१.(देवता॒ इन्द्रः) (दिक् पूर्वं)
त्रा॒तार॒मिन्द्र॑मवि॒तार॒मिन्द्र॒ꣳ॒ हवे॑हवे सु॒हव॒ꣳ॒ शूर॒मिन्द्रं᳚। हु॒वे नु श॒क्रं पु॑रुहू॒तमिन्द्र॑ꣴ स्व॒स्ति नो॑ म॒घवा॑ धा॒त्विन्द्रः॑॥२.(देवताअग्निः) (दिक्दख्षिण पूर्वं/आग्नेय दिक्)
त्वन्नो॑ अग्ने॒ वरु॑णस्य वि॒द्वान् दे॒वस्य॒ हेडोऽव॑ यासिसीष्ठाः। यजि॑ष्ठो॒ वह्नि॑तम॒ श्शोशु॑चानो॒ विश्वा॒ द्वेषा॑ꣳसि॒ प्र मु॑मुग्द्ध्य॒स्मत्॥३.(देवता॒ यमः) (दिक् दख्षिणं)
सु॒गन्नः॒ पन्था॒मभ॑यं कृणोतु। यस्मि॒न्नख्ष॑त्रे य॒म एति॒ राजा᳚। यस्मि॑न्नेनम॒भ्यषि॑ञ्चन्त दे॒वाः। तद॑स्य चि॒त्रꣳ ह॒विषा॑ यजाम। अप॑ पा॒प्मानं॒ भर॑णीर् भरन्तु॥४.(देवता निर्ऋतिः) (दिक् दख्षिण पश्चिमं)
असु॑न्वन्त॒मय॑जमानमिच्छ स्ते॒नस्ये॒त्यां तस्क॑र॒स्यान्वे॑षि। अ॒न्यम॒स्मदि॑च्छ॒ सा त॑ इ॒त्या नमो॑ देवि निर्ऋते॒ तुभ्य॑मस्तु॥५.(देवता वरुणः) (दिक् पश्चिमं)
तत्वा॑ यामि॒ ब्रह्म॑णा॒ वन्द॑मान॒स्तदाशा᳚स्ते॒ यज॑मानो ह॒विर्भिः॑। अहे॑डमानो वरुणे॒ह बो॒द्ध्युरु॑शꣳस॒ मा न॒ आयुः॒ प्र मो॑षीः॥६. (देवता वायुः) (दिक् उत्तर पश्चिमं)
आ नो॑ नि॒युद्भि॑श्श॒तिनी॑भिरद्ध्व॒रं। स॒ह॒स्रिणी॑ भि॒रुप॑याहि य॒ज्ञं। वायो॑ अ॒स्मिन्ह॒विषि॑ मादयस्व। यू॒यं पा॑त स्व॒स्तिभि॒स्सदा॑ नः॥७. (देवता सोमः) (दिक् उत्तरं)
व॒यꣳ सो॑म व्र॒ते तव॑। मन॑स्त॒नूषु॒ बिभ्र॑तः। प्र॒जाव॑न्तो अशीमहि॥८. (देवता ईशानः) (दिक् उत्तर पूर्वं)
RV 1.89.5
तमीशा॑नं॒ जग॑तस्त॒स्थुष॒स्पतिं᳚। धि॒यं॒जि॒न्वमव॑से हूमहे व॒यं। पू॒षा नो॒ यथा॒ वेद॑सा॒मस॑द् वृ॒धे र॑ख्षि॒ता पा॒युरद॑ब्धस्स्व॒स्तये᳚॥९. (देवता॒ ब्रह्म) [दिक् ऊर्द्ध्वं (श्क्य्)]
RV 8.63.1.2
अ॒स्मे रु॒द्रा मे॒हना॒ पर्व॑तासो वृ॒त्रहत्ये॒ भर॑हूतौ स॒जोषाः᳚। य श्शंस॑ते स्तुव॒ते धायि॑ प॒ज्र इन्द्र॑ज्येष्ठा अ॒स्मा अ॑वन्तु दे॒वाः॥१०. (देवता विष्णुः) [दिक् अधरं (फतालम्)]
स्यो॒ना पृ॑थि॒वि भवा॑ऽनृख्ष॒रा नि॒वेश॑नी। यच्छा॑न॒श्शर्म॑ स॒प्रथाः᳚॥