कृष्ण यजुर्वेदीय तैत्तिरीय संहिता क्रम पाठः
पञ्चमकाण्डे सप्तमः प्रश्नः

कांड ५ प्रश्न ७
उपानुवाक्यावशिष्ट कर्मनिरूपणं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
यो वै⁠। वा अय॑थादेवतम्⁠। अय॑थादेवतम॒ग्निम्⁠। अय॑थादेवत॒मित्यय॑था—दे॒व॒त॒म्⁠। अ॒ग्निम् चि॑नु॒ते⁠। चि॒नु॒त आ⁠। आ दे॒वता᳚भ्यः⁠। दे॒वता᳚भ्यो वृश्च्यते⁠। वृ॒श्च्य॒ते॒ पापी॑यान्⁠। पापी॑यान् भवति⁠। भ॒व॒ति॒ यः⁠। यो य॑थादेव॒तम्⁠। य॒था॒दे॒व॒तम् न⁠। य॒था॒दे॒व॒तमिति॑ यथा—दे॒व॒तम्⁠। न दे॒वता᳚भ्यः⁠। दे॒वता᳚भ्य॒ आ⁠। आ वृ॑श्च्यते⁠। वृ॒श्च्य॒ते॒ वसी॑यान्⁠। वसी॑यान् भवति⁠। भ॒व॒त्या॒ग्ने॒य्या⁠। आ॒ग्ने॒य्या गा॑यत्रि॒या⁠। गा॒य॒त्रि॒या प्र॑थ॒माम्⁠। प्र॒थ॒माम् चिति᳚म्⁠। चिति॑म॒भि⁠। अ॒भि मृ॑शेत्⁠। मृ॒शे॒त् त्रि॒ष्टुभा᳚⁠। त्रि॒ष्टुभा᳚ द्वि॒तीया᳚म्⁠। द्वि॒तीया॒म् जग॑त्या⁠। जग॑त्या तृ॒तीया᳚म्⁠। तृ॒तीया॑मनु॒ष्टुभा᳚⁠। अ॒नु॒ष्टुभा॑ चतु॒र्थीम्⁠। अ॒नु॒ष्टुभेत्य॑नु—स्तुभा᳚⁠। च॒तु॒र्थीम् प॒ङ्‍क्त्या⁠। प॒ङ्‍क्त्या प॑ञ्च॒मीम्⁠। प॒ञ्च॒मीय्ँय॑थादेव॒तम्⁠। य॒था॒दे॒व॒तमे॒व⁠। य॒था॒दे॒व॒तमिति॑ यथा—दे॒व॒तम्⁠। ए॒वाग्निम्⁠। अ॒ग्निम् चि॑नुते⁠। चि॒नु॒ते॒ न⁠। न दे॒वता᳚भ्यः⁠। दे॒वता᳚भ्य॒ आ⁠। आ वृ॑श्च्यते⁠। वृ॒श्च्य॒ते॒ वसी॑यान्⁠। वसी॑यान् भवति⁠। भ॒व॒तीडा॑यै⁠। इडा॑यै॒ वै⁠। वा ए॒षा⁠। ए॒षा विभ॑क्तिः⁠। विभ॑क्तिः प॒शवः॑⁠। विभ॑क्ति॒रिति॒ वि—भ॒क्तिः॒⁠। प॒शव॒ इडा᳚⁠। इडा॑ प॒शुभिः॑⁠। प॒शुभि॑रेनम्⁠। प॒शुभि॒रिति॑ प॒शु—भिः॒⁠। ए॒न॒म् चि॒नु॒ते॒⁠। [१] चि॒नु॒ते॒ यः⁠। यो वै⁠। वै प्र॒जाप॑तये⁠। प्र॒जाप॑तये प्रति॒प्रोच्य॑⁠। प्र॒जाप॑तय॒ इति॑ प्र॒जा—प॒त॒ये॒⁠। प्र॒ति॒प्रोच्या॒ग्निम्⁠। प्र॒ति॒प्रोच्येति॑ प्रति—प्रोच्य॑⁠। अ॒ग्निम् चि॒नोति॑⁠। चि॒नोति॒ न⁠। नार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒त्यश्वौ᳚⁠। अश्वा॑व॒भितः॑⁠। अ॒भित॑स्तिष्ठेताम्⁠। ति॒ष्ठे॒ता॒म् कृ॒ष्णः⁠। कृ॒ष्ण उ॑त्तर॒तः⁠। उ॒त्त॒र॒तः श्वे॒तः⁠। उ॒त्त॒र॒त इत्यु॑त्—त॒र॒तः⁠। श्वे॒तो दख्‍षि॑णः⁠। दख्‍षि॑ण॒स्तौ⁠। तावा॒लभ्य॑⁠। आ॒लभ्येष्ट॑काः⁠। आ॒लभ्येत्या᳚—लभ्य॑⁠। इष्ट॑का॒ उप॑⁠। उप॑ दद्ध्यात्⁠। द॒द्ध्या॒दे॒तत्⁠। ए॒तद् वै⁠। वै प्र॒जाप॑तेः⁠। प्र॒जाप॑ते रू॒पम्⁠। प्र॒जाप॑ते॒रिति॑ प्र॒जा—प॒तेः॒⁠। रू॒पम् प्रा॑जाप॒त्यः⁠। प्रा॒जा॒प॒त्योऽश्वः॑⁠। प्रा॒जा॒प॒त्य इति॑ प्राजा—प॒त्यः⁠। अश्वः॑ सा॒ख्‍षात्⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। ए॒व प्र॒जाप॑तये⁠। प्र॒जाप॑तये प्रति॒प्रोच्य॑⁠। प्र॒जाप॑तय॒ इति॑ प्र॒जा—प॒त॒ये॒⁠। प्र॒ति॒प्रोच्या॒ग्निम्⁠। प्र॒ति॒प्रोच्येति॑ प्रति—प्रोच्य॑⁠। अ॒ग्निम् चि॑नोति⁠। चि॒नो॒ति॒ न⁠। नार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒त्ये॒तत्⁠। ए॒तद् वै⁠। वा अह्नः॑⁠। अह्नो॑ रू॒पम्⁠। रू॒पय्ँयत्⁠। यच्‌छ्‌वे॒तः⁠। श्वे॒तोऽश्वः॑⁠। अश्वो॒ रात्रि॑यै⁠। रात्रि॑यै कृ॒ष्णः⁠। कृ॒ष्ण ए॒तत्⁠। ए॒तदह्नः॑⁠। अह्नो॑ रू॒पम्⁠। [२] रू॒पय्ँयत्⁠। यदिष्ट॑काः⁠। इष्ट॑का॒ रात्रि॑यै⁠। रात्रि॑यै॒ पुरी॑षम्⁠। पुरी॑ष॒मिष्ट॑काः⁠। इष्ट॑का उपधा॒स्यन्न्⁠। उ॒प॒धा॒स्यञ्छ्वे॒तम्⁠। उ॒प॒धा॒स्यन्नित्यु॑प—धा॒स्यन्न्⁠। श्वे॒तमश्व᳚म्⁠। अश्व॑म॒भि⁠। अ॒भि मृ॑शेत्⁠। मृ॒शे॒त् पुरी॑षम्⁠। पुरी॑षमुपधा॒स्यन्न्⁠। उ॒प॒धा॒स्यन् कृ॒ष्णम्⁠। उ॒प॒धा॒स्यन्नित्यु॑प—धा॒स्यन्न्⁠। कृ॒ष्णम॑होरा॒त्राभ्या᳚म्⁠। अ॒हो॒रा॒त्राभ्या॑मे॒व⁠। अ॒हो॒रा॒त्राभ्या॒मित्य॑हः—रा॒त्राभ्या᳚म्⁠। ए॒वैन᳚म्⁠। ए॒न॒म् चि॒नु॒ते॒⁠। चि॒नु॒ते॒ हि॒र॒ण्य॒पा॒त्रम्⁠। हि॒र॒ण्य॒पा॒त्रम् मधोः᳚⁠। हि॒र॒ण्य॒पा॒त्रमिति॑ हिरण्य—पा॒त्रम्⁠। मधोः᳚ पू॒र्णम्⁠। पू॒र्णम् द॑दाति⁠। द॒दा॒ति॒ म॒ध॒व्यः॑⁠। म॒ध॒व्यो॑ऽसानि⁠। अ॒सा॒नीति॑⁠। इति॑ सौ॒र्या⁠। सौ॒र्या चि॒त्रव॑त्या⁠। चि॒त्रव॒त्याऽव॑⁠। चि॒त्रव॒त्येति॑ चि॒त्र—व॒त्या॒⁠। अवे᳚ख्‍षते⁠। ई॒ख्‍ष॒ते॒ चि॒त्रम्⁠। चि॒त्रमे॒व⁠। ए॒व भ॑वति⁠। भ॒व॒ति॒ म॒द्ध्यन्दि॑ने⁠। म॒द्ध्यन्दि॒नेऽश्व᳚म्⁠। अश्व॒मव॑⁠। अव॑ घ्रापयति⁠। घ्रा॒प॒य॒त्य॒सौ⁠। अ॒सौ वै⁠। वा आ॑दि॒त्यः⁠। आ॒दि॒त्य इन्द्रः॑⁠। इन्द्र॑ ए॒षः⁠। ए॒ष प्र॒जाप॑तिः⁠। प्र॒जाप॑तिः प्राजाप॒त्यः⁠। प्र॒जाप॑ति॒रिति॑ प्र॒जा—प॒तिः॒⁠। प्रा॒जा॒प॒त्योऽश्वः॑⁠। प्रा॒जा॒प॒त्य इति॑ प्राजा—प॒त्यः⁠। अश्व॒स्तम्⁠। तमे॒व⁠। ए॒व सा॒ख्‍षात्⁠। सा॒ख्‍षादृ॑द्ध्नोति⁠। सा॒ख्‍षादिति॑ स—अ॒ख्‍षात्⁠। ऋ॒द्ध्नो॒तीत्यृ॑द्ध्नोति⁠॥ [३] (ए॒न॒ मे॒तदह्नो॒ ऽष्टाच॑त्वारिꣳशच्च) ॥१॥
त्वाम॑ग्ने⁠। अ॒ग्ने॒ वृ॒ष॒भम्⁠। वृ॒ष॒भम् चेकि॑तानम्⁠। चेकि॑तान॒म् पुनः॑⁠। पुन॒र् युवा॑नम्⁠। युवा॑नम् ज॒नय॑न्न्⁠। ज॒नय॑न्नु॒पागा᳚म्⁠। उ॒पागा॒मित्यु॑प—आगा᳚म्⁠॥ अ॒स्थू॒रिणः॑⁠। नो॒ गार्‌ह॑पत्यानि⁠। गार्‌ह॑पत्यानि सन्तु⁠। गार्‌ह॑पत्या॒नीति॒ गार्‌ह॑—प॒त्या॒नि॒⁠। स॒न्तु॒ ति॒ग्मेन॑⁠। ति॒ग्मेन॑ नः⁠। नो॒ ब्रह्म॑णा⁠। ब्रह्म॑णा॒ सम्⁠। सꣳ शि॑शाधि⁠। शि॒शा॒धीति॑ शिशाधि⁠॥ प॒शवो॒ वै⁠। वा ए॒ते⁠। ए॒ते यत्⁠। यदिष्ट॑काः⁠। इष्ट॑का॒श्चित्या᳚ञ्चित्याम्⁠। चित्या᳚ञ्चित्यामृष॒भम्⁠। चित्या᳚ञ्चित्या॒मिति॒ चित्या᳚म्—चि॒त्या॒म्⁠। ऋ॒ष॒भमुप॑⁠। उप॑ दधाति⁠। द॒धा॒ति॒ मि॒थु॒नम्⁠। मि॒थु॒नमे॒व⁠। ए॒वास्य॑⁠। अ॒स्य॒ तत्⁠। तद् य॒ज्ञे⁠। य॒ज्ञे क॑रोति⁠। क॒रो॒ति॒ प्र॒जन॑नाय⁠। प्र॒जन॑नाय॒ तस्मा᳚त्⁠। प्र॒जन॑ना॒येति॑ प्र—जन॑नाय⁠। तस्मा᳚द् यू॒थेयू॑थे⁠। यू॒थेयू॑थ ऋष॒भः⁠। यू॒थेयू॑थ॒ इति॑ यू॒थे—यू॒थे॒⁠। ऋ॒ष॒भ इत्यृ॑ष॒भः⁠॥ स॒व्ँव॒थ्स॒रस्य॑ प्रति॒माम्⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। प्र॒ति॒माय्ँयाम्⁠। प्र॒ति॒मामिति॑ प्रति—माम्⁠। याम् त्वा᳚⁠। त्वा॒ रा॒त्रि॒⁠। रा॒त्र्यु॒पास॑ते⁠। उ॒पास॑त॒ इत्यु॑प—आस॑ते⁠॥ प्र॒जाꣳ सु॒वीरा᳚म्⁠। प्र॒जामिति॑ प्र—जाम्⁠। सु॒वीरा᳚म् कृ॒त्वा⁠। सु॒वीरा॒मिति॑ सु—वीरा᳚म्⁠। कृ॒त्वा विश्व᳚म्⁠। विश्व॒मायुः॑⁠। आयु॒र् वि⁠। व्य॑श्ञवत्⁠। अ॒श्ञ॒व॒दित्य॑श्ञवत्⁠॥ प्रा॒जा॒प॒त्यामे॒ताम्⁠। प्रा॒जा॒प॒त्यामिति॑ प्राजा—प॒त्याम्⁠। [४] ए॒तामुप॑⁠। उप॑ दधाति⁠। द॒धा॒ती॒यम्⁠। इ॒यव्ँवाव⁠। वावैषा⁠। ए॒षैका᳚ष्ट॒का⁠। ए॒का॒ष्ट॒का यत्⁠। ए॒का॒ष्ट॒केत्ये॑क—अ॒ष्ट॒का⁠। यदे॒व⁠। ए॒वैका᳚ष्ट॒काया᳚म्⁠। ए॒का॒ष्ट॒काया॒मन्न᳚म्⁠। ए॒का॒ष्ट॒काया॒मित्ये॑क—अ॒ष्ट॒काया᳚म्⁠। अन्न॑म् क्रि॒यते᳚⁠। क्रि॒यते॒ तत्⁠। तदे॒व⁠। ए॒वैतया᳚⁠। ए॒तयाऽव॑⁠। अव॑ रुन्धे⁠। रु॒न्ध॒ ए॒षा⁠। ए॒षा वै⁠। वै प्र॒जाप॑तेः⁠। प्र॒जाप॑तेः काम॒दुघा᳚⁠। प्र॒जाप॑ते॒रिति॑ प्र॒जा—प॒तेः॒⁠। का॒म॒दुघा॒ तया᳚⁠। का॒म॒दुघेति॑ काम—दुघा᳚⁠। तयै॒व⁠। ए॒व यज॑मानः⁠। यज॑मानो॒ऽमुष्मि॑न्न्⁠। अ॒मुष्मि॑ल्ँलो॒के⁠। लो॒के᳚ऽग्निम्⁠। अ॒ग्निम् दु॑हे⁠। दु॒हे॒ येन॑⁠। येन॑ दे॒वाः⁠। दे॒वा ज्योति॑षा⁠। ज्योति॑षो॒र्द्ध्वाः⁠। ऊ॒र्द्ध्वा उ॒दाय॑न्न्⁠। उ॒दाय॒न्न्॒‌येन॑⁠। उ॒दाय॒न्नित्यु॑त्—आय॑न्न्⁠। येना॑दि॒त्याः⁠। आ॒दि॒त्या वस॑वः⁠। वस॑वो॒ येन॑⁠। येन॑ रु॒द्राः⁠। रु॒द्रा इति॑ रु॒द्राः⁠॥ येनाङ्‍गि॑रसः⁠। अङ्‍गि॑रसो महि॒मान᳚म्⁠। म॒हि॒मान॑मान॒शुः⁠। आ॒न॒शुस्तेन॑⁠। तेनै॑तु⁠। ए॒तु॒ यज॑मानः⁠। यज॑मानः स्व॒स्ति⁠। स्व॒स्तीति॑ स्व॒स्ति⁠॥ सु॒र्व॒गाय॒ वै⁠। सु॒व॒र्गायेति॑ सुवः—गाय॑⁠। वा ए॒षः⁠। ए॒ष लो॒काय॑⁠। लो॒काय॑ चीयते⁠। [५] ची॒य॒ते॒ यत्⁠। यद॒ग्निः⁠। अ॒ग्निर् येन॑⁠। येन॑ दे॒वाः⁠। दे॒वा ज्योति॑षा⁠। ज्योति॑षो॒र्द्ध्वाः⁠। ऊ॒र्द्ध्वा उ॒दाय॑न्न्⁠। उ॒दाय॒न्निति॑⁠। उ॒दाय॒न्नित्यु॑त्—आय॑न्न्⁠। इत्युख्य᳚म्⁠। उख्य॒ꣳ॒ सम्⁠। समि॑न्धे⁠। इ॒न्ध॒ इष्ट॑काः⁠। इष्ट॑का ए॒व⁠। ए॒वैताः⁠। ए॒ता उप॑⁠। उप॑ धत्ते⁠। ध॒त्ते॒ वा॒न॒स्प॒त्याः⁠। वा॒न॒स्प॒त्याः सु॑व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्य॒ सम॑ष्ट्‍यै⁠। सम॑ष्ट्‍यै श॒तायु॑धाय⁠। सम॑ष्ट्‍या॒ इति॒ सम्—अ॒ष्ट्‍यै॒⁠। श॒तायु॑धाय श॒तवी᳚र्याय⁠। श॒तायु॑धा॒येति॑ श॒त—आ॒यु॒धा॒य॒⁠। श॒तवी᳚र्याय श॒तोत॑ये⁠। श॒तवी᳚र्या॒येति॑ श॒त—वी॒र्या॒य॒⁠। श॒तोत॑येऽभिमाति॒षाहे᳚⁠। श॒तोत॑य॒ इति॑ श॒त—ऊ॒त॒ये॒⁠। अ॒भि॒मा॒ति॒षाह॒ इत्य॑भिमाति—साहे᳚⁠॥ श॒तय्ँयः⁠। यो नः॑⁠। नः॒ श॒रदः॑⁠। श॒रदो॒ अजी॑तान्⁠। अजी॑ता॒निन्द्रः॑⁠। इन्द्रो॑ नेषत्⁠। ने॒ष॒दति॑⁠। अति॑ दुरि॒तानि॑⁠। दु॒रि॒तानि॒ विश्वा᳚⁠। दु॒रि॒तानीति॑ दुः—इ॒तानि॑⁠। विश्वेति॒ विश्वा᳚⁠॥ ये च॒त्वारः॑⁠। च॒त्वारः॑ प॒थयः॑⁠। प॒थयो॑ देव॒यानाः᳚⁠। दे॒व॒याना॑ अन्त॒रा⁠। दे॒व॒याना॒ इति॑ देव—यानाः᳚⁠। अ॒न्त॒रा द्यावा॑पृथि॒वी⁠। द्यावा॑पृथि॒वी वि॒यन्ति॑⁠। द्यावा॑पृथि॒वी इति॒ द्यावा᳚—पृ॒थि॒वी⁠। वि॒यन्तीति॑ वि—यन्ति॑⁠॥ तेषा॒य्ँयः⁠। यो अज्या॑निम्⁠। अज्या॑नि॒मजी॑तिम्⁠। अजी॑तिमा॒वहा᳚त्⁠। आ॒वहा॒त् तस्मै᳚⁠। आ॒वहा॒दित्या᳚—वहा᳚त्⁠। तस्मै॑ नः⁠। नो॒ दे॒वाः॒⁠। दे॒वाः॒ परि॑⁠। [६] परि॑ दत्त⁠। द॒त्ते॒ह⁠। इ॒ह सर्वे᳚⁠। सर्व॒ इति॒ सर्वे᳚⁠॥ ग्री॒ष्मो हे॑म॒न्तः⁠। हे॒म॒न्त उ॒त⁠। उ॒त नः॑⁠। नो॒ व॒स॒न्तः⁠। व॒स॒न्तः श॒रत्⁠। श॒रद् व॒र्॒‌षाः⁠। व॒र्॒‌षाः सु॑वि॒तम्⁠। सु॒वि॒तम् नः॑⁠। नो॒ अ॒स्तु॒⁠। अ॒स्त्वित्य॑स्तु⁠॥ तेषा॑मृतू॒नाम्⁠। ऋ॒तू॒नाꣳ श॒तशा॑रदानाम्⁠। श॒तशा॑रदानाम् निवा॒ते⁠। श॒तशा॑रदाना॒मिति॑ श॒त—शा॒र॒दा॒ना॒म्⁠। नि॒वा॒त ए॑षाम्⁠। नि॒वा॒त इति॑ नि—वा॒ते⁠। ए॒षा॒मभ॑ये⁠। अभ॑ये स्याम⁠। स्या॒मेति॑ स्याम⁠॥ इ॒दु॒व॒थ्स॒राय॑ परिवथ्स॒राय॑⁠। इ॒दु॒व॒थ्स॒रायेती॑दु—व॒थ्स॒राय॑⁠। प॒रि॒व॒थ्स॒राय॑ सव्ँवथ्स॒राय॑⁠। प॒रि॒व॒थ्स॒रायेति॑ परि—व॒थ्स॒राय॑⁠। स॒व्ँव॒थ्स॒राय॑ कृणुत⁠। स॒व्ँव॒थ्स॒रायेति॑ सम्—व॒थ्स॒राय॑⁠। कृ॒णु॒ता॒ बृ॒हत्⁠। बृ॒हन् नमः॑⁠। नम॒ इति॒ नमः॑⁠॥ तेषा᳚व्ँव॒यम्⁠। व॒यꣳ सु॑म॒तौ⁠। सु॒म॒तौ य॒ज्ञिया॑नाम्⁠। सु॒म॒ताविति॑ सु—म॒तौ⁠। य॒ज्ञिया॑ना॒म् ज्योक्⁠। ज्योगजी॑ताः⁠। अजी॑ता॒ अह॑ताः⁠। अह॑ताः स्याम⁠। स्या॒मेति॑ स्याम⁠॥ भ॒द्रान् नः॑⁠। नः॒ श्रेयः॑⁠। श्रेयः॒ सम्⁠। सम॑नैष्ट⁠। अ॒नै॒ष्ट॒ दे॒वाः॒⁠। दे॒वा॒स्त्वया᳚⁠। त्वया॑ऽव॒सेन॑⁠। अ॒व॒सेन॒ सम्⁠। सम॑शीमहि⁠। अ॒शी॒म॒हि॒ त्वा॒⁠। त्वेति॑ त्वा⁠॥ स नः॑⁠। नो॒ म॒यो॒भूः⁠। म॒यो॒भूः पि॑तो⁠। म॒यो॒भूरिति॑ मयः—भूः⁠। पि॒तो॒ आ⁠। पि॒तो॒ इति॑ पितो⁠। [७] आ वि॑शस्व⁠। वि॒श॒स्व॒ शम्⁠। शम् तो॒काय॑⁠। तो॒काय॑ त॒नुवे᳚⁠। त॒नुवे᳚ स्यो॒नः⁠। स्यो॒न इति॑ स्यो॒नः⁠॥ अज्या॑नीरे॒ताः⁠। ए॒ता उप॑⁠। उप॑ दधाति⁠। द॒धा॒त्ये॒ताः⁠। ए॒ता वै⁠। वै दे॒वताः᳚⁠। दे॒वता॒ अप॑राजिताः⁠। अप॑राजिता॒स्ताः⁠। अप॑राजिता॒ इत्यप॑रा—जि॒ताः॒⁠। ता ए॒व⁠। ए॒व प्र⁠। प्र वि॑शति⁠। वि॒श॒ति॒ न⁠। नैव⁠। ए॒व जी॑यते⁠। जी॒य॒ते॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ यत्⁠। यद॑र्द्धमा॒साः⁠। अ॒र्द्ध॒मा॒सा मासाः᳚⁠। अ॒र्द्ध॒मा॒सा इत्य॑र्द्ध—मा॒साः⁠। मासा॑ ऋ॒तवः॑⁠। ऋ॒तवः॑ सव्ँवथ्स॒रः⁠। स॒व्ँव॒थ्स॒र ओष॑धीः⁠। स॒व्ँव॒थ्स॒र इति॑ सम्—व॒थ्स॒रः⁠। ओष॑धीः॒ पच॑न्ति⁠। पच॒न्त्यथ॑⁠। अथ॒ कस्मा᳚त्⁠। कस्मा॑द॒न्याभ्यः॑⁠। अ॒न्याभ्यो॑ दे॒वता᳚भ्यः⁠। दे॒वता᳚भ्य आग्रय॒णम्⁠। आ॒ग्र॒य॒णम् निः⁠। निरु॑प्यते⁠। उ॒प्य॒त॒ इति॑⁠। इत्ये॒ताः⁠। ए॒ता हि⁠। हि तत्⁠। तद् दे॒वताः᳚⁠। दे॒वता॑ उ॒दज॑यन्न्⁠। उ॒दज॑य॒न्न्॒‌यत्⁠। उ॒दज॑य॒न्नित्यु॑त्—अज॑यन्न्⁠। यदृ॒तुभ्यः॑⁠। ऋ॒तुभ्यो॑ नि॒र्वपे᳚त्⁠। ऋ॒तुभ्य॒ इत्यृ॒तु—भ्यः॒⁠। नि॒र्वपे᳚द् दे॒वता᳚भ्यः⁠। नि॒र्वपे॒दिति॑ निः—वपे᳚त्⁠। दे॒वता᳚भ्यः स॒मद᳚म्⁠। स॒मद॑म् दद्ध्यात्⁠। स॒मद॒मिति॑ स—मद᳚म्⁠। द॒द्ध्या॒दा॒ग्र॒य॒णम्⁠। आ॒ग्र॒य॒णम् नि॒रुप्य॑⁠। नि॒रुप्यै॒ताः⁠। नि॒रुप्येति॑ निः—उप्य॑⁠। ए॒ता आहु॑तीः⁠। आहु॑तीर् जुहोति⁠। आहु॑ती॒रित्या—हु॒तीः॒⁠। जु॒हो॒त्य॒र्द्ध॒मा॒सान्⁠। अ॒र्द्ध॒मा॒साने॒व⁠। अ॒र्द्ध॒मा॒सानित्य॑र्द्ध—मा॒सान्⁠। ए॒व मासा॑न्⁠। मासा॑नृ॒तून्⁠। ऋ॒तून्थ् स॑व्ँवथ्स॒रम्⁠। स॒व्ँव॒थ्स॒रम् प्री॑णाति⁠। स॒व्ँव॒थ्स॒रमिति॑ सम्—व॒थ्स॒रम्⁠। प्री॒णा॒ति॒ न⁠। न दे॒वता᳚भ्यः⁠। दे॒वता᳚भ्यः स॒मद᳚म्⁠। स॒मद॑म् दधाति⁠। स॒मद॒मिति॑ स—मद᳚म्⁠। द॒धा॒ति॒ भ॒द्रात्⁠। भ॒द्रान् नः॑⁠। नः॒ श्रेयः॑⁠। श्रेयः॒ सम्⁠। सम॑नैष्ट⁠। अ॒नै॒ष्ट॒ दे॒वाः॒⁠। दे॒वा॒ इति॑⁠। इत्या॑ह⁠। आ॒ह॒ हु॒ताद्या॑य⁠। हु॒ताद्या॑य॒ यज॑मानस्य⁠। हु॒ताद्या॒येति॑ हुत—अद्या॑य⁠। यज॑मन॒स्याप॑राभावाय⁠। अप॑राभावा॒येत्यप॑रा—भा॒वा॒य॒⁠॥ [८] (प्र॒जा॒प॒त्याम् लो॒काय॑ देवाः पितो दध्यादाग्रय॒णम् पञ्च॑विꣳशतिश्च) ॥२॥
इन्द्र॑स्य॒ वज्रः॑⁠। वज्रो॑ऽसि⁠। अ॒सि॒ वार्त्र॑घ्नः⁠। वार्त्र॑घ्नस्तनू॒पाः⁠। वार्त्र॑घ्न॒ इति॒ वार्त्र॑—घ्नः॒⁠। त॒नू॒पा नः॑⁠। त॒नू॒पा इति॑ तनू—पाः⁠। नः॒ प्र॒ति॒स्प॒शः⁠। प्र॒ति॒स्प॒श इति॑ प्रति—स्प॒शः⁠॥ यो नः॑⁠। नः॒ पु॒रस्ता᳚त्⁠। पु॒रस्ता᳚द् दख्‍षिण॒तः⁠। द॒ख्‍षि॒ण॒तः प॒श्चात्⁠। प॒श्चादु॑त्तर॒तः⁠। उ॒त्त॒र॒तो॑ऽघा॒युः⁠। उ॒त्त॒र॒त इत्यु॑त्—त॒र॒तः⁠। अ॒घा॒युर॑भि॒दास॑ति⁠। अ॒घा॒युरित्य॑घ—युः⁠। अ॒भि॒दास॑त्ये॒तम्⁠। अ॒भि॒दास॒तीत्य॑भि—दास॑ति⁠। ए॒तꣳ सः⁠। सोऽश्मा॑नम्⁠। अश्मा॑नमृच्छतु⁠। ऋ॒च्छ॒त्वित्यृ॑च्छतु⁠॥ दे॒वा॒सु॒राः सय्ँय॑त्ताः⁠। दे॒वा॒सु॒रा इति॑ देव—अ॒सु॒राः⁠। सय्ँय॑त्ता आसन्न्⁠। सय्ँय॑त्ता॒ इति॒ सम्—य॒त्ताः॒⁠। आ॒स॒न् ते⁠। तेऽसु॑राः⁠। असु॑रा दि॒ग्भ्यः⁠। दि॒ग्भ्य आ⁠। दि॒ग्भ्य इति॑ दिक्—भ्यः⁠। आऽबा॑धन्त⁠। अ॒बा॒ध॒न्त॒ तान्⁠। तान् दे॒वाः⁠। दे॒वा इष्वा᳚⁠। इष्वा॑ च⁠। च॒ वज्रे॑ण⁠। वज्रे॑ण च⁠। चाप॑⁠। अपा॑नुदन्त⁠। अ॒नु॒द॒न्त॒ यत्⁠। यद् व॒ज्रिणीः᳚⁠। व॒ज्रिणी॑रुप॒दधा॑ति⁠। उ॒प॒दधा॒तीष्वा᳚⁠। उ॒प॒दधा॒तीत्यु॑प—दधा॑ति⁠। इष्वा॑ च⁠। चै॒व⁠। ए॒व तत्⁠। तद् वज्रे॑ण⁠। वज्रे॑ण च⁠। च॒ यज॑मानः⁠। यज॑मानो॒ भ्रातृ॑व्यान्⁠। भ्रात्य॑व्या॒नप॑⁠। अप॑ नुदते⁠। नु॒द॒ते॒ दि॒ख्‍षु⁠। दि॒ख्‍षूप॑⁠। उप॑ दधाति⁠। [९] द॒धा॒ति॒ दे॒व॒पु॒राः⁠। दे॒व॒पु॒रा ए॒व⁠। दे॒व॒पु॒रा इति॑ देव—पु॒राः⁠। ए॒वैताः⁠। ए॒तास्त॑नू॒पानीः᳚⁠। त॒नू॒पानीः॒ परि॑⁠। त॒नू॒पानी॒रिति॑ तनू—पानीः᳚⁠। पर्यू॑हते⁠। ऊ॒ह॒तेऽग्ना॑विष्णू⁠। अग्ना॑विष्णू स॒जोष॑सा⁠। अग्ना॑विष्णू॒ इत्यग्ना᳚—वि॒ष्णू॒⁠। स॒जोष॑से॒माः⁠। स॒जोष॒सेति॑ स—जोष॑सा⁠। इ॒मा व॑र्द्धन्तु⁠। व॒र्द्ध॒न्तु॒ वा॒म्⁠। वा॒म् गिरः॑⁠। गिर॒ इति॒ गिरः॑⁠॥ द्यु॒म्नैर् वाजे॑भिः⁠। वाजे॑भि॒रा⁠। आ ग॑तम्⁠। ग॒त॒मिति॑ गतम्⁠॥ ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ यत्⁠। यन् न⁠। न दे॒वता॑यै⁠। दे॒वता॑यै॒ जुह्व॑ति⁠। जुह्व॒त्यथ॑⁠। अथ॑ किन्देव॒त्या᳚⁠। कि॒न्दे॒व॒त्या॑ वसोः᳚⁠। कि॒न्दे॒व॒त्येति॑ किम्—दे॒व॒त्या᳚⁠। वसो॒र्धारा᳚⁠। धारेति॑⁠। इत्य॒ग्निः⁠। अ॒ग्निर् वसुः॑⁠। वसु॒स्तस्य॑⁠। तस्यै॒षा⁠। ए॒षा धारा᳚⁠। धारा॒ विष्णुः॑⁠। विष्णु॒र् वसुः॑⁠। वसु॒स्तस्य॑⁠। तस्यै॒षा⁠। ए॒षा धारा᳚⁠। धारा᳚ऽऽग्नावैष्ण॒व्या⁠। आ॒ग्ना॒वै॒ष्ण॒व्यर्चा⁠। आ॒ग्ना॒वै॒ष्ण॒व्येत्या᳚ग्ना—वै॒ष्ण॒व्या⁠। ऋ॒चा वसोः᳚⁠। वसो॒र्धारा᳚म्⁠। धारा᳚म् जुहोति⁠। जु॒हो॒ति॒ भा॒ग॒धेये॑न⁠। भा॒ग॒धेये॑नै॒व⁠। भा॒ग॒धेये॒नेति॑ भाग—धेये॑न⁠। ए॒वैनौ᳚⁠। ए॒नौ॒ सम्⁠। सम॑र्द्धयति⁠। अ॒र्द्ध॒य॒त्यथो᳚⁠। अथो॑ ए॒ताम्⁠। अथो॒ इत्यथो᳚⁠। ए॒तामे॒व⁠। [१०] ए॒वाहु॑तिम्⁠। आहु॑तिमा॒यत॑नवतीम्⁠। आहु॑ति॒मित्या—हु॒ति॒म्⁠। आ॒यत॑नवतीम् करोति⁠। आ॒यत॑नवती॒मित्या॒यत॑न—व॒ती॒म्⁠। क॒रो॒ति॒ यत्का॑मः⁠। यत्का॑म एनाम्⁠। यत्का॑म॒ इति॒ यत्—का॒मः॒⁠। ए॒ना॒म् जु॒होति॑⁠। जु॒होति॒ तत्⁠। तदे॒व⁠। ए॒वाव॑⁠। अव॑ रुन्धे⁠। रु॒न्धे॒ रु॒द्रः⁠। रु॒द्रो वै⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निस्तस्य॑⁠। तस्यै॒ते⁠। ए॒ते त॒नुवौ᳚⁠। ए॒ते इत्ये॒ते⁠। त॒नुवौ॑ घो॒रा⁠। घो॒राऽन्या⁠। अ॒न्या शि॒वा⁠। शि॒वाऽन्या⁠। अ॒न्या यत्⁠। यच्छ॑तरु॒द्रीय᳚म्⁠। श॒त॒रु॒द्रीय॑म् जु॒होति॑⁠। श॒त॒रु॒द्रीय॒मिति॑ शत—रु॒द्रीय᳚म्⁠। जु॒होति॒ या⁠। यैव⁠। ए॒वास्य॑⁠। अ॒स्य॒ घो॒रा⁠। घो॒रा त॒नूः⁠। त॒नूस्ताम्⁠। ताम् तेन॑⁠। तेन॑ शमयति⁠। श॒म॒य॒ति॒ यत्⁠। यद् वसोः᳚⁠। वसो॒र् धारा᳚म्⁠। धारा᳚म् जु॒होति॑⁠। जु॒होति॒ या⁠। यैव⁠। ए॒वास्य॑⁠। अ॒स्य॒ शि॒वा⁠। शि॒वा त॒नूः⁠। त॒नूस्ताम्⁠। ताम् तेन॑⁠। तेन॑ प्रीणाति⁠। प्री॒णा॒ति॒ यः⁠। यो वै⁠। वै वसोः᳚⁠। वसो॒र् धारा॑यै⁠। धारा॑यै प्रति॒ष्ठाम्⁠। [११] प्र॒ति॒ष्ठाव्ँवेद॑⁠। प्र॒ति॒ष्ठामिति॑ प्रति—स्थाम्⁠। वेद॒ प्रति॑⁠। प्रत्ये॒व⁠। ए॒व ति॑ष्ठति⁠। ति॒ष्ठ॒ति॒ यत्⁠। यदाज्य᳚म्⁠। आज्य॑मु॒च्छिष्ये॑त⁠। उ॒च्छिष्ये॑त॒ तस्मि॑न्न्⁠। उ॒च्छिष्ये॒तेत्यु॑त्—शिष्ये॑त⁠। तस्मि॑न् ब्रह्मौद॒नम्⁠। ब्र॒ह्मौ॒द॒नम् प॑चेत्⁠। ब्र॒ह्मौ॒द॒नमिति॑ ब्रह्म—ओ॒द॒नम्⁠। प॒चे॒त् तम्⁠। तम् ब्रा᳚ह्म॒णाः⁠। ब्रा॒ह्म॒णाश्च॒त्वारः॑⁠। च॒त्वारः॒ प्र⁠। प्राश्ञी॑युः⁠। अ॒श्ञी॒यु॒रे॒षः⁠। ए॒ष वै⁠। वा अ॒ग्निः⁠। अ॒ग्निर् वै᳚श्वान॒रः⁠। वै॒श्वा॒न॒रो यत्⁠। यद् ब्रा᳚ह्म॒णः⁠। ब्रा॒ह्म॒ण ए॒षा⁠। ए॒षा खलु॑⁠। खलु॒ वै⁠। वा अ॒ग्नेः⁠। अ॒ग्नेः प्रि॒या⁠। प्रि॒या त॒नूः⁠। त॒नूर् यत्⁠। यद् वै᳚श्वान॒रः⁠। वै॒श्वा॒न॒रः प्रि॒याया᳚म्⁠। प्रि॒याया॑मे॒व⁠। ए॒वैना᳚म्⁠। ए॒ना॒म् त॒नुवा᳚म्⁠। त॒नुवा॒म् प्रति॑⁠। प्रति॑ष्ठापयति⁠। स्था॒प॒य॒ति॒ चत॑स्रः⁠। चत॑स्रो धे॒नूः⁠। धे॒नूर् द॑द्यात्⁠। द॒द्या॒त् ताभिः॑⁠। ताभि॑रे॒व⁠। ए॒व यज॑मानः⁠। यज॑मानो॒ऽमुष्मि॑न्न्⁠। अ॒मुष्मि॑ल्ँलो॒के⁠। लो॒के᳚ऽग्निम्⁠। अ॒ग्निम् दु॑हे⁠। दु॒ह॒ इति॑ दुहे⁠॥ [१२] (उपै॒ ताम् धारा॑यै॒ षट्च॑त्वारिꣳशच्च) ॥३॥
