कृष्ण यजुर्वेदीय तैत्तिरीय संहिता क्रम पाठः
सप्तमकाण्डे प्रथमः प्रश्नः

कांड ७ प्रश्न १
अश्वमेधगतमन्त्राणामभिधानं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
प्र॒जन॑न॒म् ज्योतिः॑⁠। प्र॒जन॑न॒मिति॑ प्र—जन॑नम्⁠। ज्योति॑र॒ग्निः⁠। अ॒ग्निर् दे॒वता॑नाम्⁠। दे॒वता॑ना॒म् ज्योतिः॑⁠। ज्योति॑र् वि॒राट्⁠। वि॒राट् छन्द॑साम्⁠। वि॒राडिति॑ वि—राट्⁠। छन्द॑सा॒म् ज्योतिः॑⁠। ज्योति॑र् वि॒राट्⁠। वि॒राड् वा॒चः⁠। वि॒राडिति॑ वि—राट्⁠। वा॒चो᳚ऽग्नौ⁠। अ॒ग्नौ सम्⁠। सम् ति॑ष्ठते⁠। ति॒ष्ठ॒ते॒ वि॒राज᳚म्⁠। वि॒राज॑म॒भि⁠। वि॒राज॒मिति॑ वि—राज᳚म्⁠। अ॒भि सम्⁠। सम् प॑द्यते⁠। प॒द्य॒ते॒ तस्मा᳚त्⁠। तस्मा॒त् तत्⁠। तज् ज्योतिः॑⁠। ज्योति॑रुच्यते⁠। उ॒च्य॒ते॒ द्वौ⁠। द्वौ स्तोमौ᳚⁠। स्तोमौ᳚ प्रातस्सव॒नम्⁠। प्रा॒त॒स्स॒व॒नव्ँव॑हतः⁠। प्रा॒त॒स्स॒व॒नमिति॑ प्रातः—स॒व॒नम्⁠। व॒ह॒तो॒ यथा᳚⁠। यथा᳚ प्रा॒णः⁠। प्रा॒णश्च॑⁠। प्रा॒ण इति॑ प्र—अ॒नः⁠। चा॒पा॒नः⁠। अ॒पा॒नश्च॑⁠। अ॒पा॒न इत्य॑प—अ॒नः⁠। च॒ द्वौ⁠। द्वौ माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। सव॑न॒य्ँयथा᳚⁠। यथा॒ चख्‍षुः॑⁠। चख्‍षु॑श्च⁠। च॒ श्रोत्र᳚म्⁠। श्रोत्र॑म् च⁠। च॒ द्वौ⁠। द्वौ तृ॑तीयसव॒नम्⁠। तृ॒ती॒य॒स॒व॒नय्ँयथा᳚⁠। तृ॒ती॒य॒स॒व॒नमिति॑ तृतीय—स॒व॒नम्⁠। यथा॒ वाक्⁠। वाक् च॑⁠। च॒ प्र॒ति॒ष्ठा⁠। प्र॒ति॒ष्ठा च॑⁠। प्र॒ति॒ष्ठेति॑ प्रति—स्था⁠। च॒ पुरु॑षसम्मितः⁠। पुरु॑षसम्मितो॒ वै⁠। पुरु॑षसम्मित॒ इति॒ पुरु॑ष—स॒म्मि॒तः॒⁠। वा ए॒षः⁠। ए॒ष य॒ज्ञः⁠। य॒ज्ञोऽस्थू॑रिः⁠। अस्थू॑रि॒र् यम्⁠। [१] यम् काम᳚म्⁠। काम॑म् का॒मय॑ते⁠। का॒मय॑ते॒ तम्⁠। तमे॒तेन॑⁠। ए॒तेना॒भि⁠। अ॒भ्य॑श्ञुते⁠। अ॒श्ञु॒ते॒ सर्व᳚म्⁠। सर्व॒ꣳ॒ हि⁠। ह्यस्थू॑रिणा⁠। अस्थू॑रिणाऽभ्यश्ञु॒ते⁠। अ॒भ्य॒श्ञु॒ते᳚ऽग्निष्टो॒मेन॑⁠। अ॒भ्य॒श्ञु॒त इत्य॑भि—अ॒श्ञु॒ते⁠। अ॒ग्नि॒ष्टो॒मेन॒ वै⁠। अ॒ग्नि॒ष्टो॒मेनेत्य॑ग्नि—स्तो॒मेन॑⁠। वै प्र॒जाप॑तिः⁠। प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा अ॑सृजत⁠। प्र॒जा इति॑ प्र—जाः⁠। अ॒सृ॒ज॒त॒ ताः⁠। ता अ॑ग्निष्टो॒मेन॑⁠। अ॒ग्नि॒ष्टो॒मेनै॒व⁠। अ॒ग्नि॒ष्टो॒मेनेत्य॑ग्नि—स्तो॒मेन॑⁠। ए॒व परि॑⁠। पर्य॑गृह्णात्⁠। अ॒गृ॒ह्णा॒त् तासा᳚म्⁠। तासा॒म् परि॑गृहीतानाम्⁠। परि॑गृहीतानामश्वत॒रः⁠। परि॑गृहीताना॒मिति॒ परि॑—गृ॒ही॒ता॒ना॒म्⁠। अ॒श्व॒त॒रोऽति॑⁠। अत्य॑प्रवत⁠। अ॒प्र॒व॒त॒ तस्य॑⁠। तस्या॑नु॒हाय॑⁠। अ॒नु॒हाय॒ रेतः॑⁠। अ॒नु॒हायेत्य॑नु—हाय॑⁠। रेत॒ आ⁠। आऽद॑त्त⁠। अ॒द॒त्त॒ तत्⁠। तद् ग॑र्द॒भे⁠। ग॒र्द॒भे नि⁠। न्य॑मार्ट्⁠। अ॒मा॒र्ट् तस्मा᳚त्⁠। तस्मा᳚द् गर्द॒भः⁠। ग॒र्द॒भो द्वि॒रेताः᳚⁠। द्वि॒रेता॒ अथो᳚⁠। द्वि॒रेता॒ इति॑ द्वि—रेताः᳚⁠। अथो॑ आहुः⁠। अथो॒ इत्यथो᳚⁠। आ॒हु॒र् वड॑बायाम्⁠। वड॑बाया॒म् नि⁠। न्य॑मार्ट्⁠। अ॒मा॒र्डिति॑⁠। इति॒ तस्मा᳚त्⁠। तस्मा॒द् वड॑बा⁠। वड॑बा द्वि॒रेताः᳚⁠। द्वि॒रेता॒ अथो᳚⁠। द्वि॒रेता॒ इति॑ द्वि—रेताः᳚⁠। अथो॑ आहुः⁠। अथो॒ इत्यथो᳚⁠। आ॒हु॒रोष॑धीषु⁠। ओष॑धीषु॒ नि⁠। [२] न्य॑मार्ट्⁠। अ॒मा॒र्डिति॑⁠। इति॒ तस्मा᳚त्⁠। तस्मा॒दोष॑धयः⁠। ओष॑ध॒योऽन॑भ्यक्ताः⁠। अन॑भ्यक्ता रेभन्ति⁠। अन॑भ्यक्ता॒ इत्यन॑भि—अ॒क्ताः॒⁠। रे॒भ॒न्त्यथो᳚⁠। अथो॑ आहुः⁠। अथो॒ इत्यथो᳚⁠। आ॒हुः॒ प्र॒जासु॑⁠। प्र॒जासु॒ नि⁠। प्र॒जास्विति॑ प्र—जासु॑⁠। न्य॑मार्ट्⁠। अ॒मा॒र्डिति॑⁠। इति॒ तस्मा᳚त्⁠। तस्मा᳚द् य॒मौ⁠। य॒मौ जा॑येते⁠। जा॒ये॒ते॒ तस्मा᳚त्⁠। जा॒ये॒ते॒ इति॑ जायेते⁠। तस्मा॑दश्वत॒रः⁠। अ॒श्व॒त॒रो न⁠। न प्र⁠। प्र जा॑यते⁠। जा॒य॒त॒ आत्त॑रेताः⁠। आत्त॑रेता॒ हि⁠। आत्त॑रेता॒ इत्यात्त॑—रे॒ताः॒⁠। हि तस्मा᳚त्⁠। तस्मा᳚द् ब॒र्॒‌हिषि॑⁠। ब॒र्॒‌हिष्यन॑वक्लृप्तः⁠। अन॑वक्लृप्तः सर्ववेद॒से⁠। अन॑वक्लृप्त॒ इत्यन॑व—क्लृ॒प्तः॒⁠। स॒र्व॒वे॒द॒से वा᳚⁠। स॒र्व॒वे॒द॒स इति॑ सर्व—वे॒द॒से⁠। वा॒ स॒हस्रे᳚⁠। स॒हस्रे॑ वा⁠। वाऽव॑क्लृप्तः⁠। अव॑क्लृ॒प्तोऽति॑⁠। अव॑क्लृप्त॒ इत्यव॑—क्लृ॒प्तः॒⁠। अति॒ हि⁠। ह्यप्र॑वत⁠। अप्र॑वत॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान॑ग्निष्टो॒मेन॑⁠। अ॒ग्नि॒ष्टो॒मेन॒ यज॑ते⁠। अ॒ग्नि॒ष्टो॒मेनेत्य॑ग्नि—स्तो॒मेन॑⁠। यज॑ते॒ प्र⁠। प्राजा॑ताः⁠। अजा॑ताः प्र॒जाः⁠। प्र॒जा ज॒नय॑ति⁠। प्र॒जा इति॑ प्र—जाः⁠। ज॒नय॑ति॒ परि॑⁠। परि॒ प्रजा॑ताः⁠। प्रजा॑ता गृह्णाति⁠। प्रजा॑ता॒ इति॒ प्र—जा॒ताः॒⁠। गृ॒ह्णा॒ति॒ तस्मा᳚त्⁠। तस्मा॑दाहुः⁠। आ॒हु॒र् ज्ये॒ष्ठ॒य॒ज्ञः⁠। ज्ये॒ष्ठ॒य॒ज्ञ इति॑⁠। ज्ये॒ष्ठ॒य॒ज्ञ इति॑ ज्येष्ठ—य॒ज्ञः⁠। इति॑ प्र॒जाप॑तिः⁠। [३] प्र॒जाप॑ति॒र् वाव⁠। प्र॒जाप॑ति॒रिति॑ प्र॒जा—प॒तिः॒⁠। वाव ज्येष्ठः॑⁠। ज्येष्ठः॒ सः⁠। स हि⁠। ह्ये॑तेन॑⁠। ए॒तेनाग्रे᳚⁠। अग्रेऽय॑जत⁠। अय॑जत प्र॒जाप॑तिः⁠। प्र॒जाप॑तिरकामयत⁠। प्र॒जाप॑ति॒रिति॑ प्र॒जा—प॒तिः॒⁠। अ॒का॒म॒य॒त॒ प्र⁠। प्र जा॑येय⁠। जा॒ये॒येति॑⁠। इति॒ सः⁠। स मु॑ख॒तः⁠। मु॒ख॒त स्त्रि॒वृत᳚म्⁠। त्रि॒वृत॒म् निः⁠। त्रि॒वृत॒मिति॑ त्रि—वृत᳚म्⁠। निर॑मिमीत⁠। अ॒मि॒मी॒त॒ तम्⁠। तम॒ग्निः⁠। अ॒ग्निर् दे॒वता᳚⁠। दे॒वताऽनु॑⁠। अन्व॑सृज्यत⁠। अ॒सृ॒ज्य॒त॒ गा॒य॒त्री⁠। गा॒य॒त्री छन्दः॑⁠। छन्दो॑ रथन्त॒रम्⁠। र॒थ॒न्त॒रꣳ साम॑⁠। र॒थ॒न्त॒रमिति॑ रथम्—त॒रम्⁠। साम॑ ब्राह्म॒णः⁠। ब्रा॒ह्म॒णो म॑नु॒ष्या॑णाम्⁠। म॒नु॒ष्या॑णाम॒जः⁠। अ॒जः प॑शू॒नाम्⁠। प॒शू॒नाम् तस्मा᳚त्⁠। तस्मा॒त् ते⁠। ते मुख्याः᳚⁠। मुख्या॑ मुख॒तः⁠। मु॒ख॒तो हि⁠। ह्यसृ॑ज्यन्त⁠। असृ॑ज्य॒न्तोर॑सः⁠। उर॑सो बा॒हुभ्या᳚म्⁠। बा॒हुभ्या᳚म् पञ्चद॒शम्⁠। बा॒हुभ्या॒मिति॑ बा॒हु—भ्या॒म्⁠। प॒ञ्च॒द॒शम् निः⁠। प॒ञ्च॒द॒शमिति॑ पञ्च—द॒शम्⁠। निर॑मिमीत⁠। अ॒मि॒मी॒त॒ तम्⁠। तमिन्द्रः॑⁠। इन्द्रो॑ दे॒वता᳚⁠। दे॒वताऽनु॑⁠। अन्व॑सृज्यत⁠। अ॒सृ॒ज्य॒त॒ त्रि॒ष्टुप्⁠। त्रि॒ष्टुप् छन्दः॑⁠। छन्दो॑ बृ॒हत्⁠। बृ॒हथ् साम॑⁠। [४] साम॑ राज॒न्यः॑⁠। रा॒ज॒न्यो॑ मनु॒ष्या॑णाम्⁠। म॒नु॒ष्या॑णा॒मविः॑⁠। अविः॑ पशू॒नाम्⁠। प॒शू॒नाम् तस्मा᳚त्⁠। तस्मा॒त् ते⁠। ते वी॒र्या॑वन्तः⁠। वी॒र्या॑वन्तो वी॒र्या᳚त्⁠। वी॒र्या॑वन्त॒ इति॑ वी॒र्य॑—व॒न्तः॒⁠। वी॒र्या᳚द्‌धि⁠। ह्यसृ॑ज्यन्त⁠। असृ॑ज्यन्त मद्ध्य॒तः⁠। म॒द्ध्य॒तः स॑प्तद॒शम्⁠। स॒प्त॒द॒शम् निः⁠। स॒प्त॒द॒शमिति॑ सप्त—द॒शम्⁠। निर॑मिमीत⁠। अ॒मि॒मी॒त॒ तम्⁠। तव्ँविश्वे᳚⁠। विश्वे॑ दे॒वाः⁠। दे॒वा दे॒वताः᳚⁠। दे॒वता॒ अनु॑⁠। अन्व॑सृज्यन्त⁠। अ॒सृ॒ज्य॒न्त॒ जग॑ती⁠। जग॑ती॒ छन्दः॑⁠। छन्दो॑ वैरू॒पम्⁠। वै॒रू॒पꣳ साम॑⁠। साम॒ वैश्यः॑⁠। वैश्यो॑ मनु॒ष्या॑णाम्⁠। म॒नु॒ष्या॑णा॒म् गावः॑⁠। गावः॑ पशू॒नाम्⁠। प॒शू॒नाम् तस्मा᳚त्⁠। तस्मा॒त् ते⁠। त आ॒द्याः᳚⁠। आ॒द्या॑ अन्न॒धाना᳚त्⁠। अ॒न्न॒धाना॒द्‌धि⁠। अ॒न्न॒धाना॒दित्य॑न्न—धाना᳚त्⁠। ह्यसृ॑ज्यन्त⁠। असृ॑ज्यन्त॒ तस्मा᳚त्⁠। तस्मा॒द् भूया॑ꣳसः⁠। भूया॑ꣳसो॒ऽन्येभ्यः॑⁠। अ॒न्येभ्यो॒ भूयि॑ष्ठाः⁠। भूयि॑ष्ठा॒ हि⁠। हि दे॒वताः᳚⁠। दे॒वता॒ अनु॑⁠। अन्वसृ॑ज्यन्त⁠। असृ॑ज्यन्त प॒त्तः⁠। प॒त्त ए॑कवि॒ꣳ॒शम्⁠। ए॒क॒वि॒ꣳ॒शम् निः⁠। ए॒क॒वि॒ꣳ॒शमित्ये॑क—वि॒ꣳ॒शम्⁠। निर॑मिमीत⁠। अ॒मि॒मी॒त॒ तम्⁠। तम॑नु॒ष्टुप्⁠। अ॒नु॒ष्टुप् छन्दः॑⁠। अ॒नु॒ष्टुबित्य॑नु—स्तुप्⁠। छन्दोऽनु॑⁠। [५] अन्व॑सृज्यत⁠। अ॒सृ॒ज्य॒त॒ वै॒रा॒जम्⁠। वै॒रा॒जꣳ साम॑⁠। साम॑ शू॒द्रः⁠। शू॒द्रो म॑नु॒ष्या॑णाम्⁠। म॒नु॒ष्या॑णा॒मश्वः॑⁠। अश्वः॑ पशू॒नाम्⁠। प॒शू॒नाम् तस्मा᳚त्⁠। तस्मा॒त् तौ⁠। तौ भू॑तसङ्‍क्रा॒मिणौ᳚⁠। भू॒त॒स॒ङ्‍क्रा॒मिणा॒वश्वः॑⁠। भू॒त॒स॒ङ्‍क्रा॒मिणा॒विति॑ भूत—स॒ङ्‍क्रा॒मिणौ᳚⁠। अश्व॑श्च⁠। च॒ शू॒द्रः⁠। शू॒द्रश्च॑⁠। च॒ तस्मा᳚त्⁠। तस्मा᳚च्छू॒द्रः⁠। शू॒द्रो य॒ज्ञे⁠। य॒ज्ञेऽन॑वक्लृप्तः⁠। अन॑वक्लृप्तो॒ न⁠। अन॑वक्लृप्त॒ इत्यन॑व—क्लृ॒प्तः॒⁠। न हि⁠। हि दे॒वताः᳚⁠। दे॒वता॒ अनु॑⁠। अन्वसृ॑ज्यत⁠। असृ॑ज्यत॒ तस्मा᳚त्⁠। तस्मा॒त् पादौ᳚⁠। पादा॒वुप॑⁠। उप॑ जीवतः⁠। जी॒व॒तः॒ प॒त्तः⁠। प॒त्तो हि⁠। ह्यसृ॑ज्येताम्⁠। असृ॑ज्येताम् प्रा॒णाः⁠। प्रा॒णा वै⁠। प्रा॒णा इति॑ प्र—अ॒नाः⁠। वै त्रि॒वृत्⁠। त्रि॒वृद॑र्द्धमा॒साः⁠। त्रि॒वृदिति॑ त्रि—वृत्⁠। अ॒र्द्ध॒मा॒साः प॑ञ्चद॒शः⁠। अ॒र्द्ध॒मा॒सा इत्य॑र्द्ध—मा॒साः⁠। प॒ञ्च॒द॒शः प्र॒जाप॑तिः⁠। प॒ञ्च॒द॒श इति॑ पञ्च—द॒शः⁠। प्र॒जाप॑तिः सप्तद॒शः⁠। प्र॒जाप॑ति॒रिति॑ प्र॒जा—प॒तिः॒⁠। स॒प्त॒द॒शस्त्रयः॑⁠। स॒प्त॒द॒श इति॑ सप्त—द॒शः⁠। त्रय॑ इ॒मे⁠। इ॒मे लो॒काः⁠। लो॒का अ॒सौ⁠। अ॒सावा॑दि॒त्यः⁠। आ॒दि॒त्य ए॑कवि॒ꣳ॒शः⁠। ए॒क॒वि॒ꣳ॒श ए॒तस्मि॑न्न्⁠। ए॒क॒वि॒ꣳ॒श इत्ये॑क—वि॒ꣳ॒शः⁠। ए॒तस्मि॒न् वै⁠। वा ए॒ते⁠। ए॒ते श्रि॒ताः⁠। श्रि॒ता ए॒तस्मि॑न्न्⁠। ए॒तस्मि॒न् प्रति॑ष्ठिताः⁠। प्रति॑ष्ठिता॒ यः⁠। प्रति॑ष्ठिता॒ इति॒ प्रति॑—स्थि॒ताः॒⁠। य ए॒वम्⁠। ए॒वव्ँवेद॑⁠। वेदै॒तस्मि॑न्न्⁠। ए॒तस्मि॑न्ने॒व⁠। ए॒व श्र॑यते⁠। श्र॒य॒त॒ ए॒तस्मि॑न्न्⁠। ए॒तस्मि॒न् प्रति॑⁠। प्रति॑ तिष्ठति⁠। ति॒ष्ठ॒तीति॑ तिष्ठति⁠॥ [६] (अस्थू॑रि॒ रोष॑धीषु ज्येष्ठय॒ज्ञ इति॑ बृ॒ह द॑नु॒ष्टुप् छन्दः॒ प्रति॑ष्ठिता॒ नव॑ च) ॥१॥
