कृष्ण यजुर्वेदीय तैत्तिरीय संहिता क्रम पाठः
सप्तमकाण्डे चतुर्थः प्रश्नः

कांड ७ प्रश्न ४
सत्रकर्मनिरूपणं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
बृह॒स्पति॑रकामयत⁠। अ॒का॒म॒य॒त॒ श्रत्⁠। श्रन् मे᳚⁠। मे॒ दे॒वाः⁠। दे॒वा दधी॑रन्न्⁠। दधी॑र॒न् गच्छे॑यम्⁠। गच्छे॑यम् पुरो॒धाम्⁠। पु॒रो॒धामिति॑⁠। पु॒रो॒धामिति॑ पुरः—धाम्⁠। इति॒ सः⁠। स ए॒तम्⁠। ए॒तम् च॑तुर्विꣳशतिरा॒त्रम्⁠। च॒तु॒र्वि॒ꣳ॒श॒ति॒रा॒त्रम॑पश्यत्⁠। च॒तु॒र्वि॒ꣳ॒श॒ति॒रा॒त्रमिति॑ चतुर्विꣳशति—रा॒त्रम्⁠। अ॒प॒श्य॒त् तम्⁠। तमा⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै तस्मै᳚⁠। तस्मै॒ श्रत्⁠। श्रद् दे॒वाः⁠। दे॒वा अद॑धत⁠। अद॑ध॒ताग॑च्छत्⁠। अग॑च्छत् पुरो॒धाम्⁠। पु॒रो॒धाय्ँये⁠। पु॒रो॒धामिति॑ पुरः—धाम्⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑श्चतुर्विꣳशतिरा॒त्रम्⁠। च॒तु॒र्वि॒ꣳ॒श॒ति॒रा॒त्रमास॑ते⁠। च॒तु॒र्वि॒ꣳ॒श॒ति॒रा॒त्रमिति॑ चतुर्विꣳशति—रा॒त्रम्⁠। आस॑ते॒ श्रत्⁠। श्रदे᳚भ्यः⁠। ए॒भ्यो॒ म॒नु॒ष्याः᳚⁠। म॒नु॒ष्या॑ दधते⁠। द॒ध॒ते॒ गच्छ॑न्ति⁠। गच्छ॑न्ति पुरो॒धाम्⁠। पु॒रो॒धाम् ज्योतिः॑⁠। पु॒रो॒धामिति॑ पुरः—धाम्⁠। ज्योति॒र् गौः⁠। गौरायुः॑⁠। आयु॒रिति॑⁠। इति॑ त्र्य॒हाः⁠। त्र्य॒हा भ॑वन्ति⁠। त्र्य॒हा इति॑ त्रि—अ॒हाः⁠। भ॒व॒न्ती॒यम्⁠। इ॒यव्ँवाव⁠। वाव ज्योतिः॑⁠। ज्योति॑र॒न्तरि॑ख्‍षम्⁠। अ॒न्तरि॑ख्‍ष॒म् गौः⁠। गौर॒सौ⁠। अ॒सावायुः॑⁠। आयु॑रि॒मान्⁠। [१] इ॒माने॒व⁠। ए॒व लो॒कान्⁠। लो॒कान॒भ्यारो॑हन्ति⁠। अ॒भ्यारो॑हन्त्यभिपू॒र्वम्⁠। अ॒भ्यारो॑ह॒न्तीत्य॑भि—आरो॑हन्ति⁠। अ॒भि॒पू॒र्वम् त्र्य॒हाः⁠। अ॒भि॒पू॒र्वमित्य॑भि—पू॒र्वम्⁠। त्र्य॒हा भ॑वन्ति⁠। त्र्य॒हा इति॑ त्रि—अ॒हाः⁠। भ॒व॒न्त्य॒भि॒पू॒र्वम्⁠। अ॒भि॒पू॒र्वमे॒व⁠। अ॒भि॒पू॒र्वमित्य॑भि—पू॒र्वम्⁠। ए॒व सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम॒भ्यारो॑हन्ति⁠। अ॒भ्यारो॑ह॒न्त्यस॑त्रम्⁠। अ॒भ्यारो॑ह॒न्तीत्य॑भि—आरो॑हन्ति⁠। अस॑त्र॒व्ँवै⁠। वा ए॒तत्⁠। ए॒तद् यत्⁠। यद॑छन्दो॒मम्⁠। अ॒छ॒न्दो॒मय्ँयत्⁠। अ॒छ॒न्दो॒ममित्य॑छन्दः—मम्⁠। यच् छ॑न्दो॒माः⁠। छ॒न्दो॒मा भव॑न्ति⁠। छ॒न्दो॒मा इति॑ छन्दः—माः⁠। भव॑न्ति॒ तेन॑⁠। तेन॑ स॒त्रम्⁠। स॒त्रम् दे॒वताः᳚⁠। दे॒वता॑ ए॒व⁠। ए॒व पृ॒ष्ठैः⁠। पृ॒ष्ठैरव॑⁠। अव॑ रुन्धते⁠। रु॒न्ध॒ते॒ प॒शून्⁠। प॒शून् छ॑न्दो॒मैः⁠। छ॒न्दो॒मैरोजः॑⁠। छ॒न्दो॒मैरिति॑ छन्दः—मैः⁠। ओजो॒ वै⁠। वै वी॒र्य᳚म्⁠। वी॒र्य॑म् पृ॒ष्ठानि॑⁠। पृ॒ष्ठानि॑ प॒शवः॑⁠। प॒शव॑श्छन्दो॒माः⁠। छ॒न्दो॒मा ओज॑सि⁠। छ॒न्दो॒मा इति॑ छन्दः—माः⁠। ओज॑स्ये॒व⁠। ए॒व वी॒र्ये᳚⁠। वी॒र्ये॑ प॒शुषु॑⁠। प॒शुषु॒ प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ बृ॒ह॒द्‍र॒थ॒न्त॒राभ्या᳚म्⁠। बृ॒ह॒द्‍र॒थ॒न्त॒राभ्या᳚य्ँयन्ति⁠। बृ॒ह॒द्‍र॒थ॒न्त॒राभ्या॒मिति॑ बृहत्—र॒थ॒न्त॒राभ्या᳚म्⁠। य॒न्ती॒यम्⁠। इ॒यव्ँवाव⁠। वाव र॑थन्त॒रम्⁠। र॒थ॒न्त॒रम॒सौ⁠। र॒थ॒न्त॒रमिति॑ रथम्—त॒रम्⁠। अ॒सौ बृ॒हत्⁠। बृ॒हदा॒भ्याम्⁠। आ॒भ्यामे॒व⁠। ए॒व य॑न्ति⁠। [२] य॒न्त्यथो᳚⁠। अथो॑ अ॒नयोः᳚⁠। अथो॒ इत्यथो᳚⁠। अ॒नयो॑रे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्त्ये॒ते⁠। ए॒ते वै⁠। ए॒ते इत्ये॒ते⁠। वै य॒ज्ञस्य॑⁠। य॒ज्ञस्या᳚ञ्ज॒साय॑नी⁠। अ॒ञ्ज॒साय॑नी स्रु॒ती⁠। अ॒ञ्ज॒साय॑नी॒ इत्य॑ञ्जसा—अय॑नी⁠। स्रु॒ती ताभ्या᳚म्⁠। स्रु॒ती इति॑ स्रु॒ती⁠। ताभ्या॑मे॒व⁠। ए॒व सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्ति॒ च॒तु॒र्वि॒ꣳ॒श॒ति॒रा॒त्रः⁠। च॒तु॒र्वि॒ꣳ॒श॒ति॒रा॒त्रो भ॑वति⁠। च॒तु॒र्वि॒ꣳ॒श॒ति॒रा॒त्र इति॑ चतुर्विꣳशति—रा॒त्रः⁠। भ॒व॒ति॒ चतु॑र्विꣳशतिः⁠। चतु॑र्विꣳशतिरर्द्धमा॒साः⁠। चतु॑र्विꣳशति॒रिति॒ चतुः॑—वि॒ꣳ॒श॒तिः॒⁠। अ॒र्द्ध॒मा॒साः स॑व्ँवथ्स॒रः⁠। अ॒र्द्ध॒मा॒सा इत्य॑र्द्ध—मा॒साः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रः सु॑व॒र्गः⁠। स॒व्ँव॒थ्स॒र इति॑ सम्—व॒थ्स॒रः⁠। सु॒व॒र्गो लो॒कः⁠। सु॒व॒र्ग इति॑ सुवः—गः⁠। लो॒कः स॑व्ँवथ्स॒रे⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व सु॑व॒र्गे⁠। सु॒व॒र्गे लो॒के⁠। सु॒व॒र्ग इति॑ सुवः—गे⁠। लो॒के प्रति॑⁠। प्रति॑ तिष्ठन्ति⁠। ति॒ष्ठ॒न्त्यथो᳚⁠। अथो॒ चतु॑र्विꣳशत्यख्‍षरा⁠। अथो॒ इत्यथो᳚⁠। चतु॑र्विꣳशत्यख्‍षरा गाय॒त्री⁠। चतु॑र्विꣳशत्यख्‍ष॒रेति॒ चतु॑र्विꣳशति—अ॒ख्‍ष॒रा॒⁠। गा॒य॒त्री गा॑य॒त्री⁠। गा॒य॒त्री ब्र॑ह्मवर्च॒सम्⁠। ब्र॒ह्म॒व॒र्च॒सम् गा॑यत्रि॒या⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। गा॒य॒त्रि॒यैव⁠। ए॒व ब्र॑ह्मवर्च॒सम्⁠। ब्र॒ह्म॒व॒र्च॒समव॑⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। अव॑ रुन्धते⁠। रु॒न्ध॒ते॒ऽति॒रा॒त्रौ⁠। अ॒ति॒रा॒त्राव॒भितः॑⁠। अ॒ति॒रा॒त्रावित्य॑ति—रा॒त्रौ⁠। अ॒भितो॑ भवतः⁠। भ॒व॒तो॒ ब्र॒ह्म॒व॒र्च॒सस्य॑⁠। ब्र॒ह्म॒व॒र्च॒सस्य॒ परि॑गृहीत्यै⁠। ब्र॒ह्म॒व॒र्च॒सस्येति॑ ब्रह्म—व॒र्च॒सस्य॑⁠। परि॑गृहित्या॒ इति॒ परि॑—गृ॒ही॒त्यै॒⁠॥ [३] (अ॒सावायु॑ रा॒भ्यामे॒व पञ्च॑चत्वारिꣳशच्च) ॥१॥
यथा॒ वै⁠। वै म॑नु॒ष्याः᳚⁠। म॒नु॒ष्या॑ ए॒वम्⁠। ए॒वम् दे॒वाः⁠। दे॒वा अग्रे᳚⁠। अग्र॑ आसन्न्⁠। आ॒स॒न् ते⁠। ते॑ऽकामयन्त⁠। अ॒का॒म॒य॒न्ताव॑र्तिम्⁠। अव॑र्तिम् पा॒प्मान᳚म्⁠। पा॒प्मान॑म् मृ॒त्युम्⁠। मृ॒त्युम॑प॒हत्य॑⁠। अ॒प॒हत्य॒ दैवी᳚म्⁠। अ॒प॒हत्येत्य॑प—हत्य॑⁠। दैवी॑ꣳ स॒ꣳ॒सद᳚म्⁠। स॒ꣳ॒सद॑म् गच्छेम⁠। स॒ꣳ॒सद॒मिति॑ सम्—सद᳚म्⁠। ग॒च्छे॒मेति॑⁠। इति॒ ते⁠। त ए॒तम्⁠। ए॒तम् च॑तुर्विꣳशतिरा॒त्रम्⁠। च॒तु॒र्वि॒ꣳ॒श॒ति॒रा॒त्रम॑पश्यन्न्⁠। च॒तु॒र्वि॒ꣳ॒श॒ति॒रा॒त्रमिति॑ चतुर्विꣳशति—रा॒त्रम्⁠। अ॒प॒श्य॒न् तम्⁠। तमा⁠। आऽह॑रन्न्⁠। अ॒ह॒र॒न् तेन॑⁠। तेना॑यजन्त⁠। अ॒य॒ज॒न्त॒ ततः॑⁠। ततो॒ वै⁠। वै ते⁠। तेऽव॑र्तिम्⁠। अव॑र्तिम् पा॒प्मान᳚म्⁠। पा॒प्मान॑म् मृ॒त्युम्⁠। मृ॒त्युम॑प॒हत्य॑⁠। अ॒प॒हत्य॒ दैवी᳚म्⁠। अ॒प॒हत्येत्य॑प—हत्य॑⁠। दैवी॑ꣳ स॒ꣳ॒सद᳚म्⁠। स॒ꣳ॒सद॑मगच्छन्न्⁠। स॒ꣳ॒सद॒मिति॑ सम्—सद᳚म्⁠। अ॒ग॒च्छ॒न्॒‌ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑श्चतुर्विꣳशतिरा॒त्रम्⁠। च॒तु॒र्वि॒ꣳ॒श॒ति॒रा॒त्रमास॑ते⁠। च॒तु॒र्वि॒ꣳ॒श॒ति॒रा॒त्रमिति॑ चतुर्विꣳशति—रा॒त्रम्⁠। आस॒तेऽव॑र्तिम्⁠। अव॑र्तिमे॒व⁠। ए॒व पा॒प्मान᳚म्⁠। पा॒प्मान॑मप॒हत्य॑⁠। अ॒प॒हत्य॒ श्रिय᳚म्⁠। अ॒प॒हत्येत्य॑प—हत्य॑⁠। श्रिय॑म् गच्छन्ति⁠। ग॒च्छ॒न्ति॒ श्रीः⁠। श्रीर्‌हि⁠। हि म॑नु॒ष्य॑स्य⁠। म॒नु॒ष्य॑स्य॒ दैवी᳚⁠। [४] दैवी॑ स॒ꣳ॒सत्⁠। स॒ꣳ॒सज् ज्योतिः॑⁠। स॒ꣳ॒सदिति॑ सम्—सत्⁠। ज्योति॑रतिरा॒त्रः⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। भ॒व॒ति॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्यानु॑ख्यात्यै⁠। अनु॑ख्यात्यै॒ पृष्ठ्‍यः॑⁠। अनु॑ख्यात्या॒ इत्यनु॑—ख्या॒त्यै॒⁠। पृष्ठ्‍यः॑ षड॒हः⁠। ष॒ड॒हो भ॑वति⁠। ष॒ड॒ह इति॑ षट्—अ॒हः⁠। भ॒व॒ति॒ षट्⁠। षड् वै⁠। वा ऋ॒तवः॑⁠। ऋ॒तवः॑ सव्ँवथ्स॒रः⁠। स॒व्ँव॒थ्स॒रस्तम्⁠। स॒व्ँव॒थ्स॒र इति॑ सम्—व॒थ्स॒रः⁠। तम् मासाः᳚⁠। मासा॑ अर्द्धमा॒साः⁠। अ॒र्द्ध॒मा॒सा ऋ॒तवः॑⁠। अ॒र्द्ध॒मा॒सा इत्य॑र्द्ध—मा॒साः⁠। ऋ॒तवः॑ प्र॒विश्य॑⁠। प्र॒विश्य॒ दैवी᳚म्⁠। प्र॒विश्येति॑ प्र—विश्य॑⁠। दैवी॑ꣳ स॒ꣳ॒सद᳚म्⁠। स॒ꣳ॒सद॑मगच्छन्न्⁠। स॒ꣳ॒सद॒मिति॑ सम्—सद᳚म्⁠। अ॒ग॒च्छ॒न्॒‌ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑श्चतुर्विꣳशतिरा॒त्रम्⁠। च॒तु॒र्वि॒ꣳ॒श॒ति॒रा॒त्रमास॑ते⁠। च॒तु॒र्वि॒ꣳ॒श॒ति॒रा॒त्रमिति॑ चतुर्विꣳशति—रा॒त्रम्⁠। आस॑ते सव्ँवथ्स॒रम्⁠। स॒व्ँव॒थ्स॒रमे॒व⁠। स॒व्ँव॒थ्स॒रमिति॑ सम्—व॒थ्स॒रम्⁠। ए॒व प्र॒विश्य॑⁠। प्र॒विश्य॒ वस्य॑सीम्⁠। प्र॒विश्येति॑ प्र—विश्य॑⁠। वस्य॑सीꣳ स॒ꣳ॒सद᳚म्⁠। स॒ꣳ॒सद॑म् गच्छन्ति⁠। स॒ꣳ॒सद॒मिति॑ सम्—सद᳚म्⁠। ग॒च्छ॒न्ति॒ त्रयः॑⁠। त्रय॑स्त्रयस्त्रि॒ꣳ॒शाः⁠। त्र॒य॒स्त्रि॒ꣳ॒शा अ॒वस्ता᳚त्⁠। त्र॒य॒स्त्रि॒ꣳ॒शा इति॑ त्रयः—त्रि॒ꣳ॒शाः⁠। अ॒वस्ता᳚द् भवन्ति⁠। भ॒व॒न्ति॒ त्रयः॑⁠। त्रय॑स्त्रयस्त्रि॒ꣳ॒शाः⁠। त्र॒य॒स्त्रि॒ꣳ॒शाः प॒रस्ता᳚त्⁠। त्र॒य॒स्त्रि॒ꣳ॒शा इति॑ त्रयः—त्रि॒ꣳ॒शाः⁠। प॒रस्ता᳚त् त्रयस्त्रि॒ꣳ॒शैः⁠। त्र॒य॒स्त्रि॒ꣳ॒शैरे॒व⁠। त्र॒य॒स्त्रि॒ꣳ॒शैरिति॑ त्रयः—त्रि॒ꣳ॒शैः⁠। ए॒वोभ॒यतः॑⁠। उ॒भ॒यतोऽव॑र्तिम्⁠। अव॑र्तिम् पा॒प्मान᳚म्⁠। पा॒प्मान॑मप॒हत्य॑⁠। अ॒प॒हत्य॒ दैवी᳚म्⁠। अ॒प॒हत्येत्य॑प—हत्य॑⁠। दैवी॑ꣳ स॒ꣳ॒सद᳚म्⁠। स॒ꣳ॒सद॑म् मद्ध्य॒तः⁠। स॒ꣳ॒सद॒मिति॑ सम्—सद᳚म्⁠। म॒द्ध्य॒तो ग॑च्छन्ति⁠। [५] ग॒च्छ॒न्ति॒ पृ॒ष्ठानि॑⁠। पृ॒ष्ठानि॒ हि⁠। हि दैवी᳚⁠। दैवी॑ स॒ꣳ॒सत्⁠। स॒ꣳ॒सज् जा॒मि⁠। स॒ꣳ॒सदिति॑ सम्—सत्⁠। जा॒मि वै⁠। वा ए॒तत्⁠। ए॒तत् कु॑र्वन्ति⁠। कु॒र्व॒न्ति॒ यत्⁠। यत् त्रयः॑⁠। त्रय॑स्त्रयस्त्रि॒ꣳ॒शाः⁠। त्र॒य॒स्त्रि॒ꣳ॒शा अ॒न्वञ्चः॑⁠। त्र॒य॒स्त्रि॒ꣳ॒शा इति॑ त्रयः—त्रि॒ꣳ॒शाः⁠। अ॒न्वञ्चो॒ मद्ध्ये᳚⁠। मद्ध्येऽनि॑रुक्तः⁠। अनि॑रुक्तो भवति⁠। अनि॑रुक्त॒ इत्यनिः॑—उ॒क्तः॒⁠। भ॒व॒ति॒ तेन॑⁠। तेनाजा॑मि⁠। अजा᳚म्यू॒र्द्ध्वानि॑⁠। ऊ॒र्द्ध्वानि॑ पृ॒ष्ठानि॑⁠। पृ॒ष्ठानि॑ भवन्ति⁠। भ॒व॒न्त्यू॒र्द्ध्वाः⁠। ऊ॒र्द्ध्वाश्छ॑न्दो॒माः⁠। छ॒न्दो॒मा उ॒भाभ्या᳚म्⁠। छ॒न्दो॒मा इति॑ छन्दः—माः⁠। उ॒भाभ्या॑ꣳ रू॒पाभ्या᳚म्⁠। रू॒पाभ्या॑ꣳ सुव॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्त्यस॑त्रम्⁠। अस॑त्र॒व्ँवै⁠। वा ए॒तत्⁠। ए॒तद् यत्⁠। यद॑छन्दो॒मम्⁠। अ॒छ॒न्दो॒मय्ँयत्⁠। अ॒छ॒न्दो॒ममित्य॑छन्दः—मम्⁠। यच् छ॑न्दो॒माः⁠। छ॒न्दो॒मा भव॑न्ति⁠। छ॒न्दो॒मा इति॑ छन्दः—माः⁠। भव॑न्ति॒ तेन॑⁠। तेन॑ स॒त्रम्⁠। स॒त्रम् दे॒वताः᳚⁠। दे॒वता॑ ए॒व⁠। ए॒व पृ॒ष्ठैः⁠। पृ॒ष्ठैरव॑⁠। अव॑ रुन्धते⁠। रु॒न्ध॒ते॒ प॒शून्⁠। प॒शूञ्छ॑न्दो॒मैः⁠। छ॒न्दो॒मैरोजः॑⁠। छ॒न्दो॒मैरिति॑ छन्दः—मैः⁠। ओजो॒ वै⁠। वै वी॒र्य᳚म्⁠। वी॒र्य॑म् पृ॒ष्ठानि॑⁠। पृ॒ष्ठानि॑ प॒शवः॑⁠। प॒शव॑श्छन्दो॒माः⁠। [६] छ॒न्दो॒मा ओज॑सि⁠। छ॒न्दो॒मा इति॑ छन्दः—माः⁠। ओज॑स्ये॒व⁠। ए॒व वी॒र्ये᳚⁠। वी॒र्ये॑ प॒शुषु॑⁠। प॒शुषु॒ प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ त्रयः॑⁠। त्रय॑स्त्रयस्त्रि॒ꣳ॒शाः⁠। त्र॒य॒स्त्रि॒ꣳ॒शा अ॒वस्ता᳚त्⁠। त्र॒य॒स्त्रि॒ꣳ॒शा इति॑ त्रयः—त्रि॒ꣳ॒शाः⁠। अ॒वस्ता᳚द् भवन्ति⁠। भ॒व॒न्ति॒ त्रयः॑⁠। त्रय॑स्त्रयस्त्रि॒ꣳ॒शाः⁠। त्र॒य॒स्त्रि॒ꣳ॒शाः