चित्ति॑म् जुहोमि⁠। जु॒हो॒मि॒ मन॑सा⁠। मन॑सा घृ॒तेन॑⁠। घृ॒तेनेति॑⁠। इत्या॑ह⁠। आ॒हादा᳚भ्या⁠। अदा᳚भ्या॒ वै⁠। वै नाम॑⁠। नामै॒षा⁠। ए॒षाऽऽहु॑तिः⁠। आहु॑तिर् वैश्वकर्म॒णी⁠। आहु॑ति॒रित्या—हु॒तिः॒⁠। वै॒श्व॒क॒र्म॒णी न⁠। वै॒श्व॒क॒र्म॒णीति॑ वैश्व—क॒र्म॒णी⁠। नैन᳚म्⁠। ए॒न॒म् चि॒क्या॒नम्⁠। चि॒क्या॒नम् भ्रातृ॑व्यः⁠। भ्रातृ॑व्यो दभ्नोति⁠। द॒भ्नो॒त्यथो᳚⁠। अथो॑ दे॒वताः᳚⁠। अथो॒ इत्यथो᳚⁠। दे॒वता॑ ए॒व⁠। ए॒वाव॑⁠। अव॑ रुन्धे⁠। रु॒न्धेऽग्ने᳚⁠। अग्ने॒ तम्⁠। तम॑द्य⁠। अ॒द्येति॑⁠। इति॑ प॒ङ्‍क्त्या⁠। प॒ङ्‍क्त्या जु॑होति⁠। जु॒हो॒ति॒ प॒ङ्‍क्त्या⁠। प॒ङ्‍क्त्याऽऽहु॑त्या⁠। आहु॑त्या यज्ञमु॒खम्⁠। आहु॒त्येत्या—हु॒त्या॒⁠। य॒ज्ञ॒मु॒खमा⁠। य॒ज्ञ॒मु॒खमिति॑ यज्ञ—मु॒खम्⁠। आ र॑भते⁠। र॒भ॒ते॒ स॒प्त⁠। स॒प्त ते᳚⁠। ते॒ अ॒ग्ने॒⁠। अ॒ग्ने॒ स॒मिधः॑⁠। स॒मिधः॑ स॒प्त⁠। स॒मिध॒ इति॑ सम्—इधः॑⁠। स॒प्त जि॒ह्वाः⁠। जि॒ह्वा इति॑⁠। इत्या॑ह⁠। आ॒ह॒ होत्राः᳚⁠। होत्रा॑ ए॒व⁠। ए॒वाव॑⁠। अव॑ रुन्धे⁠। रु॒न्धे॒ऽग्निः⁠। अ॒ग्निर् दे॒वेभ्यः॑⁠। दे॒वेभ्योऽप॑⁠। अपा᳚क्रामत्⁠। अ॒क्रा॒म॒द् भा॒ग॒धेय᳚म्⁠। भा॒ग॒धेय॑मि॒च्छमा॑नः⁠। भा॒ग॒धेय॒मिति॑ भाग—धेय᳚म्⁠। [१३] इ॒च्छमा॑न॒स्तस्मै᳚⁠। तस्मा॑ ए॒तत्⁠। ए॒तद् भा॑ग॒धेय᳚म्⁠। भा॒ग॒धेय॒म् प्र⁠। भा॒ग॒धेय॒मिति॑ भाग—धेय᳚म्⁠। प्राय॑च्छन्न्⁠। अ॒य॒च्छ॒न्ने॒तत्⁠। ए॒तद् वै⁠। वा अ॒ग्ने⁠। अ॒ग्नेर॑ग्निहो॒त्रम्⁠। अ॒ग्नि॒हो॒त्रमे॒तर्‌हि॑⁠। अ॒ग्नि॒हो॒त्रमित्य॑ग्नि—हो॒त्रम्⁠। ए॒तर्‌हि॒ खलु॑⁠। खलु॒ वै⁠। वा ए॒षः⁠। ए॒ष जा॒तः⁠। जा॒तो यर्‌हि॑⁠। यर्‌हि॒ सर्वः॑⁠। सर्व॑श्चि॒तः⁠। चि॒तो जा॒ताय॑⁠। जा॒तायै॒व⁠। ए॒वास्मै᳚⁠। अ॒स्मा॒ अन्न᳚म्⁠। अन्न॒मपि॑⁠। अपि॑ दधाति⁠। द॒धा॒ति॒ सः⁠। स ए॑नम्⁠। ए॒न॒म् प्री॒तः⁠। प्री॒तः प्री॑णाति⁠। प्री॒णा॒ति॒ वसी॑यान्⁠। वसी॑यान् भवति⁠। भ॒व॒ति॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ यत्⁠। यदे॒षः⁠। ए॒ष गार्‌ह॑पत्यः⁠। गार्‌ह॑पत्यश्ची॒यते᳚⁠। गार्‌ह॑पत्य॒ इति॒ गार्‌ह॑—प॒त्यः॒⁠। ची॒यतेऽथ॑⁠। अथ॒ क्व॑⁠। क्वा᳚स्य⁠। अ॒स्या॒ह॒व॒नीयः॑⁠। आ॒ह॒व॒नीय॒ इति॑⁠। आ॒ह॒व॒नीय॒ इत्या᳚—ह॒व॒नीयः॑⁠। इत्य॒सौ⁠। अ॒सावा॑दि॒त्यः⁠। आ॒दि॒त्य इति॑⁠। इति॑ ब्रूयात्⁠। ब्रू॒या॒दे॒तस्मि॑न्न्⁠। ए॒तस्मि॒न्॒‌हि⁠। हि सर्वा᳚भ्यः⁠। सर्वा᳚भ्यो दे॒वता᳚भ्यः⁠। दे॒वता᳚भ्यो॒ जुह्व॑ति⁠। जुह्व॑ति॒ यः⁠। [१४] य ए॒वम्⁠। ए॒वव्ँवि॒द्वान्⁠। वि॒द्वान॒ग्निम्⁠। अ॒ग्निम् चि॑नु॒ते⁠। चि॒नु॒ते सा॒ख्‍षात्⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। ए॒व दे॒वताः᳚⁠। दे॒वता॑ ऋद्ध्नोति⁠। ऋ॒द्ध्यो॒त्यग्ने᳚⁠। अग्ने॑ यशस्विन्न्⁠। य॒श॒स्वि॒न्॒‌यश॑सा⁠। यश॑से॒मम्⁠। इ॒मम॑र्पय⁠। अ॒र्प॒येन्द्रा॑वतीम्⁠। इन्द्रा॑वती॒मप॑चितीम्⁠। इन्द्रा॑वती॒मितीन्द्र॑—व॒ती॒म्⁠। अप॑चितीमि॒ह⁠। अप॑चिती॒मित्यप॑—चि॒ती॒म्⁠। इ॒हा⁠। आ व॑ह⁠। व॒हेति॑ वह⁠॥ अ॒यम् मू॒र्द्धा⁠। मू॒र्द्धा प॑रमे॒ष्ठि⁠। प॒र॒मे॒ष्ठी सु॒वर्चाः᳚⁠। सु॒वर्चाः᳚ समा॒नाना᳚म्⁠। सु॒वर्चा॒ इति॑ सु—वर्चाः᳚⁠। स॒मा॒नाना॑मुत्त॒मश्लो॑कः⁠। उ॒त्त॒मश्लो॑को अस्तु⁠। उ॒त्त॒मश्लो॑क॒ इत्यु॑त्त॒म—श्लो॒कः॒⁠। अ॒स्त्वित्य॑स्तु⁠॥ भ॒द्रम् पश्य॑न्तः⁠। पश्य॑न्त॒ उप॑⁠। उप॑ सेदुः⁠। से॒दु॒रग्रे᳚⁠। अग्रे॒ तपः॑⁠। तपो॑ दी॒ख्‍षाम्⁠। दी॒ख्‍षामृष॑यः⁠। ऋष॑यः सुव॒र्विदः॑⁠। सु॒व॒र्विद॒ इति॑ सुवः—विदः॑⁠॥ ततः॑ ख्‍ष॒त्रम्⁠। ख्‍ष॒त्रम् बल᳚म्⁠। बल॒मोजः॑⁠। ओज॑श्च⁠। च॒ जा॒तम्⁠। जा॒तम् तत्⁠। तद॒स्मै⁠। अ॒स्मै दे॒वाः⁠। दे॒वा अ॒भि⁠। अ॒भि सम्⁠। सम् न॑मन्तु⁠। न॒म॒न्त्विति॑ नमन्तु⁠॥ धा॒ता वि॑धा॒ता⁠। वि॒धा॒ता प॑र॒मा⁠। वि॒धा॒तेति॑ वि—धा॒ता⁠। प॒र॒मोत⁠। [१५] उ॒त स॒न्दृक्⁠। स॒न्दृक् प्र॒जाप॑तिः⁠। स॒न्दृगिति॑ सम्—दृक्⁠। प्र॒जाप॑तिः परमे॒ष्ठी⁠। प्र॒जाप॑ति॒रिति॑ प्र॒जा—प॒तिः॒⁠। प॒र॒मे॒ष्ठी वि॒राजा᳚⁠। वि॒राजेति॑ वि—राजा᳚⁠॥ स्तोमा॒श्छन्दा॑ꣳसि⁠। छन्दा॑ꣳसि नि॒विदः॑⁠। नि॒विदो॑ मे⁠। नि॒विद॒ इति॑ नि—विदः॑⁠। म॒ आ॒हुः॒⁠। आ॒हु॒रे॒तस्मै᳚⁠। ए॒तस्मै॑ रा॒ष्ट्रम्⁠। रा॒ष्टम॒भि⁠। अ॒भि सम्⁠। सम् न॑माम⁠। न॒मा॒मेति॑ नमाम⁠॥ अ॒भ्याव॑र्तद्ध्व॒मुप॑⁠। अ॒भ्याव॑र्तद्ध्व॒मित्य॑भि—आव॑र्तद्ध्वम्⁠। उप॒मा⁠। मा⁠। एत॑⁠। इ॒त॒ सा॒कम्⁠। सा॒कम॒यम्⁠। अ॒यꣳ शा॒स्ता⁠। शा॒स्ताऽधि॑पतिः⁠। अधि॑पतिर् वः⁠। अधि॑पतिरि॒त्यधि॑—प॒तिः॒⁠। वो॒ अ॒स्तु॒⁠। अ॒स्त्वित्य॑स्तु⁠॥ अ॒स्य वि॒ज्ञान᳚म्⁠। वि॒ज्ञान॒मनु॑⁠। वि॒ज्ञान॒मिति॑ वि—ज्ञान᳚म्⁠। अनु॒ सम्⁠। सꣳ र॑भद्ध्वम्⁠। र॒भ॒द्ध्व॒मि॒मम्⁠। इ॒मम् प॒श्चात्⁠। प॒श्चादनु॑⁠। अनु॑ जीवाथ⁠। जी॒वा॒थ॒ सर्वे᳚⁠। सर्व॒ इति॒ सर्वे᳚⁠॥ रा॒ष्ट्र॒भृत॑ ए॒ताः⁠। रा॒ष्ट्र॒भृत॒ इति॑ राष्ट्र—भृतः॑⁠। ए॒ता उप॑⁠। उप॑ दधाति⁠। द॒धा॒त्ये॒षा⁠। ए॒षा वै⁠। वा अ॒ग्नेः⁠। अ॒ग्नेश्चितिः॑⁠। चिती॑ राष्ट्र॒भृत्⁠। रा॒ष्ट्र॒भृत् तया᳚⁠। रा॒ष्ट्र॒भृदिति॑ राष्ट्र—भृत्⁠। तयै॒व⁠। ए॒वास्मि॑न्न्⁠। अ॒स्मि॒न् रा॒ष्ट्रम्⁠। रा॒ष्ट्रम् द॑धाति⁠। द॒धा॒ति॒ रा॒ष्ट्रम्⁠। रा॒ष्ट्रमे॒व⁠। ए॒व भ॑वति⁠। भ॒व॒ति॒ न⁠। नास्मा᳚त्⁠। अ॒स्मा॒द् रा॒ष्ट्रम्⁠। रा॒ष्ट्रम् भ्र॑ꣳशते⁠। भ्र॒ꣳ॒श॒त॒ इति॑ भ्रꣳशते⁠॥ [१६] (भा॒ग॒धेय॒म् जुह्व॑ति पर॒मा रा॒ष्ट्रम् द॑धाति स॒प्त च॑) ॥४॥
यथा॒ वै⁠। वै पु॒त्रः⁠। पु॒त्रो जा॒तः⁠। जा॒तो म्रि॒यते᳚⁠। म्रि॒यत॑ ए॒वम्⁠। ए॒वव्ँवै⁠। वा ए॒षः⁠। ए॒ष म्रि॑यते⁠। म्रि॒य॒ते॒ यस्य॑⁠। यस्या॒ग्निः⁠। अ॒ग्निरुख्यः॑⁠। उख्य॑ उ॒द्वाय॑ति⁠। उ॒द्वाय॑ति॒ यत्⁠। उ॒द्वाय॒तीत्यु॑त्—वाय॑ति⁠। यन् नि॑र्म॒न्थ्य᳚म्⁠। नि॒र्म॒न्थ्य॑म् कु॒र्यात्⁠। नि॒र्म॒न्थ्य॑मिति॑ निः—म॒न्थ्य᳚म्⁠। कु॒र्याद् वि⁠। विच्छि॑न्द्यात्⁠। छि॒न्द्या॒द् भ्रातृ॑व्यम्⁠। भ्रातृ॑व्यमस्मै⁠। अ॒स्मै॒ ज॒न॒ये॒त्॒⁠। ज॒न॒ये॒थ् सः⁠। स ए॒व⁠। ए॒व पुनः॑⁠। पुनः॑ प॒रीद्ध्यः॑⁠। प॒रीद्ध्यः॒ स्वात्⁠। प॒रीद्ध्य॒ इति॑ परि—इद्ध्यः॑⁠। स्वादे॒व⁠। ए॒वैन᳚म्⁠। ए॒न॒य्ँयोनेः᳚⁠। योने᳚र् जनयति⁠। ज॒न॒य॒ति॒ न⁠। नास्मै᳚⁠। अ॒स्मै॒ भ्रातृ॑व्यम्⁠। भ्रातृ॑व्यम् जनयति⁠। ज॒न॒य॒ति॒ तमः॑⁠। तमो॒ वै⁠। वा ए॒तम्⁠। ए॒तम् गृ॑ह्णाति⁠। गृ॒ह्णा॒ति॒ यस्य॑⁠। यस्या॒ग्निः⁠। अ॒ग्निरुख्यः॑⁠। उख्य॑ उ॒द्वाय॑ति⁠। उ॒द्वाय॑ति मृ॒त्युः⁠। उ॒द्वाय॒तीत्यु॑त्—वाय॑ति⁠। मृ॒त्युस्तमः॑⁠। तमः॑ कृ॒ष्णम्⁠। कृ॒ष्णव्ँवासः॑⁠। वासः॑ कृ॒ष्णा⁠। कृ॒ष्णा धे॒नुः⁠। धे॒नुर् दख्‍षि॑णा⁠। दख्‍षि॑णा॒ तम॑सा⁠। तम॑सै॒व⁠। [१७] ए॒व तमः॑⁠। तमो॑ मृ॒त्युम्⁠। मृ॒त्युमप॑⁠। अप॑ हते⁠। ह॒ते॒ हिर॑ण्यम्⁠। हिर॑ण्यम् ददाति⁠। द॒दा॒ति॒ ज्योतिः॑⁠। ज्योति॒र् वै⁠। वै हिर॑ण्यम्⁠। हिर॑ण्य॒म् ज्योति॑षा⁠। ज्योति॑षै॒व⁠। ए॒व तमः॑⁠। तमोऽप॑⁠। अप॑ हते⁠। ह॒तेऽथो᳚⁠। अथो॒ तेजः॑⁠। अथो॒ इत्यथो᳚⁠। तेजो॒ वै⁠। वै हिर॑ण्यम्⁠। हिर॑ण्य॒म् तेजः॑⁠। तेज॑ ए॒व⁠। ए॒वात्मन्न्⁠। आ॒त्मन् ध॑त्ते⁠। ध॒त्ते॒ सुवः॑⁠। सुव॒र् न⁠। न घ॒र्मः⁠। घ॒र्मः स्वाहा᳚⁠। स्वाहा॒ सुवः॑⁠। सुव॒र् न⁠। नार्कः⁠। अ॒र्कः स्वाहा᳚⁠। स्वाहा॒ सुवः॑⁠। सुव॒र्न⁠। न शु॒क्रः⁠। शु॒क्रः स्वाहा᳚⁠। स्वाहा॒ सुवः॑⁠। सुव॒र् न⁠। न ज्योतिः॑⁠। ज्योतिः॒ स्वाहा᳚⁠। स्वाहा॒ सुवः॑⁠। सुव॒र् न⁠। न सूर्यः॑⁠। सूर्यः॒ स्वाहा᳚⁠। स्वाहा॒ऽर्कः⁠। अ॒र्को वै⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निर॒सौ⁠। अ॒सावा॑दि॒त्यः⁠। आ॒दि॒त्यो᳚ऽश्वमे॒धः⁠। [१८] अ॒श्व॒मे॒धो यत्⁠। अ॒श्व॒मे॒ध इत्य॑श्व—मे॒धः⁠। यदे॒ताः⁠। ए॒ता आहु॑तीः⁠। आहु॑तीर् जु॒होति॑⁠। आहु॑ती॒रित्या—हु॒तीः॒⁠। जु॒होत्य॑र्काश्वमे॒धयोः᳚⁠। अ॒र्का॒श्व॒मे॒धयो॑रे॒व⁠। अ॒र्का॒श्व॒मे॒धयो॒रित्य॑र्क—अ॒श्व॒मे॒धयोः᳚⁠। ए॒व ज्योती॑ꣳषि⁠। ज्योती॑ꣳषि॒ सम्⁠। सम् द॑धाति⁠। द॒धा॒त्ये॒षः⁠। ए॒ष ह॑⁠। ह॒ तु⁠। त्वै⁠। वा अ॑र्काश्वमे॒धी⁠। अ॒र्का॒श्व॒मे॒धी यस्य॑⁠। अ॒र्का॒श्व॒मे॒धीत्य॑र्क—अ॒श्व॒मे॒धी⁠। यस्यै॒तत्⁠। ए॒तद॒ग्नौ⁠। अ॒ग्नौ क्रि॒यते᳚⁠। क्रि॒यत॒ आपः॑⁠। आपो॒ वै⁠। वा इ॒दम्⁠। इ॒दमग्रे᳚⁠। अग्रे॑ सलि॒लम्⁠। स॒लि॒लमा॑सीत्⁠। आ॒सी॒थ् सः⁠। स ए॒ताम्⁠। ए॒ताम् प्र॒जाप॑तिः⁠। प्र॒जाप॑तिः प्रथ॒माम्⁠। प्र॒जाप॑ति॒रिति॑ प्र॒जा—प॒तिः॒⁠। प्र॒थ॒माम् चिति᳚म्⁠। चिति॑मपश्यत्⁠। अ॒प॒श्य॒त् ताम्⁠। तामुप॑⁠। उपा॑धत्त⁠। अ॒ध॒त्त॒ तत्⁠। तदि॒यम्⁠। इ॒यम॑भवत्⁠। अ॒भ॒व॒त् तम्⁠। तव्ँवि॒श्वक॑र्मा⁠। वि॒श्वक॑र्माऽब्रवीत्⁠। वि॒श्वक॒र्मेति॑ वि॒श्व—क॒र्मा॒⁠। अ॒ब्र॒वी॒दुप॑⁠। उप॑ त्वा⁠। त्वा⁠। आऽया॑नि⁠। अ॒या॒नीति॑⁠। इति॒ न⁠। नेह⁠। इ॒ह लो॒कः⁠। लो॒को᳚ऽस्ति⁠। अ॒स्तीति॑⁠। इत्य॑ब्रवीत्⁠। [१९] अ॒ब्र॒वी॒थ् सः⁠। स ए॒ताम्⁠। ए॒ताम् द्वि॒तीया᳚म्⁠। द्वि॒तीया॒म् चिति᳚म्⁠। चिति॑मपश्यत्⁠। अ॒प॒श्य॒त् ताम्⁠। तामुप॑⁠। उपा॑धत्त⁠। अ॒ध॒त्त॒ तत्⁠। तद॒न्तरि॑ख्‍षम्⁠। अ॒न्तरि॑ख्‍षमभवत्⁠। अ॒भ॒व॒थ् सः⁠। स य॒ज्ञः⁠। य॒ज्ञः प्र॒जाप॑तिम्⁠। प्र॒जाप॑तिमब्रवीत्⁠। प्र॒जाप॑ति॒मिति॑ प्र॒जा—प॒ति॒म्⁠। अ॒ब्र॒वी॒दुप॑⁠। उप॑ त्वा⁠। त्वा⁠। आऽया॑नि⁠। अ॒या॒नीति॑⁠। इति॒ न⁠। नेह⁠। इ॒ह लो॒कः⁠। लो॒को᳚ऽस्ति⁠। अ॒स्तीति॑⁠। इत्य॑ब्रवीत्⁠। अ॒ब्र॒वी॒थ् सः⁠। स वि॒श्वक॑र्माणम्⁠। वि॒श्वक॑र्माणमब्रवीत्⁠। वि॒श्वक॑र्माण॒मिति॑ वि॒श्व—क॒र्मा॒ण॒म्⁠। अ॒ब्र॒वी॒दुप॑⁠। उप॑ त्वा⁠। त्वा⁠। आऽया॑नि⁠। अ॒या॒नीति॑⁠। इति॒ केन॑⁠। केन॑ मा⁠। मो॒पैष्य॑सि⁠। उ॒पैष्य॒सीति॑⁠। उ॒पैष्य॒सीत्यु॑प—ऐष्य॑सि⁠। इति॒ दिश्या॑भिः⁠। दिश्या॑भि॒रिति॑⁠। इत्य॑ब्रवीत्⁠। अ॒ब्र॒वी॒त् तम्⁠। तम् दिश्या॑भिः⁠। दिश्या॑भिरु॒पैत्⁠। उ॒पैत् ताः⁠। उ॒पैदित्यु॑प—ऐत्⁠। ता उप॑⁠। उपा॑धत्त⁠। अ॒ध॒त्त॒ ताः⁠। ता दिशः॑⁠। दिशो॑ऽभवन्न्⁠। [२०] अ॒भ॒व॒न्थ् सः⁠। स प॑रमे॒ष्ठी⁠। प॒र॒मे॒ष्ठी प्र॒जाप॑तिम्⁠। प्र॒जाप॑तिमब्रवीत्⁠। प्र॒जाप॑ति॒मिति॑ प्र॒जा—प॒ति॒म्⁠। अ॒ब्र॒वी॒दुप॑⁠। उप॑ त्वा⁠। त्वा⁠। आऽया॑नि⁠। अ॒या॒नीति॑⁠। इति॒ न⁠। नेह⁠। इ॒ह लो॒कः⁠। लो॒को᳚ऽस्ति⁠। अ॒स्तीति॑⁠। इत्य॑ब्रवीत्⁠। अ॒ब्र॒वी॒थ् सः⁠। स वि॒श्वक॑र्माणम्⁠। वि॒श्वक॑र्माणम् च⁠। वि॒श्वक॑र्माण॒मिति॑ वि॒श्व—क॒र्मा॒ण॒म्⁠। च॒ य॒ज्ञम्⁠। य॒ज्ञम् च॑⁠। चा॒ब्र॒वी॒त्॒⁠। अ॒ब्र॒वी॒दुप॑⁠। उप॑ वाम्⁠। वा॒मा⁠। आऽया॑नि⁠। अ॒या॒नीति॑⁠। इति॒ न⁠। नेह⁠। इ॒ह लो॒कः⁠। लो॒को᳚ऽस्ति⁠। अ॒स्तीति॑⁠। इत्य॑ब्रूताम्⁠। अ॒ब्रू॒ता॒ꣳ॒ सः⁠। स ए॒ताम्⁠। ए॒ताम् तृ॒तीया᳚म्⁠। तृ॒तीया॒म् चिति᳚म्⁠। चिति॑मपश्यत्⁠। अ॒प॒श्य॒त् ताम्⁠। तामुप॑⁠। उपा॑धत्त⁠। अ॒ध॒त्त॒ तत्⁠। तद॒सौ⁠। अ॒साव॑भवत्⁠। अ॒भ॒व॒थ् सः⁠। स आ॑दि॒त्यः⁠। आ॒दि॒त्यः प्र॒जाप॑तिम्⁠। प्र॒जाप॑तिमब्रवीत्⁠। प्र॒जाप॑ति॒मिति॑ प्र॒जा—प॒ति॒म्⁠। अ॒ब्र॒वी॒दुप॑⁠। उप॑ त्वा⁠। त्वा⁠। [२१] आऽया॑नि⁠। अ॒या॒नीति॑⁠। इति॒ न⁠। नेह⁠। इ॒ह लो॒कः⁠। लो॒को᳚ऽस्ति⁠। अ॒स्तीति॑⁠। इत्य॑ब्रवीत्⁠। अ॒ब्र॒वी॒थ् सः⁠। स वि॒श्वक॑र्माणम्⁠। वि॒श्वक॑र्माणम् च⁠। वि॒श्वक॑र्माण॒मिति॑ वि॒श्व—क॒र्मा॒ण॒म्⁠। च॒ य॒ज्ञम्⁠। य॒ज्ञम् च॑⁠। चा॒ब्र॒वी॒त्॒⁠। अ॒ब्र॒वी॒दुप॑⁠। उप॑ वाम्⁠। वा॒मा⁠। आऽया॑नि⁠। अ॒या॒नीति॑⁠। इति॒ न⁠। नेह⁠। इ॒ह लो॒कः⁠। लो॒को᳚ऽस्ति⁠। अ॒स्तीति॑⁠। इत्य॑ब्रूताम्⁠। अ॒ब्रू॒ता॒ꣳ॒ सः⁠। स प॑रमे॒ष्ठिन᳚म्⁠। प॒र॒मे॒ष्ठिन॑मब्रवीत्⁠। अ॒ब्र॒वी॒दुप॑⁠। उप॑ त्वा⁠। त्वा⁠। आऽया॑नि⁠। अ॒या॒नीति॑⁠। इति॒ केन॑⁠। केन॑ मा⁠। मो॒पैष्य॑सि⁠। उ॒पैष्य॒सीति॑⁠। उ॒पैष्य॒सीत्यु॑प—ऐष्य॑सि⁠। इति॑ लोकम्पृ॒णया᳚⁠। लो॒क॒म्पृ॒णयेति॑⁠। लो॒क॒म्पृ॒णयेति॑ लोकम्—पृ॒णया᳚⁠। इत्य॑ब्रवीत्⁠। अ॒ब्र॒वी॒त् तम्⁠। तल्ँलो॑कम्पृ॒णया᳚⁠। लो॒क॒म्पृ॒णयो॒पैत्⁠। लो॒क॒म्पृ॒णयेति॑ लोकम्—पृ॒णया᳚⁠। उ॒पैत् तस्मा᳚त्⁠। उ॒पैदित्यु॑प—ऐत्⁠। तस्मा॒दया॑तयाम्नी⁠। अया॑तयाम्नी लोकम्पृ॒णा⁠। अया॑तया॒म्नीत्यया॑त—या॒म्नी॒⁠। लो॒क॒म्पृ॒णाऽया॑तयामा⁠। लो॒क॒म्पृ॒णेति॑ लोकम्—पृ॒णा⁠। अया॑तयामा॒ हि⁠। अया॑तया॒मेत्यया॑त—या॒मा॒⁠। ह्य॑सौ⁠। अ॒सावा॑दि॒त्यः⁠। [२२] आ॒दि॒त्यस्तान्⁠। तानृष॑यः⁠। ऋष॑योऽब्रुवन्न्⁠। अ॒ब्रु॒व॒न्नुप॑⁠। उप॑ वः⁠। व॒ आ⁠। आऽया॑म⁠। अ॒या॒मेति॑⁠। इति॒ केन॑⁠। केन॑ नः⁠। न॒ उ॒पैष्य॑थ⁠। उ॒पैष्य॒थेति॑⁠। उ॒पैष्य॒थेत्यु॑प—ऐष्य॑थ⁠। इति॑ भू॒म्ना⁠। भू॒म्नेति॑⁠। इत्य॑ब्रुवन्न्⁠। अ॒ब्रु॒व॒न् तान्⁠। तान् द्वाभ्या᳚म्⁠। द्वाभ्या॒म् चिती᳚भ्याम्⁠। चिती᳚भ्यामु॒पाय॑न्न्⁠। चिती᳚भ्या॒मिति॒ चिति॑—भ्या॒म्⁠। उ॒पाय॒न्थ् सः⁠। उ॒पाय॒न्नित्यु॑प—आय॑न्न्⁠। स पञ्च॑चितीकः⁠। पञ्च॑चितीकः॒ सम्⁠। पञ्च॑चितीक॒ इति॒ पञ्च॑—चि॒ती॒कः॒⁠। सम॑पद्यत⁠। अ॒प॒द्य॒त॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान॒ग्निम्⁠। अ॒ग्निम् चि॑नु॒ते⁠। चि॒नु॒ते भूया॑न्⁠। भूया॑ने॒व⁠। ए॒व भ॑वति⁠। भ॒व॒त्य॒भि⁠। अ॒भीमान्⁠। इ॒माल्ँलो॒कान्⁠। लो॒कान् ज॑यति⁠। ज॒य॒ति॒ वि॒दुः⁠। वि॒दुरे॑नम्⁠। ए॒न॒म् दे॒वाः⁠। दे॒वा अथो᳚⁠। अथो॑ ए॒तासा᳚म्⁠। अथो॒ इत्यथो᳚⁠। ए॒तासा॑मे॒व⁠। ए॒व दे॒वता॑नाम्⁠। दे॒वता॑ना॒ꣳ॒ सायु॑ज्यम्⁠। सायु॑ज्यम् गच्छति⁠। ग॒च्छ॒तीति॑ गच्छति⁠॥ [२३] (तम॑सा ऽऽदि॒त्यो᳚ ऽस्तीति॒ दिश॑ आदि॒त्यः प्र॒जाप॑तिमब्रवी॒दुप॑ त्वा॒ ऽसौ पञ्च॑चत्वारिꣳशच्च) ॥५॥
वयो॒ वै⁠। वा अ॒ग्निः⁠। अ॒ग्निर् यत्⁠। यद॑ग्नि॒चित्⁠। अ॒ग्नि॒चित् प॒ख्‍षिणः॑⁠। अ॒ग्नि॒चिदित्य॑ग्नि—चित्⁠। प॒ख्‍षिणो᳚ऽश्ञी॒यात्⁠। अ॒श्ञी॒यात् तम्⁠। तमे॒व⁠। ए॒वाग्निम्⁠। अ॒ग्निम॑द्यात्⁠। अ॒द्या॒दार्ति᳚म्⁠। आर्ति॒मा⁠। आर्च्छे᳚त्⁠। ऋ॒च्छे॒थ् स॒व्ँव॒थ्स॒रम्⁠। स॒व्ँव॒थ्स॒रव्ँव्र॒तम्⁠। स॒व्ँव॒थ्स॒रमिति॑ सम्—व॒थ्स॒रम्⁠। व्र॒तम् च॑रेत्⁠। च॒रे॒थ् स॒व्ँव॒थ्स॒रम्⁠। स॒व्ँव॒थ्स॒रꣳ हि⁠। स॒व्ँव॒थ्स॒रमिति॑ सम्—व॒थ्स॒रम्⁠। हि व्र॒तम्⁠। व्र॒तम् न⁠। नाति॑⁠। अति॑ प॒शुः⁠। प॒शुर् वै⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निर्‌हि॒नस्ति॑⁠। हि॒नस्ति॒ खलु॑⁠। खलु॒ वै⁠। वै तम्⁠। तम् प॒शुः⁠। प॒शुर् यः⁠। य ए॑नम्⁠। ए॒न॒म् पु॒रस्ता᳚त्⁠। पु॒रस्ता᳚त् प्र॒त्यञ्च᳚म्⁠। प्र॒त्यञ्च॑मुप॒चर॑ति⁠। उ॒प॒चर॑ति॒ तस्मा᳚त्⁠। उ॒प॒चर॒तीत्यु॑प—चर॑ति⁠। तस्मा᳚त् प॒श्चात्⁠। प॒श्चात् प्राङ्‍ङ्⁠। प्राङ्‍ङु॑प॒चर्यः॑⁠। उ॒प॒चर्य॑ आ॒त्मनः॑⁠। उ॒प॒चर्य॒ इत्यु॑प—चर्यः॑⁠। आ॒त्मनोऽहि॑ꣳसायै⁠। अहि॑ꣳसायै॒ तेजः॑⁠। तेजो॑ऽसि⁠। अ॒सि॒ तेजः॑⁠। तेजो॑ मे⁠। मे॒ य॒च्छ॒⁠। य॒च्छ॒ पृ॒थि॒वीम्⁠। पृ॒थि॒वीय्ँय॑च्छ⁠। य॒च्छ॒ पृ॒थि॒व्यै⁠। [२४] पृ॒थि॒व्यै मा᳚⁠। मा॒ पा॒हि॒⁠। पा॒हि॒ ज्योतिः॑⁠। ज्योति॑रसि⁠। अ॒सि॒ ज्योतिः॑⁠। ज्योति॑र् मे⁠। मे॒ य॒च्छ॒⁠। य॒च्छा॒न्तरि॑ख्‍षम्⁠। अ॒न्तरि॑ख्‍षय्ँयच्छ⁠। य॒च्छा॒न्तरि॑ख्‍षात्⁠। अ॒न्तरि॑ख्‍षान् मा⁠। मा॒ पा॒हि॒⁠। पा॒हि॒ सुवः॑⁠। सुव॑रसि⁠। अ॒सि॒ सुवः॑⁠। सुव॑र् मे⁠। मे॒ य॒च्छ॒⁠। य॒च्छ॒ दिव᳚म्⁠। दिव॑य्ँयच्छ⁠। य॒च्छ॒ दि॒वः⁠। दि॒वो मा᳚⁠। मा॒ पा॒हि॒⁠। पा॒हीति॑⁠। इत्या॑ह⁠। आ॒है॒ताभिः॑⁠। ए॒ताभि॒र् वै⁠। वा इ॒मे⁠। इ॒मे लो॒काः⁠। लो॒का विधृ॑ताः⁠। विधृ॑ता॒ यत्⁠। विधृ॑ता॒ इति॒ वि—धृ॒ताः॒⁠। यदे॒ताः⁠। ए॒ता उ॑प॒दधा॑ति⁠। उ॒प॒दधा᳚त्ये॒षाम्⁠। उ॒प॒दधा॒तीत्यु॑प—दधा॑ति⁠। ए॒षाल्ँलो॒काना᳚म्⁠। लो॒काना॒व्ँविधृ॑त्यै⁠। विधृ॑त्यै स्वयमातृ॒ण्णाः⁠। विधृ॑त्या॒ इति॒ वि—धृ॒त्यै॒⁠। स्व॒य॒मा॒तृ॒ण्णा उ॑प॒धाय॑⁠। स्व॒य॒मा॒तृ॒ण्णा इति॑ स्वयम्—आ॒तृ॒ण्णाः⁠। उ॒प॒धाय॑ हिरण्येष्ट॒काः⁠। उ॒प॒धायेत्यु॑प—धाय॑⁠। हि॒र॒ण्ये॒ष्ट॒का उप॑⁠। हि॒र॒ण्ये॒ष्ट॒का इति॑ हिरण्य—इ॒ष्ट॒काः⁠। उप॑ दधाति⁠। द॒धा॒ती॒मे⁠। इ॒मे वै⁠। वै लो॒काः⁠। लो॒काः स्व॑यमातृ॒ण्णाः⁠। स्व॒य॒मा॒तृ॒ण्णा ज्योतिः॑⁠। स्व॒य॒मा॒तृ॒ण्णा इति॑ स्वयम्—आ॒तृ॒ण्णाः⁠। ज्योति॒र्॒‌हिर॑ण्यम्⁠। हिर॑ण्य॒य्ँयत्⁠। यथ् स्व॑यमातृ॒ण्णाः⁠। स्व॒य॒मा॒तृ॒ण्णा उ॑प॒धाय॑⁠। स्व॒य॒मा॒तृ॒ण्णा इति॑ स्वयम्—आ॒तृ॒ण्णाः⁠। उ॒प॒धाय॑ हिरण्येष्ट॒काः⁠। उ॒प॒धायेत्यु॑प—धाय॑⁠। [२५] हि॒र॒ण्ये॒ष्ट॒का उ॑प॒दधा॑ति⁠। हि॒र॒ण्ये॒ष्ट॒का इति॑ हिरण्य—इ॒ष्ट॒काः⁠। उ॒प॒दधा॑ती॒मान्⁠। उ॒प॒दधा॒तीत्यु॑प—दधा॑ति⁠। इ॒माने॒व⁠। ए॒वैताभिः॑⁠। ए॒ताभि॑र् लो॒कान्⁠। लो॒कान् ज्योति॑ष्मतः⁠। ज्योति॑ष्मतः कुरुते⁠। कु॒रु॒तेऽथो᳚⁠। अथो॑ ए॒ताभिः॑⁠। अथो॒ इत्यथो᳚⁠। ए॒ताभि॑रे॒व⁠। ए॒वास्मै᳚⁠। अ॒स्मा॒ इ॒मे⁠। इ॒मे लो॒काः⁠। लो॒काः प्र⁠। प्र भा᳚न्ति⁠। भा॒न्ति॒ याः⁠। यास्ते᳚⁠। ते॒ अ॒ग्ने॒⁠। अ॒ग्ने॒ सूर्ये᳚⁠। सूर्ये॒ रुचः॑⁠। रुच॑ उद्य॒तः⁠। उ॒द्य॒तो दिव᳚म्⁠। उ॒द्य॒त इत्यु॑त्—य॒तः⁠। दिव॑मात॒न्वन्ति॑⁠। आ॒त॒न्वन्ति॑ र॒श्मिभिः॑⁠। आ॒त॒न्वन्तीत्या᳚—त॒न्वन्ति॑⁠। र॒श्मिभि॒रिति॑ र॒श्मि—भिः॒⁠॥ ताभिः॒ सर्वा॑भिः⁠। सर्वा॑भी रु॒चे⁠। रु॒चे जना॑य⁠। जना॑य नः⁠। न॒स्कृ॒धि॒⁠। कृ॒धीति॑ कृधि⁠॥ या वः॑⁠। वो॒ दे॒वाः॒⁠। दे॒वाः॒ सूर्ये᳚⁠। सूर्ये॒ रुचः॑⁠। रुचो॒ गोषु॑⁠। गोष्वश्वे॑षु⁠। अश्वे॑षु॒ याः⁠। या रुचः॑⁠। रुच॒ इति॒ रुचः॑⁠॥ इन्द्रा᳚ग्नी॒ ताभिः॑⁠। इन्द्रा᳚ग्नी॒ इतीन्द्र॑—अ॒ग्नी॒⁠। ताभिः॒ सर्वा॑भिः⁠। सर्वा॑भी॒ रुच᳚म्⁠। रुच॑म् नः⁠। नो॒ ध॒त्त॒⁠। ध॒त्त॒ बृ॒ह॒स्प॒ते॒⁠। बृ॒ह॒स्प॒त॒ इति॑ बृहस्पते⁠॥ रुच॑म् नः⁠। नो॒ धे॒हि॒⁠। धे॒हि॒ ब्रा॒ह्म॒णेषु॑⁠। [२६] ब्रा॒ह्म॒णेषु॒ रुच᳚म्⁠। रुच॒ꣳ॒ राज॑सु⁠। राज॑सु नः⁠। राज॒स्विति॒ राज॑—सु॒⁠। न॒स्कृ॒धि॒⁠। कृ॒धीति॑ कृधि⁠॥ रुच॑व्ँवि॒श्ये॑षु⁠। वि॒श्ये॑षु शू॒द्रेषु॑⁠। शू॒द्रेषु॒ मयि॑⁠। मयि॑ धेहि⁠। धे॒हि॒ रु॒चा⁠। रु॒चा रुच᳚म्⁠। रुच॒मिति॒ रुच᳚म्⁠॥ द्वे॒धा वै⁠। वा अ॒ग्निम्⁠। अ॒ग्निम् चि॑क्या॒नस्य॑⁠। चि॒क्या॒नस्य॒ यशः॑⁠। यश॑ इन्द्रि॒यम्⁠। इ॒न्द्रि॒यम् ग॑च्छति⁠। ग॒च्छ॒त्य॒ग्निम्⁠। अ॒ग्निव्ँवा᳚⁠। वा॒ चि॒तम्⁠। चि॒तमी॑जा॒नम्⁠। ई॒जा॒नव्ँवा᳚⁠। वा॒ यत्⁠। यदे॒ताः⁠। ए॒ता आहु॑तीः⁠। आहु॑तीर् जु॒होति॑⁠। आहु॑ती॒रित्या—हु॒तीः॒⁠। जु॒होत्या॒त्मन्न्⁠। आ॒त्मन्ने॒व⁠। ए॒व यशः॑⁠। यश॑ इन्द्रि॒यम्⁠। इ॒न्द्रि॒यम् ध॑त्ते⁠। ध॒त्त॒ ई॒श्व॒रः⁠। ई॒श्व॒रो वै⁠। वा ए॒षः⁠। ए॒ष आर्ति᳚म्⁠। आर्ति॒मार्तोः᳚⁠। आर्तो॒र् यः⁠। आर्तो॒रित्या—अ॒र्तोः॒⁠। यो᳚ऽग्निम्⁠। अ॒ग्निम् चि॒न्वन्न्⁠। चि॒न्वन्न॑धि॒क्राम॑ति⁠। अ॒धि॒क्राम॑ति॒ तत्⁠। अ॒धि॒क्राम॒तीत्य॑धि—क्राम॑ति⁠। तत् त्वा᳚⁠। त्वा॒ या॒मि॒⁠। या॒मि॒ ब्रह्म॑णा⁠। ब्रह्म॑णा॒ वन्द॑मानः⁠। वन्द॑मान॒ इति॑⁠। इति॑ वारु॒ण्या⁠। वा॒रु॒ण्यर्चा⁠। ऋ॒चा जु॑हुयात्⁠। [२७] जु॒हु॒या॒च्छान्तिः॑⁠। शान्ति॑रे॒व⁠। ए॒वैषा⁠। ए॒षाऽग्ने⁠। अ॒ग्नेर् गुप्तिः॑⁠। गुप्ति॑रा॒त्मनः॑⁠। आ॒त्मनो॑ ह॒विष्कृ॑तः⁠। ह॒विष्कृ॑तो॒ वै⁠। ह॒विष्कृ॑त॒ इति॑ ह॒विः—कृ॒तः॒⁠। वा ए॒षः⁠। ए॒ष यः⁠। यो᳚ऽग्निम्⁠। अ॒ग्निम् चि॑नु॒ते⁠। चि॒नु॒ते यथा᳚⁠। यथा॒ वै⁠। वै ह॒विः⁠। ह॒विः स्कन्द॑ति⁠। स्कन्द॑त्ये॒वम्⁠। ए॒वव्ँवै⁠। वा ए॒षः⁠। ए॒ष स्क॑न्दति⁠। स्क॒न्द॒ति॒ यः⁠। यो᳚ऽग्निम्⁠। अ॒ग्निम् चि॒त्वा⁠। चि॒त्वा स्त्रिय᳚म्⁠। स्त्रिय॑मु॒पैति॑⁠। उ॒पैति॑ मैत्रावरु॒ण्या⁠। उ॒पैतीत्यु॑प—एति॑⁠। मै॒त्रा॒व॒रु॒ण्याऽऽमिख्‍ष॑या⁠। मै॒त्रा॒व॒रु॒ण्येति॑ मैत्रा—व॒रु॒ण्या⁠। आ॒मिख्‍ष॑या यजेत⁠। य॒जे॒त॒ मै॒त्रा॒व॒रु॒णता᳚म्⁠। मै॒त्रा॒व॒रु॒णता॑मे॒व⁠। मै॒त्रा॒व॒रु॒णता॒मिति॑ मैत्रा—व॒रु॒णता᳚म्⁠। ए॒वोप॑⁠। उपै॑ति⁠। ए॒त्या॒त्मनः॑⁠। आ॒त्मनोऽस्क॑न्दाय⁠। अस्क॑न्दाय॒ यः⁠। यो वै⁠। वा अ॒ग्निम्⁠। अ॒ग्निमृ॑तु॒स्थाम्⁠। ऋ॒तु॒स्थाव्ँवेद॑⁠। ऋ॒तु॒स्थामित्यृ॑तु—स्थाम्⁠। वेद॒र्‌तुर्‌ऋ॑तुः⁠। ऋ॒तुर्‌ऋ॑तुरस्मै⁠। ऋ॒तुर्‌ऋ॑तु॒रित्यृ॒तुः—ऋ॒तुः॒⁠। अ॒स्मै॒ कल्प॑मानः⁠। कल्प॑मान एति⁠। ए॒ति॒ प्रति॑⁠। प्रत्ये॒व⁠। ए॒व ति॑ष्ठति⁠। ति॒ष्ठ॒ति॒ स॒व्ँव॒थ्स॒रः⁠। स॒व्ँव॒थ्स॒रो वै⁠। स॒व्ँव॒थ्स॒र इति॑ सम्—व॒थ्स॒रः⁠। वा अ॒ग्निः⁠। अ॒ग्निर्‌ऋ॑तु॒स्थाः⁠। [२८] ऋ॒तु॒स्थास्तस्य॑⁠। ऋ॒तु॒स्था इत्यृ॑तु—स्थाः⁠। तस्य॑ वस॒न्तः⁠। व॒स॒न्तः शिरः॑⁠। शिरो᳚ ग्री॒ष्मः⁠। ग्री॒ष्मो दख्‍षि॑णः⁠। दख्‍षि॑णः प॒ख्‍षः⁠। प॒ख्‍षो व॒र्॒‌षाः⁠। व॒र्॒‌षाः पुच्छ᳚म्⁠। पुच्छ॑ꣳ श॒रत्⁠। श॒रदुत्त॑रः⁠। उत्त॑रः प॒ख्‍षः⁠। उत्त॑र॒ इत्युत्—त॒रः॒⁠। प॒ख्‍षो हे॑म॒न्तः⁠। हे॒म॒न्तो मद्ध्य᳚म्⁠। मद्ध्य॑म् पूर्वप॒ख्‍षाः⁠। पू॒र्व॒प॒ख्‍षा श्चित॑यः⁠। पू॒र्व॒प॒ख्‍षा इति॑ पूर्व—प॒ख्‍षाः⁠। चित॑योऽपरप॒ख्‍षाः⁠। अ॒प॒र॒प॒ख्‍षाः पुरी॑षम्⁠। अ॒प॒र॒प॒ख्‍षा इत्य॑पर—प॒ख्‍षाः⁠। पुरी॑षमहोरा॒त्राणि॑⁠। अ॒हो॒रा॒त्राणीष्ट॑काः⁠। अ॒हो॒रा॒त्राणीत्य॑हः—रा॒त्राणि॑⁠। इष्ट॑का ए॒षः⁠। ए॒ष वै⁠। वा अ॒ग्निः⁠। अ॒ग्निर्‌ऋ॑तु॒स्थाः⁠। ऋ॒तु॒स्था यः⁠। ऋ॒तु॒स्था इत्यृ॑तु—स्थाः⁠। य ए॒वम्⁠। ए॒वव्ँवेद॑⁠। वेद॒र्तुर्‌ऋ॑तुः⁠। ऋ॒तुर्‌ऋ॑तुरस्मै⁠। ऋ॒तुर्‌ऋ॑तु॒रित्यृ॒तुः—ऋ॒तुः॒⁠। अ॒स्मै॒ कल्प॑मानः⁠। कल्प॑मान एति⁠। ए॒ति॒ प्रति॑⁠। प्रत्ये॒व⁠। ए॒व ति॑ष्ठति⁠। ति॒ष्ठ॒ति॒ प्र॒जाप॑तिः⁠। प्र॒जाप॑ति॒र् वै⁠। प्र॒जाप॑ति॒रिति॑ प्र॒जा—प॒तिः॒⁠। वा ए॒तम्⁠। ए॒तम् ज्यैष्ठ्‍य॑कामः⁠। ज्यैष्ठ्‍य॑कामो॒ नि⁠। ज्यैष्ठ्‍य॑काम॒ इति॒ ज्यैष्ठ्‍य॑—का॒मः॒⁠। न्य॑धत्त⁠। अ॒ध॒त्त॒ ततः॑⁠। ततो॒ वै⁠। वै सः⁠। स ज्यैष्ठ्‍य᳚म्⁠। ज्यैष्ठ्‍य॑मगच्छत्⁠। अ॒ग॒च्छ॒द् यः⁠। य ए॒वम्⁠। ए॒वव्ँवि॒द्वान्⁠। वि॒द्वान॒ग्निम्⁠। अ॒ग्निम् चि॑नु॒ते⁠। चि॒नु॒ते ज्यैष्ठ्‍य᳚म्⁠। ज्यैष्ठ्‍य॑मे॒व⁠। ए॒व ग॑च्छति⁠। ग॒च्छ॒तीति॑ गच्छति⁠॥ [२९] (पृ॒थि॒वीम् य॑च्छ॒ यथ् स्व॑यमातृ॒ण्णा उ॑प॒धाय॑ धेह्यृ॒ चा ग्नि श्चि॑नु॒ते त्रीणि॑ च) ॥६॥
यदाकू॑तात्⁠। आकू॑ताथ् स॒मसु॑स्रोत्⁠। आकू॑ता॒दित्या—कू॒ता॒त्॒⁠। स॒मसु॑स्रोद्‍धृ॒दः⁠। स॒मसु॑स्रो॒दिति॑ सम्—असु॑स्रोत्⁠। हृ॒दो वा᳚⁠। वा॒ मन॑सः⁠। मन॑सो वा⁠। वा॒ सम्भृ॑तम्⁠। सम्भृ॑त॒म् चख्‍षु॑षः⁠। सम्भृ॑त॒मिति॒ सम्—भृ॒त॒म्⁠। चख्‍षु॑षो वा⁠। वेति॑ वा⁠॥ तमनु॑⁠। अनु॒ प्र⁠। प्रेहि॑⁠। इ॒हि॒ सु॒कृ॒तस्य॑⁠। सु॒कृ॒तस्य॑ लो॒कम्⁠। सु॒कृ॒तस्येति॑ सु—कृ॒तस्य॑⁠। लो॒कय्ँयत्र॑⁠। यत्रर्‌ष॑यः⁠। ऋष॑यः प्रथम॒जाः⁠। प्र॒थ॒म॒जा ये⁠। प्र॒थ॒म॒जा इति॑ प्रथम—जाः⁠। ये पु॑रा॒णाः⁠। पु॒रा॒णा इति॑ पुरा॒णाः⁠॥ ए॒तꣳ स॑धस्थ⁠। स॒ध॒स्थ॒ परि॑⁠। स॒ध॒स्थेति॑ सध—स्थ॒⁠। परि॑ ते⁠। ते॒ द॒दा॒मि॒⁠। द॒दा॒मि॒ यम्⁠। यमा॒वहा᳚त्⁠। आ॒वहा᳚च्छेवधिम्⁠। आ॒वहा॒दित्या᳚—वहा᳚त्⁠। शे॒व॒धिम् जा॒तवे॑दाः⁠। शे॒व॒धिमिति॑ शेव—धिम्⁠। जा॒तवे॑दा॒ इति॑ जा॒त—वे॒दाः॒⁠॥ अ॒न्वा॒ग॒न्ता य॒ज्ञप॑तिः⁠। अ॒न्वा॒ग॒न्तेत्य॑नु—आ॒ग॒न्ता⁠। य॒ज्ञप॑तिर् वः⁠। य॒ज्ञप॑ति॒रिति॑ य॒ज्ञ—प॒तिः॒⁠। वो॒ अत्र॑⁠। अत्र॒ तम्⁠। तꣴ स्म॑⁠। स्म॒ जा॒नी॒त॒⁠। जा॒नी॒त॒ प॒र॒मे⁠। प॒र॒मे व्यो॑मन्न्⁠। व्यो॑म॒न्निति॒ वि—ओ॒म॒न्न्॒⁠॥ जा॒नी॒तादे॑नम्⁠। ए॒न॒म् प॒र॒मे⁠। प॒र॒मे व्यो॑मन्न्⁠। व्यो॑म॒न् देवाः᳚⁠। व्यो॑म॒न्निति॒ वि—ओ॒म॒न्न्॒⁠। देवाः᳚ सधस्थाः⁠। स॒ध॒स्था॒ वि॒द⁠। स॒ध॒स्था॒ इति॑ सध—स्थाः॒⁠। वि॒द रू॒पम्⁠। रू॒पम॑स्य⁠। अ॒स्येत्य॑स्य⁠॥ यदा॒गच्छा᳚त्⁠। आ॒गच्छा᳚त् प॒थिभिः॑⁠। आ॒गच्छा॒दित्या᳚—गच्छा᳚त्⁠। [३०] प॒थिभि॑र् देव॒यानैः᳚⁠। प॒थिभि॒रिति॑ प॒थि—भिः॒⁠। दे॒व॒यानै॑रिष्टापू॒र्ते⁠। दे॒व॒यानै॒रिति॑ देव—यानैः᳚⁠। इ॒ष्टा॒पू॒र्ते कृ॑णुतात्⁠। इ॒ष्टा॒पू॒र्ते इती᳚ष्टा—पू॒र्ते⁠। कृ॒णु॒ता॒दा॒विः⁠। आ॒विर॑स्मै⁠। अ॒स्मा॒ इत्य॑स्मै⁠॥ सम् प्र⁠। प्र च्य॑वद्ध्वम्⁠। च्य॒व॒द्ध्व॒मनु॑⁠। अनु॒ सम्⁠। सम् प्र⁠। प्र या॑त⁠। या॒ताग्ने᳚⁠। अग्ने॑ प॒थः⁠। प॒थो दे॑व॒याना॑न्⁠। दे॒व॒याना᳚न् कृणुद्ध्वम्⁠। दे॒व॒याना॒निति॑ देव—याना॑न्⁠। कृ॒णु॒द्ध्व॒मिति॑ कृणुद्ध्वम्⁠॥ अ॒स्मिन्थ् स॒धस्थे᳚⁠। स॒धस्थे॒ अधि॑⁠। स॒धस्थ॒ इति॑ स॒ध—स्थे॒⁠। अद्ध्युत्त॑रस्मिन्न्⁠। उत्त॑रस्मि॒न् विश्वे᳚⁠। उत्त॑रस्मि॒न्नित्युत्—त॒र॒स्मि॒न्न्॒⁠। विश्वे॑ देवाः⁠। दे॒वा॒ यज॑मानः⁠। यज॑मानश्च⁠। च॒ सी॒द॒त॒⁠। सी॒द॒तेति॑ सीदत⁠॥ प्र॒स्त॒रेण॑ परि॒धिना᳚⁠। प्र॒स्त॒रेणेति॑ प्र—स्त॒रेण॑⁠। प॒रि॒धिना᳚ स्रु॒चा⁠। प॒रि॒धिनेति॑ परि—धिना᳚⁠। स्रु॒चा वेद्या᳚⁠। वेद्या॑ च⁠। च॒ ब॒र्॒‌हिषा᳚⁠। ब॒र्॒‌हिषेति॑ ब॒र्॒‌हिषा᳚⁠॥ ऋ॒चेमम्⁠। इ॒मय्ँय॒ज्ञम्⁠। य॒ज्ञम् नः॑⁠। नो॒ व॒ह॒⁠। व॒ह॒ सुवः॑⁠। सुव॑र् दे॒वेषु॑⁠। दे॒वेषु॒ गन्त॑वे⁠। गन्त॑व॒ इति॒ गन्त॑वे⁠॥ यदि॒ष्टम्⁠। इ॒ष्टय्ँयत्⁠। यत् प॑रा॒दान᳚म्⁠। प॒रा॒दान॒य्ँयत्⁠। प॒रा॒दान॒मिति॑ परा—दान᳚म्⁠। यद् द॒त्तम्⁠। द॒त्तय्ँया⁠। या च॑⁠। च॒ दख्‍षि॑णा⁠। दख्‍षि॒णेति॒ दख्‍षि॑णा⁠॥ तद॒ग्निः⁠। [३१] अ॒ग्निर् वै᳚श्वकर्म॒णः⁠। वै॒श्व॒क॒र्म॒णः सुवः॑⁠। वै॒श्व॒क॒र्म॒ण इति॑ वैश्व—क॒र्म॒णः⁠। सुव॑र् दे॒वेषु॑⁠। दे॒वेषु॑ नः⁠। नो॒ द॒ध॒त्॒⁠। द॒ध॒दिति॑ दधत्⁠॥ येना॑ स॒हस्र᳚म्⁠। स॒हस्र॒व्ँवह॑सि⁠। वह॑सि॒ येन॑⁠। येना᳚ग्ने⁠। अ॒ग्ने॒ स॒र्व॒वे॒द॒सम्⁠। स॒र्व॒वे॒द॒समिति॑ सर्व—वे॒द॒सम्⁠॥ तेने॒मम्⁠। इ॒मय्ँय॒ज्ञम्⁠। य॒ज्ञम् नः॑⁠। नो॒ व॒ह॒⁠। व॒ह॒ सुवः॑⁠। सुव॑र् दे॒वेषु॑⁠। दे॒वेषु॒ गन्त॑वे⁠। गन्त॑व॒ इति॒ गन्त॑वे⁠॥ येना᳚ग्ने⁠। अ॒ग्ने॒ दख्‍षि॑णाः⁠। दख्‍षि॑णा यु॒क्ताः⁠। यु॒क्ता य॒ज्ञम्⁠। य॒ज्ञव्ँवह॑न्ति⁠। वह॑न्त्यृ॒त्विजः॑⁠। ऋ॒त्विज॒ इत्यृ॒त्विजः॑⁠॥ तेने॒मम्⁠। इ॒मय्ँय॒ज्ञम्⁠। य॒ज्ञम् नः॑⁠। नो॒ व॒ह॒⁠। व॒ह॒ सुवः॑⁠। सुव॑र् दे॒वेषु॑⁠। दे॒वेषु॒ गन्त॑वे⁠। गन्त॑व॒ इति॒ गन्त॑वे⁠॥ येना᳚ग्ने⁠। अ॒ग्ने॒ सु॒कृतः॑⁠। सु॒कृतः॑ प॒था⁠। सु॒कृत॒ इति॑ सु—कृतः॑⁠। प॒था मधोः᳚⁠। मधो॒र् धाराः᳚⁠। धारा᳚ व्यान॒शुः⁠। व्या॒न॒शुरिति॑ वि—आ॒न॒शुः⁠॥ तेने॒मम्⁠। इ॒मय्ँय॒ज्ञम्⁠। य॒ज्ञम् नः॑⁠। नो॒ व॒ह॒⁠। व॒ह॒ सुवः॑⁠। सुव॑र् दे॒वेषु॑⁠। दे॒वेषु॒ गन्त॑वे⁠। गन्त॑व॒ इति॒ गन्त॑वे⁠॥ यत्र॒ धाराः᳚⁠। धारा॒ अन॑पेताः⁠। अन॑पेता॒ मधोः᳚⁠। अन॑पेता॒ इत्यन॑प—इ॒ताः॒⁠। मधो᳚र् घृ॒तस्य॑⁠। घृ॒तस्य॑ च⁠। च॒ याः⁠। या इति॒ याः⁠॥ तद॒ग्निः⁠। अ॒ग्निर् वै᳚श्वकर्म॒णः⁠। वै॒श्व॒क॒र्म॒णः सुवः॑⁠। वै॒श्व॒क॒र्म॒ण इति॑ वैश्व—क॒र्म॒णः⁠। सुव॑र् दे॒वेषु॑⁠। दे॒वेषु॑ नः⁠। नो॒ द॒ध॒त्॒⁠। द॒ध॒दिति॑ दधत्⁠॥ [३२] (आ॒गच्छा॒त् त द्वया॑न॒शुस्तेने॒मम् य॒ज्ञम् नो॑ वह॒ सुव॑र्दे॒वेषु॒ गन्त॑वे॒ चतु॑र्दश च) ॥७॥
