कृष्ण यजुर्वेदीय तैत्तिरीय संहिता क्रम पाठः
पञ्चमकाण्डे षष्ठः प्रश्नः

कांड ५ प्रश्न ६
उपानुवाक्याभिधानं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
हिर॑ण्यवर्णाः॒ शुच॑यः⁠। हिर॑ण्यवर्णा॒ इति॒ हिर॑ण्य—व॒र्णाः॒⁠। शुच॑यः पाव॒काः⁠। पा॒व॒का यासु॑⁠। यासु॑ जा॒तः⁠। जा॒तः क॒श्यपः॑⁠। क॒श्यपो॒ यासु॑⁠। यास्विन्द्रः॑⁠। इन्द्र॒ इतीन्द्रः॑⁠॥ अ॒ग्निय्ँयाः⁠। या गर्भ᳚म्⁠। गर्भ॑म् दधि॒रे⁠। द॒धि॒रे विरू॑पाः⁠। विरू॑पा॒स्ताः⁠। विरू॑पा॒ इति॒ वि—रू॒पाः॒⁠। ता नः॑⁠। न॒ आपः॑⁠। आपः॒ शम्⁠। शꣴ स्यो॒नाः⁠। स्यो॒ना भ॑वन्तु⁠। भ॒व॒न्त्विति॑ भवन्तु⁠॥ यासा॒ꣳ॒ राजा᳚⁠। राजा॒ वरु॑णः⁠। वरु॑णो॒ याति॑⁠। याति॒ मद्ध्ये᳚⁠। मद्ध्ये॑ सत्यानृ॒ते⁠। स॒त्या॒नृ॒ते अ॑व॒पश्य॑न्न्⁠। स॒त्या॒नृ॒ते इति॑ सत्य—अ॒नृ॒ते⁠। अ॒व॒पश्य॒न् जना॑नाम्⁠। अ॒व॒पश्य॒न्नित्य॑व—पश्य॑न्न्⁠। जना॑ना॒मिति॒ जना॑नाम्⁠॥ म॒धु॒श्चुतः॒ शुच॑यः⁠। म॒धु॒श्चुत॒ इति॑ मधु—श्चुतः॑⁠। शुच॑यो॒ याः⁠। याः पा॑व॒काः⁠। पा॒व॒कास्ताः⁠। ता नः॑⁠। न॒ आपः॑⁠। आपः॒ शम्⁠। शꣴ स्यो॒नाः⁠। स्यो॒ना भ॑वन्तु⁠। भ॒व॒न्त्विति॑ भवन्तु⁠॥ यासा᳚म् दे॒वाः⁠। दे॒वा दि॒वि⁠। दि॒वि कृ॒ण्वन्ति॑⁠। कृ॒ण्वन्ति॑ भ॒ख्‍षम्⁠। भ॒ख्‍षय्ँयाः⁠। या अ॒न्तरि॑ख्‍षे⁠। अ॒न्तरि॑ख्‍षे बहु॒धा⁠। ब॒हु॒धा भव॑न्ति⁠। ब॒हु॒धेति॑ बहु—धा⁠। भव॒न्तीति॒ भव॑न्ति⁠॥ याः पृ॑थि॒वीम्⁠। पृ॒थि॒वीम् पय॑सा⁠। पय॑सो॒न्दन्ति॑⁠। उ॒न्दन्ति॑ शु॒क्राः⁠। [१] शु॒क्रास्ताः⁠। ता नः॑⁠। न॒ आपः॑⁠। आपः॒ शम्⁠। शꣴ स्यो॒नाः⁠। स्यो॒ना भ॑वन्तु⁠। भ॒व॒न्त्विति॑ भवन्तु⁠॥ शि॒वेन॑ मा⁠। मा॒ चख्‍षु॑षा⁠। चख्‍षु॑षा पश्यत⁠। प॒श्य॒ता॒पः॒⁠। आ॒पः॒ शि॒वया᳚⁠। शि॒वया॑ त॒नुवा᳚⁠। त॒नुवोप॑⁠। उप॑ स्पृशत⁠। स्पृ॒श॒त॒ त्वच᳚म्⁠। त्वच॑म् मे⁠। म॒ इति॑ मे⁠॥ सर्वा॑ꣳ अ॒ग्नीन्⁠। अ॒ग्नीꣳर॑फ्सु॒षदः॑⁠। अ॒फ्सु॒षदो॑ हुवे⁠। अ॒फ्सु॒षद॒ इत॑फ्सु—सदः॑⁠। हु॒वे॒ वः॒⁠। वो॒ मयि॑⁠। मयि॒ वर्चः॑⁠। वर्चो॒ बल᳚म्⁠। बल॒मोजः॑⁠। ओजो॒ नि⁠। नि ध॑त्त⁠। ध॒त्तेति॑ धत्त⁠॥ यद॒दः⁠। अ॒दः स॑म्प्रय॒तीः⁠। स॒म्प्र॒य॒तीरहौ᳚⁠। स॒म्प्र॒य॒तीरिति॑ सम्—प्र॒य॒तीः⁠। अहा॒वन॑दत⁠। अन॑दता ह॒ते⁠। ह॒त इति॑ ह॒ते⁠॥ तस्मा॒दा⁠। आ न॒द्यः॑⁠। न॒द्यो॑ नाम॑⁠। नाम॑ स्थ⁠। स्थ॒ ता⁠। ता वः॑⁠। वो॒ नामा॑नि⁠। नामा॑नि सिन्धवः⁠। सि॒न्ध॒व॒ इति॑ सिन्धवः⁠॥ यत् प्रेषि॑ताः⁠। प्रेषि॑ता॒ वरु॑णेन⁠। प्रेषि॑ता॒ इति॒ प्र—इ॒षि॒ताः॒⁠। वरु॑णेन॒ ताः⁠। ताः शीभ᳚म्⁠। शीभ॑ꣳ स॒मव॑ल्गत⁠। स॒मव॑ल्गत॒ तत्⁠। स॒मव॑ल्ग॒तेति॑ सम्—अव॑ल्गत⁠॥ [२] तदा᳚प्नोत्⁠। आ॒प्नो॒दिन्द्रः॑⁠। इन्द्रो॑ वः⁠। वो॒ य॒तीः⁠। य॒तीस्तस्मा᳚त्⁠। तस्मा॒दापः॑⁠। आपो॒ अनु॑⁠। अनु॑ स्थन⁠। स्थ॒नेति॑ स्थन⁠॥ अ॒प॒का॒मꣴ स्यन्द॑मानाः⁠। अ॒प॒का॒ममित्य॑प—का॒मम्⁠। स्यन्द॑माना॒ अवी॑वरत⁠। अवी॑वरत वः⁠। वो॒ हिक᳚म्⁠। हिक॒मिति॒ हिक᳚म्⁠॥ इन्द्रो॑ वः⁠। वः॒ शक्ति॑भिः⁠। शक्ति॑भिर् देवीः⁠। शक्ति॑भि॒रिति॒ शक्ति॑—भिः॒⁠। दे॒वी॒स्तस्मा᳚त्⁠। तस्मा॒द् वाः⁠। वार्णाम॑⁠। नाम॑ वः⁠। वो॒ हि॒तम्⁠। हि॒तमिति॑ हि॒तम्⁠॥ एको॑ दे॒वः⁠। दे॒वो अपि॑⁠। अप्य॑तिष्ठत्⁠। अ॒ति॒ष्ठ॒थ् स्यन्द॑मानाः⁠। स्यन्द॑माना यथाव॒शम्⁠। य॒था॒व॒शमिति॑ यथा—व॒शम्⁠॥ उदा॑निषुः⁠। आ॒नि॒षु॒र् म॒हीः⁠। म॒हीरिति॑⁠। इति॒ तस्मा᳚त्⁠। तस्मा॑दुद॒कम्⁠। उ॒द॒कमु॑च्यते⁠। उ॒च्य॒त॒ इत्यु॑च्यते⁠॥ आपो॑ भ॒द्राः⁠। भ॒द्रा घृ॒तम्⁠। घृ॒तमित्⁠। इदापः॑⁠। आप॑ आसुः⁠। आ॒सु॒र॒ग्नीषोमौ᳚⁠। अ॒ग्नीषोमौ॑ बिभ्रति⁠। अ॒ग्नीषोमा॒वित्य॒ग्नी—सोमौ᳚⁠। बि॒भ्र॒त्यापः॑⁠। आप॒ इत्⁠। इत् ताः⁠। ता इति॒ ताः⁠॥ ती॒व्रो रसः॑⁠। रसो॑ मधु॒पृचा᳚म्⁠। म॒धु॒पृचा॑मरङ्‍ग॒मः⁠। म॒धु॒पृचा॒मिति॑ मधु—पृचा᳚म्⁠। [३] अ॒र॒ङ्‍ग॒म आ⁠। अ॒र॒ङ्‍ग॒म इत्य॑रम्—ग॒मः⁠। आ मा᳚⁠। मा॒ प्रा॒णेन॑⁠। प्रा॒णेन॑ स॒ह⁠। प्रा॒णेनेति॑ प्र—अ॒नेन॑⁠। स॒ह वर्च॑सा⁠। वर्च॑सा गन्न्⁠। ग॒न्निति॑ गन्न्⁠॥ आदित्⁠। इत् प॑श्यामि⁠। प॒श्या॒म्यु॒त⁠। उ॒त वा᳚⁠। वा॒ शृ॒णो॒मि॒⁠। शृ॒णो॒म्या⁠। आ मा᳚⁠। मा॒ घोषः॑⁠। घोषो॑ गच्छति⁠। ग॒च्छ॒ति॒ वाक्⁠। वाङ्‍ नः॑⁠। न॒ आ॒सा॒म्⁠। आ॒सा॒मित्या॑साम्⁠॥ मन्ये॑ भेजा॒नः⁠। भे॒जा॒नो अ॒मृत॑स्य⁠। अ॒मृत॑स्य॒ तर्‌हि॑⁠। तर्‌हि॒ हिर॑ण्यवर्णाः⁠। हिर॑ण्यवर्णा॒ अतृ॑पम्⁠। हिर॑ण्यवर्णा॒ इति॒ हिर॑ण्य—व॒र्णाः॒⁠। अतृ॑पय्ँय॒दा⁠। य॒दा वः॑⁠। व॒ इति॑ वः⁠॥ आपो॒ हि⁠। हि ष्ठ⁠। स्था म॑यो॒भुवः॑⁠। म॒यो॒भुव॒स्ताः⁠। म॒यो॒भुव॒ इति॑ मयः—भुवः॑⁠। ता नः॑⁠। न॒ ऊ॒र्जे⁠। ऊ॒र्जे द॑धातन⁠। द॒धा॒त॒नेति॑ दधातन⁠॥ म॒हे रणा॑य⁠। रणा॑य॒ चख्‍ष॑से⁠। चख्‍ष॑स॒ इति॒ चख्‍ष॑से⁠॥ यो वः॑⁠। वः॒ शि॒वत॑मः⁠। शि॒वत॑मो॒ रसः॑⁠। शि॒वत॑म॒ इति॑ शि॒व—त॒मः॒⁠। रस॒ स्तस्य॑⁠। तस्य॑ भाजयत⁠। भा॒ज॒य॒ते॒ह⁠। इ॒ह नः॑⁠। न॒ इति॑ नः⁠॥ उ॒श॒तीरि॑व⁠। इ॒व॒ मा॒तरः॑⁠। मा॒तर॒ इति॑ मा॒तरः॑⁠॥ तस्मा॒ अर᳚म्⁠। अर॑म् गमाम⁠। ग॒मा॒म॒ वः॒⁠। वो॒ यस्य॑⁠। यस्य॒ ख्‍षया॑य⁠। ख्‍षया॑य॒ जिन्व॑थ⁠। जिन्व॒थेति॒ जिन्व॑थ⁠॥ आपो॑ ज॒नय॑थ⁠। ज॒नय॑था च⁠। च॒ नः॒⁠। न॒ इति॑ नः⁠॥ दि॒वि श्र॑यस्व⁠। श्र॒य॒स्वा॒न्तरि॑ख्‍षे⁠। अ॒न्तरि॑ख्‍षे यतस्व⁠। य॒त॒स्व॒ पृ॒थि॒व्या⁠। पृ॒थि॒व्या सम्⁠। सम् भ॑व⁠। भ॒व॒ ब्र॒ह्म॒व॒र्च॒सम्⁠। ब्र॒ह्म॒व॒र्च॒सम॑सि⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। अ॒सि॒ ब्र॒ह्म॒व॒र्च॒साय॑⁠। ब्र॒ह्म॒व॒र्च॒साय॑ त्वा⁠। ब्र॒ह्म॒व॒र्च॒सायेति॑ ब्रह्म—व॒र्च॒साय॑⁠। त्वेति॑ त्वा⁠॥ [४] (उ॒दन्ति॑ स॒मव॑ल्गत मधु॒पृचा᳚म् मा॒तरो॒ द्वावि॑ꣳशतिश्च) ॥१॥
अ॒पाम् ग्रहा॑न्⁠। ग्रहा᳚न् गृह्णाति⁠। गृ॒ह्णा॒त्ये॒तत्⁠। ए॒तद् वाव⁠। वाव रा॑ज॒सूय᳚म्⁠। रा॒ज॒सूय॒य्ँयत्⁠। रा॒ज॒सूय॒मिति॑ राज—सूय᳚म्⁠। यदे॒ते⁠। ए॒ते ग्रहाः᳚⁠। ग्रहाः᳚ स॒वः⁠। स॒वो᳚ऽग्निः⁠। अ॒ग्निर् व॑रुणस॒वः⁠। व॒रु॒ण॒स॒वो रा॑ज॒सूय᳚म्⁠। व॒रु॒ण॒स॒व इति॑ वरुण—स॒वः⁠। रा॒ज॒सूय॑मग्निस॒वः⁠। रा॒ज॒सूय॒मिति॑ राज—सूय᳚म्⁠। अ॒ग्नि॒स॒वश्चित्यः॑⁠। अ॒ग्नि॒स॒व इत्य॑ग्नि—स॒वः⁠। चित्य॒स्ताभ्या᳚म्⁠। ताभ्या॑मे॒व⁠। ए॒व सू॑यते⁠। सू॒य॒तेऽथो᳚⁠। अथो॑ उ॒भौ⁠। अथो॒ इत्यथो᳚⁠। उ॒भावे॒व⁠। ए॒व लो॒कौ⁠। लो॒काव॒भि⁠। अ॒भि ज॑यति⁠। ज॒य॒ति॒ यः⁠। यश्च॑⁠। च॒ रा॒ज॒सूये॑न⁠। रा॒ज॒सूये॑नेजा॒नस्य॑⁠। रा॒ज॒सूये॒नेति॑ राज—सूये॑न⁠। ई॒जा॒नस्य॒ यः⁠। यश्च॑⁠। चा॒ग्नि॒चितः॑⁠। अ॒ग्नि॒चित॒ आपः॑⁠। अ॒ग्नि॒चित॒ इत्य॑ग्नि—चितः॑⁠। आपो॑ भवन्ति⁠। भ॒व॒न्त्यापः॑⁠। आपो॒ वै⁠। वा अ॒ग्नेः⁠। अ॒ग्नेर् भ्रातृ॑व्याः⁠। भ्रातृ॑व्या॒ यत्⁠। यद॒पः⁠। अ॒पो᳚ऽग्नेः⁠। अ॒ग्नेर॒धस्ता᳚त्⁠। अ॒धस्ता॑दुप॒दधा॑ति⁠। उ॒प॒दधा॑ति॒ भ्रातृ॑व्याभिभूत्यै⁠। उ॒प॒दधा॒तीत्यु॑प—दधा॑ति⁠। भ्रातृ॑व्याभिभूत्यै॒ भव॑ति⁠। भ्रातृ॑व्याभिभूत्या॒ इति॒ भ्रातृ॑व्य—अ॒भि॒भू॒त्यै॒⁠। भव॑त्या॒त्मना᳚⁠। आ॒त्मना॒ परा᳚⁠। परा᳚ऽस्य⁠। अ॒स्य॒ भ्रातृ॑व्यः⁠। भ्रातृ॑व्यो भवति⁠। भ॒व॒त्य॒मृत᳚म्⁠। अ॒मृत॒व्ँवै⁠। [५] वा आपः॑⁠। आप॒स्तस्मा᳚त्⁠। तस्मा॑द॒द्भिः⁠। अ॒द्भिरव॑तान्तम्⁠। अ॒द्भिरित्य॑त्—भिः⁠। अव॑तान्तम॒भि⁠। अव॑तान्त॒मित्यव॑—ता॒न्त॒म्⁠। अ॒भि षि॑ञ्चन्ति⁠। सि॒ञ्च॒न्ति॒ न⁠। नार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒ति॒ सर्व᳚म्⁠। सर्व॒मायुः॑⁠। आयु॑रेति⁠। ए॒ति॒ यस्य॑⁠। यस्यै॒ताः⁠। ए॒ता उ॑पधी॒यन्ते᳚⁠। उ॒प॒धी॒यन्ते॒ यः⁠। उ॒प॒धी॒यन्त॒ इत्यु॑प—धी॒यन्ते᳚⁠। य उ॑⁠। उ॒ च॒⁠। चै॒नाः॒⁠। ए॒ना॒ ए॒वम्⁠। ए॒वव्ँवेद॑⁠। वेदान्न᳚म्⁠। अन्न॒व्ँवै⁠। वा आपः॑⁠। आपः॑ प॒शवः॑⁠। प॒शव॒ आपः॑⁠। आपोऽन्न᳚म्⁠। अन्न॑म् प॒शवः॑⁠। प॒शवो᳚ऽन्ना॒दः⁠। अ॒न्ना॒दः प॑शु॒मान्⁠। अ॒न्ना॒द इत्य॑न्न—अ॒दः⁠। प॒शु॒मान् भ॑वति⁠। प॒शु॒मानिति॑ पशु—मान्⁠। भ॒व॒ति॒ यस्य॑⁠। यस्यै॒ताः⁠। ए॒ता उ॑पधी॒यन्ते᳚⁠। उ॒प॒धी॒यन्ते॒ यः⁠। उ॒प॒धी॒यन्त॒ इत्यु॑प—धी॒यन्ते᳚⁠। य उ॑⁠। उ॒ च॒⁠। चै॒नाः॒⁠। ए॒ना॒ ए॒वम्⁠। ए॒वव्ँवेद॑⁠। वेद॒ द्वाद॑श⁠। द्वाद॑श भवन्ति⁠। भ॒व॒न्ति॒ द्वाद॑श⁠। द्वाद॑श॒ मासाः᳚⁠। मासाः᳚ सव्ँवथ्स॒रः⁠। स॒व्ँव॒थ्स॒रः स॑व्ँवथ्स॒रेण॑⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रेणै॒व⁠। स॒व्ँव॒थ्स॒रेणेति॑ सम्—व॒थ्स॒रेण॑⁠। ए॒वास्मै᳚⁠। अ॒स्मा॒ अन्न᳚म्⁠। [६] अन्न॒मव॑⁠। अव॑ रुन्धे⁠। रु॒न्धे॒ पात्रा॑णि⁠। पात्रा॑णि भवन्ति⁠। भ॒व॒न्ति॒ पात्रे᳚⁠। पात्रे॒ वै⁠। वा अन्न᳚म्⁠। अन्न॑मद्यते⁠। अ॒द्य॒ते॒ सयो॑नि⁠। सयो᳚न्ये॒व⁠। सयो॒नीति॒ स—यो॒नि॒⁠। ए॒वान्न᳚म्⁠। अन्न॒मव॑⁠। अव॑ रुन्धे⁠। रु॒न्ध॒ आ⁠। आ द्वा॑द॒शात्⁠। द्वा॒द॒शात् पुरु॑षात्⁠। पुरु॑षा॒दन्न᳚म्⁠। अन्न॑मत्ति⁠। अ॒त्त्यथो᳚⁠। अथो॒ पात्रा᳚त्⁠। अथो॒ इत्यथो᳚⁠। पात्रा॒न् न⁠। न छि॑द्यते⁠। छि॒द्य॒ते॒ यस्य॑⁠। यस्यै॒ताः⁠। ए॒ता उ॑पधी॒यन्ते᳚⁠। उ॒प॒धी॒यन्ते॒ यः⁠। उ॒प॒धी॒यन्त॒ इत्यु॑प—धी॒यन्ते᳚⁠। य उ॑⁠। उ॒ च॒⁠। चै॒नाः॒⁠। ए॒ना॒ ए॒वम्⁠। ए॒वव्ँवेद॑⁠। वेद॑ कु॒म्भाः⁠। कु॒म्भाश्च॑⁠। च॒ कु॒म्भीः⁠। कु॒म्भीश्च॑⁠। च॒ मि॒थु॒नानि॑⁠। मि॒थु॒नानि॑ भवन्ति⁠। भ॒व॒न्ति॒ मि॒थु॒नस्य॑⁠। मि॒थु॒नस्य॒ प्रजा᳚त्यै⁠। प्रजा᳚त्यै॒ प्र⁠। प्रजा᳚त्या॒ इति॒ प्र—जा॒त्यै॒⁠। प्र प्र॒जया᳚⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभि॑र् मिथु॒नैः⁠। प॒शुभि॒रिति॑ प॒शु—भिः॒⁠। मि॒थु॒नैर् जा॑यते⁠। जा॒य॒ते॒ यस्य॑⁠। यस्यै॒ताः⁠। ए॒ता उ॑पधी॒यन्ते᳚⁠। उ॒प॒धी॒यन्ते॒ यः⁠। उ॒प॒धी॒यन्त॒ इत्यु॑प—धी॒यन्ते᳚⁠। य उ॑⁠। उ॒ च॒⁠। [७] चै॒नाः॒⁠। ए॒ना॒ ए॒वम्⁠। ए॒वव्ँवेद॑⁠। वेद॒ शुक्⁠। शुग् वै⁠। वा अ॒ग्निः⁠। अ॒ग्निः सः⁠। सो᳚ऽद्ध्व॒र्युम्⁠। अ॒द्ध्व॒र्युय्ँयज॑मानम्⁠। यज॑मानम् प्र॒जाः⁠। प्र॒जाः शु॒चा⁠। प्र॒जा इति॑ प्र—जाः⁠। शु॒चाऽर्प॑यति⁠। अ॒र्प॒य॒ति॒ यत्⁠। यद॒पः⁠। अ॒प उ॑प॒दधा॑ति⁠। उ॒प॒दधा॑ति॒ शुच᳚म्⁠। उ॒प॒दधा॒तीत्यु॑प—दधा॑ति⁠। शुच॑मे॒व⁠। ए॒वास्य॑⁠। अ॒स्य॒ श॒म॒य॒ति॒⁠। श॒म॒य॒ति॒ न⁠। नार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒त्य॒द्ध्व॒र्युः⁠। अ॒द्ध्व॒र्युर् न⁠। न यज॑मानः⁠। यज॑मानः॒ शाम्य॑न्ति⁠। शाम्य॑न्ति प्र॒जाः⁠। प्र॒जा यत्र॑⁠। प्र॒जा इति॑ प्र—जाः⁠। यत्रै॒ताः⁠। ए॒ता उ॑पधी॒यन्ते᳚⁠। उ॒प॒धी॒यन्ते॒ऽपाम्⁠। उ॒प॒धी॒यन्त॒ इत्यु॑प—धी॒यन्ते᳚⁠। अ॒पाव्ँवै⁠। वा ए॒तानि॑⁠। ए॒तानि॒ हृद॑यानि⁠। हृद॑यानि॒ यत्⁠। यदे॒ताः⁠। ए॒ता आपः॑⁠। आपो॒ यत्⁠। यदे॒ताः⁠। ए॒ता अ॒पः⁠। अ॒प उ॑प॒दधा॑ति⁠। उ॒प॒दधा॑ति दि॒व्याभिः॑⁠। उ॒प॒दधा॒तीत्यु॑प—दधा॑ति⁠। दि॒व्याभि॑रे॒व⁠। ए॒वैनाः᳚⁠। ए॒नाः॒ सम्⁠। सꣳ सृ॑जति⁠। सृ॒ज॒ति॒ वर्‌षु॑कः⁠। वर्‌षु॑कः प॒र्जन्यः॑⁠। प॒र्जन्यो॑ भवति⁠। [८] भ॒व॒ति॒ यः⁠। यो वै⁠। वा ए॒तासा᳚म्⁠। ए॒तासा॑मा॒यत॑नम्⁠। आ॒यत॑न॒म् क्लृप्ति᳚म्⁠। आ॒यत॑न॒मित्या᳚—यत॑नम्⁠। क्लृप्ति॒व्ँवेद॑⁠। वेदा॒यत॑नवान्⁠। आ॒यत॑नवान् भवति⁠। आ॒यत॑नवा॒नित्या॒यत॑न—वा॒न्॒⁠। भ॒व॒ति॒ कल्प॑ते⁠। कल्प॑तेऽस्मै⁠। अ॒स्मा॒ अ॒नु॒सी॒तम्⁠। अ॒नु॒सी॒तमुप॑⁠। अ॒नु॒सी॒तमित्य॑नु—सी॒तम्⁠। उप॑ दधाति⁠। द॒धा॒त्ये॒तत्⁠। ए॒तद् वै⁠। वा आ॑साम्⁠। आ॒सा॒मा॒यत॑नम्⁠। आ॒यत॑नमे॒षा⁠। आ॒यत॑न॒मित्या᳚—यत॑नम्⁠। ए॒षा क्लृप्तिः॑⁠। क्लृप्ति॒र् यः⁠। य ए॒वम्⁠। ए॒वव्ँवेद॑⁠। वेदा॒यत॑नवान्⁠। आ॒यत॑नवान् भवति⁠। आ॒यत॑नवा॒नित्या॒यत॑न—वा॒न्॒⁠। भ॒व॒ति॒ कल्प॑ते⁠। कल्प॑तेऽस्मै⁠। अ॒स्मै॒ द्व॒न्द्वम्⁠। द्व॒न्द्वम॒न्याः⁠। द्व॒न्द्वमिति॑ द्वम्—द्वम्⁠। अ॒न्या उप॑⁠। उप॑ दधाति⁠। द॒धा॒ति॒ चत॑स्रः⁠। चत॑स्रो॒ मद्ध्ये᳚⁠। मद्ध्ये॒ धृत्यै᳚⁠। धृत्या॒ अन्न᳚म्⁠। अन्न॒व्ँवै⁠। वा इष्ट॑काः⁠। इष्ट॑का ए॒तत्⁠। ए॒तत् खलु॑⁠। खलु॒ वै⁠। वै सा॒ख्‍षात्⁠। सा॒ख्‍षादन्न᳚म्⁠। सा॒ख्‍षादिति॑ स—अ॒ख्‍षात्⁠। अन्न॒य्ँयत्⁠। यदे॒षः⁠। ए॒ष च॒रुः⁠। च॒रुर् यत्⁠। यदे॒तम्⁠। ए॒तम् च॒रुम्⁠। च॒रुमु॑प॒दधा॑ति⁠। उ॒प॒दधा॑ति सा॒ख्‍षात्⁠। उ॒प॒दधा॒तीत्यु॑प—दधा॑ति⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। [९] ए॒वास्मै᳚⁠। अ॒स्मा॒ अन्न᳚म्⁠। अन्न॒मव॑⁠। अव॑ रुन्धे⁠। रु॒न्धे॒ म॒द्ध्य॒तः⁠। म॒द्ध्य॒त उप॑⁠। उप॑ दधाति⁠। द॒धा॒ति॒ म॒द्ध्य॒तः⁠। म॒द्ध्य॒त ए॒व⁠। ए॒वास्मै᳚⁠। अ॒स्मा॒ अन्न᳚म्⁠। अन्न॑म् दधाति⁠। द॒धा॒ति॒ तस्मा᳚त्⁠। तस्मा᳚न् मद्ध्य॒तः⁠। म॒द्ध्य॒तोऽन्न᳚म्⁠। अन्न॑मद्यते⁠। अ॒द्य॒ते॒ बा॒र्॒‌ह॒स्प॒त्यः⁠। बा॒र्॒‌ह॒स्प॒त्यो भ॑वति⁠। भ॒व॒ति॒ ब्रह्म॑⁠। ब्रह्म॒ वै⁠। वै दे॒वाना᳚म्⁠। दे॒वाना॒म् बृह॒स्पतिः॑⁠। बृह॒स्पति॒र् ब्रह्म॑णा⁠। ब्रह्म॑णै॒व⁠। ए॒वास्मै᳚⁠। अ॒स्मा॒ अन्न᳚म्⁠। अन्न॒मव॑⁠। अव॑ रुन्धे⁠। रु॒न्धे॒ ब्र॒ह्म॒व॒र्च॒सम्⁠। ब्र॒ह्म॒व॒र्च॒सम॑सि⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। अ॒सि॒ ब्र॒ह्म॒व॒र्च॒साय॑⁠। ब्र॒ह्म॒व॒र्च॒साय॑ त्वा⁠। ब्र॒ह्म॒व॒र्च॒सायेति॑ ब्रह्म—व॒र्च॒साय॑⁠। त्वेति॑⁠। इत्या॑ह⁠। आ॒ह॒ ते॒ज॒स्वी⁠। ते॒ज॒स्वी ब्र॑ह्मवर्च॒सी⁠। ब्र॒ह्म॒व॒र्च॒सी भ॑वति⁠। ब्र॒ह्म॒व॒र्च॒सीति॑ ब्रह्म—व॒र्च॒सी⁠। भ॒व॒ति॒ यस्य॑⁠। यस्यै॒षः⁠। ए॒ष उ॑पधी॒यते᳚⁠। उ॒प॒धी॒यते॒ यः⁠। उ॒प॒धी॒यत॒ इत्यु॑प—धी॒यते᳚⁠। य उ॑⁠। उ॒ च॒⁠। चै॒न॒म्⁠। ए॒न॒मे॒वम्⁠। ए॒वव्ँवेद॑⁠। वेदेति॒ वेद॑⁠॥ [१०] (अ॒मृत॑ मस्मै जायते यस्यै॒ता उ॑पधी॒यन्ते॒ य उ॑ प॒र्जन्य॑ उप॒दधा॑ति सा॒ख्‍षाथ् स॒प्तच॑त्वारिꣳशच्च) ॥२॥
भू॒ते॒ष्ट॒का उप॑⁠। भू॒ते॒ष्ट॒का इति॑ भूत—इ॒ष्ट॒काः⁠। उप॑ दधाति⁠। द॒धा॒त्यत्रा᳚त्र⁠। अत्रा᳚त्र॒ वै⁠। अत्रा॒त्रेत्यत्र॑—अ॒त्र॒⁠। वै मृ॒त्युः⁠। मृ॒त्युर् जा॑यते⁠। जा॒य॒ते॒ यत्र॑यत्र⁠। यत्र॑यत्रै॒व⁠। यत्र॑य॒त्रेति॒ यत्र॑—य॒त्र॒⁠। ए॒व मृ॒त्युः⁠। मृ॒त्युर् जाय॑ते⁠। जाय॑ते॒ ततः॑⁠। तत॑ ए॒व⁠। ए॒वैन᳚म्⁠। ए॒न॒मव॑⁠। अव॑ यजते⁠। य॒ज॒ते॒ तस्मा᳚त्⁠। तस्मा॑दग्नि॒चित्⁠। अ॒ग्नि॒चिथ् सर्व᳚म्⁠। अ॒ग्नि॒चिदित्य॑ग्नि—चित्⁠। सर्व॒मायुः॑⁠। आयु॑रेति⁠। ए॒ति॒ सर्वे᳚⁠। सर्वे॒ हि⁠। ह्य॑स्य⁠। अ॒स्य॒ मृ॒त्यवः॑⁠। मृ॒त्यवोऽवे᳚ष्टाः⁠। अवे᳚ष्टा॒स्तस्मा᳚त्⁠। अवे᳚ष्टा॒ इत्यव॑—इ॒ष्टाः॒⁠। तस्मा॑दग्नि॒चित्⁠। अ॒ग्नि॒चिन् न⁠। अ॒ग्नि॒चिदित्य॑ग्नि—चित्⁠। नाभिच॑रित॒वै⁠। अ॒भिच॑रित॒वै प्र॒त्यक्⁠। अ॒भिच॑रित॒वा इत्य॒भि—च॒रि॒त॒वै⁠। प्र॒त्यगे॑नम्⁠। ए॒न॒म॒भि॒चा॒रः⁠। अ॒भि॒चा॒र स्तृ॑णुते⁠। अ॒भि॒चा॒र इत्य॑भि—चा॒रः⁠। स्तृ॒णु॒ते॒ सू॒यते᳚⁠। सू॒यते॒ वै⁠। वा ए॒षः⁠। ए॒ष यः⁠। यो᳚ऽग्निम्⁠। अ॒ग्निम् चि॑नु॒ते⁠। चि॒नु॒ते दे॑वसु॒वाम्⁠। दे॒व॒सु॒वामे॒तानि॑⁠। दे॒व॒सु॒वामिति॑ देव—सु॒वाम्⁠। ए॒तानि॑ ह॒वीꣳषि॑⁠। ह॒वीꣳषि॑ भवन्ति⁠। भ॒व॒न्त्ये॒ताव॑न्तः⁠। ए॒ताव॑न्तो॒ वै⁠। वै दे॒वाना᳚म्⁠। दे॒वाना॑ꣳ स॒वाः⁠। स॒वास्ते⁠। त ए॒व⁠। ए॒वास्मै᳚⁠। [११] अ॒स्मै॒ स॒वान्⁠। स॒वान् प्र⁠। प्र य॑च्छन्ति⁠। य॒च्छ॒न्ति॒ ते⁠। त ए॑नम्⁠। ए॒न॒ꣳ॒ सु॒व॒न्ते॒⁠। सु॒व॒न्ते॒ स॒वः⁠। स॒वो᳚ऽग्निः⁠। अ॒ग्निर् व॑रुणस॒वः⁠। व॒रु॒ण॒स॒वो रा॑ज॒सूय᳚म्⁠। व॒रु॒ण॒स॒व इति॑ वरुण—स॒वः⁠। रा॒ज॒सूय॑म् ब्रह्मस॒वः⁠। रा॒ज॒सूय॒मिति॑ राज—सूय᳚म्⁠। ब्र॒ह्म॒स॒वश्चित्यः॑⁠। ब्र॒ह्म॒स॒व इति॑ ब्रह्म—स॒वः⁠। चित्यो॑ दे॒वस्य॑⁠। दे॒वस्य॑ त्वा⁠। त्वा॒ स॒वि॒तुः⁠। स॒वि॒तुः प्र॑स॒वे⁠। प्र॒स॒व इति॑⁠। प्र॒स॒व इति॑ प्र—स॒वे⁠। इत्या॑ह⁠। आ॒ह॒ स॒वि॒तृप्र॑सूतः⁠। स॒वि॒तृप्र॑सूत ए॒व⁠। स॒वि॒तृप्र॑सूत॒ इति॑ सवि॒तृ—प्र॒सू॒तः॒⁠। ए॒वैन᳚म्⁠। ए॒न॒म् ब्रह्म॑णा⁠। ब्रह्म॑णा दे॒वता॑भिः⁠। दे॒वता॑भिर॒भि⁠। अ॒भि षि॑ञ्चति⁠। सि॒ञ्च॒त्यन्न॑स्यान्नस्य⁠। अन्न॑स्यान्नस्या॒भि⁠। अन्य॑स्यान्न॒स्येत्यन्न॑स्य—अ॒न्न॒स्य॒⁠। अ॒भि षि॑ञ्चति⁠। सि॒ञ्च॒त्यन्न॑स्यान्नस्य⁠। अन्न॑स्यान्न॒स्याव॑रुद्ध्यै⁠। अन्न॑स्यान्न॒स्येत्यन्न॑स्य—अ॒न्न॒स्य॒⁠। अव॑रुद्ध्यै पु॒रस्ता᳚त्⁠। अव॑रुद्ध्या॒ इत्यव॑—रु॒द्ध्यै॒⁠। पु॒रस्ता᳚त् प्र॒त्यञ्च᳚म्⁠। प्र॒त्यञ्च॑म॒भि⁠। अ॒भि षि॑ञ्चति⁠। सि॒ञ्च॒ति॒ पु॒रस्ता᳚त्⁠। पु॒रस्ता॒द्‌धि⁠। हि प्र॑ती॒चीन᳚म्⁠। प्र॒ती॒चीन॒मन्न᳚म्⁠। अन्न॑म॒द्यते᳚⁠। अ॒द्यते॑ शीर्‌ष॒तः⁠। शी॒र्॒‌ष॒तो॑ऽभि⁠। अ॒भि षि॑ञ्चति⁠। सि॒ञ्च॒ति॒ शी॒र्॒‌ष॒तः⁠। शी॒र्॒‌ष॒तो हि⁠। ह्यन्न᳚म्⁠। अन्न॑म॒द्यते᳚⁠। अ॒द्यत॒ आ⁠। आ मुखा᳚त्⁠। मुखा॑द॒न्वव॑स्रावयति⁠। अ॒न्वव॑स्रावयति मुख॒तः⁠। अ॒न्वव॑स्रावय॒तीत्य॑नु—अव॑स्रावयति⁠। [१२] मु॒ख॒त ए॒व⁠। ए॒वास्मै᳚⁠। अ॒स्मा॒ अ॒न्नाद्य᳚म्⁠। अ॒न्नाद्य॑म् दधाति⁠। अ॒न्नाद्य॒मित्य॑न्न—अद्य᳚म्⁠। द॒धा॒त्य॒ग्नेः⁠। अ॒ग्नेस्त्वा᳚⁠। त्वा॒ साम्रा᳚ज्येन⁠। साम्रा᳚ज्येना॒भि⁠। साम्रा᳚ज्ये॒नेति॒ साम्—रा॒ज्ये॒न॒⁠। अ॒भि षि॑ञ्चामि⁠। सि॒ञ्चा॒मीति॑⁠। इत्या॑ह⁠। आ॒है॒षः⁠। ए॒ष वै⁠। वा अ॒ग्नेः⁠। अ॒ग्नेः स॒वः⁠। स॒वस्तेन॑⁠। तेनै॒व⁠। ए॒वैन᳚म्⁠। ए॒न॒म॒भि⁠। अ॒भि षि॑ञ्चति⁠। सि॒ञ्च॒ति॒ बृह॒स्पतेः᳚⁠। बृह॒स्पते᳚स्त्वा⁠। त्वा॒ साम्रा᳚ज्येन⁠। साम्रा᳚ज्येना॒भि⁠। साम्रा᳚ज्ये॒नेति॒ साम्—रा॒ज्ये॒न॒⁠। अ॒भि षि॑ञ्चामि⁠। सि॒ञ्चा॒मीति॑⁠। इत्या॑ह⁠। आ॒ह॒ ब्रह्म॑⁠। ब्रह्म॒ वै⁠। वै दे॒वाना᳚म्⁠। दे॒वाना॒म् बृह॒स्पतिः॑⁠। बृह॒स्पति॒र् ब्रह्म॑णा⁠। ब्रह्म॑णै॒व⁠। ए॒वैन᳚म्⁠। ए॒न॒म॒भि⁠। अ॒भि षि॑ञ्चति⁠। सि॒ञ्च॒तीन्द्र॑स्य⁠। इन्द्र॑स्य त्वा⁠। त्वा॒ साम्रा᳚ज्येन⁠। साम्रा᳚ज्येना॒भि⁠। साम्रा᳚ज्ये॒नेति॒ साम्—रा॒ज्ये॒न॒⁠। अ॒भि षि॑ञ्चामि⁠। सि॒ञ्चा॒मीति॑⁠। इत्या॑ह⁠। आ॒हे॒न्द्रि॒यम्⁠। इ॒न्द्रि॒यमे॒व⁠। ए॒वास्मि॑न्न्⁠। अ॒स्मि॒न्नु॒परि॑ष्टात्⁠। उ॒परि॑ष्टाद् दधाति⁠। द॒धा॒त्ये॒तत्⁠। ए॒तद् वै⁠। [१३] वै रा॑ज॒सूय॑स्य⁠। रा॒ज॒सूय॑स्य रू॒पम्⁠। रा॒ज॒सूय॒स्येति॑ राज—सूय॑स्य⁠। रू॒पय्ँयः⁠। य ए॒वम्⁠। ए॒वव्ँवि॒द्वान्⁠। वि॒द्वान॒ग्निम्⁠। अ॒ग्निम् चि॑नु॒ते⁠। चि॒नु॒त उ॒भौ⁠। उ॒भावे॒व⁠। ए॒व लो॒कौ⁠। लो॒काव॒भि⁠। अ॒भि ज॑यति⁠। ज॒य॒ति॒ यः⁠। यश्च॑⁠। च॒ रा॒ज॒सूये॑न⁠। रा॒ज॒सूये॑नेजा॒नस्य॑⁠। रा॒ज॒सूये॒नेति॑ राज—सूये॑न⁠। ई॒जा॒नस्य॒ यः⁠। यश्च॑⁠। चा॒ग्नि॒चितः॑⁠। अ॒ग्नि॒चित॒ इन्द्र॑स्य⁠। अ॒ग्नि॒चित॒ इत्य॑ग्नि—चितः॑⁠। इन्द्र॑स्य सुषुवा॒णस्य॑⁠। सु॒षु॒वा॒णस्य॑ दश॒धा⁠। द॒श॒धेन्द्रि॒यम्⁠। द॒श॒धेति॑ दश—धा⁠। इ॒न्द्रि॒यव्ँवी॒र्य᳚म्⁠। वी॒र्य॑म् परा᳚⁠। परा॑ऽपतत्⁠। अ॒प॒त॒त् तत्⁠। तद् दे॒वाः⁠। दे॒वाः सौ᳚त्राम॒ण्या⁠। सौ॒त्रा॒म॒ण्या सम्⁠। सम॑भरन्न्⁠। अ॒भ॒र॒न्थ् सू॒यते᳚⁠। सू॒यते॒ वै⁠। वा ए॒षः⁠। ए॒ष यः⁠। यो᳚ऽग्निम्⁠। अ॒ग्निम् चि॑नु॒ते⁠। चि॒नु॒ते᳚ऽग्निम्⁠। अ॒ग्निम् चि॒त्वा⁠। चि॒त्वा सौ᳚त्राम॒ण्या⁠। सौ॒त्रा॒म॒ण्या य॑जेत⁠। य॒जे॒ते॒न्द्रि॒यम्⁠। इ॒न्द्रि॒यमे॒व⁠। ए॒व वी॒र्य᳚म्⁠। वी॒र्य॑ꣳ स॒म्भृत्य॑⁠। स॒म्भृत्या॒त्मन्न्⁠। स॒म्भृत्येति॑ सम्—भृत्य॑⁠। आ॒त्मन् ध॑त्ते⁠। ध॒त्त॒ इति॑ धत्ते⁠॥ [१४] (त ए॒वा न्वव॑स्रावयत्ये॒ त द॒ष्टाच॑त्वारिꣳशच्च) ॥३॥