प॒रस्ता᳚त्⁠। त्र॒य॒स्त्रि॒ꣳ॒शा इति॑ त्रयः—त्रि॒ꣳ॒शाः⁠। प॒रस्ता॒न् मद्ध्ये᳚⁠। मद्ध्ये॑ पृ॒ष्ठानि॑⁠। पृ॒ष्ठान्युरः॑⁠। उरो॒ वै⁠। वै त्र॑यस्त्रि॒ꣳ॒शाः⁠। त्र॒य॒स्त्रि॒ꣳ॒शा आ॒त्मा⁠। त्र॒य॒स्त्रि॒ꣳ॒शा इति॑ त्रयः—त्रि॒ꣳ॒शाः⁠। आ॒त्मा पृ॒ष्ठानि॑⁠। पृ॒ष्ठान्या॒त्मने᳚⁠। आ॒त्मन॑ ए॒व⁠। ए॒व तत्⁠। तद् यज॑मानाः⁠। यज॑मानाः॒ शर्म॑⁠। शर्म॑ नह्यन्ते⁠। न॒ह्य॒न्तेऽना᳚र्त्यै⁠। अना᳚र्त्यै बृहद्‍रथन्त॒राभ्या᳚म्⁠। बृ॒ह॒द्‍र॒थ॒न्त॒राभ्या᳚य्ँयन्ति⁠। बृ॒ह॒द्‍र॒थ॒न्त॒राभ्या॒मिति॑ बृहत्—र॒थ॒न्त॒राभ्या᳚म्⁠। य॒न्ती॒यम्⁠। इ॒यव्ँवाव⁠। वाव र॑थन्त॒रम्⁠। र॒थ॒न्त॒रम॒सौ⁠। र॒थ॒न्त॒रमिति॑ रथम्—त॒रम्⁠। अ॒सौ बृ॒हत्⁠। बृ॒हदा॒भ्याम्⁠। आ॒भ्यामे॒व⁠। ए॒व य॑न्ति⁠। य॒न्त्यथो᳚⁠। अथो॑ अ॒नयोः᳚⁠। अथो॒ इत्यथो᳚⁠। अ॒नयो॑रे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्त्ये॒ते⁠। ए॒ते वै⁠। ए॒ते इत्ये॒ते⁠। वै य॒ज्ञस्य॑⁠। य॒ज्ञस्या᳚ञ्ज॒साय॑नी⁠। अ॒ञ्ज॒साय॑नी स्रु॒ती⁠। अ॒ञ्ज॒साय॑नी॒ इत्य॑ञ्जसा—अय॑नी⁠। स्रु॒ती ताभ्या᳚म्⁠। स्रु॒ती इति॑ स्रु॒ती⁠। ताभ्या॑मे॒व⁠। ए॒व सु॑व॒र्गम्⁠। [७] सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्ति॒ परा᳚ञ्चः⁠। परा᳚ञ्चो॒ वै⁠। वा ए॒ते⁠। ए॒ते सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम॒भ्यारो॑हन्ति⁠। अ॒भ्यारो॑हन्ति॒ ये⁠। अ॒भ्यारो॑ह॒न्तीत्य॑भि—आरो॑हन्ति⁠। ये प॑रा॒चीना॑नि⁠। प॒रा॒चीना॑नि पृ॒ष्ठानि॑⁠। पृ॒ष्ठान्यु॑प॒यन्ति॑⁠। उ॒प॒यन्ति॑ प्र॒त्यङ्‍ङ्⁠। उ॒प॒यन्तीत्यु॑प—यन्ति॑⁠। प्र॒त्यङ्‍ ख्‍ष॑ड॒हः⁠। ष॒ड॒हो भ॑वति⁠। ष॒ड॒ह इति॑ षट्—अ॒हः⁠। भ॒व॒ति॒ प्र॒त्यव॑रूढ्‍यै⁠। प्र॒त्यव॑रूढ्‍या॒ अथो᳚⁠। प्र॒त्यव॑रूढ्‍या॒ इति॑ प्रति—अव॑रूढ्‍यै⁠। अथो॒ प्रति॑ष्ठित्यै⁠। अथो॒ इत्यथो᳚⁠। प्रति॑ष्ठित्या उ॒भयोः᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। उ॒भयो᳚र् लो॒कयोः᳚⁠। लो॒कयो॑र्‌ऋ॒द्ध्वा⁠। ऋ॒द्ध्वोत्⁠। उत् ति॑ष्ठन्ति⁠। ति॒ष्ठ॒न्ति॒ त्रि॒वृतः॑⁠। त्रि॒वृतोऽधि॑⁠। त्रि॒वृत॒ इति॑ त्रि—वृतः॑⁠। अधि॑ त्रि॒वृत᳚म्⁠। त्रि॒वृत॒मुप॑⁠। त्रि॒वृत॒मिति॑ त्रि—वृत᳚म्⁠। उप॑ यन्ति⁠। य॒न्ति॒ स्तोमा॑नाम्⁠। स्तोमा॑ना॒ꣳ॒ सम्प॑त्यै⁠। सम्प॑त्यै प्रभ॒वाय॑⁠। सम्प॑त्या॒ इति॒ सम्—प॒त्यै॒⁠। प्र॒भ॒वाय॒ ज्योतिः॑⁠। प्र॒भ॒वायेति॑ प्र—भ॒वाय॑⁠। ज्योति॑रग्निष्टो॒मः⁠। अ॒ग्नि॒ष्टो॒मो भ॑वति⁠। अ॒ग्नि॒ष्टो॒म इत्य॑ग्नि—स्तो॒मः⁠। भ॒व॒त्य॒यम्⁠। अ॒यव्ँवाव⁠। वाव सः⁠। स ख्‍षयः॑⁠। ख्‍षयो॒ऽस्मात्⁠। अ॒स्मादे॒व⁠। ए॒व तेन॑⁠। तेन॒ ख्‍षया᳚त्⁠। ख्‍षया॒न् न⁠। न य॑न्ति⁠। य॒न्ति॒ च॒तु॒र्वि॒ꣳ॒श॒ति॒रा॒त्रः⁠। च॒तु॒र्वि॒ꣳ॒श॒ति॒रा॒त्रो भ॑वति⁠। च॒तु॒र्वि॒ꣳ॒श॒ति॒रा॒त्र इति॑ चतुर्विꣳशति—रा॒त्रः⁠। भ॒व॒ति॒ चतु॑र्विꣳशतिः⁠। चतु॑र्विꣳशतिरर्द्धमा॒साः⁠। चतु॑र्विꣳशति॒रिति॒ चतुः॑—वि॒ꣳ॒श॒तिः॒⁠। अ॒र्द्ध॒मा॒साः स॑व्ँवथ्स॒रः⁠। अ॒र्द्ध॒मा॒सा इत्य॑र्द्ध—मा॒साः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रः सु॑व॒र्गः⁠। स॒व्ँव॒थ्स॒र इति॑ सम्—व॒थ्स॒रः⁠। सु॒व॒र्गो लो॒कः⁠। सु॒व॒र्ग इति॑ सुवः—गः⁠। लो॒कः स॑व्ँवथ्स॒रे⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व सु॑व॒र्गे⁠। सु॒व॒र्गे लो॒के⁠। सु॒व॒र्ग इति॑ सुवः—गे⁠। लो॒के प्रति॑⁠। प्रति॑ तिष्ठन्ति⁠। ति॒ष्ठ॒न्त्यथो᳚⁠। अथो॒ चतु॑र्विꣳशत्यख्‍षरा⁠। अथो॒ इत्यथो᳚⁠। चतु॑र्विꣳशत्यख्‍षरा गाय॒त्री⁠। चतु॑र्विꣳशत्यख्‍ष॒रेति॒ चतु॑र्विꣳशति—अ॒ख्‍ष॒रा॒⁠। गा॒य॒त्री गा॑य॒त्री⁠। गा॒य॒त्री ब्र॑ह्मवर्च॒सम्⁠। ब्र॒ह्म॒व॒र्च॒सम् गा॑यत्रि॒या⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। गा॒य॒त्रि॒यैव⁠। ए॒व ब्र॑ह्मवर्च॒सम्⁠। ब्र॒ह्म॒व॒र्च॒समव॑⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। अव॑ रुन्धते⁠। रु॒न्ध॒ते॒ऽति॒रा॒त्रौ⁠। अ॒ति॒रा॒त्राव॒भितः॑⁠। अ॒ति॒रा॒त्रावित्य॑ति—रा॒त्रौ⁠। अ॒भितो॑ भवतः⁠। भ॒व॒तो॒ ब्र॒ह्म॒व॒र्च॒सस्य॑⁠। ब्र॒ह्म॒व॒र्च॒सस्य॒ परि॑गृहीत्यै⁠। ब्र॒ह्म॒व॒र्च॒सस्येति॑ ब्रह्म—व॒र्च॒सस्य॑⁠। परि॑गृहीत्या॒ इति॒ परि॑—गृ॒ही॒त्यै॒⁠॥ [८] (म॒नु॒ष्य॑स्य मध्य॒तः प॒शव॒ स्ताभ्या॑मे॒व स॑व्ँवथ्स॒र श्चतु॑र्विꣳशतिश्च) ॥२॥
ऋ॒ख्‍षा वै⁠। वा इ॒यम्⁠। इ॒यम॑लो॒मका᳚⁠। अ॒लो॒मका॑ऽऽसीत्⁠। आ॒सी॒थ् सा⁠। साऽका॑मयत⁠। अ॒का॒म॒य॒तौष॑धीभिः⁠। ओष॑धीभि॒र् वन॒स्पति॑भिः⁠। ओष॑धीभि॒रित्योष॑धि—भिः॒⁠। वन॒स्पति॑भिः॒ प्र⁠। वन॒स्पति॑भि॒रिति॒ वन॒स्पति॑—भिः॒⁠। प्र जा॑येय⁠। जा॒ये॒येति॑⁠। इति॒ सा⁠। सैताः⁠। ए॒तास्त्रि॒ꣳ॒शत᳚म्⁠। त्रि॒ꣳ॒शत॒ꣳ॒ रात्रीः᳚⁠। रात्री॑रपश्यत्⁠। अ॒प॒श्य॒त् ततः॑⁠। ततो॒ वै⁠। वा इ॒यम्⁠। इ॒यमोष॑धीभिः⁠। ओष॑धीभि॒र् वन॒स्पति॑भिः⁠। ओष॑धीभि॒रित्योष॑धि—भिः॒⁠। वन॒स्पति॑भिः॒ प्र⁠। वन॒स्पति॑भि॒रिति॒ वन॒स्पति॑—भिः॒⁠। प्राजा॑यत⁠। अ॒जा॒य॒त॒ ये⁠। ये प्र॒जाका॑माः⁠। प्र॒जाका॑माः प॒शुका॑माः⁠। प्र॒जाका॑मा॒ इति॑ प्र॒जा—का॒माः॒⁠। प॒शुका॑माः॒ स्युः⁠। प॒शुका॑मा॒ इति॑ प॒शु—का॒माः॒⁠। स्युस्ते⁠। त ए॒ताः⁠। ए॒ता आ॑सीरन्न्⁠। आ॒सी॒र॒न् प्र⁠। प्रैव⁠। ए॒व जा॑यन्ते⁠। जा॒य॒न्ते॒ प्र॒जया᳚⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभि॑रि॒यम्⁠। प॒शुभि॒रिति॑ प॒शु—भिः॒⁠। इ॒यव्ँवै⁠। वा अ॑ख्‍षुद्ध्यत्⁠। अ॒ख्‍षु॒द्ध्य॒थ् सा⁠। सैताम्⁠। ए॒ताव्ँवि॒राज᳚म्⁠। वि॒राज॑मपश्यत्⁠। वि॒राज॒मिति॑ वि—राज᳚म्⁠। अ॒प॒श्य॒त् ताम्⁠। तामा॒त्मन्न्⁠। आ॒त्मन् धि॒त्वा⁠। धि॒त्वाऽन्नाद्य᳚म्⁠। अ॒न्नाद्य॒मव॑⁠। अ॒न्नाद्य॒मित्य॑न्न—अद्य᳚म्⁠। अवा॑रुन्ध⁠। अ॒रु॒न्धौष॑धीः⁠। ओष॑धी॒र् वन॒स्पती॑न्⁠। [९] वन॒स्पती᳚न् प्र॒जाम्⁠। प्र॒जाम् प॒शून्⁠। प्र॒जामिति॑ प्र—जाम्⁠। प॒शून् तेन॑⁠। तेना॑वर्द्धत⁠। अ॒व॒र्द्ध॒त॒ सा⁠। सा जे॒मान᳚म्⁠। जे॒मान॑म् महि॒मान᳚म्⁠। म॒हि॒मान॑मगच्छत्⁠। अ॒ग॒च्छ॒द् ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑ ए॒ताः⁠। ए॒ता आस॑ते⁠। आस॑ते वि॒राज᳚म्⁠। वि॒राज॑मे॒व⁠। वि॒राज॒मिति॑ वि—राज᳚म्⁠। ए॒वात्मन्न्⁠। आ॒त्मन् धि॒त्वा⁠। धि॒त्वाऽन्नाद्य᳚म्⁠। अ॒न्नाद्य॒मव॑⁠। अ॒न्नाद्य॒मित्य॑न्न—अद्य᳚म्⁠। अव॑ रुन्धते⁠। रु॒न्ध॒ते॒ वर्द्ध॑न्ते⁠। वर्द्ध॑न्ते प्र॒जया᳚⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभि॑र् जे॒मान᳚म्⁠। प॒शुभि॒रिति॑ प॒शु—भिः॒⁠। जे॒मान॑म् महि॒मान᳚म्⁠। म॒हि॒मान॑म् गच्छन्ति⁠। ग॒च्छ॒न्ति॒ ज्योतिः॑⁠। ज्योति॑रतिरा॒त्रः⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। भ॒व॒ति॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्यानु॑ख्यात्यै⁠। अनु॑ख्यात्यै॒ पृष्ठ्‍यः॑⁠। अनु॑ख्यात्या॒ इत्यनु॑—ख्या॒त्यै॒⁠। पृष्ठ्‍यः॑ षड॒हः⁠। ष॒ड॒हो भ॑वति⁠। ष॒ड॒ह इति॑ षट्—अ॒हः⁠। भ॒व॒ति॒ षट्⁠। षड् वै⁠। वा ऋ॒तवः॑⁠। ऋ॒तवः॒ षट्⁠। षट् पृ॒ष्ठानि॑⁠। पृ॒ष्ठानि॑ पृ॒ष्ठैः⁠। पृ॒ष्ठैरे॒व⁠। ए॒वर्तून्⁠। ऋ॒तून॒न्वारो॑हन्ति⁠। अ॒न्वारो॑हन्त्यृ॒तुभिः॑⁠। अ॒न्वारो॑ह॒न्तीत्य॑नु—आरो॑हन्ति⁠। ऋ॒तुभिः॑ सव्ँवथ्स॒रम्⁠। ऋ॒तुभि॒रित्यृ॒तु—भिः॒⁠। स॒व्ँव॒थ्स॒रम् ते⁠। स॒व्ँव॒थ्स॒रमिति॑ सम्—व॒थ्स॒रम्⁠। ते स॑व्ँवथ्स॒रे⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व प्रति॑⁠। [१०] प्रति॑ तिष्ठन्ति⁠। ति॒ष्ठ॒न्ति॒ त्र॒य॒स्त्रि॒ꣳ॒शात्⁠। त्र॒य॒स्त्रि॒ꣳ॒शात् त्र॑यस्त्रि॒ꣳ॒शम्⁠। त्र॒य॒स्त्रि॒ꣳ॒शादिति॑ त्रयः—त्रि॒ꣳ॒शात्⁠। त्र॒य॒स्त्रि॒ꣳ॒शमुप॑⁠। त्र॒य॒स्त्रि॒ꣳ॒शमिति॑ त्रयः—त्रि॒ꣳ॒शम्⁠। उप॑ यन्ति⁠। य॒न्ति॒ य॒ज्ञस्य॑⁠। य॒ज्ञस्य॒ सन्त॑त्यै⁠। सन्त॑त्या॒ अथो᳚⁠। सन्त॑त्या॒ इति॒ सम्—त॒त्यै॒⁠। अथो᳚ प्र॒जाप॑तिः⁠। अथो॒ इत्यथो᳚⁠। प्र॒जाप॑ति॒र् वै⁠। प्र॒जाप॑ति॒रिति॑ प्र॒जा—प॒तिः॒⁠। वै त्र॑यस्त्रि॒ꣳ॒शः⁠। त्र॒य॒स्त्रि॒ꣳ॒शः प्र॒जाप॑तिम्⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। प्र॒जाप॑तिमे॒व⁠। प्र॒जाप॑ति॒मिति॑ प्र॒जा—प॒ति॒म्⁠। ए॒वा⁠। आ र॑भन्ते⁠। र॒भ॒न्ते॒ प्रति॑ष्ठित्यै⁠। प्रति॑ष्ठित्यै त्रिण॒वः⁠। प्रति॑ष्ठित्या॒ इति॒ प्रति॑—स्थि॒त्यै॒⁠। त्रि॒ण॒वो भ॑वति⁠। त्रि॒ण॒व इति॑ त्रि—न॒वः⁠। भ॒व॒ति॒ विजि॑त्यै⁠। विजि॑त्या एकवि॒ꣳ॒शः⁠। विजि॑त्या॒ इति॒ वि—जि॒त्यै॒⁠। ए॒क॒वि॒ꣳ॒शो भ॑वति⁠। ए॒क॒वि॒ꣳ॒श इत्ये॑क—वि॒ꣳ॒शः⁠। भ॒व॒ति॒ प्रति॑ष्ठित्यै⁠। प्रति॑ष्ठित्या॒ अथो᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अथो॒ रुच᳚म्⁠। अथो॒ इत्यथो᳚⁠। रुच॑मे॒व⁠। ए॒वात्मन्न्⁠। आ॒त्मन् द॑धते⁠। द॒ध॒ते॒ त्रि॒वृत्⁠। त्रि॒वृद॑ग्नि॒ष्टुत्⁠। त्रि॒वृदिति॑ त्रि—वृत्⁠। अ॒ग्नि॒ष्टुद् भ॑वति⁠। अ॒ग्नि॒ष्टुदित्य॑ग्नि—स्तुत्⁠। भ॒व॒ति॒ पा॒प्मान᳚म्⁠। पा॒प्मान॑मे॒व⁠। ए॒व तेन॑⁠। तेन॒ निः⁠। निर् द॑हन्ते⁠। द॒ह॒न्तेऽथो᳚⁠। अथो॒ तेजः॑⁠। अथो॒ इत्यथो᳚⁠। तेजो॒ वै⁠। वै त्रि॒वृत्⁠। त्रि॒वृत् तेजः॑⁠। त्रि॒वृदिति॑ त्रि—वृत्⁠। तेज॑ ए॒व⁠। ए॒वात्मन्न्⁠। आ॒त्मन् द॑धते⁠। द॒ध॒ते॒ प॒ञ्च॒द॒शः⁠। प॒ञ्च॒द॒श इ॑न्द्रस्तो॒मः⁠। प॒ञ्च॒द॒श इति॑ पञ्च—द॒शः⁠। इ॒न्द्र॒स्तो॒मो भ॑वति⁠। इ॒न्द्र॒स्तो॒म इती᳚न्द्र—स्तो॒मः⁠। भ॒व॒ती॒न्द्रि॒यम्⁠। इ॒न्द्रि॒यमे॒व⁠। ए॒वाव॑⁠। अव॑ रुन्धते⁠। [११] रु॒न्ध॒ते॒ स॒प्त॒द॒शः⁠। स॒प्त॒द॒शो भ॑वति⁠। स॒प्त॒द॒श इति॑ सप्त—द॒शः⁠। भ॒व॒त्य॒न्नाद्य॑स्य⁠। अ॒न्नाद्य॒स्याव॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्या॒ अथो᳚⁠। अव॑रुद्ध्या॒ इत्यव॑—रु॒द्ध्यै॒⁠। अथो॒ प्र⁠। अथो॒ इत्यथो᳚⁠। प्रैव⁠। ए॒व तेन॑⁠। तेन॑ जायन्ते⁠। जा॒य॒न्त॒ ए॒क॒वि॒ꣳ॒शः⁠। ए॒क॒वि॒ꣳ॒शो भ॑वति⁠। ए॒क॒वि॒ꣳ॒श इत्ये॑क—वि॒ꣳ॒शः⁠। भ॒व॒ति॒ प्रति॑ष्ठित्यै⁠। प्रति॑ष्ठित्या॒ अथो᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अथो॒ रुच᳚म्⁠। अथो॒ इत्यथो᳚⁠। रुच॑मे॒व⁠। ए॒वात्मन्न्⁠। आ॒त्मन् द॑धते⁠। द॒ध॒ते॒ च॒तु॒र्वि॒ꣳ॒शः⁠। च॒तु॒र्वि॒ꣳ॒शो भ॑वति⁠। च॒तु॒र्वि॒ꣳ॒श इति॑ चतुः—वि॒ꣳ॒शः⁠। भ॒व॒ति॒ चतु॑र्विꣳशतिः⁠। चतु॑र्विꣳशतिरर्द्धमा॒साः⁠। चतु॑र्विꣳशति॒रिति॒ चतुः॑—वि॒ꣳ॒श॒तिः॒⁠। अ॒र्द्ध॒मा॒साः स॑व्ँवथ्स॒रः⁠। अ॒र्द्ध॒मा॒सा इत्य॑र्द्ध—मा॒साः⁠। स॒व्ँव॒थ्स॒रः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠। स॒व्ँव॒थ्स॒रः सु॑व॒र्गः⁠। स॒व्ँव॒थ्स॒र इति॑ सम्—व॒थ्स॒रः⁠। सु॒व॒र्गो लो॒कः⁠। सु॒व॒र्ग इति॑ सुवः—गः⁠। लो॒कः