कृष्ण यजुर्वेदीय तैत्तिरीय संहिता क्रम पाठः
सप्तमकाण्डे पञ्चमः प्रश्नः

कांड ७ प्रश्न ५
सत्रविशेषाभिधानं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
गावो॒ वै⁠। वा ए॒तत्⁠। ए॒तथ् स॒त्रम्⁠। स॒त्रमा॑सत⁠। आ॒स॒ता॒शृ॒ङ्‍गाः⁠। अ॒शृ॒ङ्‍गाः स॒तीः⁠। स॒तीः शृङ्‍गा॑णि⁠। शृङ्‍गा॑णि नः⁠। नो॒ जा॒य॒न्तै॒⁠। जा॒य॒न्ता॒ इति॑⁠। इति॒ कामे॑न⁠। कामे॑न॒ तासा᳚म्⁠। तासा॒म् दश॑⁠। दश॒ मासाः᳚⁠। मासा॒ निष॑ण्णाः⁠। निष॑ण्णा॒ आस॑न्न्⁠। निष॑ण्णा॒ इति॒ नि—स॒न्नाः॒⁠। आस॒न्नथ॑⁠। अथ॒ शृङ्‍गा॑णि⁠। शृङ्गा᳚ण्यजायन्त⁠। अ॒जा॒य॒न्त॒ ताः⁠। ता उत्⁠। उद॑तिष्ठन्न्⁠। अ॒ति॒ष्ठ॒न्नरा᳚थ्स्म⁠। अरा॒थ्स्मेति॑⁠। इत्यथ॑⁠। अथ॒ यासा᳚म्⁠। यासा॒म् न⁠। नाजा॑यन्त⁠। अजा॑यन्त॒ ताः⁠। ताः स॑व्ँवथ्स॒रम्⁠। स॒व्ँव॒थ्स॒रमा॒प्त्वा⁠। स॒व्ँव॒थ्स॒रमिति॑ सम्—व॒थ्स॒रम्⁠। आ॒प्त्वोत्⁠। उद॑तिष्ठन्न्⁠। अ॒ति॒ष्ठ॒न्नरा᳚थ्स्म⁠। अरा॒थ्स्मेति॑⁠। इति॒ यासा᳚म्⁠। यासा᳚म् च⁠। चाजा॑यन्त⁠। अजा॑यन्त॒ यासा᳚म्⁠। यासा᳚म् च⁠। च॒ न⁠। न ताः⁠। ता उ॒भयीः᳚⁠। उ॒भयी॒रुत्⁠। उद॑तिष्ठन्न्⁠। अ॒ति॒ष्ठ॒न्नरा᳚थ्स्म⁠। अरा॒थ्स्मेति॑⁠। इति॑ गोस॒त्रम्⁠। गो॒स॒त्रव्ँवै⁠। गो॒स॒त्रमिति॑ गो—स॒त्रम्⁠। वै स॑व्ँवथ्स॒रः⁠। [१] स॒व्ँव॒थ्स॒रो ये⁠। स॒व्ँव॒थ्स॒र इति॑ सम्—व॒थ्स॒रः⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳसः॑ सव्ँवथ्स॒रम्⁠। स॒व्ँव॒थ्स॒रमु॑प॒यन्ति॑⁠। स॒व्ँव॒थ्स॒रमिति॑ सम्—व॒थ्स॒रम्⁠। उ॒प॒यन्त्यृ॑द्ध्नु॒वन्ति॑⁠। उ॒प॒यन्तीत्यु॑प—यन्ति॑⁠। ऋ॒द्ध्नु॒वन्त्ये॒व⁠। ए॒व तस्मा᳚त्⁠। तस्मा᳚त् तूप॒रा⁠। तू॒प॒रा वार्‌षि॑कौ⁠। वार्‌षि॑कौ॒ मासौ᳚⁠। मासौ॒ पर्त्वा᳚⁠। पर्त्वा॑ चरति⁠। च॒र॒ति॒ स॒त्राभि॑जितम्⁠। स॒त्राभि॑जित॒ꣳ॒ हि⁠। स॒त्राभि॑जित॒मिति॑ स॒त्र—अ॒भि॒जि॒त॒म्⁠। ह्य॑स्यै⁠। अ॒स्यै॒ तस्मा᳚त्⁠। तस्मा᳚थ् सव्ँवथ्सर॒सदः॑⁠। स॒व्ँव॒थ्स॒र॒सदो॒ यत्⁠। स॒व्ँव॒थ्स॒र॒सद॒ इति॑ सव्ँवथ्सर—सदः॑⁠। यत् किम्⁠। किम् च॑⁠। च॒ गृ॒हे⁠। गृ॒हे क्रि॒यते᳚⁠। ? क्रि॒यते॒ तत्⁠। तदा॒प्तम्⁠। आ॒प्तमव॑रुद्धम्⁠। अव॑रुद्धम॒भिजि॑तम्⁠। अव॑रुद्ध॒मित्यव॑—रु॒द्ध॒म्⁠। अ॒भिजि॑तम् क्रियते⁠। अ॒भिजि॑त॒मित्य॒भि—जि॒त॒म्⁠। क्रि॒य॒ते॒ स॒मु॒द्रम्⁠। स॒मु॒द्रव्ँवै⁠। वा ए॒ते⁠। ए॒ते प्र⁠। प्र प्ल॑वन्ते⁠। प्ल॒व॒न्ते॒ ये⁠। ये स॑व्ँवथ्स॒रम्⁠। स॒व्ँव॒थ्स॒रमु॑प॒यन्ति॑⁠। स॒व्ँव॒थ्स॒रमिति॑ सम्—व॒थ्स॒रम्⁠। उ॒प॒यन्ति॒ यः⁠। उ॒प॒यन्तीत्यु॑प—यन्ति॑⁠। यो वै⁠। वै स॑मु॒द्रस्य॑⁠। स॒मु॒द्रस्य॑ पा॒रम्⁠। पा॒रम् न⁠। न पश्य॑ति⁠। पश्य॑ति॒ न⁠। न वै⁠। वै सः⁠। स ततः॑⁠। तत॒ उत्⁠। उदे॑ति⁠। ए॒ति॒ स॒व्ँव॒थ्स॒रः⁠। स॒व्ँव॒थ्स॒रो वै⁠। स॒व्ँव॒थ्स॒र इति॑ सम्—व॒थ्स॒रः⁠। [२] वै स॑मु॒द्रः⁠। स॒मु॒द्रस्तस्य॑⁠। तस्यै॒तत्⁠। ए॒तत् पा॒रम्⁠। पा॒रय्ँयत्⁠। यद॑तिरा॒त्रौ⁠। अ॒ति॒रा॒त्रौ ये⁠। अ॒ति॒रा॒त्रावित्य॑ति—रा॒त्रौ⁠। य ए॒वम्⁠। ए॒वव्ँवि॒द्वाꣳसः॑⁠। वि॒द्वाꣳसः॑ सव्ँवथ्स॒रम्⁠। स॒व्ँव॒थ्स॒रमु॑प॒यन्ति॑⁠। स॒व्ँव॒थ्स॒रमिति॑ सम्—व॒थ्स॒रम्⁠। उ॒प॒यन्त्यना᳚र्ताः⁠। उ॒प॒यन्तीत्यु॑प—यन्ति॑⁠। अना᳚र्ता ए॒व⁠। ए॒वोदृच᳚म्⁠। उ॒दृच॑म् गच्छन्ति⁠। उ॒दृच॒मित्यु॑त्—ऋच᳚म्⁠। ग॒च्छ॒न्ती॒यम्⁠। इ॒यव्ँवै⁠। वै पूर्वः॑⁠। पूर्वो॑ऽतिरा॒त्रः⁠। अ॒ति॒रा॒त्रो॑ऽसौ⁠। अ॒ति॒रा॒त्र इत्य॑ति—रा॒त्रः⁠। अ॒सावुत्त॑रः⁠। उत्त॑रो॒ मनः॑⁠। उत्त॑र॒ इत्युत्—त॒रः॒⁠। मनः॒ पूर्वः॑⁠। पूर्वो॒ वाक्⁠। वागुत्त॑रः⁠। उत्त॑रः प्रा॒णः⁠। उत्त॑र॒ इत्युत्—त॒रः॒⁠। प्रा॒णः पूर्वः॑⁠। प्रा॒ण इति॑ प्र—अ॒नः⁠। पूर्वो॑ऽपा॒नः⁠। अ॒पा॒न उत्त॑रः⁠। अ॒पा॒न इत्य॑प—अ॒नः⁠। उत्त॑रः प्र॒रोध॑नम्⁠। उत्त॑र॒ इत्युत्—त॒रः॒⁠। प्र॒रोध॑न॒म् पूर्वः॑⁠। प्र॒रोध॑न॒मिति॑ प्र—रोध॑नम्⁠। पूर्व॑ उ॒दय॑नम्⁠। उ॒दय॑न॒मुत्त॑रः⁠। उ॒दय॑न॒मित्यु॑त्—अय॑नम्⁠। उत्त॑रो॒ ज्योति॑ष्टोमः⁠। उत्त॑र॒ इत्युत्—त॒रः॒⁠। ज्योति॑ष्टोमो वैश्वान॒रः⁠। ज्योति॑ष्टोम॒ इति॒ ज्योतिः॑—स्तो॒मः॒⁠। वै॒श्वा॒न॒रो॑ऽतिरा॒त्रः⁠। अ॒ति॒रा॒त्रो भ॑वति⁠। अ॒ति॒रा॒त्र इत्य॑ति—रा॒त्रः⁠। भ॒व॒ति॒ ज्योतिः॑⁠। ज्योति॑रे॒व⁠। ए॒व पु॒रस्ता᳚त्⁠। पु॒रस्ता᳚द् दधते⁠। द॒ध॒ते॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्यानु॑ख्यात्यै⁠। अनु॑ख्यात्यै चतुर्वि॒ꣳ॒शः⁠। अनु॑ख्यात्या॒ इत्यनु॑—ख्या॒त्यै॒⁠। च॒तु॒र्वि॒ꣳ॒शः प्रा॑य॒णीयः॑⁠। च॒तु॒र्वि॒ꣳ॒श इति॑ चतुः—वि॒ꣳ॒शः⁠। प्रा॒य॒णीयो॑ भवति⁠। प्रा॒य॒णीय॒ इति॑ प्र—अ॒य॒नीयः॑⁠। भ॒व॒ति॒ चतु॑र्विꣳशतिः⁠। चतु॑र्विꣳशतिरर्द्धमा॒साः⁠। चतु॑र्विꣳशति॒रिति॒ चतुः॑—वि॒ꣳ॒श॒तिः॒⁠। अ॒र्द्ध॒मा॒साः स॑व्ँवथ्स॒रः⁠। अ॒र्द्ध॒मा॒सा इत्य॑र्द्ध—मा॒साः⁠। [३] स॒व्ँव॒थ्स॒रः प्र॒यन्तः॑⁠। स॒व्ँव॒थ्स॒र इति॑ सम्—व॒थ्स॒रः⁠। प्र॒यन्त॑ ए॒व⁠। प्र॒यन्त॒ इति॑ प्र—यन्तः॑⁠। ए॒व स॑व्ँवथ्स॒रे⁠। स॒व्ँव॒थ्स॒रे प्रति॑⁠। स॒व्ँव॒थ्स॒र इति॑ सम्—व॒थ्स॒रे⁠। प्रति॑ तिष्ठन्ति⁠। ति॒ष्ठ॒न्ति॒ तस्य॑⁠। तस्य॒ त्रीणि॑⁠। त्रीणि॑ च⁠। च॒ श॒तानि॑⁠। श॒तानि॑ ष॒ष्टिः⁠। ष॒ष्टिश्च॑⁠। च॒ स्तो॒त्रीयाः᳚⁠। स्तो॒त्रीया॒स्ताव॑तीः⁠। ताव॑तीः सव्ँवथ्स॒रस्य॑⁠। स॒व्ँव॒थ्स॒रस्य॒ रात्र॑यः⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। रात्र॑य उ॒भे⁠। उ॒भे ए॒व⁠। उ॒भे इत्यु॒भे⁠। ए॒व स॑व्ँवथ्स॒रस्य॑⁠। स॒व्ँव॒थ्स॒रस्य॑ रू॒पे⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। रू॒पे आ᳚प्नुवन्ति⁠। रू॒पे इति॑ रू॒पे⁠। आ॒प्नु॒व॒न्ति॒ ते⁠। ते सꣴस्थि॑त्यै⁠। सꣴस्थि॑त्या॒ अरि॑ष्ट्‍यै⁠। सꣴस्थि॑त्या॒ इति॒ सम्—स्थि॒त्यै॒⁠। अरि॑ष्ट्‍या॒ उत्त॑रैः⁠। उत्त॑रै॒रहो॑भिः⁠। उत्त॑रै॒रित्युत्—त॒रैः॒⁠। अहो॑भिश्चरन्ति⁠। अहो॑भि॒रित्यहः॑—भिः॒⁠। च॒र॒न्ति॒ ष॒ड॒हाः⁠। ष॒ड॒हा भ॑वन्ति⁠। ष॒ड॒हा इति॑ षट्—अ॒हाः⁠। भ॒व॒न्ति॒ षट्⁠। षड् वै⁠। वा ऋ॒तवः॑⁠। ऋ॒तवः॑ सव्ँवथ्स॒रः⁠। स॒व्ँव॒थ्स॒र ऋ॒तुषु॑⁠। स॒व्ँव॒थ्स॒र इति॑ सम्—व॒थ्स॒रः⁠। ऋ॒तुष्वे॒व⁠। ए॒व स॑व्ँवथ्स॒रे⁠। स॒व्ँव॒थ्स॒रे प्रति॑⁠। स॒व्ँव॒थ्स॒र इति॑ सम्—व॒थ्स॒रे⁠। प्रति॑ तिष्ठन्ति⁠। ति॒ष्ठ॒न्ति॒ गौः⁠। गौश्च॑⁠। चायुः॑⁠। आयु॑श्च⁠। च॒ म॒द्ध्य॒तः⁠। म॒द्ध्य॒तः स्तोमौ᳚⁠। स्तोमौ॑ भवतः⁠। भ॒व॒तः॒ स॒व्ँव॒थ्स॒रस्य॑⁠। स॒व्ँव॒थ्स॒रस्यै॒व⁠। स॒व्ँव॒थ्स॒रस्येति॑ सम्—व॒थ्स॒रस्य॑⁠। ए॒व तत्⁠। तन् मि॑थु॒नम्⁠। मि॒थु॒नम् म॑द्ध्य॒तः⁠। म॒द्ध्य॒तो द॑धति⁠। [४] द॒ध॒ति॒ प्र॒जन॑नाय⁠। प्र॒जन॑नाय॒ ज्योतिः॑⁠। प्र॒जन॑ना॒येति॑ प्र—जन॑नाय⁠। ज्योति॑र॒भितः॑⁠। अ॒भितो॑ भवति⁠। भ॒व॒ति॒ वि॒मोच॑नम्⁠। वि॒मोच॑नमे॒व⁠। वि॒मोच॑न॒मिति॑ वि—मोच॑नम्⁠। ए॒व तत्⁠। तच् छन्दा॑ꣳसि⁠। छन्दा॑ꣴस्ये॒व⁠। ए॒व तत्⁠। तद् वि॒मोक᳚म्⁠। वि॒मोक॑य्ँयन्ति⁠। वि॒मोक॒मिति॑ वि—मोक᳚म्⁠। य॒न्त्यथो᳚⁠। अथो॑ उभ॒यतो᳚ज्योतिषा⁠। अथो॒ इत्यथो᳚⁠। उ॒भ॒यतो᳚ज्योतिषै॒व⁠। उ॒भ॒यतो᳚ज्योति॒षेत्यु॑भ॒यतः॑—ज्यो॒ति॒षा॒⁠। ए॒व ष॑ड॒हेन॑⁠। ष॒ड॒हेन॑ सुव॒र्गम्⁠। ष॒ड॒हेनेति॑ षट्—अ॒हेन॑⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कय्ँय॑न्ति⁠। य॒न्ति॒ ब्र॒ह्म॒वा॒दिनः॑⁠। ब्र॒ह्म॒वा॒दिनो॑ वदन्ति⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। व॒द॒न्त्यास॑ते⁠। आस॑ते॒ केन॑⁠। केन॑ यन्ति⁠। य॒न्तीति॑⁠। इति॑ देव॒याने॑न⁠। दे॒व॒याने॑न प॒था⁠। दे॒व॒याने॒नेति॑ देव—याने॑न⁠। प॒थेति॑⁠। इति॑ ब्रूयात्⁠। ब्रू॒या॒च् छन्दा॑ꣳसि⁠। छन्दा॑ꣳसि॒ वै⁠। वै दे॑व॒यानः॑⁠। दे॒व॒यानः॒ पन्थाः᳚⁠। दे॒व॒यान॒ इति॑ देव—यानः॑⁠। पन्था॑ गाय॒त्री⁠। गा॒य॒त्री त्रि॒ष्टुप्⁠। त्रि॒ष्टुब् जग॑ती⁠। जग॑ती॒ ज्योतिः॑⁠। ज्योति॒र् वै⁠। वै गा॑य॒त्री⁠। गा॒य॒त्री गौः⁠। गौस्त्रि॒ष्टुक्⁠। त्रि॒ष्टुगायुः॑⁠। आयु॒र् जग॑ती⁠। जग॑ती॒ यत्⁠। यदे॒ते⁠। ए॒ते स्तोमाः᳚⁠। स्तोमा॒ भव॑न्ति⁠। भव॑न्ति देव॒याने॑न⁠। दे॒व॒याने॑नै॒व⁠। दे॒व॒याने॒नेति॑ देव—याने॑न⁠। ए॒व तत्⁠। [५] तत् प॒था⁠। प॒था य॑न्ति⁠। य॒न्ति॒ स॒मा॒नम्⁠। स॒मा॒नꣳ साम॑⁠। साम॑ भवति⁠। भ॒व॒ति॒ दे॒व॒लो॒कः⁠। दे॒व॒लो॒को वै⁠। दे॒व॒लो॒क इति॑ देव—लो॒कः⁠। वै साम॑⁠। साम॑ देवलो॒कात्⁠। दे॒व॒लो॒कादे॒व⁠। दे॒व॒लो॒कादिति॑ देव—लो॒कात्⁠। ए॒व न⁠। न य॑न्ति⁠। य॒न्त्य॒न्याअ॑न्याः⁠। अ॒न्याअ॑न्या॒ ऋचः॑⁠। अ॒न्याअ॑न्या॒ इत्य॒न्याः—अ॒न्याः॒⁠। ऋचो॑ भवन्ति⁠। भ॒व॒न्ति॒ म॒नु॒ष्य॒लो॒कः⁠। म॒नु॒ष्य॒लो॒को वै⁠। म॒नु॒ष्य॒लो॒क इति॑ मनुष्य—लो॒कः⁠। वा ऋचः॑⁠। ऋचो॑ मनुष्यलो॒कात्⁠। म॒नु॒ष्य॒लो॒कादे॒व⁠। म॒नु॒ष्य॒लो॒कादिति॑ मनुष्य—लो॒कात्⁠। ए॒वान्यम॑न्यम्⁠। अ॒न्यम॑न्यम् देवलो॒कम्⁠। अ॒न्यम॑न्य॒मित्य॒न्यम्—अ॒न्य॒म्⁠। दे॒व॒लो॒कम॑भ्या॒रोह॑न्तः⁠। दे॒व॒लो॒कमिति॑ देव—लो॒कम्⁠। अ॒भ्या॒रोह॑न्तो यन्ति⁠। अ॒भ्या॒रोह॑न्त॒ इत्य॑भि—आ॒रोह॑न्तः⁠। य॒न्त्य॒भि॒व॒र्तः⁠। अ॒भि॒व॒र्तो ब्र॑ह्मसा॒मम्⁠। अ॒भि॒व॒र्त इत्य॑भि—व॒र्तः⁠। ब्र॒ह्म॒सा॒मम् भ॑वति⁠। ब्र॒ह्म॒सा॒ममिति॑ ब्रह्म—सा॒मम्⁠। भ॒व॒ति॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्या॒भिवृ॑त्यै⁠। अ॒भिवृ॑त्या अभि॒जित्⁠। अ॒भिवृ॑त्या॒ इत्य॒भि—वृ॒त्यै॒⁠। अ॒भि॒जिद् भ॑वति⁠। अ॒भि॒जिदित्य॑भि—जित्⁠। भ॒व॒ति॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्या॒भिजि॑त्यै⁠। अ॒भिजि॑त्यै विश्व॒जित्⁠। अ॒भिजि॑त्या॒ इत्य॒भि—जि॒त्यै॒⁠। वि॒श्व॒जिद् भ॑वति⁠। वि॒श्व॒जिदिति॑ विश्व—जित्⁠। भ॒व॒ति॒ विश्व॑स्य⁠। विश्व॑स्य॒ जित्यै᳚⁠। जित्यै॑ मा॒सिमा॑सि⁠। मा॒सिमा॑सि पृ॒ष्ठानि॑⁠। मा॒सिमा॒सीति॑ मा॒सि—मा॒सि॒⁠। पृ॒ष्ठान्युप॑⁠। उप॑ यन्ति⁠। य॒न्ति॒ मा॒सिमा॑सि⁠। मा॒सिमा᳚स्यतिग्रा॒ह्याः᳚⁠। मा॒सिमा॒सीति॑ मा॒सि—मा॒सि॒⁠। अ॒ति॒ग्रा॒ह्या॑ गृह्यन्ते⁠। अ॒ति॒ग्रा॒ह्या॑ इत्य॑ति—ग्रा॒ह्याः᳚⁠। गृ॒ह्य॒न्ते॒ मा॒सिमा॑सि⁠। मा॒सिमा᳚स्ये॒व⁠। मा॒सिमा॒सीति॑ मा॒सि—मा॒सि॒⁠। ए॒व वी॒र्य᳚म्⁠। वी॒र्य॑म् दधति⁠। द॒ध॒ति॒ मा॒साम्⁠। मा॒साम् प्रति॑ष्ठित्यै⁠। प्रति॑ष्ठित्या उ॒परि॑ष्टात्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। उ॒परि॑ष्टान् मा॒साम्⁠। मा॒साम् पृ॒ष्ठानि॑⁠। पृ॒ष्ठान्युप॑⁠। उप॑ यन्ति⁠। य॒न्ति॒ तस्मा᳚त्⁠। तस्मा॑दु॒परि॑ष्टात्⁠। उ॒परि॑ष्टा॒दोष॑धयः⁠। ओष॑धयः॒ फल᳚म्⁠। फल॑म् गृह्णन्ति⁠। गृ॒ह्ण॒न्तीति॑ गृह्णन्ति⁠॥ [६] (गो॒स॒त्रम् वा ए॑ति सव्ँवथ्स॒रो᳚ ऽर्द्धमा॒सा मि॑थु॒नम् म॑ध्य॒तो दे॑व॒याने॑नै॒व वी॒र्य॑म् त्रयो॑दश च) ॥१॥