स॒जूरब्दः॑⁠। स॒जूरिति॑ स—जूः⁠। अब्दोऽया॑वभिः⁠। अया॑वभिः स॒जूः⁠। अया॑वभि॒रित्यया॑व—भिः॒⁠। स॒जूरु॒षाः⁠। स॒जूरिति॑ स—जूः⁠। उ॒षा अरु॑णीभिः⁠। अरु॑णीभिः स॒जूः⁠। स॒जूः सूर्यः॑⁠। स॒जूरिति॑ स—जूः⁠। सूर्य॒ एत॑शेन⁠। एत॑शेन स॒जोषौ᳚⁠। स॒जोषा॑व॒श्विना᳚⁠। स॒जोषा॒विति॑ स—जोषौ᳚⁠। अ॒श्विना॒ दꣳसो॑भिः⁠। दꣳसो॑भिः स॒जूः⁠। दꣳसो॑भि॒रिति॒दꣳसः॑—भिः॒⁠। स॒जूर॒ग्निः⁠। स॒जूरिति॑ स—जूः⁠। अ॒ग्निर् वै᳚श्वान॒रः⁠। वै॒श्वा॒न॒र इडा॑भिः⁠। इडा॑भिर् घृ॒तेन॑⁠। घृ॒तेन॒ स्वाहा᳚⁠। स्वाहा॑ सव्ँवथ्स॒रः⁠। स॒व्ँव॒थ्स॒रो वै⁠। स॒व्ँव॒थ्स॒र इति॑ सम्—व॒थ्स॒रः⁠। वा अब्दः॑⁠। अब्दो॒ मासाः᳚⁠। मासा॒ अया॑वाः⁠। अया॑वा उ॒षाः⁠। उ॒षा अरु॑णी⁠। अरु॑णी॒ सूर्यः॑⁠। सूर्य॒ एत॑शः⁠। एत॑श इ॒मे⁠। इ॒मे अ॒श्विना᳚⁠। इमे॒ इती॒मे⁠। अ॒श्विना॑ सव्ँवथ्स॒रः⁠। स॒व्ँव॒थ्स॒रो᳚ऽग्निः⁠। स॒व्ँव॒थ्स॒र इति॑ सम्—व॒थ्स॒रः⁠। अ॒ग्निर् वै᳚श्वान॒रः⁠। वै॒श्वा॒न॒रः प॒शवः॑⁠। प॒शव॒ इडा᳚⁠। इडा॑ प॒शवः॑⁠। प॒शवो॑ घृ॒तम्⁠। घृ॒तꣳ स॑व्ँवथ्स॒रम्⁠। स॒व्ँव॒थ्स॒रम् प॒शवः॑⁠। स॒व्ँव॒थ्स॒रमिति॑ सम्—व॒थ्स॒रम्⁠। प॒शवोऽनु॑⁠। अनु॒ प्र⁠। प्र जा॑यन्ते⁠। जा॒य॒न्ते॒ स॒व्ँव॒थ्स॒रेण॑⁠। स॒व्ँव॒थ्स॒रेणै॒व⁠। स॒व्ँव॒थ्स॒रेणेति॑ सम्—व॒थ्स॒रेण॑⁠। ए॒वास्मै᳚⁠। अ॒स्मै॒ प॒शून्⁠। प॒शून् प्र⁠। प्र ज॑नयति⁠। ज॒न॒य॒ति॒ द॒र्भ॒स्त॒म्बे⁠। द॒र्भ॒स्त॒म्बे जु॑होति⁠। द॒र्भ॒स्त॒म्ब इति॑ दर्भ—स्त॒म्बे⁠। जु॒हो॒ति॒ यत्⁠। यद् वै⁠। [१५] वा अ॒स्याः⁠। अ॒स्या अ॒मृत᳚म्⁠। अ॒मृत॒य्ँयत्⁠। यद् वी॒र्य᳚म्⁠। वी॒र्य॑म् तत्⁠। तद् द॒र्भाः⁠। द॒र्भास्तस्मि॑न्न्⁠। तस्मि॑न् जुहोति⁠। जु॒हो॒ति॒ प्र⁠। प्रैव⁠। ए॒व जा॑यते⁠। जा॒य॒ते॒ऽन्ना॒दः⁠। अ॒न्ना॒दो भ॑वति⁠। अ॒न्ना॒द इत्य॑न्न—अ॒दः⁠। भ॒व॒ति॒ यस्य॑⁠। यस्यै॒वम्⁠। ए॒वम् जुह्व॑ति⁠। जुह्व॑त्ये॒ताः⁠। ए॒ता वै⁠। वै दे॒वताः᳚⁠। दे॒वता॑ अ॒ग्नेः⁠। अ॒ग्नेः पु॒रस्ता᳚द्भागाः⁠। पु॒रस्ता᳚द्‍भागा॒स्ताः⁠। पु॒रस्ता᳚द्‍भागा॒ इति॑ पु॒रस्ता᳚त्—भा॒गाः॒⁠। ता ए॒व⁠। ए॒व प्री॑णाति⁠। प्री॒णा॒त्यथो᳚⁠। अथो॒ चख्‍षुः॑⁠। अथो॒ इत्यथो᳚⁠। चख्‍षु॑रे॒व⁠। ए॒वाग्नेः⁠। अ॒ग्नेः पु॒रस्ता᳚त्⁠। पु॒रस्ता॒त् प्रति॑⁠। प्रति॑ दधाति⁠। द॒धा॒त्यन॑न्धः⁠। अन॑न्धो भवति⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। वेदापः॑⁠। आपो॒ वै⁠। वा इ॒दम्⁠। इ॒दमग्रे᳚⁠। अग्रे॑ सलि॒लम्⁠। स॒लि॒लमा॑सीत्⁠। आ॒सी॒थ् सः⁠। स प्र॒जाप॑तिः⁠। प्र॒जाप॑तिः पुष्करप॒र्णे⁠। प्र॒जाप॑ति॒रिति॑ प्र॒जा—प॒तिः॒⁠। पु॒ष्क॒र॒प॒र्णे वातः॑⁠। पु॒ष्क॒र॒प॒र्ण इति॑ पुष्कर—प॒र्णे⁠। वातो॑ भू॒तः⁠। भू॒तो॑ऽलेलायत्⁠। अ॒ले॒ला॒य॒थ् सः⁠। स प्र॑ति॒ष्ठाम्⁠। [१६] प्र॒ति॒ष्ठाम् न⁠। प्र॒ति॒ष्ठामिति॑ प्रति—स्थाम्⁠। नावि॑न्दत⁠। अ॒वि॒न्द॒त॒ सः⁠। स ए॒तत्⁠। ए॒तद॒पाम्⁠। अ॒पाम् कु॒लाय᳚म्⁠। कु॒लाय॑मपश्यत्⁠। अ॒प॒श्य॒त् तस्मि॑न्न्⁠। तस्मि॑न्न॒ग्निम्⁠। अ॒ग्निम॑चिनुत⁠। अ॒चि॒नु॒त॒ तत्⁠। तदि॒यम्⁠। इ॒यम॑भवत्⁠। अ॒भ॒व॒त् ततः॑⁠। ततो॒ वै⁠। वै सः⁠। स प्रति॑⁠। प्रत्य॑तिष्ठत्⁠। अ॒ति॒ष्ठ॒द् याम्⁠। याम् पु॒रस्ता᳚त्⁠। पु॒रस्ता॑दु॒पाद॑धात्⁠। उ॒पाद॑धा॒त् तत्⁠। उ॒पाद॑धा॒दित्यु॑प—अद॑धात्⁠। तच्छिरः॑⁠। शिरो॑ऽभवत्⁠। अ॒भ॒व॒थ् सा⁠। सा प्राची᳚⁠। प्राची॒ दिक्⁠। दिग् याम्⁠। याम् द॑ख्‍षिण॒तः⁠। द॒ख्‍षि॒ण॒त उ॒पाद॑धात्⁠। उ॒पाद॑धा॒थ् सः⁠। उ॒पाद॑धा॒दित्यु॑प—अद॑धात्⁠। स दख्‍षि॑णः⁠। दख्‍षि॑णः प॒ख्‍षः⁠। प॒ख्‍षो॑ऽभवत्⁠। अ॒भ॒व॒थ् सा⁠। सा द॑ख्‍षि॒णा⁠। द॒ख्‍षि॒णा दिक्⁠। दिग् याम्⁠। याम् प॒श्चात्⁠। प॒श्चादु॒पाद॑धात्⁠। उ॒पाद॑धा॒त् तत्⁠। उ॒पाद॑धा॒दित्यु॑प—अद॑धात्⁠। तत् पुच्छ᳚म्⁠। पुच्छ॑मभवत्⁠। अ॒भ॒व॒थ् सा⁠। सा प्र॒तीची᳚⁠। प्र॒तिची॒ दिक्⁠। दिग् याम्⁠। यामु॑त्तर॒तः⁠। उ॒त्त॒र॒त उ॒पाद॑धात्⁠। उ॒त्त॒र॒त इत्यु॑त्—त॒र॒तः⁠। उ॒पाद॑धा॒थ् सः⁠। उ॒पाद॑धा॒दित्यु॑प—अद॑धात्⁠। [१७] स उत्त॑रः⁠। उत्त॑रः प॒ख्‍षः⁠। उत्त॑र॒ इत्युत्—त॒रः॒⁠। प॒ख्‍षो॑ऽभवत्⁠। अ॒भ॒व॒थ् सा⁠। सोदी॑ची⁠। उदी॑ची॒ दिक्⁠। दिग् याम्⁠। यामु॒परि॑ष्टात्⁠। उ॒परि॑ष्टादु॒पाद॑धात्⁠। उ॒पाद॑धा॒त् तत्⁠। उ॒पाद॑धा॒दित्यु॑प—अद॑धात्⁠। तत् पृ॒ष्ठम्⁠। पृ॒ष्ठम॑भवत्⁠। अ॒भ॒व॒थ् सा⁠। सोर्द्ध्वा⁠। ऊ॒र्द्ध्वा दिक्⁠। दिगि॒यम्⁠। इ॒यव्ँवै⁠। वा अ॒ग्निः⁠। अ॒ग्निः पञ्चे᳚ष्टकः⁠। पञ्चे᳚ष्टक॒स्तस्मा᳚त्⁠। पञ्चे᳚ष्टक॒ इति॒ पञ्च॑—इ॒ष्ट॒कः॒⁠। तस्मा॒द् यत्⁠। यद॒स्याम्⁠। अ॒स्याम् खन॑न्ति⁠। खन॑न्त्य॒भि⁠। अ॒भीष्ट॑काम्⁠। इष्ट॑काम् तृ॒न्दन्ति॑⁠। तृ॒न्दन्त्य॒भि⁠। अ॒भि शर्क॑राम्⁠। शर्क॑रा॒ꣳ॒ सर्वा᳚⁠। सर्वा॒ वै⁠। वा इ॒यम्⁠। इ॒यव्ँवयो᳚भ्यः⁠। वयो᳚भ्यो॒ नक्त᳚म्⁠। वयो᳚भ्य॒ इति॒ वयः॑—भ्यः॒⁠। नक्त॑म् दृ॒शे⁠। दृ॒शे दी᳚प्यते⁠। दी॒प्य॒ते॒ तस्मा᳚त्⁠। तस्मा॑दि॒माम्⁠। इ॒माव्ँवया॑ꣳसि⁠। वया॑ꣳसि॒ नक्त᳚म्⁠। नक्त॒म् न⁠। नाधि॑⁠। अद्ध्या॑सते⁠। आ॒स॒ते॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान॒ग्निम्⁠। अ॒ग्निम् चि॑नु॒ते⁠। चि॒नु॒ते प्रति॑⁠। प्रत्ये॒व⁠। ए॒व ति॑ष्ठति⁠। [१८] ति॒ष्ठ॒त्य॒भि⁠। अ॒भि दिशः॑⁠। दिशो॑ जयति⁠। ज॒य॒त्या॒ग्ने॒यः⁠। आ॒ग्ने॒यो वै⁠। वै ब्रा᳚ह्म॒णः⁠। ब्रा॒ह्म॒णस्तस्मा᳚त्⁠। तस्मा᳚द् ब्राह्म॒णाय॑⁠। ब्रा॒ह्म॒णाय॒ सर्वा॑सु⁠। सर्वा॑सु दि॒ख्‍षु⁠। दि॒ख्‍ष्वर्द्धु॑कम्⁠। अर्द्धु॑क॒ꣴ॒ स्वाम्⁠। स्वामे॒व⁠। ए॒व तत्⁠। तद् दिश᳚म्⁠। दिश॒मनु॑⁠। अन्वे॑ति⁠। ए॒त्य॒पाम्⁠। अ॒पाव्ँवै⁠। वा अ॒ग्निः⁠। अ॒ग्निः कु॒लाय᳚म्⁠। कु॒लाय॒म् तस्मा᳚त्⁠। तस्मा॒दापः॑⁠। आपो॒ऽग्निम्⁠। अ॒ग्निꣳ हारु॑काः⁠। हारु॑काः॒ स्वाम्⁠। स्वामे॒व⁠। ए॒व तत्⁠। तद् योनि᳚म्⁠। योनि॒म् प्र⁠। प्र वि॑शन्ति⁠। वि॒श॒न्तीति॑ विशन्ति⁠॥ [१९] (यद॑ लेलाय॒थ् स उ॑त्तर॒त उ॒पाद॑धा दे॒व द्वात्रि॑ꣳशच्च) ॥४॥
स॒व्ँव॒थ्स॒रमुख्य᳚म्⁠। स॒व्ँव॒थ्स॒रमिति॑ सम्—व॒थ्स॒रम्⁠। उख्य॑म् भृ॒त्वा⁠। भृ॒त्वा द्वि॒तीये᳚⁠। द्वि॒तीये॑ सव्ँवथ्स॒रे⁠। स॒व्ँव॒थ्स॒र आ᳚ग्ने॒यम्⁠। स॒व्ँव॒थ्स॒र इति॑ सम्—व॒थ्स॒रे⁠। आ॒ग्ने॒यम॒ष्टाक॑पालम्⁠। अ॒ष्टाक॑पाल॒म् निः⁠। अ॒ष्टाक॑पाल॒मित्य॒ष्टा—क॒पा॒ल॒म्⁠। निर् व॑पेत्⁠। व॒पे॒दै॒न्द्रम्⁠। ऐ॒न्द्रमेका॑दशकपालम्⁠। एका॑दशकपालव्ँवैश्वदे॒वम्⁠। एका॑दशकपाल॒मित्येका॑दश—क॒पा॒ल॒म्⁠। वै॒श्व॒दे॒वम् द्वाद॑शकपालम्⁠। वै॒श्व॒दे॒वमिति॑ वैश्व—दे॒वम्⁠। द्वाद॑शकपालम् बार्‌हस्प॒त्यम्⁠। द्वाद॑शकपाल॒मिति॒ द्वाद॑श—क॒पा॒ल॒म्⁠। बा॒र्॒‌ह॒स्प॒त्यम् च॒रुम्⁠। च॒रुम् वै᳚ष्ण॒वम्⁠। वै॒ष्ण॒वम् त्रि॑कपा॒लम्⁠। त्रि॒क॒पा॒लम् तृ॒तीये᳚⁠। त्रि॒क॒पा॒लमिति॑ त्रि—क॒पा॒लम्⁠। तृ॒तीये॑ सव्ँवथ्स॒रे⁠। स॒व्ँव॒थ्स॒रे॑ऽभि॒जिता᳚⁠। स॒व्ँव॒थ्स॒र इति॑ सम्—व॒थ्स॒रे⁠। अ॒भि॒जिता॑ यजेत⁠। अ॒भि॒जितेत्य॑भि—जिता᳚⁠। य॒जे॒त॒ यत्⁠। यद॒ष्टाक॑पालः⁠। अ॒ष्टाक॑पालो॒ भव॑ति⁠। अ॒ष्टाक॑पाल॒ इत्य॒ष्टा—क॒पा॒लः॒⁠। भव॑त्य॒ष्टाख्‍ष॑रा⁠। अ॒ष्टाख्‍ष॑रा गाय॒त्री⁠। अ॒ष्टाख्‍ष॒रेत्य॒ष्टा—अ॒ख्‍ष॒रा॒⁠। गा॒य॒त्र्या᳚ग्ने॒यम्⁠। आ॒ग्ने॒यम् गा॑य॒त्रम्⁠। गा॒य॒त्रम् प्रा॑तस्सव॒नम्⁠। प्रा॒त॒स्स॒व॒नम् प्रा॑तस्सव॒नम्⁠। प्रा॒त॒स्स॒व॒नमिति॑ प्रातः—स॒व॒नम्⁠। प्रा॒त॒स्स॒व॒नमे॒व⁠। प्रा॒त॒स्स॒व॒नमिति॑ प्रातः—स॒व॒नम्⁠। ए॒व तेन॑⁠। तेन॑ दाधार⁠। दा॒धा॒र॒ गा॒य॒त्रीम्⁠। गा॒य॒त्रीम् छन्दः॑⁠। छन्दो॒ यत्⁠। यदेका॑दशकपालः⁠। एका॑दशकपालो॒ भव॑ति⁠। एका॑दशकपाल॒ इत्येका॑दश—क॒पा॒लः॒⁠। भव॒त्येका॑दशाख्‍षरा⁠। एका॑दशाख्‍षरा त्रि॒ष्टुक्⁠। एका॑दशाख्‍ष॒रेत्येका॑दश—अ॒ख्‍ष॒रा॒⁠। त्रि॒ष्टुगै॒न्द्रम्⁠। ऐ॒न्दम् त्रैष्टु॑भम्⁠। त्रैष्टु॑भ॒म् माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। सव॑न॒म् माद्ध्य॑न्दिनम्⁠। माद्ध्य॑न्दिनमे॒व⁠। ए॒व सव॑नम्⁠। सव॑न॒म् तेन॑⁠। तेन॑ दाधार⁠। दा॒धा॒र॒ त्रि॒ष्टुभ᳚म्⁠। त्रि॒ष्टुभ॒म् छन्दः॑⁠। [२०] छन्दो॒ यत्⁠। यद् द्वाद॑शकपालः⁠। द्वाद॑शकपालो॒ भव॑ति⁠। द्वाद॑शकपाल॒ इति॒ द्वाद॑श—क॒पा॒लः॒⁠। भव॑ति॒ द्वाद॑शाख्‍षरा⁠। द्वाद॑शाख्‍षरा॒ जग॑ती⁠। द्वाद॑शाख्‍ष॒रेति॒ द्वाद॑श—अ॒ख्‍ष॒रा॒⁠। जग॑ती वैश्वदे॒वम्⁠। वै॒श्व॒दे॒वम् जाग॑तम्⁠। वै॒श्व॒दे॒वमिति॑ वैश्व—दे॒वम्⁠। जाग॑तम् तृतीयसव॒नम्⁠। तृ॒ती॒य॒स॒व॒नम् तृ॑तीयसव॒नम्⁠। तृ॒ती॒य॒स॒व॒नमिति॑ तृतीय—स॒व॒नम्⁠। तृ॒ती॒य॒स॒व॒नमे॒व⁠। तृ॒ती॒य॒स॒व॒नमिति॑ तृतीय—स॒व॒नम्⁠। ए॒व तेन॑⁠। तेन॑ दाधार⁠। दा॒धा॒र॒ जग॑तीम्⁠। जग॑ती॒म् छन्दः॑⁠। छन्दो॒ यत्⁠। यद् बा॑र्‌हस्प॒त्यः⁠। बा॒र्॒‌ह॒स्प॒त्यश्च॒रुः⁠। च॒रुर् भव॑ति⁠। भव॑ति॒ ब्रह्म॑⁠। ब्रह्म॒ वै⁠। वै दे॒वाना᳚म्⁠। दे॒वाना॒म् बृह॒स्पतिः॑⁠। बृह॒स्पति॒र् ब्रह्म॑⁠। ब्रह्मै॒व⁠। ए॒व तेन॑⁠। तेन॑ दाधार⁠। दा॒धा॒र॒ यत्⁠। यद् वै᳚ष्ण॒वः⁠। वै॒ष्ण॒वस्त्रि॑कपा॒लः⁠। त्रि॒क॒पा॒लो भव॑ति⁠। त्रि॒क॒पा॒ल इति॑ त्रि—क॒पा॒लः⁠। भव॑ति य॒ज्ञः⁠। य॒ज्ञो वै⁠। वै विष्णुः॑⁠। विष्णु॑र् य॒ज्ञम्⁠। य॒ज्ञमे॒व⁠। ए॒व तेन॑⁠। तेन॑ दाधार⁠। दा॒धा॒र॒ यत्⁠। यत् तृ॒तीये᳚⁠। तृ॒तीये॑ सव्ँवथ्स॒रे⁠। स॒व्ँव॒थ्स॒रे॑ऽभि॒जिता᳚⁠। स॒व्ँव॒थ्स॒र इति॑ सम्—व॒थ्स॒रे⁠। अ॒भि॒जिता॒ यज॑ते⁠। अ॒भि॒जितेत्य॑भि—जिता᳚⁠। यज॑ते॒ऽभिजि॑त्यै⁠। अ॒भिजि॑त्यै॒ यत्⁠। अ॒भिजि॑त्या॒ इत्य॒भि—जि॒त्यै॒⁠। यथ् स॑व्ँवथ्स॒रम्⁠। स॒व्ँव॒थ्स॒रमुख्य᳚म्⁠। स॒व्ँव॒थ्स॒रमिति॑ सम्—व॒थ्स॒रम्⁠। उख्य॑म् बि॒भर्ति॑⁠। बि॒भर्ती॒मम्⁠। इ॒ममे॒व⁠। ए॒व तेन॑⁠। [२१] तेन॑ लो॒कम्⁠। लो॒कꣴ स्पृ॑णोति⁠। स्पृ॒णो॒ति॒ यत्⁠। यद् द्वि॒तीये᳚⁠। द्वि॒तीये॑ सव्ँवथ्स॒रे⁠। स॒व्ँव॒थ्स॒रे᳚ऽग्निम्⁠। स॒व्ँव॒थ्स॒र इति॑ सम्—व॒थ्स॒रे⁠। अ॒ग्निम् चि॑नु॒ते⁠। चि॒नु॒ते᳚ऽन्तरि॑ख्‍षम्⁠। अ॒न्तरि॑ख्‍षमे॒व⁠। ए॒व तेन॑⁠। तेन॑ स्पृणोति⁠। स्पृ॒णो॒ति॒ यत्⁠। यत् तृ॒तीये᳚⁠। तृ॒तीये॑ सव्ँवथ्स॒रे⁠। स॒व्ँव॒थ्स॒रे यज॑ते⁠। स॒व्ँव॒थ्स॒र इति॑ सम्—व॒थ्स॒रे⁠। यज॑ते॒ऽमुम्⁠। अ॒मुमे॒व⁠। ए॒व तेन॑⁠। तेन॑ लो॒कम्⁠। लो॒कꣴ स्पृ॑णोति⁠। स्पृ॒णो॒त्ये॒तम्⁠। ए॒तव्ँवै⁠। वै परः॑⁠। पर॑ आट्णा॒रः⁠। आ॒ट्णा॒रः क॒ख्‍षीवा॑न्⁠। क॒ख्‍षीवा॑ꣳ औशि॒जः⁠। क॒ख्‍षीवा॒निति॑ क॒ख्‍षी—वा॒न्॒⁠। औ॒शि॒जो वी॒तह॑व्यः⁠। वी॒तह॑व्यः श्राय॒सः⁠। वी॒तह॑व्य॒ इति॑ वी॒त—ह॒व्यः॒⁠। श्रा॒य॒स स्त्र॒सद॑स्युः⁠। त्र॒सद॑स्युः पौरुकु॒थ्स्यः⁠। पौ॒रु॒कु॒थ्स्यः प्र॒जाका॑माः⁠। पौ॒रु॒कु॒थ्स्य इति॑ पौरु—कु॒थ्स्यः⁠। प्र॒जाका॑मा अचिन्वत⁠। प्र॒जाका॑मा॒ इति॑ प्र॒जा—का॒माः॒⁠। अ॒चि॒न्व॒त॒ ततः॑⁠। ततो॒ वै⁠। वै ते⁠। ते स॒हस्र॑ꣳसहस्रम्⁠। स॒हस्र॑ꣳसहस्रम् पु॒त्रान्⁠। स॒हस्र॑ꣳसहस्र॒मिति॑ स॒हस्र᳚म्—स॒ह॒स्र॒म्⁠। पु॒त्रान॑विन्दन्त⁠। अ॒वि॒न्द॒न्त॒ प्रथ॑ते⁠। प्रथ॑ते प्र॒जया᳚⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभि॒स्ताम्⁠। प॒शुभि॒रिति॑ प॒शु—भिः॒⁠। ताम् मात्रा᳚म्⁠। मात्रा॑माप्नोति⁠। आ॒प्नो॒ति॒ याम्⁠। याम् ते⁠। तेऽग॑च्छन्न्⁠। अग॑च्छ॒न्॒‌यः⁠। य ए॒वम्⁠। ए॒वव्ँवि॒द्वान्⁠। वि॒द्वाने॒तम्⁠। ए॒तम॒ग्निम्⁠। अ॒ग्निम् चि॑नु॒ते⁠। चि॒नु॒त इति॑ चिनु॒ते⁠॥ [२२] (दा॒धा॒र त्रि॒ष्टुभ॑ मि॒ममे॒वै वम् च॒त्वारि॑ च) ॥५॥
प्र॒जाप॑तिर॒ग्निम्⁠। प्र॒जाप॑ति॒रिति॑ प्र॒जा—प॒तिः॒⁠। अ॒ग्निम॑चिनुत⁠। अ॒चि॒नु॒त॒ सः⁠। स ख्‍षु॒रप॑विः⁠। ख्‍षु॒रप॑विर् भू॒त्वा⁠। ख्‍षु॒रप॑वि॒रिति॑ ख्‍षु॒र—प॒विः॒⁠। भू॒त्वाऽति॑ष्ठत्⁠। अ॒ति॒ष्ठ॒त् तम्⁠। तम् दे॒वाः⁠। दे॒वा बिभ्य॑तः⁠। बिभ्य॑तो॒ न⁠। नोप॑⁠। उपा॑यन्न्⁠। आ॒य॒न् ते⁠। ते छन्दो॑भिः⁠। छनो॑भिरा॒त्मान᳚म्⁠। छन्दो॑भि॒रिति॒ छन्दः॑—भिः॒⁠। आ॒त्मान॑म् छादयि॒त्वा⁠। छा॒द॒यि॒त्वोप॑⁠। उपा॑यन्न्⁠। आ॒य॒न् तत्⁠। तच् छन्द॑साम्⁠। छन्द॑साम् छन्द॒स्त्वम्⁠। छ॒न्द॒स्त्वम् ब्रह्म॑⁠। छ॒न्द॒स्त्वमिति॑ छन्दः—त्वम्⁠। ब्रह्म॒ वै⁠। वै छन्दा॑ꣳसि⁠। छन्दा॑ꣳसि॒ ब्रह्म॑णः⁠। ब्रह्म॑ण ए॒तत्⁠। ए॒तद् रू॒पम्⁠। रू॒पय्ँयत्⁠। यत् कृ॑ष्णाजि॒नम्⁠। कृ॒ष्णा॒जि॒नम् कार्ष्णी᳚⁠। कृ॒ष्णा॒जि॒नमिति॑ कृष्ण—अ॒जि॒नम्⁠। कार्ष्णी॑ उपा॒नहौ᳚⁠। कार्ष्णी॒ इति॒ कार्ष्णी᳚⁠। उ॒पा॒नहा॒वुप॑⁠। उप॑ मुञ्चते⁠। मु॒ञ्च॒ते॒ छन्दो॑भिः⁠। छन्दो॑भिरे॒व⁠। छन्दो॑भि॒रिति॒ छन्दः॑—भिः॒⁠। ए॒वात्मान᳚म्⁠। आ॒त्मान॑म् छादयि॒त्वा⁠। छा॒द॒यि॒त्वाऽग्निम्⁠। अ॒ग्निमुप॑⁠। उप॑ चरति⁠। च॒र॒त्या॒त्मनः॑⁠। आ॒त्मनोऽहि॑ꣳसायै⁠। अहि॑ꣳसायै देवनि॒धिः⁠। दे॒व॒नि॒धिर् वै⁠। दे॒व॒नि॒धिरिति॑ देव—नि॒धिः⁠। वा ए॒षः⁠। ए॒ष नि⁠। नि धी॑यते⁠। धी॒य॒ते॒ यत्⁠। यद॒ग्निः⁠। अ॒ग्निर॒न्ये⁠। [२३] अ॒न्ये वा᳚⁠। वा॒ वै⁠। वै नि॒धिम्⁠। नि॒धिमगु॑प्तम्⁠। नि॒धिमिति॑ नि—धिम्⁠। अगु॑प्तव्ँवि॒न्दन्ति॑⁠। वि॒न्दन्ति॒ न⁠। न वा᳚⁠। वा॒ प्रति॑⁠। प्रति॒ प्र⁠। प्र जा॑नाति⁠। जा॒ना॒त्यु॒खाम्⁠। उ॒खामा⁠। आ क्रा॑मति⁠। क्रा॒म॒त्या॒त्मान᳚म्⁠। आ॒त्मान॑मे॒व⁠। ए॒वाधि॒पाम्⁠। अ॒धि॒पाम् कु॑रुते⁠। अ॒धि॒पामित्य॑धि—पाम्⁠। कु॒रु॒ते॒ गुप्त्यै᳚⁠। गुप्त्या॒ अथो᳚⁠। अथो॒ खलु॑⁠। अथो॒ इत्यथो᳚⁠। खल्वा॑हुः⁠। आ॒हु॒र् न⁠। नाक्रम्या᳚⁠। आ॒क्रम्येति॑⁠। आ॒क्रम्येत्या᳚—क्रम्या᳚⁠। इति॑ नैर्‌ऋ॒ती⁠। नै॒र्॒‌ऋ॒त्यु॑खा⁠। नै॒र्॒‌ऋ॒तीति॑ नैः—ऋ॒ती⁠। उ॒खा यत्⁠। यदा॒क्रामे᳚त्⁠। आ॒क्रामे॒न् निर्‌ऋ॑त्यै⁠। आ॒क्रामे॒दित्या᳚—क्रामे᳚त्⁠। निर्‌ऋ॑त्या आ॒त्मान᳚म्⁠। निर्‌ऋ॑त्या॒ इति॒ निः—ऋ॒त्यै॒⁠। आ॒त्मान॒मपि॑⁠। अपि॑ दद्ध्यात्⁠। द॒द्ध्या॒त् तस्मा᳚त्⁠। तस्मा॒न् न⁠। नाक्रम्या᳚⁠। आ॒क्रम्या॑ पुरुषशी॒र्॒‌षम्⁠। आ॒क्रम्येत्या᳚—क्रम्या᳚⁠। पु॒रु॒ष॒शी॒र्॒‌षमुप॑⁠। पु॒रु॒ष॒शी॒र्॒‌षमिति॑ पुरुष—शी॒र्॒‌षम्⁠। उप॑ दधाति⁠। द॒धा॒ति॒ गुप्त्यै᳚⁠। गुप्त्या॒ अथो᳚⁠। अथो॒ यथा᳚⁠। अथो॒ इत्यथो᳚⁠। यथा᳚ ब्रू॒यात्⁠। ब्रू॒यादे॒तत्⁠। ए॒तन् मे᳚⁠। मे॒ गो॒पा॒य॒⁠। गो॒पा॒येति॑⁠। इति॑ ता॒दृक्⁠। ता॒दृगे॒व⁠। ए॒व तत्⁠। तत् प्र॒जाप॑तिः⁠। [२४] प्र॒जाप॑ति॒र् वै⁠। प्र॒जाप॑ति॒रिति॑ प्र॒जा—प॒तिः॒⁠। वा अथ॑र्वा⁠। अथ॑र्वा॒ऽग्निः⁠। अ॒ग्निरे॒व⁠। ए॒व द॒द्ध्यङ्‍⁠। द॒द्ध्यङ्‍ङा॑थर्व॒णः⁠। आ॒थ॒र्व॒णस्तस्य॑⁠। तस्येष्ट॑काः⁠। इष्ट॑का अ॒स्थानि॑⁠। अ॒स्थान्ये॒तम्⁠। ए॒तꣳ ह॑⁠। ह॒ वाव⁠। वाव तत्⁠। तदृषिः॑⁠। ऋषि॑र॒भ्यनू॑वाच⁠। अ॒भ्यनू॑वा॒चेन्द्रः॑⁠। अ॒भ्यनू॑वा॒चेत्य॑भि—अनू॑वाच⁠। इन्द्रो॑ दधी॒चः⁠। द॒धी॒चो अ॒स्थभिः॑⁠। अ॒स्थभि॒रिति॑⁠। अ॒स्थभि॒रित्य॒स्थ—भिः॒⁠। इति॒ यत्⁠। यदिष्ट॑काभिः⁠। इष्ट॑काभिर॒ग्निम्⁠। अ॒ग्निम् चि॒नोति॑⁠। चि॒नोति॒ सात्मा॑नम्⁠। सात्मा॑नमे॒व⁠। सात्मा॑न॒मिति॒ स—आ॒त्मा॒न॒म्⁠। ए॒वाग्निम्⁠। अ॒ग्निम् चि॑नुते⁠। चि॒नु॒ते॒ सात्मा᳚⁠। सात्मा॒ऽमुष्मि॑न्न्⁠। सात्मेति॒ स—आ॒त्मा॒⁠। अ॒मुष्मि॑ल्ँलो॒के⁠। लो॒के भ॑वति⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। वेद॒ शरी॑रम्⁠। शरी॑र॒व्ँवै⁠। वा ए॒तत्⁠। ए॒तद॒ग्नेः⁠। अ॒ग्नेर् यत्⁠। यच् चित्यः॑⁠। चित्य॑ आ॒त्मा⁠। आ॒त्मा वै᳚श्वान॒रः⁠। वै॒श्वा॒न॒रो यत्⁠। यच् चि॒ते⁠। चि॒ते वै᳚श्वान॒रम्⁠। वै॒श्वा॒न॒रम् जु॒होति॑⁠। जु॒होति॒ शरी॑रम्⁠। शरी॑रमे॒व⁠। ए॒व स॒ꣴ॒स्कृत्य॑⁠। स॒ꣴ॒स्कृत्या॒भ्यारो॑हति⁠। [२५] अ॒भ्यारो॑हति॒ शरी॑रम्⁠। अ॒भ्यारो॑ह॒तीत्य॑भि—आरो॑हति⁠। शरी॑र॒व्ँवै⁠। वा ए॒तत्⁠। ए॒तद् यज॑मानः⁠। यज॑मानः॒ सम्⁠। सꣴ स्कु॑रुते⁠। कु॒रु॒ते॒ यत्⁠। यद॒ग्निम्⁠। अ॒ग्निम् चि॑नु॒ते⁠। चि॒नु॒ते यत्⁠। यच् चि॒ते⁠। चि॒ते वै᳚श्वान॒रम्⁠। वै॒श्वा॒न॒रम् जु॒होति॑⁠। जु॒होति॒ शरी॑रम्⁠। शरी॑रमे॒व⁠। ए॒व स॒ꣴ॒स्कृत्य॑⁠। स॒ꣴ॒स्कृत्या॒त्मना᳚⁠। आ॒त्मना॒ऽभ्यारो॑हति⁠। अ॒भ्यारो॑हति॒ तस्मा᳚त्⁠। अ॒भ्यारो॑ह॒तीत्य॑भि—आरो॑हति⁠। तस्मा॒त् तस्य॑⁠। तस्य॒ न⁠। नाव॑⁠। अव॑ द्यन्ति⁠। द्य॒न्ति॒ जीव॑न्न्⁠। जीव॑न्ने॒व⁠। ए॒व दे॒वान्⁠। दे॒वानपि॑⁠। अप्ये॑ति⁠। ए॒ति॒ वै॒श्वा॒न॒र्या⁠। वै॒श्वा॒न॒र्यर्‌चा⁠। ऋ॒चा पुरी॑षम्⁠। पुरी॑ष॒मुप॑⁠। उप॑ दधाति⁠। द॒धा॒ती॒यम्⁠। इ॒यव्ँवै⁠। वा अ॒ग्निः⁠। अ॒ग्निर् वै᳚श्वान॒रः⁠। वै॒श्वा॒न॒रस्तस्य॑⁠। तस्यै॒षा⁠। ए॒षा चितिः॑⁠। चिति॒र् यत्⁠। यत् पुरी॑षम्⁠। पुरी॑षम॒ग्निम्⁠। अ॒ग्निमे॒व⁠। ए॒व वै᳚श्वान॒रम्⁠। वै॒श्वा॒न॒रम् चि॑नुते⁠। चि॒नु॒त॒ ए॒षा⁠। ए॒षा वै⁠। वा अ॒ग्नेः⁠। अ॒ग्नेः प्रि॒या⁠। प्रि॒या त॒नूः⁠। त॒नूर् यत्⁠। यद् वै᳚श्वान॒रः⁠। वै॒श्वा॒न॒रः प्रि॒याम्⁠। प्रि॒यामे॒व⁠। ए॒वास्य॑⁠। अ॒स्य॒ त॒नुव᳚म्⁠। त॒नुव॒मव॑⁠। अव॑ रुन्धे⁠। रु॒न्ध॒ इति॑ रुन्धे⁠॥ [२६] (अ॒ग्नि स्तथ् स॒ꣴ॒स्कृत्या॒ ग्ने र्दश॑ च) ॥६॥
