कृष्ण यजुर्वेदीय तैत्तिरीय संहिता पद पाठः
पञ्चमकाण्डे तृतीयः प्रश्नः

कांड ५ प्रश्न ३
चितीनां निरूपणं

ओं नमः परमात्मने, श्री महागणपतये नमः

श्री गुरुभ्यो नमः, ह॒रिः॒ ओं

ॐ
उ॒थ्स॒न्न॒य॒ज्ञ इत्यु॑थ्सन्न—य॒ज्ञः⁠। वै⁠। ए॒षः⁠। यत्⁠। अ॒ग्निः⁠। किम्⁠। वा॒⁠। अह॑⁠। ए॒तस्य॑⁠। क्रि॒यते᳚⁠। किम्⁠। वा॒⁠। न⁠। यत्⁠। वै⁠। य॒ज्ञस्य॑⁠। क्रि॒यमा॑णस्य⁠। अ॒न्त॒र्यन्तीत्य॑न्तः—यन्ति॑⁠। पूय॑ति⁠। वै⁠। अ॒स्य॒⁠। तत्⁠। आ॒श्वि॒नीः⁠। उपेति॑⁠। द॒धा॒ति॒⁠। अ॒श्विनौ᳚⁠। वै⁠। दे॒वाना᳚म्⁠। भि॒षजौ᳚⁠। ताभ्या᳚म्⁠। ए॒व⁠। अ॒स्मै॒⁠। भे॒ष॒जम्⁠। क॒रो॒ति॒⁠। पञ्च॑⁠। उपेति॑⁠। द॒धा॒ति॒⁠। पाङ्क्तः॑⁠। य॒ज्ञः⁠। यावा॑न्⁠। ए॒व⁠। य॒ज्ञः⁠। तस्मै᳚⁠। भे॒ष॒जम्⁠। क॒रो॒ति॒⁠। ऋ॒त॒व्याः᳚⁠। उपेति॑⁠। द॒धा॒ति॒⁠। ऋ॒तू॒नाम्⁠। क्लृप्त्यै᳚⁠। १ (५०) [१] पञ्च॑⁠। उपेति॑⁠। द॒धा॒ति॒⁠। पञ्च॑⁠। वै⁠। ऋ॒तवः॑⁠। याव॑न्तः⁠। ए॒व⁠। ऋ॒तवः॑⁠। तान्⁠। क॒ल्प॒य॒ति॒⁠। स॒मा॒नप्र॑भृतय॒ इति॑ समा॒न—प्र॒भृ॒त॒यः॒⁠। भ॒व॒न्ति॒⁠। स॒मा॒नोद॑र्का॒ इति॑ समा॒न—उ॒द॒र्काः॒⁠। तस्मा᳚त्⁠। स॒मा॒नाः⁠। ऋ॒तवः॑⁠। एके॑न⁠। प॒देन॑⁠। व्याव॑र्तन्त॒ इति॑ वि—आव॑र्तन्ते⁠। तस्मा᳚त्⁠। ऋ॒तवः॑⁠। व्याव॑र्तन्त॒ इति॑ वि—आव॑र्तन्ते⁠। प्रा॒ण॒भृत॒ इति॑ प्राण—भृतः॑⁠। उपेति॑⁠। द॒धा॒ति॒⁠। ऋ॒तुषु॑⁠। ए॒व⁠। प्रा॒णानिति॑ प्र—अ॒नान्⁠। द॒धा॒ति॒⁠। तस्मा᳚त्⁠। स॒मा॒नाः⁠। सन्तः॑⁠। ऋ॒तवः॑⁠। न⁠। जी॒र्य॒न्ति॒⁠। अथो॒ इति॑⁠। प्रेति॑⁠। ज॒न॒य॒ति॒⁠। ए॒व⁠। ए॒ना॒न्⁠। ए॒षः⁠। वै⁠। वा॒युः⁠। यत्⁠। प्रा॒ण इति॑ प्र—अ॒नः⁠। यत्⁠। ऋ॒त॒व्याः᳚⁠। उ॒प॒धायेत्यु॑प—धाय॑⁠। प्रा॒ण॒भृत॒ इति॑ प्राण—भृतः॑⁠। २ (५०) [२] उ॒प॒दधा॒तीत्यु॑प—दधा॑ति⁠। तस्मा᳚त्⁠। सर्वा॑न्⁠। ऋ॒तून्⁠। अन्विति॑⁠। वा॒युः⁠। एति॑⁠। व॒री॒व॒र्ति॒⁠। वृ॒ष्टि॒सनी॒रिति॑ वृष्टि—सनीः᳚⁠। उपेति॑⁠। द॒धा॒ति॒⁠। वृष्टि᳚म्⁠। ए॒व⁠। अवेति॑⁠। रु॒न्धे॒⁠। यत्⁠। ए॒क॒धेत्ये॑क—धा⁠। उ॒प॒द॒द्ध्यादित्यु॑प—द॒द्ध्यात्⁠। एक᳚म्⁠। ऋ॒तुम्⁠। व॒र्॒‌षे॒त्⁠। अ॒नु॒प॒रि॒हार॒मित्य॑नु—प॒रि॒हार᳚म्⁠। सा॒द॒य॒ति॒⁠। तस्मा᳚त्⁠। सर्वा॑न्⁠। ऋ॒तून्⁠। व॒र्॒‌ष॒ति॒⁠। यत्⁠। प्रा॒ण॒भृत॒ इति॑ प्राण—भृतः॑⁠। उ॒प॒धायेत्यु॑प—धाय॑⁠। वृ॒ष्टि॒सनी॒रिति॑ वृष्टि—सनीः᳚⁠। उ॒प॒दधा॒तीत्यु॑प—दधा॑ति⁠। तस्मा᳚त्⁠। वा॒युप्र॑च्यु॒तेति॑ वा॒यु—प्र॒च्यु॒ता॒⁠। दि॒वः⁠। वृष्टिः॑⁠। ई॒र्ते॒⁠। प॒शवः॑⁠। वै⁠। व॒य॒स्याः᳚⁠। नाना॑मनस॒ इति॒ नाना᳚—म॒न॒सः॒⁠। खलु॑⁠। वै⁠। प॒शवः॑⁠। नाना᳚व्रता॒ इति॒ नाना᳚—व्र॒ताः॒⁠। ते⁠। अ॒पः⁠। ए॒व⁠। अ॒भीति॑⁠। सम॑नस॒ इति॒ स—म॒न॒सः॒⁠। ३ (५०) [३] यम्⁠। का॒मये॑त⁠। अ॒प॒शुः⁠। स्या॒त्⁠। इति॑⁠। व॒य॒स्याः᳚⁠। तस्य॑⁠। उ॒प॒धायेत्यु॑प—धाय॑⁠। अ॒प॒स्याः᳚⁠। उपेति॑⁠। द॒द्ध्या॒त्⁠। असं᳚ज्ञान॒मित्यसं᳚—ज्ञा॒न॒म्⁠। ए॒व⁠। अ॒स्मै॒⁠। प॒शुभि॒रिति॑ प॒शु—भिः॒⁠। क॒रो॒ति॒⁠। अ॒प॒शुः⁠। ए॒व⁠। भ॒व॒ति॒⁠। यम्⁠। का॒मये॑त⁠। प॒शु॒मानिति॑ पशु—मान्⁠। स्या॒त्⁠। इति॑⁠। अ॒प॒स्याः᳚⁠। तस्य॑⁠। उ॒प॒धायेत्यु॑प—धाय॑⁠। व॒य॒स्याः᳚⁠। उपेति॑⁠। द॒द्ध्या॒त्⁠। सं॒ज्ञान॒मिति॑ सं—ज्ञान᳚म्⁠। ए॒व⁠। अ॒स्मै॒⁠। प॒शुभि॒रिति॑ प॒शु—भिः॒⁠। क॒रो॒ति॒⁠। प॒शु॒मानिति॑ पशु—मान्⁠। ए॒व⁠। भ॒व॒ति॒⁠। चत॑स्रः⁠। पु॒रस्ता᳚त्⁠। उपेति॑⁠। द॒धा॒ति॒⁠। तस्मा᳚त्⁠। च॒त्वारि॑⁠। चख्‍षु॑षः⁠। रू॒पाणि॑⁠। द्वे इति॑⁠। शु॒क्ले इति॑⁠। द्वे इति॑⁠। कृ॒ष्णे इति॑⁠। ४ (५०) [४] मू॒र्द्ध॒न्वती॒रिति॑ मूर्द्धन्न्—वतीः᳚⁠। भ॒व॒न्ति॒⁠। तस्मा᳚त्⁠। पु॒रस्ता᳚त्⁠। मू॒र्द्धा⁠। पञ्च॑⁠। दख्‍षि॑णायाम्⁠। श्रोण्या᳚म्⁠। उपेति॑⁠। द॒धा॒ति॒⁠। पञ्च॑⁠। उत्त॑रस्या॒मित्युत्—त॒र॒स्या॒म्⁠। तस्मा᳚त्⁠। प॒श्चात्⁠। वर्‌षी॑यान्⁠। पु॒रस्ता᳚त्प्रवण॒ इति॑ पु॒रस्ता᳚त्—प्र॒व॒णः॒⁠। प॒शुः⁠। ब॒स्तः⁠। वयः॑⁠। इति॑⁠। दख्‍षि॑णे⁠। अꣳसे᳚⁠। उपेति॑⁠। द॒धा॒ति॒⁠। वृ॒ष्णिः⁠। वयः॑⁠। इति॑⁠। उत्त॑र॒ इत्युत्—त॒रे॒⁠। अꣳसौ᳚⁠। ए॒व⁠। प्रतीति॑⁠। द॒धा॒ति॒⁠। व्या॒घ्रः⁠। वयः॑⁠। इति॑⁠। दख्‍षि॑णे⁠। प॒ख्‍षे⁠। उपेति॑⁠। द॒धा॒ति॒⁠। सि॒ꣳ॒हः⁠। वयः॑⁠। इति॑⁠। उत्त॑र॒ इत्युत्—त॒रे॒⁠। प॒ख्‍षयोः᳚⁠। ए॒व⁠। वी॒र्य᳚म्⁠। द॒धा॒ति॒⁠। पुरु॑षः⁠। वयः॑⁠। इति॑⁠। मद्ध्ये᳚⁠। तस्मा᳚त्⁠। पुरु॑षः⁠। प॒शू॒नाम्⁠। अधि॑पति॒रित्यधि॑—प॒तिः॒ [५] (क्लृप्त्या॑ उप॒धाय॑ प्राण॒भृतः॒सम॑नसःकृ॒ष्णेपुरु॑षो॒ वय॒ इति॒ पञ्च॑ च) ॥१॥
इन्द्रा᳚ग्नी॒ इतीन्द्र॑—अ॒ग्नी॒⁠। अव्य॑थमानाम्⁠। इति॑⁠। स्व॒य॒मा॒तृ॒ण्णामिति॑ स्वयं—आ॒तृ॒ण्णाम्⁠। उपेति॑⁠। द॒धा॒ति॒⁠। इ॒न्द्रा॒ग्निभ्या॒मिती᳚न्द्रा॒ग्नि—भ्या॒म्⁠। वै⁠। इ॒मौ⁠। लो॒कौ⁠। विधृ॑ता॒विति॒ वि—धृ॒तौ॒⁠। अ॒नयोः᳚⁠। लो॒कयोः᳚⁠। विधृ॑त्या॒ इति॒ वि—धृ॒त्यै॒⁠। अधृ॑ता⁠। इ॒व॒⁠। वै⁠। ए॒षा⁠। यत्⁠। म॒द्ध्य॒मा⁠। चितिः॑⁠। अ॒न्तरि॑ख्‍षम्⁠। इ॒व॒⁠। वै⁠। ए॒षा⁠। इन्द्रा᳚ग्नी॒ इतीन्द्र॑—अ॒ग्नी॒⁠। इति॑⁠। आ॒ह॒⁠। इ॒न्द्रा॒ग्नी इती᳚न्द्र—अ॒ग्नी⁠। वै⁠। दे॒वाना᳚म्⁠। ओ॒जो॒भृता॒वित्यो॑जः—भृतौ᳚⁠। ओज॑सा⁠। ए॒व⁠। ए॒ना॒म्⁠। अ॒न्तरि॑ख्‍षे⁠। चि॒नु॒ते॒⁠। धृत्यै᳚⁠। स्व॒य॒मा॒तृ॒ण्णामिति॑ स्वयं—आ॒तृ॒ण्णाम्⁠। उपेति॑⁠। द॒धा॒ति॒⁠। अ॒न्तरि॑ख्‍षम्⁠। वै⁠। स्व॒य॒मा॒तृ॒ण्णेति॑ स्वयं—आ॒तृ॒ण्णा⁠। अ॒न्तरि॑ख्‍षम्⁠। ए॒व⁠। उपेति॑⁠। ध॒त्ते॒⁠। अश्व᳚म्⁠। उपेति॑⁠। ६ (५०) [६] घ्रा॒प॒य॒ति॒⁠। प्रा॒णमिति॑ प्र—अ॒नम्⁠। ए॒व⁠। अ॒स्या॒म्⁠। द॒धा॒ति॒⁠। अथो॒ इति॑⁠। प्रा॒जा॒प॒त्य इति॑ प्राजा—प॒त्यः⁠। वै⁠। अश्वः॑⁠। प्र॒जाप॑ति॒नेति॑ प्र॒जा—प॒ति॒ना॒⁠। ए॒व⁠। अ॒ग्निम्⁠। चि॒नु॒ते॒⁠। स्व॒य॒मा॒तृ॒ण्णेति॑ स्वयं—आ॒तृ॒ण्णा⁠। भ॒व॒ति॒⁠। प्रा॒णाना॒मिति॑ प्र—अ॒नाना᳚म्⁠। उथ्सृ॑ष्ट्य॒ इत्युत्—सृ॒ष्ट्यै॒⁠। अथो॒ इति॑⁠। सु॒व॒र्गस्येति॑ सुवः—गस्य॑⁠। लो॒कस्य॑⁠। अनु॑ख्यात्या॒ इत्यनु॑—ख्या॒त्यै॒⁠। दे॒वाना᳚म्⁠। वै⁠। सु॒व॒र्गमिति॑ सुवः—गम्⁠। लो॒कम्⁠। य॒ताम्⁠। दिशः॑⁠। समिति॑⁠। अ॒व्ली॒य॒न्त॒⁠। ते⁠। ए॒ताः⁠। दिश्याः᳚⁠। अ॒प॒श्य॒न्न्⁠। ताः⁠। उपेति॑⁠। अ॒द॒ध॒त॒⁠। ताभिः॑⁠। वै⁠। ते⁠। दिशः॑⁠। अ॒दृ॒ꣳ॒ह॒न्न्⁠। यत्⁠। दिश्याः᳚⁠। उ॒प॒दधा॒तीत्यु॑प—दधा॑ति⁠। दि॒शाम्⁠। विधृ॑त्या॒ इति॒ वि—धृ॒त्यै॒⁠। दश॑⁠। प्रा॒ण॒भृत॒ इति॑ प्राण—भृतः॑⁠। पु॒रस्ता᳚त्⁠। उपेति॑⁠। ७ (५०) [७] द॒धा॒ति॒⁠। नव॑⁠। वै⁠। पुरु॑षे⁠। प्रा॒णा इति॑ प्र—अ॒नाः⁠। नाभिः॑⁠। द॒श॒मी⁠। प्रा॒णानिति॑ प्र—अ॒नान्⁠। ए॒व⁠। पु॒रस्ता᳚त्⁠। ध॒त्ते॒⁠। तस्मा᳚त्⁠। पु॒रस्ता᳚त्⁠। प्रा॒णा इति॑ प्र—अ॒नाः⁠। ज्योति॑ष्मतीम्⁠। उ॒त्त॒मामित्यु॑त्—त॒माम्⁠। उपेति॑⁠। द॒धा॒ति॒⁠। तस्मा᳚त्⁠। प्रा॒णाना॒मिति॑ प्र—अ॒नाना᳚म्⁠। वाक्⁠। ज्योतिः॑⁠। उ॒त्त॒मेत्यु॑त्—त॒मा⁠। दश॑⁠। उपेति॑⁠। द॒धा॒ति॒⁠। दशा᳚ख्‍ष॒रेति॒ दश॑—अ॒ख्‍ष॒रा॒⁠। वि॒राडिति॑ वि—राट्⁠। वि॒राडिति॑ वि—राट्⁠। छन्द॑साम्⁠। ज्योतिः॑⁠। ज्योतिः॑⁠। ए॒व⁠। पु॒रस्ता᳚त्⁠। ध॒त्ते॒⁠। तस्मा᳚त्⁠। पु॒रस्ता᳚त्⁠। ज्योतिः॑⁠। उपेति॑⁠। आ॒स्म॒हे॒⁠। छन्दा॑ꣳसि⁠। प॒शुषु॑⁠। आ॒जिम्⁠। अ॒युः॒⁠। तान्⁠। बृ॒ह॒ती⁠। उदिति॑⁠। अ॒ज॒य॒त्⁠। तस्मा᳚त्⁠। बार्‌ह॑ताः⁠। ८ (५०) [८] प॒शवः॑⁠। उ॒च्य॒न्ते॒⁠। मा⁠। छन्दः॑⁠। इति॑⁠। द॒ख्‍षि॒ण॒तः⁠। उपेति॑⁠। द॒धा॒ति॒⁠। तस्मा᳚त्⁠। द॒ख्‍षि॒णावृ॑त॒ इति॑ दख्‍षि॒णा—आ॒वृ॒तः॒⁠। मासाः᳚⁠। पृ॒थि॒वी⁠। छन्दः॑⁠। इति॑⁠। प॒श्चात्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। अ॒ग्निः⁠। दे॒वता᳚⁠। इति॑⁠। उ॒त्त॒र॒त इत्यु॑त्—त॒र॒तः⁠। ओजः॑⁠। वै⁠। अ॒ग्निः⁠। ओजः॑⁠। ए॒व⁠। उ॒त्त॒र॒त इत्यु॑त्—त॒र॒तः⁠। ध॒त्ते॒⁠। तस्मा᳚त्⁠। उ॒त्त॒र॒तो॒भि॒प्र॒या॒यीत्यु॑त्तरतः—अ॒भि॒प्र॒या॒यी⁠। ज॒य॒ति॒⁠। षट्त्रि॑ꣳश॒दिति॒ षट्—त्रि॒ꣳ॒श॒त्⁠। समिति॑⁠। प॒द्य॒न्ते॒⁠। षट्त्रि॑ꣳशदख्‍ष॒रेति॒ षट्त्रि॑ꣳशत्—अ॒ख्‍ष॒रा॒⁠। बृ॒ह॒ती⁠। बार्‌ह॑ताः⁠। प॒शवः॑⁠। बृ॒ह॒त्या⁠। ए॒व⁠। अ॒स्मै॒⁠। प॒शून्⁠। अवेति॑⁠। रु॒न्धे॒⁠। बृ॒ह॒ती⁠। छन्द॑साम्⁠। स्वारा᳚ज्य॒मिति॒ स्व—रा॒ज्य॒म्⁠। परीति॑⁠। इ॒या॒य॒⁠। यस्य॑⁠। ए॒ताः⁠। ९ (५०) [९] उ॒प॒धी॒यन्त॒ इत्यु॑प—धी॒यन्ते᳚⁠। गच्छ॑ति⁠। स्वारा᳚ज्य॒मिति॒ स्व—रा॒ज्य॒म्⁠। स॒प्त⁠। वाल॑खिल्या॒ इति॒ वाल॑—खि॒ल्याः॒⁠। पु॒रस्ता᳚त्⁠। उपेति॑⁠। द॒धा॒ति॒⁠। स॒प्त⁠। प॒श्चात्⁠। स॒प्त⁠। वै⁠। शी॒र्॒‌ष॒ण्याः᳚⁠। प्रा॒णा इति॑ प्र—अ॒नाः⁠। द्वौ⁠। अवा᳚ञ्चौ⁠। प्रा॒णाना॒मिति॑ प्र—अ॒नाना᳚म्⁠। स॒वी॒र्य॒त्वायेति॑ सवीर्य—त्वाय॑⁠। मू॒र्द्धा⁠। अ॒सि॒⁠। राट्⁠। इति॑⁠। पु॒रस्ता᳚त्⁠। उपेति॑⁠। द॒धा॒ति॒⁠। यन्त्री᳚⁠। राट्⁠। इति॑⁠। प॒श्चात्⁠। प्रा॒णानिति॑ प्र—अ॒नान्⁠। ए॒व⁠। अ॒स्मै॒⁠। स॒मीचः॑⁠। द॒धा॒ति॒ [१०] (अश्व॒मुप॑ पु॒रस्ता॒दुप॒ बार्‌ह॑ता ए॒ता श्चतु॑स्त्रिꣳशच्च) ॥२॥
दे॒वाः⁠। वै⁠। यत्⁠। य॒ज्ञे⁠। अकु॑र्वत⁠। तत्⁠। असु॑राः⁠। अ॒कु॒र्व॒त॒⁠। ते⁠। दे॒वाः⁠। ए॒ताः⁠। अ॒ख्‍ष्ण॒या॒स्तो॒मीया॒ इत्य॑ख्‍ष्णया—स्तो॒मीयाः᳚⁠। अ॒प॒श्य॒न्न्⁠। ताः⁠। अ॒न्यथा᳚⁠। अ॒नूच्येत्य॑नु—उच्य॑⁠। अ॒न्यथा᳚⁠। उपेति॑⁠। अ॒द॒ध॒त॒⁠। तत्⁠। असु॑राः⁠। न⁠। अ॒न्ववा॑य॒न्नित्य॑नु—अवा॑यन्न्⁠। ततः॑⁠। दे॒वाः⁠। अभ॑वन्न्⁠। परेति॑⁠। असु॑राः⁠। यत्⁠। अ॒ख्‍ष्ण॒या॒स्तो॒मीया॒ इत्य॑ख्‍ष्णया—स्तो॒मीयाः᳚⁠। अ॒न्यथा᳚⁠। अ॒नूच्येत्य॑नु—उच्य॑⁠। अ॒न्यथा᳚⁠। उ॒प॒दधा॒तीत्यु॑प—दधा॑ति⁠। भ्रातृ॑व्याभिभूत्या॒ इति॒ भ्रातृ॑व्य—अ॒भि॒भू॒त्यै॒⁠। भव॑ति⁠। आ॒त्मना᳚⁠। परेति॑⁠। अ॒स्य॒⁠। भ्रातृ॑व्यः⁠। भ॒व॒ति॒⁠। आ॒शुः⁠। त्रि॒वृदिति॑ त्रि—वृत्⁠। इति॑⁠। पु॒रस्ता᳚त्⁠। उपेति॑⁠। द॒धा॒ति॒⁠। य॒ज्ञ॒मु॒खमिति॑ यज्ञ—मु॒खम्⁠। वै⁠। त्रि॒वृदिति॑ त्रि—वृत्⁠। ११ (५०) [११] य॒ज्ञ॒मु॒खमिति॑ यज्ञ—मु॒खम्⁠। ए॒व⁠। पु॒रस्ता᳚त्⁠। वीति॑⁠। या॒त॒य॒ति॒⁠। व्यो॑मेति॒ वि—ओ॒म॒⁠। स॒प्त॒द॒श इति॑ सप्त—द॒शः⁠। इति॑⁠। द॒ख्‍षि॒ण॒तः⁠। अन्न᳚म्⁠। वै⁠। व्यो॑मेति॒ वि—ओ॒म॒⁠। अन्न᳚म्⁠। स॒प्त॒द॒श इति॑ सप्त—द॒शः⁠। अन्न᳚म्⁠। ए॒व⁠। द॒ख्‍षि॒ण॒तः⁠। ध॒त्ते॒⁠। तस्मा᳚त्⁠। दख्‍षि॑णेन⁠। अन्न᳚म्⁠। अ॒द्य॒ते॒⁠। ध॒रुणः॑⁠। ए॒क॒वि॒ꣳ॒श इत्ये॑क—वि॒ꣳ॒शः⁠। इति॑⁠। प॒श्चात्⁠। प्र॒ति॒ष्ठेति॑ प्रति—स्था⁠। वै⁠। ए॒क॒वि॒ꣳ॒श इत्ये॑क—वि॒ꣳ॒शः⁠। प्रति॑ष्ठित्या॒ इति॒ प्रति॑—स्थि॒त्यै॒⁠। भा॒न्तः⁠। प॒ञ्च॒द॒श इति॑ पञ्च—द॒शः⁠। इति॑⁠। उ॒त्त॒र॒त इत्यु॑त्—त॒र॒तः⁠। ओजः॑⁠। वै⁠। भा॒न्तः⁠। ओजः॑⁠। प॒ञ्च॒द॒श इति॑ पञ्च—द॒शः⁠। ओजः॑⁠। ए॒व⁠। उ॒त्त॒र॒त इत्यु॑त्—त॒र॒तः⁠। ध॒त्ते॒⁠। तस्मा᳚त्⁠। उ॒त्त॒र॒तो॒भि॒प्र॒या॒यीत्यु॑त्तरतः—अ॒भि॒प्र॒या॒यी⁠। ज॒य॒ति॒⁠। प्रतू᳚र्ति॒रिति॒ प्र—तू॒र्तिः॒⁠। अ॒ष्टा॒द॒श इत्य॑ष्टा—द॒शः⁠। इति॑⁠। पु॒रस्ता᳚त्⁠। १२ (५०) [१२] उपेति॑⁠। द॒धा॒ति॒⁠। द्वौ⁠। त्रि॒वृता॒विति॑ त्रि—वृतौ᳚⁠। अ॒भि॒पू॒र्वमित्य॑भि—पू॒र्वम्⁠। य॒ज्ञ॒मु॒ख इति॑ यज्ञ—मु॒खे⁠। वीति॑⁠। या॒त॒य॒ति॒⁠। अ॒भि॒व॒र्त इत्य॑भि—व॒र्तः⁠। स॒वि॒ꣳ॒श इति॑ स—वि॒ꣳ॒शः⁠। इति॑⁠। द॒ख्‍षि॒ण॒तः⁠। अन्न᳚म्⁠। वै⁠। अ॒भि॒व॒र्त इत्य॑भि—व॒र्तः⁠। अन्न᳚म्⁠। स॒वि॒ꣳ॒श इति॑ स—वि॒ꣳ॒शः⁠। अन्न᳚म्⁠। ए॒व⁠। द॒ख्‍षि॒ण॒तः⁠। ध॒त्ते॒⁠। तस्मा᳚त्⁠। दख्‍षि॑णेन⁠। अन्न᳚म्⁠। अ॒द्य॒ते॒⁠। वर्चः॑⁠। द्वा॒वि॒ꣳ॒शः⁠। इति॑⁠। प॒श्चात्⁠। यत्⁠। वि॒ꣳ॒श॒तिः⁠। द्वे इति॑⁠। तेन॑⁠। वि॒राजा॒विति॑ वि—राजौ᳚⁠। यत्⁠। द्वे इति॑⁠। प्र॒ति॒ष्ठेति॑ प्रति—स्था⁠। तेन॑⁠। वि॒राजो॒रिति॑ वि—राजोः᳚⁠। ए॒व⁠। अ॒भि॒पू॒र्वमित्य॑भि—पू॒र्वम्⁠। अ॒न्नाद्य॒ इत्य॑न्न—अद्ये᳚⁠। प्रतीति॑⁠। ति॒ष्ठ॒ति॒⁠। तपः॑⁠। न॒व॒द॒श इति॑ नव—द॒शः⁠। इति॑⁠। उ॒त्त॒र॒त इत्यु॑त्—त॒र॒तः⁠। तस्मा᳚त्⁠। स॒व्यः⁠। १३ (५०) [१३] हस्त॑योः⁠। त॒प॒स्वित॑र॒ इति॑ तप॒स्वि—त॒रः॒⁠। योनिः॑⁠। च॒तु॒र्वि॒ꣳ॒श इति॑ चतुः—वि॒ꣳ॒शः⁠। इति॑⁠। पु॒रस्ता᳚त्⁠। उपेति॑⁠। द॒धा॒ति॒⁠। चतु॑र्विꣳशत्यख्‍ष॒रेति॒ चतु॑र्विꣳशति—अ॒ख्‍ष॒रा॒⁠। गा॒य॒त्री⁠। गा॒य॒त्री⁠। य॒ज्ञ॒मु॒खमिति॑ यज्ञ—मु॒खम्⁠। य॒ज्ञ॒मु॒खमिति॑ यज्ञ—मु॒खम्⁠। ए॒व⁠। पु॒रस्ता᳚त्⁠। वीति॑⁠। या॒त॒य॒ति॒⁠। गर्भाः᳚⁠। प॒ञ्च॒वि॒ꣳ॒श इति॑ पञ्च—वि॒ꣳ॒शः⁠। इति॑⁠। द॒ख्‍षि॒ण॒तः⁠। अन्न᳚म्⁠। वै⁠। गर्भाः᳚⁠। अन्न᳚म्⁠। प॒ञ्च॒वि॒ꣳ॒श इति॑ पञ्च—वि॒ꣳ॒शः⁠। अन्न᳚म्⁠। ए॒व⁠। द॒ख्‍षि॒ण॒तः⁠। ध॒त्ते॒⁠। तस्मा᳚त्⁠। दख्‍षि॑णेन⁠। अन्न᳚म्⁠। अ॒द्य॒ते॒⁠। ओजः॑⁠। त्रि॒ण॒व इति॑ त्रि—न॒वः⁠। इति॑⁠। प॒श्चात्⁠। इ॒मे⁠। वै⁠। लो॒काः⁠। त्रि॒ण॒व इति॑ त्रि—न॒वः⁠। ए॒षु⁠। ए॒व⁠। लो॒केषु॑⁠। प्रतीति॑⁠। ति॒ष्ठ॒ति॒⁠। सं॒भर॑ण॒ इति॑ सं—भर॑णः⁠। त्र॒यो॒वि॒ꣳ॒श इति॑ त्रयः—वि॒ꣳ॒शः⁠। इति॑⁠। १४ (५०) [१४] उ॒त्त॒र॒त इत्यु॑त्—त॒र॒तः⁠। तस्मा᳚त्⁠। स॒व्यः⁠। हस्त॑योः⁠। सं॒भा॒र्य॑तर॒ इति॑ संभा॒र्य॑—त॒रः॒⁠। क्रतुः॑⁠। ए॒क॒त्रि॒ꣳ॒श इत्ये॑क—त्रि॒ꣳ॒शः⁠। इति॑⁠। पु॒रस्ता᳚त्⁠। उपेति॑⁠। द॒धा॒ति॒⁠। वाक्⁠। वै⁠। क्रतुः॑⁠। य॒ज्ञ॒मु॒खमिति॑ यज्ञ—मु॒खम्⁠। वाक्⁠। य॒ज्ञ॒मु॒खमिति॑ यज्ञ—मु॒खम्⁠। ए॒व⁠। पु॒रस्ता᳚त्⁠। वीति॑⁠। या॒त॒य॒ति॒⁠। ब्र॒द्ध्नस्य॑⁠। वि॒ष्टप᳚म्⁠। च॒तु॒स्त्रि॒ꣳ॒श इति॑ चतुः—त्रि॒ꣳ॒शः⁠। इति॑⁠। द॒ख्‍षि॒ण॒तः⁠। अ॒सौ⁠। वै⁠। आ॒दि॒त्यः⁠। ब्र॒द्ध्नस्य॑⁠। वि॒ष्टप᳚म्⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। ए॒व⁠। द॒ख्‍षि॒ण॒तः⁠। ध॒त्ते॒⁠। तस्मा᳚त्⁠। दख्‍षि॑णः⁠। अर्द्धः॑⁠। ब्र॒ह्म॒व॒र्च॒सित॑र॒ इति॑ ब्रह्मवर्च॒सि—त॒रः॒⁠। प्र॒ति॒ष्ठेति॑ प्रति—स्था⁠। त्र॒य॒स्त्रि॒ꣳ॒श इति॑ त्रयः—त्रि॒ꣳ॒शः⁠। इति॑⁠। प॒श्चात्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। नाकः॑⁠। ष॒ट्त्रि॒ꣳ॒श इति॑ षट्—त्रि॒ꣳ॒शः⁠। इति॑⁠। उ॒त्त॒र॒त इत्यु॑त्—त॒र॒तः⁠। सु॒व॒र्ग इति॑ सुवः—गः⁠। वै⁠। लो॒कः⁠। नाकः॑⁠। सु॒व॒र्गस्येति॑ सुवः—गस्य॑⁠। लो॒कस्य॑⁠। सम॑ष्ट्या॒ इति॒ सं—अ॒ष्ट्यै॒ [१५] (वै त्रि॒वृ दिति॑ पु॒रस्ता᳚थ् स॒व्य स्त्र॑योवि॒ꣳ॒श इति॑ सुव॒र्गो वै पञ्च॑ च) ॥३॥
अनुवाक ३ विशेष: (आ॒शु र्व्यो॑म ध॒रुणो॑ भा॒न्तः प्रतू᳚र्तिर भिव॒र्तो वर्च॒ स्तपो॒ योनि॒ र्गर्भा॒ ओजः॑ सं॒भर॑णः॒ क्रतु॑ र्ब्र॒द्ध्रस्य॑ प्रति॒ष्ठा नाकः॒ षोड॑श)
अ॒ग्नेः⁠। भा॒गः⁠। अ॒सि॒⁠। इति॑⁠। पु॒रस्ता᳚त्⁠। उपेति॑⁠। द॒धा॒ति॒⁠। य॒ज्ञ॒मु॒खमिति॑ यज्ञ—मु॒खम्⁠। वै⁠। अ॒ग्निः⁠। य॒ज्ञ॒मु॒खमिति॑ यज्ञ—मु॒खम्⁠। दी॒ख्‍षा⁠। य॒ज्ञ॒मु॒खमिति॑ यज्ञ—मु॒खम्⁠। ब्रह्म॑⁠। य॒ज्ञ॒मु॒खमिति॑ यज्ञ—मु॒खम्⁠। त्रि॒वृदिति॑ त्रि—वृत्⁠। य॒ज्ञ॒मु॒खमिति॑ यज्ञ—मु॒खम्⁠। ए॒व⁠। पु॒रस्ता᳚त्⁠। वीति॑⁠। या॒त॒य॒ति॒⁠। नृ॒चख्‍ष॑सा॒मिति॑ नृ—चख्‍ष॑साम्⁠। भा॒गः⁠। अ॒सि॒⁠। इति॑⁠। द॒ख्‍षि॒ण॒तः⁠। शु॒श्रु॒वाꣳसः॑⁠। वै⁠। नृ॒चख्‍ष॑स॒ इति॑ नृ—चख्‍ष॑सः⁠। अन्न᳚म्⁠। धा॒ता⁠। जा॒ताय॑⁠। ए॒व⁠। अ॒स्मै॒⁠। अन्न᳚म्⁠। अपीति॑⁠। द॒धा॒ति॒⁠। तस्मा᳚त्⁠। जा॒तः⁠। अन्न᳚म्⁠। अ॒त्ति॒⁠। ज॒नित्र᳚म्⁠। स्पृ॒तम्⁠। स॒प्त॒द॒श इति॑ सप्त—द॒शः⁠। स्तोमः॑⁠। इति॑⁠। आ॒ह॒⁠। अन्न᳚म्⁠। वै⁠। ज॒नित्र᳚म्⁠। १६ (५०) [१६] अन्न᳚म्⁠। स॒प्त॒द॒श इति॑ सप्त—द॒शः⁠। अन्न᳚म्⁠। ए॒व⁠। द॒ख्‍षि॒ण॒तः⁠। ध॒त्ते॒⁠। तस्मा᳚त्⁠। दख्‍षि॑णेन⁠। अन्न᳚म्⁠। अ॒द्य॒ते॒⁠। मि॒त्रस्य॑⁠। भा॒गः⁠। अ॒सि॒⁠। इति॑⁠। प॒श्चात्⁠। प्रा॒ण इति॑ प्र—अ॒नः⁠। वै⁠। मि॒त्रः⁠। अ॒पा॒न इत्य॑प—अ॒नः⁠। वरु॑णः⁠। प्रा॒णा॒पा॒नाविति॑ प्राण—अ॒पा॒नौ⁠। ए॒व⁠। अ॒स्मि॒न्न्⁠। द॒धा॒ति॒⁠। दि॒वः⁠। वृ॒ष्टिः⁠। वाताः᳚⁠। स्पृ॒ताः⁠। ए॒क॒वि॒ꣳ॒श इत्ये॑क—वि॒ꣳ॒शः⁠। स्तोमः॑⁠। इति॑⁠। आ॒ह॒⁠। प्र॒ति॒ष्ठेति॑ प्रति—स्था⁠। वै⁠। ए॒क॒वि॒ꣳ॒श इत्ये॑क—वि॒ꣳ॒शः⁠। प्रति॑ष्ठित्या॒ इति॒ प्रति॑—स्थि॒त्यै॒⁠। इन्द्र॑स्य⁠। भा॒गः⁠। अ॒सि॒⁠। इति॑⁠। उ॒त्त॒र॒त इत्यु॑त्—त॒र॒तः⁠। ओजः॑⁠। वै⁠। इन्द्रः॑⁠। ओजः॑⁠। विष्णुः॑⁠। ओजः॑⁠। ख्‍ष॒त्रम्⁠। ओजः॑⁠। प॒ञ्च॒द॒श इति॑ पञ्च—द॒शः⁠। १७ (५०) [१७] ओजः॑⁠। ए॒व⁠। उ॒त्त॒र॒त इत्यु॑त्—त॒र॒तः⁠। ध॒त्ते॒⁠। तस्मा᳚त्⁠। उ॒त्त॒र॒तो॒भि॒प्र॒या॒यीत्यु॑त्तरतः—अ॒भि॒प्र॒या॒यी⁠। ज॒य॒ति॒⁠। वसू॑नाम्⁠। भा॒गः⁠। अ॒सि॒⁠। इति॑⁠। पु॒रस्ता᳚त्⁠। उपेति॑⁠। द॒धा॒ति॒⁠। य॒ज्ञ॒मु॒खमिति॑ यज्ञ—मु॒खम्⁠। वै⁠। वस॑वः⁠। य॒ज्ञ॒मु॒खमिति॑ यज्ञ—मु॒खम्⁠। रु॒द्राः⁠। य॒ज्ञ॒मु॒खमिति॑ यज्ञ—मु॒खम्⁠। च॒तु॒र्वि॒ꣳ॒श इति॑ चतुः—वि॒ꣳ॒शः⁠। य॒ज्ञ॒मु॒खमिति॑ यज्ञ—मु॒खम्⁠। ए॒व⁠। पु॒रस्ता᳚त्⁠। वीति॑⁠। या॒त॒य॒ति॒⁠। आ॒दि॒त्याना᳚म्⁠। भा॒गः⁠। अ॒सि॒⁠। इति॑⁠। द॒ख्‍षि॒ण॒तः⁠। अन्न᳚म्⁠। वै⁠। आ॒दि॒त्याः⁠। अन्न᳚म्⁠। म॒रुतः॑⁠। अन्न᳚म्⁠। गर्भाः᳚⁠। अन्न᳚म्⁠। प॒ञ्च॒वि॒ꣳ॒श इति॑ पञ्च—वि॒ꣳ॒शः⁠। अन्न᳚म्⁠। ए॒व⁠। द॒ख्‍षि॒ण॒तः⁠। ध॒त्ते॒⁠। तस्मा᳚त्⁠। दख्‍षि॑णेन⁠। अन्न᳚म्⁠। अ॒द्य॒ते॒⁠। अदि॑त्यै⁠। भा॒गः⁠। १८ (५०) [१८] अ॒सि॒⁠। इति॑⁠। प॒श्चात्⁠। प्र॒ति॒ष्ठेति॑ प्रति—स्था⁠। वै⁠। अदि॑तिः⁠। प्र॒ति॒ष्ठेति॑ प्रति—स्था⁠। पू॒षा⁠। प्र॒ति॒ष्ठेति॑ प्रति—स्था⁠। त्रि॒ण॒व इति॑ त्रि—न॒वः⁠। प्रति॑ष्ठित्या॒ इति॒ प्रति॑—स्थि॒त्यै॒⁠। दे॒वस्य॑⁠। स॒वि॒तुः⁠। भा॒गः⁠। अ॒सि॒⁠। इति॑⁠। उ॒त्त॒र॒त इत्यु॑त्—त॒र॒तः⁠। ब्रह्म॑⁠। वै⁠। दे॒वः⁠। स॒वि॒ता⁠। ब्रह्म॑⁠। बृह॒स्पतिः॑⁠। ब्रह्म॑⁠। च॒तु॒ष्टो॒म इति॑ चतुः—स्तो॒मः⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। ए॒व⁠। उ॒त्त॒र॒त इत्यु॑त्—त॒र॒तः⁠। ध॒त्ते॒⁠। तस्मा᳚त्⁠। उत्त॑र॒ इत्युत्—त॒रः॒⁠। अर्द्धः॑⁠। ब्र॒ह्म॒व॒र्च॒सित॑र॒ इति॑ ब्रह्मवर्च॒सि—त॒रः॒⁠। सा॒वि॒त्रव॒तीति॑ सावि॒त्र—व॒ती॒⁠। भ॒व॒ति॒⁠। प्रसू᳚त्या॒ इति॒ प्र—सू॒त्यै॒⁠। तस्मा᳚त्⁠। ब्रा॒ह्म॒णाना᳚म्⁠। उदी॑ची⁠। स॒निः⁠। प्रसू॒तेति॒ प्र—सू॒ता॒⁠। ध॒र्त्रः⁠। च॒तु॒ष्टो॒म इति॑ चतुः—स्तो॒मः⁠। इति॑⁠। पु॒रस्ता᳚त्⁠। उपेति॑⁠। द॒धा॒ति॒⁠। य॒ज्ञ॒मु॒खमिति॑ यज्ञ—मु॒खम्⁠। वै⁠। ध॒र्त्रः⁠। १९ (५०) [१९] य॒ज्ञ॒मु॒खमिति॑ यज्ञ—मु॒खम्⁠। च॒तु॒ष्टो॒म इति॑ चतुः—स्तो॒मः⁠। य॒ज्ञ॒मु॒खमिति॑ यज्ञ—मु॒खम्⁠। ए॒व⁠। पु॒रस्ता᳚त्⁠। वीति॑⁠। या॒त॒य॒ति॒⁠। यावा॑नाम्⁠। भा॒गः⁠। अ॒सि॒⁠। इति॑⁠। द॒ख्‍षि॒ण॒तः⁠। मासाः᳚⁠। वै⁠। यावाः᳚⁠। अ॒र्द्ध॒मा॒सा इत्य॑र्द्ध—मा॒साः⁠। अया॑वाः⁠। तस्मा᳚त्⁠। द॒ख्‍षि॒णावृ॑त॒ इति॑ दख्‍षि॒णा—आ॒वृ॒तः॒⁠। मासाः᳚⁠। अन्न᳚म्⁠। वै⁠। यावाः᳚⁠। अन्न᳚म्⁠। प्र॒जा इति॑ प्र—जाः⁠। अन्न᳚म्⁠। ए॒व⁠। द॒ख्‍षि॒ण॒तः⁠। ध॒त्ते॒⁠। तस्मा᳚त्⁠। दख्‍षि॑णेन⁠। अन्न᳚म्⁠। अ॒द्य॒ते॒⁠। ऋ॒भू॒णाम्⁠। भा॒गः⁠। अ॒सि॒⁠। इति॑⁠। प॒श्चात्⁠। प्रति॑ष्ठित्या॒ इति॒ प्रति॑—स्थि॒त्यै॒⁠। वि॒व॒र्त इति॑ वि—व॒र्तः⁠। अ॒ष्टा॒च॒त्वा॒रि॒ꣳ॒श इत्य॑ष्टा—च॒त्वा॒रि॒ꣳ॒शः⁠। इति॑⁠। उ॒त्त॒र॒त इत्यु॑त्—त॒र॒तः⁠। अ॒नयोः᳚⁠। लो॒कयोः᳚⁠। स॒वी॒र्य॒त्वायेति॑ सवीर्य—त्वाय॑⁠। तस्मा᳚त्⁠। इ॒मौ⁠। लो॒कौ⁠। स॒माव॑द्वीर्या॒विति॑ स॒माव॑त्—वी॒र्यौ॒⁠। २० (५०) [२०] यस्य॑⁠। मुख्य॑वती॒रिति॒ मुख्य॑—व॒तीः॒⁠। पु॒रस्ता᳚त्⁠। उ॒प॒धी॒यन्त॒ इत्यु॑प—धी॒यन्ते᳚⁠। मुख्यः॑⁠। ए॒व⁠। भ॒व॒ति॒⁠। एति॑⁠। अ॒स्य॒⁠। मुख्यः॑⁠। जा॒य॒ते॒⁠। यस्य॑⁠। अन्न॑वती॒रित्यन्न॑—व॒तीः॒⁠। द॒ख्‍षि॒ण॒तः⁠। अत्ति॑⁠। अन्न᳚म्⁠। एति॑⁠। अ॒स्य॒⁠। अ॒न्ना॒द इत्य॑न्न—अ॒दः⁠। जा॒य॒ते॒⁠। यस्य॑⁠। प्र॒ति॒ष्ठाव॑ती॒रिति॑ प्रति॒ष्ठा—व॒तीः॒⁠। प॒श्चात्⁠। प्रतीति॑⁠। ए॒व⁠। ति॒ष्ठ॒ति॒⁠। यस्य॑⁠। ओज॑स्वतीः⁠। उ॒त्त॒र॒त इत्यु॑त्—त॒र॒तः⁠। ओ॒ज॒स्वी⁠। ए॒व⁠। भ॒व॒ति॒⁠। एति॑⁠। अ॒स्य॒⁠। ओ॒ज॒स्वी⁠। जा॒य॒ते॒⁠। अ॒र्कः⁠। वै⁠। ए॒षः⁠। यत्⁠। अ॒ग्निः⁠। तस्य॑⁠। ए॒तत्⁠। ए॒व⁠। स्तो॒त्रम्⁠। ए॒तत्⁠। श॒स्त्रम्⁠। यत्⁠। ए॒षा⁠। वि॒धेति॑ वि—धा⁠। २१ (५०) [२१] वि॒धी॒यत॒ इति॑ वि—धी॒यते᳚⁠। अ॒र्के⁠। ए॒व⁠। तत्⁠। अ॒र्क्य᳚म्⁠। अनु॑⁠। वीति॑⁠। धी॒य॒ते॒⁠। अत्ति॑⁠। अन्न᳚म्⁠। एति॑⁠। अ॒स्य॒⁠। अ॒न्ना॒द इत्य॑न्न—अ॒दः⁠। जा॒य॒ते॒⁠। यस्य॑⁠। ए॒षा⁠। वि॒धेति॑ वि—धा⁠। वि॒धी॒यत॒ इति॑ वि—धी॒यते᳚⁠। यः⁠। उ॒⁠। च॒⁠। ए॒ना॒म्⁠। ए॒वम्⁠। वेद॑⁠। सृष्टीः᳚⁠। उपेति॑⁠। द॒धा॒ति॒⁠। य॒था॒सृ॒ष्टमिति॑ यथा—सृ॒ष्टम्⁠। ए॒व⁠। अवेति॑⁠। रु॒न्धे॒⁠। न⁠। वै⁠। इ॒दम्⁠। दिवा᳚⁠। न⁠। नक्त᳚म्⁠। आ॒सी॒त्⁠। अव्या॑वृत्त॒मित्यवि॑—आ॒वृ॒त्त॒म्⁠। ते⁠। दे॒वाः⁠। ए॒ताः⁠। व्यु॑ष्टी॒रिति॒ वि—उ॒ष्टीः॒⁠। अ॒प॒श्य॒न्न्⁠। ताः⁠। उपेति॑⁠। अ॒द॒ध॒त॒⁠। ततः॑⁠। वै⁠। इ॒दम्⁠। वीति॑⁠। औ॒च्छ॒त्⁠। यस्य॑⁠। ए॒ताः⁠। उ॒प॒धी॒यन्त॒ इत्यु॑प—धी॒यन्ते᳚⁠। वीति॑⁠। ए॒व⁠। अ॒स्मै॒⁠। उ॒च्छ॒ति॒⁠। अथो॒ इति॑⁠। तमः॑⁠। ए॒व⁠। अपेति॑⁠। ह॒ते॒ [२२] (वै ज॒नित्रं॑ पञ्चद॒शो ऽदि॑त्यै भा॒गो वै ध॒र्त्रः स॒माव॑द्वीर्यौवि॒धाततो॒ वा इ॒दं चतु॑र्दश च) ॥४॥
अनुवाक ४ विशेष: (अ॒ग्ने र्नृ॒चख्‍ष॑सां ज॒नित्रं॑ मि॒त्र स्येन्द्र॑स्य॒ वसू॑ना मादि॒त्याना॒ मदि॑त्यै दे॒वस्य॑ सवि॒तुः सा॑वि॒त्रव॑ती ध॒र्त्रो यावा॑नामृभू॒णां वि॑व॒र्त श्चतु॑र्दश)
अग्ने᳚⁠। जा॒तान्⁠। प्रेति॑⁠। नु॒द॒⁠। नः॒⁠। स॒पत्ना॑न्⁠। इति॑⁠। पु॒रस्ता᳚त्⁠। उपेति॑⁠। द॒धा॒ति॒⁠। जा॒तान्⁠। ए॒व⁠। भ्रातृ॑व्यान्⁠। प्रेति॑⁠। नु॒द॒ते॒⁠। सह॑सा⁠। जा॒तान्⁠। इति॑⁠। प॒श्चात्⁠। ज॒नि॒ष्यमा॑णान्⁠। ए॒व⁠। प्रतीति॑⁠। नु॒द॒ते॒⁠। च॒तु॒श्च॒त्वा॒रि॒ꣳ॒श इति॑ चतुः—च॒त्वा॒रि॒ꣳ॒शः⁠। स्तोमः॑⁠। इति॑⁠। द॒ख्‍षि॒ण॒तः⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। वै⁠। च॒तु॒श्च॒त्वा॒रि॒ꣳ॒श इति॑ चतुः—च॒त्वा॒रि॒ꣳ॒शः⁠। ब्र॒ह्म॒व॒र्च॒समिति॑ ब्रह्म—व॒र्च॒सम्⁠। ए॒व⁠। द॒ख्‍षि॒ण॒तः⁠। ध॒त्ते॒⁠। तस्मा᳚त्⁠। दख्‍षि॑णः⁠। अर्द्धः॑⁠। ब्र॒ह्म॒व॒र्च॒सित॑र॒ इति॑ ब्रह्मवर्च॒सि—त॒रः॒⁠। षो॒ड॒शः⁠। स्तोमः॑⁠। इति॑⁠। उ॒त्त॒र॒त इत्यु॑त्—त॒र॒तः⁠। ओजः॑⁠। वै⁠। षो॒ड॒शः⁠। ओजः॑⁠। ए॒व⁠। उ॒त्त॒र॒त इत्यु॑त्—त॒र॒तः⁠। ध॒त्ते॒⁠। तस्मा᳚त्⁠। २३ (५०) [२३] उ॒त्त॒र॒तो॒भि॒प्र॒या॒यीत्यु॑त्तरतः—अ॒भि॒प्र॒या॒यी⁠। ज॒य॒ति॒⁠। वज्रः॑⁠। वै⁠। च॒तु॒श्च॒त्वा॒रि॒ꣳ॒श इति॑ चतुः—च॒त्वा॒रि॒ꣳ॒शः⁠। वज्रः॑⁠। षो॒ड॒शः⁠। यत्⁠। ए॒ते इति॑⁠। इष्ट॑के॒ इति॑⁠। उ॒प॒दधा॒तीत्यु॑प—दधा॑ति⁠। जा॒तान्⁠। च॒⁠। ए॒व⁠। ज॒नि॒ष्यमा॑णान्⁠। च॒⁠। भ्रातृ॑व्यान्⁠। प्र॒णुद्येति॑ प्र—नुद्य॑⁠। वज्र᳚म्⁠। अनु॑⁠। प्रेति॑⁠। ह॒र॒ति॒⁠। स्तृत्यै᳚⁠। पुरी॑षवती॒मिति॒ पुरी॑ष—व॒ती॒म्⁠। मद्ध्ये᳚⁠। उपेति॑⁠। द॒धा॒ति॒⁠। पुरी॑षम्⁠। वै⁠। मद्ध्य᳚म्⁠। आ॒त्मनः॑⁠। सात्मा॑न॒मिति॒ स—आ॒त्मा॒न॒म्⁠। ए॒व⁠। अ॒ग्निम्⁠। चि॒नु॒ते॒⁠। सात्मेति॒ स—आ॒त्मा॒⁠। अ॒मुष्मि॑न्न्⁠। लो॒के⁠। भ॒व॒ति॒⁠। यः⁠। ए॒वम्⁠। वेद॑⁠। ए॒ताः⁠। वै⁠। अ॒स॒प॒त्नाः⁠। नाम॑⁠। इष्ट॑काः⁠। यस्य॑⁠। ए॒ताः⁠। उ॒प॒धी॒यन्त॒ इत्यु॑प—धी॒यन्ते᳚⁠। २४ (५०) [२४] न⁠। अ॒स्य॒⁠। स॒पत्नः॑⁠। भ॒व॒ति॒⁠। प॒शुः⁠। वै⁠। ए॒षः⁠। यत्⁠। अ॒ग्निः⁠। वि॒राज॒ इति॑ वि—राजः॑⁠। उ॒त्त॒माया॒मित्यु॑त्—त॒माया᳚म्⁠। चित्या᳚म्⁠। उपेति॑⁠। द॒धा॒ति॒⁠। वि॒राज॒मिति॑ वि—राज᳚म्⁠। ए॒व⁠। उ॒त्त॒मामित्यु॑त्—त॒माम्⁠। प॒शुषु॑⁠। द॒धा॒ति॒⁠। तस्मा᳚त्⁠। प॒शु॒मानिति॑ पशु—मान्⁠। उ॒त्त॒मामित्यु॑त्—त॒माम्⁠। वाच᳚म्⁠। व॒द॒ति॒⁠। दश॑द॒शेति॒ दश॑—द॒श॒⁠। उपेति॑⁠। द॒धा॒ति॒⁠। स॒वी॒र्य॒त्वायेति॑ सवीर्य—त्वाय॑⁠। अ॒ख्‍ष्ण॒या⁠। उपेति॑⁠। द॒धा॒ति॒⁠। तस्मा᳚त्⁠। अ॒ख्‍ष्ण॒या⁠। प॒शवः॑⁠। अङ्गा॑नि⁠। प्रेति॑⁠। ह॒र॒न्ति॒⁠। प्रति॑ष्ठित्या॒ इति॒ प्रति॑—स्थि॒त्यै॒⁠। यानि॑⁠। वै⁠। छन्दा॑ꣳसि⁠। सु॒व॒र्ग्या॑णीति॑ सुवः—ग्या॑नि⁠। आस॑न्न्⁠। तैः⁠। दे॒वाः⁠। सु॒व॒र्गमिति॑ सुवः—गम्⁠। लो॒कम्⁠। आ॒य॒न्न्⁠। तेन॑⁠। ऋष॑यः⁠। २५ (५०) [२५] अ॒श्रा॒म्य॒न्न्⁠। ते⁠। तपः॑⁠। अ॒त॒प्य॒न्त॒⁠। तानि॑⁠। तप॑सा⁠। अ॒प॒श्य॒न्न्⁠। तेभ्यः॑⁠। ए॒ताः⁠। इष्ट॑काः⁠। निरिति॑⁠। अ॒मि॒म॒त॒⁠। एवः॑⁠। छन्दः॑⁠। वरि॑वः⁠। छन्दः॑⁠। इति॑⁠। ताः⁠। उपेति॑⁠। अ॒द॒ध॒त॒⁠। ताभिः॑⁠। वै⁠। ते⁠। सु॒व॒र्गमिति॑ सुवः—गम्⁠। लो॒कम्⁠। आ॒य॒न्न्⁠। यत्⁠। ए॒ताः⁠। इष्ट॑काः⁠। उ॒प॒दधा॒तीत्यु॑प—दधा॑ति⁠। यानि॑⁠। ए॒व⁠। छन्दा॑ꣳसि⁠। सु॒व॒र्ग्या॑णीति॑ सुवः—ग्या॑नि⁠। तैः⁠। ए॒व⁠। यज॑मानः⁠। सु॒व॒र्गमिति॑ सुवः—गम्⁠। लो॒कम्⁠। ए॒ति॒⁠। य॒ज्ञेन॑⁠। वै⁠। प्र॒जाप॑ति॒रिति॑ प्र॒जा—प॒तिः॒⁠। प्र॒जा इति॑ प्र—जाः⁠। अ॒सृ॒ज॒त॒⁠। ताः⁠। स्तोम॑भागै॒रिति॒ स्तोम॑—भा॒गैः॒⁠। ए॒व⁠। अ॒सृ॒ज॒त॒⁠। यत्⁠। २६ (५०) [२६] स्तोम॑भागा॒ इति॒ स्तोम॑—भा॒गाः॒⁠। उ॒प॒दधा॒तीत्यु॑प—दधा॑ति⁠। प्र॒जा इति॑ प्र—जाः⁠। ए॒व⁠। तत्⁠। यज॑मानः⁠। सृ॒ज॒ते॒⁠। बृह॒स्पतिः॑⁠। वै⁠। ए॒तत्⁠। य॒ज्ञस्य॑⁠। तेजः॑⁠। समिति॑⁠। अ॒भ॒र॒त्⁠। यत्⁠। स्तोम॑भागा॒ इति॒ स्तोम॑—भा॒गाः॒⁠। यत्⁠। स्तोम॑भागा॒ इति॒ स्तोम॑—भा॒गाः॒⁠। उ॒प॒दधा॒तीत्यु॑प—दधा॑ति⁠। सते॑जस॒मिति॒ स—ते॒ज॒स॒म्⁠। ए॒व⁠। अ॒ग्निम्⁠। चि॒नु॒ते॒⁠। बृह॒स्पतिः॑⁠। वै⁠। ए॒ताम्⁠। य॒ज्ञस्य॑⁠। प्र॒ति॒ष्ठामिति॑ प्रति—स्थाम्⁠। अ॒प॒श्य॒त्⁠। यत्⁠। स्तोम॑भागा॒ इति॒ स्तोम॑—भा॒गाः॒⁠। यत्⁠। स्तोम॑भागा॒ इति॒ स्तोम॑—भा॒गाः॒⁠। उ॒प॒दधा॒तीत्यु॑प—दधा॑ति⁠। य॒ज्ञस्य॑⁠। प्रति॑ष्ठित्या॒ इति॒ प्रति॑—स्थि॒त्यै॒⁠। स॒प्तस॒प्तेति॑ स॒प्त—स॒प्त॒⁠। उपेति॑⁠। द॒धा॒ति॒⁠। स॒वी॒र्य॒त्वायेति॑ सवीर्य—त्वाय॑⁠। ति॒स्रः⁠। मद्ध्ये᳚⁠। प्रति॑ष्ठित्या॒ इति॒ प्रति॑—स्थि॒त्यै॒ [२७] (उ॒त्त॒र॒तो ध॑त्ते॒ तस्मा॑ दुपधी॒यन्त॒ ऋष॑यो ऽसृजत॒ यत् त्रिच॑त्वारिꣳशच्च) ॥५॥
र॒श्मिः⁠। इति॑⁠। ए॒व⁠। आ॒दि॒त्यम्⁠। अ॒सृ॒ज॒त॒⁠। प्रेति॒रिति॒ प्र—इ॒तिः॒⁠। इति॑⁠। धर्म᳚म्⁠। अन्वि॑ति॒रित्यनु॑—इ॒तिः॒⁠। इति॑⁠। दिव᳚म्⁠। स॒न्धिरिति॑ सं—धिः⁠। इति॑⁠। अ॒न्तरि॑ख्‍षम्⁠। प्र॒ति॒धिरिति॑ प्रति—धिः⁠। इति॑⁠। पृ॒थि॒वीम्⁠। वि॒ष्टं॒भ इति॑ वि—स्तं॒भः⁠। इति॑⁠। वृष्टि᳚म्⁠। प्र॒वेति॑ प्र—वा⁠। इति॑⁠। अहः॑⁠। अ॒नु॒वेत्य॑नु—वा⁠। इति॑⁠। रात्रि᳚म्⁠। उ॒शिक्⁠। इति॑⁠। वसू॑न्⁠। प्र॒के॒त इति॑ प्र—के॒तः⁠। इति॑⁠। रु॒द्रान्⁠। सु॒दी॒तिरिति॑ सु—दी॒तिः⁠। इति॑⁠। आ॒दि॒त्यान्⁠। ओजः॑⁠। इति॑⁠। पि॒तॄन्⁠। तन्तुः॑⁠। इति॑⁠। प्र॒जा इति॑ प्र—जाः⁠। पृ॒त॒ना॒षाट्⁠। इति॑⁠। प॒शून्⁠। रे॒वत्⁠। इति॑⁠। ओष॑धीः⁠। अ॒भि॒जिदित्य॑भि—जित्⁠। अ॒सि॒⁠। यु॒क्तग्रा॒वेति॑ यु॒क्त—ग्रा॒वा॒⁠। २८ (५०) [२८] इन्द्रा॑य⁠। त्वा॒⁠। इन्द्र᳚म्⁠। जि॒न्व॒⁠। इति॑⁠। ए॒व⁠। द॒ख्‍षि॒ण॒तः⁠। वज्र᳚म्⁠। परीति॑⁠। औ॒ह॒त्⁠। अ॒भिजि॑त्या॒ इत्य॒भि—जि॒त्यै॒⁠। ताः⁠। प्र॒जा इति॑ प्र—जाः⁠। अप॑प्राणा॒ इत्यप॑—प्रा॒णाः॒⁠। अ॒सृ॒ज॒त॒⁠। तासु॑⁠। अधि॑पति॒रित्यधि॑—प॒तिः॒⁠। अ॒सि॒⁠। इति॑⁠। ए॒व⁠। प्रा॒णमिति॑ प्र—अ॒नम्⁠। अ॒द॒धा॒त्⁠। य॒न्ता⁠। इति॑⁠। अ॒पा॒नमित्य॑प—अ॒नम्⁠। स॒ꣳ॒सर्प॒ इति॑ सं—सर्पः॑⁠। इति॑⁠। चख्‍षुः॑⁠। व॒यो॒धा इति॑ वयः—धाः⁠। इति॑⁠। श्रोत्र᳚म्⁠। ताः⁠। प्र॒जा इति॑ प्र—जाः⁠। प्रा॒ण॒तीरिति॑ प्र—अ॒न॒तीः⁠। अ॒पा॒न॒तीरित्य॑प—अ॒न॒तीः⁠। पश्य॑न्तीः⁠। शृ॒ण्व॒तीः⁠। न⁠। मि॒थु॒नी⁠। अ॒भ॒व॒न्न्⁠। तासु॑⁠। त्रि॒वृदिति॑ त्रि—वृत्⁠। अ॒सि॒⁠। इति॑⁠। ए॒व⁠। मि॒थु॒नम्⁠। अ॒द॒धा॒त्⁠। ताः⁠। प्र॒जा इति॑ प्र—जाः⁠। मि॒थु॒नी⁠। २९ (५०) [२९] भव॑न्तीः⁠। न⁠। प्रेति॑⁠। अ॒जा॒य॒न्त॒⁠। ताः⁠। स॒ꣳ॒रो॒ह इति॑ सं—रो॒हः⁠। अ॒सि॒⁠। नी॒रो॒ह इति॑ निः—रो॒हः⁠। अ॒सि॒⁠। इति॑⁠। ए॒व⁠। प्रेति॑⁠। अ॒ज॒न॒य॒त्⁠। ताः⁠। प्र॒जा इति॑ प्र—जाः⁠। प्रजा॑ता॒ इति॒ प्र—जा॒ताः॒⁠। न⁠। प्रतीति॑⁠। अ॒ति॒ष्ठ॒न्न्⁠। ताः⁠। व॒सु॒कः⁠। अ॒सि॒⁠। वेष॑श्रि॒रिति॒ वेष॑—श्रिः॒⁠। अ॒सि॒⁠। वस्य॑ष्टिः⁠। अ॒सि॒⁠। इति॑⁠। ए॒व⁠। ए॒षु⁠। लो॒केषु॑⁠। प्रतीति॑⁠। अ॒स्था॒प॒य॒त्⁠। यत्⁠। आह॑⁠। व॒सु॒कः⁠। अ॒सि॒⁠। वेष॑श्रि॒रिति॒ वेष॑—श्रिः॒⁠। अ॒सि॒⁠। वस्य॑ष्टिः⁠। अ॒सि॒⁠। इति॑⁠। प्र॒जा इति॑ प्र—जाः⁠। ए॒व⁠। प्रजा॑ता॒ इति॒ प्र—जा॒ताः॒⁠। ए॒षु⁠। लो॒केषु॑⁠। प्रतीति॑⁠। स्था॒प॒य॒ति॒⁠। सात्मेति॒ स—आ॒त्मा॒⁠। अ॒न्तरि॑ख्‍षम्⁠। रो॒ह॒ति॒⁠। सप्रा॑ण॒ इति॒ स—प्रा॒णः॒⁠। अ॒मुष्मि॑न्न्⁠। लो॒के⁠। प्रतीति॑⁠। ति॒ष्ठ॒ति॒⁠। अव्य॑र्द्धुक॒ इत्यवि॑—अ॒र्द्धु॒कः॒⁠। प्रा॒णा॒पा॒नाभ्या॒मिति॑ प्राण—अ॒पा॒नाभ्या᳚म्⁠। भ॒व॒ति॒⁠। यः⁠। ए॒वम्⁠। वेद॑ [३०] (यु॒क्तग्रा॑वा प्र॒जा मि॑थु॒न्य॑ न्तरि॑ख्‍षं॒ द्वाद॑श च) ॥६॥
