कृष्ण यजुर्वेदीय तैत्तिरीय संहिता क्रम पाठः
सप्तमकाण्डे द्वितीयः प्रश्नः

कांड ७ प्रश्न २
षड् रात्राद्यानां निरूपणं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
सा॒द्ध्या वै⁠। वै दे॒वाः⁠। दे॒वाः सु॑व॒र्गका॑माः⁠। सु॒व॒र्गका॑मा ए॒तम्⁠। सु॒व॒र्गका॑मा॒ इति॑ सुव॒र्ग—का॒माः॒⁠। ए॒तꣳ ष॑ड्‍रा॒त्रम्⁠। ष॒ड्‍रा॒त्रम॑पश्यन्न्⁠। ष॒ड्‍रा॒त्रमिति॑ षट्—रा॒त्रम्⁠। अ॒प॒श्य॒न् तम्⁠। तमा⁠। आऽह॑रन्न्⁠। अ॒ह॒र॒न् तेन॑⁠। तेना॑यजन्त⁠। अ॒ज॒य॒न्त॒ ततः॑⁠। ततो॒ वै⁠। वै ते⁠। ते सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमा॑यन्न्⁠। आ॒य॒न्॒‌ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳसः॑ षड्‍रा॒त्रम्⁠। ष॒ड्‍रा॒त्रमास॑ते⁠। ष॒ड्‍रा॒त्रमिति॑ षट्—रा॒त्रम्⁠। आस॑ते सुव॒र्गम्⁠। सु॒व॒र्गमे॒व⁠। सु॒व॒र्गमिति॑ सुवः—गम्⁠। ए॒व लो॒कम्⁠। लो॒कय्ँय॑न्ति⁠। य॒न्ति॒ दे॒व॒स॒त्रम्⁠। दे॒व॒स॒त्रव्ँवै⁠। दे॒व॒स॒त्रमिति॑ देव—स॒त्रम्⁠। वै ष॑ड्‍रा॒त्रः⁠। ष॒ड्‍रा॒त्रः प्र॒त्यख्‍ष᳚म्⁠। ष॒ड्‍रा॒त्र इति॑ षट्—रा॒त्रः⁠। प्र॒त्यख्‍ष॒ꣳ॒ हि⁠। प्र॒त्यख्‍ष॒मिति॑ प्रति—अख्‍ष᳚म्⁠। ह्ये॑तानि॑⁠। ए॒तानि॑ पृ॒ष्ठानि॑⁠। पृ॒ष्ठानि॒ ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳसः॑ षड्‍रा॒त्रम्⁠। ष॒ड्‍रा॒त्रमास॑ते⁠। ष॒ड्‍रा॒त्रमिति॑ षट्—रा॒त्रम्⁠। आस॑ते सा॒ख्‍षात्⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। ए॒व दे॒वताः᳚⁠। दे॒वता॑ अ॒भ्यारो॑हन्ति⁠। अ॒भ्यारो॑हन्ति षड्‍रा॒त्रः⁠। अ॒भ्यारो॑ह॒न्तीत्य॑भि—आरो॑हन्ति⁠। ष॒ड्‍रा॒त्रो भ॑वति⁠। ष॒ड्‍रा॒त्र इति॑ षट्—रा॒त्रः⁠। भ॒व॒ति॒ षट्⁠। षड् वै⁠। वा ऋ॒तवः॑⁠। ऋ॒तवः॒ षट्⁠। षट् पृ॒ष्ठानि॑⁠। [१] पृ॒ष्ठानि॑ पृ॒ष्ठैः⁠। पृ॒ष्ठैरे॒व⁠। ए॒वर्तून्⁠। ऋ॒तून॒न्वारो॑हन्ति⁠। अ॒न्वारो॑हन्त्यृ॒तुभिः॑⁠। अ॒न्वारो॑ह॒न्तीत्य॑नु—आरो॑हन्ति⁠। ऋ॒तुभिः॑ सव्ँवथ्स॒रम्⁠। ऋ॒तुभि॒रित्यृ॒तु—भिः॒⁠। स॒व्ँव॒थ्स॒रम् ते⁠। स॒व्ँव॒थ्स॒रमिति॑ सम्—व॒थ्स॒रम्⁠। ते स॑व्ँवथ्स॒रे⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ बृ॒ह॒द्‍र॒थ॒न्त॒राभ्या᳚म्⁠। बृ॒ह॒द्‍र॒थ॒न्त॒राभ्या᳚य्ँयन्ति⁠। बृ॒ह॒द्‍र॒थ॒न्त॒राभ्या॒मिति॑ बृहत्—र॒थ॒न्त॒राभ्या᳚म्⁠। य॒न्ती॒यम्⁠। इ॒यव्ँवाव⁠। वाव र॑थन्त॒रम्⁠। र॒थ॒न्त॒रम॒सौ⁠। र॒थ॒न्त॒रमिति॑ रथम्—त॒रम्⁠। अ॒सौ बृ॒हत्⁠। बृ॒हदा॒भ्याम्⁠। आ॒भ्यामे॒व⁠। ए॒व य॑न्ति⁠। य॒न्त्यथो᳚⁠। अथो॑ अ॒नयोः᳚⁠। अथो॒ इत्यथो᳚⁠। अ॒नयो॑रे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्त्ये॒ते⁠। ए॒ते वै⁠। ए॒ते इत्ये॒ते⁠। वै य॒ज्ञस्य॑⁠। य॒ज्ञस्या᳚ञ्ज॒साय॑नी⁠। अ॒ञ्ज॒साय॑नी स्रु॒ती⁠। अ॒ञ्ज॒साय॑नी॒ इत्य॑ञ्जसा—अय॑नी⁠। स्रु॒ती ताभ्या᳚म्⁠। स्रु॒ती इति॑ स्रु॒ती⁠। ताभ्या॑मे॒व⁠। ए॒व सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्ति॒ त्रि॒वृत्⁠। त्रि॒वृद॑ग्निष्टो॒मः⁠। त्रि॒वृदिति॑ त्रि—वृत्⁠। अ॒ग्नि॒ष्टो॒मो भ॑वति⁠। अ॒ग्नि॒ष्टो॒म इत्य॑ग्नि—स्तो॒मः⁠। भ॒व॒ति॒ तेजः॑⁠। तेज॑ ए॒व⁠। ए॒वाव॑⁠। अव॑ रुन्धते⁠। रु॒न्ध॒ते॒ प॒ञ्च॒द॒शः⁠। प॒ञ्च॒द॒शो भ॑वति⁠। प॒ञ्च॒द॒श इति॑ पञ्च—द॒शः⁠। भ॒व॒ती॒न्द्रि॒यम्⁠। इ॒न्द्रि॒यमे॒व⁠। ए॒वाव॑⁠। अव॑ रुन्धते⁠। रु॒न्ध॒ते॒ स॒प्त॒द॒शः⁠। स॒प्त॒द॒शो भ॑वति⁠। स॒प्त॒द॒श इति॑ सप्त—द॒शः⁠। [२] भ॒व॒त्य॒न्नाद्य॑स्य⁠। अ॒न्नाद्य॒स्या,व॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्या॒ अथो᳚⁠। अव॑रुद्ध्या॒ इत्यव॑—रु॒द्ध्यै॒⁠। अथो॒ प्र⁠। अथो॒ इत्यथो᳚⁠। प्रैव⁠। ए॒व तेन॑⁠। तेन॑ जायन्ते⁠। जा॒य॒न्त॒ ए॒क॒वि॒ꣳ॒शः⁠। ए॒क॒वि॒ꣳ॒शो भ॑वति⁠। ए॒क॒वि॒ꣳ॒श इत्ये॑क—वि॒ꣳ॒शः⁠। भ॒व॒ति॒ प्रति॑ष्ठित्यै⁠। प्रति॑ष्ठित्या॒ अथो᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अथो॒ रुच᳚म्⁠। अथो॒ इत्यथो᳚⁠। रुच॑मे॒व⁠। ए॒वात्मन्न्⁠। आ॒त्मन् द॑धते⁠। द॒ध॒ते॒ त्रि॒ण॒वः⁠। त्रि॒ण॒वो भ॑वति⁠। त्रि॒ण॒व इति॑ त्रि—न॒वः⁠। भ॒व॒ति॒ विजि॑त्यै⁠। विजि॑त्यै त्रयस्त्रि॒ꣳ॒शः⁠। विजि॑त्या॒ इति॒ वि—जि॒त्यै॒⁠। त्र॒य॒स्त्रि॒ꣳ॒शो भ॑वति⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। भ॒व॒ति॒ प्रति॑ष्ठित्यै⁠। प्रति॑ष्ठित्यै सदोहविर्द्धा॒निनः॑⁠। प्रति॑ष्ठित्या॒ इति॒ प्रति॑—स्थि॒त्यै॒⁠। स॒दो॒ह॒वि॒र्द्धा॒निन॑ ए॒तेन॑⁠। स॒दो॒ह॒वि॒र्द्धा॒निन॒ इति॑ सदः—ह॒वि॒र्द्धा॒निनः॑⁠। ए॒तेन॑ षड्‍रा॒त्रेण॑⁠। ष॒ड्‍रा॒त्रेण॑ यजेरन्न्⁠। ष॒ड्‍रा॒त्रेणेति॑ षट्—रा॒त्रेण॑⁠। य॒जे॒र॒न्नाश्व॑त्थी⁠। आश्व॑त्थी हवि॒र्द्धान᳚म्⁠। आश्व॑त्थी॒ इत्याश्व॑त्थी⁠। ह॒वि॒र्द्धान॑म् च⁠। ह॒वि॒र्द्धान॒मिति॑ हविः—धान᳚म्⁠। चाग्नी᳚द्ध्रम्⁠। आग्नी᳚द्ध्रम् च⁠। आग्नी᳚द्ध्र॒मित्याग्नि॑—इ॒द्ध्र॒म्⁠। च॒ भ॒व॒तः॒⁠। भ॒व॒त॒स्तत्⁠। तद्‌धि⁠। हि सु॑व॒र्ग्य᳚म्⁠। सु॒व॒र्ग्य॑म् च॒क्रीव॑ती⁠। सु॒व॒र्ग्य॑मिति॑ सुवः—ग्य᳚म्⁠। च॒क्रीव॑ती भवतः⁠। च॒क्रीव॑ती॒ इति॑ च॒क्रीव॑ती⁠। भ॒व॒तः॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्य॒ सम॑ष्ट्‍यै⁠। सम॑ष्ट्‍या उ॒लूख॑लबुद्ध्नः⁠। सम॑ष्ट्‍या॒ इति॒ सम्—अ॒ष्ट्‍यै॒⁠। उ॒लूख॑लबुद्ध्नो॒ यूपः॑⁠। उ॒लूख॑लबुद्ध्न॒ इत्यु॒लूख॑ल—बु॒द्ध्नः॒⁠। यूपो॑ भवति⁠। भ॒व॒ति॒ प्रति॑ष्ठित्यै⁠। प्रति॑ष्ठित्यै॒ प्राञ्चः॑⁠। प्रति॑ष्ठित्या॒ इति॒ प्रति॑—स्थि॒त्यै॒⁠। प्राञ्चो॑ यान्ति⁠। या॒न्ति॒ प्राङ्‍⁠। प्राङि॑व⁠। इ॒व॒ हि⁠। हि सु॑व॒र्गः⁠। सु॒व॒र्गो लो॒कः⁠। सु॒व॒र्ग इति॑ सुवः—गः⁠। [३] लो॒कः सर॑स्वत्या⁠। सर॑स्वत्या यान्ति⁠। या॒न्त्ये॒षः⁠। ए॒ष वै⁠। वै दे॑व॒यानः॑⁠। दे॒व॒यानः॒ पन्थाः᳚⁠। दे॒व॒यान॒ इति॑ देव—यानः॑⁠। पन्था॒स्तम्⁠। तमे॒व⁠। ए॒वान्वारो॑हन्ति⁠। अ॒न्वारो॑हन्त्या॒क्रोश॑न्तः⁠। अ॒न्वारो॑ह॒न्तीत्य॑नु—आरो॑हन्ति⁠। आ॒क्रोश॑न्तो यान्ति⁠। आ॒क्रोश॑न्त॒ इत्या᳚—क्रोश॑न्तः⁠। या॒न्त्यव॑र्तिम्⁠। अव॑र्तिमे॒व⁠। ए॒वान्यस्मि॑न्न्⁠। अ॒न्यस्मि॑न् प्रति॒षज्य॑⁠। प्र॒ति॒षज्य॑ प्रति॒ष्ठाम्⁠। प्र॒ति॒षज्येति॑ प्रति—सज्य॑⁠। प्र॒ति॒ष्ठाम् ग॑च्छन्ति⁠। प्र॒ति॒ष्ठामिति॑ प्रति—स्थाम्⁠। ग॒च्छ॒न्ति॒ य॒दा⁠। य॒दा दश॑⁠। दश॑ श॒तम्⁠। श॒तम् कु॒र्वन्ति॑⁠। कु॒र्वन्त्यथ॑⁠। अथैक᳚म्⁠। एक॑मु॒त्थान᳚म्⁠। उ॒त्थान॑ꣳ श॒तायुः॑⁠। उ॒त्थान॒मित्यु॑त्—स्थान᳚म्⁠। श॒तायुः॒ पुरु॑षः⁠। श॒तायु॒रिति॑ श॒त—आ॒युः॒⁠। पुरु॑षः श॒तेन्द्रि॑यः⁠। श॒तेन्द्रि॑य॒ आयु॑षि⁠। श॒तेन्द्रि॑य॒ इति॑ श॒त—इ॒न्द्रि॒यः॒⁠। आयु॑ष्ये॒व⁠। ए॒वेन्द्रि॒ये⁠। इ॒न्द्रि॒ये प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ य॒दा⁠। य॒दा श॒तम्⁠। श॒तꣳ स॒हस्र᳚म्⁠। स॒हस्र॑म् कु॒र्वन्ति॑⁠। कु॒र्वन्त्यथ॑⁠। अथैक᳚म्⁠। एक॑मु॒त्थान᳚म्⁠। उ॒त्थान॑ꣳ स॒हस्र॑सम्मितः⁠। उ॒त्थान॒मित्यु॑त्—स्थान᳚म्⁠। स॒हस्र॑सम्मितो॒ वै⁠। स॒हस्र॑सम्मित॒ इति॑ स॒हस्र॑—स॒म्मि॒तः॒⁠। वा अ॒सौ⁠। अ॒सौ लो॒कः⁠। लो॒को॑ऽमुम्⁠। अ॒मुमे॒व⁠। ए॒व लो॒कम्⁠। लो॒कम॒भि⁠। अ॒भि ज॑यन्ति⁠। ज॒य॒न्ति॒ य॒दा⁠। य॒दैषा᳚म्⁠। ए॒षा॒म् प्र॒मीये॑त⁠। प्र॒मीये॑त य॒दा⁠। प्र॒मीये॒तेति॑ प्र—मीये॑त⁠। य॒दा वा᳚⁠। वा॒ जीये॑रन्न्⁠। जीये॑र॒न्नथ॑⁠। अथैक᳚म्⁠। एक॑मु॒त्थान᳚म्⁠। उ॒त्थान॒म् तत्⁠। उ॒त्थान॒मित्यु॑त्—स्थान᳚म्⁠। तद्‌धि⁠। हि ती॒र्थम्⁠। ती॒र्त्थमिति॑ ती॒र्त्थम्⁠॥ [४] (पृ॒ष्ठानि॑ सप्तद॒शः सु॑व॒र्गो ज॑यन्ति य॒दै का॑दश च) ॥१॥
कु॒सु॒रु॒बिन्द॒ औद्‍दा॑लकिः⁠। औद्‍दा॑लकिरकामयत⁠। औद्‍दा॑लकि॒रित्यौत्—दा॒ल॒किः॒⁠। अ॒का॒म॒य॒त॒ प॒शु॒मान्⁠। प॒शु॒मान्थ् स्या᳚म्⁠। प॒शु॒मानिति॑ पशु—मान्⁠। स्या॒मिति॑⁠। इति॒ सः⁠। स ए॒तम्⁠। ए॒तꣳ स॑प्तरा॒त्रम्⁠। स॒प्त॒रा॒त्रमा⁠। स॒प्त॒रा॒त्रमिति॑ सप्त—रा॒त्रम्⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ तेन॑⁠। तेन॒ वै⁠। वै सः⁠। स याव॑न्तः⁠। याव॑न्तो ग्रा॒म्याः⁠। ग्रा॒म्याः प॒शवः॑⁠। प॒शव॒स्तान्⁠। तानव॑⁠। अवा॑रुन्ध⁠। अ॒रु॒न्ध॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान्थ् स॑प्तरा॒त्रेण॑⁠। स॒प्त॒रा॒त्रेण॒ यज॑ते⁠। स॒प्त॒रा॒त्रेणेति॑ सप्त—रा॒त्रेण॑⁠। यज॑ते॒ याव॑न्तः⁠। याव॑न्त ए॒व⁠। ए॒व ग्रा॒म्याः⁠। ग्रा॒म्याः प॒शवः॑⁠। प॒शव॒स्तान्⁠। ताने॒व⁠। ए॒वाव॑⁠। अव॑ रुन्धे⁠। रु॒न्धे॒ स॒प्त॒रा॒त्रः⁠। स॒प्त॒रा॒त्रो भ॑वति⁠। स॒प्त॒रा॒त्र इति॑ सप्त—रा॒त्रः⁠। भ॒व॒ति॒ स॒प्त⁠। स॒प्त ग्रा॒म्याः⁠। ग्रा॒म्याः प॒शवः॑⁠। प॒शवः॑ स॒प्त⁠। स॒प्तार॒ण्याः⁠। आ॒र॒ण्याः स॒प्त⁠। स॒प्त छन्दा॑ꣳसि⁠। छन्दा॑ꣴस्यु॒भय॑स्य⁠। उ॒भय॒स्याव॑रुद्ध्यै⁠। अव॑रुद्ध्यै त्रि॒वृत्⁠। अव॑रुद्ध्या॒ इत्यव॑—रु॒द्ध्यै॒⁠। त्रि॒वृद॑ग्निष्टो॒मः⁠। त्रि॒वृदिति॑ त्रि—वृत्⁠। अ॒ग्नि॒ष्टो॒मो भ॑वति⁠। अ॒ग्नि॒ष्टो॒म इत्य॑ग्नि—स्तो॒मः⁠। भ॒व॒ति॒ तेजः॑⁠। तेज॑ ए॒व⁠। [५] ए॒वाव॑⁠। अव॑ रुन्धे⁠। रु॒न्धे॒ प॒ञ्च॒द॒शः⁠। प॒ञ्च॒द॒शो भ॑वति⁠। प॒ञ्च॒द॒श इति॑ पञ्च—द॒शः⁠। भ॒व॒ती॒न्द्रि॒यम्⁠। इ॒न्द्रि॒यमे॒व⁠। ए॒वाव॑⁠। अव॑ रुन्धे⁠। रु॒न्धे॒ स॒प्त॒द॒शः⁠। स॒प्त॒द॒शो भ॑वति⁠। स॒प्त॒द॒श इति॑ सप्त—द॒शः⁠। भ॒व॒त्य॒न्नाद्य॑स्य⁠। अ॒न्नाद्य॒स्याव॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्या॒ अथो᳚⁠। अव॑रुद्ध्या॒ इत्यव॑—रु॒द्ध्यै॒⁠। अथो॒ प्र⁠। अथो॒ इत्यथो᳚⁠। प्रैव⁠। ए॒व तेन॑⁠। तेन॑ जायते⁠। जा॒य॒त॒ ए॒क॒वि॒ꣳ॒शः⁠। ए॒क॒वि॒ꣳ॒शो भ॑वति⁠। ए॒क॒वि॒ꣳ॒श इत्ये॑क—वि॒ꣳ॒शः⁠। भ॒व॒ति॒ प्रति॑ष्ठित्यै⁠। प्रति॑ष्ठित्या॒ अथो᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अथो॒ रुच᳚म्⁠। अथो॒ इत्यथो᳚⁠। रुच॑मे॒व⁠। ए॒वात्मन्न्⁠। आ॒त्मन् ध॑त्ते⁠। ध॒त्ते॒ त्रि॒ण॒वः⁠। त्रि॒ण॒वो भ॑वति⁠। त्रि॒ण॒व इति॑ त्रि—न॒वः⁠। भ॒व॒ति॒ विजि॑त्यै⁠। विजि॑त्यै पञ्चवि॒ꣳ॒शः⁠। विजि॑त्या॒ इति॒ वि—जि॒त्यै॒⁠। प॒ञ्च॒वि॒ꣳ॒शो᳚ऽग्निष्टो॒मः⁠। प॒ञ्च॒वि॒ꣳ॒श इति॑ पञ्च—वि॒ꣳ॒शः⁠। अ॒ग्नि॒ष्टो॒मो भ॑वति⁠। अ॒ग्नि॒ष्टो॒म इत्य॑ग्नि—स्तो॒मः⁠। भ॒व॒ति॒ प्र॒जाप॑तेः⁠। प्र॒जाप॑ते॒राप्त्यै᳚⁠। प्र॒जाप॑ते॒रिति॑ प्र॒जा—प॒तेः॒⁠। आप्त्यै॑ महाव्र॒तवा॑न्⁠। म॒हा॒व्र॒त,वा॑न॒न्नाद्य॑स्य⁠। म॒हा॒व्र॒तवा॒निति॑ महाव्र॒त—वा॒न्॒⁠। अ॒न्नाद्य॒स्या,व॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्यै विश्व॒जित्⁠। अव॑रुद्ध्या॒ इत्यव॑—रु॒द्ध्यै॒⁠। वि॒श्व॒जिथ् सर्व॑पृष्ठः⁠। वि॒श्व॒जिदिति॑ विश्व—जित्⁠। सर्व॑पृष्ठोऽतिरा॒त्रः⁠। सर्व॑पृष्ठ॒ इति॒ सर्व॑—पृ॒ष्ठः॒⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। भ॒व॒ति॒ सर्व॑स्य⁠। सर्व॑स्या॒भिजि॑त्यै⁠। अ॒भिजि॑त्यै॒ यत्⁠। अ॒भिजि॑त्या॒ इत्य॒भि—जि॒त्यै॒⁠। यत् प्र॒त्यख्‍ष᳚म्⁠। प्र॒त्यख्‍ष॒म् पूर्वे॑षु⁠। प्र॒त्यख्‍ष॒मिति॑ प्रति—अख्‍ष᳚म्⁠। पूर्वे॒ष्वह॑स्सु⁠। अह॑स्सु पृ॒ष्ठानि॑⁠। अह॒स्स्वित्यहः॑—सु॒⁠। पृ॒ष्ठान्यु॑पे॒युः⁠। उ॒पे॒युः प्र॒त्यख्‍ष᳚म्⁠। उ॒पे॒युरित्यु॑प—इ॒युः⁠। प्र॒त्यख्‍ष॑व्ँविश्व॒जिति॑⁠। प्र॒त्यख्‍ष॒मिति॑ प्रति—अख्‍ष᳚म्⁠। [६] वि॒श्व॒जिति॒ यथा᳚⁠। वि॒श्व॒जितीति॑ विश्व—जिति॑⁠। यथा॑ दु॒ग्धाम्⁠। दु॒ग्धामु॑प॒सीद॑ति⁠। उ॒प॒सीद॑त्ये॒वम्⁠। उ॒प॒सीद॒तीत्यु॑प—सीद॑ति⁠। ए॒वमु॑त्त॒मम्⁠। उ॒त्त॒ममहः॑⁠। उ॒त्त॒ममित्यु॑त्—त॒मम्⁠। अहः॑ स्यात्⁠। स्या॒न् न⁠। नैक॑रा॒त्रः⁠। ए॒क॒रा॒त्रश्च॒न⁠। ए॒क॒रा॒त्र इत्ये॑क—रा॒त्रः⁠। च॒न स्या᳚त्⁠। स्या॒द् बृ॒ह॒द्‍र॒थ॒न्त॒रे⁠। बृ॒ह॒द्‍र॒थ॒न्त॒रे पूर्वे॑षु⁠। बृ॒ह॒द्‍र॒थ॒न्त॒रे इति॑ बृहत्—र॒थ॒न्त॒रे⁠। पूर्वे॒ष्वह॑स्सु⁠। अह॒स्सूप॑⁠। अह॒स्स्वित्यहः॑—सु॒⁠। उप॑ यन्ति⁠। य॒न्ती॒यम्⁠। इ॒यव्ँवाव⁠। वाव र॑थन्त॒रम्⁠। र॒थ॒न्त॒रम॒सौ⁠। र॒थ॒न्त॒रमिति॑ रथम्—त॒रम्⁠। अ॒सौ बृ॒हत्⁠। बृ॒हदा॒भ्याम्⁠। आ॒भ्यामे॒व⁠। ए॒व न⁠। न य॑न्ति⁠। य॒न्त्यथो᳚⁠। अथो॑ अ॒नयोः᳚⁠। अथो॒ इत्यथो᳚⁠। अ॒नयो॑रे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ यत्⁠। यत् प्र॒त्यख्‍ष᳚म्⁠। प्र॒त्यख्‍ष॑व्ँविश्व॒जिति॑⁠। प्र॒त्यख्‍ष॒मिति॑ प्रति—अख्‍ष᳚म्⁠। वि॒श्व॒जिति॑ पृ॒ष्ठानि॑⁠। वि॒श्व॒जितीति॑ विश्व—जिति॑⁠। पृ॒ष्ठान्यु॑प॒यन्ति॑⁠। उ॒प॒यन्ति॒ यथा᳚⁠। उ॒प॒यन्तीत्यु॑प—यन्ति॑⁠। यथा॒ प्रत्ता᳚म्⁠। प्रत्ता᳚म् दु॒हे⁠। दु॒हे ता॒दृक्⁠। ता॒दृगे॒व⁠। ए॒व तत्⁠। तदिति॒ तत्⁠॥ [७] (तेज॑ उपे॒युः प्रत्यख्‍ष॒म् द्विच॑त्वारिꣳशच्च) ॥२॥
बृह॒स्पति॑रकामयत⁠। अ॒का॒म॒य॒त॒ ब्र॒ह्म॒व॒र्च॒सी⁠। ब्र॒ह्म॒व॒र्च॒सी स्या᳚म्⁠। ब्र॒ह्म॒व॒र्च॒सीति॑ ब्रह्म—व॒र्च॒सी⁠। स्या॒मिति॑⁠। इति॒ सः⁠। स ए॒तम्⁠। ए॒तम॑ष्टरा॒त्रम्⁠। अ॒ष्ट॒रा॒त्रम॑पश्यत्⁠। अ॒ष्ट॒रा॒त्रमित्य॑ष्ट—रा॒त्रम्⁠। अ॒प॒श्य॒त् तम्⁠। तमा⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै सः⁠। स ब्र॑ह्मवर्च॒सी⁠। ब्र॒ह्म॒व॒र्च॒स्य॑भवत्⁠। ब्र॒ह्म॒व॒र्च॒सीति॑ ब्रह्म—व॒र्च॒सी⁠। अ॒भ॒व॒द् यः⁠। य ए॒वम्⁠। ए॒वव्ँवि॒द्वान्⁠। वि॒द्वान॑ष्टरा॒त्रेण॑⁠। अ॒ष्ट॒रा॒त्रेण॒ यज॑ते⁠। अ॒ष्ट॒रा॒त्रेणेत्य॑ष्ट—रा॒त्रेण॑⁠। यज॑ते ब्रह्मवर्च॒सी⁠। ब्र॒ह्म॒व॒र्च॒स्ये॑व⁠। ब्र॒ह्म॒व॒र्च॒सीति॑ ब्रह्म—व॒र्च॒सी⁠। ए॒व भ॑वति⁠। भ॒व॒त्य॒ष्ट॒रा॒त्रः⁠। अ॒ष्ट॒रा॒त्रो भ॑वति⁠। अ॒ष्ट॒रा॒त्र इत्य॑ष्ट—रा॒त्रः⁠। भ॒व॒त्य॒ष्टाख्‍ष॑रा⁠। अ॒ष्टाख्‍ष॑रा गाय॒त्री⁠। अ॒ष्टाख्‍ष॒रेत्य॒ष्टा—अ॒ख्‍ष॒रा॒⁠। गा॒य॒त्री गा॑य॒त्री⁠। गा॒य॒त्री ब्र॑ह्मवर्च॒सम्⁠। ब्र॒ह्म॒व॒र्च॒सम् गा॑यत्रि॒या⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। गा॒य॒त्रि॒यैव⁠। ए॒व ब्र॑ह्मवर्च॒सम्⁠। ब्र॒ह्म॒व॒र्च॒समव॑⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। अव॑ रुन्धे⁠। रु॒न्धे॒ऽष्ट॒रा॒त्रः⁠। अ॒ष्ट॒रा॒त्रो भ॑वति⁠। अ॒ष्ट॒रा॒त्र इत्य॑ष्ट—रा॒त्रः⁠। भ॒व॒ति॒ चत॑स्रः⁠। चत॑स्रो॒ वै⁠। वै दिशः॑⁠। दिश॒श्चत॑स्रः⁠। चत॑स्रोऽवान्तरदि॒शाः⁠। अ॒वा॒न्त॒र॒दि॒शा दि॒ग्भ्यः⁠। अ॒वा॒न्त॒र॒दि॒शा इत्य॑वान्तर—दि॒शाः⁠। दि॒ग्भ्य ए॒व⁠। दि॒ग्भ्य इति॑ दिक्—भ्यः⁠। ए॒व ब्र॑ह्मवर्च॒सम्⁠। ब्र॒ह्म॒व॒र्च॒समव॑⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। अव॑ रुन्धे⁠। रु॒न्धे॒ त्रि॒वृत्⁠। [८] त्रि॒वृद॑ग्निष्टो॒मः⁠। त्रि॒वृदिति॑ त्रि—वृत्⁠। अ॒ग्नि॒ष्टो॒मो भ॑वति⁠। अ॒ग्नि॒ष्टो॒म इत्य॑ग्नि—स्तो॒मः⁠। भ॒व॒ति॒ तेजः॑⁠। तेज॑ ए॒व⁠। ए॒वाव॑⁠। अव॑ रुन्धे⁠। रु॒न्धे॒ प॒ञ्च॒द॒शः⁠। प॒ञ्च॒द॒शो भ॑वति⁠। प॒ञ्च॒द॒श इति॑ पञ्च—द॒शः⁠। भ॒व॒ती॒न्द्रि॒यम्⁠। इ॒न्द्रि॒यमे॒व⁠। ए॒वाव॑⁠। अव॑ रुन्धे⁠। रु॒न्धे॒ स॒प्त॒द॒शः⁠। स॒प्त॒द॒शो भ॑वति⁠। स॒प्त॒द॒श इति॑ सप्त—द॒शः⁠। भ॒व॒त्य॒न्नाद्य॑स्य⁠। अ॒न्नाद्य॒स्याव॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्या॒ अथो᳚⁠। अव॑रुद्ध्या॒ इत्यव॑—रु॒द्ध्यै॒⁠। अथो॒ प्र⁠। अथो॒ इत्यथो᳚⁠। प्रैव⁠। ए॒व तेन॑⁠। तेन॑ जायते⁠। जा॒य॒त॒ ए॒क॒वि॒ꣳ॒शः⁠। ए॒क॒वि॒ꣳ॒शो भ॑वति⁠। ए॒क॒वि॒ꣳ॒श इत्ये॑क—वि॒ꣳ॒शः⁠। भ॒व॒ति॒ प्रति॑ष्ठित्यै⁠। प्रति॑ष्ठित्या॒ अथो᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अथो॒ रुच᳚म्⁠। अथो॒ इत्यथो᳚⁠। रुच॑मे॒व⁠। ए॒वात्मन्न्⁠। आ॒त्मन् ध॑त्ते⁠। ध॒त्ते॒ त्रि॒ण॒वः⁠। त्रि॒ण॒वो भ॑वति⁠। त्रि॒ण॒व इति॑ त्रि—न॒वः⁠। भ॒व॒ति॒ विजि॑त्यै⁠। विजि॑त्यै त्रयस्त्रि॒ꣳ॒शः⁠। विजि॑त्या॒ इति॒ वि—जि॒त्यै॒⁠। त्र॒य॒स्त्रि॒ꣳ॒शो भ॑वति⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। भ॒व॒ति॒ प्रति॑ष्ठित्यै⁠। प्रति॑ष्ठित्यै पञ्चवि॒ꣳ॒शः⁠। प्रति॑ष्ठित्या॒ इति॒ प्रति॑—स्थि॒त्यै॒⁠। प॒ञ्च॒वि॒ꣳ॒शो᳚ऽग्निष्टो॒मः⁠। प॒ञ्च॒वि॒ꣳ॒श इति॑ पञ्च—वि॒ꣳ॒शः⁠। अ॒ग्नि॒ष्टो॒मो भ॑वति⁠। अ॒ग्नि॒ष्टो॒म इत्य॑ग्नि—स्तो॒मः⁠। भ॒व॒ति॒ प्र॒जाप॑तेः⁠। प्र॒जाप॑ते॒राप्त्यै᳚⁠। प्र॒जाप॑ते॒रिति॑ प्र॒जा—प॒तेः॒⁠। आप्त्यै॑ महाव्र॒तवा॑न्⁠। म॒हा॒व्र॒तवा॑न॒न्नाद्य॑स्य⁠। म॒हा॒व्र॒तवा॒निति॑ महाव्र॒त—वा॒न्॒⁠। अ॒न्नाद्य॒स्याव॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्यै विश्व॒जित्⁠। अव॑रुद्ध्या॒ इत्यव॑—रु॒द्ध्यै॒⁠। वि॒श्व॒जिथ् सर्व॑पृष्ठः⁠। वि॒श्व॒जिदिति॑ विश्व—जित्⁠। सर्व॑पृष्ठोऽतिरा॒त्रः⁠। सर्व॑पृष्ठ॒ इति॒ सर्व॑—पृ॒ष्ठः॒⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। भ॒व॒ति॒ सर्व॑स्य⁠। सर्व॑स्या॒भिजि॑त्यै⁠। अ॒भिजि॑त्या॒ इत्य॒भि—जि॒त्यै॒⁠॥ [९] (दि॒ग्भ्य ए॒व ब्र॑ह्मवर्च॒समव॑ रुन्धे॒ ऽभिजि॑त्यै) ॥३॥
प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा अ॑सृजत⁠। प्र॒जा इति॑ प्र—जाः⁠। अ॒सृ॒ज॒त॒ ताः⁠। ताः सृ॒ष्टाः⁠। सृ॒ष्टाः ख्‍षुध᳚म्⁠। ख्‍षुध॒म् नि⁠। न्या॑यन्न्⁠। आ॒य॒न्थ् सः⁠। स ए॒तम्⁠। ए॒तम् न॑वरा॒त्रम्⁠। न॒व॒रा॒त्रम॑पश्यत्⁠। न॒व॒रा॒त्रमिति॑ नव—रा॒त्रम्⁠। अ॒प॒श्य॒त् तम्⁠। तमा⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै प्र॒जाभ्यः॑⁠। प्र॒जाभ्यो॑ऽकल्पत⁠। प्र॒जाभ्य॒ इति॑ प्र—जाभ्यः॑⁠। अ॒क॒ल्प॒त॒ यर्‌हि॑⁠। यर्‌हि॑ प्र॒जाः⁠। प्र॒जाः ख्‍षुध᳚म्⁠। प्र॒जा इति॑ प्र—जाः⁠। ख्‍षुध॑म् नि॒गच्छे॑युः⁠। नि॒गच्छे॑यु॒स्तर्‌हि॑⁠। नि॒गच्छे॑यु॒रिति॑ नि—गच्छे॑युः⁠। तर्‌हि॑ नवरा॒त्रेण॑⁠। न॒व॒रा॒त्रेण॑ यजेत⁠। न॒व॒रा॒त्रेणेति॑ नव—रा॒त्रेण॑⁠। य॒जे॒ते॒मे⁠। इ॒मे हि⁠। हि वै⁠। वा ए॒तासा᳚म्⁠। ए॒तासा᳚ल्ँलो॒काः⁠। लो॒का अक्लृ॑प्ताः⁠। अक्लृ॑प्ता॒ अथ॑⁠। अथै॒ताः⁠। ए॒ताः ख्‍षुध᳚म्⁠। ख्‍षुध॒म् नि⁠। नि ग॑च्छन्ति⁠। ग॒च्छ॒न्ती॒मान्⁠। इ॒माने॒व⁠। ए॒वाभ्यः॑⁠। आ॒भ्यो॒ लो॒कान्⁠। लो॒कान् क॑ल्पयति⁠। क॒ल्प॒य॒ति॒ तान्⁠। तान् कल्प॑मानान्⁠। कल्प॑मानान् प्र॒जाभ्यः॑⁠। प्र॒जाभ्योऽनु॑⁠। प्र॒जाभ्य॒ इति॑ प्र—जाभ्यः॑⁠। अनु॑ कल्पते⁠। क॒ल्प॒ते॒ कल्प॑न्ते⁠। कल्प॑न्तेऽस्मै⁠। [१०] अ॒स्मा॒ इ॒मे⁠। इ॒मे लो॒काः⁠। लो॒का ऊर्ज᳚म्⁠। ऊर्ज॑म् प्र॒जासु॑⁠। प्र॒जासु॑ दधाति⁠। प्र॒जास्विति॑ प्र—जासु॑⁠। द॒धा॒ति॒ त्रि॒रा॒त्रेण॑⁠। त्रि॒रा॒त्रेणै॒व⁠। त्रि॒रा॒त्रेणेति॑ त्रि—रा॒त्रेण॑⁠। ए॒वेमम्⁠। इ॒मल्ँलो॒कम्⁠। लो॒कम् क॑ल्पयति⁠। क॒ल्प॒य॒ति॒ त्रि॒रा॒त्रेण॑⁠। त्रि॒रा॒त्रेणा॒न्तरि॑ख्‍षम्⁠। त्रि॒रा॒त्रेणेति॑ त्रि—रा॒त्रेण॑⁠। अ॒न्तरि॑ख्‍षम् त्रिरा॒त्रेण॑⁠। त्रि॒रा॒त्रेणा॒मुम्⁠। त्रि॒रा॒त्रेणेति॑ त्रि—रा॒त्रेण॑⁠। अ॒मुल्ँलो॒कम्⁠। लो॒कय्ँयथा᳚⁠। यथा॑ गु॒णे⁠। गु॒णे गु॒णम्⁠। गु॒णम॒न्वस्य॑ति⁠। अ॒न्वस्य॑त्ये॒वम्⁠। अ॒न्वस्य॒तीत्य॑नु—अस्य॑ति⁠। ए॒वमे॒व⁠। ए॒व तत्⁠। तल्लो॒के⁠। लो॒के लो॒कम्⁠। लो॒कमनु॑⁠। अन्व॑स्यति⁠। अ॒स्य॒ति॒ धृत्यै᳚⁠। धृत्या॒ अशि॑थिलम्भावाय⁠। अशि॑थिलम्भावाय॒ ज्योतिः॑⁠। अशि॑थिलम्भावा॒येत्यशि॑थिलम्—भा॒वा॒य॒⁠। ज्योति॒र् गौः⁠। गौरायुः॑⁠। आयु॒रिति॑⁠। इति॑ ज्ञा॒ताः⁠। ज्ञा॒ताः स्तोमाः᳚⁠। स्तोमा॑ भवन्ति⁠। भ॒व॒न्ती॒यम्⁠। इ॒यव्ँवाव⁠। वाव ज्योतिः॑⁠। ज्योति॑र॒न्तरि॑ख्‍षम्⁠। अ॒न्तरि॑ख्‍ष॒म् गौः⁠। गौर॒सौ⁠। अ॒सावायुः॑⁠। आयु॑रे॒षु⁠। ए॒ष्वे॑व⁠। ए॒व लो॒केषु॑⁠। लो॒केषु॒ प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ ज्ञात्र᳚म्⁠। ज्ञात्र॑म् प्र॒जाना᳚म्⁠। प्र॒जाना᳚म् गच्छति⁠। प्र॒जाना॒मिति॑ प्र—जाना᳚म्⁠। [११] ग॒च्छ॒ति॒ न॒व॒रा॒त्रः⁠। न॒व॒रा॒त्रो भ॑वति⁠। न॒व॒रा॒त्र इति॑ नव—रा॒त्रः⁠। भ॒व॒त्य॒भि॒पू॒र्वम्⁠। अ॒भि॒पू॒र्वमे॒व⁠। अ॒भि॒पू॒र्वमित्य॑भि—पू॒र्वम्⁠। ए॒वास्मि॑न्न्⁠। अ॒स्मि॒न् तेजः॑⁠। तेजो॑ दधाति⁠। द॒धा॒ति॒ यः⁠। यो ज्योगा॑मयावी⁠। ज्योगा॑मयावी॒ स्यात्⁠। ज्योगा॑मया॒वीति॒ ज्योक्—आ॒म॒या॒वी॒⁠। स्याथ् सः⁠। स न॑वरा॒त्रेण॑⁠। न॒व॒रा॒त्रेण॑ यजेत⁠। न॒व॒रा॒त्रेणेति॑ नव—रा॒त्रेण॑⁠। य॒जे॒त॒ प्रा॒णाः⁠। प्रा॒णा हि⁠। प्रा॒णा इति॑ प्र—अ॒नाः⁠। हि वै⁠। वा ए॒तस्य॑⁠। ए॒तस्याधृ॑ताः⁠। अधृ॑ता॒ अथ॑⁠। अथै॒तस्य॑⁠। ए॒तस्य॒ ज्योक्⁠। ज्योगा॑मयति⁠। आ॒म॒य॒ति॒ प्रा॒णान्⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒वास्मि॑न्न्⁠। अ॒स्मि॒न् दा॒धा॒र॒⁠। दा॒धा॒रो॒त⁠। उ॒त यदि॑⁠। यदी॒तासुः॑⁠। इ॒तासु॒र् भव॑ति⁠। इ॒तासु॒रिती॒त—अ॒सुः॒⁠। भव॑ति॒ जीव॑ति⁠। जीव॑त्ये॒व⁠। ए॒वेत्ये॒व⁠॥ [१२] (कल्प॑न्ते प्र॒जना॒म् त्रय॑स्त्रिꣳशच्च) ॥४॥
प्र॒जाप॑तिरकामयत⁠। प्र॒जाप॑ति॒रिति॑ प्र॒जा—प॒तिः॒⁠। अ॒का॒म॒य॒त॒ प्र⁠। प्र जा॑येय⁠। जा॒ये॒येति॑⁠। इति॒ सः⁠। स ए॒तम्⁠। ए॒तम् दश॑होतारम्⁠। दश॑होतारमपश्यत्⁠। दश॑होतार॒मिति॒ दश॑—हो॒ता॒र॒म्⁠। अ॒प॒श्य॒त् तम्⁠। तम॑जुहोत्⁠। अ॒जु॒हो॒त् तेन॑⁠। तेन॑ दशरा॒त्रम्⁠। द॒श॒रा॒त्रम॑सृजत⁠। द॒श॒रा॒त्रमिति॑ दश—रा॒त्रम्⁠। अ॒सृ॒ज॒त॒ तेन॑⁠। तेन॑ दशरा॒त्रेण॑⁠। द॒श॒रा॒त्रेण॒ प्र⁠। द॒श॒रा॒त्रेणेति॑ दश—रा॒त्रेण॑⁠। प्राजा॑यत⁠। अ॒जा॒य॒त॒ द॒श॒रा॒त्राय॑⁠। द॒श॒रा॒त्राय॑ दीख्‍षि॒ष्यमा॑णः⁠। द॒श॒रा॒त्रायेति॑ दश—रा॒त्राय॑⁠। दी॒ख्‍षि॒ष्यमा॑णो॒ दश॑होतारम्⁠। दश॑होतारम् जुहुयात्⁠। दश॑होतार॒मिति॒ दश॑—हो॒ता॒र॒म्⁠। जु॒हु॒या॒द् दश॑होत्रा⁠। दश॑होत्रै॒व⁠। दश॑हो॒त्रेति॒ दश॑—हो॒त्रा॒⁠। ए॒व द॑शरा॒त्रम्⁠। द॒श॒रा॒त्रꣳ सृ॑जते⁠। द॒श॒रा॒त्रमिति॑ दश—रा॒त्रम्⁠। सृ॒ज॒ते॒ तेन॑⁠। तेन॑ दशरा॒त्रेण॑⁠। द॒श॒रा॒त्रेण॒ प्र⁠। द॒श॒रा॒त्रेणेति॑ दश—रा॒त्रेण॑⁠। प्र जा॑यते⁠। जा॒य॒ते॒ वै॒रा॒जः⁠। वै॒रा॒जो वै⁠। वा ए॒षः⁠। ए॒ष य॒ज्ञः⁠। य॒ज्ञो यत्⁠। यद् द॑शरा॒त्रः⁠। द॒श॒रा॒त्रो यः⁠। द॒श॒रा॒त्र इति॑ दश—रा॒त्रः⁠। य ए॒वम्⁠। ए॒वव्ँवि॒द्वान्⁠। वि॒द्वान् द॑शरा॒त्रेण॑⁠। द॒श॒रा॒त्रेण॒ यज॑ते⁠। द॒श॒रा॒त्रेणेति॑ दश—रा॒त्रेण॑⁠। यज॑ते वि॒राज᳚म्⁠। वि॒राज॑मे॒व⁠। वि॒राज॒मिति॑ वि—राज᳚म्⁠। ए॒व ग॑च्छति⁠। ग॒च्छ॒ति॒ प्रा॒जा॒प॒त्यः⁠। प्रा॒जा॒प॒त्यो वै⁠। प्रा॒जा॒प॒त्य इति॑ प्राजा—प॒त्यः⁠। वा ए॒षः⁠। ए॒ष य॒ज्ञः⁠। य॒ज्ञो यत्⁠। यद् द॑शरा॒त्रः⁠। द॒श॒रा॒त्रो यः⁠। द॒श॒रा॒त्र इति॑ दश—रा॒त्रः⁠। [१३] य ए॒वम्⁠। ए॒वव्ँवि॒द्वान्⁠। वि॒द्वान् द॑शरा॒त्रेण॑⁠। द॒श॒रा॒त्रेण॒ यज॑ते⁠। द॒श॒रा॒त्रेणेति॑ दश—रा॒त्रेण॑⁠। यज॑ते॒ प्र⁠। प्रैव⁠। ए॒व जा॑यते⁠। जा॒य॒त॒ इन्द्रः॑⁠। इन्द्रो॒ वै⁠। वै स॒दृङ्‍ङ्⁠। स॒दृङ् दे॒वता॑भिः⁠। स॒दृङ्ङिति॑ स—दृङ्ङ्⁠। दे॒वता॑भिरासीत्⁠। आ॒सी॒थ् सः⁠। स न⁠। न व्या॒वृत᳚म्⁠। व्या॒वृत॑मगच्छत्⁠। व्या॒वृत॒मिति॑ वि—आ॒वृत᳚म्⁠। अ॒ग॒च्छ॒थ् सः⁠। स प्र॒जाप॑तिम्⁠। प्र॒जाप॑ति॒मुप॑⁠। प्र॒जाप॑ति॒मिति॑ प्र॒जा—प॒ति॒म्⁠। उपा॑धावत्⁠। अ॒धा॒व॒त् तस्मै᳚⁠। तस्मा॑ ए॒तम्⁠। ए॒तम् द॑शरा॒त्रम्⁠। द॒श॒रा॒त्रम् प्र⁠। द॒श॒रा॒त्रमिति॑ दश—रा॒त्रम्⁠। प्राय॑च्छत्⁠। अ॒य॒च्छ॒त् तम्⁠। तमा⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै सः⁠। सो᳚ऽन्याभिः॑⁠। अ॒न्याभि॑र् दे॒वता॑भिः⁠। दे॒वता॑भिर् व्या॒वृत᳚म्⁠। व्या॒वृत॑मगच्छत्⁠। व्या॒वृत॒मिति॑ वि—आ॒वृत᳚म्⁠। अ॒ग॒च्छ॒द् यः⁠। य ए॒वम्⁠। ए॒वव्ँवि॒द्वान्⁠। वि॒द्वान् द॑शरा॒त्रेण॑⁠। द॒श॒रा॒त्रेण॒ यज॑ते⁠। द॒श॒रा॒त्रेणेति॑ दश—रा॒त्रेण॑⁠। यज॑ते व्या॒वृत᳚म्⁠। व्या॒वृत॑मे॒व⁠। व्या॒वृत॒मिति॑ वि—आ॒वृत᳚म्⁠। ए॒व पा॒प्मना᳚⁠। पा॒प्मना॒ भ्रातृ॑व्येण⁠। भ्रातृ॑व्येण गच्छति⁠। ग॒च्छ॒ति॒ त्रि॒क॒कुत्⁠। त्रि॒क॒कुद् वै⁠। त्रि॒क॒कुदिति॑ त्रि—क॒कुत्⁠। वा ए॒षः⁠। [१४] ए॒ष य॒ज्ञः⁠। य॒ज्ञो यत्⁠। यद् द॑शरा॒त्रः⁠। द॒श॒रा॒त्रः क॒कुत्⁠। द॒श॒रा॒त्र इति॑ दश—रा॒त्रः⁠। क॒कुत् प॑ञ्चद॒शः⁠। प॒ञ्च॒द॒शः क॒कुत्⁠। प॒ञ्च॒द॒श इति॑ पञ्च—द॒शः⁠। क॒कुदे॑कवि॒ꣳ॒शः⁠। ए॒क॒वि॒ꣳ॒शः क॒कुत्⁠। ए॒क॒वि॒ꣳ॒श इत्ये॑क—वि॒ꣳ॒शः⁠। क॒कुत् त्र॑यस्त्रि॒ꣳ॒शः⁠। त्र॒य॒स्त्रि॒ꣳ॒शो यः⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। य ए॒वम्⁠। ए॒वव्ँवि॒द्वान्⁠। वि॒द्वान् द॑शरा॒त्रेण॑⁠। द॒श॒रा॒त्रेण॒ यज॑ते⁠। द॒श॒रा॒त्रेणेति॑ दश—रा॒त्रेण॑⁠। यज॑ते त्रिक॒कुत्⁠। त्रि॒क॒कुदे॒व⁠। त्रि॒क॒कुदिति॑ त्रि—क॒कुत्⁠। ए॒व स॑मा॒नाना᳚म्⁠। स॒मा॒नाना᳚म् भवति⁠। भ॒व॒ति॒ यज॑मानः⁠। यज॑मानः पञ्चद॒शः⁠। प॒ञ्च॒द॒शो यज॑मानः⁠। प॒ञ्च॒द॒श इति॑ पञ्च—द॒शः⁠। यज॑मान एकवि॒ꣳ॒शः⁠। ए॒क॒वि॒ꣳ॒शो यज॑मानः⁠। ए॒क॒वि॒ꣳ॒श इत्ये॑क—वि॒ꣳ॒शः⁠। यज॑मान स्त्रयस्त्रि॒ꣳ॒शः⁠। त्र॒य॒स्त्रि॒ꣳ॒शः पुरः॑⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। पुर॒ इत॑राः⁠। इत॑रा अभिच॒र्यमा॑णः⁠। अ॒भि॒च॒र्यमा॑णो दशरा॒त्रेण॑⁠। अ॒भि॒च॒र्यमा॑ण॒ इत्य॑भि—च॒र्यमा॑णः⁠। द॒श॒रा॒त्रेण॑ यजेत⁠। द॒श॒रा॒त्रेणेति॑ दश—रा॒त्रेण॑⁠। य॒जे॒त॒ दे॒व॒पु॒राः⁠। दे॒व॒पु॒रा ए॒व⁠। दे॒व॒पु॒रा इति॑ देव—पु॒राः⁠। ए॒व परि॑⁠। पर्यू॑हते⁠। ऊ॒ह॒ते॒ तस्य॑⁠। तस्य॒ न⁠। न कुतः॑⁠। कुत॑श्च॒न⁠। च॒नोपा᳚व्या॒धः⁠। उ॒पा॒व्या॒धो भ॑वति⁠। उ॒पा॒व्या॒ध इत्यु॑प—आ॒व्या॒धः⁠। भ॒व॒ति॒ न⁠। नैन᳚म्⁠। ए॒न॒म॒भि॒चर॑न्न्⁠। अ॒भि॒चर᳚न्थ् सृणुते⁠। अ॒भि॒चर॒न्नित्य॑भि—चर॑न्न्⁠। सृ॒णु॒ते॒ दे॒वा॒सु॒राः⁠। दे॒वा॒सु॒राः सय्ँय॑त्ताः⁠। दे॒वा॒सु॒रा इति॑ देव—अ॒सु॒राः⁠। सय्ँय॑त्ता आसन्न्⁠। सय्ँय॑त्ता॒ इति॒ सम्—य॒त्ताः॒⁠। आ॒स॒न् ते⁠। ते दे॒वाः⁠। दे॒वा ए॒ताः⁠। ए॒ता दे॑वपु॒राः⁠। [१५] दे॒व॒पु॒रा अ॑पश्यन्न्⁠। दे॒व॒पु॒रा इति॑ देव—पु॒राः⁠। अ॒प॒श्य॒न्॒‌यत्⁠। यद् द॑शरा॒त्रः⁠। द॒श॒रा॒त्रस्ताः⁠। द॒श॒रा॒त्र इति॑ दश—रा॒त्रः⁠। ताः परि॑⁠। पर्यौ॑हन्त⁠। औ॒ह॒न्त॒ तेषा᳚म्⁠। तेषा॒म् न⁠। न कुतः॑⁠। कुत॑श्च॒न⁠। च॒नोपा᳚व्या॒धः⁠। उ॒पा॒व्या॒धो॑ऽभवत्⁠। उ॒पा॒व्या॒ध इत्यु॑प—आ॒व्या॒धः⁠। अ॒भ॒व॒त् ततः॑⁠। ततो॑ दे॒वाः⁠। दे॒वा अभ॑वन्न्⁠। अभ॑व॒न् परा᳚⁠। पराऽसु॑राः⁠। असु॑रा॒ यः⁠। यो भ्रातृ॑व्यवान्न्⁠। भ्रातृ॑व्यवा॒न्थ् स्यात्⁠। भ्रातृ॑व्यवा॒निति॒ भ्रातृ॑व्य—वा॒न्॒⁠। स्याथ् सः⁠। स द॑शरा॒त्रेण॑⁠। द॒श॒रा॒त्रेण॑ यजेत⁠। द॒श॒रा॒त्रेणेति॑ दश—रा॒त्रेण॑⁠। य॒जे॒त॒ दे॒व॒पु॒राः⁠। दे॒व॒पु॒रा ए॒व⁠। दे॒व॒पु॒रा इति॑ देव—पु॒राः⁠। ए॒व परि॑⁠। पर्यू॑हते⁠। ऊ॒ह॒ते॒ तस्य॑⁠। तस्य॒ न⁠। न कुतः॑⁠। कुत॑श्च॒न⁠। च॒नोपा᳚व्या॒धः⁠। उ॒पा॒व्या॒धो भ॑वति⁠। उ॒पा॒व्या॒ध इत्यु॑प—आ॒व्या॒धः⁠। भ॒व॒ति॒ भव॑ति⁠। भव॑त्या॒त्मना᳚⁠। आ॒त्मना॒ परा᳚⁠। परा᳚ऽस्य⁠। अ॒स्य॒ भ्रातृ॑व्यः⁠। भ्रातृ॑व्यो भवति⁠। भ॒व॒ति॒ स्तोमः॑⁠। स्तोमः॒ स्तोम॑स्य⁠। स्तोम॒स्योप॑स्तिः⁠। उप॑स्तिर् भवति⁠। भ॒व॒ति॒ भ्रातृ॑व्यम्⁠। भ्रातृ॑व्यमे॒व⁠। ए॒वोप॑स्तिम्⁠। उप॑स्तिम् कुरुते⁠। कु॒रु॒ते॒ जा॒मि⁠। जा॒मि वै⁠। वा ए॒तत्⁠। [१६] ए॒तत् कु॑र्वन्ति⁠। कु॒र्व॒न्ति॒ यत्⁠। यज् ज्याया॑ꣳसम्⁠। ज्याया॑ꣳस॒ꣴ॒ स्तोम᳚म्⁠। स्तोम॑मु॒पेत्य॑⁠। उ॒पेत्य॒ कनी॑याꣳसम्⁠। उ॒पेत्येत्यु॑प—इत्य॑⁠। कनी॑याꣳसमुप॒यन्ति॑⁠। उ॒प॒यन्ति॒ यत्⁠। उ॒प॒यन्तीत्यु॑प—यन्ति॑⁠। यद॑ग्निष्टोमसा॒मानि॑⁠। अ॒ग्नि॒ष्टो॒म॒सा॒मान्य॒वस्ता᳚त्⁠। अ॒ग्नि॒ष्टो॒म॒सा॒मानीत्य॑ग्निष्टोम—सा॒मानि॑⁠। अ॒वस्ता᳚च् च⁠। च॒ प॒रस्ता᳚त्⁠। प॒रस्ता᳚च् च⁠। च॒ भव॑न्ति⁠। भव॒न्त्यजा॑मित्वाय⁠। अजा॑मित्वाय त्रि॒वृत्⁠। अजा॑मित्वा॒येत्यजा॑मि—त्वा॒य॒⁠। त्रि॒वृद॑ग्निष्टो॒मः⁠। त्रि॒वृदिति॑ त्रि—वृत्⁠। अ॒ग्नि॒ष्टो॒मो᳚ऽग्नि॒ष्टुत्⁠। अ॒ग्नि॒ष्टो॒म इत्य॑ग्नि—स्तो॒मः⁠। अ॒ग्नि॒ष्टुदा᳚ग्ने॒यीषु॑⁠। अ॒ग्नि॒ष्टुदित्य॑ग्नि—स्तुत्⁠। आ॒ग्ने॒यीषु॑ भवति⁠। भ॒व॒ति॒ तेजः॑⁠। तेज॑ ए॒व⁠। ए॒वाव॑⁠। अव॑ रुन्धे⁠। रु॒न्धे॒ प॒ञ्च॒द॒शः⁠। प॒ञ्च॒द॒श उ॒क्थ्यः॑⁠। प॒ञ्च॒द॒श इति॑ पञ्च—द॒शः⁠। उ॒क्थ्य॑ ऐ॒न्द्रीषु॑⁠। ऐ॒न्द्रीष्वि॑न्द्रि॒यम्⁠। इ॒न्द्रि॒यमे॒व⁠। ए॒वाव॑⁠। अव॑ रुन्धे⁠। रु॒न्धे॒ त्रि॒वृत्⁠। त्रि॒वृद॑ग्निष्टो॒मः⁠। त्रि॒वृदिति॑ त्रि—वृत्⁠। अ॒ग्नि॒ष्टो॒मो वै᳚श्वदे॒वीषु॑⁠। अ॒ग्नि॒ष्टो॒म इत्य॑ग्नि—स्तो॒मः⁠। वै॒श्व॒दे॒वीषु॒ पुष्टि᳚म्⁠। वै॒श्व॒दे॒वीष्विति॑ वैश्व—दे॒वीषु॑⁠। पुष्टि॑मे॒व⁠। ए॒वाव॑⁠। अव॑ रुन्धे⁠। रु॒न्धे॒ स॒प्त॒द॒शः⁠। स॒प्त॒द॒शो᳚ऽग्निष्टो॒मः⁠। स॒प्त॒द॒श इति॑ सप्त—द॒शः⁠। अ॒ग्नि॒ष्टो॒मः प्रा॑जाप॒त्यासु॑⁠। अ॒ग्नि॒ष्टो॒म इत्य॑ग्नि—स्तो॒मः⁠। प्रा॒जा॒प॒त्यासु॑ तीव्रसो॒मः⁠। प्रा॒जा॒प॒त्यास्विति॑ प्राजा—प॒त्यासु॑⁠। ती॒व्र॒सो॒मो᳚ऽन्नाद्य॑स्य⁠। ती॒व्र॒सो॒म इति॑ तीव्र—सो॒मः⁠। अ॒न्नाद्य॒स्या,व॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्या॒ अथो᳚⁠। अव॑रुद्ध्या॒ इत्यव॑—रु॒द्ध्यै॒⁠। अथो॒ प्र⁠। अथो॒ इत्यथो᳚⁠। प्रैव⁠। ए॒व तेन॑⁠। तेन॑ जायते⁠। जा॒य॒त॒ ए॒क॒वि॒ꣳ॒शः⁠। [१७] ए॒क॒वि॒ꣳ॒श उ॒क्थ्यः॑⁠। ए॒क॒वि॒ꣳ॒श इत्ये॑क—वि॒ꣳ॒शः⁠। उ॒क्थ्यः॑ सौ॒रीषु॑⁠। सौ॒रीषु॒ प्रति॑ष्ठित्यै⁠। प्रति॑ष्ठित्या॒ अथो᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अथो॒ रुच᳚म्⁠। अथो॒ इत्यथो᳚⁠। रुच॑मे॒व⁠। ए॒वात्मन्न्⁠। आ॒त्मन् ध॑त्ते⁠। ध॒त्ते॒ स॒प्त॒द॒शः⁠। स॒प्त॒द॒शो᳚ऽग्निष्टो॒मः⁠। स॒प्त॒द॒श इति॑ सप्त—द॒शः⁠। अ॒ग्नि॒ष्टो॒मः प्रा॑जाप॒त्यासु॑⁠। अ॒ग्नि॒ष्टो॒म इत्य॑ग्नि—स्तो॒मः⁠। प्रा॒जा॒प॒त्यासू॑पह॒व्यः॑⁠। प्रा॒जा॒प॒त्यास्विति॑ प्राजा—प॒त्यासु॑⁠। उ॒प॒ह॒व्य॑ उपह॒वम्⁠। उ॒प॒ह॒व्य॑ इत्यु॑प—ह॒व्यः॑⁠। उ॒प॒ह॒वमे॒व⁠। उ॒प॒ह॒वमित्यु॑प—ह॒वम्⁠। ए॒व ग॑च्छति⁠। ग॒च्छ॒ति॒ त्रि॒ण॒वौ⁠। त्रि॒ण॒वाव॑ग्निष्टो॒मौ⁠। त्रि॒ण॒वाविति॑ त्रि—न॒वौ⁠। अ॒ग्नि॒ष्टो॒माव॒भितः॑⁠। अ॒ग्नि॒ष्टो॒मावित्य॑ग्नि—स्तौ॒मौ⁠। अ॒भित॑ ऐ॒न्द्रीषु॑⁠। ऐ॒न्द्रीषु॒ विजि॑त्यै⁠। विजि॑त्यै त्रयस्त्रि॒ꣳ॒शः⁠। विजि॑त्या॒ इति॒ वि—जि॒त्यै॒⁠। त्र॒य॒स्त्रि॒ꣳ॒श उ॒क्थ्यः॑⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। उ॒क्थ्यो॑ वैश्वदे॒वीषु॑⁠। वै॒श्व॒दे॒वीषु॒ प्रति॑ष्ठित्यै⁠। वै॒श्व॒दे॒वीष्विति॑ वैश्व—दे॒वीषु॑⁠। प्रति॑ष्ठित्यै विश्व॒जित्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। वि॒श्व॒जिथ् सर्व॑पृष्ठः⁠। वि॒श्व॒जिदिति॑ विश्व—जित्⁠। सर्व॑पृष्ठोऽतिरा॒त्रः⁠। सर्व॑पृष्ठ॒ इति॒ सर्व॑—पृ॒ष्ठः॒⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। भ॒व॒ति॒ सर्व॑स्य⁠। सर्व॑स्या॒भिजि॑त्यै⁠। अ॒भिजि॑त्या॒ इत्य॒भि—जि॒त्यै॒⁠॥ [१८] (प्र॒जा॒प॒त्यो वा ए॒ष य॒ज्ञो यद् द॑शरा॒त्र स्त्रि॑क॒कुद्धा ए॒ता वै जा॑यत॒ एक॑त्रिꣳशच्च) ॥५॥
ऋ॒तवो॒ वै⁠। वै प्र॒जाका॑माः⁠। प्र॒जाका॑माः प्र॒जाम्⁠। प्र॒जाका॑मा॒ इति॑ प्र॒जा—का॒माः॒⁠। प्र॒जाम् न⁠। प्र॒जामिति॑ प्र—जाम्⁠। नावि॑न्दन्त⁠। अ॒वि॒न्द॒न्त॒ ते⁠। ते॑ऽकामयन्त⁠। अ॒का॒म॒य॒न्त॒ प्र॒जाम्⁠। प्र॒जाꣳ सृ॑जेमहि⁠। प्र॒जामिति॑ प्र—जाम्⁠। सृ॒जे॒म॒हि॒ प्र॒जाम्⁠। प्र॒जामव॑⁠। प्र॒जामिति॑ प्र—जाम्⁠। अव॑ रुन्धीमहि⁠। रु॒न्धी॒म॒हि॒ प्र॒जाम्⁠। प्र॒जाव्ँवि॑न्देमहि⁠। प्र॒जामिति॑ प्र—जाम्⁠। वि॒न्दे॒म॒हि॒ प्र॒जाव॑न्तः⁠। प्र॒जाव॑न्तः स्याम⁠। प्र॒जाव॑न्त॒ इति॑ प्र॒जा—व॒न्तः॒⁠। स्या॒मेति॑⁠। इति॒ ते⁠। त ए॒तम्⁠। ए॒तमे॑कादशरा॒त्रम्⁠। ए॒का॒द॒श॒रा॒त्रम॑पश्यन्न्⁠। ए॒का॒द॒श॒रा॒त्रमित्ये॑कादश—रा॒त्रम्⁠। अ॒प॒श्य॒न् तम्⁠। तमा⁠। आऽह॑रन्न्⁠। अ॒ह॒र॒न् तेन॑⁠। तेना॑यजन्त⁠। अ॒य॒ज॒न्त॒ ततः॑⁠। ततो॒ वै⁠। वै ते⁠। ते प्र॒जाम्⁠। प्र॒जाम॑सृजन्त⁠। प्र॒जामिति॑ प्र—जाम्⁠। अ॒सृ॒ज॒न्त॒ प्र॒जाम्⁠। प्र॒जामव॑⁠। प्र॒जामिति॑ प्र—जाम्⁠। अवा॑रुन्धत⁠। अ॒रु॒न्ध॒त॒ प्र॒जाम्⁠। प्र॒जाम॑विन्दन्त⁠। प्र॒जामिति॑ प्र—जाम्⁠। अ॒वि॒न्द॒न्त॒ प्र॒जाव॑न्तः⁠। प्र॒जाव॑न्तोऽभवन्न्न्⁠। प्र॒जाव॑न्त॒ इति॑ प्र॒जा—व॒न्तः॒⁠। अ॒भ॒व॒न् ते⁠। त ऋ॒तवः॑⁠। ऋ॒तवो॑ऽभवन्न्⁠। अ॒भ॒व॒न् तत्⁠। तदा᳚र्त॒वाना᳚म्⁠। आ॒र्त॒वाना॑मार्तव॒त्वम्⁠। आ॒र्त॒व॒त्वमृ॑तू॒नाम्⁠। आ॒र्त॒व॒त्वमित्या᳚र्तव—त्वम्⁠। ऋ॒तू॒नाव्ँवै⁠। वा ए॒ते⁠। ए॒ते पु॒त्राः⁠। पु॒त्रास्तस्मा᳚त्⁠। तस्मा॑दार्त॒वाः⁠। [१९] आ॒र्त॒वा उ॑च्यन्ते⁠। उ॒च्य॒न्ते॒ ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑ एकादशरा॒त्रम्⁠। ए॒का॒द॒श॒रा॒त्रमास॑ते⁠। ए॒का॒द॒श॒रा॒त्रमित्ये॑कादश—रा॒त्रम्⁠। आस॑ते प्र॒जाम्⁠। प्र॒जामे॒व⁠। प्र॒जामिति॑ प्र—जाम्⁠। ए॒व सृ॑जन्ते⁠। सृ॒ज॒न्ते॒ प्र॒जाम्⁠। प्र॒जामव॑⁠। प्र॒जामिति॑ प्र—जाम्⁠। अव॑ रुन्धते⁠। रु॒न्ध॒ते॒ प्र॒जाम्⁠। प्र॒जाव्ँवि॑न्दन्ते⁠। प्र॒जामिति॑ प्र—जाम्⁠। वि॒न्द॒न्ते॒ प्र॒जाव॑न्तः⁠। प्र॒जाव॑न्तो भवन्ति⁠। प्र॒जाव॑न्त॒ इति॑ प्र॒जा—व॒न्तः॒⁠। भ॒व॒न्ति॒ ज्योतिः॑⁠। ज्योति॑रतिरा॒त्रः⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। भ॒व॒ति॒ ज्योतिः॑⁠। ज्योति॑रे॒व⁠। ए॒व पु॒रस्ता᳚त्⁠। पु॒रस्ता᳚द् दधते⁠। द॒ध॒ते॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्यानु॑ख्यात्यै⁠। अनु॑ख्यात्यै॒ पृष्ठ्‍यः॑⁠। अनु॑ख्यात्या॒ इत्यनु॑—ख्या॒त्यै॒⁠। पृष्ठ्‍यः॑ षड॒हः⁠। ष॒ड॒हो भ॑वति⁠। ष॒ड॒ह इति॑ षट्—अ॒हः⁠। भ॒व॒ति॒ षट्⁠। षड् वै⁠। वा ऋ॒तवः॑⁠। ऋ॒तवः॒ षट्⁠। षट् पृ॒ष्ठानि॑⁠। पृ॒ष्ठानि॑ पृ॒ष्ठैः⁠। पृ॒ष्ठैरे॒व⁠। ए॒वर्तून्⁠। ऋ॒तून॒न्वारो॑हन्ति⁠। अ॒न्वारो॑हन्त्यृ॒तुभिः॑⁠। अ॒न्वारो॑ह॒न्तीत्य॑नु—आरो॑हन्ति⁠। ऋ॒तुभिः॑ सव्ँवथ्स॒रम्⁠। ऋ॒तुभि॒रित्यृ॒तु—भिः॒⁠। स॒व्ँव॒थ्स॒रम् ते⁠। स॒व्ँव॒थ्स॒रमिति॑ सम्—व॒थ्स॒रम्⁠। ते स॑व्ँवथ्स॒रे⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ च॒तु॒र्वि॒ꣳ॒शः⁠। च॒तु॒र्वि॒ꣳ॒शो भ॑वति⁠। च॒तु॒र्वि॒ꣳ॒श इति॑ चतुः—वि॒ꣳ॒शः⁠। भ॒व॒ति॒ चतु॑र्विꣳशत्यख्‍षरा⁠। चतु॑र्विꣳशत्यख्‍षरा गाय॒त्री⁠। चतु॑र्विꣳशत्यख्‍ष॒रेति॒ चतु॑र्विꣳशति—अ॒ख्‍ष॒रा॒⁠। गा॒य॒त्री गा॑य॒त्रम्⁠। [२०] गा॒य॒त्रम् ब्र॑ह्मवर्च॒सम्⁠। ब्र॒ह्म॒व॒र्च॒सम् गा॑यत्रि॒याम्⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। गा॒य॒त्रि॒यामे॒व⁠। ए॒व ब्र॑ह्मवर्च॒से⁠। ब्र॒ह्म॒व॒र्च॒से प्रति॑⁠। ब्र॒ह्म॒व॒र्च॒स इति॑ ब्रह्म—व॒र्च॒से⁠। प्रति॑ तिष्ठन्ति⁠। ति॒ष्ठ॒न्ति॒ च॒तु॒श्च॒त्वा॒रि॒ꣳ॒शः⁠। च॒तु॒श्च॒त्वा॒रि॒ꣳ॒शो भ॑वति⁠। च॒तु॒श्च॒त्वा॒रि॒ꣳ॒श इति॑ चतुः—च॒त्वा॒रि॒ꣳ॒शः⁠। भ॒व॒ति॒ चतु॑श्चत्वारिꣳशदख्‍षरा⁠। चतु॑श्चत्वारिꣳशदख्‍षरा त्रि॒ष्टुक्⁠। चतु॑श्चत्वारिꣳशदख्‍ष॒रेति॒ चतु॑श्चत्वारिꣳशत्—अ॒ख्‍ष॒रा॒⁠। त्रि॒ष्टुगि॑न्द्रि॒यम्⁠। इ॒न्द्रि॒यम् त्रि॒ष्टुप्⁠। त्रि॒ष्टुप् त्रि॒ष्टुभि॑⁠। त्रि॒ष्टुभ्ये॒व⁠। ए॒वेन्द्रि॒ये⁠। इ॒न्द्रि॒ये प्रति॑⁠। प्रति॑ तिष्ठन्ति⁠। ति॒ष्ठ॒न्त्य॒ष्टा॒च॒त्वा॒रि॒ꣳ॒शः⁠। अ॒ष्टा॒च॒त्वा॒रि॒ꣳ॒शो भ॑वति⁠। अ॒ष्टा॒च॒त्वा॒रि॒ꣳ॒श इत्य॑ष्टा—च॒त्वा॒रि॒ꣳ॒शः⁠। भ॒व॒त्य॒ष्टा,च॑त्वारिꣳशदख्‍षरा⁠। अ॒ष्टाच॑त्वारिꣳशदख्‍षरा॒ जग॑ती⁠। अ॒ष्टाच॑त्वारिꣳश,दख्‍ष॒रेत्य॒ष्टाच॑त्वारिꣳशत्—अ॒ख्‍ष॒रा॒⁠। जग॑ती॒ जाग॑ताः⁠। जाग॑ताः प॒शवः॑⁠। प॒शवो॒ जग॑त्याम्⁠। जग॑त्यामे॒व⁠। ए॒व प॒शुषु॑⁠। प॒शुषु॒ प्रति॑⁠। प्रति॑ तिष्ठन्ति⁠। ति॒ष्ठ॒न्त्ये॒का॒द॒श॒रा॒त्रः⁠। ए॒का॒द॒श॒रा॒त्रो भ॑वति⁠। ए॒का॒द॒श॒रा॒त्र इत्ये॑काश—रा॒त्रः⁠। भ॒व॒ति॒ पञ्च॑⁠। पञ्च॒ वै⁠। वा ऋ॒तवः॑⁠। ऋ॒तव॑ आर्त॒वाः⁠। आ॒र्त॒वाः पञ्च॑⁠। पञ्च॒र्तुषु॑⁠। ऋ॒तुष्वे॒व⁠। ए॒वार्त॒वेषु॑⁠। आ॒र्त॒वेषु॑ सव्ँवथ्स॒रे⁠। स॒व्ँव॒थ्स॒रे प्र॑ति॒ष्ठाय॑⁠। स॒व्ँव॒थ्स॒र इति॑ सम्—व॒थ्स॒रे⁠। प्र॒ति॒ष्ठाय॑ प्र॒जाम्⁠। प्र॒ति॒ष्ठायेति॑ प्रति—स्थाय॑⁠। प्र॒जामव॑⁠। प्र॒जामिति॑ प्र—जाम्⁠। अव॑ रुन्धते⁠। रु॒न्ध॒ते॒ऽति॒रा॒त्रौ⁠। अ॒ति॒रा॒त्राव॒भितः॑⁠। अ॒ति॒रा॒त्रावित्य॑ति—रा॒त्रौ⁠। अ॒भितो॑ भवतः⁠। भ॒व॒तः॒ प्र॒जायै᳚⁠। प्र॒जायै॒ परि॑गृहीत्यै⁠। प्र॒जाया॒ इति॑ प्र—जायै᳚⁠। परि॑गृहीत्या॒ इति॒ परि॑—गृ॒ही॒त्यै॒⁠॥ [२१] (तस्मा᳚द् गाय॒त्र्ये का॒न्न प॑ञ्चा॒शच्च॑) ॥६॥
ऐ॒न्द्र॒वा॒य॒वाग्रा᳚न् गृह्णीयात्⁠। ऐ॒न्द्र॒वा॒य॒वाग्रा॒नित्यै᳚न्द्रवाय॒व—अ॒ग्रा॒न्॒⁠। गृ॒ह्णी॒या॒द् यः⁠। यः का॒मये॑त⁠। का॒मये॑त यथापू॒र्वम्⁠। य॒था॒पू॒र्वम् प्र॒जाः⁠। य॒था॒पू॒र्वमिति॑ यथा—पू॒र्वम्⁠। प्र॒जाः क॑ल्पेरन्न्⁠। प्र॒जा इति॑ प्र—जाः⁠। क॒ल्पे॒र॒न्निति॑⁠। इति॑ य॒ज्ञस्य॑⁠। य॒ज्ञस्य॒ वै⁠। वै क्लृप्ति᳚म्⁠। क्लृप्ति॒मनु॑⁠। अनु॑ प्र॒जाः⁠। प्र॒जाः क॑ल्पन्ते⁠। प्र॒जा इति॑ प्र—जाः⁠। क॒ल्प॒न्ते॒ य॒ज्ञस्य॑⁠। य॒ज्ञस्याक्लृ॑प्तिम्⁠। अक्लृ॑प्ति॒मनु॑⁠। अनु॒ न⁠। न क॑ल्पन्ते⁠। क॒ल्प॒न्ते॒ य॒था॒पू॒र्वम्⁠। य॒था॒पू॒र्वमे॒व⁠। य॒था॒पू॒र्वमिति॑ यथा—पू॒र्वम्⁠। ए॒व प्र॒जाः⁠। प्र॒जाः क॑ल्पयति⁠। प्र॒जा इति॑ प्र—जाः⁠। क॒ल्प॒य॒ति॒ न⁠। न ज्याया॑ꣳसम्⁠। ज्याया॑ꣳस॒म् कनी॑यान्⁠। कनी॑या॒नति॑⁠। अति॑ क्रामति⁠। क्रा॒म॒त्यै॒न्द्र॒वा॒य॒वाग्रा॑न्⁠। ऐ॒न्द्र॒वा॒य॒वाग्रा᳚न् गृह्णीयात्⁠। ऐ॒न्द्र॒वा॒य॒वाग्रा॒नित्यै᳚न्द्रवाय॒व—अ॒ग्रा॒न्॒⁠। गृ॒ह्णि॒या॒दा॒म॒या॒विनः॑⁠। आ॒म॒या॒विनः॑ प्रा॒णेन॑⁠। प्रा॒णेन॒ वै⁠। प्रा॒णेनेति॑ प्र—अ॒नेन॑⁠। वा ए॒षः⁠। ए॒ष वि⁠। व्यृ॑द्ध्यते⁠। ऋ॒द्ध्य॒ते॒ यस्य॑⁠। यस्या॒मय॑ति⁠। आ॒मय॑ति प्रा॒णः⁠। प्रा॒ण ऐ᳚न्द्रवाय॒वः⁠। प्रा॒ण इति॑ प्र—अ॒नः⁠। ऐ॒न्द्र॒वा॒य॒वः प्रा॒णेन॑⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। प्रा॒णेनै॒व⁠। प्रा॒णेनेति॑ प्र—अ॒नेन॑⁠। ए॒वैन᳚म्⁠। ए॒न॒ꣳ॒ सम्⁠। सम॑र्द्धयति⁠। अ॒र्द्ध॒य॒ति॒ मै॒त्रा॒व॒रु॒णाग्रा॑न्⁠। मै॒त्रा॒व॒रु॒णाग्रा᳚न् गृह्णीरन्न्⁠। मै॒त्रा॒व॒रु॒णाग्रा॒निति॑ मैत्रावरु॒ण—अ॒ग्रा॒न्॒⁠। गृ॒ह्णी॒र॒न्॒‌येषा᳚म्⁠। येषा᳚म् दीख्‍षि॒ताना᳚म्⁠। दी॒ख्‍षि॒ताना᳚म् प्र॒मीये॑त⁠। प्र॒मीये॑त