अ॒ग्नेर् वै⁠। वै दी॒ख्‍षया᳚⁠। दी॒ख्‍षया॑ दे॒वाः⁠। दे॒वा वि॒राज᳚म्⁠। वि॒राज॑माप्नुवन्न्⁠। वि॒राज॒मिति॑ वि—राज᳚म्⁠। आ॒प्नु॒व॒न् ति॒स्रः⁠। ति॒स्रो रात्रीः᳚⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒त् त्रि॒पदा᳚⁠। त्रि॒पदा॑ वि॒राट्⁠। त्रि॒पदेति॑ त्रि—पदा᳚⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ षट्⁠। षड् रात्रीः᳚⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒त् षट्⁠। षड् वै⁠। वा ऋ॒तवः॑⁠। ऋ॒तवः॑ सव्ँवथ्स॒रः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रो वि॒राट्⁠। स॒व्ँव॒थ्स॒र इति॑ सम्—व॒थ्स॒रः⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ दश॑⁠। दश॒ रात्रीः᳚⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒द् दशा᳚ख्‍षरा⁠। दशा᳚ख्‍षरा वि॒राट्⁠। दशा᳚ख्‍ष॒रेति॒ दश॑—अ॒ख्‍ष॒रा॒⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ द्वाद॑श⁠। द्वाद॑श॒ रात्रीः᳚⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒द् द्वाद॑श⁠। द्वाद॑श॒ मासाः᳚⁠। मासाः᳚ सव्ँवथ्स॒रः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रो वि॒राट्⁠। स॒व्ँव॒थ्स॒र इति॑ सम्—व॒थ्स॒रः⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ त्रयो॑दश⁠। त्रयो॑दश॒ रात्रीः᳚⁠। त्रयो॑द॒शेति॒ त्रयः॑—द॒श॒⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒त् त्रयो॑दश⁠। त्रयो॑दश॒ मासाः᳚⁠। त्रयो॑द॒शेति॒ त्रयः॑—द॒श॒⁠। [२७] मासाः᳚ सव्ँवथ्स॒रः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रो वि॒राट्⁠। स॒व्ँव॒थ्स॒र इति॑ सम्—व॒थ्स॒रः⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ पञ्च॑दश⁠। पञ्च॑दश॒ रात्रीः᳚⁠। पञ्च॑द॒शेति॒ पञ्च॑—द॒श॒⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒त् पञ्च॑दश⁠। पञ्च॑दश॒ वै⁠। पञ्च॑द॒शेति॒ पञ्च॑—द॒श॒⁠। वा अ॑र्द्धमा॒सस्य॑⁠। अ॒र्द्ध॒मा॒सस्य॒ रात्र॑यः⁠। अ॒र्द्ध॒मा॒सस्येत्य॑र्द्ध—मा॒सस्य॑⁠। रात्र॑योऽर्द्धमास॒शः⁠। अ॒र्द्ध॒मा॒स॒शः स॑व्ँवथ्स॒रः⁠। अ॒र्द्ध॒मा॒स॒श इत्य॑र्द्धमास—शः⁠। स॒व्ँव॒थ्स॒र आ᳚प्यते⁠। स॒व्ँव॒थ्स॒र इति॑ सम्—व॒थ्स॒रः⁠। आ॒प्य॒ते॒ स॒व्ँव॒थ्स॒रः⁠। स॒व्ँव॒थ्स॒रो वि॒राट्⁠। स॒व्ँव॒थ्स॒र इति॑ सम्—व॒थ्स॒रः⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ स॒प्तद॑श⁠। स॒प्तद॑श॒ रात्रीः᳚⁠। स॒प्तद॒शेति॑ स॒प्त—द॒श॒⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒द् द्वाद॑श⁠। द्वाद॑श॒ मासाः᳚⁠। मासाः॒ पञ्च॑⁠। पञ्च॒र्तवः॑⁠। ऋ॒तवः॒ सः⁠। स स॑व्ँवथ्स॒रः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रो वि॒राट्⁠। स॒व्ँव॒थ्स॒र इति॑ सम्—व॒थ्स॒रः⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ चतु॑र्विꣳशतिम्⁠। चतु॑र्विꣳशति॒ꣳ॒ रात्रीः᳚⁠। चतु॑र्विꣳशति॒मिति॒ चतुः॑—वि॒ꣳ॒श॒ति॒म्⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒च्चतु॑र्विꣳशतिः⁠। चतु॑र्विꣳशतिरर्द्धमा॒साः⁠। चतु॑र्विꣳशति॒रिति॒ चतुः॑—वि॒ꣳ॒श॒तिः॒⁠। अ॒र्द्ध॒मा॒साः स॑व्ँवथ्स॒रः⁠। अ॒र्द्ध॒मा॒सा इत्य॑र्द्ध—मा॒साः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रो वि॒राट्⁠। स॒व्ँव॒थ्स॒र इति॑ सम्—व॒थ्स॒रः⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ त्रि॒ꣳ॒शत᳚म्⁠। त्रि॒ꣳ॒शत॒ꣳ॒ रात्रीः᳚⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒त् त्रि॒ꣳ॒शद॑ख्‍षरा⁠। [२८] त्रि॒ꣳ॒शद॑ख्‍षरा वि॒राट्⁠। त्रि॒ꣳ॒शद॑ख्‍ष॒रेति॑ त्रि॒ꣳ॒शत्—अ॒ख्‍ष॒रा॒⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ मास᳚म्⁠। मास॑म् दीख्‍षि॒तः⁠। दी॒ख्‍षि॒तः स्या᳚त्⁠। स्या॒द् यः⁠। यो मासः॑⁠। मासः॒ सः⁠। स स॑व्ँवथ्स॒रः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रो वि॒राट्⁠। स॒व्ँव॒थ्स॒र इति॑ सम्—व॒थ्स॒रः⁠। वि॒राड् वि॒राज᳚म्⁠। वि॒राडिति॑ वि—राट्⁠। वि॒राज॑माप्नोति⁠। वि॒राज॒मिति॑ वि—राज᳚म्⁠। आ॒प्नो॒ति॒ च॒तुरः॑⁠। च॒तुरो॑ मा॒सः⁠। मा॒सो दी᳚ख्‍षि॒तः⁠। दी॒ख्‍षि॒तः स्या᳚त्⁠। स्या॒च्च॒तुरः॑⁠। च॒तुरो॒ वै⁠। वा ए॒तम्⁠। ए॒तम् मा॒सः⁠। मा॒सो वस॑वः⁠। वस॑वोऽबिभरुः⁠। अ॒बि॒भ॒रु॒स्ते⁠। ते पृ॑थि॒वीम्⁠। पृ॒थि॒वीमा⁠। आऽज॑यन्न्⁠। अ॒ज॒य॒न् गा॒य॒त्रीम्⁠। गा॒य॒त्रीम् छन्दः॑⁠। छन्दो॒ऽष्टौ⁠। अ॒ष्टौ रु॒द्राः⁠। रु॒द्रास्ते⁠। ते᳚ऽन्तरि॑ख्‍षम्⁠। अ॒न्तरि॑ख्‍ष॒मा⁠। आऽज॑यन्न्⁠। अ॒ज॒य॒न् त्रि॒ष्टुभ᳚म्⁠। त्रि॒ष्टुभ॒म् छन्दः॑⁠। छन्दो॒ द्वाद॑श⁠। द्वाद॑शादि॒त्याः⁠। आ॒दि॒त्यास्ते⁠। ते दिव᳚म्⁠। दिव॒मा⁠। आऽज॑यन्न्⁠। अ॒ज॒य॒न् जग॑तीम्⁠। जग॑ती॒म् छन्दः॑⁠। छन्द॒स्ततः॑⁠। ततो॒ वै⁠। वै ते⁠। ते व्या॒वृत᳚म्⁠। व्या॒वृत॑मगच्छन्न्⁠। व्या॒वृत॒मिति॑ वि—आ॒वृत᳚म्⁠। अ॒ग॒च्छ॒न् श्रैष्ठ्‍य᳚म्⁠। श्रैष्ठ्‍य॑म् दे॒वाना᳚म्⁠। दे॒वाना॒म् तस्मा᳚त्⁠। तस्मा॒द् द्वाद॑श⁠। द्वाद॑श मा॒सः⁠। मा॒सो भृ॒त्वा⁠। भृ॒त्वाऽग्निम्⁠। अ॒ग्निम् चि॑न्वीत⁠। चि॒न्वी॒त॒ द्वाद॑श⁠। द्वाद॑श॒ मासाः᳚⁠। मासाः᳚ सव्ँवथ्स॒रः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रो᳚ऽग्निः⁠। स॒व्ँव॒थ्स॒र इति॑ सम्—व॒थ्स॒रः⁠। अ॒ग्निश्चित्यः॑⁠। चित्य॒स्तस्य॑⁠। तस्या॑होरा॒त्राणि॑⁠। अ॒हो॒रा॒त्राणीष्ट॑काः⁠। अ॒हो॒रा॒त्राणीत्य॑हः—रा॒त्राणि॑⁠। इष्ट॑का आ॒प्तेष्ट॑कम्⁠। आ॒प्तेष्ट॑कमेनम्⁠। आ॒प्तेष्ट॑क॒मित्या॒प्त—इ॒ष्ट॒क॒म्⁠। ए॒न॒म् चि॒नु॒ते॒⁠। चि॒नु॒तेऽथो᳚⁠। अथो᳚ व्या॒वृत᳚म्⁠। अथो॒ इत्यथो᳚⁠। व्या॒वृत॑मे॒व⁠। व्या॒वृत॒मिति॑ वि—आ॒वृत᳚म्⁠। ए॒व ग॑च्छति⁠। ग॒च्छ॒ति॒ श्रैष्ठ्‍य᳚म्⁠। श्रैष्ठ्‍य॑ꣳ समा॒नाना᳚म्⁠। स॒मा॒नाना॒मिति॑ समा॒नाना᳚म्⁠॥ [२९] (स्या॒त् त्रयो॑दश त्रि॒ꣳ॒शत॒ꣳ॒ रात्री᳚र्दीख्‍षि॒तः स्या॒द् वै ते᳚ ऽष्टावि॑ꣳशतिश्च) ॥७॥
सु॒व॒र्गाय॒ वै⁠। सु॒व॒र्गायेति॑ सुवः—गाय॑⁠। वा ए॒षः⁠। ए॒ष लो॒काय॑⁠। लो॒काय॑ चीयते⁠। ची॒य॒ते॒ यत्⁠। यद॒ग्निः⁠। अ॒ग्निस्तम्⁠। तय्ँयत्⁠। यन् न⁠। नान्वा॒रोहे᳚त्⁠। अ॒न्वा॒रोहे᳚थ् सुव॒र्गात्⁠। अ॒न्वा॒रोहे॒दित्य॑नु—आ॒रोहे᳚त्⁠। सु॒व॒र्गाल्लो॒कात्⁠। सु॒व॒र्गादिति॑ सुवः—गात्⁠। लो॒काद् यज॑मानः⁠। यज॑मानो हीयेत⁠। ही॒ये॒त॒ पृ॒थि॒वीम्⁠। पृ॒थि॒वीमा⁠। आऽक्र॑मिषम्⁠। अ॒क्र॒मि॒ष॒म् प्रा॒णः⁠। प्रा॒णो मा᳚⁠। प्रा॒ण इति॑ प्र—अ॒नः⁠। मा॒ मा⁠। मा हा॑सीत्⁠। हा॒सी॒द॒न्तरि॑ख्‍षम्⁠। अ॒न्तरि॑ख्‍ष॒मा⁠। आऽक्र॑मिषम्⁠। अ॒क्र॒मि॒ष॒म् प्र॒जा⁠। प्र॒जा मा᳚⁠। प्र॒जेति॑ प्र—जा⁠। मा॒ मा⁠। मा हा॑सीत्⁠। हा॒सी॒द् दिव᳚म्⁠। दिव॒मा⁠। आऽक्र॑मिषम्⁠। अ॒क्र॒मि॒ष॒ꣳ॒ सुवः॑⁠। सुव॑रगन्म⁠। अ॒ग॒न्मेति॑⁠। इत्या॑ह⁠। आ॒है॒षः⁠। ए॒ष वै⁠। वा अ॒ग्नेः⁠। अ॒ग्नेर॑न्वारो॒हः⁠। अ॒न्वा॒रो॒हस्तेन॑⁠। अ॒न्वा॒रो॒ह इत्य॑नु—आ॒रो॒हः⁠। तेनै॒व⁠। ए॒वैन᳚म्⁠। ए॒न॒म॒न्वारो॑हति⁠। अ॒न्वारो॑हति सुव॒र्गस्य॑⁠। अ॒न्वारो॑ह॒तीत्य॑नु—आरो॑हति⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्य॒ सम॑ष्ट्‍यै⁠। सम॑ष्ट्‍यै॒ यत्⁠। सम॑ष्ट्‍या॒ इति॒ सम्—अ॒ष्ट्‍यै॒⁠। यत् प॒ख्‍षस॑म्मिताम्⁠। प॒ख्‍षस॑म्मिताम् मिनु॒यात्⁠। प॒ख्‍षस॑म्मिता॒मिति॑ प॒ख्‍ष—स॒म्मि॒ता॒म्⁠। मि॒नु॒यात् कनी॑याꣳसम्⁠। [३०] कनी॑याꣳसय्ँयज्ञक्र॒तुम्⁠। य॒ज्ञ॒क्र॒तुमुप॑⁠। य॒ज्ञ॒क्र॒तुमिति॑ यज्ञ—क्र॒तुम्⁠। उपे॑यात्⁠। इ॒या॒त् पापी॑यसी⁠। पापी॑यस्यस्य⁠। अ॒स्या॒त्मनः॑⁠। आ॒त्मनः॑ प्र॒जा⁠। प्र॒जा स्या᳚त्⁠। प्र॒जेति॑ प्र—जा⁠। स्या॒द् वेदि॑सम्मिताम्⁠। वेदि॑सम्मिताम् मिनोति⁠। वेदि॑सम्मिता॒मिति॒ वेदि॑—स॒म्मि॒ता॒म्⁠। मि॒नो॒ति॒ ज्याया॑ꣳसम्⁠। ज्याया॑ꣳसमे॒व⁠। ए॒व य॑ज्ञक्र॒तुम्⁠। य॒ज्ञ॒क्र॒तुमुप॑⁠। य॒ज्ञ॒क्र॒तुमिति॑ यज्ञ—क्र॒तुम्⁠। उपै॑ति⁠। ए॒ति॒ न⁠। नास्य॑⁠। अ॒स्या॒त्मनः॑⁠। आ॒त्मनः॒ पापी॑यसी⁠। पापी॑यसी प्र॒जा⁠। प्र॒जा भ॑वति⁠। प्र॒जेति॑ प्र—जा⁠। भ॒व॒ति॒ सा॒ह॒स्रम्⁠। सा॒ह॒स्रम् चि॑न्वीत⁠। चि॒न्वी॒त॒ प्र॒थ॒मम्⁠। प्र॒थ॒मम् चि॑न्वा॒नः⁠। चि॒न्वा॒नः स॒हस्र॑सम्मितः⁠। स॒हस्र॑सम्मितो॒ वै⁠। स॒हस्र॑सम्मित॒ इति॑ स॒हस्र॑—स॒म्मि॒तः॒⁠। वा अ॒यम्⁠। अ॒यल्ँलो॒कः⁠। लो॒क इ॒मम्⁠। इ॒ममे॒व⁠। ए॒व लो॒कम्⁠। लो॒कम॒भि⁠। अ॒भि ज॑यति⁠। ज॒य॒ति॒ द्विषा॑हस्रम्⁠। द्विषा॑हस्रम् चिन्वीत⁠। द्विषा॑हस्र॒मिति॒ द्वि—सा॒ह॒स्र॒म्⁠। चि॒न्वी॒त॒ द्वि॒तीय᳚म्⁠। द्वि॒तीय॑म् चिन्वा॒नः⁠। चि॒न्वा॒नो द्विषा॑हस्रम्⁠। द्विषा॑हस्र॒व्ँवै⁠। द्विषा॑हस्र॒मिति॒ द्वि—सा॒ह॒स्र॒म्⁠। वा अ॒न्तरि॑ख्‍षम्⁠। अ॒न्तरि॑ख्‍षम॒न्तरि॑ख्‍षम्⁠। अ॒न्तरि॑ख्‍षमे॒व⁠। ए॒वाभि⁠। अ॒भि ज॑यति⁠। ज॒य॒ति॒ त्रिषा॑हस्रम्⁠। त्रिषा॑हस्रम् चिन्वीत⁠। त्रिषा॑हस्र॒मिति॒ त्रि—सा॒ह॒स्र॒म्⁠। चि॒न्वी॒त॒ तृ॒तीय᳚म्⁠। तृ॒तीय॑म् चिन्वा॒नः⁠। चि॒न्वा॒नस्त्रिषा॑हस्रः⁠। [३१] त्रिषा॑हस्रो॒ वै⁠। त्रिषा॑हस्र॒ इति॒ त्रि—सा॒ह॒स्रः॒⁠। वा अ॒सौ⁠। अ॒सौ लो॒कः⁠। लो॒को॑ऽमुम्⁠। अ॒मुमे॒व⁠। ए॒व लो॒कम्⁠। लो॒कम॒भि⁠। अ॒भि ज॑यति⁠। ज॒य॒ति॒ जा॒नु॒द॒घ्नम्⁠। जा॒नु॒द॒घ्नम् चि॑न्वीत⁠। जा॒नु॒द॒घ्नमिति॑ जानु—द॒घ्नम्⁠। चि॒न्वी॒त॒ प्र॒थ॒मम्⁠। प्र॒थ॒मम् चि॑न्वा॒नः⁠। चि॒न्वा॒नो गा॑यत्रि॒या⁠। गा॒य॒त्रि॒यैव⁠। ए॒वेमम्⁠। इ॒मल्ँलो॒कम्⁠। लो॒कम॒भ्यारो॑हति⁠। अ॒भ्यारो॑हति नाभिद॒घ्नम्⁠। अ॒भ्यारो॑ह॒तीत्य॑भि—आरो॑हति⁠। ना॒भि॒द॒घ्नम् चि॑न्वीत⁠। ना॒भि॒द॒घ्नमिति॑ नाभि—द॒घ्नम्⁠। चि॒न्वी॒त॒ द्वि॒तीय᳚म्⁠। द्वि॒तीय॑म् चिन्वा॒नः⁠। चि॒न्वा॒नस्त्रि॒ष्टुभा᳚⁠। त्रि॒ष्टुभै॒व⁠। ए॒वान्तरि॑ख्‍षम्⁠। अ॒न्तरि॑ख्‍षम॒भ्यारो॑हति⁠। अ॒भ्यारो॑हति ग्रीवद॒घ्नम्⁠। अ॒भ्यारो॑ह॒तीत्य॑भि—आरो॑हति⁠। ग्री॒व॒द॒घ्नम् चि॑न्वीत⁠। ग्री॒व॒द॒घ्नमिति॑ ग्रीव—द॒घ्नम्⁠। चि॒न्वी॒त॒ तृ॒तीय᳚म्⁠। तृ॒तीय॑म् चिन्वा॒नः⁠। चि॒न्वा॒नो जग॑त्या⁠। जग॑त्यै॒व⁠। ए॒वामुम्⁠। अ॒मुल्ँलो॒कम्⁠। लो॒कम॒भ्यारो॑हति⁠। अ॒भ्यारो॑हति॒ न⁠। अ॒भ्यारो॑ह॒तीत्य॑भि—आरो॑हति⁠। नाग्निम्⁠। अ॒ग्निम् चि॒त्वा⁠। चि॒त्वा रा॒माम्⁠। रा॒मामुप॑⁠। उपे॑यात्⁠। इ॒या॒द॒यो॒नौ⁠। अ॒यो॒नौ रेतः॑⁠। रेतो॑ धास्यामि⁠। धा॒स्या॒मीति॑⁠। इति॒ न⁠। न द्वि॒तीय᳚म्⁠। द्वि॒तीय॑म् चि॒त्वा⁠। चि॒त्वाऽन्यस्य॑⁠। अ॒न्यस्य॒ स्त्रिय᳚म्⁠। स्त्रिय॒मुप॑⁠। [३२] उपे॑यात्⁠। इ॒या॒न् न⁠। न तृ॒तीय᳚म्⁠। तृ॒तीय॑म् चि॒त्वा⁠। चि॒त्वा काम्⁠। काम् च॒न⁠। च॒नोप॑⁠। उपे॑यात्⁠। इ॒या॒द् रेतः॑⁠। रेतो॒ वै⁠। वा ए॒तत्⁠। ए॒तन् नि⁠। नि ध॑त्ते⁠। ध॒त्ते॒ यत्⁠। यद॒ग्निम्⁠। अ॒ग्निम् चि॑नु॒ते⁠। चि॒नु॒ते यत्⁠। यदु॑पे॒यात्⁠। उ॒पे॒याद् रेत॑सा⁠। उ॒पे॒यादित्यु॑प—इ॒यात्⁠। रेत॑सा॒ वि⁠। व्यृ॑द्ध्येत⁠। ऋ॒द्ध्ये॒ताथो᳚⁠। अथो॒ खलु॑⁠। अथो॒ इत्यथो᳚⁠। खल्वा॑हुः⁠। आ॒हु॒र॒प्र॒ज॒स्यम्⁠। अ॒प्र॒ज॒स्यम् तत्⁠। अ॒प्र॒ज॒स्यमित्य॑प्र—ज॒स्यम्⁠। तद् यत्⁠। यन् न⁠। नोपे॒यात्⁠। उ॒पे॒यादिति॑⁠। उ॒पे॒यादित्यु॑प—इ॒यात्⁠। इति॒ यत्⁠। यद् रे॑त॒स्सिचौ᳚⁠। रे॒त॒स्सिचा॑वुप॒दधा॑ति⁠। रे॒त॒स्सिचा॒विति॑ रेतः—सिचौ᳚⁠। उ॒प॒दधा॑ति॒ ते⁠। उ॒प॒दधा॒तीत्यु॑प—दधा॑ति⁠। ते ए॒व⁠। ते इति॒ ते⁠। ए॒व यज॑मानस्य⁠। यज॑मानस्य॒ रेतः॑⁠। रेतो॑ बिभृतः⁠। बि॒भृ॒त॒स्तस्मा᳚त्⁠। तस्मा॒दुप॑⁠। उपे॑यात्⁠। इ॒या॒द् रेत॑सः⁠। रेत॒सोऽस्क॑न्दाय⁠। अस्क॑न्दाय॒ त्रीणि॑⁠। त्रीणि॒ वाव⁠। वाव रेता॑ꣳसि⁠। रेता॑ꣳसि पि॒ता⁠। पि॒ता पु॒त्रः⁠। पु॒त्रः पौत्रः॑⁠। पौत्रो॒ यत्⁠। [३३] यद् द्वे⁠। द्वे रे॑त॒स्सिचौ᳚⁠। द्वे इति॒ द्वे⁠। रे॒त॒स्सिचा॑,वुपद॒द्ध्यात्⁠। रे॒त॒स्सिचा॒विति॑ रेतः—सिचौ᳚⁠। उ॒प॒द॒द्ध्याद् रेतः॑⁠। उ॒प॒द॒द्ध्यादित्यु॑प—द॒द्ध्यात्⁠। रेतो᳚ऽस्य⁠। अ॒स्य॒ वि⁠। विच्छि॑न्द्यात्⁠। छि॒न्द्या॒त् ति॒स्रः⁠। ति॒स्र उप॑⁠। उप॑ दधाति⁠। द॒धा॒ति॒ रेत॑सः⁠। रेत॑सः॒ सन्त॑त्यै⁠। सन्त॑त्या इ॒यम्⁠। सन्त॑त्या॒ इति॒ सम्—त॒त्यै॒⁠। इ॒यव्ँवाव⁠। वाव प्र॑थ॒मा⁠। प्र॒थ॒मा रे॑त॒स्सिक्⁠। रे॒त॒स्सिग् वाक्⁠। रे॒त॒स्सिगिति॑ रेतः—सिक्⁠। वाग् वै⁠। वा इ॒यम्⁠। इ॒यम् तस्मा᳚त्⁠। तस्मा॒त् पश्य॑न्ति⁠। पश्य॑न्ती॒माम्⁠। इ॒माम् पश्य॑न्ति⁠। पश्य॑न्ति॒ वाच᳚म्⁠। वाच॒व्ँवद॑न्तीम्⁠। वद॑न्तीम॒न्तरि॑ख्‍षम्⁠। अ॒न्तरि॑ख्‍षम् द्वि॒तीया᳚⁠। द्वि॒तीया᳚ प्रा॒णः⁠। प्रा॒णो वै⁠। प्रा॒ण इति॑ प्र—अ॒नः⁠। वा अ॒न्तरि॑ख्‍षम्⁠। अ॒न्तरि॑ख्‍ष॒म् तस्मा᳚त्⁠। तस्मा॒न् न⁠। नान्तरि॑ख्‍षम्⁠। अ॒न्तरि॑ख्‍ष॒म् पश्य॑न्ति⁠। पश्य॑न्ति॒ न⁠। न प्रा॒णम्⁠। प्रा॒णम॒सौ⁠। प्रा॒णमिति॑ प्र—अ॒नम्⁠। अ॒सौ तृ॒तीया᳚⁠। तृ॒तीया॒ चख्‍षुः॑⁠। चख्‍षु॒र् वै⁠। वा अ॒सौ⁠। अ॒सौ तस्मा᳚त्⁠। तस्मा॒त् पश्य॑न्ति⁠। पश्य॑न्त्य॒मूम्⁠। अ॒मूम् पश्य॑न्ति⁠। पश्य॑न्ति॒ चख्‍षुः॑⁠। चख्‍षु॒र् यजु॑षा⁠। यजु॑षे॒माम्⁠। इ॒माम् च॑⁠। चा॒मूम्⁠। [३४] अ॒मूम् च॑⁠। चोप॑⁠। उप॑ दधाति⁠। द॒धा॒ति॒ मन॑सा⁠। मन॑सा मद्ध्य॒माम्⁠। म॒द्ध्य॒मामे॒षाम्⁠। ए॒षाल्ँलो॒काना᳚म्⁠। लो॒काना॒म् क्लृप्त्यै᳚⁠। क्लृप्त्या॒ अथो᳚⁠। अथो᳚ प्रा॒णाना᳚म्⁠। अथो॒ इत्यथो᳚⁠। प्रा॒णाना॑मि॒ष्टः⁠। प्रा॒णाना॒मिति॑ प्र—अ॒नाना᳚म्⁠। इ॒ष्टो य॒ज्ञः⁠। य॒ज्ञो भृगु॑भिः⁠। भृगु॑भिराशी॒र्दाः⁠। भृगु॑भि॒रिति॒ भृगु॑—भिः॒⁠। आ॒शी॒र्दा वसु॑भिः⁠। आ॒शी॒र्दा इत्या॑शीः—दाः⁠। वसु॑भि॒स्तस्य॑⁠। वसु॑भि॒रिति॒ वसु॑—भिः॒⁠। तस्य॑ ते⁠। त॒ इ॒ष्टस्य॑⁠। इ॒ष्टस्य॑ वी॒तस्य॑⁠। वी॒तस्य॒ द्रवि॑णा⁠। द्रवि॑णे॒ह⁠। इ॒ह भ॑ख्‍षीय⁠। भ॒ख्‍षी॒येति॑⁠। इत्या॑ह⁠। आ॒ह॒ स्तु॒त॒श॒स्त्रे⁠। स्तु॒त॒श॒स्त्रे ए॒व⁠। स्तु॒त॒श॒स्त्रे इति॑ स्तुत—श॒स्त्रे⁠। ए॒वैतेन॑⁠। ए॒तेन॑ दुहे⁠। दु॒हे॒ पि॒ता⁠। पि॒ता मा॑त॒रिश्वा᳚⁠। मा॒त॒रिश्वाऽच्छि॑द्रा⁠। अच्छि॑द्रा प॒दा⁠। प॒दा धाः᳚⁠। धा॒ अच्छि॑द्राः⁠। अच्छि॑द्रा उ॒शिजः॑⁠। उ॒शिजः॑ प॒दा⁠। प॒दाऽनु॑⁠। अनु॑ तख्‍षुः⁠। त॒ख्‍षुः॒ सोमः॑⁠। सोमो॑ विश्व॒वित्⁠। वि॒श्व॒विन् ने॒ता⁠। वि॒श्व॒विदिति॑ विश्व—वित्⁠। ने॒ता ने॑षत्⁠। ने॒ष॒द् बृह॒स्पतिः॑⁠। बृह॒स्पति॑रुक्थाम॒दानि॑⁠। उ॒क्था॒म॒दानि॑ शꣳसिषत्⁠। उ॒क्था॒म॒दानीत्यु॑क्थ—म॒दानि॑⁠। श॒ꣳ॒सि॒ष॒दिति॑⁠। इत्या॑ह⁠। आ॒है॒तत्⁠। ए॒तद् वै⁠। वा अ॒ग्नेः⁠। अ॒ग्नेरु॒क्थम्⁠। उ॒क्थम् तेन॑⁠। तेनै॒व⁠। ए॒वैन᳚म्⁠। ए॒न॒मनु॑⁠। अनु॑ शꣳसति⁠। श॒ꣳ॒स॒तीति॑ सꣳसति⁠॥ [३५] (मि॒नु॒यात् तृ॒तीय॑म् चिन्वा॒नः स्त्रिय॒म् पौत्र॑ श्च॒ वै स॒प्त च॑) ॥८॥
सू॒यते॒ वै⁠। वा ए॒षः⁠। ए॒षो᳚ऽग्नी॒नाम्⁠। अ॒ग्नी॒नाय्ँयः⁠। य उ॒खाया᳚म्⁠। उ॒खाया᳚म् भ्रि॒यते᳚⁠। भ्रि॒यते॒ यत्⁠। यद॒धः⁠। अ॒धः सा॒दये᳚त्⁠। सा॒दये॒द् गर्भाः᳚⁠। गर्भाः᳚ प्र॒पादु॑काः⁠। प्र॒पादु॑काः स्युः⁠। प्र॒पादु॑का॒ इति॑ प्र—पादु॑काः⁠। स्यु॒रथो᳚⁠। अथो॒ यथा᳚⁠। अथो॒ इत्यथो᳚⁠। यथा॑ स॒वात्⁠। स॒वात् प्र॑त्यव॒रोह॑ति⁠। प्र॒त्य॒व॒रोह॑ति ता॒दृक्⁠। प्र॒त्य॒व॒रोह॒तीति॑ प्रति—अ॒व॒रोह॑ति⁠। ता॒दृगे॒व⁠। ए॒व तत्⁠। तदा॑स॒न्दी⁠। आ॒स॒न्दी सा॑दयति⁠। सा॒द॒य॒ति॒ गर्भा॑णाम्⁠। गर्भा॑णा॒म् धृत्यै᳚⁠। धृत्या॒ अप्र॑पादाय⁠। अप्र॑पादा॒याथो᳚⁠। अप्र॑पादा॒येत्यप्र॑—पा॒दा॒य॒⁠। अथो॑ स॒वम्⁠। अथो॒ इत्यथो᳚⁠। स॒वमे॒व⁠। ए॒वैन᳚म्⁠। ए॒न॒म् क॒रो॒ति॒⁠। क॒रो॒ति॒ गर्भः॑⁠। गर्भो॒ वै⁠। वा ए॒षः⁠। ए॒ष यत्⁠। यदुख्यः॑⁠। उख्यो॒ योनिः॑⁠। योनिः॑ शि॒क्य᳚म्⁠। शि॒क्य॑य्ँयत्⁠। यच्छि॒क्या᳚त्⁠। शि॒क्या॑दु॒खाम्⁠। उ॒खाम् नि॒रूहे᳚त्⁠। नि॒रूहे॒द् योनेः᳚⁠। नि॒रूहे॒दिति॑ निः—ऊहे᳚त्⁠। योने॒र् गर्भ᳚म्⁠। गर्भ॒म् निः⁠। निर्‌ह॑ण्यात्⁠। ह॒ण्या॒थ् षडु॑द्यामम्⁠। षडु॑द्यामꣳ शि॒क्य᳚म्⁠। षडु॑द्याम॒मिति॒ षट्—उ॒द्या॒म॒म्⁠। शि॒क्य॑म् भवति⁠। भ॒व॒ति॒ षो॒ढा॒वि॒हि॒तः⁠। षो॒ढा॒वि॒हि॒तो वै⁠। षो॒ढा॒वि॒हि॒त इति॑ षोढा—वि॒हि॒तः⁠। वै पुरु॑षः⁠। [३६] पुरु॑ष आ॒त्मा⁠। आ॒त्मा च॑⁠। च॒ शिरः॑⁠। शिर॑श्च⁠। च॒ च॒त्वारि॑⁠। च॒त्वार्यङ्‍गा॑नि⁠। अङ्‍गा᳚न्या॒त्मन्न्⁠। आ॒त्मन्ने॒व⁠। ए॒वैन᳚म्⁠। ए॒न॒म् बि॒भ॒र्ति॒⁠। बि॒भ॒र्ति॒ प्र॒जाप॑तिः⁠। प्र॒जाप॑ति॒र् वै⁠। प्र॒जाप॑ति॒रिति॑ प्र॒जा—प॒तिः॒⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निस्तस्य॑⁠। तस्यो॒खा⁠। उ॒खा च॑⁠। चो॒लूख॑लम्⁠। उ॒लूख॑लम् च⁠। च॒ स्तनौ᳚⁠। स्तनौ॒ तौ⁠। ताव॑स्य⁠। अ॒स्य॒ प्र॒जाः⁠। प्र॒जा उप॑⁠। प्र॒जा इति॑ प्र—जाः⁠। उप॑ जीवन्ति⁠। जी॒व॒न्ति॒ यत्⁠। यदु॒खाम्⁠। उ॒खाम् च॑⁠। चो॒लूख॑लम्⁠। उ॒लूख॑लम् च⁠। चो॒प॒दधा॑ति⁠। उ॒प॒दधा॑ति॒ ताभ्या᳚म्⁠। उ॒प॒दधा॒तीत्यु॑प—दधा॑ति⁠। ताभ्या॑मे॒व⁠। ए॒व यज॑मानः⁠। यज॑मानो॒ऽमुष्मि॑न्न्⁠। अ॒मुष्मि॑ल्ँलो॒के⁠। लो॒के᳚ऽग्निम्⁠। अ॒ग्निम् दु॑हे⁠। दु॒हे॒ स॒व्ँव॒थ्स॒रः⁠। स॒व्ँव॒थ्स॒रो वै⁠। स॒व्ँव॒थ्स॒र इति॑ सम्—व॒थ्स॒रः⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निस्तस्य॑⁠। तस्य॑ त्रेधाविहि॒ताः⁠। त्रे॒धा॒वि॒हि॒ता इष्ट॑काः⁠। त्रे॒धा॒वि॒हि॒ता इति॑ त्रेधा—वि॒हि॒ताः⁠। इष्ट॑काः प्राजाप॒त्याः⁠। प्रा॒जा॒प॒त्या वै᳚ष्ण॒वीः⁠। प्रा॒जा॒प॒त्या इति॑ प्राजा—प॒त्याः⁠। वै॒ष्ण॒वीर् वै᳚श्वकर्म॒णीः⁠। [३७] वै॒श्व॒क॒र्म॒णीर॑होरा॒त्राणि॑⁠। वै॒श्व॒क॒र्म॒णीरिति॑ वैश्व—क॒र्म॒णीः⁠। अ॒हो॒रा॒त्राण्ये॒व⁠। अ॒हो॒रा॒त्राणीत्य॑हः—रा॒त्राणि॑⁠। ए॒वास्य॑⁠। अ॒स्य॒ प्रा॒जा॒प॒त्याः⁠। प्रा॒जा॒प॒त्या यत्⁠। प्रा॒जा॒प॒त्या इति॑ प्राजा—प॒त्याः⁠। यदुख्य᳚म्⁠। उख्य॑म् बि॒भर्ति॑⁠। बि॒भर्ति॑ प्राजाप॒त्याः⁠। प्रा॒ज॒प॒त्या ए॒व⁠। प्रा॒जा॒प॒त्या इति॑ प्राजा—प॒त्याः⁠। ए॒व तत्⁠। तदुप॑⁠। उप॑ धत्ते⁠। ध॒त्ते॒ यत्⁠। यथ् स॒मिधः॑⁠। स॒मिध॑ आ॒दधा॑ति⁠। स॒मिध॒ इति॑ सम्—इधः॑⁠। आ॒दधा॑ति वैष्ण॒वाः⁠। आ॒दधा॒तीत्या᳚—दधा॑ति⁠। वै॒ष्ण॒वा वै⁠। वै वन॒स्पत॑यः⁠। वन॒स्पत॑यो वैष्ण॒वीः⁠। वै॒ष्ण॒वीरे॒व⁠। ए॒व तत्⁠। तदुप॑⁠। उप॑ धत्ते⁠। ध॒त्ते॒ यत्⁠। यदिष्ट॑काभिः⁠। इष्ट॑काभिर॒ग्निम्⁠। अ॒ग्निम् चि॒नोति॑⁠। चि॒नोती॒यम्⁠। इ॒यव्ँवै⁠। वै वि॒श्वक॑र्मा⁠। वि॒श्वक॑र्मा वैश्वकर्म॒णीः⁠। वि॒श्वक॒र्मेति॑ वि॒श्व—क॒र्मा॒⁠। वै॒श्व॒क॒र्म॒णीरे॒व⁠। वै॒श्व॒क॒र्म॒णीरिति॑ वैश्व—क॒र्म॒णीः⁠। ए॒व तत्⁠। तदुप॑⁠। उप॑ धत्ते⁠। ध॒त्ते॒ तस्मा᳚त्⁠। तस्मा॑दाहुः⁠। आ॒हु॒स्त्रि॒वृत्⁠। त्रि॒वृद॒ग्निः⁠। त्रि॒वृदिति॑ त्रि—वृत्⁠। अ॒ग्निरिति॑⁠। इति॒ तम्⁠। तव्ँवै⁠। वा ए॒तम्⁠। ए॒तय्ँयज॑मानः⁠। यज॑मान ए॒व⁠। ए॒व चि॑न्वीत⁠। चि॒न्वी॒त॒ यत्⁠। यद॑स्य⁠। अ॒स्या॒न्यः⁠। अ॒न्यश्चि॑नु॒यात्⁠। चि॒नु॒याद् यत्⁠। यत् तम्⁠। तम् दख्‍षि॑णाभिः⁠। दख्‍षि॑णाभि॒र् न⁠। न रा॒धये᳚त्⁠। रा॒धये॑द॒ग्निम्⁠। अ॒ग्निम॑स्य⁠। अ॒स्य॒ वृ॒ञ्जी॒त॒⁠। वृ॒ञ्जी॒त॒ यः⁠। यो᳚ऽस्य⁠। अ॒स्या॒ग्निम्⁠। अ॒ग्निम् चि॑नु॒यात्⁠। चि॒नु॒यात् तम्⁠। तम् दख्‍षि॑णाभिः⁠। दख्‍षि॑णाभी राधयेत्⁠। रा॒ध॒ये॒द॒ग्निम्⁠। अ॒ग्निमे॒व⁠। ए॒व तत्⁠। तथ् स्पृ॑णोति⁠। स्पृ॒णो॒तीति॑ स्पृणोति⁠॥ [३८] (षो॒ढा॒वि॒हि॒तो वै वै᳚ष्ण॒वी र॒न्यो वि॑ꣳश॒तिश्च॑) ॥९॥