ना॒क॒सद्भि॒रिति॑ नाक॒सत्—भिः॒⁠। वै⁠। दे॒वाः⁠। सु॒व॒र्गमिति॑ सुवः—गम्⁠। लो॒कम्⁠। आ॒य॒न्न्⁠। तत्⁠। ना॒क॒सदा॒मिति॑ नाक—सदा᳚म्⁠। ना॒क॒स॒त्त्वमिति॑ नाकसत्—त्वम्⁠। यत्⁠। ना॒क॒सद॒ इति॑ नाक—सदः॑⁠। उ॒प॒दधा॒तीत्यु॑प—दधा॑ति⁠। ना॒क॒सद्भि॒रिति॑ नाक॒सत्—भिः॒⁠। ए॒व⁠। तत्⁠। यज॑मानः⁠। सु॒व॒र्गमिति॑ सुवः—गम्⁠। लो॒कम्⁠। ए॒ति॒⁠। सु॒व॒र्ग इति॑ सुवः—गः⁠। वै⁠। लो॒कः⁠। नाकः॑⁠। यस्य॑⁠। ए॒ताः⁠। उ॒प॒धी॒यन्त॒ इत्यु॑प—धी॒यन्ते᳚⁠। न⁠। अ॒स्मै॒⁠। अक᳚म्⁠। भ॒व॒ति॒⁠। य॒ज॒मा॒ना॒य॒त॒नमिति॑ यजमान—आ॒य॒त॒नम्⁠। वै⁠। ना॒क॒सद॒ इति॑ नाक—सदः॑⁠। यत्⁠। ना॒क॒सद॒ इति॑ नाक—सदः॑⁠। उ॒प॒दधा॒तीत्यु॑प—दधा॑ति⁠। आ॒यत॑न॒मित्या᳚—यत॑नम्⁠। ए॒व⁠। तत्⁠। यज॑मानः⁠। कु॒रु॒ते॒⁠। पृ॒ष्ठाना᳚म्⁠। वै⁠। ए॒तत्⁠। तेजः॑⁠। संभृ॑त॒मिति॒ सं—भृ॒त॒म्⁠। यत्⁠। ना॒क॒सद॒ इति॑ नाक—सदः॑⁠। यत्⁠। ना॒क॒सद॒ इति॑ नाक—सदः॑⁠। ३१ (५०) [३१] उ॒प॒दधा॒तीत्यु॑प—दधा॑ति⁠। पृ॒ष्ठाना᳚म्⁠। ए॒व⁠। तेजः॑⁠। अवेति॑⁠। रु॒न्धे॒⁠। प॒ञ्च॒चोडा॒ इति॑ पञ्च—चोडाः᳚⁠। उपेति॑⁠। द॒धा॒ति॒⁠। अ॒फ्स॒रसः॑⁠। ए॒व⁠। ए॒न॒म्⁠। ए॒ताः⁠। भू॒ताः⁠। अ॒मुष्मि॑न्न्⁠। लो॒के⁠। उपेति॑⁠। शे॒रे॒⁠। अथो॒ इति॑⁠। त॒नू॒पानी॒रिति॑ तनू—पानीः᳚⁠। ए॒व⁠। ए॒ताः⁠। यज॑मानस्य⁠। यम्⁠। द्वि॒ष्यात्⁠। तम्⁠। उ॒प॒दध॒दित्यु॑प—दध॑त्⁠। ध्या॒ये॒त्⁠। ए॒ताभ्यः॑⁠। ए॒व⁠। ए॒न॒म्⁠। दे॒वता᳚भ्यः⁠। एति॑⁠। वृ॒श्च॒ति॒⁠। ता॒जक्⁠। आर्ति᳚म्⁠। एति॑⁠। ऋ॒च्छ॒ति॒⁠। उत्त॑रा॒ इत्युत्—त॒राः॒⁠। ना॒क॒सद्भ्य॒ इति॑ नाक॒सत्—भ्यः॒⁠। उपेति॑⁠। द॒धा॒ति॒⁠। यथा᳚⁠। जा॒याम्⁠। आ॒नीयेत्या᳚—नीय॑⁠। गृ॒हेषु॑⁠। नि॒षा॒दय॒तीति॑ नि—सा॒दय॑ति⁠। ता॒दृक्⁠। ए॒व⁠। तत्⁠। ३२ (५०) [३२] प॒श्चात्⁠। प्राची᳚म्⁠। उ॒त्त॒मामित्यु॑त्—त॒माम्⁠। उपेति॑⁠। द॒धा॒ति॒⁠। तस्मा᳚त्⁠। प॒श्चात्⁠। प्राची᳚⁠। पत्नी᳚⁠। अन्विति॑⁠। आ॒स्ते॒⁠। स्व॒य॒मा॒तृ॒ण्णामिति॑ स्वयं—आ॒तृ॒ण्णाम्⁠। च॒⁠। वि॒क॒र्णीमिति॑ वि—क॒र्णीम्⁠। च॒⁠। उ॒त्त॒मे इत्यु॑त्—त॒मे⁠। उपेति॑⁠। द॒धा॒ति॒⁠। प्रा॒ण इति॑ प्र—अ॒नः⁠। वै⁠। स्व॒य॒मा॒तृ॒ण्णेति॑ स्वयं—आ॒तृ॒ण्णा⁠। आयुः॑⁠। वि॒क॒र्णीति॑ वि—क॒र्णी⁠। प्रा॒णमिति॑ प्र—अ॒नम्⁠। च॒⁠। ए॒व⁠। आयुः॑⁠। च॒⁠। प्रा॒णाना॒मिति॑ प्र—अ॒नाना᳚म्⁠। उ॒त्त॒मावित्यु॑त्—त॒मौ⁠। ध॒त्ते॒⁠। तस्मा᳚त्⁠। प्रा॒ण इति॑ प्र—अ॒नः⁠। च॒⁠। आयुः॑⁠। च॒⁠। प्रा॒णाना॒मिति॑ प्र—अ॒नाना᳚म्⁠। उ॒त्त॒मावित्यु॑त्—त॒मौ⁠। न⁠। अ॒न्याम्⁠। उत्त॑रा॒मित्युत्—त॒रा॒म्⁠। इष्ट॑काम्⁠। उपेति॑⁠। द॒द्ध्या॒त्⁠। यत्⁠। अ॒न्याम्⁠। उत्त॑रा॒मित्युत्—त॒रा॒म्⁠। इष्ट॑काम्⁠। उ॒प॒द॒द्ध्यादित्यु॑प—द॒द्ध्यात्⁠। प॒शू॒नाम्⁠। ३३ (५०) [३३] च॒⁠। यज॑मानस्य⁠। च॒⁠। प्रा॒णमिति॑ प्र—अ॒नम्⁠। च॒⁠। आयुः॑⁠। च॒⁠। अपीति॑⁠। द॒द्ध्या॒त्⁠। तस्मा᳚त्⁠। न⁠। अ॒न्या⁠। उत्त॒रेत्युत्—त॒रा॒⁠। इष्ट॑का⁠। उ॒प॒धेयेत्यु॑प—धेया᳚⁠। स्व॒य॒मा॒तृ॒ण्णामिति॑ स्वयं—आ॒तृ॒ण्णाम्⁠। उपेति॑⁠। द॒धा॒ति॒⁠। अ॒सौ⁠। वै⁠। स्व॒य॒मा॒तृ॒ण्णेति॑ स्वयं—आ॒तृ॒ण्णा⁠। अ॒मूम्⁠। ए॒व⁠। उपेति॑⁠। ध॒त्ते॒⁠। अश्व᳚म्⁠। उपेति॑⁠। घ्रा॒प॒य॒ति॒⁠। प्रा॒णमिति॑ प्र—अ॒नम्⁠। ए॒व⁠। अ॒स्या॒म्⁠। द॒धा॒ति॒⁠। अथो॒ इति॑⁠। प्रा॒जा॒प॒त्य इति॑ प्राजा—प॒त्यः⁠। वै⁠। अश्वः॑⁠। प्र॒जाप॑ति॒नेति॑ प्र॒जा—प॒ति॒ना॒⁠। ए॒व⁠। अ॒ग्निम्⁠। चि॒नु॒ते॒⁠। स्व॒य॒मा॒तृ॒ण्णेति॑ स्वयं—आ॒तृ॒ण्णा⁠। भ॒व॒ति॒⁠। प्रा॒णाना॒मिति॑ प्र—अ॒नाना᳚म्⁠। उथ्सृ॑ष्ट्या॒ इत्युत्—सृ॒ष्ट्यै॒⁠। अथो॒ इति॑⁠। सु॒व॒र्गस्येति॑ सुवः—गस्य॑⁠। लो॒कस्य॑⁠। अनु॑ख्यात्या॒ इत्यनु॑—ख्या॒त्यै॒⁠। ए॒षा⁠। वै⁠। दे॒वाना᳚म्⁠। विक्रा᳚न्ति॒रिति॒ वि—क्रा॒न्तिः॒⁠। यत्⁠। वि॒क॒र्णीति॑ वि—क॒र्णी⁠। यत्⁠। वि॒क॒र्णीमिति॑ वि—क॒र्णीम्⁠। उ॒प॒दधा॒तीत्यु॑प—दधा॑ति⁠। दे॒वाना᳚म्⁠। ए॒व⁠। विक्रा᳚न्ति॒मिति॒ वि—क्रा॒न्ति॒म्⁠। अनु॑⁠। वीति॑⁠। क्र॒म॒ते॒⁠। उ॒त्त॒र॒त इत्यु॑त्—त॒र॒तः⁠। उपेति॑⁠। द॒धा॒ति॒⁠। तस्मा᳚त्⁠। उ॒त्त॒र॒त उ॑पचार॒ इत्यु॑त्तर॒तः—उ॒प॒चा॒रः॒⁠। अ॒ग्निः⁠। वा॒यु॒मतीति॑ वायु—मती᳚⁠। भ॒व॒ति॒⁠। समि॑द्ध्या॒ इति॒ सं—इ॒द्ध्यै॒ [३४] (संभृ॑त॒य्ँयन्ना॑क॒सदो॒ यन्ना॑क॒सद॒ स्तत् प॑शू॒नामे॒षा वैद्वावि॑ꣳशतिश्च) ॥७॥
छन्दा॑ꣳसि⁠। उपेति॑⁠। द॒धा॒ति॒⁠। प॒शवः॑⁠। वै⁠। छन्दा॑ꣳसि⁠। प॒शून्⁠। ए॒व⁠। अवेति॑⁠। रु॒न्धे॒⁠। छन्दा॑ꣳसि⁠। वै⁠। दे॒वाना᳚म्⁠। वा॒मम्⁠। प॒शवः॑⁠। वा॒मम्⁠। ए॒व⁠। प॒शून्⁠। अवेति॑⁠। रु॒न्धे॒⁠। ए॒ताम्⁠। ह॒⁠। वै⁠। य॒ज्ञसे॑न॒ इति॑ य॒ज्ञ—से॒नः॒⁠। चै॒त्रि॒या॒य॒णः⁠। चिति᳚म्⁠। वि॒दाम्⁠। च॒का॒र॒⁠। तया᳚⁠। वै⁠। सः⁠। प॒शून्⁠। अवेति॑⁠। अ॒रु॒न्ध॒⁠। यत्⁠। ए॒ताम्⁠। उ॒प॒दधा॒तीत्यु॑प—दधा॑ति⁠। प॒शून्⁠। ए॒व⁠। अवेति॑⁠। रु॒न्धे॒⁠। गा॒य॒त्रीः⁠। पु॒रस्ता᳚त्⁠। उपेति॑⁠। द॒धा॒ति॒⁠। तेजः॑⁠। वै⁠। गा॒य॒त्री⁠। तेजः॑⁠। ए॒व⁠। ३५ (५०) [३५] मु॒ख॒तः⁠। ध॒त्ते॒⁠। मू॒र्द्ध॒न्वती॒रिति॑ मूर्धन्न्—वतीः᳚⁠। भ॒व॒न्ति॒⁠। मू॒र्द्धान᳚म्⁠। ए॒व⁠। ए॒न॒म्⁠। स॒मा॒नाना᳚म्⁠। क॒रो॒ति॒⁠। त्रि॒ष्टुभः॑⁠। उपेति॑⁠। द॒धा॒ति॒⁠। इ॒न्द्रि॒यम्⁠। वै⁠। त्रि॒ष्टुक्⁠। इ॒न्द्रि॒यम्⁠। ए॒व⁠। म॒द्ध्य॒तः⁠। ध॒त्ते॒⁠। जग॑तीः⁠। उपेति॑⁠। द॒धा॒ति॒⁠। जाग॑ताः⁠। वै⁠। प॒शवः॑⁠। प॒शून्⁠। ए॒व⁠। अवेति॑⁠। रु॒न्धे॒⁠। अ॒नु॒ष्टुभ॒ इत्य॑नु—स्तुभः॑⁠। उपेति॑⁠। द॒धा॒ति॒⁠। प्रा॒णा इति॑ प्र—अ॒नाः⁠। वै⁠। अ॒नु॒ष्टुबित्य॑नु—स्तुप्⁠। प्रा॒णाना॒मिति॑ प्र—अ॒नाना᳚म्⁠। उथ्सृ॑ष्ट्या॒ इत्युत्—सृ॒ष्ट्यै॒⁠। बृ॒ह॒तीः⁠। उ॒ष्णिहाः᳚⁠। प॒ङ्क्तीः⁠। अ॒ख्‍षर॑पङ्क्ती॒रित्य॒ख्‍षर॑—प॒ङ्क्तीः॒⁠। इति॑⁠। विषु॑रूपा॒णीति॒ विषु॑—रू॒पा॒णि॒⁠। छन्दा॑ꣳसि⁠। उपेति॑⁠। द॒धा॒ति॒⁠। विषु॑रूपा॒ इति॒ विषु॑—रू॒पाः॒⁠। वै⁠। प॒शवः॑⁠। प॒शवः॑⁠। ३६ (५०) [३६] छन्दा॑ꣳसि⁠। विषु॑रूपा॒निति॒ विषु॑—रू॒पा॒न्⁠। ए॒व⁠। प॒शून्⁠। अवेति॑⁠। रु॒न्धे॒⁠। विषु॑रूप॒मिति॒ विषु॑—रू॒प॒म्⁠। अ॒स्य॒⁠। गृ॒हे⁠। दृ॒श्य॒ते॒⁠। यस्य॑⁠। ए॒ताः⁠। उ॒प॒धी॒यन्त॒ इत्यु॑प—धी॒यन्ते᳚⁠। यः⁠। उ॒⁠। च॒⁠। ए॒नाः॒⁠। ए॒वम्⁠। वेद॑⁠। अति॑च्छन्दस॒मित्यति॑—छ॒न्द॒स॒म्⁠। उपेति॑⁠। द॒धा॒ति॒⁠। अति॑च्छन्दा॒ इत्यति॑—छ॒न्दाः॒⁠। वै⁠। सर्वा॑णि⁠। छन्दा॑ꣳसि⁠। सर्वे॑भिः⁠। ए॒व⁠। ए॒न॒म्⁠। छन्दो॑भि॒रिति॒ छन्दः॑—भिः॒⁠। चि॒नु॒ते॒⁠। वर्ष्म॑⁠। वै⁠। ए॒षा⁠। छन्द॑साम्⁠। यत्⁠। अति॑च्छन्दा॒ इत्यति॑—छ॒न्दाः॒⁠। यत्⁠। अति॑च्छन्दस॒मित्यति॑—छ॒न्द॒स॒म्⁠। उ॒प॒दधा॒तीत्यु॑प—दधा॑ति⁠। वर्ष्म॑⁠। ए॒व⁠। ए॒न॒म्⁠। स॒मा॒नाना᳚म्⁠। क॒रो॒ति॒⁠। द्वि॒पदा॒ इति॑ द्वि—पदाः᳚⁠। उपेति॑⁠। द॒धा॒ति॒⁠। द्वि॒पादिति॑ द्वि—पात्⁠। यज॑मानः⁠। प्रति॑ष्ठित्या॒ इति॒ प्रति॑—स्थि॒त्यै॒ [३७] (तेज॑ ए॒व प॒शवः॑ प॒शवो॒ यज॑मान॒ एक॑ञ्च) ॥८॥
सर्वा᳚भ्यः⁠। वै⁠। दे॒वता᳚भ्यः⁠। अ॒ग्निः⁠। ची॒य॒ते॒⁠। यत्⁠। स॒युज॒ इति॑ स—युजः॑⁠। न⁠। उ॒प॒द॒द्ध्यादित्यु॑प—द॒ध्यात्⁠। दे॒वताः᳚⁠। अ॒स्य॒⁠। अ॒ग्निम्⁠। वृ॒ञ्जी॒र॒न्न्⁠। यत्⁠। स॒युज॒ इति॑ स—युजः॑⁠। उ॒प॒दधा॒तीत्यु॑प—दधा॑ति⁠। आ॒त्मना᳚⁠। ए॒व⁠। ए॒न॒म्⁠। स॒युज॒मिति॑ स—युज᳚म्⁠। चि॒नु॒ते॒⁠। न⁠। अ॒ग्निना᳚⁠। वीति॑⁠। ऋ॒द्ध्य॒ते॒⁠। अथो॒ इति॑⁠। यथा᳚⁠। पुरु॑षः⁠। स्नाव॑भि॒रिति॒ स्नाव॑—भिः॒⁠। सन्त॑त॒ इति॒ सं—त॒तः॒⁠। ए॒वम्⁠। ए॒व⁠। ए॒ताभिः॑⁠। अ॒ग्निः⁠। सन्त॑त॒ इति॒ सं—त॒तः॒⁠। अ॒ग्निना᳚⁠। वै⁠। दे॒वाः⁠। सु॒व॒र्गमिति॑ सुवः—गम्⁠। लो॒कम्⁠। आ॒य॒न्न्⁠। ताः⁠। अ॒मूः⁠। कृत्ति॑काः⁠। अ॒भ॒व॒न्न्⁠। यस्य॑⁠। ए॒ताः⁠। उ॒प॒धी॒यन्त॒ इत्यु॑प—धी॒यन्ते᳚⁠। सु॒व॒र्गमिति॑ सुवः—गम्⁠। ए॒व⁠। ३८ (५०) [३८] लो॒कम्⁠। ए॒ति॒⁠। गच्छ॑ति⁠। प्र॒का॒शमिति॑ प्र—का॒शम्⁠। चि॒त्रम्⁠। ए॒व⁠। भ॒व॒ति॒⁠। म॒ण्ड॒ले॒ष्ट॒का इति॑ मण्डल—इ॒ष्ट॒काः⁠। उपेति॑⁠। द॒धा॒ति॒⁠। इ॒मे⁠। वै⁠। लो॒काः⁠। म॒ण्ड॒ले॒ष्ट॒का इति॑ मण्डल—इ॒ष्ट॒काः⁠। इ॒मे⁠। खलु॑⁠। वै⁠। लो॒काः⁠। दे॒व॒पु॒रा इति॑ देव—पु॒राः⁠। दे॒व॒पु॒रा इति॑ देव—पु॒राः⁠। ए॒व⁠। प्रेति॑⁠। वि॒श॒ति॒⁠। न⁠। आर्ति᳚म्⁠। एति॑⁠। ऋ॒च्छ॒ति॒⁠। अ॒ग्निम्⁠। चि॒क्या॒नः⁠। वि॒श्वज्यो॑तिष॒ इति॑ वि॒श्व—ज्यो॒ति॒षः॒⁠। उपेति॑⁠। द॒धा॒ति॒⁠। इ॒मान्⁠। ए॒व⁠। ए॒ताभिः॑⁠। लो॒कान्⁠। ज्योति॑ष्मतः⁠। कु॒रु॒ते॒⁠। अथो॒ इति॑⁠। प्रा॒णानिति॑ प्र—अ॒नान्⁠। ए॒व⁠। ए॒ताः⁠। यज॑मानस्य⁠। दा॒द्ध्र॒ति॒⁠। ए॒ताः⁠। वै⁠। दे॒वताः᳚⁠। सु॒व॒र्ग्या॑ इति॑ सुवः—ग्याः᳚⁠। ताः⁠। ए॒व⁠। अ॒न्वा॒रभ्येत्य॑नु—आ॒रभ्य॑⁠। सु॒व॒र्गमिति॑ सुवः—गम्⁠। लो॒कम्⁠। ए॒ति॒ [३९] (सु॒व॒र्गमे॒व ता ए॒व च॒त्वारि॑ च) ॥९॥
वृ॒ष्टि॒सनी॒रिति॑ वृष्टि—सनीः᳚⁠। उपेति॑⁠। द॒धा॒ति॒⁠। वृष्टि᳚म्⁠। ए॒व⁠। अवेति॑⁠। रु॒न्धे॒⁠। यत्⁠। ए॒क॒धेत्ये॑क—धा⁠। उ॒प॒द॒द्ध्यादित्यु॑प—द॒द्ध्यात्⁠। एक᳚म्⁠। ऋ॒तुम्⁠। व॒र्॒‌षे॒त्⁠। अ॒नु॒प॒रि॒हार॒मित्य॑नु—प॒रि॒हार᳚म्⁠। सा॒द॒य॒ति॒⁠। तस्मा᳚त्⁠। सर्वा॑न्⁠। ऋ॒तून्⁠। व॒र्॒‌ष॒ति॒⁠। पु॒रो॒वा॒त॒सनि॒रिति॑ पुरोवात—सनिः॑⁠। अ॒सि॒⁠। इति॑⁠। आ॒ह॒⁠। ए॒तत्⁠। वै⁠। वृष्ट्यै᳚⁠। रू॒पम्⁠। रू॒पेण॑⁠। ए॒व⁠। वृष्टि᳚म्⁠। अवेति॑⁠। रु॒न्धे॒⁠। स॒य्ँयानी॑भि॒रिति॑ सं—यानी॑भिः⁠। वै⁠। दे॒वाः⁠। इ॒मान्⁠। लो॒कान्⁠। समिति॑⁠। अ॒युः॒⁠। तत्⁠। स॒य्ँयानी॑ना॒मिति॑ सं—यानी॑नाम्⁠। स॒य्ँया॒नि॒त्वमिति॑ सय्ँयानि—त्वम्⁠। यत्⁠। स॒य्ँयानी॒रिति॑ सं—यानीः᳚⁠। उ॒प॒दधा॒तीत्यु॑प—दधा॑ति⁠। यथा᳚⁠। अ॒फ्स्वित्य॑प्—सु⁠। ना॒वा⁠। स॒य्ँयातीति॑ सं—याति॑⁠। ए॒वम्⁠। ४० (५०) [४०] ए॒व⁠। ए॒ताभिः॑⁠। यज॑मानः⁠। इ॒मान्⁠। लो॒कान्⁠। समिति॑⁠। या॒ति॒⁠। प्ल॒वः⁠। वै⁠। ए॒षः⁠। अ॒ग्नेः⁠। यत्⁠। स॒य्ँयानी॒रिति॑ सं—यानीः᳚⁠। यत्⁠। स॒य्ँयानी॒रिति॑ सं—यानीः᳚⁠। उ॒प॒दधा॒तीत्यु॑प—दधा॑ति⁠। प्ल॒वम्⁠। ए॒व⁠। ए॒तम्⁠। अ॒ग्नये᳚⁠। उपेति॑⁠। द॒धा॒ति॒⁠। उ॒त⁠। यस्य॑⁠। ए॒तासु॑⁠। उप॑हिता॒स्वित्युप॑—हि॒ता॒सु॒⁠। आपः॑⁠। अ॒ग्निम्⁠। हर॑न्ति⁠। अहृ॑तः⁠। ए॒व⁠। अ॒स्य॒⁠। अ॒ग्निः⁠। आ॒दि॒त्ये॒ष्ट॒का इत्या॑दित्य—इ॒ष्ट॒काः⁠। उपेति॑⁠। द॒धा॒ति॒⁠। आ॒दि॒त्याः⁠। वै⁠। ए॒तम्⁠। भूत्यै᳚⁠। प्रतीति॑⁠। नु॒द॒न्ते॒⁠। यः⁠। अल᳚म्⁠। भूत्यै᳚⁠। सन्न्⁠। भूति᳚म्⁠। न⁠। प्रा॒प्नोतीति॑ प्र—आ॒प्नोति॑⁠। आ॒दि॒त्याः⁠। ४१ (५०) [४१] ए॒व⁠। ए॒न॒म्⁠। भूति᳚म्⁠। ग॒म॒य॒न्ति॒⁠। अ॒सौ⁠। वै⁠। ए॒तस्य॑⁠। आ॒दि॒त्यः⁠। रुच᳚म्⁠। एति॑⁠। द॒त्ते॒⁠। यः⁠। अ॒ग्निम्⁠। चि॒त्वा⁠। न⁠। रोच॑ते⁠। यत्⁠। आ॒दि॒त्ये॒ष्ट॒का इत्या॑दित्य—इ॒ष्ट॒काः⁠। उ॒प॒दधा॒तीत्यु॑प—दधा॑ति⁠। अ॒सौ⁠। ए॒व⁠। अ॒स्मि॒न्न्⁠। आ॒दि॒त्यः⁠। रुच᳚म्⁠। द॒धा॒ति॒⁠। यथा᳚⁠। अ॒सौ⁠। दे॒वाना᳚म्⁠। रोच॑ते⁠। ए॒वम्⁠। ए॒व⁠। ए॒षः⁠। म॒नु॒ष्या॑णाम्⁠। रो॒च॒ते॒⁠। घृ॒ते॒ष्ट॒का