश्च॑) ॥११॥
अग्ने॑ जा॒तान्⁠। जा॒तान् प्र⁠। प्र णु॑द⁠। नु॒दा॒ नः॒⁠। नः॒ स॒पत्ना॑न्⁠। स॒पत्ना॒न् प्रति॑⁠। प्रत्यजा॑तान्⁠। अजा॑तान् जातवेदः⁠। जा॒त॒वे॒दो॒ नु॒द॒स्व॒⁠। जा॒त॒वे॒द॒ इति॑ जात—वे॒दः॒⁠। नु॒द॒स्वेति॑ नुदस्व⁠॥ अ॒स्मे दी॑दिहि⁠। अ॒स्मे इत्य॒स्मे⁠। दी॒दि॒हि॒ सु॒मनाः᳚⁠। सु॒मना॒ अहे॑डन्न्⁠। सु॒मना॒ इति॑ सु—मनाः᳚⁠। अहे॑ड॒न् तव॑⁠। तव॑ स्याम्⁠। स्या॒ꣳ॒ शर्म॑न्न्⁠। शर्म॑न् त्रि॒वरू॑थः⁠। त्रि॒वरू॑थ उ॒द्भित्⁠। त्रि॒वरू॑थ॒ इति॑ त्रि—वरू॑थः⁠। उ॒द्भिदित्यु॑त्—भित्⁠॥ सह॑सा जा॒तान्⁠। जा॒तान् प्र⁠। प्र णु॑द⁠। नु॒दा॒ नः॒⁠। नः॒ स॒पत्ना॑न्⁠। स॒पत्ना॒न् प्रति॑⁠। प्रत्यजा॑तान्⁠। अजा॑तान् जातवेदः⁠। जा॒त॒वे॒दो॒ नु॒द॒स्व॒⁠। जा॒त॒वे॒द॒ इति॑ जात—वे॒दः॒⁠। नु॒द॒स्वेति॑ नुदस्व⁠॥ अधि॑ नः⁠। नो॒ ब्रू॒हि॒⁠। ब्रू॒हि॒ सु॒म॒न॒स्यमा॑नः⁠। सु॒म॒न॒स्यमा॑नो व॒यम्⁠। सु॒म॒न॒स्यमा॑न॒ इति॑ सु—म॒न॒स्यमा॑नः⁠। व॒यꣴ स्या॑म⁠। स्या॒म॒ प्र⁠। प्र णु॑द⁠। नु॒दा॒ नः॒⁠। नः॒ स॒पत्ना॑न्⁠। स॒पत्ना॒निति॑ स॒पत्ना॑न्⁠॥ च॒तु॒श्च॒त्वा॒रि॒ꣳ॒शः स्तोमः॑⁠। च॒तु॒श्च॒त्वा॒रि॒ꣳ॒श इति॑ चतुः—च॒त्वा॒रि॒ꣳ॒शः⁠। स्तोमो॒ वर्चः॑⁠। वर्चो॒ द्रवि॑णम्⁠। द्रवि॑णꣳ षोड॒शः⁠। षो॒ड॒शः स्तोमः॑⁠। स्तोम॒ ओजः॑⁠। ओजो॒ द्रवि॑णम्⁠। द्रवि॑णम् पृथि॒व्याः⁠। पृ॒थि॒व्याः पुरी॑षम्⁠। पुरी॑षमसि⁠। अ॒स्यफ्सः॑⁠। [२६] अफ्सो॒ नाम॑⁠। नामेति॒ नाम॑⁠॥ एव॒ श्छन्दः॑⁠। छन्दो॒ वरि॑वः⁠। वरि॑व॒ श्छन्दः॑⁠। छन्दः॑ श॒म्भूः⁠। श॒म्भू श्छन्दः॑⁠। श॒म्भूरिति॑ शम्—भूः⁠। छन्दः॑ परि॒भूः⁠। प॒रि॒भू श्छन्दः॑⁠। प॒रि॒भूरिति॑ परि—भूः⁠। छन्द॑ आ॒च्छत्⁠। आ॒च्छच्छन्दः॑⁠। छन्दो॒ मनः॑⁠। मन॒ श्छन्दः॑⁠। छन्दो॒ व्यचः॑⁠। व्यच॒ श्छन्दः॑⁠। छन्दः॒ सिन्धुः॑⁠। सिन्धु॒ श्छन्दः॑⁠। छन्दः॑ समु॒द्रम्⁠। स॒मु॒द्रम् छन्दः॑⁠। छन्दः॑ सलि॒लम्⁠। स॒लि॒लम् छन्दः॑⁠। छन्दः॑ स॒य्ँयत्⁠। स॒य्ँयच्छन्दः॑⁠। स॒य्ँयदिति॑ सम्—यत्⁠। छन्दो॑ वि॒यत्⁠। वि॒यच्छन्दः॑⁠। वि॒यदिति॑ वि—यत्⁠। छन्दो॑ बृ॒हत्⁠। बृ॒हच्छन्दः॑⁠। छन्दो॑ रथन्त॒रम्⁠। र॒थ॒न्त॒रम् छन्दः॑⁠। र॒थ॒न्त॒रमिति॑ रथम्—त॒रम्⁠। छन्दो॑ निका॒यः⁠। नि॒का॒य श्छन्दः॑⁠। नि॒का॒य इति॑ नि—का॒यः⁠। छन्दो॑ विव॒धः⁠। वि॒व॒ध श्छन्दः॑⁠। वि॒व॒ध इति॑ वि—व॒धः⁠। छन्दो॒ गिरः॑⁠। गिर॒ श्छन्दः॑⁠। छन्दो॒ भ्रजः॑⁠। भ्रज॒ श्छन्दः॑⁠। छन्दः॑ स॒ष्टुप्⁠। स॒ष्टुप् छन्दः॑⁠। स॒ष्टुबिति॑ स—स्तुप्⁠। छन्दो॑ऽनु॒ष्टुप्⁠। अ॒नु॒ष्टुप् छन्दः॑⁠। अ॒नु॒ष्टुबित्य॑नु—स्तुप्⁠। छन्दः॑ क॒कुत्⁠। क॒कुच्छन्दः॑⁠। छन्द॑स्त्रिक॒कुत्⁠। त्रि॒क॒कुच्छन्दः॑⁠। त्रि॒क॒कुदिति॑ त्रि—क॒कुत्⁠। छन्दः॑ का॒व्यम्⁠। का॒व्यम् छन्दः॑⁠। छन्दो᳚ऽङ्‌कु॒पम्⁠। अ॒ङ्‍कु॒पम् छन्दः॑⁠। छन्दः॑ प॒दप॑ङ्‍क्तिः⁠। [२७] प॒दप॑ङ्‍क्ति॒ श्छन्दः॑⁠। प॒दप॑ङ्‍क्ति॒रिति॑ प॒द—प॒ङ्‍क्तिः॒⁠। छन्दो॒ऽख्‍षर॑पङ्‍क्तिः⁠। अ॒ख्‍षर॑पङ्‍क्ति॒ श्छन्दः॑⁠। अ॒ख्‍षर॑पङ्‍क्ति॒रित्य॒ख्‍षर॑—प॒ङ्‍क्तिः॒⁠। छन्दो॑ विष्टा॒रप॑ङ्‍क्तिः⁠। वि॒ष्टा॒रप॑ङ्‍क्ति॒ श्छन्दः॑⁠। वि॒ष्टा॒रप॑ङ्‍क्ति॒रिति॑ विष्टा॒र—प॒ङ्‍क्तिः॒⁠। छन्दः॑ ख्‍षु॒रः⁠। ख्‍षु॒रो भृज्वा॑न्⁠। भृज्वा॒न् छन्दः॑⁠। छन्दः॑ प्र॒च्छत्⁠। प्र॒च्छच्छन्दः॑⁠। छन्दः॑ प॒ख्‍षः⁠। प॒ख्‍ष श्छन्दः॑⁠। छन्द॒ एवः॑⁠। एव॒ श्छन्दः॑⁠। छन्दो॒ वरि॑वः⁠। वरि॑व॒ श्छन्दः॑⁠। छन्दो॒ वयः॑⁠। वय॒ श्छन्दः॑⁠। छन्दो॑ वय॒स्कृत्⁠। व॒य॒स्कृच्छन्दः॑⁠। व॒य॒स्कृदिति॑ वयः—कृत्⁠। छन्दो॑ विशा॒लम्⁠। वि॒शा॒लम् छन्दः॑⁠। वि॒शा॒लमिति॑ वि—शा॒लम्⁠। छन्दो॒ विष्प॑र्द्धाः⁠। विष्प॑र्द्धा॒ श्छन्दः॑⁠। विष्प॑र्द्धा॒ इति॒ वि—स्प॒र्द्धाः॒⁠। छन्द॑ श्छ॒दिः⁠। छ॒दि श्छन्दः॑⁠। छन्दो॑ दूरोह॒णम्⁠। दू॒रो॒ह॒णम् छन्दः॑⁠। दू॒रो॒ह॒णमिति॑ दुः—रो॒ह॒णम्⁠। छन्द॑स्त॒न्द्रम्⁠। त॒न्द्रम् छन्दः॑⁠। छन्दो᳚ऽङ्‌का॒ङ्‍कम्⁠। अ॒ङ्‍का॒ङ्‍कम् छन्दः॑⁠। छन्द॒ इति॒ छन्दः॑⁠॥ [२८] (अ॒स्य॒ ङ्क्रु॒पञ्छन्द॒ स्त्रय॑स्त्रिꣳशच्च) ॥१२॥