स॑व्ँवथ्स॒रे⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व सु॑व॒र्गे⁠। सु॒व॒र्गे लो॒के⁠। सु॒व॒र्ग इति॑ सुवः—गे⁠। लो॒के प्रति॑⁠। प्रति॑ तिष्ठन्ति⁠। ति॒ष्ठ॒न्त्यथो᳚⁠। अथो॑ ए॒षः⁠। अथो॒ इत्यथो᳚⁠। ए॒ष वै⁠। वै वि॑षू॒वान्⁠। वि॒षू॒वान्‌वि॑षू॒वन्तः॑⁠। वि॒षू॒वानिति॑ विषु—वान्⁠। वि॒षू॒वन्तो॑ भवन्ति⁠। वि॒षू॒वन्त॒ इति॑ विषु—वन्तः॑⁠। भ॒व॒न्ति॒ ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑ ए॒ताः⁠। ए॒ता आस॑ते⁠। आस॑ते चतुर्वि॒ꣳ॒शात्⁠। च॒तु॒र्वि॒ꣳ॒शात् पृ॒ष्ठानि॑⁠। च॒तु॒र्वि॒ꣳ॒शादिति॑ चतुः—वि॒ꣳ॒शात्⁠। पृ॒ष्ठान्युप॑⁠। उप॑ यन्ति⁠। य॒न्ति॒ स॒व्ँव॒थ्स॒रे⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व प्र॑ति॒ष्ठाय॑⁠। प्र॒ति॒ष्ठाय॑ दे॒वताः᳚⁠। प्र॒ति॒ष्ठायेति॑ प्रति—स्थाय॑⁠। [१२] दे॒वता॑ अ॒भ्यारो॑हन्ति⁠। अ॒भ्यारो॑हन्ति त्रयस्त्रि॒ꣳ॒शात्⁠। अ॒भ्यारो॑ह॒न्तीत्य॑भि—आरो॑हन्ति⁠। त्र॒य॒स्त्रि॒ꣳ॒शात् त्र॑यस्त्रि॒ꣳ॒शम्⁠। त्र॒य॒स्त्रि॒ꣳ॒शादिति॑ त्रयः—त्रि॒ꣳ॒शात्⁠। त्र॒य॒स्त्रि॒ꣳ॒शमुप॑⁠। त्र॒य॒स्त्रि॒ꣳ॒शमिति॑ त्रयः—त्रि॒ꣳ॒शम्⁠। उप॑ यन्ति⁠। य॒न्ति॒ त्रय॑स्त्रिꣳशत्⁠। त्रय॑स्त्रिꣳश॒द् वै⁠। त्रय॑स्त्रिꣳश॒दिति॒ त्रयः॑—त्रि॒ꣳ॒श॒त्॒⁠। वै दे॒वताः᳚⁠। दे॒वता॑ दे॒वता॑सु⁠। दे॒वता᳚स्वे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ त्रि॒ण॒वः⁠। त्रि॒ण॒वो भ॑वति⁠। त्रि॒ण॒व इति॑ त्रि—न॒वः⁠। भ॒व॒ती॒मे⁠। इ॒मे वै⁠। वै लो॒काः⁠। लो॒कास्त्रि॑ण॒वः⁠। त्रि॒ण॒व ए॒षु⁠। त्रि॒ण॒व इति॑ त्रि—न॒वः⁠। ए॒ष्वे॑व⁠। ए॒व लो॒केषु॑⁠। लो॒केषु॒ प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ द्वौ⁠। द्वावे॑कवि॒ꣳ॒शौ⁠। ए॒क॒वि॒ꣳ॒शौ भ॑वतः⁠। ए॒क॒वि॒ꣳ॒शावित्ये॑क—वि॒ꣳ॒शौ⁠। भ॒व॒तः॒ प्रति॑ष्ठित्यै⁠। प्रति॑ष्ठित्या॒ अथो᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अथो॒ रुच᳚म्⁠। अथो॒ इत्यथो᳚⁠। रुच॑मे॒व⁠। ए॒वात्मन्न्⁠। आ॒त्मन् द॑धते⁠। द॒ध॒ते॒ ब॒हवः॑⁠। ब॒हवः॑ षोड॒शिनः॑⁠। षो॒ड॒शिनो॑ भवन्ति⁠। भ॒व॒न्ति॒ तस्मा᳚त्⁠। तस्मा᳚द् ब॒हवः॑⁠। ब॒हवः॑ प्र॒जासु॑⁠। प्र॒जासु॒ वृषा॑णः⁠। प्र॒जास्विति॑ प्र—जासु॑⁠। वृषा॑णो॒ यत्⁠। यदे॒ते⁠। ए॒ते स्तोमाः᳚⁠। स्तोमा॒ व्यति॑षक्ताः⁠। व्यति॑षक्ता॒ भव॑न्ति⁠। व्यति॑षक्ता॒ इति॑ वि—अति॑षक्ताः⁠। भव॑न्ति॒ तस्मा᳚त्⁠। तस्मा॑दि॒यम्⁠। इ॒यमोष॑धीभिः⁠। ओष॑धीभि॒र् वन॒स्पति॑भिः⁠। ओष॑धीभि॒रित्योष॑धि—भिः॒⁠। वन॒स्पति॑भि॒र् व्यति॑षक्ता⁠। वन॒स्पति॑भि॒रिति॒ वन॒स्पति॑—भिः॒⁠। व्यति॑षक्ता॒ व्यति॑षज्यन्ते⁠। व्यति॑ष॒क्तेति॑ वि—अति॑षक्ता⁠। [१३] व्यति॑षज्यन्ते प्र॒जया᳚⁠। व्यति॑षज्यन्त॒ इति॑ वि—अति॑षज्यन्ते⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभि॒र् ये⁠। प॒शुभि॒रिति॑ प॒शु—भिः॒⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑ ए॒ताः⁠। ए॒ता आस॑ते⁠। आस॒तेऽक्लृ॑प्ताः⁠। अक्लृ॑प्ता॒ वै⁠। वा ए॒ते⁠। ए॒ते सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्त्यु॒च्चा॒व॒चान्⁠। उ॒च्चा॒व॒चान्‌हि⁠। हि स्तोमा॑न्⁠। स्तोमा॑नुप॒यन्ति॑⁠। उ॒प॒यन्ति॒ यत्⁠। उ॒प॒यन्तीत्यु॑प—यन्ति॑⁠। यदे॒ते⁠। ए॒त ऊ॒र्द्ध्वाः⁠। ऊ॒र्द्ध्वाः क्लृ॒प्ताः⁠। क्लृ॒प्ताः स्तोमाः᳚⁠। स्तोमा॒ भव॑न्ति⁠। भव॑न्ति क्लृ॒प्ताः⁠। क्लृ॒प्ता ए॒व⁠। ए॒व सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्त्यु॒भयोः᳚⁠। उ॒भयो॑रेभ्यः⁠। ए॒भ्यो॒ लो॒कयोः᳚⁠। लो॒कयोः᳚ कल्पते⁠। क॒ल्प॒ते॒ त्रि॒ꣳ॒शत्⁠। त्रि॒ꣳ॒शदे॒ताः⁠। ए॒तास्त्रि॒ꣳ॒शद॑ख्‍षरा⁠। त्रि॒ꣳ॒शद॑ख्‍षरा वि॒राट्⁠। त्रि॒ꣳ॒शद॑ख्‍ष॒रेति॑ त्रि॒ꣳ॒शत्—अ॒ख्‍ष॒रा॒⁠। वि॒राडन्न᳚म्⁠। वि॒राडिति॑ वि—राट्⁠। अन्न॑व्ँवि॒राट्⁠। वि॒राड् वि॒राजा᳚⁠। वि॒राडिति॑ वि—राट्⁠। वि॒राजै॒व⁠। वि॒राजेति॑ वि—राजा᳚⁠। ए॒वान्नाद्य᳚म्⁠। अ॒न्नाद्य॒मव॑⁠। अ॒न्नाद्य॒मित्य॑न्न—अद्य᳚म्⁠। अव॑ रुन्धते⁠। रु॒न्ध॒ते॒ऽति॒रा॒त्रौ⁠। अ॒ति॒रा॒त्राव॒भितः॑⁠। अ॒ति॒रा॒त्रावित्य॑ति—रा॒त्रौ⁠। अ॒भितो॑ भवतः⁠। भ॒व॒तो॒ऽन्नाद्य॑स्य⁠। अ॒न्नाद्य॑स्य॒ परि॑गृहीत्यै⁠। अ॒न्नाद्य॒स्येत्य॑न्न—अद्य॑स्य⁠। परि॑गृहीत्या॒ इति॒ परि॑—गृ॒ही॒त्यै॒⁠॥ [१४] (ओष॑धीः सव्ँवथ्स॒र ए॒वा ऽव॑ प्रति॒ष्ठाय॒ व्यति॑ष॒क्त्यै का॒न्न प॑ञ्चा॒शच्च॑) ॥३॥
प्र॒जाप॑तिः सुव॒र्गम्⁠। प्र॒जाप॑ति॒रिति॑ प्र॒जा—प॒तिः॒⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमै᳚त्⁠। ऐ॒त् तम्⁠। तम् दे॒वाः⁠। दे॒वा येन॑येन⁠। येन॑येन॒ छन्द॑सा⁠। येन॑ये॒नेति॒ येन॑—ये॒न॒⁠। छन्द॒साऽनु॑⁠। अनु॒ प्र⁠। प्रायु॑ञ्जत⁠। अयु॑ञ्जत॒ तेन॑⁠। तेन॒ न⁠। नाप्नु॑वन्न्⁠। आ॒प्नु॒व॒न् ते⁠। त ए॒ताः⁠। ए॒ता द्वात्रि॑ꣳशतम्⁠। द्वात्रि॑ꣳशत॒ꣳ॒ रात्रीः᳚⁠। रात्री॑रपश्यन्न्⁠। अ॒प॒श्य॒न् द्वात्रि॑ꣳशदख्‍षरा⁠। द्वात्रि॑ꣳशदख्‍षराऽनु॒ष्टुक्⁠। द्वात्रि॑ꣳशदख्‍ष॒रेति॒ द्वात्रि॑ꣳशत्—अ॒ख्‍ष॒रा॒⁠। अ॒नु॒ष्टुगानु॑ष्टुभः⁠। अ॒नु॒ष्टुगित्य॑नु—स्तुक्⁠। आनु॑ष्टुभः प्र॒जाप॑तिः⁠। आनु॑ष्टुभ॒ इत्यानु॑—स्तु॒भः॒⁠। प्र॒जाप॑तिः॒ स्वेन॑⁠। प्र॒जाप॑ति॒रिति॑ प्र॒जा—प॒तिः॒⁠। स्वेनै॒व⁠। ए॒व छन्द॑सा⁠। छन्द॑सा प्र॒जाप॑तिम्⁠। प्र॒जाप॑तिमा॒प्त्वा⁠। प्र॒जाप॑ति॒मिति॑ प्र॒जा—प॒ति॒म्⁠। आ॒प्त्याऽभ्या॒रुह्य॑⁠। अ॒भ्या॒रुह्य॑ सुव॒र्गम्⁠। अ॒भ्या॒रुह्येत्य॑भि—आ॒रुह्य॑⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमा॑यन्न्⁠। आ॒य॒न्॒‌ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑ ए॒ताः⁠। ए॒ता आस॑ते⁠। आस॑ते॒ द्वात्रि॑ꣳशत्⁠। द्वात्रि॑ꣳशदे॒ताः⁠। ए॒ता द्वात्रि॑ꣳशदख्‍षरा⁠। द्वात्रि॑ꣳशदख्‍षराऽनु॒ष्टुक्⁠। द्वात्रि॑ꣳशदख्‍ष॒रेति॒ द्वात्रि॑ꣳशत्—अ॒ख्‍ष॒रा॒⁠। अ॒नु॒ष्टुगानु॑ष्टुभः⁠। अ॒नु॒ष्टुगित्य॑नु—स्तुक्⁠। आनु॑ष्टुभः प्र॒जाप॑तिः⁠। आनु॑ष्टुभ॒ इत्यानु॑—स्तु॒भः॒⁠। प्र॒जाप॑तिः॒ स्वेन॑⁠। प्र॒जाप॑ति॒रिति॑ प्र॒जा—प॒तिः॒⁠। स्वेनै॒व⁠। ए॒व छन्द॑सा⁠। छन्द॑सा प्र॒जाप॑तिम्⁠। प्र॒जाप॑तिमा॒प्त्वा⁠। प्र॒जाप॑ति॒मिति॑ प्र॒जा—प॒ति॒म्⁠। आ॒प्त्वा श्रिय᳚म्⁠। श्रिय॑म् गच्छन्ति⁠। ग॒च्छ॒न्ति॒ श्रीः⁠। [१५] श्रीर्‌हि⁠। हि म॑नु॒ष्य॑स्य⁠। म॒नु॒ष्य॑स्य सुव॒र्गः⁠। सु॒व॒र्गो लो॒कः⁠। सु॒व॒र्ग इति॑ सुवः—गः⁠। लो॒को द्वात्रि॑ꣳशत्⁠। द्वात्रि॑ꣳशदे॒ताः⁠। ए॒ता द्वात्रि॑ꣳशदख्‍षरा⁠। द्वात्रि॑ꣳशदख्‍षराऽनु॒ष्टुक्⁠। द्वात्रि॑ꣳशदख्‍ष॒रेति॒ द्वात्रि॑ꣳशत्—अ॒ख्‍ष॒रा॒⁠। अ॒नु॒ष्टुग् वाक्⁠। अ॒नु॒ष्टुगित्य॑नु—स्तुक्⁠। वाग॑नु॒ष्टुप्⁠। अ॒नु॒ष्टुफ् सर्वा᳚म्⁠। अ॒नु॒ष्टुबित्य॑नु—स्तुप्⁠। सर्वा॑मे॒व⁠। ए॒व वाच᳚म्⁠। वाच॑माप्नुवन्ति⁠। आ॒प्नु॒व॒न्ति॒ सर्वे᳚⁠। सर्वे॑ वा॒चः⁠। वा॒चो व॑दि॒तारः॑⁠। व॒दि॒तारो॑ भवन्ति⁠। भ॒व॒न्ति॒ सर्वे᳚⁠। सर्वे॒ हि⁠। हि श्रिय᳚म्⁠। श्रिय॒म् गच्छ॑न्ति⁠। गच्छ॑न्ति॒ ज्योतिः॑⁠। ज्योति॒र् गौः⁠। गौरायुः॑⁠। आयु॒रिति॑⁠। इति॑ त्र्य॒हाः⁠। त्र्य॒हा भ॑वन्ति⁠। त्र्य॒हा इति॑ त्रि—अ॒हाः⁠। भ॒व॒न्ती॒यम्⁠। इ॒यव्ँवाव⁠। वाव ज्योतिः॑⁠। ज्योति॑र॒न्तरि॑ख्‍षम्⁠। अ॒न्तरि॑ख्‍ष॒म् गौः⁠। गौर॒सौ⁠। अ॒सावायुः॑⁠। आयु॑रि॒मान्⁠। इ॒माने॒व⁠। ए॒व लो॒कान्⁠। लो॒कान॒भ्यारो॑हन्ति⁠। अ॒भ्यारो॑हन्त्यभिपू॒र्वम्⁠। अ॒भ्यारो॑ह॒न्तीत्य॑भि—आरो॑हन्ति⁠। अ॒भि॒पू॒र्वम् त्र्य॒हाः⁠। अ॒भि॒पू॒र्वमित्य॑भि—पू॒र्वम्⁠। त्र्य॒हा भ॑वन्ति⁠। त्र्य॒हा इति॑ त्रि—अ॒हाः⁠। भ॒व॒न्त्य॒भि॒पू॒र्वम्⁠। अ॒भि॒पू॒र्वमे॒व⁠। अ॒भि॒पू॒र्वमित्य॑भि—पू॒र्वम्⁠। ए॒व सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम॒भ्यारो॑हन्ति⁠। अ॒भ्यारो॑हन्ति बृहद्‍रथन्त॒राभ्या᳚म्⁠। अ॒भ्यारो॑ह॒न्तीत्य॑भि—आरो॑हन्ति⁠। बृ॒ह॒द्‍र॒थ॒न्त॒राभ्या᳚य्ँयन्ति⁠। बृ॒ह॒द्‍र॒थ॒न्त॒राभ्या॒मिति॑ बृहत्—र॒थ॒न्त॒राभ्या᳚म्⁠। य॒न्ती॒यम्⁠। [१६] इ॒यव्ँवाव⁠। वाव र॑थन्त॒रम्⁠। र॒थ॒न्त॒रम॒सौ⁠। र॒थ॒न्त॒रमिति॑ रथम्—त॒रम्⁠। अ॒सौ बृ॒हत्⁠। बृ॒हदा॒भ्याम्⁠। आ॒भ्यामे॒व⁠। ए॒व य॑न्ति⁠। य॒न्त्यथो᳚⁠। अथो॑ अ॒नयोः᳚⁠। अथो॒ इत्यथो᳚⁠। अ॒नयो॑रे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्त्ये॒ते⁠। ए॒ते वै⁠। ए॒ते इत्ये॒ते⁠। वै य॒ज्ञस्य॑⁠। य॒ज्ञस्या᳚ञ्ज॒साय॑नी⁠। अ॒ञ्ज॒साय॑नी स्रु॒ती⁠। अ॒ञ्ज॒साय॑नी॒ इत्य॑ञ्जसा—अय॑नी⁠। स्रु॒ती ताभ्या᳚म्⁠। स्रु॒ती इति॑ स्रु॒ती⁠। ताभ्या॑मे॒व⁠। ए॒व सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्ति॒ परा᳚ञ्चः⁠। परा᳚ञ्चो॒ वै⁠। वा ए॒ते⁠। ए॒ते सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम॒भ्यारो॑हन्ति⁠। अ॒भ्यारो॑हन्ति॒ ये⁠। अ॒भ्यारो॑ह॒न्तीत्य॑भि—आरो॑हन्ति⁠। ये परा॑चः⁠। परा॑चः त्र्य॒हान्⁠। त्र्य॒हानु॑प॒यन्ति॑⁠। त्र्य॒हानिति॑ त्रि—अ॒हान्⁠। उ॒प॒यन्ति॑ प्र॒त्यङ्‍ङ्⁠। उ॒प॒यन्तीत्यु॑प—यन्ति॑⁠। प्र॒त्यङ्‍ त्र्य॒हः⁠। त्र्य॒हो भ॑वति⁠। त्र्य॒ह इति॑ त्रि—अ॒हः⁠। भ॒व॒ति॒ प्र॒त्यव॑रूढ्‍यै⁠। प्र॒त्यव॑रूढ्‍या॒ अथो᳚⁠। प्र॒त्यव॑रूढ्‍या॒ इति॑ प्रति—अव॑रूढ्‍यै⁠। अथो॒ प्रति॑ष्ठित्यै⁠। अथो॒ इत्यथो᳚⁠। प्रति॑ष्ठित्या उ॒भयोः᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। उ॒भयो᳚र् लो॒कयोः᳚⁠। लो॒कयो॑र्‌ऋ॒द्ध्वा⁠। ऋ॒द्ध्वोत्⁠। उत् ति॑ष्ठन्ति⁠। ति॒ष्ठ॒न्ति॒ द्वात्रि॑ꣳशत्⁠। द्वात्रि॑ꣳशदे॒ताः⁠। ए॒तास्तासा᳚म्⁠। तासा॒य्ँयाः⁠। यास्त्रि॒ꣳ॒शत्⁠। त्रि॒ꣳ॒शत् त्रि॒ꣳ॒शद॑ख्‍षरा⁠। त्रि॒ꣳ॒शद॑ख्‍षरा वि॒राट्⁠। त्रि॒ꣳ॒शद॑ख्‍ष॒रेति॑ त्रि॒ꣳ॒शत्—अ॒ख्‍ष॒रा॒⁠। वि॒राडन्न᳚म्⁠। वि॒राडिति॑ वि—राट्⁠। अन्न॑व्ँवि॒राट्⁠। वि॒राड् वि॒राजा᳚⁠। वि॒राडिति॑ वि—राट्⁠। वि॒राजै॒व⁠। वि॒राजेति॑ वि—राजा᳚⁠। ए॒वाऽन्नाद्य᳚म्⁠। अ॒न्नाद्य॒मव॑⁠। अ॒न्नाद्य॒मित्य॑न्न—अद्य᳚म्⁠। अव॑ रुन्धते⁠। रु॒न्ध॒ते॒ ये⁠। ये द्वे⁠। ये इति॒ ये⁠। द्वे अ॑होरा॒त्रे⁠। द्वे इति॒ द्वे⁠। अ॒हो॒रा॒त्रे ए॒व⁠। अ॒हो॒रा॒त्रे इत्य॑हः—रा॒त्रे⁠। ए॒व ते⁠। ते उ॒भाभ्या᳚म्⁠। ते इति॒ ते⁠। उ॒भाभ्या॑ꣳ रू॒पाभ्या᳚म्⁠। रू॒पाभ्या॑ꣳ सुव॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्त्य॒ति॒रा॒त्रौ⁠। अ॒ति॒रा॒त्राव॒भितः॑⁠। अ॒ति॒रा॒त्रावित्य॑ति—रा॒त्रौ⁠। अ॒भितो॑ भवतः⁠। भ॒व॒तः॒ परि॑गृहीत्यै⁠। परि॑गृहीत्या॒ इति॒ परि॑—गृ॒ही॒त्यै॒⁠॥ [१७] (ग॒च्छ॒न्ति॒ य॒न्ति॒ त्रि॒ꣳ॒शद॑ख्‍षरा॒ द्वावि॑ꣳशतिश्च) ॥४॥