इति॑ घृत—इ॒ष्ट॒काः⁠। उपेति॑⁠। द॒धा॒ति॒⁠। ए॒तत्⁠। वै⁠। अ॒ग्नेः⁠। प्रि॒यम्⁠। धाम॑⁠। यत्⁠। घृ॒तम्⁠। प्रि॒येण॑⁠। ए॒व⁠। ए॒न॒म्⁠। धाम्ना᳚⁠। समिति॑⁠। अ॒र्द्ध॒य॒ति॒⁠। ४२ (५०) [४२] अथो॒ इति॑⁠। तेज॑सा⁠। अ॒नु॒प॒रि॒हार॒मित्य॑नु—प॒रि॒हार᳚म्⁠। सा॒द॒य॒ति॒⁠। अप॑रिवर्ग॒मित्यप॑रि—व॒र्ग॒म्⁠। ए॒व⁠। अ॒स्मि॒न्न्⁠। तेजः॑⁠। द॒धा॒ति॒⁠। प्र॒जाप॑ति॒रिति॑ प्र॒जा—प॒तिः॒⁠। अ॒ग्निम्⁠। अ॒चि॒नु॒त॒⁠। सः⁠। यश॑सा⁠। वीति॑⁠। आ॒र्द्ध्य॒त॒⁠। सः⁠। ए॒ताः⁠। य॒शो॒दा इति॑ यशः—दाः⁠। अ॒प॒श्य॒त्⁠। ताः⁠। उपेति॑⁠। अ॒ध॒त्त॒⁠। ताभिः॑⁠। वै⁠। सः⁠। यशः॑⁠। आ॒त्मन्न्⁠। अ॒ध॒त्त॒⁠। यत्⁠। य॒शो॒दा इति॑ यशः—दाः⁠। उ॒प॒दधा॒तीत्यु॑प—दधा॑ति⁠। यशः॑⁠। ए॒व⁠। ताभिः॑⁠। यज॑मानः⁠। आ॒त्मन्न्⁠। ध॒त्ते॒⁠। पञ्च॑⁠। उपेति॑⁠। द॒धा॒ति॒⁠। पाङ्क्तः॑⁠। पुरु॑षः⁠। यावा॑न्⁠। ए॒व⁠। पुरु॑षः⁠। तस्मि॑न्न्⁠। यशः॑⁠। द॒धा॒ति॒ [४३] (ए॒वं प्रा॒प्नोत्या॑दि॒त्या अ॑र्द्धय॒त्ये का॒न्न प॑ञ्चा॒शच्च॑) ॥१०॥
दे॒वा॒सु॒रा इति॑ देव—अ॒सु॒राः⁠। सय्ँय॑त्ता॒ इति॒ सं—य॒त्ताः॒⁠। आ॒स॒न्न्⁠। कनी॑याꣳसः⁠। दे॒वाः⁠। आस॑न्न्⁠। भूया॑ꣳसः⁠। असु॑राः⁠। ते⁠। दे॒वाः⁠। ए॒ताः⁠। इष्ट॑काः⁠। अ॒प॒श्य॒न्न्⁠। ताः⁠। उपेति॑⁠। अ॒द॒ध॒त॒⁠। भू॒य॒स्कृदिति॑ भूयः—कृत्⁠। अ॒सि॒⁠। इति॑⁠। ए॒व⁠। भूया॑ꣳसः⁠। अ॒भ॒व॒न्न्⁠। वन॒स्पति॑भि॒रिति॒ वन॒स्पति॑—भिः॒⁠। ओष॑धीभि॒रित्योष॑धि—भिः॒⁠। व॒रि॒व॒स्कृदिति॑ वरिवः—कृत्⁠। अ॒सि॒⁠। इति॑⁠। इ॒माम्⁠। अ॒ज॒य॒न्न्⁠। प्राची᳚⁠। अ॒सि॒⁠। इति॑⁠। प्राची᳚म्⁠। दिश᳚म्⁠। अ॒ज॒य॒न्न्⁠। ऊ॒र्द्ध्वा⁠। अ॒सि॒⁠। इति॑⁠। अ॒मूम्⁠। अ॒ज॒य॒न्न्⁠। अ॒न्त॒रि॒ख्‍ष॒सदित्य॑न्तरिख्‍ष—सत्⁠। अ॒सि॒⁠। अ॒न्तरि॑ख्‍षे⁠। सी॒द॒⁠। इति॑⁠। अ॒न्तरि॑ख्‍षम्⁠। अ॒ज॒य॒न्न्⁠। ततः॑⁠। दे॒वाः⁠। अभ॑वन्न्⁠। ४४ (५०) [४४] परेति॑⁠। असु॑राः⁠। यस्य॑⁠। ए॒ताः⁠। उ॒प॒धी॒यन्त॒ इत्यु॑प—धी॒यन्ते᳚⁠। भूया॑न्⁠। ए॒व⁠। भ॒व॒ति॒⁠। अ॒भीति॑⁠। इ॒मान्⁠। लो॒कान्⁠। ज॒य॒ति॒⁠। भव॑ति⁠। आ॒त्मना᳚⁠। परेति॑⁠। अ॒स्य॒⁠। भ्रातृ॑व्यः⁠। भ॒व॒ति॒⁠। अ॒फ्सु॒षदित्य॑फ्सु—सत्⁠। अ॒सि॒⁠। श्ये॒न॒सदिति॑ श्येन—सत्⁠। अ॒सि॒⁠। इति॑⁠। आ॒ह॒⁠। ए॒तत्⁠। वै⁠। अ॒ग्नेः⁠। रू॒पम्⁠। रू॒पेण॑⁠। ए॒व⁠। अ॒ग्निम्⁠। अवेति॑⁠। रु॒न्धे॒⁠। पृ॒थि॒व्याः⁠। त्वा॒⁠। द्रवि॑णे⁠। सा॒द॒या॒मि॒⁠। इति॑⁠। आ॒ह॒⁠। इ॒मान्⁠। ए॒व⁠। ए॒ताभिः॑⁠। लो॒कान्⁠। द्रवि॑णावत॒ इति॒ द्रवि॑ण—व॒तः॒⁠। कु॒रु॒ते॒⁠। आ॒यु॒ष्याः᳚⁠। उपेति॑⁠। द॒धा॒ति॒⁠। आयुः॑⁠। ए॒व⁠। ४५ (५०) [४५] अ॒स्मि॒न्न्⁠। द॒धा॒ति॒⁠। अग्ने᳚⁠। यत्⁠। ते॒⁠। पर᳚म्⁠। हृत्⁠। नाम॑⁠। इति॑⁠। आ॒ह॒⁠। ए॒तत्⁠। वै⁠। अ॒ग्नेः⁠। प्रि॒यम्⁠। धाम॑⁠। प्रि॒यम्⁠। ए॒व⁠। अ॒स्य॒⁠। धाम॑⁠। उपेति॑⁠। आ॒प्नो॒ति॒⁠। तौ⁠। एति॑⁠। इ॒हि॒⁠। समिति॑⁠। र॒भा॒व॒है॒⁠। इति॑⁠। आ॒ह॒⁠। वीति॑⁠। ए॒व⁠। ए॒ने॒न॒⁠। परीति॑⁠। ध॒त्ते॒⁠। पाञ्च॑जन्ये॒ष्विति॒ पाञ्च॑—ज॒न्ये॒षु॒⁠। अपीति॑⁠। ए॒धि॒⁠। अ॒ग्ने॒⁠। इति॑⁠। आ॒ह॒⁠। ए॒षः⁠। वै⁠। अ॒ग्निः⁠। पाञ्च॑जन्य॒ इति॒ पाञ्च॑—ज॒न्यः॒⁠। यः⁠। पञ्च॑चितीक॒ इति॒ पञ्च॑—चि॒ती॒कः॒⁠। तस्मा᳚त्⁠। ए॒वम्⁠। आ॒ह॒⁠। ऋ॒त॒व्याः᳚⁠। उपेति॑⁠। द॒धा॒ति॒⁠। ए॒तत्⁠। वै⁠। ऋ॒तू॒नाम्⁠। प्रि॒यम्⁠। धाम॑⁠। यत्⁠। ऋ॒त॒व्याः᳚⁠। ऋ॒तू॒नाम्⁠। ए॒व⁠। प्रि॒यम्⁠। धाम॑⁠। अवेति॑⁠। रु॒न्धे॒⁠। सु॒मेक॒ इति॑ सु—मेकः॑⁠। इति॑⁠। आ॒ह॒⁠। स॒व्ँव॒थ्स॒र इति॑ सं—व॒थ्स॒रः⁠। वै⁠। सु॒मेक॒ इति॑ सु—मेकः॑⁠। स॒व्ँव॒थ्स॒रस्येति॑ सं—व॒थ्स॒रस्य॑⁠। ए॒व⁠। प्रि॒यम्⁠। धाम॑⁠। उपेति॑⁠। आ॒प्नो॒ति॒ [४६] (अभ॑व॒ न्नायु॑रे॒व र्त॒व्या॑ उप॒ षड्वि॑ꣳशतिश्च) ॥११॥
प्र॒जाप॑ते॒रिति॑ प्र॒जा—प॒तेः॒⁠। अख्‍षि॑⁠। अ॒श्व॒य॒त्⁠। तत्⁠। परेति॑⁠। अ॒प॒त॒त्⁠। तत्⁠। अश्वः॑⁠। अ॒भ॒व॒त्⁠। यत्⁠। अश्व॑यत्⁠। तत्⁠। अश्व॑स्य⁠। अ॒श्व॒त्वमित्य॑श्व—त्वम्⁠। तत्⁠। दे॒वाः⁠। अ॒श्व॒मे॒धेनेत्य॑श्व—मे॒धेन॑⁠। ए॒व⁠। प्रतीति॑⁠। अ॒द॒धुः॒⁠। ए॒षः⁠। वै⁠। प्र॒जाप॑ति॒मिति॑ प्र॒जा—प॒ति॒म्⁠। सर्व᳚म्⁠। क॒रो॒ति॒⁠। यः⁠। अ॒श्व॒मे॒धेनेत्य॑श्व—मे॒धेन॑⁠। यज॑ते⁠। सर्वः॑⁠। ए॒व⁠। भ॒व॒ति॒⁠। सर्व॑स्य⁠। वै⁠। ए॒षा⁠। प्राय॑श्चित्तिः⁠। सर्व॑स्य⁠। भे॒ष॒जम्⁠। सर्व᳚म्⁠। वै⁠। ए॒तेन॑⁠। पा॒प्मान᳚म्⁠। दे॒वाः⁠। अ॒त॒र॒न्न्⁠। अपीति॑⁠। वै⁠। ए॒तेन॑⁠। ब्र॒ह्म॒ह॒त्यामिति॑ ब्रह्म—ह॒त्याम्⁠। अ॒त॒र॒न्न्⁠। सर्व᳚म्⁠। पा॒प्मान᳚म्⁠। ४७ (५०) [४७] त॒र॒ति॒⁠। तर॑ति⁠। ब्र॒ह्म॒ह॒त्यामिति॑ ब्रह्म—ह॒त्याम्⁠। यः⁠। अ॒श्व॒मे॒धेनेत्य॑श्व—मे॒धेन॑⁠। यज॑ते⁠। यः⁠। उ॒⁠। च॒⁠। ए॒न॒म्⁠। ए॒वम्⁠। वेद॑⁠। उत्त॑र॒मित्युत्—त॒र॒म्⁠। वै⁠। तत्⁠। प्र॒जाप॑ते॒रिति॑ प्र॒जा—प॒तेः॒⁠। अख्‍षि॑⁠। अ॒श्व॒य॒त्⁠। तस्मा᳚त्⁠। अश्व॑स्य⁠। उ॒त्त॒र॒त इत्यु॑त्—त॒र॒तः⁠। अवेति॑⁠। द्य॒न्ति॒⁠। द॒ख्‍षि॒ण॒तः⁠। अ॒न्येषा᳚म्⁠। प॒शू॒नाम्⁠। वै॒त॒सः⁠। कटः॑⁠। भ॒व॒ति॒⁠। अ॒फ्सुयो॑नि॒रित्य॒फ्सु—यो॒निः॒⁠। वै⁠। अश्वः॑⁠। अ॒फ्सु॒ज इत्य॑फ्सु—जः⁠। वे॒त॒सः⁠। स्वे⁠। ए॒व⁠। ए॒न॒म्⁠। योनौ᳚⁠। प्रतीति॑⁠। स्था॒प॒य॒ति॒⁠। च॒तु॒ष्टो॒म इति॑ चतुः—स्तो॒मः⁠। स्तोमः॑⁠। भ॒व॒ति॒⁠। स॒रट्⁠। ह॒⁠। वै⁠। अश्व॑स्य⁠। सक्थि॑⁠। एति॑⁠। अ॒वृ॒ह॒त्⁠। तत्⁠। दे॒वाः⁠। च॒तु॒ष्टो॒मेनेति॑ चतुः—स्तो॒मेन॑⁠। ए॒व⁠। प्रतीति॑⁠। अ॒द॒धुः॒⁠। यत्⁠। च॒तु॒ष्टो॒म इति॑ चतुः—स्तो॒मः⁠। स्तोमः॑⁠। भव॑ति⁠। अश्व॑स्य⁠। स॒र्व॒त्वायेति॑ सर्व—त्वाय॑ [४८] (सर्व॑म् पा॒प्मान॑ मवृह॒द् द्वाद॑श च) ॥१२॥
अनुवाकाः पञ्चशती
१२ ४८