प्रा॒त॒स्स॒व॒ने वै⁠। प्रा॒त॒स्स॒व॒न इति॑ प्रातः—स॒व॒ने⁠। वै गा॑य॒त्रेण॑⁠। गा॒य॒त्रेण॒ छन्द॑सा⁠। छन्द॑सा त्रि॒वृते᳚⁠। त्रि॒वृते॒ स्तोमा॑य⁠। त्रि॒वृत॒ इति॑ त्रि—वृते᳚⁠। स्तोमा॑य॒ ज्योतिः॑⁠। ज्योति॒र् दध॑त्⁠। दध॑देति⁠। ए॒ति॒ त्रि॒वृता᳚⁠। त्रि॒वृता᳚ ब्रह्मवर्च॒सेन॑⁠। त्रि॒वृतेति॑ त्रि—वृता᳚⁠। ब्र॒ह्म॒व॒र्च॒सेन॑ पञ्चद॒शाय॑⁠। ब्र॒ह्म॒व॒र्च॒सेनेति॑ ब्रह्म—व॒र्च॒सेन॑⁠। प॒ञ्च॒द॒शाय॒ ज्योतिः॑⁠। प॒ञ्च॒द॒शायेति॑ पञ्च—द॒शाय॑⁠। ज्योति॒र् दध॑त्⁠। दध॑देति⁠। ए॒ति॒ प॒ञ्च॒द॒शेन॑⁠। प॒ञ्च॒द॒शेनौज॑सा⁠। प॒ञ्च॒द॒शेनेति॑ पञ्च—द॒शेन॑⁠। ओज॑सा वी॒र्ये॑ण⁠। वी॒र्ये॑ण सप्तद॒शाय॑⁠। स॒प्त॒द॒शाय॒ ज्योतिः॑⁠। स॒प्त॒द॒शायेति॑ सप्त—द॒शाय॑⁠। ज्योति॒र् दध॑त्⁠। दध॑देति⁠। ए॒ति॒ स॒प्त॒द॒शेन॑⁠। स॒प्त॒द॒शेन॑ प्राजाप॒त्येन॑⁠। स॒प्त॒द॒शेनेति॑ सप्त—द॒शेन॑⁠। प्रा॒जा॒प॒त्येन॑ प्र॒जन॑नेन⁠। प्रा॒जा॒प॒त्येनेति॑ प्राजा—प॒त्येन॑⁠। प्र॒जन॑नेनैकवि॒ꣳ॒शाय॑⁠। प्र॒जन॑ने॒नेति॑ प्र—जन॑नेन⁠। ए॒क॒वि॒ꣳ॒शाय॒ ज्योतिः॑⁠। ए॒क॒वि॒ꣳ॒शायेत्ये॑क—वि॒ꣳ॒शाय॑⁠। ज्योति॒र् दध॑त्⁠। दध॑देति⁠। ए॒ति॒ स्तोमः॑⁠। स्तोम॑ ए॒व⁠। ए॒व तत्⁠। तथ् स्तोमा॑य⁠। स्तोमा॑य॒ ज्योतिः॑⁠। ज्योति॒र् दध॑त्⁠। दध॑देति⁠। ए॒त्यथो᳚⁠। अथो॒ स्तोमे᳚⁠। अथो॒ इत्यथो᳚⁠। स्तोम॑ ए॒व⁠। ए॒व स्तोम᳚म्⁠। स्तोम॑म॒भि⁠। अ॒भि प्र⁠। प्र ण॑यति⁠। न॒य॒ति॒ याव॑न्तः⁠। याव॑न्तो॒ वै⁠। वै स्तोमाः᳚⁠। स्तोमा॒स्ताव॑न्तः⁠। ताव॑न्तः॒ कामाः᳚⁠। कामा॒स्ताव॑न्तः⁠। ताव॑न्तो लो॒काः⁠। लो॒कास्ताव॑न्ति⁠। ताव॑न्ति॒ ज्योती॑ꣳषि⁠। ज्योती॑ꣴष्ये॒ताव॑तः⁠। ए॒ताव॑त ए॒व⁠। ए॒व स्तोमा॑न्⁠। स्तोमा॑ने॒ताव॑तः⁠। ए॒ताव॑तः॒ कामा॑न्⁠। कामा॑ने॒ताव॑तः⁠। ए॒ताव॑तो लो॒कान्⁠। लो॒काने॒ताव॑न्ति⁠। ए॒ताव॑न्ति॒ ज्योती॑ꣳषि⁠। ज्योती॒ꣴ॒ष्यव॑⁠। अव॑ रुन्धे⁠। रु॒न्ध॒ इति॑ रुन्धे⁠॥ [७] (ताव॑न्तो लो॒का स्त्रयो॑दश च) ॥२॥
ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ सः⁠। स तु⁠। त्वै⁠। वै य॑जेत⁠। य॒जे॒त॒ यः⁠। यो᳚ऽग्निष्टो॒मेन॑⁠। अ॒ग्नि॒ष्टो॒मेन॒ यज॑मानः⁠। अ॒ग्नि॒ष्टो॒मेनेत्य॑ग्नि—स्तो॒मेन॑⁠। यज॑मा॒नोऽथ॑⁠। अथ॒ सर्व॑स्तोमेन⁠। सर्व॑स्तोमेन॒ यजे॑त⁠। सर्व॑स्तोमे॒नेति॒ सर्व॑—स्तो॒मे॒न॒⁠। यजे॒तेति॑⁠। इति॒ यस्य॑⁠। यस्य॑ त्रि॒वृत᳚म्⁠। त्रि॒वृत॑मन्त॒र्यन्ति॑⁠। त्रि॒वृत॒मिति॑ त्रि—वृत᳚म्⁠। अ॒न्त॒र्यन्ति॑ प्रा॒णान्⁠। अ॒न्त॒र्य॒न्तीत्य॑न्तः—यन्ति॑⁠। प्रा॒णाꣴस्तस्य॑⁠। प्रा॒णानिति॑ प्र—अ॒नान्⁠। तस्या॒न्तः⁠। अ॒न्तर्य॑न्ति⁠। य॒न्ति॒ प्रा॒णेषु॑⁠। प्रा॒णेषु॑ मे⁠। प्रा॒णेष्विति॑ प्र—अ॒नेषु॑⁠। मेऽपि॑⁠। अप्य॑सत्⁠। अ॒स॒दिति॑⁠। इति॒ खलु॑⁠। खलु॒ वै⁠। वै य॒ज्ञेन॑⁠। य॒ज्ञेन॒ यज॑मानः⁠। यज॑मानो यजते⁠। य॒ज॒ते॒ यस्य॑⁠। यस्य॑ पञ्चद॒शम्⁠। प॒ञ्च॒द॒शम॑न्त॒र्यन्ति॑⁠। प॒ञ्च॒द॒शमिति॑ पञ्च—द॒शम्⁠। अ॒न्त॒र्यन्ति॑ वी॒र्य᳚म्⁠। अ॒न्त॒र्यन्तीत्य॑न्तः—यन्ति॑⁠। वी॒र्य॑म् तस्य॑⁠। तस्या॒न्तः⁠। अ॒न्तर्य॑न्ति⁠। य॒न्ति॒ वी॒र्ये᳚⁠। वी॒र्ये॑ मे⁠। मेऽपि॑⁠। अप्य॑सत्⁠। अ॒स॒दिति॑⁠। इति॒ खलु॑⁠। खलु॒ वै⁠। वै य॒ज्ञेन॑⁠। य॒ज्ञेन॒ यज॑मानः⁠। यज॑मानो यजते⁠। य॒ज॒ते॒ यस्य॑⁠। यस्य॑ सप्तद॒शम्⁠। स॒प्त॒द॒शम॑न्त॒र्यन्ति॑⁠। स॒प्त॒द॒शमिति॑ सप्त—द॒शम्⁠। अ॒न्त॒र्यन्ति॑ प्र॒जाम्⁠। अ॒न्त॒र्यन्तीत्य॑न्तः—यन्ति॑⁠। [८] प्र॒जाम् तस्य॑⁠। प्र॒जामिति॑ प्र—जाम्⁠। तस्या॒न्तः⁠। अ॒न्तर् य॑न्ति⁠। य॒न्ति॒ प्र॒जाया᳚म्⁠। प्र॒जाया᳚म् मे⁠। प्र॒जाया॒मिति॑ प्र—जाया᳚म्⁠। मेऽपि॑⁠। अप्य॑सत्⁠। अ॒स॒दिति॑⁠। इति॒ खलु॑⁠। खलु॒ वै⁠। वै य॒ज्ञेन॑⁠। य॒ज्ञेन॒ यज॑मानः⁠। यज॑मानो यजते⁠। य॒ज॒ते॒ यस्य॑⁠। यस्यै॑कवि॒ꣳ॒शम्⁠। ए॒क॒वि॒ꣳ॒शम॑न्त॒र्यन्ति॑⁠। ए॒क॒वि॒ꣳ॒शमित्ये॑क—वि॒ꣳ॒शम्⁠। अ॒न्त॒र्यन्ति॑ प्रति॒ष्ठाम्⁠। अ॒न्त॒र्यन्तीत्य॑न्तः—यन्ति॑⁠। प्र॒ति॒ष्ठाम् तस्य॑⁠। प्र॒ति॒ष्ठामिति॑ प्रति—स्थाम्⁠। तस्या॒न्तः⁠। अ॒न्तर् य॑न्ति⁠। य॒न्ति॒ प्र॒ति॒ष्ठाया᳚म्⁠। प्र॒ति॒ष्ठाया᳚म् मे⁠। प्र॒ति॒ष्ठाया॒मिति॑ प्रति—स्थाया᳚म्⁠। मेऽपि॑⁠। अप्य॑सत्⁠। अ॒स॒दिति॑⁠। इति॒ खलु॑⁠। खलु॒ वै⁠। वै य॒ज्ञेन॑⁠। य॒ज्ञेन॒ यज॑मानः⁠। यज॑मानो यजते⁠। य॒ज॒ते॒ यस्य॑⁠। यस्य॑ त्रिण॒वम्⁠। त्रि॒ण॒वम॑न्त॒र्यन्ति॑⁠। त्रि॒ण॒वमिति॑ त्रि—न॒वम्⁠। अ॒न्त॒र्यन्त्यृ॒तून्⁠। अ॒न्त॒र्यन्तीत्य॑न्तः—यन्ति॑⁠। ऋ॒तूꣴश्च॑⁠। च॒ तस्य॑⁠। तस्य॑ नख्‍ष॒त्रिया᳚म्⁠। न॒ख्‍ष॒त्रिया᳚म् च⁠। च॒ वि॒राज᳚म्⁠। वि॒राज॑म॒न्तः⁠। वि॒राज॒मिति॑ वि—राज᳚म्⁠। अ॒न्तर् य॑न्ति⁠। य॒न्त्यृ॒तुषु॑⁠। ऋ॒तुषु॑ मे⁠। मेऽपि॑⁠। अप्य॑सत्⁠। अ॒स॒न् न॒ख्‍ष॒त्रिया॑याम्⁠। न॒ख्‍ष॒त्रिया॑याम् च⁠। च॒ वि॒राजि॑⁠। वि॒राजीति॑⁠। वि॒राजीति॑ वि—राजि॑⁠। इति॒ खलु॑⁠। [९] खलु॒ वै⁠। वै य॒ज्ञेन॑⁠। य॒ज्ञेन॒ यज॑मानः⁠। यज॑मानो यजते⁠। य॒ज॒ते॒ यस्य॑⁠। यस्य॑ त्रयस्त्रि॒ꣳ॒शम्⁠। त्र॒य॒स्त्रि॒ꣳ॒शम॑न्त॒र्यन्ति॑⁠। त्र॒य॒स्त्रि॒ꣳ॒शमिति॑ त्रयः—त्रि॒ꣳ॒शम्⁠। अ॒न्त॒र्यन्ति॑ दे॒वताः᳚⁠। अ॒न्त॒र्यन्तीत्य॑न्तः—यन्ति॑⁠। दे॒वता॒स्तस्य॑⁠। तस्या॒न्तः⁠। अ॒न्तर् य॑न्ति⁠। य॒न्ति॒ दे॒वता॑सु⁠। दे॒वता॑सु मे⁠। मेऽपि॑⁠। अप्य॑सत्⁠। अ॒स॒दिति॑⁠। इति॒ खलु॑⁠। खलु॒ वै⁠। वै य॒ज्ञेन॑⁠। य॒ज्ञेन॒ यज॑मानः⁠। यज॑मानो यजते⁠। य॒ज॒ते॒ यः⁠। यो वै⁠। वै स्तोमा॑नाम्⁠। स्तोमा॑नामव॒मम्⁠। अ॒व॒मम् प॑र॒मता᳚म्⁠। प॒र॒मता॒म् गच्छ॑न्तम्⁠। गच्छ॑न्त॒व्ँवेद॑⁠। वेद॑ पर॒मता᳚म्⁠। प॒र॒मता॑मे॒व⁠। ए॒व ग॑च्छति⁠। ग॒च्छ॒ति॒ त्रि॒वृत्⁠। त्रि॒वृद् वै⁠। त्रि॒वृदिति॑ त्रि—वृत्⁠। वै स्तोमा॑नाम्⁠। स्तोमा॑नामव॒मः⁠। अ॒व॒मस्त्रि॒वृत्⁠। त्रि॒वृत् प॑र॒मः⁠। त्रि॒वृदिति॑ त्रि—वृत्⁠। प॒र॒मो यः⁠। य ए॒वम्⁠। ए॒वव्ँवेद॑⁠। वेद॑ पर॒मता᳚म्⁠। प॒र॒मता॑मे॒व⁠। ए॒व ग॑च्छति⁠। ग॒च्छ॒तीति॑ गच्छति⁠॥ [१०] (स॒प्त॒द॒शम॑न्त॒र्यन्ति॑ वि॒राजीति॒ चतु॑श्चत्वारिꣳशच्च) ॥३॥
अङ्‍गि॑रसो॒ वै⁠। वै स॒त्रम्⁠। स॒त्रमा॑सत⁠। आ॒स॒त॒ ते⁠। ते सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमा॑यन्न्⁠। आ॒य॒न् तेषा᳚म्⁠। तेषा॑ꣳ ह॒विष्मा॑न्⁠। ह॒विष्मा॑ꣴश्च⁠। च॒ ह॒वि॒ष्कृत्⁠। ह॒वि॒ष्कृच् च॑⁠। ह॒वि॒ष्कृदिति॑ हविः—कृत्⁠। चा॒ही॒ये॒ता॒म्⁠। अ॒ही॒ये॒ता॒म् तौ⁠। ताव॑कामयेताम्⁠। अ॒का॒म॒ये॒ता॒ꣳ॒ सु॒व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमि॑याव⁠। इ॒या॒वेति॑⁠। इति॒ तौ⁠। तावे॒तम्⁠। ए॒तम् द्वि॑रा॒त्रम्⁠। द्वि॒रा॒त्रम॑पश्यताम्⁠। द्वि॒रा॒त्रमिति॑ द्वि—रा॒त्रम्⁠। अ॒प॒श्य॒ता॒म् तम्⁠। तमा⁠। आऽह॑रताम्⁠। अ॒ह॒र॒ता॒म् तेन॑⁠। तेना॑यजेताम्⁠। अ॒य॒जे॒ता॒म् ततः॑⁠। ततो॒ वै⁠। वै तौ⁠। तौ सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमै॑ताम्⁠। ऐ॒ता॒य्ँयः⁠। य ए॒वम्⁠। ए॒वव्ँवि॒द्वान्⁠। वि॒द्वान् द्वि॑रा॒त्रेण॑⁠। द्वि॒रा॒त्रेण॒ यज॑ते⁠। द्वि॒रा॒त्रेणेति॑ द्वि—रा॒त्रेण॑⁠। यज॑ते सुव॒र्गम्⁠। सु॒व॒र्गमे॒व⁠। सु॒व॒र्गमिति॑ सुवः—गम्⁠। ए॒व लो॒कम्⁠। लो॒कमे॑ति⁠। ए॒ति॒ तौ⁠। तावैता᳚म्⁠। ऐता॒म् पूर्वे॑ण⁠। पूर्वे॒णाह्ना᳚⁠। अह्नाऽग॑च्छताम्⁠। अग॑च्छता॒मुत्त॑रेण⁠। उत्त॑रेणाभिप्ल॒वः⁠। उत्त॑रे॒णेत्युत्—त॒रे॒ण॒⁠। [११] अ॒भि॒प्ल॒वः पूर्व᳚म्⁠। अ॒भि॒प्ल॒व इत्य॑भि—प्ल॒वः⁠। पूर्व॒महः॑⁠। अह॑र् भवति⁠। भ॒व॒ति॒ गतिः॑⁠। गति॒रुत्त॑रम्⁠। उत्त॑र॒म् ज्योति॑ष्टोमः⁠। उत्त॑र॒मित्युत्—त॒र॒म्⁠। ज्योति॑ष्टोमोऽग्निष्टो॒मः⁠। ज्योति॑ष्टोम॒ इति॒ ज्योतिः॑—स्तो॒मः॒⁠। अ॒ग्नि॒ष्टो॒मः पूर्व᳚म्⁠। अ॒ग्नि॒ष्टो॒म इत्य॑ग्नि—स्तो॒मः⁠। पूर्व॒महः॑⁠। अह॑र् भवति⁠। भ॒व॒ति॒ तेजः॑⁠। तेज॒स्तेन॑⁠। तेनाव॑⁠। अव॑ रुन्धे⁠। रु॒न्धे॒ सर्व॑स्तोमः⁠। सर्व॑स्तोमोऽतिरा॒त्रः⁠। सर्व॑स्तोम॒ इति॒ सर्व॑—स्तो॒मः॒⁠। अ॒ति॒रा॒त्र उत्त॑रम्⁠। अ॒ति॒रा॒त्र इत्य॑ति—रा॒त्रः⁠। उत्त॑र॒ꣳ॒ सर्व॑स्य⁠। उत्त॑र॒मित्युत्—त॒र॒म्⁠। सर्व॒स्याप्त्यै᳚⁠। आप्त्यै॒ सर्व॑स्य⁠। सर्व॒स्याव॑रुद्ध्यै⁠। अव॑रुद्ध्यै गाय॒त्रम्⁠। अव॑रुद्ध्या॒ इत्यव॑—रु॒द्ध्यै॒⁠। गा॒य॒त्रम् पूर्वे᳚⁠। पूर्वेऽह॑न्न्⁠। अह॒न्थ् साम॑⁠। साम॑ भवति⁠। भ॒व॒ति॒ तेजः॑⁠। तेजो॒ वै⁠। वै गा॑य॒त्री⁠। गा॒य॒त्री गा॑य॒त्री⁠। गा॒य॒त्री ब्र॑ह्मवर्च॒सम्⁠। ब्र॒ह्म॒व॒र्च॒सम् तेजः॑⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। तेज॑ ए॒व⁠। ए॒व ब्र॑ह्मवर्च॒सम्⁠। ब्र॒ह्म॒व॒र्च॒समा॒त्मन्न्⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। आ॒त्मन् ध॑त्ते⁠। ध॒त्ते॒ त्रैष्टु॑भम्⁠। त्रैष्टु॑भ॒मुत्त॑रे⁠। उत्त॑र॒ ओजः॑⁠। उत्त॑र॒ इत्युत्—त॒रे॒⁠। ओजो॒ वै⁠। वै वी॒र्य᳚म्⁠। वी॒र्य॑म् त्रि॒ष्टुक्⁠। त्रि॒ष्टुगोजः॑⁠। ओज॑ ए॒व⁠। ए॒व वी॒र्य᳚म्⁠। वी॒र्य॑मा॒त्मन्न्⁠। आ॒त्मन् ध॑त्ते⁠। ध॒त्ते॒ र॒थ॒न्त॒रम्⁠। र॒थ॒न्त॒रम् पूर्वे᳚⁠। र॒थ॒न्त॒रमिति॑ रथम्—त॒रम्⁠। पूर्वेऽह॑न्न्⁠। [१२] अह॒न्थ् साम॑⁠। साम॑ भवति⁠। भ॒व॒ती॒यम्⁠। इ॒यव्ँवै⁠। वै र॑थन्त॒रम्⁠। र॒थ॒न्त॒रम॒स्याम्⁠। र॒थ॒न्त॒रमिति॑ रथम्—त॒रम्⁠। अ॒स्यामे॒व⁠। ए॒व प्रति॑⁠। प्रति॑ तिष्ठति⁠। ति॒ष्ठ॒ति॒ बृ॒हत्⁠। बृ॒हदुत्त॑रे⁠। उत्त॑रे॒ऽसौ⁠। उत्त॑र॒ इत्युत्—त॒रे॒⁠। अ॒सौ वै⁠। वै बृ॒हत्⁠। बृ॒हद॒मुष्या᳚म्⁠। अ॒मुष्या॑मे॒व⁠। ए॒व प्रति॑⁠। प्रति॑ तिष्ठति⁠। ति॒ष्ठ॒ति॒ तत्⁠। तदा॑हुः⁠। आ॒हुः॒ क्व॑⁠। क्व॑ जग॑ती⁠। जग॑ती च⁠। चा॒नु॒ष्टुप्⁠। अ॒नु॒ष्टुप् च॑⁠। अ॒नु॒ष्टुबित्य॑नु—स्तुप्⁠। चेति॑⁠। इति॑ वैखान॒सम्⁠। वै॒खा॒न॒सम् पूर्वे᳚⁠। पूर्वेऽह॑न्न्⁠। अह॒न्थ् साम॑⁠। साम॑ भवति⁠। भ॒व॒ति॒ तेन॑⁠। तेन॒ जग॑त्यै⁠। जग॑त्यै॒ न⁠। नैति॑⁠। ए॒ति॒ षो॒ड॒शि⁠। षो॒ड॒श्युत्त॑रे⁠। उत्त॑रे॒ तेन॑⁠। उत्त॑र॒ इत्युत्—त॒रे॒⁠। तेना॑नु॒ष्टुभः॑⁠। अ॒नु॒ष्टुभोऽथ॑⁠। अ॒नु॒ष्टुभ॒ इत्य॑नु—स्तुभः॑⁠। अथा॑हुः⁠। आ॒हु॒र् यत्⁠। यथ् स॑मा॒ने⁠। स॒मा॒ने᳚ऽर्द्धमा॒से⁠। अ॒र्द्ध॒मा॒से स्याता᳚म्⁠। अ॒र्द्ध॒मा॒स इत्य॑र्द्ध—मा॒से⁠। स्याता॑मन्यत॒रस्य॑⁠। अ॒न्य॒त॒रस्याह्नः॑⁠। अह्नो॑ वी॒र्य᳚म्⁠। वी॒र्य॑मनु॑⁠। अनु॑ पद्येत⁠। प॒द्ये॒तेति॑⁠। इत्य॑मावा॒स्या॑याम्⁠। अ॒मा॒वा॒स्या॑या॒म् पूर्व᳚म्⁠। अ॒मा॒वा॒स्या॑या॒मित्य॑मा—वा॒स्या॑याम्⁠। पूर्व॒महः॑⁠। अह॑र् भवति⁠। भ॒व॒त्युत्त॑रस्मिन्न्⁠। उत्त॑रस्मि॒न्नुत्त॑रम्⁠। उत्त॑रस्मि॒न्नित्युत्—त॒र॒स्मि॒न्न्॒⁠। उत्त॑र॒म् नाना᳚⁠। उत्त॑र॒मित्युत्—त॒र॒म्⁠। नानै॒व⁠। ए॒वार्द्ध॑मा॒सयोः᳚⁠। अ॒र्द्ध॒मा॒सयो᳚र् भवतः⁠। अ॒र्द्ध॒मा॒सयो॒रित्य॑र्द्ध—मा॒सयोः᳚⁠। भ॒व॒तो॒ नाना॑वीर्ये⁠। नाना॑वीर्ये भवतः⁠। नाना॑वीर्ये॒ इति॒ नाना᳚—वी॒र्ये॒⁠। भ॒व॒तो॒ ह॒विष्म॑न्निधनम्⁠। ह॒विष्म॑न्निधन॒म् पूर्व᳚म्⁠। ह॒विष्म॑न्निधन॒मिति॑ ह॒विष्म॑त्—नि॒ध॒न॒म्⁠। पूर्व॒महः॑⁠। अह॑र् भवति⁠। भ॒व॒ति॒ ह॒वि॒ष्कृन्नि॑धनम्⁠। ह॒वि॒ष्कृन्नि॑धन॒मुत्त॑रम्⁠। ह॒वि॒ष्कृन्नि॑धन॒मिति॑ हवि॒ष्कृत्—नि॒ध॒न॒म्⁠। उत्त॑र॒म् प्रति॑ष्ठित्यै⁠। उत्त॑र॒मित्युत्—त॒र॒म्⁠। प्रति॑ष्ठित्या॒ इति॒ प्रति॑—स्थि॒त्यै॒⁠॥ [१३] (उत्त॑रेण रथन्त॒रम् पूर्वे ऽन्वे क॑विꣳशतिश्च) ॥४॥