यास्ते᳚⁠। ते॒ अ॒ग्ने॒⁠। अ॒ग्ने॒ स॒मिधः॑⁠। स॒मिधो॒ यानि॑⁠। स॒मिध॒ इति॑ सम्—इधः॑⁠। यानि॒ धाम॑⁠। धाम॒ या⁠। या जि॒ह्वा⁠। जि॒ह्वा जा॑तवेदः⁠। जा॒त॒वे॒दो॒ यः⁠। जा॒त॒वे॒द॒ इति॑ जात—वे॒दः॒⁠। यो अ॒र्चिः⁠। अ॒र्चिरित्य॒र्चिः⁠॥ ये ते᳚⁠। ते॒ अ॒ग्ने॒⁠। अ॒ग्ने॒ मे॒डयः॑⁠। मे॒डयो॒ ये⁠। य इन्द॑वः⁠। इन्द॑व॒स्तेभिः॑⁠। तेभि॑रा॒त्मान᳚म्⁠। आ॒त्मान॑म् चिनुहि⁠। चि॒नु॒हि॒ प्र॒जा॒नन्न्⁠। प्र॒जा॒नन्निति॑ प्र—जा॒नन्न्⁠॥ उ॒थ्स॒न्न॒य॒ज्ञो वै⁠। उ॒थ्स॒न्न॒य॒ज्ञ इत्यु॑थ्सन्न—य॒ज्ञः⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निः किम्⁠। किव्ँवा᳚⁠। वाऽह॑⁠। अहै॒तस्य॑⁠। ए॒तस्य॑ क्रि॒यते᳚⁠। क्रि॒यते॒ किम्⁠। किव्ँवा᳚⁠। वा॒ न⁠। न यत्⁠। यद् वै⁠। वा अ॑द्ध्व॒र्युः⁠। अ॒द्ध्व॒र्युर॒ग्नेः⁠। अ॒ग्नेश्चि॒न्वन्न्⁠। चि॒न्वन्न॑न्त॒रेति॑⁠। अ॒न्त॒रेत्या॒त्मनः॑⁠। अ॒न्त॒रेतीत्य॑न्तः—एति॑⁠। आ॒त्मनो॒ वै⁠। वै तत्⁠। तद॒न्तः⁠। अ॒न्तरे॑ति⁠। ए॒ति॒ याः⁠। यास्ते᳚⁠। ते॒ अ॒ग्ने॒⁠। अ॒ग्ने॒ स॒मिधः॑⁠। स॒मिधो॒ यानि॑⁠। स॒मिध॒ इति॑ सम्—इधः॑⁠। यानि॒ धाम॑⁠। [३३] धामेति॑⁠। इत्या॑ह⁠। आ॒है॒षा⁠। ए॒षा वै⁠। वा अ॒ग्नेः⁠। अ॒ग्नेः स्व॑यञ्चि॒तिः⁠। स्व॒य॒ञ्चि॒तिर॒ग्निः⁠। स्व॒य॒ञ्चि॒तिरिति॑ स्वयम्—चि॒तिः⁠। अ॒ग्निरे॒व⁠। ए॒व तत्⁠। तद॒ग्निम्⁠। अ॒ग्निम् चि॑नोति⁠। चि॒नो॒ति॒ न⁠। नाद्ध्व॒र्युः⁠। अ॒द्ध्व॒र्युरा॒त्मनः॑⁠। आ॒त्मनो॒ऽन्तः⁠। अ॒न्तरे॑ति⁠। ए॒ति॒ चत॑स्रः⁠। चत॑स्र॒ आशाः᳚⁠। आशाः॒ प्र⁠। प्र च॑रन्तु⁠। च॒र॒न्त्व॒ग्नयः॑⁠। अ॒ग्नय॑ इ॒मम्⁠। इ॒मम् नः॑⁠। नो॒ य॒ज्ञम्⁠। य॒ज्ञम् न॑यतु⁠। न॒य॒तु॒ प्र॒जा॒नन्न्⁠। प्र॒जा॒नन्निति॑ प्र—जा॒नन्न्⁠॥ घृ॒तम् पिन्व॑न्न्⁠। पिन्व॑न्न॒जर᳚म्⁠। अ॒जर॑ꣳ सु॒वीर᳚म्⁠। सु॒वीर॒म् ब्रह्म॑⁠। सु॒वीर॒मिति॑ सु—वीर᳚म्⁠। ब्रह्म॑ स॒मित्⁠। स॒मिद् भ॑वति⁠। स॒मिदिति॑ सम्—इत्⁠। भ॒व॒त्याहु॑तीनाम्⁠। आहु॑तीना॒मित्या—हु॒ती॒ना॒म्⁠॥ सु॒व॒र्गाय॒ वै⁠। सु॒र्व॒र्गायेति॑ सुवः—गाय॑⁠। वा ए॒षः⁠। ए॒ष लो॒काय॑⁠। लो॒कायोप॑⁠। उप॑ धीयते⁠। धी॒य॒ते॒ यत्⁠। यत् कू॒र्मः⁠। कू॒र्मश्चत॑स्रः⁠। चत॑स्र॒ आशाः᳚⁠। आशाः॒ प्र⁠। प्र च॑रन्तु⁠। च॒र॒न्त्व॒ग्नयः॑⁠। अ॒ग्नय॒ इति॑⁠। इत्या॑ह⁠। आ॒ह॒ दिशः॑⁠। [३४] दिश॑ ए॒व⁠। ए॒वैतेन॑⁠। ए॒तेन॒ प्र⁠। प्र जा॑नाति⁠। जा॒ना॒ती॒मम्⁠। इ॒मम् नः॑⁠। नो॒ य॒ज्ञम्⁠। य॒ज्ञम् न॑यतु⁠। न॒य॒तु॒ प्र॒जा॒नन्न्⁠। प्र॒जा॒नन्निति॑⁠। प्र॒जा॒नन्निति॑ प्र—जा॒नन्न्⁠। इत्या॑ह⁠। आ॒ह॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्या॒भिनी᳚त्यै⁠। अ॒भिनी᳚त्यै॒ ब्रह्म॑⁠। अ॒भिनी᳚त्या॒ इत्य॒भि—नी॒त्यै॒⁠। ब्रह्म॑ स॒मित्⁠। स॒मिद् भ॑वति⁠। स॒मिदिति॑ सम्—इत्⁠। भ॒व॒त्याहु॑तीनाम्⁠। आहु॑तीना॒मिति॑⁠। आहु॑तीना॒मित्या—हु॒ती॒ना॒म्⁠। इत्या॑ह⁠। आ॒ह॒ ब्रह्म॑णा⁠। ब्रह्म॑णा॒ वै⁠। वै दे॒वाः⁠। दे॒वाः सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमा॑यन्न्⁠। आ॒य॒न्॒‌यत्⁠। यद् ब्रह्म॑ण्वत्या⁠। ब्रह्म॑ण्वत्योप॒दधा॑ति⁠। ब्रह्म॑ण्व॒त्येति॒ ब्रह्म॑ण्ण्—व॒त्या॒⁠। उ॒प॒दधा॑ति॒ ब्रह्म॑णा⁠। उ॒प॒दधा॒तीत्यु॑प—दधा॑ति⁠। ब्रह्म॑णै॒व⁠। ए॒व तत्⁠। तद् यज॑मानः⁠। यज॑मानः सुव॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमे॑ति⁠। ए॒ति॒ प्र॒जाप॑तिः⁠। प्र॒जाप॑ति॒र् वै⁠। प्र॒जाप॑ति॒रिति॑ प्र॒जा—प॒तिः॒⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निस्तस्य॑⁠। तस्य॑ प्र॒जाः⁠। प्र॒जाः प॒शवः॑⁠। प्र॒जा इति॑ प्र—जाः⁠। प॒शव॒श्छन्दा॑ꣳसि⁠। छन्दा॑ꣳसि रू॒पम्⁠। रू॒पꣳ सर्वा॑न्⁠। सर्वा॒न्॒‌वर्णा॑न्⁠। वर्णा॒निष्ट॑कानाम्⁠। इष्ट॑कानाम् कुर्यात्⁠। कु॒र्या॒द् रू॒पेण॑⁠। रू॒पेणै॒व⁠। ए॒व प्र॒जाम्⁠। प्र॒जाम् प॒शून्⁠। प्र॒जामिति॑ प्र—जाम्⁠। प॒शूञ्छन्दा॑ꣳसि⁠। छन्दा॒ꣴ॒स्यव॑⁠। अव॑ रुन्धे⁠। रु॒न्धेऽथो᳚⁠। अथो᳚ प्र॒जाभ्यः॑⁠। अथो॒ इत्यथो᳚⁠। प्र॒जाभ्य॑ ए॒व⁠। प्र॒जाभ्य॒ इति॑ प्र—जाभ्यः॑⁠। ए॒वैन᳚म्⁠। ए॒न॒म् प॒शुभ्यः॑⁠। प॒शुभ्य॒श्छन्दो᳚भ्यः⁠। प॒शुभ्य॒ इति॑ प॒शु—भ्यः॒⁠। छन्दो᳚भ्योऽव॒रुद्ध्य॑⁠। छन्दो᳚भ्य॒ इति॒ छन्दः॑—भ्यः॒⁠। अ॒व॒रुद्ध्य॑ चिनुते⁠। अ॒व॒रुद्ध्येत्य॑व—रुद्ध्य॑⁠। चि॒नु॒त॒ इति॑ चिनुते⁠॥ [३५] (यान्य॒ ग्नय॒ इत्या॒हे ष्ट॑काना॒ꣳ॒ षोड॑श च) ॥८॥
मयि॑ गृह्णामि⁠। गृ॒ह्णा॒म्यग्रे᳚⁠। अग्रे॑ अ॒ग्निम्⁠। अ॒ग्निꣳ रा॒यः⁠। रा॒यस्पोषा॑य⁠। पोषा॑य सुप्रजा॒स्त्वाय॑⁠। सु॒प्र॒जा॒स्त्वाय॑ सु॒वीर्या॑य⁠। सु॒प्र॒जा॒स्त्वायेति॑ सुप्रजाः—त्वाय॑⁠। सु॒वीर्या॒येति॑ सु—वीर्या॑य⁠॥ मयि॑ प्र॒जाम्⁠। प्र॒जाम् मयि॑⁠। प्र॒जामिति॑ प्र—जाम्⁠। मयि॒ वर्चः॑⁠। वर्चो॑ दधामि⁠। द॒धा॒म्यरि॑ष्टाः⁠। अरि॑ष्टाः स्याम⁠। स्या॒म॒ त॒नुवा᳚⁠। त॒नुवा॑ सु॒वीराः᳚⁠। सु॒वीरा॒ इति॑ सु—वीराः᳚⁠॥ यो नः॑⁠। नो॒ अ॒ग्निः⁠। अ॒ग्निः पि॑तरः⁠। पि॒त॒रो॒ हृ॒थ्सु⁠। हृ॒थ्स्व॑न्तः⁠। हृ॒थ्स्विति॑ हृत्—सु⁠। अ॒न्तरम॑र्त्यः⁠। अम॑र्त्यो॒ मर्त्या॑न्⁠। मर्त्या॑ꣳ आवि॒वेश॑⁠। आ॒वि॒वेशेत्या᳚—वि॒वेश॑⁠॥ तमा॒त्मन्न्⁠। आ॒त्मन् परि॑⁠। परि॑ गृह्णीमहे⁠। गृ॒ह्णी॒म॒हे॒ व॒यम्⁠। व॒यम् मा⁠। मा सः⁠। सो अ॒स्मान्⁠। अ॒स्माꣳ अ॑व॒हाय॑⁠। अ॒व॒हाय॒ परा᳚⁠। अ॒व॒हायेत्य॑व—हाय॑⁠। परा॑ गात्⁠। गा॒दिति॑ गात्⁠॥ यद॑द्ध्व॒र्युः⁠। अ॒र्द्ध॒र्युरा॒त्मन्न्⁠। आ॒त्मन्न॒ग्निम्⁠। अ॒ग्निमगृ॑हीत्वा⁠। अगृ॑हीत्वा॒ऽग्निम्⁠। अ॒ग्निम् चि॑नु॒यात्⁠। चि॒नु॒याद् यः⁠। यो᳚ऽस्य⁠। अ॒स्य॒ स्वः⁠। स्वो᳚ऽग्निः⁠। अ॒ग्निस्तम्⁠। तमपि॑⁠। अपि॒ यज॑मानाय⁠। [३६] यज॑मानाय चिनुयात्⁠। चि॒नु॒या॒द॒ग्निम्⁠। अ॒ग्निम् खलु॑⁠। खलु॒ वै⁠। वै प॒शवः॑⁠। प॒शवोऽनु॑⁠। अनूप॑⁠। उप॑ तिष्ठन्ते⁠। ति॒ष्ठ॒न्ते॒ऽप॒क्रामु॑काः⁠। अ॒प॒क्रामु॑का अस्मात्⁠। अ॒प॒क्रामु॑का॒ इत्य॑प—क्रामु॑काः⁠। अ॒स्मा॒त् प॒शवः॑⁠। प॒शवः॑ स्युः⁠। स्यु॒र् मयि॑⁠। मयि॑ गृह्णामि⁠। गृ॒ह्णा॒म्यग्रे᳚⁠। अग्रे॑ अ॒ग्निम्⁠। अ॒ग्निमिति॑⁠। इत्या॑ह⁠। आ॒हा॒त्मन्न्⁠। आ॒त्मन्ने॒व⁠। ए॒व स्वम्⁠। स्वम॒ग्निम्⁠। अ॒ग्निम् दा॑धार⁠। दा॒धा॒र॒ न⁠। नास्मा᳚त्⁠। अ॒स्मा॒त् प॒शवः॑⁠। प॒शवोऽप॑⁠। अप॑ क्रामन्ति⁠। क्रा॒म॒न्ति॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ यत्⁠। यन् मृत्⁠। मृच् च॑⁠। चापः॑⁠। आप॑श्च⁠। चा॒ग्नेः⁠। अ॒ग्नेर॑ना॒द्यम्⁠। अ॒ना॒द्यमथ॑⁠। अथ॒ कस्मा᳚त्⁠। कस्मा᳚न् मृ॒दा⁠। मृ॒दा च॑⁠। चा॒द्‌भिः⁠। अ॒द्‌भिश्च॑⁠। अ॒द्‌भिरित्य॑त्—भिः⁠। चा॒ग्निः⁠। अ॒ग्निश्ची॑यते⁠। ची॒य॒त॒ इति॑⁠। इति॒ यत्⁠। यद॒द्‌भिः⁠। अ॒द्‌भिः स॒य्ँयौति॑⁠। अ॒द्‌भिरित्य॑त्—भिः⁠। स॒य्ँयौत्यापः॑⁠। स॒य्ँयौतीति॑ सम्—यौति॑⁠। [३७] आपो॒ वै⁠। वै सर्वाः᳚⁠। सर्वा॑ दे॒वताः᳚⁠। दे॒वता॑ दे॒वता॑भिः⁠। दे॒वता॑भिरे॒व⁠। ए॒वैन᳚म्⁠। ए॒न॒ꣳ॒ सम्⁠। सꣳ सृ॑जति⁠। सृ॒ज॒ति॒ यत्⁠। यन् मृ॒दा⁠। मृ॒दा चि॒नोति॑⁠। चि॒नोती॒यम्⁠। इ॒यव्ँवै⁠। वा अ॒ग्निः⁠। अ॒ग्निर् वै᳚श्वान॒रः⁠। वै॒श्वा॒न॒रो᳚ऽग्निना᳚⁠। अ॒ग्निनै॒व⁠। ए॒व तत्⁠। तद॒ग्निम्⁠। अ॒ग्निम् चि॑नोति⁠। चि॒नो॒ति॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ यत्⁠। यन् मृ॒दा⁠। मृ॒दा च॑⁠। चा॒द्‌भिः⁠। अ॒द्‌भिश्च॑⁠। अ॒द्‌भिरित्य॑त्—भिः⁠। चा॒ग्निः⁠। अ॒ग्निश्ची॒यते᳚⁠। ची॒यतेऽथ॑⁠। अथ॒ कस्मा᳚त्⁠। कस्मा॑द॒ग्निः⁠। अ॒ग्निरु॑च्यते⁠। उ॒च्य॒त॒ इति॑⁠। इति॒ यत्⁠। यच्छन्दो॑भिः⁠। छन्दो॑भिश्चि॒नोति॑⁠। छन्दो॑भि॒रिति॒ छन्दः॑—भिः॒⁠। चि॒नोत्य॒ग्नयः॑⁠। अ॒ग्नयो॒ वै⁠। वै छन्दा॑ꣳसि⁠। छन्दा॑ꣳसि॒ तस्मा᳚त्⁠। तस्मा॑द॒ग्निः⁠। अ॒ग्निरु॑च्यते⁠। उ॒च्य॒तेऽथो᳚⁠। अथो॑ इ॒यम्⁠। अथो॒ इत्यथो᳚⁠। इ॒यव्ँवै⁠। वा अ॒ग्निः⁠। अ॒ग्निर् वै᳚श्वान॒रः⁠। वै॒श्वा॒न॒रो यत्⁠। यन् मृ॒दा⁠। [३८] मृ॒दा चि॒नोति॑⁠। चि॒नोति॒ तस्मा᳚त्⁠। तस्मा॑द॒ग्निः⁠। अ॒ग्निरु॑च्यते⁠। उ॒च्य॒ते॒ हि॒र॒ण्ये॒ष्ट॒काः⁠। हि॒र॒ण्ये॒ष्ट॒का उप॑⁠। हि॒र॒ण्ये॒ष्ट॒का इति॑ हिरण्य—इ॒ष्ट॒काः⁠। उप॑ दधाति⁠। द॒धा॒ति॒ ज्योतिः॑⁠। ज्योति॒र् वै⁠। वै हिर॑ण्यम्⁠। हिर॑ण्य॒म् ज्योतिः॑⁠। ज्योति॑रे॒व⁠। ए॒वास्मि॑न्न्⁠। अ॒स्मि॒न् द॒धा॒ति॒⁠। द॒धा॒त्यथो᳚⁠। अथो॒ तेजः॑⁠। अथो॒ इत्यथो᳚⁠। तेजो॒ वै⁠। वै हिर॑ण्यम्⁠। हिर॑ण्य॒म् तेजः॑⁠। तेज॑ ए॒व⁠। ए॒वात्मन्न्⁠। आ॒त्मन् ध॑त्ते⁠। ध॒त्ते॒ यः⁠। यो वै⁠। वा अ॒ग्निम्⁠। अ॒ग्निꣳ स॒र्वतो॑मुखम्⁠। स॒र्वतो॑मुखम् चिनु॒ते⁠। स॒र्वतो॑मुख॒मिति॑ स॒र्वतः॑—मु॒ख॒म्⁠। चि॒नु॒ते सर्वा॑सु⁠। सर्वा॑सु प्र॒जासु॑⁠। प्र॒जास्वन्न᳚म्⁠। प्र॒जास्विति॑ प्र—जासु॑⁠। अन्न॑मत्ति⁠। अ॒त्ति॒ सर्वाः᳚⁠। सर्वा॒ दिशः॑⁠। दिशो॒ऽभि⁠। अ॒भि ज॑यति⁠। ज॒य॒ति॒ गा॒य॒त्रीम्⁠। गा॒य॒त्रीम् पु॒रस्ता᳚त्⁠। पु॒रस्ता॒दुप॑⁠। उप॑ दधाति⁠। द॒धा॒ति॒ त्रि॒ष्टुभ᳚म्⁠। त्रि॒ष्टुभ॑म् दख्‍षिण॒तः⁠। द॒ख्‍षि॒ण॒तो जग॑तीम्⁠। जग॑तीम् प॒श्चात्⁠। प॒श्चाद॑नु॒ष्टुभ᳚म्⁠। अ॒नु॒ष्टुभ॑मुत्तर॒तः⁠। अ॒नु॒ष्टुभ॒मित्य॑नु—स्तुभ᳚म्⁠। उ॒त्त॒र॒तः प॒ङ्‍क्तिम्⁠। उ॒त्त॒र॒त इत्यु॑त्—त॒र॒तः⁠। प॒ङ्‍क्तिम् मद्ध्ये᳚⁠। मद्ध्य॑ ए॒षः⁠। ए॒ष वै⁠। वा अ॒ग्निः⁠। अ॒ग्निः स॒र्वतो॑मुखः⁠। स॒र्वतो॑मुख॒स्तम्⁠। स॒र्वतो॑मुख॒ इति॑ स॒र्वतः॑—मु॒खः॒⁠। तय्ँयः⁠। य ए॒वम्⁠। ए॒वव्ँवि॒द्वान्⁠। वि॒द्वाꣴश्चि॑नु॒ते⁠। चि॒नु॒ते सर्वा॑सु⁠। सर्वा॑सु प्र॒जासु॑⁠। प्र॒जास्वन्न᳚म्⁠। प्र॒जास्विति॑ प्र—जासु॑⁠। अन्न॑मत्ति⁠। अ॒त्ति॒ सर्वाः᳚⁠। सर्वा॒ दिशः॑⁠। दिशो॒ऽभि⁠। अ॒भि ज॑यति⁠। ज॒य॒त्यथो᳚⁠। अथो॑ दि॒शि⁠। अथो॒ इत्यथो᳚⁠। दि॒श्ये॑व⁠। ए॒व दिश᳚म्⁠। दिश॒म् प्र⁠। प्र व॑यति⁠। व॒य॒ति॒ तस्मा᳚त्⁠। तस्मा᳚द् दि॒शि⁠। दि॒शि दिक्⁠। दिक् प्रोता᳚⁠। प्रोतेति॒ प्र—उ॒ता॒⁠॥ [३९] (अपि॑ स॒य्ँयौति॑ वैश्वान॒रो य दे॒ष वै पञ्च॑विꣳशतिश्च) ॥९॥