गावो॒ वै⁠। वा ए॒तत्⁠। ए॒तथ् स॒त्रम्⁠। स॒त्रमा॑सत⁠। आ॒स॒ता॒शृ॒ङ्‍गाः⁠। अ॒शृ॒ङ्‍गाः स॒तीः⁠। स॒तीः शृङ्‍गा॑णि⁠। शृङ्‍गा॑णि॒ सिषा॑सन्तीः⁠। सिषा॑सन्ती॒स्तासा᳚म्⁠। तासा॒म् दश॑⁠। दश॒ मासाः᳚⁠। मासा॒ निष॑ण्णाः⁠। निष॑ण्णा॒ आस॑न्न्⁠। निष॑ण्णा॒ इति॒ नि—स॒न्नाः॒⁠। आस॒न्नथ॑⁠। अथ॒ शृङ्‍गा॑णि⁠। शृङ्‍गा᳚ण्यजायन्त⁠। अ॒जा॒य॒न्त॒ ताः⁠। ता अ॑ब्रुवन्न्⁠। अ॒ब्रु॒व॒न्नरा᳚थ्स्म⁠। अरा॒थ्स्मोत्⁠। उत् ति॑ष्ठाम⁠। ति॒ष्ठा॒माव॑⁠। अव॑ तम्⁠। तम् काम᳚म्⁠। काम॑मरुथ्स्महि⁠। अ॒रु॒थ्स्म॒हि॒ येन॑⁠। येन॒ कामे॑न⁠। कामे॑न॒ न्यष॑दाम⁠। न्यष॑दा॒मेति॑⁠। न्यष॑दा॒मेति॑ नि—अस॑दाम⁠। इति॒ तासा᳚म्⁠। तासा॑मु⁠। उ॒ तु⁠। त्वै⁠। वा अ॑ब्रुवन्न्⁠। अ॒ब्रु॒व॒न्न॒र्द्धाः⁠। अ॒र्द्धा वा᳚⁠। वा॒ याव॑तीः⁠। याव॑तीर् वा⁠। वाऽऽसा॑महै⁠। आसा॑महा ए॒व⁠। ए॒वेमौ⁠। इ॒मौ द्वा॑द॒शौ⁠। द्वा॒द॒शौ मासौ᳚⁠। मासौ॑ सव्ँवथ्स॒रम्⁠। स॒व्ँव॒थ्स॒रꣳ स॒म्पाद्य॑⁠। स॒व्ँव॒थ्स॒रमिति॑ सम्—व॒थ्स॒रम्⁠। स॒म्पाद्योत्⁠। स॒म्पाद्येति॑ सम्—पाद्य॑⁠। उत् ति॑ष्ठाम⁠। ति॒ष्ठा॒मेति॑⁠। इति॒ तासा᳚म्⁠। तासा᳚म् द्वाद॒शे⁠। [७] द्वा॒द॒शे मा॒सि⁠। मा॒सि शृङ्‍गा॑णि⁠। शृङ्‍गा॑णि॒ प्र⁠। प्राव॑र्तन्त⁠। अ॒व॒र्त॒न्त॒ श्र॒द्धया᳚⁠। श्र॒द्धया॑ वा⁠। श्र॒द्धयेति॑ श्रत्—धया᳚⁠। वाऽश्र॑द्धया⁠। अश्र॑द्धया वा⁠। अश्र॑द्ध॒येत्यश्र॑त्—ध॒या॒⁠। वा॒ ताः⁠। ता इ॒माः⁠। इ॒मा याः⁠। यास्तू॑प॒राः⁠। तू॒प॒रा उ॒भय्यः॑⁠। उ॒भय्यो॒ वाव⁠। वाव ताः⁠। ता आ᳚र्द्ध्नुवन्न्⁠। आ॒र्द्धु॒व॒न्॒‌याः⁠। याश्च॑⁠। च॒ शृङ्‍गा॑णि⁠। शृङ्‍गा॒ण्यस॑न्वन्न्⁠। अस॑न्व॒न्॒‌याः⁠। याश्च॑⁠। चोर्ज᳚म्⁠। ऊर्ज॑म॒वारु॑न्धत⁠। अ॒वारु॑न्धत॒र्द्ध्नोति॑⁠। अ॒वारु॑न्ध॒तेत्य॑व—अरु॑न्धत⁠। ऋ॒द्ध्नोति॑ द॒शसु॑⁠। द॒शसु॑ मा॒सु⁠। द॒शस्विति॑ द॒श—सु॒⁠। मा॒सू᳚त्तिष्ठ॑न्न्⁠। उ॒त्तिष्ठ॑न्‌नृ॒द्ध्नोति॑⁠। उ॒त्तिष्ठ॒न्नित्यु॑त्—तिष्ठ॑न्न्⁠। ऋ॒द्ध्नोति॑ द्वाद॒शसु॑⁠। द्वा॒द॒शसु॒ यः⁠। द्वा॒द॒शस्विति॑ द्वाद॒श—सु॒⁠। य ए॒वम्⁠। ए॒वव्ँवेद॑⁠। वेद॑ प॒देन॑⁠। प॒देन॒ खलु॑⁠। खलु॒ वै⁠। वा ए॒ते⁠। ए॒ते य॑न्ति⁠। य॒न्ति॒ वि॒न्दति॑⁠। वि॒न्दति॒ खलु॑⁠। खलु॒ वै⁠। वै प॒देन॑⁠। प॒देन॒ यन्न्⁠। यन् तत्⁠। तद् वै⁠। वा ए॒तत्⁠। ए॒तदृ॒द्धम्⁠। ऋ॒द्धमय॑नम्⁠। अय॑न॒म् तस्मा᳚त्⁠। तस्मा॑दे॒तत्⁠। ए॒तद् गो॒सनि॑⁠। गो॒सनीति॑ गो—सनि॑⁠॥ [८] (ति॒ष्ठा॒मेति तासा॒म् तस्मा॒द् द्वे च॑) ॥२॥
प्र॒थ॒मे मा॒सि⁠। मा॒सि पृ॒ष्ठानि॑⁠। पृ॒ष्ठान्युप॑⁠। उप॑ यन्ति⁠। य॒न्ति॒ म॒द्ध्य॒मे⁠। म॒द्ध्य॒म उप॑⁠। उप॑ यन्ति⁠। य॒न्त्यु॒त्त॒मे⁠। उ॒त्त॒म उप॑⁠। उ॒त्त॒म इत्यु॑त्—त॒मे⁠। उप॑ यन्ति⁠। य॒न्ति॒ तत्⁠। तदा॑हुः⁠। आ॒हु॒र् याम्⁠। याव्ँवै⁠। वै त्रिः⁠। त्रिरेक॑स्य⁠। एक॒स्याह्नः॑⁠। अह्न॑ उप॒सीद॑न्ति⁠। उ॒प॒सीद॑न्ति द॒ह्रम्⁠। उ॒प॒सीद॒न्तीत्यु॑प—सीद॑न्ति⁠। द॒ह्रव्ँवै⁠। वै सा⁠। साऽप॑राभ्याम्⁠। अप॑राभ्या॒म् दोहा᳚भ्याम्⁠। दोहा᳚भ्याम् दुहे⁠। दु॒हेऽथ॑⁠। अथ॒ कुतः॑⁠। कुतः॒ सा⁠। सा धो᳚ख्‍ष्यते⁠। धो॒ख्‍ष्य॒ते॒ याम्⁠। याम् द्वाद॑श⁠। द्वाद॑श॒ कृत्वः॑⁠। कृत्व॑ उप॒सीद॑न्ति⁠। उ॒प॒सीद॒न्तीति॑⁠। उ॒प॒सीद॒न्तीत्यु॑प—सीद॑न्ति⁠। इति॑ सव्ँवथ्स॒रम्⁠। स॒व्ँव॒थ्स॒रꣳ स॒म्पाद्य॑⁠। स॒व्ँव॒थ्स॒रमिति॑ सम्—व॒थ्स॒रम्⁠। स॒म्पाद्यो᳚त्त॒मे⁠। स॒म्पाद्येति॑ सम्—पाद्य॑⁠। उ॒त्त॒मे मा॒सि⁠। उ॒त्त॒म इत्यु॑त्—त॒मे⁠। मा॒सि स॒कृत्⁠। स॒कृत् पृ॒ष्ठानि॑⁠। पृ॒ष्ठान्युप॑⁠। उपे॑युः⁠। इ॒यु॒स्तत्⁠। तद् यज॑मानाः⁠। यज॑माना य॒ज्ञम्⁠। य॒ज्ञम् प॒शून्⁠। प॒शूनव॑⁠। अव॑ रुन्धते⁠। रु॒न्ध॒ते॒ स॒मु॒द्रम्⁠। स॒मु॒द्रव्ँवै⁠। वा ए॒ते⁠। [९] ए॒ते॑ऽनवा॒रम्⁠। अ॒न॒वा॒रम॑पा॒रम्⁠। अ॒पा॒रम् प्र⁠। प्र प्ल॑वन्ते⁠। प्ल॒व॒न्ते॒ ये⁠। ये स॑व्ँवथ्स॒रम्⁠। स॒व्ँव॒थ्स॒रमु॑प॒यन्ति॑⁠। स॒व्ँव॒थ्स॒रमिति॑ सम्—व॒थ्स॒रम्⁠। उ॒प॒यन्ति॒ यत्⁠। उ॒प॒यन्तीत्यु॑प—यन्ति॑⁠। यद् बृ॑हद्‍रथन्त॒रे⁠। बृ॒ह॒द्‍र॒थ॒न्त॒रे अ॒न्वर्जे॑युः⁠। बृ॒ह॒द्‍र॒थ॒न्त॒रे इति॑ बृहत्—र॒थ॒न्त॒रे⁠। अ॒न्वर्जे॑यु॒र् यथा᳚⁠। अ॒न्वर्जे॑यु॒रित्य॑नु—अर्जे॑युः⁠। यथा॒ मद्ध्ये᳚⁠। मद्ध्ये॑ समु॒द्रस्य॑⁠। स॒मु॒द्रस्य॑ प्ल॒वम्⁠। प्ल॒वम॒न्वर्जे॑युः⁠। अ॒न्वर्जे॑युस्ता॒दृक्⁠। अ॒न्वर्जे॑यु॒रित्य॑नु—अर्जे॑युः⁠। ता॒दृक् तत्⁠। तदनु॑थ्सर्गम्⁠। अनु॑थ्सर्गम् बृहद्‍रथन्त॒राभ्या᳚म्⁠। अनु॑थ्सर्ग॒मित्यनु॑—स॒र्ग॒म्⁠। बृ॒ह॒द्‍र॒थ॒न्त॒राभ्या॑मि॒त्वा⁠। बृ॒ह॒द्‍र॒थ॒न्त॒राभ्या॒मिति॑ बृहत्—र॒थ॒न्त॒राभ्या᳚म्⁠। इ॒त्वा प्र॑ति॒ष्ठाम्⁠। प्र॒ति॒ष्ठाम् ग॑च्छन्ति⁠। प्र॒ति॒ष्ठामिति॑ प्रति—स्थाम्⁠। ग॒च्छ॒न्ति॒ सर्वे᳚भ्यः⁠। सर्वे᳚भ्यो॒ वै⁠। वै कामे᳚भ्यः⁠। कामे᳚भ्यः स॒न्धिः⁠। स॒न्धिर् दु॑हे⁠। स॒न्धिरिति॑ सम्—धिः⁠। दु॒हे॒ तत्⁠। तद् यज॑मानाः⁠। यज॑मानाः॒ सर्वा॑न्⁠। सर्वा॒न् कामा॑न्⁠। कामा॒नव॑⁠। अव॑ रुन्धते⁠। रु॒न्ध॒त॒ इति॑ रुन्धते⁠॥ [१०] (स॒मु॒द्रम् वै चतु॑स्त्रिꣳशच्च) ॥३॥
स॒मा॒न्य॑ ऋचः॑⁠। ऋचो॑ भवन्ति⁠। भ॒व॒न्ति॒ म॒नु॒ष्य॒लो॒कः⁠। म॒नु॒ष्य॒लो॒को वै⁠। म॒नु॒ष्य॒लो॒क इति॑ मनुष्य—लो॒कः⁠। वा ऋचः॑⁠। ऋचो॑ मनुष्यलो॒कात्⁠। म॒नु॒ष्य॒लो॒कादे॒व⁠। म॒नु॒ष्य॒लो॒कादिति॑ मनुष्य—लो॒कात्⁠। ए॒व न⁠। न य॑न्ति⁠। य॒न्त्य॒न्यद॑न्यत्⁠। अ॒न्यद॑न्य॒थ् साम॑⁠। अ॒न्यद॑न्य॒दित्य॒न्यत्—अ॒न्य॒त्॒⁠। साम॑ भवति⁠। भ॒व॒ति॒ दे॒व॒लो॒कः⁠। दे॒व॒लो॒को वै⁠। दे॒व॒लो॒क इति॑ देव—लो॒कः⁠। वै साम॑⁠। साम॑ देवलो॒कात्⁠। दे॒व॒लो॒कादे॒व⁠। दे॒व॒लो॒कादिति॑ देव—लो॒कात्⁠। ए॒वान्यम॑न्यम्⁠। अ॒न्यम॑न्यम् मनुष्यलो॒कम्⁠। अ॒न्यम॑न्य॒मित्य॒न्यम्—अ॒न्य॒म्⁠। म॒नु॒ष्य॒लो॒कम् प्र॑त्यव॒रोह॑न्तः⁠। म॒नु॒ष्य॒लो॒कमिति॑ मनुष्य—लो॒कम्⁠। प्र॒त्य॒व॒रोह॑न्तो यन्ति⁠। प्र॒त्य॒व॒रोह॑न्त॒ इति॑ प्रति—अ॒व॒रोह॑न्तः⁠। य॒न्ति॒ जग॑तीम्⁠। जग॑ती॒मग्रे᳚⁠। अग्र॒ उप॑⁠। उप॑ यन्ति⁠। य॒न्ति॒ जग॑तीम्⁠। जग॑ती॒व्ँवै⁠। वै छन्दा॑ꣳसि⁠। छन्दा॑ꣳसि प्र॒त्यव॑रोहन्ति⁠। प्र॒त्यव॑रोहन्त्याग्रय॒णम्⁠। प्र॒त्यव॑रोह॒न्तीति॑ प्रति—अव॑रोहन्ति⁠। आ॒ग्र॒य॒णम् ग्रहाः᳚⁠। ग्रहा॑ बृ॒हत्⁠। बृ॒हत् पृ॒ष्ठानि॑⁠। पृ॒ष्ठानि॑ त्रयस्त्रि॒ꣳ॒शम्⁠। त्र॒य॒स्त्रि॒ꣳ॒शꣴ स्तोमाः᳚⁠। त्र॒य॒स्त्रि॒ꣳ॒शमिति॑ त्रयः—त्रि॒ꣳ॒शम्⁠। स्तोमा॒स्तस्मा᳚त्⁠। तस्मा॒ज् ज्याया॑ꣳसम्⁠। ज्याया॑ꣳस॒म् कनी॑यान्⁠। कनी॑यान् प्र॒त्यव॑रोहति⁠। प्र॒त्यव॑रोहति वैश्वकर्म॒णः⁠। प्र॒त्यव॑रोह॒तीति॑ प्रति—अव॑रोहति⁠। वै॒श्व॒क॒र्म॒णो गृ॑ह्यते⁠। वै॒श्व॒क॒र्म॒ण इति॑ वैश्व—क॒र्म॒णः⁠। गृ॒ह्य॒ते॒ विश्वा॑नि⁠। विश्वा᳚न्ये॒व⁠। ए॒व तेन॑⁠। तेन॒ कर्मा॑णि⁠। कर्मा॑णि॒ यज॑मानाः⁠। यज॑माना॒ अव॑⁠। अव॑ रुन्धते⁠। रु॒न्ध॒त॒ आ॒दि॒त्यः⁠। आ॒दि॒त्यो गृ॑ह्यते⁠। [११] गृ॒ह्य॒त॒ इ॒यम्⁠। इ॒यव्ँवै⁠। वा अदि॑तिः⁠। अदि॑तिर॒स्याम्⁠। अ॒स्यामे॒व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्त्य॒न्यो᳚न्यः⁠। अ॒न्यो᳚न्यो गृह्येते⁠। अ॒न्यो᳚न्य॒ इत्य॒न्यः—अ॒न्यः॒⁠। गृ॒ह्ये॒ते॒ मि॒थु॒न॒त्वाय॑⁠। गृ॒ह्ये॒ते॒ इति॑ गृह्येते⁠। मि॒थु॒न॒त्वाय॒ प्रजा᳚त्यै⁠। मि॒थु॒न॒त्वायेति॑ मिथुन—त्वाय॑⁠। प्रजा᳚त्या अवान्त॒रम्⁠। प्रजा᳚त्या॒ इति॒ प्र—जा॒त्यै॒⁠। अ॒वा॒न्त॒रव्ँवै⁠। अ॒वा॒न्त॒रमित्य॑व—अ॒न्त॒रम्⁠। वै द॑शरा॒त्रेण॑⁠। द॒श॒रा॒त्रेण॑ प्र॒जाप॑तिः⁠। द॒श॒रा॒त्रेणेति॑ दश—रा॒त्रेण॑⁠। प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा अ॑सृजत⁠। प्र॒जा इति॑ प्र—जाः⁠। अ॒सृ॒ज॒त॒ यत्⁠। यद् द॑शरा॒त्रः⁠। द॒श॒रा॒त्रो भव॑ति⁠। द॒श॒रा॒त्र इति॑ दश—रा॒त्रः⁠। भव॑ति प्र॒जाः⁠। प्र॒जा ए॒व⁠। प्र॒जा इति॑ प्र—जाः⁠। ए॒व तत्⁠। तद् यज॑मानाः⁠। यज॑मानाः सृजन्ते⁠। सृ॒ज॒न्त॒ ए॒ताम्⁠। ए॒ताꣳ ह॑⁠। ह॒ वै⁠। वा उ॑द॒ङ्‍कः⁠। उ॒द॒ङ्‍कः शौ᳚ल्बाय॒नः⁠। शौ॒ल्बा॒य॒नः स॒त्रस्य॑⁠। स॒त्रस्यर्द्धि᳚म्⁠। ऋद्धि॑मुवाच⁠। उ॒वा॒च॒ यत्⁠। यद् द॑शरा॒त्रः⁠। द॒श॒रा॒त्रो यत्⁠। द॒श॒रा॒त्र इति॑ दश—रा॒त्रः⁠। यद् द॑शरा॒त्रः⁠। द॒श॒रा॒त्रो भव॑ति⁠। द॒श॒रा॒त्र इति॑ दश—रा॒त्रः⁠। भव॑ति स॒त्रस्य॑⁠। स॒त्रस्यर्द्ध्यै᳚⁠। ऋद्ध्या॒ अथो᳚⁠। अथो॒ यत्⁠। अथो॒ इत्यथो᳚⁠। यदे॒व⁠। ए॒व पूर्वे॑षु⁠। पूर्वे॒ष्वह॑स्सु⁠। अह॑स्सु॒ विलो॑म⁠। अह॒स्स्वित्यहः॑—सु॒⁠। विलो॑म क्रि॒यते᳚⁠। विलो॒मेति॒ वि—लो॒म॒⁠। क्रि॒यते॒ तस्य॑⁠। तस्यै॒व⁠। ए॒वैषा⁠। ए॒षा शान्तिः॑⁠। शान्ति॒रिति॒ शान्तिः॑⁠॥ [१२] (आ॒दि॒त्य स्तस्यै॒व द्वे च॑) ॥४॥
यदि॒ सोमौ᳚⁠। सोमौ॒ सꣳसु॑तौ⁠। सꣳसु॑तौ॒ स्याता᳚म्⁠। सꣳसु॑ता॒विति॒ सम्—सु॒तौ॒⁠। स्याता᳚म् मह॒ति⁠। म॒ह॒ति रात्रि॑यै⁠। रात्रि॑यै प्रातरनुवा॒कम्⁠। प्रा॒त॒र॒नु॒वा॒कमु॒पाकु॑र्यात्⁠। प्रा॒त॒र॒नु॒वा॒कमिति॑ प्रातः—अ॒नु॒वा॒कम्⁠। उ॒पाकु॑र्या॒त् पूर्वः॑⁠। उ॒पाकु॑र्या॒दित्यु॑प—आकु॑र्यात्⁠। पूर्वो॒ वाच᳚म्⁠। वाच॒म् पूर्वः॑⁠। पूर्वो॑ दे॒वताः᳚⁠। दे॒वताः॒ पूर्वः॑⁠। पूर्व॒श्छन्दा॑ꣳसि⁠। छन्दा॑ꣳसि वृङ्‍क्ते⁠। वृ॒ङ्‍क्ते॒ वृष॑ण्वतीम्⁠। वृष॑ण्वतीम् प्रति॒पद᳚म्⁠। वृष॑ण्वती॒मिति॒ वृष॑ण्ण्—व॒ती॒म्⁠। प्र॒ति॒पद॑म् कुर्यात्⁠। प्र॒ति॒पद॒मिति॑ प्रति—पद᳚म्⁠। कु॒र्या॒त् प्रा॒त॒स्स॒व॒नात्⁠। प्रा॒त॒स्स॒व॒नादे॒व⁠। प्रा॒त॒स्स॒व॒नादिति॑ प्रातः—स॒व॒नात्⁠। ए॒वैषा᳚म्⁠। ए॒षा॒मिन्द्र᳚म्⁠। इन्द्र॑व्ँवृङ्‍क्ते⁠। वृ॒ङ्‍क्तेऽथो᳚⁠। अथो॒ खलु॑⁠। अथो॒ इत्यथो᳚⁠। खल्वा॑हुः⁠। आ॒हुः॒ स॒व॒न॒मु॒खेस॑वनमुखे⁠। स॒व॒न॒मु॒खेस॑वनमुखे का॒र्या᳚⁠। स॒व॒न॒मु॒खेस॑वनमुख॒ इति॑ सवनमु॒खे—स॒व॒न॒मु॒खे॒⁠। का॒र्येति॑⁠। इति॑ सवनमु॒खाथ्‌स॑वनमुखात्⁠। स॒व॒न॒मु॒खाथ्‌स॑वनमुखादे॒व⁠। स॒व॒न॒मु॒खाथ्‌स॑वनमुखा॒दिति॑ सवनमु॒खात्—स॒व॒न॒मु॒खा॒त्॒⁠। ए॒वैषा᳚म्⁠। ए॒षा॒मिन्द्र᳚म्⁠। इन्द्र॑व्ँवृङ्‍क्ते⁠। वृ॒ङ्‍क्ते॒ स॒व्ँवे॒शाय॑⁠। स॒व्ँवे॒शायो॑पवे॒शाय॑⁠। स॒व्ँवे॒शायेति॑ सम्—वे॒शाय॑⁠। उ॒प॒वे॒शाय॑ गायत्रि॒याः⁠। उ॒प॒वे॒शायेत्यु॑प—वे॒शाय॑⁠। गा॒य॒त्रि॒यास्त्रि॒ष्टुभः॑⁠। त्रि॒ष्टुभो॒ जग॑त्याः⁠। जग॑त्या अनु॒ष्टुभः॑⁠। अ॒नु॒ष्टुभः॑ प॒ङ्‍क्त्याः⁠। अ॒नु॒ष्टुभ॒ इत्य॑नु—स्तुभः॑⁠। प॒ङ्‍क्त्या अ॒भिभू᳚त्यै⁠। अ॒भिभू᳚त्यै॒ स्वाहा᳚⁠। अ॒भिभू᳚त्या॒ इत्य॒भि—भू॒त्यै॒⁠। स्वाहा॒ छन्दा॑ꣳसि⁠। छन्दा॑ꣳसि॒ वै⁠। वै स॑व्ँवे॒शः⁠। स॒व्ँवे॒श उ॑पवे॒शः⁠। स॒व्ँवे॒श इति॑ सम्—वे॒शः⁠। उ॒प॒वे॒शश्छन्दो॑भिः⁠। उ॒प॒वे॒श इत्यु॑प—वे॒शः⁠। छन्दो॑भिरे॒व⁠। छन्दो॑भि॒रिति॒ छन्दः॑—भिः॒⁠। ए॒वैषा᳚म्⁠। ए॒षा॒म् छन्दा॑ꣳसि⁠। [१३] छन्दा॑ꣳसि वृङ्‍क्ते⁠। वृ॒ङ्‍क्ते॒ स॒ज॒नीय᳚म्⁠। स॒ज॒नीय॒ꣳ॒ शस्य᳚म्⁠। स॒ज॒नीय॒मिति॑ स—ज॒नीय᳚म्⁠। शस्य॑व्ँविह॒व्य᳚म्⁠। वि॒ह॒व्य॑ꣳ शस्य᳚म्⁠। वि॒ह॒व्य॑मिति॑ वि—ह॒व्य᳚म्⁠। शस्य॑म॒गस्त्य॑स्य⁠। अ॒गस्त्य॑स्य कयाशु॒भीय᳚म्⁠। क॒या॒शु॒भीय॒ꣳ॒ शस्य᳚म्⁠। क॒या॒शु॒भीय॒मिति॑ कया—शु॒भीय᳚म्⁠। शस्य॑मे॒ताव॑त्⁠। ए॒ताव॒द् वै⁠। वा