कृष्ण यजुर्वेदीय तैत्तिरीय संहिता क्रम पाठः
चतुर्थकाण्डे चतुर्थः प्रश्नः

कांड ४ प्रश्न ४
पञ्चमचितिशेषनिरूपणं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
र॒श्मिर॑सि⁠। अ॒सि॒ ख्‍षया॑य⁠। ख्‍षया॑य त्वा⁠। त्वा॒ ख्‍षय᳚म्⁠। ख्‍षय॑म् जिन्व⁠। जि॒न्व॒ प्रेतिः॑⁠। प्रेति॑रसि⁠। प्रेति॒रिति॒ प्र—इ॒तिः॒⁠। अ॒सि॒ धर्मा॑य⁠। धर्मा॑य त्वा⁠। त्वा॒ धर्म᳚म्⁠। धर्म॑म् जिन्व⁠। जि॒न्वान्वि॑तिः⁠। अन्वि॑तिरसि⁠। अन्वि॑ति॒रित्यनु॑—इ॒तिः॒⁠। अ॒सि॒ दि॒वे⁠। दि॒वे त्वा᳚⁠। त्वा॒ दिव᳚म्⁠। दिव॑म् जिन्व⁠। जि॒न्व॒ स॒न्धिः⁠। स॒न्धिर॑सि⁠। स॒न्धिरिति॑ सम्—धिः⁠। अ॒स्य॒न्तरि॑ख्‍षाय⁠। अ॒न्तरि॑ख्‍षाय त्वा⁠। त्वा॒ऽन्तरि॑ख्‍षम्⁠। अ॒न्तरि॑ख्‍षम् जिन्व⁠। जि॒न्व॒ प्र॒ति॒धिः⁠। प्र॒ति॒धिर॑सि⁠। प्र॒ति॒धिरिति॑ प्रति—धिः⁠। अ॒सि॒ पृ॒थि॒व्यै⁠। पृ॒थि॒व्यै त्वा᳚⁠। त्वा॒ पृ॒थि॒वीम्⁠। पृ॒थि॒वीम् जि॑न्व⁠। जि॒न्व॒ वि॒ष्ट॒म्भः⁠। वि॒ष्ट॒म्भो॑ऽसि⁠। वि॒ष्ट॒म्भ इति॑ वि—स्त॒म्भः⁠। अ॒सि॒ वृष्ट्‍यै᳚⁠। वृष्ट्‍यै᳚ त्वा⁠। त्वा॒ वृष्टि᳚म्⁠। वृष्टि॑म् जिन्व⁠। जि॒न्व॒ प्र॒वा⁠। प्र॒वाऽसि॑⁠। प्र॒वेति॑ प्र—वा⁠। अ॒स्यह्ने᳚⁠। अह्ने᳚ त्वा⁠। त्वाऽहः॑⁠। अह॑र् जिन्व⁠। जि॒न्वा॒नु॒वा⁠। अ॒नु॒वाऽसि॑⁠। अ॒नु॒वेत्य॑नु—वा⁠। अ॒सि॒ रात्रि॑यै⁠। रात्रि॑यै त्वा⁠। त्वा॒ रात्रि᳚म्⁠। रात्रि॑म् जिन्व⁠। जि॒न्वो॒शिक्⁠। उ॒शिग॑सि⁠। अ॒सि॒ वसु॑भ्यः⁠। [१] वसु॑भ्यस्त्वा⁠। वसु॑भ्य॒ इति॒ वसु॑—भ्यः॒⁠। त्वा॒ वसू॑न्⁠। वसू᳚न् जिन्व⁠। जि॒न्व॒ प्र॒के॒तः⁠। प्र॒के॒तो॑ऽसि⁠। प्र॒के॒त इति॑ प्र—के॒तः⁠। अ॒सि॒ रु॒द्रेभ्यः॑⁠। रु॒द्रेभ्य॑स्त्वा⁠। त्वा॒ रु॒द्रान्⁠। रु॒द्रान् जि॑न्व⁠। जि॒न्व॒ सु॒दी॒तिः⁠। सु॒दी॒तिर॑सि⁠। सु॒दी॒तिरिति॑ सु—दी॒तिः⁠। अ॒स्या॒दि॒त्येभ्यः॑⁠। आ॒दि॒त्येभ्य॑स्त्वा⁠। त्वा॒ऽऽदि॒त्यान्⁠। आ॒दि॒त्यान् जि॑न्व⁠। जि॒न्वौजः॑⁠। ओजो॑ऽसि⁠। अ॒सि॒ पि॒तृभ्यः॑⁠। पि॒तृभ्य॑स्त्वा⁠। पि॒तृभ्य॒ इति॑ पि॒तृ—भ्यः॒⁠। त्वा॒ पि॒तॄन्⁠। पि॒तॄन् जि॑न्व⁠। जि॒न्व॒ तन्तुः॑⁠। तन्तु॑रसि⁠। अ॒सि॒ प्र॒जाभ्यः॑⁠। प्र॒जाभ्य॑स्त्वा⁠। प्र॒जाभ्य॒ इति॑ प्र—जाभ्यः॑⁠। त्वा॒ प्र॒जाः⁠। प्र॒जा जि॑न्व⁠। प्र॒जा इति॑ प्र—जाः⁠। जि॒न्व॒ पृ॒त॒ना॒षाट्⁠। पृ॒त॒ना॒षाड॑सि⁠। अ॒सि॒ प॒शुभ्यः॑⁠। प॒शुभ्य॑स्त्वा⁠। प॒शुभ्य॒ इति॑ प॒शु—भ्यः॒⁠। त्वा॒ प॒शून्⁠। प॒शून् जि॑न्व⁠। जि॒न्व॒ रे॒वत्⁠। रे॒वद॑सि⁠। अ॒स्योष॑धीभ्यः⁠। ओष॑धीभ्यस्त्वा⁠। ओष॑धीभ्य॒ इत्योष॑धि—भ्यः॒⁠। त्वौष॑धीः⁠। ओष॑धीर् जिन्व⁠। जि॒न्वा॒भि॒जित्⁠। अ॒भि॒जिद॑सि⁠। अ॒भि॒जिदित्य॑भि—जित्⁠। अ॒सि॒ यु॒क्तग्रा॑वा⁠। यु॒क्तग्रा॒वेन्द्रा॑य⁠। यु॒क्तग्रा॒वेति॑ यु॒क्त—ग्रा॒वा॒⁠। इन्द्रा॑य त्वा⁠। त्वेन्द्र᳚म्⁠। इन्द्र॑म् जिन्व⁠। जि॒न्वाधि॑पतिः⁠। अधि॑पतिरसि⁠। अधि॑पति॒रित्यधि॑—प॒तिः॒⁠। अ॒सि॒ प्रा॒णाय॑⁠। प्रा॒णाय॑ त्वा⁠। प्रा॒णायेति॑ प्र—अ॒नाय॑⁠। [२] त्वा॒ प्रा॒णम्⁠। प्रा॒णम् जि॑न्व⁠। प्रा॒णमिति॑ प्र—अ॒नम्⁠। जि॒न्व॒ य॒न्ता⁠। य॒न्ताऽसि॑⁠। अ॒स्य॒पा॒नाय॑⁠। अ॒पा॒नाय॑ त्वा⁠। अ॒पा॒नायेत्य॑प—अ॒नाय॑⁠। त्वा॒ऽपा॒नम्⁠। अ॒पा॒नम् जि॑न्व⁠। अ॒पा॒नमित्य॑प—अ॒नम्⁠। जि॒न्व॒ स॒ꣳ॒सर्पः॑⁠। स॒ꣳ॒सर्पो॑ऽसि⁠। स॒ꣳ॒सर्प॒ इति॑ सम्—सर्पः॑⁠। अ॒सि॒ चख्‍षु॑षे⁠। चख्‍षु॑षे त्वा⁠। त्वा॒ चख्‍षुः॑⁠। चख्‍षु॑र् जिन्व⁠। जि॒न्व॒ व॒यो॒धाः⁠। व॒यो॒धा अ॑सि⁠। व॒यो॒धा इति॑ वयः—धाः⁠। अ॒सि॒ श्रोत्रा॑य⁠। श्रोत्रा॑य त्वा⁠। त्वा॒ श्रोत्र᳚म्⁠। श्रोत्र॑म् जिन्व⁠। जि॒न्व॒ त्रि॒वृत्⁠। त्रि॒वृद॑सि⁠। त्रि॒वृदिति॑ त्रि—वृत्⁠। अ॒सि॒ प्र॒वृत्⁠। प्र॒वृद॑सि⁠। प्र॒वृदि॑ति प्र—वृत्⁠। अ॒सि॒ स॒व्ँवृत्⁠। स॒व्ँवृद॑सि⁠। स॒व्ँवृदि॑ति सम्—वृत्⁠। अ॒सि॒ वि॒वृत्⁠। वि॒वृद॑सि⁠। वि॒वृदिति॑ वि—वृत्⁠। अ॒सि॒ स॒ꣳ॒रो॒हः⁠। स॒ꣳ॒रो॒हो॑ऽसि⁠। स॒ꣳ॒रो॒ह इति॑ सम्—रो॒हः⁠। अ॒सि॒ नी॒रो॒हः⁠। नी॒रो॒हो॑ऽसि⁠। नी॒रो॒ह इति॑ निः—रो॒हः⁠। अ॒सि॒ प्र॒रो॒हः⁠। प्र॒रो॒हो॑ऽसि⁠। प्र॒रो॒ह इति॑ प्र—रो॒हः⁠। अ॒स्य॒नु॒रो॒हः⁠। अ॒नु॒रो॒हो॑ऽसि⁠। अ॒नु॒रो॒ह इत्य॑नु—रो॒हः⁠। अ॒सि॒ व॒सु॒कः⁠। व॒सु॒को॑ऽसि⁠। अ॒सि॒ वेष॑श्रिः⁠। वेष॑श्रिरसि⁠। वेष॑श्रि॒रिति॒ वेष॑—श्रिः॒⁠। अ॒सि॒ वस्य॑ष्टिः⁠। वस्य॑ष्टिरसि⁠। अ॒सीत्य॑सि⁠॥ [३] (उ॒शिग॑सि प्रा॒णाय॒ त्रिच॑त्वारिꣳशच्च) ॥१॥
राज्ञ्य॑सि⁠। अ॒सि॒ प्राची᳚⁠। प्राची॒ दिक्⁠। दिग् वस॑वः⁠। वस॑वस्ते⁠। ते॒ दे॒वाः⁠। दे॒वा अधि॑पतयः⁠। अधि॑पतयो॒ऽग्निः⁠। अधि॑पतय॒ इत्यधि॑—प॒त॒यः॒⁠। अ॒ग्निर्‌हे॑ती॒नाम्⁠। हे॒ती॒नाम् प्र॑तिध॒र्ता⁠। प्र॒ति॒ध॒र्ता त्रि॒वृत्⁠। प्र॒ति॒ध॒र्तेति॑ प्रति—ध॒र्ता⁠। त्रि॒वृत् त्वा᳚⁠। त्रि॒वृदिति॑ त्रि—वृत्⁠। त्वा॒ स्तोमः॑⁠। स्तोमः॑ पृथि॒व्याम्⁠। पृ॒थि॒व्याꣴ श्र॑यतु⁠। श्र॒य॒त्वाज्य᳚म्⁠। आज्य॑मु॒क्थम्⁠। उ॒क्थमव्य॑थयत्⁠। अव्य॑थयथ् स्तभ्नातु⁠। स्त॒भ्ना॒तु॒ र॒थ॒न्त॒रम्⁠। र॒थ॒न्त॒रꣳ साम॑⁠। र॒थ॒न्त॒रमिति॑ रथम्—त॒रम्⁠। साम॒ प्रति॑ष्ठित्यै⁠। प्रति॑ष्ठित्यै वि॒राट्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। वि॒राड॑सि⁠। वि॒राडिति॑ वि—राट्⁠। अ॒सि॒ द॒ख्‍षि॒णा⁠। द॒ख्‍षि॒णा दिक्⁠। दिग् रु॒द्राः⁠। रु॒द्रास्ते᳚⁠। ते॒ दे॒वाः⁠। दे॒वा अधि॑पतयः⁠। अधि॑पतय॒ इन्द्रः॑⁠। अधि॑पतय॒ इत्यधि॑—प॒त॒यः॒⁠। इन्द्रो॑ हेती॒नाम्⁠। हे॒ती॒नाम् प्र॑तिध॒र्ता⁠। प्र॒ति॒ध॒र्ता प॑ञ्चद॒शः⁠। प्र॒ति॒ध॒र्तेति॑ प्रति—ध॒र्ता⁠। प॒ञ्च॒द॒शस्त्वा᳚⁠। प॒ञ्च॒द॒श इति॑ पञ्च—द॒शः⁠। त्वा॒ स्तोमः॑⁠। स्तोमः॑ पृथि॒व्याम्⁠। पृ॒थि॒व्याꣴ श्र॑यतु⁠। श्र॒य॒तु॒ प्र‍उ॑गम्⁠। प्र‍उ॑गमु॒क्थम्⁠। उ॒क्थमव्य॑थयत्⁠। अव्य॑थयथ् स्तभ्नातु⁠। स्त॒भ्ना॒तु॒ बृ॒हत्⁠। बृ॒हथ् साम॑⁠। साम॒ प्रति॑ष्ठित्यै⁠। प्रति॑ष्ठित्यै स॒म्राट्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। स॒म्राड॑सि⁠। स॒म्राडिति॑ सम्—राट्⁠। अ॒सि॒ प्र॒तीची᳚⁠। प्र॒तीची॒ दिक्⁠। दिगा॑दि॒त्याः⁠। [४] आ॒दि॒त्यास्ते᳚⁠। ते॒ दे॒वाः⁠। दे॒वा अधि॑पतयः⁠। अधि॑पतयः॒ सोमः॑⁠। अधि॑पतय॒ इत्यधि॑—प॒त॒यः॒⁠। सोमो॑ हेती॒नाम्⁠। हे॒ती॒नाम् प्र॑तिध॒र्ता⁠। प्र॒ति॒ध॒र्ता स॑प्तद॒शः⁠। प्र॒ति॒ध॒र्तेति॑ प्रति—ध॒र्ता⁠। स॒प्त॒द॒शस्त्वा᳚⁠। स॒प्त॒द॒श इति॑ सप्त—द॒शः⁠। त्वा॒ स्तोमः॑⁠। स्तोमः॑ पृथि॒व्याम्⁠। पृ॒थि॒व्याꣴ श्र॑यतु⁠। श्र॒य॒तु॒ म॒रु॒त्व॒तीय᳚म्⁠। म॒रु॒त्व॒तीय॑मु॒क्थम्⁠। उ॒क्थमव्य॑थयत्⁠। अव्य॑थयथ् स्तभ्नातु⁠। स्त॒भ्ना॒तु॒ वै॒रू॒पम्⁠। वै॒रू॒पꣳ साम॑⁠। साम॒ प्रति॑ष्ठित्यै⁠। प्रति॑ष्ठित्यै स्व॒राट्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। स्व॒राड॑सि⁠। स्व॒राडिति॑ स्व—राट्⁠। अ॒स्युदी॑ची⁠। उदी॑ची॒ दिक्⁠। दिग् विश्वे᳚⁠। विश्वे॑ ते⁠। ते॒ दे॒वाः⁠। दे॒वा अधि॑पतयः⁠। अधि॑पतयो॒ वरु॑णः⁠। अधि॑पतय॒ इत्यधि॑—प॒त॒यः॒⁠। वरु॑णो हेती॒नाम्⁠। हे॒ती॒नाम् प्र॑तिध॒र्ता⁠। प्र॒ति॒ध॒र्तैक॑वि॒ꣳ॒शः⁠। प्र॒ति॒ध॒र्तेति॑ प्रति—ध॒र्ता⁠। ए॒क॒वि॒ꣳ॒शस्त्वा᳚⁠। ए॒क॒वि॒ꣳ॒श इत्ये॑क—वि॒ꣳ॒शः⁠। त्वा॒ स्तोमः॑⁠। स्तोमः॑ पृथि॒व्याम्⁠। पृ॒थि॒व्याꣴ श्र॑यतु⁠। श्र॒य॒तु॒ निष्के॑वल्यम्⁠। निष्के॑वल्यमु॒क्थम्⁠। उ॒क्थमव्य॑थयत्⁠। अव्य॑थयथ् स्तभ्नातु⁠। स्त॒भ्ना॒तु॒ वै॒रा॒जम्⁠। वै॒रा॒जꣳ साम॑⁠। साम॒ प्रति॑ष्ठित्यै⁠। प्रति॑ष्ठित्या॒ अधि॑पत्नी⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अधि॑पत्न्यसि⁠। अधि॑प॒त्नीत्यधि॑—प॒त्नी॒⁠। अ॒सि॒ बृ॒ह॒ती⁠। बृ॒ह॒ती दिक्⁠। दिङ्‍म॒रुतः॑⁠। म॒रुत॑स्ते⁠। ते॒ दे॒वाः⁠। दे॒वा अधि॑पतयः⁠। अधि॑पतयो॒ बृह॒स्पतिः॑⁠। अधि॑पतय॒ इत्यधि॑—प॒त॒यः॒⁠। [५] बृह॒स्पति॑र्‌हेती॒नाम्⁠। हे॒ती॒नाम् प्र॑तिध॒र्ता⁠। प्र॒ति॒ध॒र्ता त्रि॑णवत्रयस्त्रि॒ꣳ॒शौ⁠। प्र॒ति॒ध॒र्तेति॑ प्रति—ध॒र्ता⁠। त्रि॒ण॒व॒त्र॒य॒स्त्रि॒ꣳ॒शौ त्वा᳚⁠। त्रि॒ण॒व॒त्र॒य॒स्त्रि॒ꣳ॒शाविति॑ त्रिणव—त्र॒य॒स्त्रि॒ꣳ॒शौ⁠। त्वा॒ स्तोमौ᳚⁠। स्तोमौ॑ पृथि॒व्याम्⁠। पृ॒थि॒व्याꣴ श्र॑यताम्⁠। श्र॒य॒ता॒व्ँवै॒श्व॒दे॒वा॒ग्नि॒मा॒रु॒ते⁠। वै॒श्व॒दे॒वा॒ग्नि॒मा॒रु॒ते उ॒क्थे⁠। वै॒श्व॒दे॒वा॒ग्नि॒मा॒रु॒ते इति॑ वैश्वदेव—आ॒ग्नि॒मा॒रु॒ते⁠। उ॒क्थे अव्य॑थयन्ती⁠। उ॒क्थे इत्यु॒क्थे⁠। अव्य॑थयन्ती स्तभ्नीताम्⁠। अव्य॑थयन्ती॒ इत्यव्य॑थयन्ती⁠। स्त॒भ्नी॒ता॒ꣳ॒ शा॒क्व॒र॒रै॒व॒ते⁠। शा॒क्व॒र॒रै॒व॒ते साम॑नी⁠। शा॒क्व॒र॒रै॒व॒ते इति॑ शाक्वर—रै॒व॒ते⁠। साम॑नी॒ प्रति॑ष्ठित्यै⁠। साम॑नी॒ इति॒ साम॑नी⁠। प्रति॑ष्ठित्या अ॒न्तरि॑ख्‍षाय⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अ॒न्तरि॑ख्‍षा॒यर्‌ष॑यः⁠। ऋष॑यस्त्वा⁠। त्वा॒ प्र॒थ॒म॒जाः⁠। प्र॒थ॒म॒जा दे॒वेषु॑⁠। प्र॒थ॒म॒जा इति॑ प्रथम—जाः⁠। दे॒वेषु॑ दि॒वः⁠। दि॒वो मात्र॑या⁠। मात्र॑या वरि॒णा⁠। व॒रि॒णा प्र॑थन्तु⁠। प्र॒थ॒न्तु॒ वि॒ध॒र्ता⁠। वि॒ध॒र्ता च॑⁠। वि॒ध॒र्तेति॑ वि—ध॒र्ता⁠। चा॒यम्⁠। अ॒यमधि॑पतिः⁠। अधि॑पतिश्च⁠। अधि॑पति॒रित्यधि॑—प॒तिः॒⁠। च॒ ते⁠। ते त्वा᳚⁠। त्वा॒ सर्वे᳚⁠। सर्वे॑ सव्ँविदा॒नाः⁠। स॒व्ँवि॒दा॒ना नाक॑स्य⁠। स॒व्ँवि॒दा॒ना इति॑ सम्—वि॒दा॒नाः⁠। नाक॑स्य पृ॒ष्ठे⁠। पृ॒ष्ठे सु॑व॒र्गे⁠। सु॒व॒र्गे लो॒के⁠। सु॒व॒र्ग इति॑ सुवः—गे⁠। लो॒के यज॑मानम्⁠। यज॑मानम् च⁠। च॒ सा॒द॒य॒न्तु॒⁠। सा॒द॒य॒न्त्विति॑ सादयन्तु⁠॥ [६] (प्र॒तीची॒ दिङ् म॒रुत॑स्ते दे॒वा अधि॑पतय श्चत्वारि॒ꣳ॒शच्च॑) ॥२॥
अ॒यम् पु॒रः⁠। पु॒रो हरि॑केशः⁠। हरि॑केशः॒ सूर्य॑रश्मिः⁠। हरि॑केश॒ इति॒ हरि॑—के॒शः॒⁠। सूर्य॑रश्मि॒स्तस्य॑⁠। सूर्य॑रश्मि॒रिति॒ सूर्य॑—र॒श्मिः॒⁠। तस्य॑ रथगृ॒थ्सः⁠। र॒थ॒गृ॒थ्सश्च॑⁠। र॒थ॒गृ॒थ्स इति॑ रथ—गृ॒थ्सः⁠। च॒ रथौ॑जाः⁠। रथौ॑जाश्च⁠। रथौ॑जा॒ इति॒ रथ॑—ओ॒जाः॒⁠। च॒ से॒ना॒नि॒ग्रा॒म॒ण्यौ᳚⁠। से॒ना॒नि॒गा॒म॒ण्यौ॑ पुञ्जिकस्थ॒ला⁠। से॒ना॒नि॒ग्रा॒म॒ण्या॑विति॑ सेनानि—ग्रा॒म॒ण्यौ᳚⁠। पु॒ञ्जि॒क॒स्थ॒ला च॑⁠। पु॒ञ्जि॒क॒स्थ॒लेति॑ पुञ्जिक—स्थ॒ला⁠। च॒ कृ॒त॒स्थ॒ला⁠। कृ॒त॒स्थ॒ला च॑⁠। कृ॒त॒स्थ॒लेति॑ कृत—स्थ॒ला⁠। चा॒फ्स॒रसौ᳚⁠। अ॒फ्स॒रसौ॑ यातु॒धानाः᳚⁠। या॒तु॒धाना॑ हे॒तिः⁠। या॒तु॒धाना॒ इति॑ यातु—धानाः᳚⁠। हे॒ती रख्‍षा॑ꣳसि⁠। रख्‍षा॑ꣳसि॒ प्रहे॑तिः⁠। प्रहे॑तिर॒यम्⁠। प्रहे॑ति॒रिति॒ प्र—हे॒तिः॒⁠। अ॒यम् द॑ख्‍षि॒णा⁠। द॒ख्‍षि॒णा वि॒श्वक॑र्मा⁠। वि॒श्वक॑र्मा॒ तस्य॑⁠। वि॒श्वक॒र्मेति॑ वि॒श्व—क॒र्मा॒⁠। तस्य॑ रथस्व॒नः⁠। र॒थ॒स्व॒नश्च॑⁠। र॒थ॒स्व॒न इति॑ रथ—स्व॒नः⁠। च॒ रथे॑चित्रः⁠। रथे॑चित्रश्च⁠। रथे॑चित्र॒ इति॒ रथे᳚—चि॒त्रः॒⁠। च॒ से॒ना॒नि॒ग्रा॒म॒ण्यौ᳚⁠। से॒ना॒नि॒ग्रा॒म॒ण्यौ॑ मेन॒का⁠। से॒ना॒नि॒ग्रा॒म॒ण्या॑विति॑ सेनानि—ग्रा॒म॒ण्यौ᳚⁠। मे॒न॒का च॑⁠। च॒ स॒ह॒ज॒न्या⁠। स॒ह॒ज॒न्या च॑⁠। स॒ह॒ज॒न्येति॑ सह—ज॒न्या⁠। चा॒फ्स॒रसौ᳚⁠। अ॒फ्स॒रसौ॑ द॒ङ्‍ख्‍ष्णवः॑⁠। द॒ङ्‍ख्‍ष्णवः॑ प॒शवः॑⁠। प॒शवो॑ हे॒तिः⁠। हे॒तिः पौरु॑षेयः⁠। पौरु॑षेयो व॒धः⁠। व॒धः प्रहे॑तिः⁠। प्रहे॑तिर॒यम्⁠। प्रहे॑ति॒रिति॒ प्र—हे॒तिः॒⁠। अ॒यम् प॒श्चात्⁠। प॒श्चाद् वि॒श्वव्य॑चाः⁠। वि॒श्वव्य॑चा॒स्तस्य॑⁠। वि॒श्वव्य॑चा॒ इति॑ वि॒श्व—व्य॒चाः॒⁠। तस्य॒ रथ॑प्रोतः⁠। रथ॑प्रोतश्च⁠। रथ॑प्रोत॒ इति॒ रथ॑—प्रो॒तः॒⁠। चास॑मरथः⁠। अस॑मरथश्च⁠। अस॑मरथ॒ इत्यस॑म—र॒थः॒⁠। च॒ से॒ना॒नि॒ग्रा॒म॒ण्यौ᳚⁠। से॒ना॒नि॒ग्रा॒म॒ण्यौ᳚ प्र॒म्लोच॑न्ती⁠। से॒ना॒नि॒ग्रा॒म॒ण्या॑विति॑ सेनानि—ग्रा॒म॒ण्यौ᳚⁠। प्र॒म्लोच॑न्ती च⁠। प्र॒म्लोच॒न्तीति॑ प्र—म्लोच॑न्ती⁠। चा॒नु॒म्लोच॑न्ती⁠। [७] अ॒नु॒म्लोच॑न्ती च⁠। अ॒नु॒म्लोच॒न्तीत्य॑नु—म्लोच॑न्ती⁠। चा॒फ्स॒रसौ᳚⁠। अ॒फ्स॒रसौ॑ स॒र्पाः⁠। स॒र्पा हे॒तिः⁠। हे॒तिर् व्या॒घ्राः⁠। व्या॒घ्राः प्रहे॑तिः⁠। प्रहे॑तिर॒यम्⁠। प्रहे॑ति॒रिति॑ प्र—हे॒तिः॒⁠। अ॒यमु॑त्त॒रात्⁠। उ॒त्त॒राथ् स॒य्ँयद्व॑सुः⁠। उ॒त्त॒रादित्यु॑त्—त॒रात्⁠। स॒य्ँयुद्व॑सु॒स्तस्य॑⁠। स॒य्ँयद्व॑सु॒रिति॑ स॒य्ँयत्—व॒सुः॒⁠। तस्य॑ सेन॒जित्⁠। से॒न॒जिच् च॑⁠। से॒न॒जिदिति॑ सेन—जित्⁠। च॒ सु॒षेणः॑⁠। सु॒षेण॑श्च⁠। सु॒षेण॒ इति॑ सु—सेनः॑⁠। च॒ से॒ना॒नि॒ग्रा॒म॒ण्यौ᳚⁠। से॒ना॒नि॒गा॒म॒ण्यौ॑ वि॒श्वाची᳚⁠। से॒ना॒नि॒ग्रा॒म॒ण्या॑विति॑ सेनानि—ग्रा॒म॒ण्यौ᳚⁠। वि॒श्वाची॑ च⁠। च॒ घृ॒ताची᳚⁠। घृ॒ताची॑ च⁠। चा॒फ्स॒रसौ᳚⁠। अ॒फ्स॒रसा॒वापः॑⁠। आपो॑ हे॒तिः⁠। हे॒तिर् वातः॑⁠। वातः॒ प्रहे॑तिः⁠। प्रहे॑तिर॒यम्⁠। प्रहे॑ति॒रिति॒ प्र—हे॒तिः॒⁠। अ॒यमु॒परि॑⁠। उ॒पर्य॒र्वाग्व॑सुः⁠। अ॒र्वाग्व॑सु॒स्तस्य॑⁠। अ॒र्वाग्व॑सु॒रित्य॒र्वाक्—व॒सुः॒⁠। तस्य॒ तार्ख्‍ष्यः॑⁠। तार्ख्‍ष्य॑श्च⁠। चारि॑ष्टनेमिः⁠। अरि॑ष्टनेमिश्च⁠। अरि॑ष्टनेमि॒रित्यरि॑ष्ट—ने॒मिः॒⁠। च॒ से॒ना॒नि॒ग्रा॒म॒ण्यौ᳚⁠। से॒ना॒नि॒ग्रा॒म॒ण्या॑वु॒र्वशी᳚⁠। से॒ना॒नि॒ग्रा॒म॒ण्या॑विति॑ सेनानि—ग्रा॒म॒ण्यौ᳚⁠। उ॒र्वशी॑ च⁠। च॒ पू॒र्वचि॑त्तिः⁠। पू॒र्वचि॑त्तिश्च⁠। पू॒र्वचि॑त्ति॒रिति॑ पू॒र्व—चि॒त्तिः॒⁠। चा॒फ्स॒रसौ᳚⁠। अ॒फ्स॒रसौ॑ वि॒द्युत्⁠। वि॒द्युद्धे॒तिः⁠। वि॒द्युदिति॑ वि—द्युत्⁠। हे॒तिर॑व॒स्फूर्ज॑न्न्⁠। अ॒व॒स्फूर्ज॒न् प्रहे॑तिः⁠। अ॒व॒स्फूर्ज॒न्नित्य॑व—स्पूर्ज॑न्न्⁠। प्रहे॑ति॒स्तेभ्यः॑⁠। प्रहे॑ति॒रिति॒ प्र—हे॒तिः॒⁠। तेभ्यो॒ नमः॑⁠। नम॒स्ते⁠। ते नः॑⁠। नो॒ मृ॒ड॒य॒न्तु॒⁠। मृ॒ड॒य॒न्तु॒ ते⁠। ते यम्⁠। यम् द्वि॒ष्मः⁠। [८] द्वि॒ष्मो यः⁠। यश्च॑⁠। च॒ नः॒⁠। नो॒ द्वेष्टि॑⁠। द्वेष्टि॒ तम्⁠। तव्ँवः॑⁠। वो॒ जम्भे᳚⁠। जम्भे॑ दधामि⁠। द॒धा॒म्या॒योः⁠। आ॒योस्त्वा᳚⁠। त्वा॒ सद॑ने⁠। सद॑ने सादयामि⁠। सा॒द॒या॒म्यव॑तः⁠। अव॑तश्छा॒याया᳚म्⁠। छा॒याया॒म् नमः॑⁠। नमः॑ समु॒द्राय॑⁠। स॒मु॒द्राय॒ नमः॑⁠। नमः॑ समु॒द्रस्य॑⁠। स॒मु॒द्रस्य॒ चख्‍ष॑से⁠। चख्‍ष॑से परमे॒ष्ठी⁠। प॒र॒मे॒ष्ठी त्वा᳚⁠। त्वा॒ सा॒द॒य॒तु॒⁠। सा॒द॒य॒तु॒ दि॒वः⁠। दि॒वः पृ॒ष्ठे⁠। पृ॒ष्ठे व्यच॑स्वतीम्⁠। व्यच॑स्वती॒म् प्रथ॑स्वतीम्⁠। प्रथ॑स्वतीव्ँवि॒भूम॑तीम्⁠। वि॒भूम॑तीम् प्र॒भूम॑तीम्⁠। वि॒भूम॑ती॒मिति॑ वि—भूम॑तीम्⁠। प्र॒भूम॑तीम् परि॒भूम॑तीम्⁠। प्र॒भूम॑ती॒मिति॑ प्र—भूम॑तीम्⁠। प॒रि॒भूम॑ती॒म् दिव᳚म्⁠। प॒रि॒भूम॑ती॒मिति॑ परि—भूम॑तीम्⁠। दिव॑य्ँयच्छ⁠। य॒च्छ॒ दिव᳚म्⁠। दिव॑म् दृꣳह⁠। दृ॒ꣳ॒ह॒ दिव᳚म्⁠। दिव॒म् मा⁠। मा हि॑ꣳसीः⁠। हि॒ꣳ॒सी॒र् विश्व॑स्मै⁠। विश्व॑स्मै प्रा॒णाय॑⁠। प्रा॒णाया॑पा॒नाय॑⁠। प्रा॒णायेति॑ प्र—अ॒नाय॑⁠। अ॒पा॒नाय॑ व्या॒नाय॑⁠। अ॒पा॒नायेत्य॑प—अ॒नाय॑⁠। व्या॒नायो॑दा॒नाय॑⁠। व्या॒नायेति॑ वि—अ॒नाय॑⁠। उ॒दा॒नाय॑ प्रति॒ष्ठायै᳚⁠। उ॒दा॒नायेत्यु॑त्—अ॒नाय॑⁠। प्र॒ति॒ष्ठायै॑ च॒रित्रा॑य⁠। प्र॒ति॒ष्ठाया॒ इति॑ प्रति—स्थायै᳚⁠। च॒रित्रा॑य॒ सूर्यः॑⁠। सूर्य॑स्त्वा⁠। त्वा॒ऽभि⁠। अ॒भि पा॑तु⁠। पा॒तु॒ म॒ह्या⁠। म॒ह्या स्व॒स्त्या⁠। स्व॒स्त्या छ॒र्दिषा᳚⁠। छ॒र्दिषा॒ शन्त॑मेन⁠। शन्त॑मेन॒ तया᳚⁠। शन्त॑मे॒नेति॒ शम्—त॒मे॒न॒⁠। तया॑ दे॒वत॑या⁠। दे॒वत॑याऽङ्‍गिर॒स्वत्⁠। अ॒ङ्‍गि॒र॒स्वद् ध्रु॒वा⁠। ध्रु॒वा सी॑द⁠। सी॒देति॑ सीद⁠॥ प्रोथ॒दश्वः॑⁠। अश्वो॒ न⁠। न यव॑से⁠। यव॑से अवि॒ष्यन्न्⁠। अ॒वि॒ष्यन्‌य॒दा⁠। य॒दा म॒हः⁠। म॒हः स॒व्ँवर॑णात्⁠। स॒व्ँवर॑णा॒द् व्यस्था᳚त्⁠। स॒व्ँवर॑णा॒दिति॑ सम्—वर॑णात्⁠। व्यस्था॒दिति॑ वि—अस्था᳚त्⁠॥ आद॑स्य⁠। अ॒स्य॒ वातः॑⁠। वातो॒ अनु॑⁠। अनु॑ वाति⁠। वा॒ति॒ शो॒चिः⁠। शो॒चिरध॑⁠। अध॑ स्म⁠। स्म॒ ते॒⁠। ते॒ व्रज॑नम्⁠। व्रज॑नम् कृ॒ष्णम्⁠। कृ॒ष्णम॑स्ति⁠। अ॒स्तीत्य॑स्ति⁠॥ [९] (प्र॒म्लोच॑न्ती च॒ यꣴ स्व॒स्त्या ऽष्टावि॑ꣳशतिश्च) ॥३॥
अ॒ग्निर् मू॒र्द्धा⁠। मू॒र्द्धा दि॒वः⁠। दि॒वः क॒कुत्⁠। क॒कुत् पतिः॑⁠। पतिः॑ पृथि॒व्याः⁠। पृ॒थि॒व्या अ॒यम्⁠। अ॒यमित्य॒यम्⁠॥ अ॒पाꣳ रेता॑ꣳसि⁠। रेता॑ꣳसि जिन्वति⁠। जि॒न्व॒तीति॑ जिन्वति⁠॥ त्वाम॑ग्ने⁠। अ॒ग्ने॒ पुष्क॑रात्⁠। पुष्क॑रा॒दधि॑⁠। अध्यथ॑र्वा⁠। अथ॑र्वा॒ निः⁠। निर॑मन्थत⁠। अ॒म॒न्थ॒तेत्य॑मन्थत⁠॥ मू॒र्द्ध्नो विश्व॑स्य⁠। विश्व॑स्य वा॒घतः॑⁠। वा॒घत॒ इति॑ वा॒घतः॑⁠॥ अ॒यम॒ग्निः⁠। अ॒ग्निः स॑ह॒स्रिणः॑⁠। स॒ह॒स्रिणो॒ वाज॑स्य⁠। वाज॑स्य श॒तिनः॑⁠। श॒तिन॒स्पतिः॑⁠। पति॒रिति॒ पतिः॑⁠॥ मू॒र्द्धा क॒विः⁠। क॒वीर॑यी॒णाम्⁠। र॒यी॒णामिति॑ रयी॒णाम्⁠॥ भुवो॑ य॒ज्ञस्य॑⁠। य॒ज्ञस्य॒ रज॑सः⁠। रज॑सश्च⁠। च॒ ने॒ता⁠। ने॒ता यत्र॑⁠। यत्रा॑ नि॒युद्भिः॑⁠। नि॒युद्भिः॒ सच॑से⁠। नि॒युद्भि॒रिति॑ नि॒युत्—भिः॒⁠। सच॑से शि॒वाभिः॑⁠। शि॒वाभि॒रिति॑ शि॒वाभिः॑⁠॥ दि॒वि मू॒र्द्धान᳚म्⁠। मू॒र्द्धान॑म् दधिषे⁠। द॒धि॒षे॒ सु॒व॒र्॒‌षाम्⁠। सु॒व॒र्॒‌षाम् जि॒ह्वाम्⁠। सु॒व॒र्॒‌षामिति॑ सुवः—साम्⁠। जि॒ह्वाम॑ग्ने⁠। अ॒ग्ने॒ च॒कृ॒षे॒⁠। च॒कृ॒षे॒ ह॒व्य॒वाह᳚म्⁠। ह॒व्य॒वाह॒मिति॑ हव्य—वाह᳚म्⁠॥ अबो᳚द्ध्य॒ग्निः⁠। अ॒ग्निः स॒मिधा᳚⁠। स॒मिधा॒ जना॑नाम्⁠। स॒मिधेति॑ सम्—इधा᳚⁠। जना॑ना॒म् प्रति॑⁠। [१०] प्रति॑ धे॒नुम्⁠। धे॒नुमि॑व⁠। इ॒वा॒य॒तीम्⁠। आ॒य॒तीमु॒षास᳚म्⁠। आ॒य॒तीमित्या᳚—य॒तीम्⁠। उ॒षास॒मित्यु॒षास᳚म्⁠॥ य॒ह्वा इ॑व⁠। इ॒व॒ प्र⁠। प्र व॒याम्⁠। व॒यामु॒ज्जिहा॑नाः⁠। उ॒ज्जिहा॑नाः॒ प्र⁠। उ॒ज्जिहा॑ना॒ इत्यु॑त्—जिहा॑नाः⁠। प्र भा॒नवः॑⁠। भा॒नवः॑ सिस्रते⁠। सि॒स्र॒ते॒ नाक᳚म्⁠। नाक॒मच्छ॑⁠। अच्छेत्यच्छ॑⁠॥ अवो॑चाम क॒वये᳚⁠। क॒वये॒ मेद्ध्या॑य⁠। मेद्ध्या॑य॒ वचः॑⁠। वचो॑ व॒न्दारु॑⁠। व॒न्दारु॑ वृष॒भाय॑⁠। वृ॒ष॒भाय॒ वृष्णे᳚⁠। वृष्ण॒ इति॒ वृष्णे᳚⁠॥ गवि॑ष्ठिरो॒ नम॑सा⁠। नम॑सा॒ स्तोम᳚म्⁠। स्तोम॑म॒ग्नौ⁠। अ॒ग्नौ दि॒वि⁠। दि॒वीव॑⁠। इ॒व॒ रु॒क्मम्⁠। रु॒क्ममु॒र्व्यञ्च᳚म्⁠। उ॒र्व्यञ्च॑मश्रेत्⁠। अ॒श्रे॒दित्य॑श्रेत्⁠॥ जन॑स्य गो॒पाः⁠। गो॒पा अ॑जनिष्ट⁠। गो॒पा इति॑ गो—पाः⁠। अ॒ज॒नि॒ष्ट॒ जागृ॑विः⁠। जागृ॑विर॒ग्निः⁠। अ॒ग्निः सु॒दख्‍षः॑⁠। सु॒दख्‍षः॑ सुवि॒ताय॑⁠। सु॒दख्‍ष॒ इति॑ सु—दख्‍षः॑⁠। सु॒वि॒ताय॒ नव्य॑से⁠। नव्य॑स॒ इति॒ नव्य॑से⁠॥ घृ॒तप्र॑तीको बृह॒ता⁠। घृ॒तप्र॑तीक॒ इति॑ घृ॒त—प्र॒ती॒कः॒⁠। बृ॒ह॒ता दि॑वि॒स्पृशा᳚⁠। दि॒वि॒स्पृशा᳚ द्यु॒मत्⁠। दि॒वि॒स्पृशेति॑ दिवि—स्पृशा᳚⁠। द्यु॒मद् वि⁠। द्यु॒मदिति॑ द्यु—मत्⁠। वि भा॑ति⁠। भा॒ति॒ भ॒र॒तेभ्यः॑⁠। भ॒र॒तेभ्यः॒ शुचिः॑⁠। शुचि॒रिति॒ शुचिः॑⁠॥ त्वाम॑ग्ने⁠। अ॒ग्ने॒ अङ्‍गि॑रसः⁠। अङ्‍गि॑रसो॒ गुहा᳚⁠। [११] गुहा॑ हि॒तम्⁠। हि॒तमनु॑⁠। अन्व॑विन्दन्न्⁠। अ॒वि॒न्द॒ञ्छि॒श्रि॒या॒णम्⁠। शि॒श्रि॒या॒णव्ँवने॑वने⁠। वने॑वन॒ इति॒ वने᳚—व॒ने॒⁠॥ स जा॑यसे⁠। जा॒य॒से॒ म॒थ्यमा॑नः⁠। म॒थ्यमा॑नः॒ सहः॑⁠। सहो॑ म॒हत्⁠। म॒हत् त्वाम्⁠। त्वामा॑हुः⁠। आ॒हुः॒ सह॑सः⁠। सह॑सस्पु॒त्रम्⁠। पु॒त्रम॑ङ्‍गिरः⁠। अ॒ङ्‍गि॒र॒ इत्य॑ङ्‍गिरः⁠॥ य॒ज्ञस्य॑ के॒तुम्⁠। के॒तुम् प्र॑थ॒मम्⁠। प्र॒थ॒मम् पु॒रोहि॑तम्⁠। पु॒रोहि॑तम॒ग्निम्⁠। पु॒रोहि॑त॒मिति॑ पु॒रः—हि॒त॒म्⁠। अ॒ग्निम् नरः॑⁠। नर॑स्त्रिषध॒स्थे⁠। त्रि॒ष॒ध॒स्थे सम्⁠। त्रि॒ष॒ध॒स्थ इति॑ त्रि—स॒ध॒स्थे⁠। समि॑न्धते⁠। इ॒न्ध॒त॒ इती᳚न्धते⁠॥ इन्द्रे॑ण दे॒वैः⁠। दे॒वैः स॒रथ᳚म्⁠। स॒रथ॒ꣳ॒ सः⁠। स॒रथ॒मिति॑ स—रथ᳚म्⁠। स ब॒र्॒‌हिषि॑⁠। ब॒र्॒‌हिषि॒ सीद॑त्⁠। सीद॒न्नि⁠। नि होता᳚⁠। होता॑ य॒जथा॑य⁠। य॒जथा॑य सु॒क्रतुः॑⁠। सु॒क्रतु॒रिति॑ सु—क्रतुः॑⁠॥ त्वाम् चि॑त्रश्रवस्तम⁠। चि॒त्र॒श्र॒व॒स्त॒म॒ हव॑न्ते⁠। चि॒त्र॒श्र॒व॒स्त॒मेति॑ चित्रश्रवः—त॒म॒⁠। हव॑न्ते वि॒ख्‍षु⁠। वि॒ख्‍षु ज॒न्तवः॑⁠। ज॒न्तव॒ इति॑ ज॒न्तवः॑⁠॥ शो॒चिष्के॑शम् पुरुप्रि॒य⁠। शो॒चिष्के॑श॒मिति॑ शो॒चिः—के॒श॒म्⁠। पु॒रु॒प्रि॒याग्ने᳚⁠। पु॒रु॒प्रि॒येति॑ पुरु—प्रि॒य॒⁠। अग्ने॑ ह॒व्याय॑⁠। ह॒व्याय॒ वोढ॑वे⁠। वोढ॑व॒ इति॒ वोढ॑वे⁠॥ सखा॑यः॒ सम्⁠। सव्ँवः॑⁠। वः स॒म्यञ्च᳚म्⁠। स॒म्यञ्च॒मिष᳚म्⁠। इष॒ꣴ॒ स्तोम᳚म्⁠। [१२] स्तोम॑म् च⁠। चा॒ग्नये᳚⁠। अ॒ग्नय॒ इत्य॒ग्नये᳚⁠॥ वर्‌षि॑ष्ठाय ख्‍षिती॒नाम्⁠। ख्‍षि॒ती॒नामू॒र्जः⁠। ऊ॒र्जो नप्त्रे᳚⁠। नप्त्रे॒ सह॑स्वते⁠। सह॑स्वत॒ इति॒ सह॑स्वते⁠॥ सꣳस॒मित्⁠। सꣳस॒मिति॒ सम्—स॒म्⁠। इद् यु॑वसे⁠। यु॒व॒से॒ वृ॒ष॒न्न्॒⁠। वृ॒ष॒न्नग्ने᳚⁠। अग्ने॒ विश्वा॑नि⁠। विश्वा᳚न्य॒र्यः⁠। अ॒र्य आ⁠। एत्या⁠॥ इ॒डस्प॒दे⁠। प॒दे सम्⁠। समि॑द्ध्यसे⁠। इ॒द्ध्य॒से॒ सः⁠। स नः॑⁠। नो॒ वसू॑नि⁠। वसू॒न्या⁠। आ भ॑र⁠। भ॒रेति॑ भर⁠॥ ए॒ना वः॑⁠। वो॒ अ॒ग्निम्⁠। अ॒ग्निम् नम॑सा⁠। नम॑सो॒र्जः⁠। ऊ॒र्जो नपा॑तम्⁠। नपा॑त॒मा⁠। आ हु॑वे⁠। हु॒व॒ इति॑ हुवे⁠॥ प्रि॒यम् चेति॑ष्ठम्⁠। चेति॑ष्ठमर॒तिम्⁠। अ॒र॒तिꣴ स्व॑द्ध्व॒रम्⁠। स्व॒द्ध्व॒रव्ँविश्व॑स्य⁠। स्व॒द्ध्व॒रमिति॑ सु—अ॒द्ध्व॒रम्⁠। विश्व॑स्य दू॒तम्⁠। दू॒तम॒मृत᳚म्⁠। अ॒मृत॒मित्य॒मृत᳚म्⁠॥ स यो॑जते⁠। यो॒ज॒ते॒ अ॒रु॒षः⁠। अ॒रु॒षो वि॒श्वभो॑जसा⁠। वि॒श्वभो॑जसा॒ सः⁠। वि॒श्वभो॑ज॒सेति॑ वि॒श्व—भो॒ज॒सा॒⁠। स दु॑द्रवत्⁠। दु॒द्र॒व॒थ् स्वा॑हुतः⁠। स्वा॑हुत॒ इति॒ सु—आ॒हु॒तः॒⁠॥ सु॒ब्रह्मा॑ य॒ज्ञः⁠। सु॒ब्रह्मेति॑ सु—ब्रह्मा᳚⁠। य॒ज्ञः सु॒शमी᳚⁠। सु॒शमी॒ वसू॑नाम्⁠। सु॒शमीति॑ सु—शमी᳚⁠। [१३] वसू॑नाम् दे॒वम्⁠। दे॒वꣳ राधः॑⁠। राधो॒ जना॑नाम्⁠। जना॑ना॒मिति॒ जना॑नाम्⁠॥ उद॑स्य⁠। अ॒स्य॒ शो॒चिः⁠। शो॒चिर॑स्थात्⁠। अ॒स्था॒दा॒जुह्वा॑नस्य⁠। आ॒जुह्वा॑नस्य मी॒ढुषः॑⁠। आ॒जुह्वा॑न॒स्येत्या᳚—जुह्वा॑नस्य⁠। मी॒ढुष॒ इति॑ मी॒ढुषः॑⁠॥ उद् धू॒मासः॑⁠। धू॒मासो॑ अरु॒षासः॑⁠। अ॒रु॒षासो॑ दिवि॒स्पृशः॑⁠। दि॒वि॒स्पृशः॒ सम्⁠। दि॒वि॒स्पृश॒ इति॑ दिवि—स्पृशः॑⁠। सम॒ग्निम्⁠। अ॒ग्निमि॑न्धते⁠। इ॒न्ध॒ते॒ नरः॑⁠। नर॒ इति॒ नरः॑⁠॥ अग्ने॒ वाज॑स्य⁠। वाज॑स्य॒ गोम॑तः⁠। गोम॑त॒ ईशा॑नः⁠। गोम॑त॒ इति॒ गो—म॒तः॒⁠। ईशा॑नः सहसः⁠। स॒ह॒सो॒ य॒हो॒⁠। य॒हो॒ इति॑ यहो⁠॥ अ॒स्मे धे॑हि⁠। अ॒स्मे इत्य॒स्मे⁠। धे॒हि॒ जा॒त॒वे॒दः॒⁠। जा॒त॒वे॒दो॒ महि॑⁠। जा॒त॒वे॒द॒ इति॑ जात—वे॒दः॒⁠। महि॒ श्रवः॑⁠। श्रव॒ इति॒ श्रवः॑⁠॥ स इ॑धा॒नः⁠। इ॒धा॒नो वसुः॑⁠। वसु॑ष्क॒विः⁠। क॒विर॒ग्निः⁠। अ॒ग्निरी॒डेन्यः॑⁠। ई॒डेन्यो॑ गि॒रा⁠। गि॒रेति॑ गि॒रा⁠॥ रे॒वद॒स्मभ्य᳚म्⁠। अ॒स्मभ्य॑म् पुर्वणीक⁠। अ॒स्मभ्य॒मित्य॒स्म—भ्य॒म्⁠। पु॒र्व॒णी॒क॒ दी॒दि॒हि॒⁠। पु॒र्व॒णी॒केति॑ पुरु—अ॒नी॒क॒⁠। दी॒दि॒हीति॑ दीदिहि⁠॥ ख्‍ष॒पो रा॑जन्न्⁠। रा॒ज॒न्नु॒त⁠। उ॒त त्मना᳚⁠। त्मनाऽग्ने᳚⁠। अग्ने॒ वस्तोः᳚⁠। वस्तो॑रु॒त⁠। उ॒तोषसः॑⁠। उ॒षस॒ इत्यु॒षसः॑⁠॥ स ति॑ग्मजम्भ⁠। ति॒ग्म॒ज॒म्भ॒ र॒ख्‍षसः॑⁠। ति॒ग्म॒ज॒म्भेति॑ तिग्म—ज॒म्भ॒⁠। [१४] र॒ख्‍षसो॑ दह⁠। द॒ह॒ प्रति॑⁠। प्रतीति॒ प्रति॑⁠॥ आ ते᳚⁠। ते॒ अ॒ग्ने॒⁠। अ॒ग्न॒ इ॒धी॒म॒हि॒⁠। इ॒धी॒म॒हि॒ द्यु॒मन्त᳚म्⁠। द्यु॒मन्त॑म् देव⁠। द्यु॒मन्त॒मिति॑ द्यु—मन्त᳚म्⁠। दे॒वा॒जर᳚म्⁠। अ॒जर॒मित्य॒जर᳚म्⁠॥ यद्ध॑⁠। ह॒ स्या⁠। स्या ते᳚⁠। ते॒ पनी॑यसी⁠। पनी॑यसी स॒मित्⁠। स॒मिद् दी॒दय॑ति⁠। स॒मिदिति॑ सम्—इत्⁠। दी॒दय॑ति॒ द्यवि॑⁠। द्यवीष᳚म्⁠। इष॑ꣴ स्तो॒तृभ्यः॑⁠। स्तो॒तृभ्य॒ आ⁠। स्तो॒तृभ्य॒ इति॑ स्तो॒तृ—भ्यः॒⁠। आ भ॑र⁠। भ॒रेति॑ भर⁠॥ आ ते᳚⁠। ते॒ अ॒ग्ने॒⁠। अ॒ग्न॒ ऋ॒चा⁠। ऋ॒चा ह॒विः⁠। ह॒विः शु॒क्रस्य॑⁠। शु॒क्रस्य॑ ज्योतिषः⁠। ज्यो॒ति॒ष॒स्प॒ते॒⁠। प॒त॒ इति॑ पते⁠॥ सुश्च॑न्द्र॒ दस्म॑⁠। सुश्च॒न्द्रेति॒ सु—च॒न्द्र॒⁠। दस्म॒ विश्प॑ते⁠। विश्प॑ते॒ हव्य॑वाट्⁠। हव्य॑वा॒ट् तुभ्य᳚म्⁠। हव्य॑वा॒डिति॒ हव्य॑—वा॒ट्॒⁠। तुभ्य॑ꣳ हूयते⁠। हू॒य॒त॒ इष᳚म्⁠। इष॑ꣴ स्तो॒तृभ्यः॑⁠। स्तो॒तृभ्य॒ आ⁠। स्तो॒तृभ्य॒ इति॑ स्तो॒तृ—भ्यः॒⁠। आ भ॑र⁠। भ॒रेति॑ भर⁠॥ उ॒भे सु॑श्चन्द्र⁠। उ॒भे इत्यु॒भे⁠। सु॒श्च॒न्द्र॒ स॒र्पिषः॑⁠। सु॒श्च॒न्द्रेति॑ सु—च॒न्द्र॒⁠। स॒र्पिषो॒ दर्वी᳚⁠। दर्वी᳚ श्रीणीषे⁠। दर्वी॒ इति॒ दर्वी᳚⁠। श्री॒णी॒ष॒ आ॒सनि॑⁠। आ॒सनीत्या॒सनि॑⁠॥ उ॒तो नः॑⁠। उ॒तो इत्यु॒तो⁠। न॒ उत्⁠। उत् पु॑पूर्याः⁠। पु॒पू॒र्या॒ उ॒क्थेषु॑⁠। [१५] उ॒क्थेषु॑ शवसः⁠। श॒व॒स॒स्प॒ते॒⁠। प॒त॒ इष᳚म्⁠। इष॑ꣴ स्तो॒तृभ्यः॑⁠। स्तो॒तृभ्य॒ आ⁠। स्तो॒तृभ्य॒ इति॑ स्तो॒तृ—भ्यः॒⁠। आ भ॑र⁠। भ॒रेति॑ भर⁠॥ अग्ने॒ तम्⁠। तम॒द्य⁠। अ॒द्याश्व᳚म्⁠। अश्व॒म् न⁠। न स्तोमैः᳚⁠। स्तोमैः॒ क्रतु᳚म्⁠। क्रतु॒म् न⁠। न भ॒द्रम्⁠। भ॒द्रꣳ हृ॑दि॒स्पृश᳚म्⁠। हृ॒दि॒स्पृश॒मिति॑ हृदि—स्पृश᳚म्⁠॥ ऋ॒द्ध्यामा॑ ते⁠। त॒ ओहैः᳚⁠। ओहै॒रित्योहैः᳚⁠॥ अधा॒ हि⁠। ह्य॑ग्ने⁠। अ॒ग्ने॒ क्रतोः᳚⁠। क्रतो᳚र् भ॒द्रस्य॑⁠। भ॒द्रस्य॒ दख्‍ष॑स्य⁠। दख्‍ष॑स्य सा॒धोः⁠। सा॒धोरिति॑ सा॒धोः⁠॥ र॒थीर्‌ऋ॒तस्य॑⁠। ऋ॒तस्य॑ बृह॒तः⁠। बृ॒ह॒तो ब॒भूथ॑⁠। ब॒भूथेति॑ ब॒भूथ॑⁠॥ आ॒भिष्टे᳚⁠। ते॒ अ॒द्य⁠। अ॒द्य गी॒र्भिः⁠। गी॒र्भिर् गृ॒णन्तः॑⁠। गृ॒णन्तोऽग्ने᳚⁠। अग्ने॒ दाशे॑म⁠। दाशे॒मेति॒ दाशे॑म⁠॥ प्र ते᳚⁠। ते॒ दि॒वः⁠। दि॒वो न⁠। न स्त॑नयन्ति⁠। स्त॒न॒य॒न्ति॒ शुष्माः᳚⁠। शुष्मा॒ इति॒ शुष्माः᳚⁠॥ ए॒भिर् नः॑⁠। नो॒ अ॒र्कैः⁠। अ॒र्कैर् भव॑⁠। भवा॑ नः⁠। नो॒ अ॒र्वाङ्⁠। अ॒र्वाङ्‍ख् सुवः॑⁠। [१६] सुव॒र् न⁠। न ज्योतिः॑⁠। ज्योति॒रिति॒ ज्योतिः॑⁠॥ अग्ने॒ विश्वे॑भिः⁠। विश्वे॑भिः सु॒मनाः᳚⁠। सु॒मना॒ अनी॑कैः⁠। सु॒मना॒ इति॑ सु—मनाः᳚⁠। अनी॑कै॒रित्यनी॑कैः⁠॥ अ॒ग्निꣳ होता॑रम्⁠। होता॑रम् मन्ये⁠। म॒न्ये॒ दास्व॑न्तम्⁠। दास्व॑न्त॒व्ँवसोः᳚⁠। वसोः᳚ सू॒नुम्⁠। सू॒नुꣳ सह॑सः⁠। सह॑सो जा॒तवे॑दसम्⁠। जा॒तवे॑दस॒मिति॑ जा॒त—वे॒द॒स॒म्⁠॥ विप्र॒म् न⁠। न जा॒तवे॑दसम्⁠। जा॒तवे॑दस॒मिति॑ जा॒त—वे॒द॒स॒म्⁠॥ य ऊ॒र्द्ध्वया᳚⁠। ऊ॒र्द्ध्वया᳚ स्वद्ध्व॒रः⁠। स्व॒द्ध्व॒रो दे॒वः⁠। स्व॒द्ध्व॒र इति॑ सु—अ॒द्ध्व॒रः⁠। दे॒वो दे॒वाच्या᳚⁠। दे॒वाच्या॑ कृ॒पा⁠। कृ॒पेति॑ कृ॒पा⁠॥ घृ॒तस्य॒ विभ्रा᳚ष्टिम्⁠। विभ्रा᳚ष्टि॒मनु॑⁠। विभ्रा᳚ष्टि॒मिति॒ वि—भ्रा॒ष्टि॒म्⁠। अनु॑ शु॒क्रशो॑चिषः⁠। शु॒क्रशो॑चिष आ॒जुह्वा॑नस्य⁠। शु॒क्रशो॑चिष॒ इति॑ शु॒क्र—शो॒चि॒षः॒⁠। आ॒जुह्वा॑नस्य स॒र्पिषः॑⁠। आ॒जुह्वा॑न॒स्येत्या᳚—जुह्वा॑नस्य⁠। स॒र्पिष॒ इति॑ स॒र्पिषः॑⁠॥ अग्ने॒ त्वम्⁠। त्वम् नः॑⁠। नो॒ अन्त॑मः⁠। अन्त॑म॒ इत्यन्त॑मः⁠॥ उ॒त त्रा॒ता⁠। त्रा॒ता शि॒वः⁠। शि॒वो भ॑व⁠। भ॒व॒ व॒रू॒थ्यः॑⁠। व॒रू॒थ्य॑ इति॑ वरू॒थ्यः॑⁠॥ तम् त्वा᳚⁠। त्वा॒ शो॒चि॒ष्ठ॒⁠। शो॒चि॒ष्ठ॒ दी॒दि॒वः॒⁠। दी॒दि॒व॒ इति॑ दीदिवः⁠॥ सु॒म्नाय॑ नू॒नम्⁠। नू॒नमी॑महे⁠। ई॒म॒हे॒ सखि॑भ्यः⁠। सखि॑भ्य॒ इति॒ सखि॑—भ्यः॒⁠॥ वसु॑र॒ग्निः⁠। अ॒ग्निर् वसु॑श्रवाः⁠। वसु॑श्रवा॒ इति॒ वसु॑—श्र॒वाः॒⁠॥ अच्छा॑ नख्‍षि⁠। न॒ख्‍षि॒ द्यु॒मत्त॑मः⁠। द्यु॒मत्त॑मो र॒यिम्⁠। द्यु॒मत्त॑म॒ इति॑ द्यु॒मत्—त॒मः॒⁠। र॒यिम् दाः᳚⁠। दा॒ इति॑ दाः⁠॥ [१७] (जना॑ना॒ मङ्‍गि॑रस॒ इष॑ꣳ सु॒शमी॑ तिग्मजंभ पुपूर्या अ॒र्वाङ् वसु॑श्रवाः॒ पञ्च॑ च) ॥४॥
इ॒न्द्रा॒ग्निभ्या᳚म् त्वा⁠। इ॒न्द्रा॒ग्निभ्या॒मिती᳚न्द्रा॒ग्नि—भ्या॒म्⁠। त्वा॒ स॒युजा᳚⁠। स॒युजा॑ यु॒जा⁠। स॒युजेति॑ स—युजा᳚⁠। यु॒जा यु॑नज्मि⁠। यु॒न॒ज्म्या॒घा॒राभ्या᳚म्⁠। आ॒घा॒राभ्या॒म् तेज॑सा⁠। आ॒घा॒राभ्या॒मित्या᳚—घा॒राभ्या᳚म्⁠। तेज॑सा॒ वर्च॑सा⁠। वर्च॑सो॒क्थेभिः॑⁠। उ॒क्थेभिः॒ स्तोमे॑भिः⁠। स्तोमे॑भि॒श्छन्दो॑भिः⁠। छन्दो॑भी र॒य्यै⁠। छन्दो॑भि॒रिति॒ छन्दः॑—भिः॒⁠। र॒य्यै पोषा॑य⁠। पोषा॑य सजा॒ताना᳚म्⁠। स॒जा॒ताना᳚म् मद्ध्यम॒स्थेया॑य⁠। स॒जा॒ताना॒मिति॑ स—जा॒ताना᳚म्⁠। म॒द्ध्य॒म॒स्थेया॑य॒ मया᳚⁠। म॒द्ध्य॒म॒स्थेया॒येति॑ मद्ध्यम—स्थेया॑य⁠। मया᳚ त्वा⁠। त्वा॒ स॒युजा᳚⁠। स॒युजा॑ यु॒जा⁠। स॒युजेति॑ स—युजा᳚⁠। यु॒जा यु॑नज्मि⁠। यु॒न॒ज्म्य॒म्बा⁠। अ॒म्बा दु॒ला⁠। दु॒ला नि॑त॒त्निः⁠। नि॒त॒त्निर॒भ्रय॑न्ती⁠। नि॒त॒त्निरिति॑ नि—त॒त्निः⁠। अ॒भ्रय॑न्ती मे॒घय॑न्ती⁠। मे॒घय॑न्ती व॒र्॒‌षय॑न्ती⁠। व॒र्॒‌षय॑न्ती चुपु॒णीका᳚⁠। चु॒पु॒णीका॒ नाम॑⁠। नामा॑सि⁠। अ॒सि॒ प्र॒जाप॑तिना⁠। प्र॒जाप॑तिना त्वा⁠। प्र॒जाप॑ति॒नेति॑ प्र॒जा—प॒ति॒ना॒⁠। त्वा॒ विश्वा॑भिः⁠। विश्वा॑भिर् धी॒भिः⁠। धी॒भिरुप॑⁠। उप॑ दधामि⁠। द॒धा॒मि॒ पृ॒थि॒वी⁠। पृ॒थि॒व्यु॑दपु॒रम्⁠। उ॒द॒पु॒रमन्ने॑न⁠। उ॒द॒पु॒रमित्यु॑द—पु॒रम्⁠। अन्ने॑न वि॒ष्टा⁠। वि॒ष्टा म॑नु॒ष्याः᳚⁠। म॒नु॒ष्या᳚स्ते⁠। ते॒ गो॒प्तारः॑⁠। गो॒प्तारो॒ऽग्निः⁠। अ॒ग्निर् विय॑त्तः⁠। विय॑त्तोऽस्याम्⁠। विय॑त्त॒ इति॒ वि—य॒त्तः॒⁠। अ॒स्या॒म् ताम्⁠। ताम॒हम्⁠। अ॒हम् प्र⁠। प्र प॑द्ये⁠। प॒द्ये॒ सा⁠। सा मे᳚⁠। [१८] मे॒ शर्म॑⁠। शर्म॑ च⁠। च॒ वर्म॑⁠। वर्म॑ च⁠। चा॒स्तु॒⁠। अ॒स्त्वधि॑द्यौः⁠। अधि॑द्यौर॒न्तरि॑ख्‍षम्⁠। अधि॑द्यौ॒रित्यधि॑—द्यौः॒⁠। अ॒न्तरि॑ख्‍ष॒म् ब्रह्म॑णा⁠। ब्रह्म॑णा वि॒ष्टा⁠। वि॒ष्टा म॒रुतः॑⁠। म॒रुत॑स्ते⁠। ते॒ गो॒प्तारः॑⁠। गो॒प्तारो॑ वा॒युः⁠। वा॒युर् विय॑त्तः⁠। विय॑त्तोऽस्याम्⁠। विय॑त्त॒ इति॒ वि—य॒त्तः॒⁠। अ॒स्या॒म् ताम्⁠। ताम॒हम्⁠। अ॒हम् प्र⁠। प्र प॑द्ये⁠। प॒द्ये॒ सा⁠। सा मे᳚⁠। मे॒ शर्म॑⁠। शर्म॑ च⁠। च॒ वर्म॑⁠। वर्म॑ च⁠। चा॒स्तु॒⁠। अ॒स्तु॒ द्यौः⁠। द्यौरप॑राजिता⁠। अप॑राजिता॒ऽमृते॑न⁠। अप॑राजि॒तेत्यप॑रा—जि॒ता॒⁠। अ॒मृते॑न वि॒ष्टा⁠। वि॒ष्टाऽऽदि॒त्याः⁠। आ॒दि॒त्यास्ते᳚⁠। ते॒ गो॒प्तारः॑⁠। गो॒प्तारः॒ सूर्यः॑⁠। सूर्यो॒ विय॑त्तः⁠। विय॑त्तोऽस्याम्⁠। विय॑त्त॒ इति॒ वि—य॒त्तः॒⁠। अ॒स्या॒म् ताम्⁠। ताम॒हम्⁠। अ॒हम् प्र⁠। प्र प॑द्ये⁠। प॒द्ये॒ सा⁠। सा मे᳚⁠। मे॒ शर्म॑⁠। शर्म॑ च⁠। च॒ वर्म॑⁠। वर्म॑ च⁠। चा॒स्तु॒⁠। अ॒स्त्वित्य॑स्तु⁠॥ [१९] (सा ऽष्टाच॑त्वारिꣳशच्च) ॥५॥