प्र॒जाप॑तिर॒ग्निम्⁠। प्र॒जाप॑ति॒रिति॑ प्र॒जा—प॒तिः॒⁠। अ॒ग्निम॑सृजत⁠। अ॒सृ॒ज॒त॒ सः⁠। सो᳚ऽस्मात्⁠। अ॒स्मा॒थ् सृ॒ष्टः⁠। सृ॒ष्टः प्राङ्‍ङ्⁠। प्राङ्‍ प्र⁠। प्राद्र॑वत्⁠। अ॒द्र॒व॒त् तस्मै᳚⁠। तस्मा॒ अश्व᳚म्⁠। अश्व॒म् प्रति॑⁠। प्रत्या᳚स्यत्⁠। आ॒स्य॒थ् सः⁠। स द॑ख्‍षि॒णा⁠। द॒ख्‍षि॒णा ऽऽव॑र्तत⁠। आ ऽव॑र्तत⁠। अ॒व॒र्त॒त॒ तस्मै᳚⁠। तस्मै॑ वृ॒ष्णिम्⁠। वृ॒ष्णिम् प्रति॑⁠। प्रत्या᳚स्यत्⁠। आ॒स्य॒थ् सः⁠। स प्र॒त्यङ्ङ्‍⁠। प्र॒त्यङ्ङा⁠। आऽव॑र्तत⁠। अ॒व॒र्त॒त॒ तस्मै᳚⁠। तस्मा॑ ऋष॒भम्⁠। ऋ॒ष॒भम् प्रति॑⁠। प्रत्या᳚स्यत्⁠। आ॒स्य॒थ् सः⁠। स उद॑ङ्ङ्‍⁠। उद॒ङ्‍ङा⁠। आऽव॑र्तत⁠। अ॒व॒र्त॒त॒ तस्मै᳚⁠। तस्मै॑ ब॒स्तम्⁠। ब॒स्तम् प्रति॑⁠। प्रत्या᳚स्यत्⁠। आ॒स्य॒थ् सः⁠। स ऊ॒र्द्ध्वः⁠। ऊ॒र्द्ध्वो᳚ऽद्रवत्⁠। अ॒द्र॒व॒त् तस्मै᳚⁠। तस्मै॒ पुरु॑षम्⁠। पुरु॑ष॒म् प्रति॑⁠। प्रत्या᳚स्यत्⁠। आ॒स्य॒द् यत्⁠। यत् प॑शुशी॒र्॒‌षाणि॑⁠। प॒शु॒शी॒र्॒‌षाण्यु॑प॒दधा॑ति⁠। प॒शु॒शी॒र्॒‌षाणीति॑ पशु—शी॒र्॒‌षाणि॑⁠। उ॒प॒दधा॑ति स॒र्वतः॑⁠। उ॒प॒दधा॒तीत्यु॑प—दधा॑ति⁠। स॒र्वत॑ ए॒व⁠। ए॒वैन᳚म्⁠। ए॒न॒म॒व॒रुद्ध्य॑⁠। [४०] अ॒व॒रुद्ध्य॑ चिनुते⁠। अ॒व॒रुद्ध्येत्य॑व—रुद्ध्य॑⁠। चि॒नु॒त॒ ए॒ताः⁠। ए॒ता वै⁠। वै प्रा॑ण॒भृतः॑⁠। प्रा॒ण॒भृत॒श्चख्‍षु॑ष्मतीः⁠। प्रा॒ण॒भृत॒ इति॑ प्राण—भृतः॑⁠। चख्‍षु॑ष्मती॒रिष्ट॑काः⁠। इष्ट॑का॒ यत्⁠। यत् प॑शुशी॒र्॒‌षाणि॑⁠। प॒शु॒शी॒र्॒‌षाणि॒ यत्⁠। प॒शु॒शी॒र्॒‌षाणीति॑ पशु—शी॒र्॒‌षाणि॑⁠। यत् प॑शुशी॒र्॒‌षाणि॑⁠। प॒शु॒शी॒र्॒‌षाण्यु॑प॒दधा॑ति⁠। प॒शु॒शी॒र्॒‌षाणीति॑ पशु—शी॒र्॒‌षाणि॑⁠। उ॒प॒दधा॑ति॒ ताभिः॑⁠। उ॒प॒दधा॒तीत्यु॑प—दधा॑ति⁠। ताभि॑रे॒व⁠। ए॒व यज॑मानः⁠। यज॑मानो॒ऽमुष्मि॑न्न्⁠। अ॒मुष्मि॑ल्ँलो॒के⁠। लो॒के प्र⁠। प्राणि॑ति⁠। अ॒नि॒त्यथो᳚⁠। अथो॒ ताभिः॑⁠। अथो॒ इत्यथो᳚⁠। ताभि॑रे॒व⁠। ए॒वास्मै᳚⁠। अ॒स्मा॒ इ॒मे⁠। इ॒मे लो॒काः⁠। लो॒काः प्र⁠। प्र भा᳚न्ति⁠। भा॒न्ति॒ मृ॒दा⁠। मृ॒दाऽभि॒लिप्य॑⁠। अ॒भि॒लिप्योप॑⁠। अ॒भि॒लिप्येत्य॑भि—लिप्य॑⁠। उप॑ दधाति⁠। द॒धा॒ति॒ मे॒द्ध्य॒त्वाय॑⁠। मे॒द्ध्य॒त्वाय॑ प॒शुः⁠। मे॒द्ध्य॒त्वायेति॑ मेद्ध्य—त्वाय॑⁠। प॒शुर् वै⁠। वा ए॒षः⁠। ए॒ष यत्⁠। यद॒ग्निः⁠। अ॒ग्निरन्न᳚म्⁠। अन्न॑म् प॒शवः॑⁠। प॒शव॑ ए॒षः⁠। ए॒ष खलु॑⁠। खलु॒ वै⁠। वा अ॒ग्निः⁠। अ॒ग्निर् यत्⁠। यत् प॑शुशी॒र्॒‌षाणि॑⁠। प॒शु॒शी॒र्॒‌षाणि॒ यम्⁠। प॒शु॒शी॒र्॒‌षाणीति॑ पशु—शी॒र्॒‌षाणि॑⁠। यम् का॒मये॑त⁠। का॒मये॑त॒ कनी॑यः⁠। कनी॑योऽस्य⁠। अ॒स्यान्न᳚म्⁠। अन्न॑ꣴ स्यात्⁠। [४१] स्या॒दिति॑⁠। इति॑ सन्त॒राम्⁠। स॒न्त॒राम् तस्य॑⁠। स॒न्त॒रामिति॑ सम्—त॒राम्⁠। तस्य॑ पशुशी॒र्॒‌षाणि॑⁠। प॒शु॒शी॒र्॒‌षाण्युप॑⁠। प॒शु॒शी॒र्॒‌षाणीति॑ पशु—शी॒र्॒‌षाणि॑⁠। उप॑ दद्ध्यात्⁠। द॒द्ध्या॒त् कनी॑यः⁠। कनी॑य ए॒व⁠। ए॒वास्य॑⁠। अ॒स्यान्न᳚म्⁠। अन्न॑म् भवति⁠। भ॒व॒ति॒ यम्⁠। यम् का॒मये॑त⁠। का॒मये॑त स॒माव॑त्⁠। स॒माव॑दस्य⁠। अ॒स्यान᳚म्⁠। अन्न᳚ꣴ स्यात्⁠। स्या॒दिति॑⁠। इति॑ मद्ध्य॒तः⁠। म॒द्ध्य॒तस्तस्य॑⁠। तस्योप॑⁠। उप॑ दद्ध्यात्⁠। द॒द्ध्या॒थ् स॒माव॑त्⁠। स॒माव॑दे॒व⁠। ए॒वास्य॑⁠। अ॒स्यान्न᳚म्⁠। अन्न॑म् भवति⁠। भ॒व॒ति॒ यम्⁠। यम् का॒मये॑त⁠। का॒मये॑त॒ भूयः॑⁠। भूयो᳚ऽस्य⁠। अ॒स्यान्न᳚म्⁠। अन्न॑ꣴ स्यात्⁠। स्या॒दिति॑⁠। इत्यन्ते॑षु⁠। अन्ते॑षु॒ तस्य॑⁠। तस्य॑ व्यु॒दूह्य॑⁠। व्यु॒दूह्योप॑⁠। व्यु॒दूह्येति॑ वि—उ॒दूह्य॑⁠। उप॑ दद्ध्यात्⁠। द॒द्ध्या॒द॒न्त॒तः⁠। अ॒न्त॒त ए॒व⁠। ए॒वास्मै᳚⁠। अ॒स्मा॒ अन्न᳚म्⁠। अन्न॒मव॑⁠। अव॑ रुन्धे⁠। रु॒न्धे॒ भूयः॑⁠। भूयो᳚ऽस्य⁠। अ॒स्यान्न᳚म्⁠। अन्न॑म् भवति⁠। भ॒व॒तीति॑ भवति⁠॥ [४२] (ए॒न॒ म॒स्यान्न॒म् भूयो॒ऽस्यान्न᳚म् भवति) ॥१०॥
स्ते॒गान् दꣴष्ट्रा᳚भ्याम्⁠। दꣴष्ट्रा᳚भ्याम् म॒ण्डूका॑न्⁠। म॒ण्डूका॒न् जम्भ्ये॑भिः⁠। जम्भ्ये॑भि॒राद॑काम्⁠। आद॑काम् खा॒देन॑⁠। खा॒देनोर्ज᳚म्⁠। ऊर्ज॑ꣳ सꣳसू॒देन॑⁠। स॒ꣳ॒सू॒देनार॑ण्यम्⁠। स॒ꣳ॒सू॒देनेति॑ सम्—सू॒देन॑⁠। अर॑ण्य॒म् जाम्बी॑लेन⁠। जाम्बी॑लेन॒ मृद᳚म्⁠। मृद॑म् ब॒र्स्वे॑भिः⁠। ब॒र्स्वे॑भिः॒ शर्क॑राभिः⁠। शर्क॑राभि॒रव॑काम्⁠। अव॑का॒मव॑काभिः⁠। अव॑काभिः॒ शर्क॑राम्⁠। शर्क॑रामुथ्सा॒देन॑⁠। उ॒थ्सा॒देन॑ जि॒ह्वाम्⁠। उ॒थ्सा॒देनेत्यु॑त्—सा॒देन॑⁠। जि॒ह्वाम॑वक्र॒न्देन॑⁠। अ॒व॒क्र॒न्देन॒ तालु᳚म्⁠। अ॒व॒क्र॒न्देनेत्य॑व—क्र॒न्देन॑⁠। तालु॒ꣳ॒ सर॑स्वतीम्⁠। सर॑स्वतीम् जिह्वा॒ग्रेण॑⁠। जि॒ह्वा॒ग्राणेति॑ जिह्वा—अ॒ग्रेण॑⁠॥ [४३] (स्ते॒गान् द्वावि॑ꣳशतिः) ॥११॥
वाज॒ꣳ॒ हनू᳚भ्याम्⁠। हनू᳚भ्याम॒पः⁠। हनू᳚भ्या॒मिति॒ हनु॑—भ्या॒म्⁠। अ॒प आ॒स्ये॑न⁠। आ॒स्ये॑नादि॒त्यान्⁠। आ॒दि॒त्यान् श्मश्रु॑भिः⁠। श्मश्रु॑भिरुपया॒मम्⁠। श्मश्रु॑भि॒रिति॒ श्मश्रु॑—भिः॒⁠। उ॒प॒या॒ममध॑रेण⁠। उ॒प॒या॒ममित्यु॑प—या॒मम्⁠। अध॑रे॒णोष्ठे॑न⁠। ओष्ठे॑न॒ सत्⁠। सदुत्त॑रेण⁠। उत्त॑रे॒णान्त॑रेण⁠। उत्त॑रे॒णेत्युत्—त॒रे॒ण॒⁠। अन्त॑रेणानूका॒शम्⁠। अ॒नू॒का॒शम् प्र॑का॒शेन॑⁠। अ॒नू॒का॒शमित्य॑नु—का॒शम्⁠। प्र॒का॒शेन॒ बाह्य᳚म्⁠। प्र॒का॒शेनेति॑ प्र—का॒शेन॑⁠। बाह्य॑ꣴ स्तनयि॒त्नुम्⁠। स्त॒न॒यि॒त्नुम् नि॑र्बा॒धेन॑⁠। नि॒र्बा॒धेन॑ सूर्या॒ग्नी⁠। नि॒र्बा॒धेनेति॑ निः—बा॒धेन॑⁠। सू॒र्या॒ग्नी चख्‍षु॑र्भ्याम्⁠। सू॒र्या॒ग्नी इति॑ सूर्य—अ॒ग्नी⁠। चख्‍षु॑र्भ्याव्ँवि॒द्युतौ᳚⁠। चख्‍षु॑र्भ्या॒मिति॒ चख्‍षुः॑—भ्या॒म्⁠। वि॒द्युतौ॑ क॒नान॑काभ्याम्⁠। वि॒द्युता॒विति॑ वि—द्युतौ᳚⁠। क॒नान॑काभ्याम॒शनि᳚म्⁠। अ॒शनि॑म् म॒स्तिष्के॑ण⁠। म॒स्तिष्के॑ण॒ बल᳚म्⁠। बल॑म् म॒ज्जभिः॑⁠। म॒ज्जभि॒रिति॑ म॒ज्ज—भिः॒⁠॥ [४४] (वाज॒म् पञ्च॑विꣳशतिः) ॥१२॥
कू॒र्माञ्छ॒फैः⁠। श॒फैर॒च्छला॑भिः⁠। अ॒च्छला॑भिः क॒पिञ्ज॑लान्⁠। क॒पिञ्ज॑ला॒न्थ् साम॑⁠। साम॒ कुष्ठि॑काभिः⁠। कुष्ठि॑काभिर् ज॒वम्⁠। ज॒वम् जङ्‍घा॑भिः⁠। जङ्‍घा॑भिरग॒दम्⁠। अ॒ग॒दम् जानु॑भ्याम्⁠। जानु॑भ्याव्ँवी॒र्य᳚म्⁠। जानु॑भ्या॒मिति॒ जानु॑—भ्या॒म्⁠। वी॒र्य॑म् कु॒हाभ्या᳚म्⁠। कु॒हाभ्या᳚म् भ॒यम्⁠। भ॒यम् प्र॑चा॒लाभ्या᳚म्⁠। प्र॒चा॒लाभ्या॒म् गुहा᳚⁠। प्र॒चा॒लाभ्या॒मिति॑ प्र—चा॒लाभ्या᳚म्⁠। गुहो॑पप॒ख्‍षाभ्या᳚म्⁠। उ॒प॒प॒ख्‍षाभ्या॑म॒श्विनौ᳚⁠। उ॒प॒प॒ख्‍षाभ्या॒मित्यु॑प—प॒ख्‍षाभ्या᳚म्⁠। अ॒श्विना॒वꣳसा᳚भ्याम्⁠। अꣳसा᳚भ्या॒मदि॑तिम्⁠। अदि॑तिꣳ शी॒र्ष्णा⁠। शी॒र्ष्णा निर्‌ऋ॑तिम्⁠। निर्‌ऋ॑ति॒म् निर्जा᳚ल्मकेन⁠। निर्‌ऋ॑ति॒मिति॒ निः—ऋ॒ति॒म्⁠। निर्जा᳚ल्मकेन शी॒र्ष्णा⁠। निर्जा᳚ल्मके॒नेति॒ निः—जा॒ल्म॒के॒न॒⁠। शी॒र्ष्णेति॑ शी॒र्ष्णा⁠॥ [४५] (कू॒र्मान् त्रयो॑विꣳशतिः) ॥१३॥
योक्त्र॒म् गृध्रा॑भिः⁠। गृध्रा॑भिर् यु॒गम्⁠। यु॒गमान॑तेन⁠। आन॑तेन चि॒त्तम्⁠। आन॑ते॒नेत्या—न॒ते॒न॒⁠। चि॒त्तम् मन्या॑भिः⁠। मन्या॑भिः सङ्‍क्रो॒शान्⁠। स॒ङ्‍क्रो॒शान् प्रा॒णैः⁠। स॒ङ्‍क्रो॒शानिति॑ सम्—क्रो॒शान्⁠। प्रा॒णैः प्र॑का॒शेन॑⁠। प्रा॒णैरिति॑ प्र—अ॒नैः⁠। प्र॒का॒शेन॒ त्वच᳚म्⁠। प्र॒का॒शेनेति॑ प्र—का॒शेन॑⁠। त्वच॑म् पराका॒शेन॑⁠। प॒रा॒का॒शेनान्त॑राम्⁠। प॒रा॒का॒शेनेति॑ परा—का॒शेन॑⁠। अन्त॑राम् म॒शका॑न्⁠। म॒शका॒न् केशैः᳚⁠। केशै॒रिन्द्र᳚म्⁠। इन्द्र॒ꣴ॒ स्वप॑सा⁠। स्वप॑सा॒ वहे॑न⁠। स्वप॒सेति॑ सु—अप॑सा⁠। वहे॑न॒ बृह॒स्पति᳚म्⁠। बृह॒स्पति॑ꣳ शकुनिसा॒देन॑⁠। श॒कु॒नि॒सा॒देन॒ रथ᳚म्⁠। श॒कु॒नि॒सा॒देनेति॑ शकुनि—सा॒देन॑⁠। रथ॑मु॒ष्णिहा॑भिः⁠। उ॒ष्णिहा॑भि॒रित्यु॒ष्णिहा॑भिः⁠॥ [४६] (योक्त्र॒ मेक॑विꣳशतिः) ॥१४॥
मि॒त्रावरु॑णौ॒ श्रोणी᳚भ्याम्⁠। मि॒त्रावरु॑णा॒विति॑ मि॒त्रा—वरु॑णौ⁠। श्रोणी᳚भ्यामिन्द्रा॒ग्नी⁠। श्रोणी᳚भ्या॒मिति॒ श्रोणि॑—भ्या॒म्⁠। इ॒न्द्रा॒ग्नी शि॑ख॒ण्डाभ्या᳚म्⁠। इ॒न्द्रा॒ग्नी इती᳚न्द्र—अ॒ग्नी⁠। शि॒ख॒ण्डाभ्या॒मिन्द्रा॒बृह॒स्पती᳚⁠। इन्द्रा॒बृह॒स्पती॑ ऊ॒रुभ्या᳚म्⁠। इन्द्रा॒बृह॒स्पती॒ इतीन्द्रा᳚—बृह॒स्पती᳚⁠। ऊ॒रुभ्या॒मिन्द्रा॒विष्णू᳚⁠। ऊ॒रुभ्या॒मित्यू॒रु—भ्या॒म्⁠। इन्द्रा॒विष्णू॑ अष्ठी॒वद्भ्या᳚म्⁠। इन्द्रा॒विष्णू॒ इतीन्द्रा᳚—विष्णू᳚⁠। अ॒ष्ठी॒वद्भ्या॑ꣳ सवि॒तार᳚म्⁠। अ॒ष्ठी॒वद्भ्या॒मित्य॑ष्ठी॒वत्—भ्या॒म्⁠। स॒वि॒तार॒म् पुच्छे॑न⁠। पुच्छे॑न गन्ध॒र्वान्⁠। ग॒न्ध॒र्वाञ्छेपे॑न⁠। शेपे॑नाफ्स॒रसः॑⁠। अ॒फ्स॒रसो॑ मु॒ष्काभ्या᳚म्⁠। मु॒ष्काभ्या॒म् पव॑मानम्⁠। पव॑मानम् पा॒युना᳚⁠। पा॒युना॑ प॒वित्र᳚म्⁠। प॒वित्र॒म् पोत्रा᳚भ्याम्⁠। पोत्रा᳚भ्यामा॒क्रम॑णम्⁠। आ॒क्रम॑णꣴ स्थू॒राभ्या᳚म्⁠। आ॒क्रम॑ण॒मित्या᳚—क्रम॑णम्⁠। स्थू॒राभ्या᳚म् प्रति॒क्रम॑णम्⁠। प्र॒ति॒क्रम॑ण॒म् कुष्ठा᳚भ्याम्⁠। प्र॒ति॒क्रम॑ण॒मिति॑ प्रति—क्रम॑णम्⁠। कुष्ठा᳚भ्या॒मिति॒ कुष्ठा᳚भ्याम्⁠॥ [४७] (मि॒त्रावरु॑णौ॒ द्वावि॑ꣳशतिः) ॥१५॥
इन्द्र॑स्य क्रो॒डः⁠। क्रो॒डोऽदि॑त्यै⁠। अदि॑त्यै पाज॒स्य᳚म्⁠। पा॒ज॒स्य॑म् दि॒शाम्⁠। दि॒शाम् ज॒त्रवः॑⁠। ज॒त्रवो॑ जी॒मूता॑न्⁠। जी॒मूता᳚न् हृदयौप॒शाभ्या᳚म्⁠। हृ॒द॒यौ॒प॒शाभ्या॑म॒न्तरि॑ख्‍षम्⁠। हृ॒द॒यौ॒प॒शाभ्या॒मिति॑ हृदय—औ॒प॒शाभ्या᳚म्⁠। अ॒न्तरि॑ख्‍षम् पुरि॒तता᳚⁠। पु॒रि॒तता॒ नभः॑⁠। नभ॑ उद॒र्ये॑ण⁠। उ॒द॒र्ये॑णेन्द्रा॒णीम्⁠। इ॒न्द्रा॒णीम् प्ली॒ह्ना⁠। प्ली॒ह्ना व॒ल्मीका॑न्⁠। व॒ल्मीका᳚न् क्लो॒म्ना⁠। क्लो॒म्ना गि॒रीन्⁠। गि॒रीन् प्ला॒शिभिः॑⁠। प्ला॒शिभिः॑ समु॒द्रम्⁠। प्ला॒शिभि॒रिति॑ प्ला॒शि—भिः॒⁠। स॒मु॒द्रमु॒दरे॑ण⁠। उ॒दरे॑ण वैश्वान॒रम्⁠। वै॒श्वा॒न॒रम् भस्म॑ना⁠। भस्म॒नेति॒ भस्म॑ना⁠॥ [४८] (इन्द्र॑स्य॒ द्वावि॑ꣳशतिः) ॥१६॥