प्राणापा॒नाभ्या᳚म्⁠। प्र॒मीये॒तेति॑ प्र—मीये॑त⁠। [२२] प्रा॒णा॒पा॒नाभ्या॒व्ँवै⁠। प्रा॒णा॒पा॒नाभ्या॒मिति॑ प्राण—अ॒पा॒नाभ्या᳚म्⁠। वा ए॒ते⁠। ए॒ते वि⁠। व्यृ॑द्ध्यन्ते⁠। ऋ॒द्ध्य॒न्ते॒ येषा᳚म्⁠। येषा᳚म् दीख्‍षि॒ताना᳚म्⁠। दी॒ख्‍षि॒ताना᳚म् प्र॒मीय॑ते⁠। प्र॒मीय॑ते प्राणापा॒नौ⁠। प्र॒मिय॑त॒ इति॑ प्र—मीय॑ते⁠। प्रा॒णा॒पा॒नौ मि॒त्रावरु॑णौ⁠। प्रा॒णा॒पा॒नाविति॑ प्राण—अ॒पा॒नौ⁠। मि॒त्रावरु॑णौ प्राणापा॒नौ⁠। मि॒त्रावरु॑णा॒विति॑ मि॒त्रा—वरु॑णौ⁠। प्रा॒णा॒पा॒नावे॒व⁠। प्रा॒णा॒पा॒नाविति॑ प्राण—अ॒पा॒नौ⁠। ए॒व मु॑ख॒तः⁠। मु॒ख॒तः परि॑⁠। परि॑ हरन्ते⁠। ह॒र॒न्त॒ आ॒श्वि॒नाग्रा॑न्⁠। आ॒श्वि॒नाग्रा᳚न् गृह्णीत⁠। आ॒श्वि॒नाग्रा॒नित्या᳚श्वि॒न—अ॒ग्रा॒न्॒⁠। गृ॒ह्णी॒ता॒नु॒जा॒व॒रः⁠। आ॒नु॒जा॒व॒रो᳚ऽश्विनौ᳚⁠। आ॒नु॒जा॒व॒र इत्या॑नु—जा॒व॒रः⁠। अ॒श्विनौ॒ वै⁠। वै दे॒वाना᳚म्⁠। दे॒वाना॑मानुजाव॒रौ⁠। आ॒नु॒जा॒व॒रौ प॒श्चा⁠। आ॒नु॒जा॒व॒रावित्या॑नु—जा॒व॒रौ⁠। प॒श्चेव॑⁠। इ॒वाग्र᳚म्⁠। अग्र॒म् परि॑⁠। पर्यै॑ताम्⁠। ऐ॒ता॒म॒श्विनौ᳚⁠। अ॒श्विना॑वे॒तस्य॑⁠। ए॒तस्य॑ दे॒वता᳚⁠। दे॒वता॒ यः⁠। य आ॑नुजाव॒रः⁠। आ॒नु॒जा॒व॒रस्तौ⁠। आ॒नु॒जा॒व॒र इत्या॑नु—जा॒व॒रः⁠। तावे॒व⁠। ए॒वैन᳚म्⁠। ए॒न॒मग्र᳚म्⁠। अग्र॒म् परि॑⁠। परि॑ णयतः⁠। न॒य॒तः॒ शु॒क्राग्रा॑न्⁠। शु॒क्राग्रा᳚न् गृह्णीत⁠। शु॒क्राग्रा॒निति॑ शु॒क्र—अ॒ग्रा॒न्॒⁠। गृ॒ह्णी॒त॒ ग॒तश्रीः᳚⁠। ग॒तश्रीः᳚ प्रति॒ष्ठाका॑मः⁠। ग॒तश्री॒रिति॑ ग॒त—श्रीः॒⁠। प्र॒ति॒ष्ठाका॑मो॒ऽसौ⁠। प्र॒ति॒ष्ठाका॑म॒ इति॑ प्रति॒ष्ठा—का॒मः॒⁠। अ॒सौ वै⁠। वा आ॑दि॒त्यः⁠। आ॒दि॒त्यः शु॒क्रः⁠। शु॒क्र ए॒षः⁠। ए॒षोऽन्तः॑⁠। अन्तोऽन्त᳚म्⁠। अन्त॑म् मनु॒ष्यः॑⁠। म॒नु॒ष्यः॑ श्रि॒यै⁠। [२३] श्रि॒यै ग॒त्वा⁠। ग॒त्वा नि⁠। नि व॑र्तते⁠। व॒र्त॒तेऽन्ता᳚त्⁠। अन्ता॑दे॒व⁠। ए॒वान्त᳚म्⁠। अन्त॒मा⁠। आ र॑भते⁠। र॒भ॒ते॒ न⁠। न ततः॑⁠। ततः॒ पापी॑यान्⁠। पापी॑यान् भवति⁠। भ॒व॒ति॒ म॒न्थ्य॑ग्रान्⁠। म॒न्थ्य॑ग्रान् गृह्णीत⁠। म॒न्थ्य॑ग्रा॒निति॑ म॒न्थि—अ॒ग्रा॒न्॒⁠। गृ॒ह्णी॒ता॒भि॒चर॑न्न्⁠। अ॒भि॒चर॑न्नार्तपा॒त्रम्⁠। अ॒भि॒चर॒न्नित्य॑भि—चर॑न्न्⁠। आ॒र्त॒पा॒त्रव्ँवै⁠। आ॒र्त॒पा॒त्रमित्या᳚र्त—पा॒त्रम्⁠। वा ए॒तत्⁠। ए॒तद् यत्⁠। यन् म॑न्थिपा॒त्रम्⁠। म॒न्थि॒पा॒त्रम् मृ॒त्युना᳚⁠। म॒न्थि॒पा॒त्रमिति॑ मन्थि—पा॒त्रम्⁠। मृ॒त्युनै॒व⁠। ए॒वैन᳚म्⁠। ए॒न॒म् ग्रा॒ह॒य॒ति॒⁠। ग्रा॒ह॒य॒ति॒ ता॒जक्⁠। ता॒जगार्ति᳚म्⁠। आर्ति॒मा⁠। आर्च्छ॑ति⁠। ऋ॒च्छ॒त्या॒ग्र॒य॒णाग्रा॑न्⁠। आ॒ग्र॒य॒णाग्रा᳚न् गृह्णीत⁠। आ॒ग्र॒य॒णाग्रा॒नित्या᳚ग्रय॒ण—अ॒ग्रा॒न्॒⁠। गृ॒ह्णी॒त॒ यस्य॑⁠। यस्य॑ पि॒ता⁠। पि॒ता पि॑ताम॒हः⁠। पि॒ता॒म॒हः पुण्यः॑⁠। पुण्यः॒ स्यात्⁠। स्यादथ॑⁠। अथ॒ तत्⁠। तन् न⁠। न प्रा᳚प्नु॒यात्⁠। प्रा॒प्नु॒याद् वा॒चा⁠। प्रा॒प्नु॒यादिति॑ प्र—आ॒प्नु॒यात्⁠। वा॒चा वै⁠। वा ए॒षः⁠। ए॒ष इ॑न्द्रि॒येण॑⁠। इ॒न्द्रि॒येण॒ वि⁠। व्यृ॑द्ध्यते⁠। ऋ॒द्ध्य॒ते॒ यस्य॑⁠। यस्य॑ पि॒ता⁠। पि॒ता पि॑ताम॒हः⁠। पि॒ता॒म॒हः पुण्यः॑⁠। पुण्यो॒ भव॑ति⁠। [२४] भव॒त्यथ॑⁠। अथ॒ तत्⁠। तन् न⁠। न प्रा॒प्नोति॑⁠। प्रा॒प्नोत्युरः॑⁠। प्रा॒प्नोतीति॑ प्र—आ॒प्नोति॑⁠। उर॑ इव⁠। इ॒वै॒तत्⁠। ए॒तद् य॒ज्ञस्य॑⁠। य॒ज्ञस्य॒ वाक्⁠। वागि॑व⁠। इ॒व॒ यत्⁠। यदा᳚ग्रय॒णः⁠। आ॒ग्र॒य॒णो वा॒चा⁠। वा॒चैव⁠। ए॒वैन᳚म्⁠। ए॒न॒मि॒न्द्रि॒येण॑⁠। इ॒न्द्रि॒येण॒ सम्⁠। सम॑र्द्धयति⁠। अ॒र्द्ध॒य॒ति॒ न⁠। न ततः॑⁠। ततः॒ पापी॑यान्⁠। पापी॑यान् भवति⁠। भ॒व॒त्यु॒क्थ्या᳚ग्रान्⁠। उ॒क्थ्या᳚ग्रान् गृह्णीत⁠। उ॒क्थ्या᳚ग्रा॒नित्यु॒क्थ्य॑—अ॒ग्रा॒न्॒⁠। गृ॒ह्णी॒ता॒भि॒च॒र्यमा॑णः⁠। अ॒भि॒च॒र्यमा॑णः॒ सर्वे॑षाम्⁠। अ॒भि॒च॒र्यमा॑ण॒ इत्य॑भि—च॒र्यमा॑णः⁠। सर्वे॑षा॒व्ँवै⁠। वा ए॒तत्⁠। ए॒तत् पात्रा॑णाम्⁠। पात्रा॑णामिन्द्रि॒यम्⁠। इ॒न्द्रि॒यय्ँयत्⁠। यदु॑क्थ्यपा॒त्रम्⁠। उ॒क्थ्य॒पा॒त्रꣳ सर्वे॑ण⁠। उ॒क्थ्य॒पा॒त्रमित्यु॑क्थ्य—पा॒त्रम्⁠। सर्वे॑णै॒व⁠। ए॒वैन᳚म्⁠। ए॒न॒मि॒न्द्रि॒येण॑⁠। इ॒न्द्रि॒येणाति॑⁠। अति॒ प्र⁠। प्र यु॑ङ्‍क्ते⁠। यु॒ङ्‍क्ते॒ सर॑स्वति⁠। सर॑स्वत्य॒भि⁠। अ॒भि नः॑⁠। नो॒ ने॒षि॒⁠। ने॒षि॒ वस्यः॑⁠। वस्य॒ इति॑⁠। इति॑ पुरो॒रुच᳚म्⁠। पु॒रो॒रुच॑म् कुर्यात्⁠। पु॒रो॒रुच॒मिति॑ पुरः—रुच᳚म्⁠। कु॒र्या॒द् वाक्⁠। वाग् वै⁠। वै सर॑स्वती⁠। [२५] सर॑स्वती वा॒चा⁠। वा॒चैव⁠। ए॒वैन᳚म्⁠। ए॒न॒मति॑⁠। अति॒ प्र⁠। प्र यु॑ङ्‍क्ते⁠। यु॒ङ्‍क्ते॒ मा⁠। मा त्वत्⁠। त्वत् ख्‍षेत्रा॑णि⁠। ख्‍षेत्रा॒ण्यर॑णानि⁠। अर॑णानि गन्म⁠। ग॒न्मेति॑⁠। इत्या॑ह⁠। आ॒ह॒ मृ॒त्योः⁠। मृ॒त्योर् वै⁠। वै ख्‍षेत्रा॑णि⁠। ख्‍षेत्रा॒ण्यर॑णानि⁠। अर॑णानि॒ तेन॑⁠। तेनै॒व⁠। ए॒व मृ॒त्योः⁠। मृ॒त्योः ख्‍षेत्रा॑णि⁠। ख्‍षेत्रा॑णि॒ न⁠। न ग॑च्छति⁠। ग॒च्छ॒ति॒ पू॒र्णान्⁠। पू॒र्णान् ग्रहा॑न्⁠। ग्रहा᳚न् गृह्णीयात्⁠। गृ॒ह्णी॒या॒दा॒म॒या॒विनः॑⁠। आ॒म॒या॒विनः॑ प्रा॒णान्⁠। प्रा॒णान्‌वै⁠। प्रा॒णानिति॑ प्र—अ॒नान्⁠। वा ए॒तस्य॑⁠। ए॒तस्य॒ शुक्⁠। शुगृ॑च्छति⁠। ऋ॒च्छ॒ति॒ यस्य॑⁠। यस्या॒मय॑ति⁠। आ॒मय॑ति प्रा॒णाः⁠। प्रा॒णा ग्रहाः᳚⁠। प्रा॒णा इति॑ प्र—अ॒नाः⁠। ग्रहाः᳚ प्रा॒णान्⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒वास्य॑⁠। अ॒स्य॒ शु॒चः⁠। शु॒चो मु॑ञ्चति⁠। मु॒ञ्च॒त्यु॒त⁠। उ॒त यदि॑⁠। यदी॒तासुः॑⁠। इ॒तासु॒र् भव॑ति⁠। इ॒तासु॒रिती॒त—अ॒सुः॒⁠। भव॑ति॒ जीव॑ति⁠। जीव॑त्ये॒व⁠। ए॒व पू॒र्णान्⁠। पू॒र्णान् ग्रहा॑न्⁠। ग्रहा᳚न् गृह्णीयात्⁠। गृ॒ह्णी॒या॒द् यर्‌हि॑⁠। यर्‌हि॑ प॒र्जन्यः॑⁠। प॒र्जन्यो॒ न⁠। न वर्‌षे᳚त्⁠। वर्‌षे᳚त् प्रा॒णान्⁠। प्रा॒णान्‌वै⁠। प्रा॒णानिति॑ प्र—अ॒नान्⁠। वा ए॒तर्‌हि॑⁠। ए॒तर्‌हि॑ प्र॒जाना᳚म्⁠। प्र॒जाना॒ꣳ॒ शुक्⁠। प्र॒जाना॒मिति॑ प्र—जाना᳚म्⁠। शुगृ॑च्छति⁠। ऋ॒च्छ॒ति॒ यर्‌हि॑⁠। यर्‌हि॑ प॒र्जन्यः॑⁠। प॒र्जन्यो॒ न⁠। न वर्‌ष॑ति⁠। वर्‌ष॑ति प्रा॒णाः⁠। प्रा॒णा ग्रहाः᳚⁠। प्रा॒णा इति॑ प्र—अ॒नाः⁠। ग्रहाः᳚ प्रा॒णान्⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒व प्र॒जाना᳚म्⁠। प्र॒जाना॑ꣳ शु॒चः⁠। प्र॒जाना॒मिति॑ प्र—जाना᳚म्⁠। शु॒चो मु॑ञ्चति⁠। मु॒ञ्च॒ति॒ ता॒जक्⁠। ता॒जक् प्र⁠। प्र व॑र्‌षति⁠। व॒र्॒‌ष॒तीति॑ वर्‌षति⁠॥ [२६] ए॒व पू॒र्णान् ग्रहा॒न्—पञ्च॑विꣳशतिश्च) (आ७) [२७]
गा॒य॒त्रो वै⁠। वा ऐ᳚न्द्रवाय॒वः⁠। ऐ॒न्द्र॒वा॒य॒वो गा॑य॒त्रम्⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। गा॒य॒त्रम् प्रा॑य॒णीय᳚म्⁠। प्रा॒य॒णीय॒महः॑⁠। प्रा॒य॒णीय॒मिति॑ प्र—अ॒य॒नीय᳚म्⁠। अह॒स्तस्मा᳚त्⁠। तस्मा᳚त् प्राय॒णीये᳚⁠। प्रा॒य॒णीयेऽह॑न्न्⁠। प्रा॒य॒णीय॒ इति॑ प्र—अ॒य॒नीये᳚⁠। अह॑न्नैन्द्रवाय॒वः⁠। ऐ॒न्द्र॒वा॒य॒वो गृ॑ह्यते⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। गृ॒ह्य॒ते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒ति॒ त्रैष्टु॑भः⁠। त्रैष्टु॑भो॒ वै⁠। वै शु॒क्रः⁠। शु॒क्रस्त्रैष्टु॑भम्⁠। त्रैष्टु॑भम् द्वि॒तीय᳚म्⁠। द्वि॒तीय॒महः॑⁠। अह॒स्तस्मा᳚त्⁠। तस्मा᳚द् द्वि॒तीये᳚⁠। द्वि॒तीयेऽह॑न्न्⁠। अह॑ञ्छु॒क्रः⁠। शु॒क्रो गृ॑ह्यते⁠। गृ॒ह्य॒ते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒ति॒ जाग॑तः⁠। जाग॑तो॒ वै⁠। वा आ᳚ग्रय॒णः⁠। आ॒ग्र॒य॒णो जाग॑तम्⁠। जाग॑तम् तृ॒तीय᳚म्⁠। तृ॒तीय॒महः॑⁠। अह॒स्तस्मा᳚त्⁠। तस्मा᳚त् तृ॒तीये᳚⁠। तृ॒तीयेऽह॑न्न्⁠। अह॑न्नाग्रय॒णः⁠। आ॒ग्र॒य॒णो गृ॑ह्यते⁠। गृ॒ह्य॒ते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒त्ये॒तत्⁠। ए॒तद् वै⁠। वै य॒ज्ञम्⁠। [२७] य॒ज्ञमा॑पत्⁠। आ॒प॒द् यत्⁠। यच् छन्दा॑ꣳसि⁠। छन्दा॑ꣴस्या॒प्नोति॑⁠। आ॒प्नोति॒ यत्⁠। यदा᳚ग्रय॒णः⁠। आ॒ग्र॒य॒णः श्वः⁠। श्वो गृ॒ह्यते᳚⁠। गृ॒ह्यते॒ यत्र॑⁠। यत्रै॒व⁠। ए॒व य॒ज्ञम्⁠। य॒ज्ञमदृ॑शन्न्⁠। अदृ॑श॒न् ततः॑⁠। तत॑ ए॒व⁠। ए॒वैन᳚म्⁠। ए॒न॒म् पुनः॑⁠। पुनः॒ प्र⁠। प्र यु॑ङ्‍क्ते⁠। यु॒ङ्‍क्ते॒ जग॑न्मुखः⁠। जग॑न्मुखो॒ वै⁠। जग॑न्मुख॒ इति॒ जग॑त्—मु॒खः॒⁠। वै द्वि॒तीयः॑⁠। द्वि॒तीय॑स्त्रिरा॒त्रः⁠। त्रि॒रा॒त्रो जाग॑तः⁠। त्रि॒रा॒त्र इति॑ त्रि—रा॒त्रः⁠। जाग॑त आग्रय॒णः⁠। आ॒ग्र॒य॒णो यत्⁠। यच् च॑तु॒र्थे⁠। च॒तु॒र्थेऽह॑न्न्⁠। अह॑न्नाग्रय॒णः⁠। आ॒ग्र॒य॒णो गृ॒ह्यते᳚⁠। गृ॒ह्यते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒त्यथो᳚⁠। अथो॒ स्वम्⁠। अथो॒ इत्यथो᳚⁠। स्वमे॒व⁠। ए॒व छन्दः॑⁠। छन्दोऽनु॑⁠। अनु॑ प॒र्याव॑र्तन्ते⁠। प॒र्याव॑र्तन्ते॒ राथ॑न्तरः⁠। प॒र्याव॑र्तन्त॒ इति॑ परि—आव॑र्तन्ते⁠। राथ॑न्तरो॒ वै⁠। राथ॑न्तर॒ इति॒ राथ᳚म्—त॒रः॒⁠। वा ऐ᳚न्द्रवाय॒वः⁠। ऐ॒न्द्र॒वा॒य॒वो राथ॑न्तरम्⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। राथ॑न्तरम् पञ्च॒मम्⁠। राथ॑न्तर॒मिति॒ राथ᳚म्—त॒र॒म्⁠। प॒ञ्च॒ममहः॑⁠। अह॒स्तस्मा᳚त्⁠। तस्मा᳚त् पञ्च॒मे⁠। प॒ञ्च॒मेऽह॑न्न्⁠। अह॑न्नैन्द्रवाय॒वः⁠। [२८] ऐ॒न्द्र॒वा॒य॒वो गृ॑ह्यते⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। गृ॒ह्य॒ते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒ति॒ बार्‌ह॑तः⁠। बार्‌ह॑तो॒ वै⁠। वै शु॒क्रः⁠। शु॒क्रो बार्‌ह॑तम्⁠। बार्‌ह॑तꣳ ष॒ष्ठम्⁠। ष॒ष्ठमहः॑⁠। अह॒स्तस्मा᳚त्⁠। तस्मा᳚थ् ष॒ष्ठे⁠। ष॒ष्ठेऽह॑न्न्⁠। अह॑ञ्छु॒क्रः⁠। शु॒क्रो