अ॑स्ति⁠। अ॒स्ति॒ याव॑त्⁠। याव॑दे॒तत्⁠। ए॒तद् याव॑त्⁠। याव॑दे॒व⁠। ए॒वास्ति॑⁠। अस्ति॒ तत्⁠। तदे॑षाम्⁠। ए॒षा॒व्ँवृ॒ङ्‍क्ते॒⁠। वृ॒ङ्‍क्ते॒ यदि॑⁠। यदि॑ प्रातस्सव॒ने⁠। प्रा॒त॒स्स॒व॒ने क॒लशः॑⁠। प्रा॒त॒स्स॒व॒न इति॑ प्रातः—स॒व॒ने⁠। क॒लशो॒ दीर्ये॑त⁠। दीर्ये॑त वैष्ण॒वीषु॑⁠। वै॒ष्ण॒वीषु॑ शिपिवि॒ष्टव॑तीषु⁠। शि॒पि॒वि॒ष्टव॑तीषु स्तुवीरन्न्⁠। शि॒पि॒वि॒ष्टव॑ती॒ष्विति॑ शिपिवि॒ष्ट—व॒ती॒षु॒⁠। स्तु॒वी॒र॒न्॒‌यत्⁠। यद् वै⁠। वै य॒ज्ञस्य॑⁠। य॒ज्ञस्या॑ति॒रिच्य॑ते⁠। अ॒ति॒रिच्य॑ते॒ विष्णु᳚म्⁠। अ॒ति॒रिच्य॑त॒ इत्य॑ति—रिच्य॑ते⁠। विष्णु॒म् तत्⁠। तच्छि॑पिवि॒ष्टम्⁠। शि॒पि॒वि॒ष्टम॒भि⁠। शि॒पि॒वि॒ष्टमिति॑ शिपि—वि॒ष्टम्⁠। अ॒भ्यति॑⁠। अति॑ रिच्यते⁠। रि॒च्य॒ते॒ तत्⁠। तद् विष्णुः॑⁠। विष्णुः॑ शिपिवि॒ष्टः⁠। शि॒पि॒वि॒ष्टोऽति॑रिक्ते⁠। शि॒पि॒वि॒ष्ट इति॑ शिपि—वि॒ष्टः⁠। अति॑रिक्त ए॒व⁠। अति॑रिक्त॒ इत्यति॑—रि॒क्ते॒⁠। ए॒वाति॑रिक्तम्⁠। अति॑रिक्तम् दधाति⁠। अति॑रिक्त॒मित्यति॑—रि॒क्त॒म्⁠। द॒धा॒त्यथो᳚⁠। अथो॒ अति॑रिक्तेन⁠। अथो॒ इत्यथो᳚⁠। अति॑रिक्तेनै॒व⁠। अति॑रिक्ते॒नेत्यति॑—रि॒क्ते॒न॒⁠। ए॒वाति॑रिक्तम्⁠। अति॑रिक्तमा॒प्त्वा⁠। अति॑रिक्त॒मित्यति॑—रि॒क्त॒म्⁠। आ॒प्त्वाऽव॑⁠। अव॑ रुन्धते⁠। रु॒न्ध॒ते॒ यदि॑⁠। यदि॑ म॒द्ध्यन्दि॑ने⁠। म॒द्ध्यन्दि॑ने॒ दीर्ये॑त⁠। दीर्ये॑त वषट्का॒रनि॑धनम्⁠। व॒ष॒ट्का॒रनि॑धन॒ꣳ॒ साम॑⁠। व॒ष॒ट्का॒रनि॑धन॒मिति॑ वषट्का॒र—नि॒ध॒न॒म्⁠। साम॑ कुर्युः⁠। कु॒र्यु॒र् व॒ष॒ट्का॒रः⁠। व॒ष॒ट्का॒रो वै⁠। व॒ष॒ट्का॒र इति॑ वषट्—का॒रः⁠। वै य॒ज्ञस्य॑⁠। य॒ज्ञस्य॑ प्रति॒ष्ठा⁠। प्र॒ति॒ष्ठा प्र॑ति॒ष्ठाम्⁠। प्र॒ति॒ष्ठेति॑ प्रति—स्था⁠। प्र॒ति॒ष्ठामे॒व⁠। प्र॒ति॒ष्ठामिति॑ प्रति—स्थाम्⁠। ए॒वैन॑त्⁠। ए॒न॒द् ग॒म॒य॒न्ति॒⁠। ग॒म॒य॒न्ति॒ यदि॑⁠। यदि॑ तृतीयसव॒ने⁠। तृ॒ती॒य॒स॒व॒न ए॒तत्⁠। तृ॒ती॒य॒स॒व॒न इति॑ तृतीय—स॒व॒ने⁠। ए॒तदे॒व⁠। ए॒वेत्ये॒व⁠॥ [१४] (छन्दो॑भिरे॒वैषा॒ मवै का॒न्नवि॑ꣳश॒तिश्च॑) ॥५॥
ष॒ड॒हैर् मासा॑न्⁠। ष॒ड॒हैरिति॑ षट्—अ॒हैः⁠। मासा᳚न्थ् स॒म्पाद्य॑⁠। स॒म्पाद्याहः॑⁠। स॒म्पाद्येति॑ सम्—पाद्य॑⁠। अह॒रुत्⁠। उथ् सृ॑जन्ति⁠। सृ॒ज॒न्ति॒ ष॒ड॒हैः⁠। ष॒ड॒हैर्‌हि⁠। ष॒ड॒हैरिति॑ षट्—अ॒हैः⁠। हि मासा॑न्⁠। मासा᳚न्थ् स॒म्पश्य॑न्ति⁠। स॒म्पश्य॑न्त्यर्द्धमा॒सैः⁠। स॒म्पश्य॒न्तीति॑ सम्—पश्य॑न्ति⁠। अ॒र्द्ध॒मा॒सैर् मासा॑न्⁠। अ॒र्द्ध॒मा॒सैरित्य॑र्द्ध—मा॒सैः⁠। मासा᳚न्थ् स॒म्पाद्य॑⁠। स॒म्पाद्याहः॑⁠। स॒म्पाद्येति॑ सम्—पाद्य॑⁠। अह॒रुत्⁠। उथ् सृ॑जन्ति⁠। सृ॒ज॒न्त्य॒र्द्ध॒मा॒सैः⁠। अ॒र्द्ध॒मा॒सैर्‌हि⁠। अ॒र्द्ध॒मा॒सैरित्य॑र्द्ध—मा॒सैः⁠। हि मासा॑न्⁠। मासा᳚न्थ् स॒म्पश्य॑न्ति⁠। स॒म्पश्य॑न्त्यमावा॒स्य॑या⁠। स॒म्पश्य॒न्तीति॑ सम्—पश्य॑न्ति⁠। अ॒मा॒वा॒स्य॑या॒ मासा॑न्⁠। अ॒मा॒वा॒स्य॑येत्य॑मा—वा॒स्य॑या⁠। मासा᳚न्थ् स॒म्पाद्य॑⁠। स॒म्पाद्याहः॑⁠। स॒म्पाद्येति॑ सम्—पाद्य॑⁠। अह॒रुत्⁠। उथ् सृ॑जन्ति⁠। सृ॒ज॒न्त्य॒मा॒वा॒स्य॑या⁠। अ॒मा॒वा॒स्य॑या॒ हि⁠। अ॒मा॒वा॒स्य॑येत्य॑मा—वा॒स्य॑या⁠। हि मासा॑न्⁠। मासा᳚न्थ् स॒म्पश्य॑न्ति⁠। स॒म्पश्य॑न्ति पौर्णमा॒स्या⁠। स॒म्पश्य॒न्तीति॑ सम्—पश्य॑न्ति⁠। पौ॒र्ण॒मा॒स्या मासा॑न्⁠। पौ॒र्ण॒मा॒स्येति॑ पौर्ण—मा॒स्या⁠। मासा᳚न्थ् स॒म्पाद्य॑⁠। स॒म्पाद्याहः॑⁠। स॒म्पाद्येति॑ सम्—पाद्य॑⁠। अह॒रुत्⁠। उथ् सृ॑जन्ति⁠। सृ॒ज॒न्ति॒ पौ॒र्ण॒मा॒स्या⁠। पौ॒र्ण॒मा॒स्या हि⁠। पौ॒र्ण॒मा॒स्येति॑ पौर्ण—मा॒स्या⁠। हि मासा॑न्⁠। मासा᳚न्थ् स॒म्पश्य॑न्ति⁠। स॒म्पश्य॑न्ति॒ यः⁠। स॒म्पश्य॒न्तीति॑ सम्—पश्य॑न्ति⁠। यो वै⁠। वै पू॒र्णे⁠। पू॒र्ण आ॑सि॒ञ्चति॑⁠। आ॒सि॒ञ्चति॒ परा᳚⁠। आ॒सि॒ञ्चतीत्या᳚—सि॒ञ्चति॑⁠। परा॒ सः⁠। स सि॑ञ्चति⁠। सि॒ञ्च॒ति॒ यः⁠। यः पू॒र्णात्⁠। पू॒र्णादु॒दच॑ति⁠। उ॒दच॑ति प्रा॒णम्⁠। उ॒दच॒तीत्यु॑त्—अच॑ति⁠। [१५] प्रा॒णम॑स्मिन्न्⁠। प्रा॒णमिति॑ प्र—अ॒नम्⁠। अ॒स्मि॒न्थ् सः⁠। स द॑धाति⁠। द॒धा॒ति॒ यत्⁠। यत् पौ᳚र्णमा॒स्या⁠। पौ॒र्ण॒मा॒स्या मासा॑न्⁠। पौ॒र्ण॒मा॒स्येति॑ पौर्ण—मा॒स्या⁠। मासा᳚न्थ् स॒म्पाद्य॑⁠। स॒म्पाद्याहः॑⁠। स॒म्पाद्येति॑ सम्—पाद्य॑⁠। अह॑रुथ्सृ॒जन्ति॑⁠। उ॒थ्सृ॒जन्ति॑ सव्ँवथ्स॒राय॑⁠। उ॒थ्सृ॒जन्तीत्यु॑त्—सृ॒जन्ति॑⁠। स॒व्ँव॒थ्स॒रायै॒व⁠। स॒व्ँव॒थ्स॒रायेति॑ सम्—व॒थ्स॒राय॑⁠। ए॒व तत्⁠। तत् प्रा॒णम्⁠। प्रा॒णम् द॑धति⁠। प्रा॒णमिति॑ प्र—अ॒नम्⁠। द॒ध॒ति॒ तत्⁠। तदनु॑⁠। अनु॑ स॒त्रिणः॑⁠। स॒त्रिणः॒ प्र⁠। प्राण॑न्ति⁠। अ॒न॒न्ति॒ यत्⁠। यदहः॑⁠। अह॒र् न⁠। नोथ्सृ॒जेयुः॑⁠। उ॒थ्सृ॒जेयु॒र् यथा᳚⁠। उ॒थ्सृ॒जेयु॒रित्यु॑त्—सृ॒जेयुः॑⁠। यथा॒ दृतिः॑⁠। दृति॒रुप॑नद्धः⁠। उप॑नद्धो वि॒पत॑ति⁠। उप॑नद्ध॒ इत्युप॑—न॒द्धः॒⁠। वि॒पत॑त्ये॒वम्⁠। वि॒पत॒तीति॑ वि—पत॑ति⁠। ए॒वꣳ स॑व्ँवथ्स॒रः⁠। स॒व्ँव॒थ्स॒रो वि⁠। स॒व्ँव॒थ्स॒र इति॑ सम्—व॒थ्स॒रः⁠। वि प॑तेत्⁠। प॒ते॒दार्ति᳚म्⁠। आर्ति॒मा⁠। आर्छे॑युः⁠। ऋ॒च्छे॒यु॒र् यत्⁠। यत् पौ᳚र्णमा॒स्या⁠। पौ॒र्ण॒मा॒स्या मासा॑न्⁠। पौ॒र्ण॒मा॒स्येति॑ पौर्ण—मा॒स्या⁠। मासा᳚न्थ् स॒म्पाद्य॑⁠। स॒म्पाद्याहः॑⁠। स॒म्पाद्येति॑ सम्—पाद्य॑⁠। अह॑रुथ्सृ॒जन्ति॑⁠। उ॒थ्सृ॒जन्ति॑ सव्ँवथ्स॒राय॑⁠। उ॒थ्सृ॒जन्तीत्यु॑त्—सृ॒जन्ति॑⁠। स॒व्ँव॒थ्स॒रायै॒व⁠। स॒व्ँव॒थ्स॒रायेति॑ सम्—व॒थ्स॒राय॑⁠। ए॒व तत्⁠। तदु॑दा॒नम्⁠। उ॒दा॒नम् द॑धति⁠। उ॒दा॒नमित्यु॑त्—अ॒नम्⁠। द॒ध॒ति॒ तत्⁠। तदनु॑⁠। अनु॑ स॒त्रिणः॑⁠। स॒त्रिण॒ उत्⁠। उद॑नन्ति⁠। [१६] अ॒न॒न्ति॒ न⁠। नार्ति᳚म्⁠। आर्ति॒मा⁠। आर्च्छ॑न्ति⁠। ऋ॒च्छ॒न्ति॒ पू॒र्णमा॑से⁠। पू॒र्णमा॑से॒ वै⁠। पू॒र्णमा॑स॒ इति॑ पू॒र्ण—मा॒से॒⁠। वै दे॒वाना᳚म्⁠। दे॒वाना॑ꣳ सु॒तः⁠। सु॒तो यत्⁠। यत् पौ᳚र्णमा॒स्या⁠। पौ॒र्ण॒मा॒स्या मासा॑न्⁠। पौ॒र्ण॒मा॒स्येति॑ पौर्ण—मा॒स्या⁠। मासा᳚न्थ् स॒म्पाद्य॑⁠। स॒म्पाद्याहः॑⁠। स॒म्पाद्येति॑ सम्—पाद्य॑⁠। अह॑रुथ्सृ॒जन्ति॑⁠। उ॒थ्सृ॒जन्ति॑ दे॒वाना᳚म्⁠। उ॒थ्सृ॒जन्तीत्यु॑त्—सृ॒जन्ति॑⁠। दे॒वाना॑मे॒व⁠। ए॒व तत्⁠। तद् य॒ज्ञेन॑⁠। य॒ज्ञेन॑ य॒ज्ञम्⁠। य॒ज्ञम् प्र॒त्यव॑रोहन्ति⁠। प्र॒त्यव॑रोहन्ति॒ वि⁠। प्र॒त्यव॑रोह॒न्तीति॑ प्रति—अव॑रोहन्ति⁠। वि वै⁠। वा ए॒तत्⁠। ए॒तद् य॒ज्ञम्⁠। य॒ज्ञम् छि॑न्दन्ति⁠। छि॒न्द॒न्ति॒ यत्⁠। यथ् ष॑ड॒हस॑न्ततम्⁠। ष॒ड॒हस॑न्तत॒ꣳ॒ सन्त᳚म्⁠। ष॒ड॒हस॑न्तत॒मिति॑ षड॒ह—स॒न्त॒त॒म्⁠। सन्त॒मथ॑⁠। अथाहः॑⁠। अह॑रुथ्सृ॒जन्ति॑⁠। उ॒थ्सृ॒जन्ति॑ प्राजाप॒त्यम्⁠। उ॒थ्सृ॒जन्तीत्यु॑त्—सृ॒जन्ति॑⁠। प्रा॒जा॒प॒त्यम् प॒शुम्⁠। प्रा॒जा॒प॒त्यमिति॑ प्राजा—प॒त्यम्⁠। प॒शुमा⁠। आ ल॑भन्ते⁠। ल॒भ॒न्ते॒ प्र॒जाप॑तिः⁠। प्र॒जाप॑तिः॒ सर्वाः᳚⁠। प्र॒जाप॑ति॒रिति॑ प्र॒जा—प॒तिः॒⁠। सर्वा॑ दे॒वताः᳚⁠। दे॒वता॑ दे॒वता॑भिः⁠। दे॒वता॑भिरे॒व⁠। ए॒व य॒ज्ञम्⁠। य॒ज्ञꣳ सम्⁠। सम् त॑न्वन्ति⁠। त॒न्व॒न्ति॒ यन्ति॑⁠। यन्ति॒ वै⁠। वा ए॒ते⁠। ए॒ते सव॑नात्⁠। सव॑ना॒द् ये⁠। येऽहः॑⁠। अह॑रुथ्सृ॒जन्ति॑⁠। [१७] उ॒थ्सृ॒जन्ति॑ तु॒रीय᳚म्⁠। उ॒थ्सृ॒जन्तीत्यु॑त्—सृ॒जन्ति॑⁠। तु॒रीय॒म् खलु॑⁠। खलु॒ वै⁠। वा ए॒तत्⁠। ए॒तथ् सव॑नम्⁠। सव॑न॒य्ँयत्⁠। यथ् सा᳚न्ना॒य्यम्⁠। सा॒न्ना॒य्यय्ँयत्⁠। सा॒न्ना॒य्यमिति॑ साम्—ना॒य्यम्⁠। यथ् सा᳚न्ना॒यम्⁠। सा॒न्ना॒य्यम् भव॑ति⁠। सा॒न्ना॒य्यमिति॑ साम्—ना॒य्यम्⁠। भव॑ति॒ तेन॑⁠। तेनै॒व⁠। ए॒व सव॑नात्⁠। सव॑ना॒न् न⁠। न य॑न्ति⁠। य॒न्ति॒ स॒मु॒प॒हूय॑⁠। स॒मु॒प॒हूय॑ भख्‍षयन्ति⁠। स॒मु॒प॒हूयेति॑ सम्—उ॒प॒हूय॑⁠। भ॒ख्‍ष॒य॒न्त्ये॒तथ्सो॑मपीथाः⁠। ए॒तथ्सो॑मपीथा॒ हि⁠। ए॒तथ्सो॑मपीथा॒ इत्ये॒तत्—सो॒म॒पी॒थाः॒⁠। ह्ये॑तर्‌हि॑⁠। ए॒तर्‌हि॑ यथायत॒नम्⁠। य॒था॒य॒त॒नव्ँवै⁠। य॒था॒य॒त॒नमिति॑ यथा—आ॒य॒त॒नम्⁠। वा ए॒तेषा᳚म्⁠। ए॒तेषा॑ꣳ सवन॒भाजः॑⁠। स॒व॒न॒भाजो॑ दे॒वताः᳚⁠। स॒व॒न॒भाज॒ इति॑ सवन—भाजः॑⁠। दे॒वता॑ गच्छन्ति⁠। ग॒च्छ॒न्ति॒ ये⁠। येऽहः॑⁠। अह॑रुथ्सृ॒जन्ति॑⁠। उ॒थ्सृ॒जन्त्य॑नुसव॒नम्⁠। उ॒थ्सृ॒जन्तीत्यु॑त्—सृ॒जन्ति॑⁠। अ॒नु॒स॒व॒नम् पु॑रो॒डाशा॑न्⁠। अ॒नु॒स॒व॒नमित्य॑नु—स॒व॒नम्⁠। पु॒रो॒डाशा॒न् निः⁠। निर् व॑पन्ति⁠। व॒प॒न्ति॒ य॒था॒य॒त॒नात्⁠। य॒था॒य॒त॒नादे॒व⁠। य॒था॒य॒त॒नादिति॑ यथा—आ॒य॒त॒नात्⁠। ए॒व स॑वन॒भाजः॑⁠। स॒व॒न॒भाजो॑ दे॒वताः᳚⁠। स॒व॒न॒भाज॒ इति॑ सवन—भाजः॑⁠। दे॒वता॒ अव॑⁠। अव॑ रुन्धते⁠। रु॒न्ध॒ते॒ऽष्टाक॑पालान्⁠। अ॒ष्टाक॑पालान् प्रातस्सव॒ने⁠। अ॒ष्टाक॑पाला॒नित्य॒ष्टा—क॒पा॒ला॒न्॒⁠। प्रा॒त॒स्स॒व॒न एका॑दशकपालान्⁠। प्रा॒त॒स्स॒व॒न इति॑ प्रातः—स॒व॒ने⁠। एका॑दशकपाला॒न् माद्ध्य॑न्दिने⁠। एका॑दशकपाला॒नित्येका॑दश—क॒पा॒ला॒न्॒⁠। माद्ध्य॑न्दिने॒ सव॑ने⁠। सव॑ने॒ द्वाद॑शकपालान्⁠। द्वाद॑शकपालाꣴ स्तृतीयसव॒ने⁠। द्वाद॑शकपाला॒निति॒ द्वाद॑श—क॒पा॒ला॒न्॒⁠। तृ॒ती॒य॒स॒व॒ने छन्दा॑ꣳसि⁠। तृ॒ती॒य॒स॒व॒न इति॑ तृतीय—स॒व॒ने⁠। छन्दा॑ꣴस्ये॒व⁠। ए॒वाप्त्वा⁠। आ॒प्त्वाऽव॑⁠। अव॑ रुन्धते⁠। रु॒न्ध॒ते॒ वै॒श्व॒दे॒वम्⁠। वै॒श्व॒दे॒वम् च॒रुम्⁠। वै॒श्व॒दे॒वमिति॑ वैश्व—दे॒वम्⁠। च॒रुम् तृ॑तीयसव॒ने⁠। तृ॒ती॒य॒स॒व॒ने निः⁠। तृ॒ती॒य॒स॒व॒न इति॑ तृतीय—स॒व॒ने⁠। निर् व॑पन्ति⁠। व॒प॒न्ति॒ वै॒श्व॒दे॒वम्⁠। वै॒श्व॒दे॒वव्ँवै⁠। वै॒श्व॒दे॒व॒मिति॑ वैश्व—दे॒वम्⁠। वै तृ॑तीयसव॒नम्⁠। तृ॒ती॒य॒स॒व॒नम् तेन॑⁠। तृ॒ती॒य॒स॒व॒नमिति॑ तृतीय—स॒व॒नम्⁠। तेनै॒व⁠। ए॒व तृ॑तीयसव॒नात्⁠। तृ॒ती॒य॒स॒व॒नान् न⁠। तृ॒ती॒य॒स॒व॒नादिति॑ तृतीय—स॒व॒नात्⁠। न य॑न्ति⁠। य॒न्तीति॑ यन्ति⁠॥ [१८] (उ॒दच॒ त्यु द्येऽह॑ रा॒प्त्वा पञ्च॑दश च) ॥६॥