बृह॒स्पति॑स्त्वा⁠। त्वा॒ सा॒द॒य॒तु॒⁠। सा॒द॒य॒तु॒ पृ॒थि॒व्याः⁠। पृ॒थि॒व्याः पृ॒ष्ठे⁠। पृ॒ष्ठे ज्योति॑ष्मतीम्⁠। ज्योति॑ष्मती॒व्ँविश्व॑स्मै⁠। विश्व॑स्मै प्रा॒णाय॑⁠। प्रा॒णाया॑पा॒नाय॑⁠। प्रा॒णायेति॑ प्र—अ॒नाय॑⁠। अ॒पा॒नाय॒ विश्व᳚म्⁠। अ॒पा॒नायेत्य॑प—अ॒नाय॑⁠। विश्वं॒ ज्योतिः॑⁠। ज्योति॑र् यच्छ⁠। य॒च्छा॒ग्निः⁠। अ॒ग्निस्ते᳚⁠। तेऽधि॑पतिः⁠। अधि॑पतिर् वि॒श्वक॑र्मा⁠। अधि॑पति॒रित्यधि॑—प॒तिः॒⁠। वि॒श्वक॑र्मा त्वा⁠। वि॒श्वक॒र्मेति॑ वि॒श्व—क॒र्मा॒⁠। त्वा॒ सा॒द॒य॒तु॒⁠। सा॒द॒य॒त्व॒न्तरि॑ख्‍षस्य⁠। अ॒न्तरि॑ख्‍षस्य पृ॒ष्ठे⁠। पृ॒ष्ठे ज्योति॑ष्मतीम्⁠। ज्योति॑ष्मती॒व्ँविश्व॑स्मै⁠। विश्व॑स्मै प्रा॒णाय॑⁠। प्रा॒णाया॑पा॒नाय॑⁠। प्रा॒णायेति॑ प्र—अ॒नाय॑⁠। अ॒पा॒नाय॒ विश्व᳚म्⁠। अ॒पा॒नायेत्य॑प—अ॒नाय॑⁠। विश्व॒म् ज्योतिः॑⁠। ज्योति॑र् यच्छ⁠। य॒च्छ॒ वा॒युः⁠। वा॒युस्ते᳚⁠। तेऽधि॑पतिः⁠। अधि॑पतिः प्र॒जाप॑तिः⁠। अधि॑पति॒रित्यधि॑—प॒तिः॒⁠। प्र॒जाप॑तिस्त्वा⁠। प्र॒जाप॑ति॒रिति॑ प्र॒जा—प॒तिः॒⁠। त्वा॒ सा॒द॒य॒तु॒⁠। सा॒द॒य॒तु॒ दि॒वः⁠। दि॒वः पृ॒ष्ठे⁠। पृ॒ष्ठे ज्योति॑ष्मतीम्⁠। ज्योति॑ष्मती॒व्ँविश्व॑स्मै⁠। विश्व॑स्मै प्रा॒णाय॑⁠। प्रा॒णाया॑पा॒नाय॑⁠। प्रा॒णायेति॑ प्र—अ॒नाय॑⁠। अ॒पा॒नाय॒ विश्व᳚म्⁠। अ॒पा॒नायेत्य॑प—अ॒नाय॑⁠। विश्व॒म् ज्योतिः॑⁠। ज्योति॑र् यच्छ⁠। य॒च्छ॒ प॒र॒मे॒ष्ठी⁠। प॒र॒मे॒ष्ठी ते᳚⁠। तेऽधि॑पतिः⁠। अधि॑पतिः पुरोवात॒सनिः॑⁠। अधि॑पति॒रित्यधि॑—प॒तिः॒⁠। पु॒रो॒वा॒त॒सनि॑रसि⁠। पु॒रो॒वा॒त॒सनि॒रिति॑ पुरोवात—सनिः॑⁠। अ॒स्य॒भ्र॒सनिः॑⁠। अ॒भ्र॒सनि॑रसि⁠। अ॒भ्र॒सनि॒रित्य॑भ्र—सनिः॑⁠। अ॒सि॒ वि॒द्यु॒थ्सनिः॑⁠। वि॒द्यु॒थ्सनि॑रसि⁠। वि॒द्यु॒थ्सनि॒रिति॑ विद्युत्—सनिः॑⁠। [२०] अ॒सि॒ स्त॒न॒यि॒त्नु॒सनिः॑⁠। स्त॒न॒यि॒त्नु॒सनि॑रसि⁠। स्त॒न॒यि॒त्नु॒सनि॒रिति॑ स्तनयित्नु—सनिः॑⁠। अ॒सि॒ वृ॒ष्टि॒सनिः॑⁠। वृ॒ष्टि॒सनि॑रसि⁠। वृ॒ष्टि॒सनि॒रिति॑ वृष्टि—सनिः॑⁠। अ॒स्य॒ग्नेः⁠। अ॒ग्नेर् यानी᳚⁠। यान्य॑सि⁠। अ॒सि॒ दे॒वाना᳚म्⁠। दे॒वाना॑मग्ने॒यानी᳚⁠। अ॒ग्ने॒यान्य॑सि⁠। अ॒ग्ने॒यानीत्य॑ग्ने—यानी᳚⁠। अ॒सि॒ वा॒योः⁠। वा॒योर् यानी᳚⁠। यान्य॑सि⁠। अ॒सि॒ दे॒वाना᳚म्⁠। दे॒वाना᳚व्ँवायो॒यानी᳚⁠। वा॒यो॒यान्य॑सि⁠। वा॒यो॒यानीति॑ वायो—यानी᳚⁠। अ॒स्य॒न्तरि॑ख्‍षस्य⁠। अ॒न्तरि॑ख्‍षस्य॒ यानी᳚⁠। यान्य॑सि⁠। अ॒सि॒ दे॒वाना᳚म्⁠। दे॒वाना॑मन्तरिख्‍ष॒यानी᳚⁠। अ॒न्त॒रि॒ख्‍ष॒यान्य॑सि⁠। अ॒न्त॒रि॒ख्‍ष॒यानीत्य॑न्तरिख्‍ष—यानी᳚⁠। अ॒स्य॒न्तरि॑ख्‍षम्⁠। अ॒न्तरि॑ख्‍षमसि⁠। अ॒स्य॒न्तरि॑ख्‍षाय⁠। अ॒न्तरि॑ख्‍षाय त्वा⁠। त्वा॒ स॒लि॒लाय॑⁠। स॒लि॒लाय॑ त्वा⁠। त्वा॒ सर्णी॑काय⁠। सर्णी॑काय त्वा⁠। त्वा॒ सती॑काय⁠। सती॑काय त्वा⁠। सती॑का॒येति॒ स—ती॒का॒य॒⁠। त्वा॒ केता॑य⁠। केता॑य त्वा⁠। त्वा॒ प्रचे॑तसे⁠। प्रचे॑तसे त्वा⁠। प्रचे॑तस॒ इति॒ प्र—चे॒त॒से॒⁠। त्वा॒ विव॑स्वते⁠। विव॑स्वते त्वा⁠। त्वा॒ दि॒वः⁠। दि॒वस्त्वा᳚⁠। त्वा॒ ज्योति॑षे⁠। ज्योति॑ष आदि॒त्येभ्यः॑⁠। आ॒दि॒त्येभ्य॑स्त्वा⁠। त्व॒र्चे⁠। ऋ॒चे त्वा᳚⁠। त्वा॒ रु॒चे⁠। रु॒चे त्वा᳚⁠। त्वा॒ द्यु॒ते⁠। द्यु॒ते त्वा᳚⁠। त्वा॒ भा॒से⁠। भा॒से त्वा᳚⁠। त्वा॒ ज्योति॑षे⁠। ज्योति॑षे त्वा⁠। त्वा॒ य॒शो॒दाम्⁠। य॒शो॒दाम् त्वा᳚⁠। य॒शो॒दामिति॑ यशः—दाम्⁠। त्वा॒ यश॑सि⁠। यश॑सि तेजो॒दाम्⁠। ते॒जो॒दां त्वा᳚⁠। ते॒जो॒दामिति॑ तेजः—दाम्⁠। त्वा॒ तेज॑सि⁠। तेज॑सि पयो॒दाम्⁠। प॒यो॒दाम् त्वा᳚⁠। प॒यो॒दामिति॑ पयः—दाम्⁠। त्वा॒ पय॑सि⁠। पय॑सि वर्चो॒दाम्⁠। व॒र्चो॒दाम् त्वा᳚⁠। व॒र्चो॒दामिति॑ वर्चः—दाम्⁠। त्वा॒ वर्च॑सि⁠। वर्च॑सि द्रविणो॒दाम्⁠। द्र॒वि॒णो॒दाम् त्वा᳚⁠। द्र॒वि॒णो॒दामिति॑ द्रविणः—दाम्⁠। त्वा॒ द्रवि॑णे⁠। द्रवि॑णे सादयामि⁠। सा॒द॒या॒मि॒ तेन॑⁠। तेनर्‌षि॑णा⁠। ऋषि॑णा॒ तेन॑⁠। तेन॒ ब्रह्म॑णा⁠। ब्रह्म॑णा॒ तया᳚⁠। तया॑ दे॒वत॑या⁠। दे॒वत॑याऽङ्‍गिर॒स्वत्⁠। अ॒ङ्‍गि॒र॒स्वद् ध्रु॒वा⁠। ध्रु॒वा सी॑द⁠। सी॒देति॑ सीद⁠॥ [२१] (वि॒द्यु॒थ्सनि॑ र्द्यु॒ते त्वै का॒न्नत्रि॒ꣳ॒शच्च॑) ॥६॥
भू॒य॒स्कृद॑सि⁠। भू॒य॒स्कृदिति॑ भूयः—कृत्⁠। अ॒सि॒ व॒रि॒व॒स्कृत्⁠। व॒रि॒व॒स्कृद॑सि⁠। व॒रि॒व॒स्कृदिति॑ वरिवः—कृत्⁠। अ॒सि॒ प्राची᳚⁠। प्राच्य॑सि⁠। अ॒स्यू॒र्द्ध्वा⁠। ऊ॒र्द्ध्वाऽसि॑⁠। अ॒स्य॒न्त॒रि॒ख्‍ष॒सत्⁠। अ॒न्त॒रि॒ख्‍ष॒सद॑सि⁠। अ॒न्त॒रि॒ख्‍ष॒सदित्य॑न्तरिख्‍ष—सत्⁠। अ॒स्य॒न्तरि॑ख्‍षे⁠। अ॒न्तरि॑ख्‍षे सीद⁠। सी॒दा॒फ्सु॒षत्⁠। अ॒फ्सु॒षद॑सि⁠। अ॒फ्सु॒षदित्य॑फ्सु—सत्⁠। अ॒सि॒ श्ये॒न॒सत्⁠। श्ये॒न॒सद॑सि⁠। श्ये॒न॒सदिति॑ श्येन—सत्⁠। अ॒सि॒ गृ॒द्ध्र॒सत्⁠। गृ॒द्ध्र॒सद॑सि⁠। गृ॒द्ध्र॒सदिति॑ गृद्ध्र—सत्⁠। अ॒सि॒ सु॒प॒र्ण॒सत्⁠। सु॒प॒र्ण॒सद॑सि⁠। सु॒प॒र्ण॒सदिति॑ सुपर्ण—सत्⁠। अ॒सि॒ ना॒क॒सत्⁠। ना॒क॒सद॑सि⁠। ना॒क॒सदिति॑ नाक—सत्⁠। अ॒सि॒ पृ॒थि॒व्याः⁠। पृ॒थि॒व्यास्त्वा᳚⁠। त्वा॒ द्रवि॑णे⁠। द्रवि॑णे सादयामि⁠। सा॒द॒या॒म्य॒न्तरिख्‍ष॑स्य⁠। अ॒न्तरि॑ख्‍षस्य त्वा⁠। त्वा॒ द्रवि॑णे⁠। द्रवि॑णे सादयामि⁠। सा॒द॒या॒मि॒ दि॒वः⁠। दि॒वस्त्वा᳚⁠। त्वा॒ द्रवि॑णे⁠। द्रवि॑णे सादयामि⁠। सा॒द॒या॒मि॒ दि॒शाम्⁠। दि॒शाम् त्वा᳚⁠। त्वा॒ द्रवि॑णे⁠। द्रवि॑णे सादयामि⁠। सा॒द॒या॒मि॒ द्र॒वि॒णो॒दाम्⁠। द्र॒वि॒णो॒दाम् त्वा᳚⁠। द्र॒वि॒णो॒दामिति॑ द्रविणः—दाम्⁠। त्वा॒ द्रवि॑णे⁠। द्रवि॑णे सादयामि⁠। सा॒द॒या॒मि॒ प्रा॒णम्⁠। प्रा॒णम् मे᳚⁠। प्रा॒णमिति॑ प्र—अ॒नम्⁠। मे॒ पा॒हि॒⁠। पा॒ह्य॒पा॒नम्⁠। अ॒पा॒नम् मे᳚⁠। अ॒पा॒नमित्य॑प—अ॒नम्⁠। मे॒ पा॒हि॒⁠। पा॒हि॒ व्या॒नम्⁠। व्या॒नम् मे᳚⁠। व्या॒नमिति॑ वि—अ॒नम्⁠। मे॒ पा॒हि॒⁠। [२२] पा॒ह्यायुः॑⁠। आयु॑र् मे⁠। मे॒ पा॒हि॒⁠। पा॒हि॒ वि॒श्वायुः॑⁠। वि॒श्वायु॑र् मे⁠। वि॒श्वायु॒रिति॑ वि॒श्व—आ॒युः॒⁠। मे॒ पा॒हि॒⁠। पा॒हि॒ स॒र्वायुः॑⁠। स॒र्वायु॑र् मे⁠। स॒र्वायु॒रिति॑ स॒र्व—आ॒युः॒⁠। मे॒ पा॒हि॒⁠। पा॒ह्यग्ने᳚⁠। अग्ने॒ यत्⁠। यत् ते᳚⁠। ते॒ पर᳚म्⁠। पर॒ꣳ॒ हृत्⁠। हृन् नाम॑⁠। नाम॒ तौ⁠। तावा⁠। एहि॑⁠। इ॒हि॒ सम्⁠। सꣳ र॑भावहै⁠। र॒भा॒व॒है॒ पाञ्च॑जन्येषु⁠। पाञ्च॑जन्ये॒ष्वपि॑⁠। पाञ्च॑जन्ये॒ष्विति॒ पाञ्च॑—ज॒न्ये॒षु॒⁠। अप्ये॑धि⁠। ए॒द्ध्य॒ग्ने॒⁠। अ॒ग्ने॒ यावाः᳚⁠। यावा॒ अया॑वाः⁠। अया॑वा॒ एवाः᳚⁠। एवा॒ ऊमाः᳚⁠। ऊमाः॒ सब्दः॑⁠। सब्दः॒ सग॑रः⁠। सग॑रः सु॒मेकः॑⁠। सु॒मेक॒ इति॑ सु—मेकः॑⁠॥ [२३] (व्या॒नं मे॒ द्वात्रि॑ꣳशच्च) ॥७॥