आपो॒ वै⁠। वा इ॒दम्⁠। इ॒दमग्रे᳚⁠। अग्रे॑ सलि॒लम्⁠। स॒लि॒लमा॑सीत्⁠। आ॒सी॒त् तस्मि॑न्न्⁠। तस्मि॑न् प्र॒जाप॑तिः⁠। प्र॒जाप॑तिर् वा॒युः⁠। प्र॒जाप॑ति॒रिति॑ प्र॒जा—प॒तिः॒⁠। वा॒युर् भू॒त्वा⁠। भू॒त्वाऽच॑रत्⁠। अ॒च॒र॒थ् सः⁠। स इ॒माम्⁠। इ॒माम॑पश्यत्⁠। अ॒प॒श्य॒त् ताम्⁠। ताव्ँव॑रा॒हः⁠। व॒रा॒हो भू॒त्वा⁠। भू॒त्वा ऽऽ ह॑रत्⁠। आ ऽह॑रत्⁠। अ॒ह॒र॒त् ताम्⁠। ताव्ँवि॒श्वक॑र्मा⁠। वि॒श्वक॑र्मा भू॒त्वा⁠। वि॒श्वक॒र्मेति॑ वि॒श्व—क॒र्मा॒⁠। भू॒त्वा वि⁠। व्य॑मार्ट्⁠। अ॒मा॒र्‌ट्थ् सा⁠। साऽप्र॑थत⁠। अ॒प्र॒थ॒त॒ सा⁠। सा पृ॑थि॒वी⁠। पृ॒थि॒व्य॑भवत्⁠। अ॒भ॒व॒त् तत्⁠। तत् पृ॑थि॒व्यै⁠। पृ॒थि॒व्यै पृ॑थिवि॒त्वम्⁠। पृ॒थि॒वि॒त्वम् तस्या᳚म्⁠। पृ॒थि॒वि॒त्वमिति॑ पृथिवि—त्वम्⁠। तस्या॑मश्राम्यत्⁠। अ॒श्रा॒म्य॒त् प्र॒जाप॑तिः⁠। प्र॒जाप॑तिः॒ सः⁠। प्र॒जाप॑ति॒रिति॑ प्र॒जा—प॒तिः॒⁠। स दे॒वान्⁠। दे॒वान॑सृजत⁠। अ॒सृ॒ज॒त॒ वसू॑न्⁠। वसू᳚न् रु॒द्रान्⁠। रु॒द्राना॑दि॒त्यान्⁠। आ॒दि॒त्यान् ते⁠। ते दे॒वाः⁠। दे॒वाः प्र॒जाप॑तिम्⁠। प्र॒जाप॑तिमब्रुवन्न्⁠। प्र॒जाप॑ति॒मिति॑ प्र॒जा—प॒ति॒म्⁠। अ॒ब्रु॒व॒न् प्र⁠। प्र जा॑यामहै⁠। जा॒या॒म॒हा॒ इति॑⁠। इति॒ सः⁠। सो᳚ऽब्रवीत्⁠। अ॒ब्र॒वी॒द् यथा᳚⁠। [१४] यथा॒हम्⁠। अ॒हय्ँयु॒ष्मान्⁠। यु॒ष्माꣴस्तप॑सा⁠। तप॒साऽसृ॑ख्‍षि⁠। असृ॑ख्‍ष्ये॒वम्⁠। ए॒वम् तप॑सि⁠। तप॑सि प्र॒जन॑नम्⁠। प्र॒जन॑नमिच्छद्ध्वम्⁠। प्र॒जन॑न॒मिति॑ प्र—जन॑नम्⁠। इ॒च्छ॒द्ध्व॒मिति॑⁠। इति॒ तेभ्यः॑⁠। तेभ्यो॒ऽग्निम्⁠। अ॒ग्निमा॒यत॑नम्⁠। आ॒यत॑न॒म् प्र⁠। आ॒यत॑न॒मित्या᳚—यत॑नम्⁠। प्राय॑च्छत्⁠। अ॒य॒च्छ॒दे॒तेन॑⁠। ए॒तेना॒यत॑नेन⁠। आ॒यत॑नेन श्राम्यत⁠। आ॒यत॑ने॒नेत्या᳚—यत॑नेन⁠। श्रा॒म्य॒तेति॑⁠। इति॒ ते⁠। ते᳚ऽग्निना᳚⁠। अ॒ग्निना॒ऽऽयत॑नेन⁠। आ॒यत॑नेनाश्राम्यन्न्⁠। आ॒यत॑ने॒नेत्या᳚—यत॑नेन⁠। अ॒श्रा॒म्य॒न् ते⁠। ते स॑व्ँवथ्स॒रे⁠। स॒व्ँव॒थ्स॒र एका᳚म्⁠। स॒व्ँव॒थ्स॒र इति॑ सम्—व॒थ्स॒रे⁠। एका॒म् गाम्⁠। गाम॑सृजन्त⁠। अ॒सृ॒ज॒न्त॒ ताम्⁠। ताव्ँवसु॑भ्यः⁠। वसु॑भ्यो रु॒द्रेभ्यः॑⁠। वसु॑भ्य॒ इति॒ वसु॑—भ्यः॒⁠। रु॒द्रेभ्य॑ आदि॒त्येभ्यः॑⁠। आ॒दि॒त्येभ्यः॒ प्र⁠। प्राय॑च्छन्न्⁠। अ॒य॒च्छ॒न्ने॒ताम्⁠। ए॒ताꣳ र॑ख्‍षद्ध्वम्⁠। र॒ख्‍ष॒द्ध्व॒मिति॑⁠। इति॒ ताम्⁠। ताव्ँवस॑वः⁠। वस॑वो रु॒द्राः⁠। रु॒द्रा आ॑दि॒त्याः⁠। आ॒दि॒त्या अ॑रख्‍षन्त⁠। अ॒र॒ख्‍ष॒न्त॒ सा⁠। सा वसु॑भ्यः⁠। वसु॑भ्यो रु॒द्रेभ्यः॑⁠। वसु॑भ्य॒ इति॒ वसु॑—भ्यः॒⁠। रु॒द्रेभ्य॑ आदि॒त्येभ्यः॑⁠। आ॒दि॒त्येभ्यः॒ प्र⁠। प्राजा॑यत⁠। अ॒जा॒य॒त॒ त्रीणि॑⁠। त्रीणि॑ च⁠। च॒ श॒तानि॑⁠। [१५] श॒तानि॒ त्रय॑स्त्रिꣳशतम्⁠। त्रय॑स्त्रिꣳशतम् च⁠। त्रय॑स्त्रिꣳशत॒मिति॒ त्रयः॑—त्रि॒ꣳ॒श॒त॒म्⁠। चाथ॑⁠। अथ॒ सा⁠। सैव⁠। ए॒व स॑हस्रत॒मी⁠। स॒ह॒स्र॒त॒म्य॑भवत्⁠। स॒ह॒स्र॒त॒मीति॑ सहस्र—त॒मी⁠। अ॒भ॒व॒त् ते⁠। ते दे॒वाः⁠। दे॒वाः प्र॒जाप॑तिम्⁠। प्र॒जाप॑तिमब्रुवन्न्⁠। प्र॒जाप॑ति॒मिति॑ प्र॒जा—प॒ति॒म्⁠। अ॒ब्रु॒व॒न्थ् स॒हस्रे॑ण⁠। स॒हस्रे॑ण नः⁠। नो॒ या॒ज॒य॒⁠। या॒ज॒येति॑⁠। इति॒ सः⁠। सो᳚ऽग्निष्टो॒मेन॑⁠। अ॒ग्नि॒ष्टो॒मेन॒ वसू॑न्⁠। अ॒ग्नि॒ष्टो॒मेनेत्य॑ग्नि—स्तो॒मेन॑⁠। वसू॑नयाजयत्⁠। अ॒या॒ज॒य॒त् ते⁠। त इ॒मम्⁠। इ॒मल्ँलो॒कम्⁠। लो॒कम॑जयन्न्⁠। अ॒ज॒य॒न् तत्⁠। तच् च॑⁠। चा॒द॒दुः॒⁠। अ॒द॒दुः॒ सः⁠। स उ॒क्थ्ये॑न⁠। उ॒क्थ्ये॑न रु॒द्रान्⁠। रु॒द्रान॑याजयत्⁠। अ॒या॒ज॒य॒त् ते⁠। ते᳚ऽन्तरि॑ख्‍षम्⁠। अ॒न्तरि॑ख्‍षमजयन्न्⁠। अ॒ज॒य॒न् तत्⁠। तच् च॑⁠। चा॒द॒दुः॒⁠। अ॒द॒दुः॒ सः⁠। सो॑ऽतिरा॒त्रेण॑⁠। अ॒ति॒रा॒त्रेणा॑दि॒त्यान्⁠। अ॒ति॒रा॒त्रेणेत्य॑ति—रा॒त्रेण॑⁠। आ॒दि॒त्यान॑याजयत्⁠। अ॒या॒ज॒य॒त् ते⁠। ते॑ऽमुम्⁠। अ॒मुल्ँलो॒कम्⁠। लो॒कम॑जयन्न्⁠। अ॒ज॒य॒न् तत्⁠। तच् च॑⁠। चा॒द॒दुः॒⁠। अ॒द॒दु॒स्तत्⁠। तद॒न्तरि॑ख्‍षम्⁠। अ॒न्तरि॑ख्‍ष॒व्ँव्यवै᳚र्यत⁠। [१६] व्यवै᳚र्यत॒ तस्मा᳚त्⁠। व्यवै᳚र्य॒तेति॑ वि—अवै᳚र्यत⁠। तस्मा᳚द् रु॒द्राः⁠। रु॒द्रा घातु॑काः⁠। घातु॑का अनायत॒नाः⁠। अ॒ना॒य॒त॒ना हि⁠। अ॒ना॒य॒त॒ना इत्य॑ना—य॒त॒नाः⁠। हि तस्मा᳚त्⁠। तस्मा॑दाहुः⁠। आ॒हुः॒ शि॒थि॒लम्⁠। शि॒थि॒लव्ँवै⁠। वै म॑द्ध्य॒मम्⁠। म॒द्ध्य॒ममहः॑⁠। अह॑स्त्रिरा॒त्रस्य॑⁠। त्रि॒रा॒त्रस्य॒ वि⁠। त्रि॒रा॒त्रस्येति॑ त्रि—रा॒त्रस्य॑⁠। वि हि⁠। हि तत्⁠। तद॒वैर्य॑त⁠। अ॒वैर्य॒तेति॑⁠। अ॒वैर्य॒तेत्य॑व—ऐर्य॑त⁠। इति॒ त्रैष्टु॑भम्⁠। त्रैष्टु॑भम् मद्ध्य॒मस्य॑⁠। म॒द्ध्य॒मस्याह्नः॑⁠। अह्न॒ आज्य᳚म्⁠। आज्य॑म् भवति⁠। भ॒व॒ति॒ स॒य्ँयाना॑नि⁠। स॒य्ँयाना॑नि सू॒क्तानि॑⁠। स॒य्ँयाना॒नीति॑ सम्—याना॑नि⁠। सू॒क्तानि॑ शꣳसति⁠। सू॒क्तानीति॑ सु—उ॒क्तानि॑⁠। श॒ꣳ॒स॒ति॒ षो॒ड॒शिन᳚म्⁠। षो॒ड॒शिन॑ꣳ शꣳसति⁠। श॒ꣳ॒स॒त्यह्नः॑⁠। अह्नो॒ धृत्यै᳚⁠। धृत्या॒ अशि॑थिलम्भावाय⁠। अशि॑थिलम्भावाय॒ तस्मा᳚त्⁠। अशि॑थिलम्भावा॒येत्यशि॑थिलम्—भा॒वा॒य॒⁠। तस्मा᳚त् त्रिरा॒त्रस्य॑⁠। त्रि॒रा॒त्रस्या᳚ग्निष्टो॒मः⁠। त्रि॒रा॒त्रस्येति॑ त्रि—रा॒त्रस्य॑⁠। अ॒ग्नि॒ष्टो॒म ए॒व⁠। अ॒ग्नि॒ष्टो॒म इत्य॑ग्नि—स्तो॒मः⁠। ए॒व प्र॑थ॒मम्⁠। प्र॒थ॒ममहः॑⁠। अहः॑ स्यात्⁠। स्या॒दथ॑⁠। अथो॒क्थ्यः॑⁠। उ॒क्थ्योऽथ॑⁠। अथा॑तिरा॒त्रः⁠। अ॒ति॒रा॒त्र ए॒षाम्⁠। अ॒ति॒रा॒त्र इत्य॑ति—रा॒त्रः⁠। ए॒षाल्ँलो॒काना᳚म्⁠। लो॒काना॒व्ँविधृ॑त्यै⁠। विधृ॑त्यै॒ त्रीणि॑त्रीणि⁠। विधृ॑त्या॒ इति॒ वि—धृ॒त्यै॒⁠। त्रीणि॑त्रीणि श॒तानि॑⁠। त्रीणि॑त्री॒णीति॒ त्रीणि॑—त्री॒णि॒⁠। श॒तान्य॑नूचीना॒हम्⁠। अ॒नू॒ची॒ना॒हमव्य॑वच्छिन्नानि⁠। अ॒नू॒ची॒ना॒हमित्य॑नूचीन—अ॒हम्⁠। अव्य॑वच्छिन्नानि ददाति⁠। अव्य॑वच्छिन्ना॒नीत्यवि॑—अ॒व॒च्छ॒न्ना॒नि॒⁠। द॒दा॒त्ये॒षाम्⁠। [१७] ए॒षाल्ँलो॒काना᳚म्⁠। लो॒काना॒मनु॑⁠। अनु॒ सन्त॑त्यै⁠। सन्त॑त्यै द॒शत᳚म्⁠। सन्त॑त्या॒ इति॒ सम्—त॒त्यै॒⁠। द॒शत॒म् न⁠। न वि⁠। विच्छि॑न्द्यात्⁠। छि॒न्द्या॒द् वि॒राज᳚म्⁠। वि॒राज॒म् न⁠। वि॒राज॒मिति॑ वि—राज᳚म्⁠। नेत्⁠। इद् वि॑च्छि॒नदा॑नि⁠। वि॒च्छि॒नदा॒नीति॑⁠। वि॒च्छि॒नदा॒नीति॑ वि—छि॒नदा॑नि⁠। इत्यथ॑⁠। अथ॒ या⁠। या स॑हस्रत॒मी⁠। स॒ह॒स्र॒त॒म्यासी᳚त्⁠। स॒ह॒स्र॒त॒मीति॑ सहस्र—त॒मी⁠। आसी॒त् तस्या᳚म्⁠। तस्या॒मिन्द्रः॑⁠। इन्द्र॑श्च⁠। च॒ विष्णुः॑⁠। विष्णु॑श्च⁠। च॒ व्याय॑च्छेताम्⁠। व्याय॑च्छेता॒ꣳ॒ सः⁠। व्याय॑च्छेता॒मिति॑ वि—आय॑च्छेताम्⁠। स इन्द्रः॑⁠। इन्द्रो॑ऽमन्यत⁠। अ॒म॒न्य॒ता॒नया᳚⁠। अ॒नया॒ वै⁠। वा इ॒दम्⁠। इ॒दव्ँविष्णुः॑⁠। विष्णुः॑ स॒हस्र᳚म्⁠। स॒हस्र॑व्ँवर्ख्‍ष्यते⁠। व॒र्ख्‍ष्य॒त॒ इति॑⁠। इति॒ तस्या᳚म्⁠। तस्या॑मकल्पेताम्⁠। अ॒क॒ल्पे॒ता॒म् द्विभा॑गे⁠। द्विभा॑ग॒ इन्द्रः॑⁠। द्विभा॑ग॒ इति॒ द्वि—भा॒गे॒⁠। इन्द्र॒स्तृती॑ये⁠। तृती॑ये॒ विष्णुः॑⁠। विष्णु॒स्तत्⁠। तद् वै⁠। वा ए॒षा⁠। ए॒षाऽभ्यनू᳚च्यते⁠। अ॒भ्यनू᳚च्यत उ॒भा⁠। अ॒भ्यनू᳚च्यत॒ इत्य॑भि—अनू᳚च्यते⁠। उ॒भा जि॑ग्यथुः⁠। जि॒ग्य॒थु॒रिति॑⁠। इति॒ ताम्⁠। ताव्ँवै⁠। वा ए॒ताम्⁠। ए॒ताम॑च्छावा॒कः⁠। अ॒च्छा॒वा॒क ए॒व⁠। [१८] ए॒व श॑ꣳसति⁠। श॒ꣳ॒स॒त्यथ॑⁠। अथ॒ या⁠। या स॑हस्रत॒मी⁠। स॒ह॒स्र॒त॒मी सा⁠। स॒ह॒स्र॒त॒मीति॑ सहस्र—त॒मी⁠। सा होत्रे᳚⁠। होत्रे॒ देया᳚⁠। देयेति॑⁠। इति॒ होता॑रम्⁠। होता॑र॒व्ँवै⁠। वा अ॒भ्यति॑रिच्यते⁠। अ॒भ्यति॑रिच्यते॒ यत्⁠। अ॒भ्यति॑रिच्यत॒ इत्य॑भि—अति॑रिच्यते⁠। यद॑ति॒रिच्य॑ते⁠। अ॒ति॒रिच्य॑ते॒ होता᳚⁠। अ॒ति॒रिच्य॑त॒ इत्य॑ति—रिच्य॑ते⁠। होताऽना᳚प्तस्य⁠। अना᳚प्तस्यापयि॒ता⁠। आ॒प॒यि॒ताऽथ॑⁠। अथा॑हुः⁠। आ॒हु॒रु॒न्ने॒त्रे⁠। उ॒न्ने॒त्रे देया᳚⁠। उ॒न्ने॒त्र इत्यु॑त्—ने॒त्रे⁠। देयेति॑⁠। इत्यति॑रिक्ता⁠। अति॑रिक्ता॒ वै⁠। अति॑रि॒क्तेत्यति॑—रि॒क्ता॒⁠। वा ए॒षा⁠। ए॒षा स॒हस्र॑स्य⁠। स॒हस्र॒स्याति॑रिक्तः⁠। अति॑रिक्त उन्ने॒ता⁠। अति॑रिक्त॒ इत्यति॑—रि॒क्तः॒⁠। उ॒न्ने॒तर्त्विजा᳚म्⁠। उ॒न्ने॒तेत्यु॑त्—ने॒ता⁠। ऋ॒त्विजा॒मथ॑⁠। अथा॑हुः⁠। आ॒हुः॒ सर्वे᳚भ्यः⁠। सर्वे᳚भ्यः सद॒स्ये᳚भ्यः⁠। स॒द॒स्ये᳚भ्यो॒ देया᳚⁠। देयेति॑⁠। इत्यथ॑⁠। अथा॑हुः⁠। आ॒हु॒रु॒दा॒कृत्या᳚⁠। उ॒दा॒कृत्या॒ सा⁠। उ॒दा॒कृत्येत्यु॑त्—आ॒कृत्या᳚⁠। सा वश᳚म्⁠। वश॑म् चरेत्⁠। च॒रे॒दिति॑⁠। इत्यथ॑⁠। अथा॑हुः⁠। आ॒हु॒र् ब्र॒ह्मणे᳚⁠। ब्र॒ह्मणे॑ च⁠। चा॒ग्नीधे᳚⁠। अ॒ग्नीधे॑ च⁠। अ॒ग्नीध॒ इत्य॑ग्नि—इधे᳚⁠। च॒ देया᳚⁠। देयेति॑⁠। इति॒ द्विभा॑गम्⁠। [१९] द्विभा॑गम् ब्र॒ह्मणे᳚⁠। द्विभा॑ग॒मिति॒ द्वि—भा॒ग॒म्⁠। ब्र॒ह्मणे॒ तृती॑यम्⁠। तृती॑यम॒ग्नीधे᳚⁠। अ॒ग्नीध॑ ऐ॒न्द्रः⁠। अ॒ग्नीध॒ इत्य॑ग्नि—इधे᳚⁠। ऐ॒न्द्रो वै⁠। वै ब्र॒ह्मा⁠। ब्र॒ह्मा वै᳚ष्ण॒वः⁠। वै॒ष्ण॒वो᳚ऽग्नीत्⁠। अ॒ग्नीद् यथा᳚⁠। अ॒ग्नीदित्य॑ग्नि—इत्⁠। यथै॒व⁠। ए॒व तौ⁠। तावक॑ल्पेताम्⁠। अक॑ल्पेता॒मिति॑⁠। इत्यथ॑⁠। अथा॑हुः⁠। आ॒हु॒र् या⁠। या क॑ल्या॒णी⁠। क॒ल्या॒णी ब॑हुरू॒पा⁠। ब॒हु॒रू॒पा सा⁠। ब॒हु॒रू॒पेति॑ बहु—रू॒पा⁠। सा देया᳚⁠। देयेति॑⁠। इत्यथ॑⁠। अथा॑हुः⁠। आ॒हु॒र् या⁠। या द्वि॑रू॒पा⁠। द्वि॒रू॒पोभ॒यत॑एनी⁠। द्वि॒रू॒पेति॑ द्वि—रू॒पा⁠। उ॒भ॒यत॑एनी॒ सा⁠। उ॒भ॒यत॑,ए॒नीत्यु॑भ॒यतः॑—ए॒नी॒⁠। सा देया᳚⁠। देयेति॑⁠। इति॑ स॒हस्र॑स्य⁠। स॒हस्र॑स्य॒ परि॑गृहीत्यै⁠। परि॑गृहीत्यै॒ तत्⁠। परि॑गृहीत्या॒ इति॒ परि॑—गृ॒ही॒त्यै॒⁠। तद् वै⁠। वा ए॒तत्⁠। ए॒तथ् स॒हस्र॑स्य⁠। स॒हस्र॒स्याय॑नम्⁠। अय॑नꣳ स॒हस्र᳚म्⁠। स॒हस्र॑ꣴ स्तो॒त्रीयाः᳚⁠। स्तो॒त्रीयाः᳚ स॒हस्र᳚म्⁠। स॒हस्र॒म् दख्‍षि॑णाः⁠। दख्‍षि॑णाः स॒हस्र॑सम्मितः⁠। स॒हस्र॑सम्मितः सुव॒र्गः⁠। स॒हस्र॑सम्मित॒ इति॑ स॒हस्र॑—स॒म्मि॒तः॒⁠। सु॒व॒र्गा लो॒कः⁠। सु॒व॒र्ग इति॑ सुवः—गः⁠। लो॒कः सु॑व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्या॒भिजि॑त्यै⁠। अ॒भिजि॑त्या॒ इत्य॒भि—जि॒त्यै॒⁠॥ [२०] (अ॒ब्र॒वी॒ च्च॒ तद॒न्तरि॑ख्‍षम् ददात्य च्छावा॒क श्च॒ देयेति॑ स॒प्तच॑त्वारिꣳशच्च) ॥५॥