गृ॑ह्यते⁠। गृ॒ह्य॒ते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒त्ये॒तत्⁠। ए॒तद् वै⁠। वै द्वि॒तीय᳚म्⁠। द्वि॒तीय॑य्ँय॒ज्ञम्⁠। य॒ज्ञमा॑पत्⁠। आ॒प॒द् यत्⁠। यच् छन्दा॑ꣳसि⁠। छन्दा॑ꣴस्या॒प्नोति॑⁠। आ॒प्नोति॒ यत्⁠। यच्छु॒क्रः⁠। शु॒क्रः श्वः⁠। श्वो गृ॒ह्यते᳚⁠। गृ॒ह्यते॒ यत्र॑⁠। यत्रै॒व⁠। ए॒व य॒ज्ञम्⁠। य॒ज्ञमदृ॑शन्न्⁠। अदृ॑श॒न् ततः॑⁠। तत॑ ए॒व⁠। ए॒वैन᳚म्⁠। ए॒न॒म् पुनः॑⁠। पुनः॒ प्र⁠। प्र यु॑ङ्‍क्ते⁠। यु॒ङ्‍क्ते॒ त्रि॒ष्टुङ्‍मु॑खः⁠। त्रि॒ष्टुङ्‍मु॑खो॒ वै⁠। त्रि॒ष्टुङ्‍मु॑ख॒ इति॑ त्रि॒ष्टुक्—मु॒खः॒⁠। वै तृ॒तीयः॑⁠। तृ॒तीय॑स्त्रिरा॒त्रः⁠। त्रि॒रा॒त्रस्त्रैष्टु॑भः⁠। त्रि॒रा॒त्र इति॑ त्रि—रा॒त्रः⁠। त्रैष्टु॑भः शु॒क्रः⁠। [२९] शु॒क्रो यत्⁠। यथ् स॑प्त॒मे⁠। स॒प्त॒मेऽह॑न्न्⁠। अह॑ञ्छु॒क्रः⁠। शु॒क्रो गृ॒ह्यते᳚⁠। गृ॒ह्यते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒त्यथो᳚⁠। अथो॒ स्वम्⁠। अथो॒ इत्यथो᳚⁠। स्वमे॒व⁠। ए॒व छन्दः॑⁠। छन्दोऽनु॑⁠। अनु॑ प॒र्याव॑र्तन्ते⁠। प॒र्याव॑र्तन्ते॒ वाक्⁠। प॒र्याव॑र्तन्त॒ इति॑ परि—आव॑र्तन्ते⁠। वाग् वै⁠। वा आ᳚ग्रय॒णः⁠। आ॒ग्र॒य॒णो वाक्⁠। वाग॑ष्ट॒मम्⁠। अ॒ष्ट॒ममहः॑⁠। अह॒स्तस्मा᳚त्⁠। तस्मा॑दष्ट॒मे⁠। अ॒ष्ट॒मेऽह॑न्न्⁠। अह॑न्नाग्रय॒णः⁠। आ॒ग्र॒य॒णो गृ॑ह्यते⁠। गृ॒ह्य॒ते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒ति॒ प्रा॒णः⁠। प्रा॒णो वै⁠। प्रा॒ण इति॑ प्र—अ॒नः⁠। वा ऐ᳚न्द्रवाय॒वः⁠। ऐ॒न्द्र॒वा॒य॒वः प्रा॒णः⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। प्रा॒णो न॑व॒मम्⁠। प्रा॒ण इति॑ प्र—अ॒नः⁠। न॒व॒ममहः॑⁠। अह॒स्तस्मा᳚त्⁠। तस्मा᳚न् नव॒मे⁠। न॒व॒मेऽह॑न्न्⁠। अह॑न्नैन्द्रवाय॒वः⁠। ऐ॒न्द्र॒वा॒य॒वो गृ॑ह्यते⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। गृ॒ह्य॒ते॒ स्वे⁠। स्व ए॒व⁠। ए॒वैन᳚म्⁠। ए॒न॒मा॒यत॑ने⁠। आ॒यत॑ने गृह्णाति⁠। आ॒यत॑न॒ इत्या᳚—यत॑ने⁠। गृ॒ह्णा॒त्ये॒तत्⁠। ए॒तद् वै⁠। [३०] वै तृ॒तीय᳚म्⁠। तृ॒तीय॑य्ँय॒ज्ञम्⁠। य॒ज्ञमा॑पत्⁠। आ॒प॒द् यत्⁠। यच् छन्दा॑ꣳसि⁠। छन्दा॑ꣴस्या॒प्नोति॑⁠। आ॒प्नोति॒ यत्⁠। यदै᳚न्द्रवाय॒वः⁠। ऐ॒न्द्रा॒वा॒य॒वः श्वः⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। श्वो गृ॒ह्यते᳚⁠। गृ॒ह्यते॒ यत्र॑⁠। यत्रै॒व⁠। ए॒व य॒ज्ञम्⁠। य॒ज्ञमदृ॑शन्न्⁠। अदृ॑श॒न् ततः॑⁠। तत॑ ए॒व⁠। ए॒वैन᳚म्⁠। ए॒न॒म् पुनः॑⁠। पुनः॒ प्र⁠। प्र यु॑ङ्‍क्ते⁠। यु॒ङ्‍क्तेऽथो᳚⁠। अथो॒ स्वम्⁠। अथो॒ इत्यथो᳚⁠। स्वमे॒व⁠। ए॒व छन्दः॑⁠। छन्दोऽनु॑⁠। अनु॑ प॒र्याव॑र्तन्ते⁠। प॒र्याव॑र्तन्ते प॒थः⁠। प॒र्याव॑र्तन्त॒ इति॑ परि—आव॑र्तन्ते⁠। प॒थो वै⁠। वा ए॒ते⁠। ए॒तेऽधि॑⁠। अद्ध्यप॑थेन⁠। अप॑थेन यन्ति⁠। य॒न्ति॒ ये⁠। ये᳚ऽन्येन॑⁠। अ॒न्येनै᳚न्द्रवाय॒वात्⁠। ऐ॒न्द्र॒वा॒य॒वात् प्र॑ति॒पद्य॑न्ते⁠। ऐ॒न्द्र॒वा॒य॒वादित्यै᳚न्द्र—वा॒य॒वात्⁠। प्र॒ति॒पद्य॒न्तेऽन्तः॑⁠। प्र॒ति॒पद्य॑न्त॒ इति॑ प्रति—पद्य॑न्ते⁠। अन्तः॒ खलु॑⁠। खलु॒ वै⁠। वा ए॒षः⁠। ए॒ष य॒ज्ञस्य॑⁠। य॒ज्ञस्य॒ यत्⁠। यद् द॑श॒मम्⁠। द॒श॒ममहः॑⁠। अह॑र् दश॒मे⁠। द॒श॒मेऽह॑न्न्⁠। अह॑न्नैन्द्रवाय॒वः⁠। ऐ॒न्द्र॒वा॒य॒वो गृ॑ह्यते⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। गृ॒ह्य॒ते॒ य॒ज्ञस्य॑⁠। य॒ज्ञस्यै॒व⁠। [३१] ए॒वान्त᳚म्⁠। अन्त॑म् ग॒त्वा⁠। ग॒त्वाऽप॑थात्⁠। अप॑था॒त् पन्था᳚म्⁠। पन्था॒मपि॑⁠। अपि॑ यन्ति⁠। य॒न्त्यथो᳚⁠। अथो॒ यथा᳚⁠। अथो॒ इत्यथो᳚⁠। यथा॒ वही॑यसा⁠। वही॑यसा प्रति॒सार᳚म्⁠। प्र॒ति॒सार॒व्ँवह॑न्ति⁠। प्र॒ति॒सार॒मिति॑ प्रति—सार᳚म्⁠। वह॑न्ति ता॒दृक्⁠। ता॒दृगे॒व⁠। ए॒व तत्⁠। तच् छन्दा॑ꣳसि⁠। छन्दा॑ꣴस्य॒न्यः⁠। अ॒न्यो᳚ऽन्यस्य॑⁠। अ॒न्यस्य॑ लो॒कम्⁠। लो॒कम॒भि⁠। अ॒भ्य॑द्ध्यायन्न्⁠। अ॒द्ध्या॒य॒न् तानि॑⁠। तान्ये॒तेन॑⁠। ए॒तेनै॒व⁠। ए॒व दे॒वाः⁠। दे॒वा वि⁠। व्य॑वाहयन्न्⁠। अ॒वा॒ह॒य॒न्नै॒न्द्र॒वा॒य॒वस्य॑⁠। ऐ॒न्द्र॒वा॒य॒वस्य॒ वै⁠। ऐ॒न्द्र॒वा॒य॒वस्येत्यै᳚न्द्र—वा॒य॒वस्य॑⁠। वा ए॒तत्⁠। ए॒तदा॒यत॑नम्⁠। आ॒यत॑न॒य्ँयत्⁠। आ॒यत॑न॒मित्या᳚—यत॑नम्⁠। यच् च॑तु॒र्थम्⁠। च॒तु॒र्थमहः॑⁠। अह॒स्तस्मि॑न्न्⁠। तस्मि॑न्नाग्रय॒णः⁠। आ॒ग्र॒य॒णो गृ॑ह्यते⁠। गृ॒ह्य॒ते॒ तस्मा᳚त्⁠। तस्मा॑दाग्रय॒णस्य॑⁠। आ॒ग्र॒य॒णस्या॒यत॑ने⁠। आ॒यत॑ने नव॒मे⁠। आ॒यत॑न॒ इत्या᳚—यत॑ने⁠। न॒व॒मेऽह॑न्न्⁠। अह॑न्नैन्द्रवाय॒वः⁠। ऐ॒न्द्र॒वा॒य॒वो गृ॑ह्यते⁠। ऐ॒न्द्र॒वा॒य॒व इत्यै᳚न्द्र—वा॒य॒वः⁠। गृ॒ह्य॒ते॒ शु॒क्रस्य॑⁠। शु॒क्रस्य॒ वै⁠। वा ए॒तत्⁠। ए॒तदा॒यत॑नम्⁠। आ॒यत॑न॒य्ँयत्⁠। आ॒यत॑न॒मित्या᳚—यत॑नम्⁠। यत् प॑ञ्च॒मम्⁠। प॒ञ्च॒ममहः॑⁠। [३२] अह॒स्तस्मि॑न्न्⁠। तस्मि॑न्नैन्द्रवाय॒वः⁠। ऐ॒न्द्रा॒वा॒य॒वो गृ॑ह्यते⁠। ऐ॒न्द्रा॒वा॒य॒व इत्यै᳚न्द्र—वा॒य॒वः⁠। गृ॒ह्य॒ते॒ तस्मा᳚त्⁠। तस्मा॑दैन्द्रावाय॒वस्य॑⁠। ऐ॒न्द्रा॒वा॒य॒वस्या॒यत॑ने⁠। ऐ॒न्द्रा॒वा॒य॒वस्येत्यै᳚न्द्र—वा॒य॒वस्य॑⁠। आ॒यत॑ने सप्त॒मे⁠। आ॒यत॑न॒ इत्या᳚—यत॑ने⁠। स॒प्त॒मेऽह॑न्न्⁠। अह॑ञ्छु॒क्रः⁠। शु॒क्रो गृ॑ह्यते⁠। गृ॒ह्य॒त॒ आ॒ग्र॒य॒णस्य॑⁠। आ॒ग्र॒य॒णस्य॒ वै⁠। वा ए॒तत्⁠। ए॒तदा॒यत॑नम्⁠। आ॒यत॑न॒य्ँयत्⁠। आ॒यत॑न॒मित्या᳚—यत॑नम्⁠। यथ् ष॒ष्ठम्⁠। ष॒ष्ठमहः॑⁠। अह॒स्तस्मि॑न्न्⁠। तस्मि॑ञ्छु॒क्रः⁠। शु॒क्रो गृ॑ह्यते⁠। गृ॒ह्य॒ते॒ तस्मा᳚त्⁠। तस्मा᳚च्छु॒क्रस्य॑⁠। शु॒क्रस्या॒यत॑ने⁠। आ॒यत॑नेऽष्ट॒मे⁠। आ॒यत॑न॒ इत्या᳚—यत॑ने⁠। अ॒ष्ट॒मेऽह॑न्न्⁠। अह॑न्नाग्रय॒णः⁠। आ॒ग्र॒य॒णो गृ॑ह्यते⁠। गृ॒ह्य॒ते॒ छन्दा॑ꣳसि⁠। छन्दा॑ꣴस्ये॒व⁠। ए॒व तत्⁠। तद् वि⁠। वि वा॑हयति⁠। वा॒ह॒य॒ति॒ प्र⁠। प्र वस्य॑सः⁠। वस्य॑सो विवा॒हम्⁠। वि॒वा॒हमा᳚प्नोति⁠। वि॒वा॒हमिति॑ वि—वा॒हम्⁠। आ॒प्नो॒ति॒ यः⁠। य ए॒वम्⁠। ए॒वव्ँवेद॑⁠। वेदाथो᳚⁠। अथो॑ दे॒वता᳚भ्यः⁠। अथो॒ इत्यथो᳚⁠। दे॒वता᳚भ्य ए॒व⁠। ए॒व य॒ज्ञे⁠। य॒ज्ञे स॒व्ँविद᳚म्⁠। स॒व्ँविद॑म् दधाति⁠। स॒व्ँविद॒मिति॑ सम्—विद᳚म्⁠। द॒धा॒ति॒ तस्मा᳚त्⁠। तस्मा॑दि॒दम्⁠। इ॒दम॒न्यः⁠। अ॒न्यो᳚न्यस्मै᳚⁠। अ॒न्यस्मै॑ ददाति⁠। द॒दा॒तीति॑ ददाति⁠॥ [३३] (ए॒तद्वै प॑ञ्च॒मेऽह॒न् त्रैष्टु॑भ ए॒तद् गृ॑ह्यते य॒ज्ञस्य॑ पञ्च॒म म॒न्यस्मा॒ एक॑ञ्च) ॥८॥
प्र॒जाप॑तिरकामयत⁠। प्र॒जाप॑ति॒रिति॑ प्र॒जा—प॒तिः॒⁠। अ॒का॒म॒य॒त॒ प्र⁠। प्र जा॑येय⁠। जा॒ये॒येति॑⁠। इति॒ सः⁠। स ए॒तम्⁠। ए॒तम् द्वा॑दशरा॒त्रम्⁠। द्वा॒द॒श॒रा॒त्रम॑पश्यत्⁠। द्वा॒द॒श॒रा॒त्रमिति॑ द्वादश—रा॒त्रम्⁠। अ॒प॒श्य॒त् तम्⁠। तमा⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै सः⁠। स प्र⁠। प्राजा॑यत⁠। अ॒जा॒य॒त॒ यः⁠। यः का॒मये॑त⁠। का॒मये॑त॒ प्र⁠। प्र जा॑येय⁠। जा॒ये॒येति॑⁠। इति॒ सः⁠। स द्वा॑दशरा॒त्रेण॑⁠। द्वा॒द॒श॒रा॒त्रेण॑ यजेत⁠। द्वा॒द॒श॒रा॒त्रेणेति॑ द्वादश—रा॒त्रेण॑⁠। य॒जे॒त॒ प्र⁠। प्रैव⁠। ए॒व जा॑यते⁠। जा॒य॒ते॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्त्य॒ग्नि॒ष्टो॒मप्रा॑यणाः⁠। अ॒ग्नि॒ष्टो॒मप्रा॑यणा य॒ज्ञाः⁠। अ॒ग्नि॒ष्टो॒मप्रा॑यणा॒ इत्य॑ग्निष्टो॒म—प्रा॒य॒णाः॒⁠। य॒ज्ञा अथ॑⁠। अथ॒ कस्मा᳚त्⁠। कस्मा॑दतिरा॒त्रः⁠। अ॒ति॒रा॒त्रः पूर्वः॑⁠। अ॒ति॒रा॒त्र इत्य॑ति—रा॒त्रः⁠। पूर्वः॒ प्र⁠। प्र यु॑ज्यते⁠। यु॒ज्य॒त॒ इति॑⁠। इति॒ चख्‍षु॑षी⁠। चख्‍षु॑षी॒ वै⁠। चख्‍षु॑षी॒ इति॒ चख्‍षु॑षी⁠। वा ए॒ते⁠। ए॒ते य॒ज्ञस्य॑⁠। ए॒ते इत्ये॒ते⁠। य॒ज्ञस्य॒ यत्⁠। यद॑तिरा॒त्रौ⁠। अ॒ति॒रा॒त्रौ क॒नीनि॑के⁠। अ॒ति॒रा॒त्रावित्य॑ति—रा॒त्रौ⁠। क॒नीनि॑के अग्निष्टो॒मौ⁠। क॒नीनि॑के॒ इति॑ क॒नीनि॑के⁠। अ॒ग्नि॒ष्टो॒मौ यत्⁠। अ॒ग्नि॒ष्टो॒मावित्य॑ग्नि—स्तो॒मौ⁠। यद॑ग्निष्टो॒मम्⁠। [३४] अ॒ग्नि॒ष्टो॒मम् पूर्व᳚म्⁠। अ॒ग्नि॒ष्टो॒ममित्य॑ग्नि—स्तो॒मम्⁠। पूर्व॑म् प्रयुञ्जी॒रन्न्⁠। प्र॒यु॒ञ्जी॒रन् ब॑हि॒र्द्धा⁠। प्र॒यु॒ञ्जी॒रन्निति॑ प्र—यु॒ञ्जी॒रन्न्⁠। ब॒हि॒र्द्धा क॒नीनि॑के⁠। ब॒हि॒र्द्धेति॑ बहिः—धा⁠। क॒नीनि॑के दद्ध्युः⁠। क॒नीनि॑के॒ इति॑ क॒नीनि॑के⁠। द॒द्ध्यु॒स्तस्मा᳚त्⁠। तस्मा॑दतिरा॒त्रः⁠। अ॒ति॒रा॒त्रः पूर्वः॑⁠। अ॒ति॒रा॒त्र इत्य॑ति—रा॒त्रः⁠। पूर्वः॒ प्र⁠। प्र यु॑ज्यते⁠। यु॒ज्य॒ते॒ चख्‍षु॑षी⁠। चख्‍षु॑षी ए॒व⁠। चख्‍षु॑षी॒ इति॒ चख्‍षु॑षी⁠। ए॒व य॒ज्ञे⁠। य॒ज्ञे धि॒त्वा⁠। धि॒त्वा म॑द्ध्य॒तः⁠। म॒द्ध्य॒तः क॒नीनि॑के⁠। क॒नीनि॑के॒ प्रति॑⁠। क॒नीनि॑के॒ इति॑ क॒नीनि॑के⁠। प्रति॑ दधति⁠। द॒ध॒ति॒ यः⁠। यो वै⁠। वै गा॑य॒त्रीम्⁠। गा॒य॒त्रीम् ज्योतिः॑पख्‍षाम्⁠। ज्योतिः॑पख्‍षा॒व्ँवेद॑⁠। ज्योतिः॑पख्‍षा॒मिति॒ ज्योतिः॑—प॒ख्‍षा॒म्⁠। वेद॒ ज्योति॑षा⁠। ज्योति॑षा भा॒सा⁠। भा॒सा सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमे॑ति⁠। ए॒ति॒ यौ⁠। याव॑ग्निष्टो॒मौ⁠। अ॒ग्नि॒ष्टो॒मौ तौ⁠। अ॒ग्नि॒ष्टो॒मावित्य॑ग्नि—स्तो॒मौ⁠। तौ प॒ख्‍षौ⁠। प॒ख्‍षौ ये⁠। येऽन्त॑रे⁠। अन्त॑रे॒ऽष्टौ⁠। अ॒ष्टावु॒क्थ्याः᳚⁠। उ॒क्थ्याः᳚ सः⁠। स आ॒त्मा⁠। आ॒त्मैषा⁠। ए॒षा वै⁠। वै गा॑य॒त्री⁠। गा॒य॒त्री ज्योतिः॑पख्‍षा⁠। ज्योतिः॑पख्‍षा॒ यः⁠। ज्योतिः॑प॒ख्‍षेति॒ ज्योतिः॑—प॒ख्‍षा॒⁠। य ए॒वम्⁠। ए॒व वेद॑⁠। वेद॒ ज्योति॑षा⁠। ज्योति॑षा भा॒सा⁠। भा॒सा सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमे॑ति⁠। [३५] ए॒ति॒ प्र॒जाप॑तिः⁠। प्र॒जाप॑ति॒र् वै⁠। प्र॒जाप॑ति॒रिति॑ प्र॒जा—प॒तिः॒⁠। वा ए॒षः⁠। ए॒ष द्वा॑दश॒धा⁠। द्वा॒द॒श॒धा विहि॑तः⁠। द्वा॒द॒श॒धेति॑ द्वादश—धा⁠। विहि॑तो॒ यत्⁠। विहि॑त॒ इति॒ वि—हि॒तः॒⁠। यद् द्वा॑दशरा॒त्रः⁠। द्वा॒द॒श॒रा॒त्रो यौ⁠। द्वा॒द॒श॒रा॒त्र इति॑ द्वादश—रा॒त्रः⁠। याव॑तिरा॒त्रौ⁠। अ॒ति॒रा॒त्रौ तौ⁠। अ॒ति॒रा॒त्रावित्य॑ति—रा॒त्रौ⁠। तौ प॒ख्‍षौ⁠। प॒ख्‍षौ ये⁠। येऽन्त॑रे⁠। अन्त॑रे॒ऽष्टौ⁠। अ॒ष्टावु॒क्थ्याः᳚⁠। उ॒क्थ्याः᳚ सः⁠। स आ॒त्मा⁠। आ॒त्मा प्र॒जाप॑तिः⁠। प्र॒जाप॑ति॒र् वाव⁠। प्र॒जाप॑ति॒रिति॑ प्र॒जा—प॒तिः॒⁠। वावैषः⁠। ए॒ष सन्न्⁠। सन्थ् सत्⁠। सद्‌ध॑⁠। ह॒ वै⁠। वै स॒त्रेण॑⁠। स॒त्रेण॑ स्पृणोति⁠। स्पृ॒णो॒ति॒ प्रा॒णाः⁠। प्रा॒णा वै⁠। प्रा॒णा इति॑ प्र—अ॒नाः⁠। वै सत्⁠। सत् प्रा॒णान्⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒व स्पृ॑णोति⁠। स्पृ॒णो॒ति॒ सर्वा॑साम्⁠। सर्वा॑सा॒व्ँवै⁠। वा ए॒ते⁠। ए॒ते प्र॒जाना᳚म्⁠। प्र॒जाना᳚म् प्रा॒णैः⁠। प्र॒जाना॒मिति॑ प्र—जाना᳚म्⁠। प्रा॒णैरा॑सते⁠। प्रा॒णैरिति॑ प्र—अ॒नैः⁠। आ॒स॒ते॒ ये⁠। ये स॒त्रम्⁠। स॒त्रमास॑ते⁠। आस॑ते॒ तस्मा᳚त्⁠। तस्मा᳚त् पृच्छन्ति⁠। पृ॒च्छ॒न्ति॒ किम्⁠। किमे॒ते⁠। ए॒ते स॒त्रिणः॑⁠। स॒त्रिण॒ इति॑⁠। इति॑ प्रि॒यः⁠। प्रि॒यः प्र॒जाना᳚म्⁠। प्र॒जाना॒मुत्थि॑तः⁠। प्र॒जाना॒मिति॑ प्र—जाना᳚म्⁠। उत्थि॑तो भवति⁠। उत्थि॑त॒ इत्युत्—स्थि॒तः॒⁠। भ॒व॒ति॒ यः⁠। य ए॒वम्⁠। ए॒वव्ँवेद॑⁠। वेदेति॒ वेद॑⁠॥ [३६] (अ॒ग्नि॒ष्टो॒मौ यथ् सु॑व॒र्गल्ँलो॒कम् प्रि॒यः प्र॒जाना॒म् पञ्च॑ च) ॥९॥
न वै⁠। वा ए॒षः⁠। ए॒षो᳚ऽन्यतो॑वैश्वानरः⁠। अ॒न्यतो॑वैश्वानरः सुव॒र्गाय॑⁠। अ॒न्यतो॑वैश्वानर॒ इत्य॒न्यतः॑—वै॒श्वा॒न॒रः॒⁠। सु॒व॒र्गाय॑ लो॒काय॑⁠। सु॒व॒र्गायेति॑ सुवः—गाय॑⁠। लो॒काय॒ प्र⁠। प्राभ॑वत्⁠। अ॒भ॒व॒दू॒र्द्ध्वः⁠। ऊ॒र्द्ध्वो ह॑⁠। ह॒ वै⁠। वा ए॒षः⁠। ए॒ष आत॑तः⁠। आत॑त आसीत्⁠। आत॑त॒ इत्या—त॒तः॒⁠। आ॒सी॒त् ते⁠। ते दे॒वाः⁠। दे॒वा ए॒तम्⁠। ए॒तव्ँवै᳚श्वान॒रम्⁠। वै॒श्वा॒न॒रम् परि॑⁠। पर्यौ॑हन्न्⁠। औ॒ह॒न्थ् सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्य॒ प्रभू᳚त्यै⁠। प्रभू᳚त्या ऋ॒तवः॑⁠। प्रभू᳚त्या॒ इति॒ प्र—भू॒त्यै॒⁠। ऋ॒तवो॒ वै⁠। वा ए॒तेन॑⁠। ए॒तेन॑ प्र॒जाप॑तिम्⁠। प्र॒जाप॑तिमयाजयन्न्⁠। प्र॒जाप॑ति॒मिति॑ प्र॒जा—प॒ति॒म्⁠। अ॒या॒ज॒य॒न् तेषु॑⁠। तेष्वा᳚र्द्ध्नोत्⁠। आ॒र्द्ध्नो॒दधि॑⁠। अधि॒ तत्⁠। तदृ॒द्ध्नोति॑⁠। ऋ॒द्ध्नोति॑ ह⁠। ह॒ वै⁠। वा ऋ॒त्विख्‍षु॑⁠। ऋ॒त्विख्‍षु॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वान् द्वा॑दशा॒हेन॑⁠। द्वा॒द॒शा॒हेन॒ यज॑ते⁠। द्वा॒द॒शा॒हेनेति॑ द्वादश—अ॒हेन॑⁠। यज॑ते॒ ते⁠। ते᳚ऽस्मिन्न्⁠। अ॒स्मि॒न्नै॒च्छ॒न्त॒⁠। ऐ॒च्छ॒न्त॒ सः⁠। स रस᳚म्⁠। रस॒मह॑⁠। अह॑ वस॒न्ताय॑⁠। व॒स॒न्ताय॒ प्र⁠। प्राय॑च्छत्⁠। अय॑च्छ॒द् यव᳚म्⁠। [३७] यव॑म् ग्री॒ष्माय॑⁠। ग्री॒ष्मायौष॑धीः⁠। ओष॑धीर् व॒र्॒‌षाभ्यः॑⁠। व॒र्॒‌षाभ्यो᳚ व्री॒हीन्⁠। व्री॒हीञ्छ॒रदे᳚⁠। श॒रदे॑ माषति॒लौ⁠। मा॒ष॒ति॒लौ हे॑मन्तशिशि॒राभ्या᳚म्⁠। मा॒ष॒ति॒लाविति॑ माष—ति॒लौ⁠। हे॒म॒न्त॒शि॒शि॒राभ्या॒म् तेन॑⁠। हे॒म॒न्त॒शि॒शि॒राभ्या॒मिति॑ हेमन्त—शि॒शि॒राभ्या᳚म्⁠। तेनेन्द्र᳚म्⁠। इन्द्र॑म् प्र॒जाप॑तिः⁠। प्र॒जाप॑तिरयाजयत्⁠। प्र॒जाप॑ति॒रिति॑ प्र॒जा—प॒तिः॒⁠। अ॒या॒ज॒य॒त् ततः॑⁠। ततो॒ वै⁠। वा इन्द्रः॑⁠। इन्द्र॒ इन्द्रः॑⁠। इन्द्रो॑ऽभवत्⁠। अ॒भ॒व॒त् तस्मा᳚त्⁠। तस्मा॑दाहुः⁠। आ॒हु॒रा॒नु॒जा॒व॒रस्य॑⁠। आ॒नु॒जा॒व॒रस्य॑ य॒ज्ञः⁠। आ॒नु॒जा॒व॒रस्येत्या॑नु—जा॒व॒रस्य॑⁠। य॒ज्ञ इति॑⁠। इति॒ सः⁠। स हि⁠। ह्ये॑तेन॑⁠। ए॒तेनाग्रे᳚⁠। अग्रेऽय॑जत⁠। अय॑जतै॒षः⁠। ए॒ष ह॑⁠। ह॒ वै⁠। वै कु॒णप᳚म्⁠। कु॒णप॑मत्ति⁠। अ॒त्ति॒ यः⁠। यः स॒त्रे⁠। स॒त्रे प्र॑तिगृ॒ह्णाति॑⁠। प्र॒ति॒गृ॒ह्णाति॑ पुरुषकुण॒पम्⁠। प्र॒ति॒गृ॒ह्णातीति॑ प्रति—गृ॒ह्णाति॑⁠। पु॒रु॒ष॒कु॒ण॒पम॑श्वकुण॒पम्⁠। पु॒रु॒ष॒कु॒ण॒पमिति॑ पुरुष—कु॒ण॒पम्⁠। अ॒श्व॒कु॒ण॒पम् गौः⁠। अ॒श्व॒कु॒ण॒पमित्य॑श्व—कु॒ण॒पम्⁠। गौर् वै⁠। वा अन्न᳚म्⁠। अन्न॒य्ँयेन॑⁠। येन॒ पात्रे॑ण⁠। पात्रे॒णान्न᳚म्⁠। अन्न॒म् बिभ्र॑ति⁠। बिभ्र॑ति॒ यत्⁠। यत् तत्⁠। तन् न⁠। न नि॒र्णेनि॑जति⁠। नि॒र्णेनि॑जति॒ ततः॑⁠। नि॒र्णेनि॑ज॒तीति॑ निः—नेनि॑जति⁠। ततोऽधि॑⁠। अधि॒ मल᳚म्⁠। [३८] मल॑म् जायते⁠। जा॒य॒त॒ एकः॑⁠। एक॑ ए॒व⁠। ए॒व य॑जेत⁠। य॒जे॒तैकः॑⁠। एको॒ हि⁠। हि प्र॒जाप॑तिः⁠। प्र॒जाप॑ति॒रार्द्ध्नो᳚त्⁠। प्र॒जाप॑ति॒रिति॑ प्र॒जा—प॒तिः॒⁠। आर्द्ध्नो॒द् द्वाद॑श⁠। द्वाद॑श॒ रात्रीः᳚⁠। रात्री᳚र् दीख्‍षि॒तः⁠। दी॒ख्‍षि॒तः स्या᳚त्⁠। स्या॒द् द्वाद॑श⁠। द्वाद॑श॒ मासाः᳚⁠। मासाः᳚ सव्ँवथ्स॒रः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रः प्र॒जाप॑तिः⁠। स॒व्ँव॒थ्स॒र इति॑ सम्—व॒थ्स॒रः⁠। प्र॒जाप॑तिः प्र॒जाप॑तिः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जाप॑ति॒र् वाव⁠। प्र॒जाप॑ति॒रिति॑ प्र॒जा—प॒तिः॒⁠। वावैषः⁠। ए॒ष ए॒षः⁠। ए॒ष ह॑⁠। ह॒ तु⁠। त्वै⁠। वै जा॑यते⁠। जा॒य॒ते॒ यः⁠। यस्तप॑सः⁠। तप॒सोऽधि॑⁠। अधि॒ जाय॑ते⁠। जाय॑ते चतु॒र्द्धा⁠। च॒तु॒र्द्धा वै⁠। च॒तु॒र्द्धेति॑ चतुः—धा⁠। वा ए॒ताः⁠। ए॒तास्ति॒स्रस्ति॑स्रः⁠। ति॒स्रस्ति॑स्रो॒ रात्र॑यः⁠। ति॒स्रस्ति॑स्र॒ इति॑ ति॒स्रः—ति॒स्रः॒⁠। रात्र॑यो॒ यत्⁠। यद् द्वाद॑श⁠। द्वाद॑शोप॒सदः॑⁠। उ॒प॒सदो॒ याः⁠। उ॒प॒सद॒ इत्यु॑प—सदः॑⁠। याः प्र॑थ॒माः⁠। प्र॒थ॒मा य॒ज्ञम्⁠। य॒ज्ञम् ताभिः॑⁠। ताभिः॒ सम्⁠। सम् भ॑रति⁠। भ॒र॒ति॒ याः⁠। या द्वि॒तीयाः᳚⁠। द्वि॒तीया॑ य॒ज्ञम्⁠। य॒ज्ञम् ताभिः॑⁠। ताभि॒रा⁠। आ र॑भते⁠। र॒भ॒ते॒ याः⁠। [३९] यास्तृ॒तीयाः᳚⁠। तृ॒तीयाः॒ पात्रा॑णि⁠। पात्रा॑णि॒ ताभिः॑⁠। ताभि॒र् निः⁠। निर् णेनिक्ते⁠। ने॒नि॒क्ते॒ याः⁠। याश्च॑तु॒र्थीः⁠। च॒तु॒र्थीरपि॑⁠। अपि॒ ताभिः॑⁠। ताभि॑रा॒त्मान᳚म्⁠। आ॒त्मान॑मन्तर॒तः⁠। अ॒न्त॒र॒तः शु॑न्धते⁠। शु॒न्ध॒ते॒ यः⁠। यो वै⁠। वा अ॑स्य⁠। अ॒स्य॒ प॒शुम्⁠। प॒शुमत्ति॑⁠। अत्ति॑ मा॒ꣳ॒सम्⁠। मा॒ꣳ॒सꣳ सः⁠। सो᳚ऽत्ति⁠। अ॒त्ति॒ यः⁠। यः पु॑रो॒डाश᳚म्⁠। पु॒रो॒डाश॑म् म॒स्तिष्क᳚म्⁠। म॒स्तिष्क॒ꣳ॒ सः⁠। स यः⁠। यः प॑रिवा॒पम्⁠। प॒रि॒वा॒पम् पुरी॑षम्⁠। प॒रि॒वा॒पमिति॑ परि—वा॒पम्⁠। पुरी॑ष॒ꣳ॒ सः⁠। स यः⁠। य आज्य᳚म्⁠। आज्य॑म् म॒ज्जान᳚म्⁠। म॒ज्जान॒ꣳ॒ सः⁠। स यः⁠। यः सोम᳚म्⁠। सोम॒ꣴ॒ स्वेद᳚म्⁠। स्वेद॒ꣳ॒ सः⁠। सोऽपि॑⁠। अपि॑ ह⁠। ह॒ वै⁠। वा अ॑स्य⁠। अ॒स्य॒ शी॒र्॒‌ष॒ण्याः᳚⁠। शी॒र्॒‌ष॒ण्या॑ नि॒ष्पदः॑⁠। नि॒ष्पद॒ प्रति॑⁠। नि॒ष्पद॒ इति॑ निः—पदः॑⁠। प्रति॑ गृह्णाति⁠। गृ॒ह्णा॒ति॒ यः⁠। यो द्वा॑दशा॒हे⁠। द्वा॒द॒शा॒हे प्र॑तिगृ॒ह्णाति॑⁠। द्वा॒द॒शा॒ह इति॑ द्वादश—अ॒हे⁠। प्र॒ति॒गृ॒ह्णाति॒ तस्मा᳚त्⁠। प्र॒ति॒गृ॒ह्णातीति॑ प्रति—गृ॒ह्णाति॑⁠। तस्मा᳚द् द्वादशा॒हेन॑⁠। द्वा॒द॒शा॒हेन॒ न⁠। द्वा॒द॒शा॒हेनेति॑ द्वादश—अ॒हेन॑⁠। न याज्य᳚म्⁠। याज्य॑म् पा॒प्मनः॑⁠। पा॒प्मनो॒ व्यावृ॑त्त्यै⁠। व्यावृ॑त्त्या॒ इति॑ वि—आवृ॑त्त्यै⁠॥ [४०] (अय॑च्छ॒ दधि॑ रभते द्वादशा॒हेन॑ च॒त्वारि॑ च) ॥१०॥
एक॑स्मै॒ स्वाहा᳚⁠। स्वाहा॒ द्वाभ्या᳚म्⁠। द्वाभ्या॒ꣴ॒ स्वाहा᳚⁠। स्वाहा᳚ त्रि॒भ्यः⁠। त्रि॒भ्यः स्वाहा᳚⁠। त्रि॒भ्य इति॑ त्रि—भ्यः⁠। स्वाहा॑ च॒तुर्भ्यः॑⁠। च॒तुर्भ्यः॒ स्वाहा᳚⁠। च॒तुर्भ्य॒ इति॑ च॒तुः—भ्यः॒⁠। स्वाहा॑ प॒ञ्चभ्यः॑⁠। प॒ञ्चभ्यः॒ स्वाहा᳚⁠। प॒ञ्चभ्य॒ इति॑ प॒ञ्च—भ्यः॒⁠। स्वाहा॑ ष॒ड्भ्यः⁠। ष॒ड्भ्यः स्वाहा᳚⁠। ष॒ड्भ्य इति॑ षट्—भ्यः⁠। स्वाहा॑ स॒प्तभ्यः॑⁠। स॒प्तभ्यः॒ स्वाहा᳚⁠। स॒प्तभ्य॒ इति॑ स॒प्त—भ्यः॒⁠। स्वाहा᳚ऽष्टा॒भ्यः⁠। अ॒ष्टा॒भ्यः स्वाहा᳚⁠। स्वाहा॑ न॒वभ्यः॑⁠। न॒वभ्यः॒ स्वाहा᳚⁠। न॒वभ्य॒ इति॑ न॒व—भ्यः॒⁠। स्वाहा॑ द॒शभ्यः॑⁠। द॒शभ्यः॒ स्वाहा᳚⁠। द॒शभ्य॒ इति॑ द॒श—भ्यः॒⁠। स्वाहै॑काद॒शभ्यः॑⁠। ए॒का॒द॒शभ्यः॒ स्वाहा᳚⁠। ए॒का॒द॒शभ्य॒ इत्ये॑काद॒श—भ्यः॒⁠। स्वाहा᳚ द्वाद॒शभ्यः॑⁠। द्वा॒द॒शभ्यः॒ स्वाहा᳚⁠। द्वा॒द॒शभ्य॒ इति॑ द्वाद॒श—भ्यः॒⁠। स्वाहा᳚ त्रयोद॒शभ्यः॑⁠। त्र॒यो॒द॒शभ्यः॒ स्वाहा᳚⁠। त्र॒यो॒द॒शभ्य॒ इति॑ त्रयोद॒श—भ्यः॒⁠। स्वाहा॑ चतुर्द॒शभ्यः॑⁠। च॒तु॒र्द॒शभ्यः॒ स्वाहा᳚⁠। च॒तु॒र्द॒शभ्य॒ इति॑ चतुर्द॒श—भ्यः॒⁠। स्वाहा॑ पञ्चद॒शभ्यः॑⁠। प॒ञ्च॒द॒शभ्यः॒ स्वाहा᳚⁠। प॒ञ्च॒द॒शभ्य॒ इति॑ पञ्चद॒श—भ्यः॒⁠। स्वाहा॑ षोड॒शभ्यः॑⁠। षो॒ड॒शभ्यः॒ स्वाहा᳚⁠। षो॒ड॒शभ्य॒ इति॑ षोड॒श—भ्यः॒⁠। स्वाहा॑ सप्तद॒शभ्यः॑⁠। स॒प्त॒द॒शभ्यः॒ स्वाहा᳚⁠। स॒प्त॒द॒शभ्य॒ इति॑ सप्तद॒श—भ्यः॒⁠। स्वाहा᳚ऽष्टाद॒शभ्यः॑⁠। अ॒ष्टा॒द॒शभ्यः॒ स्वाहा᳚⁠। अ॒ष्टा॒द॒शभ्य॒ इत्य॑ष्टाद॒श—भ्यः॒⁠। स्वाहैका᳚त्⁠। एका॒न् न⁠। न वि॑ꣳश॒त्यै⁠। वि॒ꣳ॒श॒त्यै स्वाहा᳚⁠। स्वाहा॒ नव॑विꣳशत्यै⁠। नव॑विꣳशत्यै॒ स्वाहा᳚⁠। नव॑विꣳशत्या॒ इति॒ नव॑—वि॒ꣳ॒श॒त्यै॒⁠। स्वाहैका᳚त्⁠। एका॒न् न⁠। न च॑त्वारि॒ꣳ॒शते᳚⁠। च॒त्वा॒रि॒ꣳ॒शते॒ स्वाहा᳚⁠। स्वाहा॒ नव॑चत्वारिꣳशते⁠। नव॑चत्वारिꣳशते॒ स्वाहा᳚⁠। नव॑चत्वारिꣳशत॒ इति॒ नव॑—च॒त्वा॒रि॒ꣳ॒श॒ते॒⁠। स्वाहैका᳚त्⁠। एका॒न् न⁠। न ष॒ष्ट्‍यै⁠। ष॒ष्ट्‍यै स्वाहा᳚⁠। स्वाहा॒ नव॑षष्ट्‍यै⁠। नव॑षष्ट्‍यै॒ स्वाहा᳚⁠। नव॑षष्ट्‍या॒ इति॒ नव॑—ष॒ष्ट्‍यै॒⁠। स्वाहैका᳚त्⁠। एका॒न् न⁠। नाशी॒त्यै⁠। अ॒शी॒त्यै स्वाहा᳚⁠। स्वाहा॒ नवा॑शीत्यै⁠। नवा॑शीत्यै॒ स्वाहा᳚⁠। नवा॑शीत्या॒ इति॒ नव॑—अ॒शी॒त्यै॒⁠। स्वाहैका᳚त्⁠। एका॒न् न⁠। न श॒ताय॑⁠। श॒ताय॒ स्वाहा᳚⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ द्वाभ्या᳚म्⁠। द्वाभ्या॑ꣳ श॒ताभ्या᳚म्⁠। श॒ताभ्या॒ꣴ॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४१] (नव॑चत्वारिꣳशते॒ स्वाहैका॒न्नै क॑विꣳशतिश्च) ॥११॥