प्र॒जाप॑तिर॒ग्निम्⁠। प्र॒जाप॑ति॒रिति॑ प्र॒जा—प॒तिः॒⁠। अ॒ग्निम॑चिनुत⁠। अ॒चि॒नु॒त॒र्तुभिः॑⁠। ऋ॒तुभिः॑ सव्ँवथ्स॒रम्⁠। ऋ॒तुभि॒रित्यृ॒तु—भिः॒⁠। स॒व्ँव॒थ्स॒रव्ँव॑स॒न्तेन॑⁠। स॒व्ँव॒थ्स॒रमिति॑ सम्—व॒थ्स॒रम्⁠। व॒स॒न्तेनै॒व⁠। ए॒वास्य॑⁠। अ॒स्य॒ पू॒र्वा॒र्द्धम्⁠। पू॒र्वा॒र्द्धम॑चिनुत⁠। पू॒र्वा॒र्द्धमिति॑ पूर्व—अ॒र्द्धम्⁠। अ॒चि॒नु॒त॒ ग्री॒ष्मेण॑⁠। ग्री॒ष्मेण॒ दख्‍षि॑णम्⁠। दख्‍षि॑णम् प॒ख्‍षम्⁠। प॒ख्‍षव्ँव॒र्॒‌षाभिः॑⁠। व॒र्॒‌षाभिः॒ पुच्छ᳚म्⁠। पुच्छ॑ꣳ श॒रदा᳚⁠। श॒रदोत्त॑रम्⁠। उत्त॑रम् प॒ख्‍षम्⁠। उत्त॑र॒मित्युत्—त॒र॒म्⁠। प॒ख्‍षꣳ हे॑म॒न्तेन॑⁠। हे॒म॒न्तेन॒ मद्ध्य᳚म्⁠। मद्ध्य॒म् ब्रह्म॑णा⁠। ब्रह्म॑णा॒ वै⁠। वा अ॑स्य⁠। अ॒स्य॒ तत्⁠। तत् पू᳚र्वा॒र्द्धम्⁠। पू॒र्वा॒र्द्धम॑चिनुत⁠। पू॒र्वा॒र्द्धमिति॑ पूर्व—अ॒र्द्धम्⁠। अ॒चि॒नु॒त॒ ख्‍ष॒त्रेण॑⁠। ख्‍ष॒त्रेण॒ दख्‍षि॑णम्⁠। दख्‍षि॑णम् प॒ख्‍षम्⁠। प॒ख्‍षम् प॒शुभिः॑⁠। प॒शुभिः॒ पुच्छ᳚म्⁠। प॒शुभि॒रिति॑ प॒शु—भिः॒⁠। पुच्छ॑व्ँवि॒शा⁠। वि॒शोत्त॑रम्⁠। उत्त॑रम् प॒ख्‍षम्⁠। उत्त॑र॒मित्युत्—त॒र॒म्⁠। प॒ख्‍षमा॒शया᳚⁠। आ॒शया॒ मद्ध्य᳚म्⁠। मद्ध्य॒य्ँयः⁠। य ए॒वम्⁠। ए॒वव्ँवि॒द्वान्⁠। वि॒द्वान॒ग्निम्⁠। अ॒ग्निम् चि॑नु॒ते⁠। चि॒नु॒त ऋ॒तुभिः॑⁠। ऋ॒तुभि॑रे॒व⁠। ऋ॒तुभि॒रित्यृ॒तु—भिः॒⁠। ए॒वैन᳚म्⁠। ए॒न॒म् चि॒नु॒ते॒⁠। चि॒नु॒तेऽथो᳚⁠। अथो॑ ए॒तत्⁠। अथो॒ इत्यथो᳚⁠। ए॒तदे॒व⁠। ए॒व सर्व᳚म्⁠। सर्व॒मव॑⁠। अव॑ रुन्धे⁠। [३९] रु॒न्धे॒ शृ॒ण्वन्ति॑⁠। शृ॒ण्वन्त्ये॑नम्⁠। ए॒न॒म॒ग्निम्⁠। अ॒ग्निम् चि॑क्या॒नम्⁠। चि॒क्या॒नमत्ति॑⁠। अत्त्यन्न᳚म्⁠। अन्न॒ꣳ॒ रोच॑ते⁠। रोच॑त इ॒यम्⁠। इ॒यव्ँवाव⁠। वाव प्र॑थ॒मा⁠। प्र॒थ॒मा चितिः॑⁠। चिति॒रोष॑धयः⁠। ओष॑धयो॒ वन॒स्पत॑यः⁠। वन॒स्पत॑यः॒ पुरी॑षम्⁠। पुरी॑षम॒न्तरि॑ख्‍षम्⁠। अ॒न्तरि॑ख्‍षम् द्वि॒तीया᳚⁠। द्वि॒तीया॒ वया॑ꣳसि⁠। वया॑ꣳसि॒ पुरी॑षम्⁠। पुरी॑षम॒सौ⁠। अ॒सौ तृ॒तीया᳚⁠। तृ॒तीया॒ नख्‍ष॑त्राणि⁠। नख्‍ष॑त्राणि॒ पुरी॑षम्⁠। पुरी॑षय्ँय॒ज्ञः⁠। य॒ज्ञश्च॑तु॒र्थी⁠। च॒तु॒र्थी दख्‍षि॑णा⁠। दख्‍षि॑णा॒ पुरी॑षम्⁠। पुरी॑ष॒य्ँयज॑मानः⁠। यज॑मानः पञ्च॒मी⁠। प॒ञ्च॒मी प्र॒जा⁠। प्र॒जा पुरी॑षम्⁠। प्र॒जेति॑ प्र—जा⁠। पुरी॑ष॒य्ँयत्⁠। यत् त्रिचि॑तीकम्⁠। त्रिचि॑तीकम् चिन्वी॒त⁠। त्रिचि॑तीक॒मिति॒ त्रि—चि॒ती॒क॒म्⁠। चि॒न्वी॒त य॒ज्ञम्⁠। य॒ज्ञम् दख्‍षि॑णाम्⁠। दख्‍षि॑णामा॒त्मान᳚म्⁠। आ॒त्मान॑म् प्र॒जाम्⁠। प्र॒जाम॒न्तः⁠। प्र॒जामिति॑ प्र—जाम्⁠। अ॒न्तरि॑यात्⁠। इ॒या॒त् तस्मा᳚त्⁠। तस्मा॒त् पञ्च॑चितीकः⁠। पञ्च॑चितीकश्चेत॒व्यः॑⁠। पञ्च॑चितीक॒ इति॒ पञ्च॑—चि॒ती॒कः॒⁠। चे॒त॒व्य॑ ए॒तत्⁠। ए॒तदे॒व⁠। ए॒व सर्व᳚म्⁠। सर्व॑ꣴ स्पृणोति⁠। स्पृ॒णो॒ति॒ यत्⁠। यत् ति॒स्रः⁠। ति॒स्रश्चित॑यः⁠। चित॑यस्त्रि॒वृत्⁠। [४०] त्रि॒वृद्‌धि⁠। त्रि॒वृदिति॑ त्रि—वृत्⁠। ह्य॑ग्निः⁠। अ॒ग्निर् यत्⁠। यद् द्वे⁠। द्वे द्वि॒पात्⁠। द्वे इति॒ द्वे⁠। द्वि॒पाद् यज॑मानः⁠। द्वि॒पादिति॑ द्वि—पात्⁠। यज॑मानः॒ प्रति॑ष्ठित्यै⁠। प्रति॑ष्ठित्यै॒ पञ्च॑⁠। प्रति॑ष्ठित्या॒ इति॒ प्रति॑—स्थि॒त्यै॒⁠। पञ्च॒ चित॑यः⁠। चित॑यो भवन्ति⁠। भ॒व॒न्ति॒ पाङ्‍क्तः॑⁠। पाङ्‍क्तः॒ पुरु॑षः⁠। पुरु॑ष आ॒त्मान᳚म्⁠। आ॒त्मान॑मे॒व⁠। ए॒व स्पृ॑णोति⁠। स्पृ॒णो॒ति॒ पञ्च॑⁠। पञ्च॒ चित॑यः⁠। चित॑यो भवन्ति⁠। भ॒व॒न्ति॒ प॒ञ्चभिः॑⁠। प॒ञ्चभिः॒ पुरी॑षैः⁠। प॒ञ्चभि॒रिति॑ प॒ञ्च—भिः॒⁠। पुरी॑षैर॒भि⁠। अ॒भ्यू॑हति⁠। ऊ॒ह॒ति॒ दश॑⁠। दश॒ सम्⁠। सम् प॑द्यन्ते⁠। प॒द्य॒न्ते॒ दशा᳚ख्‍षरः⁠। दशा᳚ख्‍षरो॒ वै⁠। दशा᳚ख्‍षर॒ इति॒ दश॑—अ॒ख्‍ष॒रः॒⁠। वै पुरु॑षः⁠। पुरु॑षो॒ यावा॑न्⁠। यावा॑ने॒व⁠। ए॒व पुरु॑षः⁠। पुरु॑ष॒स्तम्⁠। तꣴ स्पृ॑णोति⁠। स्पृ॒णो॒त्यथो᳚⁠। अथो॒ दशा᳚ख्‍षरा⁠। अथो॒ इत्यथो᳚⁠। दशा᳚ख्‍षरा वि॒राट्⁠। दशा᳚ख्‍ष॒रेति॒ दश॑—अ॒ख्‍ष॒रा॒⁠। वि॒राडन्न᳚म्⁠। वि॒राडिति॑ वि—राट्⁠। अन्न॑व्ँवि॒राट्⁠। वि॒राड् वि॒राजि॑⁠। वि॒राडिति॑ वि—राट्⁠। वि॒राज्ये॒व⁠। वि॒राजीति॑ वि—राजि॑⁠। ए॒वान्नाद्ये᳚⁠। अ॒न्नाद्ये॒ प्रति॑⁠। अ॒न्नाद्य॒ इत्य॑न्न—अद्ये᳚⁠। प्रति॑ तिष्ठति⁠। ति॒ष्ठ॒ति॒ स॒व्ँव॒थ्स॒रः⁠। स॒व्ँव॒थ्स॒रो वै⁠। स॒व्ँव॒थ्स॒र इति॑ सम्—व॒थ्स॒रः⁠। वै ष॒ष्ठी⁠। ष॒ष्ठी चितिः॑⁠। चिति॑र्‌ऋ॒तवः॑⁠। ऋ॒तवः॒ पुरी॑षम्⁠। पुरी॑ष॒ꣳ॒ षट्⁠। षट् चित॑यः⁠। चित॑यो भवन्ति⁠। भ॒व॒न्ति॒ षट्⁠। षट् पुरी॑षाणि⁠। पुरी॑षाणि॒ द्वाद॑श⁠। द्वाद॑श॒ सम्⁠। सम् प॑द्यन्ते⁠। प॒द्य॒न्ते॒ द्वाद॑श⁠। द्वाद॑श॒ मासाः᳚⁠। मासाः᳚ सव्ँवथ्स॒रः⁠। स॒व्ँव॒थ्स॒रः स॑व्ँवथ्स॒रे⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व प्रति॑⁠। प्रति॑ तिष्ठति⁠। ति॒ष्ठ॒तीति॑ तिष्ठति⁠॥ [४१] (अव॒ चित॑यः॒ पुरी॑ष॒म् पञ्च॑दश च) ॥१०॥
रोहि॑तो धू॒म्ररो॑हितः⁠। धू॒म्ररो॑हितः क॒र्कन्धु॑रोहितः⁠। धू॒म्ररो॑हित॒ इति॑ धू॒म्र—रो॒हि॒तः॒⁠। क॒र्कन्धु॑रोहित॒स्ते⁠। क॒र्कन्धु॑रोहित॒ इति॑ क॒र्कन्धु॑—रो॒हि॒तः॒⁠। ते प्रा॑जाप॒त्याः⁠। प्रा॒जा॒प॒त्या ब॒भ्रुः⁠। प्रा॒जा॒प॒त्या इति॑ प्राजा—प॒त्याः⁠। ब॒भ्रुर॑रु॒णब॑भ्रुः⁠। अ॒रु॒णब॑भ्रुः॒ शुक॑बभ्रुः⁠। अ॒रु॒णब॑भ्रु॒रित्य॑रु॒ण—ब॒भ्रुः॒⁠। शुक॑बभ्रु॒स्ते⁠। शुक॑बभ्रु॒रिति॒ शुक॑—ब॒भ्रुः॒⁠। ते रौ॒द्राः⁠। रौ॒द्राः श्येतः॑⁠। श्येतः॑ श्येता॒ख्‍षः⁠। श्ये॒ता॒ख्‍षः श्येत॑ग्रीवः⁠। श्ये॒ता॒ख्‍ष इति॑ श्येत—अ॒ख्‍षः⁠। श्येत॑ग्रीव॒स्ते⁠। श्येत॑ग्रीव॒ इति॒ श्येत॑—ग्री॒वः॒⁠। ते पि॑तृदेव॒त्याः᳚⁠। पि॒तृ॒दे॒व॒त्या᳚स्ति॒स्रः⁠। पि॒तृ॒दे॒व॒त्या॑ इति॑ पितृ—दे॒व॒त्याः᳚⁠। ति॒स्रः कृ॒ष्णाः⁠। कृ॒ष्णा व॒शाः⁠। व॒शा वा॑रु॒ण्यः॑⁠। वा॒रु॒ण्य॑स्ति॒स्रः⁠। ति॒स्रः श्वे॒ताः⁠। श्वे॒ता व॒शाः⁠। व॒शाः सौ॒र्यः॑⁠। सौ॒र्यो॑ मैत्राबार्‌हस्प॒त्याः⁠। मै॒त्रा॒बा॒र्॒‌ह॒स्प॒त्या धू॒म्रल॑लामाः⁠। मै॒त्रा॒बा॒र्॒‌ह॒स्प॒त्या इति॑ मैत्रा—बा॒र्॒‌ह॒स्प॒त्याः⁠। धू॒म्रल॑लामास्तूप॒राः⁠। धू॒म्रल॑लामा॒ इति॑ धू॒म्र—ल॒ला॒माः॒⁠। तू॒प॒रा इति॑ तूप॒राः⁠॥ [४२] (रोहि॑तः॒ षड्वि॑ꣳशतिः) ॥११॥
पृश्ञि॑स्तिर॒श्चीन॑पृश्ञिः⁠। ति॒र॒श्चीन॑पृश्ञि,रू॒र्द्ध्वपृ॑श्ञिः⁠। ति॒र॒श्चीन॑पृश्ञि॒रिति॑ तिर॒श्चीन॑—पृ॒श्ञिः॒⁠। ऊ॒र्द्ध्वपृ॑श्ञि॒स्ते⁠। ऊ॒र्द्ध्वपृ॑श्ञि॒रित्यू॒र्द्ध्व—पृ॒श्ञिः॒⁠। ते मा॑रु॒ताः⁠। मा॒रु॒ताः फ॒ल्गूः⁠। फ॒ल्गूर् लो॑हितो॒र्णी⁠। लो॒हि॒तो॒र्णी ब॑ल॒ख्‍षी⁠। लो॒हि॒तो॒र्णीति॑ लोहित—ऊ॒र्णी⁠। ब॒ल॒ख्‍षी ताः⁠। ताः सा॑रस्व॒त्यः॑⁠। सा॒र॒स्व॒त्यः॑ पृष॑ती⁠। पृष॑ती स्थू॒लपृ॑षती⁠। स्थू॒लपृ॑षती ख्‍षु॒द्रपृ॑षती⁠। स्थू॒लपृ॑ष॒तीति॑ स्थू॒ल—पृ॒ष॒ती॒⁠। ख्‍षु॒द्रपृ॑षती॒ ताः⁠। ख्‍षु॒द्रपृ॑ष॒तीति॑ ख्‍षु॒द्र—पृ॒ष॒ती॒⁠। ता वै᳚श्वदे॒व्यः॑⁠। वै॒श्व॒दे॒व्य॑स्ति॒स्रः⁠। वै॒श्व॒दे॒व्य॑ इति॑ वैश्व—दे॒व्यः॑⁠। ति॒स्रः श्या॒माः⁠। श्या॒मा व॒शाः⁠। व॒शाः पौ॒ष्णियः॑⁠। पौ॒ष्णिय॑ स्ति॒स्रः⁠। ति॒स्रो रोहि॑णीः⁠। रोहि॑णीर् व॒शाः⁠। व॒शा मै॒त्रियः॑⁠। मै॒त्रिय॑ ऐन्द्राबार्‌हस्प॒त्याः⁠। ऐ॒न्द्रा॒बा॒र्॒‌ह॒स्प॒त्या अ॑रु॒णल॑लामाः⁠। ऐ॒न्द्रा॒बा॒र्॒‌ह॒स्प॒त्या इत्यै᳚न्द्रा—बा॒र्॒‌ह॒स्प॒त्याः⁠। अ॒रु॒णल॑लामास्तूप॒राः⁠। अ॒रु॒णल॑लामा॒ इत्य॑रु॒ण—ल॒ला॒माः॒⁠। तू॒प॒रा इति॑ तूप॒राः⁠॥ [४३] (पृश्ञिः॒ षड्वि॑ꣳशतिः) ॥१२॥
शि॒ति॒बा॒हुर॒न्यत॑श्शितिबाहुः⁠। शि॒ति॒बा॒हुरिति॑ शिति—बा॒हुः⁠। अ॒न्यत॑श्शितिबाहुः सम॒न्तशि॑तिबाहुः⁠। अ॒न्यत॑श्शितिबाहु॒रित्य॒न्यतः॑—शि॒ति॒बा॒हुः॒⁠। स॒म॒न्तशि॑तिबाहु॒स्ते⁠। स॒म॒न्तशि॑तिबाहु॒रिति॑ सम॒न्त—शि॒ति॒बा॒हुः॒⁠। त ऐ᳚न्द्रवाय॒वाः⁠। ऐ॒न्द्रा॒वा॒य॒वाः शि॑ति॒रन्ध्रः॑⁠। ऐ॒न्द्र॒वा॒य॒वा इत्यै᳚न्द्र—वा॒य॒वाः⁠। शि॒ति॒रन्ध्रो॒ऽन्यत॑श्शितिरन्ध्रः⁠। शि॒ति॒रन्ध्र॒ इति॑ शिति—रन्ध्रः॑⁠। अ॒न्यत॑श्शितिरन्ध्रः सम॒न्तशि॑तिरन्ध्रः⁠। अ॒न्यत॑श्शितिरन्ध्र॒ इत्य॒न्यतः॑—शि॒ति॒र॒न्ध्रः॒⁠। स॒म॒न्तशि॑तिरन्ध्र॒स्ते⁠। स॒म॒न्तशि॑तिरन्ध्र॒ इति॑ सम॒न्त—शि॒ति॒र॒न्ध्रः॒⁠। ते मै᳚त्रावरु॒णाः⁠। मै॒त्रा॒व॒रु॒णाः शु॒द्धवा॑लः⁠। मै॒त्रा॒व॒रु॒णा इति॑ मैत्रा—व॒रु॒णाः⁠। शु॒द्धवा॑लः स॒र्वशु॑द्धवालः⁠। शु॒द्धवा॑ल॒ इति॑ शु॒द्ध—वा॒लः॒⁠। स॒र्वशु॑द्धवालो म॒णिवा॑लः⁠। स॒र्वशु॑द्धवाल॒ इति॑ स॒र्व—शु॒द्ध॒वा॒लः॒⁠। म॒णिवा॑ल॒स्ते⁠। म॒णिवा॑ल॒ इति॑ म॒णि—वा॒लः॒⁠। त आ᳚श्वि॒नाः⁠। आ॒श्वि॒नास्ति॒स्रः⁠। ति॒स्रः शि॒ल्पाः⁠। शि॒ल्पा व॒शाः⁠। व॒शा वै᳚श्वदे॒व्यः॑⁠। वै॒श्व॒दे॒व्य॑स्ति॒स्रः⁠। वै॒श्व॒दे॒व्य॑ इति॑ वैश्व—दे॒व्यः॑⁠। ति॒स्रः श्येनीः᳚⁠। श्येनीः᳚ परमे॒ष्ठिने᳚⁠। प॒र॒मे॒ष्ठिने॑ सोमापौ॒ष्णाः⁠। सो॒मा॒पौ॒ष्णाः श्या॒मल॑लामाः⁠। सो॒मा॒पौ॒ष्णा इति॑ सोमा—पौ॒ष्णाः⁠। श्या॒मल॑लामास्तूप॒राः⁠। श्या॒मल॑लामा॒ इति॑ श्या॒म—ल॒ला॒माः॒⁠। तू॒प॒रा इति॑ तूप॒राः⁠॥ [४४] (शि॒ति॒बा॒हुः पञ्च॑विꣳशतिः) ॥१३॥