सोमो॒ वै⁠। वै स॒हस्र᳚म्⁠। स॒हस्र॑मविन्दत्⁠। अ॒वि॒न्द॒त् तम्⁠। तमिन्द्रः॑⁠। इन्द्रोऽनु॑⁠। अन्व॑विन्दत्⁠। अ॒वि॒न्द॒त् तौ⁠। तौ य॒मः⁠। य॒मो न्याग॑च्छत्⁠। न्याग॑च्छ॒त् तौ⁠। न्याग॑च्छ॒दिति॑ नि—आग॑च्छत्⁠। ताव॑ब्रवीत्⁠। अ॒ब्र॒वी॒दस्तु॑⁠। अस्तु॑ मे⁠। मेऽत्र॑⁠। अत्रापि॑⁠। अपीति॑⁠। इत्यस्तु॑⁠। अस्तु॒ ही(३)⁠। ही(३) इति॑⁠। इत्य॑ब्रूताम्⁠। अ॒ब्रू॒ता॒ꣳ॒ सः⁠। स य॒मः⁠। य॒म एक॑स्याम्⁠। एक॑स्याव्ँवी॒र्य᳚म्⁠। वी॒र्य॑म् परि॑⁠। पर्य॑पश्यत्⁠। अ॒प॒श्य॒दि॒यम्⁠। इ॒यव्ँवै⁠। वा अ॒स्य⁠। अ॒स्य स॒हस्र॑स्य⁠। स॒हस्र॑स्य वी॒र्य᳚म्⁠। वी॒र्य॑म् बिभर्ति⁠। बि॒भ॒र्तीति॑⁠। इति॒ तौ⁠। ताव॑ब्रवीत्⁠। अ॒ब्र॒वी॒दि॒यम्⁠। इ॒यम् मम॑⁠। ममास्तु॑⁠। अस्त्वे॒तत्⁠। ए॒तद् यु॒वयोः᳚⁠। यु॒वयो॒रिति॑⁠। इति॒ तौ⁠। ताव॑ब्रूताम्⁠। अ॒ब्रू॒ता॒ꣳ॒ सर्वे᳚⁠। सर्वे॒ वै⁠। वा ए॒तत्⁠। ए॒तदे॒तस्या᳚म्⁠। ए॒तस्या᳚व्ँवी॒र्य᳚म्⁠। वी॒र्य॑म् परि॑⁠। [२१] परि॑ पश्यामः⁠। प॒श्या॒मोऽꣳश᳚म्⁠। अꣳश॒मा⁠। आ ह॑रामहै⁠। ह॒रा॒म॒हा॒ इति॑⁠। इति॒ तस्या᳚म्⁠। तस्या॒मꣳश᳚म्⁠। अꣳश॒मा⁠। आऽह॑रन्त⁠। अ॒ह॒र॒न्त॒ ताम्⁠। ताम॒फ्सु⁠। अ॒फ्सु प्र⁠। अ॒फ्स्वित्य॑प्—सु⁠। प्रावे॑शयन्न्⁠। अ॒वे॒श॒य॒न्थ् सोमा॑य⁠। सोमा॑यो॒देहि॑⁠। उ॒देहीति॑⁠। उ॒देहीत्यु॑त्—एहि॑⁠। इति॒ सा⁠। सा रोहि॑णी⁠। रोहि॑णी पिङ्‍ग॒ला⁠। पि॒ङ्‍ग॒लैक॑हायनी⁠। एक॑हायनी रू॒पम्⁠। एक॑हाय॒नीत्येक॑—हा॒य॒नी॒⁠। रू॒पम् कृ॒त्वा⁠। कृ॒त्वा त्रय॑स्त्रिꣳशता⁠। त्रय॑स्त्रिꣳशता च⁠। त्रय॑स्त्रिꣳश॒तेति॒ त्रयः॑—त्रि॒ꣳ॒श॒ता॒⁠। च॒ त्रि॒भिः⁠। त्रि॒भिश्च॑⁠। त्रि॒भिरिति॑ त्रि—भिः⁠। च॒ श॒तैः⁠। श॒तैः स॒ह⁠। स॒होदैत्⁠। उ॒दैत् तस्मा᳚त्⁠। उ॒दैदित्यु॑त्—ऐत्⁠। तस्मा॒द् रोहि॑ण्या⁠। रोहि॑ण्या पिङ्‍ग॒लया᳚⁠। पि॒ङ्‍ग॒लयैक॑हायन्या⁠। एक॑हायन्या॒ सोम᳚म्⁠। एक॑हाय॒न्येत्येक॑—हा॒य॒न्या॒⁠। सोम॑म् क्रीणीयात्⁠। क्री॒णी॒या॒द् यः⁠। य ए॒वम्⁠। ए॒वव्ँवि॒द्वान्⁠। वि॒द्वान् रोहि॑ण्या⁠। रोहि॑ण्या पिङ्‍ग॒लया᳚⁠। पि॒ङ्‍ग॒लयैक॑हायन्या⁠। एक॑हायन्या॒ सोम᳚म्⁠। एक॑हाय॒न्येत्येक॑—हा॒य॒न्या॒⁠। सोम॑म् क्री॒णाति॑⁠। क्री॒णाति॒ त्रय॑स्त्रिꣳशता⁠। त्रय॑स्त्रिꣳशता च⁠। त्रय॑स्त्रिꣳश॒तेति॒ त्रयः॑—त्रि॒ꣳ॒श॒ता॒⁠। चै॒व⁠। ए॒वास्य॑⁠। अ॒स्य॒ त्रि॒भिः⁠। त्रि॒भिश्च॑⁠। त्रि॒भिरिति॑ त्रि—भिः⁠। च॒ श॒तैः⁠। [२२] श॒तैः सोमः॑⁠। सोमः॑ क्री॒तः⁠। क्री॒तो भ॑वति⁠। भ॒व॒ति॒ सुक्री॑तेन⁠। सुक्री॑तेन यजते⁠। सुक्री॑ते॒नेति॒ सु—क्री॒ते॒न॒⁠। य॒ज॒ते॒ ताम्⁠। ताम॒फ्सु⁠। अ॒फ्सु प्र⁠। अ॒फ्स्वित्य॑प्—सु⁠। प्रावे॑शयन्न्⁠। अ॒वे॒श॒य॒न्निन्द्रा॑य⁠। इन्द्रा॑यो॒देहि॑⁠। उ॒देहीति॑⁠। उ॒देहीत्यु॑त्—एहि॑⁠। इति॒ सा⁠। सा रोहि॑णी⁠। रोहि॑णी लख्‍ष्म॒णा⁠। ल॒ख्‍ष्म॒णा प॑ष्ठौ॒ही⁠। प॒ष्ठौ॒ही वार्त्र॑घ्नी⁠। वार्त्र॑घ्नी रू॒पम्⁠। वार्त्र॒घ्नीति॒ वार्त्र॑—घ्नी॒⁠। रू॒पम् कृ॒त्वा⁠। कृ॒त्वा त्रय॑स्त्रिꣳशता⁠। त्रय॑स्त्रिꣳशता च⁠। त्रय॑स्त्रिꣳश॒तेति॒ त्रयः॑—त्रि॒ꣳ॒श॒ता॒⁠। च॒ त्रि॒भिः⁠। त्रि॒भिश्च॑⁠। त्रि॒भिरिति॑ त्रि—भिः⁠। च॒ श॒तैः⁠। श॒तैः स॒ह⁠। स॒होदैत्⁠। उ॒दैत् तस्मा᳚त्⁠। उ॒दैदित्यु॑त्—ऐत्⁠। तस्मा॒द् रोहि॑णीम्⁠। रोहि॑णील्ँलख्‍ष्म॒णाम्⁠। ल॒ख्‍ष्म॒णाम् प॑ष्ठौ॒हीम्⁠। प॒ष्ठौ॒हीव्ँवार्त्र॑घ्नीम्⁠। वार्त्र॑घ्नीम् दद्यात्⁠। वार्त्र॑घ्नी॒मिति॒ वार्त्र॑—घ्नी॒म्⁠। द॒द्या॒द् यः⁠। य ए॒वम्⁠। ए॒वव्ँवि॒द्वान्⁠। वि॒द्वान् रोहि॑णीम्⁠। रोहि॑णील्ँलख्‍ष्म॒णाम्⁠। ल॒ख्‍ष्म॒णाम् प॑ष्ठौ॒हीम्⁠। प॒ष्ठौ॒हीव्ँवार्त्र॑घ्नीम्⁠। वार्त्र॑घ्नी॒म् ददा॑ति⁠। वार्त्र॑घ्नी॒मिति॒ वार्त्र॑—घ्नी॒म्⁠। ददा॑ति॒ त्रय॑स्त्रिꣳशत्⁠। त्रय॑स्त्रिꣳशच्च⁠। त्रय॑स्त्रिꣳश॒दिति॒ त्रयः॑—त्रि॒ꣳ॒श॒त्॒⁠। चै॒व⁠। ए॒वास्य॑⁠। अ॒स्य॒ त्रीणि॑⁠। त्रीणि॑ च⁠। च॒ श॒तानि॑⁠। श॒तानि॒ सा⁠। सा द॒त्ता⁠। द॒त्ता भ॑वति⁠। [२३] भ॒व॒ति॒ ताम्⁠। ताम॒फ्सु⁠। अ॒फ्सु प्र⁠। अ॒फ्स्वित्य॑प्—सु⁠। प्रावे॑शयन्न्⁠। अ॒वे॒श॒य॒न्॒‌य॒माय॑⁠। य॒मायो॒देहि॑⁠। उ॒देहीति॑⁠। उ॒देहीत्यु॑त्—एहि॑⁠। इति॒ सा⁠। सा जर॑ती⁠। जर॑ती मू॒र्खा⁠। मू॒र्खा त॑ज्जघ॒न्या⁠। त॒ज्ज॒घ॒न्या रू॒पम्⁠। त॒ज्ज॒घ॒न्येति॑ तत्—ज॒घ॒न्या⁠। रू॒पम् कृ॒त्वा⁠। कृ॒त्वा त्रय॑स्त्रिꣳशता⁠। त्रय॑स्त्रिꣳशता च⁠। त्रय॑स्त्रिꣳश॒तेति॒ त्रयः॑—त्रि॒ꣳ॒श॒ता॒⁠। च॒ त्रि॒भिः⁠। त्रि॒भिश्च॑⁠। त्रि॒भिरिति॑ त्रि—भिः⁠। च॒ श॒तैः⁠। श॒तैः स॒ह⁠। स॒होदैत्⁠। उ॒दैत् तस्मा᳚त्⁠। उ॒दैदित्यु॑त्—ऐत्⁠। तस्मा॒ज् जर॑तीम्⁠। जर॑तीम् मू॒र्खाम्⁠। मू॒र्खाम् त॑ज्जघ॒न्याम्⁠। त॒ज्ज॒घ॒न्याम॑नु॒स्तर॑णीम्⁠। त॒ज्ज॒घ॒न्यामिति॑ तत्—ज॒घ॒न्याम्⁠। अ॒नु॒स्तर॑णीम् कुर्वीत⁠। अ॒नु॒स्तर॑णी॒मित्य॑नु—स्तर॑णीम्⁠। कु॒र्वी॒त॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान् जर॑तीम्⁠। जर॑तीम् मू॒र्खाम्⁠। मू॒र्खाम् त॑ज्जघ॒न्याम्⁠। त॒ज्ज॒घ॒न्याम॑नु॒स्तर॑णीम्⁠। त॒ज्ज॒घ॒न्यामिति॑ तत्—ज॒घ॒न्याम्⁠। अ॒नु॒स्तर॑णीम् कुरु॒ते⁠। अ॒नु॒स्तर॑णी॒मित्य॑नु—स्तर॑णीम्⁠। कु॒रु॒ते त्रय॑स्त्रिꣳशत्⁠। त्रय॑स्त्रिꣳशच्च⁠। त्रय॑स्त्रिꣳश॒दिति॒ त्रयः॑—त्रि॒ꣳ॒श॒त्॒⁠। चै॒व⁠। ए॒वास्य॑⁠। अ॒स्य॒ त्रीणि॑⁠। त्रीणि॑ च⁠। च॒ श॒तानि॑⁠। श॒तानि॒ सा⁠। साऽमुष्मि॑न्न्⁠। अ॒मुष्मि॑ल्ँलो॒के⁠। लो॒के भ॑वति⁠। भ॒व॒ति॒ वाक्⁠। वागे॒व⁠। ए॒व स॑हस्रत॒मी⁠। स॒ह॒स्र॒त॒मी तस्मा᳚त्⁠। स॒ह॒स्र॒त॒मीति॑ सहस्र—त॒मी⁠। तस्मा॒द् वरः॑⁠। [२४] वरो॒ देयः॑⁠। देयः॒ सा⁠। सा हि⁠। हि वरः॑⁠। वरः॑ स॒हस्र᳚म्⁠। स॒हस्र॑मस्य⁠। अ॒स्य॒ सा⁠। सा द॒त्ता⁠। द॒त्ता भ॑वति⁠। भ॒व॒ति॒ तस्मा᳚त्⁠। तस्मा॒द् वरः॑⁠। वरो॒ न⁠। न प्र॑ति॒गृह्यः॑⁠। प्र॒ति॒गृह्यः॒ सा⁠। प्र॒ति॒गृह्य॒ इति॑ प्रति—गृह्यः॑⁠। सा हि⁠। हि वरः॑⁠। वरः॑ स॒हस्र᳚म्⁠। स॒हस्र॑मस्य⁠। अ॒स्य॒ प्रति॑गृहीतम्⁠। प्रति॑गृहीतम् भवति⁠। प्रति॑गृहीत॒मिति॒ प्रति॑—गृ॒ही॒त॒म्⁠। भ॒व॒ती॒यम्⁠। इ॒यव्ँवरः॑⁠। वर॒ इति॑⁠। इति॑ ब्रूयात्⁠। ब्रू॒या॒दथ॑⁠। अथा॒न्याम्⁠। अ॒न्याम् ब्रू॑यात्⁠। ब्रू॒या॒दि॒यम्⁠। इ॒यम् मम॑⁠। ममेति॑⁠। इति॒ तथा᳚⁠। तथा᳚ऽस्य⁠। अ॒स्य॒ तत्⁠। तथ् स॒हस्र᳚म्⁠। स॒हस्र॒मप्र॑तिगृहीतम्⁠। अप्र॑तिगृहीतम् भवति⁠। अप्र॑तिगृहीत॒मित्यप्र॑ति—गृ॒ही॒त॒म्⁠। भ॒व॒त्यु॒भ॒य॒त॒,ए॒नी⁠। उ॒भ॒य॒त॒,ए॒नी स्या᳚त्⁠। उ॒भ॒य॒त॒,ए॒नीत्यु॑भयतः—ए॒नी⁠। स्या॒त् तत्⁠। तदा॑हुः⁠। आ॒हु॒र॒न्य॒त॒,ए॒नी⁠। अ॒न्य॒त॒,ए॒नी स्या᳚त्⁠। अ॒न्य॒त॒,ए॒नीत्य॑न्यतः—ए॒नी⁠। स्या॒थ् स॒हस्र᳚म्⁠। स॒हस्र॑म् प॒रस्ता᳚त्⁠। प॒रस्ता॒देत᳚म्⁠। एत॒मिति॑⁠। इति॒ या⁠। यैव⁠। ए॒व वरः॑⁠। वरः॑ कल्या॒णी⁠। [२५] क॒ल्या॒णी रू॒पस॑मृद्धा⁠। रू॒पस॑मृद्धा॒ सा⁠। रू॒पस॑मृ॒द्धेति॑ रू॒प—स॒मृ॒द्धा॒⁠। सा स्या᳚त्⁠। स्या॒थ् सा⁠। सा हि⁠। हि वरः॑⁠। वरः॒ समृ॑द्ध्यै⁠। समृ॑द्ध्यै॒ ताम्⁠। समृ॑द्ध्या॒ इति॒ सम्—ऋ॒द्ध्यै॒⁠। तामुत्त॑रेण⁠। उत्त॑रे॒णाग्नी᳚द्ध्रम्⁠। उत्त॑रे॒णेत्युत्—त॒रे॒ण॒⁠। आग्नी᳚द्ध्रम् पर्या॒णीय॑⁠। आग्नी᳚द्ध्र॒मित्याग्नि॑—इ॒द्ध्र॒म्⁠। प॒र्या॒णीया॑हव॒नीय॑स्य⁠। प॒र्या॒णीयेति॑ परि—आ॒नीय॑⁠। आ॒ह॒व॒नीय॒स्यान्ते᳚⁠। आ॒ह॒व॒नीय॒स्येत्या᳚—ह॒व॒नीय॑स्य⁠। अन्ते᳚ द्रोणकल॒शम्⁠। द्रो॒ण॒क॒ल॒शमव॑⁠। द्रो॒ण॒क॒ल॒शमिति॑ द्रोण—क॒ल॒शम्⁠। अव॑ घ्रापयेत्⁠। घ्रा॒प॒ये॒दा⁠। आ जि॑घ्र⁠। जि॒घ्र॒ क॒लश᳚म्⁠। क॒लश॑म् महि⁠। म॒ह्यु॒रुधा॑रा⁠। उ॒रुधा॑रा॒ पय॑स्वती⁠। उ॒रुधा॒रेत्यु॒रु—धा॒रा॒⁠। पय॑स्व॒त्या⁠। आ त्वा᳚⁠। त्वा॒ वि॒श॒न्तु॒⁠। वि॒श॒न्त्विन्द॑वः⁠। इन्द॑वः समु॒द्रम्⁠। स॒मु॒द्रमि॑व⁠। इ॒व॒ सिन्ध॑वः⁠। सिन्ध॑वः॒ सा⁠। सा मा᳚⁠। मा॒ स॒हस्रे᳚⁠। स॒हस्र॒ आ⁠। आ भ॑ज⁠। भ॒ज॒ प्र॒जया᳚⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभिः॑ स॒ह⁠। प॒शुभि॒रिति॑ प॒शु—भिः॒⁠। स॒ह पुनः॑⁠। पुन॑र् मा⁠। मा⁠। आ वि॑शतात्⁠। वि॒श॒ता॒द् र॒यिः⁠। र॒यिरिति॑⁠। इति॑ प्र॒जया᳚⁠। प्र॒जयै॒व⁠। प्र॒जयेति॑ प्र—जया᳚⁠। ए॒वैन᳚म्⁠। ए॒न॒म् प॒शुभिः॑⁠। प॒शुभी॑ र॒य्या⁠। प॒शभि॒रिति॑ प॒शु—भिः॒⁠। र॒य्या सम्⁠। सम॑र्द्धयति⁠। [२६] अ॒र्द्ध॒य॒ति॒ प्र॒जावा॑न्⁠। प्र॒जावा᳚न् पशु॒मान्⁠। प्र॒जावा॒निति॑ प्र॒जा—वा॒न्॒⁠। प॒शु॒मान् र॑यि॒मान्⁠। प॒शु॒मानिति॑ पशु—मान्⁠। र॒यि॒मान् भ॑वति⁠। र॒यि॒मानिति॑ रयि—मान्⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। वेद॒ तया᳚⁠। तया॑ स॒ह⁠। स॒हाग्नी᳚द्ध्रम्⁠। आग्नी᳚द्ध्रम् प॒रेत्य॑⁠। आग्नी᳚द्ध्र॒मित्याग्नि॑—इ॒द्ध्र॒म्⁠। प॒रेत्य॑ पु॒रस्ता᳚त्⁠। प॒रेत्येति॑ परा—इत्य॑⁠। पु॒रस्ता᳚त् प्र॒तीच्या᳚म्⁠। प्र॒तीच्या॒म् तिष्ठ॑न्त्याम्⁠। तिष्ठ॑न्त्याम् जहुयात्⁠। जु॒हु॒या॒दु॒भा⁠। उ॒भा जि॑ग्यथुः⁠। जि॒ग्य॒थु॒र् न⁠। न परा᳚⁠। परा॑ जयेथे⁠। ज॒ये॒थे॒ न⁠। ज॒ये॒थे॒ इति॑ जयेथे⁠। न परा᳚⁠। परा॑ जिग्ये⁠। जि॒ग्ये॒ क॒त॒रः⁠। क॒त॒रश्च॒न⁠। च॒नैनोः᳚⁠। ए॒नो॒रित्ये॑नोः⁠॥ इन्द्र॑श्च⁠। च॒ वि॒ष्णो॒⁠। वि॒ष्णो॒ यत्⁠। वि॒ष्णो॒ इति॑ विष्णो⁠। यदप॑स्पृधेथाम्⁠। अप॑स्पृधेथाम् त्रे॒धा⁠। त्रे॒धा स॒हस्र᳚म्⁠। स॒हस्र॒व्ँवि⁠। वि तत्⁠। तदै॑रयेथाम्⁠। ऐ॒र॒ये॒था॒मिति॑⁠। इति॑ त्रेधाविभ॒क्तम्⁠। त्रे॒धा॒वि॒भ॒क्तव्ँवै⁠। त्रे॒धा॒वि॒भ॒क्तमिति॑ त्रेधा—वि॒भ॒क्तम्⁠। वै त्रि॑रा॒त्रे⁠। त्रि॒रा॒त्रे स॒हस्र᳚म्⁠। त्रि॒रा॒त्र इति॑ त्रि—रा॒त्रे⁠। स॒हस॑ꣳ साह॒स्रीम्⁠। सा॒ह॒स्रीमे॒व⁠। ए॒वैना᳚म्⁠। ए॒ना॒म् क॒रो॒ति॒⁠। क॒रो॒ति॒ स॒हस्र॑स्य⁠। स॒हस्र॑स्यै॒व⁠। ए॒वैना᳚म्⁠। ए॒ना॒म् मात्रा᳚म्⁠। मात्रा᳚म् करोति⁠। [२७] क॒रो॒ति॒ रू॒पाणि॑⁠। रू॒पाणि॑ जुहोति⁠। जु॒हो॒ति॒ रू॒पैः⁠। रू॒पैरे॒व⁠। ए॒वैना᳚म्⁠। ए॒ना॒ꣳ॒ सम्⁠। सम॑र्द्धयति⁠। अ॒र्द्ध॒य॒ति॒ तस्याः᳚⁠। तस्या॑ उपो॒त्थाय॑⁠। उ॒पो॒त्थाय॒ कर्ण᳚म्⁠। उ॒पो॒त्थायेत्यु॑प—उ॒त्थाय॑⁠। कर्ण॒मा⁠। आ ज॑पेत्⁠। ज॒पे॒दिडे᳚⁠। इडे॒ रन्ते᳚⁠। रन्तेऽदि॑ते⁠। अदि॑ते॒ सर॑स्वति⁠। सर॑स्वति॒ प्रिये᳚⁠। प्रिये॒ प्रेय॑सि⁠। प्रेय॑सि॒ महि॑⁠। महि॒ विश्रु॑ति⁠। विश्रु॑त्ये॒तानि॑⁠। विश्रु॒तीति॒ वि—श्रु॒ति॒⁠। ए॒तानि॑ ते⁠। ते॒ अ॒घ्नि॒ये॒⁠। अ॒घ्नि॒ये॒ नामा॑नि⁠। नामा॑नि सु॒कृत᳚म्⁠। सु॒कृत॑म् मा⁠। सु॒कृत॒मिति॑ सु—कृत᳚म्⁠। मा॒ दे॒वेषु॑⁠। दे॒वेषु॑ ब्रूतात्⁠। ब्रू॒ता॒दिति॑⁠। इति॑ दे॒वेभ्यः॑⁠। दे॒वेभ्य॑ ए॒व⁠। ए॒वैन᳚म्⁠। ए॒न॒मा⁠। आ वे॑दयति⁠। वे॒द॒य॒त्यनु॑⁠। अन्वे॑नम्⁠। ए॒न॒म् दे॒वाः⁠। दे॒वा बु॑द्ध्यन्ते⁠। बु॒द्ध्य॒न्त॒ इति॑ बुद्ध्यन्ते⁠॥ [२८] (ए॒तदे॒तस्या᳚म् वी॒र्य॑ मस्य त्रि॒भिश्च॑ द॒त्ता स॑हस्रत॒मी तस्मा॑ दे॒व वरः॒ सम् मात्रा॒ मेका॒न्न च॑त्वारि॒ꣳ॒शच्च॑) ॥६॥
स॒ह॒स्र॒त॒म्या॑ वै⁠। स॒ह॒स्र॒त॒म्येति॑ सहस्र—त॒म्या᳚⁠। वै यज॑मानः⁠। यज॑मानः सुव॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमे॑ति⁠। ए॒ति॒ सा⁠। सैन᳚म्⁠। ए॒न॒ꣳ॒ सु॒व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम् ग॑मयति⁠। ग॒म॒य॒ति॒ सा⁠। सा मा᳚⁠। मा॒ सु॒व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम् ग॑मय⁠। ग॒म॒येति॑⁠। इत्या॑ह⁠। आ॒ह॒ सु॒व॒र्गम्⁠। सु॒व॒र्गमे॒व⁠। सु॒व॒र्गमिति॑ सुवः—गम्⁠। ए॒वैन᳚म्⁠। ए॒न॒ल्ँलो॒कम्⁠। लो॒कम् ग॑मयति⁠। ग॒म॒य॒ति॒ सा⁠। सा मा᳚⁠। मा॒ ज्योति॑ष्मन्तम्⁠। ज्योति॑ष्मन्तल्ँलो॒कम्⁠। लो॒कम् ग॑मय⁠। ग॒म॒येति॑⁠। इत्या॑ह⁠। आ॒ह॒ ज्योति॑ष्मन्तम्⁠। ज्योति॑ष्मन्तमे॒व⁠। ए॒वैन᳚म्⁠। ए॒न॒ल्ँलो॒कम्⁠। लो॒कम् ग॑मयति⁠। ग॒म॒य॒ति॒ सा⁠। सा मा᳚⁠। मा॒ सर्वा॑न्⁠। सर्वा॒न् पुण्या॑न्⁠। पुण्या᳚ल्ँलो॒कान्⁠। लो॒काङ्‍ग॑मय⁠। ग॒म॒येति॑⁠। इत्या॑ह⁠। आ॒ह॒ सर्वा॑न्⁠। सर्वा॑ने॒व⁠। ए॒वैन᳚म्⁠। ए॒न॒म् पुण्या॑न्⁠। पुण्या᳚ल्ँलो॒कान्⁠। लो॒काङ्‍ग॑मयति⁠। ग॒म॒य॒ति॒ सा⁠। सा मा᳚⁠। [२९] मा॒ प्र॒ति॒ष्ठाम्⁠। प्र॒ति॒ष्ठाम् ग॑मय⁠। प्र॒ति॒ष्ठामिति॑ प्रति—स्थाम्⁠। ग॒म॒य॒ प्र॒जया᳚⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभिः॑ स॒ह⁠। प॒शुभि॒रिति॑ प॒शु—भिः॒⁠। स॒ह पुनः॑⁠। पुन॑र् मा⁠। मा⁠। आ वि॑शतात्⁠। वि॒श॒ता॒द् र॒यिः⁠। र॒यिरिति॑⁠। इति॑ प्र॒जया᳚⁠। प्र॒जयै॒व⁠। प्र॒जयेति॑ प्र—जया᳚⁠। ए॒वैन᳚म्⁠। ए॒न॒म् प॒शुभिः॑⁠। प॒शुभी॑ र॒य्याम्⁠। प॒शुभि॒रिति॑ प॒शु—भिः॒⁠। र॒य्याम् प्रति॑⁠। प्रति॑ ष्ठापयति⁠। स्था॒प॒य॒ति॒ प्र॒जावा॑न्⁠। प्र॒जावा᳚न् पशु॒मान्⁠। प्र॒जावा॒निति॑ प्र॒जा—वा॒न्॒⁠। प॒शु॒मान् र॑यि॒मान्⁠। प॒शु॒मानिति॑ पशु—मान्⁠। र॒यि॒मान् भ॑वति⁠। र॒यि॒मानिति॑ रयि—मान्⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। वेद॒ ताम्⁠। ताम॒ग्नीधे᳚⁠। अ॒ग्नीधे॑ वा⁠। अ॒ग्नीध॒ इत्य॑ग्नि—इधे᳚⁠। वा॒ ब्र॒ह्मणे᳚⁠। ब्र॒ह्मणे॑ वा⁠। वा॒ होत्रे᳚⁠। होत्रे॑ वा⁠। वो॒द्‍गा॒त्रे⁠। उ॒द्‍गा॒त्रे वा᳚⁠। उ॒द्‍गा॒त्र इत्यु॑त्—गा॒त्रे⁠। वा॒ऽद्ध्व॒र्यवे᳚⁠। अ॒र्द्ध॒र्यवे॑ वा⁠। वा॒ द॒द्या॒त्॒⁠। द॒द्या॒थ् स॒हस्र᳚म्⁠। स॒हस्र॑मस्य⁠। अ॒स्य॒ सा⁠। सा द॒त्ता⁠। द॒त्ता भ॑वति⁠। भ॒व॒ति॒ स॒हस्र᳚म्⁠। स॒हस्र॑मस्य⁠। अ॒स्य॒ प्रति॑गृहीतम्⁠। प्रति॑गृहीतम् भवति⁠। प्रति॑गृहीत॒मिति॒ प्रति॑—गृ॒ही॒त॒म्⁠। भ॒व॒ति॒ यः⁠। यस्ताम्⁠। तामवि॑द्वान्⁠। अवि॑द्वान् प्रतिगृ॒ह्णाति॑⁠। [३०] प्र॒ति॒गृ॒ह्णाति॒ ताम्⁠। प्र॒ति॒गृ॒ह्णातीति॑ प्रति—गृ॒ह्णाति॑⁠। ताम् प्रति॑⁠। प्रति॑ गृह्णीयात्⁠। गृ॒ह्णी॒या॒देका᳚⁠। एका॑ऽसि⁠। अ॒सि॒ न⁠। न स॒हस्र᳚म्⁠। स॒हस्र॒मेका᳚म्⁠। एका᳚म् त्वा⁠। त्वा॒ भू॒ताम्⁠। भू॒ताम् प्रति॑⁠। प्रति॑ गृह्णामि⁠। गृ॒ह्णा॒मि॒ न⁠। न स॒हस्र᳚म्⁠। स॒हस्र॒मेका᳚⁠। एका॑ मा⁠। मा॒ भू॒ता⁠। भू॒ता ऽऽ वि॑श⁠। आ वि॑श⁠। वि॒श॒ मा⁠। मा स॒हस्र᳚म्⁠। स॒हस्र॒मिति॑⁠। इत्येका᳚म्⁠। एका॑मे॒व⁠। ए॒वैना᳚म्⁠। ए॒ना॒म् भू॒ताम्⁠। भू॒ताम् प्रति॑⁠। प्रति॑ गृह्णाति⁠। गृ॒ह्णा॒ति॒ न⁠। न स॒हस्र᳚म्⁠। स॒हस्र॒य्ँयः⁠। य ए॒वम्⁠। ए॒वव्ँवेद॑⁠। वेद॑ स्यो॒ना⁠। स्यो॒नाऽसि॑⁠। अ॒सि॒ सु॒षदा᳚⁠। सु॒षदा॑ सु॒शेवा᳚⁠। सु॒षदेति॑ सु—सदा᳚⁠। सु॒शेवा᳚ स्यो॒ना⁠। सु॒शेवेति॑ सु—शेवा᳚⁠। स्यो॒ना मा᳚⁠। मा⁠। आ वि॑श⁠। वि॒श॒ सु॒षदा᳚⁠। सु॒षदा॑ मा⁠। सु॒षदेति॑ सु—सदा᳚⁠। मा⁠। आ वि॑श⁠। वि॒श॒ सु॒शेवा᳚⁠। सु॒शेवा॑ मा⁠। सु॒शेवेति॑ सु—शेवा᳚⁠। मा⁠। आ वि॑श⁠। वि॒शेति॑⁠। [३१] इत्या॑ह⁠। आ॒ह॒ स्यो॒ना⁠। स्यो॒नैव⁠। ए॒वैन᳚म्⁠। ए॒न॒ꣳ॒ सु॒षदा᳚⁠। सु॒षदा॑ सु॒शेवा᳚⁠। सु॒षदेति॑ सु—सदा᳚⁠। सु॒शेवा॑ भू॒ता⁠। सु॒शेवेति॑ सु—शेवा᳚⁠। भू॒ता ऽऽ वि॑शति⁠। आ वि॑शति⁠। वि॒श॒ति॒ न⁠। नैन᳚म्⁠। ए॒न॒ꣳ॒ हि॒न॒स्ति॒⁠। हि॒न॒स्ति॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्ति॒ स॒हस्र᳚म्⁠। स॒हस्र॑ꣳ सहस्रत॒मी⁠। स॒ह॒स्र॒त॒म्यनु॑⁠। स॒ह॒स्र॒त॒मीति॑ सहस्र—त॒मी⁠। अन्वे॒ती(३)⁠। ए॒ती(३) स॑हस्रत॒मीम्⁠। स॒ह॒स्र॒त॒मीꣳ स॒हस्रा(३)म्⁠। स॒ह॒स्र॒त॒मीमिति॑ सहस्र—त॒मीम्⁠। स॒हस्रा(३)मिति॑⁠। इति॒ यत्⁠। यत् प्राची᳚म्⁠। प्राची॑मुथ्सृ॒जेत्⁠। उ॒थ्सृ॒जेथ् स॒हस्र᳚म्⁠। उ॒थ्सृ॒जेदित्यु॑त्—सृ॒जेत्⁠। स॒हस्र॑ꣳ सहस्रत॒मी⁠। स॒ह॒स्र॒त॒म्यनु॑⁠। स॒ह॒स्र॒त॒मीति॑ सहस्र—त॒मी⁠। अन्वि॑यात्⁠। इ॒या॒त् तत्⁠। तथ् स॒हस्र᳚म्⁠। स॒हस्र॑मप्रज्ञा॒त्रम्⁠। अ॒प्र॒ज्ञा॒त्रꣳ सु॑व॒र्गम्⁠। अ॒प्र॒ज्ञा॒त्रमित्य॑प्र—ज्ञा॒त्रम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम् न⁠। न प्र⁠। प्र जा॑नीयात्⁠। जा॒नी॒या॒त् प्र॒तीची᳚म्⁠। प्र॒तीची॒मुत्⁠। उथ् सृ॑जति⁠। सृ॒ज॒ति॒ ताम्⁠। ताꣳ स॒हस्र᳚म्⁠। स॒हस्र॒मनु॑⁠। अनु॑ प॒र्याव॑र्तते⁠। प॒र्याव॑र्तते॒ सा⁠। प॒र्याव॑र्तत॒ इति॑ परि—आव॑र्तते⁠। सा प्र॑जान॒ती⁠। प्र॒जा॒न॒ती सु॑व॒र्गम्⁠। प्र॒जा॒न॒तीति॑ प्र—जा॒न॒ती⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमे॑ति⁠। ए॒ति॒ यज॑मानम्⁠। यज॑मानम॒भि⁠। अ॒भ्युत्⁠। उथ् सृ॑जति⁠। सृ॒ज॒ति॒ ख्‍षि॒प्रे⁠। ख्‍षि॒प्रे स॒हस्र᳚म्⁠। स॒हस्र॒म् प्र⁠। प्र जा॑यते⁠। जा॒य॒त॒ उ॒त्त॒मा⁠। उ॒त्त॒मा नी॒यते᳚⁠। उ॒त्त॒मेत्यु॑त्—त॒मा⁠। नी॒यते᳚ प्रथ॒मा⁠। प्र॒थ॒मा दे॒वान्⁠। दे॒वान् ग॑च्छति⁠। ग॒च्छ॒तीति॑ गच्छति⁠॥ [३२] (लो॒कान् ग॑मयति॒ सा अवि॑द्वान्थ् सु॒शेवा॒ माऽऽवि॑श॒ यज॑मान॒म् द्वाद॑श च)⁠।) ॥७॥
अत्रि॑रददात्⁠। अ॒द॒दा॒दौर्वा॑य⁠। और्वा॑य प्र॒जाम्⁠। प्र॒जाम् पु॒त्रका॑माय⁠। प्र॒जामिति॑ प्र—जाम्⁠। पु॒त्रका॑माय॒ सः⁠। पु॒त्रका॑मा॒येति॑ पु॒त्र—का॒मा॒य॒⁠। स रि॑रिचा॒नः⁠। रि॒रि॒चा॒नो॑ऽमन्यत⁠। अ॒म॒न्य॒त॒ निर्वी᳚र्यः⁠। निर्वी᳚र्यः शिथि॒लः⁠। निर्वी᳚र्य॒ इति॒ निः—वी॒र्यः॒⁠। शि॒थि॒लो या॒तया॑मा⁠। या॒तया॑मा॒ सः⁠। या॒तया॒मेति॑ या॒त—या॒मा॒⁠। स ए॒तम्⁠। ए॒तम् च॑तूरा॒त्रम्⁠। च॒तू॒रा॒त्रम॑पश्यत्⁠। च॒तू॒रा॒त्रमिति॑ चतुः—रा॒त्रम्⁠। अ॒प॒श्य॒त् तम्⁠। तमा⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै तस्य॑⁠। तस्य॑ च॒त्वारः॑⁠। च॒त्वारो॑ वी॒राः⁠। वी॒रा आ⁠। आऽजा॑यन्त⁠। अ॒जा॒य॒न्त॒ सुहो॑ता⁠। सुहो॑ता॒ सू᳚द्‍गाता⁠। सुहो॒तेति॒ सु—हो॒ता॒⁠। सू᳚द्‍गाता॒ स्व॑द्ध्वर्युः⁠। सू᳚द्‍गा॒तेति॒ सु—उ॒द्‍गा॒ता॒⁠। स्व॑द्ध्वर्युः॒ सुस॑भेयः⁠। स्व॑द्ध्वर्यु॒रिति॒ सु—अ॒द्ध्व॒र्युः॒⁠। सुस॑भेयो॒ यः⁠। सुस॑भेय॒ इति॒ सु—स॒भे॒यः॒⁠। य ए॒वम्⁠। ए॒वव्ँवि॒द्वान्⁠। वि॒द्वाꣴश्च॑तूरा॒त्रेण॑⁠। च॒तू॒रा॒त्रेण॒ यज॑ते⁠। च॒तू॒रा॒त्रेणेति॑ चतुः—रा॒त्रेण॑⁠। यज॑त॒ आ⁠। आऽस्य॑⁠। अ॒स्य॒ च॒त्वारः॑⁠। च॒त्वारो॑ वी॒राः⁠। वी॒रा जा॑यन्ते⁠। जा॒य॒न्ते॒ सुहो॑ता⁠। सुहो॑ता॒ सू᳚द्‍गाता⁠। सुहो॒तेति॒ सु—हो॒ता॒⁠। सू᳚द्‍गाता॒ स्व॑द्ध्वर्युः⁠। सू᳚द्‍गा॒तेति॒ सु—उ॒द्‍गा॒ता॒⁠। स्व॑द्ध्वर्युः॒ सुस॑भेयः⁠। स्व॑द्ध्वर्यु॒रिति॒ सु—अ॒द्ध्व॒र्युः॒⁠। सुस॑भेयो॒ ये⁠। सुस॑भेय॒ इति॒ सु—स॒भे॒यः॒⁠। ये च॑तुर्वि॒ꣳ॒शाः⁠। च॒तु॒र्वि॒ꣳ॒शाः पव॑मानाः⁠। च॒तु॒र्वि॒ꣳ॒शा इति॑ चतुः—वि॒ꣳ॒शाः⁠। पव॑माना ब्रह्मवर्च॒सम्⁠। ब्र॒ह्म॒व॒र्च॒सम् तत्⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। तद् ये⁠। [३३] य उ॒द्यन्तः॑⁠। उ॒द्यन्तः॒ स्तोमाः᳚⁠। उ॒द्यन्त॒ इत्यु॑त्—यन्तः॑⁠। स्तोमाः॒ श्रीः⁠। श्रीः सा⁠। साऽत्रि᳚म्⁠। अत्रि॑ꣴ श्र॒द्धादे॑वम्⁠। श्र॒द्धादे॑व॒य्ँयज॑मानम्⁠। श्र॒द्धादे॑व॒मिति॑ श्र॒द्धा—दे॒व॒म्⁠। यज॑मानम् च॒त्वारि॑⁠। च॒त्वारि॑ वी॒र्या॑णि⁠। वी॒र्या॑णि॒ न⁠। नोप॑⁠। उपा॑नमन्न्⁠। अ॒न॒म॒न् तेजः॑⁠। तेज॑ इन्द्रि॒यम्⁠। इ॒न्द्रि॒यम् ब्र॑ह्मवर्च॒सम्⁠। ब्र॒ह्म॒व॒र्च॒सम॒न्नाद्य᳚म्⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। अ॒न्नाद्य॒ꣳ॒ सः⁠। अ॒न्नाद्य॒मित्य॑न्न—अद्य᳚म्⁠। स ए॒तान्⁠। ए॒ताꣴश्च॒तुरः॑⁠। च॒तुर॒श्चतु॑ष्टोमान्⁠। चतु॑ष्टोमा॒न्थ् सोमा॑न्⁠। चतु॑ष्टोमा॒निति॒ चतुः॑—स्तो॒मा॒न्॒⁠। सोमा॑नपश्यत्⁠। अ॒प॒श्य॒त् तान्⁠। ताना⁠। आऽह॑रत्⁠। अ॒ह॒र॒त् तैः⁠। तैर॑यजत⁠। अ॒य॒ज॒त॒ तेजः॑⁠। तेज॑ ए॒व⁠। ए॒व प्र॑थ॒मेन॑⁠। प्र॒थ॒मेनाव॑⁠। अवा॑रुन्ध⁠। अ॒रु॒न्धे॒न्द्रि॒यम्⁠। इ॒न्द्रि॒यम् द्वि॒तीये॑न⁠। द्वि॒तीये॑न ब्रह्मवर्च॒सम्⁠। ब्र॒ह्म॒व॒र्च॒सम् तृ॒तीये॑न⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। तृ॒तीये॑ना॒न्नाद्य᳚म्⁠। अ॒न्नाद्य॑म् चतु॒र्थेन॑⁠। अ॒न्नाद्य॒मित्य॑न्न—अद्य᳚म्⁠। च॒तु॒र्थेन॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वाꣴश्च॒तुरः॑⁠। च॒तुर॒श्चतु॑ष्टोमान्⁠। चतु॑ष्टोमा॒न् थ्सोमा॑न्⁠। चतु॑ष्टोमा॒निति॒ चतुः॑—स्तो॒मा॒न्॒⁠। सोमा॑ना॒हर॑ति⁠। आ॒हर॑ति॒ तैः⁠। आ॒हर॒तीत्या᳚—हर॑ति⁠। तैर् यज॑ते⁠। यज॑ते॒ तेजः॑⁠। तेज॑ ए॒व⁠। ए॒व प्र॑थ॒मेन॑⁠। प्र॒थ॒मेनाव॑⁠। अव॑ रुन्धे⁠। रु॒न्ध॒ इ॒न्द्रि॒यम्⁠। इ॒न्द्रि॒यम् द्वि॒तीये॑न⁠। द्वि॒तीये॑न ब्रह्मवर्च॒सम्⁠। ब्र॒ह्म॒व॒र्च॒सम् तृ॒तीये॑न⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। तृ॒तीये॑ना॒न्नाद्य᳚म्⁠। अ॒न्नाद्य॑म् चतु॒र्थेन॑⁠। अ॒न्नाद्य॒मित्य॑न्न—अद्य᳚म्⁠। च॒तु॒र्थेन॒ याम्⁠। यामे॒व⁠। ए॒वात्रिः॑⁠। अत्रि॒र्॒‌ऋद्धि᳚म्⁠। ऋद्धि॒मार्द्ध्नो᳚त्⁠। आर्द्ध्नो॒त् ताम्⁠। तामे॒व⁠। ए॒व यज॑मानः⁠। यज॑मान ऋद्ध्नोति⁠। ऋ॒द्ध्नो॒तीत्यृ॑द्ध्नोति⁠॥ [३४] (तत् तेज॑ ए॒वा ष्टाद॑श च) ॥८॥
ज॒मद॑ग्निः॒ पुष्टि॑कामः⁠। पुष्टि॑कामश्चतूरा॒त्रेण॑⁠। पुष्टि॑काम॒ इति॒ पुष्टि॑—का॒मः॒⁠। च॒तू॒रा॒त्रेणा॑यजत⁠। च॒तू॒रा॒त्रेणेति॑ चतुः—रा॒त्रेण॑⁠। अ॒य॒ज॒त॒ सः⁠। स ए॒तान्⁠। ए॒तान् पोषा॑न्⁠। पोषा॑ꣳ अपुष्यत्⁠। अ॒पु॒ष्य॒त् तस्मा᳚त्⁠। तस्मा᳚त् पलि॒तौ⁠। प॒लि॒तौ जाम॑दग्नियौ⁠। जाम॑दग्नियौ॒ न⁠। न सम्⁠। सम् जा॑नाते⁠। जा॒ना॒ते॒ ए॒तान्⁠। जा॒ना॒ते॒ इति॑ जानाते⁠। ए॒ताने॒व⁠। ए॒व पोषा॑न्⁠। पोषा᳚न् पुष्यति⁠। पु॒ष्य॒ति॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वाꣴश्च॑तूरा॒त्रेण॑⁠। च॒तू॒रा॒त्रेण॒ यज॑ते⁠। च॒तू॒रा॒त्रेणेति॑ चतुः—रा॒त्रेण॑⁠। यज॑ते पुरोडा॒शिन्यः॑⁠। पु॒रो॒डा॒शिन्य॑ उप॒सदः॑⁠। उ॒प॒सदो॑ भवन्ति⁠। उ॒प॒सद॒ इत्यु॑प—सदः॑⁠। भ॒व॒न्ति॒ प॒शवः॑⁠। प॒शवो॒ वै⁠। वै पु॑रो॒डाशः॑⁠। पु॒रो॒डाशः॑ प॒शून्⁠। प॒शूने॒व⁠। ए॒वाव॑⁠। अव॑ रुन्धे⁠। रु॒न्धेऽन्न᳚म्⁠। अन्न॒व्ँवै⁠। वै पु॑रो॒डाशः॑⁠। पु॒रो॒डाशोऽन्न᳚म्⁠। अन्न॑मे॒व⁠। ए॒वाव॑⁠। अव॑ रुन्धे⁠। रु॒न्धे॒ऽन्ना॒दः⁠। अ॒न्ना॒दः प॑शु॒मान्⁠। अ॒न्ना॒द इत्य॑न्न—अ॒दः⁠। प॒शु॒मान् भ॑वति⁠। प॒शु॒मानिति॑ पशु—मान्⁠। भ॒व॒ति॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वाꣴश्च॑तूरा॒त्रेण॑⁠। च॒तू॒रा॒त्रेण॒ यज॑ते⁠। च॒तू॒रा॒त्रेणेति॑ चतुः—रा॒त्रेण॑⁠। यज॑त॒ इति॒ यज॑ते⁠॥ [३५] (ज॒मद॑ग्नि र॒ष्टाच॑त्वारिꣳशत्) ॥९॥
स॒व्ँव॒थ्स॒रो वै⁠। स॒व्ँव॒थ्स॒र इति॑ सम्—व॒थ्स॒रः⁠। वा इ॒दम्⁠। इ॒दमेकः॑⁠। एक॑ आसीत्⁠। आ॒सी॒थ् सः⁠। सो॑ऽकामयत⁠। अ॒का॒म॒य॒त॒र्तून्⁠। ऋ॒तून्थ् सृ॑जेय⁠। सृ॒जे॒येति॑⁠। इति॒ सः⁠। स ए॒तम्⁠। ए॒तम् प॑ञ्चरा॒त्रम्⁠। प॒ञ्च॒रा॒त्रम॑पश्यत्⁠। प॒ञ्च॒रा॒त्रमिति॑ पञ्च—रा॒त्रम्⁠। अ॒प॒श्य॒त् तम्⁠। तमा⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै सः⁠। स ऋ॒तून्⁠। ऋ॒तून॑सृजत⁠। अ॒सृ॒ज॒त॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान् प॑ञ्चरा॒त्रेण॑⁠। प॒ञ्च॒रा॒त्रेण॒ यज॑ते⁠। प॒ञ्च॒रा॒त्रेणेति॑ पञ्च—रा॒त्रेण॑⁠। यज॑ते॒ प्र⁠। प्रैव⁠। ए॒व जा॑यते⁠। जा॒य॒ते॒ ते⁠। त ऋ॒तवः॑⁠। ऋ॒तवः॑ सृ॒ष्टाः⁠। सृ॒ष्टा न⁠। न व्याव॑र्तन्त⁠। व्याव॑र्तन्त॒ ते⁠। व्याव॑र्त॒न्तेति॑ वि—आव॑र्तन्त⁠। त ए॒तम्⁠। ए॒तम् प॑ञ्चरा॒त्रम्⁠। प॒ञ्च॒रा॒त्रम॑पश्यन्न्⁠। प॒ञ्च॒रा॒त्रमिति॑ पञ्च—रा॒त्रम्⁠। अ॒प॒श्य॒न् तम्⁠। तमा⁠। आऽह॑रन्न्⁠। अ॒ह॒र॒न् तेन॑⁠। तेना॑ऽयजन्त⁠। अ॒य॒ज॒न्त॒ ततः॑⁠। ततो॒ वै⁠। वै ते⁠। ते व्याव॑र्तन्त⁠। व्याव॑र्तन्त॒ यः⁠। व्याव॑र्त॒न्तेति॑ वि—आव॑र्तन्त⁠। [३६] य ए॒वम्⁠। ए॒वव्ँवि॒द्वान्⁠। वि॒द्वान् प॑ञ्चरा॒त्रेण॑⁠। प॒ञ्च॒रा॒त्रेण॒ यज॑ते⁠। प॒ञ्च॒रा॒त्रेणेति॑ पञ्च—रा॒त्रेण॑⁠। यज॑ते॒ वि⁠। वि पा॒प्मना᳚⁠। पा॒प्मना॒ भ्रातृ॑व्येण⁠। भ्रातृ॑व्ये॒णा⁠। आ व॑र्तते⁠। व॒र्त॒ते॒ सार्व॑सेनिः⁠। सार्व॑सेनिः शौचे॒यः⁠। सार्व॑सेनि॒रिति॒ सार्व॑—से॒निः॒⁠। शौ॒चे॒यो॑ऽकामयत⁠। अ॒का॒म॒य॒त॒ प॒शु॒मान्⁠। प॒शु॒मान्थ् स्या᳚म्⁠। प॒शु॒मानिति॑ पशु—मान्⁠। स्या॒मिति॑⁠। इति॒ सः⁠। स ए॒तम्⁠। ए॒तम् प॑ञ्चरा॒त्रम्⁠। प॒ञ्च॒रा॒त्रमा⁠। प॒ञ्च॒रा॒त्रमिति॑ पञ्च—रा॒त्रम्⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै सः⁠। स स॒हस्र᳚म्⁠। स॒हस्र॑म् प॒शून्⁠। प॒शून् प्र⁠। प्राप्नो᳚त्⁠। आ॒प्नो॒द् यः⁠। य ए॒वम्⁠। ए॒वव्ँवि॒द्वान्⁠। वि॒द्वान् प॑ञ्चरा॒त्रेण॑⁠। प॒ञ्च॒रा॒त्रेण॒ यज॑ते⁠। प॒ञ्च॒रा॒त्रेणेति॑ पञ्च—रा॒त्रेण॑⁠। यज॑ते॒ प्र⁠। प्र स॒हस्र᳚म्⁠। स॒हस्र॑म् प॒शून्⁠। प॒शूना᳚प्नोति⁠। आ॒प्नो॒ति॒ ब॒ब॒रः⁠। ब॒ब॒रः प्रावा॑हणिः⁠। प्रावा॑हणिरकामयत⁠। अ॒का॒म॒य॒त॒ वा॒चः⁠। वा॒चः प्र॑वदि॒ता⁠। प्र॒व॒दि॒ता स्या᳚म्⁠। प्र॒व॒दि॒तेति॑ प्र—व॒दि॒ता⁠। स्या॒मिति॑⁠। इति॒ सः⁠। स ए॒तम्⁠। ए॒तम् प॑ञ्चरा॒त्रम्⁠। प॒ञ्च॒रा॒त्रमा⁠। प॒ञ्च॒रा॒त्रमिति॑ पञ्च—रा॒त्रम्⁠। आऽह॑रत्⁠। [३७] अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै सः⁠। स वा॒चः⁠। वा॒चः प्र॑वदि॒ता⁠। प्र॒व॒दि॒ताऽभ॑वत्⁠। प्र॒व॒दि॒तेति॑ प्र—व॒दि॒ता⁠। अ॒भ॒व॒द् यः⁠। य ए॒वम्⁠। ए॒वव्ँवि॒द्वान्⁠। वि॒द्वान् प॑ञ्चरा॒त्रेण॑⁠। प॒ञ्च॒रा॒त्रेण॒ यज॑ते⁠। प॒ञ्च॒रा॒त्रेणेति॑ पञ्च—रा॒त्रेण॑⁠। यज॑ते प्रवदि॒ता⁠। प्र॒व॒दि॒तैव⁠। प्र॒व॒दि॒तेति॑ प्र—व॒दि॒ता⁠। ए॒व वा॒चः⁠। वा॒चो भ॑वति⁠। भ॒व॒त्यथो᳚⁠। अथो॑ एनम्⁠। अथो॒ इत्यथो᳚⁠। ए॒न॒व्ँवा॒चः⁠। वा॒चस्पतिः॑⁠। पति॒रिति॑⁠। इत्या॑हुः⁠। आ॒हु॒रना᳚प्तः⁠। अना᳚प्तश्चतूरा॒त्रः⁠। च॒तू॒रा॒त्रोऽति॑रिक्तः⁠। च॒तू॒रा॒त्र इति॑ चतुः—रा॒त्रः⁠। अति॑रिक्तष्षड्‍रा॒त्रः⁠। अति॑रिक्त॒ इत्यति॑—रि॒क्तः॒⁠। ष॒ड्‍रा॒त्रोऽथ॑⁠। ष॒ड्‍रा॒त्र इति॑ षट्—रा॒त्रः⁠। अथ॒ वै⁠। वा ए॒षः⁠। ए॒ष स॑म्प्र॒ति⁠। स॒म्प्र॒ति य॒ज्ञः⁠। स॒म्प्र॒तीति॑ सम्—प्र॒ति⁠। य॒ज्ञो यत्⁠। यत् प॑ञ्चरा॒त्रः⁠। प॒ञ्च॒रा॒त्रो यः⁠। प॒ञ्च॒रात्र इति॑ पञ्च—रा॒त्रः⁠। य ए॒वम्⁠। ए॒वव्ँवि॒द्वान्⁠। वि॒द्वान् प॑ञ्चरा॒त्रेण॑⁠। प॒ञ्च॒रा॒त्रेण॒ यज॑ते⁠। प॒ञ्च॒रा॒त्रेणेति॑ पञ्च—रा॒त्रेण॑⁠। यज॑ते सम्प्र॒ति⁠। स॒म्प्र॒त्ये॑व⁠। स॒म्प्र॒तीति॑ सम्—प्र॒ति⁠। ए॒व य॒ज्ञेन॑⁠। य॒ज्ञेन॑ यजते⁠। य॒ज॒ते॒ प॒ञ्च॒रा॒त्रः⁠। प॒ञ्च॒रा॒त्रो भ॑वति⁠। प॒ञ्च॒रा॒त्र इति॑ पञ्च—रा॒त्रः⁠। भ॒व॒ति॒ पञ्च॑⁠। पञ्च॒ वै⁠। वा ऋ॒तवः॑⁠। ऋ॒तवः॑ सव्ँवथ्स॒रः⁠। स॒व्ँव॒थ्स॒र ऋ॒तुषु॑⁠। स॒व्ँव॒थ्स॒र इति॑ सम्—व॒थ्स॒रः⁠। [३८] ऋ॒तुष्वे॒व⁠। ए॒व स॑व्ँवथ्स॒रे⁠। स॒व्ँव॒थ्स॒रे प्रति॑⁠। स॒व्ँव॒थ्स॒र इति॑ सम्—व॒थ्स॒रे⁠। प्रति॑ तिष्ठति⁠। ति॒ष्ठ॒त्यथो᳚⁠। अथो॒ पञ्चा᳚ख्‍षरा⁠। अथो॒ इत्यथो᳚⁠। पञ्चा᳚ख्‍षरा प॒ङ्‍क्तिः⁠। पञ्चा᳚ख्‍ष॒रेति॒ पञ्च॑—अ॒ख्‍ष॒रा॒⁠। प॒ङ्‍क्तिः पाङ्‍क्तः॑⁠। पाङ्‍क्तो॑ य॒ज्ञः⁠। य॒ज्ञो य॒ज्ञम्⁠। य॒ज्ञमे॒व⁠। ए॒वाव॑⁠। अव॑ रुन्धे⁠। रु॒न्धे॒ त्रि॒वृत्⁠। त्रि॒वृद॑ग्निष्टो॒मः⁠। त्रि॒वृदिति॑ त्रि—वृत्⁠। अ॒ग्नि॒ष्टो॒मो भ॑वति⁠। अ॒ग्नि॒ष्टो॒म इत्य॑ग्नि—स्तो॒मः⁠। भ॒व॒ति॒ तेजः॑⁠। तेज॑ ए॒व⁠। ए॒वाव॑⁠। अव॑ रुन्धे⁠। रु॒न्धे॒ प॒ञ्च॒द॒शः⁠। प॒ञ्च॒द॒शो भ॑वति⁠। प॒ञ्च॒द॒श इति॑ पञ्च—द॒शः⁠। भ॒व॒ती॒न्द्रि॒यम्⁠। इ॒न्द्रि॒यमे॒व⁠। ए॒वाव॑⁠। अव॑ रुन्धे⁠। रु॒न्धे॒ स॒प्त॒द॒शः⁠। स॒प्त॒द॒शो भ॑वति⁠। स॒प्त॒द॒श इति॑ सप्त—द॒शः⁠। भ॒व॒त्य॒न्नाद्य॑स्य⁠। अ॒न्नाद्य॒स्या,व॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्या॒ अथो᳚⁠। अव॑रुद्ध्या॒ इत्यव॑—रु॒द्ध्यै॒⁠। अथो॒ प्र⁠। अथो॒ इत्यथो᳚⁠। प्रैव⁠। ए॒व तेन॑⁠। तेन॑ जायते⁠। जा॒य॒ते॒ प॒ञ्च॒वि॒ꣳ॒शः⁠। प॒ञ्च॒वि॒ꣳ॒शो᳚ऽग्निष्टो॒मः⁠। प॒ञ्च॒वि॒ꣳ॒श इति॑ पञ्च—वि॒ꣳ॒शः⁠। अ॒ग्नि॒ष्टो॒मो भ॑वति⁠। अ॒ग्नि॒ष्टो॒म इत्य॑ग्नि—स्तो॒मः⁠। भ॒व॒ति॒ प्र॒जाप॑तेः⁠। प्र॒जाप॑ते॒राप्त्यै᳚⁠। प्र॒जाप॑ते॒रिति॑ प्र॒जा—प॒तेः॒⁠। आप्त्यै॑ महाव्र॒तवा॑न्⁠। म॒हा॒व्र॒तवा॑,न॒न्नाद्य॑स्य⁠। म॒हा॒व्र॒तवा॒निति॑ महाव्र॒त—वा॒न्॒⁠। अ॒न्नाद्य॒स्या,व॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्यै विश्व॒जित्⁠। अव॑रुद्ध्या॒ इत्यव॑—रु॒द्ध्यै॒⁠। वि॒श्व॒जिथ् सर्व॑पृष्ठः⁠। वि॒श्व॒जिदिति॑ विश्व—जित्⁠। सर्व॑पृष्ठोऽतिरा॒त्रः⁠। सर्व॑पृष्ठ॒ इति॒ सर्व॑—पृ॒ष्ठः॒⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। भ॒व॒ति॒ सर्व॑स्य⁠। सर्व॑स्या॒भिजि॑त्यै⁠। अ॒भिजि॑त्या॒ इत्य॒भि—जि॒त्यै॒⁠॥ [३९] (ते व्याव॑र्तन्त प्रवदि॒ता स्या॒मिति॒ स ए॒तम् प॑ञ्चरा॒त्रमा स॑व्ँवथ्स॒रो॑ भिजि॑त्यै) ॥१०॥