उ॒थ्सृज्या(३)म् न⁠। उ॒थ्सृज्या(३)मित्यु॑त्—सृज्या(३)म्⁠। नोथ्सृज्या(३)म्⁠। उ॒थ्सृज्या(३)मिति॑⁠। उ॒थ्सृज्या(३)मित्यु॑त्—सृज्या(३)म्⁠। इति॑ मीमाꣳसन्ते⁠। मी॒मा॒ꣳ॒स॒न्ते॒ ब्र॒ह्म॒वा॒दिनः॑⁠। ब्र॒ह्म॒वा॒दिन॒स्तत्⁠। ब्र॒ह्म॒वा॒दिन॒ इति॑ ब्रह्म—वा॒दिनः॑⁠। तदु॑⁠। वा॒हुः॒⁠। आ॒हु॒रु॒थ्सृज्य᳚म्⁠। उ॒थ्सृज्य॑मे॒व⁠। उ॒थ्सृज्य॒मित्यु॑त्—सृज्य᳚म्⁠। ए॒वेति॑⁠। इत्य॑मावा॒स्या॑याम्⁠। अ॒मा॒वा॒स्या॑याम् च⁠। अ॒मा॒वा॒स्या॑या॒मित्य॑मा—वा॒स्या॑याम्⁠। च॒ पौ॒र्ण॒मा॒स्याम्⁠। पौ॒र्ण॒मा॒स्याम् च॑⁠। पौ॒र्ण॒मा॒स्यामिति॑ पौर्ण—मा॒स्याम्⁠। चो॒थ्सृज्य᳚म्⁠। उ॒थ्सृज्य॒मिति॑⁠। उ॒थ्सृज्य॒मित्यु॑त्—सृज्य᳚म्⁠। इत्या॑हुः⁠। आ॒हु॒रे॒ते⁠। ए॒ते हि⁠। ए॒ते इत्ये॒ते⁠। हि य॒ज्ञम्⁠। य॒ज्ञव्ँवह॑तः⁠। वह॑त॒ इति॑⁠। इति॒ ते⁠। ते तु⁠। ते इति॒ ते⁠। त्वाव⁠। वाव न⁠। नोथ्सृज्ये᳚⁠। उ॒थ्सृज्ये॒ इति॑⁠। उ॒थ्सृज्ये॒ इत्यु॑त्—सृज्ये᳚⁠। इत्या॑हुः⁠। आ॒हु॒र् ये⁠। ये अ॑वान्त॒रम्⁠। ये इति॒ ये⁠। अ॒वा॒न्त॒रय्ँय॒ज्ञम्⁠। अ॒वा॒न्त॒रमित्य॑व—अ॒न्त॒रम्⁠। य॒ज्ञम् भे॒जाते᳚⁠। भे॒जाते॒ इति॑⁠। भे॒जाते॒ इति॑ भे॒जाते᳚⁠। इति॒ या⁠। या प्र॑थ॒मा⁠। प्र॒थ॒मा व्य॑ष्टका⁠। व्य॑ष्टका॒ तस्या᳚म्⁠। व्य॑ष्ट॒केति॒ वि—अ॒ष्ट॒का॒⁠। तस्या॑मु॒थ्सृज्य᳚म्⁠। उ॒थ्सृज्य॒मिति॑⁠। उ॒थ्सृज्य॒मित्यु॑त्—सृज्य᳚म्⁠। इत्या॑हुः⁠। आ॒हु॒रे॒षः⁠। ए॒ष वै⁠। वै मा॒सः⁠। मा॒सो वि॑श॒रः⁠। वि॒श॒र इति॑⁠। वि॒श॒र इति॑ वि—श॒रः⁠। इति॒ न⁠। नादि॑ष्टम्⁠। आदि॑ष्ट॒मुत्⁠। आदि॑ष्ट॒मित्या—दि॒ष्ट॒म्⁠। [१९] उथ् सृ॑जेयुः⁠। सृ॒जे॒यु॒र् यत्⁠। यदादि॑ष्टम्⁠। आदि॑ष्टमुथ्सृ॒जेयुः॑⁠। आदि॑ष्ट॒मित्या—दि॒ष्ट॒म्⁠। उ॒थ्सृ॒जेयु॑र् या॒दृशे᳚⁠। उ॒थ्सृ॒जेयु॒रित्यु॑त्—सृ॒जेयुः॑⁠। या॒दृशे॒ पुनः॑⁠। पुनः॑ पर्याप्ला॒वे⁠। प॒र्या॒प्ला॒वे मद्ध्ये᳚⁠। प॒र्या॒प्ला॒व इति॑ परि—आ॒प्ला॒वे⁠। मद्ध्ये॑ षड॒हस्य॑⁠। ष॒ड॒हस्य॑ स॒म्पद्ये॑त⁠। ष॒ड॒हस्येति॑ षट्—अ॒हस्य॑⁠। स॒म्पद्ये॑त षड॒हैः⁠। स॒म्पद्ये॒तेति॑ सम्—पद्ये॑त⁠। ष॒ड॒हैर् मासा॑न्⁠। ष॒ड॒हैरिति॑ षट्—अ॒हैः⁠। मासा᳚न्थ् स॒म्पाद्य॑⁠। स॒म्पाद्य॒ यत्⁠। स॒म्पाद्येति॑ सम्—पाद्य॑⁠। यथ् स॑प्त॒मम्⁠। स॒प्त॒ममहः॑⁠। अह॒स्तस्मि॑न्न्⁠। तस्मि॒न्नुत्⁠। उथ् सृ॑जेयुः⁠। सृ॒जे॒यु॒स्तत्⁠। तद॒ग्नये᳚⁠। अ॒ग्नये॒ वसु॑मते⁠। वसु॑मते पुरो॒डाश᳚म्⁠। वसु॑मत॒ इति॒ वसु॑—म॒ते॒⁠। पु॒रो॒डाश॑म॒ष्टाक॑पालम्⁠। अ॒ष्टाक॑पाल॒म् निः⁠। अ॒ष्टाक॑पाल॒मित्य॒ष्टा—क॒पा॒ल॒म्⁠। निर् व॑पेयुः⁠। व॒पे॒यु॒रै॒न्द्रम्⁠। ऐ॒न्द्रम् दधि॑⁠। दधीन्द्रा॑य⁠। इन्द्रा॑य म॒रुत्व॑ते⁠। म॒रुत्व॑ते पुरो॒डाश᳚म्⁠। पु॒रो॒डाश॒मेका॑दशकपालम्⁠। एका॑दशकपालव्ँवैश्वदे॒वम्⁠। एका॑दशकपाल॒मित्येका॑दश—क॒पा॒ल॒म्⁠। वै॒श्व॒दे॒वम् द्वाद॑शकपालम्⁠। वै॒श्व॒दे॒वमिति॑ वैश्व—दे॒वम्⁠। द्वाद॑शकपालम॒ग्नेः⁠। द्वाद॑शकपाल॒मिति॒ द्वाद॑श—क॒पा॒ल॒म्⁠। अ॒ग्नेर् वै⁠। वै वसु॑मतः⁠। वसु॑मतः प्रातस्सव॒नम्⁠। वसु॑मत॒ इति॒ वसु॑—म॒तः॒⁠। प्रा॒त॒स्स॒व॒नय्ँयत्⁠। प्रा॒त॒स्स॒व॒नमिति॑ प्रातः—स॒व॒नम्⁠। यद॒ग्नये᳚⁠। अ॒ग्नये॒ वसु॑मते⁠। वसु॑मते पुरो॒डाश᳚म्⁠। वसु॑मत॒ इति॒ वसु॑—म॒ते॒⁠। पु॒रो॒डाश॑म॒ष्टाक॑पालम्⁠। अ॒ष्टाक॑पालम् नि॒र्वप॑न्ति⁠। अ॒ष्टाक॑पाल॒मित्य॒ष्टा—क॒पा॒ल॒म्⁠। नि॒र्वप॑न्ति दे॒वता᳚म्⁠। नि॒र्वप॒न्तीति॑ निः—वप॑न्ति⁠। दे॒वता॑मे॒व⁠। ए॒व तत्⁠। तद् भा॒गिनी᳚म्⁠। भा॒गिनी᳚म् कु॒र्वन्ति॑⁠। कु॒र्वन्ति॒ सव॑नम्⁠। [२०] सव॑नमष्टा॒भिः⁠। अ॒ष्टा॒भिरुप॑⁠। उप॑ यन्ति⁠। य॒न्ति॒ यत्⁠। यदै॒न्द्रम्⁠। ऐ॒न्द्रम् दधि॑⁠। दधि॒ भव॑ति⁠। भव॒तीन्द्र᳚म्⁠। इन्द्र॑मे॒व⁠। ए॒व तत्⁠। तद् भा॑ग॒धेया᳚त्⁠। भा॒ग॒धेया॒न् न⁠। भा॒ग॒धेया॒दिति॑ भाग—धेया᳚त्⁠। न च्या॑वयन्ति⁠। च्या॒व॒य॒न्तीन्द्र॑स्य⁠। इन्द्र॑स्य॒ वै⁠। वै म॒रुत्व॑तः⁠। म॒रुत्व॑तो॒ माद्ध्य॑न्दिनम्⁠। माद्ध्य॑न्दिन॒ꣳ॒ सव॑नम्⁠। सव॑न॒य्ँयत्⁠। यदिन्द्रा॑य⁠। इन्द्रा॑य म॒रुत्व॑ते⁠। म॒रुत्व॑ते पुरो॒डाश᳚म्⁠। पु॒रो॒डाश॒मेका॑दशकपालम्⁠। एका॑दशकपालम् नि॒र्वप॑न्ति⁠। एका॑दशकपाल॒मित्येका॑दश—क॒पा॒ल॒म्⁠। नि॒र्वप॑न्ति दे॒वता᳚म्⁠। नि॒र्वप॒न्तीति॑ निः—वप॑न्ति⁠। दे॒वता॑मे॒व⁠। ए॒व तत्⁠। तद् भा॒गिनी᳚म्⁠। भा॒गिनी᳚म् कु॒र्वन्ति॑⁠। कु॒र्वन्ति॒ सव॑नम्⁠। सव॑नमेकाद॒शभिः॑⁠। ए॒का॒द॒शभि॒रुप॑⁠। ए॒का॒द॒शभि॒रित्ये॑काद॒श—भिः॒⁠। उप॑ यन्ति⁠। य॒न्ति॒ विश्वे॑षाम्⁠। विश्वे॑षा॒व्ँवै⁠। वै दे॒वाना᳚म्⁠। दे॒वाना॑मृभु॒मता᳚म्⁠। ऋ॒भु॒मता᳚म् तृतीयसव॒नम्⁠। ऋ॒भु॒मता॒मित्यृ॑भु—मता᳚म्⁠। तृ॒ती॒य॒स॒व॒नय्ँयत्⁠। तृ॒ती॒य॒स॒व॒नमिति॑ तृतीय—स॒व॒नम्⁠। यद् वै᳚श्वदे॒वम्⁠। वै॒श्व॒दे॒वम् द्वाद॑शकपालम्⁠। वै॒श्व॒दे॒वमिति॑ वैश्व—दे॒वम्⁠। द्वाद॑शकपालम् नि॒र्वप॑न्ति⁠। द्वाद॑शकपाल॒मिति॒ द्वाद॑श—क॒पा॒ल॒म्⁠। नि॒र्वप॑न्ति दे॒वताः᳚⁠। नि॒र्वप॒न्तीति॑ निः—वप॑न्ति⁠। दे॒वता॑ ए॒व⁠। ए॒व तत्⁠। तद् भा॒गिनीः᳚⁠। भा॒गिनीः᳚ कु॒र्वन्ति॑⁠। कु॒र्वन्ति॒ सव॑नम्⁠। सव॑नम् द्वाद॒शभिः॑⁠। द्वा॒द॒शभि॒रुप॑⁠। द्वा॒द॒शभि॒रिति॑ द्वाद॒श—भिः॒⁠। [२१] उप॑ यन्ति⁠। य॒न्ति॒ प्रा॒जा॒प॒त्यम्⁠। प्रा॒जा॒प॒त्यम् प॒शुम्⁠। प्रा॒जा॒प॒त्यमिति॑ प्राजा—प॒त्यम्⁠। प॒शुमा⁠। आ ल॑भन्ते⁠। ल॒भ॒न्ते॒ य॒ज्ञः⁠। य॒ज्ञो वै⁠। वै प्र॒जाप॑तिः⁠। प्र॒जाप॑तिर् य॒ज्ञस्य॑⁠। प्र॒जाप॑ति॒रिति॑ प्र॒जा—प॒तिः॒⁠। य॒ज्ञस्यान॑नुसर्गाय⁠। अन॑नुसर्गायाभिव॒र्तः⁠। अन॑नुसर्गा॒येत्यन॑नु—स॒र्गा॒य॒⁠। अ॒भि॒व॒र्त इ॒तः⁠। अ॒भि॒व॒र्त इत्य॑भि—व॒र्तः⁠। इ॒तः षट्⁠। षण्मा॒सः⁠। मा॒सो ब्र॑ह्मसा॒मम्⁠। ब्र॒ह्म॒सा॒मम् भ॑वति⁠। ब्र॒ह्म॒सा॒ममिति॑ ब्रह्म—सा॒मम्⁠। भ॒व॒ति॒ ब्रह्म॑⁠। ब्रह्म॒ वै⁠। वा अ॑भिव॒र्तः⁠। अ॒भि॒व॒र्तो ब्रह्म॑णा⁠। अ॒भि॒व॒र्त इत्य॑भि—व॒र्तः⁠। ब्रह्म॑णै॒व⁠। ए॒व तत्⁠। तथ् सु॑व॒र्गम्⁠। सु॒व॒र्गल्ँलो॒कम्⁠। सु॒व॒र्गमिति॑ सुवः—गम्⁠। लो॒कम॑भिव॒र्तय॑न्तः⁠। अ॒भि॒व॒र्तय॑न्तो यन्ति⁠। अ॒भि॒व॒र्तय॑न्त॒ इत्य॑भि—व॒र्तय॑न्तः⁠। य॒न्ति॒ प्र॒ति॒कू॒लम्⁠। प्र॒ति॒कू॒लमि॑व⁠। प्र॒ति॒कू॒लमिति॑ प्रति—कू॒लम्⁠। इ॒व॒ हि⁠। हीतः⁠। इ॒तः सु॑व॒र्गः⁠। सु॒व॒र्गो लो॒कः⁠। सु॒व॒र्ग इति॑ सुवः—गः⁠। लो॒क इन्द्र॑⁠। इन्द्र॒ क्रतु᳚म्⁠। क्रतु॑म् नः⁠। न॒ आ⁠। आ भ॑र⁠। भ॒र॒ पि॒ता⁠। पि॒ता पु॒त्रेभ्यः॑⁠। पु॒त्रेभ्यो॒ यथा᳚⁠। यथेति॒ यथा᳚⁠॥ शिख्‍षा॑ नः⁠। नो॒ अ॒स्मिन्न्⁠। अ॒स्मिन् पु॑रुहूत⁠। पु॒रु॒हू॒त॒ याम॑नि⁠। पु॒रु॒हू॒तेति॑ पुरु—हू॒त॒⁠। याम॑नि जी॒वाः⁠। जी॒वा ज्योतिः॑⁠। ज्योति॑रशीमहि⁠। अ॒शी॒म॒हीति॑⁠। इत्य॒मुतः॑⁠। अ॒मुत॑ आय॒ताम्⁠। आ॒य॒ताꣳ षट्⁠। आ॒य॒तामित्या᳚—य॒ताम्⁠। षण्मा॒सः⁠। मा॒सो ब्र॑ह्मसा॒मम्⁠। ब्र॒ह्म॒सा॒मम् भ॑वति⁠। ब्र॒ह्म॒सा॒ममिति॑ ब्रह्म—सा॒मम्⁠। भ॒व॒त्य॒यम्⁠। अ॒यव्ँवै⁠। वै लो॒कः⁠। लो॒को ज्योतिः॑⁠। ज्योतिः॑ प्र॒जा⁠। प्र॒जा ज्योतिः॑⁠। प्र॒जेति॑ प्र—जा⁠। ज्योति॑रि॒मम्⁠। इ॒ममे॒व⁠। ए॒व तत्⁠। तल्लो॒कम्⁠। लो॒कम् पश्य॑न्तः⁠। पश्य॑न्तोऽभि॒वद॑न्तः⁠। अ॒भि॒वद॑न्त॒ आ⁠। अ॒भि॒वद॑न्त॒ इत्य॑भि—वद॑न्तः⁠। आ य॑न्ति⁠। य॒न्तीति॑ यन्ति⁠॥ [२२] (नादि॑ष्टम् कु॒र्वन्ति॑ द्वाद॒शभि॒ रिति॑ विꣳश॒तिश्च॑) ॥७॥
दे॒वाना॒व्ँवै⁠। वा अन्त᳚म्⁠। अन्त॑म् ज॒ग्मुषा᳚म्⁠। ज॒ग्मुषा॑मिन्द्रि॒यम्⁠। इ॒न्द्रि॒यव्ँवी॒र्य᳚म्⁠। वी॒र्य॑मप॑⁠। अपा᳚क्रामत्⁠। अ॒क्रा॒म॒त् तत्⁠। तत् क्रो॒शेन॑⁠। क्रो॒शेनाव॑⁠। अवा॑रुन्धत⁠। अ॒रु॒न्ध॒त॒ तत्⁠। तत् क्रो॒शस्य॑⁠। क्रो॒शस्य॑ क्रोश॒त्वम्⁠। क्रो॒श॒त्वय्ँयत्⁠। क्रो॒श॒त्वमिति॑ क्रोश—त्वम्⁠। यत् क्रो॒शेन॑⁠। क्रो॒शेन॒ चात्वा॑लस्य⁠। चात्वा॑ल॒स्यान्ते᳚⁠। अन्ते᳚ स्तु॒वन्ति॑⁠। स्तु॒वन्ति॑ य॒ज्ञस्य॑⁠। य॒ज्ञस्यै॒व⁠। ए॒वान्त᳚म्⁠। अन्त॑म् ग॒त्वा⁠। ग॒त्वेन्द्रि॒यम्⁠। इ॒न्द्रि॒यव्ँवी॒र्य᳚म्⁠। वी॒र्य॑मव॑⁠। अव॑ रुन्धते⁠। रु॒न्ध॒ते॒ स॒त्रस्यर्द्ध्या᳚⁠। स॒त्रस्यर्द्ध्या॑ऽऽहव॒नीय॑स्य⁠। आ॒ह॒व॒नीय॒स्यान्ते᳚⁠। आ॒ह॒व॒नीय॒स्येत्या᳚—ह॒व॒नीय॑स्य⁠। अन्ते᳚ स्तुवन्ति⁠। स्तु॒व॒न्त्य॒ग्निम्⁠। अ॒ग्निमे॒व⁠। ए॒वोप॑द्र॒ष्टार᳚म्⁠। उ॒प॒द्र॒ष्टार॑म् कृ॒त्वा⁠। उ॒प॒द्र॒ष्टार॒मित्यु॑प—द्र॒ष्टार᳚म्⁠। कृ॒त्वर्‌द्धि᳚म्⁠। ऋद्धि॒मुप॑⁠। उप॑ यन्ति⁠। य॒न्ति॒ प्र॒जाप॑ते॒र्॒‌हृद॑येन⁠। प्र॒जाप॑ते॒र्॒‌हृद॑येन हवि॒र्द्धाने᳚⁠। ह॒वि॒र्द्धाने॒ऽन्तः⁠। ह॒वि॒र्द्धान॒ इति॑ हविः—धाने᳚⁠। अ॒न्तः स्तु॑वन्ति⁠। स्तु॒व॒न्ति॒ प्रे॒माण᳚म्⁠। प्रे॒माण॑मे॒व⁠। ए॒वास्य॑⁠। अ॒स्य॒ ग॒च्छ॒न्ति॒⁠। ग॒च्छ॒न्ति॒ श्लो॒केन॑⁠। श्लो॒केन॑ पु॒रस्ता᳚त्⁠। पु॒रस्ता॒थ् सद॑सः⁠। सद॑सः स्तुवन्ति⁠। [२३] स्तु॒व॒न्त्यनु॑श्लोकेन⁠। अनु॑श्लोकेन प॒श्चात्⁠। अनु॑श्लोके॒नेत्यनु॑—श्लो॒के॒न॒⁠। प॒श्चाद् य॒ज्ञस्य॑⁠। य॒ज्ञस्यै॒व⁠। ए॒वान्त᳚म्⁠। अन्त॑म् ग॒त्वा⁠। ग॒त्वा श्लो॑क॒भाजः॑⁠। श्लो॒क॒भाजो॑ भवन्ति⁠। श्लो॒क॒भाज॒ इति॑ श्लोक—भाजः॑⁠। भ॒व॒न्ति॒ न॒वभिः॑⁠। न॒वभि॑रद्ध्व॒र्युः⁠। न॒वभि॒रिति॑ न॒व—भिः॒⁠। अ॒द्ध्व॒र्युरुत्⁠। उद् गा॑यति⁠। गा॒य॒ति॒ नव॑⁠। नव॒ वै⁠। वै पुरु॑षे⁠। पुरु॑षे प्रा॒णाः⁠। प्रा॒णाः प्रा॒णान्⁠। प्रा॒णा इति॑ प्र—अ॒नाः⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒व यज॑मानेषु⁠। यज॑मानेषु दधाति⁠। द॒धा॒ति॒ सर्वाः᳚⁠। सर्वा॑ ऐ॒न्द्रियः॑⁠। ऐ॒न्द्रियो॑ भवन्ति⁠। भ॒व॒न्ति॒ प्रा॒णेषु॑⁠। प्रा॒णेष्वे॒व⁠। प्रा॒णेष्विति॑ प्र—अ॒नेषु॑⁠। ए॒वेन्द्रि॒यम्⁠। इ॒न्द्रि॒यम् द॑धति⁠। द॒ध॒त्यप्र॑तिहृताभिः⁠। अप्र॑तिहृताभि॒रुत्⁠। अप्र॑तिहृताभि॒रित्यप्र॑ति—हृ॒ता॒भिः॒⁠। उद् गा॑यति⁠। गा॒य॒ति॒ तस्मा᳚त्⁠। तस्मा॒त् पुरु॑षः⁠। पुरु॑षः॒ सर्वा॑णि⁠। सर्वा᳚ण्य॒न्यानि॑⁠। अ॒न्यानि॑ शी॒र्ष्णः⁠। शी॒र्ष्णोऽङ्‍गा॑नि⁠। अङ्‍गा॑नि॒ प्रति॑⁠। प्रत्य॑चति⁠। अ॒च॒ति॒ शिरः॑⁠। शिर॑ ए॒व⁠। ए॒व न⁠। न प॑ञ्चद॒शम्⁠। प॒ञ्च॒द॒शꣳ र॑थन्त॒रम्⁠। प॒ञ्च॒द॒शमिति॑ पञ्च—द॒शम्⁠। र॒थ॒न्त॒रम् भ॑वति⁠। र॒थ॒न्त॒रमिति॑ रथम्—त॒रम्⁠। भ॒व॒ती॒न्द्रि॒यम्⁠। इ॒न्द्रि॒यमे॒व⁠। ए॒वाव॑⁠। अव॑ रुन्धते⁠। रु॒न्ध॒ते॒ स॒प्त॒द॒शम्⁠। स॒प्त॒द॒शम् बृ॒हत्⁠। स॒प्त॒द॒शमिति॑ सप्त—द॒शम्⁠। [२४] बृ॒हद॒न्नाद्य॑स्य⁠। अ॒न्नाद्य॒स्याव॑रुद्ध्यै⁠। अ॒न्नाद्य॒स्येत्य॑न्न—अद्य॑स्य⁠। अव॑रुद्ध्या॒ अथो᳚⁠। अव॑रुद्ध्या॒ इत्यव॑—रु॒द्ध्यै॒⁠। अथो॒ प्र⁠। अथो॒ इत्यथो᳚⁠। प्रैव⁠। ए॒व तेन॑⁠। तेन॑ जायन्ते⁠। जा॒य॒न्त॒ ए॒क॒वि॒ꣳ॒शम्⁠। ए॒क॒वि॒ꣳ॒शम् भ॒द्रम्⁠। ए॒क॒वि॒ꣳ॒शमित्ये॑क—वि॒ꣳ॒शम्⁠। भ॒द्रम् द्वि॒पदा॑सु⁠। द्वि॒पदा॑सु॒ प्रति॑ष्ठित्यै⁠। द्वि॒पदा॒स्विति॑ द्वि—पदा॑सु⁠। प्रति॑ष्ठित्यै॒ पत्न॑यः⁠। प्रति॑ष्ठित्या॒ इति॒ प्रति॑—स्थि॒त्यै॒⁠। पत्न॑य॒ उप॑⁠। उप॑ गायन्ति⁠। गा॒य॒न्ति॒ मि॒थु॒न॒त्वाय॑⁠। मि॒थु॒न॒त्वाय॒ प्रजा᳚त्यै⁠। मि॒थु॒न॒त्वायेति॑ मिथुन—त्वाय॑⁠। प्रजा᳚त्यै प्र॒जाप॑तिः⁠। प्रजा᳚त्या॒ इति॒ प्र—जा॒त्यै॒⁠। प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जाः—प॒तिः॒⁠। प्र॒जा अ॑सृजत⁠। प्र॒जा इति॑ प्र—जाः⁠। अ॒सृ॒ज॒त॒ सः⁠। सो॑ऽकामयत⁠। अ॒का॒म॒य॒ता॒साम्⁠। आ॒साम॒हम्⁠। अ॒हꣳ रा॒ज्यम्⁠। रा॒ज्यम् परि॑⁠। परी॑याम्⁠। इ॒या॒मिति॑⁠। इति॒ तासा᳚म्⁠। तासा॑ꣳ राज॒नेन॑⁠। रा॒ज॒नेनै॒व⁠। ए॒व रा॒ज्यम्⁠। रा॒ज्यम् परि॑⁠। पर्यै᳚त्⁠। ऐ॒त् तत्⁠। तद् रा॑ज॒नस्य॑⁠। रा॒ज॒नस्य॑ राजन॒त्वम्⁠। रा॒ज॒न॒त्वय्ँयत्⁠। रा॒ज॒न॒त्वमिति॑ राजन—त्वम्⁠। यद् रा॑ज॒नम्⁠। रा॒ज॒नम् भव॑ति⁠। भव॑ति प्र॒जाना᳚म्⁠। प्र॒जाना॑मे॒व⁠। प्र॒जाना॒मिति॑ प्र—जाना᳚म्⁠। ए॒व तत्⁠। तद् यज॑मानाः⁠। यज॑माना रा॒ज्यम्⁠। रा॒ज्यम् परि॑⁠। परि॑ यन्ति⁠। य॒न्ति॒ प॒ञ्च॒वि॒ꣳ॒शम्⁠। प॒ञ्च॒वि॒ꣳ॒शम् भ॑वति⁠। प॒ञ्च॒वि॒ꣳ॒शमिति॑ पञ्च—वि॒ꣳ॒शम्⁠। भ॒व॒ति॒ प्र॒जाप॑तेः⁠। प्र॒जाप॑ते॒राप्त्यै᳚⁠। प्र॒जाप॑ते॒रिति॑ प्र॒जा—प॒तेः॒⁠। [२५] आप्त्यै॑ प॒ञ्चभिः॑⁠। प॒ञ्चभि॒स्तिष्ठ॑न्तः⁠। प॒ञ्चभि॒रिति॑ प॒ञ्च—भिः॒⁠। तिष्ठ॑न्तः स्तुवन्ति⁠। स्तु॒व॒न्ति॒ दे॒व॒लो॒कम्⁠। दे॒व॒लो॒कमे॒व⁠। दे॒व॒लो॒कमिति॑ देव—लो॒कम्⁠। ए॒वाभि⁠। अ॒भि ज॑यन्ति⁠। ज॒य॒न्ति॒ प॒ञ्चभिः॑⁠। प॒ञ्चभि॒रासी॑नाः⁠। प॒ञ्चभि॒रिति॑ प॒ञ्च—भिः॒⁠। आसी॑ना मनुष्यलो॒कम्⁠। म॒नु॒ष्य॒लो॒कमे॒व⁠। म॒नु॒ष्य॒लो॒कमिति॑ मनुष्य—लो॒कम्⁠। ए॒वाभि⁠। अ॒भि ज॑यन्ति⁠। ज॒य॒न्ति॒ दश॑⁠। दश॒ सम्⁠। सम् प॑द्यन्ते⁠। प॒द्य॒न्ते॒ दशा᳚ख्‍षरा⁠। दशा᳚ख्‍षरा वि॒राट्⁠। दशा᳚ख्‍ष॒रेति॒ दश॑—अ॒ख्‍ष॒रा॒⁠। वि॒राडन्न᳚म्⁠। वि॒राडिति॑ वि—राट्⁠। अन्न॑व्ँवि॒राट्⁠। वि॒राड् वि॒राजा᳚⁠। वि॒राडिति॑ वि—राट्⁠। वि॒राजै॒व⁠। वि॒राजेति॑ वि—राजा᳚⁠। ए॒वान्नाद्य᳚म्⁠। अ॒न्नाद्य॒मव॑⁠। अ॒न्नाद्य॒मित्य॑न्न—अद्य᳚म्⁠। अव॑ रुन्धते⁠। रु॒न्ध॒ते॒ प॒ञ्च॒धा⁠। प॒ञ्च॒धा वि॑नि॒षद्य॑⁠। प॒ञ्च॒धेति॑ पञ्च—धा⁠। वि॒नि॒षद्य॑ स्तुवन्ति⁠। वि॒नि॒षद्येति॑ वि—नि॒षद्य॑⁠। स्तु॒व॒न्ति॒ पञ्च॑⁠। पञ्च॒ दिशः॑⁠। दिशो॑ दि॒ख्‍षु⁠। दि॒ख्‍ष्वे॑व⁠। ए॒व प्रति॑⁠। प्रति॑ तिष्ठन्ति⁠। ति॒ष्ठ॒न्त्येकै॑कया⁠। एकै॑क॒याऽस्तु॑तया⁠। एकै॑क॒येत्येक॑या—ए॒क॒या॒⁠। अस्तु॑तया स॒माय॑न्ति⁠। स॒माय॑न्ति दि॒ग्भ्यः⁠। स॒माय॒न्तीति॑ सम्—आय॑न्ति⁠। दि॒ग्भ्य ए॒व⁠। दि॒ग्भ्य इति॑ दिक्—भ्यः⁠। ए॒वान्नाद्य᳚म्⁠। अ॒न्नाद्य॒ꣳ॒ सम्⁠। अ॒न्नाद्या॒मित्य॑न्न—अद्य᳚म्⁠। सम् भ॑रन्ति⁠। भ॒र॒न्ति॒ ताभिः॑⁠। ताभि॑रुद्‍गा॒ता⁠। उ॒द्‍गा॒तोत्⁠। उ॒द्‍गा॒तेत्यु॑त्—गा॒ता⁠। उद् गा॑यति⁠। गा॒य॒ति॒ दि॒ग्भ्यः⁠। दि॒ग्भ्य ए॒व⁠। दि॒ग्भ्य इति॑ दिक्—भ्यः⁠। ए॒वान्नाद्य᳚म्⁠। अ॒न्नाद्य॑ꣳ स॒म्भृत्य॑⁠। अ॒न्नाद्य॒मित्य॑न्न—अद्य᳚म्⁠। [२६] स॒म्भृत्य॒ तेजः॑⁠। स॒म्भृत्येति॑ सम्—भृत्य॑⁠। तेज॑ आ॒त्मन्न्⁠। आ॒त्मन् द॑धते⁠। द॒ध॒ते॒ तस्मा᳚त्⁠। तस्मा॒देकः॑⁠। एकः॑ प्रा॒णः⁠। प्रा॒णः सर्वा॑णि⁠। प्रा॒ण इति॑ प्र—अ॒नः⁠। सर्वा॒ण्यङ्‍गा॑नि⁠। अङ्‍गा᳚न्यवति⁠। अ॒व॒त्यथो᳚⁠। अथो॒ यथा᳚⁠। अथो॒ इत्यथो᳚⁠। यथा॑ सुप॒र्णः⁠। सु॒प॒र्ण उ॑त्पति॒ष्यन्न्⁠। सु॒प॒र्ण इति॑ सु—प॒र्णः⁠। उ॒त्प॒ति॒ष्यञ्छिरः॑⁠। उ॒त्प॒ति॒ष्यन्नित्यु॑त्—प॒ति॒ष्यन्न्⁠। शिर॑ उत्त॒मम्⁠। उ॒त्त॒मम् कु॑रु॒ते⁠। उ॒त्त॒ममित्यु॑त्—त॒मम्⁠। कु॒रु॒त ए॒वम्⁠। ए॒वमे॒व⁠। ए॒व तत्⁠। तद् यज॑मानाः⁠। यज॑मानाः प्र॒जाना᳚म्⁠। प्र॒जाना॑मुत्त॒माः⁠। प्र॒जाना॒मिति॑ प्र—जाना᳚म्⁠। उ॒त्त॒मा भ॑वन्ति⁠। उ॒त्त॒मा इत्यु॑त्—त॒माः⁠। भ॒व॒न्त्या॒स॒न्दीम्⁠। आ॒स॒न्दीमु॑द्‍गा॒ता⁠। आ॒स॒न्दीमित्या᳚—स॒न्दीम्⁠। उ॒द्‍गा॒ता ऽऽ रो॑हति⁠। उ॒द्‍गा॒तेत्यु॑त्—गा॒ता⁠। आ रो॑हति⁠। रो॒ह॒ति॒ साम्रा᳚ज्यम्⁠। साम्रा᳚ज्यमे॒व⁠। साम्रा᳚ज्य॒मिति॒ साम्—रा॒ज्य॒म्⁠। ए॒व ग॑च्छन्ति⁠। ग॒च्छ॒न्ति॒ प्ले॒ङ्‍खम्⁠। प्ले॒ङ्‍खꣳ होता᳚⁠। होता॒ नाक॑स्य⁠। नाक॑स्यै॒व⁠। ए॒व पृ॒ष्ठम्⁠। पृ॒ष्ठꣳ रो॑हन्ति⁠। रो॒ह॒न्ति॒ कू॒र्चौ⁠। कू॒र्चाव॑द्ध्व॒र्युः⁠। अ॒द्ध्व॒र्युर् ब्र॒द्ध्नस्य॑⁠। ब्र॒द्ध्नस्यै॒व⁠। ए॒व वि॒ष्टप᳚म्⁠। वि॒ष्टप॑म् गच्छन्ति⁠। ग॒च्छ॒न्त्ये॒ताव॑न्तः⁠। ए॒ताव॑न्तो॒ वै⁠। वै दे॑वलो॒काः⁠। दे॒व॒लो॒कास्तेषु॑⁠। दे॒व॒लो॒का इति॑ देव—लो॒काः⁠। तेष्वे॒व⁠। ए॒व य॑थापू॒र्वम्⁠। य॒था॒पू॒र्वम् प्रति॑⁠। य॒था॒पू॒र्वमिति॑ यथा—पू॒र्वम्⁠। प्रति॑ तिष्ठन्ति⁠। ति॒ष्ठ॒न्त्यथो᳚⁠। अथो॑ आ॒क्रम॑णम्⁠। अथो॒ इत्यथो᳚⁠। आ॒क्रम॑णमे॒व⁠। आ॒क्रम॑ण॒मित्या᳚—क्रम॑णम्⁠। ए॒व तत्⁠। तथ् सेतु᳚म्⁠। सेतु॒य्ँयज॑मानाः⁠। यज॑मानाः कुर्वते⁠। कु॒र्व॒ते॒ सु॒व॒र्गस्य॑⁠। सु॒व॒र्गस्य॑ लो॒कस्य॑⁠। सु॒व॒र्गस्येति॑ सुवः—गस्य॑⁠। लो॒कस्य॒ सम॑ष्ट्‍यै⁠। सम॑ष्ट्‍या॒ इति॒ सम्—अ॒ष्ट्‍यै॒⁠॥ [२७] (सद॑सः सप्तद॒शम् प्र॒जाप॑ते र्गायति दि॒ग्भ्य ए॒वान्नाद्य॒म् प्रत्ये का॑दश च) ॥८॥
अ॒र्क्ये॑ण॒ वै⁠। वै स॑हस्र॒शः⁠। स॒ह॒स्र॒शः प्र॒जाप॑तिः⁠। स॒ह॒स्र॒श इति॑ सहस्र—शः⁠। प्र॒जाप॑तिः प्र॒जाः⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा अ॑सृजत⁠। प्र॒जा इति॑ प्र—जाः⁠। अ॒सृ॒ज॒त॒ ताभ्यः॑⁠। ताभ्य॒ इला᳚न्देन⁠। इला᳚न्दे॒नेरा᳚म्⁠। इरा॒ल्ँलूता᳚म्⁠। लूता॒मव॑⁠। अवा॑रुन्ध⁠। अ॒रु॒न्ध॒ यत्⁠। यद॒र्क्य᳚म्⁠। अ॒र्क्य॑म् भव॑ति⁠। भव॑ति प्र॒जाः⁠। प्र॒जा ए॒व⁠। प्र॒जा इति॑ प्र—जाः⁠। ए॒व तत्⁠। तद् यज॑मानाः⁠। यज॑मानाः सृजन्ते⁠। सृ॒ज॒न्त॒ इला᳚न्दम्⁠। इला᳚न्दम् भवति⁠। भ॒व॒ति॒ प्र॒जाभ्यः॑⁠। प्र॒जाभ्य॑ ए॒व⁠। प्र॒जाभ्य॒ इति॑ प्र—जाभ्यः॑⁠। ए॒व सृ॒ष्टाभ्यः॑⁠। सृ॒ष्टाभ्य॒ इरा᳚म्⁠। इरा॒ल्ँलूता᳚म्⁠। लूता॒मव॑⁠। अव॑ रुन्धते⁠। रु॒न्ध॒ते॒ तस्मा᳚त्⁠। तस्मा॒द् याम्⁠। याꣳ समा᳚म्⁠। समा॑ꣳ स॒त्रम्⁠। स॒त्रꣳ समृ॑द्धम्⁠। समृ॑द्ध॒म् ख्‍षोधु॑काः⁠। समृ॑द्ध॒मिति॒ सम्—ऋ॒द्ध॒म्⁠। ख्‍षोधु॑का॒स्ताम्⁠। ताꣳ समा᳚म्⁠। समा᳚म् प्र॒जाः⁠। प्र॒जा इष᳚म्⁠। प्र॒जा इति॑ प्र—जाः⁠। इष॒ꣳ॒ हि⁠। ह्या॑साम्⁠। आ॒सा॒मूर्ज᳚म्⁠। ऊर्ज॑मा॒दद॑ते⁠। आ॒दद॑ते॒ याम्⁠। आ॒दद॑त॒ इत्या᳚—दद॑ते⁠। याꣳ समा᳚म्⁠। समा॒व्ँव्यृ॑द्धम्⁠। व्यृ॑द्ध॒मख्‍षो॑धुकाः⁠। व्यृ॑द्ध॒मिति॒ वि—ऋ॒द्ध॒म्⁠। अख्‍षो॑धुका॒स्ताम्⁠। ताꣳ समा᳚म्⁠। समा᳚म् प्र॒जाः⁠। प्र॒जा न⁠। प्र॒जा इति॑ प्र—जाः⁠। [२८] न हि⁠। ह्या॑साम्⁠। आ॒सा॒मिष᳚म्⁠। इष॒मूर्ज᳚म्⁠। ऊर्ज॑मा॒दद॑ते⁠। आ॒दद॑त उत्क्रो॒दम्⁠। आ॒दद॑त॒ इत्या᳚—दद॑ते⁠। उ॒त्क्रो॒दम् कु॑र्वते⁠। उ॒त्क्रो॒दमित्यु॑त्—क्रो॒दम्⁠। कु॒र्व॒ते॒ यथा᳚⁠। यथा॑ ब॒न्धात्⁠। ब॒न्धान् मु॑मुचा॒नाः⁠। मु॒मु॒चा॒ना उ॑त्क्रो॒दम्⁠। उ॒त्क्रो॒दम् कु॒र्वते᳚⁠। उ॒त्क्रो॒दमित्यु॑त्—क्रो॒दम्⁠। कु॒र्वत॑ ए॒वम्⁠। ए॒वमे॒व⁠। ए॒व तत्⁠। तद् यज॑मानाः⁠। यज॑माना देवब॒न्धात्⁠। दे॒व॒ब॒न्धान् मु॑मुचा॒नाः⁠। दे॒व॒ब॒न्धादिति॑ देव—ब॒न्धात्⁠। मु॒मु॒चा॒ना उ॑त्क्रो॒दम्⁠। उ॒त्क्रो॒दम् कु॑र्वते⁠। उ॒त्क्रो॒दमित्यु॑त्—क्रो॒दम्⁠। कु॒र्व॒त॒ इष᳚म्⁠। इष॒मूर्ज᳚म्⁠। उर्ज॑मा॒त्मन्न्⁠। आ॒त्मन् दधा॑नाः⁠। दधा॑ना वा॒णः⁠। वा॒णः श॒तत॑न्तुः⁠। श॒तत॑न्तुर् भवति⁠। श॒तत॑न्तु॒रिति॑ श॒त—त॒न्तुः॒⁠। भ॒व॒ति॒ श॒तायुः॑⁠। श॒तायुः॒ पुरु॑षः⁠। श॒तायु॒रिति॑ श॒त—आ॒युः॒⁠। पुरु॑षः श॒तेन्द्रि॑यः⁠। श॒तेन्द्रि॑य॒ आयु॑षि⁠। श॒तेन्द्रि॑य॒ इति॑ श॒त—इ॒न्द्रि॒यः॒⁠। आयु॑ष्ये॒व⁠। ए॒वेन्द्रि॒ये⁠। इ॒न्द्रि॒ये प्रति॑⁠। प्रति॑ तिष्ठन्ति⁠। ति॒ष्ठ॒न्त्या॒जिम्⁠। आ॒जिम् धा॑वन्ति⁠। धा॒व॒न्त्यन॑भिजितस्य⁠। अन॑भिजितस्या॒भिजि॑त्यै⁠। अन॑भिजित॒स्येत्यन॑भि—जि॒त॒स्य॒⁠। अ॒भिजि॑त्यै दुन्दु॒भीन्⁠। अ॒भिजि॑त्या॒ इत्य॒भि—जि॒त्यै॒⁠। दु॒न्दु॒भीन्थ् स॒माघ्न॑न्ति⁠। स॒माघ्न॑न्ति पर॒मा⁠। स॒माघ्न॒न्तीति॑ सम्—आघ्न॑न्ति⁠। प॒र॒मा वै⁠। वा ए॒षा⁠। ए॒षा वाक्⁠। वाग् या⁠। या दु॑न्दु॒भौ⁠। दु॒न्दु॒भौ प॑र॒माम्⁠। प॒र॒मामे॒व⁠। ए॒व वाच᳚म्⁠। [२९] वाच॒मव॑⁠। अव॑ रुन्धते⁠। रु॒न्ध॒ते॒ भू॒मि॒दु॒न्दु॒भिम्⁠। भू॒मि॒दु॒न्दु॒भिमा⁠। भू॒मि॒दु॒न्दु॒भिमिति॑ भूमि—दु॒न्दु॒भिम्⁠। आ घ्न॑न्ति⁠। घ्न॒न्ति॒ या⁠। यैव⁠। ए॒वेमाम्⁠। इ॒माव्ँवाक्⁠। वाक् प्रवि॑ष्टा⁠। प्रवि॑ष्टा॒ ताम्⁠। प्रवि॒ष्टेति॒ प्र—वि॒ष्टा॒⁠। तामे॒व⁠। ए॒वाव॑⁠। अव॑ रुन्धते⁠। रु॒न्ध॒तेऽथो᳚⁠। अथो॑ इ॒माम्⁠। अथो॒ इत्यथो᳚⁠। इ॒मामे॒व⁠। ए॒व ज॑यन्ति⁠। ज॒य॒न्ति॒ सर्वाः᳚⁠। सर्वा॒ वाचः॑⁠। वाचो॑ वदन्ति⁠। व॒द॒न्ति॒ सर्वा॑साम्⁠। सर्वा॑साव्ँवा॒चाम्⁠। वा॒चामव॑रुद्ध्यै⁠। अव॑रुद्ध्या आ॒र्द्रे⁠। अव॑रुद्ध्या॒ इत्यव॑—रु॒द्ध्यै॒⁠। आ॒र्द्रे चर्म॑न्न्⁠। चर्म॒न् व्याय॑च्छेते⁠। व्याय॑च्छेते इन्द्रि॒यस्य॑⁠। व्याय॑च्छेते॒ इति॑ वि—आय॑च्छेते⁠। इ॒न्द्रि॒यस्याव॑रुद्ध्यै⁠। अव॑रुद्ध्या॒ आ⁠। अव॑रुद्ध्या॒ इत्यव॑—रु॒द्ध्यै॒⁠। आऽन्यः⁠। अ॒न्यः क्रोश॑ति⁠। क्रोश॑ति॒ प्र⁠। प्रान्यः⁠। अ॒न्यः श॑ꣳसति⁠। श॒ꣳ॒स॒ति॒ यः⁠। य आ॒क्रोश॑ति⁠। आ॒क्रोश॑ति पु॒नाति॑⁠। आ॒क्रोश॒तीत्या᳚—क्रोश॑ति⁠। पु॒नात्ये॒व⁠। ए॒वैना॑न्⁠। ए॒ना॒न्थ् सः⁠। स यः⁠। यः प्र॒शꣳस॑ति⁠। प्र॒शꣳस॑ति पू॒तेषु॑⁠। प्र॒शꣳस॒तीति॑ प्र—शꣳस॑ति⁠। पू॒तेष्वे॒व⁠। ए॒वान्नाद्य᳚म्⁠। अ॒न्नाद्य॑म् दधाति⁠। अ॒न्नाद्य॒मित्य॑न्न—अद्य᳚म्⁠। द॒धा॒त्यृषि॑कृतम्⁠। ऋषि॑कृतम् च⁠। ऋषि॑कृत॒मित्यृषि॑—कृ॒त॒म्⁠। च॒ वै⁠। [३०] वा ए॒ते⁠। ए॒ते दे॒वकृ॑तम्⁠। दे॒वकृ॑तम् च⁠। दे॒वकृ॑त॒मिति॑ दे॒व—कृ॒त॒म्⁠। च॒ पूर्वैः᳚⁠। पूर्वै॒र् मासैः᳚⁠। मासै॒रव॑⁠। अव॑ रुन्धते⁠। रु॒न्ध॒ते॒ यत्⁠। यद् भू॑ते॒च्छदा᳚म्⁠। भू॒ते॒च्छदा॒ꣳ॒ सामा॑नि⁠। भू॒ते॒च्छदा॒मिति॑ भूते—छदा᳚म्⁠। सामा॑नि॒ भव॑न्ति⁠। भव॑न्त्यु॒भय॑स्य⁠। उ॒भय॒स्याव॑रुद्ध्यै⁠। अव॑रुद्ध्यै॒ यन्ति॑⁠। अव॑रुद्ध्या॒ इत्यव॑—रु॒द्ध्यै॒⁠। यन्ति॒ वै⁠। वा ए॒ते⁠। ए॒ते मि॑थु॒नात्⁠। मि॒थु॒नाद् ये⁠। ये स॑व्ँवथ्स॒रम्⁠। स॒व्ँव॒थ्स॒रमु॑प॒यन्ति॑⁠। स॒व्ँव॒थ्स॒रमिति॑ सम्—व॒थ्स॒रम्⁠। उ॒प॒यन्त्य॑न्तर्वे॒दि⁠। उ॒प॒यन्तीत्यु॑प—यन्ति॑⁠। अ॒न्त॒र्वे॒दि मि॑थु॒नौ⁠। अ॒न्त॒र्वे॒दीत्य॑न्तः—वे॒दि⁠। मि॒थु॒नौ सम्⁠। सम् भ॑वतः⁠। भ॒व॒त॒स्तेन॑⁠। तेनै॒व⁠। ए॒व मि॑थु॒नात्⁠। मि॒थु॒नान् न⁠। न य॑न्ति⁠। य॒न्तीति॑ यन्ति⁠॥ [३१] (व्यृ॑द्ध॒मख्‍षो॑धुका॒स्ताꣳ समा᳚म् प्र॒जाः प॑र॒मामे॒व च॑ त्रि॒ꣳ॒शच्च॑) ॥९॥
चर्माव॑⁠। अव॑ भिन्दन्ति⁠। भि॒न्द॒न्ति॒ पा॒प्मान᳚म्⁠। पा॒प्मान॑मे॒व⁠। ए॒वैषा᳚म्⁠। ए॒षा॒मव॑⁠। अव॑ भिन्दन्ति⁠। भि॒न्द॒न्ति॒ मा⁠। माऽप॑⁠। अप॑ राथ्सीः⁠। रा॒थ्सी॒र् मा⁠। माऽति॑⁠। अति॑ व्याथ्सीः⁠। व्या॒थ्सी॒रिति॑⁠। इत्या॑ह⁠। आ॒ह॒ स॒म्प्र॒ति⁠। स॒म्प्र॒त्ये॑व⁠। स॒म्प्र॒तीति॑ सम्—प्र॒ति⁠। ए॒वैषा᳚म्⁠। ए॒षा॒म् पा॒प्मान᳚म्⁠। पा॒प्मान॒मव॑⁠। अव॑ भिन्दन्ति⁠। भि॒न्द॒न्त्यु॒द॒कु॒म्भान्⁠। उ॒द॒कु॒म्भान॑धिनि॒धाय॑⁠। उ॒द॒कु॒म्भानित्यु॑द—कु॒म्भान्⁠। अ॒धि॒नि॒धाय॑ दा॒स्यः॑⁠। अ॒दि॒नि॒धायेत्य॑धि—नि॒धाय॑⁠। दा॒स्यो॑ मार्जा॒लीय᳚म्⁠। मा॒र्जा॒लीय॒म् परि॑⁠। परि॑ नृत्यन्ति⁠। नृ॒त्य॒न्ति॒ प॒दः⁠। प॒दो नि॑घ्न॒तीः⁠। नि॒घ्न॒तीरि॒दम्म॑धुम्⁠। नि॒घ्न॒तीरिति॑ नि—घ्न॒तीः⁠। इ॒दम्म॑धु॒म् गाय॑न्त्यः⁠। इ॒दम्म॑धु॒मिती॒दम्—म॒धु॒म्⁠। गाय॑न्त्यो॒ मधु॑⁠। मधु॒ वै⁠। वै दे॒वाना᳚म्⁠। दे॒वाना᳚म् पर॒मम्⁠। प॒र॒मम॒न्नाद्य᳚म्⁠। अ॒न्नाद्य॑म् पर॒मम्⁠। अ॒न्नाद्य॒मित्य॑न्न—अद्य᳚म्⁠। प॒र॒ममे॒व⁠। ए॒वान्नाद्य᳚म्⁠। अ॒न्नाद्य॒मव॑⁠। अ॒न्नाद्य॒मित्य॑न्न—अद्य᳚म्⁠। अव॑ रुन्धते⁠। रु॒न्ध॒ते॒ प॒दः⁠। प॒दो निः⁠। निर् घ्न॑न्ति⁠। घ्न॒न्ति॒ म॒ही॒याम्⁠। म॒ही॒यामे॒व⁠। ए॒वैषु॑⁠। ए॒षु॒ द॒ध॒ति॒⁠। द॒ध॒तीति॑ दधति⁠॥ [३२] (चर्मै का॒न्न प॑ञ्चा॒शत्) ॥१०॥