अ॒ग्निना॑ विश्वा॒षाट्⁠। वि॒श्वा॒षाट्थ् सूर्ये॑ण⁠। सूर्ये॑ण स्व॒राट्⁠। स्व॒राट् क्रत्वा᳚⁠। स्व॒राडिति॑ स्व—राट्⁠। क्रत्वा॒ शची॒पतिः॑⁠। शची॒पति॑र्‌ऋष॒भेण॑⁠। ऋ॒ष॒भेण॒ त्वष्टा᳚⁠। त्वष्टा॑ य॒ज्ञेन॑⁠। य॒ज्ञेन॑ म॒घवा॑न्⁠। म॒घवा॒न् दख्‍षि॑णया⁠। म॒घवा॒निति॑ म॒घ—वा॒न्॒⁠। दख्‍षि॑णया सुव॒र्गः⁠। सु॒व॒र्गो म॒न्युना᳚⁠। सु॒व॒र्ग इति॑ सुवः—गः⁠। म॒न्युना॑ वृत्र॒हा⁠। वृ॒त्र॒हा सौहा᳚र्द्येन⁠। वृ॒त्र॒हेति॑ वृत्र—हा⁠। सौहा᳚र्द्येन तनू॒धाः⁠। त॒नू॒धा अन्ने॑न⁠। त॒नू॒धा इति॑ तनू—धाः⁠। अन्ने॑न॒ गयः॑⁠। गयः॑ पृथि॒व्या⁠। पृ॒थि॒व्याऽस॑नोत्⁠। अ॒स॒नो॒दृ॒ग्भिः⁠। ऋ॒ग्भिर॑न्ना॒दः⁠। ऋ॒ग्भिरित्यृ॑क्—भिः⁠। अ॒न्ना॒दो व॑षट्का॒रेण॑⁠। अ॒न्ना॒द इत्य॑न्न—अ॒दः⁠। व॒ष॒ट्का॒रेण॒र्द्धः⁠। व॒ष॒ट्का॒रेणेति॑ वषट्—का॒रेण॑⁠। ऋ॒द्धः साम्ना᳚⁠। साम्ना॑ तनू॒पाः⁠। त॒नू॒पा वि॒राजा᳚⁠। त॒नू॒पा इति॑ तनू—पाः⁠। वि॒राजा॒ ज्योति॑ष्मान्⁠। वि॒राजेति॑ वि—राजा᳚⁠। ज्योति॑ष्मा॒न् ब्रह्म॑णा⁠। ब्रह्म॑णा सोम॒पाः⁠। सो॒म॒पा गोभिः॑⁠। सो॒म॒पा इति॑ सोम—पाः⁠। गोभि॑र् य॒ज्ञम्⁠। य॒ज्ञम् दा॑धार⁠। दा॒धा॒र॒ ख्‍ष॒त्रेण॑⁠। ख्‍ष॒त्रेण॑ मनु॒ष्या॑न्⁠। म॒नु॒ष्या॑नश्वे॑न⁠। अश्वे॑न च⁠। च॒ रथे॑न⁠। रथे॑न च⁠। च॒ व॒ज्री⁠। व॒ज्‌र्‌यृ॑तुभिः॑⁠। ऋ॒तुभिः॑ प्र॒भुः⁠। ऋ॒तुभि॒रित्यृ॒तु—भिः॒⁠। प्र॒भुः स॑व्ँवथ्स॒रेण॑⁠। प्र॒भुरिति॑ प्र—भुः⁠। स॒व्ँव॒थ्स॒रेण॑ परि॒भूः⁠। स॒व्ँव॒थ्स॒रेणेति॑ सं—व॒थ्स॒रेण॑⁠। प॒रि॒भूस्तप॑सा⁠। प॒रि॒भूरिति॑ परि—भूः⁠। तप॒साऽना॑धृष्टः⁠। अना॑धृष्टः॒ सूर्यः॑⁠। अना॑धृष्ट॒ इत्यना᳚—धृ॒ष्टः॒⁠। सूर्यः॒ सन्न्⁠। सन् त॒नूभिः॑⁠। त॒नूभि॒रिति॑ त॒नूभिः॑⁠॥ [२४] (अ॒ग्नि रैका॒न्न प॑ञ्चा॒शत्) ॥८॥
प्र॒जाप॑ति॒र् मन॑सा⁠। प्र॒जाप॑ति॒रिति॑ प्र॒जा—प॒तिः॒⁠। मन॒साऽन्धः॑⁠। अन्धोऽच्छे॑तः⁠। अच्छे॑तो धा॒ता⁠। अच्छे॑त॒ इत्यच्छ॑—इ॒तः॒⁠। धा॒ता दी॒ख्‍षाया᳚म्⁠। दी॒ख्‍षाया॑ꣳ सवि॒ता⁠। स॒वि॒ता भृ॒त्याम्⁠। भृ॒त्याम् पू॒षा⁠। पू॒षा सो॑म॒क्रय॑ण्याम्⁠। सो॒म॒क्रय॑ण्या॒व्ँवरु॑णः⁠। सो॒म॒क्रय॑ण्या॒मिति॑ सोम—क्रय॑ण्याम्⁠। वरु॑ण॒ उप॑नद्धः⁠। उप॑न॒द्धोऽसु॑रः⁠। उप॑नद्ध॒ इत्युप॑—न॒द्धः॒⁠। असु॑रः क्री॒यमा॑णः⁠। क्री॒यमा॑णो मि॒त्रः⁠। मि॒त्रः क्री॒तः⁠। क्री॒तः शि॑पिवि॒ष्टः⁠। शि॒पि॒वि॒ष्ट आसा॑दितः⁠। शि॒पि॒वि॒ष्ट इति॑ शिपि—वि॒ष्टः⁠। आसा॑दितो न॒रन्धि॑षः⁠। आसा॑दित॒ इत्या—सा॒दि॒तः॒⁠। न॒रन्धि॑षः प्रो॒ह्यमा॑णः⁠। प्रो॒ह्यमा॒णोऽधि॑पतिः⁠। प्रो॒ह्यमा॑ण॒ इति॑ प्र—उ॒ह्यमा॑नः⁠। अधि॑पति॒राग॑तः⁠। अधि॑पति॒रित्यधि॑—प॒तिः॒⁠। आग॑तः प्र॒जाप॑तिः⁠। आग॑त॒ इत्या—ग॒तः॒⁠। प्र॒जाप॑तिः प्रणी॒यमा॑नः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒णी॒यमा॑नो॒ऽग्निः⁠। प्र॒णी॒यमा॑न॒ इति॑ प्र—नी॒यमा॑नः⁠। अ॒ग्निराग्नी᳚द्ध्रे⁠। आग्नी᳚द्ध्रे॒ बृह॒स्पतिः॑⁠। आग्नी᳚द्ध्र॒ इत्याग्नि॑—इ॒द्ध्रे॒⁠। बृह॒स्पति॒राग्नी᳚द्ध्रात्⁠। आग्नी᳚द्ध्रात् प्रणी॒यमा॑नः⁠। आग्नी᳚द्ध्रा॒दित्याग्नि॑—इ॒द्ध्रा॒त्॒⁠। प्र॒णी॒यमा॑न॒ इन्द्रः॑⁠। प्र॒णी॒यमा॑न॒ इति॑ प्र—नी॒यमा॑नः⁠। इन्द्रो॑ हवि॒र्द्धाने᳚⁠। ह॒वि॒र्द्धानेऽदि॑तिः⁠। ह॒वि॒र्द्धान॒ इति॑ हविः—धाने᳚⁠। अदि॑ति॒रासा॑दितः⁠। आसा॑दितो॒ विष्णुः॑⁠। आसा॑दित॒ इत्या—सा॒दि॒तः॒⁠। विष्णु॑रुपावह्रि॒यमा॑णः⁠। उ॒पा॒व॒ह्रि॒यमा॒णोऽथ॑र्वा⁠। उ॒पा॒व॒ह्रि॒यमा॑ण॒ इत्यु॑प—अ॒व॒ह्रि॒यमा॑णः⁠। अथ॒र्वोपो᳚त्तः⁠। उपो᳚त्तो य॒मः⁠। उपो᳚त्त॒ इत्युप॑—उ॒त्तः॒⁠। य॒मो॑ऽभिषु॑तः⁠। अ॒भिषु॑तोऽपूत॒पाः⁠। अ॒भि॑षुत॒ इत्य॒भि—सु॒तः॒⁠। अ॒पू॒त॒पा आ॑धू॒यमा॑नः⁠। अ॒पू॒त॒पा इत्य॑पूत—पाः⁠। आ॒धू॒यमा॑नो वा॒युः⁠। आ॒धू॒यमा॑न॒ इत्या᳚—धू॒यमा॑नः⁠। वा॒युः पू॒यमा॑नः⁠। पू॒यमा॑नो मि॒त्रः⁠। मि॒त्रः ख्‍षी॑र॒श्रीः⁠। ख्‍षी॒र॒श्रीर् म॒न्थी⁠। ख्‍षी॒र॒श्रीरिति॑ ख्‍षीर—श्रीः⁠। म॒न्थी स॑क्तु॒श्रीः⁠। स॒क्तु॒श्रीर् वै᳚श्वदे॒वः⁠। स॒क्तु॒श्रीरिति॑ सक्तु—श्रीः⁠। वै॒श्व॒दे॒व उन्नी॑तः⁠। वै॒श्व॒दे॒व इति॑ वैश्व—दे॒वः⁠। उन्नी॑तो रु॒द्रः⁠। उन्नी॑त॒ इत्युत्—नी॒तः॒⁠। रु॒द्र आहु॑तः⁠। आहु॑तो वा॒युः⁠। आहु॑त॒ इत्या—हु॒तः॒⁠। वा॒युरावृ॑त्तः⁠। आवृ॑त्तो नृ॒चख्‍षाः᳚⁠। आवृ॑त्त॒ इत्या—वृ॒त्तः॒⁠। नृ॒चख्‍षाः॒ प्रति॑ख्यातः⁠। नृ॒चख्‍षा॒ इति॑ नृ—चख्‍षाः᳚⁠। प्रति॑ख्यातो भ॒ख्‍षः⁠। प्रति॑ख्यात॒ इति॒ प्रति॑—ख्या॒तः॒⁠। भ॒ख्‍ष आग॑तः⁠। आग॑तः पितृ॒णाम्⁠। आग॑त॒ इत्या—ग॒तः॒⁠। पि॒तृ॒णाम् ना॑राश॒ꣳ॒सः⁠। ना॒रा॒श॒ꣳ॒सोऽसुः॑⁠। असु॒रात्तः॑⁠। आत्तः॒ सिन्धुः॑⁠। सिन्धु॑रवभृ॒थम्⁠। अ॒व॒भृ॒थम॑वप्र॒यन्न्⁠। अ॒व॒भृ॒थमित्य॑व—भृ॒थम्⁠। अ॒व॒प्र॒यन्थ् स॑मु॒द्रः⁠। अ॒व॒प्र॒यन्नित्य॑व—प्र॒यन्न्⁠। स॒मु॒द्रोऽव॑गतः⁠। अव॑गतः सलि॒लः⁠। अव॑गत॒ इत्यव॑—ग॒तः॒⁠। स॒लि॒लः प्रप्लु॑तः⁠। प्रप्लु॑तः॒ सुवः॑⁠। प्रप्लु॑त॒ इति॒ प्र—प्लु॒तः॒⁠। सुव॑रु॒दृच᳚म्⁠। उ॒दृच॑म् ग॒तः⁠। उ॒दृच॒मित्यु॑त्—ऋच᳚म्⁠। ग॒त इति॑ ग॒तः⁠॥ [२५] (रु॒द्र एक॑विꣳशतिश्च) ॥९॥
कृत्ति॑का॒ नख्‍ष॑त्रम्⁠। नख्‍ष॑त्रम॒ग्निः⁠। अ॒ग्निर् दे॒वता᳚⁠। दे॒वता॒ऽग्नेः⁠। अ॒ग्ने रुचः॑⁠। रुचः॑ स्थ⁠। स्थ॒ प्र॒जाप॑तेः⁠। प्र॒जाप॑तेर् धा॒तुः⁠। प्र॒जाप॑ते॒रिति॑ प्र॒जा—प॒तेः॒⁠। धा॒तुः सोम॑स्य⁠। सोम॑स्य॒र्चे⁠। ऋ॒चे त्वा᳚⁠। त्वा॒ रु॒चे⁠। रु॒चे त्वा᳚⁠। त्वा॒ द्यु॒ते⁠। द्यु॒ते त्वा᳚⁠। त्वा॒ भा॒से⁠। भा॒से त्वा᳚⁠। त्वा॒ ज्योति॑षे⁠। ज्योति॑षे त्वा⁠। त्वा॒ रो॒हि॒णी⁠। रो॒हि॒णी नख्‍ष॑त्रम्⁠। नख्‍ष॑त्रम् प्र॒जाप॑तिः⁠। प्र॒जाप॑तिर् दे॒वता᳚⁠। प्र॒जाप॑ति॒रिति॑ प्र॒जा—प॒तिः॒⁠। दे॒वता॑ मृगशी॒र्॒‌षम्⁠। मृ॒ग॒शी॒र्॒‌षम् नख्‍ष॑त्रम्⁠। मृ॒ग॒शी॒र्॒‌षमिति॑ मृग—शी॒र्॒‌षम्⁠। नख्‍ष॑त्र॒ꣳ॒ सोमः॑⁠। सोमो॑ दे॒वता᳚⁠। दे॒वता॒ऽऽर्द्रा⁠। आ॒र्द्रा नख्‍ष॑त्रम्⁠। नख्‍ष॑त्रꣳ रु॒द्रः⁠। रु॒द्रो दे॒वता᳚⁠। दे॒वता॒ पुन॑र्वसू⁠। पुन॑र्वसू॒ नख्‍ष॑त्रम्⁠। पुन॑र्वसू॒ इति॒ पुनः॑—व॒सू॒⁠। नख्‍ष॑त्र॒मदि॑तिः⁠। अदि॑तिर् दे॒वता᳚⁠। दे॒वता॑ ति॒ष्यः॑⁠। ति॒ष्यो॑ नख्‍ष॑त्रम्⁠। नख्‍ष॑त्र॒म् बृह॒स्पतिः॑⁠। बृह॒स्पति॑र् दे॒वता᳚⁠। दे॒वता᳚ऽऽश्रे॒षाः⁠। आ॒श्रे॒षा नख्‍ष॑त्रम्⁠। आ॒श्रे॒षा इत्या᳚—श्रे॒षाः⁠। नख्‍ष॑त्रꣳ स॒र्पाः⁠। स॒र्पा दे॒वता᳚⁠। दे॒वता॑ म॒घाः⁠। म॒घा नख्‍ष॑त्रम्⁠। नख्‍ष॑त्रम् पि॒तरः॑⁠। पि॒तरो॑ दे॒वता᳚⁠। दे॒वता॒ फल्गु॑नी⁠। फल्गु॑नी॒ नख्‍ष॑त्रम्⁠। फल्गु॑नी॒ इति॒ फल्गु॑नी⁠। नख्‍ष॑त्रमर्य॒मा⁠। [२६] अ॒र्य॒मा दे॒वता᳚⁠। दे॒वता॒ फल्गु॑नी⁠। फल्गु॑नी॒ नख्‍ष॑त्रम्⁠। फल्गु॑नी॒ इति॒ फल्गु॑नी⁠। नख्‍ष॑त्र॒म् भगः॑⁠। भगो॑ दे॒वता᳚⁠। दे॒वता॒ हस्तः॑⁠। हस्तो॒ नख्‍ष॑त्रम्⁠। नख्‍ष॑त्रꣳ सवि॒ता⁠। स॒वि॒ता दे॒वता᳚⁠। दे॒वता॑ चि॒त्रा⁠। चि॒त्रा नख्‍ष॑त्रम्⁠। नख्‍ष॑त्र॒मिन्द्रः॑⁠। इन्द्रो॑ दे॒वता᳚⁠। दे॒वता᳚ स्वा॒ती⁠। स्वा॒ती नख्‍ष॑त्रम्⁠। नख्‍ष॑त्रव्ँवा॒युः⁠। वा॒युर् दे॒वता᳚⁠। दे॒वता॒ विशा॑खे⁠। विशा॑खे॒ नख्‍ष॑त्रम्⁠। विशा॑खे॒ इति॒ वि—शा॒खे॒⁠। नख्‍ष॑त्रमिन्द्रा॒ग्नी⁠। इ॒न्द्रा॒ग्नी दे॒वता᳚⁠। इ॒न्द्रा॒ग्नी इती᳚न्द्र—अ॒ग्नी⁠। दे॒वता॑ऽनूरा॒धाः⁠। अ॒नू॒रा॒धा नख्‍ष॑त्रम्⁠। अ॒नू॒रा॒धा इत्य॑नु—रा॒धाः⁠। नख्‍ष॑त्रम् मि॒त्रः⁠। मि॒त्रो दे॒वता᳚⁠। दे॒वता॑ रोहि॒णी⁠। रो॒हि॒णी नख्‍ष॑त्रम्⁠। नख्‍ष॑त्र॒मिन्द्रः॑⁠। इन्द्रो॑ दे॒वता᳚⁠। दे॒वता॑ वि॒चृतौ᳚⁠। वि॒चृतौ॒ नख्‍ष॑त्रम्⁠। वि॒चृता॒विति॑ वि—चृतौ᳚⁠। नख्‍ष॑त्रम् पि॒तरः॑⁠। पि॒तरो॑ दे॒वता᳚⁠। दे॒वता॑ऽषा॒ढाः⁠। अ॒षा॒ढा नख्‍ष॑त्रम्⁠। नख्‍ष॑त्र॒मापः॑⁠। आपो॑ दे॒वता᳚⁠। दे॒वता॑ऽषा॒ढाः⁠। अ॒षा॒ढा