दे॒वस्य॑ त्वा⁠। त्वा॒ स॒वि॒तुः⁠। स॒वि॒तुः प्र॑स॒वे⁠। प्र॒स॒वे᳚ऽश्विनोः᳚⁠। प्र॒स॒व इति॑ प्र—स॒वे⁠। अ॒श्विनो᳚र् बा॒हुभ्या᳚म्⁠। बा॒हुभ्या᳚म् पू॒ष्णः⁠। बा॒हुभ्या॒मिति॑ बा॒हु—भ्या॒म्⁠। पू॒ष्णो हस्ता᳚भ्याम्⁠। हस्ता᳚भ्या॒मा⁠। आ द॑दे⁠। द॒द॒ इ॒माम्⁠। इ॒माम॑गृभ्णन्न्⁠। अ॒गृ॒भ्ण॒न् र॒श॒नाम्⁠। र॒श॒नामृ॒तस्य॑⁠। ऋ॒तस्य॒ पूर्वे᳚⁠। पूर्व॒ आयु॑षि⁠। आयु॑षि वि॒दथे॑षु⁠। वि॒दथे॑षु क॒व्या⁠। क॒व्येति॑ क॒व्या⁠॥ तया॑ दे॒वाः⁠। दे॒वाः सु॒तम्⁠। सु॒तमा⁠। आ ब॑भूवुः⁠। ब॒भू॒वु॒र्॒‌ऋ॒तस्य॑⁠। ऋ॒तस्य॒ साम॑न्न्⁠। साम᳚न्थ् स॒रम्⁠। स॒रमा॒रप॑न्ती⁠। आ॒रप॒न्तीत्या᳚—रप॑न्ती⁠॥ अ॒भि॒धा अ॑सि⁠। अ॒भि॒धा इत्य॑भि—धाः⁠। अ॒सि॒ भुव॑नम्⁠। भुव॑नमसि⁠। अ॒सि॒ य॒न्ता⁠। य॒न्ताऽसि॑⁠। अ॒सि॒ ध॒र्ता⁠। ध॒र्ताऽसि॑⁠। अ॒सि॒ सः⁠। सो᳚ऽग्निम्⁠। अ॒ग्निव्ँवै᳚श्वान॒रम्⁠। वै॒श्वा॒न॒रꣳ सप्र॑थसम्⁠। सप्र॑थसम् गच्छ⁠। सप्र॑थस॒मिति॒ स—प्र॒थ॒स॒म्⁠। ग॒च्छ॒ स्वाहा॑कृतः⁠। स्वाहा॑कृतः पृथि॒व्याम्⁠। स्वाहा॑कृत॒ इति॒ स्वाहा᳚—कृ॒तः॒⁠। पृ॒थि॒व्याय्ँय॒न्ता⁠। य॒न्ता राट्⁠। राड्‍ य॒न्ता⁠। य॒न्ताऽसि॑⁠। अ॒सि॒ यम॑नः⁠। यम॑नो ध॒र्ता⁠। ध॒र्ताऽसि॑⁠। अ॒सि॒ ध॒रुणः॑⁠। ध॒रुणः॑ कृ॒ष्यै⁠। कृ॒ष्यै त्वा᳚⁠। त्वा॒ ख्‍षेमा॑य⁠। ख्‍षेमा॑य त्वा⁠। त्वा॒ र॒य्यै⁠। र॒य्यै त्वा᳚⁠। त्वा॒ पोषा॑य⁠। पोषा॑य त्वा⁠। त्वा॒ पृ॒थि॒व्यै⁠। पृ॒थि॒व्यै त्वा᳚⁠। त्वा॒ऽन्तरि॑ख्‍षाय⁠। अ॒न्तरि॑ख्‍षाय त्वा⁠। त्वा॒ दि॒वे⁠। दि॒वे त्वा᳚⁠। त्वा॒ स॒ते⁠। स॒ते त्वा᳚⁠। त्वाऽस॑ते⁠। अस॑ते त्वा⁠। त्वा॒ऽद्भ्यः⁠। अ॒द्भ्यस्त्वा᳚⁠। अ॒द्भ्य इत्य॑त्—भ्यः⁠। त्वौष॑धीभ्यः⁠। ओष॑धीभ्यस्त्वा⁠। ओष॑धीभ्य॒ इत्योष॑धि—भ्यः॒⁠। त्वा॒ विश्वे᳚भ्यः⁠। विश्वे᳚भ्यस्त्वा⁠। त्वा॒ भू॒तेभ्यः॑⁠। भू॒तेभ्य॒ इति॑ भू॒तेभ्यः॑⁠॥ [४०] (ध॒रुणः॒ पञ्च॑विꣳशतिश्च) ॥११॥
वि॒भूर् मा॒त्रा⁠। वि॒भूरिति॑ वि—भूः⁠। मा॒त्रा प्र॒भूः⁠। प्र॒भूः पि॒त्रा⁠। प्र॒भूरिति॑ प्र—भूः⁠। पि॒त्राऽश्वः॑⁠। अश्वो॑ऽसि⁠। अ॒सि॒ हयः॑⁠। हयो॑ऽसि⁠। अ॒स्यत्यः॑⁠। अत्यो॑ऽसि⁠। अ॒सि॒ नरः॑⁠। नरो॑ऽसि⁠। अ॒स्यर्वा᳚⁠। अर्वा॑ऽसि⁠। अ॒सि॒ सप्तिः॑⁠। सप्ति॑रसि⁠। अ॒सि॒ वा॒जी⁠। वा॒ज्य॑सि⁠। अ॒सि॒ वृषा᳚⁠। वृषा॑ऽसि⁠। अ॒सि॒ नृ॒मणाः᳚⁠। नृ॒मणा॑ असि⁠। नृ॒मणा॒ इति॑ नृ—मनाः᳚⁠। अ॒सि॒ ययुः॑⁠। ययु॒र् नाम॑⁠। नामा॑सि⁠। अ॒स्या॒दि॒त्याना᳚म्⁠। आ॒दि॒त्याना॒म् पत्व॑⁠। पत्वानु॑⁠। अन्वि॑हि⁠। इ॒ह्य॒ग्नये᳚⁠। अ॒ग्नये॒ स्वाहा᳚⁠। स्वाहा॒ स्वाहा᳚⁠। स्वाहे᳚न्द्रा॒ग्निभ्या᳚म्⁠। इ॒न्द्रा॒ग्निभ्या॒ꣴ॒ स्वाहा᳚⁠। इ॒न्द्रा॒ग्निभ्या॒मिती᳚न्द्रा॒ग्नि—भ्या॒म्⁠। स्वाहा᳚ प्र॒जाप॑तये⁠। प्र॒जाप॑तये॒ स्वाहा᳚⁠। प्र॒जाप॑तय॒ इति॑ प्र॒जा—प॒त॒ये॒⁠। स्वाहा॒ विश्वे᳚भ्यः⁠। विश्वे᳚भ्यो दे॒वेभ्यः॑⁠। दे॒वेभ्यः॒ स्वाहा᳚⁠। स्वाहा॒ सर्वा᳚भ्यः⁠। सर्वा᳚भ्यो दे॒वता᳚भ्यः⁠। दे॒वता᳚भ्य इ॒ह⁠। इ॒ह धृतिः॑⁠। धृतिः॒ स्वाहा᳚⁠। स्वाहे॒ह⁠। इ॒ह विधृ॑तिः⁠। विधृ॑तिः॒ स्वाहा᳚⁠। विधृ॑ति॒रिति॒ वि—धृ॒तिः॒⁠। स्वाहे॒ह⁠। इ॒ह रन्तिः॑⁠। रन्तिः॒ स्वाहा᳚⁠। स्वाहे॒ह⁠। इ॒ह रम॑तिः⁠। रम॑तिः॒ स्वाहा᳚⁠। स्वाहा॒ भूः⁠। भूर॑सि⁠। अ॒सि॒ भु॒वे⁠। भु॒वे त्वा᳚⁠। त्वा॒ भव्या॑य⁠। भव्या॑य त्वा⁠। त्वा॒ भ॒वि॒ष्य॒ते⁠। भ॒वि॒ष्य॒ते त्वा᳚⁠। त्वा॒ विश्वे᳚भ्यः⁠। विश्वे᳚भ्यस्त्वा⁠। त्वा॒ भू॒तेभ्यः॑⁠। भू॒तेभ्यो॒ देवाः᳚⁠। देवा॑ आशापालाः⁠। आ॒शा॒पा॒ला॒ ए॒तम्⁠। आ॒शा॒पा॒ला॒ इत्या॑शा—पा॒लाः॒⁠। ए॒तम् दे॒वेभ्यः॑⁠। दे॒वेभ्योऽश्व᳚म्⁠। अश्व॒म् मेधा॑य⁠। मेधा॑य॒ प्रोख्‍षि॑तम्⁠। प्रोख्‍षि॑तम् गोपायत⁠। प्रोख्‍षि॑त॒मिति॒ प्र—उ॒ख्‍षि॒त॒म्⁠। गो॒पा॒य॒तेति॑ गोपायत⁠॥ [४१] (रन्तिः॒ स्वाहा॒ द्वावि॑ꣳशतिश्च) ॥१२॥
आय॑नाय॒ स्वाहा᳚⁠। आय॑ना॒येत्या᳚—अय॑नाय⁠। स्वाहा॒ प्राय॑णाय⁠। प्राय॑णाय॒ स्वाहा᳚⁠। प्राय॑णा॒येति॑ प्र—अय॑नाय⁠। स्वाहो᳚द्द्रा॒वाय॑⁠। उ॒द्द्रा॒वाय॒ स्वाहाः᳚⁠। उ॒द्द्रा॒वायेत्यु॑त्—द्रा॒वाय॑⁠। स्वाहोद्द्रु॑ताय⁠। उद्द्रु॑ताय॒ स्वाहा᳚⁠। उद्द्रु॑ता॒येत्युत्—द्रु॒ता॒य॒⁠। स्वाहा॑ शूका॒राय॑⁠। शू॒का॒राय॒ स्वाहा᳚⁠। शू॒का॒रायेति॑ शू—का॒राय॑⁠। स्वाहा॒ शूकृ॑ताय⁠। शूकृ॑ताय॒ स्वाहा᳚⁠। शूकृ॑ता॒येति॒ शू—कृ॒ता॒य॒⁠। स्वाहा॒ पला॑यिताय⁠। पला॑यिताय॒ स्वाहा᳚⁠। स्वाहा॒ऽऽपला॑यिताय⁠। आ॒पला॑यिताय॒ स्वाहा᳚⁠। आ॒पला॑यिता॒येत्या᳚—पला॑यिताय⁠। स्वाहा॒ऽऽवल्ग॑ते⁠। आ॒वल्ग॑ते॒ स्वाहा᳚⁠। आ॒वल्ग॑त॒ इत्या᳚—वल्ग॑ते⁠। स्वाहा॑ परा॒वल्ग॑ते⁠। प॒रा॒वल्ग॑ते॒ स्वाहा᳚⁠। प॒रा॒वल्ग॑त॒ इति॑ परा—वल्ग॑ते⁠। स्वाहा॑ऽऽय॒ते⁠। आ॒य॒ते स्वाहा᳚⁠। आ॒य॒त इत्या᳚—य॒ते⁠। स्वाहा᳚ प्रय॒ते⁠। प्र॒य॒ते स्वाहा᳚⁠। प्र॒य॒त इति॑ प्र—य॒ते⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४२] (आय॑ना॒योत्त॑रमा॒पला॑यिताय॒ षड्वि॑ꣳशतिः) ॥१३॥
अ॒ग्नये॒ स्वाहा᳚⁠। स्वाहा॒ सोमा॑य⁠। सोमा॑य॒ स्वाहा᳚⁠। स्वाहा॑ वा॒यवे᳚⁠। वा॒यवे॒ स्वाहा᳚⁠। स्वाहा॒ऽपाम्⁠। अ॒पाम् मोदा॑य⁠। मोदा॑य॒ स्वाहा᳚⁠। स्वाहा॑ सवि॒त्रे⁠। स॒वि॒त्रे स्वाहा᳚⁠। स्वाहा॒ सर॑स्वत्यै⁠। सर॑स्वत्यै॒ स्वाहा᳚⁠। स्वाहेन्द्रा॑य⁠। इन्द्रा॑य॒ स्वाहा᳚⁠। स्वाहा॒ बृह॒स्पत॑ये⁠। बृह॒स्पत॑ये॒ स्वाहा᳚⁠। स्वाहा॑ मि॒त्राय॑⁠। मि॒त्राय॒ स्वाहा᳚⁠। स्वाहा॒ वरु॑णाय⁠। वरु॑णाय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। ? स्वाहेति॒ स्वाहा᳚⁠॥ [४३] (अ॒ग्नये॑ वा॒यवे॒ऽपाम् मोदा॒येन्द्रा॑य॒ त्रयो॑विꣳशतिः) ॥१४॥
पृ॒थि॒व्यै स्वाहा᳚⁠। स्वाहा॒ऽन्तरि॑ख्‍षाय⁠। अ॒न्तरि॑ख्‍षाय॒ स्वाहा᳚⁠। स्वाहा॑ दि॒वे⁠। दि॒वे स्वाहा᳚⁠। स्वाहा॒ सूर्या॑य⁠। सूर्या॑य॒ स्वाहा᳚⁠। स्वाहा॑ च॒न्द्रम॑से⁠। च॒न्द्रम॑से॒ स्वाहा᳚⁠। स्वाहा॒ नख्‍ष॑त्रेभ्यः⁠। नख्‍ष॑त्रेभ्यः॒ स्वाहा᳚⁠। स्वाहा॒ प्राच्यै᳚⁠। प्राच्यै॑ दि॒शे⁠। दि॒शे स्वाहा᳚⁠। स्वाहा॒ दख्‍षि॑णायै⁠। दख्‍षि॑णायै दि॒शे⁠। दि॒शे स्वाहा᳚⁠। स्वाहा᳚ प्र॒तीच्यै᳚⁠। प्र॒तीच्यै॑ दि॒शे⁠। दि॒शे स्वाहा᳚⁠। स्वाहोदी᳚च्यै⁠। उदी᳚च्यै दि॒शे⁠। दि॒शे स्वाहा᳚⁠। स्वाहो॒र्द्ध्वायै᳚⁠। ऊ॒र्द्ध्वायै॑ दि॒शे⁠। दि॒शे स्वाहा᳚⁠। स्वाहा॑ दि॒ग्भ्यः⁠। दि॒ग्भ्यः स्वाहा᳚⁠। दि॒ग्भ्य इति॑ दिक्—भ्यः⁠। स्वाहा॑ऽवान्तरदि॒शाभ्यः॑⁠। अ॒वा॒न्त॒र॒दि॒शाभ्यः॒ स्वाहा᳚⁠। अ॒वा॒न्त॒र॒दि॒शाभ्य॒ इत्य॑वान्तर—दि॒शाभ्यः॑⁠। स्वाहा॒ समा᳚भ्यः⁠। समा᳚भ्यः॒ स्वाहा᳚⁠। स्वाहा॑ श॒रद्भ्यः॑⁠। श॒रद्भ्यः॒ स्वाहा᳚⁠। श॒रद्भ्य॒ इति॑ श॒रत्—भ्यः॒⁠। स्वाहा॑ऽहोरा॒त्रेभ्यः॑⁠। अ॒हो॒रा॒त्रेभ्यः॒ स्वाहा᳚⁠। अ॒हो॒रा॒त्रेभ्य॒ इत्य॑हः—रा॒त्रेभ्यः॑⁠। स्वाहा᳚ऽर्द्धमा॒सेभ्यः॑⁠। अ॒र्द्ध॒मा॒सेभ्यः॒ स्वाहा᳚⁠। अ॒र्द्ध॒मा॒सेभ्य॒ इत्य॑र्द्ध—मा॒सेभ्यः॑⁠। स्वाहा॒ मासे᳚भ्यः⁠। मासे᳚भ्यः॒ स्वाहा᳚⁠। स्वाह॒र्तुभ्यः॑⁠। ऋ॒तुभ्यः॒ स्वाहा᳚⁠। ऋ॒तुभ्य॒ इत्यृ॒तु—भ्यः॒⁠। स्वाहा॑ सव्ँवथ्स॒राय॑⁠। स॒व्ँव॒थ्स॒राय॒ स्वाहा᳚⁠। स॒व्ँव॒थ्स॒रायेति॑ सम्—व॒थ्स॒राय॑⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४४] (पृ॒थि॒व्यै सूर्या॑य॒ नख्‍ष॑त्रेभ्यः॒ प्राच्यै॑ स॒प्तच॑त्वारिꣳशत्) ॥१५॥
अ॒ग्नये॒ स्वाहा᳚⁠। स्वाहा॒ सोमा॑य⁠। सोमा॑य॒ स्वाहा᳚⁠। स्वाहा॑ सवि॒त्रे⁠। स॒वि॒त्रे स्वाहा᳚⁠। स्वाहा॒ सर॑स्वत्यै⁠। सर॑स्वत्यै॒ स्वाहा᳚⁠। स्वाहा॑ पू॒ष्णे⁠। पू॒ष्णे स्वाहा᳚⁠। स्वाहा॒ बृह॒स्पत॑ये⁠। बृह॒स्पत॑ये॒ स्वाहा᳚⁠। स्वाहा॒ऽपाम्⁠। अ॒पाम् मोदा॑य⁠। मोदा॑य॒ स्वाहा᳚⁠। स्वाहा॑ वा॒यवे᳚⁠। वा॒यवे॒ स्वाहा᳚⁠। स्वाहा॑ मि॒त्राय॑⁠। मि॒त्राय॒ स्वाहा᳚⁠। स्वाहा॒ वरु॑णाय⁠। वरु॑णाय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४५] (अ॒ग्नये॑ सवि॒त्रे पू॒ष्णे॑ऽपाम् मोदा॑य वा॒यवे॒ त्रयो॑विꣳशतिः) ॥१६॥
पृ॒थि॒व्यै स्वाहा᳚⁠। स्वाहा॒ऽन्तरि॑ख्‍षाय⁠। अ॒न्तरि॑ख्‍षाय॒ स्वाहा᳚⁠। स्वाहा॑ दि॒वे⁠। दि॒वे स्वाहा᳚⁠। स्वाहा॒ऽग्नये᳚⁠। अ॒ग्नये॒ स्वाहा᳚⁠। स्वाहा॒ सोमा॑य⁠। सोमा॑य॒ स्वाहा᳚⁠। स्वाहा॒ सूर्या॑य⁠। सूर्या॑य॒ स्वाहा᳚⁠। स्वाहा॑ च॒न्द्रम॑से⁠। च॒न्द्रम॑से॒ स्वाहा᳚⁠। स्वाहाऽह्ने᳚⁠। अह्ने॒ स्वाहा᳚⁠। स्वाहा॒ रात्रि॑यै⁠। रात्रि॑यै॒ स्वाहा᳚⁠। स्वाह॒र्जवे᳚⁠। ऋ॒जवे॒ स्वाहा᳚⁠। स्वाहा॑ सा॒धवे᳚⁠। सा॒धवे॒ स्वाहा᳚⁠। स्वाहा॑ सुख्‍षि॒त्यै⁠। सु॒ख्‍षि॒त्यै स्वाहा᳚⁠। सु॒ख्‍षि॒त्या इति॑ सु—ख्‍षि॒त्यै⁠। स्वाहा᳚ ख्‍षु॒धे⁠। ख्‍षु॒धे स्वाहा᳚⁠। स्वाहा॑ऽऽशिति॒म्ने⁠। आ॒शि॒ति॒म्ने स्वाहा᳚⁠। स्वाहा॒ रोगा॑य⁠। रोगा॑य॒ स्वाहा᳚⁠। स्वाहा॑ हि॒माय॑⁠। हि॒माय॒ स्वाहा᳚⁠। स्वाहा॑ शी॒ताय॑⁠। शी॒ताय॒ स्वाहा᳚⁠। स्वाहा॑ऽऽत॒पाय॑⁠। आ॒त॒पाय॒ स्वाहा᳚⁠। आ॒त॒पायेत्या᳚—त॒पाय॑⁠। स्वाहाऽर॑ण्याय⁠। अर॑ण्याय॒ स्वाहा᳚⁠। स्वाहा॑ सुव॒र्गाय॑⁠। सु॒व॒र्गाय॒ स्वाहा᳚⁠। सु॒व॒र्गायेति॑ सुवः—गाय॑⁠। स्वाहा॑ लो॒काय॑⁠। लो॒काय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४६] (पृ॒थि॒व्या अ॒ग्नयेऽह्ने॒ रात्रि॑यै॒ चतु॑श्चत्वारिꣳशत्) ॥१७॥