द्वे वाव⁠। द्वे इति॒ द्वे⁠। वाव दे॑वस॒त्रे⁠। दे॒व॒स॒त्रे द्वा॑दशा॒हः⁠। दे॒व॒स॒त्रे इति॑ देव—स॒त्रे⁠। द्वा॒द॒शा॒हश्च॑⁠। द्वा॒द॒शा॒ह इति॑ द्वादश—अ॒हः⁠। चै॒व⁠। ए॒व त्र॑यस्त्रिꣳशद॒हः⁠। त्र॒य॒स्त्रि॒ꣳ॒श॒द॒हश्च॑⁠। त्र॒य॒स्त्रि॒ꣳ॒श॒द॒ह इति॑ त्रयस्त्रिꣳशत्—अ॒हः⁠। च॒ ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑स्त्रयस्त्रिꣳशद॒हम्⁠। त्र॒य॒स्त्रि॒ꣳ॒श॒द॒हमास॑ते⁠। त्र॒य॒स्त्रि॒ꣳ॒श॒द॒हमिति॑ त्रयस्त्रिꣳशत्—अ॒हम्⁠। आस॑ते सा॒ख्‍षात्⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। ए॒व दे॒वताः᳚⁠। दे॒वता॑ अ॒भ्यारो॑हन्ति⁠। अ॒भ्यारो॑हन्ति॒ यथा᳚⁠। अ॒भ्यारो॑ह॒न्तीत्य॑भि—आरो॑हन्ति⁠। यथा॒ खलु॑⁠। खलु॒ वै⁠। वै श्रेया॑न्⁠। श्रेया॑न॒भ्यारू॑ढः⁠। अ॒भ्यारू॑ढः का॒मय॑ते⁠। अ॒भ्यारू॑ढ॒ इत्य॑भि—आरू॑ढः⁠। का॒मय॑ते॒ तथा᳚⁠। तथा॑ करोति⁠। क॒रो॒ति॒ यदि॑⁠। यद्य॑व॒विद्ध्य॑ति⁠। अ॒व॒विद्ध्य॑ति॒ पापी॑यान्⁠। अ॒व॒विद्ध्य॒तीत्य॑व—विद्ध्य॑ति⁠। पापी॑यान् भवति⁠। भ॒व॒ति॒ यदि॑⁠। यदि॒ न⁠। नाव॒विद्ध्य॑ति⁠। अ॒व॒विद्ध्य॑ति स॒दृङ्‍ङ्⁠। अ॒व॒विद्ध्य॒तीत्य॑व—विद्ध्य॑ति⁠। स॒दृङ्‍ ये⁠। स॒दृङ्ङिति॑ स—दृङ्‍⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑स्त्रयस्त्रिꣳशद॒हम्⁠। त्र॒य॒स्त्रि॒ꣳ॒श॒द॒हमास॑ते⁠। त्र॒य॒स्त्रि॒ꣳ॒श॒द॒हमिति॑ त्रयस्त्रिꣳशत्—अ॒हम्⁠। आस॑ते॒ वि⁠। वि पा॒प्मना᳚⁠। पा॒प्मना॒ भ्रातृ॑व्येण⁠। भ्रातृ॑व्ये॒णा⁠। आ व॑र्तन्ते⁠। व॒र्त॒न्ते॒ऽह॒र्भाजः॑⁠। अ॒ह॒र्भाजो॒ वै⁠। अ॒ह॒र्भाज॒ इत्य॑हः—भाजः॑⁠। वा ए॒ताः⁠। ए॒ता दे॒वाः⁠। दे॒वा अग्रे᳚⁠। अग्र॒ आ⁠। आऽह॑रन्न्⁠। अ॒ह॒र॒न्नहः॑⁠। [१८] अह॒रेकः॑⁠। एकोऽभ॑जत⁠। अभ॑ज॒ताहः॑⁠। अह॒रेकः॑⁠। एक॒स्ताभिः॑⁠। ताभि॒र् वै⁠। वै ते⁠। ते प्र॒बाहु॑क्⁠। प्र॒बाहु॑गार्द्ध्नुवन्न्⁠। प्र॒बाहु॒गिति॑ प्र—बाहु॑क्⁠। आ॒र्द्ध्नु॒व॒न्॒‌ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑स्त्रयस्त्रिꣳशद॒हम्⁠। त्र॒य॒स्त्रि॒ꣳ॒श॒द॒हमास॑ते⁠। त्र॒य॒स्त्रि॒ꣳ॒श॒द॒हमिति॑ त्रयस्त्रिꣳशत्—अ॒हम्⁠। आस॑ते॒ सर्वे᳚⁠। सर्व॑ ए॒व⁠। ए॒व प्र॒बाहु॑क्⁠। प्र॒बाहु॑गृद्ध्नुवन्ति⁠। प्र॒बाहु॒गिति॑ प्र—बाहु॑क्⁠। ऋ॒द्ध्नु॒व॒न्ति॒ सर्वे᳚⁠। सर्वे॒ ग्राम॑णीयम्⁠। ग्राम॑णीय॒म् प्र⁠। ग्राम॑णीय॒मिति॒ ग्राम॑—नी॒य॒म्⁠। प्राप्नु॑वन्ति⁠। आ॒प्नु॒व॒न्ति॒ प॒ञ्चा॒हाः⁠। प॒ञ्चा॒हा भ॑वन्ति⁠। प॒ञ्चा॒हा इति॑ पञ्च—अ॒हाः⁠। भ॒व॒न्ति॒ पञ्च॑⁠। पञ्च॒ वै⁠। वा ऋ॒तवः॑⁠। ऋ॒तवः॑ सव्ँवथ्स॒रः⁠। स॒व्ँव॒थ्स॒र ऋ॒तुषु॑⁠। स॒व्ँव॒थ्स॒र इति॑ सम्—व॒थ्स॒रः⁠। ऋ॒तुष्वे॒व⁠। ए॒व स॑व्ँवथ्स॒रे⁠। स॒व्ँव॒थ्स॒रे प्रति॑⁠। स॒व्ँव॒थ्स॒र इति॑ सम्—व॒थ्स॒रे⁠। प्रति॑ तिष्ठन्ति⁠। ति॒ष्ठ॒न्त्यथो᳚⁠। अथो॒ पञ्चा᳚ख्‍षरा⁠। अथो॒ इत्यथो᳚⁠। पञ्चा᳚ख्‍षरा प॒ङ्‍क्तिः⁠। पञ्चा᳚ख्‍ष॒रेति॒ पञ्च॑—अ॒ख्‍ष॒रा॒⁠। प॒ङ्‍क्तिः पाङ्‍क्तः॑⁠। पाङ्‍क्तो॑ य॒ज्ञः⁠। य॒ज्ञो य॒ज्ञम्⁠। य॒ज्ञमे॒व⁠। ए॒वाव॑⁠। अव॑ रुन्धते⁠। रु॒न्ध॒ते॒ त्रीणि॑⁠। त्रीण्या᳚श्वि॒नानि॑⁠। आ॒श्वि॒नानि॑ भवन्ति⁠। भ॒व॒न्ति॒ त्रयः॑⁠। त्रय॑ इ॒मे⁠। इ॒मे लो॒काः⁠। लो॒का ए॒षु⁠। ए॒ष्वे॑व⁠। [१९] ए॒व लो॒केषु॑⁠। लो॒केषु॒ प्रति॑⁠। प्रति॑ तिष्ठन्ति⁠। ति॒ष्ठ॒न्त्यथो᳚⁠। अथो॒ त्रीणि॑⁠। अथो॒ इत्यथो᳚⁠। त्रीणि॒ वै⁠। वै य॒ज्ञस्य॑⁠। य॒ज्ञस्ये᳚न्द्रि॒याणि॑⁠। इ॒न्द्रि॒याणि॒ तानि॑⁠। तान्ये॒व⁠। ए॒वाव॑⁠। अव॑ रुन्धते⁠। रु॒न्ध॒ते॒ वि॒श्व॒जित्⁠। वि॒श्व॒जिद् भ॑वति⁠। वि॒श्व॒जिदिति॑ विश्व—जित्⁠। भ॒व॒त्य॒न्नाद्य॑स्य⁠। अ॒न्नाद्य॒स्याव॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्यै॒ सर्व॑पृष्ठः⁠। अव॑रुद्ध्या॒ इत्यव॑—रु॒द्ध्यै॒⁠। सर्व॑पृष्ठो भवति⁠। सर्व॑पृष्ठ॒ इति॒ सर्व॑—पृ॒ष्ठः॒⁠। भ॒व॒ति॒ सर्व॑स्य⁠। सर्व॑स्या॒भिजि॑त्यै⁠। अ॒भिजि॑त्यै॒ वाक्⁠। अ॒भिजि॑त्या॒ इत्य॒भि—जि॒त्यै॒⁠। वाग् वै⁠। वै द्वा॑दशा॒हः⁠। द्वा॒द॒शा॒हो यत्⁠। द्वा॒द॒शा॒ह इति॑ द्वादश—अ॒हः⁠। यत् पु॒रस्ता᳚त्⁠। पु॒रस्ता᳚द् द्वादशा॒हम्⁠। द्वा॒द॒शा॒हमु॑पे॒युः⁠। द्वा॒द॒शा॒हमिति॑ द्वादश—अ॒हम्⁠। उ॒पे॒युरना᳚प्ताम्⁠। उ॒पे॒युरित्यु॑प—इ॒युः⁠। अना᳚प्ता॒व्ँवाच᳚म्⁠। वाच॒मुप॑⁠। उपे॑युः⁠। इ॒यु॒रु॒प॒दासु॑का⁠। उ॒प॒दासु॑कैषाम्⁠। उ॒प॒दासु॒केत्यु॑प—दासु॑का⁠। ए॒षा॒व्ँवाक्⁠। वाख् स्या᳚त्⁠। स्या॒दु॒परि॑ष्टात्⁠। उ॒परि॑ष्टाद् द्वादशा॒हम्⁠। द्वा॒द॒शा॒हमुप॑⁠। द्वा॒द॒शा॒हमिति॑ द्वादश—अ॒हम्⁠। उप॑ यन्ति⁠। य॒न्त्या॒प्ताम्⁠। आ॒प्तामे॒व⁠। ए॒व वाच᳚म्⁠। वाच॒मुप॑⁠। उप॑ यन्ति⁠। य॒न्ति॒ तस्मा᳚त्⁠। तस्मा॑दु॒परि॑ष्टात्⁠। उ॒परि॑ष्टाद् वा॒चा⁠। वा॒चा व॑दामः⁠। व॒दा॒मो॒ऽवा॒न्त॒रम्⁠। अ॒वा॒न्त॒रव्ँवै⁠। अ॒वा॒न्त॒रमित्य॑व—अ॒न्त॒रम्⁠। [२०] वै द॑शरा॒त्रेण॑⁠। द॒श॒रा॒त्रेण॑ प्र॒जाप॑तिः⁠। द॒श॒रा॒त्रेणेति॑ दश—रा॒त्रेण॑⁠। प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा अ॑सृजत⁠। प्र॒जा इति॑ प्र—जाः⁠। अ॒सृ॒ज॒त॒ यत्⁠। यद् द॑शरा॒त्रः⁠। द॒श॒रा॒त्रो भव॑ति⁠। द॒श॒रा॒त्र इति॑ दश—रा॒त्रः⁠। भव॑ति प्र॒जाः⁠। प्र॒जा ए॒व⁠। प्र॒जा इति॑ प्र—जाः⁠। ए॒व तत्⁠। तद् यज॑मानाः⁠। यज॑मानाः सृजन्ते⁠। सृ॒ज॒न्त॒ ए॒ताम्⁠। ए॒ताꣳ ह॑⁠। ह॒ वै⁠। वा उ॑द॒ङ्‍कः⁠। उ॒द॒ङ्‍कः शौ᳚ल्बाय॒नः⁠। शौ॒ल्बा॒य॒नः स॒त्रस्य॑⁠। स॒त्रस्यर्द्धि᳚म्⁠। ऋद्धि॑मुवाच⁠। उ॒वा॒च॒ यत्⁠। यद् द॑शरा॒त्रः⁠। द॒श॒रा॒त्रो यत्⁠। द॒श॒रा॒त्र इति॑ दश—रा॒त्रः⁠। यद् द॑शरा॒त्रः⁠। द॒श॒रा॒त्रो भव॑ति⁠। द॒श॒रा॒त्र इति॑ दश—रा॒त्रः⁠। भव॑ति स॒त्रस्य॑⁠। स॒त्रस्यर्द्ध्यै᳚⁠। ऋद्ध्या॒ अथो᳚⁠। अथो॒ यत्⁠। अथो॒ इत्यथो᳚⁠। यदे॒व⁠। ए॒व पूर्वे॑षु⁠। पूर्वे॒ष्वह॑स्सु⁠। अह॑स्सु॒ विलो॑म⁠। अह॒स्स्वित्यहः॑—सु॒⁠। विलो॑म क्रि॒यते᳚⁠। विलो॒मेति॒ वि—लो॒म॒⁠। क्रि॒यते॒ तस्य॑⁠। तस्यै॒व⁠। ए॒वैषा⁠। ए॒षा शान्तिः॑⁠। शान्ति॑र् द्व्यनी॒काः⁠। द्व्य॒नी॒का वै⁠। द्व्य॒नी॒का इति॑ द्वि—अ॒नी॒काः⁠। वा ए॒ताः⁠। ए॒ता रात्र॑यः⁠। रात्र॑यो॒ यज॑मानाः⁠। यज॑माना विश्व॒जित्⁠। वि॒श्व॒जिथ् स॒ह⁠। वि॒श्व॒जिदिति॑ विश्व—जित्⁠। स॒हाति॑रा॒त्रेण॑⁠। अ॒ति॒रा॒त्रेण॒ पूर्वाः᳚⁠। अ॒ति॒रा॒त्रेणेत्य॑ति—रा॒त्रेण॑⁠। पूर्वाः॒ षोड॑श⁠। षोड॑श स॒ह⁠। स॒हाति॑रा॒त्रेण॑⁠। अ॒ति॒रा॒त्रेणोत्त॑राः⁠। अ॒ति॒रा॒त्रेणेत्य॑ति—रा॒त्रेण॑⁠। उत्त॑राः॒ षोड॑श⁠। उत्त॑रा॒ इत्युत्—त॒राः॒⁠। षोड॑श॒ ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑स्त्रयस्त्रिꣳशद॒हम्⁠। त्र॒य॒स्त्रि॒ꣳ॒श॒द॒हमास॑ते⁠। त्र॒य॒स्त्रि॒ꣳ॒श॒द॒हमिति॑ त्रयस्त्रिꣳशत्—अ॒हम्⁠। आस॑त॒ आ⁠। ऐषा᳚म्⁠। ए॒षा॒म् द्व्य॒नी॒का⁠। द्व्य॒नी॒का प्र॒जाः⁠। द्व्य॒नी॒केति॑ द्वि—अ॒नी॒का⁠। प्र॒जा जा॑यते⁠। प्र॒जेति॑ प्र—जाः⁠। जा॒य॒ते॒ऽति॒रा॒त्रौ⁠। अ॒ति॒रा॒त्राव॒भितः॑⁠। अ॒ति॒रा॒त्रावित्य॑ति—रा॒त्रौ⁠। अ॒भितो॑ भवतः⁠। भ॒व॒तः॒ परि॑गृहीत्यै⁠। परि॑गृहीत्या॒ इति॒ परि॑—गृ॒ही॒त्यै॒⁠॥ [२१] (अ॒ह॒र॒ न्ने॒ष्व॑ वान्त॒रꣳ षोड॑श स॒ह स॒प्तद॑श च) ॥५॥
आ॒दि॒त्या अ॑कामयन्त⁠। अ॒का॒म॒य॒न्त॒ सु॒व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमि॑याम⁠। इ॒या॒मेति॑⁠। इति॒ ते⁠। ते सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम् न⁠। न प्र⁠। प्राजा॑नन्न्⁠। अ॒जा॒न॒न् न⁠। न सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमा॑यन्न्⁠। आ॒य॒न् ते⁠। त ए॒तम्⁠। ए॒तꣳ ष॑ट्त्रिꣳशद्‍रा॒त्रम्⁠। ष॒ट्त्रि॒ꣳ॒श॒द्‍रा॒त्रम॑पश्यन्न्⁠। ष॒ट्त्रि॒ꣳ॒श॒द्‍रा॒त्रमिति॑ षट्त्रिꣳशत्—रा॒त्रम्⁠। अ॒प॒श्य॒न् तम्⁠। तमा⁠। आऽह॑रन्न्⁠। अ॒ह॒र॒न् तेन॑⁠। तेना॑यजन्त⁠। अ॒य॒ज॒न्त॒ ततः॑⁠। ततो॒ वै⁠। वै ते⁠। ते सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम् प्र⁠। प्राजा॑नन्न्⁠। अ॒जा॒न॒न्थ् सु॒व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कमा॑यन्न्⁠। आ॒य॒न्॒‌ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳसः॑ षट्त्रिꣳशद्‍रा॒त्रम्⁠। ष॒ट्त्रि॒ꣳ॒श॒द्‍रा॒त्रमास॑ते⁠। ष॒ट्त्रि॒ꣳ॒श॒द्‍रा॒त्रमिति॑ षट्त्रिꣳशत्—रा॒त्रम्⁠। आस॑ते सुव॒र्गम्⁠। सु॒व॒र्गमे॒व⁠। सु॒व॒र्गमिति॑ सुवः—गम्⁠। ए॒व लो॒कम्⁠। लो॒कम् प्र⁠। प्र जा॑नन्ति⁠। जा॒न॒न्ति॒ सु॒व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्ति॒ ज्योतिः॑⁠। ज्योति॑रतिरा॒त्रः⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। [२२] भ॒व॒ति॒ ज्योतिः॑⁠। ज्योति॑रे॒व⁠। ए॒व पु॒रस्ता᳚त्⁠। पु॒रस्ता᳚द् दधते⁠। द॒ध॒ते॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्यानु॑ख्यात्यै⁠। अनु॑ख्यात्यै षड॒हाः⁠। अनु॑ख्यात्या॒ इत्यनु॑—ख्या॒त्यै॒⁠। ष॒ड॒हा भ॑वन्ति⁠। ष॒ड॒हा इति॑ षट्—अ॒हाः⁠। भ॒व॒न्ति॒ षट्⁠। षड् वै⁠। वा ऋ॒तवः॑⁠। ऋ॒तव॑ ऋ॒तुषु॑⁠। ऋ॒तुष्वे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ च॒त्वारः॑⁠। च॒त्वारो॑ भवन्ति⁠। भ॒व॒न्ति॒ चत॑स्रः⁠। चत॑स्रो॒ दिशः॑⁠। दिशो॑ दि॒ख्‍षु⁠। दि॒ख्‍ष्वे॑व⁠। ए॒व प्रति॑⁠। प्रति॑ तिष्ठ॒न्ति⁠। ति॒ष्ठ॒न्त्यस॑त्रम्⁠। अस॑त्र॒व्ँवै⁠। वा ए॒तत्⁠। ए॒तद् यत्⁠। यद॑छन्दो॒मम्⁠। अ॒छ॒न्दो॒मय्ँयत्⁠। अ॒छ॒न्दो॒ममित्य॑छन्दः—मम्⁠। यच् छ॑न्दो॒माः⁠। छ॒न्दो॒मा भव॑न्ति⁠। छ॒न्दो॒मा इति॑ छन्दः—माः⁠। भव॑न्ति॒ तेन॑⁠। तेन॑ स॒त्रम्⁠। स॒त्रम् दे॒वताः᳚⁠। दे॒वता॑ ए॒व⁠। ए॒व पृ॒ष्ठैः⁠। पृ॒ष्ठैरव॑⁠। अव॑ रुन्धते⁠। रु॒न्ध॒ते॒ प॒शून्⁠। प॒शून् छ॑न्दो॒मैः⁠। छ॒न्दो॒मैरोजः॑⁠। छ॒न्दो॒मैरिति॑ छन्दः—मैः⁠। ओजो॒ वै⁠। वै वी॒र्य᳚म्⁠। वी॒र्य॑म् पृ॒ष्ठानि॑⁠। पृ॒ष्ठानि॑ प॒शवः॑⁠। प॒शव॑श्छन्दो॒माः⁠। छ॒न्दो॒मा ओज॑सि⁠। छ॒न्दो॒मा इति॑ छन्दः—माः⁠। ओज॑स्ये॒व⁠। ए॒व वी॒र्ये᳚⁠। [२३] वी॒र्ये॑ प॒शुषु॑⁠। प॒शुषु॒ प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ ष॒ट्‌त्रि॒ꣳ॒श॒द्‍रा॒त्रः⁠। ष॒ट्‌त्रि॒ꣳ॒श॒द्‍रा॒त्रो भ॑वति⁠। ष॒ट्‌त्रि॒ꣳ॒श॒द्‌रा॒त्र इति॑ षट्‌त्रिꣳशत्—रा॒त्रः⁠। भ॒व॒ति॒ षट्‌त्रि॑ꣳशदख्‍षरा⁠। षट्‌त्रि॑ꣳशदख्‍षरा बृह॒ती⁠। षट्‌त्रि॑ꣳशदख्‍ष॒रेति॒ षट्त्रि॑ꣳशत्—अ॒ख्‍ष॒रा॒⁠। बृ॒ह॒ती बार्‌ह॑ताः⁠। बार्‌ह॑ताः प॒शवः॑⁠। प॒शवो॑ बृह॒त्या⁠। बृ॒ह॒त्यैव⁠। ए॒व प॒शून्⁠। प॒शूनव॑⁠। अव॑ रुन्धते⁠। रु॒न्ध॒ते॒ बृ॒ह॒ती⁠। बृ॒ह॒ती छन्द॑साम्⁠। छन्द॑सा॒ꣴ॒ स्वारा᳚ज्यम्⁠। स्वारा᳚ज्यमाश्ञुत⁠। स्वारा᳚ज्य॒मिति॒ स्व—रा॒ज्य॒म्⁠। आ॒श्ञु॒ता॒श्ञु॒वते᳚⁠। अ॒श्ञु॒वते॒ स्वारा᳚ज्यम्⁠। स्वारा᳚ज्य॒य्ँये⁠। स्वारा᳚ज्य॒मिति॒ स्व—रा॒ज्य॒म्⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳसः॑ षट्‌त्रिꣳशद्‍रा॒त्रम्⁠। ष॒ट्‌त्रि॒ꣳ॒श॒द्‍रा॒त्रमास॑ते⁠। ष॒ट्‌त्रि॒ꣳ॒श॒द्‍रा॒त्रमिति॑ षट्‌त्रिꣳशत्—रा॒त्रम्⁠। आस॑ते सुव॒र्गम्⁠। सु॒व॒र्गमे॒व⁠। सु॒व॒र्गमिति॑ सुवः—गम्⁠। ए॒व लो॒कम्⁠। लो॒कय्ँय॑न्ति⁠। य॒न्त्य॒ति॒रा॒त्रौ⁠। अ॒ति॒रा॒त्राव॒भितः॑⁠। अ॒ति॒रा॒त्रावित्य॑ति—रा॒त्रौ⁠। अ॒भितो॑ भवतः⁠। भ॒व॒तः॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्य॒ परि॑गृहीत्यै⁠। परि॑गृहीत्या॒ इति॒ परि॑—गृ॒ही॒त्यै॒⁠॥ [२४] (अ॒ति॒रा॒त्र ओज॑स्ये॒व षट्त्रि॑ꣳशच्च) ॥६॥