पृ॒थि॒व्यै स्वाहा᳚⁠। स्वाहा॒ऽन्तरि॑ख्‍षाय⁠। अ॒न्तरि॑ख्‍षाय॒ स्वाहा᳚⁠। स्वाहा॑ दि॒वे⁠। दि॒वे स्वाहा᳚⁠। स्वाहा॑ सम्प्लोष्य॒ते⁠। स॒म्प्लो॒ष्य॒ते स्वाहा᳚⁠। स॒म्प्लो॒ष्य॒त इति॑ सम्—प्लो॒ष्य॒ते⁠। स्वाहा॑ स॒म्प्लव॑मानाय⁠। स॒म्प्लव॑मानाय॒ स्वाहा᳚⁠। स॒म्प्लव॑माना॒येति॑ सम्—प्लव॑मानाय⁠। स्वाहा॒ सम्प्लु॑ताय⁠। सम्प्लु॑ताय॒ स्वाहा᳚⁠। सम्प्लु॑ता॒येति॒ सम्—प्लु॒ता॒य॒⁠। स्वाहा॑ मेघायिष्य॒ते⁠। मे॒घा॒यि॒ष्य॒ते स्वाहा᳚⁠। स्वाहा॑ मेघाय॒ते⁠। मे॒घा॒य॒ते स्वाहा᳚⁠। मे॒घा॒य॒त इति॑ मेघ—य॒ते⁠। स्वाहा॑ मेघि॒ताय॑⁠। मे॒घि॒ताय॒ स्वाहा᳚⁠। स्वाहा॑ मे॒घाय॑⁠। मे॒घाय॒ स्वाहा᳚⁠। स्वाहा॑ नीहा॒राय॑⁠। नी॒हा॒राय॒ स्वाहा᳚⁠। स्वाहा॑ नि॒हाका॑यै⁠। नि॒हाका॑यै॒ स्वाहा᳚⁠। नि॒हाका॑या॒ इति॑ नि—हाका॑यै⁠। स्वाहा᳚ प्रास॒चाय॑⁠। प्रा॒स॒चाय॒ स्वाहा᳚⁠। स्वाहा᳚ प्रच॒लाका॑यै⁠। प्र॒च॒लाका॑यै॒ स्वाहा᳚⁠। प्र॒च॒लाका॑या॒ इति॑ प्र—च॒लाका॑यै⁠। स्वाहा॑ विद्योतिष्य॒ते⁠। वि॒द्यो॒ति॒ष्य॒ते स्वाहा᳚⁠। वि॒द्यो॒ति॒ष्य॒त इति॑ वि—द्यो॒ति॒ष्य॒ते⁠। स्वाहा॑ वि॒द्योत॑मानाय⁠। वि॒द्योत॑मानाय॒ स्वाहा᳚⁠। वि॒द्योत॑माना॒येति॑ वि—द्योत॑मानाय⁠। स्वाहा॑ सव्ँवि॒द्योत॑मानाय⁠। स॒व्ँवि॒द्योत॑मानाय॒ स्वाहा᳚⁠। स॒व्ँवि॒द्योत॑मान॒येति॑ सम्—वि॒द्योत॑मानाय⁠। स्वाहा᳚ स्तनयिष्य॒ते⁠। स्त॒न॒यि॒ष्य॒ते स्वाहा᳚⁠। स्वाहा᳚ स्त॒नय॑ते⁠। स्त॒नय॑ते॒ स्वाहा᳚⁠। स्वाहो॒ग्रम्⁠। उ॒ग्रꣴ स्त॒नय॑ते⁠। स्त॒नय॑ते॒ स्वाहा᳚⁠। स्वाहा॑ वर्‌षिष्य॒ते⁠। व॒र्॒‌षि॒ष्य॒ते स्वाहा᳚⁠। स्वाहा॒ वर्‌ष॑ते⁠। वर्‌ष॑ते॒ स्वाहा᳚⁠। स्वाहा॑ऽभि॒वर्‌ष॑ते⁠। अ॒भि॒वर्‌ष॑ते॒ स्वाहा᳚⁠। अ॒भि॒वर्‌ष॑त॒ इत्य॑भि—वर्‌ष॑ते⁠। स्वाहा॑ परि॒वर्‌ष॑ते⁠। प॒रि॒वर्‌ष॑ते॒ स्वाहा᳚⁠। प॒रि॒वर्‌ष॑त॒ इति॑ परि—वर्‌ष॑ते⁠। स्वाहा॑ स॒व्ँवर्‌ष॑ते⁠। स॒व्ँवर्‌ष॑ते॒ स्वाहा᳚⁠। स॒व्ँवर्‌ष॑त॒ इति॑ सम्—वर्‌ष॑ते⁠। [३३] स्वाहा॑ऽनु॒वर्‌ष॑ते⁠। अ॒नु॒वर्‌ष॑ते॒ स्वाहा᳚⁠। अ॒नु॒व॑र्‌षत॒ इत्य॑नु—वर्‌ष॑ते⁠। स्वाहा॑ शीकायिष्य॒ते⁠। शी॒का॒यि॒ष्य॒ते स्वाहा᳚⁠। स्वाहा॑ शीकाय॒ते⁠। शी॒का॒य॒ते स्वाहा᳚⁠। शी॒का॒य॒त इति॑ शीक—य॒ते⁠। स्वाहा॑ शीकि॒ताय॑⁠। शी॒कि॒ताय॒ स्वाहा᳚⁠। स्वाहा᳚ प्रोषिष्य॒ते⁠। प्रो॒षि॒ष्य॒ते स्वाहा᳚⁠। स्वाहा᳚ प्रुष्ण॒ते⁠। प्रु॒ष्ण॒ते स्वाहा᳚⁠। स्वाहा॑ परिप्रुष्ण॒ते⁠। प॒रि॒प्रु॒ष्ण॒ते स्वाहा᳚⁠। प॒रि॒प्रु॒ष्ण॒त इति॑ परि—प्रु॒ष्ण॒ते⁠। स्वाहो᳚द्ग्रहीष्य॒ते⁠। उ॒द्ग्र॒ही॒ष्य॒ते स्वाहा᳚⁠। उ॒द्‍ग्र॒ही॒ष्य॒त इत्यु॑त्—ग्र॒ही॒ष्य॒ते⁠। स्वाहो᳚द्‍गृह्ण॒ते⁠। उ॒द्‍गृ॒ह्ण॒ते स्वाहा᳚⁠। उ॒द्‍गृ॒ह्ण॒त इत्यु॑त्—गृ॒ह्ण॒ते⁠। स्वाहोद्‍गृ॑हीताय⁠। उद्‍गृ॑हीताय॒ स्वाहा᳚⁠। उद्‍गृ॑हीता॒येत्युत्—गृ॒ही॒ता॒य॒⁠। स्वाहा॑ विप्लोष्य॒ते⁠। वि॒प्लो॒ष्य॒ते स्वाहा᳚⁠। वि॒प्लो॒ष्य॒त इति॑ वि—प्लो॒ष्य॒ते⁠। स्वाहा॑ वि॒प्लव॑मानाय⁠। वि॒प्लव॑मानाय॒ स्वाहा᳚⁠। वि॒प्लव॑माना॒येति॑ वि—प्लव॑मानाय⁠। स्वाहा॒ विप्लु॑ताय⁠। विप्लु॑ताय॒ स्वाहा᳚⁠। विप्लु॑ता॒येति॒ वि—प्लु॒ता॒य॒⁠। स्वाहा॑ऽऽतफ्स्य॒ते⁠। आ॒त॒फ्स्य॒ते स्वाहा᳚⁠। आ॒त॒फ्स्य॒त इत्या᳚—त॒फ्स्य॒ते⁠। स्वाहा॒ऽऽतप॑ते⁠। आ॒तप॑ते॒ स्वाहा᳚⁠। आ॒तप॑त॒ इत्या᳚—तप॑ते⁠। स्वाहो॒ग्रम्⁠। उ॒ग्रमा॒तप॑ते⁠। आ॒तप॑ते॒ स्वाहा᳚⁠। आ॒तप॑त॒ इत्या᳚—तप॑ते⁠। स्वाह॒र्ग्भ्यः⁠। ऋ॒ग्भ्यः स्वाहा᳚⁠। ऋ॒ग्भ्य इत्यृ॑क्—भ्यः⁠। स्वाहा॒ यजु॑र्भ्यः⁠। यजु॑र्भ्यः॒ स्वाहा᳚⁠। यजु॑र्भ्य॒ इति॒ यजुः॑—भ्यः॒⁠। स्वाहा॒ साम॑भ्यः⁠। साम॑भ्यः॒ स्वाहा᳚⁠। साम॑भ्य॒ इति॒ साम॑—भ्यः॒⁠। स्वाहाऽङ्‍गि॑रोभ्यः⁠। अङ्‍गि॑रोभ्यः॒ स्वाहा᳚⁠। अङ्‍गि॑रोभ्य॒ इत्यङ्‍गि॑रः—भ्यः॒⁠। स्वाहा॒ वेदे᳚भ्यः⁠। वेदे᳚भ्यः॒ स्वाहा᳚⁠। स्वाहा॒ गाथा᳚भ्यः⁠। गाथा᳚भ्यः॒ स्वाहा᳚⁠। स्वाहा॑ नाराश॒ꣳ॒सीभ्यः॑⁠। ना॒रा॒श॒ꣳ॒सीभ्यः॒ स्वाहा᳚⁠। स्वाहा॒ रैभी᳚भ्यः⁠। रैभी᳚भ्यः॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [३४] (स॒व्ँवर्‌ष॑ते॒ रैभी᳚भ्यः॒ स्वाहा॒ द्वे च॑) ॥११॥
द॒त्वते॒ स्वाहा᳚⁠। स्वाहा॑ऽद॒न्तका॑य⁠। अ॒द॒न्तका॑य॒ स्वाहा᳚⁠। स्वाहा᳚ प्रा॒णिने᳚⁠। प्रा॒णिने॒ स्वाहा᳚⁠। स्वाहा᳚ऽप्रा॒णाय॑⁠। अ॒प्रा॒णाय॒ स्वाहा᳚⁠। स्वाहा॒ मुख॑वते⁠। मुख॑वते॒ स्वाहा᳚⁠। मुख॑वत॒ इति॒ मुख॑—व॒ते॒⁠। स्वाहा॑ऽमु॒खाय॑⁠। अ॒मु॒खाय॒ स्वाहा᳚⁠। स्वाहा॒ नासि॑कवते⁠। नासि॑कवते॒ स्वाहा᳚⁠। नासि॑कवत॒ इति॒ नासि॑क—व॒ते॒⁠। स्वाहा॑ऽनासि॒काय॑⁠। अ॒ना॒सि॒काय॒ स्वाहा᳚⁠। स्वाहा᳚ऽख्‍ष॒ण्वते᳚⁠। अ॒ख्‍ष॒ण्वते॒ स्वाहा᳚⁠। अ॒ख्‍ष॒ण्वत॒ इत्य॑ख्‍षण्—वते᳚⁠। स्वाहा॑ऽन॒ख्‍षिका॑य⁠। अ॒न॒ख्‍षिका॑य॒ स्वाहा᳚⁠। स्वाहा॑ क॒र्णिने᳚⁠। क॒र्णिने॒ स्वाहा᳚⁠। स्वाहा॑ऽक॒र्णका॑य⁠। अ॒क॒र्णका॑य॒ स्वाहा᳚⁠। स्वाहा॑ शीर्‌ष॒ण्वते᳚⁠। शी॒र्॒‌ष॒ण्वते॒ स्वाहा᳚⁠। शी॒र्॒‌ष॒ण्वत॒ इति॑ शीर्‌षण्—वते᳚⁠। स्वाहा॑ऽशी॒र्॒‌षका॑य⁠। अ॒शी॒र्॒‌षका॑य॒ स्वाहा᳚⁠। स्वाहा॑ प॒द्‍वते᳚⁠। प॒द्‍वते॒ स्वाहा᳚⁠। प॒द्‍वत॒ इति॑ पत्—वते᳚⁠। स्वाहा॑ऽपा॒दका॑य⁠। अ॒पा॒दका॑य॒ स्वाहा᳚⁠। स्वाहा᳚ प्राण॒ते⁠। प्रा॒ण॒ते स्वाहा᳚⁠। प्रा॒ण॒त इति॑ प्र—अ॒न॒ते⁠। स्वाहाऽप्रा॑णते⁠। अप्रा॑णते॒ स्वाहा᳚⁠। अप्रा॑णत॒ इत्यप्र॑—अ॒न॒ते॒⁠। स्वाहा॒ वद॑ते⁠। वद॑ते॒ स्वाहा᳚⁠। स्वाहाऽव॑दते⁠। अव॑दते॒ स्वाहा᳚⁠। स्वाहा॒ पश्य॑ते⁠। पश्य॑ते॒ स्वाहा᳚⁠। स्वाहाऽप॑श्यते⁠। अप॑श्यते॒ स्वाहा᳚⁠। स्वाहा॑ शृण्व॒ते⁠। शृ॒ण्व॒ते स्वाहा᳚⁠। स्वाहाऽशृ॑ण्वते⁠। अशृ॑ण्वते॒ स्वाहा᳚⁠। स्वाहा॑ मन॒स्विने᳚⁠। म॒न॒स्विने॒ स्वाहा᳚⁠। स्वाहा॑ऽम॒नसे᳚⁠। [३५] अ॒म॒नसे॒ स्वाहा᳚⁠। स्वाहा॑ रेत॒स्विने᳚⁠। रे॒त॒स्विने॒ स्वाहा᳚⁠। स्वाहा॑ऽरे॒तस्का॑य⁠। अ॒रे॒तस्का॑य॒ स्वाहा᳚⁠। अ॒रे॒तस्का॒येत्य॑रे॒तः—का॒य॒⁠। स्वाहा᳚ प्र॒जाभ्यः॑⁠। प्र॒जाभ्यः॒ स्वाहा᳚⁠। प्र॒जाभ्य॒ इति॑ प्र—जाभ्यः॑⁠। स्वाहा᳚ प्र॒जन॑नाय⁠। प्र॒जन॑नाय॒ स्वाहा᳚⁠। प्र॒जन॑ना॒येति॑ प्र—जन॑नाय⁠। स्वाहा॒ लोम॑वते⁠। लोम॑वते॒ स्वाहा᳚⁠। लोम॑वत॒ इति॒ लोम॑—व॒ते॒⁠। स्वाहा॑ऽलो॒मका॑य⁠। अ॒लो॒मका॑य॒ स्वाहा᳚⁠। स्वाहा᳚ त्व॒चे⁠। त्व॒चे स्वाहा᳚⁠। स्वाहा॒ऽत्वक्का॑य⁠। अ॒त्वक्का॑य॒ स्वाहा᳚⁠। स्वाहा॒ चर्म॑ण्वते⁠। चर्म॑ण्वते॒ स्वाहा᳚⁠। चर्म॑ण्वत॒ इति॒ चर्म॑ण्ण्—व॒ते॒⁠। स्वाहा॑ऽच॒र्मका॑य⁠। अ॒च॒र्मका॑य॒ स्वाहा᳚⁠। स्वाहा॒ लोहि॑तवते⁠। लोहि॑तवते॒ स्वाहा᳚⁠। लोहि॑तवत॒ इति॒ लोहि॑त—व॒ते॒⁠। स्वाहा॑ऽलोहि॒ताय॑⁠। अ॒लो॒हि॒ताय॒ स्वाहा᳚⁠। स्वाहा॑ माꣳस॒न्वते᳚⁠। मा॒ꣳ॒स॒न्वते॒ स्वाहा᳚⁠। मा॒ꣳ॒स॒न्वत॒ इति॑ माꣳसन्न्—वते᳚⁠। स्वाहा॑ऽमा॒ꣳ॒सका॑य⁠। अ॒मा॒ꣳ॒सका॑य॒ स्वाहा᳚⁠। स्वाहा॒ स्नाव॑भ्यः⁠। स्नाव॑भ्यः॒ स्वाहा᳚⁠। स्नाव॑भ्य॒ इति॒ स्नाव॑—भ्यः॒⁠। स्वाहा᳚ऽस्ना॒वका॑य⁠। अ॒स्ना॒वका॑य॒ स्वाहा᳚⁠। स्वाहा᳚ऽस्थ॒न्वते᳚⁠। अ॒स्थ॒न्वते॒ स्वाहा᳚⁠। अ॒स्थ॒न्वत॒ इत्य॑स्थन्न्—वते᳚⁠। स्वाहा॑ऽन॒स्थिका॑य⁠। अ॒न॒स्थिका॑य॒ स्वाहा᳚⁠। स्वाहा॑ मज्ज॒न्वते᳚⁠। म॒ज्ज॒न्वते॒ स्वाहा᳚⁠। म॒ज्ज॒न्वत॒ इति॑ मज्जन्न्—वते᳚⁠। स्वाहा॑ऽम॒ज्जका॑य⁠। अ॒म॒ज्जका॑य॒ स्वाहा᳚⁠। स्वाहा॒ऽङ्‍गिने᳚⁠। अ॒ङ्‍गिने॒ स्वाहा᳚⁠। स्वाहा॑ऽन॒ङ्‍गाय॑⁠। अ॒न॒ङ्‍गाय॒ स्वाहा᳚⁠। स्वाहा॒ऽऽत्मने᳚⁠। आ॒त्मने॒ स्वाहा᳚⁠। स्वाहाऽना᳚त्मने⁠। अना᳚त्मने॒ स्वाहा᳚⁠। स्वाहा॒ सर्व॑स्मै⁠। सर्व॑स्मै॒ स्वाहा᳚⁠। स्वाहेति॒ स्वाहा᳚⁠॥ [३६] (म॒न॒स्विने॒ स्वाहा ऽना᳚त्मने॒ स्वाहा॒ द्वे च॑) ॥१२॥
कस्त्वा᳚⁠। त्वा॒ यु॒न॒क्ति॒⁠। यु॒न॒क्ति॒ सः⁠। स त्वा᳚⁠। त्वा॒ यु॒न॒क्तु॒⁠। यु॒न॒क्तु॒ विष्णुः॑⁠। विष्णु॑स्त्वा⁠। त्वा॒ यु॒न॒क्तु॒⁠। यु॒न॒क्त्व॒स्य⁠। अ॒स्य य॒ज्ञस्य॑⁠। य॒ज्ञस्यर्द्ध्यै᳚⁠। ऋद्ध्यै॒ मह्य᳚म्⁠। मह्य॒ꣳ॒ सन्न॑त्यै⁠। सन्न॑त्या अ॒मुष्मै᳚⁠। सन्न॑त्या॒ इति॒ सम्—न॒त्यै॒⁠। अ॒मुष्मै॒ कामा॑य⁠। कामा॒यायु॑षे⁠। आयु॑षे त्वा⁠। त्वा॒ प्रा॒णाय॑⁠। प्रा॒णाय॑ त्वा⁠। प्रा॒णायेति॑ प्र—अ॒नाय॑⁠। त्वा॒ऽपा॒नाय॑⁠। अ॒पा॒नाय॑ त्वा⁠। अ॒पा॒नायेत्य॑प—अ॒नाय॑⁠। त्वा॒ व्या॒नाय॑⁠। व्या॒नाय॑ त्वा⁠। व्या॒नायेति॑ वि—अ॒नाय॑⁠। त्वा॒ व्यु॑ष्ट्‍यै⁠। व्यु॑ष्ट्‍यै त्वा⁠। व्यु॑ष्ट्‍या॒ इति॒ वि—उ॒ष्ट्‍यै॒⁠। त्वा॒ र॒य्यै⁠। र॒य्यै त्वा᳚⁠। त्वा॒ राध॑से⁠। राध॑से त्वा⁠। त्वा॒ घोषा॑य⁠। घोषा॑य त्वा⁠। त्वा॒ पोषा॑य⁠। पोषा॑य त्वा⁠। त्वा॒ऽऽरा॒द्‍घो॒षाय॑⁠। आ॒रा॒द्‍घो॒षाय॑ त्वा⁠। आ॒रा॒द्‍घो॒षायेत्या॑रात्—घो॒षाय॑⁠। त्वा॒ प्रच्यु॑त्यै⁠। प्रच्यु॑त्यै त्वा⁠। प्रच्यु॑त्या॒ इति॒ प्र—च्यु॒त्यै॒⁠। त्वेति॑ त्वा⁠॥ [३७] (कस्त्वा॒ ऽष्टात्रि॑ꣳशत्) ॥१३॥
अ॒ग्नये॑ गाय॒त्राय॑⁠। गा॒य॒त्राय॑ त्रि॒वृते᳚⁠। त्रि॒वृते॒ राथ॑न्तराय⁠। त्रि॒वृत॒ इति॑ त्रि—वृते᳚⁠। राथ॑न्तराय वास॒न्ताय॑⁠। राथ॑न्ततरा॒येति॒ राथ᳚म्—त॒रा॒य॒⁠। वा॒स॒न्ताया॒ष्टाक॑पालः⁠। अ॒ष्टाक॑पाल॒ इन्द्रा॑य⁠। अ॒ष्टाक॑पाल॒ इत्य॒ष्टा—क॒पा॒लः॒⁠। इन्द्रा॑य॒ त्रैष्टु॑भाय⁠। त्रैष्टु॑भाय पञ्चद॒शाय॑⁠। प॒ञ्च॒द॒शाय॒ बार्‌ह॑ताय⁠। प॒ञ्च॒द॒शायेति॑ पञ्च—द॒शाय॑⁠। बार्‌ह॑ताय॒ ग्रैष्मा॑य⁠। ग्रैष्मा॒यैका॑दशकपालः⁠। एका॑दशकपालो॒ विश्वे᳚भ्यः⁠। एका॑दशकपाल॒ इत्येका॑दश—क॒पा॒लः॒⁠। विश्वे᳚भ्यो दे॒वेभ्यः॑⁠। दे॒वेभ्यो॒ जाग॑तेभ्यः⁠। जाग॑तेभ्यः सप्तद॒शेभ्यः॑⁠। स॒प्त॒द॒शेभ्यो॑ वैरू॒पेभ्यः॑⁠। स॒प्त॒द॒शेभ्य॒ इति॑ सप्त—द॒शेभ्यः॑⁠। वै॒रू॒पेभ्यो॒ वार्‌षि॑केभ्यः⁠। वार्‌षि॑केभ्यो॒ द्वाद॑शकपालः⁠। द्वाद॑शकपालो मि॒त्रावरु॑णाभ्याम्⁠। द्वाद॑शकपाल॒ इति॒ द्वाद॑श—क॒पा॒लः॒⁠। मि॒त्रावरु॑णाभ्या॒मानु॑ष्टुभाभ्याम्⁠। मि॒त्रावरु॑णाभ्या॒मिति॑ मि॒त्रा—वरु॑णाभ्याम्⁠। आनु॑ष्टुभाभ्यामेकवि॒ꣳ॒शाभ्या᳚म्⁠। आनु॑ष्टुभाभ्या॒मित्यानु॑—स्तु॒भा॒भ्या॒म्⁠। ए॒क॒वि॒ꣳ॒शाभ्या᳚व्ँवैरा॒जाभ्या᳚म्⁠। ए॒क॒वि॒ꣳ॒शाभ्या॒मित्ये॑क—वि॒ꣳ॒शाभ्या᳚म्⁠। वै॒रा॒जाभ्या॑ꣳ शार॒दाभ्या᳚म्⁠। शा॒र॒दाभ्या᳚म् पय॒स्या᳚⁠। प॒य॒स्या॑ बृह॒स्पत॑ये⁠। बृह॒स्पत॑ये॒ पाङ्‍क्ता॑य⁠। पाङ्‍क्ता॑य त्रिण॒वाय॑⁠। त्रि॒ण॒वाय॑ शाक्व॒राय॑⁠। त्रि॒ण॒वायेति॑ त्रि—न॒वाय॑⁠। शा॒क्व॒राय॒ हैम॑न्तिकाय⁠। हैम॑न्तिकाय च॒रुः⁠। च॒रुः स॑वि॒त्रे⁠। स॒वि॒त्र आ॑तिच्छन्द॒साय॑⁠। आ॒ति॒च्छ॒न्द॒साय॑ त्रयस्त्रि॒ꣳ॒शाय॑⁠। आ॒ति॒च्छ॒न्द॒सायेत्या॑ति—छ॒न्द॒साय॑⁠। त्र॒य॒स्त्रि॒ꣳ॒शाय॑ रैव॒ताय॑⁠। त्र॒य॒स्त्रि॒ꣳ॒शायेति॑ त्रयः—त्रि॒ꣳ॒शाय॑⁠। रै॒व॒ताय॑ शैशि॒राय॑⁠। शै॒शि॒राय॒ द्वाद॑शकपालः⁠। द्वाद॑शकपा॒लोऽदि॑त्यै⁠। द्वाद॑शकपाल॒ इति॒ द्वाद॑श—क॒पा॒लः॒⁠। अदि॑त्यै॒ विष्णु॑पत्न्यै⁠। विष्णु॑पत्न्यै च॒रुः⁠। विष्णु॑पत्न्या॒ इति॒ विष्णु॑—प॒त्न्यै॒⁠। च॒रुर॒ग्नये᳚⁠। अ॒ग्नये॑ वैश्वान॒राय॑⁠। वै॒श्वा॒न॒राय॒ द्वाद॑शकपालः⁠। द्वाद॑शकपा॒लोऽनु॑मत्यै⁠। द्वाद॑शकपाल॒ इति॒ द्वाद॑श—क॒पा॒लः॒⁠। अनु॑मत्यै च॒रुः⁠। अनु॑मत्या॒ इत्यनु॑—म॒त्यै॒⁠। च॒रुः का॒यः⁠। का॒य एक॑कपालः⁠। एक॑कपाल॒ इत्येक॑—क॒पा॒लः॒⁠॥ [३८] (अ॒ग्नयेऽदि॑त्या॒ अनु॑मत्यै स॒प्तच॑त्वारिꣳशत्) ॥१४॥