भुवो॑ दे॒वाना᳚म्⁠। दे॒वाना॒म् कर्म॑णा⁠। कर्म॑णा॒ऽपसा᳚⁠। अ॒पस॒र्तस्य॑⁠। ऋ॒तस्य॑ प॒थ्या᳚⁠। पथ्या॑ऽसि⁠। अ॒सि॒ वसु॑भिः⁠। वसु॑भिर् दे॒वेभिः॑⁠। वसु॑भि॒रिति॒ वसु॑—भिः॒⁠। दे॒वेभि॑र् दे॒वत॑या⁠। दे॒वत॑या गाय॒त्रेण॑⁠। गा॒य॒त्रेण॑ त्वा⁠। त्वा॒ छन्द॑सा⁠। छन्द॑सा युनज्मि⁠। यु॒न॒ज्मि॒ व॒स॒न्तेन॑⁠। व॒स॒न्तेन॑ त्वा⁠। त्व॒र्तुना᳚⁠। ऋ॒तुना॑ ह॒विषा᳚⁠। ह॒विषा॑ दीख्‍षयामि⁠। दी॒ख्‍ष॒या॒मि॒ रु॒द्रेभिः॑⁠। रु॒द्रेभि॑र् दे॒वेभिः॑⁠। दे॒वेभि॑र् दे॒वत॑या⁠। दे॒वत॑या॒ त्रैष्टु॑भेन⁠। त्रैष्टु॑भेन त्वा⁠। त्वा॒ छन्द॑सा⁠। छन्द॑सा युनज्मि⁠। यु॒न॒ज्मि॒ ग्री॒ष्मेण॑⁠। ग्री॒ष्मेण॑ त्वा⁠। त्व॒र्तुना᳚⁠। ऋ॒तना॑ ह॒विषा᳚⁠। ह॒विषा॑ दीख्‍षयामि⁠। दी॒ख्‍ष॒या॒म्या॒दि॒त्येभिः॑⁠। आ॒दि॒त्यैभि॑र् दे॒वेभिः॑⁠। दे॒वेभि॑र् दे॒वत॑या⁠। दे॒वत॑या॒ जाग॑तेन⁠। जाग॑तेन त्वा⁠। त्वा॒ छन्द॑सा⁠। छन्द॑सा युनज्मि⁠। यु॒न॒ज्मि॒ व॒र्॒‌षाभिः॑⁠। व॒र्॒‌षाभि॑स्त्वा⁠। त्व॒र्तुना᳚⁠। ऋ॒तना॑ ह॒विषा᳚⁠। ह॒विषा॑ दीख्‍षयामि⁠। दी॒ख्‍ष॒या॒मि॒ विश्वे॑भिः⁠। विश्वे॑भिर् दे॒वेभिः॑⁠। दे॒वेभि॑र् दे॒वत॑या⁠। दे॒वत॒याऽऽनु॑ष्टुभेन⁠। आनु॑ष्टुभेन त्वा⁠। आनु॑ष्टुभे॒नेत्यानु॑—स्तु॒भे॒न॒⁠। त्वा॒ छन्द॑सा⁠। छन्द॑सा युनज्मि⁠। यु॒न॒ज्मि॒ श॒रदा᳚⁠। [४७] श॒रदा᳚ त्वा⁠। त्व॒र्तुना᳚⁠। ऋ॒तुना॑ ह॒विषा᳚⁠। ह॒विषा॑ दीख्‍षयामि⁠। दी॒ख्‍ष॒या॒म्यङ्‍गि॑रोभिः⁠। अङ्‍गि॑रोभिर् दे॒वेभिः॑⁠। अङ्‍गि॑रोभि॒रित्यङ्‍गि॑रः—भिः॒⁠। दे॒वेभि॑र् दे॒वत॑या⁠। दे॒वत॑या॒ पाङ्‍क्ते॑न⁠। पाङ्‍क्ते॑न त्वा⁠। त्वा॒ छन्द॑सा⁠। छन्द॑सा युनज्मि⁠। यु॒न॒ज्मि॒ हे॒म॒न्त॒शि॒शि॒राभ्या᳚म्⁠। हे॒म॒न्त॒शि॒शि॒राभ्या᳚म् त्वा⁠। हे॒म॒न्त॒शि॒शि॒राभ्या॒मिति॑ हेमन्त—शि॒शि॒राभ्या᳚म्⁠। त्व॒र्तुना᳚⁠। ऋ॒तुना॑ ह॒विषा᳚⁠। ह॒विषा॑ दीख्‍षयामि⁠। दी॒ख्‍ष॒या॒म्या⁠। आ ऽहम्⁠। अ॒हम् दी॒ख्‍षाम्⁠। दी॒ख्‍षाम॑रुहम्⁠। अ॒रु॒ह॒मृ॒तस्य॑⁠। ऋ॒तस्य॒ पत्नी᳚म्⁠। पत्नी᳚म् गाय॒त्रेण॑⁠। गा॒य॒त्रेण॒ छन्द॑सा⁠। छन्द॑सा॒ ब्रह्म॑णा⁠। ब्रह्म॑णा च⁠। च॒र्तम्⁠। ऋ॒तꣳ स॒त्ये⁠। स॒त्ये॑ऽधाम्⁠। अ॒धा॒ꣳ॒ स॒त्यम्⁠। स॒त्यमृ॒ते⁠। ऋ॒ते॑ऽधाम्⁠। अ॒धा॒मित्य॑धाम्⁠॥ म॒हीमु॑⁠। ऊ॒ षु⁠। सु सु॒त्रामा॑णम्⁠। सु॒त्रामा॑णमि॒ह⁠। सु॒त्रामा॑ण॒मिति॑ सु—त्रामा॑णम्⁠। इ॒ह धृतिः॑⁠। धृतिः॒ स्वाहा᳚⁠। स्वाहे॒ह⁠। इ॒ह विधृ॑तिः⁠। विधृ॑तिः॒ स्वाहा᳚⁠। विधृ॑ति॒रिति॒ वि—धृ॒तिः॒⁠। स्वाहे॒ह⁠। इ॒ह रन्तिः॑⁠। रन्तिः॒ स्वाहा᳚⁠। स्वाहे॒ह⁠। इ॒ह रम॑तिः⁠। रम॑तिः॒ स्वाहा᳚⁠। स्वाहेति॒ स्वाहा᳚⁠॥ [४८] (आनु॑ष्टुभेन त्वा॒ छन्द॑सा युन॒ज्म्ये का॒न्न प॑ञ्चा॒शच्च॑) ॥१८॥
ई॒ङ्‍का॒राय॒ स्वाहा᳚⁠। ई॒ङ्‍का॒रायेती᳚म्—का॒राय॑⁠। स्वाहेङ्‍कृ॑ताय⁠। ईङ्‍कृ॑ताय॒ स्वाहा᳚⁠। ईङ्‍कृ॑ता॒येतीम्—कृ॒ता॒य॒⁠। स्वाहा॒ क्रन्द॑ते⁠। क्रन्द॑ते॒ स्वाहा᳚⁠। स्वाहा॑ऽव॒क्रन्द॑ते⁠। अ॒व॒क्रन्द॑ते॒ स्वाहा᳚⁠। अ॒व॒क्रन्द॑त॒ इत्य॑व—क्रन्द॑ते⁠। स्वाहा॒ प्रोथ॑ते⁠। प्रोथ॑ते॒ स्वाहा᳚⁠। स्वाहा᳚ प्र॒प्रोथ॑ते⁠। प्र॒प्रोथ॑ते॒ स्वाहा᳚⁠। प्र॒प्रोथ॑त॒ इति॑ प्र—प्रोथ॑ते⁠। स्वाहा॑ ग॒न्धाय॑⁠। ग॒न्धाय॒ स्वाहा᳚⁠। स्वाहा᳚ घ्रा॒ताय॑⁠। घ्रा॒ताय॒ स्वाहा᳚⁠। स्वाहा᳚ प्रा॒णाय॑⁠। प्रा॒णाय॒ स्वाहा᳚⁠। प्रा॒णायेति॑ प्र—अ॒नाय॑⁠। स्वाहा᳚ व्या॒नाय॑⁠। व्या॒नाय॒ स्वाहा᳚⁠। व्या॒नायेति॑ वि—अ॒नाय॑⁠। स्वाहा॑ऽपा॒नाय॑⁠। अ॒पा॒नाय॒ स्वाहा᳚⁠। अ॒पा॒नायेत्य॑प—अ॒नाय॑⁠। स्वाहा॑ सन्दी॒यमा॑नाय⁠। स॒न्दी॒यमा॑नाय॒ स्वाहा᳚⁠। स॒न्दी॒यमा॑ना॒येति॑ सम्—दी॒यमा॑नाय⁠। स्वाहा॒ सन्दि॑ताय⁠। सन्दि॑ताय॒ स्वाहा᳚⁠। सन्दि॑ता॒येति॒ सम्—दि॒ता॒य॒⁠। स्वाहा॑ विचृ॒त्यमा॑नाय⁠। वि॒चृ॒त्यमा॑नाय॒ स्वाहा᳚⁠। वि॒चृ॒त्यमा॑ना॒येति॑ वि—चृ॒त्यमा॑नाय⁠। स्वाहा॒ विचृ॑त्ताय⁠। विचृ॑त्ताय॒ स्वाहा᳚⁠। विचृ॑त्ता॒येति॒ वि—चृ॒त्ता॒य॒⁠। स्वाहा॑ पलायि॒ष्यमा॑णाय⁠। प॒ला॒यि॒ष्यमा॑णाय॒ स्वाहा᳚⁠। स्वाहा॒ पला॑यिताय⁠। पला॑यिताय॒ स्वाहा᳚⁠। स्वाहो॑परꣴस्य॒ते⁠। उ॒प॒र॒ꣴ॒स्य॒ते स्वाहा᳚⁠। उ॒प॒र॒ꣴ॒स्य॒त इत्यु॑प—र॒ꣴ॒स्य॒ते⁠। स्वाहोप॑रताय⁠। उप॑रताय॒ स्वाहा᳚⁠। उप॑रता॒येत्युप॑—र॒ता॒य॒⁠। स्वाहा॑ निवेख्‍ष्य॒ते⁠। नि॒वे॒ख्‍ष्य॒ते स्वाहा᳚⁠। नि॒वे॒ख्‍ष्य॒त इति॑ नि—वे॒ख्‍ष्य॒ते⁠। स्वाहा॑ निवि॒शमा॑नाय⁠। नि॒वि॒शमा॑नाय॒ स्वाहा᳚⁠। नि॒वि॒शमा॑ना॒येति॑ नि—वि॒शमा॑नाय⁠। स्वाहा॒ निवि॑ष्टाय⁠। निवि॑ष्टाय॒ स्वाहा᳚⁠। निवि॑ष्टा॒येति॒ नि—वि॒ष्टा॒य॒⁠। स्वाहा॑ निषथ्स्य॒ते⁠। नि॒ष॒थ्स्य॒ते स्वाहा᳚⁠। नि॒ष॒थ्स्य॒त इति॑ नि—स॒थ्स्य॒ते⁠। स्वाहा॑ नि॒षीद॑ते⁠। नि॒षीद॑ते॒ स्वाहा᳚⁠। नि॒षीद॑त॒ इति॑ नि—सीद॑ते⁠। स्वाहा॒ निष॑ण्णाय⁠। निष॑ण्णाय॒ स्वाहा᳚⁠। निष॑ण्णा॒येति॒ नि—स॒न्ना॒य॒⁠। स्वाहा॑ऽऽसिष्य॒ते⁠। [४९] आ॒सि॒ष्य॒ते स्वाहा᳚⁠। स्वाहाऽऽसी॑नाय⁠। आसी॑नाय॒ स्वाहा᳚⁠। स्वाहा॑ऽऽसि॒ताय॑⁠। आ॒सि॒ताय॒ स्वाहा᳚⁠। स्वाहा॑ निपथ्स्य॒ते⁠। नि॒प॒थ्स्य॒ते स्वाहा᳚⁠। नि॒प॒थ्स्य॒त इति॑ नि—प॒थ्स्य॒ते⁠। स्वाहा॑ नि॒पद्य॑मानाय⁠। नि॒पद्य॑मानाय॒ स्वाहा᳚⁠। नि॒पद्य॑माना॒येति॑ नि—पद्य॑मानाय⁠। स्वाहा॒ निप॑न्नाय⁠। निप॑न्नाय॒ स्वाहा᳚⁠। निप॑न्ना॒येति॒ नि—प॒न्ना॒य॒⁠। स्वाहा॑ शयिष्य॒ते⁠। श॒यि॒ष्य॒ते स्वाहा᳚⁠। स्वाहा॒ शया॑नाय⁠। शया॑नाय॒ स्वाहा᳚⁠। स्वाहा॑ शयि॒ताय॑⁠। श॒यि॒ताय॒ स्वाहा᳚⁠। स्वाहा॑ सम्मीलिष्य॒ते⁠। स॒म्मी॒लि॒ष्य॒ते स्वाहा᳚⁠। स॒म्मी॒लि॒ष्य॒त इति॑ सम्—मी॒लि॒ष्य॒ते⁠। स्वाहा॑ स॒म्मील॑ते⁠। स॒म्मी॑लते॒ स्वाहा᳚⁠। स॒म्मील॑त॒ इति॑ सम्—मील॑ते⁠। स्वाहा॒ सम्मी॑लिताय⁠। सम्मी॑लिताय॒ स्वाहा᳚⁠। सम्मी॑लिता॒येति॒ सम्—मी॒लि॒ता॒य॒⁠। स्वाहा᳚ स्वफ्स्य॒ते⁠। स्व॒फ्स्य॒ते स्वाहा᳚⁠। स्वाहा᳚ स्वप॒ते⁠। स्व॒प॒ते स्वाहा᳚⁠। स्वाहा॑ सु॒प्ताय॑⁠। सु॒प्ताय॒ स्वाहा᳚⁠। स्वाहा᳚ प्रभोथ्स्य॒ते⁠। प्र॒भो॒थ्स्य॒ते स्वाहा᳚⁠। प्र॒भो॒थ्स्य॒त इति॑ प्र—भो॒थ्स्य॒ते⁠। स्वाहा᳚ प्र॒बुद्ध्य॑मानाय⁠। प्र॒बुद्ध्य॑मानाय॒ स्वाहा᳚⁠। प्र॒बुद्ध्य॑माना॒येति॑ प्र—बुद्ध्य॑मानाय⁠। स्वाहा॒ प्रबु॑द्धाय⁠। प्रबु॑द्धाय॒ स्वाहा᳚⁠। प्रबु॑द्धा॒येति॒ प्र—बु॒द्धा॒य॒⁠। स्वाहा॑ जागरिष्य॒ते⁠। जा॒ग॒रि॒ष्य॒ते स्वाहा᳚⁠। स्वाहा॒ जाग्र॑ते⁠। जाग्र॑ते॒ स्वाहा᳚⁠। स्वाहा॑ जागरि॒ताय॑⁠। जा॒ग॒रि॒ताय॒ स्वाहा᳚⁠। स्वाहा॒ शुश्रू॑षमाणाय⁠। शुश्रू॑षमाणाय॒ स्वाहा᳚⁠। स्वाहा॑ शृण्व॒ते⁠। शृ॒ण्व॒ते स्वाहा᳚⁠। स्वाहा᳚ श्रु॒ताय॑⁠। श्रु॒ताय॒ स्वाहा᳚⁠। स्वाहा॑ वीख्‍षिष्य॒ते⁠। वी॒ख्‍षि॒ष्य॒ते स्वाहा᳚⁠। वी॒ख्‍ष॒ष्य॒त इति॑ वि—ई॒ख्‍षि॒ष्य॒ते⁠। स्वाहा॒ वीख्‍ष॑माणाय⁠। [५०] वीख्‍ष॑माणाय॒ स्वाहा᳚⁠। वीख्‍ष॑माणा॒येति॑ वि—ईख्‍ष॑माणाय⁠। स्वाहा॒ वीख्‍षि॑ताय⁠। वीख्‍षि॑ताय॒ स्वाहा᳚⁠। वीख्‍षि॑ता॒येति॒ वि—ई॒ख्‍षि॒ता॒य॒⁠। स्वाहा॑ सꣳहास्य॒ते⁠। स॒ꣳ॒हा॒स्य॒ते स्वाहा᳚⁠। स॒ꣳ॒हा॒स्य॒त इति॑ सम्—हा॒स्य॒ते⁠। स्वाहा॑ स॒ञ्जिहा॑नाय⁠। स॒ञ्जिहा॑नाय॒ स्वाहा᳚⁠। स॒ञ्जिहा॑ना॒येति॑ सम्—जिहा॑नाय⁠। स्वाहो॒ज्जिहा॑नाय⁠। उ॒ज्जिहा॑नाय॒ स्वाहा᳚⁠। उ॒ज्जिहा॑ना॒येत्यु॑त्—जिहा॑नाय⁠। स्वाहा॑ विवर्थ्स्य॒ते⁠। वि॒व॒र्थ्स्य॒ते स्वाहा᳚⁠। वि॒व॒र्थ्स्य॒त इति॑ वि—व॒र्थ्स्य॒ते⁠। स्वाहा॑ वि॒वर्त॑मानाय⁠। वि॒वर्त॑मानाय॒ स्वाहा᳚⁠। वि॒वर्त॑माना॒येति॑ वि—वर्त॑मानाय⁠। स्वाहा॒ विवृ॑त्ताय⁠। विवृ॑त्ताय॒ स्वाहा᳚⁠। विवृ॑त्ता॒येति॒ वि—वृ॒त्ता॒य॒⁠। स्वाहो᳚त्थास्य॒ते⁠। उ॒त्था॒स्य॒ते स्वाहा᳚⁠। उ॒त्था॒स्य॒त इत्यु॑त्—स्था॒स्य॒ते⁠। स्वाहो॒त्तिष्ठ॑ते⁠। उ॒त्तिष्ठ॑ते॒ स्वाहा᳚⁠। उ॒त्तिष्ठ॑त॒ इत्यु॑त्—तिष्ठ॑ते⁠। स्वाहोत्थि॑ताय⁠। उत्थि॑ताय॒ स्वाहा᳚⁠। उत्थि॑ता॒येत्युत्—स्थि॒ता॒य॒⁠। स्वाहा॑ विधविष्य॒ते⁠। वि॒ध॒वि॒ष्य॒ते स्वाहा᳚⁠। वि॒ध॒वि॒ष्य॒त इति॑ वि—ध॒वि॒ष्य॒ते⁠। स्वाहा॑ विधून्वा॒नाय॑⁠। वि॒धू॒न्वा॒नाय॒ स्वाहा᳚⁠। वि॒धू॒न्वा॒नायेति॑ वि—धू॒न्वा॒नाय॑⁠। स्वाहा॒ विधू॑ताय⁠। विधू॑ताय॒ स्वाहा᳚⁠। विधू॑ता॒येति॒ वि—धू॒ता॒य॒⁠। स्वाहो᳚त्क्रꣴस्य॒ते⁠। उ॒त्क्र॒ꣴ॒स्य॒ते स्वाहा᳚⁠। उ॒त्क्र॒ꣴ॒स्य॒त इत्यु॑त्—क्र॒ꣴ॒स्य॒ते⁠। स्वाहो॒त्क्राम॑ते⁠। उ॒त्क्राम॑ते॒ स्वाहा᳚⁠। उ॒त्क्राम॑त॒ इत्यु॑त्—क्राम॑ते⁠। स्वाहोत्क्रा᳚न्ताय⁠। उत्क्रा᳚न्ताय॒ स्वाहा᳚⁠। उत्क्रा᳚न्ता॒येत्युत्—क्रा॒न्ता॒य॒⁠। स्वाहा॑ चङ्‍क्रमिष्य॒ते⁠। च॒ङ्‍क्र॒मि॒ष्य॒ते स्वाहा᳚⁠। स्वाहा॑ चङ्‍क्र॒म्यमा॑णाय⁠। च॒ङ्‍क्र॒म्यमा॑णाय॒ स्वाहा᳚⁠। स्वाहा॑ चङ्‍क्रमि॒ताय॑⁠। च॒ङ्‍क्र॒मि॒ताय॒ स्वाहा᳚⁠। स्वाहा॑ कण्डूयिष्य॒ते⁠। क॒ण्डू॒यि॒ष्य॒ते स्वाहा᳚⁠। स्वाहा॑ कण्डू॒यमा॑नाय⁠। क॒ण्डू॒यमा॑नाय॒ स्वाहा᳚⁠। स्वाहा॑ कण्डूयि॒ताय॑⁠। क॒ण्डू॒यि॒ताय॒ स्वाहा᳚⁠। स्वाहा॑ निकषिष्य॒ते⁠। नि॒क॒षि॒ष्य॒ते स्वाहा᳚⁠। नि॒क॒षि॒ष्य॒त इति॑ नि—क॒षि॒ष्य॒ते⁠। स्वाहा॑ नि॒कष॑माणाय⁠। नि॒कष॑माणाय॒ स्वाहा᳚⁠। नि॒कष॑माणा॒येति॑ नि—कष॑माणाय⁠। स्वाहा॒ निक॑षिताय⁠। निक॑षिताय॒ स्वाहा᳚⁠। निक॑षिता॒येति॒ नि—क॒षि॒ता॒य॒⁠। स्वाहा॒ यत्⁠। यदत्ति॑⁠। अत्ति॒ तस्मै᳚⁠। तस्मै॒ स्वाहा᳚⁠। स्वाहा॒ यत्⁠। यत् पिब॑ति⁠। पिब॑ति॒ तस्मै᳚⁠। तस्मै॒ स्वाहा᳚⁠। स्वाहा॒ यत्⁠। यन् मेह॑ति⁠। मेह॑ति॒ तस्मै᳚⁠। तस्मै॒ स्वाहा᳚⁠। स्वाहा॒ यत्⁠। यच्छकृ॑त्⁠। शकृ॑त् क॒रोति॑⁠। क॒रोति॒ तस्मै᳚⁠। तस्मै॒ स्वाहा᳚⁠। स्वाहा॒ रेत॑से⁠। रेत॑से॒ स्वाहा᳚⁠। स्वाहा᳚ प्र॒जाभ्यः॑⁠। प्र॒जाभ्यः॒ स्वाहा᳚⁠। प्र॒जाभ्य॒ इति॑ प्र—जाभ्यः॑⁠। स्वाहा᳚ प्र॒जन॑नाय⁠। प्र॒जन॑नाय॒ स्वाहा᳚⁠। प्र॒जन॑ना॒येति॑ प्र—जन॑नाय⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [५१] (निष॑ण्णाय॒ स्वाहा॑ वीख्‍षिष्य॒ते स्वाहा॑ नि॒कष॑माणाय॒ स्वाहा॑ स॒प्तवि॑ꣳशतिश्च) ॥१९॥
अ॒ग्नये॒ स्वाहा᳚⁠। स्वाहा॑ वा॒यवे᳚⁠। वा॒यवे॒ स्वाहा᳚⁠। स्वाहा॒ सूर्या॑य⁠। सूर्या॑य॒ स्वाहा᳚⁠। स्वाह॒र्तम्⁠। ऋ॒तम॑सि⁠। अ॒स्यृ॒र्तस्य॑⁠। ऋ॒तस्य॒र्तम्⁠। ऋ॒तम॑सि⁠। अ॒सि॒ स॒त्यम्⁠। स॒त्यम॑सि⁠। अ॒सि॒ स॒त्यस्य॑⁠। स॒त्यस्य॑ स॒त्यम्⁠। स॒त्यम॑सि⁠। अ॒स्यृ॒तस्य॑⁠। ऋ॒तस्य॒ पन्थाः᳚⁠। पन्था॑ असि⁠। अ॒सि॒ दे॒वाना᳚म्⁠। दे॒वाना᳚म् छा॒या⁠। छा॒याऽमृत॑स्य⁠। अ॒मृत॑स्य॒ नाम॑⁠। नाम॒ तत्⁠। तथ् स॒त्यम्⁠। स॒त्यय्ँयत्⁠। यत् त्वम्⁠। त्वम् प्र॒जाप॑तिः⁠। प्र॒जाप॑ति॒रसि॑⁠। प्र॒जाप॑ति॒रिति॑ प्र॒जा—प॒तिः॒⁠। अस्यधि॑⁠। अधि॒ यत्⁠। यद॑स्मिन्न्⁠। अ॒स्मि॒न् वा॒जिनि॑⁠। वा॒जिनी॑व⁠। इ॒व॒ शुभः॑⁠। शुभः॒ स्पर्द्ध॑न्ते⁠। स्पर्द्ध॑न्ते॒ दिवः॑⁠। दिवः॒ सूर्ये॑ण⁠। सूर्ये॑ण॒ विशः॑⁠। विशो॒ऽपः⁠। अ॒पो वृ॑णा॒नः⁠। वृ॒णा॒नः प॑वते⁠। प॒व॒ते॒ क॒व्यन्न्⁠। क॒व्यन् प॒शुम्⁠। प॒शुम् न⁠। न गो॒पाः⁠। गो॒पा इर्यः॑⁠। गो॒पा इति॑ गो—पाः⁠। इर्यः॒ परि॑ज्मा⁠। परि॒ज्मेति॒ परि॑—ज्मा॒⁠॥ [५२] (अ॒ग्नये॑ वा॒यवे॒ सूर्या॑या॒ ष्टाच॑त्वारिꣳशत्) ॥२०॥
अनुवाकाः पञ्चशती
२० ५२