RV 1.27.13
सद॑स॒स्पति॒ मद्भु॑तं प्रि॒यमिन्द्र॑स्य॒ काम्यं᳚। सनिं॑ मे॒धाम॑यासिषं॥सप्र॑थ स॒भां मे॑ गोपाय। ये च॒ सभ्या᳚ स्सभा॒सदः। तानि॑न्द्रि॒याव॑तः कुरु। सर्व॒मायु॒रुपा॑सतां। अहे॑ बुद्ध्निय॒ मन्त्रं॑ मे गोपाय। यमृष॑यस्त्रैवि॒दा वि॒दुः। ऋच॒ स्सामा॑नि॒ यजू॑ꣳषि। सा हि श्रीर॒मृता॑ स॒तां॥पर्व॑त इ॒वा वि॑शाचलिः। इन्द्र॑ इवे॒ह ध्रु॒वस्ति॑ष्ठ। इ॒ह रा॒ष्ट्रमु॑ धारय। अ॒भिति॑ष्ट पृतन्य॒तः। अधरे॑ सन्तु॒ शत्र॑वः। इन्द्र॑ इव वृत्र॒हा ति॑ष्ठ।ध्रु॒वं ते॒ राजा॒ वरु॑णो ध्रु॒वं दे॒वो बृह॒स्पतिः॑। ध्रु॒वं त॒ इन्द्र॑श्चा॒ग्निश्च॑ रा॒ष्ट्रं धा॑रयतां ध्रु॒वं॥RV 10.173.5
दे॒वीव्ँवाच॑मजनयन्त दे॒वाः। ताव्ँवि॒श्वरू॑पाः प॒शवो॑ वदन्ति। सानो॑ म॒न्त्रेष॒ मूर्जं॒ दुहा॑ना। ध॒नुर्वाग॒स्मानुप॒सुष्ट॒तैतु॑॥(सुमुहूर्तो ऽस्त्वित्यनु॑ गृह्ण॒न्तु। ) (सुमुहूर्तो॒ऽस्तु॒। सुप्रतिष्ठि॑तम॒स्तु। ) अ॒ग्निस्तु॒विश्र॑वस्तमं तु॒विब्र᳚ह्माणमुत्त॒मं। अतूर्त्तं᳚ श्राव॒यत्प॑तिं पु॒त्रं द॑दाति दा॒शुषे᳚। अ॒ग्निर् द॑दाति॒ सत्प॑तिं सा॒साह॒ यो यु॒धा नृभिः॑। अ॒ग्निरत्यं᳚ रघुष्यदं॒ जेता᳚र॒मप॑राजितं॥RV 5.25.5
नमः॑ स॒भाभ्य॑ स॒भाप॑तिभ्यश्च वो॒ नमः॑॥