यो वै⁠। वा अ॒ग्नौ⁠। अ॒ग्नाव॒ग्निः⁠। अ॒ग्निः प्र॑ह्रि॒यते᳚⁠। प्र॒ह्रि॒यते॒ यः⁠। प्र॒ह्रि॒यत॒ इति॑ प्र—ह्रि॒यते᳚⁠। यश्च॑⁠। च॒ सोमः॑⁠। सोमो॒ राजा᳚⁠। राजा॒ तयोः᳚⁠। तयो॑रे॒षः⁠। ए॒ष आ॑ति॒थ्यम्⁠। आ॒ति॒थ्यय्ँयत्⁠। यद॑ग्नीषो॒मीयः॑⁠। अ॒ग्नी॒षो॒मीयोऽथ॑⁠। अ॒ग्नी॒षो॒मीय॒ इत्य॑ग्नी—सो॒मीयः॑⁠। अथै॒षः⁠। ए॒ष रु॒द्रः⁠। रु॒द्रो यः⁠। यश्ची॒यते᳚⁠। ची॒यते॒ यत्⁠। यथ् सञ्चि॑ते⁠। सञ्चि॑ते॒ऽग्नौ⁠। सञ्चि॑त॒ इति॒ सम्—चि॒ते॒⁠। अ॒ग्नावे॒तानि॑⁠। ए॒तानि॑ ह॒वीꣳषि॑⁠। ह॒वीꣳषि॒ न⁠। न नि॒र्वपे᳚त्⁠। नि॒र्वपे॑दे॒षः⁠। नि॒र्वपे॒दिति॑ निः—वपे᳚त्⁠। ए॒ष ए॒व⁠। ए॒व रु॒द्रः⁠। रु॒द्रोऽशा᳚न्तः⁠। अशा᳚न्त उपो॒त्थाय॑⁠। उ॒पो॒त्थाय॑ प्र॒जाम्⁠। उ॒पो॒त्थायेत्यु॑प—उ॒त्थाय॑⁠। प्र॒जाम् प॒शून्⁠। प्र॒जामिति॑ प्र—जाम्⁠। प॒शून्‌यज॑मानस्य⁠। यज॑मानस्या॒भि⁠। अ॒भि म॑न्येत⁠। म॒न्ये॒त॒ यत्⁠। यथ् सञ्चि॑ते⁠। सञ्चि॑ते॒ऽग्नौ⁠। सञ्चि॑त॒ इति॒ सम्—चि॒ते॒⁠। अ॒ग्नावे॒तानि॑⁠। ए॒तानि॑ ह॒वीꣳषि॑⁠। ह॒वीꣳषि॑ नि॒र्वप॑ति⁠। नि॒र्वप॑ति भाग॒धेये॑न⁠। नि॒र्वप॒तीति॑ निः—वप॑ति⁠। भा॒ग॒धेये॑नै॒व⁠। भा॒ग॒धेये॒नेति॑ भाग—धेये॑न⁠। ए॒वैन᳚म्⁠। ए॒न॒ꣳ॒ श॒म॒य॒ति॒⁠। श॒म॒य॒ति॒ न⁠। नास्य॑⁠। अ॒स्य॒ रु॒द्रः⁠। रु॒द्रोऽशा᳚न्तः⁠। अशा᳚न्त उपो॒त्थाय॑⁠। [३९] उ॒पो॒त्थाय॑ प्र॒जाम्⁠। उ॒पो॒त्थायेत्यु॑प—उ॒त्थाय॑⁠। प्र॒जाम् प॒शून्⁠। प्र॒जामिति॑ प्र—जाम्⁠। प॒शून॒भि⁠। अ॒भि म॑न्यते⁠। म॒न्य॒ते॒ दश॑⁠। दश॑ ह॒वीꣳषि॑⁠। ह॒वीꣳषि॑ भवन्ति⁠। भ॒व॒न्ति॒ नव॑⁠। नव॒ वै⁠। वै पुरु॑षे⁠। पुरु॑षे प्रा॒णाः⁠। प्रा॒णा नाभिः॑⁠। प्रा॒णा इति॑ प्र—अ॒नाः⁠। नाभि॑र् दश॒मी⁠। द॒श॒मी प्रा॒णान्⁠। प्रा॒णाने॒व⁠। प्रा॒णानिति॑ प्र—अ॒नान्⁠। ए॒व यज॑माने⁠। यज॑माने दधाति⁠। द॒धा॒त्यथो᳚⁠। अथो॒ दशा᳚ख्‍षरा⁠। अथो॒ इत्यथो᳚⁠। दशा᳚ख्‍षरा वि॒राट्⁠। दशा᳚ख्‍ष॒रेति॒ दश॑—अ॒ख्‍ष॒रा॒⁠। वि॒राडन्न᳚म्⁠। वि॒राडिति॑ वि—राट्⁠। अन्न॑व्ँवि॒राट्⁠। वि॒राड् वि॒राजि॑⁠। वि॒राडिति॑ वि—राट्⁠। वि॒राज्ये॒व⁠। वि॒राजीति॑ वि—राजि॑⁠। ए॒वान्नाद्ये᳚⁠। अ॒न्नाद्ये॒ प्रति॑⁠। अ॒न्नाद्य॒ इत्य॑न्न—अद्ये᳚⁠। प्रति॑ तिष्ठति⁠। ति॒ष्ठ॒त्यृ॒तुभिः॑⁠। ऋ॒तुभि॒र् वै⁠। ऋ॒तुभि॒रित्यृ॒तु—भिः॒⁠। वा ए॒षः⁠। ए॒ष छन्दो॑भिः⁠। छन्दो॑भिः॒ स्तोमैः᳚⁠। छन्दो॑भि॒रिति॒ छन्दः॑—भिः॒⁠। स्तोमैः᳚ पृ॒ष्ठैः⁠। पृ॒ष्ठैश्चे॑त॒व्यः॑⁠। चे॒त॒व्य॑ इति॑⁠। इत्या॑हुः⁠। आ॒हु॒र्‌यत्⁠। यदे॒तानि॑⁠। ए॒तानि॑ ह॒वीꣳषि॑⁠। ह॒वीꣳषि॑ नि॒र्वप॑ति⁠। नि॒र्वप॑त्यृ॒तुभिः॑⁠। नि॒र्वप॒तीति॑ निः—वप॑ति⁠। ऋ॒तुभि॑रे॒व⁠। ऋ॒तुभि॒रित्यृ॒तु—भिः॒⁠। ए॒वैन᳚म्⁠। ए॒न॒म् छन्दो॑भिः⁠। छन्दो॑भिः॒ स्तोमैः᳚⁠। छन्दो॑भि॒रिति॒ छन्दः॑—भिः॒⁠। स्तोमैः᳚ पृ॒ष्ठैः⁠। पृ॒ष्ठैश्चि॑नुते⁠। चि॒नु॒ते॒ दिशः॑⁠। दिशः॑ सुषुवा॒णेन॑⁠। सु॒षु॒वा॒णेना॑भि॒जित्याः᳚⁠। [४०] अ॒भि॒जित्या॒ इति॑⁠। अ॒भि॒जित्या॒ इत्य॑भि—जित्याः᳚⁠। इत्या॑हुः⁠। आ॒हु॒र् यत्⁠। यदे॒तानि॑⁠। ए॒तानि॑ ह॒वीꣳषि॑⁠। ह॒वीꣳषि॑ नि॒र्वप॑ति⁠। नि॒र्वप॑ति दि॒शाम्⁠। नि॒र्वप॒तीति॑ निः—वप॑ति⁠। दि॒शाम॒भिजि॑त्यै⁠। अ॒भिजि॑त्या ए॒तया᳚⁠। अ॒भिजि॑त्या॒ इत्य॒भि—जि॒त्यै॒⁠। ए॒तया॒ वै⁠। वा इन्द्र᳚म्⁠। इन्द्र॑म् दे॒वाः⁠। दे॒वा अ॑याजयन्न्⁠। अ॒या॒ज॒य॒न् तस्मा᳚त्⁠। तस्मा॑दिन्द्रस॒वः⁠। इ॒न्द्र॒स॒व ए॒तया᳚⁠। इ॒न्द्र॒स॒व इती᳚न्द्र—स॒वः⁠। ए॒तया॒ मनु᳚म्⁠। मनु॑म् मनु॒ष्याः᳚⁠। म॒नु॒ष्या᳚स्तस्मा᳚त्⁠। तस्मा᳚न् मनुस॒वः⁠। म॒नु॒स॒वो यथा᳚⁠। म॒नु॒स॒व इति॑ मनु—स॒वः⁠। यथेन्द्रः॑⁠। इन्द्रो॑ दे॒वाना᳚म्⁠। दे॒वाना॒य्ँयथा᳚⁠। यथा॒ मनुः॑⁠। मनु॑र् मनु॒ष्या॑णाम्⁠। म॒नु॒ष्या॑णामे॒वम्⁠। ए॒वम् भ॑वति⁠। भ॒व॒ति॒ यः⁠। य ए॒वम्⁠। ए॒वव्ँवि॒द्वान्⁠। वि॒द्वाने॒तया᳚⁠। ए॒तयेष्ट्‍या᳚⁠। इष्ट्‍या॒ यज॑ते⁠। यज॑ते॒ दिग्व॑तीः⁠। दिग्व॑तीः पुरोनुवा॒क्याः᳚⁠। दिग्व॑ती॒रिति॒ दिक्—व॒तीः॒⁠। पु॒रो॒नु॒वा॒क्या॑ भवन्ति⁠। पु॒रो॒नु॒वा॒क्या॑ इति॑ पुरः—अ॒नु॒वा॒क्याः᳚⁠। भ॒व॒न्ति॒ सर्वा॑साम्⁠। सर्वा॑साम् दि॒शाम्⁠। दि॒शाम॒भिजि॑त्यै⁠। अ॒भिजि॑त्या॒ इत्य॒भि—जि॒त्यै॒⁠॥ [४१] (अशा᳚न्तः सुषुवा॒णेनै क॑चत्वारिꣳशच्च) ॥१५॥
यः प्रा॑ण॒तः⁠। प्रा॒ण॒तो नि॑मिष॒तः⁠। प्रा॒ण॒त इति॑ प्र—अ॒न॒तः⁠। नि॒मि॒ष॒तो म॑हि॒त्वा⁠। नि॒मि॒ष॒त इति॑ नि—मि॒ष॒तः⁠। म॒हि॒त्वैकः॑⁠। म॒हि॒त्वेति॑ महि—त्वा⁠। एक॒ इत्⁠। इद् राजा᳚⁠। राजा॒ जग॑तः⁠। जग॑तो ब॒भूव॑⁠। ब॒भूवेति॑ ब॒भूव॑⁠॥ य ईशे᳚⁠। ईशे॑ अ॒स्य⁠। अ॒स्य द्वि॒पदः॑⁠। द्वि॒पद॒श्चतु॑ष्पदः⁠। द्वि॒पद॒ इति॑ द्वि—पदः॑⁠। चतु॑ष्पदः॒ कस्मै᳚⁠। चतु॑ष्पद॒ इति॒ चतुः॑—प॒दः॒⁠। कस्मै॑ दे॒वाय॑⁠। दे॒वाय॑ ह॒विषा᳚⁠। ह॒विषा॑ विधेम⁠। वि॒धे॒मेति॑ विधेम⁠॥ उ॒प॒या॒मगृ॑हीतोऽसि⁠। उ॒प॒या॒मगृ॑हीत॒ इत्यु॑पया॒म—गृ॒ही॒तः॒⁠। अ॒सि॒ प्र॒जाप॑तये⁠। प्र॒जाप॑तये त्वा⁠। प्र॒जाप॑तय॒ इति॑ प्र॒जा—प॒त॒ये॒⁠। त्वा॒ जुष्ट᳚म्⁠। जुष्ट॑म् गृह्णामि⁠। गृ॒ह्णा॒मि॒ तस्य॑⁠। तस्य॑ ते⁠। ते॒ द्यौः⁠। द्यौर् म॑हि॒मा⁠। म॒हि॒मा नख्‍ष॑त्राणि⁠। नख्‍ष॑त्राणि रू॒पम्⁠। रू॒पमा॑दि॒त्यः⁠। आ॒दि॒त्यस्ते᳚⁠। ते॒ तेजः॑⁠। तेज॒स्तस्मै᳚⁠। तस्मै᳚ त्वा⁠। त्वा॒ म॒हि॒म्ने⁠। म॒हि॒म्ने प्र॒जाप॑तये⁠। प्र॒जाप॑तये॒ स्वाहा᳚⁠। प्र॒जाप॑तय॒ इति॑ प्र॒जा—प॒त॒ये॒⁠। स्वाहेति॒ स्वाहा᳚⁠॥ [४२] (यः प्रा॑ण॒तो द्यौरा॑दि॒त्यो᳚ ऽष्टात्रि॑ꣳशत्) ॥१६॥
य आ᳚त्म॒दाः⁠। आ॒त्म॒दा ब॑ल॒दाः⁠। आ॒त्म॒दा इत्या᳚त्म—दाः⁠। ब॒ल॒दा यस्य॑⁠। ब॒ल॒दा इति॑ बल—दाः⁠। यस्य॒ विश्वे᳚⁠। विश्व॑ उ॒पास॑ते⁠। उ॒पास॑ते प्र॒शिष᳚म्⁠। उ॒पास॑त॒ इत्यु॑प—आस॑ते⁠। प्र॒शिष॒य्ँयस्य॑⁠। प्र॒शिष॒मिति॑ प्र—शिष᳚म्⁠। यस्य॑ दे॒वाः⁠। दे॒वा इति॑ दे॒वाः⁠॥ यस्य॑ छा॒या⁠। छा॒याऽमृत᳚म्⁠। अ॒मृत॒य्ँयस्य॑⁠। यस्य॑ मृ॒त्युः⁠। मृ॒त्युः कस्मै᳚⁠। कस्मै॑ दे॒वाय॑⁠। दे॒वाय॑ ह॒विषा᳚⁠। ह॒विषा॑ विधेम⁠। वि॒धे॒मेति॑ विधेम⁠॥ उ॒प॒या॒मगृ॑हीतोऽसि⁠। उ॒प॒या॒मगृ॑हीत॒ इत्यु॑पया॒म—गृ॒ही॒तः॒⁠। अ॒सि॒ प्र॒जाप॑तये⁠। प्र॒जाप॑तये त्वा⁠। प्र॒जाप॑तय॒ इति॑ प्र॒जा—प॒त॒ये॒⁠। त्वा॒ जुष्ट᳚म्⁠। जुष्ट॑म् गृह्णामि⁠। गृ॒ह्णा॒मि॒ तस्य॑⁠। तस्य॑ ते⁠। ते॒ पृ॒थि॒वी⁠। पृ॒थि॒वी म॑हि॒मा⁠। म॒हि॒मौष॑धयः⁠। ओष॑धयो॒ वन॒स्पत॑यः⁠। वन॒स्पत॑यो रू॒पम्⁠। रू॒पम॒ग्निः⁠। अ॒ग्निस्ते᳚⁠। ते॒ तेजः॑⁠। तेज॒स्तस्मै᳚⁠। तस्मै᳚ त्वा⁠। त्वा॒ म॒हि॒म्ने⁠। म॒हि॒म्ने प्र॒जाप॑तये⁠। प्र॒जाप॑तये॒ स्वाहा᳚⁠। प्र॒जाप॑तय॒ इति॑ प्र॒जा—प॒त॒ये॒⁠। स्वाहेति॒ स्वाहा᳚⁠॥ [४३] (य आ᳚त्म॒दाः पृ॑थि॒व्य॑ग्नि रेका॒न्न च॑त्वारि॒ꣳ॒शत्) ॥१७॥
आ ब्रह्म॑न्न्⁠। ब्रह्म॑न् ब्राह्म॒णः⁠। ब्रा॒ह्म॒णो ब्र॑ह्मवर्च॒सी⁠। ब्र॒ह्म॒व॒र्च॒सी जा॑यताम्⁠। ब्र॒ह्म॒व॒र्च॒सीति॑ ब्रह्म—व॒र्च॒सी⁠। जा॒य॒ता॒मा⁠। आऽस्मिन्न्⁠। अ॒स्मिन् रा॒ष्ट्रे⁠। रा॒ष्ट्रे रा॑ज॒न्यः॑⁠। रा॒ज॒न्य॑ इष॒व्यः॑⁠। इ॒ष॒व्यः॑ शूरः॑⁠। शूरो॑ महार॒थः⁠। म॒हा॒र॒थो जा॑यताम्⁠। म॒हा॒र॒थ इति॑ महा—र॒थः⁠। जा॒य॒ता॒म् दोग्ध्री᳚⁠। दोग्ध्री॑ धे॒नुः⁠। धे॒नुर् वोढा᳚⁠। वोढा॑ऽन॒ड्वान्⁠। अ॒न॒ड्वाना॒शुः⁠। आ॒शुः सप्तिः॑⁠। सप्तिः॒ पुर॑न्धिः⁠। पुर॑न्धि॒र् योषा᳚⁠। योषा॑ जि॒ष्णुः⁠। जि॒ष्णू र॑थे॒ष्ठाः⁠। र॒थे॒ष्ठाः स॒भेयः॑⁠। र॒थे॒ष्ठा इति॑ रथे—स्थाः⁠। स॒भेयो॒ युवा᳚⁠। युवा⁠। आऽस्य⁠। अ॒स्य यज॑मानस्य⁠। यज॑मानस्य वी॒रः⁠। वी॒रो जा॑यताम्⁠। जा॒य॒ता॒म् नि॒का॒मेनि॑कामे⁠। नि॒का॒मेनि॑कामे नः⁠। नि॒का॒मेनि॑काम॒ इति॑ निका॒मे—नि॒का॒मे॒⁠। नः॒ प॒र्जन्यः॑⁠। प॒र्जन्यो॑ वर्‌षतु⁠। व॒र्॒‌ष॒तु॒ फ॒लिन्यः॑⁠। फ॒लिन्यो॑ नः⁠। न॒ ओष॑धयः⁠। ओष॑धयः पच्यन्ताम्⁠। प॒च्य॒न्ता॒य्ँयो॒ग॒ख्‍षे॒मः⁠। यो॒ग॒ख्‍षे॒मो नः॑⁠। यो॒ग॒ख्‍षे॒म इति॑ योग—ख्‍षे॒म⁠। नः॒ क॒ल्प॒ता॒म्⁠। क॒ल्प॒ता॒मिति॑ कल्पताम्⁠॥ [४४] (आ ब्रह्म॒ न्नेक॑चत्वारिꣳशत्) ॥१८॥
आऽक्रा॑न्⁠। अ॒क्रा॒न्॒‌वा॒जी⁠। वा॒जी पृ॑थि॒वीम्⁠। पृ॒थि॒वीम॒ग्निम्⁠। अ॒ग्निय्ँयुज᳚म्⁠। युज॑मकृत⁠। अ॒कृ॒त॒ वा॒जी⁠। वा॒ज्यर्वा᳚⁠। अर्वा⁠। आऽक्रा॑न्⁠। अ॒क्रा॒न्॒‌वा॒जी⁠। वा॒ज्य॑न्तरि॑ख्‍षम्⁠। अ॒न्तरि॑ख्‍षव्ँवा॒युम्⁠। वा॒युय्ँयुज᳚म्⁠। युज॑मकृत⁠। अ॒कृ॒त॒ वा॒जी⁠। वा॒ज्यर्वा᳚⁠। अर्वा॒ द्याम्⁠। द्याव्ँवा॒जी⁠। वा॒ज्या⁠। आऽक्र॑ꣴस्त⁠। अ॒क्र॒ꣴ॒स्त॒ सूर्य᳚म्⁠। सूर्य॒य्ँयुज᳚म्⁠। युज॑मकृत⁠। अ॒कृ॒त॒ वा॒जी⁠। वा॒ज्यर्वा᳚⁠। अर्वा॒ऽग्निः⁠। अ॒ग्निस्ते᳚⁠। ते॒ वा॒जि॒न्न्॒⁠। वा॒जि॒न्॒‌युङ्‍ङ्⁠। युङ्‍ङनु॑⁠। अनु॑ त्वा⁠। त्वा⁠। आ र॑भे⁠। र॒भे॒ स्व॒स्ति⁠। स्व॒स्ति मा᳚⁠। मा॒ सम्⁠। सम् पा॑रय⁠। पा॒र॒य॒ वा॒युः⁠। वा॒युस्ते᳚⁠। ते॒ वा॒जि॒न्न्॒⁠। वा॒जि॒न्न्॒‌युङ्‍ङ्⁠। युङ्‍ङनु॑⁠। अनु॑ त्वा⁠। त्वा⁠। आ र॑भे⁠। र॒भे॒ स्व॒स्ति⁠। स्व॒स्ति मा᳚⁠। मा॒ सम्⁠। सम् पा॑रय⁠। [४५] पा॒र॒या॒दि॒त्यः⁠। आ॒दि॒त्यस्ते᳚⁠। ते॒ वा॒जि॒न्न्॒⁠। वा॒जि॒न्॒‌युङ्‍ङ्⁠। युङ्‍ङनु॑⁠। अनु॑ त्वा⁠। त्वा⁠। आ र॑भे⁠। र॒भे॒ स्व॒स्ति⁠। स्व॒स्ति मा᳚⁠। मा॒ सम्⁠। सम् पा॑रय⁠। पा॒र॒य॒ प्रा॒ण॒धृक्⁠। प्रा॒ण॒धृग॑सि⁠। प्रा॒ण॒धृगिति॑ प्राण—धृक्⁠। अ॒सि॒ प्रा॒णम्⁠। प्रा॒णम् मे᳚⁠। प्रा॒णमिति॑ प्र—अ॒नम्⁠। मे॒ दृ॒ꣳ॒ह॒⁠। दृ॒ꣳ॒ह॒ व्या॒न॒धृ॒क्⁠। व्या॒न॒धृग॑सि⁠। व्या॒न॒धृगिति॑ व्यान—धृक्⁠। अ॒सि॒ व्या॒नम्⁠। व्या॒नम् मे᳚⁠। व्या॒नमिति॑ वि—अ॒नम्⁠। मे॒ दृ॒ꣳ॒ह॒⁠। दृ॒ꣳ॒हा॒पा॒न॒धृक्⁠। अ॒पा॒न॒धृग॑सि⁠। अ॒पा॒न॒धृगित्य॑पान—धृक्⁠। अ॒स्य॒पा॒नम्⁠। अ॒पा॒नम् मे᳚⁠। अ॒पा॒नमित्य॑प—अ॒नम्⁠। मे॒ दृ॒ꣳ॒ह॒⁠। दृ॒ꣳ॒ह॒ चख्‍षुः॑⁠। चख्‍षु॑रसि⁠। अ॒सि॒ चख्‍षुः॑⁠। चख्‍षु॒र् मयि॑⁠। मयि॑ धेहि⁠। धे॒हि॒ श्रोत्र᳚म्⁠। श्रोत्र॑मसि⁠। अ॒सि॒ श्रोत्र᳚म्⁠। श्रोत्र॒म् मयि॑⁠। मयि॑ धेहि⁠। धे॒ह्यायुः॑⁠। आयु॑रसि⁠। अ॒स्यायुः॑⁠। आयु॒र् मयि॑⁠। मयि॑ धेहि⁠। धे॒हीति॑ धेहि⁠॥ [४६] (वा॒युस्ते॑ वाजि॒न्॒ युङ्‍ङनु॒ त्वा ऽऽ र॑भे स्व॒स्ति मा॒ सम् त्रिच॑त्वारिꣳशच्च) ॥१९॥