नख्‍ष॑त्रम्⁠। नख्‍ष॑त्र॒व्ँविश्वे᳚⁠। विश्वे॑ दे॒वाः⁠। दे॒वा दे॒वता᳚⁠। दे॒वता᳚ श्रो॒णा⁠। श्रो॒णा नख्‍ष॑त्रम्⁠। नख्‍ष॑त्र॒व्ँविष्णुः॑⁠। विष्णु॑र् दे॒वता᳚⁠। दे॒वता॒ श्रवि॑ष्ठाः⁠। श्रवि॑ष्ठा॒ नख्‍ष॑त्रम्⁠। नख्‍ष॑त्र॒व्ँवस॑वः⁠। वस॑वो दे॒वता᳚⁠। [२७] दे॒वता॑ श॒तभि॑षक्⁠। श॒तभि॑ष॒ङ् नख्‍ष॑त्रम्⁠। श॒तभि॑ष॒गिति॑ श॒त—भि॒ष॒क्॒⁠। नख्‍ष॑त्र॒मिन्द्रः॑⁠। इन्द्रो॑ दे॒वता᳚⁠। दे॒वता᳚ प्रोष्ठप॒दाः⁠। प्रो॒ष्ठ॒प॒दा नख्‍ष॑त्रम्⁠। प्रो॒ष्ठ॒प॒दा इति॑ प्रोष्ठ—प॒दाः⁠। नख्‍ष॑त्रम॒जः⁠। अ॒ज एक॑पात्⁠। एक॑पाद् दे॒वता᳚⁠। एक॑पा॒दित्येक॑—पा॒त्॒⁠। दे॒वता᳚ प्रोष्ठप॒दाः⁠। प्रो॒ष्ठ॒प॒दा नख्‍ष॑त्रम्⁠। प्रो॒ष्ठ॒प॒दा इति॑ प्रोष्ठ—प॒दाः⁠। नख्‍ष॑त्र॒महिः॑⁠। अहि॑र् बु॒ध्नियः॑⁠। बु॒ध्नियो॑ दे॒वता᳚⁠। दे॒वता॑ रे॒वती᳚⁠। रे॒वती॒ नख्‍ष॑त्रम्⁠। नख्‍ष॑त्रं पू॒षा⁠। पू॒षा दे॒वता᳚⁠। दे॒वता᳚ऽश्व॒युजौ᳚⁠। अ॒श्व॒युजौ॒ नख्‍ष॑त्रम्⁠। अ॒श्व॒युजा॒वित्य॑श्व—युजौ᳚⁠। नख्‍ष॑त्रम॒श्विनौ᳚⁠। अ॒श्विनौ॑ दे॒वता᳚⁠। दे॒वता॑ऽप॒भर॑णीः⁠। अ॒प॒भर॑णी॒र् नख्‍ष॑त्रम्⁠। अ॒प॒भर॑णी॒रित्य॑प—भर॑णीः⁠। नख्‍ष॑त्रय्ँय॒मः⁠। य॒मो दे॒वता᳚⁠। दे॒वता॑ पू॒र्णा⁠। पू॒र्णा प॒श्चात्⁠। प॒श्चाद् यत्⁠। यत् ते᳚⁠। ते॒ दे॒वाः⁠। दे॒वा अद॑धुः⁠। अद॑धु॒रित्यद॑धुः⁠॥ [२८] (फल्गु॑नी॒ नख्‍ष॑त्रं॒ वस॑व॒ स्त्रय॑स्त्रिꣳशच्च) ॥१०॥
मधु॑श्च⁠। च॒ माध॑वः⁠। माध॑वश्च⁠। च॒ वास॑न्तिकौ⁠। वास॑न्तिकावृ॒तू⁠। ऋ॒तू शु॒क्रः⁠। ऋ॒तू इत्यृ॒तू⁠। शु॒क्रश्च॑⁠। च॒ शुचिः॑⁠। शुचि॑श्च⁠। च॒ ग्रैष्मौ᳚⁠। ग्रैष्मा॑वृ॒तू⁠। ऋ॒तू नभः॑⁠। ऋ॒तू इत्यृ॒तू⁠। नभ॑श्च⁠। च॒ न॒भ॒स्यः॑⁠। न॒भ॒स्य॑श्च⁠। च॒ वार्‌षि॑कौ⁠। वार्‌षि॑कावृ॒तू⁠। ऋ॒तू इ॒षः⁠। ऋ॒तू इत्यृ॒तू⁠। इ॒षश्च॑⁠। चो॒र्जः⁠। ऊ॒र्जश्च॑⁠। च॒ शा॒र॒दौ⁠। शा॒र॒दावृ॒तू⁠। ऋ॒तू सहः॑⁠। ऋ॒तू इत्यृ॒तू⁠। सह॑श्च⁠। च॒ स॒ह॒स्यः॑⁠। स॒ह॒स्य॑श्च⁠। च॒ हैम॑न्तिकौ⁠। हैम॑न्तिकावृ॒तू⁠। ऋ॒तू तपः॑⁠। ऋ॒तू इत्यृ॒तू⁠। तप॑श्च⁠। च॒ त॒प॒स्यः॑⁠। त॒प॒स्य॑श्च⁠। च॒ शै॒शि॒रौ⁠। शै॒शि॒रावृ॒तू⁠। ऋ॒तू अ॒ग्नेः⁠। ऋ॒तू इत्यृ॒तू⁠। अ॒ग्नेर॑न्तःश्ले॒षः⁠। अ॒न्तः॒श्ले॒षो॑ऽसि⁠। अ॒न्तः॒श्ले॒ष इत्य॑न्तः—श्ले॒षः⁠। अ॒सि॒ कल्पे॑ताम्⁠। कल्पे॑ता॒म् द्यावा॑पृथि॒वी⁠। द्यावा॑पृथि॒वी कल्प॑न्ताम्⁠। द्यावा॑पृथि॒वी इति॒ द्यावा᳚—पृ॒थि॒वी⁠। कल्प॑न्ता॒मापः॑⁠। आप॒ ओष॑धीः⁠। ओष॑धीः॒ कल्प॑न्ताम्⁠। कल्प॑न्ताम॒ग्नयः॑⁠। अ॒ग्नयः॒ पृथ॑क्⁠। पृथ॒ङ् मम॑⁠। मम॒ ज्यैष्ठ्‍या॑य⁠। ज्यैष्ठ्‍या॑य॒ सव्र॑ताः⁠। सव्र॑ता॒ ये⁠। सव्र॑ता॒ इति॒ स—व्र॒ताः॒⁠। [२९] ये᳚ऽग्नयः॑⁠। अ॒ग्नयः॒ सम॑नसः⁠। सम॑नसोऽन्त॒रा⁠। सम॑नस॒ इति॒ स—म॒न॒सः॒⁠। अ॒न्त॒रा द्यावा॑पृथि॒वी⁠। द्यावा॑पृथि॒वी शै॑शि॒रौ⁠। द्यावा॑पृथि॒वी इति॒ द्यावा᳚—पृ॒थि॒वी⁠। शै॒शि॒रावृ॒तू⁠। ऋ॒तू अ॒भि⁠। ऋ॒तू इत्यृ॒तू⁠। अ॒भि कल्प॑मानाः⁠। कल्प॑माना॒ इन्द्र᳚म्⁠। इन्द्र॑मिव⁠। इ॒व॒ दे॒वाः⁠। दे॒वा अ॒भि⁠। अ॒भि सम्⁠। सव्ँवि॑शन्तु⁠। वि॒श॒न्तु॒ स॒य्ँयत्⁠। स॒य्ँयच् च॑⁠। स॒य्ँयदिति॑ सम्—यत्⁠। च॒ प्रचे॑ताः⁠। प्रचे॑ताश्च⁠। प्रचे॑ता॒ इति॒ प्र—चे॒ताः॒⁠। चा॒ग्नेः⁠। अ॒ग्नेः सोम॑स्य⁠। सोम॑स्य॒ सूर्य॑स्य⁠। सूर्य॑स्यो॒ग्रा⁠। उ॒ग्रा च॑⁠। च॒ भी॒मा⁠। भी॒मा च॑⁠। च॒ पि॒तृ॒णाम्⁠। पि॒तृ॒णाय्ँय॒मस्य॑⁠। य॒मस्येन्द्र॑स्य⁠। इन्द्र॑स्य ध्रु॒वा⁠। ध्रु॒वा च॑⁠। च॒ पृ॒थि॒वी⁠। पृ॒थि॒वी च॑⁠। च॒ दे॒वस्य॑⁠। दे॒वस्य॑ सवि॒तुः⁠। स॒वि॒तुर् म॒रुता᳚म्⁠। म॒रुता॒व्ँवरु॑णस्य⁠। वरु॑णस्य ध॒र्त्री⁠। ध॒र्त्री च॑⁠। च॒ धरि॑त्री⁠। धरि॑त्री च⁠। च॒ मि॒त्रावरु॑णयोः⁠। मि॒त्रावरु॑णयोर् मि॒त्रस्य॑⁠। मि॒त्रावरु॑णयो॒रिति॑ मि॒त्रा—वरु॑णयोः⁠। मि॒त्रस्य॑ धा॒तुः⁠। धा॒तुः प्राची᳚⁠। प्राची॑ च⁠। च॒ प्र॒तीची᳚⁠। प्र॒तीची॑ च⁠। च॒ वसू॑नाम्⁠। वसू॑नाꣳ रु॒द्राणा᳚म्⁠। रु॒द्राणा॑मादि॒त्याना᳚म्⁠। [३०] आ॒दि॒त्याना॒म् ते⁠। ते ते᳚⁠। तेऽधि॑पतयः⁠। अधि॑पतय॒स्तेभ्यः॑⁠। अधि॑पतय॒ इत्यधि॑—प॒त॒यः॒⁠। तेभ्यो॒ नमः॑⁠। नम॒स्ते⁠। ते नः॑⁠। नो॒ मृ॒ड॒य॒न्तु॒⁠। मृ॒ड॒य॒न्तु॒ ते⁠। ते यम्⁠। यम् द्वि॒ष्मः⁠। द्वि॒ष्मो यः⁠। यश्च॑⁠। च॒ नः॒⁠। नो॒ द्वेष्टि॑⁠। द्वेष्टि॒ तम्⁠। तव्ँवः॑⁠। वो॒ जम्भे᳚⁠। जम्भे॑ दधामि⁠। द॒धा॒मि॒ स॒हस्र॑स्य⁠। स॒हस्र॑स्य प्र॒मा⁠। प्र॒मा अ॑सि⁠। प्र॒मेति॑ प्र—मा⁠। अ॒सि॒ स॒हस्र॑स्य⁠। स॒हस्र॑स्य प्रति॒मा⁠। प्र॒ति॒मा अ॑सि⁠। प्र॒ति॒मेति॑ प्रति—मा⁠। अ॒सि॒ स॒हस्र॑स्य⁠। स॒हस्र॑स्य वि॒मा⁠। वि॒मा अ॑सि⁠। वि॒मेति॑ वि—मा⁠। अ॒सि॒ स॒हस्र॑स्य⁠। स॒हस्र॑स्यो॒न्मा⁠। उ॒न्मा अ॑सि⁠। उ॒न्मेत्यु॑त्—मा⁠। अ॒सि॒ सा॒ह॒स्रः⁠। सा॒ह॒स्रो॑ऽसि⁠। अ॒सि॒ स॒हस्रा॑य⁠। स॒हस्रा॑य त्वा⁠। त्वे॒माः⁠। इ॒मा मे᳚⁠। मे॒ अ॒ग्ने॒⁠। अ॒ग्न॒ इष्ट॑काः⁠। इष्ट॑का धे॒नवः॑⁠। धे॒नवः॑ सन्तु⁠। स॒न्त्वेका᳚⁠। एका॑ च⁠। च॒ श॒तम्⁠। श॒तम् च॑⁠। च॒ स॒हस्र᳚म्⁠। स॒हस्र॑म् च⁠। चा॒युत᳚म्⁠। अ॒युत॑म् च⁠। च॒ नि॒युत᳚म्⁠। [३१] नि॒युत॑म् च⁠। नि॒युत॒मिति॑ नि—युत᳚म्⁠। च॒ प्र॒युत᳚म्⁠। प्र॒युत॑म् च⁠। प्र॒युत॒मिति॑ प्र—युत᳚म्⁠। चार्बु॑दम्⁠। अर्बु॑दम् च⁠। च॒ न्य॑र्बुदम्⁠। न्य॑र्बुदम् च⁠। न्य॑र्बुद॒मिति॒ नि—अ॒र्बु॒द॒म्⁠। च॒ स॒मु॒द्रः⁠। स॒मु॒द्रश्च॑⁠। च॒ मद्ध्य᳚म्⁠। मद्ध्य॑म् च⁠। चान्तः॑⁠। अन्त॑श्च⁠। च॒ प॒रा॒र्द्धः⁠। प॒रा॒र्द्धश्च॑⁠। प॒रा॒र्द्ध इति॑ पर—अ॒र्द्धः⁠। चे॒माः⁠। इ॒मा मे᳚⁠। मे॒ अ॒ग्ने॒⁠। अ॒ग्न॒ इष्ट॑काः⁠। इष्ट॑का धे॒नवः॑⁠। धे॒नवः॑ सन्तु⁠। स॒न्तु॒ ष॒ष्टिः⁠। ष॒ष्टिः स॒हस्र᳚म्⁠। स॒हस्र॑म॒युत᳚म्⁠। अ॒युत॒मख्‍षी॑यमाणाः⁠। अख्‍षी॑यमाणा ऋत॒स्थाः⁠। ऋ॒त॒स्थाः स्थ॑⁠। ऋ॒त॒स्था इत्यृ॑त—स्थाः⁠। स्थ॒र्ता॒वृधः॑⁠। ऋ॒ता॒वृधो॑ घृत॒श्चुतः॑⁠। ऋ॒ता॒वृध॒ इत्यृ॑त—वृधः॑⁠। घृ॒त॒श्चुतो॑ मधु॒श्चुतः॑⁠। घृ॒त॒श्चुत॒ इति॑ घृत—श्चुतः॑⁠। म॒धु॒श्चुत॒ ऊर्ज॑स्वतीः⁠। म॒धु॒श्चुत॒ इति॑ मधु—श्चुतः॑⁠। ऊर्ज॑स्वतीः स्वधा॒विनीः᳚⁠। स्व॒धा॒विनी॒स्ताः⁠। स्व॒धा॒विनी॒रिति॑ स्वधा—विनीः᳚⁠। ता मे᳚⁠। मे॒ अ॒ग्ने॒⁠। अ॒ग्न॒ इष्ट॑काः⁠। इष्ट॑का धे॒नवः॑⁠। धे॒नवः॑ सन्तु⁠। स॒न्तु॒ वि॒राजः॑⁠। वि॒राजो॒ नाम॑⁠। वि॒राज॒ इति॑ वि—राजः॑⁠। नाम॑ काम॒दुघाः᳚⁠। का॒म॒दुघा॑ अ॒मुत्र॑⁠। का॒म॒दुघा॒ इति॑ काम—दुघाः᳚⁠। अ॒मुत्रा॒मुष्मि॑न्न्⁠। अ॒मुष्मि॑ल्ँलो॒के⁠। लो॒क इति॑ लो॒के⁠॥ [३२] (सव्र॑ता रु॒द्राणा॑ म॒युत॑ञ्च॒ पञ्च॑चत्वारिꣳशच्च) ॥११॥