पू॒ष्णो व॑नि॒ष्ठुः⁠। व॒नि॒ष्ठुर॑न्धा॒हेः⁠। अ॒न्धा॒हेः स्थू॑रगु॒दा⁠। अ॒न्धा॒हेरित्य॑न्ध—अ॒हेः⁠। स्थू॒र॒गु॒दा स॒र्पान्⁠। स्थू॒र॒गु॒देति॑ स्थूर—गु॒दा⁠। स॒र्पान् गुदा॑भिः⁠। गुदा॑भिर्‌ऋ॒तून्⁠। ऋ॒तून् पृ॒ष्टीभिः॑⁠। पृ॒ष्ठीभि॒र् दिव᳚म्⁠। पृ॒ष्टीभि॒रिति॑ पृ॒ष्टि—भिः॒⁠। दिव॑म् पृ॒ष्ठेन॑⁠। पृ॒ष्ठेन॒ वसू॑नाम्⁠। वसू॑नाम् प्रथ॒मा⁠। प्र॒थ॒मा कीक॑सा⁠। कीक॑सा रु॒द्राणा᳚म्⁠। रु॒द्राणा᳚म् द्वि॒तीया᳚⁠। द्वि॒तीया॑ऽऽदि॒त्याना᳚म्⁠। आ॒दि॒त्याना᳚म् तृ॒तीया᳚⁠। तृ॒तीयाऽङ्‍गि॑रसाम्⁠। अङ्‍गि॑रसाम् चतु॒र्थी⁠। च॒तु॒र्थी सा॒द्ध्याना᳚म्⁠। सा॒द्ध्याना᳚म् पञ्च॒मी⁠। प॒ञ्च॒मी विश्वे॑षाम्⁠। विश्वे॑षाम् दे॒वाना᳚म्⁠। दे॒वाना॑ꣳ ष॒ष्ठी⁠। ष॒ष्ठीति॑ ष॒ष्ठी⁠॥ [४९] (पू॒ष्ण श्चतु॑र्विꣳशतिः) ॥१७॥
ओजो᳚ ग्री॒वाभिः॑⁠। ग्री॒वाभि॒र् निर्‌ऋ॑तिम्⁠। निर्‌ऋ॑तिम॒स्थभिः॑⁠। निर्‌ऋ॑ति॒मिति॒ निः—ऋ॒ति॒म्⁠। अ॒स्थभि॒रिन्द्र᳚म्⁠। अ॒स्थभि॒रित्य॒स्थ—भिः॒⁠। इन्द्र॒ꣴ॒ स्वप॑सा⁠। स्वप॑सा॒ वहे॑न⁠। स्वप॒सेति॑ सु—अप॑सा⁠। वहे॑न रु॒द्रस्य॑⁠। रु॒द्रस्य॑ विच॒लः⁠। वि॒च॒लः स्क॒न्धः⁠। वि॒च॒ल इति॑ वि—च॒लः⁠। स्क॒न्धो॑ऽहोरा॒त्रयोः᳚⁠। अ॒हो॒रा॒त्रयो᳚र् द्वि॒तीयः॑⁠। अ॒हो॒रा॒त्रयो॒रित्य॑हः—रा॒त्रयोः᳚⁠। द्वि॒तीयो᳚ऽर्द्धमा॒साना᳚म्⁠। अ॒र्द्ध॒मा॒साना᳚म् तृ॒तीयः॑⁠। अ॒र्द्ध॒मा॒साना॒मित्य॑र्द्ध—मा॒साना᳚म्⁠। तृ॒तीयो॑ मा॒साम्⁠। मा॒साम् च॑तु॒र्थः⁠। च॒तु॒र्थ ऋ॑तू॒नाम्⁠। ऋ॒तू॒नाम् प॑ञ्च॒मः⁠। प॒ञ्च॒मः स॑व्ँवथ्स॒रस्य॑⁠। स॒व्ँव॒थ्स॒रस्य॑ ष॒ष्ठः⁠। स॒म्व॒थ्स॒रस्येति॑ सम्—व॒थ्स॒रस्य॑⁠। ष॒ष्ठ इति॑ ष॒ष्ठः⁠॥ [५०] (ओजो॑ विꣳश॒तिः) ॥१८॥
आ॒न॒न्दम् न॒न्दथु॑ना⁠। आ॒न॒न्दमित्या᳚—न॒न्दम्⁠। न॒न्दथु॑ना॒ काम᳚म्⁠। काम॑म् प्रत्या॒साभ्या᳚म्⁠। प्र॒त्या॒साभ्या᳚म् भ॒यम्⁠। प्र॒त्या॒साभ्या॒मिति॑ प्रति—आ॒साभ्या᳚म्⁠। भ॒यꣳ शि॑ती॒मभ्या᳚म्⁠। शि॒ती॒मभ्या᳚म् प्र॒शिष᳚म्⁠। शि॒ती॒मभ्या॒मिति॑ शिती॒म—भ्या॒म्⁠। प्र॒शिष॑म् प्रशा॒साभ्या᳚म्⁠। प्र॒शिष॒मिति॑ प्र—शिष᳚म्⁠। प्र॒शा॒साभ्या॑ꣳ सूर्याचन्द्र॒मसौ᳚⁠। प्र॒शा॒साभ्या॒मिति॑ प्र—शा॒साभ्या᳚म्⁠। सू॒र्या॒च॒न्द्र॒मसौ॒ वृक्या᳚भ्याम्⁠। सू॒र्या॒च॒न्द्र॒मसा॒विति॑ सूर्या—च॒न्द्र॒मसौ᳚⁠। वृक्या᳚भ्याꣴ श्यामशब॒लौ⁠। श्या॒म॒श॒ब॒लौ मत॑स्नाभ्याम्⁠। श्या॒म॒श॒ब॒लाविति॑ श्याम—श॒ब॒लौ⁠। मत॑स्नाभ्या॒व्ँव्यु॑ष्टिम्⁠। व्यु॑ष्टिꣳ रू॒पेण॑⁠। व्यु॑ष्टि॒मिति॒ वि—उ॒ष्टि॒म्⁠। रू॒पेण॒ निम्रु॑क्तिम्⁠। निम्रु॑क्ति॒मरू॑पेण⁠। निम्रु॑क्ति॒मिति॒ नि—म्रु॒क्ति॒म्⁠। अरू॑पे॒णेत्यरू॑पेण⁠॥ [५१] (आ॒न॒न्दꣳ षोड॑श) ॥१९॥
अह॑र्मा॒ꣳ॒सेन॑⁠। मा॒ꣳ॒सेन॒ रात्रि᳚म्⁠। रात्रि॒म् पीव॑सा⁠। पीव॑सा॒ऽपः⁠। अ॒पो यू॒षेण॑⁠। यू॒षेण॑ घृ॒तम्⁠। घृ॒तꣳ रसे॑न⁠। रसे॑न॒ श्याम्⁠। श्याव्ँवस॑या⁠। वस॑या दू॒षीका॑भिः⁠। दू॒षीका॑भिर् ह्रा॒दुनि᳚म्⁠। ह्रा॒दुनि॒मश्रु॑भिः⁠। अश्रु॑भिः॒ पृष्वा᳚म्⁠। अश्रु॑भि॒रित्यश्रु॑—भिः॒⁠। पृष्वा॒म् दिव᳚म्⁠। दिव॑ꣳ रू॒पेण॑⁠। रू॒पेण॒ नख्‍ष॑त्राणि⁠। नख्‍ष॑त्राणि॒ प्रति॑रूपेण⁠। प्रति॑रूपेण पृथि॒वीम्⁠। प्रति॑रूपे॒णेति॒ प्रति॑—रू॒पे॒ण॒⁠। पृ॒थि॒वीम् चर्म॑णा⁠। चर्म॑णा छ॒वीम्⁠। छ॒वीम् छ॒व्या᳚⁠। छ॒व्यो॑पाकृ॑ताय⁠। उ॒पाकृ॑ताय॒ स्वाहा᳚⁠। उ॒पाकृ॑ता॒येत्यु॑प—आकृ॑ताय⁠। स्वाहाऽऽल॑ब्धाय⁠। आल॑ब्धाय॒ स्वाहा᳚⁠। आल॑ब्धा॒येत्या—ल॒ब्धा॒य॒⁠। स्वाहा॑ हु॒ताय॑⁠। हु॒ताय॒ स्वाहा᳚⁠। स्वाहेति॒ स्वाहा᳚⁠॥ [५२] (अह॑र॒ ष्टावि॑ꣳशतिः) ॥२०॥
अ॒ग्नेः प॑ख्‍ष॒तिः⁠। प॒ख्‍ष॒तिः सर॑स्वत्यै⁠। सर॑स्वत्यै॒ निप॑ख्‍षतिः⁠। निप॑ख्‍षतिः॒ सोम॑स्य⁠। निप॑ख्‍षति॒रिति॒ नि—प॒ख्‍ष॒तिः॒⁠। सोम॑स्य तृ॒तीया᳚⁠। तृ॒तीया॒ऽपाम्⁠। अ॒पाम् च॑तु॒र्थी⁠। च॒तु॒र्थ्योष॑धीनाम्⁠। ओष॑धीनाम् पञ्च॒मी⁠। प॒ञ्च॒मी स॑व्ँवथ्स॒रस्य॑⁠। स॒व्ँव॒थ्स॒रस्य॑ ष॒ष्ठी⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। ष॒ष्ठी म॒रुता᳚म्⁠। म॒रुता॑ꣳ सप्त॒मी⁠। स॒प्त॒मी बृह॒स्पतेः᳚⁠। बृह॒स्पते॑रष्ट॒मी⁠। अ॒ष्ट॒मी मि॒त्रस्य॑⁠। मि॒त्रस्य॑ नव॒मी⁠। न॒व॒मी वरु॑णस्य⁠। वरु॑णस्य दश॒मी⁠। द॒श॒मीन्द्र॑स्य⁠। इन्द्र॑स्यैकाद॒शी⁠। ए॒का॒द॒शी विश्वे॑षाम्⁠। विश्वे॑षाम् दे॒वाना᳚म्⁠। दे॒वाना᳚म् द्वाद॒शी⁠। द्वा॒द॒शी द्यावा॑पृथि॒व्योः⁠। द्यावा॑पृथि॒व्योः पा॒र्श्वम्⁠। द्यावा॑पृथि॒व्योरिति॒ द्यावा᳚—पृ॒थि॒व्योः⁠। पा॒र्श्वय्ँय॒मस्य॑⁠। य॒मस्य॑ पाटू॒रः⁠। पा॒टू॒र इति॑ पाटू॒रः⁠॥ [५३] (अ॒ग्ने रेका॒न्नत्रि॒ꣳ॒शत्) ॥२१॥
वा॒योः प॑ख्‍ष॒तिः⁠। प॒ख्‍ष॒तिः सर॑स्वतः⁠। सर॑स्वतो॒ निप॑ख्‍षतिः⁠। निप॑ख्‍षतिश्च॒न्द्रम॑सः⁠। निप॑ख्‍षति॒रिति॒ नि—प॒ख्‍ष॒तिः॒⁠। च॒न्द्रम॑सस्तृ॒तीया᳚⁠। तृ॒तीया॒ नख्‍ष॑त्राणाम्⁠। नख्‍ष॑त्राणाम् चतु॒र्थी⁠। च॒तु॒र्थी स॑वि॒तुः⁠। स॒वि॒तुः प॑ञ्च॒मी⁠। प॒ञ्च॒मी रु॒द्रस्य॑⁠। रु॒द्रस्य॑ ष॒ष्ठी⁠। ष॒ष्ठी स॒र्पाणा᳚म्⁠। स॒र्पाणा॑ꣳ सप्त॒मी⁠। स॒प्त॒म्य॑र्य॒म्णः⁠। अ॒र्य॒म्णो᳚ऽष्ट॒मी⁠। अ॒ष्ट॒मी त्वष्टुः॑⁠। त्वष्टु॑र् नव॒मी⁠। न॒व॒मी धा॒तुः⁠। धा॒तुर् द॑श॒मी⁠। द॒श॒मीन्द्रा॒ण्याः⁠। इ॒न्द्रा॒ण्या ए॑काद॒शी⁠। ए॒का॒द॒श्यदि॑त्यै⁠। अदि॑त्यै द्वाद॒शी⁠। द्वा॒द॒शी द्यावा॑पृथि॒व्योः⁠। द्यावा॑पृथि॒व्योः पा॒र्श्वम्⁠। द्यावा॑पृथी॒व्योरिति॒ द्यावा᳚—पृ॒थि॒व्योः⁠। पा॒र्श्वय्ँय॒म्यै᳚⁠। य॒म्यै॑ पाटू॒रः⁠। पा॒टू॒र इति॑ पाटू॒रः⁠॥ [५४] (वा॒यो र॒ष्टावि॑ꣳशतिः) ॥२२॥
पन्था॑मनू॒वृग्भ्या᳚म्⁠। अ॒नू॒वृग्भ्या॒ꣳ॒ सन्त॑तिम्⁠। अ॒नू॒वृग्भ्या॒मित्य॑नू॒वृक्—भ्या॒म्⁠। सन्त॑तिꣴ स्नाव॒न्या᳚भ्याम्⁠। सन्त॑ति॒मिति॒ सम्—त॒ति॒म्⁠। स्ना॒व॒न्या᳚भ्या॒ꣳ॒ शुका॑न्⁠। शुका᳚न् पि॒त्तेन॑⁠। पि॒त्तेन॑ हरि॒माण᳚म्⁠। ह॒रि॒माण॑य्ँय॒क्ना⁠। य॒क्ना हली᳚ख्‍ष्णान्⁠। हली᳚ख्‍ष्णान् पापवा॒तेन॑⁠। पा॒प॒वा॒तेन॑ कू॒श्मान्⁠। पा॒प॒वा॒तेनेति॑ पाप—वा॒तेन॑⁠। कू॒श्माञ्छक॑भिः⁠। शक॑भिः शव॒र्तान्⁠। शक॑भि॒रिति॒ शक॑—भिः॒⁠। श॒व॒र्तानूव॑द्ध्येन⁠। ऊव॑द्ध्येन॒ शुनः॑⁠। शुनो॑ वि॒शस॑नेन⁠। वि॒शस॑नेन स॒र्पान्⁠। वि॒शस॑ने॒नेति॑ वि—शस॑नेन⁠। स॒र्पाल्ँलो॑हितग॒न्धेन॑⁠। लो॒हि॒त॒ग॒न्धेन॒ वया॑ꣳसि⁠। लो॒हि॒त॒ग॒न्धेनेति॑ लोहित—ग॒न्धेन॑⁠। वया॑ꣳसि पक्वग॒न्धेन॑⁠। प॒क्व॒ग॒न्धेन॑ पि॒पीलि॑काः⁠। प॒क्व॒ग॒न्धेनेति॑ पक्व—ग॒न्धेन॑⁠। पि॒पीलि॑काः प्रशा॒देन॑⁠। प्र॒शा॒देनेति॑ प्र—शा॒देन॑⁠॥ [५५] (पन्था॒म् द्वावि॑ꣳशतिः) ॥२३॥
क्रमै॒रति॑⁠। अत्य॑क्रमीत्⁠। अ॒क्र॒मी॒द् वा॒जी⁠। वा॒जी विश्वैः᳚⁠। विश्वै᳚र् दे॒वैः⁠। दे॒वैर् य॒ज्ञियैः᳚⁠। य॒ज्ञियैः᳚ सव्ँविदा॒नः⁠। स॒व्ँवि॒दा॒न इति॑ सम्—वि॒दा॒नः⁠॥ स नः॑⁠। नो॒ न॒य॒⁠। न॒य॒ सु॒कृ॒तस्य॑⁠। सु॒कृ॒तस्य॑ लो॒कम्⁠। सु॒कृ॒तस्येति॑ सु—कृ॒तस्य॑⁠। लो॒कम् तस्य॑⁠। तस्य॑ ते⁠। ते॒ व॒यम्⁠। व॒यꣴ स्व॒धया᳚⁠। स्व॒धया॑ मदेम⁠। स्व॒धयेति॑ स्व—धया᳚⁠। म॒दे॒मेति॑ मदेम⁠॥ [५६] (क्रमै॑ र॒ष्टाद॑श) ॥२४॥
द्यौस्ते᳚⁠। ते॒ पृ॒ष्ठम्⁠। पृ॒ष्ठम् पृ॑थि॒वी⁠। पृ॒थि॒वी स॒धस्थ᳚म्⁠। स॒धस्थ॑मा॒त्मा⁠। स॒धस्थ॒मिति॑ स॒ध—स्थ॒म्⁠। आ॒त्माऽन्तरि॑ख्‍षम्⁠। अ॒न्तरि॑ख्‍षꣳ समु॒द्रः⁠। स॒मु॒द्रो योनिः॑⁠। योनिः॒ सूर्यः॑⁠। सूर्य॑स्ते⁠। ते॒ चख्‍षुः॑⁠। चख्‍षु॒र् वातः॑⁠। वातः॑ प्रा॒णः⁠। प्रा॒णश्च॒न्द्रमाः᳚⁠। प्रा॒ण इति॑ प्र—अ॒नः⁠। च॒न्द्रमाः॒ श्रोत्र᳚म्⁠। श्रोत्र॒म् मासाः᳚⁠। मासा᳚श्च⁠। चा॒र्द्ध॒मा॒साः⁠। अ॒र्द्ध॒मा॒साश्च॑⁠। अ॒र्द्ध॒मा॒सा इत्य॑र्द्ध—मा॒साः⁠। च॒ पर्वा॑णि⁠। पर्वा᳚ण्यृ॒तवः॑⁠। ऋ॒तवोऽङ्‍गा॑नि⁠। अङ्‍गा॑नि सव्ँवथ्स॒रः⁠। स॒व्ँव॒थ्स॒रो म॑हि॒मा⁠। स॒व्ँव॒थ्स॒र इति॑ सम्—व॒थ्स॒रः⁠। म॒हि॒मेति॑ महि॒मा⁠॥ [५७] (द्यौः पञ्च॑विꣳशतिः) ॥२५॥
अ॒ग्निः प॒शुः⁠। प॒शुरा॑सीत्⁠। आ॒सी॒त् तेन॑⁠। तेना॑यजन्त⁠। अ॒य॒ज॒न्त॒ सः⁠। स ए॒तम्⁠। ए॒तल्ँलो॒कम्⁠। लो॒कम॑जयत्⁠। अ॒ज॒य॒द् यस्मि॑न्न्⁠। यस्मि॑न्न॒ग्निः⁠। अ॒ग्निः सः⁠। स ते᳚⁠। ते॒ लो॒कः⁠। लो॒क स्तम्⁠। तम् जे᳚ष्यसि⁠। जे॒ष्य॒स्यथ॑⁠। अथाव॑⁠। अव॑ जिघ्र⁠। जि॒घ्र॒ वा॒युः⁠। वा॒युः प॒शुः⁠। प॒शुरा॑सीत्⁠। आ॒सी॒त् तेन॑⁠। तेना॑यजन्त⁠। अ॒ज॒य॒न्त॒ सः⁠। स ए॒तम्⁠। ए॒तल्ँलो॒कम्⁠। लो॒कम॑जयत्⁠। अ॒ज॒य॒द् यस्मि॑न्न्⁠। यस्मि॑न् वा॒युः⁠। वा॒युः सः⁠। स ते᳚⁠। ते॒ लो॒कः⁠। लो॒कस्तस्मा᳚त्⁠। तस्मा᳚त् त्वा⁠। त्वा॒ऽन्तः⁠। अ॒न्तरे᳚ष्यामि⁠। ए॒ष्या॒मि॒ यदि॑⁠। यदि॒ न⁠। नाव॒जिघ्र॑सि⁠। अ॒व॒जिघ्र॑स्यादि॒त्यः⁠। अ॒व॒जिघ्र॒सीत्य॑व—जिघ्र॑सि⁠। आ॒दि॒त्यः प॒शुः⁠। प॒शुरा॑सीत्⁠। आ॒सी॒त् तेन॑⁠। तेना॑यजन्त⁠। अ॒य॒ज॒न्त॒ सः⁠। स ए॒तम्⁠। ए॒तल्ँलो॒कम्⁠। लो॒कम॑जयत्⁠। अ॒ज॒य॒द् यस्मि॑न्न्⁠। यस्मि॑न्नादि॒त्यः⁠। आ॒दि॒त्यः सः⁠। स ते᳚⁠। ते॒ लो॒कः⁠। लो॒कस्तम्⁠। तम् जे᳚ष्यसि⁠। जे॒ष्य॒सि॒ यदि॑⁠। यद्य॑व॒जिघ्र॑सि⁠। अ॒व॒जिघ्र॒सीत्य॑व—जिघ्र॑सि⁠॥ [५८] (यस्मि॑ न्न॒ष्टौ च॑) ॥२६॥
अनुवाकाः पञ्चशती
२६ ५८