वसि॑ष्ठो ह॒तपु॑त्रः⁠। ह॒तपु॑त्रोऽकामयत⁠। ह॒तपु॑त्र॒ इति॑ ह॒त—पु॒त्रः॒⁠। अ॒का॒म॒य॒त॒ वि॒न्देय॑⁠। वि॒न्देय॑ प्र॒जाम्⁠। प्र॒जाम॒भि⁠। प्र॒जामिति॑ प्र—जाम्⁠। अ॒भि सौ॑दा॒सान्⁠। सौ॒दा॒सान् भ॑वेयम्⁠। भ॒वे॒य॒मिति॑⁠। इति॒ सः⁠। स ए॒तम्⁠। ए॒तमे॑कस्मान्नपञ्चा॒शम्⁠। ए॒क॒स्मा॒न्न॒प॒ञ्चा॒शम॑पश्यत्⁠। ए॒क॒स्मा॒न्न॒प॒ञ्चा॒शमित्ये॑कस्मात्—न॒प॒ञ्चा॒शम्⁠। अ॒प॒श्य॒त् तम्⁠। तमा⁠। आऽह॑रत्⁠। अ॒ह॒र॒त् तेन॑⁠। तेना॑यजत⁠। अ॒य॒ज॒त॒ ततः॑⁠। ततो॒ वै⁠। वै सः⁠। सोऽवि॑न्दत⁠। अवि॑न्दत प्र॒जाम्⁠। प्र॒जाम॒भि⁠। प्र॒जामिति॑ प्र—जाम्⁠। अ॒भि सौ॑दा॒सान्⁠। सौ॒दा॒सान॑भवत्⁠। अ॒भ॒व॒द् ये⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑ एकस्मान्नपञ्चा॒शम्⁠। ए॒क॒स्मा॒न्न॒प॒ञ्चा॒शमास॑ते⁠। ए॒क॒स्मा॒न्न॒प॒ञ्चा॒शमित्ये॑कस्मात्—न॒प॒ञ्चा॒शम्⁠। आस॑ते वि॒न्दन्ते᳚⁠। वि॒न्दन्ते᳚ प्र॒जाम्⁠। प्र॒जाम॒भि⁠। प्र॒जामिति॑ प्र—जाम्⁠। अ॒भि भ्रातृ॑व्यान्⁠। भ्रातृ॑व्यान् भवन्ति⁠। भ॒व॒न्ति॒ त्रयः॑⁠। त्रय॑स्त्रि॒वृतः॑⁠। त्रि॒वृतो᳚ऽग्निष्टो॒माः⁠। त्रि॒वृत॒ इति॑ त्रि—वृतः॑⁠। अ॒ग्नि॒ष्टो॒मा भ॑वन्ति⁠। अ॒ग्नि॒ष्टो॒मा इत्य॑ग्नि—स्तो॒माः⁠। भ॒व॒न्ति॒ वज्र॑स्य⁠। वज्र॑स्यै॒व⁠। ए॒व मुख᳚म्⁠। मुख॒ꣳ॒ सम्⁠। सꣴ श्य॑न्ति⁠। श्य॒न्ति॒ दश॑⁠। दश॑ पञ्चद॒शाः⁠। प॒ञ्च॒द॒शा भ॑वन्ति⁠। प॒ञ्च॒द॒शा इति॑ पञ्च—द॒शाः⁠। भ॒व॒न्ति॒ प॒ञ्च॒द॒शः⁠। प॒ञ्च॒द॒शो वज्रः॑⁠। प॒ञ्च॒द॒श इति॑ पञ्च—द॒शः⁠। वज्रो॒ वज्र᳚म्⁠। [२५] वज्र॑मे॒व⁠। ए॒व भ्रातृ॑व्येभ्यः⁠। भ्रातृ॑व्येभ्यः॒ प्र⁠। प्र ह॑रन्ति⁠। ह॒र॒न्ति॒ षो॒ड॒शि॒मत्⁠। षो॒ड॒शि॒मद् द॑श॒मम्⁠। षो॒ड॒शि॒मदिति॑ षोडशि—मत्⁠। द॒श॒ममहः॑⁠। अह॑र् भवति⁠। भ॒व॒ति॒ वज्रे᳚⁠। वज्र॑ ए॒व⁠। ए॒व वी॒र्य᳚म्⁠। वी॒र्य॑म् दधति⁠। द॒ध॒ति॒ द्वाद॑श⁠। द्वाद॑श सप्तद॒शाः⁠। स॒प्त॒द॒शा भ॑वन्ति⁠। स॒प्त॒द॒शा इति॑ सप्त—द॒शाः⁠। भ॒व॒न्त्य॒न्नाद्य॑स्य⁠। अ॒न्नाद्य॒स्याव॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्या॒ अथो᳚⁠। अव॑रुद्ध्या॒ इत्यव॑—रु॒द्ध्यै॒⁠। अथो॒ प्र⁠। अथो॒ इत्यथो᳚⁠। प्रैव⁠। ए॒व तैः⁠। तैर् जा॑यन्ते⁠। जा॒य॒न्ते॒ पृष्ठ्‍यः॑⁠। पृष्ठ्‍यः॑ षड॒हः⁠। ष॒ड॒हो भ॑वति⁠। ष॒ड॒ह इति॑ षट्—अ॒हः⁠। भ॒व॒ति॒ षट्⁠। षड् वै⁠। वा ऋ॒तवः॑⁠। ऋ॒तवः॒ षट्⁠। षट् पृ॒ष्ठानि॑⁠। पृ॒ष्ठानि॑ पृ॒ष्ठैः⁠। पृ॒ष्ठैरे॒व⁠। ए॒वर्तून्⁠। ऋ॒तून॒न्वारो॑हन्ति⁠। अ॒न्वारो॑हन्त्यृ॒तुभिः॑⁠। अ॒न्वारो॑ह॒न्तीत्य॑नु—आरो॑हन्ति⁠। ऋ॒तुभिः॑ सव्ँवथ्स॒रम्⁠। ऋ॒तुभि॒रित्यृ॒तु—भिः॒⁠। स॒व्ँव॒थ्स॒रम् ते⁠। स॒व्ँव॒थ्स॒रमिति॑ सम्—व॒थ्स॒रम्⁠। ते स॑व्ँवथ्स॒रे⁠। स॒व्ँव॒थ्स॒र ए॒व⁠। स॒व्ँव॒थ्स॒र इति॑ सम्—व॒थ्स॒रे⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ द्वाद॑श⁠। द्वाद॑शैकवि॒ꣳ॒शाः⁠। ए॒क॒वि॒ꣳ॒शा भ॑वन्ति⁠। ए॒क॒वि॒ꣳ॒शा इत्ये॑क—वि॒ꣳ॒शाः⁠। भ॒व॒न्ति॒ प्रति॑ष्ठित्यै⁠। प्रति॑ष्ठित्या॒ अथो᳚⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अथो॒ रुच᳚म्⁠। अथो॒ इत्यथो᳚⁠। रुच॑मे॒व⁠। ए॒वात्मन्न्⁠। आ॒त्मन् द॑धते⁠। [२६] द॒ध॒ते॒ ब॒हवः॑⁠। ब॒हवः॑ षोड॒शिनः॑⁠। षो॒ड॒शिनो॑ भवन्ति⁠। भ॒व॒न्ति॒ विजि॑त्यै⁠। विजि॑त्यै॒ षट्⁠। विजि॑त्या॒ इति॒ वि—जि॒त्यै॒⁠। षडा᳚श्वि॒नानि॑⁠। आ॒श्वि॒नानि॑ भवन्ति⁠। भ॒व॒न्ति॒ षट्⁠। षड् वै⁠। वा ऋ॒तवः॑⁠। ऋ॒तव॑ ऋ॒तुषु॑⁠। ऋ॒तुष्वे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्त्यू॒ना॒ति॒रि॒क्ताः⁠। ऊ॒ना॒ति॒रि॒क्ता वै⁠। ऊ॒ना॒ति॒रि॒क्ता इत्यू॑न—अ॒ति॒रि॒क्ताः⁠। वा ए॒ताः⁠। ए॒ता रात्र॑यः⁠। रात्र॑य ऊ॒नाः⁠। ऊ॒नास्तत्⁠। तद् यत्⁠। यदेक॑स्यै⁠। एक॑स्यै॒ न⁠। न प॑ञ्चा॒शत्⁠। प॒ञ्चा॒शदति॑रिक्ताः⁠। अति॑रिक्ता॒स्तत्⁠। अति॑रिक्ता॒ इत्यति॑—रि॒क्ताः॒⁠। तद् यत्⁠। यद् भूय॑सीः⁠। भूय॑सीर॒ष्टाच॑त्वारिꣳशतः⁠। अ॒ष्टाच॑त्वारिꣳशत ऊ॒नात्⁠। अ॒ष्टाच॑त्वारिꣳशत॒ इत्य॒ष्टा—च॒त्वा॒रि॒ꣳ॒श॒तः॒⁠। ऊ॒नाच् च॑⁠। च॒ खलु॑⁠। खलु॒ वै⁠। वा अति॑रिक्तात्⁠। अति॑रिक्ताच् च⁠। अति॑रिक्ता॒दित्यति॑—रि॒क्ता॒त्॒⁠। च॒ प्र॒जाप॑तिः⁠। प्र॒जाप॑तिः॒ प्र⁠। प्र॒जाप॑ति॒रिति॑ प्र॒जा—प॒तिः॒⁠। प्राजा॑यत⁠। अ॒जा॒य॒त॒ ये⁠। ये प्र॒जाका॑माः⁠। प्र॒जाका॑माः प॒शुका॑माः⁠। प्र॒जाका॑मा॒ इति॑ प्र॒जा—का॒माः॒⁠। प॒शुका॑माः॒ स्युः⁠। प॒शुका॑मा॒ इति॑ प॒शु—का॒माः॒⁠। स्युस्ते⁠। त ए॒ताः⁠। ए॒ता आ॑सीरन्न्⁠। आ॒सी॒र॒न् प्र⁠। प्रैव⁠। ए॒व जा॑यन्ते⁠। जा॒य॒न्ते॒ प्र॒जया᳚⁠। प्र॒जया॑ प॒शुभिः॑⁠। प्र॒जयेति॑ प्र—जया᳚⁠। प॒शुभि॑र् वैरा॒जः⁠। प॒शुभि॒रिति॑ प॒शु—भिः॒⁠। वै॒रा॒जो वै⁠। वा ए॒षः⁠। ए॒ष य॒ज्ञः⁠। य॒ज्ञो यत्⁠। यदे॑कस्मान्नपञ्चा॒शः⁠। ए॒क॒स्मा॒न्न॒प॒ञ्चा॒शो ये⁠। ए॒क॒स्मा॒न्न॒प॒ञ्चा॒श इत्ये॑कस्मात्—न॒प॒ञ्चा॒शः⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳस॑ एकस्मान्नपञ्चा॒शम्⁠। ए॒क॒स्मा॒न्न॒प॒ञ्चा॒शमास॑ते⁠। ए॒क॒स्मा॒न्न॒प॒ञ्चा॒शमित्ये॑कस्मात्—न॒प॒ञ्चा॒शम्⁠। आस॑ते वि॒राज᳚म्⁠। वि॒राज॑मे॒व⁠। वि॒राज॒मिति॑ वि—राज᳚म्⁠। ए॒व ग॑च्छन्ति⁠। ग॒च्छ॒न्त्य॒न्ना॒दाः⁠। अ॒न्ना॒दा भ॑वन्ति⁠। अ॒न्ना॒दा इत्य॑न्न—अ॒दाः⁠। भ॒व॒न्त्य॒ति॒रा॒त्रौ⁠। अ॒ति॒रा॒त्राव॒भितः॑⁠। अ॒ति॒रा॒त्रावित्य॑ति—रा॒त्रौ⁠। अ॒भितो॑ भवतः⁠। भ॒व॒तो॒ऽन्नाद्य॑स्य⁠। अ॒न्नाद्य॑स्य॒ परि॑गृहीत्यै⁠। अ॒न्नाद्य॒स्येत्य॑न्न—अद्य॑स्य⁠। परि॑गृहीत्या॒ इति॒ परि॑—गृ॒ही॒त्यै॒⁠॥ [२७] (वज्र॑ आ॒त्मन् प्र॒जया॒ द्वावि॑ꣳशतिश्च) ॥७॥
स॒व्ँव॒थ्स॒राय॑ दीख्‍षि॒ष्यमा॑णाः⁠। स॒व्ँव॒थ्स॒रायेति॑ सम्—व॒थ्स॒राय॑⁠। दी॒ख्‍षि॒ष्यमा॑णा एकाष्ट॒काया᳚म्⁠। ए॒का॒ष्ट॒काया᳚म् दीख्‍षेरन्न्⁠। ए॒का॒ष्ट॒काया॒मित्ये॑क—अ॒ष्ट॒काया᳚म्⁠। दी॒ख्‍षे॒र॒न्ने॒षा⁠। ए॒षा वै⁠। वै स॑व्ँवथ्स॒रस्य॑⁠। स॒व्ँव॒थ्स॒रस्य॒ पत्नी᳚⁠। स॒व्ँव॒थ्स॒रस्ये॑ति सम्—व॒थ्स॒रस्य॑⁠। पत्नी॒ यत्⁠। यदे॑काष्ट॒का⁠। ए॒का॒ष्ट॒कैतस्या᳚म्⁠। ए॒का॒ष्ट॒केत्ये॑क—अ॒ष्ट॒का⁠। ए॒तस्या॒व्ँवै⁠। वा ए॒षः⁠। ए॒ष ए॒ताम्⁠। ए॒ताꣳ रात्रि᳚म्⁠। रात्रि॑व्ँवसति⁠। व॒स॒ति॒ सा॒ख्‍षात्⁠। सा॒ख्‍षादे॒व⁠। सा॒ख्‍षादिति॑ स—अ॒ख्‍षात्⁠। ए॒व स॑व्ँवथ्स॒रम्⁠। स॒व्ँव॒थ्स॒रमा॒रभ्य॑⁠। स॒व्ँव॒थ्स॒रमिति॑ सम्—व॒थ्स॒रम्⁠। आ॒रभ्य॑ दीख्‍षन्ते⁠। आ॒रभ्येत्या᳚—रभ्य॑⁠। दी॒ख्‍ष॒न्त॒ आर्त᳚म्⁠। आर्त॒व्ँवै⁠। वा ए॒ते⁠। ए॒ते स॑व्ँवथ्स॒रस्य॑⁠। स॒व्ँव॒थ्स॒रस्या॒भि⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। अ॒भि दी᳚ख्‍षन्ते⁠। दी॒ख्‍ष॒न्ते॒ ये⁠। य ए॑काष्ट॒काया᳚म्⁠। ए॒का॒ष्ट॒काया॒म् दीख्‍ष॑न्ते⁠। ए॒का॒ष्ट॒काया॒मित्ये॑क—अ॒ष्ट॒काया᳚म्⁠। दीख्‍ष॒न्तेऽन्त॑नामानौ⁠। अन्त॑नामनावृ॒तू⁠। अन्त॑नामाना॒वित्यन्त॑—ना॒मा॒नौ॒⁠। ऋ॒तू भ॑वतः⁠। ऋ॒तू इत्यृ॒तू⁠। भ॒व॒तो॒ व्य॑स्तम्⁠। व्य॑स्त॒व्ँवै⁠। व्य॑स्त॒मिति॒ वि—अ॒स्त॒म्⁠। वा ए॒ते⁠। ए॒ते स॑व्ँवथ्स॒रस्य॑⁠। स॒व्ँव॒थ्स॒रस्या॒भि⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। अ॒भि दी᳚ख्‍षन्ते⁠। दी॒ख्‍ष॒न्ते॒ ये⁠। य ए॑काष्ट॒काया᳚म्⁠। ए॒का॒ष्ट॒काया॒म् दीख्‍ष॑न्ते⁠। ए॒का॒ष्टा॒काया॒मित्ये॑क—अ॒ष्ट॒काया᳚म्⁠। दीख्‍ष॒न्तेऽन्त॑नामानौ⁠। अन्त॑नामानावृ॒तू⁠। अन्त॑नामाना॒वित्य॑न्त—ना॒मा॒नौ॒⁠। ऋ॒तू भ॑वतः⁠। ऋ॒तू इत्यृ॒तू⁠। भ॒व॒तः॒ फ॒ल्गु॒नी॒पू॒र्ण॒मा॒से⁠। फ॒ल्गु॒नी॒पू॒र्ण॒मा॒से दी᳚ख्‍षेरन्न्⁠। फ॒ल्गु॒नी॒पू॒र्ण॒मा॒स इति॑ फल्गुनी—पू॒र्ण॒मा॒से⁠। दी॒ख्‍षे॒र॒न् मुख᳚म्⁠। मुख॒व्ँवै⁠। वा ए॒तत्⁠। ए॒तथ् स॑व्ँवथ्स॒रस्य॑⁠। [२८] स॒व्ँव॒थ्स॒रस्य॒ यत्⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। यत् फ॑ल्गुनीपूर्णमा॒सः⁠। फ॒ल्गु॒नी॒पू॒र्ण॒मा॒सो मु॑ख॒तः⁠। फ॒ल्गु॒नी॒पू॒र्ण॒मा॒स इति॑ फल्गुनी—पू॒र्ण॒मा॒सः⁠। मु॒ख॒त ए॒व⁠। ए॒व स॑व्ँवथ्स॒रम्⁠। स॒व्ँव॒थ्स॒रमा॒रभ्य॑⁠। स॒व्ँव॒थ्स॒रमिति॑ सम्—व॒थ्स॒रम्⁠। आ॒रभ्य॑ दीख्‍षन्ते⁠। आ॒रभ्येत्या᳚—रभ्य॑⁠। दी॒ख्‍ष॒न्ते॒ तस्य॑⁠। तस्यैका᳚⁠। एकै॒व⁠। ए॒व नि॒र्या⁠। नि॒र्या यत्⁠। नि॒र्येति॑ निः—या⁠। यथ् साम्मे᳚घ्ये⁠। साम्मे᳚घ्ये विषू॒वान्⁠। साम्मे᳚घ्य॒ इति॒ साम्—मे॒घ्ये॒⁠। वि॒षू॒वान्थ् स॒म्पद्य॑ते⁠। वि॒षू॒वानिति॑ विषु—वान्⁠। स॒म्पद्य॑ते चित्रापूर्णमा॒से⁠। स॒म्पद्य॑त॒ इति॑ सम्—पद्य॑ते⁠। चि॒त्रा॒पू॒र्ण॒मा॒से दी᳚ख्‍षेरन्न्⁠। चि॒त्रा॒पू॒र्ण॒मा॒स इति॑ चित्रा—पू॒र्ण॒मा॒से⁠। दी॒ख्‍षे॒र॒न् मुख᳚म्⁠। मुख॒व्ँवै⁠। वा ए॒तत्⁠। ए॒तथ् स॑व्ँवथ्स॒रस्य॑⁠। स॒व्ँव॒थ्स॒रस्य॒ यत्⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। यच् चि॑त्रापूर्णमा॒सः⁠। चि॒त्रा॒पू॒र्ण॒मा॒सो मु॑ख॒तः⁠। चि॒त्रा॒पू॒र्ण॒मा॒स इति॑ चित्रा—पू॒र्ण॒मा॒सः⁠। मु॒ख॒त ए॒व⁠। ए॒व स॑व्ँवथ्स॒रम्⁠। स॒व्ँव॒थ्स॒रमा॒रभ्य॑⁠। स॒व्ँव॒थ्स॒रमिति॑ सम्—व॒थ्स॒रम्⁠। आ॒रभ्य॑ दीख्‍षन्ते⁠। आ॒रभ्येत्या᳚—रभ्य॑⁠। दी॒ख्‍ष॒न्ते॒ तस्य॑⁠। तस्य॒ न⁠। न का⁠। का च॒न⁠। च॒न नि॒र्या⁠। नि॒र्या भ॑वति⁠। नि॒र्येति॑ निः—या⁠। भ॒व॒ति॒ च॒तु॒र॒हे⁠। च॒तु॒र॒हे पु॒रस्ता᳚त्⁠। च॒तु॒र॒ह इति॑ चतुः—अ॒हे⁠। पु॒रस्ता᳚त् पौर्णमा॒स्यै⁠। पौ॒र्ण॒मा॒स्यै दी᳚ख्‍षेरन्न्⁠। पौ॒र्ण॒मा॒स्या इति॑ पौर्ण—मा॒स्यै⁠। दी॒ख्‍षे॒र॒न् तेषा᳚म्⁠। तेषा॑मेकाष्ट॒काया᳚म्⁠। ए॒का॒ष्ट॒काया᳚म् क्र॒यः⁠। ए॒का॒ष्ट॒काया॒मित्ये॑क—अ॒ष्ट॒काया᳚म्⁠। क्र॒यः सम्⁠। सम् प॑द्यते⁠। प॒द्य॒ते॒ तेन॑⁠। तेनै॑काष्ट॒काम्⁠। ए॒का॒ष्ट॒काम् न⁠। ए॒का॒ष्ट॒कामित्ये॑क—अ॒ष्ट॒काम्⁠। न छ॒म्बट्⁠। छ॒म्बट् कु॑र्वन्ति⁠। कु॒र्व॒न्ति॒ तेषा᳚म्⁠। तेषा᳚म् पूर्वप॒ख्‍षे⁠। [२९] पू॒र्व॒प॒ख्‍षे सु॒त्या⁠। पू॒र्व॒प॒ख्‍ष इति॑ पूर्व—प॒ख्‍षे⁠। सु॒त्या सम्⁠। सम् प॑द्यते⁠। प॒द्य॒ते॒ पू॒र्व॒प॒ख्‍षम्⁠। पू॒र्व॒प॒ख्‍षम् मासाः᳚⁠। पू॒र्व॒प॒ख्‍षमिति॑ पूर्व—प॒ख्‍षम्⁠। मासा॑ अ॒भि⁠। अ॒भि सम्⁠। सम् प॑द्यन्ते⁠। प॒द्य॒न्ते॒ ते⁠। ते पू᳚र्वप॒ख्‍षे⁠। पू॒र्व॒प॒ख्‍ष उत्⁠। पू॒र्व॒प॒ख्‍ष इति॑ पूर्व—प॒ख्‍षे⁠। उत् ति॑ष्ठन्ति⁠। ति॒ष्ठ॒न्ति॒ तान्⁠। तानु॒त्तिष्ठ॑तः⁠। उ॒त्तिष्ठ॑त॒ ओष॑धयः⁠। उ॒त्तिष्ठ॑त॒ इत्यु॑त्—तिष्ठ॑तः⁠। ओष॑धयो॒ वन॒स्पत॑यः⁠। वन॒स्पत॒योऽनु॑⁠। अनूत्⁠। उत् ति॑ष्ठन्ति⁠। ति॒ष्ठ॒न्ति॒ तान्⁠। तान् क॑ल्या॒णी⁠। क॒ल्या॒णी की॒र्तिः⁠। की॒र्तिरनु॑⁠। अनूत्⁠। उत् ति॑ष्ठति⁠। ति॒ष्ठ॒त्यरा᳚थ्सुः⁠। अरा᳚थ्सुरि॒मे⁠। इ॒मे यज॑मानाः⁠। यज॑माना॒ इति॑⁠। इति॒ तत्⁠। तदनु॑⁠। अनु॒ सर्वे᳚⁠। सर्वे॑ राद्ध्नुवन्ति⁠। रा॒द्ध्नु॒व॒न्तीति॑ राद्ध्नुवन्ति⁠॥ [३०] (ए॒त च्छं॒बट्कु॑र्वन्ति॒ तेषां॒ चतु॑स्त्रिꣳशच्च) ॥८॥