जज्ञि॒ बीज᳚म्⁠। बीज॒व्ँवर्ष्टा᳚⁠। वर्ष्टा॑ प॒र्जन्यः॑⁠। प॒र्जन्यः॒ पक्ता᳚⁠। पक्ता॑ स॒स्यम्⁠। स॒स्यꣳ सु॑पिप्प॒लाः⁠। सु॒पि॒प्प॒ला ओष॑धयः⁠। सु॒पि॒प्प॒ला इति॑ सु—पि॒प्प॒लाः⁠। ओष॑धयः स्वधिचर॒णा⁠। स्व॒धि॒च॒र॒णेयम्⁠। स्व॒धि॒च॒र॒णेति॑ सु—अ॒धि॒च॒र॒णा⁠। इ॒यꣳ सू॑पसद॒नः⁠। सू॒प॒स॒द॒नो᳚ऽग्निः⁠। सू॒प॒स॒द॒न इति॑ सु—उ॒प॒स॒द॒नः⁠। अ॒ग्निः स्व॑द्ध्य॒ख्‍षम्⁠। स्व॒द्ध्य॒ख्‍षम॒न्तरि॑ख्‍षम्⁠। स्व॒द्ध्य॒ख्‍षमिति॑ सु—अ॒द्ध्य॒ख्‍षम्⁠। अ॒न्तरि॑ख्‍षꣳ सुपा॒वः⁠। सु॒पा॒वः पव॑मानः⁠। सु॒पा॒व इति॑ सु—पा॒वः⁠। पव॑मानः सूपस्था॒ना⁠। सू॒प॒स्था॒ना द्यौः⁠। सू॒प॒स्था॒नेति॑ सु—उ॒प॒स्था॒ना⁠। द्यौः शि॒वम्⁠। शि॒वम॒सौ⁠। अ॒सौ तप॑न्न्⁠। तप॑न्‌यथापू॒र्वम्⁠। य॒था॒पू॒र्वम॑होरा॒त्रे⁠। य॒था॒पू॒र्वमिति॑ यथा—पू॒र्वम्⁠। अ॒हो॒रा॒त्रे प॑ञ्चद॒शिनः॑⁠। अ॒हो॒रा॒त्रे इत्य॑हः—रा॒त्रे⁠। प॒ञ्च॒द॒शिनो᳚ऽर्द्धमा॒साः⁠। प॒ञ्च॒द॒शिन॒ इति॑ पञ्च—द॒शिनः॑⁠। अ॒र्द्ध॒मा॒सास्त्रि॒ꣳ॒शिनः॑⁠। अ॒र्द्ध॒मा॒सा इत्य॑र्द्ध—मा॒साः⁠। त्रि॒ꣳ॒शिनो॒ मासाः᳚⁠। मासाः᳚ क्लृ॒प्ताः⁠। क्लृ॒प्ता ऋ॒तवः॑⁠। ऋ॒तवः॑ शा॒न्तः⁠। शा॒न्तः स॑व्ँवथ्स॒रः⁠। स॒व्ँव॒थ्स॒र इति॑ सम्—व॒थ्स॒रः⁠॥ [४७] (जज्ञि॒ बीज॒ मेक॑त्रिꣳशत्) ॥२०॥
आ॒ग्ने॒यो᳚ऽष्टाक॑पालः⁠। अ॒ष्टाक॑पालः सौ॒म्यः⁠। अ॒ष्टाक॑पाल॒ इत्य॒ष्टा—क॒पा॒लः॒⁠। सौ॒म्यश्च॒रुः⁠। च॒रुः सा॑वि॒त्रः⁠। सा॒वि॒त्रो᳚ऽष्टाक॑पालः⁠। अ॒ष्टाक॑पालः पौ॒ष्णः⁠। अ॒ष्टाक॑पाल॒ इत्य॒ष्टा—क॒पा॒लः॒⁠। पौ॒ष्णश्च॒रुः⁠। च॒रू रौ॒द्रः⁠। रौ॒द्रश्च॒रुः⁠। च॒रुर॒ग्नये᳚⁠। अ॒ग्नये॑ वैश्वान॒राय॑⁠। वै॒श्वा॒न॒राय॒ द्वाद॑शकपालः⁠। द्वाद॑शकपालो मृगाख॒रे⁠। द्वाद॑शकपाल॒ इति॒ द्वाद॑श—क॒पा॒लः॒⁠। मृ॒गा॒ख॒रे यदि॑⁠। मृ॒गा॒ख॒र इति॑ मृग—आ॒ख॒रे⁠। यदि॒ न⁠। नागच्छे᳚त्⁠। आ॒गच्छे॑द॒ग्नये᳚⁠। आ॒गच्छे॒दित्या᳚—गच्छे᳚त्⁠। अ॒ग्नये॑ऽꣳहो॒मुचे᳚⁠। अ॒ꣳ॒हो॒मुचे॒ऽष्टाक॑पालः⁠। अ॒ꣳ॒हो॒मुच॒ इत्य॑ꣳहः—मुचे᳚⁠। अ॒ष्टाक॑पालः सौ॒र्यम्⁠। अ॒ष्टाक॑पाल॒ इत्य॒ष्टा—क॒पा॒लः॒⁠। सौ॒र्यम् पयः॑⁠। पयो॑ वाय॒व्यः॑⁠। वा॒य॒व्य॑ आज्य॑भागः⁠। आज्य॑भाग॒ इत्याज्य॑—भा॒गः॒⁠॥ [४८] (आ॒ग्ने॒य श्चतु॑र्विꣳशतिः) ॥२१॥
अ॒ग्नये॑ऽꣳहो॒मुचे᳚⁠। अ॒ꣳ॒हो॒मुचे॒ऽष्टाक॑पालः⁠। अ॒ꣳ॒हो॒मुच॒ इत्य॑ꣳहः—मुचे᳚⁠। अ॒ष्टाक॑पाल॒ इन्द्रा॑य⁠। अ॒ष्टाक॑पाल॒ इत्य॒ष्टा—क॒पा॒लः॒⁠। इन्द्रा॑याꣳहो॒मुचे᳚⁠। अ॒ꣳ॒हो॒मुच॒ एका॑दशकपालः⁠। अ॒ꣳ॒हो॒मुच॒ इत्य॑ꣳहः—मुचे᳚⁠। एका॑दशकपालो मि॒त्रावरु॑णाभ्याम्⁠। एका॑दशकपाल॒ इत्येका॑दश—क॒पा॒लः॒⁠। मि॒त्रावरु॑णाभ्यामागो॒मुग्भ्या᳚म्⁠। मि॒त्रावरु॑णाभ्या॒मिति॑ मि॒त्रा—वरु॑णाभ्याम्⁠। आ॒गो॒मुग्भ्या᳚म् पय॒स्या᳚⁠। आ॒गो॒मुग्भ्या॒मित्या॑गो॒मुक्—भ्या॒म्⁠। प॒य॒स्या॑ वायोसावि॒त्रः⁠। वा॒यो॒सा॒वि॒त्र आ॑गो॒मुग्भ्या᳚म्⁠। वा॒यो॒सा॒वि॒त्र इति॑ वायो—सा॒वि॒त्रः⁠। आ॒गो॒मुग्भ्या᳚म् च॒रुः⁠। आ॒गो॒मुभ्या॒मित्या॑गो॒मुक्—भ्या॒म्⁠। च॒रुर॒श्विभ्या᳚म्⁠। अ॒श्विभ्या॑मागो॒मुग्भ्या᳚म्⁠। अ॒श्विभ्या॒मित्य॒श्वि—भ्या॒म्⁠। आ॒गो॒मुग्भ्या᳚म् धा॒नाः⁠। आ॒गो॒मुग्भ्या॒मित्या॑गो॒मुक्—भ्या॒म्⁠। धा॒ना म॒रुद्भ्यः॑⁠। म॒रुद्भ्य॑ एनो॒मुग्भ्यः॑⁠। म॒रुद्भ्य॒ इति॑ म॒रुत्—भ्यः॒⁠। ए॒नो॒मुग्भ्यः॑ स॒प्तक॑पालः⁠। ए॒नो॒मुग्भ्य॒ इत्ये॑नो॒मुक्—भ्यः॒⁠। स॒प्तक॑पालो॒ विश्वे᳚भ्यः⁠। स॒प्तक॑पाल॒ इति॑ स॒प्त—क॒पा॒लः॒⁠। विश्वे᳚भ्यो दे॒वेभ्यः॑⁠। दे॒वेभ्य॑ एनो॒मुग्भ्यः॑⁠। ए॒नो॒मुग्भ्यो॒ द्वाद॑शकपालः⁠। ए॒नो॒मुग्भ्य॒ इत्ये॑नो॒मुक्—भ्यः॒⁠। द्वाद॑शकपा॒लोऽनु॑मत्यै⁠। द्वाद॑शकपाल॒ इति॒ द्वाद॑श—क॒पा॒लः॒⁠। अनु॑मत्यै च॒रुः⁠। अनु॑मत्या॒ इत्यनु॑—म॒त्यै॒⁠। च॒रुर॒ग्नये᳚⁠। अ॒ग्नये॑ वैश्वान॒राय॑⁠। वै॒श्वा॒न॒राय॒ द्वाद॑शकपालः⁠। द्वाद॑शकपालो॒ द्यावा॑पृथि॒वीभ्या᳚म्⁠। द्वाद॑शकपाल॒ इति॒ द्वाद॑श—क॒पा॒लः॒⁠। द्यावा॑पृथि॒वीभ्या॑मꣳहो॒मुग्भ्या᳚म्⁠। द्यावा॑पृथि॒वीभ्या॒मिति॒ द्यावा᳚—पृ॒थि॒वीभ्या᳚म्⁠। अ॒ꣳ॒हो॒मुग्भ्या᳚म् द्विकपा॒लः⁠। अ॒ꣳ॒हो॒मुग्भ्या॒मित्य॑ꣳहो॒मुक्—भ्या॒म्⁠। द्वि॒क॒पा॒ल इति॑ द्वि—क॒पा॒लः⁠॥ [४९] (अ॒ग्नये॑ऽꣳहो॒मुचे᳚ त्रि॒ꣳ॒शत्) ॥२२॥
अ॒ग्नये॒ सम्⁠। सम॑नमत्⁠। अ॒न॒म॒त् पृ॒थि॒व्यै⁠। पृ॒थि॒व्यै सम्⁠। सम॑नमत्⁠। अ॒न॒म॒द् यथा᳚⁠। यथा॒ऽग्निः⁠। अ॒ग्निः पृ॑थि॒व्या⁠। पृ॒थि॒व्या स॒मन॑मत्⁠। स॒मन॑मदे॒वम्⁠। स॒मन॑म॒दिति॑ सम्—अन॑मत्⁠। ए॒वम् मह्य᳚म्⁠। मह्य॑म् भ॒द्राः⁠। भ॒द्राः सन्न॑तयः⁠। सन्न॑तयः॒ सम्⁠। सन्न॑तय॒ इति॒ सम्—न॒त॒यः॒⁠। सम् न॑मन्तु⁠। न॒म॒न्तु॒ वा॒यवे᳚⁠। वा॒यवे॒ सम्⁠। सम॑नमत्⁠। अ॒न॒म॒द॒न्तरि॑ख्‍षाय⁠। अ॒न्तरि॑ख्‍षाय॒ सम्⁠। सम॑नमत्⁠। अ॒न॒म॒द् यथा᳚⁠। यथा॑ वा॒युः⁠। वा॒युर॒न्तरि॑ख्‍षेण⁠। अ॒न्तरि॑ख्‍षेण॒ सूर्या॑य⁠। सूर्या॑य॒ सम्⁠। सम॑नमत्⁠। अ॒न॒म॒द् दि॒वे⁠। दि॒वे सम्⁠। सम॑नमत्⁠। अ॒न॒म॒द् यथा᳚⁠। यथा॒ सूर्यः॑⁠। सूर्यो॑ दि॒वा⁠। दि॒वा च॒न्द्रम॑से⁠। च॒न्द्रम॑से॒ सम्⁠। सम॑नमत्⁠। अ॒न॒म॒न् नख्‍ष॑त्रेभ्यः⁠। नख्‍ष॑त्रेभ्यः॒ सम्⁠। सम॑नमत्⁠। अ॒न॒म॒द् यथा᳚⁠। यथा॑ च॒न्द्रमाः᳚⁠। च॒न्द्रमा॒ नख्‍ष॑त्रैः⁠। नख्‍ष॑त्रै॒र् वरु॑णाय⁠। वरु॑णाय॒ सम्⁠। सम॑नमत्⁠। अ॒न॒म॒द॒द्भ्यः⁠। अ॒द्भ्यः सम्⁠। अ॒द्भ्य इत्य॑त्—भ्यः⁠। सम॑नमत्⁠। अ॒न॒म॒द् यथा᳚⁠। यथा॒ वरु॑णः⁠। [५०] वरु॑णो॒ऽद्‌भिः⁠। अ॒द्‌भिः साम्ने᳚⁠। अ॒द्‌भिरित्य॑त्—भिः⁠। साम्ने॒ सम्⁠। सम॑नमत्⁠। अ॒न॒म॒दृ॒चे⁠। ऋ॒चे सम्⁠। सम॑नमत्⁠। अ॒न॒म॒द् यथा᳚⁠। यथा॒ साम॑⁠। साम॒र्चा⁠। ऋ॒चा ब्रह्म॑णे⁠। ब्रह्म॑णे॒ सम्⁠। सम॑नमत्⁠। अ॒न॒म॒त् ख्‍ष॒त्राय॑⁠। ख्‍ष॒त्राय॒ सम्⁠। सम॑नमत्⁠। अ॒न॒म॒द् यथा᳚⁠। यथा॒ ब्रह्म॑⁠। ब्रह्म॑ ख्‍ष॒त्रेण॑⁠। ख्‍ष॒त्रेण॒ राज्ञे᳚⁠। राज्ञे॒ सम्⁠। सम॑नमत्⁠। अ॒न॒म॒द् वि॒शे⁠। वि॒शे सम्⁠। सम॑नमत्⁠। अ॒न॒म॒द् यथा᳚⁠। यथा॒ राजा᳚⁠। राजा॑ वि॒शा⁠। वि॒शा रथा॑य⁠। रथा॑य॒ सम्⁠। सम॑नमत्⁠। अ॒न॒म॒दश्वे᳚भ्यः⁠। अश्वे᳚भ्यः॒ सम्⁠। सम॑नमत्⁠। अ॒न॒म॒द् यथा᳚⁠। यथा॒ रथः॑⁠। रथोऽश्वैः᳚⁠। अश्वैः᳚ प्र॒जाप॑तये⁠। प्र॒जाप॑तये॒ सम्⁠। प्र॒जाप॑तय॒ इति॑ प्र॒जा—प॒त॒ये॒⁠। सम॑नमत्⁠। अ॒न॒म॒द् भू॒तेभ्यः॑⁠। भू॒तेभ्यः॒ सम्⁠। सम॑नमत्⁠। अ॒न॒म॒द् यथा᳚⁠। यथा᳚ प्र॒जाप॑तिः⁠। प्र॒जाप॑तिर् भू॒तैः⁠। प्र॒जाप॑ति॒रिति॑ प्र॒जा—प॒तिः॒⁠। भू॒तैः स॒मन॑मत्⁠। स॒मन॑मदे॒वम्⁠। स॒मन॑म॒दिति॑ सम्—अन॑मत्⁠। ए॒वम् मह्य᳚म्⁠। मह्य॑म् भ॒द्राः⁠। भ॒द्राः सन्न॑तयः⁠। सन्न॑तयः॒ सम्⁠। सन्न॑तय॒ इति॒ सम्—न॒त॒यः॒⁠। सम् न॑मन्तु⁠। न॒म॒न्त्विति॑ नमन्तु⁠॥ [५१] (अ॒द्भ्यः सम॑नम॒द्यथा॒ मह्य॑म् च॒त्वारि॑ च) ॥२३॥
ये ते᳚⁠। ते॒ पन्था॑नः⁠। पन्था॑नः सवितः⁠। स॒वि॒तः॒ पू॒र्व्यासः॑⁠। पू॒र्व्यासो॑ऽरे॒णवः॑⁠। अ॒रे॒णवो॒ वित॑ताः⁠। वित॑ता अ॒न्तरि॑ख्‍षे⁠। वित॑ता॒ इति॒ वि—त॒ताः॒⁠। अ॒न्तरि॑ख्‍ष॒ इत्य॒न्तरि॑ख्‍षे⁠॥ तेभि॑र् नः⁠। नो॒ अ॒द्य⁠। अ॒द्य प॒थिभिः॑⁠। प॒थिभिः॑ सु॒गेभिः॑⁠। प॒थिभि॒रिति॑ प॒थि—भिः॒⁠। सु॒गेभी॒ रख्‍ष॑⁠। सु॒गेभि॒रिति॑ सु—गेभिः॑⁠। रख्‍षा॑ च⁠। च॒ नः॒⁠। नो॒ अधि॑⁠। अधि॑ च⁠। च॒ दे॒व॒⁠। दे॒व॒ ब्रू॒हि॒⁠। ब्रू॒हीति॑ ब्रूहि⁠॥ नमो॒ऽग्नये᳚⁠। अ॒ग्नये॑ पृथिवि॒ख्‍षिते᳚⁠। पृ॒थि॒वि॒ख्‍षिते॑ लोक॒स्पृते᳚⁠। पृ॒थि॒वि॒ख्‍षित॒ इति॑ पृथिवि—ख्‍षिते᳚⁠। लो॒क॒स्पृते॑ लो॒कम्⁠। लो॒क॒स्पृत॒ इति॑ लोक—स्पृते᳚⁠। लो॒कम॒स्मै⁠। अ॒स्मै यज॑मानाय⁠। यज॑मानाय देहि⁠। दे॒हि॒ नमः॑⁠। नमो॑ वा॒यवे᳚⁠। वा॒यवे᳚ऽन्तरिख्‍ष॒ख्‍षिते᳚⁠। अ॒न्त॒रि॒ख्‍ष॒ख्‍षिते॑ लोक॒स्पृते᳚⁠। अ॒न्त॒रि॒ख्‍ष॒ख्‍षित॒ इत्य॑न्तरिख्‍ष—ख्‍षिते᳚⁠। लो॒क॒स्पृते॑ लो॒कम्⁠। लो॒क॒स्पृत॒ इति॑ लोक—स्पृते᳚⁠। लो॒कम॒स्मै⁠। अ॒स्मै यज॑मानाय⁠। यज॑मानाय देहि⁠। दे॒हि॒ नमः॑⁠। नमः॒ सूर्या॑य⁠। सूर्या॑य दिवि॒ख्‍षिते᳚⁠। दि॒वि॒ख्‍षिते॑ लोक॒स्पृते᳚⁠। दि॒वि॒ख्‍षित॒ इति॑ दिवि—ख्‍षिते᳚⁠। लो॒क॒स्पृते॑ लो॒कम्⁠। लो॒क॒स्पृत॒ इति॑ लोक—स्पृते᳚⁠। लो॒कम॒स्मै⁠। अ॒स्मै यज॑मानाय⁠। यज॑मानाय देहि⁠। दे॒हीति॑ देहि⁠॥ [५२] (ये ते॒ चतु॑श्चत्वारिꣳशत्) ॥२४॥
यो वै⁠। वा अश्व॑स्य⁠। अश्व॑स्य॒ मेद्ध्य॑स्य⁠। मेद्ध्य॑स्य॒ शिरः॑⁠। शिरो॒ वेद॑⁠। वेद॑ शीर्‌ष॒ण्वान्⁠। शी॒र्॒‌ष॒ण्वान् मेद्ध्यः॑⁠। शी॒र्॒‌ष॒ण्वानिति॑ शीर्‌षण्—वान्⁠। मेद्ध्यो॑ भवति⁠। भ॒व॒त्यु॒षाः⁠। उ॒षा वै⁠। वा अश्व॑स्य⁠। अश्व॑स्य॒ मेद्ध्य॑स्य⁠। मेद्ध्य॑स्य॒ शिरः॑⁠। शिरः॒ सूर्यः॑⁠। सूर्य॒श्चख्‍षुः॑⁠। चख्‍षु॒र् वातः॑⁠। वातः॑ प्रा॒णः⁠। प्रा॒णश्च॒न्द्रमाः᳚⁠। प्रा॒ण इति॑ प्र—अ॒नः⁠। च॒न्द्रमाः॒ श्रोत्र᳚म्⁠। श्रोत्र॒म् दिशः॑⁠। दिशः॒ पादाः᳚⁠। पादा॑ अवान्तरदि॒शाः⁠। अ॒वा॒न्त॒र॒दि॒शाः पर्‌श॑वः⁠। अ॒वा॒न्त॒र॒दि॒शा इत्य॑वान्तर—दि॒शाः⁠। पर्‌श॑वोऽहोरा॒त्रे⁠। अ॒हो॒रा॒त्रे नि॑मे॒षः⁠। अ॒हो॒रा॒त्रे इत्य॑हः—रा॒त्रे⁠। नि॒मे॒षो᳚ऽर्द्धमा॒साः⁠। नि॒मे॒ष इति॑ नि—मे॒षः⁠। अ॒र्द्ध॒मा॒साः पर्वा॑णि⁠। अ॒र्द्ध॒मा॒सा इत्य॑र्द्ध—मा॒साः⁠। पर्वा॑णि॒ मासाः᳚⁠। मासाः᳚ स॒न्धाना॑नि⁠। स॒न्धाना᳚न्यृ॒तवः॑⁠। स॒न्धाना॒नीति॑ सम्—धाना॑नि⁠। ऋ॒तवोऽङ्‍गा॑नि⁠। अङ्‍गा॑नि सव्ँवथ्स॒रः⁠। स॒व्ँव॒थ्स॒र आ॒त्मा⁠। स॒व्ँव॒थ्स॒र इति॑ सम्—व॒थ्स॒रः⁠। आ॒त्मा र॒श्मयः॑⁠। र॒श्मयः॒ केशाः᳚⁠। केशा॒ नख्‍ष॑त्राणि⁠। नख्‍ष॑त्राणि रू॒पम्⁠। रू॒पम् तार॑काः⁠। तार॑का अ॒स्थानि॑⁠। अ॒स्थानि॒ नभः॑⁠। नभो॑ मा॒ꣳ॒सानि॑⁠। मा॒ꣳ॒सान्योष॑धयः⁠। ओष॑धयो॒ लोमा॑नि⁠। लोमा॑नि॒ वन॒स्पत॑यः⁠। वन॒स्पत॑यो॒ वालाः᳚⁠। वाला॑ अ॒ग्निः⁠। अ॒ग्निर् मुख᳚म्⁠। मुख॑व्ँवैश्वान॒रः⁠। वै॒श्वा॒न॒रो व्यात्त᳚म्⁠। व्यात्त॑ꣳ समु॒द्रः⁠। व्यात्त॒मिति॑ वि—आत्त᳚म्⁠। [५३] स॒मु॒द्र उ॒दर᳚म्⁠। उ॒दर॑म॒न्तरि॑ख्‍षम्⁠। अ॒न्तरि॑ख्‍षम् पा॒युः⁠। पा॒युर् द्यावा॑पृथि॒वी⁠। द्यावा॑पृथि॒वी आ॒ण्डौ⁠। द्यावा॑पृथि॒वी इति॒ द्यावा᳚—पृ॒थि॒वी⁠। आ॒ण्डौ ग्रावा᳚⁠। ग्रावा॒ शेपः॑⁠। शेपः॒ सोमः॑⁠। सोमो॒ रेतः॑⁠। रेतो॒ यत्⁠। यज् ज॑ञ्ज॒भ्यते᳚⁠। ज॒ञ्ज॒भ्यते॒ तत्⁠। तद् वि⁠। वि द्यो॑तते⁠। द्यो॒त॒ते॒ यत्⁠। यद् वि॑धूनु॒ते⁠। वि॒धू॒नु॒ते तत्⁠। वि॒धू॒नु॒त इति॑ वि—धू॒नु॒ते⁠। तद् स्त॑नयति⁠। स्त॒न॒य॒ति॒ यत्⁠। यन् मेह॑ति⁠। मेह॑ति॒ तत्⁠। तद् व॑र्‌षति⁠। व॒र्॒‌ष॒ति॒ वाक्⁠। वागे॒व⁠। ए॒वास्य॑⁠। अ॒स्य॒ वाक्⁠। वागहः॑⁠। अह॒र् वै⁠। वा अश्व॑स्य⁠। अश्व॑स्य॒ जाय॑मानस्य⁠। जाय॑मानस्य महि॒मा⁠। म॒हि॒मा पु॒रस्ता᳚त्⁠। पु॒रस्ता᳚ज् जायते⁠। जा॒य॒ते॒ रात्रिः॑⁠। रात्रि॑रेनम्⁠। ए॒न॒म् म॒हि॒मा⁠। म॒हि॒मा प॒श्चात्⁠। प॒श्चादनु॑⁠। अनु॑ जायते⁠। जा॒य॒त॒ ए॒तौ⁠। ए॒तौ वै⁠। वै म॑हि॒मानौ᳚⁠। म॒हि॒माना॒वश्व᳚म्⁠। अश्व॑म॒भितः॑⁠। अ॒भितः॒ सम्⁠। सम् ब॑भूवतुः⁠। ब॒भू॒व॒तु॒र्॒‌हयः॑⁠। हयो॑ दे॒वान्⁠। दे॒वान॑वहत्⁠। अ॒व॒ह॒दर्वा᳚⁠। अर्वाऽसु॑रान्⁠। असु॑रान्‌वा॒जी⁠। वा॒जी ग॑न्ध॒र्वान्⁠। ग॒न्ध॒र्वानश्वः॑⁠। अश्वो॑ मनु॒ष्या॑न्⁠। म॒नु॒ष्या᳚न्थ् समु॒द्रः⁠। स॒मु॒द्रो वै⁠। वा अश्व॑स्य⁠। अश्व॑स्य॒ योनिः॑⁠। योनिः॑ समु॒द्रः⁠। स॒मु॒द्रो बन्धुः॑⁠। बन्धु॒रिति॒ बन्धुः॑⁠॥ [५४] (व्यात्त॑ मवह॒द् द्वाद॑श च) ॥२५॥
अनुवाकाः पञ्चशती
२५ ५४