एक॑स्मै॒ स्वाहा᳚⁠। स्वाहा᳚ त्रि॒भ्यः⁠। त्रि॒भ्यः स्वाहा᳚⁠। त्रि॒भ्य इति॑ त्रि—भ्यः⁠। स्वाहा॑ प॒ञ्चभ्यः॑⁠। प॒ञ्चभ्यः॒ स्वाहा᳚⁠। प॒ञ्चभ्य॒ इति॑ प॒ञ्च—भ्यः॒⁠। स्वाहा॑ स॒प्तभ्यः॑⁠। स॒प्तभ्यः॒ स्वाहा᳚⁠। स॒प्तभ्य॒ इति॑ स॒प्त—भ्यः॒⁠। स्वाहा॑ न॒वभ्यः॑⁠। न॒वभ्यः॒ स्वाहा᳚⁠। न॒वभ्य॒ इति॑ न॒व—भ्यः॒⁠। स्वाहै॑काद॒शभ्यः॑⁠। ए॒का॒द॒शभ्यः॒ स्वाहा᳚⁠। ए॒का॒द॒शभ्य॒ इत्ये॑काद॒श—भ्यः॒⁠। स्वाहा᳚ त्रयोद॒शभ्यः॑⁠। त्र॒यो॒द॒शभ्यः॒ स्वाहा᳚⁠। त्र॒यो॒द॒शभ्य॒ इति॑ त्रयोद॒श—भ्यः॒⁠। स्वाहा॑ पञ्चद॒शभ्यः॑⁠। प॒ञ्च॒द॒शभ्यः॒ स्वाहा᳚⁠। प॒ञ्च॒द॒शभ्य॒ इति॑ पञ्चद॒श—भ्यः॒⁠। स्वाहा॑ सप्तद॒शभ्यः॑⁠। स॒प्त॒द॒शभ्यः॒ स्वाहा᳚⁠। स॒प्त॒द॒शभ्य॒ इति॑ सप्तद॒श—भ्यः॒⁠। स्वाहैका᳚त्⁠। एका॒न् न⁠। न वि॑ꣳश॒त्यै⁠। वि॒ꣳ॒श॒त्यै स्वाहा᳚⁠। स्वाहा॒ नव॑विꣳशत्यै⁠। नव॑विꣳशत्यै॒ स्वाहा᳚⁠। नव॑विꣳशत्या॒ इति॒ नव॑—वि॒ꣳ॒श॒त्यै॒⁠। स्वाहैका᳚त्⁠। एका॒न् न⁠। न च॑त्वारि॒ꣳ॒शते᳚⁠। च॒त्वा॒रि॒ꣳ॒शते॒ स्वाहा᳚⁠। स्वाहा॒ नव॑चत्वारिꣳशते⁠। नव॑चत्वारिꣳशते॒ स्वाहा᳚⁠। नव॑चत्वारिꣳशत॒ इति॒ नव॑—च॒त्वा॒रि॒ꣳ॒श॒ते॒⁠। स्वाहैका᳚त्⁠। एका॒न् न⁠। न ष॒ष्ट्‍यै⁠। ष॒ष्ट्‍यै स्वाहा᳚⁠। स्वाहा॒ नव॑षष्ट्‍यै⁠। नव॑षष्ट्‍यै॒ स्वाहा᳚⁠। नव॑षष्ट्‍या॒ इति॒ नव॑—ष॒ष्ट्‍यै॒⁠। स्वाहैका᳚त्⁠। एका॒न् न⁠। नाशी॒त्यै⁠। अ॒शी॒त्यै स्वाहा᳚⁠। स्वाहा॒ नवा॑शीत्यै⁠। नवा॑शीत्यै॒ स्वाहा᳚⁠। नवा॑शीत्या॒ इति॒ नव॑—अ॒शी॒त्यै॒⁠। स्वाहैका᳚त्⁠। एका॒न् न⁠। न श॒ताय॑⁠। श॒ताय॒ स्वाहा᳚⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४२] (एक॑स्मै त्रि॒भ्यः प॑ञ्चा॒शत्) ॥१२॥
द्वाभ्या॒ꣴ॒ स्वाहा᳚⁠। स्वाहा॑ च॒तुर्भ्यः॑⁠। च॒तुर्भ्यः॒ स्वाहा᳚⁠। च॒तुर्भ्य॒ इति॑ च॒तुः—भ्यः॒⁠। स्वाहा॑ ष॒ड्भ्यः⁠। ष॒ड्भ्यः स्वाहा᳚⁠। ष॒ड्भ्य इति॑ षट्—भ्यः⁠। स्वाहा᳚ऽष्टा॒भ्यः⁠। अ॒ष्टा॒भ्यः स्वाहा᳚⁠। स्वाहा॑ द॒शभ्यः॑⁠। द॒शभ्यः॒ स्वाहा᳚⁠। द॒शभ्य॒ इति॑ द॒श—भ्यः॒⁠। स्वाहा᳚ द्वाद॒शभ्यः॑⁠। द्वा॒द॒शभ्यः॒ स्वाहा᳚⁠। द्वा॒द॒शभ्य॒ इति॑ द्वाद॒श—भ्यः॒⁠। स्वाहा॑ चतुर्द॒शभ्यः॑⁠। च॒तु॒र्द॒शभ्यः॒ स्वाहा᳚⁠। च॒तु॒र्द॒शभ्य॒ इति॑ चतुर्द॒श—भ्यः॒⁠। स्वाहा॑ षोड॒शभ्यः॑⁠। षो॒ड॒शभ्यः॒ स्वाहा᳚⁠। षो॒ड॒शभ्य॒ इति॑ षोड॒श—भ्यः॒⁠। स्वाहा᳚ऽष्टाद॒शभ्यः॑⁠। अ॒ष्टा॒द॒शभ्यः॒ स्वाहा᳚⁠। अ॒ष्टा॒द॒शभ्य॒ इत्य॑ष्टाद॒श—भ्यः॒⁠। स्वाहा॑ विꣳश॒त्यै⁠। वि॒ꣳ॒श॒त्यै स्वाहा᳚⁠। स्वाहा॒ऽष्टान॑वत्यै⁠। अ॒ष्टान॑वत्यै॒ स्वाहा᳚⁠। अ॒ष्टान॑वत्या॒ इत्य॒ष्टा—न॒व॒त्यै॒⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४३] (द्वाभ्या॑म॒ष्टान॑वत्यै॒ षड्वि॑ꣳशतिः) ॥१३॥
त्रि॒भ्यः स्वाहा᳚⁠। त्रि॒भ्य इति॑ त्रि—भ्यः⁠। स्वाहा॑ प॒ञ्चभ्यः॑⁠। प॒ञ्चभ्यः॒ स्वाहा᳚⁠। प॒ञ्चभ्य॒ इति॑ प॒ञ्च—भ्यः॒⁠। स्वाहा॑ स॒प्तभ्यः॑⁠। स॒प्तभ्यः॒ स्वाहा᳚⁠। स॒प्तभ्य॒ इति॑ स॒प्त—भ्यः॒⁠। स्वाहा॑ न॒वभ्यः॑⁠। न॒वभ्यः॒ स्वाहा᳚⁠। न॒वभ्य॒ इति॑ न॒व—भ्यः॒⁠। स्वाहै॑काद॒शभ्यः॑⁠। ए॒का॒द॒शभ्यः॒ स्वाहा᳚⁠। ए॒का॒द॒शभ्य॒ इत्ये॑काद॒श—भ्यः॒⁠। स्वाहा᳚ त्रयोद॒शभ्यः॑⁠। त्र॒यो॒द॒शभ्यः॒ स्वाहा᳚⁠। त्र॒यो॒द॒शभ्य॒ इति॑ त्रयोद॒श—भ्यः॒⁠। स्वाहा॑ पञ्चद॒शभ्यः॑⁠। प॒ञ्च॒द॒शभ्यः॒ स्वाहा᳚⁠। प॒ञ्च॒द॒शभ्य॒ इति॑ पञ्चद॒श—भ्यः॒⁠। स्वाहा॑ सप्तद॒शभ्यः॑⁠। स॒प्त॒द॒शभ्यः॒ स्वाहा᳚⁠। स॒प्त॒द॒शभ्य॒ इति॑ सप्तद॒श—भ्यः॒⁠। स्वाहैका᳚त्⁠। एका॒न् न⁠। न वि॑ꣳश॒त्यै⁠। वि॒ꣳ॒श॒त्यै स्वाहा᳚⁠। स्वाहा॒ नव॑विꣳशत्यै⁠। नव॑विꣳशत्यै॒ स्वाहा᳚⁠। नव॑विꣳशत्या॒ इति॒ नव॑—वि॒ꣳ॒श॒त्यै॒⁠। स्वाहैका᳚त्⁠। एका॒न् न⁠। न च॑त्वारि॒ꣳ॒शते᳚⁠। च॒त्वा॒रि॒ꣳ॒शते॒ स्वाहा᳚⁠। स्वाहा॒ नव॑चत्वारिꣳशते⁠। नव॑चत्वारिꣳशते॒ स्वाहा᳚⁠। नव॑चत्वारिꣳशत॒ इति॒ नव॑—च॒त्वा॒रि॒ꣳ॒श॒ते॒⁠। स्वाहैका᳚त्⁠। एका॒न् न⁠। न ष॒ष्ट्‍यै⁠। ष॒ष्ट्‍यै स्वाहा᳚⁠। स्वाहा॒ नव॑षष्ट्‍यै⁠। नव॑षष्ट्‍यै॒ स्वाहा᳚⁠। नव॑षष्ट्‍या॒ इति॒ नव॑—ष॒ष्ट्‍यै॒⁠। स्वाहैका᳚त्⁠। एका॒न् न⁠। नाशी॒त्यै⁠। अ॒शी॒त्यै स्वाहा᳚⁠। स्वाहा॒ नवा॑शीत्यै⁠। नवा॑शीत्यै॒ स्वाहा᳚⁠। नवा॑शीत्या॒ इति॒ नव॑—अ॒शी॒त्यै॒⁠। स्वाहैका᳚त्⁠। एका॒न् न⁠। न श॒ताय॑⁠। श॒ताय॒ स्वाहा᳚⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४४] (त्रि॒भ्यो᳚ ऽष्टाचत्वारि॒ꣳ॒शत्) ॥१४॥
च॒तुर्भ्यः॒ स्वाहा᳚⁠। च॒तुर्भ्य॒ इति॑ च॒तुः—भ्यः॒⁠। स्वाहा᳚ऽष्टा॒भ्यः⁠। अ॒ष्टा॒भ्यः स्वाहा᳚⁠। स्वाहा᳚ द्वाद॒शभ्यः॑⁠। द्वा॒द॒शभ्यः॒ स्वाहा᳚⁠। द्वा॒द॒शभ्य॒ इति॑ द्वाद॒श—भ्यः॒⁠। स्वाहा॑ षोड॒शभ्यः॑⁠। षो॒ड॒शभ्यः॒ स्वाहा᳚⁠। षो॒ड॒शभ्य॒ इति॑ षोड॒श—भ्यः॒⁠। स्वाहा॑ विꣳश॒त्यै⁠। वि॒ꣳ॒श॒त्यै स्वाहा᳚⁠। स्वाहा॒ षण्ण॑वत्यै⁠। षण्ण॑वत्यै॒ स्वाहा᳚⁠। षण्ण॑वत्या॒ इति॒ षट्—न॒व॒त्यै॒⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४५] (च॒तुर्भ्यः॒ षण्ण॑वत्यै॒ षोड॑श) ॥१५॥
प॒ञ्चभ्यः॒ स्वाहा᳚⁠। प॒ञ्चभ्य॒ इति॑ प॒ञ्च—भ्यः॒⁠। स्वाहा॑ द॒शभ्यः॑⁠। द॒शभ्यः॒ स्वाहा᳚⁠। द॒शभ्य॒ इति॑ द॒श—भ्यः॒⁠। स्वाहा॑ पञ्चद॒शभ्यः॑⁠। प॒ञ्च॒द॒शभ्यः॒ स्वाहा᳚⁠। प॒ञ्च॒द॒शभ्य॒ इति॑ पञ्चद॒श—भ्यः॒⁠। स्वाहा॑ विꣳश॒त्यै⁠। वि॒ꣳ॒श॒त्यै स्वाहा᳚⁠। स्वाहा॒ पञ्च॑नवत्यै⁠। पञ्च॑नवत्यै॒ स्वाहा᳚⁠। पञ्च॑नवत्या॒ इति॒ पञ्च॑—न॒व॒त्यै॒⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४६] (प॒ञ्चभ्यः॒ पञ्च॑नवत्यै॒ चतु॑र्दश) ॥१६॥
द॒शभ्यः॒ स्वाहा᳚⁠। द॒शभ्य॒ इति॑ द॒श—भ्यः॒⁠। स्वाहा॑ विꣳश॒त्यै⁠। वि॒ꣳ॒श॒त्यै स्वाहा᳚⁠। स्वाहा᳚ त्रि॒ꣳ॒शते᳚⁠। त्रि॒ꣳ॒शते॒ स्वाहा᳚⁠। स्वाहा॑ चत्वारि॒ꣳ॒शते᳚⁠। च॒त्वा॒रि॒ꣳ॒शते॒ स्वाहा᳚⁠। स्वाहा॑ पञ्चा॒शते᳚⁠। प॒ञ्चा॒शते॒ स्वाहा᳚⁠। स्वाहा॑ ष॒ष्ट्‍यै⁠। ष॒ष्ट्‍यै स्वाहा᳚⁠। स्वाहा॑ सप्त॒त्यै⁠। स॒प्त॒त्यै स्वाहा᳚⁠। स्वाहा॑ऽशी॒त्यै⁠। अ॒शी॒त्यै स्वाहा᳚⁠। स्वाहा॑ नव॒त्यै⁠। न॒व॒त्यै स्वाहा᳚⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४७] (द॒शभ्यो॒ द्वावि॑ꣳशतिः) ॥१७॥
वि॒ꣳ॒श॒त्यै स्वाहा᳚⁠। स्वाहा॑ चत्वारि॒ꣳ॒शते᳚⁠। च॒त्वा॒रि॒ꣳ॒शते॒ स्वाहा᳚⁠। स्वाहा॑ ष॒ष्ट्‍यै⁠। ष॒ष्ट्‍यै स्वाहा᳚⁠। स्वाहा॑ऽशी॒त्यै⁠। अ॒शी॒त्यै स्वाहा᳚⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४८] (वि॒ꣳ॒श॒त्यै द्वाद॑श) ॥१८॥
प॒ञ्चा॒शते॒ स्वाहा᳚⁠। स्वाहा॑ श॒ताय॑⁠। श॒ताय॒ स्वाहा᳚⁠। स्वाहा॒ द्वाभ्या᳚म्⁠। द्वाभ्या॑ꣳ श॒ताभ्या᳚म्⁠। श॒ताभ्या॒ꣴ॒ स्वाहा᳚⁠। स्वाहा᳚ त्रि॒भ्यः⁠। त्रि॒भ्यः श॒तेभ्यः॑⁠। त्रि॒भ्य इति॑ त्रि—भ्यः⁠। श॒तेभ्यः॒ स्वाहा᳚⁠। स्वाहा॑ च॒तुर्भ्यः॑⁠। च॒तुर्भ्यः॑ श॒तेभ्यः॑⁠। च॒तुर्भ्य॒ इति॑ च॒तुः—भ्यः॒⁠। श॒तेभ्यः॒ स्वाहा᳚⁠। स्वाहा॑ प॒ञ्चभ्यः॑⁠। प॒ञ्चभ्यः॑ श॒तेभ्यः॑⁠। प॒ञ्चभ्य॒ इति॑ प॒ञ्च—भ्यः॒⁠। श॒तेभ्यः॒ स्वाहा᳚⁠। स्वाहा॑ ष॒ड्भ्यः⁠। ष॒ड्भ्यः श॒तेभ्यः॑⁠। ष॒ड्भ्य इति॑ षट्—भ्यः⁠। श॒तेभ्यः॒ स्वाहा᳚⁠। स्वाहा॑ स॒प्तभ्यः॑⁠। स॒प्तभ्यः॑ श॒तेभ्यः॑⁠। स॒प्तभ्य॒ इति॑ स॒प्त—भ्यः॒⁠। श॒तेभ्यः॒ स्वाहा᳚⁠। स्वाहा᳚ऽष्टा॒भ्यः⁠। अ॒ष्टा॒भ्यः श॒तेभ्यः॑⁠। श॒तेभ्यः॒ स्वाहा᳚⁠। स्वाहा॑ न॒वभ्यः॑⁠। न॒वभ्यः॑ श॒तेभ्यः॑⁠। न॒वभ्य॒ इति॑ न॒व—भ्यः॒⁠। श॒तेभ्यः॒ स्वाहा᳚⁠। स्वाहा॑ स॒हस्रा॑य⁠। स॒हस्रा॑य॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४९] (प॒ञ्चा॒शते॒ द्वात्रि॑ꣳशत्) ॥१९॥
श॒ताय॒ स्वाहा᳚⁠। स्वाहा॑ स॒हस्रा॑य⁠। स॒हस्रा॑य॒ स्वाहा᳚⁠। स्वाहा॒ऽयुता॑य⁠। अ॒युता॑य॒ स्वाहा᳚⁠। स्वाहा॑ नि॒युता॑य⁠। नि॒युता॑य॒ स्वाहा᳚⁠। नि॒युता॒येति॑ नि—युता॑य⁠। स्वाहा᳚ प्र॒युता॑य⁠। प्र॒युता॑य॒ स्वाहा᳚⁠। प्र॒युता॒येति॑ प्र—युता॑य⁠। स्वाहाऽर्बु॑दाय⁠। अर्बु॑दाय॒ स्वाहा᳚⁠। स्वाहा॒ न्य॑र्बुदाय⁠। न्य॑र्बुदाय॒ स्वाहा᳚⁠। न्य॑र्बुदा॒येति॒ नि—अ॒र्बु॒दा॒य॒⁠। स्वाहा॑ समु॒द्राय॑⁠। स॒मु॒द्राय॒ स्वाहा᳚⁠। स्वाहा॒ मद्ध्या॑य⁠। मद्ध्या॑य॒ स्वाहा᳚⁠। स्वाहाऽन्ता॑य⁠। अन्ता॑य॒ स्वाहा᳚⁠। स्वाहा॑ परा॒र्द्धाय॑⁠। प॒रा॒र्द्धाय॒ स्वाहा᳚⁠। प॒रा॒र्द्धायेति॑ पर—अ॒र्द्धाय॑⁠। स्वाहो॒षसे᳚⁠। उ॒षसे॒ स्वाहा᳚⁠। स्वाहा॒ व्यु॑ष्ट्‍यै⁠। व्यु॑ष्ट्‍यै॒ स्वाहा᳚⁠। व्यु॑ष्ट्‍या॒ इति॒ वि—उ॒ष्ट्‍यै॒⁠। स्वाहो॑देष्य॒ते⁠। उ॒दे॒ष्य॒ते स्वाहा᳚⁠। उ॒दे॒ष्य॒त इत्यु॑त्—ए॒ष्य॒ते⁠। स्वाहो᳚द्य॒ते⁠। उ॒द्य॒ते स्वाहा᳚⁠। उ॒द्य॒त इत्यु॑त्—य॒ते⁠। स्वाहोदि॑ताय⁠। उदि॑ताय॒ स्वाहा᳚⁠। उदि॑ता॒येत्युत्—इ॒ता॒य॒⁠। स्वाहा॑ सुव॒र्गाय॑⁠। सु॒व॒र्गाय॒ स्वाहा᳚⁠। सु॒व॒र्गायेति॑ सुवः—गाय॑⁠। स्वाहा॑ लो॒काय॑⁠। लो॒काय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [५०] (श॒ताया॒ ऽष्टात्रि॑ꣳशत्) ॥२०॥
अनुवाकाः पञ्चशती
२० ५१