सु॒व॒र्गव्ँवै⁠। सु॒व॒र्गमिति॑ सुवः—गम्⁠। वा ए॒ते⁠। ए॒ते लो॒कम्⁠। लो॒कय्ँय॑न्ति⁠। य॒न्ति॒ ये⁠। ये स॒त्रम्⁠। स॒त्रमु॑प॒यन्ति॑⁠। उ॒प॒यन्त्य॒भि⁠। उ॒प॒यन्तीत्यु॑प—यन्ति॑⁠। अ॒भीन्ध॑ते⁠। इ॒न्ध॒त॒ ए॒व⁠। ए॒व दी॒ख्‍षाभिः॑⁠। दी॒ख्‍षाभि॑रा॒त्मान᳚म्⁠। आ॒त्मान॑ꣴ श्रपयन्ते⁠। श्र॒प॒य॒न्त॒ उ॒प॒सद्‍भिः॑⁠। उ॒प॒सद्‍भि॒र् द्वाभ्या᳚म्⁠। उ॒प॒सद्भि॒रित्यु॑प॒सत्—भिः॒⁠। द्वाभ्या॒ल्ँलोम॑⁠। लोमाव॑⁠। अव॑ द्यन्ति⁠। द्य॒न्ति॒ द्वाभ्या᳚म्⁠। द्वाभ्या॒म् त्वच᳚म्⁠। त्वच॒म् द्वाभ्या᳚म्⁠। द्वाभ्या॒मसृ॑त्⁠। असृ॒द् द्वाभ्या᳚म्⁠। द्वाभ्या᳚म् मा॒ꣳ॒सम्⁠। मा॒ꣳ॒सम् द्वाभ्या᳚म्⁠। द्वाभ्या॒मस्थि॑⁠। अस्थि॒ द्वाभ्या᳚म्⁠। द्वाभ्या᳚म् म॒ज्जान᳚म्⁠। म॒ज्जान॑मा॒त्मद॑ख्‍षिणम्⁠। आ॒त्मद॑ख्‍षिण॒व्ँवै⁠। आ॒त्मद॑ख्‍षिण॒मित्या॒त्म—द॒ख्‍षि॒ण॒म्⁠। वै स॒त्रम्⁠। स॒त्रमा॒त्मान᳚म्⁠। आ॒त्मान॑मे॒व⁠। ए॒व दख्‍षि॑णाम्⁠। दख्‍षि॑णाम् नी॒त्वा⁠। नी॒त्वा सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्ति॒ शिखा᳚म्⁠। शिखा॒मनु॑⁠। अनु॒ प्र⁠। प्र व॑पन्ते⁠। व॒प॒न्त॒ ऋद्ध्यै᳚⁠। ऋद्ध्या॒ अथो᳚⁠। अथो॒ रघी॑याꣳसः⁠। अथो॒ इत्यथो᳚⁠। रघी॑याꣳसः सुव॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम॑याम⁠। अ॒या॒मेति॑⁠। इतीतीति॑⁠॥ [३१] (सु॒व॒र्गं प॑ञ्चा॒शत्) ॥९॥
ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्त्य॒ति॒रा॒त्रः⁠। अ॒ति॒रा॒त्रः प॑र॒मः⁠। अ॒ति॒रा॒त्र इत्य॑ति—रा॒त्रः⁠। प॒र॒मो य॑ज्ञक्रतू॒नाम्⁠। य॒ज्ञ॒क्र॒तू॒नाम् कस्मा᳚त्⁠। य॒ज्ञ॒क्र॒तू॒नामिति॑ यज्ञ—क्र॒तू॒नाम्⁠। कस्मा॒त् तम्⁠। तम् प्र॑थ॒मम्⁠। प्र॒थ॒ममुप॑⁠। उप॑ यन्ति⁠। य॒न्तीति॑⁠। इत्ये॒तत्⁠। ए॒तद् वै⁠। वा अ॑ग्निष्टो॒मम्⁠। अ॒ग्नि॒ष्टो॒मम् प्र॑थ॒मम्⁠। अ॒ग्नि॒ष्टो॒ममित्य॑ग्नि—स्तो॒मम्⁠। प्र॒थ॒ममुप॑⁠। उप॑ यन्ति⁠। य॒न्त्यथ॑⁠। अथो॒क्थ्य᳚म्⁠। उ॒क्थ्य॑मथ॑⁠। अथ॑ षोड॒शिन᳚म्⁠। षो॒ड॒शिन॒मथ॑⁠। अथा॑तिरा॒त्रम्⁠। अ॒ति॒रा॒त्रम॑नुपू॒र्वम्⁠। अ॒ति॒रा॒त्रमित्य॑ति—रा॒त्रम्⁠। अ॒नु॒पू॒र्वमे॒व⁠। अ॒नु॒पू॒र्वमित्य॑नु—पू॒र्वम्⁠। ए॒वैतत्⁠। ए॒तद् य॑ज्ञक्र॒तून्⁠। य॒ज्ञ॒क्र॒तूनु॒पेत्य॑⁠। य॒ज्ञ॒क्र॒तूनिति॑ यज्ञ—क्र॒तून्⁠। उ॒पेत्य॒ तान्⁠। उ॒पेत्येत्यु॑प—इत्य॑⁠। ताना॒लभ्य॑⁠। आ॒लभ्य॑ परि॒गृह्य॑⁠। आ॒लभ्येत्या᳚—लभ्य॑⁠। प॒रि॒गृह्य॒ सोम᳚म्⁠। प॒रि॒गृह्येति॑ परि—गृह्य॑⁠। सोम॑मे॒व⁠। ए॒वैतत्⁠। ए॒तत् पिब॑न्तः⁠। पिब॑न्त आसते⁠। आ॒स॒ते॒ ज्योति॑ष्टोमम्⁠। ज्योति॑ष्टोमम् प्रथ॒मम्⁠। ज्योति॑ष्टोम॒मिति॒ ज्योतिः॑—स्तो॒म॒म्⁠। प्र॒थ॒ममुप॑⁠। उप॑ यन्ति⁠। य॒न्ति॒ ज्योति॑ष्टोमः⁠। ज्योति॑ष्टोमो॒ वै⁠। ज्योति॑ष्टोम॒ इति॒ ज्योतिः॑—स्तो॒मः॒⁠। वै स्तोमा॑नाम्⁠। स्तोमा॑ना॒म् मुख᳚म्⁠। मुख॑म् मुख॒तः⁠। मु॒ख॒त ए॒व⁠। ए॒व स्तोमा॑न्⁠। स्तोमा॒न् प्र⁠। प्र यु॑ञ्जते⁠। यु॒ञ्ज॒ते॒ ते⁠। ते सꣴस्तु॑ताः⁠। [३२] सꣴस्तु॑ता वि॒राज᳚म्⁠। सꣴस्तु॑ता॒ इति॒ सम्—स्तु॒ताः॒⁠। वि॒राज॑म॒भि⁠। वि॒राज॒मिति॑ वि—राज᳚म्⁠। अ॒भि सम्⁠। सम् प॑द्यन्ते⁠। प॒द्य॒न्ते॒ द्वे⁠। द्वे च॑⁠। द्वे इति॒ द्वे⁠। चर्चौ᳚⁠। ऋचा॒वति॑⁠। अति॑ रिच्येते⁠। रि॒च्ये॒ते॒ एक॑या⁠। रि॒च्ये॒ते॒ इति॑ रिच्येते⁠। एक॑या॒ गौः⁠। गौरति॑रिक्तः⁠। अति॑रिक्त॒ एक॑या⁠। अति॑रिक्त॒ इत्यति॑—रि॒क्तः॒⁠। एक॒याऽऽयुः॑⁠। आयु॑रू॒नः⁠। ऊ॒नः सु॑व॒र्गः⁠। सु॒व॒र्गो वै⁠। सु॒व॒र्ग इति॑ सुवः—गः⁠। वै लो॒कः⁠। लो॒को ज्योतिः॑⁠। ज्योति॒रूर्क्⁠। ऊर्ग् वि॒राट्⁠। वि॒राट्थ् सु॑व॒र्गम्⁠। वि॒राडिति॑ वि—राट्⁠। सु॒व॒र्गमे॒व⁠। सु॒व॒र्गमिति॑ सुवः—गम्⁠। ए॒व तेन॑⁠। तेन॑ लो॒कम्⁠। लो॒कय्ँय॑न्ति⁠। य॒न्ति॒ र॒थ॒न्त॒रम्⁠। र॒थ॒न्त॒रम् दिवा᳚⁠। र॒थ॒न्त॒रमिति॑ रथम्—त॒रम्⁠। दिवा॒ भव॑ति⁠। भव॑ति रथन्त॒रम्⁠। र॒थ॒न्त॒रम् नक्त᳚म्⁠। र॒थ॒न्त॒रमिति॑ रथम्—त॒रम्⁠। नक्त॒मिति॑⁠। इत्या॑हुः⁠। आ॒हु॒र् ब्र॒ह्म॒वा॒दिनः॑⁠। ब्र॒ह्म॒वा॒दिनः॒ केन॑⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। केन॒ तत्⁠। तदजा॑मि⁠। अजा॒मीति॑⁠। इति॑ सौभ॒रम्⁠। सौ॒भ॒रम् तृ॑तीयसव॒ने⁠। तृ॒ती॒य॒स॒व॒ने ब्र॑ह्मसा॒मम्⁠। तृ॒ती॒य॒स॒व॒न इति॑ तृतीय—स॒व॒ने⁠। ब्र॒ह्म॒सा॒मम् बृ॒हत्⁠। ब्र॒ह्म॒सा॒ममिति॑ ब्रह्म—सा॒मम्⁠। बृ॒हत् तत्⁠। तन् म॑द्ध्य॒तः⁠। म॒द्ध्य॒तो द॑धति⁠। द॒ध॒ति॒ विधृ॑त्यै⁠। विधृ॑त्यै॒ तेन॑⁠। विधृ॑त्या॒ इति॒ वि—धृ॒त्यै॒⁠। तेनाजा॑मि⁠। अजा॒मीत्यजा॑मि⁠॥ [३३] (त एका॒न्न प॑ञ्चा॒शच्च॑) ॥१०॥
ज्योति॑ष्टोमम् प्रथ॒मम्⁠। ज्योति॑ष्टोम॒मिति॒ ज्योतिः॑—स्तो॒म॒म्⁠। प्र॒थ॒ममुप॑⁠। उप॑ यन्ति⁠। य॒न्त्य॒स्मिन्न्⁠। अ॒स्मिन्ने॒व⁠। ए॒व तेन॑⁠। तेन॑ लो॒के⁠। लो॒के प्रति॑⁠। प्रति॑ तिष्ठन्ति⁠। ति॒ष्ठ॒न्ति॒ गोष्टो॑मम्⁠। गोष्टो॑मम् द्वि॒तीय᳚म्⁠। गोष्टो॑म॒मिति॒ गो—स्तो॒म॒म्⁠। द्वि॒तीय॒मुप॑⁠। उप॑ यन्ति⁠। य॒न्त्य॒न्तरि॑ख्‍षे⁠। अ॒न्तरि॑ख्‍ष ए॒व⁠। ए॒व तेन॑⁠। तेन॒ प्रति॑⁠। प्रति॑ तिष्ठन्ति⁠। ति॒ष्ठ॒न्त्यायु॑ष्टोमम्⁠। आयु॑ष्टोमम् तृ॒तीय᳚म्⁠। आयु॑ष्टोम॒मित्यायुः॑—स्तो॒म॒म्⁠। तृ॒तीय॒मुप॑⁠। उप॑ यन्ति⁠। य॒न्त्य॒मुष्मि॑न्न्⁠। अ॒मुष्मि॑न्ने॒व⁠। ए॒व तेन॑⁠। तेन॑ लो॒के⁠। लो॒के प्रति॑⁠। प्रति॑ तिष्ठन्ति⁠। ति॒ष्ठ॒न्ती॒यम्⁠। इ॒यव्ँवाव⁠। वाव ज्योतिः॑⁠। ज्योति॑र॒न्तरि॑ख्‍षम्⁠। अ॒न्तरि॑ख्‍ष॒म् गौः⁠। गौर॒सौ⁠। अ॒सावायुः॑⁠। आयु॒र् यत्⁠। यदे॒तान्⁠। ए॒तान्थ् स्तोमा॑न्⁠। स्तोमा॑नुप॒यन्ति॑⁠। उ॒प॒यन्त्ये॒षु⁠। उ॒प॒यन्तीत्यु॑प—यन्ति॑⁠। ए॒ष्वे॑व⁠। ए॒व तत्⁠। तल्लो॒केषु॑⁠। लो॒केषु॑ स॒त्रिणः॑⁠। स॒त्रिणः॑ प्रति॒तिष्ठ॑न्तः⁠। प्र॒ति॒तिष्ठ॑न्तो यन्ति⁠। प्र॒ति॒तिष्ठ॑न्त॒ इति॑ प्रति—तिष्ठ॑न्तः⁠। य॒न्ति॒ ते⁠। ते सꣴस्तु॑ताः⁠। सꣴस्तु॑ता वि॒राज᳚म्⁠। सꣴस्तु॑ता॒ इति॒ सम्—स्तु॒ताः॒⁠। वि॒राज॑म॒भि⁠। वि॒राज॒मिति॑ वि—राज᳚म्⁠। [३४] अ॒भि सम्⁠। सम् प॑द्यन्ते⁠। प॒द्य॒न्ते॒ द्वे⁠। द्वे च॑⁠। द्वे इति॒ द्वे⁠। चर्चौ᳚⁠। ऋचा॒वति॑⁠। अति॑ रिच्येते⁠। रि॒च्ये॒ते॒ एक॑या⁠। रि॒च्ये॒ते॒ इति॑ रिच्येते⁠। एक॑या॒ गौः⁠। गौरति॑रिक्तः⁠। अति॑रिक्त॒ एक॑या⁠। अति॑रिक्त॒ इत्यति॑—रि॒क्तः॒⁠। एक॒याऽऽयुः॑⁠। आयु॑रू॒नः⁠। ऊ॒नः सु॑व॒र्गः⁠। सु॒व॒र्गो वै⁠। सु॒व॒र्ग इति॑ सुवः—गः⁠। वै लो॒कः⁠। लो॒को ज्योतिः॑⁠। ज्योति॒रूर्क्⁠। ऊर्ग् वि॒राट्⁠। वि॒राडूर्ज᳚म्⁠। वि॒राडिति॑ वि—राट्⁠। ऊर्ज॑मे॒व⁠। ए॒वाव॑⁠। अव॑ रुन्धते⁠। रु॒न्ध॒ते॒ ते⁠। ते न⁠। न ख्‍षु॒धा⁠। ख्‍षु॒धाऽऽर्ति᳚म्⁠। आर्ति॒मा⁠। आर्च्छ॑न्ति⁠। ऋ॒च्छ॒न्त्यख्‍षो॑धुकाः⁠। अख्‍षो॑धुका भवन्ति⁠। भ॒व॒न्ति॒ ख्‍षुथ्स॑म्बाधाः⁠। ख्‍षुथ्स॑म्बाधा इव⁠। ख्‍षुथ्स॑म्बाधा॒ इति॒ ख्‍षुत्—स॒म्बा॒धाः॒⁠। इ॒व॒ हि⁠। हि स॒त्रिणः॑⁠। स॒त्रिणो᳚ऽग्निष्टो॒मौ⁠। अ॒ग्नि॒ष्टो॒माव॒भितः॑⁠। अ॒ग्नि॒ष्टो॒मावित्य॑ग्नि—स्तो॒मौ⁠। अ॒भितः॑ प्र॒धी⁠। प्र॒धी तौ⁠। प्र॒धी इति॑ प्र—धी⁠। तावु॒क्थ्याः᳚⁠। उ॒क्थ्या॑ मद्ध्ये᳚⁠। मद्ध्ये॒ नभ्य᳚म्⁠। नभ्य॒म् तत्⁠। तत् तत्⁠। तदे॒तत्⁠। ए॒तत् प॑रि॒यत्⁠। प॒रि॒यद् दे॑वच॒क्रम्⁠। प॒रि॒यदिति॑ परि—यत्⁠। दे॒व॒च॒क्रय्ँयत्⁠। दे॒व॒च॒क्रमिति॑ देव—च॒क्रम्⁠। यदे॒तेन॑⁠। ए॒तेन॑ षड॒हेन॑⁠। [३५] ष॒ड॒हेन॒ यन्ति॑⁠। ष॒ड॒हेनेति॑ षट्—अ॒हेन॑⁠। यन्ति॑ देवच॒क्रम्⁠। दे॒व॒च॒क्रमे॒व⁠। दे॒व॒च॒क्रमिति॑ देव—च॒क्रम्⁠। ए॒व स॒मारो॑हन्ति⁠। स॒मारो॑ह॒न्त्यरि॑ष्ट्‍यै⁠। स॒मारो॑ह॒न्तीति॑ सम्—आरो॑हन्ति⁠। अरि॑ष्ट्‍यै॒ ते⁠। ते स्व॒स्ति⁠। स्व॒स्ति सम्⁠। सम॑श्ञुवते⁠। अ॒श्ञु॒व॒ते॒ ष॒ड॒हेन॑⁠। ष॒ड॒हेन॑ यन्ति⁠। ष॒ड॒हेनेति॑ षट्—अ॒हेन॑⁠। य॒न्ति॒ षट्⁠। षड् वै⁠। वा ऋ॒तवः॑⁠। ऋ॒तव॑ ऋ॒तुषु॑⁠। ऋ॒तुष्वे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्त्यु॒भ॒यतो᳚ज्योतिषा⁠। उ॒भ॒यतो᳚ज्योतिषा यन्ति⁠। उ॒भ॒यतो᳚ज्योति॒षेत्यु॑भ॒यतः॑—ज्यो॒ति॒षा॒⁠। य॒न्त्यु॒भ॒यतः॑⁠। उ॒भ॒यत॑ ए॒व⁠। ए॒व सु॑व॒र्गे⁠। सु॒व॒र्गे लो॒के⁠। सु॒व॒र्ग इति॑ सुवः—गे⁠। लो॒के प्र॑ति॒तिष्ठ॑न्तः⁠। प्र॒ति॒तिष्ठ॑न्तो यन्ति⁠। प्र॒ति॒तिष्ठ॑न्त॒ इति॑ प्रति—तिष्ठ॑न्तः⁠। य॒न्ति॒ द्वौ⁠। द्वौ ष॑ड॒हौ⁠। ष॒ड॒हौ भ॑वतः⁠। ष॒ड॒हाविति॑ षट्—अ॒हौ⁠। भ॒व॒त॒स्तानि॑⁠। तानि॒ द्वाद॑श⁠। द्वाद॒शाहा॑नि⁠। अहा॑नि॒ सम्⁠। सम् प॑द्यन्ते⁠। प॒द्य॒न्ते॒ द्वा॒द॒शः⁠। द्वा॒द॒शो वै⁠। वै पुरु॑षः⁠। पुरु॑षो॒ द्वे⁠। द्वे स॒क्थ्यौ᳚⁠। द्वे इति॒ द्वे⁠। स॒क्थ्यौ᳚ द्वौ⁠। द्वौ बा॒हू⁠। बा॒हू आ॒त्मा⁠। बा॒हू इति॑ बा॒हू⁠। आ॒त्मा च॑⁠। च॒ शिरः॑⁠। शिर॑श्च⁠। च॒ च॒त्वारि॑⁠। च॒त्वार्यङ्‍गा॑नि⁠। अङ्‍गा॑नि॒ स्तनौ᳚⁠। स्तनौ᳚ द्वाद॒शौ⁠। द्वा॒द॒शौ तत्⁠। [३६] तत् पुरु॑षम्⁠। पुरु॑ष॒मनु॑⁠। अनु॑ प॒र्याव॑र्तन्ते⁠। प॒र्याव॑र्तन्ते॒ त्रयः॑⁠। प॒र्याव॑र्तन्त॒ इति॑ परि—आव॑र्तन्ते⁠। त्रयः॑ षड॒हाः⁠। ष॒ड॒हा भ॑वन्ति⁠। ष॒ड॒हा इति॑ षट्—अ॒हाः⁠। भ॒व॒न्ति॒ तानि॑⁠। तान्य॒ष्टाद॑श⁠। अ॒ष्टाद॒शाहा॑नि⁠। अ॒ष्टाद॒शेत्य॒ष्टा—द॒श॒⁠। अहा॑नि॒ सम्⁠। सम् प॑द्यन्ते⁠। प॒द्य॒न्ते॒ नव॑⁠। नवा॒न्यानि॑⁠। अ॒न्यानि॒ नव॑⁠। नवा॒न्यानि॑⁠। अ॒न्यानि॒ नव॑⁠। नव॒ वै⁠। वै पुरु॑षे⁠। पुरु॑षे प्रा॒णाः⁠। प्रा॒णास्तत्⁠। प्रा॒णा इति॑ प्र—अ॒नाः⁠। तत् प्रा॒णान्⁠। प्रा॒णाननु॑⁠। प्रा॒णानिति॑ प्र—अ॒नान्⁠। अनु॑ प॒र्याव॑र्तन्ते⁠। प॒र्याव॑र्तन्ते च॒त्वारः॑⁠। प॒र्याव॑र्तन्त॒ इति॑ परि—आव॑र्तन्ते⁠। च॒त्वारः॑ षड॒हाः⁠। ष॒ड॒हा भ॑वन्ति⁠। ष॒ड॒हा इति॑ षट्—अ॒हाः⁠। भ॒व॒न्ति॒ तानि॑⁠। तानि॒ चतु॑र्विꣳशतिः⁠। चतु॑र्विꣳशति॒रहा॑नि⁠। चतु॑र्विꣳशति॒रिति॒ चतुः॑—वि॒ꣳ॒श॒तिः॒⁠। अहा॑नि॒ सम्⁠। सम् प॑द्यन्ते⁠। प॒द्य॒न्ते॒ चतु॑र्विꣳशतिः⁠। चतु॑र्विꣳशतिरर्द्धमा॒साः⁠। चतु॑र्विꣳशति॒रिति॒ चतुः॑—वि॒ꣳ॒श॒तिः॒⁠। अ॒र्द्ध॒मा॒साः स॑व्ँवथ्स॒रः⁠। अ॒र्द्ध॒मा॒सा इत्य॑र्द्ध—मा॒साः⁠। स॒व्ँव॒थ्स॒रस्तत्⁠। स॒व्ँव॒थ्स॒र इति॑ सम्—व॒थ्स॒रः⁠। तथ् स॑व्ँवथ्स॒रम्⁠। स॒व्ँव॒थ्स॒रमनु॑⁠। स॒व्ँव॒थ्स॒रमिति॑ सम्—व॒थ्स॒रम्⁠। अनु॑ प॒र्याव॑र्तन्ते⁠। प॒र्याव॑र्त॒न्तेऽप्र॑तिष्ठितः⁠। प॒र्याव॑र्तन्त॒ इति॑ परि—आव॑र्तन्ते⁠। अप्र॑तिष्ठितः सव्ँवथ्स॒रः⁠। अप्र॑तिष्ठित॒ इत्यप्र॑ति—स्थि॒तः॒⁠। स॒व्ँव॒थ्स॒र इति॑⁠। स॒व्ँव॒थ्स॒र इति॑ सम्—व॒थ्स॒रः⁠। इति॒ खलु॑⁠। खलु॒ वै⁠। वा आ॑हुः⁠। आ॒हु॒र् वर्‌षी॑यान्⁠। वर्‌षी॑यान् प्रति॒ष्ठायाः᳚⁠। प्र॒ति॒ष्ठाया॒ इति॑⁠। प्र॒ति॒ष्ठाया॒ इति॑ प्रति—स्थायाः᳚⁠। इत्ये॒ताव॑त्⁠। ए॒ताव॒द् वै⁠। वै स॑व्ँवथ्स॒रस्य॑⁠। स॒व्ँव॒थ्स॒रस्य॒ ब्राह्म॑णम्⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। ब्राह्म॑ण॒य्ँयाव॑त्⁠। याव॑न् मा॒सः⁠। मा॒सो मा॒सिमा॑सि⁠। मा॒सिमा᳚स्ये॒व⁠। मा॒सिमा॒सीति॑ मा॒सि—मा॒सि॒⁠। ए॒व प्र॑ति॒तिष्ठ॑न्तः⁠। प्र॒ति॒तिष्ठ॑न्तो यन्ति⁠। प्र॒ति॒तिष्ठ॑न्त॒ इति॑ प्रति—तिष्ठ॑न्तः⁠। य॒न्तीति॑ यन्ति⁠॥ [३७] (वि॒राज॑ मे॒तेन॑ द्वाद॒शा वे॒ताव॒द्वा अ॒ष्टौ च॑) ॥११॥