उ॒न्न॒त ऋ॑ष॒भः⁠। उ॒न्न॒त इत्यु॑त्—न॒तः⁠। ऋ॒ष॒भो वा॑म॒नः⁠। वा॒म॒नस्ते⁠। त ऐ᳚न्द्रावरु॒णाः⁠। ऐ॒न्द्रा॒व॒रु॒णाः शिति॑ककुत्⁠। ऐ॒न्द्रा॒व॒रु॒णा इत्यै᳚न्द्रा—व॒रु॒णाः⁠। शिति॑ककुच्छितिपृ॒ष्ठः⁠। शिति॑ककु॒दिति॒ शिति॑—क॒कु॒त्॒⁠। शि॒ति॒पृ॒ष्ठः शिति॑भसत्⁠। शि॒ति॒पृ॒ष्ठ इति॑ शिति—पृ॒ष्ठः⁠। शिति॑भस॒त् ते⁠। शिति॑भस॒दिति॒ शिति॑—भ॒स॒त्॒⁠। त ऐ᳚न्द्राबार्‌हस्प॒त्याः⁠। ऐ॒न्द्रा॒,बा॒र्॒‌ह॒स्प॒त्याः शि॑ति॒पात्⁠। ऐ॒न्द्रा॒बा॒र्॒‌ह॒स्प॒त्या इत्यै᳚न्द्रा—बा॒र्॒‌ह॒स्प॒त्याः⁠। शि॒ति॒पाच्छि॒त्योष्ठः॑⁠। शि॒ति॒पादिति॑ शिति—पात्⁠। शि॒त्योष्ठः॑ शिति॒भ्रुः⁠। शि॒त्योष्ठ॒ इति॑ शिति—ओष्ठः॑⁠। शि॒ति॒भ्रुस्ते⁠। शि॒ति॒भ्रुरिति॑ शिति—भ्रुः⁠। त ऐ᳚न्द्रावैष्ण॒वाः⁠। ऐ॒न्द्रा॒वै॒ष्ण॒वास्ति॒स्रः⁠। ऐ॒न्द्रा॒वै॒ष्ण॒वा इत्यै᳚न्द्रा—वै॒ष्ण॒वाः⁠। ति॒स्रः सि॒द्ध्माः⁠। सि॒द्ध्मा व॒शाः⁠। व॒शा वै᳚श्वकर्म॒ण्यः॑⁠। वै॒श्व॒क॒र्म॒ण्य॑स्ति॒स्रः⁠। वै॒श्व॒क॒र्म॒ण्य॑ इति॑ वैश्व—क॒र्म॒ण्यः॑⁠। ति॒स्रो धा॒त्रे⁠। धा॒त्रे पृ॑षोद॒राः⁠। पृ॒षो॒द॒रा ऐ᳚न्द्रापौ॒ष्णाः⁠। पृ॒षो॒द॒रा इति॑ पृष—उ॒द॒राः⁠। ऐ॒न्द्रा॒पौ॒ष्णाः श्येत॑ललामाः⁠। ऐ॒न्द्रा॒पौ॒ष्णा इत्यै᳚न्द्रा—पौ॒ष्णाः⁠। श्येत॑ललामा,स्तूप॒राः⁠। श्येत॑ललामा॒ इति॒ शेत॑—ल॒ला॒माः॒⁠। तू॒प॒रा इति॑ तूप॒राः⁠॥ [४५] (उ॒न्न॒तः पञ्च॑विꣳशतिः) ॥१४॥
क॒र्णास्त्रयः॑⁠। त्रयो॑ या॒माः⁠। या॒माः सौ॒म्याः⁠। सौ॒म्यास्त्रयः॑⁠। त्रयः॑ श्विति॒ङ्‍गाः⁠। श्वि॒ति॒ङ्‍गा अ॒ग्नये᳚⁠। अ॒ग्नये॒ यवि॑ष्ठाय⁠। यवि॑ष्ठाय॒ त्रयः॑⁠। त्रयो॑ नकु॒लाः⁠। न॒कु॒लास्ति॒स्रः⁠। ति॒स्रो रोहि॑णीः⁠। रोहि॑णी॒स्त्र्यव्यः॑⁠। त्र्यव्य॒स्ताः⁠। त्र्यव्य॒ इति॑ त्रि—अव्यः॑⁠। ता वसू॑नाम्⁠। वसू॑नाम् ति॒स्रः⁠। ति॒स्रो॑ऽरु॒णाः⁠। अ॒रु॒णा दि॑त्यौ॒ह्यः॑⁠। दि॒त्यौ॒ह्य॑स्ताः⁠। ता रु॒द्राणा᳚म्⁠। रु॒द्राणा॑ꣳ सोमै॒न्द्राः⁠। सो॒मै॒न्द्रा ब॒भ्रुल॑लामाः⁠। सो॒मै॒न्द्रा इति॑ सोम—ऐ॒न्द्राः⁠। ब॒भ्रुल॑लामास्तूप॒राः⁠। ब॒भ्रुल॑लामा॒ इति॑ ब॒भ्रु—ल॒ला॒माः॒⁠। तू॒प॒रा इति॑ तूप॒राः⁠॥ [४६] (क॒र्णास्त्रयो॑विꣳशतिः) ॥१५॥
शु॒ण्ठास्त्रयः॑⁠। त्रयो॑ वैष्ण॒वाः⁠। वै॒ष्ण॒वा अ॑धीलोध॒कर्णाः᳚⁠। अ॒धी॒लो॒ध॒कर्णा॒,स्त्रयः॑⁠। अ॒धी॒लो॒ध॒कर्णा॒ इत्य॑धीलोध—कर्णाः᳚⁠। त्रयो॒ विष्ण॑वे⁠। विष्ण॑व उरुक्र॒माय॑⁠। उ॒रु॒क्र॒माय॑ लफ्सु॒दिनः॑⁠। उ॒रु॒क्र॒मायेत्यु॑रु—क्र॒माय॑⁠। ल॒फ्सु॒दिन॒ स्त्रयः॑⁠। त्रयो॒ विष्ण॑वे⁠। विष्ण॑व उरुगा॒याय॑⁠। उ॒रु॒गा॒याय॒ पञ्चा॑वीः⁠। उ॒रु॒गा॒यायेत्यु॑रु—गा॒याय॑⁠। पञ्चा॑वीस्ति॒स्रः⁠। पञ्चा॑वी॒रिति॒ पञ्च॑—अ॒वीः॒⁠। ति॒स्र आ॑दि॒त्याना᳚म्⁠। आ॒दि॒त्याना᳚म् त्रिव॒थ्साः⁠। त्रि॒व॒थ्सा,स्ति॒स्रः⁠। त्रि॒व॒थ्सा इति॑ त्रि—व॒थ्साः⁠। ति॒स्रोऽङ्‍गि॑रसाम्⁠। अङ्‍गि॑रसामैन्द्रावैष्ण॒वाः⁠। ऐ॒न्द्रा॒वै॒ष्ण॒वा गौ॒रल॑लामाः⁠। ऐ॒न्द्रा॒वै॒ष्ण॒वा इत्यै᳚न्द्रा—वै॒ष्ण॒वाः⁠। गौ॒रल॑लामास्तूप॒राः⁠। गौ॒रल॑लामा॒ इति॑ गौ॒र—ल॒ला॒माः॒⁠। तू॒प॒रा इति॑ तूप॒राः⁠॥ [४७] (शु॒ण्ठा वि॑ꣳश॒तिः) ॥१६॥
इन्द्रा॑य॒ राज्ञे᳚⁠। राज्ञे॒ त्रयः॑⁠। त्रयः॑ शितिपृ॒ष्ठाः⁠। शि॒ति॒पृ॒ष्ठा इन्द्रा॑य⁠। शि॒ति॒पृ॒ष्ठा इति॑ शिति—पृ॒ष्ठाः⁠। इन्द्रा॑याधिरा॒जाय॑⁠। अ॒धि॒रा॒जाय॒ त्रयः॑⁠। अ॒धि॒रा॒जायेत्य॑धि—रा॒जाय॑⁠। त्रयः॒ शिति॑ककुदः⁠। शिति॑ककुद॒ इन्द्रा॑य⁠। शिति॑ककुद॒ इति॒ शिति॑—क॒कु॒दः॒⁠। इन्द्रा॑य स्व॒राज्ञे᳚⁠। स्व॒राज्ञे॒ त्रयः॑⁠। स्व॒राज्ञ॒ इति॑ स्व—राज्ञे᳚⁠। त्रयः॒ शिति॑भसदः⁠। शिति॑भसदस्ति॒स्रः⁠। शिति॑भसद॒ इति॒ शिति॑—भ॒स॒दः॒⁠। ति॒स्रस्तु॑र्यौ॒ह्यः॑⁠। तु॒र्यौ॒ह्यः॑ सा॒द्ध्याना᳚म्⁠। सा॒द्ध्याना᳚म् ति॒स्रः⁠। ति॒स्रः प॑ष्ठौ॒ह्यः॑⁠। प॒ष्ठौ॒ह्यो॑ विश्वे॑षाम्⁠। विश्वे॑षाम् दे॒वाना᳚म्⁠। दे॒वाना॑माग्ने॒न्द्राः⁠। आ॒ग्ने॒न्द्राः कृ॒ष्णल॑लामाः⁠। कृ॒ष्णल॑लामास्तूप॒राः⁠। कृ॒ष्णल॑लामा॒ इति॑ कृ॒ष्ण—ल॒ला॒माः॒⁠। तू॒प॒रा इति॑ तूप॒राः⁠॥ [४८] (इन्द्रा॑य॒ राज्ञे॒ द्वावि॑ꣳशतिः) ॥१७॥
अदि॑त्यै॒ त्रयः॑⁠। त्रयो॑ रोहितै॒ताः⁠। रो॒हि॒तै॒ता इ॑न्द्रा॒ण्यै⁠। रो॒हि॒तै॒ता इति॑ रोहित—ए॒ताः⁠। इ॒न्द्रा॒ण्यै त्रयः॑⁠। त्रयः॑ कृष्णै॒ताः⁠। कृ॒ष्णै॒ताः कु॒ह्वै᳚⁠। कृ॒ष्णै॒ता इति॑ कृष्ण—ए॒ताः⁠। कु॒ह्वै᳚ त्रयः॑⁠। त्रयो॑ऽरुणै॒ताः⁠। अ॒रु॒णै॒तास्ति॒स्रः⁠। अ॒रु॒णै॒ता इत्य॑रुण—ए॒ताः⁠। ति॒स्रो धे॒नवः॑⁠। धे॒नवो॑ रा॒कायै᳚⁠। रा॒कायै॒ त्रयः॑⁠। त्रयो॑ऽन॒ड्वाहः॑⁠। अ॒न॒ड्वाहः॑ सिनीवा॒ल्यै⁠। सि॒नी॒वा॒ल्या आ᳚ग्नावैष्ण॒वाः⁠। आ॒ग्ना॒वै॒ष्ण॒वा रोहि॑तललामाः⁠। आ॒ग्ना॒वै॒ष्ण॒वा इत्या᳚ग्ना—वै॒ष्ण॒वाः⁠। रोहि॑तललामा,स्तूप॒राः⁠। रोहि॑तललामा॒ इति॒ रोहि॑त—ल॒ला॒माः॒⁠। तू॒प॒रा इति॑ तूप॒राः⁠॥ [४९] (अदि॑त्या अ॒ष्टाद॑श) ॥१८॥
सौ॒म्यास्त्रयः॑⁠। त्रयः॑ पि॒शङ्‍गाः᳚⁠। पि॒शङ्‍गाः॒ सोमा॑य⁠। सोमा॑य॒ राज्ञे᳚⁠। राज्ञे॒ त्रयः॑⁠। त्रयः॑ सा॒रङ्‍गाः᳚⁠। सा॒रङ्‍गाः᳚ पार्ज॒न्याः⁠। पा॒र्ज॒न्या नभो॑रूपाः⁠। नभो॑रूपास्ति॒स्रः⁠। नभो॑रूपा॒ इति॒ नभः॑—रू॒पाः॒⁠। ति॒स्रो॑ऽजाः⁠। अ॒जा म॒ल्॒‌हाः⁠। म॒ल्॒‌हा इ॑न्द्रा॒ण्यै⁠। इ॒न्द्रा॒ण्यै ति॒स्रः⁠। ति॒स्रो मे॒ष्यः॑⁠। मे॒ष्य॑ आदि॒त्याः⁠। आ॒दि॒त्या द्या॑वापृथि॒व्याः᳚⁠। द्या॒वा॒पृ॒थि॒व्या॑ मा॒लङ्‍गाः᳚⁠। द्या॒वा॒पृ॒थि॒व्या॑ इति॑ द्यावा—पृ॒थि॒व्याः᳚⁠। मा॒लङ्‍गा᳚स्तूप॒राः⁠। तू॒प॒रा इति॑ तूप॒राः⁠॥ [५०] (सौ॒म्या एका॒न्नवि॑ꣳश॒तिः) ॥१९॥
वा॒रु॒णास्त्रयः॑⁠। त्रयः॑ कृ॒ष्णल॑लामाः⁠। कृ॒ष्णल॑लामा॒ वरु॑णाय⁠। कृ॒ष्णल॑लामा॒ इति॑ कृ॒ष्ण—ल॒ला॒माः॒⁠। वरु॑णाय॒ राज्ञे᳚⁠। राज्ञे॒ त्रयः॑⁠। त्रयो॒ रोहि॑तललामाः⁠। रोहि॑तललामा॒ वरु॑णाय⁠। रोहि॑तललामा॒ इति॒ रोहि॑त—ल॒ला॒माः॒⁠। वरु॑णाय रि॒शाद॑से⁠। रि॒शाद॑से॒ त्रयः॑⁠। रि॒शाद॑स॒ इति॑ रिश—अद॑से⁠। त्रयो॑ऽरु॒णल॑लामाः⁠। अ॒रु॒णल॑लामाः शि॒ल्पाः⁠। अ॒रु॒णल॑लामा॒ इत्य॑रु॒ण—ल॒ला॒माः॒⁠। शि॒ल्पास्त्रयः॑⁠। त्रयो॑ वैश्वदे॒वाः⁠। वै॒श्व॒दे॒वास्त्रयः॑⁠। वै॒श्व॒दे॒वा इति॑ वैश्व—दे॒वाः⁠। त्रयः॒ पृश्ञ॑यः⁠। पृश्ञ॑यः सर्वदेव॒त्याः᳚⁠। स॒र्व॒दे॒व॒त्या॑ ऐन्द्रासू॒राः⁠। स॒र्व॒दे॒व॒त्या॑ इति॑ सर्व—दे॒व॒त्याः᳚⁠। ऐ॒न्द्रा॒सू॒राः श्येत॑ललामाः⁠। ऐ॒न्द्रा॒सू॒रा इत्यै᳚न्द्रा—सू॒राः⁠। श्येत॑ललामास्तूप॒राः⁠। श्येत॑ललामा॒ इति॒ श्येत॑—ल॒ला॒माः॒⁠। तू॒प॒रा इति॑ तूप॒राः⁠॥ [५१] (वा॒रु॒णा वि॑ꣳश॒तिः) ॥२०॥
सोमा॑य स्व॒राज्ञे᳚⁠। स्व॒राज्ञे॑ऽनोवा॒हौ⁠। स्व॒राज्ञ॒ इति॑ स्व—राज्ञे᳚⁠। अ॒नो॒वा॒हाव॑न॒ड्वाहौ᳚⁠। अ॒नो॒वा॒हावित्य॑नः—वा॒हौ⁠। अ॒न॒ड्वाहा॑विन्द्रा॒ग्निभ्या᳚म्⁠। इ॒न्द्रा॒ग्निभ्या॑मोजो॒दाभ्या᳚म्⁠। इ॒न्द्रा॒ग्निभ्या॒मिती᳚न्द्रा॒ग्नि—भ्या॒म्⁠। ओ॒जो॒दाभ्या॒मुष्टा॑रौ⁠। ओ॒जो॒दाभ्या॒मित्यो॑जः—दाभ्य᳚म्⁠। उष्टा॑राविन्द्रा॒ग्निभ्या᳚म्⁠। इ॒न्द्रा॒ग्निभ्या᳚म् बल॒दाभ्या᳚म्⁠। इ॒न्द्रा॒ग्निभ्या॒मिती᳚न्द्रा॒ग्नि—भ्या॒म्⁠। ब॒ल॒दाभ्या॑ꣳ सीरवा॒हौ⁠। ब॒ल॒दाभ्या॒मिति॑ बल—दाभ्या᳚म्⁠। सी॒र॒वा॒हाववी᳚⁠। सी॒र॒वा॒हाविति॑ सीर—वा॒हौ⁠। अवी॒ द्वे⁠। अवी॒ इत्यवी᳚⁠। द्वे धे॒नू⁠। द्वे इति॒ द्वे⁠। धे॒नू भौ॒मी⁠। धे॒नू इति॑ धे॒नू⁠। भौ॒मी दि॒ग्भ्यः⁠। भौ॒मी इति॑ भौ॒मी⁠। दि॒ग्भ्यो वड॑बे⁠। दि॒ग्भ्य इति॑ दिक्—भ्यः⁠। वड॑बे॒ द्वे⁠। वड॑बे॒ इति॒ वड॑बे⁠। द्वे धे॒नू⁠। द्वे इति॒ द्वे⁠। धे॒नू भौ॒मी⁠। धे॒नू इति॑ धे॒नू⁠। भौ॒मी वै॑रा॒जी⁠। भौ॒मी इति॑ भौ॒मी⁠। वै॒रा॒जी पु॑रु॒षी⁠। वै॒रा॒जी इति॑ वैरा॒जी⁠। पु॒रु॒षी द्वे⁠। पु॒रु॒षी इति॑ पुरु॒षी⁠। द्वे धे॒नू⁠। द्वे इति॒ द्वे⁠। धे॒नू भौ॒मी⁠। धे॒नू इति॑ धे॒नू⁠। भौ॒मी वा॒यवे᳚⁠। भौ॒मी इति॑ भौ॒मी⁠। वा॒यव॑ आरोहणवा॒हौ⁠। आ॒रो॒ह॒ण॒वा॒हाव॑न॒ड्वाहौ᳚⁠। आ॒रो॒ह॒ण॒वा॒हावित्या॑रोहण—वा॒हौ⁠। अ॒न॒ड्॒वाहौ॑ वारु॒णी⁠। वा॒रु॒णी कृ॒ष्णे⁠। वा॒रु॒णी इति॑ वारु॒णी⁠। कृ॒ष्णे व॒शे⁠। कृ॒ष्णे इति॑ कृ॒ष्णे⁠। व॒शे अ॑रा॒ड्‍यौ᳚⁠। व॒शे इति॑ व॒शे⁠। अ॒रा॒ड्‍यौ॑ दि॒व्यौ⁠। दि॒व्यावृ॑ष॒भौ⁠। ऋ॒ष॒भौ प॑रिम॒रौ⁠। प॒रि॒म॒राविति॑ परि—म॒रौ⁠॥ [५२] (सोमा॑य स्व॒राज्ञे॒ चतु॑स्त्रिꣳशत्) ॥२१॥
एका॑दश प्रा॒तः⁠। प्रा॒तर् ग॒व्याः⁠। ग॒व्याः प॒शवः॑⁠। प॒शव॒ आ⁠। आ ल॑भ्यन्ते⁠। ल॒भ्य॒न्ते॒ छ॒ग॒लः⁠। छ॒ग॒लः क॒ल्माषः॑⁠। क॒ल्माषः॑ किकिदी॒विः⁠। कि॒कि॒दी॒विर् वि॑दी॒गयः॑⁠। वि॒दी॒गय॒स्ते⁠। ते त्वा॒ष्ट्राः⁠। त्वा॒ष्ट्राः सौ॒रीः⁠। सौ॒रीर् नव॑⁠। नव॑ श्वे॒ताः⁠। श्वे॒ता व॒शाः⁠। व॒शा अ॑नूब॒न्द्ध्याः᳚⁠। अ॒नू॒ब॒न्द्ध्या॑ भवन्ति⁠। अ॒नू॒ब॒न्द्ध्या॑ इत्य॑नु—ब॒न्द्ध्याः᳚⁠। भ॒व॒न्त्या॒ग्ने॒यः⁠। आ॒ग्ने॒य ऐ᳚न्द्रा॒ग्नः⁠। ऐ॒न्द्रा॒ग्न आ᳚श्वि॒नः⁠। ऐ॒न्द्रा॒ग्न इत्यै᳚न्द्र—अ॒ग्नः⁠। आ॒श्वि॒नस्ते⁠। ते वि॑शालयू॒पे⁠। वि॒शा॒ल॒यू॒प आ⁠। वि॒शा॒ल॒यू॒प इति॑ विशाल—यू॒पे⁠। आ ल॑भ्यन्ते⁠। ल॒भ्य॒न्त॒ इति॑ लभ्यन्ते⁠॥ [५३] (एका॑दश प्रा॒तः पञ्च॑विꣳशतिः) ॥२२॥
पि॒शङ्‍गा॒स्त्रयः॑⁠। त्रयो॑ वास॒न्ताः⁠। वा॒स॒न्ताः सा॒रङ्‍गाः᳚⁠। सा॒रङ्‍गा॒स्त्रयः॑⁠। त्रयो॒ ग्रैष्माः᳚⁠। ग्रैष्माः॒ पृष॑न्तः⁠। पृष॑न्त॒स्त्रयः॑⁠। त्रयो॒ वार्‌षि॑काः⁠। वार्‌षि॑काः॒ पृश्ञ॑यः⁠। पृश्ञ॑य॒स्त्रयः॑⁠। त्रयः॑ शार॒दाः⁠। शा॒र॒दाः पृ॑श्ञिस॒क्थाः⁠। पृ॒श्ञि॒स॒क्थास्त्रयः॑⁠। पृ॒श्ञि॒स॒क्था इति॑ पृश्ञि—स॒क्थाः⁠। त्रयो॒ हैम॑न्तिकाः⁠। हैम॑न्तिका अवलि॒प्ताः⁠। अ॒व॒लि॒प्ता स्त्रयः॑⁠। अ॒व॒लि॒प्ता इत्य॑व—लि॒प्ताः⁠। त्रयः॑ शैशि॒राः⁠। शै॒शि॒राः स॑व्ँवथ्स॒राय॑⁠। स॒व्ँव॒थ्स॒राय॒ निव॑ख्‍षसः⁠। स॒व्ँव॒थ्स॒रायेति॑ सम्—व॒थ्स॒राय॑⁠। निव॑ख्‍षस॒ इति॒ नि—व॒ख्‍ष॒सः॒⁠॥ [५४] (पि॒शङ्गा॑ विꣳश॒तिः) ॥२३॥
अनुवाकाः पञ्चशती
२३ ५४