स॒मिद् दि॒शाम्⁠। स॒मिदिति॑ सम्—इत्⁠। दि॒शामा॒शयाः᳚⁠। आ॒शया॑ नः⁠। नः॒ सु॒व॒र्वित्⁠। सु॒व॒र्विन् मधोः᳚⁠। सु॒व॒र्विदिति॑ सुवः—वित्⁠। मधो॒रतः॑⁠। अतो॒ माध॑वः⁠। माध॑वः पातु⁠। पा॒त्व॒स्मान्⁠। अ॒स्मानित्य॒स्मान्⁠॥ अ॒ग्निर् दे॒वः⁠। दे॒वो दु॒ष्टरी॑तुः⁠। दु॒ष्टरी॑तु॒रदा᳚भ्यः⁠। अदा᳚भ्य इ॒दम्⁠। इ॒दम् ख्‍ष॒त्रम्⁠। ख्‍ष॒त्रꣳ र॑ख्‍षतु⁠। र॒ख्‍ष॒तु॒ पातु॑⁠। पात्व॒स्मान्⁠। अ॒स्मानित्य॒स्मान्⁠॥ र॒थ॒न्त॒रꣳ साम॑भिः⁠। र॒थ॒न्त॒रमिति॑ रथम्—त॒रम्⁠। साम॑भिः पातु⁠। साम॑भि॒रिति॒ साम॑—भिः॒⁠। पा॒त्व॒स्मान्⁠। अ॒स्मान् गा॑य॒त्री⁠। गा॒य॒त्री छन्द॑साम्⁠। छन्द॑साव्ँवि॒श्वरू॑पा⁠। वि॒श्वरू॒पेति॑ वि॒श्व—रू॒पा॒⁠॥ त्रि॒वृन् नः॑⁠। त्रि॒वृदिति॑ त्रि—वृत्⁠। नो॒ वि॒ष्ठया᳚⁠। वि॒ष्ठया॒ स्तोमः॑⁠। वि॒ष्ठयेति॑ वि—स्थया᳚⁠। स्तोमो॒ अह्ना᳚म्⁠। अह्ना॑ꣳ समु॒द्रः⁠। स॒मु॒द्रो वातः॑⁠। वात॑ इ॒दम्⁠। इ॒दमोजः॑⁠। ओजः॑ पिपर्तु⁠। पि॒प॒र्त्विति॑ पिपर्तु⁠॥ उ॒ग्रा दि॒शाम्⁠। दि॒शाम॒भिभू॑तिः⁠। अ॒भिभू॑तिर् वयो॒धाः⁠। अ॒भिभू॑ति॒रित्य॒भि—भू॒तिः॒⁠। व॒यो॒धाः शुचिः॑⁠। व॒यो॒धा इति॑ वयः—धाः⁠। शुचिः॑ शु॒क्रे⁠। शु॒क्रे अह॑नि⁠। अह॑न्योज॒सीना᳚⁠। ओ॒ज॒सीनेत्यो॑ज॒सीना᳚⁠॥ इन्द्राधि॑पतिः⁠। अधि॑पतिः पिपृतात्⁠। अधि॑पति॒रित्यधि॑—प॒तिः॒⁠। पि॒पृ॒ता॒दतः॑⁠। अतो॑ नः⁠। नो॒ महि॑⁠। महि॑ ख्‍ष॒त्रम्⁠। [३३] ख्‍ष॒त्रव्ँवि॒श्वतः॑⁠। वि॒श्वतो॑ धारय⁠। धा॒र॒ये॒दम्⁠। इ॒दमिती॒दम्⁠॥ बृ॒हथ् साम॑⁠। साम॑ ख्‍षत्र॒भृत्⁠। ख्‍ष॒त्र॒भृद् वृ॒द्धवृ॑ष्णियम्⁠। ख्‍ष॒त्र॒भृदिति॑ ख्‍षत्र—भृत्⁠। वृ॒द्धवृ॑ष्णियम् त्रि॒ष्टुभा᳚⁠। वृ॒द्धवृ॑ष्णिय॒मिति॑ वृ॒द्ध—वृ॒ष्णि॒य॒म्⁠। त्रि॒ष्टुभौजः॑⁠। ओजः॑ शुभि॒तम्⁠। शु॒भि॒तमु॒ग्रवी॑रम्⁠। उ॒ग्रवी॑र॒मित्यु॒ग्र—वी॒र॒म्⁠॥ इन्द्र॒ स्तोमे॑न⁠। स्तोमे॑न पञ्चद॒शेन॑⁠। प॒ञ्च॒द॒शेन॒ मद्ध्य᳚म्⁠। प॒ञ्च॒द॒शेनेति॑ पञ्च—द॒शेन॑⁠। मद्ध्य॑मि॒दम्⁠। इ॒दव्ँवाते॑न⁠। वाते॑न॒ सग॑रेण⁠। सग॑रेण रख्‍ष⁠। र॒ख्‍षेति॑ रख्‍ष⁠॥ प्राची॑ दि॒शाम्⁠। दि॒शाꣳ स॒हय॑शाः⁠। स॒हय॑शा॒ यश॑स्वती⁠। स॒हय॑शा॒ इति॑ स॒ह—य॒शाः॒⁠। यश॑स्वती॒ विश्वे᳚⁠। विश्वे॑ देवाः⁠। दे॒वाः॒ प्रा॒वृषा᳚⁠। प्रा॒वृषाऽह्ना᳚म्⁠। अह्ना॒ꣳ॒ सुव॑र्वती⁠। सुव॑र्व॒तीति॒ सुवः॑—व॒ती॒⁠॥ इ॒दम् ख्‍ष॒त्रम्⁠। ख्‍ष॒त्रम् दु॒ष्टर᳚म्⁠। दु॒ष्टर॑मस्तु⁠। अ॒स्त्वोजः॑⁠। ओजोऽना॑धृष्टम्⁠। अना॑धृष्टꣳ सह॒स्रिय᳚म्⁠। अना॑धृष्ट॒मित्यना᳚—धृ॒ष्ट॒म्⁠। स॒ह॒स्रिय॒ꣳ॒ सह॑स्वत्⁠। सह॑स्व॒दिति॒ सह॑स्वत्⁠॥ वै॒रू॒पे साम॑न्न्⁠। साम॑न्नि॒ह⁠। इ॒ह तत्⁠। तच्छ॑केम⁠। श॒के॒म॒ जग॑त्या⁠। जग॑त्यैनम्⁠। ए॒न॒व्ँवि॒ख्‍षु⁠। वि॒ख्‍ष्वा⁠। आ वे॑शयामः⁠। वे॒श॒या॒म॒ इति॑ वेशयामः⁠॥ विश्वे॑ देवाः⁠। दे॒वाः॒ स॒प्त॒द॒शेन॑⁠। स॒प्त॒द॒शेन॒ वर्चः॑⁠। स॒प्त॒द॒शेनेति॑ सप्त—द॒शेन॑⁠। [३४] वर्च॑ इ॒दम्⁠। इ॒दम् ख्‍ष॒त्रम्⁠। ख्‍ष॒त्रꣳ स॑लि॒लवा॑तम्⁠। स॒लि॒लवा॑तमु॒ग्रम्⁠। स॒लि॒लवा॑त॒मिति॑ सलि॒ल—वा॒त॒म्⁠। उ॒ग्रमित्यु॒ग्रम्⁠॥ ध॒र्त्री दि॒शाम्⁠। दि॒शाम् ख्‍ष॒त्रम्⁠। ख्‍ष॒त्रमि॒दम्⁠। इ॒दम् दा॑धार⁠। दा॒धा॒रो॒प॒स्था⁠। उ॒प॒स्थाऽऽशा॑नाम्⁠। उ॒प॒स्थेत्यु॑प—स्था⁠। आशा॑नाम् मि॒त्रव॑त्⁠। मि॒त्रव॑दस्तु⁠। मि॒त्रव॒दिति॑ मि॒त्र—व॒त्॒⁠। अ॒स्त्वोजः॑⁠। ओज॒ इत्योजः॑⁠॥ मित्रा॑वरुणा श॒रदा᳚⁠। मित्रा॑वरु॒णेति॒ मित्रा᳚—व॒रु॒णा॒⁠। श॒रदाऽह्ना᳚म्⁠। अह्ना᳚म् चिकित्नू⁠। चि॒कि॒त्नू॒ अ॒स्मै⁠। चि॒कि॒त्नू॒ इति॑ चिकित्नू⁠। अ॒स्मै रा॒ष्ट्राय॑⁠। रा॒ष्ट्राय॒ महि॑⁠। महि॒ शर्म॑⁠। शर्म॑ यच्छतम्⁠। य॒च्छ॒त॒मिति॑ यच्छतम्⁠॥ वै॒रा॒जे साम॑न्न्⁠। साम॒न्नधि॑⁠। अधि॑ मे⁠। मे॒ म॒नी॒षा⁠। म॒नी॒षाऽनु॒ष्टुभा᳚⁠। अ॒नु॒ष्टुभा॒ सम्भृ॑तम्⁠। अ॒नु॒ष्टुभेत्य॑नु—स्तुभा᳚⁠। सम्भृ॑तव्ँवी॒र्य᳚म्⁠। सम्भृ॑त॒मिति॒ सम्—भृ॒त॒म्⁠। वी॒र्य॑ꣳ सहः॑⁠। सह॒ इति॒ सहः॑⁠॥ इ॒दम् ख्‍ष॒त्रम्⁠। ख्‍ष॒त्रम् मि॒त्रव॑त्⁠। मि॒त्रव॑दा॒र्द्रदा॑नु⁠। मि॒त्रव॒दिति॑ मि॒त्र—व॒त्॒⁠। आ॒र्द्रदा॑नु॒ मित्रा॑वरुणा⁠। आ॒र्द्रदा॒न्वित्या॒र्द्र—दा॒नु॒⁠। मित्रा॑वरुणा॒ रख्‍ष॑तम्⁠। मित्रा॑वरु॒णेति॒ मित्रा᳚—व॒रु॒णा॒⁠। रख्‍ष॑त॒माधि॑पत्यैः⁠। आधि॑पत्यै॒रित्याधि॑—प॒त्यैः॒⁠॥ स॒म्राड् दि॒शाम्⁠। स॒म्राडिति॑ सम्—राट्⁠। दि॒शाꣳ स॒हसा᳚म्नी⁠। स॒हसा᳚म्नी॒ सह॑स्वती⁠। स॒हसा॒म्नीति॑ स॒ह—सा॒म्नी॒⁠। सह॑स्वत्यृ॒तुः⁠। ऋ॒तुर्‌हे॑म॒न्तः⁠। हे॒म॒न्तो वि॒ष्ठया᳚⁠। वि॒ष्ठया॑ नः⁠। वि॒ष्ठयेति॑ वि—स्थया᳚⁠। नः॒ पि॒प॒र्तु॒⁠। पि॒प॒र्त्विति॑ पिपर्तु⁠॥ अ॒व॒स्युवा॑ता बृह॒तीः⁠। अ॒व॒स्युवा॑ता॒ इत्य॑व॒स्यु—वा॒ताः॒⁠। [३५] बृ॒ह॒तीर् नु⁠। नु शक्व॑रीः⁠। शक्व॑रीरि॒मम्⁠। इ॒मय्ँय॒ज्ञम्⁠। य॒ज्ञम॑वन्तु⁠। अ॒व॒न्तु॒ नः॒⁠। नो॒ घृ॒ताचीः᳚⁠। घृ॒ताची॒रिति॑ घृ॒ताचीः᳚⁠॥ सुव॑र्वती सु॒दुघा᳚⁠। सुव॑र्व॒तीति॒ सुवः॑—व॒ती॒⁠। सु॒दुघा॑ नः⁠। सु॒दुघेति॑ सु—दुघा᳚⁠। नः॒ पय॑स्वती⁠। पय॑स्वती दि॒शाम्⁠। दि॒शाम् दे॒वी⁠। दे॒व्य॑वतु⁠। अ॒व॒तु॒ नः॒⁠। नो॒ घृ॒ताची᳚⁠। घृ॒ताचीति॑ घृ॒ताची᳚⁠॥ त्वम् गो॒पाः⁠। गो॒पाः पु॑रे॒ता⁠। गो॒पा इति॑ गो—पाः⁠। पु॒र॒ए॒तोत⁠। पु॒र॒ए॒तेति॑ पुरः—ए॒ता⁠। उ॒त प॒श्चात्⁠। प॒श्चाद् बृह॑स्पते⁠। बृह॑स्पते॒ याम्या᳚म्⁠। याम्या᳚य्ँयुङ्‍ग्धि⁠। यु॒ङ्‍॒ग्धि॒ वाच᳚म्⁠। वाच॒मिति॒ वाच᳚म्⁠॥ ऊ॒र्द्ध्वा दि॒शाम्⁠। दि॒शाꣳ रन्तिः॑⁠। रन्ति॒राशा᳚⁠। आशौष॑धीनाम्⁠। ओष॑धीनाꣳ सव्ँवथ्स॒रेण॑⁠। स॒व्ँव॒थ्स॒रेण॑ सवि॒ता⁠। स॒व्ँव॒थ्स॒रेणेति॑ सं—व॒थ्स॒रेण॑⁠। स॒वि॒ता नः॑⁠। नो॒ अह्ना᳚म्⁠। अह्ना॒मित्यह्ना᳚म्⁠॥ रे॒वथ् साम॑⁠। सामाति॑छन्दाः⁠। अति॑छन्दा उ⁠। अति॑छन्दा॒ इत्यति॑—छ॒न्दाः॒⁠। उ॒ छन्दः॑⁠। छन्दोऽजा॑तशत्रुः⁠। अजा॑तशत्रुः स्यो॒ना⁠। अजा॑तशत्रु॒रित्यजा॑त—श॒त्रुः॒⁠। स्यो॒ना नः॑⁠। नो॒ अ॒स्तु॒⁠। अ॒स्त्वित्य॑स्तु⁠॥ स्तोम॑त्रयस्त्रिꣳशे॒ भुव॑नस्य⁠। स्तोम॑त्रयस्त्रिꣳश॒ इति॒ स्तोम॑—त्र॒य॒स्त्रि॒ꣳ॒शे॒⁠। भुव॑नस्य पत्नि⁠। प॒त्नि॒ विव॑स्वद्वाते⁠। विव॑स्वद्वाते अ॒भि⁠। विव॑स्वद्वात॒ इति॒ विव॑स्वत्—वा॒ते॒⁠। अ॒भि नः॑⁠। नो॒ गृ॒णा॒हि॒⁠। [३६] गृ॒णा॒हीति॑ गृणाहि⁠॥ घृ॒तव॑ती सवितः⁠। घृ॒तव॒तीति॑ घृ॒त—व॒ती॒⁠। स॒वि॒त॒राधि॑पत्यैः⁠। आधि॑पत्यैः॒ पय॑स्वती⁠। आधि॑पत्यै॒रित्याधि॑—प॒त्यैः॒⁠। पय॑स्वती॒ रन्तिः॑⁠। रन्ति॒राशा᳚⁠। आशा॑ नः⁠। नो॒ अ॒स्तु॒⁠। अ॒स्त्वित्य॑स्तु⁠॥ ध्रु॒वा दि॒शाम्⁠। दि॒शाव्ँविष्णु॑पत्नी⁠। विष्णु॑प॒त्न्यघो॑रा⁠। विष्णु॑प॒त्नीति॒ विष्णु॑—प॒त्नी॒⁠। अघो॑रा॒ऽस्य⁠। अ॒स्येशा॑ना⁠। ईशा॑ना॒ सह॑सः⁠। सह॑सो॒ या⁠। या म॒नोता᳚⁠। म॒नोतेति॑ म॒नोता᳚⁠॥ बृह॒स्पति॑र् मात॒रिश्वा᳚⁠। मा॒त॒रिश्वो॒त⁠। उ॒त वा॒युः⁠। वा॒युः स॑न्धुवा॒नाः⁠। स॒न्धु॒वा॒ना वाताः᳚⁠। स॒न्धु॒वा॒ना इति॑ सम्—धु॒वा॒नाः⁠। वाता॑ अ॒भि⁠। अ॒भि नः॑⁠। नो॒ गृ॒ण॒न्तु॒⁠। गृ॒ण॒न्त्विति॑ गृणन्तु⁠॥ वि॒ष्ट॒म्भो दि॒वः⁠। वि॒ष्ट॒म्भ इति॑ वि—स्त॒म्भः⁠। दि॒वो ध॒रुणः॑⁠। ध॒रुणः॑ पृथि॒व्याः⁠। पृ॒थि॒व्या अ॒स्य⁠। अ॒स्येशा॑ना⁠। ईशा॑ना॒ जग॑तः⁠। जग॑तो॒ विष्णु॑पत्नी⁠। विष्णु॑प॒त्नीति॒ विष्णु॑—प॒त्नी॒⁠॥ वि॒श्वव्य॑चा इ॒षय॑न्ती⁠। वि॒श्वव्य॑चा॒ इति॑ वि॒श्व—व्य॒चाः॒⁠। इ॒षय॑न्ती॒ सुभू॑तिः⁠। सुभू॑तिः शि॒वा⁠। सुभू॑ति॒रिति॒ सु—भू॒तिः॒⁠। शि॒वा नः॑⁠। नो॒ अ॒स्तु॒⁠। अ॒स्त्वदि॑तिः⁠। अदि॑तिरु॒पस्थे᳚⁠। उ॒पस्थ॒ इत्यु॒प—स्थे॒⁠॥ वै॒श्वा॒न॒रो नः॑⁠। न॒ ऊ॒त्या⁠। ऊ॒त्या पृ॒ष्टः⁠। पृ॒ष्टो दि॒वि⁠। दि॒व्यनु॑⁠। अनु॑ नः⁠। नो॒ऽद्य⁠। अ॒द्यानु॑मतिः⁠। अनु॑मति॒रनु॑⁠। अनु॑मति॒रित्यनु॑—म॒तिः॒⁠। अन्वित्⁠। इद॑नुमते⁠। अ॒नु॒म॒ते॒ त्वम्⁠। अ॒नु॒म॒त॒ इत्य॑नु—म॒ते॒⁠। त्वम् कया᳚⁠। कया॑ नः⁠। न॒श्चि॒त्रः⁠। चि॒त्र आ⁠। आ भु॑वत्⁠। भु॒व॒त् कः⁠। को अ॒द्य⁠। अ॒द्य यु॑ङ्‍क्ते⁠। यु॒ङ्‍क्त॒ इति॑ युङ्‍क्ते⁠॥ [३७] (महि॑ सप्तद॒शेना॑ ऽव॒स्युवा॑ता अ॒भि नो ऽनु॑ न॒ श्चतु॑र्दश च) ॥१२॥
अनुवाकाः पञ्चशती
१२ ३७