मे॒षस्त्वा᳚⁠। त्वा॒ प॒च॒तैः⁠। प॒च॒तैर॑वतु⁠। अ॒व॒तु॒ लोहि॑तग्रीवः⁠। लोहि॑तग्रीव॒श्छागैः᳚⁠। लोहि॑तग्रीव॒ इति॒ लोहि॑त—ग्री॒वः॒⁠। छागैः᳚ शल्म॒लिः⁠। श॒ल्म॒लिर् वृद्ध्या᳚⁠। वृद्ध्या॑ प॒र्णः⁠। प॒र्णो ब्रह्म॑णा⁠। ब्रह्म॑णा प्ल॒ख्‍षः⁠। प्ल॒ख्‍षो मेधे॑न⁠। मेधे॑न न्य॒ग्रोधः॑⁠। न्य॒ग्रोध॑श्चम॒सैः⁠। च॒म॒सैरु॑दु॒म्बरः॑⁠। उ॒दु॒म्बर॑ ऊ॒र्जा⁠। ऊ॒र्जा गा॑य॒त्री⁠। गा॒य॒त्री छन्दो॑भिः⁠। छन्दो॑भिस्त्रि॒वृत्⁠। छन्दो॑भि॒रिति॒ छन्दः॑—भिः॒⁠। त्रि॒वृथ् स्तोमैः᳚⁠। त्रि॒वृदिति॑ त्रि—वृत्⁠। स्तोमै॒रव॑न्तीः⁠। अव॑न्तीः स्थ⁠। स्थाव॑न्तीः⁠। अव॑न्तीस्त्वा⁠। त्वा॒ऽव॒न्तु॒⁠। अ॒व॒न्तु॒ प्रि॒यम्⁠। प्रि॒यम् त्वा᳚⁠। त्वा॒ प्रि॒याणा᳚म्⁠। प्रि॒याणा॒व्ँवर्‌षि॑ष्ठम्⁠। वर्‌षि॑ष्ठ॒माप्या॑नाम्⁠। आप्या॑नाम् निधी॒नाम्⁠। नि॒धी॒नाम् त्वा᳚⁠। नि॒धी॒नामिति॑ नि—धी॒नाम्⁠। त्वा॒ नि॒धि॒पति᳚म्⁠। नि॒धि॒पति॑ꣳ हवामहे⁠। नि॒धि॒पति॒मिति॑ निधि—पति᳚म्⁠। ह॒वा॒म॒हे॒ व॒सो॒⁠। व॒सो॒ म॒म॒⁠। व॒सो॒ इति॑ वसो⁠। म॒मेति॑ मम⁠॥ [३८] (मे॒षः षट्त्रि॑ꣳशत्) ॥१२॥
कूप्या᳚भ्यः॒ स्वाहा᳚⁠। स्वाहा॒ कूल्या᳚भ्यः⁠। कूल्या᳚भ्यः॒ स्वाहा᳚⁠। स्वाहा॑ विक॒र्या᳚भ्यः⁠। वि॒क॒र्या᳚भ्यः॒ स्वाहा᳚⁠। वि॒क॒र्या᳚भ्य॒ इति॑ वि—क॒र्या᳚भ्यः⁠। स्वाहा॑ऽव॒ट्‍या᳚भ्यः⁠। अ॒व॒ट्‍या᳚भ्यः॒ स्वाहा᳚⁠। स्वाहा॒ खन्या᳚भ्यः⁠। खन्या᳚भ्यः॒ स्वाहा᳚⁠। स्वाहा॒ ह्रद्या᳚भ्यः⁠। ह्रद्या᳚भ्यः॒ स्वाहा᳚⁠। स्वाहा॒ सूद्या᳚भ्यः⁠। सूद्या᳚भ्यः॒ स्वाहा᳚⁠। स्वाहा॑ सर॒स्या᳚भ्यः⁠। स॒र॒स्या᳚भ्यः॒ स्वाहा᳚⁠। स्वाहा॑ वैश॒न्तीभ्यः॑⁠। वै॒श॒न्तीभ्यः॒ स्वाहा᳚⁠। स्वाहा॑ पल्व॒ल्या᳚भ्यः⁠। प॒ल्व॒ल्या᳚भ्यः॒ स्वाहा᳚⁠। स्वाहा॒ वर्ष्या᳚भ्यः⁠। वर्ष्या᳚भ्यः॒ स्वाहा᳚⁠। स्वाहा॑ऽव॒र्ष्याभ्यः॑⁠। अ॒व॒र्ष्याभ्यः॒ स्वाहा᳚⁠। स्वाहा᳚ ह्रा॒दुनी᳚भ्यः⁠। ह्रा॒दुनी᳚भ्यः॒ स्वाहा᳚⁠। ह्रा॒दुनी᳚भ्य॒ इति॑ ह्रा॒दुनि॑—भ्यः॒⁠। स्वाहा॒ पृष्वा᳚भ्यः⁠। पृष्वा᳚भ्यः॒ स्वाहा᳚⁠। स्वाहा॒ स्यन्द॑मानाभ्यः⁠। स्यन्द॑मानाभ्यः॒ स्वाहा᳚⁠। स्वाहा᳚ स्थाव॒राभ्यः॑⁠। स्था॒व॒राभ्यः॒ स्वाहा᳚⁠। स्वाहा॑ नादे॒यीभ्यः॑⁠। ना॒दे॒यीभ्यः॒ स्वाहा᳚⁠। स्वाहा॑ सैन्ध॒वीभ्यः॑⁠। सै॒न्ध॒वीभ्यः॒ स्वाहा᳚⁠। स्वाहा॑ समु॒द्रिया᳚भ्यः⁠। स॒मु॒द्रिया᳚भ्यः॒ स्वाहा᳚⁠। स्वाहा॒ सर्वा᳚भ्यः⁠। सर्वा᳚भ्यः॒ स्वाहा᳚⁠। स्वाहेति॒ स्वाहा᳚⁠॥ [३९] (कूप्या᳚भ्य श्चत्वारि॒ꣳ॒शत्) ॥१३॥
अ॒द्भ्यः स्वाहा᳚⁠। अ॒द्भ्य इत्य॑त्—भ्यः⁠। स्वाहा॒ वह॑न्तीभ्यः⁠। वह॑न्तीभ्यः॒ स्वाहा᳚⁠। स्वाहा॑ परि॒वह॑न्तीभ्यः⁠। प॒रि॒वह॑न्तीभ्यः॒ स्वाहा᳚⁠। प॒रि॒वह॑न्तीभ्य॒ इति॑ परि—वह॑न्तीभ्यः⁠। स्वाहा॑ सम॒न्तम्⁠। स॒म॒न्तव्ँवह॑न्तीभ्यः⁠। स॒म॒न्तमिति॑ सम्—अ॒न्तम्⁠। वह॑न्तीभ्यः॒ स्वाहा᳚⁠। स्वाहा॒ शीघ्र᳚म्⁠। शीघ्र॒व्ँवह॑न्तीभ्यः⁠। वह॑न्तीभ्यः॒ स्वाहा᳚⁠। स्वाहा॒ शीभ᳚म्⁠। शीभ॒व्ँवह॑न्तीभ्यः⁠। वह॑न्तीभ्यः॒ स्वाहा᳚⁠। स्वाहो॒ग्रम्⁠। उ॒ग्रव्ँवह॑न्तीभ्यः⁠। वह॑न्तीभ्यः॒ स्वाहा᳚⁠। स्वाहा॑ भी॒मम्⁠। भी॒मव्ँवह॑न्तीभ्यः⁠। वह॑न्तीभ्यः॒ स्वाहा᳚⁠। स्वाहाऽम्भो᳚भ्यः⁠। अम्भो᳚भ्यः॒ स्वाहा᳚⁠। अम्भो᳚भ्य॒ इत्यम्भः॑—भ्यः॒⁠। स्वाहा॒ नभो᳚भ्यः⁠। नभो᳚भ्यः॒ स्वाहा᳚⁠। नभो᳚भ्य॒ इति॒ नभः॑—भ्यः॒⁠। स्वाहा॒ महो᳚भ्यः⁠। महो᳚भ्यः॒ स्वाहा᳚⁠। महो᳚भ्य॒ इति॒ महः॑—भ्यः॒⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [४०] (अ॒द्भ्य एका॒न्नत्रि॒ꣳ॒शत्) ॥१४॥
यो अर्व॑न्तम्⁠। अर्व॑न्त॒म् जिघा॑ꣳसति⁠। जिघा॑ꣳसति॒ तम्⁠। तम॒भि⁠। अ॒भ्य॑मीति⁠। अ॒मी॒ति॒ वरु॑णः⁠। वरु॑ण॒ इति॒ वरु॑णः⁠॥ प॒रो मर्तः॑⁠। मर्तः॑ प॒रः⁠। प॒रः श्वा⁠। श्वेति॒ श्वा⁠॥ अ॒हम् च॑⁠। च॒ त्वम्⁠। त्वम् च॑⁠। च॒ वृ॒त्र॒ह॒न्न्॒⁠। वृ॒त्र॒ह॒न्थ् सम्⁠। वृ॒त्र॒ह॒न्निति॑ वृत्र—ह॒न्न्॒⁠। सम् ब॑भूव⁠। ब॒भू॒व॒ स॒निभ्यः॑⁠। स॒निभ्य॒ आ⁠। स॒निभ्य॒ इति॑ स॒नि—भ्यः॒⁠। एत्या⁠॥ अ॒रा॒ती॒वा चि॑त्⁠। चि॒द॒द्रि॒वः॒⁠। अ॒द्रि॒वोऽनु॑⁠। अ॒द्रि॒व॒ इत्य॑द्रि—वः॒⁠। अनु॑ नौ⁠। नौ॒ शू॒र॒⁠। शू॒र॒ म॒ꣳ॒स॒तै॒⁠। म॒ꣳ॒स॒तै॒ भ॒द्राः⁠। भ॒द्रा इन्द्र॑स्य⁠। इन्द्र॑स्य रा॒तयः॑⁠। रा॒तय॒ इति॑ रा॒तयः॑⁠॥ अ॒भि क्रत्वा᳚⁠। क्रत्वे᳚न्द्र⁠। इ॒न्द्र॒ भूः॒⁠। भू॒रध॑⁠। अध॒ ज्मन्न्⁠। ज्मन् न⁠। न ते᳚⁠। ते॒ वि॒व्य॒क्॒⁠। वि॒व्य॒ङ्‍ म॒हि॒मान᳚म्⁠। म॒हि॒मान॒ꣳ॒ रजा॑ꣳसि⁠। रजा॒ꣳ॒सीति॒ रजा॑ꣳसि⁠॥ स्वेना॒ हि⁠। हि वृ॒त्रम्⁠। वृ॒त्रꣳ शव॑सा⁠। शव॑सा ज॒घन्थ॑⁠। ज॒घन्थ॒ न⁠। न शत्रुः॑⁠। शत्रु॒रन्त᳚म्⁠। अन्त॑व्ँविविदत्⁠। वि॒वि॒द॒द् यु॒धा⁠। यु॒धा ते᳚⁠। त॒ इति॑ ते⁠॥ [४१] (वि॒वि॒द॒द् द्वे च॑) ॥१५॥
नमो॒ राज्ञे᳚⁠। राज्ञे॒ नमः॑⁠। नमो॒ वरु॑णाय⁠। वरु॑णाय॒ नमः॑⁠। नमोऽश्वा॑य⁠। अश्वा॑य॒ नमः॑⁠। नमः॑ प्र॒जाप॑तये⁠। प्र॒जाप॑तये॒ नमः॑⁠। प्र॒जाप॑तय॒ इति॑ प्र॒जा—प॒त॒ये॒⁠। नमोऽधि॑पतये⁠। अधि॑पत॒येऽधि॑पतिः⁠। अधि॑पतय॒ इत्यधि॑—प॒त॒ये॒⁠। अधि॑पतिरसि⁠। अधि॑पति॒रित्यधि॑—प॒तिः॒⁠। अ॒स्यधि॑पतिम्⁠। अधि॑पतिम् मा⁠। अधि॑पति॒मित्यधि॑—प॒ति॒म्⁠। मा॒ कु॒रु॒⁠। कु॒र्वधि॑पतिः⁠। अधि॑पतिर॒हम्⁠। अधि॑पति॒रित्यधि॑—प॒तिः॒⁠। अ॒हम् प्र॒जाना᳚म्⁠। प्र॒जाना᳚म् भूयासम्⁠। प्र॒जाना॒मिति॑ प्र—जाना᳚म्⁠। भू॒या॒स॒म् माम्⁠। माम् धे॑हि⁠। धे॒हि॒ मयि॑⁠। मयि॑ धेहि⁠। धे॒ह्यु॒पाकृ॑ताय⁠। उ॒पाकृ॑ताय॒ स्वाहा᳚⁠। उ॒पाकृ॑ता॒येत्यु॑प—आकृ॑ताय⁠। स्वाहाऽऽल॑ब्धाय⁠। आल॑ब्धाय॒ स्वाहा᳚⁠। आल॑ब्धा॒येत्या—ल॒ब्धा॒य॒⁠। स्वाहा॑ हु॒ताय॑⁠। हु॒ताय॒ स्वाहा᳚⁠। स्वाहेति॒ स्वाहा᳚⁠॥ [४२] (नम॒ एका॒न्नत्रि॒ꣳ॒शत्) ॥१६॥
म॒यो॒भूर् वातः॑⁠। म॒यो॒भूरिति॑ मयः—भूः⁠। वातो॑ अ॒भि⁠। अ॒भि वा॑तु⁠। वा॒तू॒स्राः⁠। उ॒स्रा ऊर्ज॑स्वतीः⁠। ऊर्ज॑स्वती॒रोष॑धीः⁠। ओष॑धी॒रा⁠। आ रि॑शन्ताम्⁠। रि॒श॒न्ता॒मिति॑ रिशन्ताम्⁠॥ पीव॑स्वतीर् जी॒वध॑न्याः⁠। जी॒वध॑न्याः पिबन्तु⁠। जी॒वध॑न्या॒ इति॑ जी॒व—ध॒न्याः॒⁠। पि॒ब॒न्त्व॒व॒साय॑⁠। अ॒व॒साय॑ प॒द्वते᳚⁠। प॒द्वते॑ रुद्र⁠। प॒द्वत॒ इति॑ पत्—वते᳚⁠। रु॒द्र॒ मृ॒ड॒⁠। मृ॒डेति॑ मृड⁠॥ याः सरू॑पाः⁠। सरू॑पा॒ विरू॑पाः⁠। सरू॑पा॒ इति॒ स—रू॒पाः॒⁠। विरू॑पा॒ एक॑रूपाः⁠। विरू॑पा॒ इति॒ वि—रू॒पाः॒⁠। एक॑रूपा॒ यासा᳚म्⁠। एक॑रूपा॒ इत्येक॑—रू॒पाः॒⁠। यासा॑म॒ग्निः⁠। अ॒ग्निरिष्ट्‍या᳚⁠। इष्ट्‍या॒ नामा॑नि⁠। नामा॑नि॒ वेद॑⁠। वेदेति॒ वेद॑⁠॥ या अङ्‍गि॑रसः⁠। अङ्‍गि॑रस॒स्तप॑सा⁠। तप॑से॒ह⁠। इ॒ह च॒क्रुः⁠। च॒क्रुस्ताभ्यः॑⁠। ताभ्यः॑ पर्जन्य⁠। प॒र्ज॒न्य॒ महि॑⁠। महि॒ शर्म॑⁠। शर्म॑ यच्छ⁠। य॒च्छेति॑ यच्छ⁠॥ या दे॒वेषु॑⁠। दे॒वेषु॑ त॒नुव᳚म्⁠। त॒नुव॒मैर॑यन्त⁠। ऐर॑यन्त॒ यासा᳚म्⁠। यासा॒ꣳ॒ सोमः॑⁠। सोमो॒ विश्वा᳚⁠। विश्वा॑ रू॒पाणि॑⁠। रू॒पाणि॒ वेद॑⁠। वेदेति॒ वेद॑⁠॥ ता अ॒स्मभ्य᳚म्⁠। अ॒स्मभ्य॒म् पय॑सा⁠। अ॒स्मभ्य॒मित्य॒स्म—भ्य॒म्⁠। पय॑सा॒ पिन्व॑मानाः⁠। पिन्व॑मानाः प्र॒जाव॑तीः⁠। प्र॒जाव॑तीरिन्द्र⁠। प्र॒जाव॑ती॒रिति॑ प्र॒जा—व॒तीः॒⁠। इ॒न्द्र॒ गो॒ष्ठे⁠। [४३] गो॒ष्ठे रि॑रीहि⁠। गो॒ष्ठ इति॑ गो—स्थे⁠। रि॒री॒हीति॑ रिरीहि⁠॥ प्र॒जाप॑ति॒र् मह्य᳚म्⁠। प्र॒जाप॑ति॒रिति॑ प्र॒जा—प॒तिः॒⁠। मह्य॑मे॒ताः⁠। ए॒ता ररा॑णः⁠। ररा॑णो॒ विश्वैः᳚⁠। विश्वै᳚र् दे॒वैः⁠। दे॒वैः पि॒तृभिः॑⁠। पि॒तृभिः॑ सव्ँविदा॒नः⁠। पि॒तृभि॒रिति॑ पि॒तृ—भिः॒⁠। स॒व्ँवि॒दा॒न इति॑ सम्—वि॒दा॒नः⁠॥ शि॒वाः स॒तीः⁠। स॒तीरुप॑⁠। उप॑ नः⁠। नो॒ गो॒ष्ठम्⁠। गो॒ष्ठमा⁠। गो॒ष्ठमिति॑ गो—स्थम्⁠। आऽकः॑⁠। अ॒क॒स्तासा᳚म्⁠। तासा᳚व्ँव॒यम्⁠। व॒यम् प्र॒जया᳚⁠। प्र॒जया॒ सम्⁠। प्र॒जयेति॑ प्र—जया᳚⁠। सꣳ स॑देम⁠। स॒दे॒मेति॑ सदेम⁠॥ इ॒ह धृतिः॑⁠। धृतिः॒ स्वाहा᳚⁠। स्वाहे॒ह⁠। इ॒ह विधृ॑तिः⁠। विधृ॑तिः॒ स्वाहा᳚⁠। विधृ॑ति॒रिति॒ वि—धृ॒तिः॒⁠। स्वाहे॒ह⁠। इ॒ह रन्तिः॑⁠। रन्तिः॒ स्वाहा᳚⁠। स्वाहे॒ह⁠। इ॒ह रम॑तिः⁠। रम॑तिः॒ स्वाहा᳚⁠। स्वाहा॑ म॒हीम्⁠। म॒हीमु॑⁠। उ॒षु⁠। सु सु॒त्रामा॑णम्⁠। सु॒त्रामा॑ण॒मिति॑ सु—त्रामा॑णम्⁠॥ [४४] (इ॒न्द्रा॒ ष्टात्रि॑ꣳशच्च) ॥१७॥