अ॒ग्निर् वृ॒त्राणि॑⁠। वृ॒त्राणि॑ जङ्‍घनत्⁠। ज॒ङ्‍घ॒न॒द् द्र॒वि॒ण॒स्युः⁠। द्र॒वि॒ण॒स्युर् वि॑प॒न्यया᳚⁠। वि॒प॒न्ययेति॑ वि—प॒न्यया᳚⁠॥ समि॑द्धः शु॒क्रः⁠। समि॑द्ध॒ इति॒ सम्—इ॒द्धः॒⁠। शु॒क्र आहु॑तः⁠। आहु॑त॒ इत्या—हु॒तः॒⁠॥ त्वꣳ सो॑म⁠। सो॒मा॒सि॒⁠। अ॒सि॒ सत्प॑तिः⁠। सत्प॑ति॒स्त्वम्⁠। सत्प॑ति॒रिति॒ सत्—प॒तिः॒⁠। त्वꣳ राजा᳚⁠। राजो॒त⁠। उ॒त वृ॑त्र॒हा⁠। वृ॒त्र॒हेति॑ वृत्र—हा⁠॥ त्वम् भ॒द्रः⁠। भ॒द्रो अ॑सि⁠। अ॒सि॒ क्रतुः॑⁠। क्रतु॒रिति॒ क्रतुः॑⁠॥ भ॒द्रा ते᳚⁠। ते॒ अ॒ग्ने॒⁠। अ॒ग्ने॒ स्व॒नी॒क॒⁠। स्व॒नी॒क॒ स॒न्दृक्⁠। स्व॒नी॒केति॑ सु—अ॒नी॒क॒⁠। स॒न्दृग् घो॒रस्य॑⁠। स॒न्दृगिति॑ सम्—दृक्⁠। घो॒रस्य॑ स॒तः⁠। स॒तो विषु॑णस्य⁠। विषु॑णस्य॒ चारुः॑⁠। चारु॒रिति॒ चारुः॑⁠॥ न यत्⁠। यत् ते᳚⁠। ते॒ शो॒चिः⁠। शो॒चिस्तम॑सा⁠। तम॑सा॒ वर॑न्त⁠। वर॑न्त॒ न⁠। न ध्व॒स्मानः॑⁠। ध्व॒स्मान॑स्त॒नुवि॑⁠। त॒नुवि॒ रेपः॑⁠। रेप॒ आ⁠। आ धुः॑⁠। धु॒रिति॑ धुः⁠॥ भ॒द्रम् ते᳚⁠। ते॒ अ॒ग्ने॒⁠। अ॒ग्ने॒ स॒ह॒सि॒न्न्॒⁠। स॒ह॒सि॒न्ननी॑कम्⁠। अनी॑कमुपा॒के⁠। उ॒पा॒क आ⁠। आ रो॑चते⁠। रो॒च॒ते॒ सूर्य॑स्य⁠। सूर्य॒स्येति॒ सूर्य॑स्य⁠॥ [२९] रुश॑द् दृ॒शे⁠। दृ॒शे द॑दृशे⁠। द॒दृ॒शे॒ न॒क्त॒या⁠। न॒क्त॒या चि॑त्⁠। चि॒दरू᳚ख्‍षितम्⁠। अरू᳚ख्‍षितम् दृ॒शे⁠। दृ॒श आ⁠। आ रू॒पे⁠। रू॒पे अन्न᳚म्⁠। अन्न॒मित्यन्न᳚म्⁠॥ सैना⁠। ए॒नाऽनी॑केन⁠। अनी॑केन सुवि॒दत्रः॑⁠। सु॒वि॒दत्रो॑ अ॒स्मे⁠। सु॒वि॒दत्र॒ इति॑ सु—वि॒दत्रः॑⁠। अ॒स्मे यष्टा᳚⁠। अ॒स्मे इत्य॒स्मे⁠। यष्टा॑ दे॒वान्⁠। दे॒वाꣳ आय॑जिष्ठः⁠। आय॑जिष्ठः स्व॒स्ति⁠। आय॑जिष्ठ॒ इत्या—य॒जि॒ष्ठः॒⁠। स्व॒स्तीति॑ स्व॒स्ति⁠॥ अद॑ब्धो गो॒पाः⁠। गो॒पा उ॒त⁠। गो॒पा इति॑ गो—पाः⁠। उ॒त नः॑⁠। नः॒ प॒र॒स्पाः⁠। प॒र॒स्पा अग्ने᳚⁠। प॒र॒स्पा इति॑ परः—पाः⁠। अग्ने᳚ द्यु॒मत्⁠। द्यु॒मदु॒त⁠। द्यु॒मदिति॑ द्यु—मत्⁠। उ॒त रे॒वत्⁠। रे॒वद् दि॑दीहि⁠। दि॒दी॒हीति॑ दिदीहि⁠॥ स्व॒स्ति नः॑⁠। नो॒ दि॒वः⁠। दि॒वो अ॑ग्ने⁠। अ॒ग्ने॒ पृ॒थि॒व्याः⁠। पृ॒थि॒व्या वि॒श्वायुः॑⁠। वि॒श्वायु॑र् धेहि⁠। वि॒श्वायु॒रिति॑ वि॒श्व—आ॒युः॒⁠। धे॒हि॒ य॒जथा॑य⁠। य॒जथा॑य देव⁠। दे॒वेति॑ देव⁠॥ यथ् सी॒महि॑⁠। सी॒महि॑ दिविजात⁠। दि॒वि॒जा॒त॒ प्रश॑स्तम्⁠। दि॒वि॒जा॒तेति॑ दिवि—जा॒त॒⁠। प्रश॑स्त॒म् तत्⁠। प्रश॑स्त॒मिति॒ प्र—श॒स्त॒म्⁠। तद॒स्मासु॑⁠। अ॒स्मासु॒ द्रवि॑णम्⁠। द्रवि॑णम् धेहि⁠। धे॒हि॒ चि॒त्रम्⁠। चि॒त्रमिति॑ चि॒त्रम्⁠॥ यथा॑ होतः⁠। हो॒त॒र् मनु॑षः⁠। मनु॑षो दे॒वता॑ता⁠॥ [३०] दे॒वता॑ता य॒ज्ञेभिः॑⁠। दे॒वता॒तेति॑ दे॒व—ता॒ता॒⁠। य॒ज्ञेभिः॑ सूनो⁠। सू॒नो॒ स॒ह॒सः॒⁠। सू॒नो॒ इति॑ सूनो⁠। स॒ह॒सो॒ यजा॑सि⁠। यजा॒सीति॒ यजा॑सि⁠॥ ए॒वा नः॑⁠। नो॒ अ॒द्य⁠। अ॒द्य स॑म॒ना⁠। स॒म॒ना स॑मा॒नान्⁠। स॒मा॒नानु॒शन्न्⁠। उ॒शन्न॑ग्ने⁠। अ॒ग्न॒ उ॒श॒तः⁠। उ॒श॒तो य॑ख्‍षि⁠। य॒ख्‍षि॒ दे॒वान्⁠। दे॒वानिति॑ दे॒वान्⁠॥ अ॒ग्निमी॑डे⁠। ई॒डे॒ पु॒रोहि॑तम्⁠। पु॒रोहि॑तय्ँय॒ज्ञस्य॑⁠। पु॒रोहि॑त॒मिति॑ पु॒रः—हि॒त॒म्⁠। य॒ज्ञस्य॑ दे॒वम्⁠। दे॒वमृ॒त्विज᳚म्⁠। ऋ॒त्विज॒मित्यृ॒त्विज᳚म्⁠॥ होता॑रꣳ रत्न॒धात॑मम्⁠। र॒त्न॒धात॑म॒मिति॑ रत्न—धात॑मम्⁠॥ वृषा॑ सोम⁠। सो॒म॒ द्यु॒मान्⁠। द्यु॒माꣳ अ॑सि⁠। द्यु॒मानिति॑ द्यु—मान्⁠। अ॒सि॒ वृषा᳚⁠। वृषा॑ देव⁠। दे॒व॒ वृष॑व्रतः⁠। वृष॑व्रत॒ इति॒ वृष॑—व्र॒तः॒⁠॥ वृषा॒ धर्मा॑णि⁠। धर्मा॑णि दधिषे⁠। द॒धि॒ष॒ इति॑ दधिषे⁠॥ सान्त॑पना इ॒दम्⁠। सान्त॑पना॒ इति॒ साम्—त॒प॒नाः॒⁠। इ॒दꣳ ह॒विः⁠। ह॒विर् मरु॑तः⁠। मरु॑त॒स्तत्⁠। तज् जु॑जुष्टन⁠। जु॒जु॒ष्ट॒नेति॑ जुजुष्टन⁠॥ यु॒ष्माको॒ती⁠। ऊ॒ती रि॑शादसः⁠। रि॒शा॒द॒स॒ इति॑ रिश—अ॒द॒सः॒⁠॥ यो नः॑⁠। नो॒ मर्तः॑⁠। मर्तो॑ वसवः⁠। व॒स॒वो॒ दु॒र्॒‌हृ॒णा॒युः⁠। दु॒र्॒‌हृ॒णा॒युस्ति॒रः⁠। दु॒र्॒‌हृ॒णा॒युरिति॑ दुः—हृ॒णा॒युः⁠। ति॒रः स॒त्यानि॑⁠। स॒त्यानि॑ मरुतः⁠। म॒रु॒तो॒ जिघा॑ꣳसात्⁠॥ [३१] जिघा॑ꣳसा॒दिति॒ जिघा॑ꣳसात्⁠॥ द्रु॒हः पाश᳚म्⁠। पाश॒म् प्रति॑⁠। प्रति॒ सः⁠। स मु॑चीष्ट⁠। मु॒ची॒ष्ट॒ तपि॑ष्ठेन⁠। तपि॑ष्ठेन॒ तप॑सा⁠। तप॑सा हन्तन⁠। ह॒न्त॒ना॒ तम्⁠। तमिति॒ तम्⁠॥ स॒व्ँव॒थ्स॒रीणा॑ म॒रुतः॑⁠। स॒व्ँव॒थ्स॒रीणा॒ इति॑ सम्—व॒थ्स॒रीणाः᳚⁠। म॒रुतः॑ स्व॒र्काः⁠। स्व॒र्का उ॑रु॒ख्‍षयाः᳚⁠। स्व॒र्का इति॑ सु—अ॒र्काः⁠। उ॒रु॒ख्‍षयाः॒ सग॑णाः⁠। उ॒रु॒ख्‍षया॒ इत्यु॑रु—ख्‍षयाः᳚⁠। सग॑णा॒ मानु॑षेषु⁠। सग॑णा॒ इति॒ स—ग॒णाः॒⁠। मानु॑षे॒ष्विति॒ मानु॑षेषु⁠॥ ते᳚ऽस्मत्⁠। अ॒स्मत् पाशा॑न्⁠। पाशा॒न् प्र⁠। प्र मु॑ञ्चन्तु⁠। मु॒ञ्च॒न्त्वꣳह॑सः⁠। अꣳह॑सः सान्तप॒नाः⁠। सा॒न्त॒प॒ना म॑दि॒राः⁠। सा॒न्त॒प॒ना इति॑ साम्—त॒प॒नाः⁠। म॒दि॒रा मा॑दयि॒ष्णवः॑⁠। मा॒द॒यि॒ष्णव॒ इति॑ मादयि॒ष्णवः॑⁠॥ पि॒प्री॒हि दे॒वान्⁠। दे॒वाꣳ उ॑श॒तः⁠। उ॒श॒तो य॑विष्ठ⁠। य॒वि॒ष्ठ॒ वि॒द्वान्⁠। वि॒द्वाꣳर्‌ऋ॒तून्⁠। ऋ॒तूꣳ ऋ॑तुपते⁠। ऋ॒तु॒प॒ते॒ य॒ज॒⁠। ऋ॒तु॒प॒त॒ इत्यृ॑तु—प॒ते॒⁠। य॒जे॒ह⁠। इ॒हेती॒ह⁠॥ ये दैव्याः᳚⁠। दैव्या॑ ऋ॒त्विजः॑⁠। ऋ॒त्विज॒स्तेभिः॑⁠। तेभि॑रग्ने⁠। अ॒ग्ने॒ त्वम्⁠। त्वꣳ होतॄ॑णाम्⁠। होतॄ॑णामसि⁠। अ॒स्याय॑जिष्ठः⁠। आय॑जिष्ठ॒ इत्या—य॒जि॒ष्ठः॒⁠॥ अग्ने॒ यत्⁠। यद॒द्य⁠। अ॒द्य वि॒शः⁠। वि॒शो अ॑द्ध्वरस्य⁠। अ॒द्ध्व॒र॒स्य॒ हो॒तः॒⁠। हो॒तः॒ पाव॑क⁠। पाव॑क शोचे⁠॥ [३२] शो॒चे॒ वेः⁠। वेष्ट्वम्⁠। त्वꣳ हि⁠। हि यज्वा᳚⁠। यज्वेति॒ यज्वा᳚⁠॥ ऋ॒ता य॑जासि⁠। य॒जा॒सि॒ म॒हि॒ना⁠। म॒हि॒ना वि⁠। वि यत्⁠। यद् भूः⁠। भूर्‌ह॒व्या⁠। ह॒व्या व॑ह⁠। व॒ह॒ य॒वि॒ष्ठ॒⁠। य॒वि॒ष्ठ॒ या⁠। या ते᳚⁠। ते॒ अ॒द्य⁠। अ॒द्येत्य॒द्य⁠॥ अ॒ग्निना॑ र॒यिम्⁠। र॒यिम॑श्ञवत्⁠। अ॒श्ञ॒व॒त् पोष᳚म्⁠। पोष॑मे॒व⁠। ए॒व दि॒वेदि॑वे⁠। दि॒वेदि॑व॒ इति॑ दि॒वे—दि॒वे॒⁠॥ य॒शस॑व्ँवी॒रव॑त्तमम्⁠। वी॒रव॑त्तम॒मिति॑ वी॒रव॑त्—त॒म॒म्⁠॥ ग॒य॒स्फानो॑ अमीव॒हा⁠। ग॒य॒स्फान॒ इति॑ गय—स्फानः॑⁠। अ॒मी॒व॒हा व॑सु॒वित्⁠। अ॒मी॒व॒हेत्य॑मीव—हा⁠। व॒सु॒वित् पु॑ष्टि॒वर्द्ध॑नः⁠। व॒सु॒विदिति॑ वसु—वित्⁠। पु॒ष्टि॒वर्द्ध॑न॒ इति॑ पुष्टि—वर्द्ध॑नः⁠॥ सु॒मि॒त्रः सो॑म⁠। सु॒मि॒त्र इति॑ सु—मि॒त्रः⁠। सो॒म॒ नः॒⁠। नो॒ भ॒व॒⁠। भ॒वेति॑ भव⁠॥ गृह॑मेधास॒ आ⁠। गृह॑मेधास॒ इति॒ गृह॑—मे॒धा॒सः॒⁠। आ ग॑त⁠। ग॒त॒ मरु॑तः⁠। मरु॑तो॒ मा⁠। माऽप॑⁠। अप॑ भूतन⁠। भू॒त॒नेति॑ भूतन⁠॥ प्र॒मु॒ञ्चन्तो॑ नः⁠। प्र॒मु॒ञ्चन्त॒ इति॑ प्र—मु॒ञ्चन्तः॑⁠। नो॒ अꣳह॑सः⁠। अꣳह॑स॒ इत्यꣳह॑सः⁠॥ पू॒र्वीभि॒र्॒‌हि⁠। हि द॑दाशि॒म⁠। द॒दा॒शि॒म श॒रद्भिः॑⁠। श॒रद्भि॑र् मरुतः⁠। श॒रद्भि॒रिति॑ श॒रत्—भिः॒⁠। म॒रु॒तो॒ व॒यम्⁠। व॒यमिति॑ व॒यम्⁠॥ महो॑भिश्चर्‌षणी॒नाम्⁠। महो॑भि॒रिति॒ महः॑—भिः॒⁠॥ [३३] च॒र्॒‌ष॒णी॒नामिति॑ चर्‌षणी॒नाम्⁠॥ प्र बु॒ध्निया᳚⁠। बु॒ध्निया॑ ईरते⁠। ई॒र॒ते॒ वः॒⁠। वो॒ महा॑ꣳसि⁠। महा॑ꣳसि॒ प्र⁠। प्र णामा॑नि⁠। नामा॑नि प्रयज्यवः⁠। प्र॒य॒ज्य॒व॒स्ति॒र॒द्ध्व॒म्⁠। प्र॒य॒ज्य॒व॒ इति॑ प्र—य॒ज्य॒वः॒⁠। ति॒र॒द्ध्व॒मिति॑ तिरद्ध्वम्⁠॥ स॒ह॒स्रिय॒म् दम्य᳚म्⁠। दम्य॑म् भा॒गम्⁠। भा॒गमे॒तम्⁠। ए॒तम् गृ॑हमे॒धीय᳚म्⁠। गृ॒ह॒मे॒धीय॑म् मरुतः⁠। गृ॒ह॒मे॒धीय॒मिति॑ गृह—मे॒धीय᳚म्⁠। म॒रु॒तो॒ जु॒ष॒द्ध्व॒म्⁠। जु॒ष॒द्ध्व॒मिति॑ जुषध्वम्⁠॥ उप॒ यम्⁠। यमेति॑⁠। एति॑ युव॒तिः⁠। यु॒व॒तिः सु॒दख्‍ष᳚म्⁠। सु॒दख्‍ष॑म् दो॒षा⁠। सु॒दख्‍ष॒मिति॑ सु—दख्‍ष᳚म्⁠। दो॒षा वस्तोः᳚⁠। वस्तो॑र्‌ह॒विष्म॑ती⁠। ह॒विष्म॑ती घृ॒ताची᳚⁠। घृ॒ताचीति॑ घृ॒ताची᳚⁠॥ उप॒ स्वा⁠। स्वैन᳚म्⁠। ए॒न॒म॒रम॑तिः⁠। अ॒रम॑तिर् वसू॒युः⁠। व॒सू॒युरिति॑ वसु—युः⁠॥ इ॒मो अ॑ग्ने⁠। इ॒मो इती॒मो⁠। अ॒ग्ने॒ वी॒तत॑मानि⁠। वी॒तत॑मानि ह॒व्या⁠। वी॒तत॑मा॒नीति॑ वी॒त—त॒मा॒नि॒⁠। ह॒व्याऽज॑स्रः⁠। अज॑स्रो वख्‍षि⁠। व॒ख्‍षि॒ दे॒वता॑तिम्⁠। दे॒वता॑ति॒मच्छ॑⁠। दे॒वता॑ति॒मिति॑ दे॒व—ता॒ति॒म्⁠। अच्छेत्यच्छ॑⁠॥ प्रति॑ नः⁠। न॒ ई॒म्⁠। ई॒ꣳ॒ सु॒र॒भीणि॑⁠। सु॒र॒भीणि॑ वियन्तु⁠। वि॒य॒न्त्विति॑ वियन्तु⁠॥ क्री॒डव्ँवः॑⁠। वः॒ शर्द्धः॑⁠। शर्द्धो॒ मारु॑तम्⁠। मारु॑तमन॒र्वाण᳚म्⁠। अ॒न॒र्वाण॑ꣳ रथे॒शुभ᳚म्⁠। र॒थे॒शुभ॒मिति॑ रथे—शुभ᳚म्⁠॥ [३४] कण्वा॑ अ॒भि⁠। अ॒भि प्र⁠। प्र गा॑यत⁠। गा॒य॒तेति॑ गायत⁠॥ अत्या॑सो॒ न⁠। न ये⁠। ये म॒रुतः॑⁠। म॒रुतः॒ स्वञ्चः॑⁠। स्वञ्चो॑ यख्‍ष॒दृशः॑⁠। य॒ख्‍ष॒दृशो॒ न⁠। य॒ख्‍ष॒दृश॒ इति॑ यख्‍ष—दृशः॑⁠। न शु॒भय॑न्त⁠। शु॒भय॑न्त॒ मर्याः᳚⁠। मर्या॒ इति॒ मर्याः᳚⁠॥ ते ह॑र्म्ये॒ष्ठाः⁠। ह॒र्म्ये॒ष्ठाः शिश॑वः⁠। ह॒र्म्ये॒ष्ठा इति॑ हर्म्ये—स्थाः⁠। शिश॑वो॒ न⁠। न शु॒भ्राः⁠। शु॒भ्रा व॒थ्सासः॑⁠। व॒थ्सासो॒ न⁠। न प्र॑क्री॒डिनः॑⁠। प्र॒क्री॒डिनः॑ पयो॒धाः⁠। प्र॒क्री॒डिन॒ इति॑ प्र—क्री॒डिनः॑⁠। प॒यो॒धा इति॑ पयः—धाः⁠॥ प्रैषा᳚म्⁠। ए॒षा॒मज्मे॑षु⁠। अज्मे॑षु विथु॒रा⁠। वि॒थु॒रेव॑⁠। इ॒व॒ रे॒ज॒ते॒⁠। रे॒ज॒ते॒ भूमिः॑⁠। भूमि॒र् यामे॑षु⁠। यामे॑षु॒ यत्⁠। यद्ध॑⁠। ह॒ यु॒ञ्जते᳚⁠। यु॒ञ्जते॑ शु॒भे⁠। शु॒भ इति॑ शु॒भे⁠॥ ते क्री॒डयः॑⁠। क्री॒डयो॒ धुन॑यः⁠। धुन॑यो॒ भ्राज॑दृष्टयः⁠। भ्राज॑दृष्टयः स्व॒यम्⁠। भ्राज॑दृष्टय॒ इति॒ भ्राज॑त्—ऋ॒ष्ट॒यः॒⁠। स्व॒यम् म॑हि॒त्वम्⁠। म॒हि॒त्वम् प॑नयन्त⁠। म॒हि॒त्वमिति॑ महि—त्वम्⁠। प॒न॒य॒न्त॒ धूत॑यः⁠। धूत॑य॒ इति॒ धूत॑यः⁠॥ उ॒प॒ह्व॒रेषु॒ यत्⁠। उ॒प॒ह्व॒रेष्वित्यु॑प—ह्व॒रेषु॑⁠। यदचि॑द्ध्वम्⁠। अचि॑द्ध्वय्ँय॒यिम्⁠। य॒यिव्ँवयः॑⁠। वय॑ इव⁠। इ॒व॒ म॒रु॒तः॒⁠। म॒रु॒तः॒ केन॑⁠। केन॑ चित्⁠। [३५] चि॒त् प॒था⁠। प॒थेति॑ प॒था⁠॥ श्चोत॑न्ति॒ कोशाः᳚⁠। कोशा॒ उप॑⁠। उप॑ वः⁠। वो॒ रथे॑षु⁠। रथे॒ष्वा⁠। आ घृ॒तम्⁠। घृ॒तमु॑ख्‍षत⁠। उ॒ख्‍ष॒ता॒ मधु॑वर्णम्⁠। मधु॑वर्ण॒मर्च॑ते⁠। मधु॑वर्ण॒मिति॒ मधु॑—व॒र्ण॒म्⁠। अर्च॑त॒ इत्यर्च॑ते⁠॥ अ॒ग्निम॑ग्नि॒ꣳ॒ हवी॑मभिः⁠। अ॒ग्निम॑ग्नि॒मित्य॒ग्निम्—अ॒ग्नि॒म्⁠। हवी॑मभिः॒ सदा᳚⁠। हवी॑मभि॒रिति॒ हवी॑म—भिः॒⁠। सदा॑ हवन्त⁠। ह॒व॒न्त॒ वि॒श्पति᳚म्⁠। वि॒श्पति॒मिति॑ वि॒श्पति᳚म्⁠॥ ह॒व्य॒वाह॑म् पुरुप्रि॒यम्⁠। ह॒व्य॒वाह॒मिति॑ हव्य—वाह᳚म्⁠। पु॒रु॒प्रि॒यमिति॑ पुरु—प्रि॒यम्⁠॥ तꣳ हि⁠। हि शश्व॑न्तः⁠। शश्व॑न्त॒ ईड॑ते⁠। ईड॑ते स्रु॒चा⁠। स्रु॒चा दे॒वम्⁠। दे॒वम् घृ॑त॒श्चुता᳚⁠। घृ॒त॒श्चुतेति॑ घृत—श्चुता᳚⁠॥ अ॒ग्निꣳ ह॒व्याय॑⁠। ह॒व्याय॒ वोढ॑वे⁠। वोढ॑व॒ इति॒ वोढ॑वे⁠॥ इन्द्रा᳚ग्नी रोच॒ना⁠। इन्द्रा᳚ग्नी॒ इतीन्द्र॑—अ॒ग्नी॒⁠। रो॒च॒ना दि॒वः⁠। दि॒वः श्ञथ॑त्⁠। श्ञथ॑द् वृ॒त्रम्⁠। वृ॒त्रमिन्द्र᳚म्⁠। इन्द्र॑व्ँवः⁠। वो॒ वि॒श्वतः॑⁠। वि॒श्वत॒स्परि॑⁠। परीन्द्र᳚म्⁠। इन्द्रं॒ नरः॑⁠। नरो॒ विश्व॑कर्मन्न्⁠। विश्व॑कर्मन्‌ह॒विषा᳚⁠। विश्व॑कर्म॒न्निति॒ विश्व॑—क॒र्म॒न्न्॒⁠। ह॒विषा॑ वावृधा॒नः⁠। वा॒वृ॒धा॒नो विश्व॑कर्मन्न्⁠। विश्व॑कर्मन्‌ह॒विषा᳚⁠। विश्व॑कर्म॒न्निति॒ विश्व॑—क॒र्म॒न्न्॒⁠। ह॒विषा॒ वर्द्ध॑नेन⁠। वर्द्ध॑ने॒नेति॒ वर्द्ध॑नेन⁠॥ [३६] (सूर्य॑स्य॒ मनु॑षो मरुतः॒ पाव॑क॒ महो॑भी रथे॒शुभ॒ ङ्केन॒ षट्च॑त्वारिꣳशच्च) ॥१३॥
अनुवाकाः पञ्चशती
१३ ३६