किꣴ स्वि॑त्⁠। स्वि॒दा॒सी॒त्॒⁠। आ॒सी॒त् पू॒र्वचि॑त्तिः⁠। पू॒र्वचि॑त्तिः॒ किम्⁠। पू॒र्वचि॑त्ति॒रिति॑ पू॒र्व—चि॒त्तिः॒⁠। किꣴ स्वि॑त्⁠। स्वि॒दा॒सी॒त्॒⁠। आ॒सी॒द् बृ॒हत्⁠। बृ॒हद् वयः॑⁠। वय॒ इति॒ वयः॑⁠॥ किꣴ स्वि॑त्⁠। स्वि॒दा॒सी॒त्॒⁠। आ॒सी॒त् पि॒श॒ङ्‍गि॒ला⁠। पि॒श॒ङ्‍गि॒ला किम्⁠। किꣴ स्वि॑त्⁠। स्वि॒दा॒सी॒त्॒⁠। आ॒सी॒त् पि॒लि॒प्पि॒ला⁠। पि॒लि॒प्पि॒लेति॑ पिलिप्पि॒ला⁠॥ द्यौरा॑सीत्⁠। आ॒सी॒त् पू॒र्वचि॑त्तिः⁠। पू॒र्वचि॑त्ति॒रश्वः॑⁠। पू॒र्वचि॑त्ति॒रिति॑ पू॒र्व—चि॒त्तिः॒⁠। अश्व॑ आसीत्⁠। आ॒सी॒द् बृ॒हत्⁠। बृ॒हद् वयः॑⁠। वय॒ इति॒ वयः॑⁠॥ रात्रि॑रासीत्⁠। आ॒सी॒त् पि॒श॒ङ्‍गि॒ला⁠। पि॒श॒ङ्‍गि॒लाऽविः॑⁠। अवि॑रासीत्⁠। आ॒सी॒त् पि॒लि॒प्पि॒ला⁠। पि॒लि॒प्पि॒लेति॑ पिलिप्पि॒ला⁠॥ किꣴ स्वि॑त्⁠। स्वि॒दे॒का॒की⁠। ए॒का॒की च॑रति⁠। च॒र॒ति॒ कः⁠। क उ॑⁠। उ॒ स्वि॒त्॒⁠। स्वि॒ज् जा॒य॒ते॒⁠। जा॒य॒ते॒ पुनः॑⁠। पुन॒रिति॒ पुनः॑⁠॥ किꣴ स्वि॑त्⁠। स्वि॒द्‌धि॒मस्य॑⁠। हि॒मस्य॑ भेष॒जम्⁠। भे॒ष॒जम् किम्⁠। किꣴ स्वि॑त्⁠। स्वि॒दा॒वप॑नम्⁠। आ॒वप॑नम् म॒हत्⁠। आ॒वप॑न॒मित्या᳚—वप॑नम्⁠। म॒हदिति॑ म॒हत्⁠॥ सूर्य॑ एका॒की⁠। ए॒का॒की च॑रति⁠। च॒र॒ति॒ च॒न्द्रमाः᳚⁠। [४५] च॒न्द्रमा॑ जायते⁠। जा॒य॒ते॒ पुनः॑⁠। पुन॒रिति॒ पुनः॑⁠॥ अ॒ग्निर्‌हि॒मस्य॑⁠। हि॒मस्य॑ भेष॒जम्⁠। भे॒ष॒जम् भूमिः॑⁠। भूमि॑रा॒वप॑नम्⁠। आ॒वप॑नम् म॒हत्⁠। आ॒वप॑न॒मित्या᳚—वप॑नम्⁠। म॒हदिति॑ म॒हत्⁠॥ पृ॒च्छामि॑ त्वा⁠। त्वा॒ पर᳚म्⁠। पर॒मन्त᳚म्⁠। अन्त॑म् पृथि॒व्याः⁠। पृ॒थि॒व्याः पृ॒च्छामि॑⁠। पृ॒च्छामि॑ त्वा⁠। त्वा॒ भुव॑नस्य⁠। भुव॑नस्य॒ नाभि᳚म्⁠। नाभि॒मिति॒ नाभि᳚म्⁠॥ पृ॒च्छामि॑ त्वा⁠। त्वा॒ वृष्णः॑⁠। वृष्णो॒ अश्व॑स्य⁠। अश्व॑स्य॒ रेतः॑⁠। रेतः॑ पृ॒च्छामि॑⁠। पृ॒च्छामि॑ वा॒चः⁠। वा॒चः प॑र॒मम्⁠। प॒र॒मव्ँव्यो॑म⁠। व्यो॑मेति॒ वि—ओ॒म॒⁠॥ वेदि॑माहुः⁠। आ॒हुः॒ पर᳚म्⁠। पर॒मन्त᳚म्⁠। अन्त॑म् पृथि॒व्याः⁠। पृ॒थि॒व्या य॒ज्ञम्⁠। य॒ज्ञमा॑हुः⁠। आ॒हु॒र् भुव॑नस्य⁠। भुव॑नस्य॒ नाभि᳚म्⁠। नाभि॒मिति॒ नाभि᳚म्⁠॥ सोम॑माहुः⁠। आ॒हु॒र् वृष्णः॑⁠। वृष्णो॒ अश्व॑स्य⁠। अश्व॑स्य॒ रेतः॑⁠। रेतो॒ ब्रह्म॑⁠। ब्रह्मै॒व⁠। ए॒व वा॒चः⁠। वा॒चः प॑र॒मम्⁠। प॒र॒मव्ँव्यो॑म⁠। व्यो॑मेति॒ वि—ओ॒म॒⁠॥ [४६] (सूर्य॑ एका॒की च॑रति॒ षट् च॑त्वारिꣳशच्च) ॥१८॥
अम्बे॒ अम्बा॑लि⁠। अम्बा॒ल्यम्बि॑के⁠। अम्बि॑के॒ न⁠। न मा᳚⁠। मा॒ न॒य॒ति॒⁠। न॒य॒ति॒ कः⁠। कश्च॒न⁠। च॒नेति॑ च॒न⁠॥ स॒सस्त्य॑श्व॒कः⁠। अ॒श्व॒क इत्य॑श्व॒कः⁠॥ सुभ॑गे॒ काम्पी॑लवासिनि⁠। सुभ॑ग॒ इति॒ सु—भ॒गे॒⁠। काम्पी॑लवासिनि सुव॒र्गे⁠। काम्पी॑लवासि॒नीति॒ काम्पी॑ल—वा॒सि॒नि॒⁠। सु॒व॒र्गे लो॒के⁠। सु॒व॒र्ग इति॑ सुवः—गे⁠। लो॒के सम्⁠। सम् प्र⁠। प्रोर्ण्वा॑थाम्⁠। ऊ॒र्ण्वा॒था॒मित्यू᳚र्ण्वाथाम्⁠॥ आऽहम्⁠। अ॒हम॑जानि⁠। अ॒जा॒नि॒ ग॒र्भ॒धम्⁠। ग॒र्भ॒धमा⁠। ग॒र्भ॒धमिति॑ गर्भ—धम्⁠। आ त्वम्⁠। त्वम॑जासि⁠। अ॒जा॒सि॒ ग॒र्भ॒धम्⁠। ग॒र्भ॒धमिति॑ गर्भ—धम्⁠॥ तौ स॒ह⁠। स॒ह च॒तुरः॑⁠। च॒तुरः॑ प॒दः⁠। प॒दः सम्⁠। सम् प्र⁠। प्र सा॑रयावहै⁠। सा॒र॒या॒व॒हा॒ इति॑ सारयावहै⁠॥ वृषा॑ वाम्⁠। वा॒ꣳ॒ रे॒तो॒धाः⁠। रे॒तो॒धा रेतः॑⁠। रे॒तो॒धा इति॑ रेतः—धाः⁠। रेतो॑ दधातु⁠। द॒धा॒तूत्⁠। उथ् स॒क्थ्योः᳚⁠। स॒क्थ्यो᳚र् गृ॒दम्⁠। गृ॒दम् धे॑हि⁠। धे॒ह्य॒ञ्जिम्⁠। अ॒ञ्जिमुद॑ञ्जिम्⁠। उद॑ञ्जि॒मनु॑⁠। उद॑ञ्जि॒मित्युत्—अ॒ञ्जि॒म्⁠। अन्व॑ज⁠। अ॒जेत्य॑ज⁠॥ य स्त्री॒णाम्⁠। स्त्री॒णाम् जी॑व॒भोज॑नः⁠। जी॒व॒भोज॑नो॒ यः⁠। जी॒व॒भोज॑न॒ इति॑ जीव—भोज॑नः⁠। य आ॑साम्⁠। आ॒सा॒म् बि॒ल॒धाव॑नः⁠। [४७] बि॒ल॒धाव॑न॒ इति॑ बिल—धाव॑नः⁠॥ प्रि॒यः स्त्री॒णाम्⁠। स्त्री॒णाम॑पी॒च्यः॑⁠। अ॒पी॒च्य॑ इत्य॑पी॒च्यः॑⁠॥ य आ॑साम्⁠। आ॒सा॒म् कृ॒ष्णे⁠। कृ॒ष्णे लख्‍ष्म॑णि⁠। लख्‍ष्म॑णि॒ सर्दि॑गृदिम्⁠। सर्दि॑गृदिम् प॒राऽव॑धीत्⁠। प॒राव॑धी॒दिति॑ परा—अव॑धीत्⁠॥ अम्बे॒ अम्बा॑लि⁠। अम्बा॒ल्यम्बि॑के⁠। अम्बि॑के॒ न⁠। न मा᳚⁠। मा॒ य॒भ॒ति॒⁠। य॒भ॒ति॒ कः⁠। कश्च॒न⁠। च॒नेति॑ च॒न⁠॥ स॒सस्त्य॑श्व॒कः⁠। अ॒श्व॒क इत्य॑श्व॒कः⁠॥ ऊ॒र्द्ध्वामे॑नाम्⁠। ए॒ना॒मुत्⁠। उच्छ्र॑यतात्⁠। श्र॒य॒ता॒द् वे॒णु॒भा॒रम्⁠। वे॒णु॒भा॒रम् गि॒रौ⁠। वे॒णु॒भा॒रमिति॑ वेणु—भा॒रम्⁠। गि॒रावि॑व⁠। इ॒वेती॑व⁠॥ अथा᳚ऽस्याः⁠। अ॒स्या॒ मद्ध्य᳚म्⁠। मद्ध्य॑मेधताम्⁠। ए॒ध॒ता॒ꣳ॒ शी॒ते⁠। शी॒ते वाते᳚⁠। वाते॑ पु॒नन्न्⁠। पु॒नन्नि॑व⁠। इ॒वेती॑व⁠॥ अम्बे॒ अम्बा॑लि⁠। अम्बा॒ल्यम्बि॑के⁠। अम्बि॑के॒ न⁠। न मा᳚⁠। मा॒ य॒भ॒ति॒⁠। य॒भ॒ति॒ कः⁠। कश्च॒न⁠। च॒नेति॑ च॒न⁠॥ स॒सस्त्य॑श्व॒कः⁠। अ॒श्व॒क इत्य॑श्व॒कः⁠॥ यद्‍ध॑रि॒णी⁠। ह॒रि॒णी यव᳚म्⁠। यव॒मत्ति॑⁠। अत्ति॒ न⁠। न पु॒ष्टम्⁠। [४८] पु॒ष्टम् प॒शु⁠। प॒शु म॑न्यते⁠। म॒न्य॒त॒ इति॑ मन्यते⁠॥ शू॒द्रा यत्⁠। यदर्य॑जारा⁠। अर्य॑जारा॒ न⁠। अर्य॑जा॒रेत्यर्य॑—जा॒रा॒⁠। न पोषा॑य⁠। पोषा॑य धनायति⁠। ध॒ना॒य॒तीति॑ धनायति⁠॥ अम्बे॒ अम्बा॑लि⁠। अम्बा॒ल्यम्बि॑के⁠। अम्बि॑के॒ न⁠। न मा᳚⁠। मा॒ य॒भ॒ति॒⁠। य॒भ॒ति॒ कः⁠। कश्च॒न⁠। च॒नेति॑ च॒न⁠॥ स॒सस्त्य॑श्व॒कः⁠। अ॒श्व॒क इत्य॑श्व॒कः⁠॥ इ॒यय्ँय॒का⁠। य॒का श॑कुन्ति॒का⁠। श॒कु॒न्ति॒काऽऽहल᳚म्⁠। आ॒हल॒मिति॑⁠। आ॒हल॒मित्या᳚—हल᳚म्⁠। इति॒ सर्प॑ति⁠। सर्प॒तीति॒ सर्प॑ति⁠॥ आह॑तम् ग॒भे⁠। आह॑त॒मित्या—ह॒त॒म्⁠। ग॒भे पसः॑⁠। पसो॒ नि⁠। नि ज॑ल्गुलीति⁠। ज॒ल्गु॒ली॒ति॒ धाणि॑का⁠। धाणि॒केति॒ धाणि॑का⁠॥ अम्बे॒ अम्बा॑लि⁠। अम्बा॒ल्यम्बि॑के⁠। अम्बि॑के॒ न⁠। न मा᳚⁠। मा॒ य॒भ॒ति॒⁠। य॒भ॒ति॒ कः⁠। कश्च॒न⁠। च॒नेति॑ च॒न⁠॥ स॒सस्त्य॑श्व॒कः⁠। अ॒श्व॒क इत्य॑श्व॒कः⁠॥ मा॒ता च॑⁠। च॒ ते॒⁠। ते॒ पि॒ता⁠। पि॒ता च॑⁠। च॒ ते॒⁠। तेऽग्र᳚म्⁠। अग्र॑व्ँवृ॒ख्‍षस्य॑⁠। वृ॒ख्‍षस्य॑ रोहतः⁠। रो॒ह॒त॒ इति॑ रोहतः⁠॥ [४९] प्र सु॑लामि⁠। सु॒ला॒मीति॑⁠। इति॑ ते⁠। ते॒ पि॒ता⁠। पि॒ता ग॒भे⁠। ग॒भे मु॒ष्टिम्⁠। मु॒ष्टिम॑तꣳसयत्⁠। अ॒त॒ꣳ॒स॒य॒दित्य॑तꣳसयत्⁠॥ द॒धि॒क्राव्‌ण्णो॑ अकारिषम्⁠। द॒धि॒क्राव्‌ण्ण॒ इति॑ दधि—क्राव्‌ण्णः॑⁠। अ॒का॒रि॒ष॒म् जि॒ष्णोः⁠। जि॒ष्णोरश्व॑स्य⁠। अश्व॑स्य वा॒जिनः॑⁠। वा॒जिन॒ इति॑ वा॒जिनः॑⁠॥ सु॒र॒भि नः॑⁠। नो॒ मुखा᳚⁠। मुखा॑ करत्⁠। क॒र॒त् प्र⁠। प्र णः॑⁠। न॒ आयू॑ꣳषि⁠। आयू॑ꣳषि तारिषत्⁠। ता॒रि॒ष॒दिति॑ तारिषत्⁠॥ आपो॒ हि⁠। हि ष्ठ⁠। स्था म॑यो॒भुवः॑⁠। म॒यो॒भुव॒स्ताः⁠। म॒यो॒भुव॒ इति॑ मयः—भुवः॑⁠। ता नः॑⁠। न॒ ऊ॒र्जे⁠। ऊ॒र्जे द॑धातन⁠। द॒धा॒त॒नेति॑ दधातन⁠॥ म॒हे रणा॑य⁠। रणा॑य॒ चख्‍ष॑से⁠। चख्‍ष॑स॒ इति॒ चख्‍ष॑से⁠॥ यो वः॑⁠। वः॒ शि॒वत॑मः⁠। शि॒वत॑मो॒ रसः॑⁠। शि॒वत॑म॒ इति॑ शि॒व—त॒मः॒⁠। रस॒स्तस्य॑⁠। तस्य॑ भाजयत⁠। भा॒ज॒य॒ते॒ह⁠। इ॒ह नः॑⁠। न॒ इति॑ नः⁠॥ उ॒श॒तीरि॑व⁠। इ॒व॒ मा॒तरः॑⁠। मा॒तर॒ इति॑ मा॒तरः॑⁠॥ तस्मा॒ अर᳚म्⁠। अर॑म् गमाम⁠। ग॒मा॒म॒ वः॒⁠। वो॒ यस्य॑⁠। यस्य॒ ख्‍षया॑य⁠। ख्‍षया॑य॒ जिन्व॑थ⁠। जिन्व॒थेति॒ जिन्व॑थ⁠॥ आपो॑ ज॒नय॑थ⁠। ज॒नय॑था च⁠। च॒ नः॒⁠। न॒ इति॑ नः⁠॥ [५०] (आ॒सा॒ मत्ति॒ न रो॑हतो॒ जिन्व॑थ च॒त्वारि॑ च) ॥१९॥
भूर् भुवः॑⁠। भुवः॒ सुवः॑⁠। सुव॒र् वस॑वः⁠। वस॑वस्त्वा⁠। त्वा॒ऽञ्ज॒न्तु॒⁠। अ॒ञ्ज॒न्तु॒ गा॒य॒त्रेण॑⁠। गा॒य॒त्रेण॒ छन्द॑सा⁠। छन्द॑सा रु॒द्राः⁠। रु॒द्रास्त्वा᳚⁠। त्वा॒ऽञ्ज॒न्तु॒⁠। अ॒ञ्ज॒न्तु॒ त्रैष्टु॑भेन⁠। त्रैष्टु॑भेन॒ छन्द॑सा⁠। छन्द॑साऽऽदि॒त्याः⁠। आ॒दि॒त्यास्त्वा᳚⁠। त्वा॒ऽञ्ज॒न्तु॒⁠। अ॒ञ्ज॒न्तु॒ जाग॑तेन⁠। जाग॑तेन॒ छन्द॑सा⁠। छन्द॑सा॒ यत्⁠। यद् वातः॑⁠। वातो॑ अ॒पः⁠। अ॒पो अग॑मत्⁠। अग॑म॒दिन्द्र॑स्य⁠। इन्द्र॑स्य त॒नुव᳚म्⁠। त॒नुव॑म् प्रि॒याम्⁠। प्रि॒यामिति॑ प्रि॒याम्⁠॥ ए॒तꣴ स्तो॑तः⁠। स्तो॒त॒रे॒तेन॑⁠। ए॒तेन॑ प॒था⁠। प॒था पुनः॑⁠। पुन॒रश्व᳚म्⁠। अश्व॒मा⁠। आ व॑र्तयासि⁠। व॒र्त॒या॒सि॒ नः॒⁠। न॒ इति॑ नः⁠॥ लाजी(३)ञ्छाची(३)न्⁠। शाचीऽ(३)न्‌यशः॑⁠। यशो॑ म॒मा(४)⁠। मँ॒मा(४) इँति॑ म॒मा(४)⁠॥ यँ॒व्यायै॑ ग॒व्यायै᳚⁠। ग॒व्याया॑ ए॒तत्⁠। ए॒तद् दे॑वाः⁠। दे॒वा॒ अन्न᳚म्⁠। अन्न॑मत्त⁠। अ॒त्तै॒तत्⁠। ए॒तदन्न᳚म्⁠। अन्न॑मद्धि⁠। अ॒द्धि॒ प्र॒जा॒प॒ते॒⁠। प्र॒जा॒प॒त॒ इति॑ प्रजा—प॒ते॒⁠॥ यु॒ञ्जन्ति॑ ब्र॒द्ध्नम्⁠। ब्र॒द्ध्नम॑रु॒षम्⁠। अ॒रु॒षम् चर॑न्तम्⁠। चर॑न्त॒म् परि॑⁠। परि॑ त॒स्थुषः॑⁠। त॒स्थुष॒ इति॑ त॒स्थुषः॑⁠॥ रोच॑न्ते रोच॒ना⁠। रो॒च॒ना दि॒वि⁠। दि॒वीति॑ दि॒वि⁠॥ यु॒ञ्जन्त्य॑स्य⁠। अ॒स्य॒ काम्या᳚⁠। काम्या॒ हरी᳚⁠। हरी॒ विप॑ख्‍षसा⁠। हरी॒ इति॒ हरी᳚⁠। विप॑ख्‍षसा॒ रथे᳚⁠। विप॑ख्‍ष॒सेति॒ वि—प॒ख्‍ष॒सा॒⁠॥ रथ॒ इति॒ रथे᳚⁠॥ शोणा॑ धृ॒ष्णू⁠। धृ॒ष्णू नृ॒वाह॑सा⁠। धृ॒ष्णू इति॑ धृ॒ष्णू⁠। नृ॒वाह॒सेति॑ नृ—वाह॑सा⁠॥ के॒तुम् कृ॒ण्वन्न्⁠। कृ॒ण्वन्न॑के॒तवे᳚⁠। अ॒के॒तवे॒ पेशः॑⁠। पेशो॑ मर्याः⁠। म॒र्या॒ अ॒पे॒शसे᳚⁠। अ॒पे॒शस॒ इत्य॑पे॒शसे᳚⁠॥ समु॒षद्‌भिः॑⁠। उ॒षद्‌भि॑रजायथाः⁠। उ॒षद्‌भि॒रित्यु॒षत्—भिः॒⁠। अ॒जा॒य॒था॒ इत्य॑जायथाः⁠॥ [५१] (ब्र॒ध्नं पञ्च॑विꣳशतिश्च) ॥२०॥
प्रा॒णाय॒ स्वाहा᳚⁠। प्रा॒णायेति॑ प्र—अ॒नाय॑⁠। स्वाहा᳚ व्या॒नाय॑⁠। व्या॒नाय॒ स्वाहा᳚⁠। व्या॒नायेति॑ वि—अ॒नाय॑⁠। स्वाहा॑ऽपा॒नाय॑⁠। अ॒पा॒नाय॒ स्वाहा᳚⁠। अ॒पा॒नायेत्य॑प—अ॒नाय॑⁠। स्वाहा॒ स्नाव॑भ्यः⁠। स्नाव॑भ्यः॒ स्वाहा᳚⁠। स्नाव॑भ्य॒ इति॒ स्नाव॑—भ्यः॒⁠। स्वाहा॑ सन्ता॒नेभ्यः॑⁠। स॒न्ता॒नेभ्यः॒ स्वाहा᳚⁠। स॒न्ता॒नेभ्य॒ इति॑ सम्—ता॒नेभ्यः॑⁠। स्वाहा॒ परि॑सन्तानेभ्यः⁠। परि॑सन्तानेभ्यः॒ स्वाहा᳚⁠। परि॑सन्तानेभ्य॒ इति॒ परि॑—स॒न्ता॒ने॒भ्यः॒⁠। स्वाहा॒ पर्व॑भ्यः⁠। पर्व॑भ्यः॒ स्वाहा᳚⁠। पर्व॑भ्य॒ इति॒ पर्व॑—भ्यः॒⁠। स्वाहा॑ स॒न्धाने᳚भ्यः⁠। स॒न्धाने᳚भ्यः॒ स्वाहा᳚⁠। स॒न्धाने᳚भ्य॒ इति॑ सम्—धाने᳚भ्यः⁠। स्वाहा॒ शरी॑रेभ्यः⁠। शरी॑रेभ्यः॒ स्वाहा᳚⁠। स्वाहा॑ य॒ज्ञाय॑⁠। य॒ज्ञाय॒ स्वाहा᳚⁠। स्वाहा॒ दख्‍षि॑णाभ्यः⁠। दख्‍षि॑णाभ्यः॒ स्वाहा᳚⁠। स्वाहा॑ सुव॒र्गाय॑⁠। सु॒व॒र्गाय॒ स्वाहा᳚⁠। सु॒व॒र्गायेति॑ सुवः—गाय॑⁠। स्वाहा॑ लो॒काय॑⁠। लो॒काय॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [५२] (प्रा॒णाया॒ ष्टावि॑ꣳशतिः) ॥२१॥
सि॒ताय॒ स्वाहा᳚⁠। स्वाहाऽसि॑ताय⁠। असि॑ताय॒ स्वाहा᳚⁠। स्वाहा॒ऽभिहि॑ताय⁠। अ॒भिहि॑ताय॒ स्वाहा᳚⁠। अ॒भिहि॑ता॒येत्य॒भि—हि॒ता॒य॒⁠। स्वाहाऽन॑भिहिताय⁠। अन॑भिहिताय॒ स्वाहा᳚⁠। अन॑भिहिता॒येत्य॑नभि—हि॒ता॒य॒⁠। स्वाहा॑ यु॒क्ताय॑⁠। यु॒क्ताय॒ स्वाहा᳚⁠। स्वाहाऽयु॑क्ताय⁠। अयु॑क्ताय॒ स्वाहा᳚⁠। स्वाहा॒ सुयु॑क्ताय⁠। सुयु॑क्ताय॒ स्वाहा᳚⁠। सुयु॑क्ता॒येति॒ सु—यु॒क्ता॒य॒⁠। स्वाहोद्यु॑क्ताय⁠। उद्यु॑क्ताय॒ स्वाहा᳚⁠। उद्यु॑क्ता॒येत्युत्—यु॒क्ता॒य॒⁠। स्वाहा॒ विमु॑क्ताय⁠। विमु॑क्ताय॒ स्वाहा᳚⁠। विमु॑क्ता॒येति॒ वि—मु॒क्ता॒य॒⁠। स्वाहा॒ प्रमु॑क्ताय⁠। प्रमु॑क्ताय॒ स्वाहा᳚⁠। प्रमु॑क्ता॒येति॒ प्र—मु॒क्ता॒य॒⁠। स्वाहा॒ वञ्च॑ते⁠। वञ्च॑ते॒ स्वाहा᳚⁠। स्वाहा॑ परि॒वञ्च॑ते⁠। प॒रि॒वञ्च॑ते॒ स्वाहा᳚⁠। प॒रि॒वञ्च॑त॒ इति॑ परि—वञ्च॑ते⁠। स्वाहा॑ स॒व्ँवञ्च॑ते⁠। स॒व्ँवञ्च॑ते॒ स्वाहा᳚⁠। स॒व्ँवञ्च॑त॒ इति॑ सम्—वञ्च॑ते⁠। स्वाहा॑ऽनु॒वञ्च॑ते⁠। अ॒नु॒वञ्च॑ते॒ स्वाहा᳚⁠। अ॒नु॒वञ्च॑त॒ इत्य॑नु—वञ्च॑ते⁠। स्वाहो॒द्वञ्च॑ते⁠। उ॒द्वञ्च॑ते॒ स्वाहा᳚⁠। उ॒द्वञ्च॑त॒ इत्यु॑त्—वञ्च॑ते⁠। स्वाहा॑ य॒ते⁠। य॒ते स्वाहा᳚⁠। स्वाहा॒ धाव॑ते⁠। धाव॑ते॒ स्वाहा᳚⁠। स्वाहा॒ तिष्ठ॑ते⁠। तिष्ठ॑ते॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [५३] (सि॒ताया॒ ष्टात्रि॑ꣳशत्) ॥२२॥
अनुवाकाः पञ्चशती
२२ ५३